Шақырылған спикерлер табысты кейстердің тәжірибесімен бөлісті және стартаптарды құрудың ең инновациялық тәсілдерін айтып берді.Мастер-класс спикерлері табысты кәсіпкерге басшылыққа алуға қажетті құралдар туралы, стартаптың табысты дамуы үшін Индустрия 4.0 технологиясын қалай қолдану туралы, стартаптар үшін маркетингтің қандай стратегиялары және сатылымдары ең тиімді екендігін және 500 Startups акселераторына қалай кіру керектігін және Силикон алқабында инвестицияларды қалай тарту екендігі туралы айтып берді.Спикерлердің бірі - әлемнің 60 елінде 500-ден астам компанияны инвестициялаған 500 Startups акслераторының серіктесі Марвин Лиао айтқандай, табысты стартап-жобасының дамуында негізгі сәт-қызметтерді тұтынушылардан кері байланыстыалу болып табылады.«Сіздің әлеуетті клиентіңіз бен үнемі сөйлесіп, кері байланыс іздеңіз. Осының арқасында Сіз сіздің бизнесіңіз қандай кезеңде екенін, кемшіліктерді уақытында жою үшін жобада қандай қиыншылықтар бар екендігін әрдайым біле аласыз», - деп атап өтті Марвин Лиао.Сондай-ақ, Yahoo-ның бұрынғы коммерциялық директоры өз бизнесі саласында беталыстар мен трендтерді бақылау қажеттілігін атап өтті. Мұндай тәсіл клиенттер үшін дұрыс өнім таңдауға, оны уақытында жақсартуға көмектеседі және өз жобаңыздың қызметтерін қалай дұрыс пайдалану керектігі туралы нақты түсінік береді.Health IT- да ең ықпалды әйелдер рейтингісінің 10-дығына кіретін Татьяна Канзавеллидің пікірі бойынша, стартап жобасын жасау кезінде әріптестердің не үшін қажет екенін анық білу керек.«Мен әрдайымсіз әріптесіз деген кезде, сізде үш слайд болуы керек деп айтамын. Біріншіде серіктеспен ынтымақтастықтың сізге әкелетін пайдасы туралы ақпарат. Екіншіде – сіз осы серіктестерге қандай пайда әкелесіз, оларға сіз не үшін қажетсіз. Үшінші слайд - сіздің серіктесіңізбен ынтымақтастығыңыз ортақ клиенттерге не береді. Егер сіздің компанияңызда осы үш сұраққа жауап болмаса, онда ынтымақтастық туралы ешқандай мәселе болмайды, өйткені табысты бизнес дәл осылай жұмыс істейді»,-  деп есептейді 500 Startups акселераторының тәлімгері, Кремний алқабының инвесторы, Open Health Network IT-стартабының негізін қалаушы.Сондай-ақ, мастер-класста өзінің стартап-идеяларымен тәжірибе жүргізу маңыздылығы туралы айтылды. Innopolis University тәлімгері, e-commerce және B2B саласындағы көптеген сәтті ғаламтор-стартаптардың негізін қалаушыМихаил Свердлов атап өткендей, тәжірибе неғұрлым көп болса, соғұрлым сәттілікке мүмкіндік көп болады. Бұдан басқа, спикер барлық стартаптардың мақсаты үздіксіз қозғалыс екенін айтады, «идея табысты бизнеске айналу  үшін дамуы керек».Мастер-класс технологиялық кәсіпкерліктің құзыреттілігін арттыру, технологиялық кәсіпкерлікке қызығушылықты ынталандыру және инновациялық стартаптарды дамыту мақсатында өткізілді.Іс-шараның көрсетілімінің жазылуын Агенттіктің Youtube каналында көруге болады (https://www.youtube.com/watch?v=y9waVhvuTu0).Ақпарат көзі : https://www.gov.kz/memleket/entities/mps/press/news/details/23928?lang=kk

Қасым-Жомарт Тоқаевқа министрліктің өткен жылы атқарған жұмысының қорытындысы бойынша есеп беріліп, алдағы кезеңге арналған жоспары таныстырылды.Марат Қарабаевтың айтуынша, былтыр көліктің барлық түрі бойынша тасымал көлемі 6 пайызға өскен. Транскаспий халықаралық көлік дәлізі арқылы жүк тасымалдау 62 пайызға ұлғайып, 4,5 миллион тоннаны құрады. Алматы, Қызылорда және Шымкент қалаларының әуежайларында 3 жаңа жолаушылар терминалы салынды. 12 мың шақырым жол жөнделді. Қарағанды – Алматы, Талдықорған – Өскемен, Ақтөбе – Қандыағаш және Атырау – Астрахань тас жолдарындағы жаңғырту жұмыстары аяқталды.Министрдің мәліметінше, отандық әуе компаниялары 14,7 миллион жолаушыны тасымалдаған. Бұл сектордағы көрсеткіш 10 пайызға ұлғайған. Әуежайларда 29,7 миллион адамға қызмет көрсетілген, яғни 14 пайызға артқан. Теміржол көлігімен 21 миллион жолаушы тасымалданып, өсім 3,9 пайызды құраған.Қасым-Жомарт Тоқаевқа биыл ведомствоның Еуропа, Азия және Таяу Шығыс елдеріне 19 жаңа әуе бағытын ашуды жоспарлап отырғаны жөнінде баяндалды. Катонқарағай, Зайсан және Кендірлі әуежайларының құрылысы басталды. Сонымен қатар 125 теміржол бекетін жаңғырту жұмыстары қолға алынады. Достық – Мойынты, Алматы айналма теміржолы, Дарбаза – Мақтаарал, Аягөз – Бақты және Қызылжар – Мойынты секілді 5 ірі теміржол жобасы жүзеге асырылып жатыр.Кездесу соңында Президент қазақстандықтардың жол жүруіне анағұрлым қолайлы жағдай жасау, туристік нысандарға қолжетімділікті қамтамасыз ету қажет екенін атап өтті.Мемлекет басшысы Орталық – Батыс автожолының құрылысын жеделдету, Батыс Еуропа – Батыс Қытай дәлізін кеңейту, Транскаспий халықаралық көлік дәлізін дамыту, ішкі және халықаралық әуе рейстерінің санын көбейту, көлік секторына инвестиция тарту жұмысын күшейту жөнінде тапсырма берді.Қасым-Жомарт Тоқаев көлік-логистика саласын өркендетудің, сондай-ақ көлік инфрақұрылымын жаңғырту жобаларын сапалы әрі уақтылы жүзеге асырудың маңызына ерекше назар аударды.Ақпарат көзі : https://www.gov.kz/memleket/entities/transport/press/news/details/973677?lang=kk

