Алдағы жылдары Бұқар жырау ауданында хоккей корттары, баскетбол және волейбол алаңдары, бассейн мен ипподром ашылады. Бұл туралы аудан әкімі Ерлан Құсайын Ғ. Мұстафин ауылындағы дене шынықтыру-сауықтыру кешенінде дене шынықтыру және спорт басқармасының басшысы Серік Сәпиевпен және жергілікті спортшылармен кездесу барысында айтты.Мұндай кешен өткен жылы Қарақұдықта да ашылды, ал Үміткер және Үштөбе ауылдарында көп функционалды хоккей корттары орнатылды. Төрткөл мен Қушоқыда шағын футбол алаңдары пайда болды, ал Центральный ауылында спорт залы жөнделді.Төрт жыл бойы ауданда спорт инфрақұрылымын дамытуға бағытталған 31 жоба жүзеге асырылуда. Алты елді мекенде көпфункционалды хоккей корты, бесеуінде баскетбол және волейбол алаңдары, төртеуінде шағын футбол алаңдары орнатылады. Аудан орталығында 25 метрлік жүзу бассейні мен 250 орындық ипподром салынады.Ерлан Құсайын атап өткендей, жабық спорт ғимараттарының жетіспеушілігі проблемалық мәселе болып қалуда.– Бұл мәселені шешу үшін Баймырза және Доскей ауылдарында спорт кешендерінің құрылысы жоспарланған. 2026 жылы «Ауыл – Ел бесігі» бағдарламасы бойынша Қушоқыда 100 орындық дене шынықтыру-сауықтыру кешенінің құрылысы жалғасады. Сондай-ақ, Ботақарада орталық стадионды қайта жөндеу көзделген, – деп хабарлады аудан әкімі.Ерекше мұқтаждығы бар тұрғындар да назардан тыс қалмайды. Биыл мемлекеттік әлеуметтік тапсырыс аясында 30 адам бочче және жеңіл атлетикамен шұғылдана алады.Әзірге спорттық инфрақұрылымы жеткіліксіз елді мекендерде «Арлан» аудандық спорт клубы базасында ұйымдастырылған аула клубтары тұрақты спортпен айналысуға балама болады. Қарақұдық, Доскей, Қушоқы, Центральный, Самарқан, Петровка, Көкпекті, Қызылжар және Баймырза ауылдарында жаңа клубтар ашылады.Кездесу барысында Серік Сәпиев спорт инфрақұрылымының даму қарқынын атап өтіп, аудан әкімі Ерлан Құсайынға Алғыс хат табыстады. Облыстық және республикалық қоян-қолтық ұрыс жарыстарының бірнеше мәрте жеңімпаздары – армиялық қоян-қолтық ұрыс бойынша жастар арасындағы әлем чемпионы, Қызылқайың ауылынан Жасұлан Нұрболат және Үштөбе ауылынан Уәлихан Мақұлбаев; дзюдо және самбо бойынша облыстық және республикалық жарыстардың бірнеше мәрте жеңімпазы, жауынгерлік самбо бойынша 2024 жылғы жастар арасындағы әлем чемпионатының күміс жүлдегері Тәңірберген Тергеубеков; қазақ күресінен облыстық, республикалық және халықаралық жарыстардың бірнеше мәрте жеңімпазы, 2024 жылғы Азия чемпионатының қола жүлдегері, Шешенқара ауылынан Ернат Болысхан 500 мың теңгеге атаулы ойылған медальдар мен сертификаттар алды.Сонымен қатар, «Арлан» спорт клубына миллион теңгенің сертификаты берілді.Ақпарат көзі : https://www.gov.kz/memleket/entities/karaganda/press/news/details/935233

Қарағандыда Еркеғали Рахмадиев атындағы академиялық симфониялық оркестрмен бірге белгілі пианист, ҚР Еңбек сіңірген қайраткері Гүлнар Құрамбаева өнер көрсетеді. Музыка әуесқойлары 14 ақпанда сағат 18:30-да «Шалқыма» концерт залына шақырылады.Дирижерлік пультпен – маэстро Айдар Торыбаев.Бағдарламада – № 23 фортепиано мен оркестрге арналған концерт және Вольфганг Амадей Моцарттың № 40 симфониясы.Концерт «Баршаға арналған музыка» жобасы аясында өтеді. Кіру тегін.Мәдениет үздігі, Құрманғазы атындағы Қазақ ұлттық консерваториясының доценті Гүлнар Құрамбаева – біздің жерлесіміз, ол музыкалық мансабын Қарағандыда бастаған. Тәттімбет атындағы Қарағанды музыкалық училищесін бітіргеннен кейін Құрманғазы атындағы Алматы мемлекеттік консерваториясында оқуын жалғастырды. Пианист белгілі музыка педагогы Жәния Әубәкірованың мектебінен өтті. Өзі де талантты музыканттардың тұтас бір тобын дайындады. Бүгінде Қазақстанда және одан тыс жерлерде белсенді концерттік қызмет атқаруда. Ақпарат көзі : https://www.gov.kz/memleket/entities/karaganda/press/news/details/935234

