Ақмола облысының әкімінің 2024 жылғы 9 қарашадағы өкімімен Президент Әкімшілігінің және қалалық мәслихаттың келісімі бойынша Әнуар Қайыргелдіұлы Күмпекеев Көкшетау қаласының әкімі болып тағайындалды.Марат Ахметжанов жаңа әкімді облыс орталығының активіне таныстыра отырып, Әнуар Күмпекеевтің кәсіби қасиеттері мен ұйымдастырушылық қабілеттері бар тәжірибелі басшы екенін атап өтті.Облыс әкімі қала әкімдігіне Мемлекет басшысының Қазақстан халқына Жолдауында айтылған міндеттерді жүзеге асыруға күш салу қажет екенін ерекше атап өтті. Алдағы уақытта тұрғын үй-коммуналдық шаруашылық, автомобиль жолдары мен құрылыс салаларындағы мәселелерді шешу бойынша белсенді жұмыс күтіп тұр. Бүгінгі таңда қала әкімі үшін басты міндет – жылыту маусымының үздіксіз өтуі және тұрғындарды сапалы ауыз сумен қамтамасыз ету.Өңір басшысы қаладағы электрмен жабдықтау тапшылығы мәселесін шешу үшін жоспарланған жобаларды уақытылы іске асыруды, сондай-ақ тұрғын үй салу және сатып алу жұмыстарын жандандыруды тапсырды. Сонымен қатар, биыл Көкшетау қаласы облыс орталығы ретінде ерекше назарға алынатыны айтылды.«Алда проблемалық мәселелерді шешу және жаңа жобаларды жүзеге асыру бойынша үлкен жұмыс күтіп тұр. Сондықтан Сізден тек жедел шешім қабылдау ғана емес, ең бастысы олардың барлығының тиімді болуы талап етіледі», – деді облыс әкімі.Кездесу соңында Марат Ахметжанов Әнуар Күмпекеевке қала тұрғындарының игілігі үшін барлық тапсырмаларды табысты жүзеге асыруды жүктеді.Ақпарат көзі : https://www.gov.kz/memleket/entities/aqmola/press/news/details/880242

Қазан қаласына жұмыс сапары аясында облыс әкімі Нұрлан Ұранхаев бастаған Абай облысының делегациясы Татарстан Республикасының Сауда-өнеркәсіп палатасына барды. 1992 жылы құрылған бұл ұйым жиырма жылдан астам уақыт бойы аймақтың бизнес ортасын қолдау мен дамытуда маңызды рөл атқарып келеді.Абай облысының ресми делегациясы мен Татарстан Республикасының іскер топтарының қатысуымен дөңгелек үстел өтті. Жиында облыс әкімі Нұрлан Ұранхаев, Татарстан Республикасы Премьер-министрінің орынбасары Василь Шайхразиев, Татарстан Республикасы Сауда-өнеркәсіп палатасы одағының төрағасы Шамиль Агеев сөз сөйледі.Дөңгелек үстелде Кәсіпкерлік және индустриялық-инновациялық даму басқармасының басшысы Рүстем Ворошилов пен Ауыл шаруашылығы басқармасының басшысы Ертай Қуанбаев Абай облысының инвестициялық, аграрлық әлеуеті туралы баяндады.«Абай облысы – тау-кен өнеркәсібі және туристік нысандарымен, соның ішінде Алакөл көлімен әйгілі Қазақстанның ең жас өңірлерінің бірі. Аймақтың транзиттік әлеуеті де күшті. «Аягөз – Тачен« теміржол жобасының болашағы зор. Толық инфрақұрылымы бар «Өндіріс» индустриялық аймағы өнеркәсіптік инвесторларға қолжетімді. Әкімдіктің қолдауымен бизнеске қолайлы жағдай жасалған. Біздің ынтымақтастығымыз екі тарапқа да тиімді болатынына сенімдіміз», - деді Рүстем Ворошилов.Абай облысында биыл 432,9 миллиард теңгенің өнімі өндірілді. Бұл жалпы көлемнің 5,7 пайызын құрайды. Облыс мал шаруашылығы бойынша жетекші орынға ие және 75,1 млрд теңгеге төрт агроөнеркәсіптік жобаны іске асыруды жоспарлап отыр. 768 жұмыс орны ашылды. Оның ішінде етті өңдеу, күнбағыс майы, мал азығын өндіру кешендері бар. Жүн мен терінің бай қорын негізге ала отырып, желатин шығаратын цех салу жоспарлануда.Абай облысының делегациясы В2В форматында кәсіпкерлікті дамыту, сараптамалық қызмет және инфрақұрылым мәселелерін талқылай отырып, татарстандық әріптестерімен тәжірибе алмасты. Сапар өңірлер арасындағы байланысты нығайтуға ықпал етіп, өзара іс-қимыл мен ынтымақтастықтың жаңа перспективаларына жол ашады.Ақпарат көзі : https://www.gov.kz/memleket/entities/abay/press/news/details/880236

