Балқаш жастары қазір кездесулер, келіссөздер, фитнес, би, үстел ойындарын ойнауға, бейне және аудио контент жазуға арналған орын бар: қалада Жаңа jas Space спорттық-зияткерлік орталығы ашылды.Бұл белсенді және креативті жастарға, сондай – ақ әлі еш жерде оқымайтын және жұмыс істемейтіндерге-NEET санатындағы өкілдерге арналған заманауи және функционалды кеңістік.Жастар мұнда жұмысқа орналасу, кәсіптік бағдар беру және кәсіпкерлік мәселелері бойынша кеңес ала алады.Jas Space "Сары Қазына" ЖШС және "Қоңырад" Мыс компаниясы "ЖШС құрған "Қоңырад"корпоративтік қорының демеушілік қаражаты есебінен ашылды. Орталық орналасқан бөлмеде қайта құру, әрлеу жұмыстары жүргізілді, қасбеті жөнделді, фитнес, үстел ойындары мен конференцияларға арналған залдар, сондай-ақ дыбыс және бейне жазу студиялары бар баспасөз орталығы жабдықталды және жабдықталды.Орталықта көркем гимнастика, 3D-модельдеу, Заманауи би, дойбы, тоғызқұмалақ үйірмелері ашылды.- Жастардың зияткерлік және спорттық дамуы үшін жағдай жасау әлеуметтік басымдық болып табылады. Орталық жастардың жеке дамуына, сондай-ақ патриотизмге тәрбиелеуге ықпал ететіні сөзсіз. Біздің қаламызда осындай әлеуметтік маңызы бар нысанның ашылуы бизнестің басқа өкілдері үшін де үлгі болуға тиіс, – деп атап өтті Балқаш әкімі Сапар Сатаев.Jas Space Жастар спорттық-зияткерлік орталығы С.Мұхамеджанов атындағы шағын ауданның № 20а үйінде орналасқан. Ақпарат көзі : https://www.gov.kz/memleket/entities/karaganda/press/news/details/923474

Мемлекет басшысы Қасым-Жомарт Тоқаевтың Қазақстан халқына Жолдауында 2025 жыл «Жұмысшы мамандықтар жылы» деп жарияланды. Осыған орай, Түркістан облысы әкімінің орынбасары Бейсенбай Тәжібаевтың төрағалығымен жұмысшы тобының отырысы өтті. Онда «Жұмысшы мамандықтар жылын» өткізу бойынша іс-шара жоспары қаралып, толықтырулар еңгізу бойынша ұсыныстар тыңдалды.Облыс әкімінің орынбасары аудан, қала әкімдіктері мен салалық басқармаларға нақты жоспар жасап, жыл бойы жүйелі әрекет етуді тапсырды.– Президентіміз Қасым-Жомарт Кемелұлының тапсырмаларының орындалуы жіті бақылауда тұр. Мемлекеттік механизмдерді біртұтас іске қосу үшін бізге осындай бастамалар қажет. Мұны «бірреттік шара» деп қабылдауға болмайды. Есеп үшін өткізілетін шаралар қажет емес. Жұмысты аса жанашырлықпен, жауапкершілікпен қолға алыңыздар. Еңбек адамдары біздің өңірде жеткілікті. Мемлекеттік грант арқылы кәсіп ашқан, «Ауыл аманаты» бағдарламасының рахатын көріп жатқан азаматтар мен облыс экономикасын дамытуға үлес қосып келе жатқан шаруалар бар. Олардың еңбегі елене бермейді. Жұмысшылардың беделін арттыру, еңбегін насихаттауға баса мән беру керек. Жәй сөз емес, сілкініс қажет, – деді Бейсенбай Дәулетұлы.Түркістан облысындағы 50 колледждің 30-ында кәсіптік мамандық иелері даярланады. Жұмысшы мамандықтары оқытылады. 40 мыңнан астам студент техникалық және кәсіптік білім алады. Өңір колледждеріне биылғы оқу жылында да 15 мыңнан астам грант бөлінеді.Жиында Облыстық білім басқармасы басшысының орынбасары Айгүл Қасымбекова атқарылып жатқан жұмыстарды баяндады. Оның айтуынша, Түркістан облысында «Жұмысшы мамандықтар жылына» орай 6 бағыт бойынша 60 іс-шара өткізу жоспарланып отыр. Жоспарда әр басқармаға нақты міндеттер жүктелген. Атап айтқанда, кәсіби мерекелерді жоғары деңгейде атап өту, кәсіптік бағдар беру жұмысы мен экскурсиялар ұйымдастыру, жұмысшы мамандықтарының жас көшбасшыларының қатысуымен облыстық форумдар, шеберлік сайыстарын, кадрларды даярлау бойынша облыстық және республикалық деңгейде сессиялар өткізу, кадрларға қажеттіліктің өңірлік карталарын әзірлеу, жұмысшы адамның бейнесін танымал ету, үздік мамандар байқауларын өткізу жоспарлануда.«Жұмысшы мамандықтар жылын» өткізу бойынша атқарылып жатқан нақты жұмыстар облыс әкімінің тікелей қадағалауында болады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923679

