Талғар ауданының Кендала ауылында тұрғындар үшін маңызды жаңалық – жаңа автобус бағыты іске қосылды. Бұған дейін дачалық массив тұрғындары балалардың мектепке, ал ересектердің аудан орталығына жетуінде қиындықтар туындап келген еді.Аудан әкімінің тапсырмасы бойынша автокөлік және автомобиль жолдары бөлімінің мамандары, бөлім басшысы Асқат Досжановтың жетекшілігімен, №4 маршрут қозғалысын түзетіп, жаңа бағыт енгізді. Енді «Тегістік» бау-бақша серіктестігін Талғар қаласымен байланыстыратын автобус 13 көшені қамтиды.Маршрут саяжайларға кіріп, Сейфуллин атындағы №2 мектептің, аудандық аурухананың, әкімдіктің, орталық базардың жанынан өтіп, қала орталығына шығады. Бірден төрт автобус жолға шығарылып, ауыл тұрғындарының қатынауына едәуір жеңілдік жасалды.Жолақы Alempay картасымен – 120 теңге, балаларға – 60 теңге, қолма-қол – 200 теңге болып белгіленді. Асқат Досжановтың айтуынша, жаңа бағыттың ашылуы тұрғындардың көпшілік өтініштеріне тікелей жауап болды.Бұл өзгеріс Кендала ауылдық округінің тұрғындары үшін оқу, жұмыс және медициналық мекемелерге тез әрі ыңғайлы жетуге мүмкіндік беріп, олардың өмір сапасын арттыра түседі.Ақпарат көзі : https://www.gov.kz/memleket/entities/almobl/press/news/details/1063155?lang=kk

Алматы облысы соңғы жылдары қаржы тарту жағынан үлкен серпіліс жасап келеді. 2024 жылы өңірге 1 триллион 17,7 миллиард теңге көлемінде инвестиция тартылса, 2025 жылы бұл көрсеткіш 1 триллион 352 миллиард теңгеге жетуі ықтимал.2022–2024 жылдар аралығында облыста 724 миллиард теңгеге жуық қаржыға 98 жоба жүзеге асты. Соның арқасында 11 мыңнан астам адам жұмысқа орналасты. Биыл тағы 35 ірі жоба қосу жоспарланып отыр. Олардың қатарында "PepsiCo" зауыты мен "LC Waikiki" компаниясының қойма кешені бар.— Алматы облысы қазір шетелдік және отандық кәсіпкерлер үшін қолайлы аймаққа айналды. Алдағы жобалар өңірдің дамуына тың серпін береді, — деді облыстық экономика және жоспарлау басқармасының басшысы Асылан Ораз.Тартылған әр теңге — жаңа жұмыс орындары, заманауи өндіріс пен тұрақты табыс көзі. Бұл — облыстың жарқын болашағына жасалған нық қадам.Ақпарат көзі : https://www.gov.kz/memleket/entities/almobl/press/news/details/1063151?lang=kk

Алматы облысы – бүгінде тек табиғаты көркем өңір ғана емес, экономикалық қуаты артып келе жатқан алдыңғы қатарлы аймақ. 2024 жылы облыстың жалпы өңірлік өнімі 6 триллион теңгеге жетіп, 104,8 пайыздық өсімді көрсетті. Бұл – жай ғана статистика емес, нақты істер мен терең өзгерістердің көрінісі.Республика бойынша үздік бес өңірдің қатарынан табылу – кез келген аймақ үшін үлкен жетістік. Ал бұл көрсеткішке жету үшін Алматы облысы соңғы үш жылда тың серпінмен дамып, 2021 жылы республика бойынша 10-орында, 2022 9-шы орынды көрсетсе, бүгінде 5-орынға орнықты. Мұндай өрлеу – кездейсоқтық емес, жүйелі саясат пен батыл шешімдердің жемісі.Облыс бұрын аграрлық аймақ ретінде танылса, қазір өндіріс пен инвестицияның жаңа белесіне көтеріліп келеді. Мысалы, 2022 жылдан 2024 жылға дейін өнеркәсіп саласының өсімі 16,9 пайызды құрап, өндіріс көлемі 1 трлн 930 млрд теңгеге жетті. Бұл – отандық өнімнің үлесі артып, жаңа жұмыс орындарының құрылып, өңір халқының тұрмысы жақсаруда деген сөз. Сарапшылар 2025 жылы бұл көрсеткіш 2 трлн 210 млрд теңгеге жетеді деп болжап отыр.Облыстық экономика және бюджеттік жоспарлау басқармасының басшысы Асылан Ораз да осы бағыттағы міндеттерді айқындап берді:
– Біздің басты мақсатымыз – тұрақты экономикалық өсімді қамтамасыз ету және халықтың әл-ауқатын арттыру, – деді ол Өңірлік коммуникациялар қызметінде өткен баспасөз жиынында.Алматы облысының бүгінгі экономикалық қарқыны – нақты көрсеткіштермен дәлелденген табыс жолы. Бұл – жергілікті билік пен халықтың ортақ еңбегінің нәтижесі. Ал алдағы уақыттың еншісінде – өндірісті әртараптандыру, инвестициялық тартымдылықты арттыру және әлеуметтік тұрақтылықты сақтау міндеті тұр.Ақпарат көзі : https://www.gov.kz/memleket/entities/almobl/press/news/details/1063150?lang=kk

