«Сарыарқа» арнайы экономикалық аймағында алюминий және биметалл жылыту радиаторларын шығаратын жоғары технологиялық және экологиялық зауыт салынуда. Кәсіпорында 220 жұмыс орнын ашу жоспарлануда.Жобаны іске асырушы «Силумин оф Қазақстан» ЖШС – өңдеу өнеркәсібін дамытуға және «Бәйтерек» ұлттық басқарушы холдингі, «Даму» қоры, BV Management, өнеркәсіп министрлігі және Қарағанды облысы әкімдігінің қолдауымен ESG-қағидаттарын енгізуге инвестиция салатын жас қазақстандық компания.Кәсіпорын еліміздегі ең ірі радиатор өндірушіге және импорт алмастыратын маңызды нысандардың біріне айналады деп күтілуде. Бірінші кезеңнің өндірістік қуаты жылына 5,5 миллионға жуық секцияны құрайды. Инвестицияның жалпы көлемі – 35 миллион АҚШ доллары.Кәсіпорында 220 жұмыс орнын құру жоспарлануда, бұл машина жасау, металлургия және химия саласындағы білікті мамандарды тартуды талап етеді. Бұл үшін компания қазірдің өзінде өңірдің колледждерімен және жоғары оқу орындарымен ынтымақтастық орнатуда.Өндірістік процесс толығымен оқшауландырылады – алюминий құюдан бастап. Жобада қазіргі заманғы экологиялық технологиялар қолданылады: алюминий сынықтары мен қождарын өңдеу, шығатын газдарды көп сатылы сүзу, булау әдісімен суды қайта пайдалану, күн генерациясы және жылуды рекуперациялау. Бұл қоршаған ортаға әсерді төмендетіп қана қоймай, ресурстық тиімділікті арттыруға мүмкіндік береді.Жылыту нарығындағы өндірушілер қауымдастығы (ЖНӨҚ) мен «Силумин оф Қазақстан» ЖШС арасында халықаралық ынтымақтастықты кеңейту шеңберінде ағымдағы жылдың 21 мамырында негіздемелік келісімге қол қойылды. Тараптар зертханалық және әдістемелік базаны, өнеркәсіптік кооперацияны дамыту және оқшаулау деңгейін арттыруға бағытталған жеткізу тізбегін қалыптастыру бойынша бірлескен жұмыс туралы келісті.Жаңа өндірістің басты міндеті – Қазақстанның ішкі нарығын бәсекеге қабілетті өніммен қамтамасыз ету және импортқа тәуелділікті азайту. Бұдан басқа, кәсіпорын жылыту жабдықтары нарығында заманауи сапа мен қауіпсіздік стандарттарын енгізу алаңына айналуы тиіс.Зауытты іске қосу кезең-кезеңмен жоспарлануда: бірінші кезек бүкіл өндірістік циклді қамтиды, кейінгілері – шығару көлемін арттыруға бағытталады.Ақпарат көзі : https://www.gov.kz/memleket/entities/karaganda/press/news/details/1006711?lang=kk

Құрметті бітімгерлер! Сіздерді Қорғаныс министрлігінің басшылығы, жеке құрамы және өз атымнан Біріккен Ұлттар Ұйымының Халықаралық бітімгерлер күнімен шын жүректен құттықтаймын!Бұл күн – БҰҰ-ның туы астында бейбітшілік пен тұрақтылықты сақтау жолында аянбай еңбек етіп жүрген жандарға құрмет көрсетілетін күн.Қазақстан Республикасы посткеңестік кеңістікте БҰҰ-ның бітімгерлік миссиясына дербес мандат алған алғашқы әрі жалғыз мемлекет. Ұлттық бітімгерлік контингенттің Голан жоталарына орналастырылуы – Қарулы күштеріміздің кәсіби даярлығының, жауапкершілігі мен құзіретінің халықаралық деңгейде мойындалғанының айқын дәлелі.Қазақстан Республикасының Президенті – Қарулы Күштердің Жоғарғы Бас қолбасшысы Қасым-Жомарт Тоқаев Голан жоталарынан оралған жеке құрамды марапаттау рәсімінде: «Сіздер ең күрделі жағдайда да қазақстандық әскери қызметшілердің тиімді қызмет ете алатынын дәлелдедіңіздер. Бұл – еліміздің қауіпсіздігін қамтамасыз етіп, Қазақстанға деген сенімді нығайтатын маңызды қадам. Еңбектеріңіз елеусіз қалмай, еліміздің халықаралық беделін арттыруға едәуір үлес қосты» деп атап өткен болатын. Бұл сөздер –  жоғары деңгейде мойындаудың айғағы әрі әрбір қазақстандық бітімгердің жаһандық қауіпсіздікке қосқан үлесінің маңыздылығын көрсетеді.2014 жылдан бері 750-ден астам қазақстандық әскери қызметші Африка мен Таяу Шығыстағы БҰҰ-ның миссияларына қатысып келеді. Бітімгерлердің қызметі халықаралық қауымдастық тарапынан жоғары бағаланып, Отан қорғаушылардың жаңа буынына үлгі болуда.Қымбатты бітімгерлер!Сіздерге зор денсаулық, өр рух, отбасыларыңызға амандық және бейбітшілік жолындағы қызметке толағай табыстар тілеймін.Құрметпен,Қазақстан Республикасының Қорғаныс министрігенерал-полковник Р. ЖақсылықовАқпарат көзі : https://www.gov.kz/memleket/entities/mod/press/news/details/1006720?lang=kk