Облыстың түкпір-түкпірінен 500-ге жуық спортшы Теміртауда өткен қалалар арасында «Ақ қыс – 2025» және ауылдық аудандар арасында «Қарлы қыс –2025» дәстүрлі қысқы спартакиадаларына жиналды. Түрлі жастағы және мамандықтағы адамдар спорттың төрт түрінен жарысты: Президенттік көпсайыс, шаңғы жарысы, конькимен жүгіру және шайбалы хоккей.Барлық турлардың қорытындысы бойынша командаларға орындар берілді. Өңір қалаларының ішінде ең көп ұпайға қарағандылық команда ие болды. Екінші орында теміртаулық спортшылар. Шахтинск қола медальға ие болды.Саран тұрғыны Мұрат Дәулетпай жеке рекорд орнатты. Шаңғы жарысында ол бірінші болып мәреге жетті.«Қарлы қыс – 2025» спартакиадасында Абай ауданының қатысушылары үздік өнер көрсетті. Екінші орын Нұра ауданының құрамасына бұйырды. Үшінші орында – Осакаров спортшылары.Хоккейден Нұра ауданының командасы жақсы нәтиже көрсетті. Бұл спорт түрінен ол үздік атанды.– Соңғы жылдары біздің ауданда екі жабық хоккей корты салынды. Олардың бірі Шахтерское ауылында, екіншісі Нұра ауылында. Олар қысқы спорт түрлерін дамытуға мүмкіндік береді. Бүгінгі таңда жетіспейтін жалғыз нәрсе - балалар секциясын ашу үшін хоккейден балалар жаттықтырушысы. Бірақ біз жас маманмен келіссөздер жүргізіп жатырмыз, ол бізге «Дипломмен – ауылға!» бағдарламасы бойынша келуге дайын. Жаттықтырушы бізге келеді деп үміттенеміз. Мамандарды тарта отырып, біз спортшыларымызды тек спорт үшін қалаларға көшіп кетпей, ауылда қалуға ынталандыра аламыз, – деп есептейді Нұра ауданының БЖСМ басшысы Игорь Пронин.«Ақ қыс – 2025» және «Қарлы қыс – 2025» спартакиадалары жыл сайын өткізіледі және Қарағанды облысындағы ең маңызды қысқы спорттық шаралардың бірі болып табылады.Ақпарат көзі : https://www.gov.kz/memleket/entities/karaganda/press/news/details/935309

Қарағандыда ғалымдар мен өнеркәсіп өкілдері мыс өндіру мен байытудың өзекті мәселелерін шешуде. Ә. Сағынов атындағы техникалық университет базасында хакатон – ғылыми-технологиялық сессия өтуде. Мысты жерасты және жерүсті шаймалау перспективалары, ғылыми әзірлемелерді коммерцияландыру және оларды өндіріске енгізу басты назарда.150-ден астам ғалымдар, инженерлер мен өнеркәсіп өкілдері «Қазақмыс» корпорациясының қолдауымен Ғылым және жоғары білім министрлігі ұйымдастырған хакатонға жиналды. Онда ғылым мен өндірістің өзара іс-қимылының жаңа форматы пысықталады.– Бүгінгідей мыс көлемін өндіруді жалғастыру үшін бізге жаңа технологиялар мен әдістер қажет, ал ол үшін ғылым мен өнеркәсіптің тығыз ынтымақтастығы қажет, – деп атап өтті «Қазақмыс» корпорациясының тұрақты даму жөніндегі директоры Сәкен Шаяхметов.Хакатон иелері, Қарағанды техникалық университетінің ғалымдары экологиялық қауіпсіз шаймалау әдісін ұсынды.– Біз күкірт қышқылы қолданылатын дәстүрлі әдістерге экологиялық қауіпсіз балама ретінде сілтілеудің микротолқынды әдісін ұсынамыз. Микротолқынды реактор қоршаған ортаға зиянды әсерді азайтуға, сондай-ақ жобаның экономикалық тиімділігін арттыруға мүмкіндік береді, – деді химия және химиялық технологиялар кафедрасының меңгерушісі Алтынарай Тәкібаева.Алдыңғы хакатонда техникалық университет мыс кендерінен алтын өндіру жобасымен табысқа жеткен болатын.Satbayev University командасы зертханалық жағдайда да, қолданыстағы полигонда да сыналған руданың әрбір түрін сілтілеу бойынша сегіз жоба ұсынды.Қарағанды облысының әкімі Ермағанбет Бөлекпаев перспективалы жобаларға пайыздық мөлшерлемелерді субсидиялау арқылы қолдау көрсетілетінін атап өтті.Қазақстанда ғылымды қаржыландыру моделі өзгеруде. Енді зерттеулер өнеркәсіптің нақты қажеттіліктеріне бағдарланған, ал қаржыландыру өндірістік міндеттерге байланыстырылған.– Ғалымдар кәсіпорындармен бірлесіп нақты өндірістің нақты проблемаларын анықтайды және оларды шешу жолдарын іздейді, – деп атап өтті ҚР ғылым және жоғары білім министрі Саясат Нұрбек, сондай-ақ Қарағандыда жетекші шетелдік жоғары оқу орындарының филиалдарын ашу туралы әңгімеледі. – Осылайша, техникалық университет базасында таяу арада Ұлыбританияның жетекші тау-кен мектебінің филиалы іске қосылады. ЖОО Эксетер университетінің (The University of Exeter) жанында жұмыс істейді. Лондонда алдын ала келіссөздер жүргізілді. Сондай-ақ индустриялық университет базасында МИСиС Ұлттық зерттеу технологиялық университетінің (Мәскеу болат және қорытпалар институты) филиалын ашу жоспарланып отыр. Ал медицина университетінің базасында – Қазан мемлекеттік медицина университетінің филиалы ашылмақ. Бұл облыстың зияткерлік, зерттеу және академиялық әлеуетін арттыруға айтарлықтай көмек болады.Хакатонның нәтижелері бойынша Қазақстанның жетекші өнеркәсіптік кәсіпорындарында одан әрі енгізу үшін қолдау алатын үздік әзірлемелер анықталады.Ақпарат көзі : https://www.gov.kz/memleket/entities/karaganda/press/news/details/935367

