Мемлекет алдындағы өтелмеген қарыздар деңгейін төмендету мақсатында, ағымдағы жылдың 12 мен 21 мамыры аралығында өңір аумағында «Борышкер» атты жедел алдын алу іс-шарасы өтеді.   Қостанай облысы Әділет департаменті атқарушылық іс жүргізу органдары: полиция, салық қызметтері, прокуратура өкілдері мен жеке сот орындаушылары қатысуымен берешектерді мәжбүрлеп өндіруге бағытталған рейдтік іс-шаралар кешенін жүзеге асыруда.   Бірлескен рейдтік іс-шаралар әкімшілік айыппұлдар мен салық берешектерін мемлекет кірісіне өндіруге бағытталған. Міндеттемелерін орындаудан жалтарған борышкерлердің мүлкі, автокөлік ұсталып, заңнамада көзделген тәртіппен тәркіленеді. Мұндай шаралар қолданыстағы заңнамаға сәйкес қатаң жүргізіліп, сот актілерінің орындалу тиімділігін арттыруға бағытталған. Қостанай облысыӘділет ДепартаментініңБаспасөз қызметі Ақпарат көзі : https://www.gov.kz/memleket/entities/adilet-kst/press/news/details/996949?lang=kk

Бұқар жырау ауданының Ботақара ауылында облыстық V жазғы ауылдық жасөспірімдер ойындары өтуде. Оларға Қарағанды өңірінің жеті ауданынан 700-ге жуық жасөспірім қатысады. Жарыс бағдарламасына: волейбол, шағын футбол, армрестлинг, тоғызқұмалақ, үстел теннисі, асық ату, бес асық, дзюдо, қазақ күресі және стритбол енгізілген. Ойындардың ашылуы: 15 мамыр күні  «Сарыарқа» стадионында өтті.- Мен бұл жарыстарға бірінші рет қатысып отырмын. Маған қатысқан ұнайды. Өте керемет! Себебі бұл спорт, бәсекелестік және қандай бір өзгешелік. - Бәрін жеңгіміз келеді-деп, бөлісті Абай ауданынан қатысып отырған оныншы сынып оқушысы-волейболшы Арина Махамбетова.Айтпақшы, өткен жылы жастар ойындарын Абай қаласы өткізді. Сол кезде жалпы командалық есепте Шет ауданы жеңіске жетті. Екінші орынды Абай, үшінші орынды Бұқар жырау иеленді. Бірақ, ауылдық округтерден келген жасөспірімдер арасындағы бұл біріншілікке жауыр болса да   «Ең бастысы-жеңіс емес, қатысу» деген тіркес өте орынды келеді. Бұл ойындардағы ұлдар мен қыздар үшін нәтиже ғана емес, процесс өте маңызды екені анық. Шынында да, бізді олардың ауқымды спорттық іс-шараға белсенді қатысулары, телефоннан да басқа нәрсенің қызықтыратыны қуантады… Ақпарат көзі : https://www.gov.kz/memleket/entities/karaganda-sport/press/news/details/996904?lang=kk

БҰҰ-ның Берлиндегі Министрлік конференциясы аясында Қазақстан Қорғаныс министрі генерал-полковник Руслан Жақсылықовтың БҰҰ Бас хатшысының орынбасарлары Жан-Пьер Лакруа және Атул Харемен бітімгерлік қызметі шеңберінде Қазақстан Қорғаныс министрлігі мен БҰҰ Хатшылығы арасындағы өзара іс-әрекетті нығайту перспективалары жөнінде екіжақты келіссөздер өтті.Қорғаныс ведомствосының басшысы Қазақстанның Біріккен Ұлттар Ұйымымен ынтымақтастығы біртіндеп дамып келе жатқанын және іс жүзінде нәтижелерге қол жеткізілгенін атап өтті. 2014 жылдан бастап Қазақстан Республикасы өзінің әскери техникасымен, қару-жарағымен және басқа да жарақтарымен әскери бақылаушыларды жіберуден бастап ұлттық контингентті дербес орналастыруға дейінгі бітімгерлікті дамытудың толық циклынан өтті.Келіссөздер алаңында Қазақстан Республикасының Парламенті қазақстандық әскери қызметшілердің БҰҰ-ның он бітімгерлік миссиясына қатысуын мақұлдады, оған ұлттық контингенттен, әскери бақылаушылардан және штаб офицерлерінен басқа Қарулы күштер де мамандандырылған бөлімшелерді жіберуге дайын екендігі атап өтілді.Бұдан өзге нығайып келе жатқан Қорғаныс министрлігінің Бітімгерлік операциялар орталығы – Орталық Азиядағы бірегей оқу мекемесінің БҰҰ-ның бітімгерлік дайындық шеңберінде сертификатталған курстарын өткізетін мүмкіндіктері талқыланды.Қорғаныс министрі оған қоса, Қазақстанның Қарулы күштері БҰҰ-ның бітімгерлік қызметі бағыты бойынша ынтымақтастық шеңберінде өзара іс-әрекеттің басқа да перспективалық бағыттарын қарауға дайын екенін айтты.Кездесу соңында Қазақстанның Қорғаныс министрі генерал-полковник Руслан Жақсылықов Біріккен Ұлттар Ұйымы басшылығына Қазақстанның бітімгерлік бастамаларын қолдағаны үшін ризашылығын білдірді.Ақпарат көзі : https://www.gov.kz/memleket/entities/mod/press/news/details/996912?lang=kk

