Сіздерді Ұлы Жеңістің 80 жылдығына арналған «Ер есімі – Ел есінде» атты гүл шоқтарын қою және мерекелік іс-шараға қатысуға шақырамыз.Өтетін орны: Түркістан қаласы, «Жеңіс» саябағы, «Даңқ» мемориалдық кешеніУақыты: 9 мамыр, сағат 09:00Ақпарат көзі : https://www.gov.kz/memleket/entities/turkestan-kalasy/press/news/details/992598?lang=kk

Тараз қаласында Ұлы Отан соғысындағы Жеңістің 80 жылдығына арналған салтанатты мерекелік іс-шара өтті. «Жеңіс» саябағында ұйымдастырылған жиын Кеңес Одағының батыры, даңқты қолбасшы, халық қаһарманы, жазушы Бауыржан Момышұлының ескерткішіне гүл шоқтарын қою рәсімімен басталды. Бұл тағзым сәті – өткенге деген құрметтің, ерлікке бас иудің белгісі ретінде жиналған көпшілікке зор әсер сыйлады.Мерекелік жиын әрі қарай «Даңқ» залында жалғасын тапты. Мұнда жиналған жұртшылық Бауыржан Момышұлының 115 жылдығына орай «Бауыржан Момышұлы» музейінің салтанатты ашылу рәсімінің куәсі болды. Музейдің қызыл лентасын облыс әкімі Ербол Қарашөкеев, Әскери қайраткер, генерал-майор Сейітжан Қойбақов, облыстық ардагерлер кеңесінің төрағасы Еркінбек Солтыбаев және Бауыржан Момышұлының немере баласы Бекет Момынқұл қидыМузей экспозициясында Бауыржан Момышұлының жеке заттары, соғыс жылдарындағы фотосуреттері, қолжазбалары мен сирек кездесетін мұрағаттық материалдар көрермен назарына ұсынылды. Бұл тарихи орын келушілерге отансүйгіштік рух сыйлап, өткенді еске түсіретін тағылымды орынға айналары сөзсіз.Іс-шара барысында Ш.Уәлиханов атындағы облыстық әмбебап ғылыми кітапханасы тарапынан ұйымдастырылған мазмұнды да мағыналы тақырыптық кітап көрмесі де көпшіліктің назарына ұсынылды. Қала тұрғындары мен қонақтары рухани байлықтың қайнар көзіне айналған көрмені тамашалап, ерекше әсер алып, таным көкжиегін кеңейтуге тамаша мүмкіндікке ие болды.Ақпарат көзі : https://www.gov.kz/memleket/entities/zhambyl-cultura-arhiv/press/news/details/992656?lang=kk

Ұлы Жеңістің 80 жылдығына орай Тараз қаласындағы «Жеңіс» саябағында мерекелік концерт өтті. Ашық аспан астындағы мерекелік кеш Асқар Тоқпанов атындағы қазақ драма театрының әртістері дайындаған «Ұлы Отан соғысындағы Жеңіске 80 жыл» атты әсерлі театрландырылған қойылымымен басталды. Олар соғыс кезіндегі халықтың қайсар рухы мен сарбаздардың ерлігін көркем тілмен сахналанды.Ал Кенен Әзірбаев атындағы облыстық филармонияның өнерпаздары отты жылдарды еске салып, жүрек тербер патриоттық әндерді нақышына келтіре орындады. Олар шырқаған әрбір туынды көрермен жүрегіне жетіп, елге деген сүйіспеншілік пен ерлік рухын оятты. Кеш барысында өнер иелері тыңдарманды өткеннің тағылымына бойлатып, Ұлы Жеңістің қадір-қасиетін тағы бір мәрте сезіндірді.Бұл кеш тек мереке ғана емес, елдік пен ерлікке тағзым, тарихқа құрмет көрсету кеші болды. Жеңіс рухын ұлықтаған мұндай шаралар жас ұрпақтың бойында отансүйгіштік сезімді оятып, ел тарихын терең тануға сеп болары анық.Ақпарат көзі : https://www.gov.kz/memleket/entities/zhambyl-cultura-arhiv/press/news/details/992666?lang=kk

