Талдықорғанды жуық жылдарда қауіпсіз, жайлы, жасыл қала ретінде дамыту міндеті қойылған. Оны іске асыру үшін 2025-2026 жылдардың нақты жоспарлары жасалып, қала бюджеті 33 пайызға ұлғайтылды. Бұл туралы облыс әкімі Бейбіт Исабаевтың журналистерге берген сұхбаты барысында айтылды, - деп хабарлайды Жетісу облысы әкімінің баспасөз қызметі.Өңір басшысы өз сөзінде облыс орталығын дамытудың басым бағыттарына тоқталды. Бұл ретте қала тұрғындарының қауіпсіздігін қамтамасыз ету ісі алдыңғы орында тұр. Осы мақсатта қоғамдық тәртіпті қадағалайтын 585 бейнекамера және жол қауіпсіздігін қамтамасыз ететін 136 «Сергек» камерасын орнату межеленген. «Смарт Сити» форматы бойынша қаланың тіршілігін тәулік бойы бақылай алатын ситуациялық орталықты іске қосу жоспарда бар. Оған қоса көшелерді жарықтандыру да қолға алынады. Бүгінгі күні қаладағы 640 көшенің 420-сында ғана, яғни, 65 пайызына жарық орнатылған. Осыған орай жергілікті бюджеттен биыл көшелерді жарықтандыруға 3,5 млрд теңге бөлініп отыр. Соның арқасында бірқатар саяжайларда және «Хутор», «Шығыс» және басқа да аудандарда көшелер жарықтандырылады.Сонымен қатар қаланың өмір сүруге жайлы болуына да назар аударылады. Яғни халық баспанамен, жылумен, электрмен, сумен, газбен қамтамасыз етілуі керек. Мәселен, өткен жылы Талдықорғанда 1283 отбасыға баспана берілсе, биыл тұрғын үйге ие болатындардың саны 1500-ге жуықтайды деп жоспарланып отыр.Шаһардың көркі абаттандыруға тікелей байланысты. Сондықтан аулаларға воркаут алаңдарын салу, көп қабатты үйлердің шатырлары мен қасбеттерін жаңарту, арықтар мен арналарды қалпына келтіру жалғастырылады. Былтыр 28 көпқабатты үйдің шатырына жөндеу жұмыстары жүргізілген. Көппәтерлі 10 үйдің қасбеті жасалды. Биыл тағы 30 көпқабатты үйдің шатыры мен 32 үйдің қасбеті жөнделеді.- Қаладағы «Ұлан» ықшам ауданына отыз жылдан астам уақыт жөндеу жүргізілмеген. Ауданды абаттандыру мәселесін ұзақ талқылап, сараптама жасап барып, шешім қабылдадық. Сол арқылы тәжірибе қалыптасты. Енді кешенді түрде жұмыс істейміз. Былтыр алдымен 25 көп пәтерлі үйдің 5 ауласын жөндедік, қалған аулаларды биыл бітіреміз. Сондай-ақ «Ұлан» ықшам ауданындағы жөндеуді қажет ететін көп қабатты үйлердің шатырын жөндейміз. Содан соң «Жетісу» және «Жұлдыз» ықшам аудандарына ауысып, кешенді тәртіппен көгалдандыру жұмыстары жүргізіледі. Яғни, алдымен қаланың назардан тыс қалған шеткі аудандарын қамтимыз, - деді Б. Исабаев. Көгалдандыру жайына келсек, Талдықорғанда өткен жылы 10 мыңдай ағаш отырғызылса, биыл 12 мыңнан астам көшет егу көзделген. Қаланың «Құлагер» шағын ауданында аумағы 1,2 гектар болатын жаңа саябақ салу жоспарда бар. Ал «Бірлік» шағын ауданда жаңа сквер пайда болады. Сол сияқты ағаштар мен көгалдарды суару жүйесін реттеу қолға алынған. Бүгінге дейін шамамен 10 шақырымдай арық жүйесіне жөндеу жүргізілді, бұл жұмыс биыл да жалғасады. Оған қоса Орталық және «Жастар» саябақтарына ағымдағы жөндеу жасалады.Жетісу облысы әкімінің баспасөз қызметі. Фотографтар: Дмитрий Ерофеев, Олжас Құрмашев, сол сияқты бірқатар фотосуреттер облыс әкімі баспасөз қызметінің арихивінен алынды Ақпарат көзі : https://www.gov.kz/memleket/entities/zhetysu-oblysy/press/news/details/942232

Қарағандыда Мэрцишор көктемді қарсы алу мерекесін атап өту дәстүрге айналды. Биыл осы аттас румын мәдениетінің фестивалі он бірінші рет өткізіліп отыр. Өңірдің этноқоғамдарын біріктіретін мәдени шара Алғыс айту күніне орайластырылып, екі мерейтойлық күн – Қазақстан халқы Ассамблеясының 30 жылдығына және облыстық «Дакия» румын қоғамының 20 жылдығына арналған.«Мэрцишор-2025» фестивалі 28 ақпанда «Күш бірлікте» достық сабағынан басталады. Оқушылармен кездесу Қарағандыдағы № 2 лицейде өтеді.Бірінші наурыз Алғыс айту күні фестиваль ұйымдастырушылары қарағандылықтар мен қала қонақтарын Достық үйіне шақырады. Бағдарлама ауқымды: концерт, румындардың киімдері мен тұрмыстарын көрсету, кітап көрмесі және фотосушка. Фестивальдің қонағы – Молдова Республикасының еңбек сіңірген әртісі Ленуца Георгицэ. Танымал молдавиялық әнші ширек ғасырдан астам сахнада түрлі елдерде гастрольдік сапар шегіп келеді.Гала-концертте түрлі халықтардың әндері мен билері орындалады. «Доруле» ансамблі және басқа да этно-ұжымдар, сондай-ақ «Волшебная страна» және «Қуаныш» үлгілі хореографиялық ансамбльдері өнер көрсетеді.Мерекеге кіру тегін.Қарағандыда «Дакия» облыстық румын қоғамы 2005 жылдың сәуірінен бастап жұмыс істейді. Ұзақ жылдар бойы этнобірлестікті Николай Плушкис басқарған. Енді оның есімі «Мэрцишор» фестиваліне берілді.Ежелгі Мэрцишор мерекесі Молдова мен Румынияда атап өтіледі. Ол көп жағдайда Наурызға ұқсас және көктемнің басталуы мен жаңаруын білдіреді. Мерекеде бір-біріне ақ және қызыл түсті жіптен жасалған бутоньерлер тарту ету дәстүрге айналған. Қызыл түс өмір мен махаббатты, ақ түс – тазалық пен руханилықты білдіреді.Ақпарат көзі : https://www.gov.kz/memleket/entities/karaganda/press/news/details/941850

