Астанада Қорғаныс министрі, авиация генералы-лейтенанты Дәурен Қосанов жыл сайынғы «Әскер тарланы» байқауының жеңімпаздарын марапаттады.Ведомство басшысы құттықтау сөзінде армияны дамытудың негізгі басымдықтары ретінде ұтқырлықты, технологиялық жаңашылдықты және жеке құрамның қажеттіліктеріне бағдарлануды тілге тиек етті.Министр қорғаныс саласына ақпараттық технологияларды кеңінен енгізудің маңызын айрықша атап, бұл үдеріс әскери басқару жүйелерін жетілдіруді, құқық тәртібін қамтамасыз етуді, медициналық мониторинг жүргізуді және азаматтарға көрсетілетін сервистік қызметтерді қамтитынын жеткізді.– Бүгін біз күнделікті қызметімен кәсібиліктің сөзбен емес, нақты іспен өлшенетінін дәлелдеген азаматтарға құрмет көрсетіп отырмыз. «Әскер тарланы» – бұл командирлер сенімінің, қарулас серіктер сыйластығының және отбасылар мақтанышының айқын белгісі.Сіздердің білімдеріңіз бен сабырларыңыз, тәртіпке деген беріктіктеріңіз және жолдастық рухтарыңыз – армияның ең асыл құндылығы. Біздің басты міндетіміз – адал қызмет пен кәсіби дамуға қолайлы жағдай жасау. Әрбір әскери қызметші өзіне жүктелген жауапты міндетті жанқиярлықпен, абыроймен атқарған еңбегі әрдайым еленіп, лайықты бағасын алатынына сенімді болуы керек, – деді қорғаныс министрі.Кәсіби сайыс қорытындысы бойынша үздік ұшқыш аталымын майор Асхат Тезекбаев (53975 әскери бөлімі) жеңіп алды. Ал «Маңғыстау» зымыран-артиллериялық кемесінің командирі 3-дәрежелі капитан Ермекбай Оспанов (29011 әскери бөлім) үздік теңізші атанды.Арнайы операциялар күштерінің 20030 әскери бөлімінде қызмет ететін аға лейтенант Бақытжан Жайлаубаевтың ерлігі мен батылдығы «Жаужүрек» номинациясымен бағаланды. Ал сержант Андрей Фукске (Әуе шабуылына қарсы қорғаныс әскерлеріне қарасты 97638 әскери бөлім) «Әуе қорғаушысы» номинациясы бұйырды.Жауынгерлік сайыста үздік сержант аталымы 3-сыныпты сержант Жандос Рақымғазыға (18404 әскери бөлімі) берілді. Ал спорттағы жоғары жетістіктері үшін 35950 әскери бөлімінің өкілі капитан Жолдас Сапар «Үздік спортшы» номинациясымен марапатталды.Құрлық әскерлерінің төрт бірдей маманы кәсіби шеберлігімен жоғары құрметке болды. Үздік артиллерист аталымы аға сержант Данияр Бекжанға (12740 әскери бөлімі) бұйырса, кіші сержант Асхат Тыныштық (25744 әскери бөлімі) жауынгерлік машинаның үздік командирі деп танылды. Ал мергендер арасында ефрейтор Елнұр Көзжан (99116 әскери бөлімі) үздік атанса, сержант Қуандық Ахметқалиев (10810 әскери бөлімі) жауынгерлік машинаның үздік жүргізушісі аталымын иеленді. Сонымен бірге Өскемен қаласындағы әскери лазаретте қызмет атқаратын сержант Анна Голованованың мейірімділігі мен адалдығы «Абзал жан» номинациясымен бағаланды.Бітімгерлік миссиясындағы үлгілі қызметі үшін Бітімгерлік операциялар орталығының өкілі майор Бахтияр Батталов үздік бітімгер атанды. Ал үздік байланысшы аталымы аға сержант Рүстем Ерденбековке (54380 әскери бөлімі) берілсе, саперлер арасында сержант Сағит Мыңбай (44859 әскери бөлімі) «Қайсар жүрек» аталымымен дараланды.Бұдан бөлек капитан (54179 әскери бөлімі) Медет Күзембаев Радиоэлектрондық күрес саласындағы үздік маман ретінде танылды. Жедел кезекші аталымын подполковник Артур Мисалим (78639 әскери бөлімі) иеленсе, тылдық қамтамасыз ету саласының үздік маманы номинациясымен кіші сержант Айбек Есенжолов (44293 әскери бөлімі) марапатталды. Ал радиациялық, химиялық және биологиялық қорғау әскерлерінің үздік маманы аталымы сержант Ернұр Тәңірбергенге (22534 әскери бөлімі) табысталды.Кәсіби сайыс жеңімпаздары қатарында майор Азамат Ашықов (44803 әскери бөлімі) кадр қызметінің үздігі, 12740 әскери бөлімі командирінің орынбасары, подполковник Ренат Қалидолдин тәрбие жұмысы жөніндегі үздік офицер атанды. Ақтау өңірлік гарнизонынан кіші сержант Қыдырғали Әділхан әскери полиция қызметі бойынша үздік деп танылды.Ұйымдастыру-жұмылдыру жұмыстары департаментінің өкілі әділет полковнигі Бекзат Асқаров құқық саласындағы үздік маман аталымымен марапатталды. Қаржы қызметі бойынша үздік аталымы подполковник Нұргүл Досымбаеваға (32039 әскери бөлімі) бұйырса, Радиоэлектроника және байланыс әскери-инженерлік институтының өкілі полковник Өркен Дүйсембеков оқытушы мамандығы бойынша үздік деп танылды.«Мерейлі отбасы» байқауында Әуе қорғанысы күштерінің 54835 әскери бөлімінде қызмет ететін майор Ерлан Шыналиевтің отбасы жеңімпаз атанды.Ал «Жыл серпілісі» аталымы елордадағы 68665 әскери бөлімінің «Жұлдызды жігіттер» командасына берілді. Бұл өнерлі ұжым 64 команда қатысқан «Қазақстан CUP» лигасында үшінші орын иеленіп, 2026 жылы өтетін жастарға арналған «Жайдарман» ұлттық лигасына жолдама алды.Сондай-ақ «Жас сарбаз дауысы» номинациясы Мәскеуде өткен «Голос. Дети» шоуының он екінші маусымында үшінші орын иеленген «Жас сарбаз» шығармашылық студиясының тәрбиеленушісі Жасмина Түзеловаға табысталды.Іріктеу жұмыстары 27 номинация бойынша жүргізілді. Кәсіби байқау жеңімпаздары дипломдармен, атаулы мүсіншелермен және ақшалай сыйлықақылармен марапатталды.Ақпарат көзі : https://www.gov.kz/memleket/entities/mod/press/news/details/1129052?lang=kk