Бразилиа, 2025 жылғы 15 мамыр – Қазақстанның Бразилиядағы Елшілігінде Елші Болат Нүсіпов Бразилия климаттық институтының Президенті Питер фон Болен-Халбахпен кездесті.Кездесу барысында тараптар қоршаған ортаны қорғау және климатты қорғау саласындағы ынтымақтастықты орнату мүмкіндіктерін талқылады.Питер фон Болен-Халбах өз кезегінде, Елшіні Бразилиядағы Санта-Катарина, Параиба, Парана және Мато Гроссо-ду-Сул штаттарымен бірге COP-30 климаттық конференциясының мақсаттары мен міндеттерін жүзеге асырудағы Климат институтының қызметімен таныстырды, сондай-ақ оны ү.ж. 20 мамырда Бразилиа қаласында өтетін «MARCHA-2025» Ұлттық конгресс муниципалитеттері аясындағы «Route to COP30» атты панельді сессиясының құрметті қонағы және спикері болуға шақырды.Анықтамалық: «Instituto Climatico von Bohlen und Halbach» Бразилия климаттық институты 2024 ж. қыркүйекте құрылып, тұрақты және тиімді климатты қорғау мақсатына жету үшін саясат, өнеркәсіп және жетекші климаттық көмек пен қорғау ұйымдары арасындағы жетекші буын болып саналады. Институттың мақсаты - экономикалық мүдделер мен тиімді климатты қорғау және CO2 азайту арасындағы теңгерімді зерттеу. Ақпарат көзі : https://www.gov.kz/memleket/entities/mfa-brazil/press/news/details/996881?lang=kk

Алматы қаласы Алмалы ауданында «Алтын алқа» және «Күміс алқа» мемлекеттік наградаларына ие болған көпбалалы аналарды құрметтеуге арналған салтанатты шара өтті.Іс-шараның басты мақсаты — қоғамның рухани-адамгершілік құндылықтарын сақтау, өскелең ұрпақты тәрбиелеу және отбасы институтын нығайту ісінде әйел-аналардың маңызды рөлін атап өту.Салтанатты кеш барысында аналарға гүл шоқтары мен алғыс хаттар табысталып, олардың еңбегі, төзімі мен махаббатына деген алғыс білдірілді.Марапатталған аналар қатарында:• Естай Алмагүл• Мусабекова Алия• Мусаева Рахат• Мырзабаева Әсел• Найденова Юлия• Санжурова АйшаОлардың әрқайсысы – алты баланың анасы, қоғамның лайықты өкілдері. Олар өмір жолымен отбасылық бірліктің, жауапкершілік пен болашақ ұрпаққа деген қамқорлықтың жарқын үлгісін көрсетіп келеді.Аналардың қоғам дамуына қосқан өлшеусіз үлесі мен жанкешті еңбегі үшін шынайы ризашылығымызды білдіреміз.Ақпарат көзі : https://www.gov.kz/memleket/entities/almaty-almaly/press/news/details/996885?lang=kk

Нью-Йорк, 2025 жылғы 13 мамыр - Қазақстанның БҰҰ жанындағы Тұрақты өкілі, Елші Қайрат Омаров Нью-Йорктегі БҰҰ штаб-пәтерінде БҰҰ Бас Ассамблеясының 79-сессиясының төрағасы Ф.Янгтың және Халықаралық еңбек ұйымының (ХЕҰ) басшысы Ж.Унгбоның қатысуымен өткен «Лайықты балалық шақ: балалар еңбегінің барлық түрлерін, соның ішінде қарулы қақтығыстарда балаларды күштеп тарту мен пайдалануды жою» тақырыбындағы жоғары деңгейдегі диалогқа қатысты.Өз мәлімдемесінде Қ.Омаров Қазақстанның балалар еңбегін және балаларды қарулы қақтығыстарда пайдалануды жоюға деген мызғымас адалдығын растады. Ол Қазақстанның негізгі халықаралық құжаттарды, соның ішінде ХЕҰ-ның Жұмысқа қабылдаудың ең төменгі жасы туралы және Балалар еңбегінің ең нашар түрлері туралы конвенцияларын ратификациялағанын атап өтті, сондай-ақ ұлттық іс-қимыл жоспарларын іске асыруды қоса алғанда, осы саладағы ұлттық заңнама мен құқық қолдану тетіктерін нығайту бойынша елдің тұрақты күш-жігерін атап өтті.Ол сапалы білім балаларды қанауға қарсы күрестің ең тиімді құралы болып табылатынын атап өтті. Ол Қазақстан Президенті Қасым-Жомарт Тоқаевтың ұлттық қордың бір бөлігін әрбір баланың 18 жасқа толғанда білім алуға немесе тұрғын үй сатып алуға қолжетімді шоттарына бағыттайтын «Ұлттық қор – балаларға» сияқты ауқымды бастамалармен шыққанын еске салды. Бұл шара «Келешек» бірыңғай ерікті жинақтау жүйесімен қатар барлығына сапалы білім алуға кепілдік беруге арналған. Сондай-ақ ерекше қажеттіліктері бар балалар мен халықтың осал топтарындағы балалар үшін инклюзивті білім беруді кеңейту бойынша күш-жігер жұмсалуда.Сонымен қатар, қарулы қақтығыстарда балаларды үнемі тарту мен пайдалануға терең алаңдаушылық білдіре отырып, Қазақстан өз азаматтарын, әсіресе әйелдер мен балаларды қақтығыс аймақтарынан репатриациялау және реинтеграциялау бойынша белсенді қадамдар жасады, олардың білім алуына, оңалтылуына және әлеуметтік интеграциясына ерекше назар аударады. Сондай-ақ Қазақстан Женевада БҰҰ Адам құқықтары жөніндегі кеңесінің әрбір бала, әсіресе қақтығыстардан зардап шеккен балалар үшін, бейбітшілік пен төзімділік үшін сапалы білімнің маңыздылығы туралы қарарын бастамашылық етті.Қазақстан өкілі әрбір балаға қауіпсіз, салауатты және бақуатты балалық шақты, оқуға, дамуға және бейбіт әрі өркендеген болашаққа үлес қосу мүмкіндігін қамтамасыз ету бойынша жаһандық күш-жігерді жандандыруға шақырды. Ақпарат көзі : https://www.gov.kz/memleket/entities/mfa-kazakhstanun/press/news/details/996895?lang=kk