Түркістан облысында машина жасау өнеркәсібін дамыту қолға алынды. Отандық шағын габаритті арнайы техника мен коммуналдық қондырма жабдықтарын шығаратын өндіріс орны өңірдегі шағын өндірістік паркте орналасқан. Облыс әкімі Нұралхан Көшеров өңірдегі инвестициялық жобалар шоғырланған «SPK Turkistan» өндірістік паркін аралап көрді. Сауран ауданында орналасқан «BNK GROUP LTD» ЖШС кәсіпорнында болып, басшыларымен кездесті.Жұмыс жоспарына сәйкес, бұл зауытта жылына 1 мың арнайы техника шығару көзделген. Жоба биыл жүзеге асады деп жоспарланған. Айта кетейік, осы зауытта елімізде алғаш болып жаңбырлатып суару машиналары шығарыла бастады. Бүгінде Түркістанда жасалған өнімге сұраныс артқан. Кәсіпорын америкалық «Nelson Irrigation» компаниясымен бірлесіп, «BNK Irrigation» сауда белгісімен айналмалы және фронтальды жаңбырлатқыш машиналар өндірісін іске қосқан. Президент тапсырмасына сәйкес, бұл 2030 жылға дейін облыста 216,3 мың гектар жерге су үнемдеу технологиясын енгізуге мүмкіндік береді.Бұдан кейін облыс әкімі тоңазытқыш және мұздатқыш жабдықтарын өндіре­тін «Jasyl suyq Qazaqstan» кәсіпорны­ның өндіріс алаңына барды. Өнімдерін Орталық Азия елдеріне импорттап келе жатқан болгариялық «UBC Group» холдингі Түркістан облысында екі ірі өндіріс желісін ашу жөнінде шешім қабылдаған. Инвестор жобаның бірінші кезеңіне 5 млн еуро көлемінде қаржы құяды. «SPK Turkistan» аумағындағы өндіріс алаңында 350-ге жуық жұмыс орны ашылады. Ал «Тұран» арнайы эконо­микалық аймағында іске қосылатын екінші зауытқа 7,5 млрд теңге инвестиция салынады. Нәтижесінде айына 10 мыңға дейін тоңазытқыш жабдығын шығарып, мың адамды жұмыспен қамту жоспарланып отыр.Сондай-ақ облыс басшысына көрме орталығының жобасы таныстырылды. Бұл жерде сауда, қызмет көрсету, компанияларды таныстыру, көрме ұйымдастыру және басқа да шаралар үшін пайдаланылатын арнайы ғимараттар салынады. Ол үшін барлық жағдай жасалады. Жоба еуропалық стандарттарға сай жүзеге асады.Өндірістік парктің құрылысы 100 гектар жерге салынады. Құрылыс екі кезең бойынша жүзеге асырылады. Жалпы 151 ғимарат салу жоспарланған. Құрылыс-монтаждау жұмыстары «Түркістан» әлеуметтік кәсіпкерлік корпорациясы және жеке инвестор есебінен жүргізілуде. Құрылыс екі кезең бойынша жүзеге асырылады. Индустриялық алаңның бірінші кезеңінде 30 гектар жер телімі бөлініп, тиісті инфрақұрылыммен және коммуникация желілерімен қамтамасыз етілді. Бүгінде парк аумағында 10 ғимараттың құрылысы аяқталды. Былтыр инвестиция көлемі 36,5 миллиард теңге болатын 8 өндіріс іске қосылып, 712 жаңа жұмыс орны ашылды. Маңызды жоба облыс әкімі Нұралхан Көшеровтың жіті бақылауында болады.Өңір басшысы құрылыс барысын бақылап, жауаптыларға бірқатар тапсырмалар жүктеді.Биылғы бірінші тоқсанда 16 ғимаратты іске қосу жоспарланып отыр. Бір ғимараттың ауданы 1584 шаршы метрді құрайды, қажеттілікке қарай ғимараттың ауданы үлкейтіледі. Екінші кезеңде 2025-2026 жылдары 70 га аумақта 112 ғимарат соғу жоспарланған. Мұнда да өндіріс орындары ашылады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923640

Мемлекет басшысы бастамашылық еткен "жайлы мектеп" жобасын іске асыру аясында Түркістан облысында 29 білім беру мекемесі салынуда. Отырар ауданының Шәуілдер ауылдық округінде бірыңғай үлгідегі заманауи мектеп салынды.Түркістан облысының әкімі Нұралхан Көшеров Отырар ауданына жұмыс сапары барысында жаңа мектеп құрылысының барысын тексеріп, жауапты тұлғаларға бірқатар нақты тапсырмалар берді.- Әлеуметтік нысандардың құрылысы қатаң бақылауда. Ғимараттың, жабдықтың және жиһаздың сапасына байланысты кез-келген проблеманы болдырмау қажет. Білікті кадрлармен жасақтау мәселесі де назарда болуы тиіс, - деп атап өтті Нұралхан Оралбайұлы.600 орындық мектеп құрылысы "Samruk-Kazyna Construction"АҚ тапсырысы бойынша жүзеге асырылды. 3 гектар аумақта орналасқан білім беру мекемесі инженерлік инфрақұрылыммен толық қамтамасыз етілген. Қазіргі уақытта құрылыс жұмыстары аяқталды, қабылдау-тапсыру іс-шаралары жүргізілуде. Мектепте 115 жұмыс орнын ашу жоспарлануда.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923663

Түркістан облысында 264 мәдениет үйі мен клуб қызмет көрсетеді. Мәдениет саласындағы инфрақұрылымын дамыту мақсатындағы тапсырмаға сәйкес, өңірде мәдени ошақтар бой көтеріп жатыр. Осы ретте Отырар ауданында орналасқан М. Шойманов атындағы 150 орындық Мәдениет үйі пайдалануға берілді. Облыс әкімі Нұралхан Көшеров жаңа мәдени ошақтың ашылуына қатысып, ауыл тұрғындарын заман талабына сай бой көтерген мәдениет үйінің ашылуымен құттықтады.- Отырарды білмейтін қазақ жоқ. Осындай қасиетті топырақтан болашақта әлемге танымал өнерпаздар шыға берсін. Мемлекет басшысының тапсырмасымен «Жайлы мектеп» жобасы аясында ауданда мектеп салынды. Өндіріс дамып жатыр. «Ауыл – Ел бесігі» жобасы аясында әлеуметтік нысандар құрылысы ел игілі үшін жүзеге асуда. Инфрақұрылымды дамыту да назардан тыс қалмайды, – деді облыс әкімі Нұралхан Көшеров.Өнерге қанат қаққан ауыл жастарының талабын шыңдап, түрлі мерекеде халыққа рухани азық сыйлау мақсатында жаңадан бой көтерген мәдениет ошағының жалпы алаңы – 76 гектар. Мұнда білікті мәдениет өкілдері еңбек етеді.Заманауи үлгіде салынған рухани ордада кітапхана, үлкен зал және би залы орналасқан. Хореография, домбыра үйірмелері жұмыс істейді. Мұнда ұлдар мен қыздарға арналған киім ауыстыру және жуыну бөлмелер бар. Қызметкерлерге арналған кабинеттер барлық керекті жабдықтармен қамтамасыз етілген. Мүмкіндігі шектеулі азаматтарға да жағдай жасалған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923678