2025 жылғы 18 желтоқсанда Министрліктің әдеп жөніндегі уәкілі мен заң департаментінің бірлесуімен «Қызметтік әдеп, кәсіби жауапкершілік және сыбайлас жемқорлықтың алдын алу» тақырыбында семинар-оқыту өткізілді.Іс-шара барысында мемлекеттік қызметшілердің қызметтік әдеп талаптары, заңдылық қағидаттары, лауазымдық міндеттерді адал орындау және жеке жауапкершілік мәселелері түсіндірілді.Семинар аясында мерекелік және демалыс күндері мемлекеттік қызметшілердің мінез-құлқына қойылатын талаптарға жеке назар аударылып, ұстамдылық таныту және қызметтік әдеп нормаларын сақтау қажеттігі атап өтілді.Сондай-ақ қоғамдық орындарда мас күйде болуға, көлік құралын алкогольдік, есірткілік немесе өзге де психоактивті заттардың әсеріндегі күйде басқаруға, сондай-ақ мұндай заттарды тұтынуға жол берілмейтіні ерекше атап өтілді, бұл әрекеттер қызметтік бедел мен кәсіби әдеп талаптарына сәйкес келмейді.Сонымен қатар тексерулер жүргізу және қызметтік іссапарлар кезінде, оның ішінде шетелдік іссапарларда, қызметтік шеңберді сақтау, мүдделер қақтығысына жол бермеу, сыйлықтар мен өзге де заңсыз артықшылықтарды қабылдамау бойынша практикалық ұсынымдар берілді.Семинар қорытындысында қызметтік әдеп пен кәсіби тәртіпті сақтау мемлекеттік қызметке деген қоғамдық сенімді нығайтудың маңызды факторы екені атап өтілді.Ақпарат көзі : https://www.gov.kz/memleket/entities/mti/press/news/details/1129002?lang=kk

2025 жылғы 16 желтоқсан күні, сағат 12:00–13:00 аралығында «Қордай ормандарды және жануарлар дүниесін қорғау жөніндегі мекеме» КММ-нің қорықшылары «Жусандала» мемлекеттік қорық аймағына кіретін «Аңырақай» орманшылығында кезекті рейдтік іс шара кезінде «JMC Dadao» маркалы жол талғамайтын автокөлігін ұстады. Оқиға орнынан Қазақстан Республикасының сирек кездесетін және құрып кету қаупі төнген 2 дарақ Қарақұйрық аңының ұшасы, 2 дарақ кекілік құсы және 5 дана аңшылық қаруы анықталды. Қазіргі таңда, барлық материалдар Қордай аудандық полиция бөлімшесіне тапсырылып, тиісті тергеп-тексеру жұмыстары жүргізілуде.Ақпарат көзі : https://www.gov.kz/memleket/entities/zhambyl-tabigat/press/news/details/1129034?lang=kk

2025 жылғы  19 желтоқсанда Үлкен Нарын ауданы мәслихатының бюджет, қаржы және ауданның әлеуметтік-экономикалық даму мәселелері жөніндегі тұрақты комиссиясының отырысы өтті.     Комиссия отырысында күн тәртібі бойынша «Үлкен Нарын, Новополяковка ауылдық округтерінің су тасқыны кезеңіне дайындығы туралы» Үлкен Нарын ауылдық округінің әкімі Маратбеков Даулет Маратбекұлының, Новополяковка ауылдық округінің әкімі Байбусунов Сержан Токторбековичтің, сонымен қатар, «Дипломмен – ауылға» бағдарламасына сәйкес Үлкен Нарын ауданына келген жас мамандарды әлеуметтік қолдау көрсетудегі шаралардың жүзеге асырылуы туралы» Үлкен Нарын ауданының экономика және қаржы бөлімінің басшысы Акимбетова Эльвира Женескановнаның баяндамалары тыңдалып, талқыланды.Отырысқа комиссия төрағасы Д.Веригин, комиссия мүшелері Т.Камбаров, Р.Жомартов қатысты.Депутаттар тиісті сұрақтар қойып, жауаптарын алды. Отырыс нәтижесінде ұсыныстар жасалып, тиісті қаулылар қабылданды.Ақпарат көзі : https://www.gov.kz/memleket/entities/maslikhat-ulken-naryn/press/news/details/1128985?lang=kk

#ҚРҚММКК #КГДМФРК #САЛЫҚТАР #НАЛОГИ #кеден таможняАқпарат көзі : https://www.gov.kz/memleket/entities/kgd-kostanay/press/news/details/1128956?lang=kk

