Жыл сайынғы қысқы санаққа Жетісу облыстық орман шаруашылығы және жануарлар дүниесі аумақтық инспекциясы, «Охотзоопром» РМҚК, Зоология институты, Қазақстандағы биоалуантүрлілікті сақтау ассоциациясы ұйымының өкілдері қатысты. Аталмыш жұмыстар ашық, желсіз күні жиырма есепшіден тұратын жеті топпен жүргізілді.Екі күндік жұмыстың нәтижесінде ұлттық парк аумағында 5,5 мыңға жуық қарақұйрық және 190-ға жуық арқар мекен ететіні анықталды. Ал, Алтынемелдегі құландар саны 3,6 басты құрады. Айта кету керек, бұл Қазақстандағы ең көп құлан популяциясы. Тұяқтылар санының тұрақты өсуі жануарларды басқа тарихи мекендеу орындарына қайта жіберуге мүмкіндік береді.Мәселен, былтыр 87 бас жануар "Алтын дала", "Іле-Балқаш" резерваттарына және "Созақ" орманшылығына аттандырылды.Естеріңізге сала кетейік, іс-шараның негізгі мақсаты-еліміздің Қызыл кітабына енгізілген арқар, құлан және қарақұйрық популяциясын түгендеу.Дереккөз: ҚР Экология және табиғи ресурстар министрлігінің ресми сайты Алтын-Емел ұлттық паркінде жабайы аң санағы өттіАқпарат көзі : https://www.gov.kz/memleket/entities/zhetysu-oblysy/press/news/details/936184

Өскемен қаласының әкімі Алмат Ақышов тыл еңбеккері Анна Васильевна Андрееваны 100 жас мерейтойымен құттықтады.  Қала басшысы мерейтой иесіне еліміздің дамуы мен тарихи негізін нығайтуға қосқан баға жетпес үлесі үшін алғысын білдірді. Анна Васильевна 1925 жылдың 10 ақпанында Алтай өлкесінің Чадырка ауылында дүниеге келген. Балалық және жастық шағы Жаңасібір облысының Поспелиха ауылында өтті. Еңбек жолын 17 жасында бастап, трактор зауытында күзетші болып жұмыс істеген.   Оның ғұмыры еліміздің тарихымен тығыз байланысты. Жұбайы Екінші дүниежүзілік соғыста майданға аттанып, аман-есен оралған. Алайда 1992 жылы өмірден өтті. 1960 жылдан бастап отбасы Серебрянск қаласында тұрды. Еден жуушы болып жұмыс істеп, үш баланы тәрбиелеп өсірді. 1973 жылдың 15 маусымында «Коммунистік ерен еңбек екпіндісі» атағы берілді.  Анна Васильевна 1998 жылдан бері Өскеменде тұрады. Бүгінде балалары мен немерелеріне тағылымды тәрбие беріп отыр.  ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/936196

«Халықтың құқықтық сауатын дәйекті түрде арттырып, қоғам санасына адами құндылықтарды сіңірген жөн. Әрбір азамат өз сөзі мен әрекетіне заң тұрғысынан есеп беруі тиіс», - ҚР Президенті Қасым-Жомарт Тоқаев.Мемлекет басшысының тапсырмаларын орындау аясында Әділет министрлігі тұрақты негізде халықтың құқықтық сауаттылығын арттыру бойынша түсіндіру жұмыстарын жүргізуде.Мәселен, 2024 жылы «Халық заңгері», «Әділет кеңес береді», «Ашық есік күні», «Тегін заң көмегі күндері» акциялары іске қосылды. Өткен жылы республиканың барлық өңірлерінде жалпы саны 100 000 мыңнан астам адамды қамтитын 1 310 консультативтік-түсіндіру іс-шаралары өткізілді.Ауылдық елді мекендер тұрғындарының құқықтық сауаттылығын арттыру мақсатында 2000-ға жуық «Құқық кабинеттері» ашылды, олар аудандық, ауылдық клубтардың ғимараттарында, демалыс орталықтарында және т. б. «Egov» бұрыштарының базасында жұмыс істейді. Кабинеттерде қолданыстағы нормативтік құқықтық актілермен танысу үшін «Әділет» АҚЖ, «Заң» ДБ қолжетімділігімен, сондай-ақ ақпараттық жүйелерге (e-otinish, «Ашық НҚА» порталы және т.б.) қолжетімділігімен толық техникалық жабдықталған.«Әрбір цифрлық реформа, әсіресе, заң көмегіне қол жеткізу шектелген шалғай аймақтардағы адамдар үшін неғұрлым қолжетімді сот төрелігіне жасалған қадам.», - ҚР Президенті Қасым-Жомарт Тоқаев.Еup.kz. сайты арқылы онлайн режимінде заң қызметтерін ұсынуға және алуға арналған «E-ZanKomegi» заң көмегінің бірыңғай ақпараттық жүйесі іске қосылды, сондай-ақ, азаматтар өздерін қызықтыратын құқықтық сұрақтарға бейне қоңырау арқылы жауап алуға болатын «Zan Komegi» мобильді қосымшасы да қолжетімді. «Zan Komegi» жүйесінде 2000 мыңнан астам адвокат пен заң кеңесшілері арқылы 472 мыңнан астам азаматбілікті заң көмегін алды.Бұдан басқа, бейнеқоңырау арқылы онлайн режимде мүлікті басқаруға қатысты сенімхаттарды қоспағанда, сенімхаттар мен ерлі-зайыптылардың келісімдерінің барлық түрлерін беруге мүмкіндік беретін «Е-нотариат» бірыңғай нотариаттық ақпараттық жүйесі жұмыс істейді. Бұл қызметті 176 мың азамат пайдаланды.Бұдан бөлек, заңсыз әрекеттердің алдын алу мақсатында клиенттерді биометриялық сәйкестендіру қолданылады, өтініштерге қол қою кезінде QR-қол қою сервисі қолданылып, қызмет нәтижелері 24/7 режимінде EgovMobile «Цифрлық құжаттар» сервисінде қолжетімді. Осылайша, осы қызмет арқылы Қазақстан азаматтары нотариусқа бармай-ақ 168 мыңға жуық сенімхат пен ерлі-зайыптылардың 67,5 мың. келісімін заңды түрде ресімдей алды.Тағы бір маңызды жетістік – «Сот орындаушысы роботын» енгізу болып табылады. Мәселен, 20 АЕК-ке дейінгі әкімшілік айыппұлдар уақытылы төленбеген жағдайда уәкілетті орган мәліметтерді жеке сот орындаушының қатысуынсыз іс жүргізуді қозғайтын Робот сот орындаушысына береді. Іс қозғалғаннан кейін азаматтар іс туралы егжей-тегжейлі ақпараты бар EGov Mobile-да 1414-тен SMS хабарлама және push-хабарлама алады, сол арқылы азаматтар айыппұл сомасының 25% қосымша төлеуден және сот орындаушысына барудан босатылады, өйткені барлық әрекеттер онлайн режимінде жүргізіледі.Цифрлық сот орындаушысы іске қосылған сәттен бастап бүгінгі күнге дейін 2,2 млрд.теңге сомасын құрайтын 109 мыңнан астам атқарушылық іс қозғалды. Азаматтардың пайдасына үнемделген сома550 млн. теңгені құрады.2025 жылы адамдардың өмірін цифрлық дәуірде жеңілдету және ыңғайлы ету, сондай-ақ уақыт пен ақшаны үнемдеу үшін әділет органдарының жұмысын жақсарту жоспарлануда. Негізгі өзгерістер:2025 жылы 300 мыңнан астам азаматты құқықтық сауаттылығын оқыту жоспарлануда;ЖИ – «Әйтеке» көмекшісі- қарапайым заңгерлік кеңестер беруге және құжаттарды жинауға көмектесуге арналған чат-бот.Робот-сот орындаушысының құзыреті кеңейіп, ол айналысатын берешек мөлшерінің шегі 20-дан 40 АЕК-ке дейінартады, бұл азаматтардың пайдасына жылына 12,2 млрд. теңгеге дейін үнемдеуге мүмкіндік береді.Бұл құралдар тәуліктің кез келген уақытында пайдалануға мүмкіндік бере отырып, қарапайымдылығымен, жеделдігімен және қолжетімділігімен ерекшеленеді.Қабылданған шаралар азаматтардың құқықтық сауаттылығын арттырып, өз құқықтары мен міндеттерін мейлінше білуге ықпал етеді. Қызмет көрсетуді жеңілдету жұмысының нәтижесінде қазақстандықтардың уақыты мен қаражаты үнемделеді, аталған қызметтерді алудың қолжетімділігі мен ыңғайлылығы артып, сондай-ақ әкімшілік кедергілер жойылады, бұл процесті неғұрлым ашық және тиімді етеді.Ақпарат көзі : https://www.gov.kz/memleket/entities/akimvko/press/news/details/936202