Биыл Теміртау қоғамдық көлік паркі 60 жаңа Yutong автобусымен толығады. Оларды Өнеркәсіпті дамыту қоры арқылы QazTechna сарандық өндірушіден сатып алады.Қазірдің өзінде ECOBUS QK тасымалдаушысы әлеуметтік маңызы бар қалалық маршруттарға 20 жаңа автобус шығарды. Қазір олардың алтауында электронды жүйе жабдықтары орнатылуда.Барлық жаңа автобустар пандустармен жабдықталған, бұл қозғалысы шектеулі жолаушыларға арналған салонға кедергісіз кіруді қамтамасыз етеді.Автобус паркін жаңарту қала тұрғындарына көліктік қызмет көрсету сапасын жақсартады. Ақпарат көзі : https://www.gov.kz/memleket/entities/karaganda/press/news/details/935425

Қарағанды облысында өткен жылы 1318 мүгедек жан жұмысқа орналастырылды. Өз бизнесін ашуға ниет білдіргендерге де көмек көрсетілді: 63 грант берілді, оның ішінде ерекше қажеттіліктері бар балалардың ата-аналарына. Биыл барлық мемлекеттік қолдау шаралары мен өңірлік бағдарламаларды пайдалана отырып, алға жылжу көзделіп отыр.Кәсіпорындар үшін мүгедектігі бар адамдарды жұмысқа орналастыру квотасын ұлғайту, жаңа арнайы жұмыс орындарын ашу, сұранысқа ие мамандықтарға оқытуды жалғастыру – өңір басшысы Ермағанбет Бөлекпаев осындай міндеттерді алға қойды.Атқарылған жұмыстар мен алдағы жоспарлар кеңесте талқыланды.Жұмыспен қамтуды үйлестіру және әлеуметтік бағдарламалар басқармасы басшысының орынбасары Әсем Жүніспекова мүгедектігі бар адамдарды жұмысқа орналастырудың барлық мүмкін жолдары туралы айтып берді. Ол «Күміс жас» және «Алғашқы жұмыс орны» бағдарламалары бойынша өңірдің мансап орталықтарында ізденушілердің қандай жұмыс тапқанына нақты мысалдар келтірді.Осакаров ауданы Қарағайлы ауылының 62 жастағы тұрғыны шаруа қожалығына инженер-механизатор лауазымына орналастырылды. Нұра ауданы Жаңақұрылыс ауылының тұрғыны дәнекерлеуші болып жұмысқа орналасты. Саранда кәсіпорындарда жұмыс қолы қажет: ізденушілердің бірі қазір автомеханик, екіншісі металл конструкцияларын монтаждаушы болып жұмыс істейді.Жұмысқа қабылдауда мүгедектік тобы да, жасы да кедергі болған жоқ. Естеріңізге сала кетейік, мемлекет бірқатар жобалар бойынша жұмыс берушіге қызметкердің жалақысының бір бөлігін өтейді.Өткен жылы мүгедектігі бар адамдар үшін 13 арнайы жұмыс орны құрылды. Кәсіпкерлер есту қабілеті бұзылған және нашар көретін адамдарды жұмысқа алды. Ал мемлекет жұмыс орындарын жайластыруға және жалақыға субсидия берді.Облыста мүгедектігі бар адамдар мен олардың қамқоршыларын IT-мамандықтарға оқыту бойынша арнайы жоба жұмыс істейді. Тегін курстардан 110 адам өтуде. Кейбіреулерінде жұмысқа орналасу перспективасы бар: қазір олар бағдарламалық қамтамасыз етуді әзірлеу жөніндегі компанияларда тәжірибеде.Бұдан басқа, жаңа мамандықты Jumys Tap әлеуметтік жобасы бойынша, ал кәсіпкерлік негіздері бойынша – «Бастау Бизнес» жобасы бойынша қысқа мерзімді курстарда тегін оқытуға болады.Биыл облыста зейнеткерлерді жұмысқа орналастыру үшін «Алтын жас» жобасы іске қосылды. Оны мүгедектігі бар адамдар да пайдалана алады.Бос орындар жәрмеңкесі тұрақты түрде өткізіліп тұрады, онда ниет білдіргендерге лайықты жұмыс ұсынылады. Ten Qogam орталықтары ашылды, оның бағыттарының бірі мүгедектігі бар адамдарды жұмысқа орналастыру.– Мүгедектігі бар адамдарды жұмыспен қамту мәселесі – біздің облыстағы әлеуметтік саясаттың басымдықтарының бірі. Барлық мүмкіндіктерді пайдаланып, жұмыс істеуге ниет білдіргендерге көмектесу қажет, – деп атап өтті Ермағанбет Бөлекпаев.Қарағанды облысында 55 мыңнан астам мүгедек тұрады, олардың жартысына жуығы еңбекке жарамды жастағы адамдар. 11 мыңға жуық адам жұмыс істейді. Ақпарат көзі : https://www.gov.kz/memleket/entities/karaganda/press/news/details/935429