Биыл Қарағандыда көгалдандырылған кіреберіс пайда болады және жаяу жүргіншілердің мобильдік картасы жасалады. Қала тұрғындары үшін қолайлы жағдай жасауға бағытталған жобалардың аяқталуына баса назар аударылды.Биыл Қазыбек би атындағы ауданда үш маңызды нысанда абаттандыру жұмыстары аяқталады. Бұл К. С. Станиславский атындағы орыс драма театрының алдындағы алаң. Мұнда тірек қабырғасын қайта тұрғызып, ыңғайлы баспалдақ жасап, аялдамаларды алаңның шетіне ауыстыру арқылы ашық кеңістік жасалады. Тарихи көрінісі бар орындықтар, қоқыс салатын жәшіктер мен шамдар орнатылып, ағаш егіледі.Аудан әкімі Ералы Оспанов атап өткендей, бұл нысан тәжірибелік алаң болып табылады: мұнда алғаш рет табиғи граниттен жасалған тротуар плиткасы пайдаланылады.Сондай-ақ, Оңтүстік-Шығыстағы Сарыарқа көшесіндегі жаңа саябақта да кемшіліктер жойылып, жұмыстар аяқталады. Ал ең маңызды жоба – Бұқар жырау даңғылын абаттандыру, ол қала тұрғындары үшін ыңғайлы әрі тартымды болмақ.Биыл жаяу жүргіншілердің жайлы жүруіне ерекше назар аударылды. Жаяу жүргіншілердің мобильдік картасы әзірленіп, оның негізінде Оңтүстік-Шығыстың ең көп жүктелген бағыттары туралы деректер жатыр. Бірінші кезекте Шахтерлер даңғылындағы гүлбақты («БУМ» сауда үйінен № 3 емханаға дейін), сондай-ақ «Норма» дүкенінің жанындағы Бөкетов гүлбағын абаттандыру жоспарлануда. Жаяу жүргіншілер жолдары жаңартылып, жарықтандыру орнатылып, әлеуметтік маңызы бар нысандарға қол жетімділік қамтамасыз етіледі.Маңызды жобалардың бірі Алматы тас жолы жағынан - аркадан бастап православ шіркеуіне дейін қалаға көгалдандырылған кіреберіс салу болады. Жол бойында екі қатарға 2800 жуық ағаш егу жоспарлануда. Қазір топырақтың өсімдік егуге жарамдылығы туралы сарапшылардың қорытындысы күтілуде. Ағаш егу Үлкен Михайловка станциясындағы мектеп жанындағы ескі саябақта ағаштарды кесу үшін өтемдік көгалдандыру аясында да жүргізіледі.– Барлық өтемдік ағаш егулер қатаң бақылауда болады, – деп атап өтті аудан әкімі.Қазыбек би ауданында «Халық қатысатын бюджет» бағдарламасы бойынша биыл 61 жобаны іске асыпу жоспарланып отыр. Өтініштерді 10 наурызға дейін мына сілтеме бойынша беруге болады gov.kz/memleket/entities/karaganda-rayon-im-kazybek-bi. Бағдарлама бойынша аулалар мен гүлбақтарды жөндеу ғана емес, сонымен қатар жарықтандыру, тұрақ және субұрқақтарды орнату да қаржыландырылады. Билік тұрғындарды жайлы қалалық ортаны қалыптастыруға белсенді қатысуға шақырады. Ақпарат көзі : https://www.gov.kz/memleket/entities/karaganda/press/news/details/941866

Қостанай ауданының Александров мектебінің 10 сынып оқушысы Виктор Рыжков өзінің мұғалімі Виталий Базаркиннің басшылығымен су тасқыны кезінде су деңгейі күрт көтерілген жағдайда көпірлердің бұзылуын болдырмау үшін «Smart Bridge» инновациялық жобасын әзірледі.Виктордың айтуы бойынша, бұл идея оған 2024 жылғы көктемде өзінің туған Қостанай ауданында және Қазақстанның басқа да өңірлерінде айтарлықтай шығындарға әкеп соққан су тасқыны кезінде туындаған.«Smart Bridge» - судың шекті деңгейіне жауап беретін датчиктер мен Arduino бағдарламаланатын микроконтролер арқылы көпірді көтеретін  автоматтандырылған жүйе болып табылады.«Менің мақсатым — адамдар мен инфрақұрылымның су тасқынына дайын болуына көмектесетін жүйені құру. Жоба бірнеше кезеңнен өтті, көтеру тетігін таңдауда қиындықтарға тап болдық, бірақ идеямызды сәтті жүзеге асыра алдық», деп атап өтті Виктор Рыжков.Жүйенақтыжағдайлардақолдануүшінжоғарыәлеуеттікөрсетіп отыр.БолашақтаВикторкөпірді кезең-кезеңімен көтерумүмкіндігін,сондай-ақ арнайықызметтергехабарламалардыавтоматты түрде жіберуүшінрадио модуль интеграциясынқосу арқылы модельдіжетілдірудіжоспарлап отыр,бұл арнайы қызметтерге жағдайдың өзгеруінежеделжауап беруге мүмкіндік береді деп күтілуде.Жоба қазірдің өзінде «Техническое конструирование в области промышленности» номинациясы бойынша «Первый шаг к великому изобретению» Республикалық инновациялық идеялар байқауында бірінші орынға ие болды.Ақпарат көзі : https://www.gov.kz/memleket/entities/kostanay/press/news/details/941270

