– Кез келген реформаны жан-жақты сараптап, байыппен жүргізген жөн. Экономика салаларының ерекшеліктерін ескере отырып, түрлі нұсқаларды әзірлеу керек. Қосымша құн салығына қатысты бұған дейін көзқарасымды білдірмеген едім. Өйткені қызметтік дәрежеме сәйкес, менің әрбір сөзім, пікірім қатаң тапсырма сияқты қабылданады. Соған қарамастан бұл мәселе бойынша ойымды жеткізгім келеді. Қалай десек те, қосымша құн салығының мөлшерлемесі сараланып белгіленуге тиіс.Үкімет түпкілікті шешімді білікті сарапшылардың, қайталап айтамын, білікті сарапшылар мен кәсіпкерлердің, әлбетте депутаттардың пікіріне құлақ аса отырып, нақты есептеулер негізінде қабылдағаны дұрыс.Бір анығы, Үкіметтің қазіргі ұсынып отырған мөлшерлемесі тым жоғары. Сіздер нақты цифрды айттыңыздар. Оны қоғам қызу талқылады. Тіпті, кей жағдайда артық сөздер де айтылды. Дегенмен, бұл қоғам талқысына алдын ала салынған ұсыныс болатын. Тағы қайталап айтамын, Үкіметтің бұл бағыттағы жұмысы бизнес, қоғам, кәсіпкерлер, сарапшылардың, яғни барлық тараптың пікірі ескеріле отырып жалғасуы керек. Биыл нақты шешім қабылдануға тиіс. Мен бұған дейін де айттым: Үкімет бұл мәселені депутаттармен және сарапшылармен егжей-тегжейлі талқылауы керек. Бүгін айтылған ой-пікірлер де ескеріледі. Мемлекетке барынша оңтайлы шешім қажет. Яғни бір жағынан бизнес жүргізуге кедергі келтірмей, қолайлы жағдай жасайтын, ал екінші жағынан, салыққа қатысты тәртіпті күшейтіп, бюджет кірісін арттыратын тиімді жолды табуымыз қажет, – деді Қасым-Жомарт Тоқаев.Ақпарат көзі : https://www.gov.kz/memleket/entities/ontustik/press/news/details/934108

Түркістан облысында өткен жылы негізгі капиталға салынған инвестициялар көлемі 1,33 трлн теңгеге жеткен. Ал, 2025-2028 жылдар аралығында облыста 2,1 трлн теңгеге 85 ірі инвестициялық жоба жүзеге асырылмақ. Бұл жобалар аясында мұнай-химия, машина жасау, тамақ және жеңіл өнеркәсіп салаларында жаңа кәсіпорындар ашылады. Отандық кәсіпкерлерге қаржылай қолдау көрсету мақсатында «Бірыңғай кешенді бағдарламасы» арқылы 2024 жылдың өзінде 698 бизнес өкіліне 60,2 млрд теңге көлемінде жеңілдетілген несие берілді. Сонымен қатар, былтыр несиелердің пайыздық мөлшерлемесін төмендету үшін республикалық және жергілікті бюджеттерден 16,2 млрд теңге бөлінген. Жалпы облыста 1 700 гектарды қамтитын 14 индустриалды аймақ пен 580 гектар аумақта орналасқан арнайы экономикалық аймақтар бар. Бұл аймақтарда кәсіпорындар үшін дайын инфрақұрылым ұсынылып, салықтық және кедендік жеңілдіктер қарастырылған.Сонымен қатар, «Шағын өндірістік парктер» құрылып, кәсіпкерлерге жеңілдетілген шарттармен дайын өндірістік ғимараттар беріледі. Бұл ғимараттарды нарықтағы бағадан 50%-ға төмен жалға алу немесе 3%-дық несиемен 7 жылға бөліп төлеу мүмкіндігі бар. Бұдан бөлек, өңірге шетелдік инвестицияларды тарту мақсатында Түркістан облысы әкімдігі бірқатар ірі келісімдерге қол қойды. Атап айтқанда, Қытайдың «Лихуа Груп» компаниясы облыста ПВХ құбырларын шығару, мақта өңдеу және тігін фабрикаларын іске қосуды жоспарлап отыр. Сондай-ақ, «Чайна Энерджи» компаниясы жалпы құны 400 млн АҚШ долларын құрайтын күн электр станцияларын салмақ. Одан бөлек, Франция мен Қытайдың «КАТКО» бірлескен кәсіпорны Созақ ауданында уран өндіру кешенін іске қосады.Сонымен қатар, 2024 жылы өңдеу өнеркәсібі саласы бойынша 585,3 млрд теңгенің өнімі өндіріліп, өсім 113,1%-ды құрады. Ең үлкен өсімдер металлургия (125,1%), машина жасау (112%), жиһаз өндірісі (162,1%) саласында. 2024 жылдың қорытындысымен өңдеу өнеркәсібінде 37,2 млрд теңгеге 22 жаңа жоба іске қосылып, 985 жаңа жұмыс орны ашылады. Олардың ішінде, құны 2,5 млрд теңгені құрайтын «CaPable Group» итальяндық технология бойынша жөргектердің жаңа түрін өндіру, 1,1 млрд теңгелік «Borte engineering» ЖШС-ң Сүт өңдеу кәсіпорындарына арналған жабдықтар өндірісі мен 1,3 млрд теңгеге «JNRAY Group» ЖШС-ң тігін фабрикасы бар. Бұл жобалар ел экономикасын әртараптандыруға және импортқа тәуелділікті төмендетуге ықпал етеді. Сондай-ақ, облыста өндірілген тауарларды Орталық Азия, Қытай және Еуропа нарығына экспорттауға мүмкіндік беретін логистикалық орталықтар мен сауда алаңдары дамып келеді.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/934109