29 мамыр – қақтығыстарды реттеуге және барынша қауіпсіздікті қолдауға, бейбітшілікті құруға елеулі үлес қосатын БҰҰ-ның халықаралық бітімгерлер күні.Қазақстандық әскери қызметшілердің әлемдегі бейбітшілікті қолдауға қатысу тәжірибесі 2003 жылдың тамызында бірінші инженерлік-саперлік «Қазбат» жасағының құрылуынан бастау алады.Қазақстан үкіметінің БҰҰ-мен бітімгерлік желісі бойынша өзара іс-әрекеті 2014 жылы Қарулы күштердің алғашқы әскери қызметшісін Батыс Сахарадағы Ұйымның әскери бақылаушысы ретінде жіберген сәтінен басталды.    Осы кезден бастап қазақстандық бітімгерлер Ливан, Батыс Сахара және Кот-д'Ивуар сияқты әлемнің әртүрлі өңірлерінде қызмет етті. 2024 жылы Қазақстан БҰҰ-ның Африка мен Таяу Шығыстағы миссиясына қосымша әскери қызметшілерді жіберді. Әсіресе Орталық Африка Республикасындағы, Малидегі және Конго Демократиялық Республикасындағы миссиялар күрделі болды.Қазақстан ТМД-да БҰҰ-ның Голан жоталарында қызмет етуге дербес мандат алған алғашқы және әзірге жалғыз ел болып табылады. Бүгінде біздің 139 әскери қызметшіміз қарсы тараптар арасында атысты тоқтату режимін сақтау жөнінде маңызды міндеттерді орындап жүр.Ұйымның бітімгерлік контингентін өз бетінше орналастыру туралы шешімі нормативтік базаны дамыту және әскери қызметшілерді даярлауды жетілдіру жөніндегі жүйелі жұмыстың логикалық нәтижесі болды. Бұл үдерісте бітімгерлерді құқықтық, гуманитарлық, тілдік және психологиялық даярлаумен қатар, жан-жақты оқытумен қамтамасыз ететін Алматы қаласында Бітімгерлік операциялар орталығын құру шешуші рөл атқарды.Қазақстанның БҰҰ-ның бітімгерлік миссияларына қатысуы халықаралық қауіпсіздікті нығайтуға елеулі үлес қосып қана қоймай, еліміздің жаһандық аренадағы рөлін арттыруға ықпал етеді. Бұл оған қоса қазақстандық әскери қызметшілерге құнды жауынгерлік тәжірибе жинақтауға, кәсіби даярлықты жетілдіруге және көпұлтты ортадағы іс-қимылдарға бейімделуге мүмкіндік береді.Біріккен Ұлттар Ұйымының халықаралық бітімгерлер күні – қаза тапқандарды еске алып, БҰҰ-ның әлемдегі бейбітшілікті сақтау жөніндегі бітімгерлік операцияларының құрамында қызмет еткен һәм қызмет етуді жалғастырып келе жатқан адамдарға құрмет көрсететін күн.Ақпарат көзі : https://www.gov.kz/memleket/entities/mod/press/news/details/1006723?lang=kk

Абай облысы бойынша Мемлекеттік кірістер департаменті «Сыбайлас жемқорлыққа қарсы іс-қимыл және алдын-алу» № 4 ҮҮБ жобаларын орындау бойынша Нұсқаулыққа сәйкес 2025 жылғы 11 маусым күні сыбайлас жемқорлық тәуекелдерін ішкі талдау нәтижелерін талқылауды жоспарлап отыр.Осыған байланысты, барлық мүдделі тұлғаларды 2025 жылғы 11 маусым күні Семей қаласы Абай алаңы 3 үй мекен-жайы бойынша осы шараға қатысуыңызды сұраймыз.Сұрақтарыңыз   болса   +7 705 764 59 59   телефон номеріне хабарласыңызАқпарат көзі : https://www.gov.kz/memleket/entities/kgd-abay/press/news/details/1006727?lang=kk

2025 жылғы Алыш күресінен Азия чемпионаты Үндістанның Дели қаласында жоғары деңгейде ұйымдастырылып, жарыс қорытындысы бойынша еліміздің спортшылары бірнеше жүлделі орындарға ие болды.Олардың ішінде Қармақшы ауданының тумасы, жерлесіміз – Әбілтаева Назерке 55 кг салмақ дәрежесінде алтын медаль жеңіп алып, Азия чемпионы атанды!Бұл – Қармақшы жұртшылығы үшін зор мақтаныш, жас спортшы қызымыздың қажырлы еңбегі мен ерік-жігерінің жемісі!Назеркені жеңісімен шын жүректен құттықтаймыз! Алдағы уақытта да ел абыройын асқақтатып, талай белестерді бағындыра беруіне тілектеспіз!Ақпарат көзі : https://www.gov.kz/memleket/entities/kyzylorda-karmakshy/press/news/details/1006729?lang=kk

– Одақ туралы шартқа және (немесе) Қазақстан Республикасының заңнамасына сәйкес белгіленген, Еуразиялық экономикалық одақтың кедендік шекарасы арқылы өткізілетін тауарларға қатысты қолданылатын, оның ішінде Одақ туралы шартқа сәйкес біржақты тәртіппен енгізілетін тарифтік емес реттеу шаралары, техникалық реттеу шаралары, санитариялық, ветеринариялық-санитариялық және карантиндік фитосанитариялық шаралар, өзіндік ерекшелігі бар тауарларды бақылау шаралары, оның ішінде әскери мақсаттағы өнімге қатысты шаралар және радиациялық талаптар;Тыйым салулар мен шектеулерді сақтау 26 желтоқсан 2017 жылғы № 123-VI ЗРК «Қазақстан Республикасында кедендік реттеу туралы» Қазақстан Республикасының Кодексінің 8 бабына  сәйкес  реттеледі.Тауарлар тыйым салулар мен шектеулер сақтала отырып, Еуразиялық экономикалық одақтың кедендік шекарасы арқылы өткізіледі және (немесе) кедендік рәсімдермен орналастырылады.Тарифтік емес реттеу шараларын, оның ішінде біржақты тәртіппен енгізілетін тарифтік емес реттеу шараларының және техникалық реттеу шараларының сақталуы – Одақ туралы шартқа сәйкес Комиссия айқындаған немесе Қазақстан Республикасының заңнамасында айқындалған жағдайларда және тәртіппен, ал өзіндік ерекшелігі бар тауарларды бақылау шараларының, оның ішінде әскери мақсаттағы өнімге қатысты шаралардың сақталуы Қазақстан Республикасының заңнамасына сәйкес айқындалған жағдайларда және тәртіппен осындай шаралардың сақталуын растайтын құжаттарды және (немесе) мәліметтерді ұсыну арқылы расталады.Санитариялық, ветеринариялық-санитариялық және карантиндік фитосанитариялық шаралар мен радиациялық талаптардың сақталуы Одақ туралы шартта және оған сәйкес қабылданған Комиссияның актілерінде белгіленген тәртіппен және (немесе) Қазақстан Республикасының заңнамасында белгіленген тәртіппен санитариялық-эпидемиологиялық, ветеринариялық, карантиндік фитосанитариялық, радиациялық бақылауды (қадағалауды) жүзеге асыру нәтижелері бойынша расталады.Егер халықаралық пошта жөнелтілімдері:1) келу орнынан халықаралық пошта жөнелтілімдерімен жіберілетін тауарлармен кедендік операциялар жасау орнына дейін;2) келу орнынан кету орнына дейін тасымалданса, оларды кедендік транзит кедендік рәсімімен орналастыру кезінде декларанттарға тыйым салулар мен шектеулерді сақтау жөніндегі міндет жүктелмейді.Ақпарат көзі : https://www.gov.kz/memleket/entities/kgd-vko/press/news/details/1006730?lang=kk