БҰҰ-ның 80 жылдығы қарсаңында, сондай-ақ Біріккен Ұлттар Ұйымы мен Шанхай ынтымақтастық ұйымы арасындағы ынтымақтастықтың 20 жылдығына орай БҰҰ Бас Ассамблеясы «БҰҰ мен Шанхай ынтымақтастық ұйымы арасындағы ынтымақтастық» қарарын қабылдап, онда Қазақстан Республикасы Президенті Қасым-Жомарт Тоқаевтың «Әділ әлем, келісім және даму жолындағы жаһандық бірлік туралы» бастамасына қолдау білдірілді.Қазақстанның ШЫҰ-ға төрағалығы аясында 2024 жылғы 4 шілдеде Астанада өткен «ШЫҰ плюс» саммитінде ҚР Президенті ұсынған және Мемлекеттер басшылары кеңесі мақұлдаған бастама БҰҰ-ның орталық үйлестіруші рөлі жағдайында неғұрлым әділетті, демократиялық және көпполярлы әлемдік тәртіпті қалыптастыруға бағытталған жаһандық күш-жігерге маңызды үлес болып танылды.БҰҰ Бас Ассамблеясының қарарды қабылдауы мемлекеттердің ынтымақтастығын нығайтуға, барлық елдердің тең мүмкіндіктерін қамтамасыз етуге және өзара сенім мен серіктестік қағидаттарын ілгерілетуге бағытталған қазақстандық бастаманың халықаралық қауымдастық тарапынан кең қолдау тапқанының айқын дәлелі болды.Аталған құжат Қазақстанның әлемдік қауымдастықта сұранысқа ие бастамаларды ұсынатын орта держава ретіндегі өскелең рөлін көрсетіп, ШЫҰ-ның жаһандық аренада ұстанымы барған сайын белсенді естілетін беделді өңірлік ұйым ретіндегі маңыздылығын көрсетеді.Ақпарат көзі : https://www.gov.kz/memleket/entities/mfa-gorgan/press/news/details/1063140?lang=kk

Бүгін, 4 қыркүйек күні Маңғыстау облысының әкімі Нұрдәулет Қилыбай Молдова Республикасының Қазақстан Республикасындағы Төтенше және Өкілетті Елшісі Штефан Гордамен кездесті. Кездесуде өңірдің экономикалық даму бағыттары мен екіжақты ынтымақтастықты кеңейту мәселелері сөз болды. Әкім Маңғыстаудың мұнай-газ өндіру, өңдеу өнеркәсібі, көлік және логистика, агроөнеркәсіп кешені, туризм салаларындағы әлеуетін таныстырды. Әсіресе Ақтау және Құрық порттарының мүмкіндіктері мен Транскаспий көлік дәлізінің маңызына назар аударылды. Бүгінде облыс Еуропа мен Азия арасындағы маңызды транзиттік аймаққа айналып отыр. Жылдық жүк өткізу қабілеті 20,8 млн тоннаны құрайтын порттар Қытай, Орталық Азия елдері мен Ресей аймақтарынан Түркия және Еуропаға дейін тиімді логистикалық қатынасты қамтамасыз етеді. Сондай-ақ тараптар ауыл шаруашылығы мен туризмді дамыту, екі ел арасындағы сауда көлемін арттыру мәселелерін талқылады. Қазіргі таңда Маңғыстау мен Молдова арасындағы сыртқы сауда айналымы 161 мың АҚШ долларын құрап отыр. Облыс әкімі Нұрдәулет Қилыбай екіжақты ынтымақтастықты нығайтуға бағытталған бастамаларды әрдайым қолдауға дайын екенін атап өтті. – Бұл кездесу біздің елдер арасындағы ынтымақтастықты нығайтуға үлкен мүмкіндік деп санаймын. Маңғыстау облысы өңдеу өнеркәсібі, көлік-логистика, туризм және ауыл шаруашылығы салаларында зор әлеуетке ие. Біз Молдова Республикасымен осы бағыттарда өзара тиімді жобаларды жүзеге асыруға дайынбыз, – деді Нұрдәулет Қилыбай.Ақпарат көзі : https://www.gov.kz/memleket/entities/mangystau-uiir/press/news/details/1063090?lang=kk

Астана, 2025 жылғы 6 қыркүйек – Украина тарапының бастамасымен Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Украина Сыртқы істер министрі Андрей Сибигамен телефон арқылы сөйлесті.Сұхбат барысында тараптар екіжақты және көпжақты форматтардағы ынтымақтастықтың қазіргі жағдайы мен даму перспективаларын талқылап, өзара қызығушылық тудыратын түрлі салаларда оны одан әрі нығайтуға ортақ мүдделілік білдірді.М.Нұртілеу өңірдегі тұрақтылықты нығайтуға ықпал ететін халықаралық құқық қағидаттарына негізделген берік бейбітшілікке қол жеткізу жолындағы дипломатиялық күш-жігерді жалғастырудың маңыздылығын атап өтті.Ақпарат көзі : https://www.gov.kz/memleket/entities/mfa/press/news/details/1063074?lang=kk

Ұлттық құрылтайда айтылған Мемлекет басшысының бастамасы аясында республикалық жоба қолға алынды. Шымкентте «Кітап оқитын ұлт» республикалық жобасының ресми тұсаукесері өтті. Ол Президент Қасым-Жомарт Тоқаевтың Ұлттық құрылтайда жариялаған бастамасы аясында көтерілді. Шараға университет және колледж оқытушылары, тәрбиешілер, жастар және БАҚ өкілдері қатысты. Жоба «Кітап оқуын ұлт» қоғамдық қорының бастамасымен жүзеге асырылуда. Оның басты мақсаты – елімізде кітап оқу мәдениетін дамытып, ұлттың интеллектуалдық әлеуетін арттырып, барлық жастағы азаматтарды сапалы әдебиетпен қамтамасыз ету. Жоба жан-жақты құрылымға ие және алты санатты қамтиды: Оқу мектебі Оқу колледжі Оқу университеті Оқу мұғалімі Мемлекеттік қызметшінің оқуы Оқу отбасы Әрбір қатысушы өз санаты үшін арнайы әзірленген тізімнен 15 жұмысты оқуы керек. Тізім Қазақстан Республикасы Білім министрлігінің, ғылыми институттардың және академиялық қоғамдастықтың өкілдері кірген сараптамалық топтың ұсыныстары негізінде бекітілді. Кітаптардың мазмұны мен көлемі оқырмандардың жасына және кәсіби бағдарына сәйкес таңдалады. Ең қысқа шығарма 120 бет, ал ең ұзыны 700-ден аспайды. Орташа алғанда бір кітап 300-400 бетті құрайды. Жобаның бағдарламалық тобының жетекшісі Бекарыстан Аманжоловтың айтуынша, бастаманың басты ерекшелігі – кітап оқуды ынталандыру үшін құрылған үлкен жүлде қоры. "Қазіргі таңда Қазақстан кітап оқитын елдердің әлемдік рейтингінде төменгі орында тұр. Біздің мақсатымыз - бұл көрсеткішті жақсартып, алғашқы ондыққа кіру. Ол үшін біз адамдарды қызықтыру үшін материалдық ынталандыру әдісін қолдандық. Әр номинация бойынша жеңімпазға 1 миллион теңге көлемінде сыйлық беріледі", - деді ол. Жалпы жүлде қоры 40 миллион теңгені құрайды. Әрбір санат беріледі: 1 орын – 1 000 000 теңге 2 орын – 600 000 теңге 3 орын – 400 000 теңге Жоба аясындағы іс-шаралар Жоба әртүрлі шараларды қамтиды: мектеп оқушылары үшін – әдеби байқаулар; колледж және университет студенттері үшін – дебаттар; мұғалімдер үшін – викториналар мен викториналар; мемлекеттік қызметшілер үшін – кәсіби әдебиеттер бойынша пікірталас. «Оқушы отбасы» аталымында кемінде бес адамнан тұратын отбасы мүшелері шығармаларды бірге оқып, талқылайды, сол арқылы үлгі көрсетеді. Қыркүйек-ақпан айлары аралығында қатысушылар кітап оқып, әр шығармаға қысқаша шолу жазады. Бүкіл процесс «Оқу» деп аталатын арнайы онлайн жүйесі арқылы бақыланады. Бұл платформа сіз оқыған кітаптарды тіркеуге, қатысушылардың рейтингтерін бақылауға және жарыстың әділдігін қамтамасыз етуге мүмкіндік береді. Жоба демеушілердің қолдауымен жүзеге асырылуда. Бас демеуші – «Алайгом электр» компаниясы. Негізгі серіктестер қатарына «АМАНАТ» партиясы мен жергілікті атқарушы органдар кіреді. Қазіргі уақытта жоба пилоттық түрде Қарағанды, Қостанай облыстары мен Шымкент қаласында жүзеге асырылуда. Алдағы уақытта бүкіл Қазақстанды қамту жоспарлануда.

