Жаңа жыл қарсаңында еліміздің барлық гарнизондарында мектеп жасына дейінгі және мектеп оқушыларына арналған жаңа жылдық ертеңгіліктер мен театрландырылған қойылымдар өтті.Шымкент қаласындағы № 2 Оқушылар сарайында 36814 әскери бөлімінде қызмет ететін әскери қызметшілер мен азаматтық персоналдың балаларына арналған, байқаулар мен ойындарға, ертегі кейіпкерлеріне толы мерекелік ертеңгілік ұйымдастырылды. Әскери бөлім қолбасшылығы мен мекеменің шығармашылық ұжымы бірлесіп дайындаған бұл іс-шараға жүзден астам бала қатысты.Жаңа жылдық ертеңгіліктер Ақтауда да өтті. Н. Жантөрин атындағы драма театрында Әскери-теңіз күштері әскери қызметшілерінің балаларына арналған мерекелік іс-шара ұйымдастырылды. 120-дан астам жас көрермен Аяз ата мен Ақшақармен бірге шеңбер жасап билеп, ән салып, өлең оқып, түрлі ойындарға қатысты.Ақтау қаласындағы Қуыршақ театрында теңіз жаяу әскерлері бригадасы  әскери қызметшілерінің балалары да жаңа жылдық мерекені тамашалады. Кәсіби актерлер қатысқан театрландырылған қойылым, жарқын декорациялар мен ертегі кейіпкерлері балаларға ұмытылмас әсер сыйлады.«Батыс» өңірлік қолбасшылығы әскерлері материалдық-техникалық қамтамасыз ету базасының әскери қызметшілері де бүлдіршіндерді қуантудан қалыс қалмады. Олар жеке құрамның балалары үшін аниматорлар қатысқан, интерактивті ойындар мен байқауларға толы ертеңгілік өткізді.Қарағанды гарнизонында да жаңа жылдық көңіл-күй сезілді. Қдаыртасқан дәстүрге сай Нұркен Әбдіров атындағы авиациялық базаның әскери қызметшілері «Әсем» балалар үйінің тәрбиеленушілерін арнайы барып құттықтады. Балалар алдын ала Аяз атаға хат жазып, өз тілектерін білдірген болатын. Ал сиқыршының көмекшілері рөлін иықтарында погондары бар әскери қызметшілер ықыласпен атқарды. Кездесу жылы, шынайы атмосферада өтіп, алғыс ретінде тәрбиеленушілер қонақтарға музыкалық нөмірлер ұсынып, өз таланттарын паш етті.Теміртау қаласында да мерекелік көңіл-күй. 55524 әскери бөлімінің әскери қызметшілері № 8 мамандандырылған мектеп-интернатының оқушылары үшін спектакль ұйымдастырды. Танымал ертегінің желісімен қойылған театрландырылған қойылым залды күлкі мен қошеметке бөлеп, әрбір балаға жаңа жыл мерекесін сезінуге мүмкіндік берді.Балалар мен отбасыларға қамқорлық жасау Қарулы күштер қызметінің басым бағыттарының бірі болып қала беретінін айта кету керек. Бұл олардың тек мемлекеттің қауіпсіздігін қамтамасыз етуші ғана емес, сонымен қатар қоғамның сенімді тірегі ретіндегі рөлін айқындай түседі.Жалпы алғанда, Қарулы күштердегі әскери қызметшілердің отбасы мүшелерімен жұмыс жүргізетін бөлімдер мен қызметтердің үйлесімді еңбегінің арқасында жаңа жылдық іс-шараларға 47 мыңнан астам бала қатысты. Әсіресе көпбалалы және толық емес отбасыларға, сондай-ақ ерекше қажеттілігі бар бала тәрбиелеп отырған жанұяларға ерекше назар аударылды.Ақпарат көзі : https://www.gov.kz/memleket/entities/mod/press/news/details/1135666?lang=kk