Қонаев қаласындағы «Қапшағай бидай өнімдері» ЖШС істен шыққан элеваторды жаңғыртуда. Мұндағы ескі станоктар түгелдей ауыстырылып, үш түрлі зауыт салынып жатыр. Оның бірі сұйық май шығаратын болса, келесілері жемдік ұн мен ұн өндіретін зауыт.Дайын өнім Қазақстанның нарығында саудаланып қана қоймай, Қытайға экспортталады. Тартылған инвестицияның көлемі 8 млрд. теңгені құрап отыр.«Бүгінде теміржол ауыстырылып, контейнер терминалы, қоймалар, зауыттар салынып жатыр. Құрылысқа 200-ге жуық адам тартылған. Сондай-ақ 2 гектар жер қосымша сатып алынды. Жобасы жасалуда. Зауыт биыл қолданысқа беріледі. Жылына 1 000 000 тонна өнім экспортқа шығарылады деп жоспарлап отырмыз», - деді ЖШС бас директорының орынбасары Ринат Тоқпанов.Зауыт керекті материалдармен өзін-өзі қамти алады. 2-3-қабаттарда қап шығаратын станоктар қойылған. Қазір бұл жерде 250 адам еңбек етіп жатса, қосымша 300 жұмыс орны құрылады.Айта кетейік, Қонаев қаласының инвестициялық пулына 39 жоба енгізілген. Инвестицияның жалпы көлемі 2,4 трлн.теңгені құрайды. Нәтижесінде 17 000 тұрақты жұмыс орны пайда болады. Қазір шаһарда 12 түрлі өндіріс ошағы қызмет етеді. Ақпарат көзі : https://www.gov.kz/memleket/entities/almobl/press/news/details/1006735?lang=kk

Бүгін Астанада Астана халықаралық форумы (AIF) жұмысын бастады. Форумның тақырыбы – «Connecting minds, shaping the future».Форум Қазақстан Республикасының Президенті Қасым-Жомарт Тоқаевтың төрағалығымен өткізілетін жалпы отырыстан басталады.АХФ экономикаға, климатқа және мемлекетаралық қатынастарға назар аудара отырып, жаһандық өзгерістер жағдайында халықаралық ынтымақтастықты нығайтуға бағытталған.Форумға мемлекет, үкімет басшылары, халықаралық ұйымдар мен ірі компания жетекшілері, саяси қайраткерлер мен сарапшылар тобының өкілдері қатысады.Форумға 7000-нан астам қатысушы тіркеліп отыр. Еуропа, Орталық Азия, Таяу Шығыс пен Африка елінен БҰҰ, ААҰ, ХКҰ және ДЗМҰ сияқты жетекші халықаралық ұйымдардың атынан 160-тан астам спикер бар. Екі күн бойы олар түрлі саланың сарапшыларымен бірлесіп, мемлекетаралық ынтымақтастық моделін, жаңа жаһандық әріптестік құрудың келешегін қарастырады.Форумның құрметті қонақтары арасында мыналар бар:Жоғары мәртебелі Пол Кагаме, Руанда Республикасының Президенті;Жоғары мәртебелі Гордана Сильяновска Давкова, Солтүстік Македония Республикасының Президенті;Пан Ги Мун, Жаһандық жасыл өсу институтының (GGGI) Президенті және төрағасы, Біріккен Ұлттар ұйымының (БҰҰ) 8-бас хатшысы;Ален Берсе, Еуропа Кеңесінің бас хатшысы;Цюй Дунъюй, Азық-түлік және ауылшаруашылық ұйымының (ФАО) бас директоры;Эми Э. Поуп, Халықаралық көші-қон ұйымының (ХКҰ) бас директоры;Дарен Танг, Дүниежүзілік зияткерлік меншік ұйымының (ДЗМҰ) бас директоры; • Каха Имнадзе, БҰҰ Бас хатшысының арнайы өкілі және Орталық Азия үшін алдын алу дипломатиясы жөніндегі аймақтық орталығының (БПДАО) басшысы.АХҰ негізгі бағыты:– Сыртқы саясат пен халықаралық қауіпсіздік;– Энергетика және климаттың өзгеруі;– Экономика мен қаржы.Бағдарламада 40-тан аса панельдік сессия, бейресми пікірталастар мен басқа да бағдарламадан тыс шаралар бар.https://www.gov.kz/memleket/entities/economy/press/news/details/1006736?lang=kkАқпарат көзі : https://www.gov.kz/memleket/entities/kostanai-ekonomika-zhosparlau/press/news/details/1007421?lang=kk