Ауыл шаруашылығы министрі Айдарбек Сапаров Түркістан облысына жұмыс сапары барысында өңірдегі инвестициялық жобалардың жүзеге асырылу барысымен және агроөнеркәсіптік кешендердің жұмысымен танысты.Министр бірқатар кәсіпорындарды, оның ішінде жылына 6 мың тонна көкөніс өндіретін заманауи «Аделя ШҚ» жылыжай кешенін аралады.Жобаның құны 5,1 млрд теңгені құрайды. Кешен француздық RISHEL компаниясының автоматтандырылған қондырғыларымен жабдықталған. Өнімдер ішкі және сыртқы нарыққа шығарылады.Алдағы 5 жылда облыста су үнемдеу технологиясымен егістік алқаптарын 216 мың гектарға дейін ұлғайту жоспарлануда. Суару технологияларының қолжетімділігін арттыру үшін жергілікті 3 кәсіпорын іске қосылды: «BNK Group», «Тұран Су».Жыл сайын жергілікті шаруалар 100 мың гектарға дейін мақта егіп, осы жылы 300 мың тоннадан астам өнім алынды.«Түркістан мақта агроөнеркәсіптік кешені» ЖШС жұмыс сапары барысында Айдарбек Сапаров облыстың мақта шаруашылығындағы орасан зор әлеуетіне тоқталып, шаруаларды мақта шаруашылығын дамытуға, озық технологияларды қолдана отырып мақтаның элиталық сорттарын өсіруге шақырды.Мақта-тоқыма кластерін құру, оның ішінде мақтаның элиталық сорттарын өсіру және шикізатты терең өңдеу жұмыстары аясында облыста мақта өнімділігін 2,5 есеге арттыруға мүмкіндік беретін жоба жүзеге асырылды. Құны – 141 млрд теңге. 4 мың адам тұрақты жұмыспен қамтылатын болады.Жалпы, облыста мақта шаруашылығын дамытуда 2027 жылға дейін 9 мақта кластерін құру көзделген. Жобаны толық жүзеге асыру нәтижесінде мақта бағасына тәуелділік толығымен жойылады.«Жайсан» шаруа қожалығында өткен шаруалармен кездесуде Айдарбек Сапаров суды үнемдейтін технологияға көшудің маңыздылығын айтып, бұл бағыттағы жұмысты жандандыруға шақырды.Министр шаруалардың барлық сұрақтарына жауап беріп, келесі жылы ауыл шаруашылығын жеңілдетілген қаржыландыру көлемін 900 миллиард теңгеге дейін ұлғайту жоспарланып отырғанын, оның алғашқы 100 миллиард теңгесі ағымдағы жылдың желтоқсан айында қолжетімді болатынын айтты. Ауыл шаруашылығы техникасын жылына 8-10%-ға дейін жаңарту мақсатына қол жеткізу үшін ауыл шаруашылығы техникасының лизингіне кемінде 200 млрд теңге бөлу жоспарлануда.Жиында шаруалар тарапынан айтылған ұсыныстар бақылауға алынды.Сапар қорытындысы бойынша министр Түркістан облысының агроөнеркәсіп кешенінің инфрақұрылымын одан әрі жақсартуға бағытталған бірқатар тапсырмалар берді.Ақпарат көзі : https://www.gov.kz/memleket/entities/moa/press/news/details/880234

Астана қаласының әкімі Жеңіс Қасымбек Instagram парақшасында Байқоңыр ауданының тұрғындарымен кездесуде көтерілген мәселелер туралы жазды, деп хабарлайды елорда әкімдігінің ресми сайты.«Байқоңыр ауданының тұрғындарымен есептік кездесу өткіздім. Кездесу 5 сағатқа созылды. «Ашық микрофон» форматында ниет білдіргендердің барлығы сұрақтарын қойып, ұсыныстарын білдірді.Тұрғындар әлеуметтік нысандар (мектептер, балабақшалар, медициналық мекемелер), жолдар, инженерлік желілер, аулалар мен қоғамдық кеңістіктер салу, ауданды абаттандыру және т.б. проблемаларды қозғады.Осыған дейінгі кездесулерде тұрғындар Өндіріс елді мекенінде электрмен жабдықтау мәселесін бірнеше рет көтерген. Сонымен, биыл ЭЧ-8 электрмен жабдықтау желісін «Астана - АЭК» балансына беру жұмысын аяқтадық. Бұл желілерді жедел модернизациялауға және апаттарды жоюға мүмкіндік береді.Сол сияқты ауданда тозығы жеткен апатты жағдайдағы тұрғын үйлерді бұзу жұмысын жүргізіп жатырмыз. Жыл соңына дейін ауданда 9 апатты үйді бұзу жоспарланып отыр. Сондай-ақ, басқа да әлеуметтік нысандардың құрылысы бойынша жұмыс жүргізіліп жатыр.Қала тұрғындарының жайлы демалысы үшін ауданда заманауи 7 қоғамдық кеңістік абаттандырылды, ұзындығы 10 шақырымға жуық пандустары бар жаяу жүргіншілер тротуарлары жабдықталды, 12 көше асфальтталды және т.б.Кездесу барысында көтерілген проблемаларды шешу жұмысы қолға алынды. Біз оларды қысқа, орташа және ұзақ мерзімді деп бөлеміз», – деп жазды елорда әкімі. Ақпарат көзі : https://www.gov.kz/memleket/entities/astana/press/news/details/880201

Астанада биыл дене шынықтыру-спорттық және сауықтыру іс-шараларының күнтізбелік жоспарына сәйкес, барлығы 816 спорттық іс-шара ұйымдастыру жоспарланған. Бүгінгі күнге дейін жоспарға сәйкес 648 іс-шара өткізілді. Олардың ішінде қысқы маусымның ашылуына орай ұйымдастырылатын дәстүрлі жарыстар бар. Бұл туралы елорданың Коммуникациялар қызметінде өткен брифингте Астана қаласының Дене шынықтыру және спорт басқармасы басшысының орынбасары Исламбек Байманов мәлім етті, деп хабарлайды елорда әкімдігінің ресми сайты.Спикердің айтуынша, шаңғы тебуден фестиваль, шорт-тректен Қазақстан Республикасының Кубогы, конькимен мәнерлеп сырғанаудан Астана қаласының ашық чемпионаты, конькимен жүгіру спортынан Қазақстан Республикасының ашық чемпионаты, шорт-тректен Астана қаласының ашық чемпионаты, жаңа жылдық кешкі мерекелік бұқаралық жүгіру, «Astana run» атты қысқы жүгіру жарысы, қысқы триатлон жарысы және дәстүрлі «Бұрқасын – 2025» шаңғы фестивалі өткізілмек.«Елордада қысқы спорт маусымын шаңғы тебу фестивалімен ашуды жоспарлап отырмыз. Қазіргі ауа райын өздеріңіз білесіздер, қар жауған бойда, Астанада ерекше дәстүрге айналған шаңғы тебу жарысымен маусымымызды ашамыз. Жоспар бойынша бұл шара 16 желтоқсанға белгіленіп отыр.Жыл сайынғы қысқы маусымның ашылуына мыңдаған қала тұрғындары мен қонақтары жиналады. Олардың қатарында мектеп оқушылары, студенттер, күш құрылымдарының қызметкерлері және қоғам өкілдері спорттық шараларға қатысып, өзара күш сынасады. Мұнда жеңіс басты мақсат емес, себебі шаңғы фестивалі – бұл отбасылық және корпоративтік демалыстың ерекше бір түрі», - дейді Исламбек Байманов.Ал 8 желтоқсан күні елордадағы Триатлон саябағында әуесқойлардың қысқы жүгірісі өтеді. Жарыс қатысушылары 10 шақырым қашықтықты бағындырады.Ақпарат көзі : https://www.gov.kz/memleket/entities/astana/press/news/details/880169