ҚР ҚМ жеке кәсіпкерлер мен шағын бизнес субъектілеріне арналған «Халық бухгалтері»  акциясын іске қосады. 🗓 Өткізу мерзімі:2026 жылғы 5 қаңтар – 30 маусым 👥 Кімдерге арналған:Жеке кәсіпкерлер мен шағын бизнес субъектілеріне 💬 Қандай көмек көрсетіледі:Келесі мәселелер бойынша түсінікті әрі практикалық кеңестер беріледі: бухгалтерлік есеп; салықтық есептілік; ақпараттық жүйелерде жұмыс істеу. 📍 Жұмыс форматы:Негізгі формат — қалалар мен облыс орталықтарындағы мемлекеттік кірістер басқармалары базасында офлайн қабылдау. ⏰ Кеңес беру кестесі:▪️ 2026 жылғы қаңтар–ақпан — аптасына 3 рет (дүйсенбі, сәрсенбі, жұма) сағат 10:00–13:00▪️ 2026 жылғы наурыздан бастап — аптасына 2 рет Қабылдау орындары мекенжайы мен жұмыс кестесі көрсетілген «Халық бухгалтері» арнайы тақтайшаларымен белгіленеді. 👨‍💼 Кеңес берушілер: кәсіби бухгалтерлер мен аудиторлар; бухгалтерлік қауымдастықтардың өкілдері; заңнама нормаларын түсіндіру үшін мемлекеттік кірістер органдарының тәжірибелі қызметкерлері. 🏙 География: Астана, Алматы және Шымкент қалаларында — жеке кеңес беру алаңдары (мүмкіндікке қарай қаланың барлық аудандарында); өңірлерде — аудандық деңгейде, қажет болған жағдайда мамандардың көшпелі қабылдауы ұйымдастырылады. 📞 Қосымша мүмкіндіктер: бейнекеңестер мен телефон арқылы байланыс; ресми ресурстар арқылы онлайн кеңес беру; вебинарлар (онлайн және офлайн); есептілік кезеңдерінде тақырыптық кеңес беру сессиялары. 📘 Сонымен қатар, заңнама нормаларын қарапайым тілмен түсіндіретін және ақпараттық жүйелерде жұмыс істеу бойынша қадамдық нұсқаулықтары бар буклеттер дайындалады, Call-орталыққа арналған материалдар жаңартылып, SalykBot Telegram-арнасы ақпаратпен толықтырылады. ➡️ «Халық бухгалтері» акциясы — салық төлеушілермен жұмыс істеуде бақылау моделінен сервистік сүйемелдеуге көшу жолындағы алғашқы қадам.Алдағы уақытта құқық бұзушылықтардың алдын алуға және консультациялық қолдаудың сапасын арттыруға бағытталған қосымша шаралар іске асырылатын болады. Ақпарат көзі : https://www.gov.kz/memleket/entities/kgd-karaganda/press/news/details/1135701?lang=kk

Ақмола облысындағы 44813 әскери бөлімінде әскери қызметшілермен бірге Айқас есімді көне тазы тұқымынан шыққан ит оқу-жауынгерлік міндеттерді атқарып жүр.Айқасты бөлімге командирдің жауынгерлік дайындық жөніндегі орынбасары майор Нұрлыбек Жаманғарин 2020 жылы Қызылорда облысы Арал қаласынан алып келген.– Тазы иті көшпелілердің үйлесімді өмірін бейнелейтін «жеті қазынаның» қатарына жатады. Айқас менімен бірге бесінші жыл қызмет етіп келеді. Біз үшін маңызды жетістік – Ақмола облысында өткен «Алтын қазына» республикалық тазы жарысында жеңіске жетуіміз және Ақтөбе облысындағы «Салбурын» далалық сынағында жүлделі орын алуымыз, – деді майор Н. Жаманғарин.Бес жыл ішінде Айқас бөлімшенің күнделікті өміріне толықтай бейімделді. Оның күн тәртібі нағыз сарбаздікіндей. Таңертең тұру, ас ішу және оқу-жаттығулар ол үшін қалыпты жағдай.Әскери тәртіпке үйренген төрт аяқты «жауынгер» саптық жиындарға да қатысады. Ол плацқа бірінші болып келіп, командирдің бұйрығымен ту тұғырының жанында отырады. Салтанатты рәсімдерде Айқас ел рәміздеріне құрмет білдіріп, Мемлекеттік әнұранның әуеніне өзінше үн қосады.Қызмет барысында Айқас тазы тұқымының ең жақсы қасиеттерін айқын көрсетті. Ол шапшаң, төзімді және тез үйренгіш. Сарбаздармен бірге әуе кеңістігін қорғау міндетін атқаратын әскери бөлім аумағын патрульдеуге шығады. Қырағылығы мен сезімтал есту қабілеті оған күзет міндеттерін тиімді орындауға мүмкіндік береді.Ақпарат көзі : https://www.gov.kz/memleket/entities/mod/press/news/details/1135702?lang=kk

Өткен 2025 жыл күрделі болды, депутаттар қала тұрғындарының әл-ауқатын арттыру үшін бірқатар маңызды шешімдер қабылдады.Қаланың құрметті азаматтары, соғыс қимылдарының ардагерлері, кәмелетке толмағандар үшін қоғамдық көлікте тегін жол жүру енгізілді. Сондай-ақ, шағын бизнес субъектілері үшін бөлшек салық мөлшерлемесі 4% - дан 2% - ға дейін төмендетілді және басқа да шешімдер қабылданды. Менің ойымша, бұл шаралар 2026 жылы қаладағы өмір сапасын жақсартуға мүмкіндік береді.Жаңа жыл да әрине, мінсіз болмайды, бірақ ол даму мүмкіндіктерін беретініне, нәтижелі және табысты болатынына сенімдімін.Сізге бұл мерекені жақындарыңыздың ортасында қуанышпен және жылы шыраймен қарсы алуды тілеймін. Жаңа жыл бейбітшілікті сақтап, әр үйге қуаныш әкелсін, өмірде махаббат пен жақсы қарым-қатынас көп болсын!Келе жатқан 2026 жылмен шын жүректен құттықтаймын, Жаңа жылда ең мейірімді және жақсы тілектер орындалсын!Өскемен қалалық мәслихатыныңтөрағасы  А. СветашАқпарат көзі : https://www.gov.kz/memleket/entities/ukmaslihat/press/news/details/1135644?lang=kk