 Қазақстандағы демографиялық трендтер: 2024 жылдың қорытындысы және болжамдар 2024 жылы әртүрлі елдердің, соның ішінде Қазақстанның зейнетақы жүйесіне айтарлықтай әсерін тигізетін халықтың қартаюы мен бала туу көрсеткіші төмендеуінің жаһандық үрдісі жалғасын тапты. Әлем өзінің демографиялық ауысуында бетбұрыс кезеңін бастан өткеруде. Бұл туралы Дүниежүзілік экономикалық форумда да атап өтілді: "Адамзат тарихында алғаш рет 65 жастан асқан адамдардың саны бес және одан кіші жастағы балаларға қарағанда көбірек".2025 жылғы 1 қаңтардағы жағдай бойынша Қазақстан халқының саны 20,3 млн асты, оның ішінде 25 жасқа дейін – 8,7 млн адам (42,8%), 25-тен 65 жасқа дейінгі жастағы адам саны – 9,7 млн адам (48,0%), 65 жастан асқандар саны – 1,9 млн адам (9,2%)[1].Болжамдарға сәйкес, Қазақстандағы халық саны 2050 жылдың соңына қарай 26,3 млн адамға жетеді. Өмір сүру ұзақтығы және қарттардың үлесі Күтілетін өмір сүру ұзақтығы 2020-2021 жылдардағы пандемия кезінде төмендегеннен кейінгі 2021 жылғы 70,23-тен 2024 жылы 75,44 жасқа дейін өсті. 2013-2024 жылдар аралығындағы орташа өмір сүру ұзақтығының өзгеру динамикасы мынадай:  201320142015201620172018201920202021202220232024Бүкіл халық 70,6271,4471,9772,4172,9573,1573,1871,3770,2374,4475,0975,44Ерлер65,9166,9067,4967,9968,7268,8468,8267,0966,3370,2670,9971,33Әйелдер75,2375,8276,2676,6176,9277,1977,3075,5374,0378,4179,0679,42 БЖЗҚ-ның да, БҰҰ-ның да болжамдары 2050 жылға қарай өмір сүру ұзақтығының өсуіне байланысты демографиялық қартаюдың жоғары деңгейі байқалатынын көрсетеді (халықтың жалпы санындағы 60 және одан жоғары жастағы адамдардың үлесі 2009 жылғы 9,7%-дан 2024 жылы 13,9%-ға дейін өсті және 2050 жылға қарай 19%-ға дейін өседі деп болжануда. Яғни, 2050 жылға қарай орта есеппен әрбір бесінші қазақстандық 60 жастан асқан болады). Жалпы халық санындағы 60 жастан асқан адамдардың алатын үлесі туралы нақты дерек пен болжам Нақты дерекБҰҰ болжамыБЖЗҚ болжамы Жалпы туу коэффициенті Халық құрылымына туудың жиынтық коэффициенті (ТЖК) айтарлықтай әсер етеді, бұл бір әйелдің репродуктивті кезеңде орташа есеппен қанша рет босанатынын көрсетеді (яғни шамамен 15-50 жас).Бұл көрсеткіш 2021 жылғы 3,32-ден 2024 жылы 2,80-ге дейін төмендеді. БҰҰ болжамдарына сәйкес, Қазақстандағы туу коэффициентінің 2050 жылға қарай бір әйелге шаққанда 2,42 балаға дейін одан әрі төмендеуі күтілуде.  Жыл201620172018201920202021202220232024ТЖК2,772,732,842,903,133,323,052,962,80 Бала туудың төмендеуі бүкіл әлем үшін жаһандық үрдіс болып табылады. Туу көрсеткіштерінің біртіндеп төмендеп, өмір сүру ұзақтығының артуы жағдайында еңбек нарығына адамдар аз араласа бастайды, зейнеткерлер мен еңбекке қабілетті халық арасындағы теңгерімсіздік одан әрі өсуде. Көші-қон сальдосы UNFPA-ның (БҰҰ-ның халықты қоныстандыру саласындағы қоры) Қазақстандағы өкілдігі Қазақстан Республикасының халқын қоныстандыру саласындағы жағдайды талдау[2] есебінде біртіндеп 2050 жылға қарай 1000 адамға шаққанда 0 көші-қон сальдосына қол жеткізілетінін болжайды, бұл "республиканың жұмыс күшіне деген жоғары сұранысынан, елеулі этникалық эмиграция әлеуетінің біртіндеп сарқылуынан, Қазақстанның оңтүстігіндегі елдердегі халықтың жылдам өсуінен көрінетін экономикалық дамуымен түсіндіріледі". Төменде 2016-2024жж. иммигранттар мен эмигранттар саны көрсетілген:  Жыл201620172018201920202021202220232024Келгендер13 75515 59512 74712 25511 37011 03917 42525 38729 282Кеткендер34 90037 72541 86845 22529 08832 25624 14716 09412 732Көріп отырғанымыздай, пандемиядан кейін Қазақстанға келушілердің жыл сайынғы саны соңғы үш жылда 2,7 есеге өсті, ал 2020 жылдан бері кеткендердің саны 2,3 есеге азайды. Әлеуетті қолдау коэффициенті 65 жастан асқан адамдардың санына бөлінген еңбекке қабілетті жастағы (25 жастан 64 жасқа дейін) адамдардың саны ретінде есептелетін әлеуетті қолдау коэффициенті одан әрі төмендеуде.Еңбекке қабілетті жастағы адамдардың (25-64 жас) зейнеткерлерге (65+ жас) арақатынасы 2012 жылғы 7,7-ден 2024 жылы 5,2-ге дейін төмендеді. БЖЗҚ-ның да, БҰҰ-ның да болжамдарына сәйкес, Қазақстанда әлеуетті қолдау коэффициенті 2050 жылға қарай 3,4-ке дейін төмендейді, бұл еңбекке қабілетті халыққа түсетін "жүктемені" арттырады. Әлеуетті қолдау коэффициентінің нақты дерегі мен болжамы  БҰҰ болжамыБЖЗҚ болжамыҚолдау коэф., нақты дерек Естеріңізге сала кетейік, ТМД елдерінен Қазақстанның зейнетақы жүйесі ғана ұсынылған 2024 жылдың қорытындысы бойынша Mercer CFA институтының Жаһандық зейнетақы индексінде демографиялық үрдістер – туу көрсеткішінің төмендеуі мен өмір сүру ұзақтығының өсуін ескере отырып, зейнетақы жүйелерін одан әрі жаңғырту қажеттілігі атап көрсетілген.  Бұл жағдайда Қазақстанда қолданылып жүрген зейнетақы жүйесіне ұқсас,  мемлекеттік және жинақтаушы құрамдауыштарды қамтитын көпдеңгейлі (аралас) жүйе неғұрлым тиімді. Мұндай үлгі лайықты зейнетақымен қамсыздандыру мәселесін тиімді шешіп, дамудың демографиялық және экономикалық үрдістеріне неғұрлым төзімді болып келеді. Алайда, Қазақстандағы ынтымақты зейнетақы біртіндеп қысқарып келе жатқанын ескерген жөн. Өйткені ол 1998 жылға дейінгі еңбек өтілін ескере отырып есептеледі. Ал 10% міндетті зейнетақы жарналары лайықты зейнетақымен қамсыздандыру үшін жеткіліксіз болуы мүмкін. Сондықтан жинақтаушы құрамдауышты күшейту бойынша шаралар қабылдануда, олардың бірі – 2024 жылдан бастап 1975 жылы және одан кейін туған жұмысшылардың пайдасына жұмыс берушінің міндетті зейнетақы жарналарын (ЖМЗЖ) кезең-кезеңімен енгізу. Осылайша, қазіргі уақытта Қазақстанда азаматтарды зейнетақымен қамсыздандыру бойынша жауапкершілік әлемдік тәжірибеде қалыптасқандай мемлекет, қызметкер және жұмыс беруші арасында бөлінген. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).   [1]Қазақстан Республикасы Стратегиялық жоспарлау және реформалар агенттігінің Ұлттық статистика бюросының деректері бойынша[2] https://kazakhstan.unfpa.org/sites/default/files/pub-pdf/ЖАҒДАЙДЫ ТАЛДАУ.pdfАқпарат көзі : https://www.gov.kz/memleket/entities/abay-audany/press/news/details/1018841?lang=kk