Мемлекет басшысының Ұлттық Құрылтайда көтерген бастамасы аясында республикалық жоба іске қосылдыШымкент қаласында Мемлекет басшысы Қасым-Жомарт Тоқаевтың Ұлттық Құрылтайда көтерген бастамасы аясында «Кітап оқитын ұлт» республикалық жобасының ресми таныстырылымы өтті. Іс-шараға жоғары оқу орындары мен колледждердің оқытушылары, педагогтер, жастар және бұқаралық ақпарат құралдарының өкілдері қатысты.Аталған жоба «Кітап оқитын ұлт» қоғамдық қорының бастамасымен жүзеге асырылып отыр. Жобаның мақсаты – елімізде кітап оқу мәдениетін дамыту, ұлттың зияткерлік әлеуетін арттыру және әр жастағы азаматты сапалы әдебиетпен қамту.Кешенді құрылымға ие жоба алты санатты қамтиды:•    Кітап оқитын мектеп•    Кітап оқитын колледж•    Кітап оқитын университет•    Кітап оқитын педагог•    Кітап оқитын мемлекеттік қызметші•    Кітап оқитын әулетӘрбір қатысушы өзінің санатына сәйкес арнайы әзірленген кітаптар тізімі бойынша 15 туындыны оқуы тиіс. Бұл тізім ҚР Оқу-ағарту министрлігі, ғылыми институттар мен академиялық қауымдастық өкілдерінен құралған сарапшылар тобының ұсынысы негізінде бекітілген. Кітаптардың мазмұны мен көлемі оқырмандардың жас ерекшелігі мен кәсіби бағыттарына сай таңдалған. Ең қысқа шығарма – 120 бет, ал ең көлемдісі – 700 беттен аспайды. Орташа алғанда, бір кітаптың көлемі 300–400 бетті құрайды.Жоба бағдарламалар тобының жетекшісі Бекарыстан Аманжоловтың айтуынша, бастаманың басты ерекшелігі – кітап оқуға ынталандыру мақсатында қомақты жүлде қорының бөлінуі.«Қазақстан қазіргі таңда әлемдік рейтингте кітап оқитын елдер арасында төменгі орындарда тұр. Біз бұл көрсеткішті жақсартып, елімізді алғашқы ондыққа енгізуді мақсат тұтып отырмыз. Сол үшін халықты қызықтыруға бағытталған қаржылай ынталандыру тәсілін қолдандық. Әр санаттың жеңімпазына 1 миллион теңге көлемінде жүлде тағайындалды», – деді ол.Жалпы жүлде қоры – 40 миллион теңге. Әрбір санат бойынша:•    1-орын иегеріне – 1 000 000 теңге•    2-орынға – 600 000 теңге•    3-орынға – 400 000 теңге көлемінде сыйақы қарастырылған.Жобаның аясында түрлі форматтағы іс-шаралар өткізіледі:•    мектеп оқушылары үшін – әдеби байқаулар,•    колледж және ЖОО студенттері үшін – дебат турнирлері,•    педагогтер үшін – викториналар мен квиздер,•    мемлекеттік қызметшілер үшін – кәсіби әдебиеттер бойынша талқылау кездесулері.•    «Кітап оқитын әулет» санатында – кемінде бес мүшеден тұратын отбасы мүшелері бірлесе кітап оқып, шығармаларды талқылау арқылы үлгі көрсетеді.Қатысушылар қыркүйек пен ақпан айлары аралығында кітаптарды оқып, әр шығарма бойынша қысқаша рецензия жазып отырады. Барлық үдеріс «Readination» деп аталатын арнайы онлайн жүйе арқылы бақыланады. Бұл платформа қатысушылардың оқыған кітаптарын тіркеуге, рейтингін бақылауға және байқаудың әділ өтуін қамтамасыз етуге мүмкіндік береді.Жоба демеушілердің қолдауымен жүзеге асырылып отыр. Бас демеуші – «Alaygom Electric Company», негізгі серіктестер қатарында AMANAT партиясы және жергілікті атқарушы органдар бар.Қазіргі таңда бастама пилоттық жоба ретінде Қарағанды, Қостанай облыстары мен Шымкент қаласында қолға алынып жатыр. Алдағы уақытта жоба аясында бүкіл Қазақстанды қамту көзделуде.