Жетісай ауданында қысқы-көктемгі кезеңдердегі су тасқынына дайындық жұмыстарын пысықтау, орын алуы ықтимал төтенше жағдайлардың алдын алу бойынша оқу-жаттығу өтті. Онда табиғи және техногендік сипаттағы төтенше жағдайлардың салдарын жою үшін аудандық азаматтық қорғау және авариялық-құтқару қызметі қатарынан құрылған 12 команда жетекшілері мен топ мүшелерінен қызметтік міндеттері сұралды, техникалардың, су сору құрылғылары (мотопомпа) мен жеке құрамның дайындығы, шартты су басу салдарын жою жұмыстары тексерілді.Шараның мақсаты – айтып келмейтін табиғи-техногендік апаттарға қашанда дайын болу керектігін ескере отырып, аудандағы азаматтық құтқару топтарының дайындығын, қажетті техникалары мен құрал-саймандарының жарамдылығын пысықтау, тексеру.Сонымен қатар аудан басшысы оқу-жаттығу барысында апат орын алған жағдайда бірінші кезекте қажеттілігі туындайтын байланыс саласымен, азық-түлікпен қамтамасыз ететін және барлау-құтқару қызметтерін жүргізетін басты салалардың жұмыстарына ерекше көңіл бөлді.Осылайша аудандағы төтенше жағдайлардың алдын алу, төтенше жағдай кезінде адам шығынын болдырмау және төтенше жағдайда ережеге сәйкес дер кезінде іс-қимыл атқаруды дұрыс ұйымдастыру мақсатында өткен республикалық командалық штабтық оқу-жаттығу жұмыстары тағы да бір рет пысықталды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/934111

Төлеби ауданында көктемгі су тасқынына дайындық аясында «Көктем-2025» республикалық командалық штабтық оқу-жаттығуы өтті. Оқу-жаттығу шарасында аудандық азаматтық қорғау қызметтерінің дайындықтары пысықталды.Іс-шараға Төлеби ауданының әкімі Еркеғали Әлімқұлов қатысып, өрт сөндірушілер мен медицина қызметкерлерінің жұмысын бақылап, арнайы техникалардың жағдайымен танысты.Оқу-жаттығу жиыны көктемгі уақытта ықтимал болатын төтенше жағдайларды жою бойынша азаматтық қорғаныс құрылымы мен қызметтерінің даярлығын тексеру және жетілдіру мақсатында ұйымдастырылды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/934112

Өздерінің ауызбіршілігімен өзге округтер мен қала, кент тұрғындарына өнеге көрсетіп, туып-өскен ауылдарының көркейіп-көгалдануына білек сыбана кірісіп жүрген, санитарлық тазалық жұмыстарының жүйелі жүргізілуін қолдап тазалық эстафетасын қолға алған Ж.Ералиев ауылдық округі, Үтіртөбе елді мекенінің тұрғындары бүгін тағы бір игі істің бастамашысы болды.«Туған жердің топырағы – бәрімізге қымбат» деп ұрандатқан елді мекен тұрғындары бүгін ауыл ақсақалдарының бастамасымен санитарлық тазалық жұмыстарын жүргізіп, 0,90 гектар жерге 1500 түп қаратал көшетін отырғызды.Үлгі боларлық шараға аудан әкімі Серік Мамытов пен аудандық мәслихат төрағасы Медет Қасымов, аудандық мәслихат депутаттары Нұрбол Байтілесов пен Олжас Қаныбеков, аудан әкімінің орынбасарлары мен БАҚ өкілдері қатысты.Туған елге, ауылға қарайласып, ерте көктемде сенбілік ұйымдастырып, туған өлкенің көркеюіне мұрындық болып отырған азаматтардың тірлігі қашан да құптарлық бастама.– Амандық болса, алдағы төрт-бес жылда бұл маң адам танымастай болып өзгеретініне сенімдіміз. Бастысы бауырлардың, ағайындардың ынтасы зор. Бір қуанарлығы – бұл іске жастармен қатар ауылдың үлкендері де атсалысып келеді, – дейді ауыл ақсақалдары.Сенбілік барысында ауыл ішіндегі арық көздері тазаланып, көшелер де ретке келтіріліп отыр. Ауыл азаматтарының арасында осындай іске қолдау көрсетіп, басы-қасында арнайы техникалармен көмек көрсеткендер де болды.Ерте көктемде ауылдағы ағайын жазғы және күзгі тірлігіне ерте қамданып жатады. Алайда кейде қолда барды ұқсата алмай, қала берді техника жетпей, бір істің қиюы кетіп жататыны тағы анық. Ал мұндайда үтіртөбелік тұрғындардың бастамасы барлық елді мекендер үлгі алып, жалғастырар шара.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/934114

Қарағандыда 49-шы рет жас спортшылар арасында (2008–2009 ж. ж.) Еңбек ері, аты аңызға айналған шахтер Яуда Мұсағалиевті еске алуға арналған республикалық мемориал өтті. Жарыс барлық қаза болған кеншілерге арналған. Оған Көкшетау, Сәтбаев, Петропавл қалаларынан, Саумалкөлден және Қарағанды облысынан 200-ден астам спортшы қатысты.Екі жоғары жетістікке қол жеткізілді.Ә. Молдағұлова атындағы спорт интернатынан Алина Головина осы біріншілікті рекордтық уақытта – 7.43 секундта 50 метрге кедергілермен жүгірді. Ал Георгий Козьма тосқауыл арқылы жүгіруде 6.90 нәтиже көрсетіп, Виталий Земстың жетістігінен асып түсті. Жігіт - Теміртаудағы спорт интернаты филиалының өкілі.Қарағанды облысының Ә. Молдағұлова атындағы олимпиадалық резерв мектеп-интернат-колледжінің тәрбиеленушілері осы турнирде үздік нәтиже көрсетті. Олардың қатарында танымал спорт әулетінің өкілі Ярослав Засимович те бар. Ол биікке секіруден қола медаль жеңіп алды.– Мен алдымен күреске әуес болдым, бірақ кейін атам мен ағамның секіргенін көрдім де, отбасылық істі жалғастыруды шештім. Мен құрама командаға кіруді қалаймын. Алда Қазақстан чемпионаты бар. Мені атам жаттықтырып жүр. Әлеует бар деді, – дейді Ярослав.Спортшының тәлімгері – әйгілі Сергей Геннадьевич Засимович, кеңестік жеңіл атлет және Еуропаның экс-рекордсмені (1984 ж.). Оның ең үздік нәтижесі – 236 сантиметр – әлі күнге дейін биікке секіру бойынша Қазақстанның рекорды болып қалуда.Қарағанды облысы дене шынықтыру және спорт басқармасының баспасөз қызметінің ақпараты бойыншаАқпарат көзі : https://www.gov.kz/memleket/entities/karaganda/press/news/details/932093

Қала күніне орай Қарағандыда «Қазыналы Қарағанды» тарихи экскурсиясы өтеді. Онда кеншілер астанасының өткені, шағын ауылдың индустриялық және мәдени орталыққа қалай айналғаны туралы білуге болады.Барлық тілек білдірушілер шақырылады:- 10 ақпанда сағат 14:00 «Сарыжайлау» кинотеатрына;- 12 ақпанда сағат 14:00 теміржолшылардың мәдениет сарайында;- 13 ақпанда сағат 15:00 Жаңа Майқұдық мәдениет сарайында;- 14 ақпанда сағат 14:00 «Молодежный» мәдениет сарайында.Ақпарат көзі : https://www.gov.kz/memleket/entities/karaganda/press/news/details/932234