Зейнетақы жинақтарының 2026 жылға арналған ең төменгі жеткіліктілік шегі жарияланды БЖЗҚ Әлеуметтік кодекстің талаптарына сәйкес жыл сайын келесі қаржы жылына арналған республикалық бюджет туралы Заң ресми жарияланғаннан кейін бес жұмыс күнінен кешіктірмей бұқаралық ақпарат құралдарында, сондай-ақ өзінің интернет-ресурсында алдағы жылға есептелген зейнетақы жинақтарының ең төменгі жеткіліктілік шегін (ТЖШ)  орналастыру туралы міндетін орындай отырып, 2026 жылға арналған ТЖШ туралы хабарлайды. Естеріңізге сала кетейік, ТЖШ – бұл салымшыны ай сайынғы зейнетақының ең төменгі мөлшерінен төмен емес мөлшерде қамтамасыз ету үшін қажетті зейнетақы жинақтарының ең төменгі мөлшері (міндетті зейнетақы жарналары есебінен қалыптастырылған). Бұл ағымдағы және болжамды әлеуметтік-экономикалық көрсеткіштерге, ең төменгі зейнетақы мөлшеріне, ең төменгі жалақыға, ең төменгі күнкөріс деңгейіне, сондай-ақ инфляция мен инвестициялық кірістілікке сүйене отырып есептелетін зейнетақы жинақтарының бағалау сомасы. Басқаша айтқанда, ең төменгі жеткіліктілік шегі – салымшы зейнеткерлік жасқа жеткенде ең төменгі зейнетақы мөлшерінен кем емес зейнетақы төлемдерін (ең төменгі базалық зейнетақы төлемін ескере отырып) алуы үшін шотта қалуға тиіс ең төменгі көрсеткіш. ТЖШ есептеу зейнетақы жинақтарының ең төменгі жеткіліктілік шегін айқындау әдістемесіне (бұдан әрі – әдістеме) (ҚР Үкіметінің 30.06.2023 №521 қаулысымен (бұдан әрі – №521 қаулы) бекітілген) сәйкес жүргізіледі.Әдістемеге сәйкес, 2026 жылғы ТЖШ есептеу кезінде Қазақстан Республикасының «2026-2028 жылдарға арналған республикалық бюджет туралы» Заңында айқындалған 2026 жылға арналған келесі әлеуметтік-экономикалық көрсеткіштер пайдаланылды:1) ең төменгі жалақы мөлшері – 85 000 теңге;2) зейнетақының ең төменгі мөлшері – 69 049 теңге;3) ең төменгі күнкөріс деңгейі – 50 851 теңге. Нәтижесінде 2026 жылы ТЖШ мөлшері орта есеппен 10%-ға өсті, бұл жалпы инфляцияның ағымдағы және болжамды мәндеріне сәйкес келеді. ТЖШ қатысты бейне түсініктеме – БЖЗҚ/ЕНПФ YouTube арнасында. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).   Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1128962?lang=kk

2025 жылғы 18 желтоқсанда Шығыс Қазақстан облысы бойынша Мемлекеттік кірістер департаментінде Қазақстан Республикасының Тәуелсіздік күніне орай ШҚО жоғары оқу орындарының студенттері үшін Ашық есік күні өткізілді.Іс - шара жастарды мемлекеттік кірістер органдарының қызметімен таныстыру, мемлекеттік қызметке деген қызығушылықтарын арттыру, сондай-ақ студенттерді өндірістік іс - тәжірибеден өтуге және алдағы уақытта ведомствоға жұмысқа орналасуға тарту мақсатында ұйымдастырылды.Ашық есік күні барысында Департамент өкілдері қатысушыларға мемлекеттік кірістер органдары қызметінің негізгі бағыттары, мемлекеттің экономикалық қауіпсіздігін қамтамасыз етудегі және бюджетті толтырудағы рөлі, сондай-ақ мемлекеттік қызметке кіру талаптары мен мүмкіндіктері туралы ақпарат берді. Студенттер іс-тәжірибеден өту тәртібі, тағылымдамадан өту шарттары және мансаптық өсу болашағы туралы ақпарат алды.Іс - шара аясында спикерлер мемлекеттік қызметте ашықтық, заңдылық және адалдық қағидаттарын сақтауға бағытталған мемлекеттік кірістер органдарында жүзеге асырылып жатқан сыбайлас жемқорлыққа қарсы іс-қимыл шараларымен таныстырды.Сонымен қатар, құрылымдық бөлімшелердің мамандарымен таныстыру кездесулері, презентациялар және Департамент мұражайына экскурсия ұйымдастырылды.Кездесудің ресми бөлімі аяқталғаннан кейін студенттерге кеден бекеттерінің қызметі барысында қолданылатын заманауи кедендік тексеру және бақылау құралдары мен техникалық құралдар көрсетілді.Ашық есік күнінің өткізілуі мемлекеттік органдар мен білім беру ұйымдары арасындағы өзара ынтымақтастықты нығайтуға, сондай-ақ Шығыс Қазақстан облысы бойынша мемлекеттік кірістер органдарының кадрлық әлеуетін қалыптастыруға маңызды қадам болды.@amanzholov_universityАқпарат көзі : https://www.gov.kz/memleket/entities/kgd-vko/press/news/details/1128925?lang=kk