Ақмола облысында Ұлы Отан соғысының ардагерлеріне теңестірілген азаматтарға және басқа мемлекеттердің аумағындағы ұрыс қимылдарына қатысқан ардагерлерге қолдау көрсету бойынша жұмыстар жүргізілуде.2024 жылы облыстық бюджет қаражаты есебінен Чернобыль АЭС апатын жоюшыларға, Ауған соғысының ардагерлеріне, ТМД-ның тәжік-ауған шекарасында қызмет еткендерге, Таулы Қарабахтағы этносаралық қақтығысты реттеуге қатысқан 1439 ардагерге естелік күндер мен мерекелік күндерге орай біржолғы әлеуметтік төлемдер ретінде 198 млн теңгеден астам қаражат бөлінді.2025 жылға осы санаттағы 1426 ардагерге біржолғы әлеуметтік төлемдерге облыстық бюджеттен шамамен 140 млн теңге бөлу көзделіп отыр.Ақмола облысы әкімінің орынбасары Алтынай Әміренова ардагерлердің қоғамдық бірлестіктерінің өкілдерімен әлеуметтік қолдау мәселелері бойынша кездесу өткізді.Кездесу барысында ардагерлер санаторий-курорттық емделу, тіс протездеу, коммуналдық қызметтерге төлемақы мөлшерін облыстың барлық аймақтарында өтеу сомасын арттыру мәселелерін көтерді.Айта кету керек, әлеуметтік көмек көрсету қағидаларына сәйкес, ардагерлерге келесі қосымша қолдау шаралары ұсынылады:Жылына 1 рет санаторий-курорттық емделу шығындарын өтеу – 40 АЕК-ке дейін (157 280 теңге).Жылына 1 рет емделуге бару шығындарын өтеу:облыстың кейбір аудандарының ардагерлері үшін 20 АЕК-ке дейін (78 640 теңге).Жақсы және Жарқайың аудандарының ардагерлері үшін 10 АЕК-ке дейін (39 320 теңге).Жылына 1 рет тіс протездеуге жұмсалған шығындарды өтеу – 30 АЕК-ке дейін (117 960 теңге).Облыстың бес ауданында коммуналдық қызметтерді өтеу өтемақысы.Айта кету керек, Ақмола облысы бұл нормалар толық көлемде іске асырылатын Қазақстан Республикасының үш аймағының қатарына кіреді (соның ішінде Астана қаласы мен Солтүстік Қазақстан облысы бар).Ақпарат көзі : https://www.gov.kz/memleket/entities/aqmola/press/news/details/923396

Облыс әкімінің бірінші орынбасары Зұлпыхар Жолдасов Кентау қаласына арнайы іссапармен барып, бірқатар нысандарды аралады.Алдымен қаланың кіреберісінде орналасқан кәріз су тазалау станциясына барды. Қала тұрғындарын кәріз жүйесімен толық қамту және кәріз су сорғы станциясының өнімділігін арттыру мақсатында жобалық-сметалық құжаттама әзірленуде. Жоба бойынша 40 га жер теліміне жаңа кәріз су тазарту станциясы орнатылады. Бұл өз кезегінде қала тұрғындарын кәріз жүйесімен қамтуды ұлғайтады. Қала әкімі Жандос Тасовтың айтуынша, қала тұрғындарының 78,1%-ы кәріз жүйесімен қамтылған.Іссапар барысында көпқабатты тұрғын үйлерді жаңғырту жұмыстарымен танысты. Бүгінде Кентау қаласындағы 377 көпқабатты тұрғын үйдің 288-і толығымен жаңартылды. Сондай-ақ өткен жылы 38 көпқабатты тұрғын үйге күрделі жөндеу жұмыстарын жүргізу үшін республикалық бюджеттен қаржы қаралып, оның 25-інде күрделі жөндеу жұмыстары аяқталды. Ал қалған 13 көпқабатты тұрғын үйдің шатыры ауыстырылды.Одан бөлек, қаладағы Д.Қонаев даңғылын халықаралық әуежайға баратын айналма жолға қосу мақсатында реконструкциялау жобасымен танысты. Жоба іске асқан жағдайда Кентау қаласы тұрғындарының Түркістан әуежайына және әуежай тасжолы арқылы Шымкент қаласына қатынауына мүмкіндік беріледі. Сондай-ақ Кентау – Шымкент қалалары аралығында қатынайтын көліктер айналма жол арқылы жүріп, нәтижесінде, КХ-190 Түркістан – Кентау тасжолындағы автокөліктердің саны азаяды.Еске салайық, өткен жылы жаңадан көпқабатты тұрғын үйлер халық игілігіне берілген болатын. Сапары барысында облыс әкімінің бірінші орынбасары үй құрылысын және «Салиха-Ана» сауда орталығынан өтетін арық жүйесінің жай-күйін тексерді. Сала мамандарына көктем айында су басу қаупі бар көшелерге салынып жатқан суағарлардың сапасын қадағалауды тапсырды.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923057