Аудан әкімдігі әлеуметтік маңызы бар азық-түлік тауарларының бағасын тұрақтандыру шаралары бойынша кеңес өткізді.Аудан әкімі Ренат Құрмамбаев негізгі әлеуметтік маңызы бар азық-түлік бағаларын реттеу және тұрақтандыру үшін бірқатар шара жүзеге асырылатынын мәлімдеді.Атап айтқанда, ауылдық округтерден тікелей картоп жеткізілімін ұйымдастыру қолға алынбақ. Әр апта сайын төмендетілген бағамен ауыл шаруашылық жәрмеңкелері өтеді. Сондай-ақ Алтай қаласында әлеуметтік дүкендер ашылған.Депутаттар тауарлар құнын сақтау үшін фискалдық және құқық қорғау органдарын тарту арқылы мониторингтік топтардың жұмысын күшейту қажеттігін атап өтті.Сондай-ақ кеңесте әлеуметтік маңызы бар азық-түлік өнімдерін сату талаптарының сақталуын мемлекеттік бақылау нәтижелері белгілі болды.ШҚО әкімінің баспасөз қызметіАқпарат көзі : https://www.gov.kz/memleket/entities/akimvko/press/news/details/936206

А.ж. 10 ақпанында террористік тұрғыдан осал (бұдан әрі-ТТО) объектілерді терроризмге қарсы қорғауды (бұдан әрі-ТҚҚ) зерттеу кезінде алынған тәжірибені талқылау шеңберінде Шығыс Қазақстан облысының облыстық, қалалық және аудандық терроризмге қарсы комиссияларының жұмыс топтарының онлайн-кеңесі өткізілді.Іс-шара барысында:- орталық мемлекеттік органдар деңгейінде бекітілген ТТО объектілерді ТҚҚ бейінді нұсқаулықтарының негізгі айырмашылықтарының сипаттамалары;- құлақтандыру, бейнебақылау, сигнализация, кіруді бақылау және басқару жүйелеріне, терроризмге қарсы қорғау паспортына, ТТО объектілерін инженерлік-техникалық жабдықтармен жарақтандыруды қаржыландыруды жоспарлауға қойылатын талаптар;- қолдан жасалған және штаттық жарылғыш құрылғының белгілері және табылған жағдайдағы іс-әрекет алгоритмі;- ТТО объектілердің басшылығы жүргізетін персоналмен теориялық және практикалық сабақтарды тексеру бойынша пратикалық ұсынымдар;- Қазақстан Республикасы Үкіметінің 2021 жылғы 12 сәуірдегі №234 қаулысымен бекітілген өлшемшарттарға сәйкес келмейтін ТТО объектілерді тізбеден алып тастау жөніндегі ұсыныстарды негіздей отырып, талдамалық анықтама жасау тәртібі туралы ақпарат берілді.Кеңеске қатысушылар бірқатар өзекті сұрақтарға жауап алды.Ақпарат көзі : https://www.gov.kz/memleket/entities/akimvko/press/news/details/936211