Бұл мереке бізді игі өзгерістерге деген үмітпен, жаңа мүмкіндіктерге деген сеніммен және жарқын болашаққа деген үмітпен біріктіреді. Өтіп бара жатқан жылды шығарып салып, оның қорытындыларын ризашылықпен атап өтіп, алдағы күндерге сеніммен қадам басамыз.Өтіп бара жатқан жыл ауданымыз үшін жүйелі әрі нәтижелі еңбектің кезеңі болды. Агроөнеркәсіптік кешеннің тұрақты қызметі қамтамасыз етіліп, ірі инвестициялық жобаларға бастау берілді. Әлеуметтік сала мен инфрақұрылымды дамыту бағытында жоспарлы жұмыстар жалғасын тапты — бұл өзгерістер тұрғындар күнделікті өмірінде нақты сезінетін маңызды салалар.Қол жеткізілген барлық нәтижелер — аудан тұрғындарының, еңбек ұжымдарының, кәсіпкерлер мен түрлі сала мамандарының бірлескен еңбегінің жемісі. Ауданымыздың дамуына қосқан еңбектеріңіз, белсенділіктеріңіз, жауапкершіліктеріңіз үшін баршаңызға шынайы алғысымды білдіремін.Қадірлі жерлестер!Келе жатқан Жаңа жыл әр шаңыраққа тыныштық, жылулық пен молшылық әкелсін. Сіздерге және жақындарыңызға зор денсаулық, тұрақтылық, отбасыларыңызға береке-бірлік, еңбектеріңізге табыс және ертеңгі күнге деген сенім тілеймін. Ең ізгі тілектер орындалып, жаңа мүмкіндіктер ашылып, барлық бастамаларыңыз сәтті жүзеге ассын.Келе жатқан 2026 Жаңа жыл құтты болсын! Аудан әкімі                                                                          Қ. МыржақыповАқпарат көзі : https://www.gov.kz/memleket/entities/kostanai-bmalin-audany-akimat/press/news/details/1135620?lang=kk

Құрметті Әріптестер!Сіздерді Жаңа 2026 жылмен шын жүректен құттықтаймын! Жаңа жылда жағымды жаңалықтар мен телегей табыс мол болсын! Әрбір игі істер мен жаңа бастамаларыңызға сәттілік серік болып, отбасыңызға баянды бақыт пен бақ-береке келсін! Жаңа жыл мерекелі, берекелі болып, мерейіңіз үстем, беделіңіз биік, абыройыңыз асқақ болуына тілектеспін!Ізгі ниетпен, У.Е. УмирзаковЖетісу облысы бойынша МКД басшысыАқпарат көзі : https://www.gov.kz/memleket/entities/kgd-zhetysu/press/news/details/1135595?lang=kk

Шығыс Қазақстан облысы бойынша Мемлекеттік кірістер департаменті 2026 жылғы 1 қаңтардан бастап патент негізіндегі және мобильді қосымшаны пайдалану арқылы қолданылған арнайы салық режимінің күшін жоятыны туралы хабарлайды. Оның орнына жеке кәсіпкер ретінде тіркелмей-ақ қолдануға болатын өзін-өзі жұмыспен қамтығандарға арналған жаңа арнайы салық режимі енгізіледі.Өзін - өзі жұмыспен қамтығандарға арналған жаңа режимнің артықшылықтары: салықтық есептілік пен табыс салығы жоқ; тек 4% мөлшерінде әлеуметтік төлемдер төленеді; «E - Salyq Business» мобильді қосымшасы арқылы жұмыс жүргізіледі, бақылау-кассалық машиналарды қолдану талап етілмейді.Бұл ретте режимді қолданудың басталу күні «E - Salyq Business» мобильді қосымшасында түбіртектер қалыптастырылған ай болып табылады. Салықтар мен әлеуметтік төлемдер есепті айдан кейінгі айдың 25-іне дейін төленуі тиіс.Интернет - платформалар арқылы жұмыс істейтін такси жүргізушілері мен басқа да өзін - өзі жұмыспен қамтыған тұлғалар үшін әлеуметтік төлемдерді платформа операторы ұстап, төлейді.2025 жылы патент негізіндегі немесе арнайы мобильді қосымшаны қолдану арқылы арнайы салық режимін қолданған, сондай-ақ 2026 жылғы 1 қаңтардан бастап өзін-өзі жұмыспен қамтығандар режимін қолдануды жоспарлаған тұлғалар жеке кәсіпкер ретінде тіркеуден өз бетінше шығуы қажет.Қосымша ақпаратты Мемлекеттік кірістер комитетінің бірыңғай Байланыс орталығынан келесі телефон нөмірлері арқылы алуға болады: +7 705 956 53 88 8 (7172) 735 515Ақпарат көзі : https://www.gov.kz/memleket/entities/kgd-vko/press/news/details/1135554?lang=kk