Жетісу облысында қазіргі кезде газдандыру деңгейі 56,5% құрайды, яғни 63 елді мекен газдандырылды. Ал биылғы жылдың қорытындысы бойынша тағы 63 жобаны іске асырудың арқасында газдандыру деңгейі 71,4% жетеді. Осылайша 500 мыңнан астам тұрғыны бар 126 елді мекен газға қол жеткізеді. Бұл туралы облыс әкімі Бейбіт Исабаев «Jetisy» телеарнасы студиясында облыстық БАҚ өкілдеріне берген кеңейтілген сұхбаты барысында айтты, - деп хабарлайды Жетісу облысы әкімінің баспасөз қызметі.- Облыс қайта құрылған кезде 5 елді мекенге ғана газ жеткізілген, яғни газдандыру көрсеткіші 29 % болған. Биыл газбен қамтамасыз етілген елді мекендер саны 63-ке жетіп, тұрғындарды газдандыру көрсеткіш 56,5% құрады. Мемлекет басшысының тапсырмасын орындау аясында жылдың соңына дейін тағы 63 елді мекен газға қосылады, соның ішінде 45 жобаның жұмыстары қазір жүріп жатыр, 18-інің жобалық-сметалық құжаттары дайын. Осы аталған жобалар іске асырылғаннан кейін биылғы жылдың қорытындысы бойынша 500 мыңнан астам тұрғыны бар 126 елді мекенге газ жеткізіп, халықты газдандыру деңгейі 71,4 % болады. Оған қоса «Талдықорған – Үшарал» бағытындағы газ құбырының құрылысын былтыр бастадық. Ол биылғы жылдың соңына дейін бітеді. Ақсу, Сарқан, Алакөл аудандарының 66 елді мекенін газдандыру бойынша жобалық-сметалық құжаттама әзірленіп жатыр. Магистраль құрылысы біткеннен кейін газ тарту жұмыстарына кіріседі. Соның нәтижесінде 192 елді мекен газдандырылып, облыстың 624 мыңнан астам тұрғыны немесе халықтың 91 пайызы газға қол жеткізеді, - деді Б. Исабаев.Ал газ құнын қостыруға қатысты мәселенің өңір басшысы осыдан бір жарым жыл бұрын қолға алынғанын айтты. Газ қосу құнының жоғарылығының себебін зерделеп қарағанда, газ қосу нарығында 1-2 компания монополист болып отырғаны байқалған. Дегенмен қабылданған шаралардың арқасында бәсекелестік ортаны дамыту арқылы газ қостыру құнын қазандық пен қажетті жиынтықтарды қоспағанда 170-175 мың теңгеге дейін төмендетуге мүмкіндік туды (газ құбырының ұзындығы 25 метрге дейін). Оған қоса, бір жарым жылдың ішінде 1600 газ қазандығын сатып алуға 500 миллион теңге бөлінді, тұрғындарға қазандықтың төлемін 10 айға дейін бөліп төлеуге жеңілдікті жағдай жасалып отыр. Жетісу облысы әкімінің баспасөз қызметі.Фотограф: Жеңіс Ысқабай, сол сияқты фотосуреттероблыс әкімі баспасөз қызметінің архивінен алынды. Ақпарат көзі : https://www.gov.kz/memleket/entities/zhetysu-oblysy/press/news/details/941317

Бүгін облыс әкімі Бейбіт Исабаев өңірдегі қоғамдық кеңестің жаңадан қалыптастырылған құрамымен кездесіп, өткен жылдың қорытындылары мен бірлескен жоспарларын талқылады, - деп хабарлайды Жетісу облысы әкімінің баспасөз қызметі.Мемлекет басшысы Қасым-Жомарт Тоқаев атап өткендей, қоғамдық кеңестер мемлекет пен қоғам арасындағы байланысты нығайтатын маңызды құрал екенін тілге тиек еткен облыс басшысы қоғамдық кеңестің жұмысын өзекті әлеуметтік, экономикалық және қоғамдық мәселелердің айналасына шоғырландырудың маңыздылығы туралы ойын жеткізді. Бұл ретте қоғамдық кеңес аталған мәселелерді зерттеп, талдап, өз ұсыныстары мен пікірлерін енгізуі пайдалы болмақ.- Сіздерді жергілікті атқарушы органдармен тығыз ынтымақтастықта жұмыс істеуге шақырамын. Біздің тарапымыздан қоғамдық кеңестердің әлеуетін арттыру және еңбек ету үшін қолайлы жағдайлар жасау мақсатында қажетті қолдау көрсетіледі. Мәслихат депутаттарын, қоғамдық кеңес мүшелерін, жергілікті атқарушы органдарды – бәрімізді ортақ басты мақсат біріктіреді, ол – Президенттің жүргізген реформаларын іске асыруды жалғастырып, құқықтық мемлекет, әділ қоғам орнату және халықтың өмір сүру сапасын жақсарту. Сондықтан сіздермен ашық, әділ, конструктивті диалог жасай отырып, өзара тең дәрежеде қоян-қолтық жұмыс істеуіміз керек - деген Б. Исабаев Қоғамдық кеңес мүшелеріне өткен жылдық қорытындылары мен алдағы жоспарлар жайлы қысқаша баяндап берді. Халықтың алдындағы жауапкершілікті сезіне отырып жұмыс атқарудың нәтижелі болатынына сенім білдірді.Өз кезегінде Қоғамдық кеңестің төрағасы Әсет Қыдырманов, «Ерлік» тірек-қимыл қозғалысы кем мүгедектер қоғамдық бірлестігінің төрайымы Роза Ақжаркенова, облыстық Азаматтық альянс президенті Дәния Қыдырбаева, «Мейірімді Жетісу» волонтерлік фронт-офисінің жетекшісі Шырай Саматқызы және Қоғамдық кеңестің басқа да мүшелері ойларын ортаға салды. Олар Қоғамдық кеңес оның әрбір мүшесі үшін үлкен мектеп, жаңа тәжірибе екенін айта келе, өзара әріптестік қатынастардың жаңа кезеңінде халықтың сеніміне сай және ұсыныс-тілектерін негізге ала отырып жұмыс істейтіндерін айтты.Еске салсақ, облыстық қоғамдық кеңес жаңа құрамда жұмысын 32 мүшесімен бастады. Кеңес құрамы 72% жаңартылды. Олардың 84,4 % - азаматтық қоғамның өкілдері, яғни оның ішінде үкіметтік емес ұйымдардың, бизнес қауымдастықтың, саяси партиялардың, кәсіподақтың, этно-мәдени орталықтардың, БАҚ-тың, білім беру саласының өкілдері де бар. Жетісу облысы әкімінің баспасөз қызметі.Фотограф: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/941797