2025 жылдың басынан бастап Әлеуметтік қызметтер порталы арқылы мүгедектігі бар адамдардың 59,6 мың тапсырысы орындалды, оның ішінде 37 мыңы оңалтудың техникалық құралдарына, 4,3 мыңы ымдау тілі қызметіне, 17,6 мыңы жеке көмекші қызметіне, 0,7 мыңы шипажай-курорттық емделу бойынша жүгінген. Порталды пайдалану бойынша кеңесті 1414 нөмірі бойынша қолдау байланыс орталығынан алуға болады.Портал техникалық құралдарды және оңалту қызметтерін өндіруші мен жеткізушіні дербес таңдауға мүмкіндік береді. Тапсырысты көрсетілетін қызметті алушының электрондық цифрлық қолтаңбасы арқылы жасауға болады. Тапсырыс берілген техникалық құралдарды жеткізу немесе өздігінен алып кетуге болады.Мүгедектігі бар қазақстандықтарға протездік-ортопедиялық, сурдотехникалық, тифлотехникалық және гигиеналық құралдар, сондай-ақ кресло-арбалар ұсынылады.ҚР Еңбек және халықты әлеуметтік қорғау министрлігіАқпарат көзі : https://www.gov.kz/memleket/entities/karaganda/press/news/details/932339

Қарағандыда жылумен жабдықтау сапасын жақсарту жалғасуда. Өткен жылы Оңтүстік-Шығыстағы жылу қуаттарының тапшылығын жою үшін үшінші жылу құбырының құрылысы аяқталды. Биыл Майқұдықта инвестициялық бағдарлама бойынша Архитектурная көшесіндегі жылу желілерін қайта құру аяқталуы тиіс.Қарағанды облысының әкімі Ермағанбет Бөлекпаев монополистерге «Инвестиция орнына тариф» бағдарламасы бойынша тұтынушылар алдында есеп беруді тапсырды. Тарифті қалыптастыруға қандай жайттар әсер ететіні туралы «Теплотранзит Караганды» компаниясы хабарлады.Қарағандыда орталық жылу жүйесіне 4690 үй қосылған, олардың жартысына жуығы көп қабатты үйлер. Жылу желілерінің ұзындығы – 448 км. Коммуникациялардың тозуы әлі де жоғары – 71,2%. Бекітілген инвестициялық бағдарлама аясында жаңғырту жүргізілуде. Шаралар жылумен жабдықтаудың сенімділігін арттыруға, жылу шығындарын азайтуға және жылумен жабдықтау жүйесінің тозуын азайтуға бағытталған.1 ақпаннан бастап жылумен жабдықтау қызметтеріне жаңа тарифтер күшіне енді. Өзгерістер Табиғи монополияларды реттеу комитеті департаментінің бұйрықтарымен бекітілді.«Бағаның көтерілуі «Инвестиция орнына тариф» мемлекеттік бағдарламасы аясындағы инвестициялық бағдарламаны іске асыруға, стратегиялық тауар құнының өзгеруіне (нормативтік шығындар үшін электр энергиясы мен жылу энергиясы), сондай-ақ көрсетілетін қызметтер көлемінің ұлғаюына байланысты», – деп түсіндірді компанияда.«Теплотранзит Қарағанды» ЖШС қаржы директоры Алданыш Күніспеков осы жылғы жобалар туралы айтып берді.– Архитектурная көшесіндегі жылу желілерін қайта жаңарту 2023 жылдан бастап жүргізіледі. 1,6 шақырымның 500 метрі қалды. Биыл ол толығымен аяқталуы тиіс. Күтілетін нәтиже – жылумен жабдықтауды жақсарту, жылу желілерінің сенімділігін арттыру, шығындарды азайту, – деп хабарлады ол.– Сондай-ақ, «Инвестиция орнына тариф» бағдарламасы аясында 28-ші шағын ауданда орамішілік желілер мен сорғы станциясын қайта жаңартуды бастаймыз. Желілердің ұзындығы – 1,37 км. Жоба екі жылдық, 2026 жылға көшеді. Оны іске асыру осы аудандағы жаңа құрылыстарды жылуға қосуға мүмкіндік береді.«Теплотранзит Қарағанды» ЖШС бас директоры Андрей Ляпуновтың айтуынша, наурыз айының соңында Оңтүстік-Шығыс тұтынушыларын үшінші жылу құбырына қосу жоспарланып отыр.– Қазір ол тестілік режимде жұмыс істеп тұр. Біз сорғылардың, автоматиканың жұмысын тексереміз, – деді ол. – Жалпы, билікпен бірлесіп қаланы жылумен жабдықтауды жаңғыртуды жалғастырудамыз.Ақпарат көзі : https://www.gov.kz/memleket/entities/karaganda/press/news/details/932584