Қарағандылық Владислав Киреев Қытайдың Харбин қаласында өткен Азия ойындарында биатлоннан чемпион атанды. Спортшыны жаттықтыратын – Раис Хайрутдинов.Қазақстанның ерлер биатлон құрамасы 10 км қашықтыққа спринт жарысында екі медаль жеңіп алды. Күміс медаль Вадим Куралеске бұйырды, ол осы маусымда алғаш рет ұлттық құраманың негізгі мүшесі ретінде жарысқа шықты.Үшінші орынды Қытайдан келген Гу Цан жеңіп алды.Қазақстандық Асет Дүйсенов пен Александр Мухин алтыншы және жетінші орындарды иеленді.Қарағанды облысының дене шынықтыру және спорт басқармасының ақпараты бойыншаФото: Нұрғали ЖұмағазыАқпарат көзі : https://www.gov.kz/memleket/entities/karaganda/press/news/details/935503

Саранның ірі кәсіпорындарында QR-кодтары бар тақтайшалар орнатылды, бұл код арқылы қала әкімі Дарын Бұлқайырдың жеке қабылдауына жазылуға болады. Сондай-ақ, жұмысшылар қала басшысына онлайн режимінде хабарласуы үшін компьютерлер мен веб-камералары бар аймақтар жабдықталады.– Мұның бәрі әкімнің бастамасымен жасалып, оның жеке бақылауындағы тапсырмасы. Жоба іске қосылуға дайын, – дейді Саран әкімдігінің баспасөз хатшысы Думан Әлімжанов.Қазір QR-кодтары бар тақтайшалар Саранның 20 ірі кәсіпорнының үй-жайларында орнатылған. Олардың қатарында QazTechna автобус зауыты мен Silk Road Electronics тұрмыстық техника өндірушісі бар. Кодтарды сканерлей отырып, қала әкіміне офлайн және онлайн қабылдауға жазылуға болады.Қала әкiмiмен белгiленген кесте бойынша - айына екi рет, жұма сайын көзбе-көз сөйлесуге болады. Неғұрлым шұғыл мәселелерді шешу үшін онлайн қабылдау ыңғайлы болады. Мұндай кездесулердің кестесі өзгермелі: оларды әкімнің бос уақыты болғанда тағайындайды.Саран Қарағанды облысындағы әкімнің жеке қабылдауына осындай жазылу жүйесін іске қосқан жалғыз қала. Мұндай бастамалар азаматтардың әкімшілікпен өзара іс-қимылы процесін жеңілдетуге бағытталған, бұл өз кезегінде мәселелерді тез әрі тиімді шешуге көмектеседі.Ақпарат көзі : https://www.gov.kz/memleket/entities/karaganda/press/news/details/935566

Ақмолалық спортшы Олжас Климин Азия ойындарында шаңғы жарысы бойынша қола жүлде жеңіп алды. 10 км қашықтыққа еркін стильде өткен жарыста нәтиже көрсетіп, жапондық екі спортшыға ғана жол беріп, қола медаль иегері атанды.Бұл – Қазақстан құрамасының шаңғы жарысындағы екінші жүлдесі. Бұған дейін Ақмолалық Константин Борцов спринтерлік жарыста екінші орынға ие болған.«Олжас Климинді, оның бапкерлерін, команданы және барлық қазақстандықтарды осы жарқын жеңіспен құттықтаймыз! Бұл медаль – оның жаңа жетістіктерінің бастауы болсын, алда оны халықаралық ареналарда бұдан да үлкен жеңістер күтіп тұр! Бұл марапат – қажырлы еңбектің, күнделікті жаттығулардың және үлкен жанқиярлықтың жемісі», – деп атап өтті Ақмола облысының әкімі Марат Ахметжанов құттықтау жеделхатында.Ақпарат көзі : https://www.gov.kz/memleket/entities/aqmola/press/news/details/935205

Бүгін, 2025 жылдың 10 ақпанында ҚР Өнеркәсіп және құрылыс министрі Қанат Шарлапаев қытайлық «Xinjiang A-LIST GLOBAL Real Estate Co., Ltd» компаниялар тобының өкілдерімен кездесу өткізді.2010 жылы көп салалы ірі компаниялар тобы құрылды. Жылжымайтын мүлікті дамытуға, коммерциялық қонақ үй бизнесіне, құрылысқа және онымен байланысты салаларға маманданған.Қатысушылар кездесуде қонақ үй мен сауда тұрғын үй алаңдарын қамтитын ірі кешендерді салу саласында инвестициялар тарту мәселелерін талқыланды.Екі тарап осы бағыттағы ынтымақтастықты одан әрі дамытуға дайындықты білдірді.Ақпарат көзі : https://www.gov.kz/memleket/entities/mps/press/news/details/935181