Облыс әкімі Асхат Шахаровтың төрағалығымен өткен аппарат мәжілісінде суармалы жерлерді ұтымды пайдалану және ауыл шаруашылығы мақсатындағы пайдаланылмайтын жерлерді қайтару мәселелері қаралды.Ақтөбе облысының жер қатынастары басқармасының басшысы Нұрбол Ержанов айтып өткендей, биыл мемлекет меншігіне 160 мың га ауыл шаруашылығы мақсатындағы пайдаланылмай жатқан жерді қайтару жоспарланып отыр. Былтыр 219,063 мың га жер қайтарылды. Мұның есебінен облыстағы жайылымдық жерлердің көлемін кеңейту жоспарлануда. Қазіргі уақытта мал басының көбеюіне байланысты елдімекен жерлерінде жайылымдық жерлердің жетіспеушілігі 97,0 мың га құрайды.Сондай-ақ, 100 метрлік шекара белдеуінде орналасқан жерлерді мемлекет меншігіне қайтару жұмыстары қолға алынған. Әйтеке би, Қобда, Хромтау және басқа да бірқатар ауданда учаскелерді ерікті түрде беру үшін шаруашылық құрылымдарымен келіссөздер жүргізілуде.Айта кету керек, жер учаскелері конкурс арқылы беріледі. Мысалы, 2024 жылы мемлекеттік сатып алулар арқылы жалпы ауданы 467,7 мың га құрайтын 376 учаске, оның ішінде ауыл шаруашылығы мен коммерциялық мақсаттарға арналған учаскелер берілді. Бюджетке 161,1 млн теңге түсті.Бұдан өзге, өңірде 125 қалпына келтіру жобасы аясында 3 млн 903,1 га жерді қалпына келтіру жұмыстары жүргізіліп жатыр. Топырақ құнарлылығын арттыру жөніндегі Жол картасына сәйкес биыл Мәртөк және Қобда аудандарында 7 мың гектар жерге геоботаникалық зерттеулер жүргізу жоспарланған.Асхат Шахаров аудандар мен облыс орталығының әкімдері суармалы жерлердің ұтымды пайдаланылуына жауапты екенін атап өтті.«Жер мәселесі өте маңызды және жауапты. Кәсіпкерлер мен ауыл шаруашылығы өндірушілері жер учаскелерін алу процесі нақты рәсіммен реттелетінін нақты түсінуі тиіс. Біз жерді мақсатсыз бере алмаймыз, ол үшін конкурстар мен аукциондар бар. Аудан әкімдері жергілікті жерлерде осы мәселе бойынша түсіндіру жұмыстарын жүргізуі керек, яғни тұрғындар қайда және қандай конкурстар өткізілетіні, сондай-ақ жер учаскелерін бөлу қалай жүргізілетіні туралы хабардар болуы қажет. Біз үшін ең алдымен көкөністерді, жем-шөптерді өсіру және мал шаруашылығына жайылымды қамтамасыз ету үшін жерді тиімді пайдалануға назар аудару маңызды. Сонымен қатар, жерді қалпына келтіру және оны мемлекеттік қорға қайтару жұмыстарын жалғастыру қажет. Жер бар, алайда біздің міндетіміз – оны барлық көзделген нормалар мен рәсімдерді сақтай отырып, мақсаты бойынша пайдалану», - деп атап өтті әкім жиын барысында.Ақпарат көзі : https://www.gov.kz/memleket/entities/aktobe/press/news/details/936098

Премьер-министр Олжас Бектеновтің төрағалығымен өткен Үкімет отырысында еліміздің салық заңнамасына жаңа түзетулер ұсынылды.Премьер-министрдің орынбасары – ұлттық экономика министрі Серік Жұманғарин ҚҚС мөлшерлемесін салалар бойынша саралаумен 12%-дан 16%-ға дейін ұлғайту, арнаулы салық режимдерін реформалау, ҚҚС бойынша міндетті тіркеу есебіне қою үшін шекті 80 млн теңгеден 15 млн теңгеге дейін төмендету ұсынылып отырғанын айтты. Сондай-ақ денсаулық сақтау саласы үшін 10% төмендетілген мөлшерлеме ұсынылады. Ауыл шаруашылығы тауарын өндіруші заңды тұлғалар бюджетке төлеуге тиісті ҚҚС-ның 30%-ын төлейтін. Енді олар төлемейтін болады.Бүгіннен бастап өңірлердегі бизнес-қоғамдастықпен Үкіметтің бастамаларын талқылайтын алты жұмыс тобының жұмысы басталады. Қазіргі уақытта топтар өңірлерге шығып, жергілікті жерлерде бизнеспен кездесулер өткізуде. Жаңа Салық кодексінің жобасына түзетулерді осы жылдың 20 ақпанына дейін Мәжіліске енгізу жоспарлануда. Ақпарат көзі : https://www.gov.kz/memleket/entities/aktobe/press/news/details/935853

2024 жылдың қыркүйегінде қаланың су тасқыны қаупі бар учаскелері комиссиялық тексерілді, 18 учаске бойынша аудан әкімдеріне қажетті шараларды қабылдау туралы ұсынымдар берілді, яғни каналдарды тазалау және төсеу, арық-науа жүйесін орнату және т.б. Бұл туралы елорданың Коммуникациялар қызметінде өткен брифингте қалалық Төтенше жағдайлар департаментінің Төтенше жағдайлардың алдын алу басқармасының бастығы Қуаныш Тоқсарин мәлім етті, деп хабарлайды елорда әкімдігінің ресми сайты.«Қаңтар айында су тасқынына қарсы іс-шаралар айлығы басталды, тұрғын үй секторының тұрғындарына түсіндіру жұмыстарын жүргізіп, үгіт материалдарын тапсыра отырып, ықтимал қауіпті учаскелерде 51 рейд жүргізілді.Бүгінгі таңда коммуналдық қызметтер қала аумағынан 5,5 млн текше метрден астам қар шығарды, 16,4 мыңнан астам метр арық-науа желісі, 10 522 метр коллекторлар, 573 дана жаңбыр қабылдау құдықтары тазартылды», - деді Қуаныш Тоқсарин.Спикердің айтуынша, су тасқыны құбылыстарына уақтылы ден қою мақсатында жеке құрамның 581 адамынан, 505 бірлік техникадан, 131 мотопомпадан тұратын азаматтық қорғау қызметтерінің жалпы тобы құрылды.Төтенше жағдайлар департаменті елорда тұрғындары мен қонақтарына қалың қар еріген кезде сақтық шараларын сақтау керектігін ескертеді. Ведомство тез арада үйдің айналасын қардан тазартып, көшенің жол жиегіне қарай шығаруды ұсынады.Су тасқыны болған жағдайда дереу 109 iKomek қалалық мониторинг және жедел әрекет ету орталығына немесе 112 құтқару қызметіне хабарласу керек.Ақпарат көзі : https://www.gov.kz/memleket/entities/astana/press/news/details/935896

Астана қаласының Тұрғын үй және тұрғын үй инспекциясы басқармасының қызметкерлері «Таза Қазақстан» акциясы аясында қала аудандарын аралап, МИБ төрағаларымен кездесті, деп хабарлайды елорда әкімдігінің ресми сайты. Тексеру барысында қазіргі мәселелер талқыланды, олар – қарды уақытылы шығару, іргелес аумақтарды тазалау, санитарлық нормаларды сақтау, сондай-ақ газ ұстағыштар мен аулалардың газбен жабдықтау желілерінің жағдайын қадағалау. «Біз тұрғындарға әркім өз үйінің айналасындағы тазалыққа жауапты екенін үшін түсіндіру жұмыстарын жалғастырамыз», - деп атап өтті басқарма басшысының орынбасары Еркебұлан Мәлік. Ол бейнебақылау камералары санитарлық нормаларды бұзушыларды анықтауға көмектесетінін баса айтты. «Барлық жерде камера бар және ол бақыланады. Тәртіп бұзғаны үшін жауапкершілік бар», - деп қосты ол. Ведомствоның мәліметінше, қала тұрғындары жаңа талаптарға бейімделіп, тазалық олардың күнделікті өмірінің маңызды бөлігіне айналуда. Белгіленген нормалар мен заңдарды ұстанатындар көбейіп келеді. «Таза Қазақстан» акциясы таза және қауіпсіз қала ортасын құруға ықпал етеді. Елорда тұрғындарымен түсіндіру жұмыстарын жалғастыру ең маңызды міндет болып қала береді. Ақпарат көзі : https://www.gov.kz/memleket/entities/astana/press/news/details/935882