Мүмкіндігі шектеулі қарағандылық Аделина Битюкова мемлекеттік грант алып, шығармашылық адамдар үшін арт-кеңістік құрды. Мұнда сурет салуға, тафтингпен айналысуға, киімдерді кастомизациялауға болады. Өткен жылы өңірде әлеуметтік осал санаттағы 178 адам өз ісін ашу және дамыту үшін мемлекеттің қолдауына ие болды.«Среда» арт-кеңістігінде бүгінде бес адам жұмыс істейді. Көп балалы отбасылар мен әлеуметтік осал топтағы балалар студияда тегін оқиды.– Біз құммен және суда сурет салумен, кастомизациямен, тафтингпен (кілем кестелеу өнері) айналысамыз. Ол қазір Еуропада өте танымал. Дәл осы тафтинг жабдығына грант алынды, – дейді Аделина. – Біз үнемі дамып, орталығымызды жаңа бағыттармен толықтырып келеміз.Гранттарға көбінесе білім беру және оңалту орталықтары, жартылай фабрикаттар мен кондитерлік өнімдер өндірісі, шаруа қожалықтары ашылады.Ерекше қажеттіліктері бар баланың анасы Шынар Тен NeuroTen балалар дамуының нейрокоррекциялық орталығын ашты. Гранттық қаражат оған жаңа әдістемелерді енгізуге көмектесті.– Алынған ақшаға біз сенсорлық-динамикалық кубқа арналған металл конструкцияны және бейімделген дене шынықтыруға арналған мүкәммалды сатып алдық. Бұл элементтер балалардың вестибулярлық және тактильдік жүйесін дамытуға көмектеседі. Нормотипті балаларда мұндай дағдылар балалар алаңдарында табиғи түрде қалыптасады, ал ерекшеліктері бар балаларға олардың дамуы үшін арнайы жағдайлар жасау қажет, – деп түсіндірді Шынар.Әлеуметтік осал санаттағы тұрғындарды гранттық қолдау бағдарламасына көп балалы отбасылар, мемлекеттік жәрдемақы, асыраушысынан айырылу жағдайы бойынша әлеуметтік төлем алушылар, мүгедектігі бар адамдар, мүгедектігі бар балалардың ата-аналары немесе қамқоршылары, қандастар, қоныс аударушылар қатыса алады. Ол үшін жұмыссыз ретінде тіркелу немесе үш жылдан аспайтын жеке кәсіпкер мәртебесіне ие болу керек. Міндетті шарт – «Бастау Бизнес» кәсіпкерлік негіздері курсынан өту.Гранттар қайтарымсыз негізде 400 АЕК-ке дейін мөлшерде бір рет беріледі (2025 жылы сома 1 572 800 теңгені құрайды). Бұл қаражат қажетті жабдықтарды, шығыс материалдарын сатып алуға, үй-жайларды жалға алуға және бизнесті іске қосуға байланысты басқа да шығындарға бөлінеді.– Жобадағы ең бастысы, барлық грант алушылар бұрын жұмыссыз болған. Енді олар өз бизнестерін табысты жүргізіп қана қоймай, қосымша жұмыс орындарын ашуда, – дейді Қарағанды облысы бойынша Еңбек ұтқырлығы орталығының директоры Нұржан Сыздықов.Биыл әлеуметтік әлсіз санатқа жататын ісін жаңа бастаған 183 кәсіпкерді қолдау жоспарланып отыр.Ақпарат көзі : https://www.gov.kz/memleket/entities/karaganda/press/news/details/933092

Биыл Қарқаралы петициясына қол қойылғанына 120 жыл толады. Осы күнге орай «Алаштың Қарқаралысы» жинағы таныстырылды. Оған Қазақстан ғалымдарының зерттеу жұмыстары кірді. Кітап Қарағанды облысы әкімдігінің қолдауымен жарық көрді.– Бұл Қарқаралы петициясының 120 жылдығына арналған үлкен оқиға болды. Онда көптеген тарихи фактілер бар. Бұл кітап өткен ғасырдың басындағы маңызды тарихи оқиғаға арналған ескерткіш болып табылады. Мен өзім өлкенің тарихын зерттеймін, алты кітап шығардым. Қарқаралыны терең зерттеу жалғасын табады деп үміттенемін, – деп атап өтті өлкетанушы-ардагер Саят Оспанов.Тарихи мәліметтерді еске салайық: 1905 жылғы 25 шілдеде Қарқаралыдағы Қоянды жәрмеңкесінде патша үкіметінің отарлануына қарсы петиция қабылданып, Николай II-ге жолданды, Оған 15 мыңға жуық адам қол қойды. Петицияға қол қойған және ықтимал құрастырушылардың арасында Ахмет Байтұрсынов, Әлихан Бөкейханов, Міржақып Дулатов, Жақып Ақпаев және басқалары болды. Бұл құжат барлық проблемаларды қамтып, ұлттық қозғалыстың бағдарламалық мақаласына айналды.– Кітапта Қарқаралы тарихына ғана емес, халық тарихына, соның ішінде тәуелсіздік тарихына қатысты көптеген фактілер көрсетілген. Дәл осы Қарқаралыда «Алаш» қозғалысының қайраткерлері тұрған тәуелсіздіктің бастаулары бар екені анық айтылған. Өлкенің тарихы үшін қазақ зиялы қауым өкілдерінің халық бостандығы үшін күресі Қарқаралы жерінде басталғаны маңызды, – дейді Қарқаралы тарихи-өлкетану мұражайының қызметкері Сатбек Сламбеков.Жинақтың тұсаукесерінде ғалымдар, өлкетанушылар, тарих мұғалімдері мен жоғары сынып оқушыларының Қарқаралы петициясы мен «Алаш» қозғалысы туралы баяндамалары тыңдалды. Ақпарат көзі : https://www.gov.kz/memleket/entities/karaganda/press/news/details/933278

Облыста «Таза Қазақстан» экологиялық бағдарламасын іске асыру жалғасуда. Қалалық әкімдіктің қолдауымен Қарағанды Жастар ресурстық орталығының комьюнити- орталығында табиғат және экология мәселелеріне арналған «Табиғатты аяла» кездесуі өтті. Ол 30-ға жуық қатысушыны, соның ішінде студенттер, белсенділер, экологиялық ұйымдардың өкілдері және планетамыздың болашағына немқұрайлы қарамайтын жандардың басын қосады.Спикерлер өзекті экологиялық проблемаларды, адам қызметінің табиғатқа әсерін, қоршаған ортаны қорғау жөніндегі заманауи бастамаларды қозғады, сондай-ақ жастардың осы процестердегі рөлі туралы айтты.Қалалық мәслихат депутаты және экобелсенді Василий Климаков экология саласындағы мемлекеттік бастамалар, табиғатты қорғау шаралары және экологиялық проблемаларды шешуге қоғамдық қатысу мүмкіндіктері туралы айтып берді.Биолог-оқытушы Денис Сирман климаттық өзгерістерге және табиғи ресурстарды тұрақты пайдаланудың маңыздылығына ғылыми көзқарасымен бөлісті.Болашақ эколог Мәдина Әсетқызы еріктілер қозғалысы, жастардың экоакцияларға қатысуы және біздің әрқайсымыз экологиялық жағдайды жақсартуға қалай көмектесетініміз туралы айтып берді.Кездесу жаһандық экологиялық мәселелерді талқылау үшін ғана емес, сонымен қатар идеялар алмасу алаңына айналды. Қатысушылар сарапшыларға сұрақтар қойып, өз ұсыныстарымен бөлісті және табиғатты қорғау бойынша бірлескен жобалар әзірледі.Жастар қоршаған ортаны қорғау үшін қабылдай алатын практикалық қадамдарға ерекше назар аударылды. Онда барлық ниет білдірушілер қатыса алатын нақты экологиялық акциялар талқыланды. Ақпарат көзі : https://www.gov.kz/memleket/entities/karaganda/press/news/details/933341

