Бүгін аудан әкімі Жандос Еркінбек жұмыс сапарымен бірқатар нысандарды аралап, онда жүргізіліп жатқан құрылыс және жөндеу жұмыстарының барысын бақылады.Алдымен аудан басшысы Н.Нақыпов көшесіндегі күрделі жөндеу жұмыстарының жай-күйін көрді. Аталған көшенің жалпы ұзындығы 1,9 шақырымды құрайды. Жобалық-сметалық құжаттамаға сәйкес, жолға қажетті қиыршық тас толық төселіп, тегістеу жұмыстары аяқталып отыр. Бүгінде жол жабынына асфальттау жұмысы өз кезеңімен жүзеге асырылатын болады.Сапар барысында аудандық дене шынықтыру-сауықтыру кешенінің құрылыс-жөндеу алаңы да тексерілді. Қазіргі таңда нысанда ішкі әрлеу жұмыстары жүргізілуде, спорт залдары мен қосымша бөлмелерді жабдықтау бойынша жұмыстар жоспарға сай атқарылуда. Жандос Еркінбек мердігер мекемеге құрылыс жұмыстарының сапасына назар аударуды тапсырды.Аудан әкімі жауапты бөлім басшыларына нысандардағы атқарылып жатқан жұмыстарды тұрақты бақылауда ұстап, тұрғындар үшін маңызды жобалардың уақытылы әрі сапалы аяқталуын тапсырды.Ақпарат көзі : https://www.gov.kz/memleket/entities/kyzylorda-karmakshy/press/news/details/1124567?lang=kk

Қармақшы ауданында білім беру саласын дамыту мен балаларға қолайлы жағдай жасау бағытындағы жұмыстар үнемі назарда. Осы мақсатта бүгін аудан әкімі Жандос Еркінбек бірқатар білім беру мекемелеріне барып, олардың атқарылып жатқан жұмыстарын көрді.Алдымен аудан басшысы «Айгөлек» бөбекжай-бақшасына барды. Бүгінде бұл мекемеде 70-тен аса бала тәрбиеленуде. Аудан әкімі балабақшаның жай-күйін толық қарап, тәрбиешілердің ұсыныс-пікірлерін тыңдады. Сондай-ақ балалардың қауіпсіздігі мен жайлы орта қалыптастыруға бағытталған жұмыстар ерекше назарда екенін атап өтті.Бұдан кейін Жандос Еркінбек жаңа ғимаратқа көшірілген аудандық оқушылар үйінің жұмысымен танысты. Қазіргі таңда қосымша білім беру орталығында әртүрлі бағыт бойынша ашылған 27 үйірмеде 976 оқушы білім алып, шығармашылық қабілеттерін дамытып келеді. Аудан әкімі бірнеше үйірменің оқу барысын көріп, оқушылардың жетістіктерімен танысып, бұл бағыттағы жұмыстарға оң бағасын берді.Жандос Еркінбек білім беру мекемелерінде балалардың сапалы білім алып, жан-жақты дамуына жағдай жасау тұрақты бақылауында болатынын атап өтті.Ақпарат көзі : https://www.gov.kz/memleket/entities/kyzylorda-karmakshy/press/news/details/1124570?lang=kk

Мариногорка орта мектебінің түлегі, қазіргі таңда Абай атындағы педагогикалық колледжінің студенті Чернешева Яна қызымыз,Біріккен Араб Әмірліктері, Дубай қаласында 5–10 желтоқсан күндері өткен армрестлингтен Азия кубогына қатысып, оң және сол қолдан чемпион атанып, еліміздің көк байрағын халықаралық аренада желбіретті.Янаның бұл жетістігі — талмай еңбектенудің, жігер мен табандылықтың нәтижесі. Алғашқы жаттықтырушылары Н.Н Мухамеджанов пен Т.О Токтаровтың еңбектерінің нәтижесі.  Жерлестерінің мәртебесін өсіріп, Қазақстанның атын тағы бір биіктен танытты. Жас спортшыға алдағы жарыстарда да толағай табыстар тілейміз!Жеңісің құтты болсын!Ақпарат көзі : https://www.gov.kz/memleket/entities/vko-samar-marinogor/press/news/details/1124544?lang=kk