Батиметрия – изучение и измерение глубин водных объектов, а также составление карт подводного рельефа. Включает в себя сбор и анализ данных о глубинах, позволяя создавать карты, которые отображают форму и особенности дна морей, озер и рек.Ақпарат көзі : https://www.gov.kz/memleket/entities/water/press/news/details/880179

Қазіргі кезде ақпараттық технологиялардың, ұялы байланыс пен теледидардың маңызы арта түсуде. Интернет тек ақпарат көзі ғана емес, сонымен қатар қарым-қатынас, ойын-сауық және білім берудің әмбебап ортасына айналып отыр. Интернет қолданушыларының саны да күн сайын артып келеді. Интернеттің үздіксіз өсуіне және ауқымының кеңеюіне байланысты ондағы заңсыз материалдардың да саны көбеюде. Сондықтан бүгінгідей цифрлық әлемде балаларды желідегі қауіптерден қорғау маңызды мәселеге айналды. Мемлекеттік органдар осындай қауіптерге қарсы тұру үшін тиісті шараларды қабылдауда. Дегенмен интернеттегі заңсыз әрекеттер мәселесін тек мемлекеттік құрылымдардың күшімен шешу мүмкін емес. Сондықтан БАҚ саласындағы заңнамалық талаптардың орындалуын қадағалайтын ҚР Мәдениет және ақпарат министрлігі ата-аналар үшін қолжетімді шешімдердің шолуын ұсынады.Ата-ана бақылауы сервистері заңсыз контентке қол жеткізуді шектеуге, онлайн-әрекеттерді қадағалауға және құрылғыларды пайдалану уақытын бақылауға көмектеседі.Ата-ана бақылауына арналған танымал қосымшалар:- Kaspersky Safe Kids: сайттарды бұғаттау, геолокация, белсенділік туралы есептер.- Dr.Web Security Space: антивирус және ата-ана бақылауы, контентті сүзу.- Qustodio (Испания): контентті сүзу, экран уақытын шектеу, әлеуметтік желілерді бақылау.- Net Nanny (АҚШ): контентті бұғаттау, экран уақытын шектеу және орналасқан жерді қадағалау.- Norton Family: сайттарды сүзу, пайдалану уақытын шектеу және іздеу сұрауларын қадағалау.- Kidslox: экран уақытын шектеу, қосымшаларды бұғаттау және орналасқан жерді қадағалау.- Parental Control Kroha (Украина): қосымшаларды бұғаттау, веб-бақылау, белсенділікке мониторинг жасау.- Google Family Link: Android жүйесінде белсенділікті бақылауға арналған тегін қосымша. Ата-ана мен баланың құрылғыларына орнатылады.- Kidlogger: белсенділікті қадағалауға мүмкіндік беретін пассивті бақылау.- Кірістірілген мүмкіндіктер: Android үшін Google Play арқылы, iOS үшін — геопозицияны қадағалау үшін «Экран уақыты» және «Орналасқан жерді анықтау».- TikTok Family Pairing: жасөспірімдердің TikTok-ты қолдануын бақылау, экран уақытын шектеу және контентті сүзгіден өткізу мүмкіндігі бар.Ақпарат көзі : https://www.gov.kz/memleket/entities/zhetysu-oblysy/press/news/details/880095

Астанада журналистер арасында сыбайлас жемқорлыққа қарсы күреске арналған үздік жұмыстарға конкурс басталды, деп хабарлайды елорда әкімдігінің ресми сайты.Астана қаласының Ішкі саясат басқармасы мен Сыбайлас жемқорлыққа қарсы іс-қимыл агенттігінің департаменті және Қарағанды облысының балалар мен жастар ұйымы бірлесіп, 2024 жылдың 8 қарашасынан бастап журналистер арасында сыбайлас жемқорлыққа төзбеушілік тақырыбында үздік жұмыстар байқауын өткізеді.Байқаудың мақсаты – қоғамда сыбайлас жемқорлыққа қарсы көзқарасты қалыптастыру және осы мәселелерді ашып көрсететін журналистерді қолдау.2024 жылы жарық көрген еңбектердің авторлары болып саналатын Астана қаласының журналистері байқауға қатыса алады. Өтінімдер 2024 жылдың 7-30 қараша аралығында қабылданады. Жұмыстар өзектілік, тереңдік, жаңашылдық және қолжетімділік сияқты критерийлер бойынша бағаланады.Жеңімпаздар арнайы салтанатты рәсімде ақшалай сыйлықтармен марапатталады: 1-орынға – 150 000 теңге, 2-орынға – 100 000 теңге және 3-орынға – 50 000 теңге.Өтінім беру үшін өзіңіз туралы ақпарат пен материалдарыңыздың сілтемесін мына электронды поштаға жіберу қажет: astana.konkurs2024@mail.ru.Байқау туралы толығырақ ақпарат ережеде көрсетілген.Ақпарат көзі : https://www.gov.kz/memleket/entities/astana/press/news/details/880133

Елордада вандализмге қарсы күрес және алдын алу бойынша белсенді жұмыс жүргізілуде. Құқық қорғау органдары вандализмнің тағы екі жағдайын анықтап, бұзушыларға қатысты тиісті шаралар қабылдады, деп хабарлайды Астана әкімдігінің ресми сайты.31 қазанда таңғы сағат 9-да 26 жастағы ер адам кеңсе терезесін әдейі сындырып, жеке меншік нысанға материалдық шығын келтірді.Бұған ұқсас жағдай 30 қазан күні кешке болды. Жас жігіт біреудің көлігінің әйнегі мен айнасын сындырды.Барлық құқық бұзушылар әкімшілік жауапкершілікке тартылды.Жыл басынан бері Астанада еріктілер, белсенділер, белгілі спортшылар, қала тұрғындары қолдаған «Стоп, вандал» акциясы аясында профилактикалық жұмыстар жүргізуде.Акцияның мақсаты – вандализмнің кез келген көрінісін болдырмау және елордада тазалық пен тәртіпті сақтау.Жыл басынан бері сот 270-ке жуық адамды бөтеннің мүлкін қасақана бүлдіргені үшін, жалпы пайдалану орындарын ластағаны үшін, ғимараттар мен тұрғын үй-жайларды бүлдіргені үшін жазалады. Олардың барлығы жауапқа тартылды.Вандализмнің алдын алу жұмыстары қалалық прокуратура мен полиция департаментінің үйлестіруімен жүргізіледі.Ақпарат көзі : https://www.gov.kz/memleket/entities/astana/press/news/details/880151