2025 жылдың басынан бері 9,3 мың азамат, оның ішінде 7,6 мыңға жуық жұмыссыз Skills Enbek кәсіптік оқыту платформасында онлайн-курстардан өткені туралы сертификаттар алды. Платформада барлығы 513,4 мың қазақстандық тіркелген, оның 14,7 мыңы – 2025 жылы тіркелді. Бұл ретте платформа жұмысының барлық кезеңінде 420,2 мың адам оқудан өтті.Платформа іске қосылғаннан бастап авторлар әртүрлі бағыттар бойынша 849 курс жариялады, оның 307-і тегін. Сондай-ақ, одан әрі оқу үшін білім беру алаңдарына ауысу мүмкіндігімен Courstore, Fluent Education және Яндекс Қазақстан серіктестерінің курстары бар.Курстардың ұзақтығы 1-ден 72 сағатқа дейін.Қантар айындағы ең көп сұранысқа ие курстар – «Кассир», «Построение отдела продаж в отеле», «Страховой агент», «Пішу және тігу» және «Продавец».Платформада маркетинг және БАҚ, туризм, қаржы және бухгалтерлік есеп және т. б. салалардағы түрлі мамандықтар бойынша тегін курстар саны үнемі артып келеді.Оқуға https://skills.enbek.kz/ сілтемесі арқылы немесе Электрондық еңбек биржасында (enbek.kz) «Онлайн оқыту» бөлімін таңдау арқылы қол жеткізуге болады.Платформада білім алушы оқытудың қолайлы қарқыны мен тілін, материалды берудің ыңғайлы принципін дербес таңдайды, білім беру үдерісіндегі өзінің ілгерілеуін бақылай алады.Оқу аяқталғаннан кейін білім алушы 70% шекті деңгеймен тестілеу тапсыруға тиіс. Онлайн курсты сәтті аяқтаған жағдайда дағдыларды игеру туралы сертификат беріледі. Курсты аяқтаудың міндетті шарты – білім алушы тарапынан курсты бағалау. Сертификатты жүктеу кезінде игерген дағдылар бойынша Enbek.kz-те бос жұмыс орындарының ұсыныстары қосылды.Алынған сертификат Enbek.kz-те тіркелген кезде білім алушы жасаған түйіндемеде автоматты түрде көрсетіледі. Қызметкерлерді іздеу кезінде әлеуетті жұмыс беруші Платформада сәтті оқудан кейін алынған сертификаттарды көре алады.2023 жылдың желтоқсан айынан бастап курстарды Enbek мобильді қосымшасы арқылы оқуға болады, қосымшаны Google Play және App Store-дан жүктеуге болатынын естеріңізге саламыз.Платформада тіркелу және жұмыс істеуге қатысты барлық сұрақтар бойынша «ЕРДО» АҚ жауапты қызметкерлерімен байланысуды сұраймыз: (8-7172) 95-43-17 (ішкі. 877, 878, 888).Қазақстан Республикасы Еңбек және халықты әлеуметтік қорғау министрлігі Ақпарат көзі : https://www.gov.kz/memleket/entities/karaganda/press/news/details/933422

Бұқар жырау ауданында «Жайдарман» әзілкештер ойыны барысында облыстың 13 мектеп командасы үздік атанды. Үштөбе ауылының өскелең ұрпағы нң көңілді және тапқыр деп танылды. Олардың әзілдері, суырыпсалма әзілдері мен көріністері көрермендер мен төрешілердің көңілінен шықты.«Жайдарман» өңірлік мектеп ойындары лигасы жоғары деңгейде өтті, ұйымдастырушылар мен көрермендердің пікірінше, ойынға қатысушылар жақсы дайындықтарын көрсетті.– Бұл ойын қатысушылардың да, жанкүйерлердің де есінде қалатын жарқын оқиға болды, – деді Бұқар жырау ауданының Жастар ресурстық орталығының директоры Мейірлан Қали.Бірінші орынды Бұқар жырау ауданының Үштөбе ауылының «Қырмызы қыздары» командасы иеленді. Бас жүлде – 150 000 теңге.Екінші орын Бұқар жырау ауданының Ботақара ауылының «Торайғыр» командасына бұйырды. Топ мүшелері 100 000 теңге алды.Үшінші орын Қарқаралы ауданының Теректі ауылының «Теректі Еркелері» ойыншыларына берілді және сыйлық 50 000 теңгені құрады.«Үздік ойыншы» номинациясында «Joketok» командасынан Манерхан Бөкейхан жеңіске жетті – оның харизмасы мен шеберлігі көрермендерді де, төрешілерді де тәнті етті.Бұқар жырау ауданы Ботақара ауылының жас тұрғыны, «Көз тимесін» командасының жетекшісі Аяру Ерланқызы «Үздік капитан» атанды.Бүгінгі таңда «Жайдарман» тек ойын ғана емес, шығармашылық қабілеттерді дамытуға арналған платформа. «Жайдарманда» 120 мыңнан астам жас қазақстандық ойнайды. Бұл көрсеткіш жыл сайын артып келеді.И количество участников с каждым годом становится больше. Ақпарат көзі : https://www.gov.kz/memleket/entities/karaganda/press/news/details/933481

Қарағанды халық композиторлар клубы 16 ақпанда сағат 12:00-де баршаны туған қаласына арналған «Еске алайық» концертіне шақырады. Композицияларды авторлар орындайды. Қарағандылықтар мен қала қонақтарын Мәдениет сарайында хор сыныбында күтеді. Кіру тегін. Композиторлар халық клубы 1975 жылы құрылған. Оған Қарағанды, Абай қалаларынан, Топар, Жарық, Молодежный, кенттері мен Доскей және басқа ауылдардан келген әуесқой әншілер, музыканттар мен композиторлар кіреді. Қазіргі уақытта клуб жетекшісі Татьяна Поверникова. Ол – вокалист, хормейстер және «Астана», «Доченька», «Репрессия» және басқа да композициялардың авторы. Қарағанды халық композиторлар клубы 2021 жылы Қазақстан Республикасы Тәуелсіздігінің 30 жылдығына орай «Туған елім – тірегім» атты патриоттық әндер жинағын басып шығаруымен де танымал. Оған Сарыарқа туралы әндер енді. Биыл Қарағанды қаласына 91 жыл толады.Ақпарат көзі : https://www.gov.kz/memleket/entities/karaganda/press/news/details/933538