Бүгін Қармақшы ауданының әкімі Жандос Еркінбектің ауылдық округтер бойынша халық алдындағы кездесулері Ақай ауылдық округінен басталды.Кездесуде алдымен ауыл әкімі Батыржан Тұрғанов атқарылған жұмыстар жөнінде баяндама жасап, ауылдағы негізгі көрсеткіштер мен жоспарлар туралы айтты.Ақай ауылында соңғы жылы бірқатар жұмыстар жүзеге асырылды. Аудандық бюджеттен бөлінген 8,4 млн теңге есебінен округке 5 аялдама орнатылып, қазіргі таңда ауыл тұрғындарының игілігіне берілді. Сонымен қатар, ауылды аяқ сумен қамтамасыз ету мақсатында 8,5 шақырым су құбыры жүргізіліп, нәтижесінде 21 көше мен 314 үй аяқ суға қосылды. Аудан әкімінің қолдауымен Төле би, Жанқожа батыр және К.Күншығаров көшелеріне орташа жөндеу жүргізіліп, асфальт төсеу жұмыстары толық аяқталды. Бұл жұмыстарға аудандық бюджеттен 109 млн теңгеден астам қаржы бөлініп, бекітілген мердігер мекеме тиісті міндеттерді толық орындады.Өз кезегінде аудан әкімі Жандос Еркінбек 2025 жылдағы ауданның әлеуметтік-экономикалық дамуы жөнінде ақпарат берді.2025 жылға ауданның бастапқы бюджеті 12 млрд 176 млн теңге болып бекітіліп, жыл ішінде нақтылау нәтижесінде бюджет көлемі 22 млрд теңгеге дейін ұлғайып отыр. Қаражатты тиімді жоспарлау мен қосымша қаржы көздерін тарту арқылы аудан бюджеті 9,9 млрд теңгеге немесе 80 пайыздан астам көлемде артқанын атап өтті. Бұл өсім алдағы жобаларды жүзеге асыруға мүмкіндік беретін болады.Кездесу соңында ауыл тұрғындары өз сұрақтары мен ұсыныстарын жолдап, көтерілген мәселелер бойынша аудан басшысы тарапынан нақты жауаптар алды.Ақпарат көзі : https://www.gov.kz/memleket/entities/kyzylorda-karmakshy/press/news/details/1124546?lang=kk

Будапешт, 2025 жылғы 9 желтоқсан - Қазақстан Республикасының Мажарстандағы Елшісі Абзал Сапарбекұлы Мажарстан Президенті Кеңсесінің басшысы Иштван Силвестер Тимармен, қазақ-мажар стратегиялық серіктестігі аясында екіжақты қатынастардың күн тәртібіндегі өзекті мәселелерін талқылады.Елші А.Сапарбекұлы бұған дейін қол жеткізген уағдаластықтардың іске асуы туралы сұхбаттасын қысқаша ақпараттандырып, былтыр ҚР Президенті Қ.Тоқаевтың Будапештке жасаған мемлекеттік сапары барысында Республика Президенті Тамаш Шуйокпен, Үкімет басшысы Виктор Орбанмен өткізген келіссөздердегі, сондай-ақ Т.Шуйоктың қазан айындағы Астана сапарындағы келісімдердің жай-күйімен бөлісті. Қазақ дипломаты екі жақты саяси байланыстардан басқа, сауда-экономикалық, мәдени-гуманитарлық салалардағы қарым-қатынастардың, сондай-ақ тараптардың қарауындағы бірлескен жобалар мен инвестициялық мүмкіндіктердің жай-күйіне және перспективаларына тоқталып өтті.Әсіресе жасанды интелект пен цифрландыру саласы ұсынатын мүмкіндіктер мен оның құқықтық реттелуі төңірегінде тәжірибе алмасу ұсынысы көтерілді.Сонымен қатар, сұхбаттастар білім беру саласында Қазақстан мен Мажарстанның ұлттық университеттерінің ғылыми дисциплиналарына қазақ және мажар тілдерін ресми түрде енгізу мәселесіне үлкен мән берді.Кездесу қорытындысы бойынша, сұхбаттастар екі ел арасындағы стратегиялық әріптестікті одан әрі нығайту бағытында мемлекет басшыларының екіжақты келіссөздер барысында қол жеткізген уағдаластықтарын іске асырудың маңыздылығын атап өтті.  Ақпарат көзі : https://www.gov.kz/memleket/entities/mfa-budapest/press/news/details/1124513?lang=kk