Қазақстанда 2025 жылғы 1 қаңтардан бастап күшіне енген жаңа жеңілдетілген ережелер бойынша мемлекеттік сатып алу туралы алғашқы шарттар жасалды. Оларды қабылдау жобаларды, соның ішінде әлеуметтік маңызы бар жобаларды жедел іске қосуға және олардың бағасының көтерілу қаупін азайтуға мүмкіндік береді. Жеңімпаздар негізінен жергілікті компаниялар болады, бұл аймақтардың бизнесі мен экономикасына қолдау болып саналады. Мемлекет басшысы 2024 жылғы 1 шілдеде рәсімдерді оңайлатуға және бюрократиядан арылтуға бағытталған «Мемлекеттік сатып алу туралы» жаңа Заңға қол қойды. Заң шеңберінде мемлекеттік сатып алуды жүзеге асыру мерзімін барынша қысқартуды қамтитын жаңа Ережелер қабылданды.Мәселен, конкурс тәсілімен өткізілетін сатып алу бойынша тиісті құжаттаманы талқылау 5 күннен 2 жұмыс күніне дейін, өтінімдерді қабылдау — 15 күннен 5 жұмыс күніне дейін, өтінімдерді қарау және қорытындылау — 10 күннен 3 жұмыс күніне дейін қысқартылды. Осылайша, конкурстар мен аукциондар бойынша жеңімпаз ең көп дегенде 10 жұмыс күні ішінде анықталады.Рейтингтік-балдық жүйені қолдану арқылы өткізілетін конкурс (автоматтандырылған сатып алу тәсілі, жеңімпазды веб-портал айқындайды) арқылы сатып алу жеңімпаздары жиналған ұпайлар негізінде 5 жұмыс күні ішінде (бұрын мерзімі 29 жұмыс күнін құраған) айқындалады. Олар жұмыс тәжірибесі, тұрақты салық аударымдарының болуы, кешіктірулердің болмауы және басқалары үшін беріледі.Баға ұсыныстарын сұрату тәсілімен сатып алу мерзімі 5 күннен 2 күнге дейін қысқартылды.Сондай-ақ жергілікті жеткізушілер үшін шартты жеңілдіктер 1%-дан 2%-ға дейін ұлғайтылды. Ақмола облысы Зеренді ауылында балалар мен жасөспірімдер спорт мектебінің құрылысы бойынша байқау елімізде алғашқылардың бірі болып жаңа ережелер бойынша өткізілді. Биылғы 8 қаңтарда жарияланып, қорытындысы 6 жұмыс күні ішінде шығарылды және 16 қаңтарда құрылыс салушы жұмысқа кірісті.«Жобаның құны 2 млрд теңгеден асады. Мердігер рейтингтік-балдық жүйені қолдана отырып, жаңа мемлекеттік сатып алулар бойынша таңдалды, бұл конкурс мерзімін айтарлықтай қысқартты. Бұл бізге құрылысты 16 қаңтарда бастап кетуге мүмкіндік берді. Жоба жыл соңына дейін аяқталады және нысан пайдалануға беріледі. Сондай-ақ біз жүйеде қосымша балл алатын жергілікті құрылыс салушыларға назар аударамыз, бұл олардың қатысуын ынталандырады», — деді Ақмола облысының құрылыс, сәулет және қала құрылысы басқармасы басшысының міндетін атқарушы Азамат Байқуанышев.Спорт мектебінің ғимараты өтпе жол арқылы бір-бірімен байланысқан екі блоктан тұрады. Мұнда тренажер залы, хоккей корты және басқа да жаттығу алаңдары жұмыс істейтін болады. Құрылыс материалдарының 90%-ын жергілікті өндірістен алу жоспарлануда. Ауылдық спорт мектебінің жалпы қабылдау мүмкіндігі – ауысымда 78 адам.Жаңа ережелер бойынша 330 адам тұратын Батыс Қазақстан облысының Жалын ауылында су құбырын салу бойынша конкурс өткізілді. Жеңілдетілген жүйенің арқасында сатып алу процедурасы алты күнде жүргізілді, бұл жергілікті құрылыс салушыға жұмысқа тез кірісуге мүмкіндік берді. Жобаның құны – 785 млн теңгеден астам. Су құбырының құрылысы ауыл тұрғындарын сапалы ауыз сумен қамтамасыз етеді.Сонымен қатар Түркістан облысы Сарыағаш қаласында жаңа буынды дамыту орталығының құрылысы басталды. Жобаның құны – 2,7 млрд теңгеден астам. Мердігер 8 жұмыс күні ішінде рейтингтік-балдық жүйені қолдана отырып таңдалған жергілікті компаниялардың бірі болды.Шымкент қаласының Бозарық шағын ауданында көпқабатты тұрғын үйлер салу жобасы бойынша сатып алу рәсімі 7 жұмыс күні ішінде жүргізілді. Жобаның құны – 4,9 млрд теңгеден астам.Ұлытау облысының Мыңадыр стансасында мектеп салу бойынша сатып алу рәсімі 5 жұмыс күні ішінде жүргізілді, мердігер жергілікті компания болды. Жаңа мектеп салу оқушы орындарының тапшылығы мәселесін шешеді. Қазіргі уақытта жұмыс істеп тұрған мектеп толып кеткен, спорт залы да жоқ. 80 орынға есептелген жаңа екі қабатты мектептің кабинеттері сапалы білім беру үдерісін қамтамасыз ету үшін заманауи жабдықтармен жабдықталатын болады.Жаңа ережелерге сәйкес, осы жылдың 10 ақпанындағы жағдай бойынша Қазақстанда 951,38 млрд теңге сомасына 282 703 шарт жасалды. Салыстыру үшін: өткен жылдың тиісті кезеңінде 223,2 млрд теңгеге 165 558 шарт жасалған.Берілген шағымдардың саны өткен жылмен салыстырғанда 22%-дан астамға: 1700-ден 1320-ға дейін төмендеді. Ақпарат көзі : https://www.gov.kz/memleket/entities/aqmola/press/news/details/934509