Құрметті, Жаңаөзен қаласы және Қызылсай, Теңге, Рахат, Кендірлі ауылының тұрғындары !🔷«Мерейлі отбасы» ұлттық конкурсына өтінімдер қабылдау басталды✅Ұлттық байқау адамгершілік құндылықтарын жаңғыртуға және отбасы мен некенің жағымды үлгісін дәріптеуге, отбасы мәртебесін арттыруға бағытталған. Конкурсқа еңбекте, спортта, шығармашылық, зияткерлік салада, ғылымда жоғары жетістіктерге жеткен отбасылар қатыса алады. Барлық мәліметті төменде көрсетілген нөмірлер алуға болады.Құжаттар қабылдау 15 мамыр мен 15 маусым аралығында жүргізіледі.Байланыс телефоны:Жаңаөзен қаласы: 8(72934) 77-0-04;Қызылсай ауылы: 26-222, 26485;Теңге ауылы: 49301, 49307;Рахат ауылы: 28363, 28040;Кендірлі ауылы: 56006, 56001 «Мерейлі отбасы» ұлттық конкурсы «Мерейлі отбасы» ұлттық конкурсы өнегелі құндылықтарды жаңғыртуға және отбасы мен некенің жағымды үлгісін таратуға, отбасы мәртебесін арттыруға бағытталған.Конкурс Қазақстан Республикасының бүкіл аумағында ашық нысанда өткізіледі.Конкурсқа өтінімді қабылдау 15 мамырдан басталғандығы және 15 маусымға дейін жалғасатындығы хабарланады.Конкурсты өткізудің мақсаттары:1)отбасы институтын, адамгершілікті, руханилықты нығайту, жауапты ерлі-зайыптылықтың маңызын тану;2)ата-аналардың бала тәрбиелеудегі жауапкершілігін арттыру;3)отбасылық құндылықтарды, кәмелетке толған балаларының еңбекке қабілетсіз және егде жастағы ата-аналарына қамқор болуын дәріптеу, және кеңінен насихаттау;4)қазақстандық отбасының жағымды имиджін насихаттау.Конкурсқа отбасылар өзін-өзі ұсыну жолымен, сондай-ақ жергілікті атқарушы органдардың, заңды тұлғалардың ұсынуы бойынша қатысады.Конкурс екі кезеңде жүргізіледі. Бірінші кезең – аудандық (қалалық), екінші – облыстық (республикалық маңызы бар қалалық, астаналық).Конкурсқа қатысуға өтінім қосымшаға сәйкес нысан бойынша аудандық (қалалық) комиссияға жыл сайын конкурстың басталғаны туралы көпшілікке жариялаған күннен бастап бір ай ішінде (15 мамыр мен 15 маусым айларының аралығы) мынадай құжаттармен бірге беріледі:1) ата-аналардың (қорғаншылардың, қамқоршылардың) жеке басын куәландыратын құжаттардың көшірмелері, балалардың туу туралы куәліктерінің көшірмелері;2) асырап алушы (қорғаншы) отбасылар үшін — жергілікті уәкілетті органның кәмелетке толмаған балаға қорғаншылықты (қамқоршылықты) белгілеу туралы шешімінен үзінді көшірме;3) неке қию туралы куәліктің көшірмесі;4) ата-аналарының біреуі қайтыс болған жағдайда, қайтыс болу туралы куәліктің көшірмесі (бар болса);5) балаларды тәрбиелегені үшін мадақтаулардың, белгілі бір жетістіктері үшін алған мадақтаулардың бар екенін куәландыратын құжаттардың көшірмелері;6) заңды және (немесе) жеке тұлғалардың ұсыным хаттары (кемінде екеу);7) отбасы мүшелерінің еңбектегі, спорттағы, шығармашылық, зияткерлік, ғылыми жоғары жетістіктерін куәландыратын құжаттардың көшірмелері;8) қоғамдық пайдалы қызметке (волонтерлік, қайырымдылық, меценаттық, тәлімгерлік) қатысуды растайтын құжаттардың көшірмелері;9) дербес деректерді жинауға және өңдеуге келісім.Құжаттар топтамасы толық ұсынылмаған жағдайда, аудандық (қалалық) комиссия өтінім берілген күннен бастап екі жұмыс күні ішінде ұсынылған құжаттарды конкурсқа қатысуға ниет білдірген отбасына қайтарады.Конкурсқа қатысуға ниет білдірген отбасы ұсынылған құжаттар қайтарылған күннен бастап үш жұмыс күні ішінде пысықталған өтінімді қайта береді.Құжаттарды көрсетілген мерзімнен кейін ұсынған отбасылар конкурсқа қатысуға жіберілмейді.Аудандық (қалалық) комиссияға ұсынылған құжаттар қайтарылмайды. «Мерейлі отбасы» ұлттық конкурсына қатысуға арналған өтінім1. Отбасы құрамы:Р\с №Тегі, аты, әкесінің аты (бар болса)Туыстық дәрежесіТуған күні (күні, айы, жылы)Жұмыс, оқу орны, қызмет түрі, лауазымыТұрғылықты мекенжайы, байланыс телефоны2. Отбасылық өмір тәжірибесі3. Отбасы тарихын сипаттау (отбасылық дәстүрлер, құндылықтар,  отбасындағы балаларды тәрбиелеу ерекшеліктері)4. Отбасы мүшесінің тегін, атын, әкесінің атын (бар болса) көрсете отырып,  еңбектегі, спорттық, шығармашылық, зияткерлік, ғылыми, қоғамдық пайдалы  (волонтерлік, қайырымдылық, меценаттық, тәлімгерлік) қызметтегі отбасының  (немесе отбасы мүшелерінің) жетістіктері:5. Наградалардың, сыйақылардың болуы (грамоталардың, алғыс  хаттардың, дипломдардың, сертификаттардың көшірмелері қоса беріледі)6. Отбасы мүшелерінің қоғамдық қызметін көрсететін әлеуметтік желілердегі аккаунтқа сілтеме (бар болса)7. Отбасылық фотосуреттер (электрондық нұсқасымен бірге 5 данадан  аспайды)8. Отбасыны таныстыратын (ұзақтығы 2 минуттан аспайды) бейнеролик9. Өзге де құжаттар         Қолы __________         Күні __________  *Өтінім мекенжайы тіркеуі бойынша аудандық (қалалық) әкімдігіне ұсыналады. Байланыс телефондары:Ақтау қаласы: 8(7292) 33-65-73;Жаңаөзен қаласы: 8(72934) 77-0-04;Бейнеу ауданы: 8(72932)21680;Маңғыстау ауданы: 8(72931)2-23-61;Мұнайлы ауданы: 8(7292)46-62-28;Қарақия ауданы: 8(72937)2-21-09;Түпқараған ауданы: 8(72938)2-29-01.Ақпарат көзі : https://www.gov.kz/memleket/entities/akimat-goroda-zhanaozen/press/news/details/996862?lang=kk