"Таза Қазақстан" акциясы аясында ұйымдастырылған шара жастардың экологиялық мәдениетін арттыруға бағытталдыШымкент қаласында "Таза Қазақстан" экологиялық акциясы аясында ерікті жастарға арналған танымдық эко-экскурсия ұйымдастырылды. Іс-шараны Шымкент қаласының «Жастар ресурстық орталығы», «ASAA» волонтерлік ұйымы және «ЮНИСЕФ» еріктілер қозғалысы бірлесе өткізді.Экскурсия аясында қатысушылар қалдықтарды қайта өңдеу саласындағы жергілікті кәсіпорын – «ЭКО шина» зауытының жұмысымен танысты. Жастар пайдаланылған шиналарды қайта өңдеу үдерісін көзбен көріп, резеңке үгінділерінің өндірісі, оларды қайта пайдаланудың жолдары туралы ақпарат алды.Зауыт мамандары резеңке қалдықтарының экологияға зиянын, оларды қайта өңдеудің артықшылықтарын және бұл салада қолданылып жатқан жаңа технологиялар туралы кеңінен түсіндіріп берді. Сарапшылардың айтуынша, пайдаланылған шиналарды қайта өңдеу ауа мен топырақтың ластануын азайтуға мүмкіндік береді, сондай-ақ табиғи ресурстарды үнемдеу ісінде маңызды рөл атқарады.Экскурсия барысында жастардың экологиялық мәдениетін арттыруға, оларды қоршаған ортаға жауапкершілікпен қарауға баулу мәселелері де назардан тыс қалған жоқ. Ұйымдастырушылардың айтуынша, мұндай шаралар жастарды экологиялық бастамаларға белсенді қатысуға ынталандырып, олардың «жасыл сана» қалыптастыруына ықпал етеді.– Бүгінгі шара жастар үшін ерекше тәжірибе болды. Қалдықты кәдеге жарату саласындағы нақты мысалдар арқылы экологиялық проблемаларды шешуде әр адамның үлесі маңызды екенін көрсете алдық. Ерікті жастардың белсенділігі қуантады, – дейді іс-шараны ұйымдастырушылардың бірі.Айта кетейік, бұл бастама елімізде экологиялық жағдайды жақсартуға бағытталған «Таза Қазақстан» жалпыұлттық акциясы аясында жүзеге асырылып отыр. Аталған акцияның негізгі мақсаты – тұрғындардың экологиялық жауапкершілігін арттыру және қоршаған ортаны сақтау бойынша нақты іс-шараларды іске асыру.Мұндай мазмұнды және тәжірибелік шаралар алдағы уақытта да жалғасын таппақ. Ұйымдастырушылар жастардың экологиялық жобаларға қатысуын тұрақты түрде жандандыруды қолға алып отыр.

Астанада «Айбын-2025» XI халықаралық әскери-патриоттық жастар жиынында нәтижелі өнер көрсеткен ҚР Ұлттық қорғаныс университетінің «Ұлт қорғау» командасына құрмет көрсетілді. Салтанатты шараға университет басшылығы, профессорлық-оқытушылар құрамы, №3, №60 және №79 қалалық мектептердің мұғалімдері мен оқушылары қатысты.– «Айбын» жиыны – нағыз патриоттар мектебі. Жиында жыл сайын мектеп оқушыларының білімі, әскери және спорттық дағдылары тексеріледі. Біздің балалар 19 ұжым арасында 6-орын иеленді. Бұл жауынгерлік үйлесімді іс-әрекеттің көрсеткіші. Біз мұны үлкен жетістік деп санаймыз, өйткені университет командасы биыл ғана құрылды, – деді ҚР Ұлттық қорғаныс университетінің бастығы генерал-майор Асқар Мұстабеков.№79 мектеп-лицейінің оныншы сынып оқушысы Айбол Нұрбай жеке есепте пневматикалық мылтықтан оқ атудан екінші орын алды. Алғашқы әскери және технологиялық даярлық оқытушыларына және халықаралық жастар жиынына қатысушыларға алғысын білдіре отырып, жоғары оқу орнының бастығы оларға Қазақстанның бірінші қорғаныс министрі Кеңес Одағының Батыры, Халық қаһарманы армия генералы Сағадат Нұрмағамбетовтың 100 жылдығына орай шығарылған мерейтойлық медальдарды, грамоталарды, алғыс хаттар мен естелік сыйлықтарды табыс етті.Естеріңізге сала кетсек, Ұлы Жеңістің 80 жылдығына және Кеңес Одағының Батыры Әлия Молдағұлованың туғанына 100 жыл толуына орай «Айбын-2025» XI халықаралық әскери-патриоттық жастар жиыны маусым айында Ақтөбе қаласындағы Әуе қорғанысы күштері әскери институтының оқу-жаттығу орталығында өтті. Оған Әзербайжан, Беларусь, Қазақстан, Қырғызстан, Ресей және Өзбекстан командалары қатысты. Бақылаушы ретінде іс-шараға Қытай Халық Республикасының делегациясы қатысты.Ақпарат көзі : https://www.gov.kz/memleket/entities/mod/press/news/details/1063057?lang=kk

