2025 жылы мансап орталықтары жұмыс берушілердің өтініші бойынша 1687 адамды кәсіптік оқытуға жіберді, оның ішінде 89 адам оқуды аяқтады. Курстарды аяқтаған соң 83 қазақстандық тұрақты жұмысқа орналасты. Қызылорда қаласының тұрғыны, алты баланың анасы Зухра Мырзахметова өзінің табыс тарихымен бөлісті.2006 жылы Қорқыт Ата атындағы Қызылорда университетін «бастауыш білім берудің информатика мұғалімі» мамандығы бойынша тәмамдаған, бірақ өз мамандығымен жұмыс істемеген.«Кіші қызым 5-ке толғанда мен белсенді түрде жұмыс іздей бастадым. 7 ай бойы ізденісімнен нәтиже шықпады, ақыры жаңа мамандықты игеруге бел будым. Осы мақсатта 2024 жылдың қыркүйегінде мен біздің мансап орталығына хабарластым, онда маған қысқа мерзімді кәсіптік оқыту курстарынан өтуді ұсынды», – деді Зухра Мырзахметова.Зухра үй шаруасынан бос уақытын балаларына мерекелік киімдер, төсек-орын, перде, дастархан тігіп өткізетін болған, сол себепті тігіншілік курстарын таңдапты.«Мансап орталығы маған «Керім сұлу-Qyzylorda» ЖК жұмыс берушінің жұмыс орнында кәсіптік оқуға жолдама берді», – дейді көпбалалы ана.Үш ай оқып, курсты аяқтаған көпбалалы ана «Керім сұлу-Qyzylorda» ЖК тұрақты қызметкері болып жұмысқа қабылданды.«Жұмыс беруші мансап орталығы арқылы өтініш білдірген жұмыссыз адамды уақытша жұмысқа қабылдайды, онымен еңбек шартын жасайды және тәжірибелі жұмысшылар арасынан тәлімгерді тағайындай отырып, тәжірибелік сабақтарды өткізеді. Оқуды аяқтаған соң жұмыс беруші жұмыссыз адамды тұрақты жұмысқа ауыстырады.Оқыту кезеңінде кәсіптік білім алушының еңбекақысын жергілікті бюджет есебінен еңбек ресурстарының ұтқырлығы орталығы төлейді. Айлық жалақысы 20 АЕК құрайды», – деп хабарлады ҚР ЕХӘҚМ Халықты жұмыспен қамту департаментінің басшысы Аяулым Берекенова.Облыстық есеппен алғанда оқуға жіберілгендердің ең көп саны Алматы облысында – 305 адам, Жамбыл облысында – 210 адам, Қарағанды облысында – 201 және Жетісу облысында – 195 адам тіркелді.Студенттер арасында сұранысқа ие мамандықтар: тігінші – 450 адам, аспаз – 219 адам, шаштараз – 141 адам, тракторшы-машинист – 100 адам, электр және газбен дәнекерлеуші ​​– 60 адам.Ақпарат көзі : https://www.gov.kz/memleket/entities/enbek/press/news/details/1017494?lang=kk

Елімізде жыл сайын 14 маусым «Дүниежүзілік донор күні» ретінде аталып өтіледі. Бұл – өз еркімен қан тапсырып, мыңдаған адамның өмірін құтқаруға үлес қосып жүрген азаматтарға алғыс білдіретін ерекше мереке.Қан – өмірлік маңызы бар, ешқандай жасанды баламасы жоқ құнды ресурс. Сол себепті де донор болу – бұл жай ғана қайырымдылық емес, бұл – шынайы ерлік пен адам өмірін сақтауға бағытталған нақты қадам.Осы атаулы дата аясында Шымкент қалалық қан орталығында арнайы акция бастау алды. «Қан тапсырып, үміт сыйлаңыз! Адам өмірін бірге сақтаймыз!» тақырыбында ұйымдастырылған іс-шараға бірқатар белсенді азаматтар алғашқылардың бірі болып қатысып, қан тапсырды.Айта кетейік, игі іс-шара барысында тұрақты донорларға ерекше құрмет көрсетіліп, алғыс хаттар мен естелік сыйлықтар табысталды. Қан орталығының мамандары оларға донор болудың маңыздылығын түсіндіріп, әр адамның бұл іске өз үлесін қоса алатынын атап өтті.Дәрігерлердің мәлімдеуінше, азаматтар бір реттік қан тапсыру арқылы үш адамның өмірін құтқаруға септігін тигізе алады. Сондықтан да бұл әр азамат үшін маңызды зор қадам болып табылады. Қан тапсыру акциясы жалғасын табады.Өзіңізді жақсы сезінсеңіз, жеңіл тамақтанып, жеке куәлігіңізбен Шымкент қаласы, Нұрсат шағынауданындағы №442 мекенжайында орналасқан Шымкент қалалық қан орталығына келіңіз.Ұйымдастырушылар барлық қала тұрғындарын алдағы уақытта да осы игі іске белсене қатысуға шақырады.Есіңізде болсын, Сіздің бір тамшы қаныңыз – бір адамның өмірін құтқаруы мүмкін.Қосымша мәліметтер үшін 8747 292 65 93 ұялы байланыс нөміріне (ock_uko@mail.ru@shymkent.donor) хабарласа аласыздар.Ақпарат көзі : https://www.gov.kz/memleket/entities/shymkent/press/news/details/1017500?lang=kk

Астана, 2025 жылғы 13 маусым – Қазақстан Республикасы Сыртқы істер министрінің орынбасары Ермұхамбет Қоныспаев еліміздегі дипломатиялық миссиясы аяқталуына орай Грузияның Елшісі Николоз Лалиашвилиді қабылдады.Кездесу барысында тараптар Қазақстан мен Грузия арасындағы саяси, сауда-экономикалық, көлік-транзиттік, энергетикалық және мәдени-гуманитарлық салалардағы ынтымақтастықтың даму жағдайы мен перспективаларын талқылады.Осы орайда Қазақстан мен Грузия арасындағы екіжақты қатынастарды тереңдету мен кеңейтуге қосқан елеулі үлесі, сондай-ақ халықаралық алаңдарда екі ел арасындағы әріптестікті дамыту бағытында атқарған еңбегі үшін Грузия дипломатына ризашылық білдірілді.Өз кезегінде Грузия Елшісі Қазақстанда дипломатиялық қызметін атқарған кезеңде көрсетілген тұрақты қолдау үшін алғыс айтып, екі ел арасындағы өзара құрмет пен сенімге негізделген ынтымақтастықтың одан әрі нығая түсетініне сенім білдірді.Кездесу аяғында Грузия Елшісіне Қазақстан Республикасы Премьер-министрінің орынбасары – Сыртқы істер министрі Мұрат Нұртiлеудің атынан Алғыс хат пен естелік сыйлық табыс етілді.Ақпарат көзі : https://www.gov.kz/memleket/entities/mfa/press/news/details/1017502?lang=kk

Іссапар барысында басқарма басшысы бірқатар мәдениет нысанын аралап, ауылдық клубтар мен кітапханалардың жұмысымен танысты. Атап айтқанда, Қасқабұлақ, Архат, Кеңгірбай, Көкбай және Қарауыл ауылдарындағы мәдениет үйлері мен кітапханаларда болды. Қарауыл ауылында басқарма басшысы орталық кітапхана, мемлекеттік архив және өлкетану музейінің жұмысымен танысып, сала мамандарымен пікір алмасты.Сапардың маңызды бөлігі ретінде Абайдың «Жидебай-Бөрілі» мемлекеттік музей-қорығына қарасты Кәмен Оразалиннің музей-үйіне арнайы бару атап өтілді. Алаш рухын ардақтап өткен жазушы Кәмен Оразалиннің өмірі мен шығармашылығына арналған бұл музей – ұлт руханиятының маңызды ошағы болып саналады.Сапар аясында Қарауыл ауылында көркемөнерпаздар байқауы өткізілді. Шығармашылық ұжымдардың өнері жоғары бағаланып, өңірдегі мәдениет саласының әлеуеті айқын көрінді.Жұмыс сапары мәдениет саласындағы өзекті мәселелерді зерделеп, алдағы даму бағыттарын нақтылауға мүмкіндік берді.Ақпарат көзі : https://www.gov.kz/memleket/entities/abay-cultura-arhiv/press/news/details/1017505?lang=kk