Түркістан облысында шаруаларды ағын сумен қамту, су нысандарын реттеу бағытында жүйелі жұмыс жалғасып жатыр. Облыс әкімі Нұралхан Көшеров салаға жауапты мекеме басшыларымен жиналыс өткізіп, ағын суға қатысты мәселелерді талқылады. Басшыларға тиісті тапсырмалар берді. – Мемлекет басшысы су нысандарын реттеу және жөндеу, су үнемдеу технологияларын енгізу міндетін жүктеді. Бұл тапсырманың Түркістан облысы үшін маңызы зор. Біз шаруаларды қажетті ағын сумен қамтудың барлық мүмкіндігін қарастыруымыз керек. Екіншіден, аудан, қалалардағы су қоймалардың айналасына ағаш көшеттерін егу жұмыстарын қолға алуды тапсырамын. Су нысандарының құрылысы қатаң бақылауда болады, – деді Нұралхан Көшеров. Мәжілісте Облыстық ауыл шаруашылығы басқармасы басшысының орынбасары Е.Құралбеков пен «Тұран су» мекемесінің басшысы Д.Лесовтың есептері тыңдалды. Қазіргі таңда аймақтағы су қоймаларда жиналған су көлемі өткен жылмен салыстырғанда жақсы деңгейде. Бүгінгі күнге су қоймаларға нақты 5 165,6 млн м3 су жиналған немесе 59 %-ға толған. Аймақта көктемгі тасқын суларды ұстап, суару маусымына тиімді пайдалану үшін, «Бәйдібек ата», «Боралдай», «Қарақуыс», «Иқан су» су қоймаларын салу жобалары әзірленді. Жобалар толық іске асқан жағдайда «Бөген» су қоймасына қосымша 120,3 млн м3 ағын су жеткізіліп, Түркістан қаласы аумағындағы ауылдарда ағын су мәселесі шешімін табады. Бүгінде «Бәйдібек» ата су қоймасының құрылысы басталды. «Қарақуыс» және «Қапшағай» су қоймасында құрылыс жұмыстары жүргізілуде. 2024 жылы 7 су нысанын күрделі жөндеуге, 6 нысаның механикалық тазалауға 9,3 млрд теңге бөлінді. 2025 жылға 12 су нысанын күрделі жөндеуге, 1 нысанды механикалық тазалауға 5,4 млрд теңге қарастырылып отыр. «Тұран су» мекемесіндегі өзгерістер өз тиімділігін дәлелдеді. Кәсіпорынның теңгерімінде 18 су қоймасы, 3 су торабы, 107 канал, 3 өндірістік-техникалық базасы және 81 арнайы техникасы бар. 2024 жылы кәсіпорын арқылы облыстық бюджет есебінен 9 су нысанының 96,42 шақырымына күрделі жөндеу жоспарланған. Қазіргі таңда орындалғаны – 46,02 шақырым. Мекеменің ауданға берілген эксковаторларының күшімен 1197,9 шақырым канал және қашыртқы механикалық тазалаудан өткізілген. Сонымен бірге кәсіпорын меншігіндегі арнайы техникалардың күшімен облыстағы 200 метр өзен арналарын нығайту және тазалау, 100 метр су қойма бөгетін қалпына келтіру жұмыстары атқарылған. Су үнемдеу технологиясын өндіретін кәсіпорын ашылып, жұмысын бастаған. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/922936

Бүгін 101-ші туған күнін Қарағанды облысының Осакаров ауданындағы жалғыз Ұлы Отан соғысының ардагері Анна Никаноровна Котова атап өтеді. Жергілікті билік оны осы күнмен құттықтады.Анна Котова өзінің қартайғанына қарамастан, бір орында отырмауға тырысады. Оның есте сақтау қабілеті керемет және ол өзінің жауынгерлік жастығын жиі еске алады.Анна Котова Воронеж облысында дүниеге келген. Соғыс басталған кезде ол сыныптастарының үлгісімен майданға ерікті болуды сұрай бастады, бірақ әскер қатарынан бірнеше рет осындай жас қызды әскерге шақырудан бас тартты. Бірақ Аннаның табандылығы мен табандылығы маңызды рөл атқарды: 1943 жылы ол 2-ші Украина майданының 065-ші эвакуациялық ауруханасына медбике болып тағайындалды. Мұнда ол соғыс аяқталғаннан кейін де жаралылардың өмірін сақтап қалуға көмектесті: қыз 1946 жылдың маусымында, оның бір бөлігі Венгрияда орналасқан кезде ғана демобилизацияланды. Ол 1943 жылдың 13 мамырынан 1945 жылдың 9 мамырына дейін 2-ші Украина майданының құрамында бо қимылдарына қатысты. Анна Никаноровна Курск шайқасы ерекше есте қалды.Анна Котова II дәрежелі Отан соғысы орденімен, "1941-1945 жылдардағы Ұлы Отан соғысындағы Германияны жеңгені үшін", "Украинаның фашистік басқыншылардан азат етілгеніне 60 жыл" медальдарымен, "санитарлық қызметтің үздігі" әскери белгісімен және басқа да мерейтойлық ордендермен және медальдармен марапатталған.Демобилизациядан кейін және лайықты демалысқа шыққанға дейін Анна Котова Осакаров ауданының денсаулық сақтау мекемелерінде жұмыс істеді.Ақпарат көзі : https://www.gov.kz/memleket/entities/karaganda/press/news/details/921817

✔️Мемлекет басшысы Қасым-Жомарт Тоқаев мүгедектігі бар адамдарға қолайлы жағдай жасау керектігін баса айтқан болатын. Осы ретте, Түркістан облысы, Сауран ауданында психоневрологиялық ауытқуы бар мүгедек балаларға арналған арнаулы әлеуметтік қызметтер көрсету орталығы салынуда. ✔️Облыс әкімінің орынбасары Бейсенбай Тәжібаев Ораңғай ауылдық округінде бой көтерген жаңа нысанды аралап, мердігерлермен кездесті. Сапалы жұмысты талап еткен облыс әкімінің орынбасары, құрылысты уақытылы аяқтауды тапсырды. Бейсенбай Дәулетұлы құрылыс алаңында жүргізілген жұмыстарды қадағалады. Ғимарат ашылғанға дейін бос жұмыс орындары жәрмеңкесін өткізіп, білікті мамандармен қамтамасыз етуді міндеттеді. Сондай-ақ жылу жүйесінде қатаң бақылауда ұстау керектігін айтты. Жауапты басқармалар, аудан әкімдігі, мердігер және орталық жетекшісіне кемшіліктерді реттеу бойынша тапсырмалар жүктеді. Орталық соңғы үлгідегі әрі заманауи қажет құрылғылармен жабдықталып, азаматтарға қолайлы жағдайлар жасалады. ✔️Құрылыс жұмыстары 2023 жылдың шілде айында басталып, осы жылдың көктем айында аяқтау жоспарланып отыр. Қазіргі таңда ішкі әрлеу жұмыстары жүргізіліп жатыр. Енді тазалау, көгалдандыру, материалдық-техникалық базамен қамту жұмыстары орындалады. Жаңа орталық ғимаратына Төлеби ауданы, Тасарық ауылда орналасқан тірек-қимыл аппараты бұзылған балаларға арнаулы әлеуметтік қызметтер көрсететін «№4 Тасарық арнаулы әлеуметтік қызметтер көрсету орталығы» КММ-сін орналастыру жоспарлануда. 📌Жалпы осы орталықтың іске қосылуы мүгедек балалар үшін әлеуметтік қолдау мен оңалту қызметтерін жақсартуға зор ықпал етеді. Бұл жоба – ауданның әлеуметтік инфрақұрылымын нығайтуға және тұрғындарға арнаулы әлеуметтік қызметтер көрсету сапасын арттыруға бағытталған маңызды қадам. 📌Облыс әкімінің орынбасары сондай-ақ, 200 орындық «Самғау» оңалту орталығында болып, қызмет алушылармен кездесті. Заманауи оңалту орталығы 18 жастан асқан мүгедектігі бар адамдарға арналған. Оңалту орталығында 25 күн бойы медициналық, психологиялық қызметтен көмектен бастап жалпы 7 түрлі арнаулы әлеуметтік қызметтер көрсетіліп келеді. Бір жылда 2400 азаматты қабылдауға қауқарлы. Өткен жылдың желтоқсанында 70-ке жуық адам ем алса, жыл басынан бері 100-ге жуық адам қызмет алып үлгерді. Жалпы, облыста 100 мыңға жуық мүгедектігі бар азамат тұрады. Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922120