ҚАЙНАРБҰЛАҚ ТҰРҒЫН АЛАБЫНДА ЭЛЕКТР ЖЕЛІСІ ЖҮРГІЗІЛУДЕШымкент қаласының Қайнарбұлақ тұрғын алабында электр желісі құрылысының 2-кезегі жүзеге асырылуда. Жоба іске асқан жағдайда 4 мыңға жуық абонент тұрақты және сапалы электр энергиясымен қамтамасыз етіліп, аумақта заманауи электр инфрақұрылымы қалыптастырылады. Жобаны Шымкент қалалық энергетика және инфрақұрылымды дамыту басқармасының тапсырысы бойынша «Отау Строй» ЖШС мердігер мекемесі жүзеге асыруда. Жалпы 90 шақырымға жуық желі тартылып, 26 дана трансформатор қойылады. Наурыз айында басталған құрылыс 2026 жылдың күзінде аяқталады деп күтілуде. Бүгінгі таңда жоспарлы жұмыстың 30 пайызы орындалды. Жоба Шымкент қаласының инженерлік инфрақұрылымын дамытуға, тұрғындардың өмір сүру сапасын арттыруға және қаланың тұрақты әлеуметтік-экономикалық дамуына оң әсерін тигізеді.  Ақпарат көзі : https://www.gov.kz/memleket/entities/shymkent-energetika-kommunal/press/news/details/1128873?lang=kk

16 желтоқсан - Тәуелсіздік күні мерекесі құрметіне ауданымыздың Желтоқсан оқиғасына қатысушысы Жапарова Гүлназ Сейсебайқызына аудан әкімі Құтпанбетов Азат Үкітайұлы арнайы құттықтауын жолдап, олардың ел тәуелсіздігі жолындағы ерлігі мен батылдығына құрмет білдірді. Желтоқсаншылардың өр рухы - бүгінгі ұрпақ үшін еркіндік пен мемлекеттіліктің мәнін айқындайтын үлгі. Тәуелсіздігіміз тұғырлы да мәңгі болсын!Ақпарат көзі : https://www.gov.kz/memleket/entities/balkhash-bakbakty/press/news/details/1128862?lang=kk

Мемлекеттік сатып алулар жүйесінде ЭЦҚ тек кіру құралы емес, ол – жеке тұлғаны, оның құзыретін және жауапкершілігін растайтын заңды тіркеу нышаны. Жүйеде жасалған әр әрекет, жүктелген әр құжат – нақты адамның цифрлық ізі.Сондықтан, егер жеткізуші қызметтер немесе жұмыстар бойынша біліктілік талаптарында белгілі бір мамандарды көрсетсе, олардың әрқайсысында өзінің жеке ЭЦҚ-сы болуы тиіс. Бір ЭЦҚ-ны директорға да, бухгалтерге де ортақ қолдану – жол берілмейтін қателік.1. ЭЦҚ – маманның жеке заңды идентификаторыЭлектрондық қолтаңба:маманның жеке басын;оның жобаға нақты қатысуын;ұсынылған мәліметтердің шынайылығына жауапкершілігін;біліктілікке қатысты құжаттардың түпнұсқалығын растайды.Бұл бір маманның бір уақытта бірнеше сатып алуға «қатысып жүруін» немесе компанияның іс жүзінде жұмысқа тартпаған адамдарды өтінімге қосуын болдырмайды.2. Өтінімде көрсетілген маман = жеке ЭЦҚ-сы бар маманҚызметтер мен жұмыстарды сатып алу кезінде жеткізуші білікті, тәжірибелі мамандардың бар екенін растауы тиіс.Бұл растау толық және заңды деп танылуы үшін маман:штатта болуы немесе ресми шартпен тартылуы,құжаттары дұрыс рәсімделуі,оның біліктілігіне қатысты файлдардың барлығы жеке ЭЦҚ-мен қол қойылуы қажет.Бұл — адалдық пен ашықтық талабы: өтінімде көрсетілген әр адам жүйе арқылы жеке расталуға тиіс.3. Неге қызметкерлерге тиесілі құжаттарды директордың ЭЦҚ-мен қол қоюға болмайдыЕң жиі кездесетін қателіктердің бірі – барлық құжаттарды директордың ЭЦҚ-мен қол қою.Бұл неге дұрыс емес:директор қызметкерлердің кәсіби біліктілігін растай алмайды;өзге адамның тәжірибесіне заңды түрде «қол қоюға» құқығы жоқ;бұл біліктілік талаптарының мәнін бұрмалайды;өтінімнің сәйкессіздігіне және оның қабылданбауына әкелуі мүмкін.Директордың ЭЦҚ-сы – компанияның басқарушылық әрекеттерін растайды.Маманның ЭЦҚ-сы – оның жеке кәсіби құзыретін растайды.Бұл – жауапкершіліктің екі түрлі деңгейі.4. Бұл талап тапсырыс берушіге де, жеткізушіге де не бередіТапсырыс беруші үшін – жұмысты нақты тәжірибелі мамандар орындайтынына кепілдік.Жеткізуші үшін – жалған кадрлар туралы шағымдардан қорғаныс және өтінімнің тексерістен сүрінбей өтуі.ЭЦҚ — адал қатысушыларды формалды қатысушылардан ажыратып тұратын цифрлық сүзгі. Ақпарат көзі : https://www.gov.kz/memleket/entities/zhetysu-sp/press/news/details/1128834?lang=kk