Будапешт, 2025 жылғы 9 желтоқсан – Мажарстанның беделді Дунай институтында «Түркі әлемі – Батыс: Геосаяси диалог» атты ой-талқы платформасының тұсаукесері өтті. Жаңа платформа түркі мемлекеттері мен Еуропалық Одақ және Америка Құрама Штаттары арасындағы экономикалық және саяси серіктестікті тереңдету мүмкіндіктерін талқылауды мақсат тұтады.Форум жұмысына дипломатиялық корпус өкілдері, мемлекеттік органдар, шетелдік және жергілікті талдау орталықтары мен сараптамалық қауымдастықтар қатысты. Қазақстан тарапынан аталған іс-шараға арнайы келген Қазақстан Республикасының Президенті жанындағы Қазақстанның стратегиялық зерттеулер институты мен Назарбаев университетінің өкілдері панельдік сессиялардағы талқылауларға белсенді қатысып, өз үлестерін қосты.Іс-шараның негізгі тақырыбы Батыс мемлекеттері мен Түркі әлемі арасындағы ынтымақтастық бағыттарын, сондай-ақ сауда, инфрақұрылымдық байланыстылық, энергетикалық қауіпсіздік және стратегиялық ресурстар жеткізу тізбектерін дамыту салаларындағы өзара іс-қимылды талдау болды.Пленарлық сессия барысында Қазақстан Республикасының Мажарстандағы Төтенше және Өкілетті Елшісі А.Сапарбекұлы негізгі баяндамашы ретінде сөз алды. Өз сөзінде Елші Түркі мемлекеттер ұйымы мен Батыс арасында саяси-экономикалық ынтымақтастық перспективалары жөніндегі еліміздің сыртқы саяси бағыт-бағдарымен таныстырып, Еуразия кеңістігіндегі байланыстырушы көпір әрі өңірлік және жаһандық тұрақтылықтың сенімді серіктестері ретінде Қазақстан мен Мажарстанның стратегиялық әріптестігінің маңыздылығына тоқталды.Осы ретте, Елші Қазақстанның халықаралық көлік-логистикалық инфрақұрылымын дамыту саясатын, соның ішінде Транскаспий халықаралық көлік маршрутын (Орта коридор) қалыптастырудағы жемісті нәтижелері бойынша ақпарат беріп, Орта коридор Батыс пен Шығысты байланыстыратын маңызды жоба болатынын мәлімдеді. Ол көлік байланыстылығын нығайту және мультимодальды жүк бағыттарын дамыту саласындағы ынтымақтастықты одан әрі кеңейтуге Қазақстанның дайын екенін білдірді.Еліміздің бас дипломаты Еуропаның энергетикалық қауіпсіздігі мәселелерінде Қазақстанның маңызына ерекше назар аударды. Қазақстанның ірі көмірсутек пен уран өндіру бойынша әлемдік көшбасшы ретіндегі әлеуетін атап өткен Елші, ТМҰ-ға мүше елдердің дәстүрлі және жаңартылатын энергетика секторларында еуропалық мемлекеттермен өзара іс-қимылды кеңейтуге, сондай-ақ жасыл сутегі өндірісі технологияларын ілгерілетуге қызығушылығын жеткізді.Өзекті бағыттардың қатарында Елші стратегиялық маңызды минералдар саласындағы ынтымақтастыққа тоқталды. Ол Қазақстанның осындай ресурстардың айтарлықтай қорына ие екенін және жаһандық жеткізу тізбектерін әртараптандыруға елеулі үлес қоса алатынын, бұл Еуропалық Одақ пен АҚШ мүдделеріне сай келетінін айтты.Өңірлік кооперацияға тоқтала отырып, Елші экономикалық интеграция мен өзара іс-қимылдың институционалдық платформасы ретінде Түркі мемлекеттері ұйымын нығайтудың маңыздылығын алға тартты. Ол Мажарстанның байқаушы мемлекеті ретінде ТМҰ қызметіне белсенді қатысуын жоғары бағалап, оның Еуропалық Одақ пен ТМҰ арасындағы ынтымақтастықты кеңейтудегі рөліне сенім білдірді.Форум АҚШ пен түркі өңірі мемлекеттері арасындағы ынтымақтастық перспективаларына, Еуропаның энергетикалық қауіпсіздігін нығайтуға, маңызды минералдар жеткізілімін әртараптандыруға және Еуропалық Одақ пен Түркі мемлекеттері ұйымы арасындағы өзара іс-қимылдың шеңберлік құрылымын қалыптастыруға арналған тақырыптық панельдік пікірталастармен жалғасты. Қатысушылар тұрақты диалог сенімді серіктестік формаларын қалыптастыруға және жалпы экономикалық әрі стратегиялық тұрақтылықты нығайтуға маңызды рөл атқаратынын атап өтті.Дунай институты сараптамалық өзара іс-қимылды қолдау және өңіраралық серіктестік форматтарын дамыту мақсатында Түркі-Батыс ынтымақтастығы бойынша Геосаяси диалогты тұрақты түрде өткізіп отыруды жоспарлауда.Ақпарат көзі : https://www.gov.kz/memleket/entities/mfa-budapest/press/news/details/1124508?lang=kk