Форум екі елдің басшылары – ҚР Президенті Нұрсұлтан Назарбаев пен ҚХР Төрағасы Си Цзиньпиннің бейнеүндеуімен басталды.Бизнес-форумда ҚР Инвестициялар және даму министрі Жеңіс Қасымбек, Қытай Халық Республикасының Коммерция вице-министрі Жэнь Хунбин, екі елдің ұлттық компанияларының, сыртқы сауда палаталарының басшылары және ірі бизнес өкілдері баяндама жасады.Жеңіс Қасымбек атап өткендей, Мемлекет басшысының тапсырмасы бойынша былтыр еуразиялық көлік дәлізін дамыту мен тасымалдар үшін қолайлы жағдайлар жасау мақсатында «Нұрлы жол» жаңа экономикалық саясаты мен «Жібек жолының экономикалық белдеуін» құру туралы ынтымақтастық Жоспарына қол қойылды.Бұл жоспарды іске асыру біздің елдеріміздің географиялық орналасуының артықшылықтарын толығымен пайдалануды, ескі және жаңа автожолдар мен теміржолдарды реконструкциялауды, Қытайдан ЕО-ға дейінгі аумақта халықаралық логистикалық орталықтардың және хабтардың заманауи желісін құруды және сауда-саттықты арттыруды қамтамасыз етеді.«5 жылда біз Ляньюньган портын, Қытай шекарасындағы Қорғас құрғақ портын, Каспий теңізіндегі Ақтау портын, Орталық Азия елдерін Парсы шығанағымен және Иранның оңтүстігіндегі Бендер Аббас портымен байланыстыратын жалпы ұзақтығы 900 шақырым болатын «Қазақстан - Түрікменстан - Иран» теміржол дәлізін, бір бөлігі Қазақстанның аумағы арқылы өтетін «Батыс Еуропа - Батыс Қытай» халықаралық транзиттік дәлізі сияқты бірқатар ірі инфрақұрылымдық жобаларды пайдалануға бердік», - деді министр Жеңіс Қасымбек.Сонымен қатар, индустрияландыру және инвестициялар саласындағы ынтымақтастық аясындағы жалпы Қазақстан-Қытай бірлескен жобаларын жүзеге асыру белсенді түрде іске асырылуда. Оған жалпы құны 27 млрд. АҚШ долларынан асатын 51 жоба кіреді. Бұл жобаларды іске асыру арқылы 20 мың тұрақты жұмыс орны ашылады.ҚР Инвестициялар және даму министрі сәтті іске асырылып жатқан бірлескен жобалар туралы да айтты.«2017 жылы әлемдегі ең ірі логистикалық компания «COSCO Shipping» Қазақстанның транзиттік әлеуетін дамыту үшін «Қорғас Шығыс қақпасы» АЭА-дағы «Құрғақ порттың» 49% үлесін сатып алды. Қостанай облысында JAC автомобильдерін шығару жобасы жүзеге асырылды, Павлодар облысындағы полипропилен ұнтағын өндіру, сондай-ақ Солтүстік Қазақстан облысында рапс майын өндіру жобалары сәтті жүзеге асты», - деді министр.Қазіргі уақытта Қытай Қазақстан экономикасына тікелей шетелдік инвестиция құю жөнінен көшбасшылардың бірі. Соңғы 10 жылда көрші мемлекет тарапынан инвестициялық жобаларға 15 млрд. АҚШ долларынан астам инвестиция тартылды. Қытай компаниялары еліміздегі индустрия саласына және ірі инвестициялық жобаларды іске асыруға белсенді түрде атсалысуда.2017 жылы Қазақстан мен Қытай арасындағы сыртқы сауда айналым 30%-дан асып, 10,5 млрд. АҚШ долларын құрады. Айта кету керек, «Бір белдеу – бір жол» Ұлы Жібек Жолын  дамыту идеясын алғаш рет Астана қаласында Қытай Халық Республикасының Төрағасы Си Цзиньпин айтқан болатын.Сонымен қатар, бизнес-форум аясында Қазақстан мен ҚХР арасындағы нақты инвестициялық ынтымақтастық мәселелері талқыланып, бірқатар екіжақты кездесулер ұйымдастырылды.Ақпарат көзі : https://www.gov.kz/memleket/entities/mps/press/news/details/23462?lang=kk

Тексерістер нәтижесінде 700 заң бұзушылық анықталды. Олардың ішінде жеке құтқару құралдарынсыз кемелерді пайдалану, кеме құжаттарының болмауы және жеке тұлғаның сәйкес құқығынсыз кемені басқару сияқты заң бұзушылықтар жиі кездеседі.Тексерістерден бөлек, Комитеттің аймақтық органдары кеме иелерімен, шағын көлемді кемелердің  тұрақтары және демалыс орындары иелерімен шағын көлемді флотты пайдалану мәселелері бойынша профилактикалық шараларды өткізді.Ақпарат көзі : https://www.gov.kz/memleket/entities/mps/press/news/details/23457?lang=kk

Қазақстан мен Түркия арасындағы қатынастар өзара достыққа, бауырластық пен сенімге негізделген. Сауда айналымы жөнінен Түркия Қазақстанның стратегиялық серіктестерінің алғашқы ондығына кіреді. Екі ел арасындағы тауар айналымы 2017 жылы 27 пайызға өсіп, 2 миллиард АҚШ долларына жуықтады, – деді Нұрсұлтан Назарбаев.Мемлекет басшысы инвестициялық ынтымақтастық пен экономиканың түрлі салаларындағы бірлескен жобаларды іске асыру мәселелеріне тоқталды. Атап айтқанда, тәуелсіздік алғаннан бері елімізге Түркия 3 миллиард АҚШ долларынан астам инвестиция құйғанын және бүгінде Қазақстанда түрік капиталының қатысуымен 2 мыңға жуық кәсіпорын жұмыс істеп отырғанын атап өтті.Сонымен қатар, Қазақстан Президенті екі ел кәсіпкерлерін қолдауға бағытталған «Жаңа синергия» бағдарламасының жүзеге асырылу нәтижелері жөнінде айтты.– Осы бағдарлама аясында құны 800 миллион доллар болатын 23 жоба іске қосылып, 3 мың жаңа жұмыс орнының ашылуына мүмкіндік берді. Кеше елдеріміздің бизнес өкілдері құны 1,7 миллиард доллардан асатын 24 келісім-шартқа қол қойды. Бұл – біздің өзара сенім мен ынтымақтастығымыздың жарқын мысалы, – деді Нұрсұлтан Назарбаев.Кездесу барысында Мемлекет басшысы Қазақстанның экономикалық артықшылықтарына және елімізде бизнес жүргізу үшін жасалған қолайлы жағдайларға назар аударды.– Қазақстанда инвестициялық ахуалды жақсарту жөнінде кешенді жұмыстар жүргізілуде. Кәсіпкерлікті дамыту үшін заңнамаға тиісті өзгерістер енгізілді. Дүниежүзілік банктің «Бизнес жүргізу жеңілдігі» рейтингінде Қазақстан 190 елдің арасында 36-орында. Біздің мемлекет Экономикалық ынтымақтастық және даму ұйымы Инвестициялық комитетінің мүшесі болып саналады, – деді Қазақстан Президенті.Сондай-ақ, Нұрсұлтан Назарбаев Қазақстан Республикасының Президенті жанындағы Шетелдік инвесторлар кеңесі мен «Қазақ Инвест» компаниясының жұмысы және инвесторлар үшін қарастырылған түрлі жеңілдіктер жөнінде айтты.– Қазақстанда 11 арнайы экономикалық және 24 индустриялық аймақ бар. Олардың жұмысына қатысушылар үшін салықтық және өзге де жеңілдіктер қарастырылған. Түрік компанияларын Қазақстанда өз бизнестерін өркендетуге шақырамын, – деді Мемлекет басшысы.Сонымен қатар, Қазақстан Президенті еліміздің көлік-транзит әлеуетінің мүмкіндіктеріне жан-жақты тоқталды.– Қазақстан Еуропа мен Азия арасындағы трансконтинентальды мультимодальды жүк тасымалын белсенді дамытуда. Еліміз арқылы 5 темір жол және 6 халықаралық автомобиль жолы өтеді. Транскаспий мультимодальды жүк тасымалын дамыту үшін көп жұмыс атқарылуда. Ақтау портын жаңғыртып, оның мүмкіндіктерін кеңейттік, – деді Нұрсұлтан Назарбаев.Мемлекет басшысы Қазақстандағы өнеркәсіп кәсіпорындарын жекешелендіру үдерісіне және агроөнеркәсіп кешеніндегі инновациялық жобаларды іске асыруға шетелдік инвесторлардың қатысу мүмкіндігі бар екенін де атап өтті.Сонымен қатар, Қазақстан Президенті түрік бизнесмендерін Назарбаев университеті мен Инновациялық технологиялар паркі базасында құрылған инновациялық кластерлердің жұмысына атсалысып, туристік саладағы бірлескен жобаларды жүзеге асыру мүмкіндіктерін қарастыруға шақырды.– «ЭКСПО-2017» көрмесінің базасында «Астана» халықаралық қаржы орталығы жұмысы істей бастады. Бұл орталық Нью-Йорк, Сингапур, Лондон және Дубай қалаларындағы қаржы орталықтарының үздік моделі негізінде жұмыс жүргізеді. Оның құқықтық мәртебесі конституциялық заңмен бекітілді, жұмыс тілі – ағылшын тілі. Бұл – өңірдегі қызметі ағылшын құқығына негізделген бірден-бір орталық, – деді Нұрсұлтан Назарбаев.Мемлекет басшысы «Астана» халықаралық қаржы орталығының негізгі артықшылықтары жөнінде айтып, бұл орталықтың жұмысына қатысушылар үшін арнайы салық, валюта, виза және еңбек режімдері енгізілгенін атап өтті.Соңында Қазақстан Президенті екі ел бизнесмендерін бүгінгі жасалып отырған мүмкіндіктің бәрін пайдалана отырып, мемлекетаралық байланыстарды дамыту және нығайту ісіне белсенді атсалысуға шақырды.Ақпарат көзі: akorda.kz Ақпарат көзі : https://www.gov.kz/memleket/entities/mps/press/news/details/23444?lang=kk