Облыс әкімінің орынбасары Нұрбол Тұрашбеков кезекті жұмыс сапарында Жетісай және Шардара ауданында “Ислам Даму” банкінің қаржыландыруы арқылы жүзеге асырылып жатқан 512 тік дренаж ұңғымаларында атқарылған жұмыстарды бақылап, мердігерлермен жиналыс өткізді. “Қазсушар” РМК Түркістан филиалының директоры Казыбек Бедебаев жоба бойынша күтілетін нәтижеге тоқталып, жұмыс есебін ұсынды. Соңғы 10 жылда табысы мен күнкөріс көзі агросектормен тікелей байланысты Жетісай ауданында ауыл шаруашылығы дақылдарының өнімі мен сапасы төмендеген. Мамандар мұны аудан аумағындағы 380 тік дренажды ұңғыманың 210 данасының істен шығып, жерасты суы деңгейінің көтерілуімен байланыстырған болатын. Ауданда қазіргі таңда 16 010 гектар аумақта орналасқан 97 тік дренаждың құрылысын “Киікбай Строй Сервис” ЖШС жүргізуде. Суармалы жердің 19 911 гектарына 113 дренаж орнату міндеті “Арт-Құрылыс” ЖШС мекемесіне тапсырылған. Шардара ауданында жалпы тік дренаждар саны – 302. Тік дренажды ұңғымаларды қайта қалпына келтіру "Ислам Даму" банкі арқылы қаржыландырылып, жүзеге асуда. Бүгінге дейін жаңадан 229 тік дренажды ұңғыма қазылды. Жұмыстар өндірістік кестеге сай жалғасуда. Нұрбол Тұрашбеков сала мамандарына жобалардың сапасына баса мән беруді ескертіп, жұмысты ширатуды тапсырды. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/920624

Биыл да Түркістан облысы аумағында «Таза Қазақстан» бағдарламасы аясында ауқымды жұмыстар атқарылуда. Жоспар бойынша өңірде күнделікті өткізілетін 7263 сенбілік іс-шарасы бекітілді. Бұл жұмыстарға тұрғындар мен кәсіпкерлер де тартылып, тазалық жұмыстары білім, денсаулық сақтау, мәдениет, спорт, дін нысандарында күшейтілмек. Бұл туралы Түркістан облысының әкімі Нұралхан Көшеровтың төрағалығымен өткен аппарат мәжілісінде айтылды. Жиын барысында облыс әкімінің бірінші орынбасары Зұлпыхар Жолдасов бағдарлама аясында атқаралып жатқан жұмыстарды баяндап, жоспарлармен бөлісті. Қазіргі таңда аудан, қала әкімдіктері және Облыстық кіріс департаменті тарапынан кәсіпкерлік нысандарының және іргелес жатқан аумақтарды таза ұстау бағытындағы жұмыстар ұйымдастырылуда. Сонымен қатар «Таза Қазақстан» 2024-2029 жылдарға арналған экологиялық тұжырымдамасына сәйкес, барлық сала бойынша жеке жол картасы әзірленуде. Бүгінгі таңда «телеграмм бот» платформасына 885 өтінім түскен. Оның ішінде, 866 өтінім орындалған болса, қалған өтінімдер орындалу барысында. 2024-2025 жылдары жолдарды қысқы күтіп ұстау үшін 4 мың шақырымға жуық жолға 121 арнайы техника, 259 жұмысшы жұмылдырылып, 4 мың текше метрден астам құм, 600 тоннаға жуық тұз қолданылуда. Мәжілісте Облыстық құрылыс басқармасының басшысы Сұлтанғали Жалқұл «Жайлы мектеп» жобасының жүзеге асырылу барысын баяндады. Аймақта 29 мектептің құрылысы басталған. Оның 13-і тапсырылды. Қалған 16-сы биыл ел игілігіне беріледі деп жоспарланған. Тапсырылатын 16 мектептің 12-сінің шатыры жабылып, ішкі әрлеу, инженерлік инфрақұрылым тарту және сыртқы қасбетін қаптау жұмыстары басталған. Құрылыс жұмыстары 60% орындалған. Облыс әкімі Нұралхан Көшеров «Таза Қазақстан» бағдарламасы мен «Жайлы мектеп» жобасын уақтылы әрі сапалы жүзеге асыруды, жұмысты жандандыруды тапсырды. Аталған мәселелер қатаң бақылауға алынған. Түркістан облысы әкімінің баспасөз қызметі Ақпарат көзі : https://www.gov.kz/memleket/entities/ontustik/press/news/details/921093