«Акмола дарыны» дарынды балалар мен талантты жастарды анықтау және қолдау орталығы Көкшетау қаласындағы «Білім-инновация» лицей-интернатымен бірлесе 2025 жылғы 6-8 ақпан күндері «Білім-инновация» лицей-интернатының базасында «Жарқын болашақ» республикалық қазақ тілі олимпиадасының облыстық кезенің өткізді. Олимпиадаға 17 ауданнан, Көкшетау, Степногорск, Қосшы қалаларынан, «Білім-инновация» лицей-интернатынан, Астана қаласы №2 "Дарын" облыстық мамандандырылған мектеп-лицей-интернатынан, Көкшетау қаласы Абай атындағы дарынды балаларға арналған облыстық мамандандырылған мектеп-интернатынан, Щучинск қаласының «Білім-инновация» ІТ лицей-интернатынан, Степногорск қаласы, № 4 «Болашақ» облыстық мамандандырылған мектеп-лицей-интернатынан барлығы 154 оқушы қатысты. «Жарқын болашақ» олимпиадасы бес бағыт бойынша өткізілді:1.«Бейнелеушілер» (қазақ әдебиетіндегі шығармаларды комикс жанрында салу);2.«Білгірлер бәйгесі» (халық ауыз әдебиеті үлгілері бойынша сайыс);3.«Жас қаламгер» (жазбаша шығармашылық жұмыс);4.«Сөз шеберлері» (шешендік өнер, көпшілік алдында белгілі бір тақырыпта сөз сөйлеу);5.«Әнші-бұлбұлдар» (ән айту). Олимпиаданың қорытындысы бойынша 43 оқушы жүлдегер және жеңімпаз атанды: І-дәрежелі дипломмен – 6 оқушы, ІІ-дәрежелі дипломмен – 13, ІІІ-дәрежелі дипломмен – 24, грамотамен – 9 оқушы марапатталды.«Жарқын болашақ» олимпиадасының жеңімпаздары мен жүлдегерлері Ақмола облысы білім басқармасының І, ІІ, ІІІ дәрежелі дипломдарымен және бағалы сыйлықтарымен марапатталды.Облыстық кезеңінің нәтижесі бойынша І орынды иеленген 6 оқушы олимпиаданың республикалық кезеңіне қатысуға жолдама алды.Атап айтсақ, «Жарқын болашақ» олимпиадасы «Білім-инновация» халықаралық қоғамдық қоры тарапынан жыл сайын өткізілетін олимпиада. Оған 7-11-сыныпта оқитын қазақ тілді (ұлты қазақ) және қазақ тілді емес (өзге ұлт өкілдері) оқушылар қатыса алады. Ақпарат көзі : https://www.gov.kz/memleket/entities/aqmola/press/news/details/934902

Көкшетау қаласында «Тұқым күні, Тұқым-2025» халықаралық конференциясы өтті. Бұл шара Қазақстаннан және Еуропа мен ТМД елдерінен келген агрономдар, сарапшылар мен зерттеушілерді тоғыстырды.Шараға Ақмола облысы әкімінің орынбасары Мұрат Балпан қатысты. Ол осындай алаңдардың тәжірибе мен білім алмасудағы маңыздылығын атап өтті.Қатысушылар жоғары маржиналды дақылдардың отандық және шетелдік селекциядағы тұқымдар көрмесімен танысты.Сапалы тұқым – мол өнім алудың негізгі факторы. Өткен жылы өңірдің аграршылары жоғары нәтижелерге қол жеткізді. Бұл агрономиялық технологияларды қатаң сақтауға, элиталық тұқым себу алқаптарының ұлғаюына және мемлекеттік қолдау бағдарламаларын тиімді іске асыруға байланысты болды.Тұқым селекциясының маңызы зор. Бұл бағытта А.И. Бараев атындағы астық шаруашылығы ғылыми-өндірістік орталығы тұрақты зерттеулер жүргізіп келеді. Орталық ғалымдарының еңбегінің бір дәлелі – «Таймас» жаздық жұмсақ бидай сорты. Ол өткен жылы Қазақстанның климаттық сын-қатерлеріне бейімделу және селекция саласындағы инновациялардың символына айналды.Конференция барысында ғалымдар мен мамандар тұқым сапасын арттыру, заманауи селекциялық технологияларды енгізу, өңдеудің инновациялық әдістерін қолдану және өнімділікті арттыру мақсатында дақыл сорттарын жетілдіру мәселелерін талқылады.Сонымен қатар, отандық және шетелдік селекционерлер әзірлеген перспективалы ауыл шаруашылығы дақылдарының жаңа сорттары туралы ақпарат ұсынылды.«Тұқым күні, Тұқым-2025» Көкшетау халықаралық конференциясы аграрлық ғылымды дамыту және ауыл шаруашылығы тиімділігін арттыру жолындағы маңызды қадам болды. Ақпарат көзі : https://www.gov.kz/memleket/entities/aqmola/press/news/details/934927

Көлік министрлігі ғимаратында ведомство басшысы Марат Қарабаев «Exim Finance» Директорлар кеңесінің төрағасы Салах Ибрагим Әл Насермен кездесті.Кездесу көлік-логистика секторы саласындағы инвестициялық ынтымақтастықты одан әрі дамытуға бағытталды.2026-2028 жылдары аралығында жүзеге асыру көзделген ауданы 10 мың шаршы метрді, жалпы құны $7,5 млн құрайтын көлік-логистика хабын (KЛХ) салу жоспары талқыланды.Ақмола облысында орналасатын көлік-логистика хабы ішкі нарыққа да, халықаралық транзиттік ағындарға да қызмет көрсетуге қабілетті заманауи ғимарат болмақ. Кездесу қорытындысы бойынша тараптар ынтымақтастықты нығайтуға ниет білдірді.Ақпарат көзі : https://www.gov.kz/memleket/entities/transport/press/news/details/935196