Қазақстан делегациясын ҚР Инвестициялар және даму министрлігі Индустриялық даму және өнеркәсіптік қауіпсіздік комитетінің төрағасы Қанат Баитов бастап барды. Делегация құрамында ҚР ИДМ Тау-кен металлургиялық өнеркәсіп басқармасының бас сарапшысы Нұрмұхамед Аюпов және ҚР ИДМ Сыртқы экономикалық ынтымақтастық департаменті жан-жақты ынтымақтастық басқармасының басшысы Еркебұлан Боранбаева болды.Сессия жұмысы басталғанша Болат комитетінің «Құрылымдық өзгерістерді жеңілдету» семинары өтті. Семинарға үкіметтің, өнеркәсіп және кәсіподақ өкілдері, сондай-ақ академиялық орта сарапшылары қатысты. Олар болат құю секторындағы құрылымдық өзгерістерге ықпал ететін саясатты талқылады. Семинар мақсаты - металлургиялық зауыттардың жабылуының түрлі әлеуметтік салдарларын тереңірек түсіну. Қатысушылар ресурстарды неғұрлым тиімді өндірістік бірліктер үшін қайта бөлуді қамтамасыз ету мақсатында қайта құрылымдаудың әлеуметтік салдарын жұмсарту жөніндегі шараларды қоса алғанда, тиімсіз болат өндірушілерін жабуға көмектесетін саясатты талқылады.Сессияда ЭЫДҰ-ның Экономикалық департаменті әлемдік экономика мен болат нарығының ағымдағы жағдайына шолу жасады. Соңғы деректерге сүйенсек, 2015 жылдан бастап алғаш рет әлемдік болат өндірісі өсім көрсете алады. Сонымен қатар, бүкіл әлем бойынша жүзеге асырылатын жаңа ірі инвестициялық жобаларды қосқанда, 2019-2021 жылдар кезеңінде өндіріс көлемі 1,6% -ға өседі. ЭЫДҰ мәліметі бойынша, 2017 жылы әлемдегі болат өндірісі 2,250 млн. тоннаны құрады, қазіргі жағдаймен есептегенде 2018 жылы өндіру көлемі шамамен 2300 млн. тоннаға жетуі тиіс. Әлемде болат өндірісі үшін артық өндірістік қуат саладағы басты мәселе болып қала береді.Бұдан бөлек, әлемдік экономика даму перспективалары, халықаралық болат нарығындағы жағдай және басқа да тақырыптар талқыланды. ЭЫДҰ болат комитетінің 85-ші сессиясының материалдары http://www.oecd.org/sti/ сайтында орналастырылған.Фото ашық ақпарат көзіненАқпарат көзі : https://www.gov.kz/memleket/entities/mps/press/news/details/23409?lang=kk

Қазақстан үшін геологиялық және тау-кен өндіру салалары маңызды және басымдыққа ие. Бұл сектор мұнай-газ өнеркәсібінен кейінгі ел экономикасы құрылымында екінші орында. Қазақстан әлемдегі негізгі пайдалы қазбалар бойынша көшбасшы орынға ие екенін айта кету керек.Сала әлемдік нарықта мыс, уран, титан, ферроқорытпа және полиметаллдарымен танымал және аймақта темір, көмір және алюминий нарығына айтарлықтай әсер етеді. Жылдам дамып келе жатқан ғылыми-техникалық прогресс нарықтық сұранысқа үнемі түзетулер енгізеді. Мысалы, электромобильдердің қозғалтқыштары мен смартфондарға салынатын литий, вольфрам, молибден және басқа да сирек кездесетін металдарға сұранысты күрт арттырды.«Қазіргі кездегі жағдайларға орай, Қазақстан 2017 жылғы желтоқсанда қабылданып, 2018 жылдың 29 маусымында күшіне енген жер қойнауы және жер қойнауын пайдалану туралы кодекстің нәтижесі ретінде халықаралық әдістерге сәйкес жер қойнауын пайдалану саласына кең ауқымды реформалар жүргізді. Жаңа Кодекске саланы мемлекеттік реттеудің ашық әдістерін, геологиялық ақпаратқа қолжетімділікті, ұлттық стандарттарды әлемдік стандарттармен үйлестіруді қамтамасыз етудегі үздік халықаралық тәжірибе енгізілді»,- деп атап өтті форумда сөйлеген Тимур Тоқтабаев.Кодекс аясында жер қойнауын пайдалану құқығын беру шарттары бірінші өтінімнің қағидасын енгізу арқылы 24 айдан бірнеше күнге дейін қысқартылды; геологиялық ақпаратқа қол жеткізу; CRIRSCO жүйесі арқылы пайдалы қазбалардың қорларын есептеуге арналған халықаралық жүйе 5 жыл өтпелі кезеңмен енгізілді.Ең бастысы, сыбайлас жемқорлық тәуекелдері барынша азайтылады, өйткені жер қойнауын пайдаланушылардың жер қойнауын пайдалану жөніндегі операцияларды жүзеге асырудағы талаптары өте айқын және әділ.Жер қойнауын пайдалану құқығын қамтамасыз етуде «бірінші өтінім» қағидаты бойынша жүйелілік пен ашықтықты қамтамасыз ету үшін Қазақстандағы минералды ресурстардың мемлекеттік қорын басқару бағдарламасы бекітілді. Бұл жер қойнауын пайдалану саласындағы мемлекеттік саясатты іске асырудың жаңа құралы, ол орта мерзімді перспективада тиісті саланың даму бағыттары туралы инвесторларға жалпы мәлімет береді.Биылғы жылдың 15 қыркүйегінен бастап, барлауға өтінімдер жоғарыда аталған бағдарлама бойынша қабылданады, сондықтан лицензия 2018 жылдың 15 қазанынан беріле бастайды.2024 жылға дейінгі өтпелі кезеңде осы Кодекске сәйкес қатты пайдалы қазбаларды өндіруге лицензия аукцион өткізу арқылы жүзеге асырылады.Бұл саланы дамытудағы келесі қадам Ұлттық Банк деректерін енгізу. Бұл мемлекеттік органдардың мен жер қойнауын пайдаланушылардың өзара қатынасын электронды форматқа ауыстыруға мүмкіндік береді.Мәселен, Ұлттық банк деректері аясында жер қойнауын пайдалану құқығын бірнеше күн ішінде электронды түрде беру ғана емес, геологиялық ақпаратқа қол жеткізу, жер қойнауын пайдаланушылардың есептерін беру, лицензияның орындалуына мониторинг жүргізу және келісім-шарт міндеттемелері және т.б. қамтамасыз етілетін болады.Кодексте пайдалы қазбалардың мемлекеттік сараптамасы CRIRSCO стандарттары бойынша есептер дайындау үшін құзыретті тұлғаларға берілді, содан кейін 2024 жылдан бастап резервтер бойынша мемлекеттік комиссияның күші жойылды.CRIRSCO стандарттары барлық дамыған елдерде қолданылады. Бұл отандық жер қойнауын пайдаланушы компаниялардың жер қойнауын пайдалану саласының ашықтығы мен болжамдылығы есебінен шетелдік және отандық инвестицияларды тарту мақсатында әлемдік қор нарықтарына және биржаларына кірулеріне мүмкіндік береді.CRIRSCO стандарттарына көшу кезінде салықтық тәсілдерді қайта қарау жоспарлануда. Австралия, Канада, Швеция және Оңтүстік Африка республикаларының үлгісімен соңғы көлемдер мен қорларға қарамастан, өндірілген пайдалы қазбаларға салық жинау ұсынылады.Роялти барлық кемшіліктер мен қайшылықтарды жояды. Бұл әдіс әділетті және минералды шикізатты қайта өңдеуді «қайта бөлудің неғұрлым жоғары деңгейі, соғұрлым жылдамдығы» қағидасына сәйкес ынталандырады (австралиялық үлгі).Ақпарат көзі : https://www.gov.kz/memleket/entities/mps/press/news/details/23259?lang=kk