Жетісу облысы бойынша Мемлекеттік кірістер департаменті Жаңа жыл мерекесіне байланысты 2026 жылғы 1-2 қаңтарда Қазақстан-Қытай шекарасындағы «Алакөл», «Нұр жолы» автомобиль өткізу пункттерінде және «Қорғас» ШХЫО-да тұлғаларды, көлік құралдары мен жүктерді өткізу жүзеге асырылмайтынын хабарлайды. "Алтынкөл-жол", "Теміржол", "Қорғас ШХЫО" өткізу пункттері штаттық режимде жұмысын жалғастырады.Ақпарат көзі : https://www.gov.kz/memleket/entities/kgd-zhetysu/press/news/details/1135473?lang=kk

Астана, 2025 жылғы 30 желтоқсан – Қазақстан Республикасының Сыртқы істер министрлігінде өткен салтанатты іс-шара барысында сыртқы саяси ведомствоның басшысы Ермек Көшербаев министрліктің биылғы жылғы қызметінің негізгі қорытындыларына тоқталып, 2026 жылға арналған жоспарларды айқындады.СІМ басшысы 2025 жыл стратегиялық серіктестіктерді нығайту, экономикалық ынтымақтастықты кеңейту, халықаралық қауіпсіздікті арттыру және ел мүдделерін жан-жақты ілгерілету бағытындағы дипломатиялық қызметтің белсенді әрі нәтижелі кезеңі болғанын атап өтті. Ведомствоның жұмысы сыртқы саясаттың негізгі басымдықтары – егемендік пен қауіпсіздікті нығайтуға, шетелдегі ҚР азаматтарын қолдауға және көпжақты форматтар шеңберінде сындарлы ынтымақтастыққа негізделді.Е.Көшербаев 2026 жылға арналған басым міндеттерді де атап өтіп, олардың қатарында экономикалық дипломатияны дамыту, халықаралық ынтымақтастықты кеңейту, ведомствоаралық үйлестіруді күшейту және Қазақстанның сыртқы саяси бастамаларын ілгерілету бар екенін мәлімдеді.Министр СІМ ұжымына келер жылы жаңа кәсіби табыс, амандық пен береке тіледі.Ақпарат көзі : https://www.gov.kz/memleket/entities/invest/press/news/details/1135445?lang=kk

Анкара, 2025 жылғы 30 желтоқсан – Елші Е.Сәпиевтың Түркияның Мерсин провинциясына жасаған жұмыс сапары аясында бірқатар ірі өнеркәсіптік кәсіпорындармен кездесулер өткізілді.Кездесулерде екі ел арасындағы  инвестициялық және сауда-экономикалық ынтымақтастықты кеңейтуді  тереңдету мәселелері талқыланды.Атап айтқанда, тамақ өнеркәсібі, темір өңдеу, гигиеналық өнімдер өндірісін  Қазақстанда жасау, бірлескен өндірістерді орналастыру, сондай-ақ түрік бизнесінің еліміздің инвестициялық жобаларға қатысу мүмкіндіктері талқыланды.Кездесулер нәтижесінде түрік бизнесімен ынтымақтастықты әрі қарай дамытып, еліміздің инвестициялық мүмкіндіктерін тереңірек таныстыру мақсатында түрік компанияларының Қазақстанға сапарын ұйымдастыру туралы уағдаластыққа қол жеткізілді. Ақпарат көзі : https://www.gov.kz/memleket/entities/mfa-ankara/press/news/details/1135396?lang=kk