2024 жылы Су ресурстары және ирригация министрлігінің Ішкі аудит департаменті 18 кәсіпорында тексеріс жүргізді. Еске сала кетейік, өткен жылы министр Нұржан Нұржігітовтің тапсырмасы бойынша «Қазсушар» филиалдарын тексеру басталды. Бұл жұмыстар судың «көлеңкелі» нарығымен күресуге бағытталған.Тексеріс қорытындысы бойынша 30-дан астам жеке және заңды тұлға әкімшілік жауапкершілікке, бірнеше лауазымды тұлға тәртіптік жауапкершілікке тартылды.Мәселен, Жамбыл облысы бойынша «Қазсушар» филиалына жүргізілген тексеріс барысында су ресурстарын заңсыз пайдаланудың 10-ға жуық фактісі мен шаруалармен суармалы су беру келісімшарттарын жасау барысында заң бұзушылықтарға жол берілгені анықтаған болатын. Аудит қорытындысы бойынша мекеме басшысы мен Аса өндірістік аймағының басшысы қызметінен босатылды. Бұдан бөлек, филиал директорының орынбасары мен Қордай, Байзақ, Меркі өндірістік аймақтарының басшылары қатаң сөгіс түрінде тәртіптік жауапкершілікке тартылды.Бұдан бөлек, «Қазсушар» мекемесінің Алатау филиалында бұрын жұмыстан босатылған қызметкерлердің алаяқтық фактілермен айналысқаны анықталды.«Аудит барысында азаматтарды ауыз сумен және суармалы сумен қамтамасыз ету сапасын жақсарту үшін қолданыстағы заңнаманы одан әрі жетілдіру қажеттігі анықталды. Барлық заң бұзушылықтар бойынша материалдар құқық қорғау органдарына жіберілді. Сондай-ақ министрліктің құзыретті құрылымдары мен ведомстволарына ұсыныстар мен тапсырмалар берілді»,- деді Ішкі аудит департаментінің директоры Ғалымжан Молдаш.Ақпарат көзі : https://www.gov.kz/memleket/entities/water/press/news/details/935979

Астанада «ЭКСПО» халықаралық көрме орталығында «Жұмысшы мамандықтар қаласы» республикалық фестивалі басталды. Іс-шараға еліміздегі су мамандарын дайындайтын оқу орындары және су саласында жұмыс істейтін компаниялардың өкілдері қатысуда.Фестиваль аясында болашақ талапкерлер су саласындағы жұмысшы мамандықтар және өздері қызығушылық танытқан оқу орындары туралы толық ақпарат ала алады. Сондай-ақ шеберлік сыныптары, панельдік пікірталастар және бос жұмыс орындары жәрмеңкесі өткізіледі. Бұдан бөлек, фестиваль қонақтары су ресурстарын үнемдеу және басқару саласындағы жаңа әзірлемелермен, Қазақстанда жүзеге асырылып жатқан жобалармен танысады.Еске сала кетейік, Мемлекет басшысы 2025 жылды «Жұмысшы мамандықтар жылы» деп жариялап, елімізде жұмысшы мамандықтардың тартымдылығы мен беделін арттыру жөніндегі іс-шаралар іске асырылып жатыр.Бүгінгі таңда Қазақстанның су саласында 10 мыңға жуық маман еңбек етеді. Су шаруашылығы және ирригация саласына кадрларды 10 жоғары оқу орны мен 8 кәсіптік колледж дайындайды. 2024-2025 оқу жылы 523 талапкер су мамандықтары бойынша грантқа түсті.«Еліміздің су саласына жастарды тартумен қатар, жұмыс істеп жатқан мамандардың біліктілігін арттыру да маңызды. Былтыр су саласының 500-ден астам өкілі мамандандырылған орталықтарда біліктілікті арттыру курстарынан өтті. Бұл бастапқы жоспардан 12%-ға көп. Биыл мыңға жуық маман біліктілігін арттырады, оның 105–і Қытайда оқиды»,– деді Су ресурстары және ирригация министрі Нұржан Нұржігітов.Айта кету керек, «Жұмысшы мамандықтар қаласы» фестивалі 15 ақпанға дейін жалғасады.Ақпарат көзі : https://www.gov.kz/memleket/entities/water/press/news/details/935981

Жәрмеңке «Жұмысшы мамандықтар жылына» орай облыстық жұмыспен қамтуды үйлестіру және әлеуметтік бағдарламалар басқармасының ұйымдастыруымен өтті,- деп хабарлайды Өңірлік коммуникациялар қызметі. Шараға облыстағы 50 мекеме қатысып, 600-ге жуық ваканттық жұмыс орнын ұсынды. Оның ішінде «Атырау жылу электр орталығы» АҚ, «Атырау-Жарық» АҚ, «Теңізшевройл» ЖШС, «NCOC» ЖШС, «Стамгазстрой», «Orion Group KZ», «КазТурбоРемонт», «АтырауНефтеМаш», «GPS Investment», «Силлено», «КPI», «Атырау мұнай өндеу зауыты», «Атырау жылу жүйелері», «Спецавтобаза», «Шлюмберже», «Карат», «Ақжайық Автопарк», «Атырау Автопарк», «Infinity Mall», «Идеал Трейд Маркет», «Эйр Энерджи Каспиан», «WOOD KSS» және басқа да компаниялар бар. Ұсынылған мамандықтар: көлік жүргізуші, экономист, фельдшер, инженер, аспаз, даяршы, менеджер, бухалтер, заңгер, электрик, электромонтер, тас қалаушы, сылақшы, тазалаушы, дәнекерлеуші, сатушы-кеңесші, инженер-электрик, бақылау-өлшеу аспаптары инженері, техника қауіпсіздігі инженері, жобалау инженері, инженер-конструктор, супервайзер, құрылыс менеджері, экономист, т.б. -Тұрғындардың қатысу белсенділігі жоғары, бүгін 500-ден аса адам келді. Мақсат – халықты жұмыспен қамтамасыз ету. Мекемелер жұмысқа қабылдаған жағдайда басқармаға ескертеді. Сондай-ақ бүгін алимент өтемеген борышкерлер, жазасын өтеу орындарынан босап шыққан, пробациялық есебінде тұрған азаматтар қатысып отыр, - деді облыстық жұмыспен қамтуды үйлестіру және әлеуметтік бағдарламалар басқармасының басшысы Полымбет Хасанов. Айта кетейік, жәрмеңкеге қатысушыларға мемлекет тарапынан субсидияланатын жұмыс орындары туралы ақпараттар берілді. Олар: «Жастар практикасы», «Алғашқы жұмыс орны», «Ұрпақтар келісімшарты», «Күміс жас жобасы».Ақпарат көзі : https://www.gov.kz/memleket/entities/atyrau/press/news/details/935718