Бүгін ҚР Премьер-Министрінің бірінші орынбасары Роман Склярдың төрағалығымен ҚР Өнеркәсіп және құрылыс министрлігінде өнеркәсіп, құрылыс және тұрғын үй-коммуналдық шаруашылық, геология және жер қойнауын пайдалану салаларындағы 2024 жылғы жұмыс қорытындылары шығарылып, ағымдағы жылға арналған міндеттер белгіленді.Отырыс барысында Министр Қанат Шарлапаев, сондай-ақ вице-министрлер Қуандық Қажкенов, Жәннат Дүбірова, Иран Шархан және Олжас Сапарбеков баяндама жасады.Сондай-ақ отырысқа ҚР Парламенті Мәжілісінің депутаттары, Энергетика, көлік, экология және табиғи ресурстар, қорғаныс министрлерінің орынбасарлары, облыс әкімдерінің орынбасарлары, облыстық кәсіпкерлік басқармаларының басшылары, сондай-ақ Министрлік жетекшілік ететін сала ұйымдары мен компанияларының өкілдері шақырылды.Алқа отырысын ашқан министр Қанат Шарлапаев 2024 жылдың соңына қарай өңдеуші өнеркәсібі мен тұрғын үй құрылысында айтарлықтай жетістіктерге қол жеткізілгенін атап өтті. Мәселен, өңдеуші өнеркәсібіндегі өнім көлемі металлургия (+6,9%), машина жасау (+9,7%), химия (+7,7%) және басқа да салалардағы өсім есебінен 5,9%-ға өсті.«Мұндай өсім соңғы бес жылда бірінші рет болып отырғанын айта кеткен жөн. 2024 жылы шамамен 1,3 трлн теңгені құрайтын 180 жоба іске қосылып, 14,4 мыңға жуық тұрақты жұмыс орны ашылды. Жыл қорытындысы бойынша құрылыста оң нәтижелерге қол жеткізілді. Соңғы он жылда тұрғын үй құрылысының рекордтық көлемі байқалды. Жоспар бойынша 18 млн шаршы метр болғанымен, 18,9 млн ш.м. метр жаңа тұрғын үй салынды, бұл 172 мыңнан астам үйді құрайды (нақты тұрғын үй көлемінің индексі – 106,4%)», – деді министр.Вице-министр Олжас Сапарбеков өнеркәсіптік сектордағы қызметтің негізгі көрсеткіштерге толығырақ тоқталды.2024 жылы түсті металлургия секторындағы көрсеткіштердің ұлғаюы мысты толлинг көлемінің және мыс зауыттарындағы өндірістің ұлғаюымен қамтамасыз етіледі. Еліміздегі түсті металл өңдеу секторы жыл сайын оң өсу динамикасын көрсетті. 2024 жылы отандық өндірушілер мыс өңдеуді 16,5%-ға, алюминийді 9,6%-ға, мырышты 33%-ға, қорғасынды 4,6%-ға ұлғайтты.Бұл металдарды өңдеу кабель және сым бұйымдары, терезелер, есіктер, витраждар, арматура, аккумуляторлар және т.б секілді қосымша құны жоғары тауарларды өндіруге бағытталған.Химия өнеркәсібінде минералды тыңайтқыштар (азот, фосфор) өндірісін 25%-ға, полипропиленді 46%-ға және сары фосфорды 13%-ға арттыру есебінен өндіріс көлемі 3%-ға өседі деп күтілуде.Вице-министр 2024 жылы машина жасау өндірісінің көлемі 9,7%-ға артқанын атап өтті. 2025 жылы 5%-дық өсім күтілуде. 2024 жылдың соңына қарай жеңіл автокөліктердің 134 мыңнан астам данасы өндірілді, оның 23 мыңы СКД талаптарына сәйкес келеді. Биыл 149 мың дана өнім шығару жоспарланған. 2025 жылдың соңына дейін жинақтаушы бұйымдарды өндіру жобаларын жүзеге асыру жоспарлануда, оның нәтижесі шығарылатын өнімнің өзіндік құнын төмендетуге мүмкіндік береді.«Автомобиль секторын дамыту локализацияны тереңдету және құрамдас база өндірісін игеру есебінен жоспарлануда. Бұл мультимедиялық жүйелерді шығаратын зауыт іске қосылып, Алматы қаласында жоспарланған автокреслолардың сериялық өндірісін іске қосу арқылы жүзеге асырылады», – деді О.Сапарбеков.Вице-министр Қ. Қажкенов тұрғын үй құрылысы саласында атқарылып жатқан жұмыстарға тоқталды .«Тұрғын үй секторында мемлекеттік тұрғын үйді қолдау шаралары халықтың әлеуметтік осал топтарына жалға берілетін тұрғын үй және кезекте тұрғандарға несиелік тұрғын үй беру түрінде қолданылады. 2024 жылдың соңына дейін тұрғын үй құрылысын ынталандыруға барлығы 893,5 млрд теңге бөлінді », – атап өтті вице-министр.Сондай-ақ ол министрлік құрылыс салушыларға қойылатын талаптарды азайтуға және жағдайды жақсартуға, үлестік қатысудың тартымдылығын арттыруға және құрылыс нарығында тең жағдайларды қамтамасыз етуге бағытталған шаралар әзірленгенін айтты. Бұл тәсілдер Мәжілісте қаралып жатқан Тұрғын үй құрылысына үлестік қатысуды жақсарту туралы заң жобасында қарастырылған .«Наурыз» ипотекалық бағдарламасы аясында 2025 жылы 290 млрд теңгеге 11 мың қарыз беру жоспарлануда. Бұл бағдарлама бойынша бастапқы жарна 20%-дан 10%-ға дейін төмендейді.Президент бастамасымен қолға алынған «Жұмысшы мамандықтар жылы» аясында техникалық мамандарды қолдау шараларын жүзеге асыру мақсатында «Наурыз жұмыскер» жаңа тұрғын үй бағдарламасын іске қосу жоспарлануда. Бастапқы жарна 10% құрап, бұл бағдарлама бойынша 72 миллиард теңге сомасына 2,4 мың несиесі беріледі.Вице-министр И. Шархан өткен жылы 23 қатты пайдалы қазба кен орны алғаш рет мемлекетке тіркелгенін айтты. Барлау нәтижелері бойынша алтын қорының ұлғаюы 20 тоннаны, мыс – 48 мың тоннаны, хром – 464 мың тоннаны, қорғасын мен мырыш – 290 мың тоннаға жуықты құрады.«Министрлік жер қойнауын мемлекеттік геологиялық барлау жұмыстарын жүргізуде. Жер қойнауын мемлекеттік геологиялық зерттеудің өңірлік жұмыстарының нәтижесінде қатты пайдалы қазбалар бойынша перспективалы 38 учаске анықталды. Олардың арасында сирек кездесетін металдар, бериллий, қоңыр көмір, алтын, цирконий, ниобий және вольфрам бар », – деді Иран Шархан.Геологиялық барлау жұмыстарын жандандыру және жаңа кен орындарын ашу мақсатында заңнамалық реформа жүргізіліп, геологиялық барлау учаскелеріне қолжетімділіктің қолдану қағидаты белгіленген «Жер қойнауы және жер қойнауын пайдалану туралы» Кодекс қабылданды. Қабылданған заңнамалық және әкімшілік шаралар секторда ауқымды геологиялық барлау жұмыстарын бастауға әкелді. Бүгінгі таңда барлауға 3000 лицензия берілді.Вице-министр Қазақстанға жаңа компаниялар мен әлемдік алпауыттардың келгенін айтты, соның ішінде: Fortescue, Barrick, BHP, First Quantum Minerals және т.б. Мемлекетте жұмыс істеп жатқан Rio Tinto мен отандық компаниялар іздеу алаңдарын кеңейтті. Тек он шетелдік компания геологиялық барлауға 41 млрд теңгеге жуық инвестиция салуды жоспарлайды, бұл 25 мың км² астам аумақтарды барлауды қамтамасыз етеді.1:200 000 масштабтағы жер қойнауын мемлекеттік геологиялық зерттеу аясында жүргізіліп жатқан жұмыстар 2026 жылдың соңына дейін Қазақстан аумағын 2,2 млн ш. км. дейін геологиялық-геофизикалық барлаумен қамтуға қол жеткізуге бағытталған. 2024 жылдың соңында бұл көрсеткіш 2014,4 мың ш. км. дейін өсті. Министрлік 2025 жылы оны 2 038,2 мың ш.км. жеткізуді жоспарлап отыр. 3 жылға қаржыландыруға арналған бұл жұмыстардың жалпы сомасы 20 млрд теңгеден асады.Вице-министр Ж. Дүбірова министрліктің салаларын цифрландыру жобалары туралы айтты. Оның ішінде 2025 жылдың 1 қаңтарында іске қосылған Жер қойнауын пайдаланудың бірыңғай платформасы. Барлауға немесе өндіруге өтінім беруден бастап оның аукционына және лицензияны беруге дейін цифрлық форматта үздіксіз процесті жүзеге асырылды.Бүгінгі таңда Жер қойнауын пайдаланудың бірыңғай платформасы арқылы геология және жер қойнауын пайдалану саласындағы 22 мемлекеттік қызмет электронды түрде қолжетімді. Табиғи ресурстардың Жер қойнауын пайдаланудың бірыңғай платформасының интерактивті картасы арқасында әлеуетті жер қойнауын пайдаланушылар инфрақұрылымнан бастап геологиялық-геофизикалық есептерге дейін сұралған аумақтың толық бейнесін алады.«Егер бұрын жер қойнауын пайдаланушы әкімдіктерге, министрлікке барып, делдал іздеп, келіссөздер жүргізу керек болса, енді барлығын қажетсіз қағазбастылықсыз онлайн режимінде алуға болады. Біз барлауға немесе өндіруге өтінім беруден бастап оның аукционына және лицензияны беруге дейін цифрлық форматта үздіксіз процесті жүзеге асырдық», – атап өтті вице-министр.Интерактивті карта – маңызды элемент. Ол жер қойнауын пайдалану үшін алынған барлық аумақтарды қамтиды, сондай-ақ аукционға шығарылатын учаскелерді орналастыруға мүмкіндік береді. Енді инвесторлар да делдалсыз тікелей порталға кіріп, қалаған сайтты таңдап, аукционға қатысуға өтінім бере алады. Сонымен, ағымдағы жылдың қаңтарында 21 учаскеге электронды аукцион өткізілді, инвестиция көлемі 40 млн долларды құрады.Одан бөлек, жасанды интеллект енгізу бойынша жұмыстар жүргізілуде, ол геологиялық ақпаратты танып қана қоймай, сонымен қатар әртүрлі сипаттамаларды талдап, Big Data негізінде Қазақстандағы кен орындары мен пайдалы қазбалардың болжамды үлгілерін жасайды. Сондай-ақ Ж. Дүбірова Бірыңғай тұрғын үй-коммуналдық шаруашылық платформасын құру жұмыстары туралы айтты. Бұл Бірыңғай есеп айырысу орталығы, Пәтер иелерінің кооперативі және т.б. сияқты жеке дерекқорлардың, сондай-ақ мемлекеттік деректер қорларының ақпараттарының агрегаторы.Ақпарат көзі : https://www.gov.kz/memleket/entities/mps/press/news/details/932440