Облыс әкімінің бірінші орынбасары Зұлпыхар Жолдасов Кентау қаласына іссапары аясында инфрақұрылымдық мәселелерді талқылау бойынша жиналыс өткізді. Онда қаладағы өзекті мәселелер қозғалып, шешу жолдары қаралды. Онда ауыз су, кәріз жүйесі, электр желісі, газдандыру, жылу қазандықтары, санитарлық тазалық жұмыстары, тұрғын үй аулаларын абаттандыру, қала тұрғындарын үймен қамтамасыз ету, тұрғын үйлерді жаңғырту мәселелері талқыланды.Қала әкімі Жандос Тасов өңірде атқарылған жұмыстарды баяндады. Өткен жылдың қорытындысымен 18 000 абоненттің 15 319-ы табиғи газ жүйесіне қосылды. Кентау қаласы мен оған қарасты ауылдар 100 % ауызсумен қамтылып, тағы 2 жоба әзірленуде. Ал кәріз жүйесімен қала тұрғындарының 78,1 %-ы, электр желісімен толық қамтамасыз етілген. Былтыр 120 тұрғынға пәтер берілді. Одан бөлек, бірқатар жобалар талқыланып, жан-жақты қаралды.Жиналыс барысында Зұлпыхар Сансызбайұлы Кентаудың даму әлеуеті зор екенін айтып, жол сапасын жақсартып, инвестиция тартуды және қаладағы туризмді жандандыруды тапсырды.– Бүгін біз Кентау қаласындағы өзекті мәселелерді талдауға және оларды шешу жолдарын қарыстыру үшін жиналып отырмыз. Қалада шешімін таппаған мәселелер бар. Кентау өндіріске бейімделген. Қала таулы әрі экотуризмді дамытуға қолайлы. Сондықтан туризмнің дамуына тың серпін беретін жобалар әзірлеп, ұсыныңыздар. «Таза Қазақстан» бағдарламасы бойынша жұмыс жүйелі түрде жалғасын табуы тиіс. Көктемге дайындық жұмыстарын пысықтаңыздар. Су басу қаупі бар көшелерге арық жүйелерін орнатып, алдын алу жұмыстарын жүргізіңіздер. Инвестиция тартуда үздіксіз жұмыстар істелуі керек. Инфрақұрылымға қатысты өзекті мәселелерді шешу қажет. Осы бағытта жұмыстарды күшейтуді тапсырамын, – деген облыс әкімінің бірінші орынбасары басқарма басшыларымен бірлесе жұмыстар атқаруды жүктеді.Жиын барысында тұрғын үй, жол, кәріз, санитарлық тазалық, туризм салаларын дамыту үшін тиісті басқарма басшыларының ұсыныстары қаралып, баяндамалары тыңдалды.Сонымен қоса Кентау қалалық мәслихат депутаттарымен кездесіп, қаладағы өзекті мәселелерді саралады. Олардың басым бөлігі туристерге жағдай жасау, қаланы жарықтандыру, орталық аллея және спорт кешенін салу, қалада бос тұрған ғимараттарды халық игілігіне тапсыру, көгалдандыру жайын қозғады. Ұсыныстарды мұқият тыңдаған облыс басшысының бірінші орынбасары жауапты мамандар мен сала басшыларына бірқатар міндеттер жүктеді. Депутаттар тарапынан айтылған өтініш пен ұсыныс-пікірлер хаттамаға түзіліп, тиісті жұмыстар жүргізіледі.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923232

ҚР Президенті Қасым-Жомарт Тоқаев инфрақұрылым саласын дамытып, елдегі табиғи газға қосылған елді мекендер санын арттыру бойынша бірқатар тапсырмалар берген болатын. Осы орайда 2025 жылдың 1 қаңтардағы жағдай бойынша Түркістан облысындағы 807 елді мекеннің 563-і (69,7%) немесе 1 833 455 тұрғын, яғни 85,5%-ы табиғи газбен қамтылған.Биыл да өңірдегі көгілдір отынды тұрақты пайдаланушылар санын біршама арттыру бағытында көптеген жұмыстар атқарылмақ. Жыл соңына дейін облыс аумағындағы елді мекендерді газбен қамтамасыз ету үшін 47 нысанның құрылыс жұмыстары жүргізілмек. Оның 25-і 2025 жылы пайдалануға берілсе, қалған 27 нысанның құрылысы 2026 жылға өтпелі.Бұдан өзге, «Түркістан облысы бойынша табиғи газбен қамтамасыз етудің 2023-2027 жылдарға арналған іс-шара жоспары» бекітілген. Құжатқа сәйкес, облыстағы 244 елді мекен (311 мың халық) 2027 жылы табиғи газбен қамтамасыз етілетін болады.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/923234

Түркістан облысының әкімі Нұралхан Көшеровтің төрағалығымен Өңірлік инвестициялық штабтың 2025 жылдағы алғашқы жиыны өтті. Мәжілісте облыста жүзеге асырылып жатқан 15 жобаның жай-күйі қаралып, өзекті мәселелері талқыланды. Облыс әкімі жауапты басқарма басшылары мен аудан, қала әкімдеріне инвестиция тарту жұмыстарын күшейте түсуді тапсырды.– Инвестиция тарту, өндіріс орындарын ашу – басым бағыттар. Бүгін қаралған жобалар біз үшін өте маңызды. Сәттілік тілеймін. Өз тарапымнан облыста қолға алынған әрбір инвестициялық жобаның сәтті жүзеге асырылуына толық қолдау көрсетемін. Инфрақұрылым, құжаттандыру және өзге де мәселелерді заң шеңберінде шешеміз. Аймақта жаңа өндіріс орындарын көбейту бойынша жұмысты күшейтуді тапсырамын, – деген Нұралхан Көшеров әрбір инвестормен пікір алмасып, өтініштерін, есептерін тыңдады.Инвестштаб отырысында инвесторлар мен кәсіпкерлердің өтініштері, инвестициялық жобалардың жүзеге асырылу барысы талқыланды. Олардың бірқатарына тоқталсақ, Сайрамда бу-газ қондырғысы, мал сою бекеті мен мал бордақылау алаңы, Созақта газ өндіру жобалары жүзеге асады. Ордабасы ауданында заманауи кірпіш зауыты мен алюминий бұйымдарын өндіру зауытының құрылысы қарқынды. Сауран ауданында инженерлік жабдықтар, өнеркәсіптік су бекіту арматурасын шығаратын зауыттар салынады. Келес ауданында еліміздегі ең үлкен жылыжайдың құрылысы жалғасуда. Сарыағаш ауданында құс фермасы кеңейтілсе, өзге аудандарда да инвестициялық жобалар пысықталып жатыр.Айта кетейік, өткен жылы Түркістан облысында негізгі капиталға бағытталған инвестиция көлемі 1 334,9 млрд. теңгеге жетіп, 1,4 есе артығымен орындалды. Экономиканың дамуына тың серпін беретін 145 инвестициялық жобаның пулы қалыптастырылды. Оның ішінде өндірісті және ауыл шаруашылығын терең қайта өңдеуді дамытуға басымдық берілуде. Алдағы уақытта аймақта жаңа зауыттар ашып, жұмыс орындарын көбейту жоспарланған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923062