Бүгін облыс әкімі Нұрлыбек Нәлібаевтың қатысуымен Ұлы Жеңістің 80 жылдық мерекесінде Қазалы ауданында "Руханият" орталығы ашылды. Басқосуға Қазақстан Республикасы Парламенті Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев және облыстың зиялы қауым өкілдері мен ел ағалары қатысты.Облыс әкімі жиналған қауымды Жеңіс күні және жаңа нысанның ашылуымен құттықтап, өңірде атқарылған жұмыстарға тоқталды."Баршаңызды Ұлы Жеңістің 80 жылдығымен шын жүректен құттықтаймын! Біз ержүрек батыр бабаларымыздың алдында мәңгі қарыздармыз.Президентіміз Қасым-Жомарт Кемелұлы «Еліміздің рухани дамуы ұлттық рухқа тікелей байланысты. Сол себепті азаматтарымыздың рухы әрқашан биік болуы үшін мәдениетімізге, руханиятымызға баса мән беруіміз қажет» - деген болатын.Өткен 2024 жылды өңірімізде «Руханият жылы» деп жариялап, мәдени-көпшілік шаралармен бірге көптеген ауқымды жобаларды жүзеге асырдық. Алдағы уақытта да Сыр мәдениеті мен руханиятын өркендетуге қолдау жалғаса береді. Биыл Бурабайда өткен Ұлттық құрылтайда Мемлекет басшысы құрылтайдың келесі 5-ші отырысын Сыр бойында, кезінде Қазақ елінің астанасы болған Қызылорда қаласында өткізуді ұсынды. Алқалы жиында қабылданған тарихи шешім аймақ жұртшылығының мерейін асқақтатты. Өздеріңізге белгілі өңірімізде барлық 7 ауданда «Руханият» орталықтары салынды. Бұл жерде ұлтымыздың құндылықтары дәріптеліп, салт-дәстүрлеріміз кеңінен насихатталады. Бүгін өздеріңізбен қазыналы Қазалы ауданында жаңа «Руханият орталығын» ел игілігіне табыстаудамыз.Еліміздің рухани қазынасын толықтырып, халқымыздың өміріне қуаныш сыйласын", - деді Н. Нәлібаев.Салтанатты шарада ауданның әлеуметтік-экономикалық дамуына, жаңа нысанның құрылысына үлес қосқан бірқатар азаматтар облыс әкімінің Алғыс хатымен марапатталды. Сенат депутаты Наурызбай Байқадамов құттықтау лебізін жеткізіп, Қызылорда облысының Құрметті азаматы Самұрат Имандосов батасын берді.Айта кетейік, "Руханият" орталығының ішінде неке қию залы, кітапхана, музей, мұрағат, жастар сарайы, ардагерлер мен аналар үйі бар.Соңғы жылдары Сыр өңірінде құрылыс жұмыстары қарқынды жүруде. «Анаға тағзым», «Отбасы орталығы», көпфункционалды 1000 орындық «Өнер» орталығы, «Самұрық қазына» қорымен бірге Үстел теннисі орталығы, «ҚазМұнайГаз» компаниясының демеушілігімен заманауи үлгідегі 350 орындық Оқушылар сарайы салынып, ел игілігіне табысталды. Жаңадан симфониялық оркестр, инклюзивті театр, жастар театры, заманауи би, хор ұжымдары жасақталып, «Жыраулар үйі» ашылды.Облыс орталығынан бір мезетте 500 оқушы, тәулігіне 3 мың оқушыға дейін қабылдайтын, құны 11 млрд теңгені құрайтын балалар мен жасөспірімдерге арналған Шығармашылық-инновациялық академиясы ашылды.Облыс орталығында халықаралық стандарттарға сәйкес келетін11 мың орындық Орталық стадион, «Саутс Ойл» компаниясының демеушілігімен жаңа музыкалық колледжі, облыстық тарихи-өлкетану музейі салынуда. Биылғы Ассамблеяның 30 жылдығы аясында Қызылорда қаласында «Қазатом өнеркәсіп» ұлттық атом компаниясы» акционерлік қоғамының қолдауымен жаңадан «Достық үйі» бой көтеруде. Қызылорда облысы әкімінің баспасөз қызметіАқпарат көзі : https://www.gov.kz/memleket/entities/kyzylorda-sayasat/press/news/details/992719?lang=kk

GOV.KZАқпарат көзі : https://www.gov.kz/memleket/entities/ulytau-cultura-arhiv/press/news/details/992744?lang=kk