Қазақстан Республикасы Қаржы министрлігі Мемлекеттік кірістер комитетінің бұйрығымен Маңғыстау облысы бойынша Мемлекеттік кірістер департаменті басшысының орынбасары болып Ертуған Кеңесұлы Өтегенов тағайындалды. Ертуған Кеңесұлы Өтегенов 1976 жылы 30 шілдеде Қызылорда облысында дүниеге келген. 1997 жылы Қазақ мемлекеттік басқару академиясын бітірген.Еңбек жолын жеке компанияларда экономист болып бастаған.Мемлекеттік кірістер органдарының жүйесінде 25 жылдан астам жұмыс жасайды.1999 жылдан бастап Салық комитетінің түрлі бейінді бөлімшелерінде жетекші маман, бас маман, бөлім басшысы, басқарма басшысы болып жұмыс жасады.2019 жылдан бастап Маңғыстау облысы бойынша Мемлекеттік кірістер департаментінің басқарма басшысы лауазымын атқарды.Ақпарат көзі : https://www.gov.kz/memleket/entities/kgd-mangistau/press/news/details/1006814?lang=kk

Астана, 2025 жылғы 29 мамыр – 1948 жылы дәл осы күні Біріккен Ұлттар Ұйымы алғашқы бітімгершілік операциясын Таяу Шығыста бастады.77 жыл ішінде БҰҰ 71 бітімгершілік операциясын өткізді. Оларға 150 елден 2 миллионнан астам бітімгер қатысты. Қазіргі уақытта БҰҰ-ның 12 миссиясында 121 елден 80 000-нан астам бітімгерлер қызмет атқаруда.Қазақстанның БҰҰ-мен бітімгершілік жолындағы өзара іс-қимылы 2014 жылы Қазақстан қарулы күштерінің алғашқы әскери қызметкерін Батыс Сахарадағы БҰҰ миссиясына әскери бақылаушы ретінде жіберілген күннен басталды.Бүгінгі таңда 158 қазақстандық бітімгер БҰҰ-ның 6 миссиясында қызмет етеді. 2024 жылғы 15 наурызда Голлан биіктеріне құрамында 139 бітімгер бар ұлттық контингентті жолдау Қазақстан үшін үлкен жетістік болды.Қазақстандық бітімгершілік күштерді БҰҰ бітімгершілік миссияларына жіберудің мақсаты – жаһандық бейбітшілік пен қауіпсіздікті нығайту жолындағы әлемдік қауымдастықтың күш-жігеріне ықпалдасу және Қазақстанның халықаралық беделінің артуына ат салысу.Ақпарат көзі : https://www.gov.kz/memleket/entities/mfa/press/news/details/1006830?lang=kk

«Заң және тәртіп» идеологиясын іске асыру аясында 2025 жылдың 28 мамырында Қостанай облысы Нотариаттық палатаның төрағасы Азамат Баекин «Qostanai TV» телеарнасы «Бірінші студия» бағдарламасында «Нотариаттық палата: жаңашылдықтар мен перспективалар» тақырыбы төңірегінде сұхбат берді.Сілтеме: https://youtu.be/uUayNXK42Ds?si=oweRWr0jx_GHxyUN Қостанай облысыӘділет ДепартаментініңБаспасөз қызметіАқпарат көзі : https://www.gov.kz/memleket/entities/adilet-kst/press/news/details/1006837?lang=kk

Бүгін мердігер ұйыммен және қалалық коммуналдық қызметтермен бірге «Жаңа қала» шағын ауданындағы Нариман және Фролов көшелерінің қайта жаңғыртылуы жоспарланған учаскелерін аралап, көшпелі кеңес өткізілді.Фролов көшесінде, Абай даңғылы мен Баймағамбетов көшесінің аралығында ұзындығы 726 метр болатын жол учаскесін жөндеу көзделген. Жоба аясында жүріс бөлігі 7 метрден 10,5 метрге дейін кеңейтіледі, екі жолақты қозғалыс ұйымдастырылады, заманауи жарық шамдары орнатылады. Сонымен қатар, көлік тұрағы жолағы мен 48 автотұрақ орны қарастырылған.Нариман көшесінде бастапқыда Абай даңғылынан Баймағамбетов көшесіне дейінгі бүкіл бөлікке қайта жаңғырту жүргізу жоспарланған болатын. Алайда қазіргі таңда жобадан Алтынсарин көшесінен Баймағамбетов көшесіне дейінгі аралықты алып тастау туралы шешім қабылданды — бұл жасыл желектерді сақтауға және инженерлік желілерге зақым келтірудің алдын алуға мүмкіндік береді.Осылайша, қайта жаңғырту жұмыстары Абай даңғылынан Алтынсарин көшесіне дейінгі учаскені қамтиды: жүріс бөлігі 7 метрден 14 метрге дейін кеңейтіліп, инженерлік желілер жаңартылып, жаңа көше шамдары орнатылады. Көшенің екі жағынан көлік тұрағы жолағы салынып, 66 автотұрақ орны қарастырылған.Атқарылатын жұмыстар «Жаңа қала» тұрғындары үшін, әсіресе көлік тұрағы мен жол жүктемесі өзекті болып отырған жағдайда, жолдардың өткізу қабілетін арттырып, қолайлы жағдай жасауға мүмкіндік береді деп сенеміз.Ақпарат көзі : https://www.gov.kz/memleket/entities/kostanai-kalasy-akimat/press/news/details/1006596?lang=kk