Қостанай облысында дене шынықтыруды дамыту мен халықтың спортқа тартылуын арттыруға бағытталған шаралар жүйелі түрде жүзеге асырылуда. Спорт мұнда қоғамның дамуымен және әл-ауқатымен тығыз байланысты аса маңызды құрамдас бөлік ретінде қарастырылады. Өңір тұрғындарының жасына да, тұрғылықты жеріне де қарамастан, белсенді әрі салауатты өмір салтына араласуына мүмкіндік беретін жағдайлар жасалуда.Соңғы деректер бойынша облыста 380 мыңнан астам адам тұрақты түрде спортпен айналысады. Бұл – халықтың шамамен 45,5 пайызы, яғни спортқа деген тұрақты қызығушылықтың айқын көрінісі. Ең қуантатыны – бұл қызығушылық біртіндеп тек қалаларда ғана емес, ауылдық жерлерде де кеңінен таралуда.Жұмыстың басты бағыттарының бірі – спорттық инфрақұрылымды дамыту. Тек 2025 жылдың өзінде өңірде төрт жаңа нысан пайдалануға берілді: Меңдіқара ауданында жабық хоккей корты, Сарыкөл ауданында дене шынықтыру-сауықтыру кешені, сондай-ақ Рудный қаласында жүздеген адамға арналған «Sokol» және «Sarybai» атты екі заманауи ФОК. Барлық нысандар инклюзия мен қолжетімділікті ескере отырып жобаланған, бұл мүмкіндігінше көбірек тұрғынды қамтуға жол ашады.Жастар мен оқушыларға ерекше көңіл бөлінуде. Жастар арасында түрлі жарыстар ұйымдастырылып келеді. Бүгінгі күнге дейін 38-Облыстық спартакиада, Конституция күніне арналған «Қазақстан қыраны – 2025» облыстық қазақ күресі турнирі және басқа да ауқымды спорттық іс-шаралар өткізілді. Біздің жасөспірімдер облыстық, республикалық және халықаралық деңгейдегі мыңдаған қатысушысы бар жарыстарда әрдайым жақсы нәтижелер көрсетіп жүр. Бұл – өңір спортын дамытуға бапкерлеріміздің де зор үлес қосып жатқанын дәлелдейді.Ұлттық спорт түрлері олимпиадалық спортпен қатар басым бағыт ретінде айқындалды. Соңғы жылдары ұлттық спорт түрлері серпінді дамуда. Қостанай облысында көкпар, асық ату, қазақша күрес, тоғызқұмалақ, аударыспақ, ат спорты бойынша бәйге түрлері және басқа да дәстүрлі спорт түрлері белсенді дамып келеді. Ай сайын шамамен 15-ке жуық жарыс өткізіліп, онда біздің жастар лайықты жетістіктерге жетуде. Бұл спорт түрлері өңірдің мәдени болмысының маңызды бөлігіне айналып, оларға деген жастардың қызығушылығы күн санап артып отыр.Ақпарат көзі : https://www.gov.kz/memleket/entities/kostanay/press/news/details/1063059?lang=kk

2025 жылғы 5 қыркүйекте Ұйғыр ауданында Қазақстан халқы тілдері күніне арналған «Тіл – татулық тірегі» облыстық тіл фестивалі өтті.Іс-шара аясында «Тіл және қоғам» көрмесі ұйымдастырылып, мерекеге жиналған жұртшылықты Ұйғыр ауданының әкімі Бота Елеусізова, ҚР Парламенті Мәжілісінің депутаты Болат Керімбек, ҚР Ғылым және жоғары білім министрлігі Тіл саясаты комитетінің Басқарма басшысы Қайыржан Рахымжанов, Алматы облыстық мәслихатының төрағасы Қуат Байғоджаев, сондай-ақ «Аманат партиясы жанындағы азаматтық қоғам мен мәдениетті дамыту жөніндегі «Мирас» аймақтық кеңесінің төрағасы Тәңірберген Қасымақынұлы,   Қазақстан халқы Ассамблеясының мүшесі, тіл жанашыры Дарья Шулима мен «Халықаралық «Қазақ тілі» қоғамы» қоғамдық бірлестігінің Алматы облыстық филиалының төрағасы Күлзира Сейітбекқызы құттықтады.Өз сөзінде Қуат Байғоджаев тілдің ел бірлігіндегі, қоғам тұрақтылығындағы рөлін атап өтіп, ұлт ұстазы Ахмет Байтұрсынұлының мұрасын ұлықтау – баршамыздың ортақ парызымыз екенін жеткізді. Ол: «Тіл – ұлттың болмысы ғана емес, елдегі бейбітшілік пен тұрақтылықтың берік іргетасы. Мемлекеттік тілдің қолданылу аясы жылдан-жылға кеңейіп, жастар арасында қазақ тілінде сөйлеу сәнге айналуда. Бұл – ең үлкен жетістігіміз», – деді.Фестиваль аясында тілдерді дамыту саласына қосқан сүбелі үлесі үшін өңірдің бір топ азаматтары Алматы облысы әкімдігінің, ҚР Ғылым және жоғары білім министрлігінің, сондай-ақ  «Халықаралық «Қазақ тілі» қоғамы» қоғамдық бірлестігінің Алматы облыстық филиалының марапаттарымен марапатталды.Салтанатты жиын «Сүйінбай сазы» халықтық фольклорлы-этнографиялық ансамблі мен өнер жұлдыздары қатысуымен «Тіл – тарихтың айнасы» атты концерттік бағдарламамен түйінделді.Қазақстандағы жүзден астам этнос өкілдерін бір шаңырақ астына ұйыстыратын мемлекеттік тілдің мерейін көтерген бұл шара жалпыхалықтық мерекеге айналды.Ақпарат көзі : https://www.gov.kz/memleket/entities/almobl/press/news/details/1063047?lang=kk

Қорғаныс министрлігінде Қазақстан Республикасы Қорғаныс министрінің бірінші орынбасары – Қарулы күштері Бас штабының бастығы генерал-лейтенант Сұлтан Қамалетдиновтың төрағалығымен ведомствоаралық кеңес өтті.Жиында көктемгі кезеңде Қарулы күштерді, басқа да әскерлер мен әскери құралымдарды жасақтау қорытындылары шығарылып, алдағы күзгі әскерге шақыру науқанына қойылатын міндеттер белгіленді.Кеңеске Қарулы күштер түрлерінің бас қолбасшылары, ведомствоның департаменттері мен бас басқармаларының басшылары, Қазақстан Республикасы Ұлттық қорғаныс университеті, Бас әскери прокуратура, Денсаулық сақтау, Ішкі істер, Төтенше жағдайлар министрліктері, Мемлекеттік күзет қызметі, ҰҚК Шекара қызметі мен Ұлттық ұланның өкілдері қатысты. Сонымен қатар  өңірлік шақыру және медициналық комиссиялардың төрағалары мен өзге де лауазымды тұлғалар бейнеконференция байланысы арқылы қосылды.Басты баяндама жасаған ҚР Қарулы күштері Бас штабы Ұйымдастыру-жұмылдыру жұмыстары департаментінің бастығы генерал-майор Алмас Исабеков Үкіметтің әскерге шақыруды ұйымдастыру жөніндегі тапсырмаларын орындаудың маңыздылығын еске салды.Әскерге шақыру комиссияларының төрағалары – Алматы қаласы әкімі аппаратының басшысы Ерлан Исабеков пен Қостанай облысы әкімінің орынбасары Бақытжан Нарымбетов тапсырмалардың орындалуы жөнінде есеп берді.Кеңесті қорытындылаған Қорғаныс министрінің бірінші орынбасары генерал-лейтенант Сұлтан Қамалетдинов медициналық комиссияларды қажетті дәрігер-мамандармен толықтыру, шақыру пункттерін медициналық құрал-жабдықтармен қамтамасыз ету мәселелерінің әлі де өзекті екенін атап өтті. Алыс аймақтарда шақыру пункттерінің Денсаулық сақтау министрлігінің ақпараттық жүйелеріне қосылу мәселесі толық шешілмеген.Осыған байланысты генерал-лейтенант Сұлтан Қамалетдинов күзгі шақыру науқанын ұйымдастыру және өткізу бойынша негізгі міндеттерді атап өтті. Әскерге шақырылушылардың медициналық тексеру сапасын арттыру, комиссияларды тар бейінді білікті мамандармен қамтамасыз ету қажеттілігіне ерекше назар аударылды.Құқықтық тәртіпті қамтамасыз ету мен шақыруға қатысты заңнамалық рәсімдердің орындалуына ішкі істер органдары мен әскери полиция бөлімшелері жауапты.Сондай-ақ Қорғаныс министрлігінің Тәрбие және идеологиялық жұмыс департаменті мен орталық мемлекеттік, жергілікті атқарушы органдардың әскери-патриоттық тәрбиені ұйымдастыруда тығыз ықпалдастықта жұмыс істеуінің маңыздылығы атап өтілді.Жергілікті атқарушы органдардың әскерге шақыру комиссиялары жұмысының сапасына баға келесі ведомствоаралық кеңесте берілетіні айтылды.Ақпарат көзі : https://www.gov.kz/memleket/entities/mod/press/news/details/1063043?lang=kk