Любляна, 2025 жылғы 17 желтоқсан - Қазақстан мен Словения мемлекеттерінің басшылары арасында 2025 жылғы наурызда қол жеткізілген уағдаластықтарға сәйкес, сондай-ақ Транскаспий халықаралық көлік бағыты – Еуропаның ірі теңіз порттарының бірі «Лука Копер» орта дәлізін үйлестірудің негізгі қағидаттарын практикалық талқылау мақсатында Қазақстанның Словениядағы Елшісі Алтай Әбибуллаев порттың функционалдық қызметімен танысып, Басқарма төрайымы Невенка Кржанмен ынтымақтастық перспективаларын талқылады.Сұхбат барысында көлік, транзит және логистика саласындағы екіжақты ынтымақтастықты дамыту мәселелері бойынша сындарлы пікір алмасу өтті. Елші словен тарапына Қазақстанның Еуразиялық кеңістіктегі негізгі транзиттік мемлекеттердің бірі ретіндегі әлеуетін, сондай-ақ халықаралық маңызы бар теміржол және мультимодальды маршруттарды қоса алғанда, қазіргі заманғы көліктік-логистикалық инфрақұрылымды дамыту бойынша ҚР Үкіметінің қабылдап жатқан шаралары туралы таныстырды.Орта дәлізді дамытудың әлеуеті мен мүмкіндіктеріне, көлік бағыттарын әртараптандыру, жеткізу тізбегінің тұрақтылығын арттыру және еуропа мемлекеттері үшін логистикалық мүмкіндіктерді кеңейту міндеттеріне ерекше назар аударылды. Порт басқарма төрайымы «Лука Копердің» ағымдағы қызметі, оның инфрақұрылымдық мүмкіндіктері, терминалдардың мамандануы, сондай-ақ порт қуаттарын одан әрі дамыту және жаңғырту жоспарлары туралы ақпаратты ұсынды. Сындарлы диалогты жалғастыруға және практикалық өзара іс-қимылды дамытуға, оның ішінде ҚТЖ Экспресс және екі елдің басқа да бейінді құрылымдарымен және іскер топтарымен ынтымақтастықты кеңейту бөлігінде өзара мүдделілік расталды. Анықтама: Словенияның Лука Копер порты жылына 24/7, 365 күн жұмыс істейді, іс жүзінде ауа-райына ұшырамайды, Словенияның Адриатикалық жағалауында 283 га жерде орналасқан, порт ашық теңізге тікелей қол жеткізе алмайтын барлық ЕО елдері үшін шешуші рөл атқарады (Австрияға жалпы импорттың 1/3 бөлігі, Венгрияға импорттың 45%). Порт персоналы - Словенияның 2,5 мың жоғары білікті азаматы, жүк айналымының жыл сайынғы көлемі-23 млн. тонна немесе 1,5-1,8 млн контейнер, тауарлар мен жүктердің барлық түрлерін (мұнай мен газды қоспағанда), атап айтқанда, әлемдік брендтердің 1,1 млн жаңа автомобильдерін қабылдайды және жөнелтеді. Қазіргі уақытта Қытайдың шығыс жағалауынан және АТМ аймағынан Словенияның Лука Копер портына дейін теңіз арқылы жүктерді жеткізу ұзақтығы 43-46 күнді құрайды.Ақпарат көзі : https://www.gov.kz/memleket/entities/mfa-ljubljana/press/news/details/1128813?lang=kk

АЛЖИР, 2025 ж. 18 желтоқсан – ҚР Алжирдегі Елшісі Әнуарбек Ахметов Алжир Халық Демократиялық Республикасының Білім экономикасы, стартаптар және микрокәсіпорындар министрі Нуреддин Уадамен келіссөздер жүргізді.Тараптар цифрландыру және білім экономикасы саласындағы бірлескен жұмыстың перспективалы бағыттарын, сондай-ақ екі елдің мемлекеттік ұйымдар және жеке компаниялар арасындағы әлеуетті жобаларды егжей-тегжейлі талқылады.Ә.Ахметов алжирлік министрді Мемлекет басшысының Қазақстанда цифрландыру мен жасанды интеллектті дамыту жөніндегі бастамаларымен таныстырды, сондай-ақ оған Президентінің Қазақстан халқына Жолдауы мен «Цифрлық көпір-2025» форумында сөйлеген сөзінің мәтіндерін берді.Н.Уада еліміздің ұлттық цифрлық экожүйені дамытудағы, суперкомпьютерлерді тиімді пайдаланудағы және жасанды интеллектті кеңінен қолданудағы табыстарын жоғары бағалады. Ол ел Президенті деңгейінде экономикалық дамудың цифрлық векторын саяси қолдау табысқа жетудің басты факторы екенін атап өтті.Алжирлік министр осы инновациялық секторды жүйелі дамыту және келешегі бар инфрақұрылымды қалыптастыруда Еуразиялық аймақтағы басты цифрлық хаб ретінде Қазақстанның тәжірибесін зерделеуге және енгізуге қызығушылығын танытты.Кездесу барысында алжирлік министрге ҚР Жасанды интеллект және цифрлық даму министрлігімен дайындаған өзара түсіністік пен ынтымақтастық туралы меморандум жобасын ұсынылды.Тұтастай алғанда, әңгімелесушілер осы салада нақты, өзара тиімді нәтижелерге жылдам қол жеткізу үшін сарапшылық делегациялардың сапарларымен алмасуды қамтитын бірлескен іс-қимыл жоспарын белгіледі.Ақпарат көзі : https://www.gov.kz/memleket/entities/mfa-algeria/press/news/details/1128797?lang=kk