Астана қаласында Қазақстан Республикасы Мәдениет және ақпарат министрлігінің ұйымдастыруымен Мәдениет және өнер қызметкерлері күні қарсаңында барлық өңірлердегі өнер және мәдениет қызметкерлерінің қатысуымен «Рухани қазына – 2025» мәдениет және өнер ұйымдары мен қызметкерлерінің республикалық фестивалі өтті.Облыстық комиссияның қарауына келесі материалдар ұсынылды:«Үздік маңызы бар облыстық музей» номинациясы бойынша: Ақмола облысы мәдениет басқармасының «Әдебиет және өнер музейі» КММ;«Облыстық маңызы бар музейдің үздік қызметкері» номинациясы бойынша: Ақмола облысы мәдениет басқармасының «Мәлік Ғабдуллин музейі» көпшілік іс-шаралар бөлімінің аға ғылыми қызметкері Махметова Аягөз Мұратқызы;«Аудандық маңызы бар мемлекеттік музейдің үздік қызметкері» номинациясы бойынша: Ілияс Есенберлин әдеби музейінің меңгерушісі Комбатурова Ұлболсын Данияровна;«Үздік аудандық мәдениет үйі» номинациясы бойынша: Зеренді аудандық мәдениет үйі, Зеренді ауданы;«Үздік ауылдық мәдениет үйі (клубы)» номинациясы бойынша: Шуйское ауылдық мәдениет үйі, Атбасар ауданы;«Ауылдық мәдениет үйі, клубының үздік қызметкері» номинациясы бойынша: Алтын Хавдраш – Зеренді ауданы, Ақадыр ауылдық клубы;«Аудандық  мәдениет үйінің үздік  қызметкері» номинациясы бойынша: Смагулов Талғат Елтайұлы – Егіндікөл  аудандық мәдениет үйінің режиссеры;«Облыстық маңызы бар кітапхананың үздік қызметкері» номинациясы бойынша: М.Жұмабаев атындағы Ақмола облыстық әмбебап ғылыми кітапхананың көпшілік іс-шаралар және қоғаммен байланыс бөлімінің басшысы Әубәкірова Жадыра Мыңжасарқызы;«Қалалық маңызы бар кітапхананың үздік қызметкері» номинациясы бойынша: Көкшетау қалалық электронды кітапхананың кітапханашысы Нурлан Ольджабаевич Кстаубаев;«Аудандық маңызы бар кітапхананың үздік қызметкері» номинациясы бойынша: Жақсы орталықтандырылған аудандық кітапхана жүйесінің кітапханашысы Досымова Жұмагүл Сәметқызы;«Ауылдық маңызы бар кітапхананың үздік қызметкері» номинациясы бойынша: Атбасар орталықтандырылған аудандық кітапхана жүйесінің Бастау ауылдық үлгілі кітапхананың кітапханашысы Есенбаева Махаббат Жамбурбаевна.«Үздік аудандық маңызы бар кітапхана» номинациясы бойынша: Есіл орталықтандырылған аудандық кітапхана жүйесі;«Үздік қалалық маңызы бар кітапхана» номинациясы бойынша: Қосшы орталықтандырылған қалалық кітапхана жүйесі;«Үздік ауылдық маңызы бар кітапхана» номинациясы бойынша: Степногорск қаласы орталықтандырылған кітапхана жүйесінің Қарабұлақ ауылдық модельді кітапханасы;Қорытынды отырыс нәтижесінде «Аудандық (қалалық) маңызы бар музейдің үздік қызметкері» номинациясын Комбатурова Ұлболсын Даниярқызы, Ақмола облысы Ілияс Есенберлин әдеби музейінің меңгерушісі иеленді.Ақпарат көзі : https://www.gov.kz/memleket/entities/aqmola-madeniet/press/news/details/1006600?lang=kk

        2025 жылғы 12–16 мамыр аралығында Түркияның Анкара қаласында Қазақстан Республикасы Қаржы министрлігінің Мемлекеттік кірістер комитетінің өкілдері Экономикалық ынтымақтастық және даму ұйымының (ЭЫДҰ) Көпжақты салық орталығы ұйымдастырған трансферттік баға белгілеу жөніндегі халықаралық семинарға қатысты.      Іс-шара «Train-the-Trainer» бағдарламасы аясында өткізіліп, Шығыс Еуропа мен Орталық Азияның 12 елінен келген салық сарапшыларын біріктірді.      Семинар барысында қатысушылар трансферттік баға белгілеу саласында салық органдары тап болатын нақты жағдайларға негізделген практикалық кейстерді егжей-тегжейлі қарастырды. Ерекше назар бақыланатын мәмілелердің нақты мәні мен шарттарын дұрыс анықтауға, компаниялар тобы ішіндегі қаржылық операцияларды талдауға, пайданы бөлу әдісін қолдануға, сондай-ақ тұрақты өкілдіктерге салық салу мәселелеріне аударылды.      Қазақстандық мамандар талқылауларға белсенді қатысып, өздерінің кейстері мен оларды шешу тәсілдерін ұсынды. Сонымен қатар, олар трансферттік баға белгілеу туралы Қазақстан заңнамасындағы соңғы өзгерістерді, соның ішінде мұнай экспорты мәмілелерін автоматтандырылған мониторингтеу бойынша инновациялық жүйені таныстырып, халықаралық әріптестерінің қызығушылығын тудырды.      Іс-шара ЭЫДҰ-ның Салық саясаты және әкімшілендіру орталығы мен Анкарадағы Көпжақты салық орталығының ұйымдастыруымен және Қазақстан Республикасының Түркия Республикасындағы Төтенше және Өкілетті Елшісі Е.О. Сапиевтің қатысуымен орын алды.      Мұндай іс-шараларға қатысу Қазақстан Республикасында салықтық әкімшілендіру саласында халықаралық ынтымақтастықты нығайтуға және озық тәжірибелерді енгізуге ықпал етеді.Ақпарат көзі : https://www.gov.kz/memleket/entities/kgd/press/news/details/1006602?lang=kk