Гояния, 2025 жылғы 4-5 қыркүйек – Қазақстан Республикасының Бразилиядағы Елшілігі Гояс штатының әкімшілігі мен Гояс сауда, өнеркәсіп және қызмет көрсету қауымдастығы (ACIEG) ұйымдастырған жыл сайынғы Орталық Бразилия халықаралық сыртқы сауда жәрмеңкесіне (FICOMEX) қатысты. Іс-шараға Бразилияның 26 ​​штатының сауда өкілдіктері, түрлі саладағы ірі компаниялар, сондай-ақ басқа елдердің дипломатиялық өкілдіктері қатысты.ҚР Елшілігі бірқатар келіссөздер жүргізіп, Қазақстанның инвестициялық және логистикалық артықшылықтарын, сондай-ақ IT, ауыл шаруашылығы және өнеркәсіп салаларындағы ынтымақтастық мүмкіндіктерін таныстырды. Сауда ынтымақтастығын орнату мақсатында кейбір штаттардың өкілдерімен жеке кездесулер өткізілді. Ақпарат көзі : https://www.gov.kz/memleket/entities/mfa-brazil/press/news/details/1063033?lang=kk

Нью-Йорк, 2025 жылғы 5 қыркүйек - БҰҰ-ның 80 жылдығы қарсаңында, сондай-ақ Шанхай ынтымақтастық ұйымы мен Біріккен Ұлттар Ұйымы арасындағы ынтымақтастықтың 20 жылдығына орай БҰҰ Бас Ассамблеясы «БҰҰ мен Шанхай ынтымақтастық ұйымы арасындағы ынтымақтастық» қарарын қабылдап, онда Қазақстан Республикасы Президенті Қасым-Жомарт Тоқаевтың «Әділетті бейбітшілік, келісім және даму үшін жаһандық бірлік туралы» бастамасына қолдау білдірілді.Қазақстанның ШЫҰ-ға төрағалығы аясында 2024 жылғы 4 шілдеде Астанада өткен «ШЫҰ плюс» саммитінде Мемлекет басшысы ұсынған және Мемлекеттер басшылары кеңесі мақұлдаған бастама, БҰҰ-ның орталық үйлестіруші рөлі жағдайында неғұрлым әділетті, демократиялық және көпполярлы әлемдік тәртіпті қалыптастыруға бағытталған жаһандық күш-жігерге маңызды үлес болып танылды.БҰҰ Бас Ассамблеясының қарарды қабылдауы, мемлекеттердің ынтымақтастығын нығайтуға, барлық елдердің тең мүмкіндіктерін қамтамасыз етуге және өзара сенім мен әріптестік қағидаттарын ілгерілетуге бағытталған қазақстандық бастаманың халықаралық қауымдастық тарапынан кең қолдау тапқанының айқын дәлелі болды.Аталған құжат Қазақстанның әлемдік қауымдастықта сұранысқа ие бастамаларды ұсынатын орта держава ретіндегі өскелең рөлін көрсетіп, ШЫҰ-ның жаһандық аренада белсенді естіліп келе жатқан беделді өңірлік ұйым ретіндегі маңыздылығын айқындайды.Ақпарат көзі : https://www.gov.kz/memleket/entities/mfa-kazakhstanun/press/news/details/1063034?lang=kk

2025 жылғы 5 қыркүйекте, Масқат қаласында - Қазақстан Республикасының Оман Сұлтандығындағы Елшісі Айдарбек Тұматовтың Оман Сұлтандығы «Sohar International» банкінің халықаралық ынтымақтастық мәселелері жөніндегі атқарушы директоры Әзиз Әл-Джахдамимен кездесуі өтті.Тараптар Қазақстан мен Оман арасындағы инвестициялық және сауда-экономикалық ынтымақтастықтың келешегі зор бағыттарын кеңінен талқылады. Атап айтқанда, оман тарапы Қазақстанның банк секторының жұмысы және инвестициялық мүмкіндіктеріне қызығушылық танытты.Елші А.Тұматов сұхбаттастарды еліміздің банк саласының қазіргі жағдайы, оның даму негізгі үрдістері, Қазақстандағы қаржы нарығының аса ірі акторларының активтері мен қызметтері туралы мәлімет берді. Ондағы кейінгі уақытта активтер мен таза пайданың ұлғаюы отандық банк секторы тұрақты өсім көрсетіп отырғанын атап өтті. Қаржы нарығы жаңа цифрлық технологияларды енгізудің және жаңа банк өнімдерінің пайда болуының арқасында белсенді дамып келеді.Кездесу қорытындысы бойынша тараптар қаржы ұйымдарымен және мүдделі мемлекеттік органдармен ынтымақтастық мәселелерін талқылау үшін жақын арада "Sohar International" банкі делегациясының Қазақстанға сапарын ұйымдастыру туралы уағдаластыққа қол жеткізген.Ақпарат көзі : https://www.gov.kz/memleket/entities/mfa-muscat/press/news/details/1063019?lang=kk