Елордалық Esil University-де жастарға арналған бос жұмыс орындары жәрмеңкесі өтті. Ұйымдастырушылар жастар саясаты мәселелері жөніндегі қалалық басқарма, «Астана жастары» ЖРО қалалық еңбек ұтқырлығы орталығымен және ЖОО-мен бірлесіп ұйымдастырды, деп хабарлайды елорда әкімдігінің ресми сайты.Жәрмеңкенің мақсаты – жұмыс беруші мен жұмыс іздеуші арасындағы тікелей байланыс арқылы білім беру ұйымдарының түлектерін, сол сияқты жұмыссыз жастарды жұмысқа орналастыруға жәрдемдесу.«Жәрмеңкеге 500-ге жуық адам қатысты, олар негізінен үшінші-төртінші курс студенттері, олар жақын білімі бар мамандарға айналады және жұмысқа орналасуды қажет етеді. Мұнда 50-ден астам ұйым – мемлекеттік мекемелер мен коммерциялық кәсіпорындар өздеріндегі бос орындарын ұсынды. Біз осындай іс-шараларды үнемі ұйымдастырып отырамыз. Бұл жәрмеңке биыл бесінші рет ұйымдастырылып отыр. Жыл соңына дейін ЕҰУ-да тағы бір жәрмеңке өткізуді жоспарлап отырмыз», - деді «Астана жастары» ЖРО NEET санатындағы жастармен жұмыс бөлімінің басшысы Әсел Болатқызы.Студенттер жұмысқа орналасуға көмектесетін бос жұмыс орындары жәрмеңкелерінің тиімділігін атап өтті.«Мен «Есеп және аудит» мамандығы бойынша төртінші курста оқимын, болашақта бухгалтер боламын. Әзірге бухгалтердің көмекшісі ретінде тәжірибем бар. Жақында оқуымды тәмамдаймын, сол себепті болашақ жұмысым туралы ойланып жүрмін. Жәрмеңке – бұл өзіңе лайықты жұмыс табуға жақсы мүмкіндік, мұнда да таңдау бар», - деді елордалық ЖОО студенттерінің бірі.Ақпарат көзі : https://www.gov.kz/memleket/entities/astana/press/news/details/880060

Қазан қаласындағы Ғабдолла Тоқай атындағы әдеби мұражайда Семей қаласындағы Абай атындағы облыстық әмбебап кітапханасы «Кітап жәдігерлері – құнды мұра» көрмесін ұсынды. Көрме Татарстан астанасының тұрғындары мен қонақтарына Абай кітапханасының сирек қорындағы әдеби мұралар мен бірегей басылымдармен танысуға мүмкіндік береді.Көрме екі тақырыптық бөлімнен тұрады: «Ғасырлар үндестігіндегі рухани мұра» және «Қазан қаласында басылған сирек кездесетін кітаптар». «Абай сирек басылымдар беттерінде» атты бірінші бөлім келушілерге Абай Құнанбаевқа арналған шығармалармен, сондай-ақ қазақтың ұлы ойшылына рухани азық болған кітаптармен танысуға мүмкіндік береді.«Қазан қаласында басылған сирек кездесетін кітаптар» атты екінші бөлім Қазан қаласында басылып шыққан және қазір Абай кітапханасының қорларында сақталған ХХ ғасырдың басындағы сирек кітаптарға арналған.Экспонаттар арасында Ресей мен Татарстан тарихына қатысты басылымдар, ғылыми және медициналық кітаптар, сонымен қатар сол кезде жарық көрген көркем әдебиеттер бар. Араб және латын графикасында басылған бұл кітаптар мәдени алмасу мен тарихи мұраның бірегей дәлелі.Ақпарат көзі : https://www.gov.kz/memleket/entities/abay/press/news/details/880117

Алматыда Ерболат Досаевтың тапсырмасымен 1980-1990 жылдары салынған инженерлік желілер жаңғыртылудаАлматы әкімі Ерболат Досаев Әуезов ауданында жұмыс сапары барысында Мамыр-4 шағын ауданындағы инженерлік желілердің құрылысы барысымен танысты.Бұл шағын ауданда жаңғыртуға дейін тұрғындар 1980-1990 жылдары салынған желілер пайдаланып келген, олар 90% тозған. Биылғы тамыз айында қала әкімінің тапсырмасымен Мамыр-4 шағын ауданында сумен жабдықтау және су бұру желілерін салу жұмыстары басталды. Жалпы ұзындығы – 12,3 км: сумен жабдықтау желілері – 6,5 км, су бұру желілері – 5,8 км. Инженерлік желілердің құрылысы биыл осы шағын аудандағы 14 өтпелі жолда өтеді.Қазіргі таңда су бұру желісінің 2 км және сумен жабдықтау желісінің 1,5 км салынған. Жоба 750-ден астам тұрғыны бар 197 үйді қамтиды. Құрылысты келесі жылдың тамыз айында аяқтау жоспарланған.2025 жылы тағы 4 көшеде – Абай даңғылы, Момышұлы, Саин және Мұстай Кәрім көшелерінде желілерді салу жоспарлануда.Ерболат Досаев Әуезов ауданының әкіміне Мамыр-4 шағын ауданында инженерлік желілерді салу жұмыстарын сапалы және белгіленген кестеге сай аяқтауды тапсырды. Қала басшысы барлық үйді жаңа желілерге уақытылы қосу және тұрғындардың өмір сүру сапасын жақсарту қажеттігін атады.Айта кетейік, Алматыда инженерлік инфрақұрылымды жаңғырту белсенді түрде жүргізілуде. Биылғы жылдың 9 айында 219 км жаңа сумен жабдықтау және су бұру желілері салынды, 27,3 км қолданыстағы желілер жаңғыртылды. 2025 жылы тағы 240 км желі салу және 48 км желіні жаңғырту жоспарланған.Осылайша, қабылданған шаралар кешені арқасында шамамен 100 мың қала тұрғыны үшін инженерлік желілердің жоғары тозуына байланысты сумен жабдықтау және су бұрудың көпжылдық мәселесі шешіледі.Ақпарат көзі : https://www.gov.kz/memleket/entities/almaty/press/news/details/880086