«Бизнеске жол» жобасы аясында Үлкен Нарын ауданында Сыбайлас жемқорлыққа қарсы қызметтің Шығыс Қазақстан облысы бойынша Департаменті басшысының бірінші орынбасары Асылхан Ашиковтың қатысуымен жергілікті бизнес-қоғамдастық өкілдерімен дөңгелек үстел өтті.«Бизнеске жол» жобасын Сыбайлас жемқорлыққа қарсы қызмет үшінші жыл қатарынан іске асырып келеді. Жоба кәсіпкерлердің құқықтарын қорғауға, әкімшілік кедергілерді жоюға және шағын және орта бизнес саласындағы сыбайлас жемқорлық тәуекелдерін азайтуға бағытталған. Жер учаскелерін ресімдеуге, рұқсат алуға, инфрақұрылымға қосылуға, сондай-ақ мемлекеттік қолдау шараларына (гранттар, кредиттер, субсидиялар) қол жеткізуге байланысты проблемаларға басты назар аударылады.Кездесу барысында қатысушылар кәсіпкерлердің тәжірибеде кездесетін ең өзекті мәселелерін талқылады. Бақылаушы органдар тарапынан әкімшілік кедергілер, рұқсат құжаттарын алу кезіндегі бюрократиялық кідірістер және мемлекеттік сатып алу саласындағы бұзушылықтар тақырыптары көтерілді.Асылхан Ашиков мемлекеттік қызметтерді цифрландыру және рәсімдердің ашықтығын қамтамасыз ету бойынша қабылданып жатқан шаралар туралы айтып берді. Ол 2020 жылдан бастап нормативтік-құқықтық актілерге сыбайлас жемқорлыққа қарсы сараптама жүргізіліп жатқанын, дискрециялық өкілеттіктер қысқартылып жатқанын, ал мемлекеттік қызметтердің 90%-дан астамы электрондық форматқа ауыстырылғанын атап өтті.«Бизнеске жол» жобасы кедергілерді анықтап қана қоймай, нақты шешімдерді ұсынады. Жоба іске асырыла басталғаннан бері 150-ден астам кездесу өткізіліп, 100-ден астам проблемалық кейс шешілді. Өтініштердің басым көпшілігі жер мәселелеріне, инфрақұрылымға қосылуға, монополистермен проблемаларға, мемлекеттік сатып алулар мен салықтық әкімшілендіруге қатысты.Дөңгелек үстелге қатысушылар ашық диалогтың маңыздылығын атап өтіп, Сыбайлас жемқорлыққа қарсы қызметке бизнес мүддесі үшін жүйелі және практикалық жұмысы үшін алғыс білдірді.#Заң_мен_тәртіп#ЗАҢменТӘРТІПАқпарат көзі : https://www.gov.kz/memleket/entities/anticorruption-vko/press/news/details/1006618?lang=kk

Астана, 2025 жылғы 28 мамыр – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу қытайлық «CITIC Group» корпорациясы директорлар кеңесінің төрағасы Си Гохуамен кездесу өткізді.Тараптар ҚР Президенті Қасым-Жомарт Тоқаевпен кешегі кездесуде аталған экономиканың түрлі салаларындағы ынтымақтастықты одан әрі кеңейту перспективаларын талқылады.Жоғары технологиялық сектор, логистикалық инфрақұрылым мен ауыл шаруашылығы өнімдерін өңдеуге бағдарлана отырып, инвестициялық өзара іс-қимылға және Қазақстанда жаңа бірлескен жобаларды іске қосуға ерекше назар аударылды.«CITIC Group» – Қазақстанда алғашқылардың бірі болып жұмысын бастаған ірі қытайлық инвесторлардың қатарында. Компания «Қаражанбасмұнай» АҚ, «Caspi Bitum» бірлескен кәсіпорны және «Altyn Bank» АҚ сынды жобаларды жүзеге асырды.Ақпарат көзі : https://www.gov.kz/memleket/entities/mfa/press/news/details/1006650?lang=kk

Астана қаласында Қазақстан-Француз бизнес-форумы өтті. Шараға Қазақстан Республикасының Премьер-Министрі Олжас Бектенов, ҚР Индустрия және құрылыс министрі Ерсайын Нағаспайeв, Қарағанды облысының әкімі Ермағанбет Бөлекбаев, Жамбыл облысының әкімі Ербол Қарашөкеев және Франция Республикасының Сыртқы сауда және шетелдегі француз азаматтары жөніндегі уәкілетті министрі Лоран Сен-Мартен қатысты. Форум Қазақстан экономикасының негізгі салаларындағы серіктестікті кеңейту және француз инвестицияларын тарту перспективаларын талқылауға арналған маңызды алаңға айналды. Талқыланған негізгі бағыттар қатарында энергетика, агроөнеркәсіп кешені, денсаулық сақтау, көлік инфрақұрылымы және орнықты қалалық даму мәселелері бар.Форум жұмысына мемлекеттік органдар, облыс әкімдіктері, Қазақстан мен Францияның іскер топтары мен салалық қауымдастықтарының өкілдерінен құралған 300-ге жуық делегат қатысты. Франция тарапынан Vinci, Sanofi, Schneider Electric, EDF, Veolia, Limagrain, Egis, Orano, Danone, Air Liquide, Bonduelle, Axens, Richel, IMV Technologies сияқты жетекші компаниялардың басшылары, сонымен қатар Францияның аймақтық сауда-өнеркәсіп палаталары мен MEDEF International ұйымының өкілдері қатысты. Қазақстан тарапынан Жамбыл және Қарағанды облыстарының әкімдері, салалық министрліктер мен ұлттық компаниялардың басшылары және бизнес-қоғамдастық өкілдері қатысты.Форум аясында «Ынтымақтастықты нығайту, әртараптандыру және инновациялар — Қазақстан-Франция қарым-қатынастарының даму болашағы» тақырыбында пленарлық және төрт параллель панельдік сессия өтті. Панельдік сессиялар энергетика мен көлік инфрақұрылымын дамыту, азық-түлік қауіпсіздігі мен агроөнеркәсіптік ынтымақтастық, денсаулық сақтау және биотехнологиялар, сондай-ақ орнықты қалалық даму және коммуналдық қызмет көрсету тақырыптарына арналды.Пленарлық сессияда сөз сөйлеген Қазақстан Республикасының Сыртқы істер министрінің орынбасары Алибек Қуантыров Қазақстан мен Франция арасындағы инвестициялық және сауда-экономикалық өзара іс-қимылдың қарқынды дамып келе жатқанын атап өтті:«Франция — Қазақстанның Еуропалық одақтағы басты әріптестерінің бірі. Бүгінде елімізде француз капиталының қатысуымен TotalEnergies, Orano, Alstom, Vicat, Danone, Air Liquide сияқты 170-тен астам компания жұмыс істейді. Франция Қазақстанның ең ірі он сауда серіктесінің қатарына кіреді және ЕО елдерінің ішінде инвестиция көлемі бойынша бірінші орында тұр — соңғы жылдары бұл көрсеткіш $17 млрд-тан асты. Өткен жылы $300 млн көлеміндегі алты бірлескен жоба жүзеге асырылды, ал қазір 20-дан астам бастама қаралуда. Біз француз бизнесінің Қазақстан экономикасына қосқан үлесін жоғары бағалаймыз және инвесторларға барынша қолайлы жағдай жасауға дайынбыз».Франция тарапынан сөйлеген спикерлер қазақстандық нарыққа қызығушылықтың жоғары екенін атап өтіп, басым салаларда бірлескен жобаларды іске асыруға дайын екендіктерін білдірді. Орнықты даму, өндірісті жергіліктендіру, технологиялар трансфері және екі ел компаниялары арасындағы іскерлік байланыстарды нығайту мәселелеріне ерекше назар аударылды.Форумның қорытындысы ретінде әртүрлі салаларда бірлескен жобаларды іске асыруға бағытталған коммерциялық келісімдерге қол қою рәсімі өтті. Сонымен қатар B2B және B2G форматтарында екіжақты кездесулер ұйымдастырылып, қатысушылар нақты бастамаларды және мемлекеттер арасындағы практикалық ынтымақтастықтың келешегін талқылады.Ақпарат көзі : https://www.gov.kz/memleket/entities/invest/press/news/details/1006558?lang=kk