ҰАО-ның бас директоры М.Өмірханов «Ұлттық аккредиттеу орталығы» ЖШС-н дамытудың 2019-2020 жылдарға арналған стратегиялық жоспары туралы» баяндама жасады.Бүгінгі күні ҰАО: сынақ және калибрлеу бойынша ILAC MRA бірлесіп тану туралы келісіміне қол қоюшы;өнім бойынша IAF MLA бірлесіп тану туралы көптарапты келісімнің қол қоюшысы;өнім бойынша РАС MLA  көптарапты тану туралы келісімінің қол қоюшысы;APLAC-қа толыққанды мүше және сынақ және калибрлі зертханалар бойынша APLACMRA келісімінің қол қоюшысы болып табылады.ҰАО 214 СЗ-на ILAC MRA бірлескен белгісін пайдалану құқығын берді, олар ҚР-ның заңды тұлғаларына 195 127 сынақ хаттамаларын берді, оның ішінде 4225 сынақ хаттамалары ҚР-нан тыс жерлерге берілді. Хаттамалар негізінен ауыл шаруашылығы өнімдеріне, астық өніміне, дәрілік заттарға, фармацевтикалық өнімге және т.б. берілді.68 СРО-ға IAF MLA бірлескен белгісін пайдалану құқығы берілді, олар 13 404 IAF MLA бірлескен белгісі бар сертификатын берді, оның 363-і ҚР-нан тыс жерлерге берілді.17 МЖ СРО-на IAF MLA бірлескен белгісін пайдалану құқығы берілді, олар 82 IAF MLA бірлескен белгісі бар сертификат берді.«Сәйкестікті бағалау саласындағы аккредиттеу туралы» ҚРЗ-на өзгерістер мен толықтырулар енгізу туралы» «ҰАО» ЖШС бас директорының бірінші орынбасары Серік Құрманғалиев баяндама жасады.Баяндама  Заңға өзгерістер мен толықтырулар енгізу аккредиттеу саласындағы заңнаманы жетілдіру қажеттігінен екендігі, аккредиттеу рәсімдерін жеңілдету жолымен бизнес-қауымдастығына түсетін жүктемені төмендету, аккредиттеу саласындағы жаңа халықаралық стандарттарды енгізу, сондай-ақ сәйкестікті бағалау саласындағы қызметтің жаңа бағыттарын игеру және дамытуға байланысты   екендігі сөз болды.Аккредиттеу жөніндегі Кеңес жұмысына «КОАС» ЗТБ төрағасы Дәулет Сүтемгенов, «Қазақстан Ұлттық индустриалды палатасы» БКП ЗТБ басқарма төрағасы Юрий Ципурит, Астана қ. «Әділет» тұтынушылар қоғамдық бірлестігі төрағасының орынбасары Тұрсын Жағпарова, «Техникалық реттеу және метрология жүйесі қатысушыларының қазақстандық бірлестігі» ЗТБ-ның атқарушы директоры Олег Савеленко. ҚР Денсаулық сақтау министрлігі Қоғамдық денсаулықты қорғау комитеті төрағасының орынбасары Нұрқан Садуақасов қатысып сөз сөйледі.Кеңес отырысын қорытындылаған ҚР ИДМ Техникалық реттеу және метрология комитетінің төрағасы Арман Шаққалиев «ҰАО» ЖШС-не «Ұлттық аккредиттеу орталығы» ЖШС-н дамытудың стратегиялық жоспарын пысықтауды, сондай-ақ Аккредиттеу жөніндегі Кеңес мүшелерінен түскен ұсыныстарды ескере отырып, «Сәйкестікті бағалау саласындағы аккредиттеу туралы» ҚР Заңына өзгерістер мен толықтырулар енгізу туралы» ҚР Заң жобасына ұсыныстар енгізуді тапсырды.Отырыс барысында Аккредиттеу жөніндегі Кеңес құрамы бекітілді.Ақпарат көзі : https://www.gov.kz/memleket/entities/mps/press/news/details/23233?lang=kk

Құрметті азаматтар!Қазақстан Республикасы Инвестициялар және даму министрлігі Көлік комитетінің ахуал орталығында азаматтардың өтініштерін қабылдау үшін +77080880800 нөмірі Whats App желісінде тәулік бойы жұмыс істейді.Бұл байланыс орталығына автожолдардың сапасы, көлік заңнамасының бұзылу фактілері, сыбайлас жемқорлыққа байланысты жағдайлар мен құқық бұзушылық туралы және көлік бақылауына қатысты ақпараттар жібере аласыз.Барлық өтініштер тез арада қарастырылады.Ақпарат көзі : https://www.gov.kz/memleket/entities/mps/press/news/details/23140?lang=kk

ҚР Өнеркәсіп және құрылыс вице-министрі Қуандық Қажкенов «АМАНАТ» партиясының Республикалық қоғамдық қабылдау бөлмесінде Zoom конференция форматында азаматтарды жеке мәселелері бойынша қабылдау өткізді.Қатысушылар вице-министрге тұрғын үй сатып алу, қаладағы құрылыстың бас жоспары мәселелері бойынша жүгініп, халықтың әлеуметтік осал топтарына арналған үйлердің сапасын жақсарту бойынша ұсыныстарын айтты.Қабылдау барысында Қуандық Қажкенов азаматтарды қызықтырған сұрақтарға жан-жақты жауап берді.Ақпарат көзі : https://www.gov.kz/memleket/entities/mps/press/news/details/972841?lang=kk