Бүгін Шымкент қаласы әкімдігінде жұмысшы мамандық иелерін марапаттауға арналған салтанатты жиын өтті. Іс-шараға қала әкімі Ғабит Әбдімәжитұлы Сыздықбеков қатысып, шаһардың дамуына елеулі үлес қосып жүрген түрлі сала өкілдеріне алғыс білдірді.Күнделікті көзге көп көріне бермегенімен, қаланың тыныс-тіршілігіне тікелей ықпал ететін жұмысшы мамандық иелерінің еңбегі орасан. Қала тазалығы, көркейту-көгалдандыру, коммуналдық қызмет, жол, жарық және абаттандыру салаларында табанды еңбек етіп жүрген азаматтар қала әкімінің арнайы қабылдауында болды.Кездесу барысында қала басшысы әрбір еңбек адамымен жеке сұхбаттасып, олардың ұсыныс-пікірлерін тыңдады. Еркін форматта өткен жиында жұмысшылардың күнделікті қызметі, саладағы өзекті мәселелер мен алдағы жоспарлар талқыланды.— Қаланың көркеюі мен тұрғындардың жайлы өмір сүруі – сіздердің маңдай терлеріңіздің жемісі. Сіздер атқарып жүрген еңбек қашанда құрметке лайық. Жұмысшы мамандықтары тек бір жыл аясында ғана емес, әрдайым қоғамның басты тірегі болып қала береді, – деді қала әкімі.Сондай-ақ Ғабит Сыздықбеков еңбек адамдарын алдағы Жаңа жыл мерекесімен құттықтап, зор денсаулық, отбасыларына амандық, еңбектеріне толағай табыс тіледі.Жиын соңында марапат иелері көрсетілген құрметке ризашылықтарын білдіріп, ел игілігі жолындағы еңбектерін одан әрі жалғастыра беретіндерін атап өтті.Еңбек адамын ұлықтау – қоғамның тұрақты дамуы мен өркендеуінің кепілі. Осындай тағылымды кездесулер жұмысшы мамандықтарының беделін арттырып, олардың қоғамдағы маңызын айқындай түсетіні сөзсіз.

Астана, 2025 жылғы 30 желтоқсан – Қазақстан Республикасының Сыртқы істер министрі Ермек Көшербаев пен Грузияның Сыртқы істер министрі Мака Бочоришвили арасында телефон арқылы сөйлесу өтті.Сұхбат барысында сыртқы саяси ведомстволардың басшылары биылғы жылы екіжақты өзара іс-қимылдың қорытындыларын шығарып, қазақ-грузин қатынастарының даму серпініне оң баға берді. Саяси диалогты одан әрі нығайтуға және екіжақты күн тәртібінің барлық аспектілері бойынша практикалық өзара іс-қимылды дамытуға дайындық расталды.Екі ел арасындағы сауда-экономикалық ынтымақтастықты кеңейту мәселелеріне ерекше назар аударылды. Ұлттық экономикалардың дамуына елеулі үлес қосып, өндірістің өсуіне және жаңа жұмыс орындарын құруға ықпал ететін инвестициялық саладағы кооперацияны жандандырудың маңыздылығы аталып өтті.Министрлер тығыз жұмыс байланыстарын қолдап, сындарлы диалогты жалғастыруға уағдаласты.Ақпарат көзі : https://www.gov.kz/memleket/entities/mfa/press/news/details/1135372?lang=kk

25 желтоқсан күні Жаңаөзен қаласында мәдениет пен спорт саласында жыл бойы жемісті еңбек еткен үздіктерді ұлықтауға арналған салтанатты марапаттау рәсімі өтті. Іс-шара Кендірлі ауылдық мәдениет үйінде ұйымдастырылды.Салтанатты кешке Жаңаөзен қаласы әкімінің орынбасары Мұқаш Мақсат қатысып, мәдениет және спорт саласында жоғары нәтижеге қол жеткізген мамандарды марапаттады. Қала әкімінің атынан үздік атанған азаматтарға Алғыс хаттар мен арнайы марапаттар табысталды.Марапаттау рәсімі барысында спорт саласының майталмандары – үздік қақпашы, шабуылшы, қорғаушы, ойыншы, жас спортшы, ардагер спортшы, жаттықтырушы, спорт жанашырлары мен өзге де номинация иелері құрметке бөленді. Сонымен қатар, мәдениет саласында еңбек етіп жүрген шығармашылық ұжымдар мен өнер иелері, сахна мамандары, ақындар, айтыскерлер, жүргізушілер мен жобалық бастамалар да лайықты бағаланды.Кеш барысында өнерпаздар тарапынан концерттік бағдарлама ұсынылып, ән мен биден шашу шашылды. «Айназ» би тобының өнері мен жергілікті әншілердің орындауындағы музыкалық нөмірлер кештің сәнін арттырды.Іс-шара соңында марапат иелеріне алғыс білдіріліп, алдағы уақытта да мәдениет пен спорт саласының дамуына үлес қоса берулеріне тілектестік білдірілді.Ақпарат көзі : https://www.gov.kz/memleket/entities/akimat-goroda-zhanaozen/press/news/details/1135357?lang=kk