2025 жылы 13 мамырда облыстық орыс драма театрында «MONOFEST» І Халықаралық театр фестивалінің ашылуы өтті. Фестиваль 13-18 мамыр аралығында жалғасады.Фестивальдің мақсаты –  көрермендер қауымын әлемдік театр моноөнері саласындағы үздік жетістіктермен таныстыру, Қазақстанда осы жанрды дамыту және қазақстандық театрдың халықаралық мәдени контекске неғұрлым белсенді кірігуіне ықпал ету. Театр кәсіптерінің өкілдері арасында шығармашылық байланыстар орнату және нығайту, фестивальге қатысушы театр ұжымдары арасында тәжірибе алмасу үшін жағдай жасау.Барлығы 8 елден 9 қатысушы қатысады: Чехия, Германия, Израиль, Армения, Әзірбайжан, Қазақстан, Қырғызстан, Монтенегро.Фестивальдің сарапшылар кеңесінің құрамына танымал еуропалық театрлар: Нина Мазур, Сания Кабдиева, Ментор Зимберай енген.Фестивальдің салтанатты ашылуында Қостанай облысы әкімдігі мәдениет басқармасының басшысы Құралбек Бүркетбайұлы Атамұратов, фестивальдің директоры Юрий Иванович Ивлев, сондай-ақ сараптамалық кеңестің төрайымы Мазур Нина Зиновьевна құттықтау сөздерін айтты.Ашылу салтанаты «ЧЕЛОВЕЧЕСКИЙ ГОЛОС» (Ж. Кокто) атты фестивальдің алғашқы қойылымымен аяқталды.Ақпарат көзі : https://www.gov.kz/memleket/entities/kostanai-madeniet/press/news/details/996866?lang=kk

✔Қазақстан Республикасының Мәдениет және ақпарат министрлігі жыл сайын өтетін «Мерейлі отбасы» ұлттық конкурсына қатысуға өтінімдерді қабылдау басталғаны туралы хабарлайды.Байқау адамгершілік қасиеттерді жандандыруға, отбасы мәртебесі мен құндылықтарын арттыруға бағытталған.Еңбек пен спортта, шығармашылық және зияткерлік салаларда, ғылым мен өнерде жетістіктері бар отбасылар, сондай-ақ қоғамдық пайдалы қызметке белсенді араласатын отбасылар қатыса алады.Конкурсқа қатысуға өтінімдер 15 мамырдан 15 маусымға дейін өңірлік комиссияларда қабылданады.Байқау екі кезеңде өтеді:Аудандық (қалалық) кезең (15 маусымнан 30 маусымға дейін).Облыстық (республикалық маңызы бар қалалар мен елорда) кезең (30 маусымнан 15 шілдеге дейін).«Мерейлі отбасы» ұлттық конкурсының лауреаты атағы Қазақстанның барлық өңірлерінен танылған 20 үздік отбасыға беріледі. Конкурс лауреаттарын салтанатты марапаттау рәсімі Астана қаласында өтеді.Осы жылдар ішінде конкурсқа Қазақстанның барлық өңірлерінен 20 мыңнан астам отбасы қатысты. Биыл қатысуға ниет білдіргендер өз өтінімдерін өңірлік комиссияларға жібере алады.Ақпарат көзі : https://www.gov.kz/memleket/entities/vko-ulken-naryn/press/news/details/996868?lang=kk

Байқау адамгершілік қасиеттерді жандандыруға, отбасы мәртебесі мен құндылықтарын арттыруға бағытталған.Еңбек пен спортта, шығармашылық және зияткерлік салаларда, ғылым мен өнерде жетістіктері бар отбасылар, сондай-ақ қоғамдық пайдалы қызметке белсенді араласатын отбасылар қатыса алады.Конкурсқа қатысуға өтінімдер 15 мамырдан 15 маусымға дейін өңірлік комиссияларда қабылданады.Байқау екі кезеңде өтеді:1. Аудандық (қалалық) кезең (15 маусымнан 30 маусымға дейін).2. Облыстық (республикалық маңызы бар қалалар мен елорда) кезең (30 маусымнан 15 шілдеге дейін).Конкурс лауреаттарын салтанатты марапаттау рәсімі Астана қаласында өтеді.Толық ақпарат: 8(7142) 57-51-93Ақпарат көзі : https://www.gov.kz/memleket/entities/kostanai-ishki-sayasat/press/news/details/996874?lang=kk