Мемлекет басшысы Швейцария Конфедерациясының Президенті болып сайлануына орай Ги Пармеланға құттықтау жеделхатын жолдады.Құттықтауда Ги Пармеланның көшбасшылық қасиеті мен еліне қалтқысыз қызмет еткенінің арқасында жоғары сенімге ие болып, осынау биік лауазымға қайта сайланғаны жазылған.Мемлекет басшысы Президенттің жаңа мерзімінде халықаралық қатынастарда маңызды рөл атқаратын Швейцария дамудың даңғыл жолын жалғастыра беретініне сенім білдірді.Қасым-Жомарт Тоқаев Ги Пармеланның жауапты мемлекеттік қызметіне табыс, ал Швейцария халқына бақ-береке тіледі.Ақпарат көзі : https://www.gov.kz/memleket/entities/mfa-geneva/press/news/details/1124495?lang=kk

Исламабад, 2025 жылғы 11 желтоқсан – Пәкістан Дипломатиялық қызмет академиясының басшылығының шақыруымен Қазақстанның Пәкістандағы Елшісі Ержан Қыстафин Қазақстан мен Пәкістан арасындағы өзара іс-қимылдың, сондай-ақ Орталық және Оңтүстік Азия аймақтарындағы ынтымақтастықтың даму перспективаларына арналған дәріс өткізді.Өз сөзінде Е.Қыстафин ҚР мен ПИР арасындағы саяси, сауда-экономикалық, мәдени-гуманитарлық және білім беру салаларындағы өзара ықпалдастықтың қазіргі жағдайына жан-жақты тоқталды.Елші сонымен қатар көлік-логистикалық бағытты жеке атап өтіп, бұл саланың Қазақстан, Орталық Азия елдері мен Пәкістан, сондай-ақ Оңтүстік Азия мемлекеттері арасындағы ынтымақтастықты ілгерілетудегі маңызды рөлін ерекше атап көрсетті және осы бағытта жүргізіліп жатқан жұмыс туралы баяндады.Академия тыңдаушылары өңірлік қауіпсіздік, көлік дәліздерін дамыту, инновациялар және халықаралық ынтымақтастықты нығайтудағы жастардың рөлі жөніндегі мәселелерге айрықша қызығушылық танытты.Ақпарат көзі : https://www.gov.kz/memleket/entities/mfa-islamabad/press/news/details/1124454?lang=kk

Астана қаласы бойынша ҚАЖД Сотталғандар арасында тәрбие және әлеуметтік-психологиялық жұмысы тобының бас маманы , әділет майоры Талапбаев Бағдат Шарафатұлы Қостанай академиясында өткізілген ҚАЖ қызметкерлері арасындағы «Мамандығы бойынша үздік» республикалық жарысында жүлделі 2-орынға ие болды!Ақпарат көзі : https://www.gov.kz/memleket/entities/duisastana/press/news/details/1124445?lang=kk