«Заң мен тәртіп» қағидатына негізделген стратегиялық бағдар еліміздің мемлекеттік саясатының өзегіне айналып, қоғам дамуының басты бағытын айқындап отыр. Бұл – адам құқы мен бостандығын әділетті қорғауға кепілдік беретін, қоғамдық тәртіпті қалыптастыруды көздейтін жүйе. Аталған тұжырымдаманы жүзеге асырудағы қадамдар, прокуратураның рөлі және құқықтық мәдениеттің маңызы туралы Бас прокурор Берік АСЫЛОВ кеңінен айтып берді.  – Берік Ноғайұлы, «Заң мен тәртіп» ұғымы шын мәнінде халықтың сенімін арттырудың жаңа жүйесі деп ойлайсыз ба? Прокуратураның тек құқық­тық емес, әлеуметтік әділеттілікті қамтамасыз етудегі рөлі қандай?– «Заң мен тәртіп» – Әділетті Қазақстан­ның идеологиялық тұғырна­масы. Бұл – Ата Заңымыздың мәнін ашатын тұжырым. Конституциямызда ең жоғарғы құндылық ретінде адам, оның өмірі, құқықтары мен бостандықтары танылған. Мемлекет басшысы Қасым-Жомарт Тоқаев «Құқық – ізгілік пен әділеттілік өнері» деген сөздің терең мағынасына мән беріп, «Заң азаматтардың құқықтары мен бостандықтарын қорғау, қоғамда тәртіпті қамтамасыз ету үшін қажет екенін» ерекше атап өтті. Меніңше, бұл идеологиялық тұжырым – қоғамдық асыл мұраттарды, әсіресе мәдени, адамгершілік, отбасылық, рухани және діни құндылықтарды, сондай-ақ еңбек ету, денсаулық сақтау, білім алу, меншік пен кәсіпкерлік бостандығы сияқты конституциялық кепілдіктерді сақтау қажеттілігін білдіреді. Сонымен қатар табиғатқа және қоршаған ортаға деген қамқорлық та осы қатарда тұруға тиіс. Сондықтан «Заң мен тәртіп» – жай ғана құқықтық ұғымдар емес, қоғам тұрақтылығы мен қауіпсіздігіне, елдің гүлденуіне бастайтын өмірлік бағдарлар.Аталған қағидаларды ілгерілету мақсатында Үкімет осы жылы алдағы 5 жылға арналған арнайы тұжы­рымдаманы бекітті. Оның басты мақсаты – азаматтардың құқықтық санасын арттыру, олардың құқықтық тәртіпті сақтауға белсенді қатысуы, заң бұзушылықтарға қарсы қоғамдық иммунитет қалыптастыру. Прокуратура – осы жұмыстың негізгі қатысушысы және үйлестірушісі. Біз заңдылық пен тәртіп қағидаларын кешенді түрде жүзеге асырып келеміз. Бұл бағытта мүдделі органдар мен ұйымдармен бірлесіп Президент Әкімшілігінің үйлестіруімен нақты шаралар қабылданып жатыр. Барлық атқарылған іс-шаралар заң үстемдігін нығайтуға, мемлекет тарапынан әлеуметтік жауапкершілікті жүзеге асыруға бағытталған. Ең бастысы – азаматтардың конституциялық құқықтарын, адал кәсіпкерлік пен мемлекеттің мүдделерін қорғау.Азаматтардың, әсіресе балалардың бұзылған құқықтарын қалпына келтіру­дің жақсы мысалдары бар. Биылдың өзінде біздің актілерімізбен 28 мың баланың пайдасына тек алимент бойынша 22 млрд теңге өтелді. Балалар үйінің 366 түлегі мен әлеуметтік осал санаттағы 108 адам тұрғын үймен қамтамасыз етілді. 2,3 мың қызметкерге 2,2 млрд теңге жалақы берешегі өндірілді.Бұған қоса 1 300-ден аса шетелдік инвесторға көмек көрсетілді. Олардың ел экономикасына қосқан үлесі – 17 трлн теңге. Қазіргі таңда прокурорлардың бақылауында мыңнан аса инвестициялық жоба бар. Бұл орайда басымдық – отандық кәсіпкерлерге қолдау көрсету. Кәсіпкерлерге дер кезінде көмектесу жаңа өндірістерді қосып, 14 мың жаңа жұмыс орнын ашу және 4,5 мың жұмыс орнын сақтау мүмкіндігі туды.Прокуратура мемлекетке қайтарған заңсыз активтер есебінен 333 нысан, оның ішінде мектептер, ауруханалар, спорт кешендері салынып жатыр. Бұл – қаражаттың қоғам игілігіне қалай жұмыс істейтінінің нақты дәлелі.Сонымен қатар біз масылдық көзқарасты ашық айыптаймыз. Яғни кей азаматтардың саналы түрде еңбек етуден бас тартып, әлеуметтік көмекке негізсіз үміт артуы – әділеттілікке жат құбылыс. Заң мүмкіндіктер береді, бірақ ол сонымен қатар міндеттерді орындауды, оның ішінде заң мен тәртіпті сақтауды және басқа адамдар мүдделерін құрметтеуді талап етеді. Мемлекет азаматтарға өзін-өзі дамытуға, кәсіпкерлікпен айналысу­ға, білім алуға, кәсіби өсуге жағдай жасайды. Ал масылдық, әлеуметтік әділеттілікті бұзып, жалған өмірлік бағдар қалыптастырады және шынайы мұқтаж азаматтардың мүмкіндігін шектейді.Жауапкершілік – тек талап қою емес, сонымен қатар ортақ іске үлес қосуға дайын болу. Әр азамат өзінің дамуына, отбасына, еңбегіне, заңды сақтауға жеке жауапты екенін сезінгенде ғана тұрақты және әділетті болашаққа жол ашылады. Жалпы, біз заңды қорқыныш немесе қысым құралы емес, әділеттің символы ретінде қалыптастыруға тырысамыз. Егер адам заңды өзінің қорғаны, өз болмысының бір бөлігі ретінде қабылдаса, ол ешқашан заңды бұзбайды.– Азаматтық қоғамды құқықтық мәдениеті қалыптасқан деңгейде құру жүйелі шаралар мен идеологиялық жұмысты талап ететіні анық. Бұл бағыттағы жұмыстарға прокуратура қандай үлес қосып отыр?– «Тақыр жерге шөп өспейді» деген сөз бар. Бұл тәмсіл құқықтық сана саласына да тікелей қатысты. Егер қоғамда не дұрыс, не бұрыс екені туралы түсінік болмаса, онда адамдар ақ пен қараны ажырата алмайды. Сондықтан заңға деген құрметті қалыптастыру – мемлекет саясаты мен жалпыұлттық идеяның ажырамас бір бөлігі. Кез келген табысты мемлекет белгілі бір құндылық­тар жүйесіне сүйенеді, ол жүйе тәрбие мен мінез-құлық ережелерін айқындай­ды. Идеология қоғамда әділет, тәртіп пен даму туралы біртұтас көзқарас қалыптастыруға көмектеседі. Заңға құрмет сезімі қалыптасып, мемлекет пен қоғамның өзара жауапкершілігі, азаматтардың идеологиялық бірлігі нығаяды.Бүгінде елімізде саналы, жауапты, адал, білікті азамат бейнесін қалыптастыруға бағытталған моральдық-адамгершілік негіз жасалып жатыр. Бұл – «Адал азамат» тұжырымдамасының басты мұраты. Мұндай негіздің сонау балалық шақта іргетасы қаланып, отбасында, мектепте қалыптасып, адамның бүкіл саналы ғұмырында тамыр жая түсетінін бәріміз білеміз. Ең бастысы заң мен тәртіпті ұстанатын жастардың жаңа тұлғасын ерте бастан қалыптастырудың негізін қалаған дұрыс. Осыны ескеріп, прокуратура оқушылар мен студенттердің құқықтық санасын арттыруға ерекше назар аударып отыр. Мысалы, «Тәртіпті өзіңнен баста!» акциясы аясында өскелең ұрпақ арасында құқықтық мәдениетті тәрбиелеу және заңға бағынатын мінез-құлықты қалыптастыру мақсатында барлық өңірде жүздеген іс-шара өткіздік. Мемлекет басшысы отставкадағы судьялар мен құқық қорғау органдары зейнеткерлерінің қатысуымен мектептерде «құқықтық сағат» өткізу туралы бастамамызды қолдады. Мәселен, Талғар ауданында үш колледж және 20 мектепте 7-10 сыныптарда жалпыға бірдей құқықтық оқыту жобасы іске қосылды. Бұл тәжірибені ел аумағында кеңінен тарату жоспарда бар. Балалар үлгілі мінез-құлықтың артықшылықтарын түсіну үшін әртүрлі әдістер қолданудамыз: тақырыптық дәрістер, үйірмелер, театрландырылған қойылымдар ұйымдастырылады. Мәселен, Астанада 100 мектеп оқушысы арасында «Заң және балалар: қатесіз болашақ» атты қойылымдар байқауы өткізілді. Оларда балалар құқық, жауапкершілік, таңдау секілді маңызды ұғымдарды сахнада жеткізді. Алматы облысының 170 мектебінде «Прокурордың жас көмекшісі» клубтары ашылды.Сонымен қатар біздің бастамамен Алматыда Tele2/Altel компаниясы баланы заңсыз контенттен, оның ішінде суицидті, есірткіні, қорлауды насихаттаудан қорғайтын алғашқы «SIM-Kids» балалар картасын шығарды. Ол ата-аналарға баланың орналасқан жерін анықтауға, айналасында не болып жатқанын тыңдауға, мессенджерлердегі хат-хабарларды көруге, уақытын қай қосымшада өткізетінін бақылау мен құрылғыда дыбыссыз режім қосылғанда хабарласу мүмкіндігін береді. Таяуда SIM карта жалпыға қолжетімді болады.Жас азаматтар да заңға бағынатын мінез-құлықты қалыптастыруға белсенді атсалысып отырғанын айта кеткім келеді. Мысалы, Абай облысында студенттер, болашақ заңгерлер, 5-10-сынып оқушыларымен кездесулер өткізіп, буллинг, нашақорлық және ақша бопсалау тақырыптарында профилактикалық әңгіме жүргізді. Кездесуге арналған материалдарды прокуратура өз тексерістері негізінде ұсынды. Қазіргі таңда біз елдегі 40 жоғары оқу орнымен меморандум жасадық. Шымкентте «Таңда! Өзгер! Жасампаз бол!» атты республикалық форум өтті. Онда мектеп оқушыларына болашақ мамандықты дұрыс таңдаудың маңызы түсіндіріліп, құқық бұзушылықтардың алдын алу, қауіпсіз әрі пайдалы жазғы демалысты ұйымдастыру мәселелері көтерілді. Мұндай әр қадам, идея қоғамдық санаға «Заң мен тәртіп» идеологиясын, әсіресе, жас ұрпақ арасында терең сіңіруге ықпал ететініне сенемін.