Алматы әкімі Наурызбай ауданында салынған балабақшаға бардыАлматы әкімі Ерболат Досаев жұмыс сапары барысында Наурызбай ауданындағы Шұғыла шағын ауданында жаңадан салынған балабақшаны қарап шықты.320 орындық мектепке дейінгі ұйымның құрылысы 2022 жылдың мамырда басталған болатын. Жоба екі бөлікке бөлінді – ғимаратты тұрғызу және аумақты көріктендіру мен инженерлік желілерді салу. Алайда мердігер ұйымдардың шарттық міндеттемелерін орындамауына байланысты жобаның іске асу мерзімі кешікті.Осыған байланысты Құрылыс басқармасы «Астана-Стройинвест» корпорациясы ЖШС және «Теплоэнергострой» ЖШС-ға қатысты мемлекеттік сатып алуларға міндетіне салғырт қарайтын жауапсыз қатысушы деп тану және айыппұл өндіру туралы сот талаптарын берді. Бірінші мердігерге қатысты талап-арыз толық қанағаттандырылды, ал екінші талап қаралуда.Қазіргі уақытта балабақшаның құрылысы мен ішкі әрлеу жұмыстары толығымен аяқталды, аумақ абаттандырылып, қажетті жабдықтар орнатылды. Сондай-ақ, барлық инженерлік желі тартылып, қосылған. Яғни, нысан толық аяқталып, пайдалануға беру рәсімдері жүргізілуде.Ғимаратта балаларға арналған арнайы оқу орындары, соның ішінде гимнастика және музыка сабақтарына арналған залдар, сондай-ақ қызметкерлерге арналған бөлмелер қарастырылған. Жоспарлау шешімдері әртүрлі топтардың бір-бірінен және әкімшілік-шаруашылық бөлмелерден барынша оқшаулану қағидасын қамтамасыз етеді.Нысанды тексеру қорытындысы бойынша қала басшысы құрылыс және білім беру басқармаларының басшылығына бірқатар кемшілікті көрсетіп, оларды қысқа мерзімде жоюды жүктеді.«Аудан белсенді дамуда және жақын маңдағы үйлердің тұрғындары үшін әлеуметтік инфрақұрылымның қолжетімділігін қамтамасыз ету мақсатында осы шағын ауданда тағы бір балабақша салу туралы шешім қабылданды. Халық оның ашылуын күтіп отыр, сондықтан барлық ескертуді жедел түрде жойып, жыл соңына дейін балабақша балаларды қабылдай бастау керек», – деді Ерболат Досаев.Айта кету керек, Наурызбай ауданында 148 балабақша жұмыс істейді. Келесі жылы орын тапшылығын азайту мақсатында тағы екі 320 орындық балабақшаның құрылысын аяқтау жоспарланып отыр.Ақпарат көзі : https://www.gov.kz/memleket/entities/almaty/press/news/details/880092

Қазан қаласында қазақтың көрнекті ақыны, ойшыл Абай Құнанбаевтың ескерткішіне салтанатты түрде гүл шоқтарын қою рәсімі өтті. Назарбаев пен Качалов көшелерінің қиылысында орнатылған бюст Қазақстан мен Татарстан арасындағы достық пен мәдени байланыстың айшықты символына айналды. Бюст авторы — белгілі қазақстандық мүсінші, Қазақстан Республикасы Суретшілер одағының мүшесі – Нұрбол Қалиев.Ескерткіш қонақжайлық пен береке-бірлікті білдіретін қазандық Тайқазанның қола көшірмесінің қасында орналасқан. Оның түпнұсқасы Түркістан қаласындағы Ахмет Яссауи кесенесінде. Тайқазан 2018 жылы Татарстанға сыйға тартылды. Содан бері бұл жер мәдени іс-шаралар өтетін танымал орынға және екі халық арасындағы берік байланыстың символына айналды.Салтанатты шараға Абай облысы делегациясының өкілдері, оның ішінде облыс әкімі Нұрлан Ұранхаев, мәслихат төрағасы Қуаныш Сүлейменов, Татарстан Республикасы делегациясының өкілдері, қоғам қайраткерлері қатысты.\Ақпарат көзі : https://www.gov.kz/memleket/entities/abay/press/news/details/880083

«ASTANA Жас Жігер» жобасы аясында Астанада NEET санатындағы жастарға арналған түрлі іс-шаралар ұйымдастырылды. Атап айтқанда, футбол, волейбол және баскетболдан турнирлер өткізілді, деп хабарлайды қалалық әкімдіктің ресми сайты.Жобаны Жастар саясаты мәселелері басқармасы мен «Астана жастары» жастар ресурстық орталығы ұйымдастырды. Ол жастарды әлеуметтендіруге және дамытуға бағытталған.Жастар үшін футболдан турнир, волейболдан және баскетболдан жарыстар ұйымдастырылды. Сонымен қатар мұнда есепте тұрған қиын жасөспірімдер мен жастарға арналған мамандандырылған мектептердің әлеуметтанушылары мен психологтарының қатысуымен түсіндіру іс-шаралары өткізілді.NEET санатындағы жастармен жұмыс бөлімінің басшысы Әсел Болатқызы NEET санатындағы жастардың осындай спорттық жарыстар мен қоғамдық-мәдени іс-шараларға қатысуы оларға басқа адамдармен өзара іс-қимыл жасауға, өздерінің әлеуметтік желілерін кеңейтуге және достық байланыстарды қалыптастыруға мүмкіндік беретінін айтты.«Мұндай іс-шаралар бос уақытты өткізуге оң және салауатты балама болып саналады, оларды теріс мінез-құлық үлгілерінен алшақтатып, салауатты өмір салтына тартады», - деді Әсел Болатқызы.Іс-шара барысында «ALAMAN» Спорт және өнер академиясында жоба жеңімпаздарын марапаттау және футболдан финалдық турнир өтті.«Турнир өте жақсы өтуде, барлығы қызықты ұйымдастырылған. Біздің команда финалға шықты. Біз жыл сайын осындай турнирлерге қатысамыз және мұндай спорттық іс-шаралар жас ұрпаққа өте жағымды әсер етеді деп санаймыз. Осындай іс-шараны жиі өткізсе, нұр үстіне нұр болар еді», - деді футбол турнирінің қатысушысы Ерболат Сапаров.Ақпарат көзі : https://www.gov.kz/memleket/entities/astana/press/news/details/879785