2025 жылғы 10 мамыр күні Қарағайлы шағын ауданында 320 орындық балабақшаның ірге тасы қаланды. Іс шараға Абай облысының әкімі Берік Уәлиұлы қатысып, капсула салу рәсімін жасау үшін, білім саласының ардагері Стамбеков Жұмағазы Диярұлы, «Ұлы дала» балабақшасының тәрбиешісі, педагог -сарапшы «Ертегілер арқылы балалардың тілін дамыту», «Ойлан тап» бағдарламасының авторы, «Мектепке дейінгі ұйымның үздік педагогы - 2024» байқауының жеңімпазы; 2025 жылғы Республикалық «Бақытты балалық шақ» байқауының жүлдегері Санабекова Талшын Сержанқызы және «Алтын ұя Семей» ЖШС директоры Есмағамбетов Рауан Нүрпейісұлы шақырылды.Осы игі бастаманың сәтті жүзеге асып, тұрғындардың игілігіне қызмет етуіне тілектеспіз!Ақпарат көзі : https://www.gov.kz/memleket/entities/bilim-semey/press/news/details/992851?lang=kk

Қазақстанда оқушылардың қорытынды аттестациялау мерзімі анықталды✍🏻 2024–2025 оқу жылының басталуы мен аяқталу мерзімі, сондай-ақ қорытынды аттестацияны өткізу тәртібі Қазақстан Республикасы Оқу-ағарту министрінің бұйрығымен бекітілді.📆 9-сынып оқушылары үшін қорытынды емтихандар 2025 жылғы 29 мамыр мен 10 маусым аралығында өтеді. Олар міндетті пәндер бойынша төрт жазбаша емтиханнан тапсырады.📑 11-сынып түлектеріне арналған мемлекеттік емтихандар 2025 жылғы 30 мамыр мен 16 маусым аралығында өтеді. Оқушылар бес емтихан тапсырады, оның бірі ауызша түрде өткізіледі.📍 Негізгі және жалпы орта білім туралы аттестаттарды тапсыру салтанаты білім беру ұйымдарында 2025 жылғы 18-20 маусым аралығында өтеді.Ақпарат көзі : https://www.gov.kz/memleket/entities/bilim-semey/press/news/details/992861?lang=kk

       Абай облысы білім басқармасының «Аягөз ауданы білім бөлімі» мемлекеттік мекемесінің басшысы Азимбаев Нургали Тлеккалиевич және «Қазақстандық оқу-ағарту, ғылым және жоғары білім қызметкерлерінің салалық кәсіптік одағының «Абай облысының кәсіподақ ұйымы» қоғамдық бірлестігінің Аягөз аудандық комитеті» филиалының төрағасы Казангапова Дарига Муратовна «Тыл және еңбек ардагері» Березуцкая Анна Сергеевна Қазақстан Республикасы Президентінің “Ұлы Отан соғысындағы Жеңіске 80 жыл” мерекелік медалімен марапаттады.Ақпарат көзі : https://www.gov.kz/memleket/entities/ayagoz-roo/press/news/details/992943?lang=kk

GOV.KZАқпарат көзі : https://www.gov.kz/memleket/entities/vko-samar-kulynzhon/press/news/details/992948?lang=kk

Бүгін 9 мамыр – Ұлы Жеңістің 80 жылдығына орай ауданда "Ер есімі – ел есінде" ескерткішіне гүл шоғын қою рәсімі өтті.Салтанатты шараға аудан әкімі Ардақ Ибраимов бастаған бір топ тыл және еңбек ардагерлері, аудандық мәслихат төрағасы мен мәслихат депутаттары, құқық қорғау орган басшылары, Ауған соғысының ардагерлері, "Невада–Семей" антиядролық қозғалысына қатысқан ардагерлер, жастар және аудан тұрғындары қатысты.Жиналған қауым сұрапыл соғыста ерлікпен қаза тапқан боздақтар рухына тағзым етіп, ескерткішке гүл шоқтарын қойды.Шара барысында алдымен Ұлы Жеңіс жолында құрбан болған батырларды бір минут үнсіздікпен еске алып, Құран бағышталды.Ресми деректерге сүйенсек, ауданнан Ұлы Отан соғысына 2316 азамат аттанған. Олардың 695-і ғана елге аман-есен оралып, 1621 жауынгер майдан даласында ерлікпен қаза тапты. Сүйектері жат жерде қалса да, олардың есімі ел жадында мәңгілік сақталады. Ақпарат көзі : https://www.gov.kz/memleket/entities/kyzylorda-zhalagash/press/news/details/992971?lang=kk