Қазақстан Республикасы Өнеркәсіп және құрылыс министрі міндетін атқарушының 2025 жылғы 5 желтоқсандағы № 527 бұйрығымен ҚР аумағынан ағаш материалдарының жекелеген түрлерін әкетуге тыйым салынды.ЕАЭО СЭҚ ТН 4406910000 «Теміржол немесе трамвай жолдарына арналған қылқан жапырақты тұқымдардан жасалған ағаш шпалдар, өзгелер» кодын және шыққан елі Қазақстан Республикасы болып табылатын ЕАЭО СЭҚ ТН 4401310000 «Ағаш түйіршектері» кодын қоспағанда, шығарылған еліне қарамастан, Қазақстан Республикасының аумағынан ағаш материалдарының жекелеген түрлерін (Еуразиялық экономикалық одақтың Сыртқы экономикалық қызметінің тауар номенклатурасының коды 4401, 4403, 4404, 4406 және 4407) алты ай мерзімге көліктің барлық түрлерімен әкетуге тыйым енгізілді.Бұйрық 2025 жылғы 12 желтоқсаннан бастап қолданысқа енгізіледі. Ақпарат көзі : https://www.gov.kz/memleket/entities/kgd-zhetysu/press/news/details/1124414?lang=kk

Атамекен ауылдық округі әкімінің міндетін атқарушы Ә. Кемежанов тұрғындарды күнделікті қабылдауда. Ауыл тұрғындарының өтініштері мен ұсыныстарын тыңдап, шешімін табуға бағытталған жұмыстар жүйелі түрде жүргізілуде.Ақпарат көзі : https://www.gov.kz/memleket/entities/mangystau-munaily-atameken/press/news/details/1124374?lang=kk

Әскери бөлімдер мен бөлімшелерде механик-жүргізуші, көздеуші-оператор, пулеметші, граната атқыш және басқа да әскери есептік мамандықтар бойынша оқу топтары құрылды.Мамандықты терең зерделеу үшін оқу-материалдық база нысандары дайындалып, әскери техника мен оқ-дәрілер бөлінді. Сабақты тәжірибелі командирлер мен сержант-нұсқаушылар жүргізуде.Мамандық бойынша дайындық кезеңінің басталуына орай Райымбек батыр атындағы Алматы десанттық-шабуылдау бригадасына Қарулы күштердің Сержанттар құрамымен жұмыс жөніндегі басқарма бастығы шебер-сержант Темірбек Халықов келді. Ол оқу үдерісінің ұйымдастырылуын және әскери қызметшілердің қажетті дағдыларды меңгеру деңгейін тексеру барысында ЗУ-23-2 қондырғысының тактикалық-техникалық сипаттамаларын үздік меңгергені үшін әуе шабуылына қарсы қорғаныс батареясы зениттік-артиллериялық взводының есептобына қарасты қатардағы жауынгер Олжас Дүйсенбайға алғыс жариялады.Шебер-сержант Темірбек Халықовтың айтуынша, оқытуды ұйымдастыру мақсатында бес мыңнан астам сержант-нұсқаушы дайындалған. Сабақтар негізінен тәжірибелік бағытта өтіп, жаттығу, топтық дайындық және практикалық тапсырмалар орындау әдістері кеңінен қолданылады.– Дайындықтың соңғы кезеңінде әрбір әскери қызметші оқу бағдарламасын толық меңгеруге, атқарып жүрген лауазымына сәйкес қызметтік және арнайы міндеттерді білуге, сондай-ақ белгіленген стандарттар бойынша сынақтардан өтуге тиіс, – деп атап өтті ол.Жауынгерлік дайындықтың келесі кезеңі – бөлімшелердің үйлесімділігін арттыру. Бұл кезеңде бөлімдер, экипаждар мен есептоптар құрамында бірлескен іс-қимылдарды орындау арқылы жауынгерлік тапсырмаларды пысықтау көзделген.Ақпарат көзі : https://www.gov.kz/memleket/entities/mod/press/news/details/1124375?lang=kk

Шығыс Қазақстан облысының әкімі Нұрымбет Аманұлы Сақтағанов тұрғындармен ашық кездесу өткізді. Көтерілген мәселелер - бәріміз үшін маңызды бағыттар.Кездесуде облыс әкімі Президенттің жаңа Жолдауында белгіленген міндеттерді жүзеге асыру, өңір экономикасын әртараптандыру, инфрақұрылымды жаңарту және әлеуметтік саланы дамыту бойынша нақты тапсырмалар берді.Ауданымыздың даму жоспары, инвестициялық жобалар, ауыл шаруашылығының әлеуеті, туризмді өркендету, жолдар мен су жүйелерінің жағдайы, интернетке қолжетімділік – барлығы талқыланып, нақты шешімдер қабылданды. Ақпарат көзі : https://www.gov.kz/memleket/entities/maslikhat-ulken-naryn/press/news/details/1124328?lang=kk

Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің (бұдан әрі - Комитет) Қылмыстық қауіп-қатердің және қоғамдық қауіпсіздіктің тәуекелдерін болжау орталығы интернет-алаяқтықтың жаңа түрі туралы ескертеді.Шетелдік дереккөздердің мәліметтері бойынша(https://www.kommersant.ru/doc/8230736, https://www.pravda.ru/news/videochannel/2313571-russia-new-fraud-scheme/, https://iz.ru/1996945/2025-11-26/moshenniki massovo-zastavliaiut-zhertvsamim-zvonitim?utm_source=yxnews&utm_medium=desktop&utm_referrer=https%3A%2F%2Fdzen.ru%2Fnews%2Finstory%2Fa910b074-a37c-54c8-bb26-884c26851152, https://lenta.ru/news/2025/11/26/nazvanasamaya- populyarnaya-v-poslednie-mesyatsy-shema-moshennichestva/) алаяқтар жаңа шабуыл толқынын іске қосып, жеткізу қызметтері, басқарушы компаниялар және банктер атынан хаттар мен SMS-хабарламалар жіберуде. «Авторизациядағы қате», «домофонды ауыстыру» немесе «есептегіштерді тексеру» деген сылтаумен қаскүнемдер азаматтарды олардың өздерін қайта қоңырау шалуға мәжбүрлейді.Нәтижесінде, ештеңеден күдіктенбейтін тұрғындар кибералаяқтарға әлеуметтік инженерия құралдарын қолдануға жағдай жасайды.Мыналарды ұсынамыз:- сақтық танытып, беймәлім кіріс хат-хабарлар мен қоңырауларға сыникөзқараспен қарау;- ұйымдардың ресми сайттарында көрсетілген телефон нөмірлерінеғана қайта қоңырау шалу;- екі факторлы аутентификацияны пайдалану;- банк карталарының деректерін, SMS арқылы келетін бір реттіккодтарды және өзге де құпия ақпаратты үшінші тұлғаларға бермеу.Қырағы болыңыздар, киберқауіпсіздік талаптарын сақтаңыздар. Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің Қылмыстық қауіп-қатердің және қоғамдық қауіпсіздіктің тәуекелдерін болжау орталығыАқпарат көзі : https://www.gov.kz/memleket/entities/kostanay/press/news/details/1124330?lang=kk

Дамуға ресми көмек арқылы Қазақстанның жұмсақ күшін іске асыру туралы алғашқы оқу құралы жарық көрді"KazAID" Қазақстандық халықаралық даму агенттігі Л. Н.Гумилев атындағы Еуразия ұлттық университетімен (ЕҰУ) бірлесіп, елімізде дамуға ресми көмек (ДРК) мәселелеріне арналған алғашқы кешенді оқу құралын ұсынды. Басылым ДРК-ны Қазақстанның жұмсақ күшінің құралы ретінде пайдалануды ашады.Оқу құралының шығуы Қазақстанның халықаралық көмек алатын мемлекеттен оны басқаларға беруге қабілетті елге дейінгі жолын көрсете отырып, маңызды кезеңді білдіреді. ДРК-нің жеке жүйесін құру және KazAID-ті құру мемлекеттілікті нығайту, экономикалық өсу және халықаралық беделді арттыру нәтижесі болып табылады.Оқу құралында Қазақстанның ДРК жүйесін қалыптастырудың негізгі кезеңдері елімізді орташадан жоғары табысы бар мемлекет ретінде танудан бастап дамуға ресми көмек саласындағы құқықтық негізді қабылдауға дейінгі кезеңдер сипатталған. Институционалдық құрылымды қалыптастыруды аяқтаған ұлттық оператор ретінде KazAID мекемесінің ашылуы және ЭЫДҰ-ның жәрдемдесу комитетінің шақырылған қатысушысы мәртебесін алуы.Басылымға Қазақстанның ДРК жүйесінің дамуын талдау, АҚШ пен Жапонияның жұмсақ күшін іске асыру тәсілдерін салыстырмалы зерттеу, сондай-ақ Орталық Азия мен басқа өңірлердегі KazAID тәжірибесіне шолу кіреді.Оқу құралы студенттерге, оқытушыларға, зерттеушілерге және халықаралық қатынастар, мемлекеттік басқару және даму саласындағы мамандарға арналған.Басылымның авторлары: Аркен Арыстанов - KazAID Төрағасы, экономика ғылымдарының докторы; Әйгерім Оспанова-PhD докторы, ЕҰУ профессоры; және Ақбота Жолдасбекова - ЕҰУ профессорының м. а.Оқу құралының электрондық нұсқасы мына сілтеме бойынша қолжетімді: https://www.gov.kz/memleket/entities/kazaid/documents/details/914949?lang=kkАқпарат көзі : https://www.gov.kz/memleket/entities/kazaid/press/news/details/1124313?lang=kk