Бүгін облыс әкімі Бейбіт Исабаев Өзбекстан Республикасының Қазақстандағы Төтенше және Өкілетті Елшісі Бахтиер Ибрагимовпен кездесті. Тараптар екіжақты ынтымақтастықтың мүмкіндіктері мен әлеуеті жайлы мәселелерді талқылады, - деп хабарлайды Жетісу облысы әкімінің баспасөз қызметі.Ресми делегацияны жылы қарсы алған өңір басшысы Жетісу облысының әлеуметтік-экономикалық дамуының негізгі бағыттары жайлы қысқаша айтып берді.- Жетісу - аграрлық аймақ. Біз қант қызылшасы, жүгері, бидай, майлы дақылдар, ет, сүт сияқты өзімізде өндірілетін ауыл шаруашылығы өнімдерінің 65%-ын өңдейміз. Облысымыздың өндірістік әлеуеті жақсы. Біз кремний, шойын, қорғасынды-қышқылды аккумулятор батареяларын, темірбетон бұйымдарын, мәрмәр үгінділерін, шифер және басқа да тауарларды экспорттаймыз. Сонымен қатар Жетісу облысы тиімді геостратегиялық және геоэкономикалық жағынан ерекшеленеді. Жетісу - Қытаймен арадағы шекарада 5 кеден бекеті бар республикадағы жалғыз өңір. Батыс Еуропа – Батыс Қытай трансконтинентальды автобаны біздің территория арқылы өтеді. Сондай-ақ біздің аумағымызда «Қорғас – Шығыс қақпасы» арнайы экономикалық аймағы және «Қорғас» шекара маңы ынтымақтастығы халықаралық орталығы орналасқан. Туризм саласында да үлкен әлеуетіміз бар. Яғни Алакөл, Балқаш көлдерінің жағалауы, сол сияқты экологиялық және тау туризмі де белсенді дамып келеді. Жалпы өңірде агроөнеркәсіптік кешенді дамыту, көлік және логистика, туризм, баламалы энергетика және өнеркәсіп - жалпы 5 стратегиялық бағытта инвесторлар тарту жұмыстары жүргізілуде, - деді Б.Исабаев.Өз кезегінде Бахтиер Ибрагимов жылы кездесу үшін алғысын білдіріп, екіжақты қарым-қатынастарды одан әрі кеңейтудің мүмкіндіктерін атап өтті. Сол сияқты Өзбекстанды дамытудағы басымдықтардың бірі саналатын туризм саласында тәжірибе бөлісуге дайын екенін жеткізді. Сондай-ақ елші мырза Жетісудан ет экспорттауға қызығушылық танытты.Сонымен қатар өңірлік ынтымақтастықтың алдағы мүмкіндіктерін талқылай отырып, тараптар бұл таныстық кездесу экономикалық, сауда және мәдени байланыстарды нығайтуға ықпал ететініне сенім білдірді.Жетісу облысына жасаған сапары барысында Өзбекстанның Төтенше және Өкілетті Елшісі бастаған ресми делегация Талдықорғанда бизнес-қауымдастықпен кездесті, ал ертең «Қорғас – Шығыс қақпасы» АЭА, «Қорғас» ШЫХО, сондай-ақ «Нұр жолы» автомобиль өткізу пунктінің жұмысымен танысады.Атап өтсек, 2024 жылдың қорытындысы бойынша Жетісу облысы мен Өзбекстан арасындағы тауар айналымы 17 млн. АҚШ доллары көлемінде. Жетісу облысы әкімінің баспасөз қызметі. Фотограф: Дмитрий ЕрофеевАқпарат көзі : https://www.gov.kz/memleket/entities/zhetysu-oblysy/press/news/details/941806