«Тараз – қауіпсіз қала» жобасы аясында Жамбыл облысының прокуроры Нұрғалым Әбдіров, қала әкімі Бақытжан Орынбеков және қала прокуроры Нұржан Боранбаевтың қатысуымен «Қаратау» (2) шағын ауданы, №39 жатақхананың аумағында көшпелі жиын өтті.Әуелі Нұрғалым Мәжитұлы осы басқосудың маңыздылығына тоқталды.– «Тараз – қауіпсіз қала» жобасы бүгінде өз тиімділігін көрсетіп келеді. Әрине, кемшіліктердің де бар екені жасырын емес. Әсіресе, халық көп қоныстанған шағын аудандарда бұл мәселе толығымен өз шешімін таппауда. Сондықтан осындай жиындарды жиірек ұйымдастырып қана қоймай, тұрғындар арасында да түсіндіру жұмыстарын күшейтуіміз қажет, – деді облыс прокуроры өз сөзінде.Басқосу барысында шаһар басшысы аталған жоба аясында жүзеге асырылып жатқан іс-шараларды тілге тиек етті.– Жылдың басында «Тараз – қауіпсіз қала» жобасын іске асыру іс-шаралар» жоспары бекітілген болатын. Жоспарға Тараз қаласының 1, 2, 5 шағын аудандары тұрғындарымен профилактикалық кездесу мен семинар өткізу және кездесу нәтижесі бойынша шара қабылдау тармағы енгізілген. Осы орайда, осы жылдың 24 қаңтарында №38 орта мектепте 1, 2, 5 шағын аудандары тұрғындарымен кездесу ұйымдастырылды. Жүздесу барысында туындаған сауалдарға тұшымды жауаптар беріліп, нақты тапсырмалар жүктелді. Сондай-ақ шаһар аумағында қараусыз және иесіз жүрген иттерді аулау жұмыстары тұрақты жүргізіледі. Тағы бір айта кетерлігі, «Қаратау» (2) шағын ауданы, №39 «А» мекенжайында орналасқан ғимарат осы аумақтағы қараусыз нысанға жатады. Онда белгілі тұрағы жоқ адамдар жиналып, тұрғындарға қауіп төндіріп отырғандықтан аталған ғимараттан «Отбасын қолдау орталығын» ашу жоспарланып отыр, – деген Бақытжан Әмірбекұлы бұл бағыттағы жұмыстар үздіксіз жалғасатынын жеткізді.Жиынды қорытындылаған Нұрғалым Әбдірұлы облыс орталығындағы қылмыстың алдын алу мақсатында учаскелік полиция инспекторлары тарапынан күнделікті бақылауды күшейту керектігін баса айтты.Ақпарат көзі : https://www.gov.kz/memleket/entities/zhambyl-taraz/press/news/details/993102?lang=kk

GOV.KZАқпарат көзі : https://www.gov.kz/memleket/entities/karaganda-osakarovka-sunkar/press/news/details/993210?lang=kk

Шымкент қаласы білім басқармасының басшысы Гүлназ Сүлейменова басқармаға қарасты 17 мекеменің жұмысымен танысты.Жұмыс сапары аясында3 мамандандырылған мектеп,2 колледж, балалар үйі қызметі зерделеніп, бос тұрған ғимараттары бар мектептер мен балабақшалардың жағдайы қаралды.Басқарма басшысының білім беру ұйымдарының қызметін бақылау және талдау бағытындағы жұмысы алдағы уақытта да жалғасады.Ақпарат көзі : https://www.gov.kz/memleket/entities/shymkent-bilim/press/news/details/993242?lang=kk

Ұрпақтың еске алуы мен құндылықтардың сабақтастығы - бұл жанқиярлықпен жеңiске жеткен майдангерлердiң алдындағы қасиеттi борышымыз.Ұлы Отан Соғысындағы Жеңістің 80 жылдығы - Отан қорғаудағы өшпес ерлік пен өлшеусіз даңқтың, халқымыздың шексіз қаһармандығы мен қажыр-қайратын танытқан айтулы мереке. Бүгінгі ұрпақтың аталар сыйлаған бейбіт даму жолын одан әрі жалғастырып жатқан күні.Сарысу аудандық мәслихатының төрағасы Шаттық Мұсабеков пен мәслихат аппаратының қызметкерлері Жеңіс мерекесіне орай, ерлікпен құрбан болған жауынгерлердің құрметіне Жаңатас қаласындағы «Мәңгілік алау» ескерткішіне гүл шоқтарын қою рәсіміне қатысты.Құрбан болған батырлардың құрметіне бір минуттық үнсіздікпен еске алудан кейін, ескерткішке гүл шоқтары қойылды.Бейбіт өмір мен ұрпақтың бақытты болашағы үшін отқа түсіп, қайғы-қасірет шеккен, соның бәрін қайыспай жеңе білген ардагерлердің, тыл еңбеккерлерінің жанкешті ерлігі мен еңбегі жадымыздан ешқашан өшпек емес.Адалдық пен еліне деген жанқиярлықтың үлгісін көрсеткен қаһармандардың рухы алдында тағзым етеміз. Отан үшін от кешкен, туған жерді жанындай қорғай білген ардагерлеріміздің ерліктерін мақтан етеміз.Ақпарат көзі : https://www.gov.kz/memleket/entities/maslihat-sarysu/press/news/details/993312?lang=kk