Түркістан облысында азық-түлік тауарларының бағасын тұрақтандыру қатаң бақылауда. Бүгін облыс әкімі Нұралхан Көшеров көкөніс сақтау қоймаларын аралап көрді. Өңір басшысы жауапты басшыларға азық-түлік тауарлары бағаларының шекті межеден аспауын жіті бақылауды, өңір тұрғындарын арзандатылған азық-түлік өнімдерімен қамтамасыз ету үшін ауыл шаруашылығы жәрмеңкелерін тұрақты түрде ұйымдастыруды жүктеді. Сондай-ақ жауапты басшыларға дүкендерді өздері аралап, бағалардың нақты жай-күйімен көзбе-көз танысуды тапсырды.Көкөніс сақтау қоймасында 460 тонна картоп, 150 тонна сәбіз, 100 тонна пияз, 25 тонна қырыққабат, 200 тонна бакалеялық өнімдер, 62 мың дана жұмыртқа сақтаулы. Қоймада картоптың көлемі жеткілікті. Бүгінде өңірде азық-түлік тауарларының бағасын тұрақтандыру қатаң бақылауда.Өңірде әлеуметтік маңызы бар азық-түлікпен қамтамасыз ету жұмыстарын «Түркістан әлеуметтік-кәсіпкерлік корпорациясы» АҚ-ның тұрақтандыру қоры үйлестіреді. Қазіргі таңда тұрақтандыру қорында жалпы 3500 тонна картоп, 2500 тонна сәбіз, 1700 тонна қырыққабат және 2200 тонна пияз бар. Ішкі нарықта картоп бағасын тұрақтандыру мақсатында базарлар, ірі сауда орындары мен әлеуметтік дүкен сөрелері және жәрмеңкелерде 100 теңгеден ұсынылып келеді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/923237

Биыл елімізде «Жұмысшы мамандықтары жылы» деп жарияланып, әрбір еңбек адамының қоғамдағы рөлін айрықша атап өтуге бағытталған. Осыған орай, бүгін «Ұлы дала елі» орталығының ұжымы қала тазалығын қамтамасыз етіп жүрген жандарға құрмет көрсетті. Қыс ауасында таңмен таласып жұмыста кіріскен тазалық қызметкерлеріне жылы шай мен тәттілер ұсынып, көңілдерін көтерді.– Бұл шараны өткізудегі мақсатымыз – қаламыздың тазалығы үшін тер төгіп жүрген жандарға алғыс айтып, бір сәт болса да қуаныш сыйлау. Сондай-ақ қолдау көрсетіп, олардың еңбегін бағалау ретінде ұйымдастырдық. Өйткені олардың еңбегі қоғам үшін өте маңызды. Әрбіріміз құрметтеуге тиіспіз, – дейді мекеме басшысы Гүлжанат Дюсенбаева.Айта кетейік, еңбек адамдарын қолдауда айрықша маңызға ие мұндай игі іс-шаралар әрі қарай да жалғасады. Қарапайым жанашырлықтың өзі олардың еңбегін одан әрі бағалауға сеп болмақ.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922676

Бұл туралы Түркістан облысы полиция департаменті әкімшілік полиция басқармасының бастығы Қанат Ракишев мәлімдеді.«Түркістан облысында қыс мезгіліндегі түрлі апаттардың алдын алу бойынша көлік қозғалысын тоқтату үшін уақытша бекеттер қойылды. Оның ішінде, республикалық маңызы бар жолдарға 5 бекет қойылып, 28 қызметкер мен 8 қызметтік автокөлік жұмылдырылды. Ал, облыстық маңызы бар жолдарға 2 бекет қойылып, 8 қызметкер мен 4 қызметтік автокөлік тартылды. 21 қаңтардан бері Түркістан облысы полиция департаменті мен Төтенше жағдайлар департаментінің қызметкерлері республикалық манызы бар «Шымкент–Тараз» автожолында тәулік бойы қызмет атқаруда. Бұдан бөлек, қазіргі таңда облыстан Тараз қаласы бағытындағы жолдар да толық жабық. Оның ішінде, «Машат», «Шақпақ баба» асуы, Түлкібас және Сайрам аудандарында ішкі жолдарда полиция органдарының 28 қызметкері жолдарды жабу бойынша жұмыстар атқаруда. Сонымен қатар, Бәйдібек және Созақ аудандарындағы ішкі жолдар жабылған. Ауа-райының жақсаруына дейін тұрғындарды көлікпен алыс жолға шығудан бас тартуға шақырамыз»,- деді Қанат Жұмаханұлы.Брифингке қатысқан облыстық Төтенше жағдайлар департаментінің Төтенше жағдайлардың алдын алу басқармасының бастығы Нұрлыбек Рахымбердиевтің сөзінше, автожолдарда апатты жағдайларды болдырмау мақсатында 40 техника жұмылдырылған. Сонымен қатар, жолдарды қардан тазарту үшін 192 бірлік техника жұмыс атқаруда.«Қазіргі таңда ауа-райының нашарлауына байланысты Созақ ауданындағы жолдарда қалып қойған 3 жүк автокөлігінен 2 адам, Төлеби ауданындағы жолдарда қалып қойған 2 жеңіл автокөліктен 7 адам құтқарылды. Бүгінде облыс аумағында қажет болған жағдайда қолданылатын 2 трассалық медициналық-құтқару пункті бар. Сонымен бірге, 11 стационарлық жылыту пункті дайындалып, 8 жылжымалы жылыту бекеті вахталық автобустардың негізінде жасақталды»,- деді Нұрлыбек Шерахметұлы.Сонымен қатар, брифингте облыстық ТЖД Мемлекеттік өрт бақылау басқармасы бастығының орынбасары азаматтық қорғау капитаны Жасұлан Айнабек биыл өңірде 22 өрт оқиғасы орын алғандығын айтты. Олардың ішінде қайтыс болғандар мен жарақат алғандар жоқ. Ал, 2024-2025 жылдардағы жылыту маусымында тұрғын үйлерде қазіргі кезге дейін 134 өрт тіркеліп, 3 адам жарақат алып, 1 адам қаза тапқан. 2025 жыл басталғалы улы газдан улану жағдайы тіркелмеген.Түркістан облысының Өңірлік коммуникациялар қызметіАқпарат көзі : https://www.gov.kz/memleket/entities/ontustik/press/news/details/922934