 Биыл Жетісу облысында ауыл шаруашылығы дақылдарының егіс алқабын 510,7 мың гектарға жеткізу жоспарланып отыр. Көктемгі дала жұмыстарын жүргізу жөнінде облыстық жедел штаб құрылып, жұмыс жасауда. Көктемгі егіске дайындық барысында тұқым, дизель отыны мен техниканы дайындау жұмыстары жүріп жатыр, - деп хабарлайды Жетісу облысы әкімінің баспасөз қызметі.Облыстық ауыл шаруашылығы басқармасының мәліметіне қарағанда, жоспар бойынша көктемде 247 мың гектар жер жыртылады, 127 мың гектар сүдігердің ылғалы жабылады, сонымен қатар 137 мың гектар өткен жылғы көпжылдық шөптер мен күздік дақылдар тырмаланады, жалпы 374 мың гектар жаздық дақылдар себіледі. Оған қажетті 52,1 мың тонна жаздық ауыл шаруашылығы дақылдарының тұқымы толық көлемде даярланған, оның 31,6 мың тн - дәнді дақылдар, 9,5 мың тн – майлы дақылдар, 0,6 мың тн - азықтық дақылдар, 10,4 мың тн -  картоп.Бүгінгі күнге, 5 мыңға жуық тонна минералды тыңайтқыштар сатып алынды. Қоймаларда 1,3 мың тонна минералды тыңайтқыш бар. Осы жылы тыңайтқыштарды субсидиялауға 2,7 млрд. теңге бөлінген. «Биыл ауыл шаруашылығы дақылдарының егіс алқабы 510,7 мың гектарға жеткізіледі деген жоспар бар. Соның 295,3 мың га дәнді және дәнді бұршақты дақылдар, 89,7 мың га майлы дақылдар, 6,8 мың га картоп, 8,9 мың га көкөніс-бақша дақылдары, 97,3 мың га  мал азығы дақылдары себіледі. Ал қант қызылшасын қант зауыттарының өндірістік қуатын ескере келе, 2025 жылға жалпы 12,2 мың гектарға егеміз, яғни өткен жылдан 1,5 мың гектарға кем себіледі. Жалпы осы алқаптан 550,0 мың тонна қант қызылшасын аламыз деп межелеп отырмыз. Жоспарланған қант қызылшасын себуге 17,1 мың себу бірілігі көлемінде тұқымы Көксу қант зауыты және «Жетісу» әлеуметтік кәсіпкерлік корпорациясы арқылы қамтамасыз етілетін болады», - делінген басқарманың хабарламасында.Қазіргі кезде ауыл шаруашылығы техникаларына жөндеу жұмыстары жүргізілуде, бүгінге дейін көктемгі дала жұмыстарына қатысатын 20,6 мың бірлік техниканың, яғни трактор, соқа, сепкіш, қопсытқыш, пен жер тырмаларының 75% жөндеуден өтті. Жөндеу жұмыстары 15 наурызға дейін толығымен аяқталады деп жоспарланады деп жоспарланып отыр. Осы орайда көктемгі дала жұмыстарына 5,5 мың тонна дизель отыны бөлінген. Операторды анықтау жұмыстары жүргізілуде.Көктемгі егіске дайындық аясында «Аграрлық несие корпорациясы» 104 шаруашылықтан 3,0 млрд.теңгеге өтінімдер қабылдап, бүгінгі күнге 35 шаруашылыққа 942 млн.теңге несие берілді.Атап өтсек, агроөнеркәсіптік кешен субъектілерін субсидиялау бойынша мемлекеттік қызмет түрлері 100 пайыз электронды форматта субсидиялаудың мемлекеттік ақпараттық жүйесі арқылы жүзеге асырылады. Мәселен, өткен жылы өңірде 11 мемлекеттік қызмет түрі бойынша аталған порталы арқылы 15 183 өтінімдер түсіп, мемлекеттік қызметтер көрсетілді. Сол сияқты былтырдан бастап «Ауыл аманаты» бағдарламасы Amanatnesie.kz порталы арқылы жүзеге асырылуда. 2024 жылы осы порталға 2,6 млрд. теңгеден астам сомаға 342 өтінім енгізілген.Жетісу облысы әкімінің баспасөз қызметі. Фотосуреттер Жетісу облысы әкімі баспасөз қызметінің архивінен алынды.Ақпарат көзі : https://www.gov.kz/memleket/entities/zhetysu-oblysy/press/news/details/935756