ҚР ИДМ Инвестиция комитеті үздік 10  инвестор елдің тізімін жасады. Алғашқы үштікке Нидерланды, АҚШ және Швейцария кіріп отыр.Сіздердің назарларыңызға барлық тізімді ұсынамыз:Нидерланды - 81,8 млрд. долл., жалпы инвестиция ағынының 29,5%-н құрайды, биыл 1-ші жартыжылдықта 3,8 млрд. долл.;АҚШ - 33,7 млрд. долл., жалпы инвестиция ағынының 12,2%-н құрайды, биыл 1-ші жартыжылдықта - 2,8 млрд. долл.;Швейцария  - 21,9 млрд. долл., жалпы инвестиция ағынының 7,9%-н құрайды, биыл 1-ші жартыжылдықта - 1,3 млрд. долл.;Қытай -  16,4 млрд. долл., жалпы инвестиция ағынының 5,9%-н құрайды, биыл 1-ші жартыжылдықта 776,3 млн. долл.;Франция - 14,6 млрд. долл., жалпы инвестиция ағынының 5,3%-н құрайды, биыл 1-ші жартыжылдықта 431,6 млн. долл.;Ұлыбритания - 13,0 млрд. долл., жалпы инвестиция ағынының 4,7%-н құрайды, биыл 1-ші жартыжылдықта 292,9 млн. долл.;Ресей Федерациясы - 12,6 млрд. долл., жалпы инвестиция ағынының 4,5%-н құрайды, биыл 2018 жылдың 1-ші жартыжылдығында - 821,0 млн. долл.;Виргин аралдары - 10,1 млрд. долл., жалпы инвестиция ағынының 1,6%-н құрайды,  биыл 1-ші жартыжылдықта 85,7 млн. долл.;Бельгия - 7,0 млрд. долл., жалпы инвестиция ағынының 2,5%-н құрайды,  биыл 1-ші жартыжылдықта - 797,5 млн. долл.;Жапония - 5,9 млрд. долл., жалпы инвестиция ағынының 2,1%-н құрайды, биыл 1-ші жартыжылдықта - 187,5 млн. долл..    Фото ашық ақпарат көзіненАқпарат көзі : https://www.gov.kz/memleket/entities/mps/press/news/details/22761?lang=kk

Қазақстанның жол қызметкерлерімен кездесуді «TOKIO ROPE ALMATY» компаниясы өткізді. Қардан қорғау қоршауларды пайдалануда Қазақстанның климаттық жағдайы ескерілген.Жұмыс сапары барысында Қоғам өкілдері «Цучиура Tokyo Rope» тростық қоршаулар дайындайтын зауытқа барды, сондай-ақ Токио және Джобан қаласындағы автобандарды көрді. Онда Жапон компаниясының технологиялары мен өнімдерін пайдалана отырып, қарды көлік өтетін бөліктің жағасына жинамай автожол арқылы тасымалдауды ұйымдастыруға мүмкіндік беретін қоршаулардың конструктивті ерекшеліктері көрсетілді.Қазақстанда тростық қоршауларды қолдану үшін техникалық шарттарға сәйкестігі талап етіледі. Тростарды қолдана отырып барьерлік қоршауларды пайдалану Ұлттық ғылыми зерттеу орталығының жол қозғалысы қауіпсіздігі зертханасының сынақтары барысында берілген нормативтермен реттеледі. Бұл жұмыстардың нәтижесінде Қазақстан Республикасының ауа-райы үшін қардан қорғау қоршауларын әзірлеу туралы келіссөзге қол жеткізілді.Сонымен бірге, Қоғам өкілдері Токио қаласында «Техно-ярмарка 2018» жол өнімдерінің көрмесіне қатысты, онда жолды абаттандыру, қар жинау және басқа да жол техникалары көрсетілген. Көрмеге жол құрылысы үшін өнімдер шығаратын халықаралық компаниялар қатысты.Жұмыс сапарының соңында «ҚазАвтоЖол» ҰК» АҚ TOKYO ROPE INTERNATIONAL INC компаниясымен Өзара ынтымақтастық туралы меморандумға қол қойды.Басқарма төрағасының орынбасары Берік Желдікбаев жол қауіпсіздігін арттыру және қауіпті учаскелер санын азайту Қоғам қызметінің басты міндеті екенін және жапондық әріптестері ұсынған қардан қорғау қоршауларын пайдалану мәселені шешуге мүмкіндік беретінін атап өтті.Анықтама үшін: Компания TOKYO ROPE MFG.CO.LTD компаниясы 130 мың жылдан аса нарықта жұмыс істейді. Компанияның өнімі құрылыстың әртүрлі салаларында қолданылып жүр. Айта кететін жайт, Токyо Rope компаниясының тросстары Семей және Босфор борты (Түркия) қалаларында көпір салған кезде қолданылған және бүкіл әлем бойынша құрылыста кеңінен қолданылып жүр. Тростар коррозиядан қорғау үшін аллюминий және мырыш қоспасынан жасалған өте берікболат және құймадан жасалады. Сондай-ақ Алматы қаласы зауытында Медеу және Шымбұлақтағы тіке көлбеулерді бекіту үшін габиондар мен торлар шығарылады.Ақпарат көзі : https://www.gov.kz/memleket/entities/mps/press/news/details/22723?lang=kk

Телекөпір аясында Қазақстан Президенті «Бақыршық тау-кен өндіру кәсіпорны» мен Қарағанды облысының катодты мыс өндіретін «Алмалы»  кен орнындағы құрылысы аяқталған және өндіріс қуатына шығуға дайын «Sary-Arka Copper Processing» кәсіпорынын іске қосуға пәрмен берді.Машина жасау және құрылыс индустриясы саласында Қазақстан президенті Павлодар облысындағы «Проммашкомплект» темір жол доңғалақтарын өндіретін кәсіпорынды онлайн-режимде іске қосты. Ол теміржол доңғалақтары өндірісін жылына 75 мыңнан 200 мыңға дейін ұлғайтуға мүмкіндік береді. Сондай-ақ, Елбасы Шымкенттегі қуаты 110-220 кв трансформатор шығаратын «Asia Trafo» зауытын, Қызылорда облысындағы қуаты жылына 1 млн тонна болатын «Гежуба Шиелі Цемент» Қазақстан-Қытай инвестицялық жобасын іске қосты.Мемлекет басшысы телекөпір аясында сондай-ақ, Алматыдағы қуаты жылына 550 мың тонна қоқыс өңдейтін «Green Recycle» ЖШС кешенін және  Петропавлдағы қажетті халық тұтынатын тауарлар мен полимерлерді толық циклда қайта өңдейтін «Радуга» ЖШС металл пластикалық бұйымдар зауытын іске қосты.Телекөпір барысында «KEGOC» АҚ 500 килоВольттық «Семей-Ақтоғай-Талдықорған-Алматы» желісін іске қосты, сондай-ақ Ақтөбе облысында қуаты 300 млн. м3 болатын Қожсай кен орнында «Gas Processing Company» ЖШС ілеспе мұнай газын қайта өңдеу жобасы жұмыс істей бастады.«Баламалы энергетика» саласында «Samruk Kazyna – United Green» ЖШС Жамбыл облысында қуаты 100 МВт болатын Қазақстан-Британ бірлескен жобасы - «Бурное» күн электр станциясын пайдалануға берді. Сонымен қатар, Маңғыстау облысының Түпқараған ауданындағы "KТ Редкометальная компания" ЖШС бірлескен кәсіпорны жел энергетикасының бірінші кезеңі іске қосылды (43,6 МВт) (1-кезең).Телекөпір барысында аграрлық сектор бойынша заманауи қондырғылармен жабдықталған «Карат» ЖШС (Атырау облысы) автоматтандырылған диірмені, қуаты жылына 50 000 тонна ет өндіретін соңғы жылдары аграрлық саладағы ірі жобалардың бірі Макинск (Ақмола облысы) құс фабрикасының бірінші кезеңі, сондай-ақ, Арқалық қаласындағы ет өңдейтін «Торғай Ет» ЖШС кешені пайдалануға берілді.    Бұдан бөлек, тамақ өнеркәсібі саласында Mareven Food Holdings трансұлттық холдингі Алматы облысында ұнды терең өңдейтін және тамақ өнімдерін дайындайтын зауыт салды. Түркістан облысында түйе мен бие сүтін өңдейтін «Golden Camel Group LTD» ЖШС кәсіпорны іске қосылды. Онда құрғақ сүт, балалар тағамы және энергетикалық сусындар әзірленеді.Телекөпір барысында Мемлекет басшысы Нұрсұлтан Назарбаев«5 әлеуметтік бастаманың» бірі ретінде Астананы газдандыру жобасындағы Қызылорда-Жезқазған-Қарағанды-Теміртау-Астана бағыты бойынша ұзақтығы 1061 км болатын және жылына 2,2 миллиард текше метр газ өткізу мүмкіндігі бар «Сарыарқа» газ магистралінің 1-ші кезеңін іске қосуға пәрмен берді.Сондай-ақ, Президент онлайн режимде республика тарихындағы алғашқы концессиялық жоба – Үлкен Алматы айналма автомобиль жолы құрылысының барысын бақылады. Онда 3 мыңға жуық жұмыс орны ашылады. Сонымен қатар, Президент Батыс Қазақстан облысындағы елімізді Ресеймен және Шығыс Еуропамен байланыстыратын Орал-Тасқала автожолы учаскесінде автокөлік қозғалысын ашты.«Цифрлы Қазақстан» бағдарламасын іске асырудың арқасында Шығыс Қазақстан облысының Озерка ауылы мен Жамбыл облысына қарасты Өрнек ауылының тұрғындары кең жолақты интернетке қол жеткізді. Цифрландыру аясында Екібастұзда Орталық Азиядағы ең ірі дата-орталық, Қостанайда еліміздегі ең цифрлы диірмен кешені - «Бест Костанай» ЖШС іске қосылды. Астанада модем, коммутатор және автоматты цифрлы телефон станциясын өндіретін «DigitalSystemServis» ЖШС зауыты құрылды. Алматыда прибор жасау және радиоэлектроника инновациялық «Kaz Tech Innovations» ЖШС зауыты іске қосылды.Бұдан бөлек, Мемлекет басшысы жүк әуе тасымалы саласында e-Freight және «Қазпошта» компаниясының фулфилмент-орталық қағазсыз құжат айналым ақпараттық жүйесінің жұмысын, «ҚазТрансОйлдың» мұнай тасымалдауды басқару digital-жүйесін іске қосты.Индустрияландыру бағдарламасы іске асырылған жылдары барлығы 6,6 трлн. теңгеден астам соманың  1 148 жобасы іске қосылып, 107 мың тұрақты жұмыс орны ашылды. Соның ішінде индустрияландырудың бірінші бесжылдығында (2010 – 2014 жылдар) Индустрияландыру картасы аясында 3 трлн. теңгенің 770 жобасы іске қосылып, 76 мың тұрақты жұмыс орны ашылды.Индустрияландырудың екінші бесжылдығы басталғалы (2015-2017 жылдар) 3,1 трлн. теңгенің 378 жобасы іске қосылып, 31 мың тұрақты жұмыс орны ашылды.2018 жылы жалпы сомасы шамамен 1,2 трлн. теңге болатын 100 нысан қатарға қосылып, 13 мың адамға жұмыс берілді.Ақпарат көзі : https://www.gov.kz/memleket/entities/mps/press/news/details/22713?lang=kk