      2024 жылғы 1 ақпаннан бастап 2025 жылғы 1 желтоқсандағы жағдай бойынша уәкілетті оператор жалпы сомасы 28,25 млн АҚШ долларына 188 242 өтініш орындады. Қаражат уәкілетті операторларға өтініш берушілердің банктік шоттарына есептеу үшін аударылды. Оның ішінде тұрғын үй мәселелерін шешу үшін 17,60 млн АҚШ долларына 116 579 өтініш, білім алу ақысын төлеуге шамамен 10,65 млн АҚШ долларына 71 663 өтініш орындалды.Естеріңізге сала кетейік, нысаналы жинақтарды (НЖ) алушы барлық соманы немесе оның бір бөлігін пайдалануға құқылы. Пайдаланылмаған қалдық нысаналы жинақтау шотында (НЖШ) сақталады.Тұрғын үй жағдайларын жақсарту аясында қазақстандықтар қаржыларын көбінесе мынадай мақсатта пайдаланды: одан әрі жинақтау үшін тұрғын үй құрылысы жинақтарындағы салымды толықтыруға 17,23 млн АҚШ долларына 113 944 өтініш, тұрғын үй сатып алуға ипотекалық тұрғын үй қарызын алу үшін бастапқы жарнаны енгізуге 126,70 мың АҚШ долларына 899 өтініш және азаматтық-құқықтық мәмілелер бойынша меншікке тұрғын үй сатып алуға (түпкілікті есеп айырысу) 86,29 мың АҚШ долларына 643 өтініш орындалды. Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (9,81 млн АҚШ долларына 64 877 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (580,04 мың АҚШ долларына 4 776 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (214,72 мың АҚШ долларына 1 633 өтініш орындалды).          Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады.Естеріңізге сала кетейік, "Ұлттық қор - балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға биыл 3,04 АҚШ доллары мөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағындағы қаражат 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды. Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады.2025 есепті жылдағы нысаналы талаптар, сондай-ақ инвестициялық кіріс нысаналы талаптарға қатысушыларға 2026 жылғы 1 ақпаннан кешіктірілмей есептелетін болады.2008 жылы туылған және 2026 жылы 18 жасқа толатын қазақстандықтардың нысаналы жинақтары да олардың нысаналы жинақтау шоттарына 2026 жылғы 1 ақпаннан кешіктірілмей есептелетін болады."Ұлттық қор – балаларға" бағдарламасы бойынша есептер enpf.kz сайтына тұрақты түрде жарияланып отырады.kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OM  сілтемесі бойынша көруге болады.Ақпарат көзі : https://www.gov.kz/memleket/entities/abay-kurchatov/press/news/details/1126129?lang=kk