GOV.KZАқпарат көзі : https://www.gov.kz/memleket/entities/departament-kkbtu-karaganda/press/news/details/993327?lang=kk

♦Ұлы Жеңістің 80 жылдығына орай Қарабөгет ауылында тыл ардагерлеріне құрмет көрсету жалғасуда.Осыған орай ауыл жастары мен еріктілер Акпаева Джамал Конушбаевна тыл ардагерінің үйіне барып, ауланы тазалап, шаруашылық жұмыстарына көмек көрсетті.Мұндай шаралар – ардагерлерге деген құрметтің, алғыс пен қамқорлықтың нақты көрінісі.Ақпарат көзі : https://www.gov.kz/memleket/entities/zhetysu-sarkan-karaboget/press/news/details/993388?lang=kk

Қызылорда қаласында «Сыр жұлдыздары» балалар мен жасөспірімдерге арналған шығармашылық- инновациялық академиясының ашылу рәсімі өтті. Салтанатты шараға ҚР Оқу-ағарту министрі Ғани Бейсембаев, Парламент Мәжілісінің депутаттары Мұрат Әбенов, Мұрат Ергешбаев, Мархабат Жайымбетов және зиялы қауым өкілдері, ел ағалары арнайы қатысты. Аймақ басшысы Нұрлыбек Машбекұлы жұртшылықты жаңа нысанның ашылуымен құттықтап, білім саласында атқарылған жұмыстарға тоқталды.Шығармашылық-инновациялық академия бір мезетте 500 оқушы, тәулігіне 3 мың оқушыға дейін қабылдайды.Мұнда бассейн, топтық жаттығу бөлмесі, көркем гимнастика және фитнес залы орналасқан. Сондай-ақ үстел ойындарына арналған кабинет, жекпе-жек, үстел теннисі залдары бар. Барлық залда ұлдар мен қыздарға арналған жеке-жеке киім ауыстыру бөлмелері қарастырылған. Көркемдік-эстетикалық бағытта кескіндеме, сурет салу, резин арт бөлмесі, балалар шығармашылығы шеберханасы, сәндік-қолданбалы өнер, FabLab, дыбыс жазу студиясы, робототехника және жасанды интеллект, биотехнология, 3D модельдеу, КИП және автоматтандыру, киберспорт және математика кабинеттері жұмыс істейді.Ақпарат көзі : https://www.gov.kz/memleket/entities/kyzylorda-saulet/press/news/details/993578?lang=kk

Ұлы Жеңістің 80 жылдық мерекесінде облыс әкімі Нұрлыбек Нәлібаевтың қатысуымен Қазалы ауданында «Руханият орталығы» ашылды. Оған Парламент Сенаты мен Мәжілісінің депутаттары Наурызбай Байқадамов, Руслан Рүстемов, Мұрат Әбенов, Мархабат Жайымбетов, Мұрат Ергешбаев және облыстың зиялы қауым өкілдері мен ел ағалары қатысты.Өздеріңізге белгілі, өңірімізде барлық 7 ауданда «Руханият орталықтары» салынды. Бұл жерде ұлтымыздың құндылықтары дәріптеліп, салт-дәстүрлеріміз кеңінен насихатталады. Бүгін өздеріңізбен бірге Қазалы ауданындағы «Руханият орталығын» ел игілігіне табыстаудамыз. Жаңа ғимараттағы бастамалар рухани қазынамызды толықтырып, халқымыздың өміріне қуаныш сыйласын!», – деді Н. Нәлібаев.Айта кетейік, «Руханият орталығының» ішінде неке қию залы, кітапхана, музей, архив, жастар сарайы, ардагерлер мен аналар үйі бар.Ақпарат көзі : https://www.gov.kz/memleket/entities/kyzylorda-saulet/press/news/details/993587?lang=kk

GOV.KZАқпарат көзі : https://www.gov.kz/memleket/entities/kostanai-denisov-aiet/press/news/details/993608?lang=kk

GOV.KZАқпарат көзі : https://www.gov.kz/memleket/entities/control-abay/press/news/details/993625?lang=kk