Қазақстанның авиациялық әкімшілігінде (ҚАӘ) Қазақстан Республикасының әуежайларында жолаушыларға қызмет көрсету, багажды және жүктерді өңдеу мәселелері бойынша қорытынды кеңес өтті. Іс-шараға ҚР КМ Азаматтық авиация комитетінің, ҚАӘ, еліміздің әуежайлары мен әуекомпанияларының өкілдері қатысты. Қызмет көрсету сапасын арттыруға және жолаушылардың құқықтарын сақтауға бағытталған жаңа заңнамалық өзгерістер енгізу мәселелері, 2024 жылы жолаушыларға, багажға және жүктерге жерүсті қызмет көрсету бойынша ҚАӘ тексерулерінің қорытындылары, сондай-ақ 2025 жылға арналған жоспарлар талқыланды.Сондай-ақ, әуежайлар тарапынан 2024 жылға арналған формальдылықты жеңілдету желісі бойынша кеңестердің жаңартылған бағдарламалары мен қорытынды хаттамаларын ұсынуды қоса алғанда, формальдылықты жеңілдету бөлігінде авиациялық қауіпсіздікті қамтамасыз ету саласында тексерулер жүргізу жөніндегі ИКАО әмбебап бағдарламасы бойынша алдағы аудитке дайындық мәселесі көтерілді."Алматы халықаралық әуежайы" АҚ, "Қорқыт Ата Әуежайы" АҚ, "Шымкент әуежайы" АҚ өкілдерінің Алматы, Қызылорда және Шымкент қалаларының әуежайларындағы жаңа жолаушылар терминалдарының жұмыс тиімділігі туралы баяндамалары айтылды. Өткен жылы отандық әуекомпаниялар 14,3 млн жолаушыны тасымалдады (2023 жылмен салыстырғанда 9%-ға көп). Қазақстан әуежайларында қызмет көрсетілген жолаушылар саны 29,7 млн адамды құрады (2023 жылмен салыстырғанда 14%-ға көп). Өсіп келе жатқан жолаушылар ағыны аясында ұшу қауіпсіздігі мен авиациялық қауіпсіздікті қамтамасыз ете отырып, жолаушыларды тасымалдау технологиялық процестерді үнемі жетілдіруді, инфрақұрылымды жарамды күйде ұстауды және жаңартуды, сондай-ақ жолаушыларға багажды және жүктерді өңдеуде қызмет көрсетуге тартылған қызметкерлерді тұрақты оқытуды талап етеді.Осыған байланысты ҚАӘ өкілдері жолаушыларға қызмет көрсету, багажды және жүктерді өңдеу саласындағы жердегі қызмет көрсетуді бақылау шеңберінде тексеру кезінде авиация инспекторлары анықтаған бұзушылықтардың негізгі түрлерін айтып берді.Жиында "Ақтау халықаралық әуежайы" АҚ бірінші басшысы Меруерт Жолдыбаева жолаушыларға қызмет көрсету сапасын арттыруға бағытталған Ақтау әуежайындағы "BEST AIRPORT SERVICE" пилоттық жобасының нәтижелерін ұсынды. Ақтау әуежайы басқа әуежайларды жолаушыларға қызмет көрсету сапасын жақсарту үшін жобаға қосылуға шақырды.ҚР Азаматтық авиация қызметкерлері күніне орайластырылған кеңестің соңында ҚР әуежайлары мен әуекомпанияларының жолаушыларға қызмет көрсетуді ұйымдастыру қызметінің ерекше көзге түскен қызметкерлерін марапаттау рәсімі өтті. Авиация саласын дамытуға қосқан үлесі мен жетістіктері үшін, сондай-ақ іске берілгендігі үшін оларға ҚР КМ Азаматтық авиация комитетінің төрағасы мен Қазақстанның авиациялық әкімшілігінің бас директоры атынан Алғыс хаттар табыс етілді.Ақпарат көзі : https://www.gov.kz/memleket/entities/transport/press/news/details/934783

Жеке тасымалдаушы жолаушы вагондарында бейнебақылау жүйесін орнату жұмыстарын жалғастыруда. Мәселен, «Сары-арка компани» ЖШС жолаушыларға қызмет көрсету сапасы мен пойыз бригадалары жұмысының тиімділігін арттыру үшін «Орал-Астана» бағытында қатынайтын 10 вагонда қосымша бейнебақылау жүйесін орнатуда.Бұдан басқа 2024 жылы компания қосымша тағы 10 жолаушы вагонында бейнебақылау жүйесін орнатты.Компания вагондардағы қауіпсіздікті қамтамасыз ету үшін бейнекамералар орнатумен қатар жолаушы вагондарының паркін жаңарту жұмыстарын да жүргізуде.Жалпы тасымалдаушыда "Орал-Астана" бағытында қатынайтын сыйымдылығы 600 орындық 30-ға жуық вагон бар.Ақпарат көзі : https://www.gov.kz/memleket/entities/transport/press/news/details/934643