Сондай-ақ, 17 секторда бригадалар 2 мың ЖТҚ және КПТҮ объектілерінде косметикалық жөндеу жұмыстарын аяқтайды. Осылайша, негізгі қалпына келтіру жұмыстары 6,5 мың үйде аяқталды. Бұл барлық зардап шеккен Арыстың 90% болып табылады.Естеріңізге сала кетейік, кеше ҚР Премьер-министрі Асқар Мамин Түркістан облысына жұмыс сапары барысында Арыс қаласындағы бұзылған үйлерді, әлеуметтік нысандарды, инженерлік желілерді салу және жөндеу жұмыстарының барысын тексерді, сондай-ақ қаланы қалпына келтіру жөнінде кеңес өткізді. ҚР Үкіметі басшысы қалада қысқа мерзімде ауқымды жұмыстар жүргізілгенін атап өтті.Асқар Маминнің тапсырмасы бойынша қалған жеке үйлерді жөндеу 10 тамызға дейін аяқталуы тиіс. Көпқабатты үйлер бойынша қалпына келтіру жұмыстары 20 тамызға дейін бітуі керек. Сондай-ақ, 20 тамызға дейін барлық әлеуметтік нысандарды тапсыру қажет.Ақпарат көзі : https://www.gov.kz/memleket/entities/mps/press/news/details/22536?lang=kk

Қазақстан-Өзбекстан бизнес-форумы мен Сауда-экономикалық миссиясын ҚР Сыртқы істер министрлігі мен ҚР Индустрия және инфрақұрылымдық министрлігі «Атамекен» ҰКП-мен және Қазақстанның сыртқы сауда палатасымен бірлесе ұйымдастырды.Өзбек тарапынан Өзбекстан Сауда-өнеркәсіп палатасы ұйымдастырды.Іс-шараның басты мақсаты - тікелей байланыстар орнату, қазақстандық кәсіпорындар мен әлеуетті сатып алушылар арасындағы сауда қатынастарды кеңейту, сондай-ақ B2B форматында екіжақты кездесулер өткізу.Қазақстан Республикасы Сыртқы істер министрінің орынбасары Ермек Көшербаев сауда-экономикалық байланыстарды одан әрі дамытудың үш негізгі бағыты сауда-саттықтың өсімі, инвестициялық ынтымақтастықты күшейту және көлік-логистикалық ынтымақтастықты дамыту екенін атап өтті.Қазақстан Республикасы Индустрия және инфрақұрылымдық министрлігі министрлігі экспортты ілгерілету департаментінің басқарма басшысы Өмірбек Баштай өз сөзінде экспортты қолдау бойынша қаржылық және қаржылық емес шаралар туралы егжей-тегжейлі баяндама жасады. Сондай-ақ 2018 жылғы 6 қазанда Қазақстан халқына Жолдауы аясында Мемлекет басшысының тапсырмасына сәйкес экспортты қолдау жұмыстарын күшейту мәселесін атап өтті.Бизнес-форумның аясында B2B форматында Қазақстан мен Өзбекстан кәсіпкерлері арасында экономиканың түрлі салаларында: агроөнеркәсіптік кешен, азық-түлік өндірісі, химия өнеркәсібі, машина жасау және т.б. сияқты екіжақты келіссөздер жүргізілді.Бизнес-форум барысында Қазақстанның инвестициялық мүмкіндіктері туралы, сондай-ақ Қазақстан мен Өзбекстанның сауда-экономикалық әріптестігін одан әрі дамытуға бағытталған бірлескен ынтымақтастық пен перспективалар туралы таныстырылмдар жасалды.Анықтама:Қазақстан Республикасы мен Өзбекстан Республикасы арасындағы тауар айналым 2018 жылы 2,49 млрд. АҚШ долларын құрады (экспорт - 1,64 млрд. АҚШ долл., импорт - 0,63 млрд. АҚШ долл.). Бұл 2017 жылғы көрсеткіштен  25,33% жоғары (экспорт – 31,55%, импорт – 14,76%).Экспорттың негізгі бөлігі бидай, ұн, мұнай мен газ.Сонымен бірге Өзбекстан Республикасына экспорттың өсуінің басым бөлігі бидай мен меслинге, портландцемент пен легирленбеген өңделмеген алюминийге (экспорттың жалпы көлемінің 26,5%-ы, экспорттың өсуінің 47%) тиесілі.2018 жылы портландцемент 69,10 млн. долларға экспортталса, Өзбекстанға 69,07 млн. доллардың  портландцементі экспортталды.2018 жылғы 1 қазандағы жағдай бойынша өзбекстандықтардың қатысуымен Қазақстанда 2578 заңды тұлға мен филиалдар тіркелген. Олардың 1331-і жұмыс істеп келеді.Ақпарат көзі : https://www.gov.kz/memleket/entities/mps/press/news/details/21934?lang=kk

Тараптар өзекті мәселелерді, сондай-ақ Қазақстан мен Ресейдің көлік және логистикалық инфрақұрылым салаларындағы өзара ынтымақтастық перспективаларын талқылады.Кездесу қорытындысы бойынша тараптар алдағы уақытта ынтымақтастықтың жемісті болатынына сенім білдірді.Ақпарат көзі : https://www.gov.kz/memleket/entities/mps/press/news/details/21911?lang=kk