Түркістан облыстық балалар ауруханасының дәрігерлері бет-жақ хирургиясы бойынша күрделі ота жасауда тәжірибе алмасты.Оталар ҚР ДСМ-нің бас штаттан тыс балалар жақ-бет хирургі Ся-Тун-Чин Руслан Владимирович және ауруханадағы хирург дәрігерлерінің қатысуымен өтті. Аурухана базасында жоғары хирургтің қатысуымен үш балаға бет-жақ хирургиясы бойынша туа біткен ақауларына ота жасалды.Дәрігерлердің сөзінше, күрделі операциялар сәтті өткен. Бет-жақ хирургия емі жасалған балалар отадан кейін медициналық ұйымда дәрігерлердің бақылауында болады.Айта кетейік, облыстық балалар ауруханасының дәрігерлері күрделі бет-жақ сүйектері қабынған аурулар мен жарақаттары бар науқастарға көмек көрсетіп келеді. Жылына орталықта мұндай 560 ота жасалады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922935

Түркістан облысында білім, денсаулық сақтау нысандарын салу және күрделі жөндеу жұмыстары жүріп жатыр. Облыс әкімінің орынбасары Бейсенбай Тәжібаевтың төрағалығымен өткен мәжілісте білім, денсаулық сақтау және әлеуметтік нысандардың құрылыс барысы пысықталып, алдағы міндеттер талқыланды. Облыс әкімінің орынбасары жауаптыларға өз міндеттерін сапалы атқаруды тапсырды.– Мемлекет басшысы өз Жолдауында еліміздегі 1 300 мектепті жаңғыртудан өткізу туралы тапсырма берген болатын. Мектептерді жаңғырту жобасына облыстан 115 мектеп енгізілген. Тапсырмаға сәйкес 2025-2027 жылдары 115 мектептің ғимараттарын күрделі және ағымдағы жөндеу жұмыстары жүргізу жоспарлануда. Биыл өңірдегі 41 мектепте ағымдағы және күрделі жөндеу жұмыстарын жүргізу көзделген. Өздеріңізге белгілі, өткен жылы облыста бюджет есебінен 50 мектептің құрылысы басталып, 26-сы пайдалануға берілді. Қалған 24 мектептің құрылысын биыл бекітілген кестесіне сәйкес жүргізіп, тамыз айына дейін аяқтап, тапсыру керек. Одан бөлек, биыл тағы бірнеше мектеп салынады деп күтілуде. Әрбір құрылыс нысанындағы жұмыстар бақылауда болсын. Қадағалаңыздар. Уақтылы әрі талапқа сай тапсырылуы тиіс, – деді Бейсенбай Дәулетұлы.Түркістан облысы білім басқармасының орынбасары Жандос Нұрпейісовтың айтуынша, облыста жалпы 1082 орта білім беру мекемесінде 554 753 оқушы білім алуда. Өңірдегі мемлекеттік мектептің 791-і типтік, 124-і ыңғайластырылған ғимаратта орналасқан. Бүгінде облыста бюджет есебінен 5800 орынды 24 мектеп құрылысына қажеттілік бар. Сондай-ақ 7200 орынды 17 мектептің құрылысын мемлекеттік-жекешелік әріптестік жобасымен салу жоспарлануда. Жалпы, 2025-2027 жылдар аралығында 12000 орынды 41 мектептің құрылысы жүргізіледі деп күтілуде. Қазіргі таңда, реновацияған еніп, 2025 жылы күрделі жөндеу жұмыстарын қажет ететін 26 мектептің 3-еуіне «Ауыл – Ел бесігі» бағдарламасымен, 23-іне облыстық бюджет есебінен қаржы қаралған.Облыстағы 1279 мемлекеттік білім нысанының 43-і орталықтандырылған жылу жүйесіне қосылған болса, 1 236-сы автономды жылыту қазандықтары арқылы жылытылады. Былтыр облыстағы 107 білім беру мекемесінің жылу жүйесі табиғи газға қосылған. Бұл жұмыстар білім саласынан үнемделген қаржысы есебінен жүргізілді. Осы жылы тағы 100 мектепте осындай жұмыстар жүргізіліп, оларға да үнемделген қаржы жұмсалады деп күтіліп отыр.Кезекті баяндама жасаған облыстық денсаулық сақтау басқармасы басшысының орынбасары Нұрсұлтан Кенжебаев өткен жылы өңірде 55 медицина нысаны пайдалануға берілгенін айтып, қазіргі таңда тозығы жеткен 58 нысанның қажеттілігі анықталып отырғанын жеткізді. Биыл аталған нысандарды зерделеп, маңыздылығына қарап, 25 нысанның мәселесін дайын ғимаратты сатып алу арқылы шешу жоспарлануда. Бірінші кезектегі жаңа құрылысты аса қатты қажет ететін нысандар тізімі қалыптастырылып, іске асырылады. Сонымен қатар биыл 4 денсаулық сақтау нысанын күрделі жөндеуден өткізу жоспарланып отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/922683