Солтүстік Қазақстан облысы бойынша Мемлекеттік кірістер департаменті жеке кәсіпкерлер мен шағын бизнес субъектілеріне арналған «Халық бухгалтері» акциясын іске қосады. Акция аясында тегін консультациялық қолдау көрсетіледі. Өткізу мерзімі:2026 жылғы 5 қаңтар – 30 маусым Кімдер үшін пайдалы:Жеке кәсіпкерлер және шағын бизнес субъектілеріНені алуға болады:Төмендегі мәселелер бойынша түсінікті әрі практикалық түсіндірмелер: • бухгалтерлік есеп;салықтық есептілік;ақпараттық жүйелермен жұмыс. Жұмыс форматы:Негізгі формат — қалалар мен облыс орталықтарындағы мемлекеттік кірістер басқармаларында офлайн қабылдау.⏰ Консультациялар кестесі:▪ 2026 жылғы қаңтар–ақпан — аптасына 3 рет (дс, ср, жм) сағат 10:00–13:00▪ 2026 жылғы наурыздан бастап — аптасына 2 ретҚабылдау орындары мекенжайы мен жұмыс кестесі көрсетілген «Халық бухгалтері» атты маңдайшалармен белгіленеді. Кімдер кеңес береді:кәсіби бухгалтерлер мен аудиторлар;бухгалтерлік бірлестіктердің өкілдері;мемлекеттік кірістер органдарының тәжірибелі қызметкерлері. Географиясы:Петропавл қаласында — Петропавл қ. бойынша МКБ ғимаратында, мекенжайы: Қ. Сүтюшева көшесі, 56 А;аудандарда — аумақтық мемлекеттік кірістер басқармаларының ғимараттарында.➡ «Халық бухгалтері» — салық төлеушілерді бақылаудан сервистік сүйемелдеуге көшу жолындағы алғашқы қадам.Алдағы уақытта құқық бұзушылықтардың алдын алуға және консультациялық қолдауды күшейтуге бағытталған қосымша шаралар жоспарлануда.Ақпарат көзі : https://www.gov.kz/memleket/entities/kgd-sko/press/news/details/1139571?lang=kk

🔹Сервис ҚҚС бойынша салық есептілігін дұрыс толтыруға алдын ала хабарлау және көмек көрсету үшін әзірленген. Қызметтің функционалдығы сіздің салық сомаңызды алдын-ала білуге, қателіктер санын азайтуға және ықтимал жағымсыз салдардың алдын алуға, соның ішінде камералдық бақылау туралы хабарламалар алуға және айыппұл салуға мүмкіндік береді. 🔹Декларацияны алдын ала толтыру электрондық шот-фактуралардың ақпараттық жүйесін, салық төлеушілердің жеке шоттарын және тауарларға арналған декларацияны қоса алғанда, мемлекеттік кірістер органдарының ақпараттық жүйелерінде бар мәліметтер негізінде жүзеге асырылады. Бұл есептік көрсеткіштерді автоматты түрде қалыптастыруға және адам факторының әсерін азайтуға мүмкіндік береді. 📍Сервис шеңберінде декларацияның 13 жолы автоматты түрде толтырылады, олар қажет болған жағдайда ұлғаю немесе кему жағына қарай дербес түзетілуі мүмкін. ✔️ҚҚС бойынша декларацияны алдын ала толтыру сервисі (300.00-нысан) 2025 жылғы 4 тоқсандағы міндеттемелер бойынша табыс етілген кезде салық төлеушілерге қолжетімді болады. Қызмет пилоттық режимде іске қосылады. Оны жақсарту бойынша барлық ұсыныстар мен ескертулерді @icna_review_bot "ҚҚС бойынша декларацияны алдын ала толтыру қызметі (300.00-нысан)" телеграммасына жіберуге болады.Ақпарат көзі : https://www.gov.kz/memleket/entities/kgd-karaganda/press/news/details/1135273?lang=kk

Қала әкімдігінде өткен аппарат мәжілісінде қала әкімі «Кәсіпорындарға арналған үздік жаңажылдық безендіру» қалалық байқауының қорытындысын шығарды. Байқау аясында кәсіпкерлік субъектілерінің жаңажылдық безендіру жұмыстары бағаланып, үздік деп танылған қатысушылар марапатталды.Аталған байқау қала аумағында мерекелік атмосфера қалыптастыру, бизнес нысандарының сыртқы көрінісін жақсарту және кәсіпкерлердің қаланың көріктенуіне қосқан үлесін арттыру мақсатында ұйымдастырылды. Бағалау барысында безендірудің тақырыпқа сәйкестігі, эстетикалық деңгейі, креативтілігі және жалпы көркемдік шешімі ескерілді.Байқау қорытындысы бойынша жеңімпаздар мен жүлдегерлерге сертификаттар мен сыйлық сертификаттары табыс етілді. Жүлделі орындар төмендегідей бөлінді:1 орын – «12 месяцев-Костанай» ЖШС;2 орын – «Pasteria» мейрамханасы;3 орын – «Altyn Badam» дүкені.Ақпарат көзі : https://www.gov.kz/memleket/entities/kostanai-kalasy-akimat/press/news/details/1135308?lang=kk