Премьер-министр Олжас Бектеновтің төрағалығымен өткен Үкімет отырысында көктемгі дала жұмыстарына дайындық мәселелері қаралды. Ағымдағы жағдай туралы ауыл шаруашылығы министрі Айдарбек Сапаров, ҚР энергетика министрі Алмасадам Сәтқалиев, сондай-ақ бірқатар өңірлердің әкімдері баяндады.2025 жылы 23,8 млн гектар алқапқа ауыл шаруашылығы дақылдарын егу жоспарлануда, бұл 2024 жылмен салыстырғанда 518 мың гектарға артық. Дәнді және бұршақты дақылдардың егістік алқаптары шамамен 16,6 млн гектарды құрайды (2024 жылы – 16,7 млн га). Майлы дақылдардың ауданы 365 мың гектарға артып, 3,3 млн гектарға жетеді, оның ішінде күнбағыс дақылдары 50,6 мың гектарға өсіп, 1,3 млн гектарға дейін жетеді. Сондай-ақ картоп алқабын 14,9 мың гектарға ұлғайтып, аумақты 136,8 мың гектарға дейін жеткізу жоспарлануда, ал қарақұмық дақылдары 41,5 мың гектарға артып, 147 мың гектарды құрайды. 2025 жылы қант қызылшасының ауданы 18,4 мың гектарды құрайды. Жемшөп дақылдарының ауданы 184 мың гектарға ұлғайып, 3,4 млн гектарға жетеді. Мақта дақылдары 135,2 мың гектарды, ал күріш – 90,2 мың гектарды құрайды.Биыл көктемгі-дала жұмыстарын ЖЖМ қамтамасыз ету үшін (МӨЗ-де өндіріс көлемін ескере отырып) 401 мың тонна дизель отыны бөлінді. Дизель отынын тиеп жөнелту бойынша МӨЗ-ге облыстарды бекіту кестесі бекітілді, сондай-ақ межелі стансаға дейін литріне 232 теңге мөлшерінде баға белгіленді.Операторлардың шығындарын ескере отырып, ауыл шаруашылығы тауарын өндірушілер үшін дизель отынының түпкілікті құны литріне 254 теңгені құрайды, бұл жанармай құю стансаларында литріне 295-300 теңгені құрайтын нарықтық бағадан 13-15%-ға төмен.Сонымен қатар Түркістан облысының әкімі Нұралхан Көшеров олардың өңірінде дала жұмыстарына кіріскенін хабарлады. Сондай-ақ Ақмола облысында, өңір әкімі Марат Ахметжановтың айтуынша, биыл картоп алаңын 352 гектарға ұлғайту жоспарлануда, ал жалпы картоп отырғызу 8,9 мың гектарды құрайды, бұл 2024 жылмен салыстырғанда 1,1 мың гектарға артық.Премьер-министр Олжас Бектенов Мемлекет басшысы аграрлық секторды экономикалық өсудің флагмандарының бірі ретінде дамытуға ерекше назар аударатынын еске салды. Премьер-министр өз баяндамасында экспортқа шығатын және нарықта сұраныс жоғары, көбірек табыс әкелетін дақылдардық алқаптарын кеңейтуге басымдық беру қажет екеніне баса назар аударды. Биыл егіншілік саласын қаржыландыру көлемі 700 млрд теңгеге дейін ұлғайтылды. Лизингке жұмсалатын қаражат 200 млрд теңгеге жеткізілді. Сондай-ақ жеңілдікпен 400 мың тоннадан астам дизель отыны бөлінді.Олжас Бектенов бұл шаралардың барлығы егіс науқанын ойдағыдай өткізуге бағытталғанын баса айтты.«Мемлекет егіс науқанын ойдағыдай өткізу үшін қажетті шаралардың барлығын қабылдады. Жұмыстарды нәтижелі әрі ұйымдасқан түрде жүзеге асыруымыз қажет. Ауыл шаруашылығы министрлігі жеңілдетілген несиені тиімділігі әрі жауапкершілігі жоғары диқандарды қолдауға бағыттауы керек», — деп атап көрсетті Премьер-министр. Бұл ретте ол бөлінген қаражаттың дұрыс жұмсалуы әкімдіктердің тұрақты бақылауында болуға тиіс екенін ескертті. Сонымен қатар оның айтуынша, егіншілерді сапалы және тексеруден өткен тұқым қорымен қамтамасыз ету маңызды. Ол үшін бірінші кезекте, отандық өндірушілерді ынталандыру қажет. Сондай-ақ көктемгі дала жұмыстарында агротехнологияларды қатаң сақтап, тыңайтқыштарды және өсімдіктерді қорғау құралдарын уақтылы қолдану керек. Қазақстанда тыңайтқыштар енгізу жоспары ғылыми негізделген норманың тек 59%-ын, ал ауыл шаруашылығы техникасының техникалық дайындығы – 75%-ды құрайды. Олжас Бектенов жаппай егін егу жұмыстары басталғанға дейін бұл көрсеткішті 100%-ға дейін жеткізіу қажет екенін атап өтті.Премьер-министр отырыс барысында министрліктер мен әкімдіктерге бірқатар тапсырмалар берді:Ауыл шаруашылығы министрлігі «Бәйтерек» холдингімен бірлесіп, егіншілерді тиімді мемлекеттік қолдау мақсатында несие мен субсидия беру рәсімдерін оңтайландыру және жеңілдету шараларын қабылдасын.Энергетика, ауыл шаруашылығы министрліктері мен өңір әкімдері арзандатылған отынның тиісті көлемін жеткізуді бақылауда ұстасын. Әкімдіктер бір апта мерзімде өңірлік операторлар бойынша толық деректерді берсін. Шаруаларға тиесілі отынның сатылып кетуіне жол беретін компаниялар мен жеке тұлғаларға қатысты қатаң шаралар қабылдауды тапсырамын.Су ресурстары министрлігі Ауыл шаруашылығы министрлігімен және әкімдіктермен бірге фермерлерді суармалы сумен үздіксіз қамтамасыз ету шараларын қабылдасын. Әкімдіктер қар тоқтату және су қорын жинау жұмыстарын жүргізуі қажет.Сондай-ақ Премьер-министр көктемгі егіс жұмыстарын уақтылы жүргізуді ерекше бақылауда ұстауды тапсырды.Ақпарат көзі : https://www.gov.kz/memleket/entities/moa/press/news/details/935738