Любляна, 2025 жылғы 15 желтоқсан – Қазақстанның Словениядағы Елшісі Алтай Әбибуллаев Инвестицияларды тарту және экспортты ілгерілету жөніндегі SPIRIT Slovenia агенттігінің директоры Тамара Зайц Балажичпен кездесу өткізді. Кездесу барысында 2026 жылғы наурыз айында Словения Президентінің Қазақстанға жасаған ресми сапарының және оның аясында өткен қазақ-словен бизнес-форумының қорытындылары бойынша қол жеткізілген уағдаластықтарды іске асырудың нақты тетіктері талқыланды.Тараптар бірқатар басым әрі келешегі зор бағыттар бойынша ынтымақтастықты тереңдетудің маңыздылығын атап өтті. Атап айтқанда, фармацевтика саласы, жасанды интеллект пен ақпараттық-коммуникациялық технологиялар, Копер порты мен Орта дәлізді қамтитын көлік-логистикалық инфрақұрылымды дамыту, сондай-ақ гидроэнергетика, жылыжай технологиялары және заманауи ауыл шаруашылығы салаларындағы өзара іс-қимыл, инновациялық және орнықты шешімдерді енгізуге ерекше назар аударылды.Халықаралық нарықтарда қазақстандық шикізаттық емес экспортты «Made in Qazaqstan» брендімен ілгерілету аясында Словенияның ұлттық брендтерді қалыптастыру және ілгерілету саласындағы табысты тәжірибесіне ерекше мән берілді. Атап айтқанда, «I feel Slovenia» және «Slovenia: Green. Creative. Smart.» брендтері еуропалық және жаһандық деңгейде «Made in Slovenia» ұлттық экспортын, инвестициялық және туристік тартымдылықты ілгерілетудің айқын визиттік картасына айналғаны атап өтілді.«KAZAKH INVEST» Ұлттық компаниясы» АҚ-ның серіктесі ретінде SPIRIT Slovenia агенттігі экспортты қолдаудың ұлттық институты QazTrade ұйымымен жүйелі өзара іс-қимыл орнатуға, Сауда-экономикалық ынтымақтастық жөніндегі Үкіметаралық комиссияның V отырысын Люблянада бірлесіп ұйымдастыруға, сондай-ақ 2026 жылдың екінші жартысында Словенияның Қазақстанға бизнес-миссиясын ұйымдастыруға ерекше қызығушылық танытты. Аталған бастамалар жаңа бірлескен инвестициялық және кооперациялық жобаларды іске қосудың маңызды қадамы ретінде қарастырылуда.Ақпарат көзі : https://www.gov.kz/memleket/entities/mfa-ljubljana/press/news/details/1128793?lang=kk

Жаңа Салық кодексіндегі қосылған құн салығына қатысты өзгерістер мен жаңалықтарҚазақстан Республикасының Қаржы министрлігі жаңа Салық кодексі шеңберінде 2026 жылғы 1 қаңтардан бастап күшіне енетін қосылған құн салығы (ҚҚС) саласындағы негізгі өзгерістер туралы хабарлайды. Жаңартулар салықтық әкімшілендіруді ашық етуге, адал кәсіпкерлікті қолдауға және ҚҚС қолдану қағидаларын оңайлатуға бағытталған.Жаңа кодекс ҚҚС салығын салуға жатпайтын айналым санаттарын нақтылайды. Оларға мыналар жатады:ҚҚС-тан босатылған тауарлар, жұмыстар мен қызметтерді өткізу;өткізу орны Қазақстан Республикасының шегінен тыс орналасқан айналымдар;Кодекстің 474-бабында көзделген тізбедегі жекелеген тауар санаттарын өткізу;ойын бизнесі саласындағы қызмет;арнайы салық режимі қолданылатын операциялар;лотерея қызметіне байланысты айналымдар.Құрылыс компаниясының тұрғын үй ғимаратын немесе пәтерді өткізуі2026 жылғы 1 қаңтардан бұрын құрылысы басталған және (немесе) пайдалануға қабылданған тұрғын үй ғимаратын (пәтерді) өткізу.Тұрғын үй ғимаратын немесе пәтерді жалға беру2026 жылғы 1 қаңтарға дейін жасалған сатып алу құқығымен тұрғын үйді ұзақ мерзімді жалға беру шарты бойынша тұрғын үй ғимаратын немесе пәтерді жалға беру.ҚҚС-сыз сатып алынған тұрғын үй ғимаратын (пәтерді) өткізу кезінде айналым мөлшері өткізілетін нысанның құны мен бухгалтерлік есепте көрсетілген (қайта бағалау мен құнсыздануды есепке алмағанда) баланстық құнының оң айырмасы ретінде айқындалады.Бұл өзгерістер құрылыс саласының жаңа талаптарға біртіндеп көшуін қамтамасыз етеді.Ауыл шаруашылығы тауарын өндірушілер, қайта өңдеушілер және ауыл шаруашылығы кооперативтері үшін ҚҚС-тың есепке жатқызылатын қосымша сомасының мөлшері 70%-дан 80%-ға дейін ұлғайтылады.2026 жылғы 1 қаңтардан бастап ҚҚС жаңартылған қағидалар бойынша есепке жатқызылады:тауарлар, жұмыстар мен қызметтер бойынша — оларды факті бойынша алған күні;үшінші елдерден импорт бойынша — тауарларды шығарған күні;ЕАЭО елдерінен импорт бойынша — ҚҚС төленген күні;резидент емес тұлғалардың жұмыстар мен қызметтері бойынша — электрондық шот-фактура жазылған күні.Бұл нормалар есепке жатқызу сәтін айқындаудың бірыңғай әрі түсінікті тәртібін енгізеді.2026 жылдан бастап келесі салық мөлшерлемелері белгіленеді:16% — ҚҚС-тың базалық мөлшерлемесі.Төмендетілген мөлшерлемелер:2026 жылдан бастап 5% және 2027 жылдан бастап 10% — дәрілік заттарға, медициналық бұйымдарға және лицензияланған денсаулық сақтау субъектілерінің көрсететін қызметтеріне;10% — отандық мерзімді баспа басылымдарын өткізуге.0% мөлшерлеме қолданылады:тауарлар экспортына;халықаралық тасымалдарға;шетелдік әуе компанияларына жанар-жағармай материалдарын жеткізуге;арнайы экономикалық аймақтар аумағына өткізілетін тауарларға;аффинирленген алтынды өткізуге.300.00 нысаны есепті тоқсаннан кейінгі айдың 15-інен ерте емес және одан кейінгі екінші айдың 15-інен кеш емес мерзімде тапсырылады.Шот-фактуралар бойынша кейінге қалдырылған ҚҚС сомасын есепке жатқызуҚҚС сомасын есепке жатқызу үшін тауарларды, жұмыстарды, қызметтерді сатып алу күніне қолданыста болған Салық кодексінің нормалары қолданылады.Егер тауарлар, жұмыстар, қызметтер 2025 жылғы желтоқсанда сатып алынған болса, онда есепке жатқызу кезеңі 2026 жылғы 1 қаңтарға дейін қолданыста болған Салық кодексінің 401-бабының 1-тармағына сәйкес айқындалады.Осылайша, есепке жатқызылатын ҚҚС мына күндердің ең кешіне сәйкес келетін салық кезеңінде ескеріледі:тауарларды, жұмыстарды, қызметтерді алу күні;Салық кодексінің 400-бабының 1-тармағына сәйкес қосылған құн салығын есепке жатқызу үшін негіз болып табылатын шот-фактураның немесе өзге де құжаттың жазып берілген күні.Осыған байланысты, 2025 жылдың 4-тоқсанында сатып алынған тауарлар, жұмыстар, қызметтер бойынша, егер оларды алу күні 2025 жылдың 4-тоқсанына келсе, ал жеткізуші шот-фактураны 2026 жылдың 1-тоқсанында жазып берсе, ҚҚС ең кеш күнге сәйкес 2026 жылдың 1-тоқсанында есепке жатқызылады.Ақпарат көзі : https://www.gov.kz/memleket/entities/kgd-akmola/press/news/details/1131355?lang=kk