Қалалық мәслихаттың кезекті сессиясында депутаттар қабылдаған маңызды шешімдердің бірі Өскеменнің ауылдық елді мекендерінде денсаулық сақтау, білім беру және ветеринария саласындағы қызметкерлерге әлеуметтік қолдау шараларын ұсыну болып табылады. Осылайша, қызметкерлердің осы санаты үшін айлық есептік көрсеткіштің жүз еселенген мөлшеріне тең сомада көтерме жәрдемақы, сондай-ақ айлық есептік көрсеткіштің екі мың еселенген мөлшерінен аспайтын сомада тұрғын үй сатып алуға немесе салуға бюджеттік кредит белгіленеді.Сондай-ақ Әлеуметтік көмек көрсету, оның мөлшерін белгілеу және мұқтаж азаматтардың жекелеген санаттарының тізбесін айқындау қағидалары бекітілді. Осы актімен мереке және атаулы күндерге орай ақшалай төлемдер берілетін азаматтардың санаттары айқындалады, сондай-ақ әлеуметтік көмек көрсету тәртібі айқындалады.Ақпарат көзі : https://www.gov.kz/memleket/entities/ukmaslihat/press/news/details/1135226?lang=kk

Бүгін аудан әкімінің балаларға арналған Жаңа жылдық шыршасы өтті. Мерекелік іс-шараға 150-ден аса оқушы қатысты. Балалардың қуанышына ортақтасқан аудан әкімі Берік Сәрменбаев бүлдіршіндерді Жаңа жыл мерекесімен құттықтады.– Жаңа жыл – әр үйге үміт, әр балаға арман ала келетін мереке. Осы кешке қатысып отырған балалардың жарқыраған жанары – ертеңге деген сенімнің белгісі. Ал сол сенімді аялап, баланың болашағына бағыт беріп отырған ұстаз бен ата-ананың еңбегі әрдайым құрметке лайық. Өтіп бара жатқан жыл ауданымыз үшін берекелі де баянды болды. Мемлекет басшысы Қасым-Жомарт Кемелұлы Тоқаевтың қолдауымен, аймақ басшысы Нұрлыбек Машбекұлы Нәлібаевтың тапсырмасымен Н.Ілиясов ауылындағы №132 орта мектебі және С.Сейфуллин ауылындағы №137 орта мектеп күрделі жөндеуден өтті. Аудан орталығындағы №36 Әбділда Тәжібаев атындағы мектеп-лицейіне «Қазақстан Ұлттық қорынан» 250 млн. теңге бөлініп, модификациялық кабинеттер жасақталды. Жастар мен жасөспірімдердің спортпен шұғылдануына Бесарық ауылында жаңа спорт кешені бой көтерді. Cоңғы 3 жылда бюджет және демеушілік есебінен ауданда 22 ойын алаңы пайдалануға берілді. Осындай көрсетілген қолдаулардың нәтижесінде сырдариялық оқушылар көптеген бәсекелерде топ жарып келеді. Биыл ауданда 106 оқушы түрлі бағыттағы халықаралық, республикалық және облыстық білім байқауларында жеңімпаз атанды. Оқу мен спортта, өнер мен шығармашылықта жеткен жетістіктеріңіз ауданымыздың абыройын арттырып отыр. Бұл – аудан үшін үлкен мақтаныш. Осы жетістіктер – сіздерді қолдаған ата-ана мен аянбай еңбек еткен ұстаздардың ортақ жемісі. Алдағы жылы да оқушыларымыз сапалы білім алып, аудан мерейін үстем ететініне сенемін, – деді Берік Әбдіғаппарұлы.Шыршаға келген балалар өнерлерін көрсетіп, театрландырылған қойылымды тамашалады және Жаңа жылдық сыйлықтар алды.Ақпарат көзі : https://www.gov.kz/memleket/entities/kyzylorda-syrdarya/press/news/details/1135165?lang=kk

Бүгін аудан әкімдігінің мәжіліс залында аудан әкімі Берік Сәрменбаевтың төрағалығымен кезекті мәжіліс өткізілді.Жиында Үкімет басшысы мен облыс әкімімен өткен мәжілісте қаралған мәселелер бойынша жүктелген тапсырмалар аудан деңгейінде пысықталды.Атап айтқанда, 2026 жылы Италияда өтетін қысқы Олимпиада ойындарына дайындық барысы бойынша міндеттер айтылды.Аудан әкімі аймақ басшысы тарапынан берілген тапсырмалардың барлығы тиісті сала басшылары мен бөлімдер тарапынан орындалуы керектігін атап өтті.Сонымен қатар мәжіліс барысында 2025 жылы аудан көлемінде атқарылған жұмыстардың қорытындысы айтылды. Ауданымыздың әлеуметтік-экономикалық көрсеткіштер бойынша оң динамика қалыптасқаны да сөз болды.Алдағы Жаңа жыл мерекесіне дайындық мәселесі де күн тәртібінен тыс қалмады. Аудан әкімі мереке күндері қоғамдық-саяси ахуалды тұрақты бақылауда ұстап, қоғамдық тәртіп пен қауіпсіздікті қамтамасыз етуді тапсырды. Бұдан бөлек мерекелік іс-шаралардың жоғары деңгейде өтуін қамтамасыз ету бағытында да жауапты сала басшыларына тиісті тапсырмалар берді.Ақпарат көзі : https://www.gov.kz/memleket/entities/kyzylorda-syrdarya/press/news/details/1135725?lang=kk