Қазақстан халқы Ассамблеясының 30 жылдығы аясында Ақтөбеде «Бірлік пен келісімнің 30 жылы» атты республикалық конференция өтті.Конференцияға Қазақстан халқы Ассамблеясы төрағасының орынбасары Марат Әзілханов, облыс әкімі Асхат Шахаров, сондай-ақ Қазақстан халқы Ассамблеясы жанындағы Республикалық этномедиация кеңесінің мүшелері, Атырау, Батыс Қазақстан және Маңғыстау облыстарынан келген делегаттар, өңірлік Ассамблея өкілдері, құқыққорғау және мемлекеттік органдардың қызметкерлері қатысты.Қазақстан халқы Ассамблеясы төрағасының орынбасары Марат Әзілханов конференция қатысушыларын Ассамблеяның 30 жылдығымен құттықтап, осындай ауқымды шараны ұйымдастырғаны үшін Ақтөбе облысының Ассамблея мүшелеріне алғыс білдірді.Сонымен қатар, ол Ассамблеяның 30 жылдығына арналған іс-шаралар жоспарымен бөлісті. 1 наурыз – Қазақстан халқы Ассамблеясының құрылған күні республикалық форум өтеді. Оның аясында «Бейбітшілік және келісім» сарайында дөңгелек үстел отырысы ұйымдастырылады, елдің барлық өңірлеріндегі Достық үйлерінде аймақтық форумдар өткізіледі. Бұдан бөлек, көмекке мұқтаж жандарға қолдау көрсету мақсатында «Қайырымдылық керуені» акциясы ұйымдастырылып, Ассамблея ардагерлерін марапаттау, фестивальдер, көрмелер мен концерттер өткізу жоспарлануда.Облыс әкімі конференция қатысушыларын құттықтап, Қазақстан халқы Ассамблеясының қоғамдағы маңызын атап өтті.«Қазақстан халқы Ассамблеясының 30 жылдығы – біздің ортақ өміріміз бен дамуымыздың негізі болған үйлесім мен бірліктің белгісі. Ассамблея – тұрақтылығымыздың, достыққа негізделген этносаралық қарым-қатынастар мен азаматтық келісімнің алтын діңгегі. Ол қоғамдағы бейбітшілік пен тыныштықты нығайтуға белсенді ықпал етіп қана қоймай, сондай-ақ елдегі барлық этнос арасындағы өзара түсіністік пен құрметтің тереңдеуіне ықпал етіп келеді. Ақтөбе облысында 950 мыңнан астам адам тұрады, олардың 85%-ын қазақтар, ал 15%-ын түрлі этнос өкілдері құрайды. Өңірде 90-нан астам этнос өкілі өмір сүреді, оның әрқайсысы өзін осы ұлы да біртұтас елдің ажырамас бөлігі ретінде сезінеді.Қазақстан халқы Ассамблеясының ұлттық бірлікті нығайтудағы және қоғамдық келісімді сақтаудағы рөлі баға жетпес. Бұл – түрлі этнос пен мәдениет өкілдері арасындағы өзара түсіністік, сыйластық пен достықты нығайтуға белсенді түрде ықпал ететін қуатты институт», – деді өңір басшысы.Конференция барысында қатысушылар этномедиация саласындағы тәжірибелерімен бөлісіп, оны одан әрі дамыту, жүйелеу және этносаралық келісімді нығайту жолдарын талқылады.Конференция қорытындысы бойынша этномедиация саласындағы өңіраралық ынтымақтастықты дамыту жөнінде өзекті ұсынымдар әзірленді. Бұл ұсыныстар қазіргі тәжірибелерді жақсартуға ғана емес, сонымен қатар еліміздегі этносаралық келісім мен әлеуметтік тұрақтылықты одан әрі нығайтуға ықпал ететін болады.Ақпарат көзі : https://www.gov.kz/memleket/entities/aktobe/press/news/details/941434

Іс-шара барысында Ассамблеяның 30 жылдығына дайындық, қоғамдық жобаларды іске асыру, сондай-ақ белсенділердің елдегі бірлік пен келісімді нығайтуға қосқан үлесіне байланысты мәселелер қаралды.Кездесуге қатысушылар ҚХА-ның этномәдени бірлестіктері мен қоғамдық құрылымдарының қызметін жетілдіру бойынша пікір алмасып, одан әрі өзара іс-қимыл перспективаларын талқылады.Ақпарат көзі : https://www.gov.kz/memleket/entities/aktobe/press/news/details/941785

 Ақтөбе облысының әкімі Асхат Шахаров және ҚХА Төрағасының орынбасары Марат Әзілханов заманауи құрал-жабдықтармен қамтылған орталықтың алғашқы қонақтары болды. Меймандар тілек тақтасына лебіздерін жазып, жастарға сәттілік тіледі. Жаңа коворкинг орталығы Қазақстан халқы Ассамблеясының 30 жылдығы аясында жұмысын бастады. 72 шаршы метрлік бөлмеде жастардың жан-жақты дамуына қажетті барлық техника бар, кітап сөресі қазақтың ақын-жазушыларының шығармаларымен толықтырылыпты. Ән айтып, күй тартуды жақсы көретін жастар үшін түрлі аспаптар қойылған. Пікірталас алаңы да жасалған.Коворкинг орталық ашу туралы бастаманы «Ассамблея жастары» бірлестігінің мүшесі Данил Цой облыстық Ассамблеяның өткен сессияларының бірінде өңір басшысы алдында көтерген еді. Жалынды жастың ұсынысына Асхат Шахаров қолдау білдірді.Мұнда жастар бір-бірімен тығыз байланыс орнатып, ұлттық бірлік, бейбітшілік пен достық құндылықтарын насихаттап, сондай-ақ түрлі этникалық топтар арасында өзара түсіністікті нығайтып, жаңа идеяларын жүзеге асыруға ниетті. Олар ұсыныс-тілектерін Асхат Шахаров және Марат Әзілхановпен кездесуінде де тілге тиек етті.Өңір басшысы өз сөзінде қоғамда пікірі бар жастардың артқанын алға тартып, оларды әрқашан қолдайтынын алға тартты. Жаңа коворкинг орталығы жастардың елге пайдалы бастамаларын жүзеге асыруына серпін беретініне сенім білдірді.«Ассамблея жастары» республикалық қоғамдық бірлестігінің облыстық филиалына 300-ге жуық жас мүше, оның ішінде 70-тей жас – Ақтөбе қаласында. Ассамблеяның «Жаңа толқын» арнайы жобасы аясында жастардың жобалары мен бастамаларын қолдау мақсатында жоғары және арнаулы оқу орындарында студенттік ассамблеялар құру қолға алынды, бүгінгі күнге дейін қызмет етіп келе жатырған «Достық» клубтарының құрылымы кеңейіп, жұмыс бағыттары өзгерді.Былтырғы жылы Мемлекет басшысының сессия отырысында берген тапсырмасына сәйкес, этномәдени бірлестік басшыларының жаңа жас орынбасарлары тағайындалып, облыстық Ассамблеядағы жастардың жалпы үлесі 22%-ға артты.Ақпарат көзі : https://www.gov.kz/memleket/entities/aktobe/press/news/details/941788

Қарағандыда 22 ақпанда жаппай шаңғы жарысы өтеді. Спорттық шара Қазақстан халқы Ассамблеясының 30 жылдығына арналған. Барлық ниет білдірушілер – оқушылардан бастап зейнеткерлерге дейін қатыса алады."Өтініштер wintersport_kz@mail.ru электрондық поштасына және WhatsApp 8-708-972-80-57 нөміріне қабылданады. Бір айналым – 1,5 км", – деп хабарлады Дене шынықтыру және спорт басқармасы.Жарыс бағдарламасы жеті жүгіруден тұрады: үшеуі – 4-сыныптан 11-сыныпқа дейінгі мектеп оқушылары арасында, екеуі – колледждер мен ЖОО студенттері арасында, сондай-ақ ерлер мен әйелдер, ардагерлер арасында жеке жарыстар болады.Қатысушылар Қарағанды орталық саябағында «Green City Park» тұрғын үй кешені жағынан үшінші шағын көлдің жанында жиналады. Жарыс сағат 12:00 басталады.Ақпарат көзі : https://www.gov.kz/memleket/entities/karaganda/press/news/details/940932