Үкімет Ұлытау өңірінде жаңа мектеп салу үшін қайтарылған активтерден 1,4 млрд теңгеден астам қаржы бөлді📌 Мемлекет басшысының әлеуметтік маңызы бар жобаларды іске асыру жөніндегі тапсырмасын орындау аясында Үкімет Ұлытау облысының Қаражал қаласында 80 орындық мектеп салуға Арнаулы мемлекеттік қордан 1,4 млрд теңгеден астам қаражат бөлді.🔷 Білім беру нысаны «Вокзал» шағын ауданында салынады. Бүгінде шағын ауданда тұратын балалардың басым бөлігі қаланың басқа аудандарындағы мектептерде білім алуда. Олар екі ауысымда автобуспен тасымалданады. Жаңа білім ошағының құрылысы балаларды заман талабына сай оқытуға қолайлы жағдай жасап, білім алуға қол жеткізуін арттыруға мүмкіндік береді.🔵 Бүгінгі таңда Үкімет Арнаулы мемлекеттік қордан әлеуметтік маңызы бар нысандардыі салуға шамамен 56,6 млрд теңге бөлді. Олардың қатарында Атырау облысының Жамансор, Жетісу облысының Рудничный және Көксай ауылындағы мектептер, Түркістан облысының Темірлан ауылындағы музыкалық мектеп, Ақмола облысының Зеренді ауылындағы спорт кешені, Риддердегі көпсалалы аурухана кешені, Шымкенттегі жатақхана және Ақтөбе мен Петропавлдағы 2 балабақша бар.Арнаулы мемлекеттік қорға ақша қаражатын аударудан басқа, «Заңсыз иемденілген активтерді мемлекетке қайтару туралы» Заң субъектілерінің қаражаты есебінен Арқалық қаласында дарынды спортшы балаларға арналған спорт кешені, Астанада тірек-қимыл аппараты бұзылған балаларға арналған оңалту орталығы, Алматыда ерекше қажеттіліктері бар адамдарға арналған жаттығу орталығының құрылысы жүргізілуде.Ақпарат көзі : https://www.gov.kz/memleket/entities/ulytau/press/news/details/931247

ҚР Көлік министрлігі тұрақты негізде ұшу географиясын кеңейту және қолданыстағы бағыттар бойынша рейстер санын арттыру бойынша жұмыс жүргізуде.Осылайша, ағымдағы жылдың 27 мамырынан бастап "SCAT" қазақстандық әуе компаниясы Шымкент – Будапешт бағыты бойынша Венгрияға жаңа бағыт ашуды жоспарлап отыр. Рейстер "Boeing 737" үлгісіндегі әуе кемелерінде аптасына 2 рет (сейсенбі және сенбі күндері) жиілікпен орындалатын болады.Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілудеАқпарат көзі : https://www.gov.kz/memleket/entities/transport/press/news/details/932040

«САРЫ-АРҚА» ЖШС №58/57 «Орал – Астана (Нұрлы жол)» әлеуметтік маңыздағы бағытта жолаушыларды тасымалдайды. Серіктестік паркін жаңа жолаушылар вагондарымен жаңарту жұмыстарын жүргізіп келеді. Өткен жылдары тасымалдаушы желіге екі жаңа вагонды қосты, ал 2025 жылдың ақпан айының ортасынан бастап кезекті жаңа плацкарт вагонын іске қосады.Жаңа вагондар кондиционер, тоңазытқыш, микротолқынды пештермен жабдықталған. Әр салонда екі электр розеткалары және жолаушыларға арналған электронды құрылғыларды қосу үшін төрт USB қарастырылған. Жолаушылар мен пойыз бригадасы қызметкерлерінің қауіпсіздігін арттырып, заң мен тәртіптің сақталуын бақылауды қамтамасыз ету үшін вагондар бейнебақылау жүйесімен жабдықталған.Алдағы уақытта қосымша тағы бір жаңа плацкарт вагоны желіге шығады.Жалпы бұл тасымалдаушыда "Орал-Астана" бағытында 600 орындық 30-ға жуық вагон қатынайды.15011:40 Ақпарат көзі : https://www.gov.kz/memleket/entities/transport/press/news/details/932325

ҚР Көлік министрлігі ұшу географиясын кеңейту және еліміздің әуе тасымалдар нарығындағы шетелдік "лоу-кост" әуе компаниялардың үлесін ұлғайту бойынша жұмысты жалғастыруда. 5 ақпанда Қазақстанның авиациялық билігі Астана қаласының халықаралық әуежайы өкілдерінің қатысуымен "Indigo" Үнді "лоу-кост" әуе компаниясының басшылығымен кездесу өткізді.Биылғы жылдың 14 мамырынан бастап "Indigo" әуе компаниясы Астана – Дели бағыты бойынша жаңа бағыт ашуды жоспарлап отыр. Рейстер A-320/321 типті әуе кемелерінде аптасына 3 рет жиілікпен орындалады.Қазақстан мен Үндістан астаналары арасында тікелей рейстің ашылуы елдер арасындағы ынтымақтастықты одан әрі дамытуға және елдің транзиттік әлеуетін дамытуға ықпал ететін болады.Сонымен қатар, бұған дейін хабарланғандай, "Эйр Астана" қазақстандық әуе компаниясы осы жылдың 20 сәуірінен бастап "Airbus" үлгісіндегі әуе кемесінде аптасына 3 рет жиілікпен Алматы – Мумбай бағыты бойынша Үндістанға рейстер ашады.Жалпы, көктемгі-жазғы навигация кезеңінде елдер арасындағы жолаушылар рейстерінің 5 әуе бағыты бойынша аптасына 24 рейске дейін ұлғаюы күтілуде. Қазіргі уақытта тұрақты әуе қатынасы Алматы – Дели ("Эйр Астана" - аптасына 7 рейс, "IndiGo" - аптасына 7 рейс), Алматы – Гоа (SCAT – 2), Астана – Гоа (FlyArystan – 2) бағыттары бойынша орындалады.Ақпарат көзі : https://www.gov.kz/memleket/entities/transport/press/news/details/932463