Будапешт, 2025 жылғы 27 мамыр — Будапешт қаласындағы Ференц Лист атындағы халықаралық әуежайда қазақстандық «SCAT» әуе компаниясының Шымкент қаласынан орындалған алғашқы тұрақты рейсі салтанатты түрде қабылданды. Тікелей әуе бағытының ашылуына арналған рәсім шеңберінде ұшақ баспалдағында лентаны қию салтанаты өтті. Бұл шара Қазақстан мен Мажарстан арасындағы ынтымақтастықтың жаңа кезеңін білдіретін маңызды символға айналды.Осы айтулы оқиғаға орай, жергілікті бұқаралық ақпарат құралдары мен іскерлік қауым өкілдерінің қатысуымен баспасөз конференциясы өтті.Қазақстан Республикасының Мажарстандағы Елшісі Абзал Сапарбекұлы өз сөзінде аталған рейстің іске қосылуы сауда, инвестиция, туризм, мәдениет және гуманитарлық алмасу сияқты негізгі бағыттар бойынша екіжақты ынтымақтастықтың кеңеюіне тың серпін беретініне сенім білдірді. Сонымен қатар, ол Қазақстан Республикасы Президенті Қасым-Жомарт Тоқаевтың былтыр қараша айында Мажарстан Премьер-министрі Виктор Орбанның ресми шақыруымен жүзеге асырған мемлекеттік сапары екі ел арасындағы жылы әрі сенімді қарым-қатынастың жемісі екенін атап өтті. Осыған байланысты Елші Мемлекет басшысының жуырда ғана Будапештке қайта келіп, Түркі мемлекеттері ұйымының бейресми саммитіне қатысқанын ерекше атап өтті. Бұл жайттар екі елдің де өзара серіктестікті тереңдетуге ерекше мән беріп отырғанының айқын дәлелі болып табылады.Өз кезегінде «SCAT» әуе компаниясының коммерциялық директоры Николай Буряков екі ел арасындағы ынтымақтастықтың қарқынды дамуын және компанияның Қазақстан мен Мажарстан арасындағы әуе байланысын орнатуға қосқан үлесін ерекше атап өтті. Ол жаңа бағыт бойынша рейстер аптасына екі рет — сейсенбі және сенбі күндері орындалатынын айтты. Бұл бағыттың ыңғайлы кестесі мен бәсекеге қабілетті тарифтері туристер мен іскер азаматтар үшін де тартымды болмақ.Мажарстан Сыртқы экономикалық байланыстар және сыртқы істер министрлігінің Мемлекеттік хатшысы Левенте Мадьяр екі ел арасындағы туризм мен гуманитарлық алмасудың кеңеюі қолайлы саяси ахуал мен халықаралық аренадағы белсенді өзара іс-қимылдың, соның ішінде Будапештте өткен Түркі мемлекеттері ұйымының бейресми саммитінің нәтижесі екенін атап өтті. Ол «SCAT» әуе компаниясына Будапештке алғашқы рейсті жүзеге асырғаны үшін алғыс білдіріп, болашақта рейстердің жиілігі артатынына үміт білдірді.Шара соңында қатысушылар жаңа бағыттың табысты болатынына сенім білдіріп, қазақстандық әуе компаниясының кәсібилігі мен икемділігін жоғары бағалады.Ақпарат көзі : https://www.gov.kz/memleket/entities/mfa-budapest/press/news/details/1006559?lang=kk

Аудан әкімі Берік Сәрменбаевтың төрағалығымен шағын және орта бизнесті дамыту жөнінде мәжіліс өтті. Мәжіліске аудан әкімінің орынбасарлары, кент және ауылдық округ әкімдері, бөлім басшылары қатысты.Жиын барысында өңірдегі кәсіпкерлік саласының қазіргі жағдайы талқыланып, бизнесті қолдау бағытында атқарылып жатқан жұмыстар мен алдағы жоспарлар қарастырылды. Аудандық кәсіпкерлік және өнеркәсіп бөлімінің басшысы Алмат Сәдуақасов аталған бағытта жүргізіліп жатқан жұмыстар мен жобалардың орындалуы жөнінде ақпарат берді. Аудан басшысы шағын және орта бизнес аудан экономикасының негізі екенін атап, кәсіпкерлікті дамыту үшін жан-жақты қолдау көрсетуді тапсырды. Сондай-ақ, мәжілісте бірқатар ұсыныс-пікірлері тыңдалып, кәсіпкерлерді қолдау мәселелер бойынша нақты тапсырмалар берілді.Ақпарат көзі : https://www.gov.kz/memleket/entities/kyzylorda-syrdarya/press/news/details/1006509?lang=kk