Алматы облысы Кеген ауданының Тасашы ауылында «Кеген МясоПром» ет өңдеу зауытының құрылысы басталды. Жобаға салынған инвестиция көлемі – 2,5 миллиард теңге, зауыт құрылысы 2024 жылдың желтоқсанында аяқталып, іске қосылады деп жоспарлануда.Жоба ірі қара мал, ұсақ мал және жылқы етін өңдеуге бағытталған. Кәсіпорын тәулігіне 40 бас ірі қара малды, 150 бас ұсақ малды және 10 жылқыны өңдей алады. Зауыттың қуаты жылына 3 мың тоннаға дейін ет өңдеуге, 331,5 тоннаға дейін шұжық өнімдерін және 66 тонна ет консервілерін өндіруге мүмкіндік береді.Зауыт құрамында арнайы цехтар болады: шұжық цехы ауысымына 1,5 тонна шұжық өнімдерін, консерві цехы 1000 банкеге дейін өнім шығара алады. Алғашқы кезеңде шикізат Кеген және Райымбек аудандарының фермерлерінен сатып алынатын болады, ал болашақта кәсіпорын тұрақты шикізат қорына ие болу үшін өз бордақылау алаңдарын құруды жоспарлап отыр.Жаңа зауыт өңірдегі мал шаруашылығының дамуына оң әсер етіп, жергілікті халықты сапалы және қолжетімді ет және шұжық өнімдерімен қамтамасыз етеді деп күтілуде.Ақпарат көзі : https://www.gov.kz/memleket/entities/almobl/press/news/details/879933

Алматыда 2025 жылы «Халық қатысатын бюджет» бағдарламасы бойынша 300-ден астам жоба жүзеге асырылады«Халық қатысатын бюджет» (ХҚБ) бағдарламасы аясындағы дауыс беру қорытындысы бойынша іске асырылатын жобалардың саны 308 болды. Аудандық әкімдіктер мен сараптамалық кеңестер budget.open-almaty.kz сайтында өткен онлайн дауыс беру нәтижесін қорытындылады. Жалпы алғанда, жобаларға 163,5 мың дауыс берілді, бұл 2023 жылмен салыстырғанда 31%-ға артық. Ең көп жоба ұсынған Алатау ауданында – 50, одан кейін Алмалы ауданында – 45 жоба, Әуезов және Бостандық аудандарында – 42 және 41 жоба мақұлданған. Ең азы Наурызбай ауданында – 26 жоба.Айта кетсек, ХҚБ-ның 2025 жылға арналған әр аудан бойынша сараптамалық кеңестердің шешімдері «Құжаттар» бөлімінде жарияланған. Әрбір өтінімнің мәртебесін «Жобалар» қосымша бетіндегі «Мәртебе» сүзгісі арқылы тексеруге болады.Естеріңізге сала кетейік, онлайн дауыс беру 2024 жылы 22 қазан мен 1 қараша аралығында өтті, нәтижесі 7 қарашаға дейін қорытындыланды. Келесі кезеңде бюджет өтінімдерін қалыптастыру 31 желтоқсанға дейін жалғасады. Жобалардың 2025 жылы жүзеге асырылады.«Халық қатысатын бюджет» бағдарламасы туралы кеңес немесе ақпарат алу үшін аудандық әкімдіктерге немесе Алматы әкімдігінің қоғамдық қабылдау бөлмесі Open Almaty-ға 224 39 29 (ішкі 203) телефоны арқылы хабарласуға болады.Алматы әкімі Ерболат Досаевтың тапсырмасымен 2024 жылы «Халық қатысатын бюджет» бағдарламасын қаржыландыру 18,8 млрд теңгеге дейін ұлғайды (2023 жылы 12,9 млрд болған). Қазіргі уақытта аудандық әкімдіктер 2023 жылы дауыс беру нәтижесі бойынша жеңімпаз болған жобаларды жүзеге асыруда. Бүгінгі күнге дейін 2019-2023 жылдар аралығындағы өтінімдер бойынша 1 186 жоба жүзеге асырылды.Ақпарат көзі : https://www.gov.kz/memleket/entities/almaty/press/news/details/879991

Ерболат Досаев «Каргалы» сүзгі станциясының кәріз коллекторы құрылысының барысымен таныстыАлматы әкімі Ерболат Досаев Наурызбай ауданына жұмыс сапары барысында «Каргалы» сүзгі станциясының кәріз коллекторын салу бойынша ауқымды жобаны іске асыру барысымен танысты.Бұл ауданда су бұру мәселесін түбегейлі шешу үшін 2023 жылдың соңында «Каргалы» сүзгі станциясы салынды. Бұл станцияның толық жұмыс істеуі үшін кәріз коллекторының құрылысы қажет.«2019 жылы «Каргалы» сүзгі станциясын жобалау кезінде кәріз коллекторының құрылысы ескерілмеген. Осы кемшіліктерді жою және жұмыстың дұрыс реттілігін қамтамасыз ету үшін біз қазір магистральдық желілерді жүргіземіз, содан кейін оларды бөлетін боламыз. Коллектордың құрылысы аяқталғаннан кейін ол «Қарғалы» сүзгі станциясына қосылады, бұл тұрғындарды тұрақты сумен және орталықтандырылған кәрізбен қамтамасыз етеді», - деді Ерболат Досаев.Коллектордың жалпы ұзындығы 8,6 км. жұмысты энергетика және сумен жабдықтау басқармасының және аудан әкімдігінің тапсырысы бойынша екі мердігер ұйым - «НКО» және «Көлсай Строй» ЖШС жүргізеді. Бүгінгі таңда жобаның дайындығы коллектордың жалпы көлемінің шамамен 70%-ын құрайды. Құрылыс-монтаж жұмыстарын осы жылдың қараша айының соңына дейін аяқтау жоспарлануда.Жобаны іске асыру Қарағайлы, Құрамыс, Қарғалы және Таусамалы шағын аудандарының 50 мыңнан астам тұрғыны үшін су бұруды қамтамасыз етуге мүмкіндік береді. Бұл қарқынды дамып келе жатқан ауданда экологиялық қауіпсіздікке ықпал етеді, ластану қаупін азайтады және халықтың санитарлық жағдайын жақсартады.Қала басшысы Наурызбай ауданының әкімі мен энергетика және сумен жабдықтау басқармасының басшысына жұмыстардың орындалу қарқынын жеделдетуді және коллектор құрылысының сапалы, уақтылы аяқталуын қамтамасыз етуді тапсырды.Ерболат Досаев кәріз коллекторының құрылысын аяқтау қалаға қосылған шағын аудандардың тұрғындарына орталық коммуникацияларға қосылуға және Наурызбай ауданының инфрақұрылымының тұрақты дамуын қамтамасыз етуге мүмкіндік беретінін атап өтті.Ақпарат көзі : https://www.gov.kz/memleket/entities/almaty/press/news/details/880003