Астана, 2025 жылғы 15 мамыр – Қазақстан Республикасы Сыртқы істер министрінің бірінші орынбасары Ақан Рахметуллин БҰҰ Балалар қорының (ЮНИСЕФ) Еуропа және Орталық Азия елдері бойынша өңірлік директоры Реджина Де Доминичиспен кездесті.Сұхбат барысында тараптар Қазақстан мен ЮНИСЕФ арасындағы ынтымақтастықтың ағымдағы жай-күйі мен 2026–2030 жылдарға арналған жаңа Елдік бағдарламаның негізгі бағыттарын талқылады. Қазақ дипломаты балалардың құқықтарын қорғау саласындағы озық халықаралық тәжірибелерді енгізуге қолдау көрсетіп келе жатқан белсенді жұмысы үшін ЮНИСЕФ өкіліне алғыс білдірді.Р. Де Доминичис ЮНИСЕФ Қазақстанда балалардың денсаулығын қорғауға, инклюзивті білім беруді дамытуға, балаларды зорлық-зомбылықтан қорғауға, цифрлық қауіпсіздікке, сондай-ақ психикалық денсаулық мәселелеріне және орнықты даму саласындағы ұлттық басымдықтарға жауап беретін әлеуметтік қорғау жүйелерін нығайтуға бағытталған бағдарламаларды іске асыруды жалғастыратынын атап өтті.Кездесу соңында, тараптар биыл наурызда БҰҰ Бас Ассамблеясының қарарымен қолдау тапқан Алматыдағы Орталық Азия мен Ауғанстанға арналған Тұрақты даму мақсаттары жөніндегі БҰҰ Өңірлік орталығының әлеуетін пайдалана отырып, балаларды қорғау саласындағы күш-жігерді үйлестіру туралы уағдаласты.Ақпарат көзі : https://www.gov.kz/memleket/entities/mfa/press/news/details/996848?lang=kk

ҚР Қаржы министрі, Қазақстанның атынан Еуропалық қайта құру және даму банкінде (ЕҚДБ) басқарушы болып отырған Мәди Такиев бастаған еліміздің делегациясы 13-15 мамыр күндері Лондонда өткен ЕҚДБ Басқарушылар кеңесінің жыл сайынғы отырысы мен бизнес-форумына қатысты.Дәстүрге айналған жиында Басқарушылар кеңесі ЕҚДБ-ның 2024 жылғы қызметіне байланысты, сондай-ақ Африка елдеріне «көмек алушы мемлекеттер» мәртебесін беру бойынша жылдық есептерді мақұлдап бекітті. Сонымен бірге ЕҚДБ-ның 2026-2030 жылдарға арналған қаржыландыру бағдарламасы бойынша стратегиялық құжаты қабылданды.Бұған қоса Қазақстан Республикасының Қаржы министрі Мәди Такиев бірқатар екіжақты кездесу өткізді.Атап айтқанда, ЕҚДБ президенті Одиль Рено-Бассомен болған кездесуде тараптар аталған банктің Қазақстандағы қызметінің перспективалары мен ынтымақтастықты одан әрі нығайтудың басымдыққа ие бағыттарын талқылады.Лондон қор биржасы басшысының орынбасары Чарли Уокермен келіссөздер барысында еурооблигациялар шығару шеңберінде қаржылық ынтымақтастықты дамыту мәселелері қаралды. Standart Chartered UK банкінің бас атқарушы директоры Саиф Маликпен кездесуде қаржылық әріптестікті, оның ішінде банктің еліміздегі жұмысын дамыту жолдары пысықталды. Бұдан бөлек Мысырдың (Египеттің) жоспарлау, экономика және халықаралық ынтымақтастық министрі Рания Әл-Машатпен келіссөздер кезінде климаттық бастамаларды қаржыландыру тетіктері және сауда-экономикалық байланыстарды кеңейту тетіктері қаралды.Кездесудің қорытындысы бойынша екі жақ бірлескен жобаларды іске асыруға және өзара тиімді әріптестікті одан әрі дамытуға мүдделі екендерін жеткізді.Ақпарат көзі : https://www.gov.kz/memleket/entities/mfa-london/press/news/details/996854?lang=kk

Белград, 2025 жылғы 15 мамыр - Сербия Сыртқы істер министрлігінде Қазақстан Республикасының Сербия Республикасындағы Елшісі Мәди Атамқұловтың қатысуымен белгілі серб кәсіпкері Кристина Стоянович ханымға Ябланички және Пчинья округтеріндегі ҚР Құрметті консулының экзекватурасы мен патентін тапсыру рәсімі өтті.Кездесу барысында Сербия Сыртқы істер министрінің орынбасары Наташа Рашевич ханым құрметті консул қызметіне кірісу тек консулдық қатынастарды ғана емес, жалпы екіжақты қатынастарды жақсартуға қосымша серпін беретінін атап өтіп, К.Стоянович ханымға екі достас халықтың игілігі жолындағы қызметіне жетістіктер тіледі.Өз кезегінде К.Стоянович ханым қазақ-серб қарым-қатынастарын дамытуға, елдер арасындағы достық пен ынтымақтастықты нығайтуға бар күшін салатынына сендірді.Ақпарат көзі : https://www.gov.kz/memleket/entities/mfa-belgrad/press/news/details/996858?lang=kk