«QazIndustry» Қазақстандық индустрия және экспорт орталығы кәсіпорындардың шығындарының бір бөлігін өтеу шараларын жалғастыруда. Жыл басынан бері орталыққа еңбек өнімділігін арттыру және өнімді ілгерілетуге бағытталған шығындарды өтеу бойынша 58 өтінім түсті.QazIndustry бизнесті ынталандыру дирекциясының мәліметінше, ағымдағы жылдың қаңтар айының қорытындысы бойынша кәсіпорындардың шығындарын өтеуге мақұлданған сома 63 млн 184 мың теңгені құрады. Өтінімдердің басым бөлігі еңбек өнімділігін арттыруға бағытталған мемлекеттік қолдау шараларымен байланысты.Өтінімдердің ең көп саны Астана, Алматы және Шымкент қалаларынан түскен. Кәсіпорындар арасынан әсіресе, металлургия, агроөнеркәсіп кешені (азық-түлік пен сусын өндірісі) және құрылыс материалдарын шығаратын салалар белсенділік танытуда.Мемлекеттік ынталандыру шараларын түсіндіру жұмыстары аясында QazIndustry өкілдері өндірістік-инновациялық қызмет субъектілеріне кеңес беру мақсатында түрлі іс-шаралар өткізуде. Осы бағытта жыл басынан бері ашық есік күндерін қоса алғанда, жалпы саны 8 іс-шара ұйымдастырылды. Мамандар сондай-ақ мемлекеттік қолдау механизмдерін түсіндіру мақсатында кәсіпорындарға бару арқылы да түсіндіру жұмыстарын жалғастыруда.Ақпарат көзі : https://www.gov.kz/memleket/entities/mps/press/news/details/932574