Ақтөбе өңіріндегі оқу орындарының тапшылығы мен апатты жағдайдағы мектеп мәселесін шешу және үшауысымды мектептер санын азайту жұмыстары қарқынды жүргізілуде.Білім беру нысандарының қажеттілігінің ұлғаюы себепті облыста 2023-2025 жылдар аралығында 44 мектеп салу көзделген. Олардың бесеуі апатты жағдайдағы мектептің орнына, тоғызы - үшауысымды мектеп мәселесін шешуге, 21 мектеп - орын тапшылығын жою үшін салынуы тиіс болған.2023 жылы 5 мектеп пайдалануға берілді. Оның ішінде ең ауқымдысы - «Алтын орда» шағын ауданында бой көтерген 2620 орынға арналған Bilimsmart мектебі. Қазіргі уақытта мектеп 5233 баланың білім алуына жағдай туғызып отыр.Сонымен қатар, №14 және №12 мектептерде орын тапшылығын жою мақсатында қосымша құрылыс салынды.Алға ауданы Маржанбұлақ елді мекенінде орта метептің ашылуы орын тапшылығы мәселесін шешті.Биыл жоспарға сәйкес, 12 мектеп пайдалануға берілуі тиіс, олардың алтауы бүгінде оқушыларға есігін ашып үлгерді, келесі алтауының құрылысы аяқталуға жақын, жыл соңына дейін халық игілігіне берілмек.Мемлекет басшысының тапсырмасымен қолға алынған «Жайлы мектеп» ұлттық жобасы аясында Есет батыр-3 тұрғын алабында 2000 балаға арналған және Ақжар-2 тұрғын алабында 300 орындық мектеп бой көтеріп жатыр. Бұл мектептер оқу ғимараттарының тапшылығын жойып қана қоймай, оқушылардың жайлы ортада білім алуын қамтамасыз ететін болады.20-дан аса мектептің құрылысы 2025 жылға ауыстырылды. «Біздің басты мақсатымыз – облыстағы барлық баланың сапалы білім алуына барынша жағдай жасау. Жаңа мектептерді салу және ескісін жаңғырту бұл жай ғана сандар емес, балалардың оқу жағдайын жақсарту деген сөз. Бала санының өсуіне байланысты жаңа мектептер салу мәселесі - күн тәртібінде. Салынып жатқан құрылыстар кезең-кезеңімен пайдалануға беріледі. Ақтөбе қаласындағы халық көп шоғырланған ауданда жаңа стандарттарға сай ғимараттар салу қиындық туғызатындықтан, жергілікті атқарушы органдармен жапсарлас нысандар салу қолға алынуда. Апаттық жағдайдағы мектептергк келер болсақ, әр нысанның қызмет ету уақыты әртүрлі екенін есепке алу керек. Соған сай, әр жыл сайын жаңа құрылыстар салу мәселесі туындап отырады», - дейді Ақтөбе облыстық Білім басқармасы басшысының орынбасары Артур Әуезов.Одан бөлек, ҚР Үкіметінің арнайы резерві есебінен су тасқынынан зардап шеккен білім нысандарын қалпына келтіру жұмыстары жүргізілуде. Айталық, Мұғалжар ауданы Көтібар ауылында және Ойыл ауданы Қаратал ауылында бөбекжай-балабақша қалпына келтірілуде. Ал Екпетал елдімекені тұрғындарының Ойылға көшірілуіне байланысты 320 орындық мектеп және 150 орындық балабақша құрылысы жүріп жатыр. Сондай-ақ, Ырғыз ауданы Нұра ауылындағы Т.Жүргенов атындағы орта мектеп апатты деп танылып, оның инфрақұрылымын жеке инвестор есебінен толық жаңартылу көзделген. Және де Нұра ауылының тұрғындары көшірілген Сарыобада жеке инвестор есебінен 60 орындық жаңа мектеп құрылысы басталды. Болашақта бұл ғимаратты мемлекет есебіне өткізу мүмкіндігі қарастырылуда.Бүгінгі күні Ақтөбе облысы - жаңа ғимараттар салу мен жаңғырту бойынша республика бойынша алғашқы орында. Бұл бастамалардың барлығы жас ұрпақтың сапалы білім алуына жағдай жасауға бағытталған.Ақпарат көзі : https://www.gov.kz/memleket/entities/aktobe/press/news/details/879976