       Қазақстан Республикасының Салық кодексінің 56-бабының 15 тармағына сәйкес «Астана» халықаралық қаржы орталығының (бұдан әрі – АХҚО) қатысушылары қарыздық краудфандингтік платформаны басқару қызметін жүзеге асыруға лицензиясы болған жағдайда, краудфандингтік платформаларда жасалған шарттар, сондай-ақ резиденттер мен резидент еместерге төленген сыйақылар туралы мәліметтерді мемлекеттік кірістер органдарына ұсынады.     Аталған жаңашылдық кірістер мен мүлік туралы декларацияны толтыру тәртібін жеңілдету мақсатында енгізілген, өйткені тиісті мәліметтер жеке тұлғалар тарапынан салықтық есептілікте дербес түрде көрсетілмейді.      Мәліметтер есепті жылдан кейінгі екінші айдың 25-інен кешіктірмей, жыл сайын Қазақстан Республикасы Қаржы министрінің 2025 жылғы 12 қарашадағы № 697 бұйрығымен бекітілген нысан мен тәртіпке сәйкес ұсынылады.      Осылайша, аталған жаңашылдықтың мақсаты –декларанттардың кірістер мен мүлік туралы декларацияда жоғарыда көрсетілген мәліметтерді көрсету міндетінен босату, сондай-ақ мемлекеттік кірістер органдарының камеральдық бақылауды уақтылы жүргізу мүмкіндігін қамтамасыз ету болып табылады.    Ақпарат көзі : https://www.gov.kz/memleket/entities/kgd/press/news/details/1128791?lang=kk

       Шағын бизнесті қолдау мақсатында екінші деңгейлі банктер тарапынан БКМ-мен біріктірілген POS-терминалдарды тегін ұсыну мәселесі шешілді. Бұл стационарлық POS-терминалдар немесе телефонға орнатылатын мобильді POS-қосымшалар болуы мүмкін.Кәсіпкерлер үшін қазірдің өзінде не қолжетімді?Kaspi Bank пен Қазақстан Халық Банкінің POS-терминалдары толыққанды БКМ ретінде жұмыс істейді және штрих-кодтарды сканерлеу функциясымен жабдықталған.Жақын арада осындай функциялар Freedom Bank Kazakhstan және Банк ЦентрКредиттің POS-терминалдарында да іске қосылады.Осылайша, Мемлекеттік кірістер комитеті фискалдық деректер операторларымен (ФДО), банктермен және кассалық техника өндірушілерімен бірлесіп, сауда үшін ыңғайлы және автоматтандырылған шешімдерді қалыптастыруда.2026 жылғы 1 қаңтардан бастап Қазақстан Республикасының Салық кодексі мен Қазақстан Республикасы Қаржы министрінің №626 бұйрығының жаңартылған талаптары күшіне енеді.ФДО міндеттеріне мыналар жатады:Ел аумағы бойынша ФДО қызметтерін көрсету.Есеп айырысулар туралы деректерді МКК-ге жедел түрде беру.Ұлттық тауарлар каталогын (ҰТК) пайдалану бойынша сервистерді өз порталдарында орналастыру.БКМ геолокациялық деректерін МКК беру.БКМ-ден келіп түсетін деректерге күн сайын мониторинг жүргізу.БКМ өндірушілерінің міндеттеріне мыналар жатады:Чек форматын жаңарту: енді чекте ҰТК сәйкес тауарлар мен қызметтердің атаулары міндетті түрде көрсетілуі тиіс.Чекті жою функциясын алып тастау - барлық түзетулер тек қайтару чегін ресімдеу арқылы жүзеге асырылады.Аталған өзгерістер тұтынушылардың құқықтарын қорғауға, бизнестің ашықтығын арттыруға, адал бәсекелестікті дамытуға және көлеңкелі айналымды қысқартуға бағытталған.Кәсіпкерлерден талап етіледі:БКМ-ді жаңартуБарлық бағдарламалық кассалар 2.0.3 хаттамасына автоматты түрде жаңартылған.    •    Стационарлық БКМ-нің (Меркурий, Миника, Порт) иелеріне жаңарту үшін техникалық қызмет көрсету орталықтарына жүгіну қажет.Чекте тауар атауларын көрсету тәртібі?Ол үшін штрих-код сканерін пайдалану қажет:POS-терминалға кіріктірілген сканер;мобильді БКМ пайдаланылған жағдайда телефон камерасы;стационарлық кассаға арналған жеке сканер.Ақпарат көзі : https://www.gov.kz/memleket/entities/kgd/press/news/details/1128778?lang=kk