– Қылмыспен күрес – прокуратура үйлестіретін құқық қорғау саласының бүкіл жүйесіне қатысты міндет. Осы саладағы жетістіктерге тоқталсаңыз.– Үйлестіру шаралары қылмыстың алдын алуды тұрақтандыру мәселелерін кешенді шешуге мүмкіндік береді. Бұрын да айтқанымдай, кейінгі жылдары қылмыс деңгейінің тұрақты төмендеуі байқалады. Әсіресе зорлық-зомбылық қылмыстары айтарлықтай қысқарды, яғни елімізде өмір сүру қауіпсіздігі артты. Бұл – барлық мемлекеттік органдардың, азаматтар мен ұйымдардың жүйелі әрі кешенді еңбегінің нәтижесі. Шетелдік сарапшылар да бұған оң баға беріп отыр. 2024 жылғы Жаһандық бейбітшілік индексінің мәліметтеріне сәйкес, Қазақстан Еуразия аймағындағы ең бейбіт ел ретінде танылды. Бұл біздің бағытымыздың дұрыс екенін білдіреді. Алайда бүгінгі таңда бүкіл әлем, оның ішінде Қазақстан киберқылмыстың жаһандық өсуімен бетпе-бет келіп отыр.Біз қылмыстың жаңа түрлеріне қарсы күрес мәселелерін үйлестіру кеңестерінде тұрақты түрде талқылап, оларға қарсы тәсілдер мен әдістерді әзірлеп, күштік құрылымдар ғана емес, басқа мүдделі органдар және шетелдік әріптестермен үйлесімді әрекет етуді қамтамасыз етеміз. Олардың жағдайды өзгертуге әсері байқалады. Мәселен, қазіргі уақытта болжамды-талдамалық функциясы бар ІТ-технологияларды кеңінен қолдануға көшіп, озық халықаралық тәжірибені енгізе бастадық. Есірткі бизнесіне қарсы күресте бірқатар инновациялық әдіс сынақтан өткізілді. Газ хроматографының көмегімен ауа ағындары бойынша, сондай-ақ кәріз сулары үлгілерін талдау арқылы есірткі зертханаларын анықтап жатырмыз. Интернеттегі есірткі дүкендері Tелеграмм арналарын, QR кодтар мен онлайн аударымдарды пайдаланатыны құпия емес. Сондықтан ең алдымен олардың қаржылық ағынына кедергі жасаймыз. Биылдың өзінде 20 мыңнан аса «дропперлік» шоттар мен 2,4 млрд теңгеге есірткі кірісі бұғатталды.Прекурсорларға бақылауды күшейту мақсатында шетелдік тәжірибені зерттеп жатырмыз. Биылдан бастап АҚШ пен Литва тәжірибесіне сүйене отырып, біздің Құқықтық статистика жөніндегі комитетінің базасында прекурсорлардың тасымалы мен ішкі айналымы туралы ақпарат жинау және талдау үшін пилоттық Таргетинг-орталығы жұмыс істей бастады. Бұл химиялық прекурсорлардың айналымын толық бақылауға алуға мүмкіндік береді, оларды кім және қалай пайдаланып жатқанын көре аламыз.Кибералаяқтыққа қарсы күресте де жаңа әдіс-тәсілдер енгізіліп жатыр. Атап айтқанда, шетелден анонимді қоңырау шалуға мүмкіндік беретін SIP-телефониямен күресіп, SIM-бокстарды жойып жатырмыз. Кибертоптарды әшкерелеу және алаяқтарға банк карталарын беретін адамдарды – «дропптарды», сонымен қатар алаяқтық жасауға септігін тигізетін қаржы ұйымдары, байланыс операторлары мен ХҚО қызметкер­лерін анықтап, қылмыстық жауаптылық­қа тарту әдістемесі жасалды. Кейінгі екі жылда прокуратураның үйлестіруі­мен азаматтарымызды алдап жүрген 10 халықаралық байланыс орталығының қызметі тоқтатылды.Сонымен қатар мемлекеттік органдармен бірге заңнамалық деңгейде зардап шеккендерді қорғауды күшейтіп, тергеу практикасын қалыптастырып жатырмыз. Өткен жылы қабылданған «Банктер және банк қызметі туралы» заңға енгізілген түзетулерге сәйкес тергеу жүргізу кезінде 2,5 мыңнан аса зардап шеккен адамның 3,4 млрд теңгеден аса қарыздарын өндіріп алу тоқтатылды. Бұған қоса қосымша қорғаныс шаралары да енгізіліп жатыр. Мысалы, байланыс операторларының мәліметтері Ұлттық банктің Антифрод-орталығымен интеграцияланып, алаяқтық транзакцияларды және жалған қоңырауларды бұғаттайды.Үйлестіру кеңестерінің форматы тұрақты емес, ол қоғамның талаптары мен азаматтардың құқықтық белсенділігіне сәйкес өзгеріп отыратынын айта кету керек. Біз азаматтарымыздың осындай қоғамға жат құбылыстардың алдын алу мәселелеріне саналы әрі жауапты қарауын қолдап, ынталандырамыз. Жақында барлық өңірде Үйлестіру кеңестері аясында жұртшылықтың, бизнес-қауымдастық пен жасөспірімдердің қатысуымен «Заң мен тәртіп» идеологиясын насихаттау бойынша форумдар өтті. Осы шараларда оқушылар бірқатар қызықты жобасын таныстырды. Мәселен, Шымкент оқушылары есту және көру қабілеті төмен жандарға көмек көрсететін жүйелер жасап, қауіпсіз жүріп-тұруды қамтамасыз етуді ұсынды. Ал Батыс Қазақстан мен Жамбыл облыстарының оқушылары мектептердегі жанжалдар мен буллингтің алдын алу жобаларын көрсетті. Біз жастардың мұндай бастамаларын үнемі қолдауға мүдделіміз және бұл бағыттағы жұмысты жалғастыра береміз.– Сөзіңізден қылмыспен күресте заманауи технологиялардың рөлі зор екенін аңғарып отырмыз. Заң мен құқық тәртібін қамтамасыз етуде цифрлық технологиялар қалай қолданылады?– Расында да, қазіргі сын-қатерлерді ескере отырып, қылмыстық құқық бұзушылықтарды, оның ішінде жасырын түрлерін анықтау және жолын кесу, жаңа қылмыстық қауіптерге жедел ден қою үшін жаңашыл шешімдер іздеп жатырмыз. Бізде бірегей ақпараттық-талдау жүйелері бар. БҚАРК ақпараттық жүйесі іске қосылды. Бұл іздестіруде жүрген адамдарды анықтап, ұстауға көмектеседі. Жүйе мемлекеттік органдар мен бейнебақылау камераларының дерекқорлары арқылы адамдардың «цифрлық іздерін» табады. Іздестіруде жүрген адам камераға түскен немесе мемлекеттік қызметке жүгінген сәтте ұсталады. Жыл басынан бері іздеуде жүргендердің саны 2,5 мыңға азайды.Көшелердегі және ашық жерлердегі құқық бұзушылықтарды анықтау үшін БҚАРК жүйесіне қосылған дрондарды қолданамыз. Мәселен, дронның көмегімен Абай облысының прокуратурасы заңсыз жер қойнауын өндіру фактісін анықтады. Бұзушылықтар бойынша кінәлілер жауапқа тартылды.БҚАРК базасында қылмыстық-атқару жүйесінде жасанды интеллект элементтері қолданылады. Пробациядағы адамдарды бейнекамералар арқылы бақылау тәжірибесі жүріп жатыр. Егер бақылаудағы адам жүріс-тұрысына және қоғамдық орында болуға қатысты шектеулерді бұзса, жүйе сигнал береді. Бұл бұзушылыққа дер кезінде ден қоюға мүмкіндік береді. Сонымен қатар біздің бастамамызбен пробациядағы адамдар туралы ақпарат Еңбек және халықты әлеуметтік қорғау министрлігінің «Цифрлық отбасы картасы» платформасымен интеграцияланған. Бағдарлама қай мемлекеттік орган қандай көмек көрсету керектігін анықтайды. Осы форматта 200-ден аса қызмет көрсетілді. Жоба бірнеше өңірде іске қосылған.Жалпы, цифрлық технологияларды енгізу тәжірибеміз шетелдік әріптестер арасында үлкен қызығушылық туғызып отыр.– «Заң мен тәртіп» тұжырымда­ма­сын жүзеге асыруда бірінші кезекте не тұр? Азаматтардың құқықтық санасы ма, әлде институттар мен заңдардың тиімділігі ме?– Бұл тұжырымдама мемлекеттің күші үкімдердің санымен емес, халықтың сенімімен өлшенетін болашаққа апаратын жол екенін баса айтқым келеді. Ал қоғамдық сана қолдамаса, ешбір заң тиімді жұмыс істемейді. Сондықтан бірінен бірін ажыратып қарауға болмайды. Заңды сақтау – жазадан қорқу емес, әр адамның ішкі сенімі. Заңды барлығы құрметтесе, қоғамда әділдік пен қауіпсіздік сезімі пайда болады. Әркім кез келген заң бұзушылыққа лайықты жауап беруі, мүлдем төзбеушілік танытуға тиіс. Себебі азамат болу – тек құқық емес, міндет екенін тағы бір мәрте айта кеткім келеді.Заң барлығына ортақ, ал құқықтық сана әр адамның табиғи қасиеті болуы қажет. Иә, бұл жол – оңай емес. Дегенмен көп жұмыс атқарылды. Конституциялық реформа азаматтардың құқықтарын қорғау институттарын нығайтты. Прокуратура тек құқық қолдану саласында емес, жұртшылықпен өзара іс-қимыл жасауда да өзгеру жолына түсті. Біз кері байланысты нығайтып, тек қадағалау шараларымен айналыспай, құқық бұзушылықтарды алдын алуға баса назар аударып отырмыз. Аталған іске өз үлесін қосып жатқан азаматтарға ризашылығымыз шексіз. Бұл қоғамның кемелденіп келе жатқандығын көрсетеді.Жалпы алғанда, «Заң мен тәртіп» тұжырымдамасын іске асыруға әрбір азамат, әр ұйым және барлық мемлекеттік орган тартылуға тиіс. Әр қадамды мықты институттары мен жауапты азаматтары бар құқықтық мемлекет құруға салынған инвестиция ретінде қабылдау қажет. Сондықтан алда әлі атқарылар іс көп. Мұнда ең бастысы – іс-қимылдардың бірлігі, ортақ көзқарас пен өзара жауапкершілік. Біз бұл жұмысты табанды әрі жүйелі түрде жалғастырамыз.– Әңгімеңізге рахмет. Әңгімелескен –Орынбек ӨТЕМҰРАТАқпарат көзі : https://www.gov.kz/memleket/entities/kostanai-zhangeldi-audany-akimat/press/news/details/1017506?lang=kk