Бүгін Жетісу облысында алғаш рет облыстық цифрлық технологиялар басқармасы мен «Jetisu Digital» IT-хабының ұйымдастыруымен цифрландыру және ақпараттық технологиялар қызметкерлері күніне орай «Digital Jetisu Forum» цифрландыру форумы өтті. Форум саладағы инженерлердің, IT-сарапшылардың, әзірлеушілердің, сала көшбасшыларының басын қосты. Бұл шара аймақтағы цифрлық саланы дамытудың негізгі тақырыптарын талқылауға арналған жаңа алаңға айналды. Атап өтсек, облыста көрсетілетін мемлекеттік қызметтердің 96%–ы автоматтандырылған, облыстың елді мекендерінің 95,2%-ында интернет жеткізілген, бұл ретте облыс орталығы-Талдықорған қаласында 5G желісі үшін 13 базалық станция орнатылған, - деп хабарлады облыс әкімінің баспасөз қызметі.Өңір басшысының атынан облыс әкімінің орынбасары Диас Есдәулетов кездесуге қатысушыларды құттықтап, тілегін тілдірді:- Бүгінгі іс-шара заманауи шешімдерді енгізуді жеделдетуге және өңірде ыңғайлы әрі тиімді цифрлық инфрақұрылымды құруға көмектесетін әдістерді талқылау, цифрлық технологиялар саласындағы мамандар мен сарапшылардың күш-жігерін біріктіру мақсатында ұйымдастырылып отыр. Цифрлық трансформация дәуірінде мемлекеттік құрылымдардың алдында қызмет көрсетудің жеделдігін арттыру ғана емес, сонымен қатар азаматтармен өзара іс-қимылдың әр кезеңінде ашықтық пен есептілік қағидаттарын енгізу міндеті тұр. Жалпы алғанда, Жетісуда көрсетілетін 289 мемлекеттік қызмет пен қосалқы қызметтердің 277-сі немесе 96% автоматтандырылды. Қызмет іске қосылған сәттен бастап 1 370 өтінім келіп түсті, - деді Д.Есдәулетов.Сонымен қатар өңірде салаларды цифрландыру бойынша бірқатар жобалар табысты жұмыс істеп жатқаны да айтылды. Атап айтқанда, «Кілем жабыны» жобасы аясында полиция департаментінің жедел басқару орталығына 15 мыңнан астам бейнебақылау камерасы қосылған, сондай-ақ жол қауіпсіздігін күшейту үшін жол ережелерін бұзушыларды анықтауға және көлік легін өлшеуге мүмкіндік беретін 216 камера орнатылған.Денсаулық сақтау саласын цифрландыру мақсатында өңірдің 16 медициналық мекемесінде рентген сәулелерін жоғары дәлдікпен талдауға мүмкіндік беретін PACS-жүйесі енгізілді, бұл дәрігерлерге ерте кезеңдерде диагноз қоюға көмектеседі, әсіресе онкологиялық ауруларды ерте анықтауда маңызы зор. Жүйе жұмыс істегеннен бері 615 мыңнан астам зерттеу жүргізілген.Өңірдің білім беру саласын цифрландыру жұмыстары аясында Жетісу облысындағы 337 мектеп түгел интернетке қосылған. Оның ішінде осы жылы шалғайдағы 53 мектеп «Starlink» спутниктік жүйесі арқылы қосылды. Сондай-ақ, 69 мектепте сабаққа қатысуын бақылайтын, тамақтануын есепке алуатын, кітапханаларға кіруіне мүмкіндік беретін «Оқушының бірыңғай карточкасы» жүйесі енгізілді.Жоғары білікті ІТ-мамандарды даярлау мәселесі де шешілуде. Атап айтқанда, Талдықорғанда «Samsung Innovation Campus» бағдарламалау мектебі ашылды және «IT Hub Jetisu Digital» базасында курстар өткізілуде, онда мыңнан астам адам оқудан өтті.Осы күні форум аясында «Әлеуметтік әмиян - мемлекеттік қолдау шараларын цифрландыру» тақырыбында пленарлық сессия өтті.Спикерлердің бірі облыстық жұмыспен қамтуды үйлестіру және әлеуметтік бағдарламалар басқармасының басшысы Ермек Мизамбаев «Әлеуметтік әмиян» пилоттық жобасының мәніне егжей-тегжейлі тоқтала келе, жоба халықтың әлеуметтік осал топтарының қаржылық құралдарға қолжетімділігін қамтамасыз ету, әлеуметтік көмекті есептеу рәсімін жеңілдету, әлеуметтік қолдау құралдарын жетілдіру, сондай-ақ бюджет қаражатының шығыстарын оңтайландыру үшін құрылғанын айтты.Сол сияқты облыстық білім басқармасының басшысы Марат Сүлейменов, облыстық цифрлық технологиялар басқармасының басшысы Айдына Темірбаев та сөз алып, цифрландыру бағытындағы жұмыстарға тоқталды.Форум негізгі тақырыбынан бөлек жасанды интеллект, деректерді талдау, киберқауіпсіздік, әлеуметтік қызметтерді цифрландыру, сондай-ақ көлік және қауіпсіздік сияқты маңызды бағыттарды да қамтыды.Сонымен, Google Developer сарапшысы Энес Тұран, MSP Global техникалық директоры Руслан Жансеңгіров IT-индустриядағы жаһандық трендтер мен өзгерістер, бизнес-процестердің тиімділігін жақсартудағы жасанды интеллектінің рөлі, киберқауіпсіздік саласындағы соңғы шешімдер мен технологиялар жайлы баяндады. Сондай-ақ, мемлекеттік қызметтердің қолжетімділігін арттыру, азаматтарды цифрлық қолдау мәселелері талқыланды. Сонымен қатар қоғамдық қауіпсіздікті арттыруға және қалалық қызметтерді қолдауға бағытталған «Қауіпсіз қала» жүйесі таныстырылды.Жиында пікірталас алаңдарымен қатар IT-компаниялардың, цифрландыру жөніндегі сарапшылардың цифрлық жобаларын ұсынатын «Jetisu IT Expo» көрмесі ұйымдастырылды.- Бүгінде цифрландыру біздің өміріміздің барлық саласына тән әрі жетісулықтар үшін қызметтердің қолжетімділігі мен сапасын арттыруда маңызды рөл атқарады. Біздің мақсатымыз – өңірдің әрбір тұрғыны білім беруде, денсаулық сақтауда, қалалық шаруашылықты басқаруда немесе мемлекеттік қызметтерді алуда заманауи технологияларды толық пайдалана алатындай ету. «Digital Jetisu Forum»-да ұсынылған жобалар цифрландырудағы жетістіктердің бір бөлігі ғана. Біз жаңа жобаларды әзірлеп, енгізуді жалғастырамыз, өйткені біздің басты міндетіміз – Жетісуды цифрлық технологиялар әркімнің игілігі үшін жұмыс істейтін өңірге айналдыру. Сондай - ақ, біз өңірдің талантты азаматтары өз әлеуетін ашып, өз жобаларын іске асыра алатын цифрлық ортаны қалыптастыруға тырысамыз, - деп атап өтті форумды қорытындылап, журналистерге берген сұхбатында Айдын Темірбаев.Осы күні форум аясында цифрландыру саласындағы жетістіктері үшін өңірдің ІТ-мамандары марапатталды. Олардың қатарында «Future-IT» роботехника мектебінің директоры Дамир Нұркежанов, Қаратал орта мектебінің информатика пәнінің мұғалімі Кирилл Михов, Талдықорған жоғары политехникалық колледжінің бизнес-стаптап жобаларының жетекшісі Әсел Құлынтаева, «Jetisu Digital» IT-хаб және «Astana Hub» IT-стаптабы халықаралық технопаркінің ұжымы және басқалары бар.Форум соңында «Jetisu Idea Battle» идеялар байқауының қорытындысы шығарылады, оның аясында өңірдің дәстүрлі үздік стартаперлері өз жобаларын дамытуға берілетін ақшалай сыйлықтармен марапатталады.Жетісу облысы әкімінің баспасөз қызметіФотограф: Жұмабай МұсабековАқпарат көзі : https://www.gov.kz/memleket/entities/zhetysu-oblysy/press/news/details/879862