Премьер-Министр Олжас Бектеновтің төрағалығымен өткен Үкімет отырысында агроөнеркәсіптік кешенді цифрландыру мәселесі қаралды. Жүргізіліп жатқан жұмыстар туралы ауыл шаруашылығы министрі Айдарбек Сапаров пен цифрлық даму, инновациялар және аэроғарыш өнеркәсібі вице-министрі Дмитрий Мун баяндама жасады.Қазіргі уақытта ауыл шаруашылығы министрлігінің балансында 4 ақпараттық жүйе бар. Бұл ауылшаруашылық жануарларын сәйкестендіру (АЖС); «E-Agriculture» АӨК салаларын басқарудың бірыңғай автоматтандырылған жүйесі (ББАЖ); Субсидиялаудың бірыңғай мемлекеттік ақпараттық жүйесі (СМАЖ); «Ауыл аманаты» халыққа несие берудің ақпараттық жүйесі. Өсімдік шаруашылығын қадағалаудың ақпараттық жүйесі әзірленіп жатыр. АӨК саласында мемлекеттік қызметтің 93 түрі көрсетіледі, оның 98%-ы – электронды режимде. 2024 жылы 2,6 млн-нан астам электрондық қызметтер пайдаланылды. Бизнес-процестердің 11 тобы, оның 7-уі – жер ресурстары бойынша, қалғаны өсімдік шаруашылығы бойынша реинжиниринг жүргізілді.Нәтижесінде есеп беру үшін талап етілетін құжаттар саны 83%-ға қысқарды. Фермерлер үшін қадамдар саны 85%-ға, қызмет көрсету уақыты 97%-ға қысқарды.Премьер-министр Олжас Бектенов Мемлекет басшысы ауыл шаруашылығы еңбеккерлерінің бірінші форумында АӨК-ті цифрландыру міндетін қойғанын атап өтті. Осыған байланысты Үкімет ауыл шаруашылығының барлық салаларына «ақылды» технология элементтерін енгізуге ерекше басымдық беріп отыр. Нақты мақсат-міндеттер мен негізгі бағыттар айқындалды.Цифрлық құралдарды қолдану арқылы қажетті қаражат мөлшері, есеп беру, егіс алқабы, мал басы туралы деректердің нақтылығын қамтамасыз еткен жөн. Премьер-министр цифрландыру мемлекеттік қолдау шараларының ашықтығы мен тиімділігін арттыруға ықпал етуі тиіс екеніне тоқталды.«Ауыл шаруашылығы жерлерін есепке алуда ІТ-құралдарды енгізу маңызды. Цифрландыру алқаптар мен жайылымдық жерлерді ұтымды пайдалануға, егін егу жұмыстарын тиімді жоспарлауға ықпал етуі қажет. Осыған орай, барлық ауыл шаруашылығы алқаптарына ғарыштық мониторингті кеңінен қолданып, дрондарды пайдалану керек», — деп атап өтті Олжас Бектенов.Тағы бір маңызды мәселе мал шаруашылығы мен өсімдік шаруашылығы өнімдерін сәйкестендіру жүйесі болып саналады. Өнімді шыққан жерінен соңғы тұтынушыға дейін жеткізудің ашық тізбегін құру қажет. Бұл жүйе өндірілген өнімді есепке алуға, оның сапасына кепілдік беруге, биологиялық және ветеринарлық қауіпсіздікті бақылауға бағытталуға тиіс.Премьер-министр климаттық тәуекелдерді, өнімділік көлемін және азық-түліктің нарықтық бағасын болжау үшін цифрлық шешімдер мен жасанды интеллектті кеңінен қолдану қажеттігіне тоқталды. Сонымен қатар жасанды интеллектіні қолдану арқылы егінді суару, өсімдіктерді қорғау құралдары мен тыңайтқыштарды қолдану, жемшөпті тұтыну, сондай-ақ ауылшаруашылығы техникалары паркін басқару процестерін оңтайландыру көзделеді.«Бүгінде мал шаруашылығы, өсімдік шаруашылығы, тұрақтандыру қорлары мен қоймалардағы астық пен өнім қорларын есепке алу, топырақтың ылғалдылығын анықтау және ветеринариялық қауіпсіздікті қамтамасыз ету бойынша статистикалық деректердің нақтылығы өзекті проблема күйінде қалып отыр. Осы мәселелердің бәрін есепке алу жүйесін толық цифрландыру арқылы шешу керек», — деп атап өтті Олжас Бектенов.Осыған байланысты Премьер-министр ауыл шаруашылығы және цифрлық даму министрліктеріне бірқатар тапсырмалар берді.Өңір әкімдіктерімен бірлесіп, 2025 жылдың соңына дейін ауыл шаруашылығы мақсатындағы жерлердің цифрлық картасын әзірлеу;Әкімдіктермен 2025 жылғы 1 қыркүйекке дейін өсімдік шаруашылығындағы қадағалау жүйесін әзірлеуді аяқтау;Мемлекет басшысының тапсырмасы бойынша 2025 жылы Ұлттық ауыл шаруашылығы санағын жүргізу жоспарланып отыр. Санақ қортындысының нәтижелерін толық цифрландыру, оған талдау жүргізу және алынған деректер базасын үнемі жаңартып отыру қажет.Ақпарат көзі : https://www.gov.kz/memleket/entities/moa/press/news/details/935740

2025 жылғы 11-15 ақпан аралығында Астанада Қазақстан Республикасының Оқу-ағарту министрлігі ел Президенті жариялаған жұмысшы мамандықтарының жылы аясында ұйымдастырған «Жұмысшы мамандықтар қаласы» республикалық фестивалі өтуде.Өткізу орны – «EXPO» халықаралық көрме орталығы, онда кәсіп түрлері бойынша тақырыптық көшелер ұсынылған.Қазақстан төтенше жағдайлар министрлігі фестиваль аясында құтқарушылар мен өрт сөндірушілердің мамандықтарына арналған бұрыш ұсынды. Құтқарушы мамандығының беделін арттыру және жастар арасында кәсіпке деген қызығушылығын туғызу мақсатында «Құтқарушылар көшесі» және «Өрт сөндірушілер мен құтқарушылар аймағы» ашылды. Бұл кеңістіктер қауіпсіздік және азаматтық қорғау саласындағы маңызды мамандықтармен танысу үшін жаңа мүмкіндіктер жасайды. Ашылу салтанатына ТЖ вице-министрі Кеген Тұрсынбаев қатысып: «Біздің мақсатымыз – жастарға құтқарушы мамандығының қоғам үшін қаншалықты маңызды екенін көрсету. Біз заманауи жабдықтар мен техниканы ғана емес, сондай-ақ өскелең ұрпаққа патриотизм сезімін және күн сайын басқалардың қауіпсіздігі үшін өз өмірін қатерге тігетін қызметкерлерге деген құрмет сезімін тәрбиелей алатынымызды мақтан тұтамыз. Баршаңызды фестивальге қатысып, адамдарды құтқаруға және қорғауға көмектесетін жұмысымыз туралы көбірек білуге шақырамыз»,- деп атап өтті. «Өрт сөндірушілер мен құтқарушылар бұрышында» келушілер құтқарушылардың арнайы киімдерінің заманауи үлгілерін, өрт-техникалық қару-жарақтарды, тез салынатын өрт сөндіру бөлімінің макетін, жедел әрекет ету өрт сөндіру техникасын және Апаттар медицинасы орталығының қызметкерлері пайдаланатын медициналық жабдықтарды қамтитын экспозицияны көре алады. «Жұмысшы мамандықтар қаласы» фестивалі жастар үшін жұмысшы мамандықтарының кең ауқымы туралы білуге, табысты және сұранысқа ие мансапқа жетелейтін жолды таңдауға тамаша мүмкіндік болып табылады. Ақпарат көзі : https://www.gov.kz/memleket/entities/emer/press/news/details/935698

ТЖМ Төтенше жағдайлар комитетінің төрағасы Серік Жүнісбеков жұмыс сапары аясында Амангелді, Жангелді және Науырзым аудандарында болып, су тасқыны кезеңіне дайындық пен су тасқынының алдын алу шараларын тексерді. Амангелді ауданында 12 елді мекенді су басу қаупі бар. Мұнда Қабырға өзені арқылы өтетін көпір жөнделді, Бижан бөгені қалпына келтірілді, Амантоғай ауылында гидротехникалық құрылыс салынып, бөгеттер нығайып, жағалауды бекіту жұмыстары жүргізілді. Амангелді ауылында ұзындығы 2 360 м бөгет жағалауы салынды. Жангелді ауданында су тасқынынан қираған бөгеттерді қалпына келтіру жұмыстары жалғасуда, оның ішінде Қостақта учаскесінде (1,5 км), Тентексай (1000 м) және Көлқамыс (2700 м) ауылдарында жағалауды бекіту жұмыстары жүргізілуде. Албарбөгет бөгетінде жөндеу жұмыстары жүріп жатыр. Жыл басынан бері облыс аумағынан 400 текше метр қар шығарылды. Науырзым ауданында 15 үйді су басу қаупі бар. Серік Жүнісбеков Дәмді ауылындағы Дамидинка өзені арқылы өтетін көпірдің жөндеу жұмыстарымен танысты. Мұз кептелісі мен еріген судың ағып кетуін болдырмау үшін жарылыс жұмыстары жоспарлануда. Комитет төрағасы Торғай және Амангелді ауылдарындағы өрт сөндіру бекеттерін де аралап, жеке құрамның дайындығын тексерді. Сапар қорытындысы бойынша бөгеттер мен жағалауларды қосымша нығайту, қарды дер кезінде шығару және алдын алу шаралары бойынша ұсыныстар берді.Ақпарат көзі : https://www.gov.kz/memleket/entities/emer/press/news/details/935772