Қазақстан Республикасы Сыртқы істер министрінің орынбасары Әлібек Қуантыров пен «Kazakh Invest» ҰК» АҚ Басқарма төрағасы Ержан Елекеев «Power International Holding» (PIH) компаниясының Қазақстандағы басқарушы директоры Амер Махасенмен кездесу өткізді.Кездесу барысында тараптар энергетика, телекоммуникация, денсаулық сақтау, ақпараттық технологиялар және тау-кен металлургиясы салаларындағы PIH компаниясының қазіргі жобалары мен болашақ жоспарларын талқылады.Холдингтің инвестициялық қатысуын Қазақстанда кеңейтуге ниетті екенін басқарушы директор растады және бұл бағытта атқарылып жатқан жұмыстар туралы хабарлады. Атап айтқанда, компания IT-стартаптардың халықаралық технопаркі – «Astana Hub» негізінде заңды тұлға тіркеп, цифрлық шешімдер мен қызметтерді іске асыру мүмкіндіктерін қарастыруда. Денсаулық сақтау саласында PIH-тың медициналық инфрақұрылым бойынша халықаралық тәжірибесін қолдана отырып, медициналық мекемелерді салу және басқаруға қатысу мәселесі талқылануда. Сондай-ақ компанияның халықаралық нарықтардағы табысты тәжірибесін ескере отырып, тау-кен металлургия секторында жер қойнауын пайдалану нарығына шығу перспективалары зерттелуде.Кездесу барысында PIH пен Қазақстан Республикасы Үкіметі арасындағы компанияның өзекті жобаларын қамтитын Инвестициялық келісімді дайындау мәселесі қаралды.Министрдің орынбасары катарлық инвестициялардың ел экономикасының орнықты дамуы үшін маңыздылығын атап өтіп, «Power International Holding» жобалары экономикамыздың негізгі бағыттарын қамтиды. Газ өңдеу инфрақұрылымы энергетикалық қауіпсіздікке, телекоммуникация – цифрландыруға ықпал етеді. Денсаулық сақтау, IT және тау-кен салаларындағы бастамалар – технологияларды трансферттеуге және өндірістік кооперацияны дамытуға мүмкіндік береді. Қазақстан бұл жобалардың сәтті іске асуына жан-жақты қолдау көрсетуге дайын» – деді ол.Өз кезегінде, Е. Елекеев «Kazakh Invest» компаниясы PIH жобаларын барлық кезеңдерде – құжаттама дайындаудан бастап мемлекеттік органдармен өзара іс-қимылды үйлестіру және әкімшілік рәсімдерді жеделдетуге дейінгі аралықта толық сүйемелдейтінін атап өтті.Кездесу қорытындысы бойынша тараптар екіжақты инвестициялық ынтымақтастықты тереңдетуге мүдделілік танытып, өзара тиімді өзара іс-қимылды жалғастыруға ниеттерін растады.PIH Қазақстанда бірқатар стратегиялық маңызды жобаларды жүзеге асырып жатыр. Атап айтқанда, Қашаған кен орнында жылдық қуаттылығы 1 және 2,5 млрд текше метр болатын екі газ өңдеу зауытының құрылысы, «Бейнеу – Бозой – Шымкент» магистральды газ құбырының екінші желісінің, КС-14 компрессорлық станциясының және «КС-14 – Ақтөбе – Қостанай» магистралінің құрылысына қатысу. Сонымен қатар 2023 жылы PIH Tele2 және Altel компанияларындағы 100% үлесті сатып алып, телекоммуникациялық қызметтер нарығына шықты.Дереккөз: https://invest.gov.kzАқпарат көзі : https://www.gov.kz/memleket/entities/invest/press/news/details/998855?lang=kk

Санкт-Петербург қаласында Ресей Федералдық гвардиясы (Росгвардия) ұйымдастыруымен достас елдердің ішкі әскерлері мен ұлттық гвардиялары арасында өткен регби-7 халықаралық турнирі өз мәресіне жетті. Бұл беделді жарыс Ресей, Қазақстан және Өзбекстанның күштік құрылымдарынан құралған үздік құрамаларды жинап, жоғары спорттық шеберлік,  жауынгерлік рух пен бауырластықты паш етті.Қазақстан Республикасы Ұлттық ұланының құрамасы топтық кезеңді сенімді еңсеріп, Ресей Федерациясы ұлттық гвардиясының Саратов әскери институтын (СӘИ) 45:0 есебімен және Пермь әскери институтын (ПӘИ) 38:5 есебімен ойсырата жеңді. Командамыздың 7:12 есебімен жалғыз жеңілісі  Ресей Федерациясы ұлттық гвардиясының  Жуков орденді әскери академиясымен болған шиеленісті кездесуде  тіркелді.Турнир қорытындысы бойынша құрамамыз Ресей Федерациясы ұлттық гвардиясының әскери академиясына ғана жол беріп,  екінші орынды иеленді. Осылайша, Халықаралық турнирдің күміс жүлдесіне ие болды.Турнирдің үздік үштігі:Ресей Федерациясы ұлттық гвардиясының әскери академиясыҚазақстан Республикасы Ұлттық ұланыӨзбекстан Республикасы Ұлттық гвардиясы Турнир ұйымдастырушылары атап өткендей, регби-7 — бұл небәрі екі таймнан тұратын, әрқайсысы 7 минуттық, нағыз мінез бен жылдамдық сыналатын ойын. Жоғары қарқындылығымен ерекшеленетін бұл спорт түрі әскери қызметшілерді даярлауда өте тиімді, себебі ол физикалық төзімділікті, тез шешім қабылдауды және күрделі жағдайда әрекет етуді жетілдіреді.Қазақстан Республикасы Ұлттық ұланы құрамасының бұл турнирге қатысуы әскери қызметшілердің жоғары физикалық дайындығын дәлелдеп қана қоймай, достас елдермен әскери-спорттық байланысты нығайтудың жарқын үлгісіне айналды. Халықаралық деңгейде күміс жүлде алу — әрбір ойыншының үлесі мен тұтас команданың үйлесімді жұмысының, тәртіп пен жауынгерлік рухтың жемісі.Ұлттық ұлан құрамасын лайықты өнер көрсетуімен құттықтаймыз! Жаңа жеңістерге жетуін тілейміз! ҚР ІІМ Ұлттық ұланының баспасөз қызметі Ақпарат көзі : https://www.gov.kz/memleket/entities/kvv/press/news/details/996806?lang=kk