Құжатқа Қазақстан Республикасының Индустрия және инфрақұрылымдық даму министрі Роман Скляр мен Корея Республикасының Сауда, индустрия және энергетика министрі Сон Юн Мо қол қойды.«САМАЛ ЖЕЛ» бағдарламасы көлік және логистика, құрылыс, өнеркәсіп, инфрақұрылымды дамыту, тау-кен металлургия және жер қойнауын пайдалану, сауда-экономикалық ынтымақтастық, энергетика, инновация және АКТ, ауыл шаруашылығы, қаржы, денсаулық сақтау мен мәдениет, туризм және білім беру сияқты салаларда нақты 58 жобаны іске асырудың және 10 өрісте кешенді өзара іс-қимылды қамтиды.Бұған қоса, қазіргі уақытта пакеті 7,2 млрд АҚШ долларын құрайтын Қазақстан-Корей индустриалды-инновациялық 40 жоба бар. Оның ішінде жалпы сомасы1,9 млрд АҚШ долларын құрайтын 19 жоба іске асырылды, 2,1 млрд АҚШ долларының 6 жобасы іске асырылуда және 3,2 млрд АҚШ долларын құрайтын 15 перспективалық жобаны іске асыру «САМАЛ ЖЕЛ» бағдарламасында қарастырылған.Корея белсенді бизнес-ынтымақтастық және бизнестегі екі жақты түрлі байланыстарды орнату арқылы қамтамасыз етілетін бірлескен кәсіпорындардың саны бойынша алғашқы ондыққа кіреді. Бүгінгі таңда Қазақстанда корей капиталының қатысуымен 500-ден астам кәсіпорын жұмыс істейді.Ақпарат көзі : https://www.gov.kz/memleket/entities/mps/press/news/details/21524?lang=kk

Қ.Өскенбаев «Нұрлы жер» мемлекеттік тұрғын үй құрылысы бағдарламасын жүзеге асыру бойынша министрлік жүргізіп жатқан жұмыстар мен аз қамтылған отбасылар үшін тұрғын үйдің қолжетімділігін арттыру бойынша қабылданған шаралар туралы есеп берді.Бірінші вице-министрдің айтуынша, «7-20-25» ипотекалық бағдарламасын тиімді жүзеге асыру үшін «Нұрлы жер» бағдарламасы аясында құрылыс алаңдарын құру үшін инженерлік желілер тарту қаржысын 100 млрд.теңгеге дейін арттыру қарастырылды және халықтың ипотекасын субсидиялау алынып тасталды.Сонымен қатар, өңірлерде алғашқы тұрғын үйге қол жетімділікті арттыру үшін тұрғын үй құрылыс жинақ банкінің салымшыларына ғана емес, екінші деңгейдегі банк салымшыларына да кредиттік тұрғын үйді сату қарастырылған.Бұдан басқа, «Нұрлы жер» бағдарламасына қатысушылар үшін тұрғын үй құрылыс жинақ банкінің займдары бойынша бастапқы жарна 30%-тен 20%-ке дейін төмендетілді.«Мемлекет басшысының тапсырмасын іске асыру үшін өңірлермен бірлесіп жеңілдетілген ипотека бойынша бастапқы жарналарды тұрғын үй сертификаттары түрінде ішінара субсидиялау механизмі әзірленді. Тұрғын үй сертификаттарын беру әлеуметтік көмек немесе бюджеттік кредит түрінде әлеуметтік қолдау ретінде қарастырылады», - деп атап өтті Қайырбек Өскенбаев.Кредиттік тұрғын үй құрылысын қаржыландыруды ұлғайту үшін «Нұрлы жер» бағдарламасына енгізілетін өзгерістер аясында қаражатты инвестициялау туралы нормалар көзделген. Соның ішінде «Баспана» бағдарламасын жергілікті атқарушы органдардың облигациялары бойынша іске асыру қарастырылған.Сыйақының нарықтық ставкасын жабу үшін әкімдіктер салынған тұрғын үйді Құрылыс құнынан асатын бағамен сатуға құқылы (шамамен өңірлерде 176 мың және Нұр-Сұлтан, Алматы, Шымкент, Атырау, Ақтау қалаларында 220 мың).Бұл ретте, әкімдіктер бюджет мүмкіндіктерін, қарыз лимиттерін және жобалардың болуын ескере отырып, сатып алуды айқындайтын болады. Елбасының «Nur Otan» партиясының съезінде берген тапсырмасын іске асыру үшін «Нұрлы жер» бағдарламасының аясында аз қамтылған отбасылар үшін тұрғын үйдің қолжетімділігін арттыру шаралары әзірленді.Жыл сайын көп балалы отбасылар үшін жалға берілетін тұрғын үй салуға және сатып алуға өңірлерге 50 млрд.теңгеден бөлу көзделіп отыр. Бұл жыл сайын 6 мың көп балалы отбасын, ал 2025 жылға дейін 40 мың отбасын тұрғын үймен қамтамасыз етуге мүмкіндік береді.Биылғы жылға 3 130 пәтерлі құрылыс жобаларының тізімі жасалды. Лимит сома бойынша әр өңір үшін әкімдіктер кезегіндегі көп балалы отбасылар санына пропорционалды түрде белгіленген (28 126).Сондай-ақ тұрғын үй құрылыс жинақ банкі арқылы көп балалы, толық емес отбасыларды және мүгедек балалары бар отбасыларды жылдық ставкасы 2% болатын, бастапқы жарнасы 10%-тен басталатын 20 жылға дейінгі мерзімге жеңілдікпен несиелендіру енгізілуде.Бастапқы жарнаның бір бөлігі тұрғын үй сертификатымен жабылады.Аталмыш механизмді іске асыру үшін 3 жыл ішінде 150 млрд.теңге бөлу жоспарланып отыр, бұл жыл сайын 6 мың займ беруді қамтамасыз етеді.Ақпарат көзі : https://www.gov.kz/memleket/entities/mps/press/news/details/21469?lang=kk

Қатысушылар KIOSH конференциясы алаңында еңбек қорғау және өнеркәсіптік қауіпсіздік салаларына сандық технологияларды енгізу, жеке қорғану құралдарының жаңа жүйелері, еңбек қорғауды басқару жүйелері, сондай-ақ мемлекеттік және ішкі бақылау сияқты саланы дамытудың өзекті мәселелерін қарастыруда.Спикерлер Конференцияның пленарлық сессиясында өнеркәсіптік кәсіпорындар мен жұмыс орындарындағы проблемаларды, оларды шешу жолдарын, сондай-ақ ең үздік әлемдік тәжірибені енгізу мәселелерін талқылады. Конференцияны Қазақстан Республикасы Еңбек және халықты әлеуметтік қорғау министрі Бердібек Сапарбаев пен ҚР ИИДМ Индустриялық даму және өнеркәсіптік қауіпсіздік комитетінің төрағасы Қанат Баитов ашты."ҚР Индустрия және инфрақұрылымдық даму министрлігінің негізгі міндеті өнеркәсіп салаларының қауіпті өндірістік нысандарында еңбек жағдайының қауіпсіздігін қамтамасыз ету, қызметкерлердің денсаулығына зиян келтіруді болдырмау және өндірістік жарақаттануды азайту болып табылады. Өнеркәсіптік қауіпсіздік саласындағы мемлекеттік қадағалау 8 мыңнан астам кәсіпорында, оның ішінде 211 мыңнан астам нысандар мен қауіпті техникалық құрылғыларда жүзеге асырылады. Бес жыл ішінде жарақаттануды талдау барысы көрсеткендей, қызметкерлердің жарақаттануының негізгі көрсеткіштер саны көмір және тау - кен саласына тиесілі, бұл республика бойынша 49% -дан астам көрсеткішті құрайды", - деп атап өтті Қанат Баитов.Осы мәселені шешу үшін министрліктің бастамасы бойынша аумақтық органдар кәсіпорындар басшыларымен бірлесіп жыл сайын техникалық қайта жарақтандырудың жиынтық жоспарларын әзірлейді, оның шеңберінде 2015-2018 жылдар кезеңінде 8663 бірлік жабдық пен 350 технологиялық желі ауыстырылды.Қабылданған шаралар нәтижесінде нысандардың қауіптілік деңгейін және өндірістік жарақаттану көрсеткіштерін жыл сайын төмендетудің белгілі бір үрдісі байқалды. Атап айтқанда, соңғы бес жылда (2014-2018 жылдар) тіркелген өндірістік апаттар мен жазатайым оқиғалардан қаза болғандардың саны 2,3 есеге азайды.ҚР ИИДМ әзірлеген "Қазақстан Республикасының кейбір заңнамалық актілеріне өнеркәсіптік қауіпсіздік мәселелері бойынша өзгерістер мен толықтырулар енгізу туралы" ҚР Заңының жобасы шеңберінде өнеркәсіптік қауіпсіздік саласындағы кәсіпорындардың өндірістік бақылауының рөлін арттыру мақсатында өндірістік бақылау қызметтерінің лауазымды тұлғаларының қызметін регламенттеу және олардың мәртебесін күшейту ұсынылды.Осы бағытта белгіленген шараларды іске асыру қауіпті өнеркәсіптік объектілердегі апаттар мен өндірістік жарақаттанудың төмендеуін және біздің республика экономикасының тұрақты өсуін қамтамасыз етуге мүмкіндік береді.Ақпарат көзі : https://www.gov.kz/memleket/entities/mps/press/news/details/20667?lang=kk