Облыс әкімі Берік Уәли Бесқарағай ауданына жұмыс сапары барысында Канонерка ауылындағы Мәдениет үйінің жағдайымен танысты. 1957 жылы салынған мәдени нысанда 80 орындық концерт залы, кітапхана мен хореографиялық зал бар. Алты адам еңбек етеді.Қазіргі таңда ғимаратты жөндеу қажеттігі туындап отыр. Соңғы жылдары шатырынан су аға бастаған. 2023 жылы «Ауыл – ел бесігі» бағдарламасы аясында шатырға күрделі жөндеу жүргізілді. Алайда қайта қалпына келтіру жұмыстары жауын-шашын кезінде жасалып, ғимараттың ішкі бөлігіне зиян келген.Нысанда ағымдағы жөндеу жүргізіп, еден, терезелерді ауыстыру, жылу, су жүйелерін жаңарту, электр желісін қалпына келтіру үшін жобалық-сметалық құжаттама әзірленіп, облыстық Мәдениет басқармасына ұсынылған.Ақпарат көзі : https://www.gov.kz/memleket/entities/abay-cultura-arhiv/press/news/details/1017507?lang=kk

Қазақстан Республикасы Көлік министрлігі Азаматтық авиация комитетінің Таяу Шығыстағы жағдайға байланысты хабарламасына сәйкес, Иран, Израиль, Сирия, Ирак, Иордания және Ливан аумағында, әуе кеңістігінде және оған жақын аймақтарда ұшуға толық тыйым салынғанын хабарлаймыз. Бұл шектеу арнайы бұйрық шыққанға дейін күшінде болады.Аталған ведомствоның нұсқауы отандық әуе тасымалдаушылардың барлық тұрақты және тұрақсыз жолаушылар, жүк, сондай-ақ техникалық рейстеріне қатысты.Осыған байланысты туристерден жағдайды жіті қадағалап, сапарларын, әсіресе БАӘ мен Парсы шығанағы елдеріне баруды мұқият жоспарлауды сұраймыз.Аталған өңірдегі ахуал өзгерген жағдайда, Қазақстанның Авиациялық әкімшілігінің авиациялық қауіпсіздік департаменті қосымша ақпарат ұсынады.ҚР Туризм және спорт министрлігі жағдайды жіті бақылауда ұстап, жауапты мемлекеттік органдар, елшіліктер және туроператорлармен тұрақты байланысып отыр. Қажет болған жағдайда Министрлік Туристік Қамқормен және әуекомпаниялармен бірлесіп туристерді қайтаруды қамтамасыз етеді.Ақпарат көзі : https://www.gov.kz/memleket/entities/tsm/press/news/details/1017510?lang=kk