 Рио-де-Жанейро, 2025 жылғы 4–5 қыркүйек – «Рухани Жібек жолы: халықтар мен құрлықтарды жақындастырудағы рухани-адамгершілік құндылықтардың рөлі» атты VI Халықаралық конференциясы өтті. Конференция аясында БРИКС мұсылман елдері рухани көшбасшыларының II кездесуі мен Құранды оқудан БРИКС елдері өкілдеріне Халықаралық сыйлықты табыстау рәсімі өткізілді.Іс-шараларды Мұхаммед бин Заид атындағы гуманитарлық университетпен (БАӘ) ынтымақтастықта Бразилия мұсылман қауымдастықтарының федерациясы (FAMBRAS) мен РФ Мұсылмандарының діни басқармасы ұйымдастырды. Іс-шара барысында қатысушылар жалпы адамзаттық рухани-ар-ождандық құндылықтардың рөлі мен әлемдегі үйлесімділікті сақтаудың маңыздылығын талқылады. Сондай-ақ рухани көшбасшылар әртүрлі құрлықтарда тұратын халықтар ұлт пен конфессияаралық ықпалдастықты нығайтуға елеулі үлес қосатынына сенім білдірді.Аталған шарада Қазақстан тарапын ҚР Парламенті Сенатының Әлеуметтік-мәдени даму және ғылым жөніндегі комитетінің төрағасы Нұртөре Жүсіп бастап қатысып, ол өз баяндамасында ҚР Президенті Қ.Ж.Тоқаевтың басшылығымен елімізде жүргізіліп келе жатқан этнос пен дінаралық келісім саясатының маңыздылығын атап өтті және 17–18 қыркүйекте Астанада өтетін Әлемдік және дәстүрлі діндер көшбасшыларының VIII съезді жөнінде қатысушыларды хабардар етті. Бұл өз кезегінде, еліміздің бүкіл әлемде дін мен өркениетаралық диалогты тереңдетуге деген берік ұстанымының айқын дәлелі болып отыр.Ақпарат көзі : https://www.gov.kz/memleket/entities/mfa-brazil/press/news/details/1063003?lang=kk

Бас прокуратурада ұлы ақын Абай Құнанбайұлының 180 жылдық мерейтойына және ұлт ұстазы, ағартушы Ахмет Байтұрсынұлының туған күніне орай Қазақстан халқы тілдері күніне арналған қорытынды мерекелік іс-шара өтті.Салтанатты іс-шараны Бас Прокурордың орынбасары Ғалымжан Мәмбетұлы Қойгелдиев құттықтау сөзбен ашты. Өз сөзінде ол прокуратура органдарында Абай Құнанбайұлының 180 жылдық мерейтойы жоғары деңгейде өткеніне тоқталып өтті.Іс-шара аясында өңірлік прокуратураларда өткен «Бес асыл іс» республикалық байқауының жеңімпаздары марапатталды.  Бұл байқауға еліміздің түкпір-түкпірінен 400-ден астам қызметкер мен олардың балалары қатысып, Абай ілімін насихаттауға бағытталған өнері мен ізденісін паш етті.Өздерінің шығармашылық үлгісін көрсеткен жеңімпаздарға арнайы марапаттар табысталды.Сонымен бірге 21 шілде мен 10 тамыз аралығында прокуратура ұжымдары арасында өткізілген «Абай күні – бірлік үні» атты эстафеталық флешмобы да өз мәресіне жетіп, үздік шыққан өңірлік прокуратуралар Бас Прокурордың алғысына ие болды.Бұл бастама Абай мұрасын кеңінен дәріптеумен қатар ұжымдық ынтымақ пен ұйымшылдықтың көрінісіне айналды.2024 жылғы Абай оқуларының республикалық жеңімпаздары                 а.ж. 8-11 тамыз аралығында «Прокурорлар Абай елінде...»                        ғылыми-танымдық экспедицияға қатысып, Астана-Семей-Қарауыл бағыты бойынша ақын өміріне қатысты тарихи жерлерді аралады.Мерекелік іс-шараның ең әсерлі сәттерінің бірі – «Мен бір жұмбақ адаммын...» зияткерлік ойыны болды.Бас прокуратураның құрылымдық бөлімшелерінен құралған 60 адамнан тұратын алты команда өздерінің білімдерін ортаға салып, ұлы ақынның өмірі, философиялық ойлары мен шығармашылық мұрасына қатысты сұрақтарға жауап берді.Сайыс қорытындысы бойынша:І орын – «Көзімнің қарасы» тобы, топ басшысы Әбілқайырова Гауһар Мұханқызы – Басқарма прокуроры, 2-Қызмет, Стратегиялық даму департаменті, Қаржы департаменті, Ішкі аудит басқармасының қызметкерлерінен құралған командаға;ІІ орын – «Абай рухы» тобы, топ басшысы Жиделбай Нұрсұлтан Нұрланұлы – Басқарма аға прокуроры, 4-Қызмет, Кадрлық жұмыс департаменті, Мемлекеттік құпияларды қорғау басқармасының қызметкерлерінен құралған командаға;ІІІ орын – «Хан Шыңғыс» тобы, топ басшысы Мақұлбаев Нұрбұлан Есенгелдіұлы – Бас Прокурордың аға көмекшісі, Бас Прокурор Аппараты, 5-Қызмет, Норма шығармашылық қызметін үйлестіру департаментінің командасына берілді.Зияткерлік дода тартысты өтіп, жеңімпаздар бағалы сыйлықтармен марапатталды.Салтанатты жиынға арнайы шақырылған белгілі абайтанушы ғалымдар мен қоғам қайраткерлер өздерінің тұжырымды ойларымен, тағылымды пікірлерімен бөлісті. Бас прокуратураның баспасөз қызметіАқпарат көзі : https://www.gov.kz/memleket/entities/prokuror/press/news/details/1062989?lang=kk