2025 жылдың 1 қаңтарынан бастап Жер қойнауын пайдаланудың бірыңғай платформасы іске қосылды, онда барлауға немесе өндіруге өтінім беруден бастап оның аукционына және лицензияны беруге дейінгі үздіксіз процесс цифрлық форматта жүзеге асырылды.Бұл туралы министрліктің кеңейтілген алқа отырысы барысында ҚР Өнеркәсіп және құрылыс вице-министрі Жәннат Дүбірова айтты.Бүгінгі таңда Жер қойнауын пайдаланудың бірыңғай платформасы арқылы геология және жер қойнауын пайдалану саласындағы 22 мемлекеттік қызмет электронды түрде қолжетімді.Мемлекеттік қызметтерді көрсету шеңберінде жер қойнауын пайдаланушыларға Жер қойнауын пайдаланудың бірыңғай платформасына жазылу бонустарын тікелей төлеуге мүмкіндік беретін «электрондық әмиян» қызметі енгізілді.Платформаның интерактивті картасының арқасында әлеуетті жер қойнауын пайдаланушылар инфрақұрылымнан бастап геологиялық-геофизикалық есептерге дейін сұралған аумақ бойынша толық ақпаратты алады.Тиімділік пен ашықтықты арттыру мақсатында қатты пайдалы қазбаларға берілген лицензиялар мен келісімшарттар бойынша міндеттемелердің орындалуын бақылау процесі цифрландырылды. Бұрын бұл бақылау 3000 лицензия мен келісімшарт бойынша қолмен жүргізілетін .Жер қойнауын пайдаланушылардың жыл сайынғы есептері автоматтандырылды, бұл қағазбастылықты болдырмайды.Бірыңғай геологиялық қызметті геологиялық ақпаратпен толтыру үшін «Ұлттық геологиялық қызмет» АҚ 56 мыңнан астам ашық қосалқы геологиялық есептерді цифрландырып, жариялады.Платформаның іске қосылуы 2024 жылдың шілдесінен бастап жүргізілген ауқымды жұмыстардың нәтижесі: халықаралық тәжірибе зерделенді, бизнес-процестер реинжинирингтен өтті, жүйе архитектурасы мен енгізу тәсілі қайта қаралды. Финляндия, Канада, Ұлыбритания және Біріккен Араб Әмірліктеріндегі ұқсас геопорталдардың тәжірибесі негізге алынды.Жоғарыда аталған платформаның цифрлық қызметтерін енгізуді ҚР Қаржы министрлігінің «Ақпараттық-есептік орталығы» АҚ жүзеге асырды. Ол келесі сілтеме бойынша қолжетімді: minerals.e-qazyna.kz.Платформа іске қосылғаннан бері қатты пайдалы қазбаларды барлауға және өндіруге лицензия алуға, сондай-ақ басқа да мемлекеттік қызметтерге 506 өтініш цифрлық форматта өңделді.Ағымдағы жылдың қаңтар айында Жер қойнауын пайдаланудың бірыңғай платформасы арқылы қатты пайдалы қазбалардың қоры бар 21 жер қойнауы учаскесі бойынша аукциондар өткізілді. Аукционға 50-ден астам компания қатысты. Қол қойылатын бонустың жалпы сомасы 20 млрд 69 млн теңгені құрады.Осылайша, Жер қойнауын пайдаланудың бірыңғай платформасының цифрлық қызметтерін іске қосу геология және жер қойнауын пайдалану саласында мемлекет пен жер қойнауын пайдаланушылардың өзара іс-қимылын сапалы жаңа деңгейге көтеру, жер қойнауы ресурстарының ашықтығы мен бақылауын қамтамасыз ету саласындағы маңызды белеске айналды.Ақпарат көзі : https://www.gov.kz/memleket/entities/mps/press/news/details/932635

«Мемсараптама» РМК «Мектепке дейінгі шағын орталығы бар Ш. Уәлиханов атындағы орта мектеп» КММ ғимаратын күрделі жөндеу жобасы бойынша оң қорытынды бердіМектеп Алматы облысы Еңбекшіқазақ ауданы Ащысай ауылында орналасқан. Құрылыс алаңы 1964,02 м2 құрайды.Жоба шатырды ауыстыруды, іргетасты, қабырғаларды нығайтуды, ішкі және сыртқы әрлеуді, терезелерді, есіктерді ауыстыруды, жаңа кіру топтарын, спорт және ойын алаңдары, халықтың мобильділігі төмен топтарына арналған тұрақтарын жобалауды жоспарлап отыр.Тапсырыс беруші – «Алматы облысы Білім басқармасының Еңбекшіқазақ ауданы бойынша білім бөлімі» ММ, бас жобалаушы – «ИКАР-СТРОЙ» ЖШС.Ақпарат көзі : https://www.gov.kz/memleket/entities/mps/press/news/details/933124

«Қазақстан Республикасының минералдық шикізатты кешенді қайта өңдеу ұлттық орталығы» РМК филиалы «Қазмеханобр» МӨЭҒӨБ ғалымдары Чинасыл-Сай кен орнының полиметалл кенін өңдеудің тиімді технологиясын әзірледі. Кендердің бұл түрін өңдеу проблемасы олардың құрамының күрделілігімен байланысты. Кендерде алтын, күміс, қорғасын, мырыш және басқа да минералдар араласып келеді. Мысалы, Чинасыл-Сай кен орны жағдайында – бұл пирит.Ғалымдардың міндеті – шығындарды азайта отырып, барлық пайдалы компоненттерді барынша алу. Зерттеулер барысында зиянды цианид реагентін пайдаланбай және өнеркәсіптік өнімді қосымша ұнтақтамай-ақ, кенді байытудың гравитациялық-флотациялық технологиясының оңтайлы режимдерін жасады.Технология үш өнімді алуға мүмкіндік береді: алтын мен күміске бай гравитациялық концентрат, қорғасын және мырыш флотациялық концентраттар. Сапасы жағынан олар бағалы металдарды өндіру үшін одан әрі пайдалануға дайын.Бұл технология басқа кен орындарының осыған ұқсас кендерін өңдеуге жарамды, бұл оны Қазақстанның тау-кен өндіру саласын дамыту үшін перспективті шешім етеді.Ақпарат көзі : https://www.gov.kz/memleket/entities/mps/press/news/details/933133