Қарағанды мен Теміртауда жұмысқа орналасқысы келетін тұрғындар үшін бос жұмыс орындары жәрмеңкесі ұйымдастырылады.Облыстың еңбек ұтқырлығы орталығы жұмыссыз қарағандылықтарды 21 ақпанда сағат 12:00 Бұқар жырау даңғылы, 9 мекен-жайы бойынша орналасқан жоғары политехникалық колледжге шақырады.Байланыс телефондары: 60-50-50, Whatsapp: (8-775) 644-35-80.Жұмыс іздеп жүрген теміртаулықтарды 20 ақпанда сағат 16:00-де Чайковский көшесі, 2/1 мекенжайындағы Жастар орталығында күтеді.Телефон: (8-7213) 91-64-20.Жәрмеңкелерде облыс кәсіпорындары сұранысқа ие жұмыс орындарын ұсынады. Олардың ішінде дәнекерлеуші, электрик, сатушы, кассир, жүргізуші және т. б. бос орындар бар. Ізденушілер жұмыс тауып, түрлі мемлекеттік органдардың өкілдерінен кеңес ала алады.Жұмысшы мамандықтар жылы шеңберінде ұйымдастырылған бос жұмыс орындары жәрмеңкесінің мақсаты жұмыс беруші мен ізденуші арасындағы тікелей байланыс арқылы жұмыссыздарды жұмысқа орналастыруға жәрдемдесу болып табылады.Бүгінгі таңда Қарағанды облысы бойынша enbek.kz электрондық еңбек биржасында 3 мыңнан астам бос жұмыс орны қолжетімді.Ақпарат көзі : https://www.gov.kz/memleket/entities/karaganda/press/news/details/940946

Жол-көлік оқиғаларының алдын алу және жол қозғалысын бақылауды күшейту мақсатында 18–21 ақпанда Қарағанды облысының полиция департаменті «Қауіпсіз жол» республикалық жедел алдын алу іс-шарасын өткізеді, деп хабарлайды Polisia.kz.Бұл күндері аймақ жолдарында полиция жасақтары көп болады. Полиция қызметкерлері еріктілермен және қоғам өкілдерімен бірлесіп, жүргізушілерге ғана емес, жаяу жүргіншілерге де ерекше назар аудара отырып, рейдтер өткізеді.Бұдан басқа, қоғамдық көліктер – автобустар мен таксилер тексеріледі, сондай-ақ шетелдік тіркелген автомобиль жүргізушілерінің тәртібіне бақылау күшейтілді.Қабылданған шараларға қарамастан, жыл басынан бері облыс аумағында 44 жол-көлік оқиғасы тіркелген. Жол-көлік оқиғасы салдарынан 5 адам қаза тауып, 58-і түрлі жарақаттар алған. Патрульдік полиция қызметкерлері жол қозғалысы ережелерін бұзудың 15 850 оқиғасын тіркеді, оның ішінде 83 көлік құралын мас күйінде жүргізу оқиғасы бар. Ақпарат көзі : https://www.gov.kz/memleket/entities/karaganda/press/news/details/941286

15 жас суретшінің 30-дан астам жұмысы "Дала. Көшпенділер" атты көрме өтеді. Экспозиция 20 ақпанда сағат 16:00 ашылады.Көрме – көшпенділердің дәстүрлері мен олардың қазіргі қоғамға ықпалы туралы ойланатын алаң. Қарағандылық жас суретшілер өз шығармашылықтарымен көшпелі халық өмірінің тарихы мен философиясы туралы әңгімелейді.Көрмеде түрлі жанрдағы және түрлі қырлы жұмыстар: пейзаждар, портреттер, графика, абстрактілі суреттер, тоқыма бұйымдары ұсынылады.Экспозиция 2 наурызға дейін жалғасады.Мұражайдың мекен-жайы: Бұқар жырау даңғылы, 76.Жұмыс уақыты: жұмыс күндері – 10:00-ден 18:00-ге дейін, демалыс күндері - 10:00-ден 17:00-ге дейін.Анықтама телефоны: (8-7212) 475-475.Ақпарат көзі : https://www.gov.kz/memleket/entities/karaganda/press/news/details/941310

Алматыда олимпиада чемпионы және еңбек сіңірген спорт шебері Ермахан Ыбырайымовтың жүлдесі үшін қыздар арасында бокстан VII Халықаралық турнир аяқталды. Қарағанды облысынан он спортшы қатысып, оның бесеуі медальмен оралды.Турнирге Моңғолия, Қытай, Қырғызстан, Өзбекстан және Қазақстанның 19 өңірінен 270-тен астам спортшы қатысты.Қарағанды облысының намысын 15–18 жас аралығындағы он бойжеткен қорғады.Олардың екеуі – Шахтинск қаласында тұратын апалы-сіңлілі Аяулым мен Камила Оспановалар 63 кг және 70 кг дәрежесінде алтын медальға ие болды. Қарағандылық Алина Құдайгенова 60 кг және Айдана Убайдоллақызы 80 кг салмақта күміс медаль алды. Үшінші орын 48 кг санатында өнер көрсеткен қарағандылық Айжан Мұратқа бұйырды.– Турнир біз үшін жақсы өтті. Қыздар айтарлықтай бәсекелестікке қарамастан лайықты нәтиже көрсетті, – деп атап өтті Қарағанды облыстық бокс федерациясының персонал және жалпы мәселелер жөніндегі бас менеджері Айгүл Байманова.Қазір біздің спортшылар бірден бірнеше маңызды жарысқа – бокстан Латвиядағы халықаралық чемпионатқа, Қазақстан мен Азия чемпионаттарына дайындалуда.Ақпарат көзі : https://www.gov.kz/memleket/entities/karaganda/press/news/details/941353