Зейнетақы активтері Бірыңғай жинақтаушы зейнетақы қорына (БЖЗҚ) шоғырландырылған 2014 жылдан бастап жинақталған таза инвестициялық кіріс 2025 жылғы 1 желтоқсандағы жағдай бойынша 13,43 трлн теңгеден асты. Оның қазақстандықтардың жалпы зейнетақы жинақтарындағы үлесі жасалған төлемдер есебімен 41,5%-ды құрайды. Бұл инвестициялық кірістің азаматтардың зейнетақы жинақтарын қалыптастыруда маңызды рөл атқаратынын көрсетеді. 2014 жылдан бері зейнетақы активтерін инвестициялау тиімділігі айтарлықтай артты, бұл салымшылардың (алушылардың) жинақтарының жалпы көлемінің едәуір өсуіне ықпал етті.Қазақстандағы зейнетақы жинақтары – азаматтардың зейнет жасындағы қаржылық тұрақтылығын қамтамасыз етуге бағытталған ұзақ мерзімді стратегиялық инвестициялық құрал. Икемді инвестициялық саясат пен активтерді әртараптандыру ұзақ мерзімді кезеңде тұрақты оң динамиканы қамтамасыз етеді. Қысқа мерзімді кезеңдердегі табыстылық зейнетақы активтерін басқару тиімділігінің негізгі көрсеткіші бола алмайды, өйткені қысқа уақыт аралығында есептелетін қаржы құралдары бойынша сыйақы мен өзге де табыстар бағалы қағаздар құны мен валюта бағамдарының ауытқуын әрдайым толық өтей бермейді. Сондықтан инвестициялық кірістің нақты мөлшерін кемінде бір жылдық кезеңде талдаған жөн.Өзгермелі макроэкономикалық жағдайлар аясында Қазақстан Республикасының Ұлттық Банкі басқаруындағы міндетті, міндетті кәсіптік және ерікті зейнетақы жарналары есебінен қалыптасқан зейнетақы активтерінің соңғы 12 айда салымшылардың (алушылардың) шоттарына бөлінген кірістілігі 2025 жылғы 1 желтоқсандағы жағдай бойынша 9,69% құрады. 2024 жылғы желтоқсаннан 2025 жылғы қарашаға дейінгі кезеңде есептелген инвестициялық кіріс көлемі – шамамен 2,23 трлн теңге.Осы кезеңде жұмыс берушінің міндетті зейнетақы жарналары есебінен қалыптасқан зейнетақы активтерінің кірістілігі 8,07% болды.Орта және ұзақ мерзімді перспективада зейнетақы жинақтарының нақты, яғни жинақталған инфляциядан жоғары табыстылығы қамтамасыз етіледі. Атап айтқанда, жинақтаушы зейнетақы жүйесі құрылған 1998 жылдан бастап 2025 жылғы 1 желтоқсанға дейінгі кезеңде жинақталған инвестициялық кірістілік 1054,45%-ға жетті, ал осы кезеңдегі инфляция деңгейі 933,55% болды.Қазақстанда инфляция деңгейін ескере отырып, міндетті зейнетақы жарналарының сақталуына бірегей кепілдік берілетінін еске саламыз. Салымшының төлемге құқығы басталған кезде жинақталған кірістілігіне кері әсерін тигізген жекелеген кезеңдердегі кірістіліктің төмендеуі жағдайында айырманың өтемақысына мемлекет кепілдік береді.Зейнетақы активтерін инвестициялық басқару мен есепке алу жүйесі толықтай ашық: әрбір салымшының  enpf.kz сайтындағы немесе ұялы қосымшадағы жеке кабинетінен өзінің инвестициялық кірісін көруге мүмкіндігі бар. БЖЗҚ зейнетақы активтерін инвестициялық басқару және олар орналастырылған қаржы құралдары туралы ақпарат Қордың (www.enpf.kz) ресми сайтындағы «Статистика және аналитика/Зейнетақы активтерін инвестициялық басқару» бөлімінде жарияланады.БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).   Ақпарат көзі : https://www.gov.kz/memleket/entities/abay-semey/press/news/details/1135155?lang=kk