      ҚР ҚМ Мемлекеттік кірістер комитеті «Қазақстан Республикасындағы кедендік реттеу туралы» Қазақстан Республикасы Кодексінің 417-бабының 9-1-тармағына және 418-бабының 20-тармағына сәйкес Қазақстан Республикасы Қаржы министрінің кейбір бұйрықтарына өзгерістер енгізді. Құжат Кеден кодексінің нормаларын іске асыруға бағытталған және кедендік тексерулер жүргізу кезінде мемлекеттік кірістер органдары мен тексерілетін тұлғалар арасындағы өзара іс-қимыл тәртібін анықтайды.      Ережелер 2026 жылдың 1 қаңтарынан бастап күшіне енеді және кедендік тексеру рәсімдерін бизнес үшін ашық әрі ыңғайлы етеді. Кедендік тексерудің алдын ала актін табыс ету шарттары, жазбаша қарсылықтарды беру және оларды қарау тәртібі айқындалды.     Кедендік тексерулер бойынша негізгі өзгерістер:Тексерілетін тұлғаның жазбаша қарсылықты ұсыну және оны қарау мерзімдері реттелді (қарсылықты беру және оны қарау мерзімдері алдын ала тексеру актісін алғаннан және қарсылық тиісінше келіп түскеннен кейін келесі күннен басталатын болады). Бұрын мерзімдер алдын ала тексеру актісін алған және қарсылық түскен күннен бастап есептелді.Жазбаша қарсылықты қарау мерзімдері қайта басталған кезде тексерілетін адамды хабардар ету. Мұндай қайта бастау туралы ақпарат 2 жұмыс күні ішінде жіберіледі.Тексерілетін тұлға шешім қабылдаған кезде бұрын берілген жазбаша қарсылықты қайтарып ала алады.Салық кодексі 144-бабының 3-тармағына сәйкес ірі салық төлеушілер мониторингіне жататын және инвестициялық және (немесе) арнайы инвестициялық келісімшарттарды жасасқан тексерілетін тұлғалар қарсылықтарын Мемлекеттік кірістер комитет қарайды.     Өзгерістердің түпкі мақсаты – аудит процедурасын түсінікті, икемді ету және мемлекет пен салық төлеушілер арасындағы ашық диалогқа бағытталған.    Ақпарат көзі : https://www.gov.kz/memleket/entities/kgd/press/news/details/1124324?lang=kk

Мәслихат депутаттары Шығыс Қазақстан облыстық көпсалалы онкология және хирургия орталығына барды. Мұнда жаңғырту және реконструкциялау шеңберінде жөндеу жұмыстары жүргізілді, жабдықтар, жиһаз және материалдық-техникалық база жаңартылды.Атап айтқанда, онкологиялық науқастарға уақтылы жоғары технологиялық медициналық көмек көрсету үшін медициналық жабдықты заманауи жабдыққа ауыстыра отырып, хирургиялық корпустың бөлімшелерін жаңғырту жүргізілді.Бұдан басқа, 2- қабаттағы бөлімшелерде  маммологиялық орталыққа, химиялық және сәулелік терапияның күндізгі стационарына, оңалту бөлімшесіне, ақпараттық технологиялар және техникалық қызмет көрсету бөліміне, әкімшілік үй-жайларға; 3- қабатта  хирургия және эндоскопия күндізгі стационарына, хирургия және урология бөлімшесінің тәулік бойы стационарына күрделі жөндеу жүргізілді.Қазіргі уақытта 1 - қабатта жұмыс аяқталады, онда қабылдау бөлімі, дәріхана, орталық зертхана, анықтамалық, компрессорлық бөлім орналасқан.Депутаттар медициналық орталықтың дамуындағы оң динамиканы атап өтіп, пациенттер мен медициналық персонал үшін жағдайды жақсарту жөніндегі жұмысты жалғастырудың маңыздылығын атап өтті.Ақпарат көзі : https://www.gov.kz/memleket/entities/ukmaslihat/press/news/details/1124283?lang=kk

2025 жылдың 10 желтоқсанында «СҚО Әділет департаменті» РММ «№1 ауданаралық мәжбүрлеп орындату аумақтық бөлімі» филиалының аға сот орындаушысы Жанат Серікұлы Нұғыманов Солтүстік Қазақстан облысы бойынша «Азаматтарға арналған үкімет» мемлекеттік корпорациясының Мамлют ауданы бөлімінде «Сыбайлас жемқорлықтың алдын алу шаралары» тақырыбында дәріс өткізді.Қызметкерлер тарапынан қойылған сұрақтарға жауап берілді.Ақпарат көзі : https://www.gov.kz/memleket/entities/adilet-sko/press/news/details/1124198?lang=kk

Жол қауіпсіздігін қамтамасыз ету мақсатында, ауылішілік автомобиль жолдарын күтіп ұстаушы мердігер мекеме тарапынан 3- орынға жарық диотты жаяу жүргіншілерге арналған жол белгісі орнатылды.Ақпарат көзі : https://www.gov.kz/memleket/entities/mangystau-munaily-bayandy/press/news/details/1124205?lang=kk