Қарағанды облысының Бұқар жырау және Осакаров аудандарында пилоттық режимде «Қайта бастау» жобасы іске қосылды. Оның мақсаты – несие бойынша қарызы бар адамдарға көмек көрсету.«Қайта бастау» жобасы аясында қарызы бар адамдар үшін қаржылық сауаттылық сабақтары өткізіледі, тұрақты жұмыс табуға және банктерден қарызды қайтарудың жеке және жайлы шарттарын алуға көмектеседі.Бұл бағдарламаға 90 және одан көп күн қарызы бар қарыз алушылар қатыса алады. Бұл ретте қарыз сомасы маңызды емес. Алайда, егер адамның түрлі банктер мен микроқаржы ұйымдарынан бірнеше қарызы болса, онда оған қатысуға жол берілмейді.Жұмыспен қамту және әлеуметтік бағдарламалар бөлімдері қатысушылармен жеке шарттар жасасады, онда күрделі қаржылық жағдайдан шығу үшін қажетті барлық қадамдар жазылады.Бірінші кезекте қаржылық сауаттылық курсынан өту керек. Оны Amanat партиясының «Қарызсыз қоғам» жобасы бойынша өткізеді. Онлайн да, офлайн форматында да айналысуға болады.Содан кейін, егер қажет болса, борышкерге жұмысқа орналасуға көмектеседі. Бұл үшін облыста табысты жұмыс істейтін бірнеше әлеуметтік бағдарламалар іске қосылады. Олардың ішінде әлеуметтік жұмыс орындары, жастар практикасы, «Ұрпақтар келісімшарты», «Күміс жас» және «Алтын жас» жобалары, қоғамдық жұмыстар мен бизнес-идеяларды іске асыруға арналған гранттар бар.«Қайта бастау» жобасының қорытынды кезеңі – банктен немесе микроқаржы ұйымынан кредитті өтеудің жеке шарттарын алу. Оған оқудан өткен және жұмыс тапқан қатысушыларға жұмыспен қамту және әлеуметтік бағдарламалар бөлімдерінің мамандары көмектеседі.«Қайта бастау» жобасының қатысушысы болу үшін ауылдық округ әкімдігіне немесе жұмыспен қамту және әлеуметтік бағдарламалар бөлімдеріне жүгіну қажет.Байланыс телефондары:Осакаров ауданының жұмыспен қамту және әлеуметтік бағдарламалар бөлімі – (8-7214) 94-13-74;Бұқар жырау ауданының жұмыспен қамту және әлеуметтік бағдарламалар бөлімі – (8-7215) 42-10-38;Қарағанды облысының жұмыспен қамтуды үйлестіру және әлеуметтік бағдарламалар басқармасы – (87212) 43-16-75. Ақпарат көзі : https://www.gov.kz/memleket/entities/karaganda/press/news/details/941382

18 ақпанда облыс әкімі Нұрдәулет Қилыбайдың төрағалығымен Маңғыстау облысының төтенше жағдайлардың алдын алу және жою жөніндегі комиссия отырысы өтті. Басқосуда 2025 жылғы көктемгі су тасқыны кезеңінде елді мекендер мен автомобиль жолдарын қорғау шаралары, су өткізу құрылыстары мен дренаж жүйелерінің дайындығы пысықталды.Отырыста облыстық жолаушылар көлігі және автомобиль жолдары басқармасының басшысы Адайбек Қалиев өңірдегі республикалық және жергілікті маңызы бар автомобиль жолдарының қорғалуы туралы баяндады. Оның айтуынша, су тасқынына қарсы шараларға 65 техника жұмылдырылып, 80 тонна бензин мен дизель отынының қоры дайындалды. Сонымен қатар, көлік қызметіне 9 құралым, 200 автокөлік және 300-ге жуық жеке құрам тартылған. Төтенше жағдай қаупі туындаған жағдайда 4 000-нан астам адамды тасымалдауға мүмкіндік бар.Облыстық ТЖД бастығының орынбасары Александр Алексеевтың айтуы бойынша өңірдің климаттық ерекшеліктеріне байланысты су тасқыны қаупі төмен. Дегенмен, алдын алу шаралары қазірден басталып кеткенін атап өтті.- 2025 жылға су тасқынының алдын алу және зардаптарын жою мақсатында 1 800 тоннадан астам инертті материал, 4 200 қап және 150 тоннадан астам жанар-жағармай қоры дайындалды. Сондай-ақ, төтенше жағдай кезінде зардап шеккен азаматтарды тамақтандыру үшін 50 келісім жасалды. Қажет болған жағдайда оларды жатын орындармен және жеткілікті көлемде төсек орын жабдықтарымен қамтамасыз етеміз, — деді Александр Алексеев.Жиын барысында Маңғыстау ауданының әкімі Ғалымжан Ниязов Жармыш ауылынан батысқа қарай 1 шақырым жерде орналасқан «Сарықабақ» гидротехникалық құрылысына күрделі жөндеу жүргізіліп жатқанын мәлімдеді. Бұл бөгет ауылға жақын таулардан ағатын жауын-шашын, жер асты және бұлақ суларын жинақтауға арналған.- Жармыш ауылы тұрғындарының қауіпсіздігін қамтамасыз ету мақсатында бөгетті жаңарту жұмыстары қолға алынды. Қазіргі таңда 17,6 гектар аумақты қамтитын құрылыс қарқынды жүріп жатыр. Нысанның құрылыс-монтаждау жұмыстарын биыл толықтай бітіруді жоспарлап отырмыз, — деді Ғалымжан Ниязов.Жиынды қорытындылаған облыс әкімі Нұрдәулет Қилыбай жауапты органдарға көктемгі су тасқыны кезеңіне дайындық жұмыстарын күшейтуді тапсырды.Көктемгі су тасқынының алдын алу – өңіріміз үшін маңызды міндеттердің бірі. Барлық жауапты мекемелер дайындық жұмыстарын күшейтіп, төтенше жағдайлардың алдын алу шараларын қатаң бақылауда ұстауы тиіс, — деді облыс әкімі Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/941410