2025 жылғы  15 мамырда Отбасы күні шенберінде, Әдеп жөніндегі уәкілдердің 2025 жылға арналған үлгілік жұмыс жоспарын іске асыру, құқықтық оқуды ұйымдастыру мақсатында: «Мемлекеттік органдарда  әйелдерге қатысты кемсітуді және жыныстық қудалауды болдырмау мақсатында алдын алу жұмысы» семинар-тренингтер өткізілді.Модераторы: облыс әкімі апппараты басшысының орынбасары М.Маденов. Спикерлер: Нина Косюк, психолог, жыныстық және репродуктивті денсаулық, тұрмыстық зорлық-зомбылық құрбандарының құқықтарын қорғау, адам саудасына қарсы күрес жөніндегі сарапшы, Қазақстандық жыныстық және репродуктивті денсаулық ассоциация өкілі, «Дамыту» қоғамдық қорының басшысы, Мақсат Шакирбаев, Қостанай облысы бойынша адам құқықтары жөніндегі уәкіл, Қайрат Сюндиков Қостанай облысы әкімі аппаратының Әдеп жөніндегі уәкілі.Кезедесулерде манызды өзекті мәселелер көтерілді: сексуалдық психологиялық зорлық-зомбылық, ұйымдардың жұмыс орнында кемсітушілікке және жыныстық қудалауға қарсы саясатты жүзеге асыру тәжірибесі, 111 Сенім телефонының жұмысы, Қостанай қаласында әйелдерге арналған дағдарыс орталығын ашу жоспары. Семинарларға Қостанай облысы әкімі аппаратының,  облыстық басқармалардың және тексеру комиссиясының қызметшілері қатысты.Анықтама үшін: облыс әкімі аппараты мен облыс мекемелеріндегі мемлекеттік қызметшілердің жалпы санының 60%-ға жуығын әйелдер құрайды. Бүгінгі таңда қоғамда әйелдер құқығын қорғау мәселесі қызу талқыланып жатқанда, әсіресе атышулы «Салтанат заңының» қабылдануы аясында мұндай шаралар зорлық-зомбылықтың алдын алуда, оның алдын алуда, мемлекеттік қызметте әйелдер үшін қауіпсіз орта қалыптастыруда басты рөл атқарады.Адам құқықтары жөніндегі уәкіл М. Шакирбаев әйелдердің  конституциялық құқықтары және адам құқықтары жөніндегі уәкіл институтының жұмысындағы басымдықтары туралы хабардар етті.Қостанай облысы әкімі аппаратының Әдеп жөніндегі уәкілі Қ.Сюндиков азаматтық қоғаммен өзара іс-қимыл қажеттігін, құқықтық білім берудің және мемлекеттік органдардың жұмысына әдеп стандарттарын енгізудің маңыздылығына тоқталып, кері байланыс арналарының жұмысы туралы хабардар етті.Ақпарат көзі : https://www.gov.kz/memleket/entities/kostanay/press/news/details/996810?lang=kk

Исламабад, 2025 жылғы 15 мамыр – Қазақстанның Пәкістандағы Елшісі Ержан Қыстафин «Meezan Bank» атқарушы вице-президенті Шейх Рашид Рауф мырзаны қабылдады.«Meezan Bank» - Пәкістандағы ең ірі банктердің бірі және елдегі исламдық банктік қызметтер нарығының 30%-дан астамын иеленетін исламдық банкинг саласындағы танылған көшбасшы.Кездесу барысында тараптар екі елдің қаржы институттары арасындағы ынтымақтастықты дамыту перспективаларын егжей-тегжейлі талқылады.Елші Е.Қыстафин «Астана» Халықаралық қаржы орталығы аясындағы қолда бар мүмкіндіктер мен оның артықшылықтары туралы айтып, сондай-ақ Қазақстанда қаржы технологияларын дамытудың жоғары деңгейін атап өтіп, осы сектордағы тәжірибе алмасу және ынтымақтастықты дамыту перспективаларын қарастыруды ұсынды.Тікелей банктік байланыс арналарын орнату, өзара есеп айырысу инфрақұрылымын дамыту, екі елдің клиенттеріне қол жетімді банктік қызметтерді ұсыну, сондай-ақ ислам банкингі саласындағы ынтымақтастық мәселелеріне ерекше назар аударылды.Тараптар өзара іс-қимылды тереңдетуге өзара қызығушылық танытты және осы саладағы бар әлеуетті іске асыру бойынша нақты қадамдарды белгіледі.Кездесу қорытындысы бойынша «Meezan Bank» пен қазақстандық коммерциялық банктер арасында онлайн-келіссөздер ұйымдастыру туралы уағдаластыққа қол жеткізілді. Ақпарат көзі : https://www.gov.kz/memleket/entities/mfa-islamabad/press/news/details/996801?lang=kk