«Халық үнін естуші мемлекет» тұжырымдамасы аясында азаматтар мен заңды тұлғалардың Төтенше жағдайлар департаментіне келіп түскен өтініштерін қарау кезіндегі өзекті мәселелері прокуратура өкілдерінің қатысуымен өткен дөңгелек үстелде талқыланды.Жиынды Алматы қаласы ТЖД бастығының орынбасары Жүсіпов Данияр төрағалық етті.Қонақтар қатарында: - ҚР Бас прокуратурасы Құқықтық статистика және арнайы есепке алу жөніндегі комитетінің Алматы қаласы бойынша департаментінің Құқықтық ақпарат қалыптастыру басқармасының прокуроры Нареимов Тамерлан Талғатұлы - ҚР Бас прокуратурасы Құқықтық статистика және арнайы есепке алу жөніндегі комитетінің Алматы қаласы бойынша департаментінің Өтініштерді талдау және бақылау басқармасының прокуроры Ермекбай Әлібек ЕрболұлыИнспекторлық құрам өзекті, практикалық сұрақтар қойып, оларға жан-жақты және кәсіби жауаптар алды.Талқылау қорытындысы бойынша Алматы қаласы ТЖД басқарма, бөлім және топ басшыларына: - Өтініштерді жан-жақты әрі сапалы қарауды қамтамасыз ету, негізді жауаптар беру; - тиісті мерзім мен талаптарды қатаң бақылауы тапсырылды.Ақпарат көзі : https://www.gov.kz/memleket/entities/emer-almaty/press/news/details/1017516?lang=kk

Биылғы жылдың 13 маусымда Қазақстан Республикасы мен Өзбекстан Республикасы Президенттерінің тапсырмаларын орындау шеңберінде «Атамекен» (Түркістан облысы, Қазақстан Республикасы) және «Гүлстан» (Сырдария облысы, Өзбекстан Республикасы) өткізу пункттерінің түйіскен жерінде ҚР Сауда және интеграция министрі Арман Шаққалиев пен Өзбекстан Республикасы инвестициялар, өнеркәсіп және сауда министрі Лазиз Құдратовтың төрағалығымен «Орталық Азия» халықаралық өнеркәсіптік кооперация орталығын (ХШЫО) құру мәселелері бойынша көшпелі кеңес өтті.Кеңес барысында тараптар ХШЫО дамуының бастапқы контурларын таныстырды. Қатысушылар инфрақұрылымдық қамтамасыз ету және орталықтың тиімді жұмыс істеуіне қатысты мәселелерді егжей-тегжей талқылады. Құрылыс кезеңдерін жоспарлауға, орталықтар арасында арнайы (түйіспелі) өту үшін орынды таңдауға, сондай-ақ шекара маңы өңірінің көлік-логистикалық әлеуетін одан әрі дамытуға ерекше назар аударды.Жекелеген блокпен кооперацияның перспективалық бағыттары мен инвесторларды тарту модельдерін қоса алғанда, ХШЫО-ны нақты өнеркәсіптік жобалармен толықтыру бойынша ұсыныстар қаралды. Бірлескен өндірістік бастамаларды іріктеу тетіктері, қосылған құн тізбегін қалыптастыру тәсілдері, сондай-ақ Орталық резиденттері үшін мемлекеттік қолдау шаралары мен қолайлы режимдер талқыланды.Кеңес қорытындысы бойынша екі елдің жергілікті атқарушы органдарына жоспарланып отырған Өнеркәсіптік және логистикалық дамуды ескере отырып, ХШХО болашағына іргелес аумақтардың инфрақұрылымдық дайындығын қамтамасыз ету тапсырылды.Сондай-ақ, сапар барысында қазақстандық делегация Сырдария облысының Сырдария қаласында орналасқан ТМД-дағы полимерлі қаптаманың ірі өндірушілерінің бірі - «SIRDARYO MEGA LUKS» ЖШС БК қызметімен танысты.Компания жіптен бастап дайын Боппленкаларға, стрейчпленкаларына, полипропилен пакеттеріне және үлкен сөмкелерге дейін өндірістің толық циклін жүзеге асырады. Кәсіпорын айына 36 млн қап пен жұмсақ контейнер шығарады, еуропалық өндірушілердің заманауи жабдықтарымен жабдықталған және өнімдерді ТМД өңіріне, Еуропа, Таяу Шығыс елдеріне және т. б. экспорттайды.Ақпарат көзі : https://www.gov.kz/memleket/entities/mti/press/news/details/1017517?lang=kk

2025 жылғы 14 маусымда Қазақстан Республикасы Ұлттық ұлан академиясының жас офицерлерінің салтанатты шығарылымы өтті.Іс – шараға Ішкі істер министрінің орынбасары-Ұлттық ұланның Бас қолбасшысы генерал-майор Балтабеков Аңсаған Скендерұлы, Солтүстік Қазақстан облысы әкімінің бірінші орынбасары Тасмағанбетов Марат Иманбайұлы, Тәжікстан Республикасы ІІМ Ішкі әскерлерінің өкілдері, сондай-ақ өңірдің жергілікті атқарушы органдарының бірінші басшылары қатысты.Іс-шара аясында түлектерге әскери оқу орнын бітіргені туралы дипломдар табысталды. Олардың арасында үкіметаралық келісімдер шеңберінде оқудан өткен Тәжікстан Республикасынан келген төрт офицер бар.Биыл Академия әскери бөлімдерге Қазақстанда да, шетелде де қызмет ететін 200-ге жуық офицерді жібереді.Академияны үздік бітірген бес түлекке ерекше назар аударылды. Бұл жас офицерлер Қазақстан Республикасының Президенті – Қарулы Күштердің Жоғарғы Бас қолбасшысы Қасым-Жомарт Тоқаев пен еліміздің ішкі істер министрі полиция генерал-лейтенанты Ержан Сәденовтің қолынан мерзімінен бұрын лейтенанттық погондар алды. Олар: Диас Беделбай, Әділет Шалқарұлы, Азамат Зулкарнаев, Думан Айткенов, Әмір Төлеуханов.Қазақстан Республикасы Ұлттық ұлан академиясы түрлі мамандықтар мен офицерлік кадрлардың әскери мамандарын даярлауда шешуші орынды иеленуді жалғастыруда. Бұл республиканың бүкіл аумағында қауіпсіздік пен тұрақтылықты қамтамасыз ете отырып, Құқық қорғау күштері үшін офицерлерді дайындайтын елдегі жалғыз оқу орны.Ақпарат көзі : https://www.gov.kz/memleket/entities/sko/press/news/details/1017518?lang=kk