Найроби, 2025 жылғы 5 қыркүйек – Қазақстан Республикасының Кения Республикасындағы Елшісі, Қазақстан Республикасының Найробидегі БҰҰ бөлімшесі жанындағы Тұрақты өкілі Барлыбай Садықов Кения Ғарыш агенттігінің Бас директоры Хиллари Б.Кипгосгей мырзамен кездесті.Кездесу барысында Бас директор Хиллари Б.Кипгосгей мырзаға Қазақстан мен Кения арасындағы екіжақты ынтымақтастық, Қазақстандағы ғарыш қызметін дамыту, «Қазақстан Ғарыш Сапары» ҰК» АҚ қызмет бағыттары, сәтті ұшырылған қазақстандық байланыс спутниктері, сондай-ақ Қазақстан ғарыштық бағдарламасы аясында жүзеге асырылып жатқан спутниктік құрылыс саласындағы перспективалық жобалар туралы ақпарат берілді.Сонымен қатар, тараптар «Қазақстан Ғарыш Сапары» ҰК» АҚ мен Кения Ғарыш агенттігі арасындағы екіжақты ынтымақтастықтың келешегі, оның ішінде «Қазақстан Ғарыш Сапары» ҰК» АҚ қызметімен практикалық танысу үшін Кения делегациясының Қазақстанға сапарын ұйымдастыру мүмкіндігі, сондай-ақ ынтымақтастық туралы меморандумға қол қою мәселесі талқыланды.Бас директор Хиллари Б.Кипгосгей мырза қазақстандық тарапқа Кения ғарыш агенттігімен ынтымақтастыққа қызығушылық танытқаны үшін алғыс айтып, Кениядағы ғарыш саласын дамыту бойынша қабылданып жатқан шаралар, сондай-ақ осы салада қазіргі уақытта жүзеге асырылып жатқан жобалар туралы хабардар етті.Кениялық тарап Қазақстан Республикасымен ғарыштық технологияларды пайдалану және ұлттық ғарыштық әлеуетті арттыру арқылы экономиканың әртүрлі секторлары үшін деректерді жинау мен өңдеу саласында  ынтымақтастыққа мүдделі екенін білдірді.Кездесу қорытындысы бойынша тараптар өзара мүдделі мәселелер бойынша өзара іс-қимылды жалғастыруға, сондай-ақ ғарыш саласындағы ынтымақтастықты ілгерілету жөніндегі бірлескен шараларды егжей-тегжейлі талқылау үшін екі елдің тиісті құрылымдары арасында бейнеконференция форматында сарапшылық кездесулер ұйымдастыруға келісті.Анықтама: Кения Ғарыш агенттігі 2017 ж. Кения Президентінің Жарлығына сәйкес мемлекеттік корпорация ретінде құрылды. Агенттікке ұлттық әлеуметтік-экономикалық даму игілігі үшін ғарыштық технологияларды пайдалануды кеңейту мақсатында ғарыш қызметін ынталандыру, үйлестіру және реттеу өкілеттігі берілген. Агенттік қызметінің негізгі бағыттарына ғарыштық технологияларды пайдалануда мүдделі тараптармен олардың мүмкіндіктерін арттыру бойынша өзара іс-қимыл, жергілікті ғарыш мүмкіндіктері мен инфрақұрылымын дамыту, ғарыш саясатын әзірлеу және іске асыру, ғарышқа қатысты мәселелер бойынша халықаралық ынтымақтастыққа жәрдемдесу, ғарыш қызметінің құқықтық және нормативтік базасын құру және ғарыштық технологиялар мен олардың артықшылықтары туралы ақпараттандыруды арттыру кіреді.Ақпарат көзі : https://www.gov.kz/memleket/entities/mfa-nairobi/press/news/details/1062983?lang=kk

Астана, 2025 жылғы 4 қыркүйек – Қазақстан Республикасы Сыртқы істер министрінің орынбасары Әлібек Қуантыров АҚШ-тың сауда миссиясы аясында елімізге келген жетекші америкалық компаниялардың өкілдерімен кездесті. Келіссөздер барысында тараптар іске асырылып жатқан және перспективалы жобалардың жай-күйін, сондай-ақ америкалық компаниялардың қазақстандық нарықтағы қызметін кеңейту мәселелерін талқылады.Кездесу барысында «Honeywell» компаниясының өкілдері қазірдің өзінде Қазақстанда төрт кәсіпорын арқылы жұмыс істеп жатқанын және студенттерге арналған екі білім беру бағдарламасын ашқанын хабарлады. Жақын болашақта компания елдегі қызметін кеңейтуді жоспарлап отыр.«Apple» мен «Meta» деректер орталықтарын дамыту мәселелерін көтеріп, инфрақұрылымдық және реттеуші мәселелерді шешуге қолдау көрсетуін сұрады.«The Coca-Cola Company» Шымкентте зауытты іске қосқанын және Ақтөбе облысында тағы бір кәсіпорын салуды жоспарлап отырғанын хабарлап, мемлекеттік органдар тарапынан қолдау көрсетуге мүдделілік білдірді.«Boeing» Қазақстандағы қызметін кеңейту жоспарларын, соның ішінде авиация саласында жергілікті мамандарды оқыту және даярлау бағдарламаларын таныстырды.Бірқатар америкалық компаниялар өндіріс ашу және сауда бағыттарын дамыту арқылы Қазақстан нарығына шығуға қызығушылық білдірді.АҚШ Сауда палатасының аға вице-президенті Хуршид Чокси Қазақстанның америкалық бизнес үшін өңірдегі негізгі серіктес болып қала беретінін және индустрияландыру, инновациялар мен логистика салаларында жаңа инвестициялық мүмкіндіктер ашатынын атап өтті.Ә.Қуантыров америкалық компаниялардың Қазақстанға жоғары қызығушылығын атап өтті: «Біз америкалық бизнестің Қазақстанмен ынтымақтастықты кеңейтуге деген айтарлықтай ұмтылысын көріп отырмыз. Келесі жылы ашылатын Алматы-Нью-Йорк тікелей әуе рейсі, біздің қатынастарымыздың деңгейін ескерсек, көптен күткен қадам. Ол серіктестіктің дамуына қосымша серпін беріп, бизнес үшін жаңа мүмкіндіктер ашады», – деді ол.Кездесу қорытындысы бойынша тараптар айтылған бастамаларды жан-жақты пысықтауды жалғастыруға және жобаларды барынша тез практикалық іске асыруға жан-жақты қолдау көрсетуге уағдаласты.Ақпарат көзі : https://www.gov.kz/memleket/entities/mfa/press/news/details/1062952?lang=kk