Астананың коммуналдық қызметі тәулік бойы күшейтілген режимде жұмыс істеп жатыр. Қалада қар күреу жұмысы үздіксіз жүргізілуде, деп хабарлайды елорда әкімдігінің ресми сайты.11 ақпанда күндізгі ауысымда қар тазалау жұмысына 2 649 жол жұмысшысы және 1 350-ден астам арнайы техника шықты.11 ақпанға қараған түні елордадан 1 957 рейспен қар полигондарына 25 мың текше метрден астам қар шығарылды.Қыс мезгілінің басынан бастап қаладан 451 095 ауыр жүк рейсімен 5,5 млн текше метрден астам қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/935376

Елордада жүзеге асырылып келе жатқан JOLTAP бағдарламасы табыс көзін іздеген қала тұрғындары үшін қолжетімді қолдау болып отыр. Қаржылық қиындыққа тап келіп, одан шығудың жолын іздеген немесе кәсіп үйреніп, нәпақасын табуға ұмтылған елордалықтарға осы бағдарлама негізінде қаланың жер-жерінде ашылған «Баршаға мүмкіндік» модульдік пунктерінің есігі әркез ашық, деп хабарлады елорда әкімдігінің ресми сайты.Joltap бағдарламасы туралы естіп, «Баршаға мүмкіндік» модульдік пунктерінің біріне бас сұққан елордалықтардың бірі – Қанат Тасболатов. Ол бағдарлама ұсынған қысқа мерзімді тегін курстардың ішінен «Корпустық жиһаз жасаудың негіздерін» таңдаған.«Мен Joltap бағдарламасы арқылы «Корпустық жиһаз жасаудың негіздері» курсын екі аптада тәмамдадым. Көптеген ұсыныс болды, солардың ішінен өз таңдауымды жасап, жиһаз цехына жұмысқа орналастым. Бастапқыда бір жобаның құнының 15 пайызын еңбекақы ретінде алатын болып келістік. Мұндағы бір жобаның өзі 1-2 млн тұратынын ескерсек, бізге оның кемінде 200-300 мың теңге жобасындағы сома тиесілі болады. Ал тапсырыс аз емес. Бұл дегеніміз – біздің табысымыз да мол болады деген сөз. Өйткені, курс жетекшіміз айтқандай, жаңа үйге көшу үшін кем дегенде бір асүй жиһазы, бір шкаф қажет. Ал елордамызда баспана алып, жиһаз жасатамыз деушілердің қарасы мол», - дейді жоба қатысушысы Қанат Дулатұлы.Осылайша жоба қатысушысы курсты сәтті аяқтап, сапалы жиһаз жасап, тұтынушыларын қуантып, отбасының табысын еселеуде.Ол өзі тәрізді тегін кәсіп игеріп, табыс табуға ниетті барлық елордалықты жобаның игілігін көруге шақырды.Яғни «Баршаға мүмкіндік» модульдік пункттері арқылы қысқа мерзімді оқуға жазылуға, jumystap.kz сайтына тіркелуге және жоба серіктестерінен жұмыс табуға мүмкіндік қарастырылған. Сондай-ақ, 52 мемлекеттік қолдау шарасы бойынша кеңес алуға болады, оның ішінде жастарға арналған несие, тұрғын үй кезегі, АСП алу және т.б. кеңестер беріледі. Сонымен бірге ЭЦҚ алу, кезекте қызметтері сияқты цифрлық көмек көрсетіледі.Бүгінде жұмысшы және цифрлық дағдылар бойынша қысқа мерзімді оқытудың 18-ден астам авторлық оқу бағдарламасы арқылы 10 мыңнан астам түлек тегін курстарды тәмамдады.Жұмыс іздеу және қызметкерлер табу үшін арналған JUMYSTAP платформасында – қаланың 2 мың жұмыс берушісінен 3 мыңнан астам вакансия ұсынылған. Аталған платформаның 14 мыңнан астам бірегей қолданушысы бар.Ал қосымша сұрақтар бойынша +7 (707) 221-31-31 нөмірлі Call-орталықтарға хабарласуға болады.Ақпарат көзі : https://www.gov.kz/memleket/entities/astana/press/news/details/935464

Елорданың №1 бұқаралық кітапханасында «Таза Қазақстан. Астана – тазалық пен тәртіптің үлгісі» акциясы аясында мектеп оқушыларына арнап «Таза Қазақстан – экологиялық жасалған» викторинасы өтті, деп хабарлайды қала әкімдігінің ресми сайты.Іс-шара барысында кітапханашылар экология, қоршаған ортаны қорғау және тұрақты даму бойынша әдебиеттердің тақырыптарын таңдауды ұсынды. Мектеп оқушылары қоршаған ортаны қорғаудың өзекті мәселелерін, оларды шешу жолдарын, қазіргі әлемдегі экологиялық мәдениеттің маңыздылығын ашатын басылымдармен танысты. Кітапқа көз жүгірткеннен кейін оқушылар Қазақстанның экологиялық бастамалары туралы білімдерін тексеру үшін викторинаға қатысты.Жұмыстың интерактивті форматы іс-шараны тек танымдық қана емес, сонымен қатар қызықты өткізуге мүмкіндік берді.Викторина мектеп оқушылары арасында экологиялық білімді насихаттауға, олардың табиғатқа саналы көзқарасын дамытуға және экологиялық жауапкершілікті қалыптастыруға септігін тигізді. №1 бұқаралық кітапхана экологиялық сауаттылықты арттыру жұмыстарын жалғастыруда және алдағы іс-шараларға қатысуға шақырады.Еске салайық, 2025 жылдың басынан бері Астананың көптеген кітапханасында заманауи «Таза Қазақстан» бұрыштары пайда болды. Бұл бұрыштарда экологиялық ағарту, қоршаған ортаны қорғау және мәдени орындарды сақтау туралы кітаптар, журналдар мен ақпараттық материалдар бар. Бұл ретте кітапханаларда экология бойынша лекциялар мен шеберлік сабақтары өткізіліп, бірлескен сенбілік, іргелес аумақтарды көгалдандыру, қоқыс шығару жұмыстары ұйымдастырылуда. Барлық іс-шара қала тұрғындарының экологиялық сауаттылығын арттыруға бағытталған.Ақпарат көзі : https://www.gov.kz/memleket/entities/astana/press/news/details/935480