  Медицина қызметкері күніне арналған жарияланымдар сериясын жалғастыра отырып, біз қиын жағдайда жұмыс істеп, азаматтардың өмірі мен денсаулығын қорғап жүрген мамандар туралы әңгімелейміз.  Досжан Жұмағұлов 2010 жылдан бері ТЖМ Апаттар медицинасы орталығының Шымкент қ. бойынша филиалының шұғыл медициналық көмек көрсету бөлімінде фельдшер болып еңбек етеді. Филиал ашылған күннен бастап ол өз кәсібилігін, тәртіптілігін және жауапкершілігін үнемі жоғары деңгейде көрсетіп келеді. 2021 жылы Жамбыл облысының Байзақ ауылындағы әскери қоймада болған жарылыстар кезінде Досжан эвакуация жұмыстарына белсене қатысып, сабырлылық пен жанқиярлық танытты. Ал 2024 жылдың шілде айында Ордабасы индустриялық аймағындағы күкірт қышқылы қоймасында шыққан өрт кезінде зардап шеккендерге медициналық көмек көрсетіп, кезекті рет сенімге лайық маман екенін дәлелдеді. Оны әріптестері де, науқастар да құрметтейді. Ол – өз ісінің шебері әрі екі баланы тәрбиелеп отырған отбасылы азамат.  Қуаныш Күнғабылов 2017 жылдан бері Апаттар медицинасы орталығының Жамбыл облысы бойынша филиалында фельдшер болып қызмет атқарып келеді. Осы уақыт ішінде ол төтенше жағдайлар кезінде нақты әрі сенімді әрекет ететін, кез келген жағдайға дайын маман ретінде танылды. Зардап шеккендер үшін ол – сенімділік пен сабырлықтың белгісі.«Қиын сәтте адамның жанынан табылу – менің жұмысымның басты мәні», – дейді Қуаныш Амангелдіұлы.  Бұл сөздер оның кәсібінің мәнін де, өмірлік ұстанымын да айқын сипаттайды. Әріптестері оның жауапкершілігін, ұжыммен жұмыс істей білу қабілетін және сыпайылығын ерекше атап өтеді.  Бұл қос маман – төзімділік, кәсібилік және жанқиярлықтың жарқын үлгісі. Олардың еңбегі – халықтың қиын сәтте үміт арта алатын сенімді медициналық көмегінің негізі.Ақпарат көзі : https://www.gov.kz/memleket/entities/emer/press/news/details/1017524?lang=kk

2025 жылғы 14 маусымда Қызылжар ауылындағы орталық алаңда Ұлы Отан соғысы жылдарында ерлікпен қаза тапқан қазақстандық жауынгер Иманбердинов Таңқыбайдың жерленген жерінен алынған қасиетті топырақты туған жерге табыстау рәсімі өтті.Көп жылдар бойы оның туыстары ата-бабасы, әкесі туралы қандай да бір дерек табуға тырысып келді. Жақында ғана мемлекеттік мұрағаттарға жүгіну арқылы оның қай жерде жерленгені туралы нақты ақпарат алу мүмкін болды.Отбасы батыр атаның мәңгілік мекені болған Ресей Федерациясының Карелия Республикасындағы Суоярви қаласында орналасқан бауырластар зиратынан бір уыс топырақ әкелді. Оркестрдің қайғылы әуенімен солдаттың қыздары көздеріне жас алып, осы топырақты Ұлы Отан соғысында қаза тапқандарға арналған ескерткіштің түбіне арнайы белгіленген орынға салды.Рәсімге ауыл әкімі, «Көкше-Іздеу» әскери-патриоттық іздестіру клубының өкілдері, ауыл тұрғындары мен қонақтары қатысты. Бұл оқиға ата-бабаларымыздың бейбіт өмір үшін төлеген бағасын еске салар жүрек тебірентер сәтке айналды.Таңқыбай атамыздың және соғыстан оралмаған мыңдаған боздақтың рухы – келер ұрпақтың жүрегінде мәңгі сақталатын, елге деген сүйіспеншілік пен батырлықтың, Отанға деген адалдықтың мәңгілік символына айналды.Ақпарат көзі : https://www.gov.kz/memleket/entities/culture-kokshetau/press/news/details/1017530?lang=kk

Қостанай облысында «Орталық – Батыс» автожол дәлізінің құрылысы басталды.Жоба Мемлекет басшысының тапсырмасы аясында қолға алынды және еліміздің көлік инфрақұрылымын дамыту мен транзиттік әлеуетін арттыру жөніндегі Үкімет жоспарларына енгізілген.Құрылыс жұмыстары бір уақытта екі нүктеде – Қостанай облысының Арқалық қаласы мен Жанкелдин ауданына қарасты Торғай ауылында басталды. Құрылыс «Астана – Жәнтеке – Егіндікөл – Арқалық – Торғай – Ырғыз» бағыты бойынша жүргізіліп жатыр. Жолдың жалпы ұзындығы 865 шақырымды құрайды.Жаңа жол дәлізі еліміздің орталық бөлігін батыс өңірлермен тікелей байланыстырмақ. Сонымен қатар ол Қазақстанды Транскаспий халықаралық көлік бағытына (ТХКБ) шығуға мүмкіндік береді. Жаңа бағыттың арқасында Астана мен Ырғыз арасындағы арақашықтық 573 шақырымға қысқарады.Құрылыс жұмыстарының барысында экологиялық мәселелерге ерекше көңіл бөлінуде. Киіктердің қоныс аудару аймақтарында жолдың көлденең профилін өзгерту қарастырылған, 1:10 еңіс жануарлардың еркін әрі кедергісіз қозғалуына мүмкіндік береді.Құрылыстың басталуына негізделген салтанатты шараға ҚР көлік вице-министрі Сәтжан Аблалиев пен өңір басшысы Құмар Ақсақалов қатысты.Ақпарат көзі : https://www.gov.kz/memleket/entities/transport/press/news/details/1017531?lang=kk

Бұл бастама өңір прокуратурасының «Заң және Тәртіп» тұжырымдамасы аясында жүзеге асырылып, сотталғандардың құқықтарын қорғау мен олардың қайта әлеуметтенуіне бағытталған.Қабылдауға прокуратура, медицина, білім беру, әлеуметтік қорғау өкілдері қатысады. Сотталғандар тікелей сұрақтар қойып, білім алу, жұмысқа орналасу немесе медициналық қызмет көрсету бойынша көмек ала алады.Қабылдаудың форматы «тыңдайтын мемлекет» принципін көрсетеді — нақты проблемалар анықталады, адамдардың түрмеде кездесетін қиындықтары ескеріледі. Бұл сотталғандардың бейімделуіне көмектеседі және қайталанушылық қаупін азайтады.Бүгінгі күнге дейін мамандарға шамамен 155 сотталған жүгінген.Талдауды қажет ететін сұрақтар бойынша жазбаша өтініштер іріктеліп алынады. Павлодар облысы прокуратурасының сайтына сілтеме:Ақпарат көзі : https://www.gov.kz/memleket/entities/prokuratura-pavlodar/press/news/details/1017532?lang=kk

Қытайдың Ханчжоу қаласында волейболды отырып ойнаудан өткен Азия чемпионатының финалында Қазақстан ұлттық құрамасы Қытай командасын 3:2 есебімен (22:25, 19:25, 25:19, 25:20, 8:5) жеңіп, өз тарихында алғаш рет Азия чемпионы атанды.Жарыс барысында Қазақстан құрамасы іріктеу кезеңінде Сауд Арабиясы, Жапония және Аустралия командаларын, ал жартылай финалда Таиланд құрамасын 3:0 есебімен сенімді түрде жеңді.Чемпионат қорытындысы бойынша бірінші орынды Қазақстан, екінші орынды Қытай және үшінші орынды Таиланд құрамасы иеленді.Сондай-ақ чемпионат барысында жоғары шеберлік көрсеткен ұлттық құраманың бірнеше ойыншысы жеке марапаттарға ие болды. Эрик Каскабаев – үздік доп беруші, Шыңғыс Медеуов – үздік либеро, ал Алмат Оспанов – үздік блок қоюшы атанды.Аталған нәтиже бойынша Қазақстан және Қытай құрамалары 2026 жылы Қытайда өтетін әлем чемпионатына жолдама жеңіп алды.Айта кетейік, волейболды отырып ойнаудан Азия чемпионаты 6–15 маусым аралығында өтті. Жарысқа 8 ерлер және 7 әйелдер ұлттық командасы қатысты.Ақпарат көзі : https://www.gov.kz/memleket/entities/tsm/press/news/details/1017536?lang=kk