Қазіргі уақытта ҚР Парламенті Мәжілісінің депутаттары Қазақстан Республикасы Үкіметінің 2018 жылғы 17 қыркүйектегі № 570 қаулысымен енгізілген "Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы" Қазақстан Республикасы Заңының жобасын қарастыруда.Өз сөзінде Қайырбек Өскенбаев заң жобасы келесі негізгі міндеттерді шешуге бағытталғандығын атап өтті:Бірінші."Бір үй - бір бірлестік - бір шот" қағидаты бойынша "мүлік иелерінің бірлестігі"коммерциялық емес ұйымының жаңа нысанын құру жолымен басқару органдарының қызметін реттеу.Екінші. Кондоминиум объектісінің ортақ мүлкіне күрделі жөндеу жүргізудің жаңа тетігін енгізу.Үшінші. Кондоминиум объектілерін басқару органына үй-жайлардың меншік иелері тарапынан бақылауды қамтамасыз ету және басқару органдары қызметінің ашықтығын арттыру, сондай-ақ тұрғын үй құқықтық қатынастары субъектілері арасындағы өзара іс-қимылды жақсарту.Төртінші. Әлеуметтік инфрақұрылым объектілерінде қауіпті техникалық құрылғыларды, газ және газбен жабдықтау объектілерін қауіпсіз пайдалануды қамтамасыз ету.Бесінші. Тұрғын үй және тұрғын үй-құрылыс кооперативтерінің қызметін және азаматтардың тұрғын үй-құрылыс кооперативіне кіруі арқылы тұрғын үй сатып алу тетігінің ашықтығын реттеу.Заң жобасының негізгі ұсынысы – көп пәтерлі тұрғын үйді басқару үшін "мүлік иелерінің бірлестігі" коммерциялық емес ұйымының жаңа нысанын құру, ол "бір үй – меншік иелерінің бір бірлестігі-бір шот"қағидаты бойынша жұмыс істейтін болады.Көп пәтерлі тұрғын үйде, егер ондағы пәтерлер, тұрғын емес үй-жайлар саны отыздан аспайтын болса, заңды тұлға құрмастан (жай серіктестік) пәтерлердің және тұрғын емес үй-жайлардың барлық меншік иелеріне КПТҮ тікелей бірлесіп басқаруына жол беріледі.Іс жүзінде ПИК көп үй болып, барлық үйлерге бір есеп шот ашады, бұл жиналған қаражаттың мақсатты пайдаланылуын бақылауға мүмкіндік бермейді.Осылайша, ұсынылған принцип әрбір үйді басқару бойынша жеке тәсілді көздейді. Әрбір мүлік иелерінің бірлестігі жеке ағымдағы және жинақ шоттарын ашады.КПТҮ басқару қағидаты бойынша тұжырымдамалық ұсыныстар "бір үй – мүлік иелерінің бір бірлестігі – бір шот" тұрғындарға қаражаттың түсуін және осы ақшаның мақсатты жұмсалуын мониторингілеу мүмкіндігі арқылы өз үйлерін ғана күрделі жөндеуге қаражат жинауға мүмкіндік береді.Осы мақсаттар үшін меншік иелері ай сайын күрделі жөндеу үшін Жинақ шотына пайдалы алаңның 1 шаршы метріне есептегенде 0,005 еселенген АЕК мөлшерінде соманы енгізеді, бұл 12,6 теңгені құрайды. Бұрын жарна пайдалы алаңның 1 шаршы метріне шаққанда 0,02 еселенген АЕК құрады, бұл 50,5 теңгені құрайды. Жарнаның төмендеуі-25% құрады.Заң жобасында барлық қатысушылардың бизнес процестерінің ашықтығын қамтамасыз ететін Бірыңғай тұрғын үй қоры мен ТКШ ақпараттық жүйесін құру қарастырылған.Ақпараттық жүйеде тұрғындар үй бойынша шығындар мен табыстарды бақылай алады, есептеулер мен есеп айырысулардың дұрыстығын тексере алады, өз басқару органының қызметіне мониторинг жүргізе алады, тұрғын үй-коммуналдық шаруашылық мәселелері бойынша өтініштер бере алады.Сонымен қатар, тұрғындарда электрондық дауыс беруді өткізу және оларға үйдегі барлық мәселелер бойынша қашықтықтан қатысу мүмкіндігі пайда болады.Сондай-ақ, вице-министр түзетулер енгізу тұрғын үй-коммуналдық шаруашылық субъектілерінің өзара қарым-қатынасын ретке келтіретінін, сондай-ақ халықтың жайлы және қауіпсіз өмір сүру ортасын жақсартатынын атап өтті.Кездесу соңында Шымкент қаласының әкімі Ғабидолла Әбдрахимов тапсырма берді:1. Қазақстан Республикасының Индустрия және инфрақұрылымдық даму бірінші вице-министрі Қ. А. Өскенбаевтың ақпараты назарға алынсын.2. Шымкент қаласының әкімдігі жоғарыда көрсетілген заң жобасы қолданысқа енгізілген күннен бастап бір жыл ішінде:- Қазақстан Республикасының Жылжымайтын мүлікке құқықтарды мемлекеттік тіркеу туралы заңнамасына сәйкес кондоминиум объектісі ретінде барлық көп пәтерлі тұрғын үйлерді тіркеу;- кондоминиум объектілерінің құрамына оларды орналастыру, пайдалану және күтіп-ұстау үшін қажетті жер учаскелерін, оның ішінде үй маңындағы аумақтар берілмеген бұрын тіркелген Кондоминиум объектілері үшін де енгізу;- көп пәтерлі тұрғын үйді басқару нысанын таңдау үшін пәтер иелері мен тұрғын емес үй-жайлардың жиналыстарын өткізу, тұрғын үйлерді басқаратын жалдамалы жеке тұлғалар арасында кондоминиум және т. б. тиісті нысандарды басқару құқығына байқау өткізу.3. Шымкент қаласының тұрғын үй инспекциясы басқармасы тұрғын халықты, сондай-ақ қолданыстағы басқару органдарын, сервистік компанияларды заң жобасында көзделген өзгерістермен таныстыру жөніндегі жұмысты ұйымдастырсын.Ақпарат көзі : https://www.gov.kz/memleket/entities/mps/press/news/details/20653?lang=kk