 Бүгін жұмыс сапарымен Павлодар облысына Денсаулық сақтау вице-министрі Тимур Мұратов келді. Сапар барысында ол Ақсу қалалық ауруханасының жұмысымен танысып, халықпен кездесу және балалар шығармашылығы үйінде жеке мәселелері бойынша азаматтарды қабылдау өткізді.Жеке қабылдау барысында вице-министр көп балалы ер адамның өтінішін қарады, ол ұлына операция жасауға жәрдемдесу туралы өтініш білдірді. Сондай-ақ, баланың анасы Астана қаласында атопиялық дерматит бойынша мамандандырылған ем алу үшін квота беруді сұрады. Вице-министр осы мәселелердің әрқайсысы бойынша егжей-тегжейлі түсініктеме беріп, олардың шешімдері оның жеке бақылауына алынғанын атап өтті.Журналистермен кездесуде өңірлік және республикалық маңызы бар мәселелер көтерілді. БАҚ қозғаған маңызды мәселелердің бірі медицина қызметкерлерін кәсіби сақтандыруға қатысты болды. Бүгінгі таңда Павлодар облысының 35 мемлекеттік медициналық мекемесінің 32-сі медицина қызметкерлерін сақтандыру шарттарын ресімдеді. Бұл мәселе жергілікті денсаулық сақтау басқармасының бақылауында.Сонымен қатар, кездесу барысында медициналық анықтамалардың электрондық форматқа, оның ішінде еңбекке жарамсыздық парақтарына көшуі, өңірдегі кезектілік және кадр тапшылығы мәселелері,Денсаулық сақтау министрлігі осы бағытта қандай шаралар қабылдап жатқаны сияқты жаңалықтар талқыланды.Ертең, 19 ақпанда вице – министр өңірдің бірқатар медициналық нысандарына, оның ішінде №1 Павлодар қалалық ауруханасы мен облыстық балалар ауруханасына баруды, сондай-ақ өңірдің денсаулық сақтау саласын дамытудың өзекті мәселелері мен перспективаларын талқылау үшін облыстың медициналық ұйымдарының басшыларымен кездесу өткізуді жоспарлап отыр.Ақпарат көзі : https://www.gov.kz/memleket/entities/dsm/press/news/details/941357

Шымкентте «Таза Қазақстан» республикалық экологиялық бағдарламасы аясында тазалық жұмыстарымен қатар экологиялық мәдениетті қалыптастыруға арналған оқу-ағарту бағытындағы арнайы іс-шаралар ұйымдастырылып келеді.Бағдарлама аясында қаланың білім беру ұйымдарында қоршаған ортаны қорғауға арналған арнайы білім мен тәрбие беру жұмыстарына ерекше көңіл бөлініп, түрлі іс-шаралар өткізілуде.Атап айтқанда, мектептерде, колледждер мен жоғары оқу орындарында экология тақырыбына арналған ашық сабақтар, танымдық кездесулер және экоакциялар ұйымдастырылуда.Сондай іс-шаралардың бірі бүгін Шымкенттегі №35 орта мектеп пен №72 орта мектепте өтті. Онда оқушылар экологиялық мәдениетті дамытуға бағытталған арнайы іс-шараларға қатысты.Одан бөлек, М. Әуезов атындағы ОҚЗУ-де «Сана тазармай – қала тазармайды» атты жастарға арналған арнайы экологиялық акция өтті. Бұл іс-шараға ЖОО студенттері, белсенді жастар мен экология саласының мамандары қатысып, экологиялық мәселелер мен оларды шешу жолдары талқыланды.Білім беру ұйымдарында өткізілген кездесулер барысында белсенді жастар мен арнайы шақырылған қонақтар сөз сөйлеп, оқушылар мен жастарды экологиялық мәселелерге ерекше көңіл бөлу, олардың табиғатқа деген құрметі мен сүйіспеншілігін арттыру, болашақта экологиялық жауапкершілігі жоғары қоғам құруға үлес қосуға шақырды.Іс-шараларды ұйымдастыруға білім беру мекемелері, жастар ресурстық орталығы мен қоғамдық ұйымдар атсалысты.«Таза Қазақстан» бағдарламасының мақсаты - тұрғындар мен жастарды жалпықалалық экологиялық іс-шараларды ұйымдастыруға және өткізуге, қоршаған ортаны қорғауға белсенді қатысуға тарту. Қала тұрғындары мен жастарының экологиялық мәдениеті мен санасын қалыптастыру және жетілдіру, экологиялық таза өмір салтын насихаттау.Ақпарат көзі : https://www.gov.kz/memleket/entities/shymkent/press/news/details/941245

Таиландтың Бангкок қаласында өтіп жатқан нысана көздеуден Азия Кубогында ел спортшылары үздік нәтижелерге қол жеткізді. Қазіргі таңда спортшыларымыз 17 медаль жеңіп алып, жалпыкомандалық есепте бірінші орынға шықты. Ел қоржынында 7 алтын, 6 күміс және 4 қола жүлде бар.Ұлттық құрама сапында Шымкент қаласының спортшылары 6 алтын, 4 күміс және 2 қола жүлдеге ие болды. Атап айтқанда, Юрий Юрков (50 м, винтовкамен жатып ату), Елизавета Безрукова (10 м, пневматикалық винтовка микст), Никита Шахторин (10 м, пневматикалық винтовка), Рамазан Ынтықбай (10 м, тапанша) және жасөспірімдер арасында Олег Носков (10 м, пневматикалық винтовка) жеңімпаз атанды.Ирина Юнусметова, Малика Сейіл, Сәуле Әлімбек, Кристина Устинова (жасөспірімдер құрамасы), Олег Носков (жасөспірімдер) сынды жерлестеріміз екінші орыннан көрінді.Биылғы Азия Кубогында 23 елден 320-дан астам спортшы бақ сынап жатыр. Турнир 22 ақпанда аяқталады. Еліміздің спортшылары жарысты сәтті жалғастырып, жеңісті еселеуді көздеп отыр.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/941395