Мажарстан астанасы Будапештте өтіп жатқан дзюдодан әлем чемпионатының екінші күнінде 66 келіге дейінгі салмақ дәрежесінде ел намысын қорғап жатқан Ғұсман Қырғызбаев Израиль спортшысы Гай Гатманды Golden Score қосымша уақытында «иппон» ұпайымен жеңіп, әлем чемпионатының ширек финалына жолдама алды.Келесі белдесуінде Ғұсман тәжікстандық Нурали Эмомалимен татамиге шығады.Ақпарат көзі : https://www.gov.kz/memleket/entities/sport/press/news/details/1017537?lang=kk

«Орталық Азия – Қытай» II саммиті: ҚазҰУ-да Алматы Хартиясына қол қойылдыӘл-Фараби атындағы Қазақ ұлттық университетінде «Орталық Азия – Қытай» II саммиті аясында II Халықаралық академиктер форумы өтті. Ауқымды шараны әл-Фараби атындағы Қазақ ұлттық университеті, ҚР Президентінің жанындағы Ұлттық ғылым академиясы және Сиань Цзяотун университеті бірлесіп ұйымдастырды.Форумның мақсаты – ғылыми зерттеулер мен озық технологияларды енгізу арқылы климаттың өзгеруі, шөлейттену, халықтың өсуі және кедейлікпен күресу сияқты өзекті жаһандық сын-қатерлерді шешуге жәрдемдесу.Форумға әл-Фараби атындағы Қазақ ұлттық университетінің Басқарма Төрағасы – Ректоры Жансейіт Түймебаев, ҚР Ұлттық ғылым академиясының президенті Ақылбек Күрішбаев, Сиань Цзяотун университетінің (XJTU) атқарушы вице-президенті Би Чжаохун, ҚР Ғылым және жоғары білім вице-министрі Динара Щеглова, Алматы қаласы әкімдігі, министрлік өкілдері, сондай-ақ Орталық Азия және Қытай елдерінен энергетика саласындағы ғалымдар мен сарапшылар қатысты.ҚазҰУ ректоры Жансейіт Түймебаев мәртебелі қонақтар мен қатысушыларды қарсы алып, 16 маусымда Қазақстан Президенті Қасым-Жомарт Кемелұлы Тоқаевтың шақыруымен Қытай Халық Республикасының Төрағасы Си Цзиньпиннің Қазақстанға келетінін атап өтті. 17 маусымда Астанада Орталық Азия – Қытай екінші саммиті өтеді, оған өңірдің мемлекет басшылары қатысады.Қазақстан Президенті Қасым-Жомарт Тоқаев өткен жылы Қытай Халық Республикасының Төрағасы Си Цзиньпинмен кездесуде:«Қытай біз үшін тек жақын көрші емес, сонымен қатар жақын дос және уақытпен сыналған сенімді серіктес», – деген болатын. Өз тарапынан Қытай Халық Республикасының Төрағасы Си Цзиньпин:«Мен Қытайдың Қазақстанмен қатынастарын стратегиялық биіктіктен және ұзақ мерзімді перспективада қарастыратынын растағым келеді. Қытай әрқашан Қазақстанның сенімді тірегі болады», – деді.«Дәл осы Қазақстан мен Қытай мемлекет басшылары арасындағы жоғары деңгейдегі жылы және сенімді қатынастар бүгінгі өзара әрекеттесуіміздің берік негізі болды. Осы саммит аясында бүгін әл-Фараби атындағы Қазақ ұлттық университетінде Орталық Азия және Қытай ғылым академиясының академиктері бас қосты», – деп тілге тиек етті ҚазҰУ ректоры.Айта кету керек, мемлекет басшылары саммиті аясында «Орталық Азия – Қытай» Іскерлік кеңесінің екінші отырысында әл-Фараби атындағы ҚазҰУ үш келісімге қол қоюды жоспарлап отыр.Біріншісі – КазҰУ мен Қытайдың TusHoldings корпорациясы арасында, ол Қытайдағы инновациялық кәсіпкерліктің жетекші институттарының бірі. Құжат стартаптарды дамыту үшін DeepTech, цифрлық және жасыл технологиялар, биомедицина және жасанды интеллект салаларында бірлескен бизнес-инкубатор құруды қарастырады.Екіншісі – «Huibo» (Хуэйбо) цифрлық интеллектуалдық шеберханасын жасақтау, ол заманауи оқу-ғылыми платформа болады.Үшіншісі – жердегі спутник станциясын құру туралы келісім. Бұл бастама ғарыштық зерттеулер саласындағы халықаралық ынтымақтастықты және технологиялық алмасуды кеңейту үшін маңызды қадам болмақ.Қазіргі уақытта ҚазҰУ 65 Қытай университеттері мен ұйымдарымен тығыз серіктестік орнатқан. Қытайдан келген шетелдік студенттердің жалпы саны 1440 адамды құрайды. Сондай-ақ Орталық Азия елдерімен халықаралық ынтымақтастық белсенді дамып, өңірлік университеттерімен 55 келісім жасалған. Әзірбайжан, Қырғызстан, Түрікменстан, Тәжікстан және Өзбекстанда екі дипломды бағдарламалар мен бірлескен білім беру жобалары сәтті жүзеге асырылуда.«Бүгінгі форумның мақсаты – тек пікір алмасу емес, жасыл технологиялар саласындағы интеграцияны тереңдетуге бағытталған нақты ынтымақтастықты ілгерілету», – деді Жансейіт Түймебаев.Шара барысында ҚР ҰҒА академиясының президенті Ақылбек Күрішбаев баяндама оқыды.«2023 жылы Сианда өткен алғашқы саммит және сол жерде қабылданған Сиань декларациясы өзара әрекеттесудің жаңа дәуірін ашты», – деп атап өтті. – «Бұл форум – интеграцияны тереңдетудің қадамы. Қазақстан өнеркәсіптік және ғылыми әлеуетке ие және жасыл өтпелі мәселелер бойынша аймақтық күн тәртібінің белсенді ұйымдастырушысы болып табылады. ҚР Ұлттық ғылым академиясы әрқашан Қытаймен және Орталық Азия елдерімен ғылыми серіктестікті дамытуға қолдау көрсетуге дайын. Бұл форум – біріктірілген ғылыми кеңістікті қалыптастыруға маңызды қадам. Біз бірлескен күш-жігеріміздің өңірдің тұрақты дамуына әкелетініне сенімдімін», – деді академия президенті.ҚР ҰҒА президенті Ақылбек Күрішбаев «Орталық Азияның биоалуантүрлілігін қорғау бойынша үйлестіруші механизм ретінде «Орталық Азия биоалуантүрлілігі жөніндегі Кеңес» құруды ұсынды.Пленарлық отырыста ҚР Ғылым және жоғары білім министрі Саясат Нұрбектің Орталық Азия мен Қытай елдерінің ғылыми қауымына арналған құттықтау хатын ҚР Ғылым және жоғары білім вице-министрі Динара Щеглова оқып берді.«Бүгінгі іс-шара «Бір белдеу, бір жол» бастамасы шеңберінде жасыл энергетика саласындағы ынтымақтастықты тереңдетуге, «Жасыл Жібек жолы» тұжырымдамасын іске асыруға, озық технологиялармен алмасуға елеулі үлес қосады. Қазақстан мен Қытай арасындағы стратегиялық серіктестік жаңа деңгейге көтерілді. Қос Мемлекет басшылары арасындағы өзара сенім мен достық екі ел қарым-қатынасының берік негізі болып отыр. Осы тұрғыда ҚазҰУ-да өтіп жатқан форум әріптестіктің айқын көрінісі», – делінген хатта.Сондай-ақ Сиань университетінің вице-президенті Би Чжаохун, Қырғыз Республикасының Ұлттық ғылым академиясының президенті Қанатбек Абдрахматов және Тәжікстан Ғылым академиясының вице-президенті Саидмұхамед Ибадов құттықтау сөздерін жеткізді.Форум барысында ҚР ҰҒА, әл-Фараби атындағы Қазақ ұлттық университетінің, Сиань Цзяотун университетінің (ҚХР), Қырғыз Республикасының Ұлттық ғылым академиясының, Қырғызстан халықаралық университетінің және Самарқанд мемлекеттік университетінің (Өзбекстан) өкілдері жасыл энергетика саласындағы ынтымақтастық туралы Алматы хартиясына қол қойды.Форум жұмысы тақырыптық панельдік секциялармен жалғасты. Қатысушылар жасыл энергетикаға көшу үдерісін жеделдету бойынша өз әзірлемелерін ұсынды, тәжірибе және пікір алмасты.Ақпарат көзі : https://www.gov.kz/memleket/entities/sci/press/news/details/1017538?lang=kk