2025 жылғы 1 сәуірге Абай облысы жағдай бойынша еліміздегі халық саны 601,4 мың адамды құрады, оның ішінде қалалықтар – 374,4 мың (62,3%), ауылдықтар – 227,0 мың адам (37,7%). 2025 жыл басымен салыстырғанда халық саны 3,1 мың адамға немесе 0,5%-ға кеміді.Халықтың табиғи қозғалысы2025 жылғы қаңтар-наурыз Абай облысы халқының табиғи өсімі 2024 жылғы қаңтар-наурыз салыстырғанда (972 адам) 29,6%-ға азайды, 684 адамды құрады. Табиғи өсімнің жалпы коэффициенті 1000 адамға шаққанда 4,62 адамды құрады.АХАТ органдары ұсынған азаматтық хал актілерінінің жазбаларындағы мәліметтердің нәтижесінде, 2025 жылғы қаңтар-наурыз туылғандар саны 1926 адамды құрады, бұл 2024 жылғы тиісті кезеңге қарағанда 17,0%-ға аз (2320). 1000 адамға шаққандағы жалпы туу коэфициенті  13,02  туылғандарды құрады.Қарастырылып отырған кезеңде қайтыс болғандар саны 1242 адамды құрады, бұл 2024 жылғы қаңтар-наурыз қарағанда 7,9%-ға аз (1348 адам). Өлім-жітімнің жалпы коэффициенті 1000 адамға 8,40 қайтыс болғандарды құрады.2025 жылғы қаңтар-наурыз облыста 1 жасқа дейін шетінеген 15 нәресте тіркелді және 2024 жылғы тиісті кезеңмен салыстырғанда (21 шетінеген нәресте) 28,6% есе азайды. Нәресте өлім-жітімінің коэффициенті 1000 туғандарға шаққанда 7,79 оқиғаны құрады.Халықтың көші-қоныКөші-қон қызметі органдары ұсынған мәліметтерді өңдеу нәтижесінде халықтың көші-қоны 2025 жылы 1-тоқсанда  облысымызға тұрғылықты тұруға келгендердің тіркелу саны - 3199 адамды, елімізден кеткендердің саны - 5292 адамды,  көші-қонның айырымы – 2093 адамды құрады.Еліміздегі негізгі көші-қон алмасуы ТМД  мемлекеттерімен өтуде. ТМД елдерінен келгендердің саны-14 адам, ал  сол елдерге кеткендердің - 28 адам, көшіп-қонушылардың жалпы санынан үлесі 87,5%  және 84,8% құрады.  Осының келгендермен  және кеткендердің көп бөлігі Россей Федерациясына тиесілі, 14 адам  келіп және 28 адам көшіп кеткен.Алыс шетел елдерімен теріс сальдо, облысқа келгендер - 2 адам құраса, кеткендер саны - 5 адам, оң сальдо Қытай Халық республикасымен  оң сальдо қалыптасты.Облыс  ішінде қоныс аударатын көшіп-қонушылар саны - 3183 адамға азайған, келгендер - 5259 адам құраса, кеткендер -  2076 адам құрады._________________________________________________________________________________________________________________Әдіснамалық түсіндірмелерХалықтың табиғи өсімі - белгілі бір кезеңде тірі туылғандар мен өлгендер санының арасындағы  айырмашылығына тең. Халықтың табиғи қозғалысы жөніндегі деректер АХАТ органдарында тіркелген азаматтық хал актілерінің жазулары негізінде жиналады және өңделеді. Туылғандар санына тек тірі туылғандар енгізілген.Туудың жалпы коэффициенті - бала туылу қарқындылығының барлық халыққа қатынасы бойынша анықталатын көрсеткіш. Кезең бойына тірі туылғандардың жалпы санының халықтың кезеңдік орташа санына қатынасын көрсетеді. Әдетте, 1000 халыққа  шаққанда есептеледі.Өлімнің жалпы коэффициенті - халықтың өлімінің қарқындылығын анықтайтын көрсеткіш. Кезең бойына өлгендердің жалпы санының халықтың кезеңдік орташа санына қатынасын көрсетеді. Әдетте 1000 халыққа шаққанда есептеледі.Нәресте өлімінің коэффициенті - 1 жасқа дейінгі балалар өлімінің деңгейін анықтайтын көрсеткіш. 1 жасқа дейінгі өлгендер саны тірі туылғандар санына қатынасымен есептеледі. Нәрестелер өлімі коэффициенті 1000 тірі туғандарға  есептелінеді.Халықтың көші-қоны - тұрған жерін ауыстыруға байланысты қандайда болса өңірдің шекарасы арқылы адамдардың (көшіп-қонушылардың)  орын ауыстыруы.Көшіп-қонушы - тұрақты тұратын жерін ауыстырумен көші-қон жасайтын адам.Келгендер саны - есепті кезеңде сырттан осы өңірге көшіп келген адамдар саны.Кеткендер саны – есепті кезеңде сыртқа осы өңірден көшіп кеткен адамдар саны.www.stat.gov.kz / Официальная статистика / По отраслям / Демографическая статистикаӘлеуметтік және демография статистикасы бөлімінің  басшысы: С.А. КондратьеваТел. +7 7222 36-25-49Адрес:180000, Cемей қаласыМәңгілік ел көшесі, 25 © Қазақстан Республикасы Стратегиялық жоспарлау және реформалар агенттігі Ұлттық статистика бюросыАқпарат көзі : https://www.gov.kz/memleket/entities/abay/press/news/details/996778?lang=kk

Құрметті салық төлеушілер! 2025 жылғы 16 мамырда сағат 00:00-ден 02:00-ге дейін «Электрондық шот-фактуралар» ақпараттық жүйесінде техникалық жұмыстар жүргізіледі. Көрсетілген уақыт аралығында «Электрондық шот-фактуралар» ақпараттық жүйесі  қолжетімді болмайды. Келтірілген қолайсыздықтар үшін кешірім сұраймыз!Ақпарат көзі : https://www.gov.kz/memleket/entities/kgd-pavlodar/press/news/details/996747?lang=kk

Жүйе кіру шектеулерін (медициналық деректер, созылмалы аурулар және алынған инфекциялар) тексереді, сондай-ақ сотталғандықты тексеру сұранысын жібереді. Егер адам сотталмаған болса, жауап 10 минуттың ішінде келеді. Содан кейін ҚР Ұлттық қауіпсіздік комитеті тарапынан арнайы тексеруден өту үшін сауалнаманы толтыру қажет.ҚР ҰҚК тексеру үшін № 075 нысанды анықтаманы алдын ала алу және өмірбаянын дайындау ұсынылады. Көптеген деректер (мекенжай, фотосурет, туыстық мәліметтер) мемлекеттік жүйелерден автоматты түрде жүктеледі, қалғанын қолмен қосуға болады.Өтініш беру үшін:1. eGov.kz порталында тіркеліп, «Азаматтарға» - «Әскери есепке алу және қауіпсіздік» - «Әскери қызмет» бөліміне өтіңіз.2. «ҚР ҚМ әскери оқу орындарына кандидаттарды қабылдау» қызметін таңдап, «Қызметке онлайн тапсырыс беру» түймесін басыңыз.3. Қажетті деректерді толтырып, өтінішке қол қойыңыз.4. Нәтиже Жеке кабинетте «Қызмет тарихы» бөлімінде қолжетімді болады.Ұшқыш мамандықтары үшін  куәландыруға дейін 30 күннен кешіктірмей алынған медициналық қорытынды талап етіледі.Нәтиже (оның себебін көрсете отырып қабылдау немесе қабылдаудан бас тарту) Жеке кабинетке келеді. Қызмет мерзімі — 200 күнге дейін. Құжаттардың толық тізімі және егжей-тегжейлі нұсқаулық — eGov.kz сайтында.Қызмет Мемлекеттік көрсетілетін қызметтер комитеті, ҚР Цифрлық даму, инновациялар және аэроғарыш өнеркәсібі министрлігі, «Ұлттық ақпараттық технологиялар» АҚ және ҚР Қорғаныс министрлігінің қолдауымен әзірленді.Ақпарат көзі : https://www.gov.kz/memleket/entities/aktobe-irgiz/press/news/details/996961?lang=kk