Бұл азаматтық қорғаныс пен қаладағы қауіп-қатерлердің алдын алудың негізгі жүйесі саналады.Орталықтың басты міндеті – қаладағы ахуалға ұдайы мониторинг жүргізу, төтенше жағдай кезінде билік органдарының іс-әрекетін үйлестіру, ықтимал қатер мен орын алған апаттар (жер сілкінісі, тайфун, су тасқыны, ірі техногендік апаттар, лаңкестік актілер) туралы ақпараттарды талдау.БАҚ пен әлеуметтік желілердегі жалған ақпараттың таралуына қарсы іс-қимылға баса көңіл бөлінеді. Бұл жұмыспен тәулік бойы мониторинг жүргізетін арнайы бөлімше шұғылданады.Ал күнделікті өмірде кешен дағдарыс жағдайларын басқару жүйелерін жоспарлау және жетілдіру, азаматтық қорғаныстың өңірлік жоспарын әзірлеу, оқу-жаттығу жиындарын дайындау және өткізу, халықты құлақтандыруға, апаттардың салдарын жоюға арналған ақпараттық жүйелерді дамыту ісімен айналысады.

Қасым-Жомарт Тоқаев пен Юрико Коикэ цифрландыру, Smart city технологияларын және қаланы орнықты дамыту, жасанды интеллект, шаһарды басқару ісіне инновациялық шешімдерді енгізу салаларындағы ынтымақтастық мәселелерін талқыладыСонымен қатар мегаполистердің тұрғындары мен қонақтары үшін анағұрлым жайлы, экологиялық тұрғыдан таза, қауіпсіз және инклюзивті орта қалыптастыру жайын қарастырды.Мемлекет басшысы қаланы басқару ісіне жасанды интеллектіні енгізу бойынша екі ел астаналары арасындағы ынтымақтастықтың әлеуеті зор екеніне тоқталды.Кездесуде Қасым-Жомарт Тоқаевқа Токио қаласының Smart city тұжырымдамасы таныстырылды. Жоба халықтың тұрмыс сапасын жақсартуды, шаһарды басқару тиімділігін арттыруды және орнықты даму үшін озық технологияларды пайдалануды көздейді.

Қазақстан-Жапония: ДРК алушысынан серіктестік пен бірлескен жобаларғаКөптеген жылдар бойы Жапония Қазақстанға дамуға ресми көмек (ДРК) шеңберінде қолдау көрсетіп, тұрақты дамуға және озық білімді беруге үлес қосты.Бүгін біздің ынтымақтастығымыз жаңа деңгейге көтерілді.2022 жылдың желтоқсанында қазақстандық «KazAID» халықаралық даму агенттігі мен жапондық «JICA» халықаралық ынтымақтастық агенттігі ынтымақтастық туралы меморандумға қол қойды. Бұл "донор-алушы" моделінен үшінші елдер үшін тең құқылы әріптестікке және жобаларды бірлесіп іске асыруға маңызды қадам болды.KazAID және JICA жыл сайын Орталық Азия мен Кавказ елдері үшін, оның ішінде келесі бағыттар бойынша бірлескен жобаларды іске асырады: жер сілкінісіне төзімділік және табиғи апаттар қаупін азайту;жапондық Кайдзен философиясын қолдана отырып кәсіпкерлікті дамыту;ауыл шаруашылығы саласындағы цифрлық трансформация;кедендік тәуекелдерді басқару әлеуетін күшейту.Ынтымақтастықтың бұл форматы Қазақстанның ДРК доноры ретіндегі эволюциясын және оның жетекші халықаралық әріптестермен бірлесіп өңірлік дамуға қосқан үлесін көрсетеді.Анықтама: JICA Жапония Үкіметінің дамуына ресми көмек көрсететін Атқарушы агенттік болып табылады және 1974 жылы құрылған. Справочно: JICA является исполнительным агентством официальной помощи развитию Правительства Японии и создано в 1974 году.Ақпарат көзі : https://www.gov.kz/memleket/entities/kazaid/press/news/details/1128735?lang=kk

Қазақстан Республикасы Өнеркәсіп және құрылыс Министрінің м.а «Ағаш материалдарының жекелеген түрлерін әкетудін кейбір мәселелері туралы» 2025 жылғы 5 желтоқсандағы №527 бұйрығымен ЕАЭО СЭҚ ТН 4406910000 «Теміржол немесе трамвай жолдарына арналған қылқан жапырақты тұқымдардан жасалған ағаш шпалдар, өзгелер» кодын және шыққан елі Қазақстан Республикасы болып табылатын ЕАЭО СЭҚ ТН 4401310000 «Ағаш түйіршектері» кодын қоспағанда, шығарылған еліне қарамастан, Қазақстан Республикасының аумағынан ағаш материалдарының жекелеген түрлерін (Еуразиялық экономикалық одақтың Сыртқы экономикалық қызметінің тауар номенклатурасының коды 4401, 4403, 4404, 4406 және 4407) 2025 жылдың 12 желтоқсаннан бастап алты ай мерзімге көліктің барлық түрлерімен әкетуге тыйым салу енгізілгенін хабарлайды.Ақпарат көзі : https://www.gov.kz/memleket/entities/kgd-shymkent/press/news/details/1128700?lang=kk