 Бүгін медицина қызметкерлерінің кәсіби мерекесіне орай облыс орталығында салтанатты жиын өтті. Шараға Батыс Қазақстан облысының әкімі Нариман Төреғалиев қатысып, ақ халатты абзал жандарды шын жүректен құттықтады.Салтанатты жиында аймақ басшысы өңірдегі денсаулық сақтау саласында атқарылып жатқан жұмыстарға тоқталып, медицина мамандарының қоғамдағы орны ерекше екенін атап өтті.«Күні кеше Мемлекет басшысы Қасым-Жомарт Тоқаев медицина қызметкерлерін кәсіби мерекелерімен құттықтап, олардың қоғамдағы рөлі зор екенін атап өтті. Президент: «Дәрігер болу – жүректің ісі. Біз сіздердің ерліктеріңізді бағалаймыз»дей келе, ақ халатты абзал жандардың еңбегін ескеріп, мәртебесін жоғарылатты.Облыс көлемінде де денсаулық саласын қолдау мақсатында ауқымды нақты жұмыстар атқарылып келеді», - деді Нариман Төреғалиев.Өңір басшысы өз сөзінде «Ауылдық денсаулық сақтауды жаңғырту» ұлттық жобасы аясында облысымызда 50 медициналық нысанның құрылысы жоспарланын, оның бүгінде 38 нысаны пайдалануға берілгенін хабарлады. Қалған 12 нысанның құрылысы маусым-шілде айларында аяқталмақ. Сонымен қатар, 2023–2025 жылдар аралығында өңірде денсаулық сақтау инфрақұрылымын дамыту бағытында: 37 нысанда күрделі жөндеу жүргізілсе, тағы 5 нысанның күрделі жөндеу жұмыстары аяқталуға жақын. Сондай-ақ, 8 модульдік медициналық ғимарат сатып алынып, қолданысқа берілді.2023-24 жылдары облыстағы денсаулық сақтау ұйымдарына су жаңа 131 санитариялық автокөлік берілді. 405 бірлік медициналық құрал-жабдық сатып алынып, оған жергілікті бюджеттен 3 миллиард теңге қаражат бөлінген.Жиын барысында сала үздіктеріне «Еңбек ардагері» медалі және ҚР Денсаулық сақтау министрлігінің «Денсаулық сақтау ісінің үздігі» және «Денсаулық сақтау ісіне қосқан үлесі үшін» төсбелгілері, “Құрмет” грамоталары, сондай-ақ облыс әкімінің алғыс хаттары табыс етілді.Мерекелік шара концерттік бағдарламаға ұласты.БҚО әкімдігінің баспасөз қызметіАқпарат көзі : https://www.gov.kz/memleket/entities/bko/press/news/details/1017539?lang=kk

Бүгін "Семей орманы" резерватының Бородулиха филиалының Камышен орманшылығында Қазақстан Республикасының Экология және табиғи ресурстар министрі Е.Нысанбаев пен "Қазақтелеком" АҚ Басқарма төрағасы Б. Мусиннің қатысуымен өртті ерте анықтау жүйесінің автоматтандырылған мониторинг жүйесін орнату орындары ашылды."Семей орманы" резерватының аумағында ерте анықтау жүйесі іске қосылды. Ол орман өрттеріне жедел ден қоюға, ықтимал тәуекелдерді бағалауға және өртті ерте кезеңдерде оқшаулауға мүмкіндік береді. "Семей орманы" резерваты еліміздің орман өртіне бейім өңірлерінің бірі. Ағымдағы жылдың басынан бастап 42 өрт ошағы тіркелді, олардың едәуір бөлігі табиғи факторлардан, соның ішінде құрғақ найзағай разрядтарынан туындады.Сонымен қатар, инвесторлармен кездесуде ЖТҚ әзірлеу көлемін ұлғайту бойынша нақты нұсқаулар берілді. Министр туындаған мәселелерді жедел шешудің маңыздылығын атап өтіп, жағдайды тұрақтандыру және көлемдерді уақтылы игеру үшін маусым айының соңына дейін мерзім белгіледі.Енгізілген жүйе қазіргі заманғы термовизиялық және оптикалық камераларды пайдалана отырып, орман алқаптарының тәулік бойы бейнемониторингіне арналған. Камералар биіктігі 30 метр антенна-діңгек құрылыстарына орналастырылады, 360 градусқа айналады және жасанды интеллект көмегімен түтін немесе от белгілері автоматты түрде ерте кезеңдерде танылады.Өрт белгілері анықталған кезде жүйе жедел басқару орталығына сигналды бірден жібереді, бұл өрт ошағын тез оқшаулауға және жоюға мүмкіндік береді.Болашақта жүйе ҚР ТЖМ Стратегиялық жоспарлау және жедел басқару командалық орталығына қосылады, бұл тиімді басқару шешімдерін қабылдау үшін республикалық деңгейде орман алқаптарының орталықтандырылған мониторингін қамтамасыз етеді.Осылайша, "Семей орманы" жобасы-табиғатты сақтауға және орман алқаптары маңында тұратын адамдардың қауіпсіздігін қамтамасыз етуге бағытталған шешім.Ақпарат көзі : https://www.gov.kz/memleket/entities/ecogeo/press/news/details/1017541?lang=kk

Бүгін Шымкент қаласында Shymkent Usta Fest – тұтас ағаштан жасалатын қолөнер шеберлерінің халықаралық фестивалі басталды. Іс-шара Шымкент қаласы әкімдігінің қолдауымен ұйымдастырылуда.Қаладағы «Арбат» алаңында өтіп жатқан фестивальдің ашылу рәсіміне Шымкент қаласы әкімінің орынбасары Сәрсен Құранбек арнайы қатысып, шеберлерге сәттілік тілеп, фестивальдің маңыздылығына тоқталды.Айта кетейік, Shymkent Usta Fest фестивалі елімізде тұңғыш рет Шымкент қаласында өтуде. Оған елімізден өзге, Өзбекстан, Қырғызстан, Моңғолия және Ресей Федерациясынан келген ағаш өңдеу өнерінің шеберлері қатысып жатыр.Фестиваль бағдарламасы аясында алты күн бойы «Арбат» алаңында жәрмеңкелер, көрмелер және түрлі мәдени іс-шаралар ұйымдастырылады. Қала тұрғындары мен қонақтары ұлттық нақыштағы ерекше бұйымдарды тамашалап қана қоймай, олардың жасалу барысын да көре алады.Фестивальдің салтанатты жабылу рәсімі мен гала-концерті 20 маусым күні өтеді.Ақпарат көзі : https://www.gov.kz/memleket/entities/shymkent/press/news/details/1017543?lang=kk