Қазақстан Республикасының Мемлекеттік кеңесшісі Ерлан Қарин белгілі мәдениет және өнер қайраткерлеріне мәдениет саласындағы мемлекеттік стипендияны табыс етті.Мемлекеттік стипендия әдебиет пен өнер саласындағы 75 адамға берілді.Жыл сайын тағайындалатын бұл стипендия – мемлекеттің мәдениет және өнер қайраткерлеріне, шығармашылық қызметкерлеріне және жас дарындарға қолдауы мен қамқорлығының айғағы. Сондай-ақ олардың ұлт мәдениетін өркендетіп, әлемге танытуға қосқан елеулі үлесіне көрсетілген құрмет.Мемлекеттік стипендия Асанәлі Әшімов, Ілия Жақанов, Бибігүл Төлегенова, Олжас Сүлейменов, Нұрғали Нүсіпжан, Меруерт Өтекешова, Дулат Исабеков, Төлен Әбдік, Юрий Аравин, Сержан Шәкірат, Амандос Ақанаев, Татьяна Тарская, Гүлвер Разиева секілді әдебиет пен өнер майталмандарына табысталды.Сонымен қатар Канн халықаралық фестивалінің лауреаты Самал Есләмоваға, балерина Татьяна Тенге, опера солисі Мақсат Саматовқа және өзге де жас дарындарға мемлекеттік қолдау көрсетілді.Стипендия иегерлері мемлекеттің қаржылай қолдауы арқасында шығармашылықпен алаңсыз айналысуға мүмкіндік алады. Бұл стипендия еліміздегі мәдениет және өнер саласының дамуына ықпал етіп қана қоймай, тың идеялар мен жобалардың іске асуына септігін тигізеді. АқордаАқпарат көзі : https://www.gov.kz/memleket/entities/mam/press/news/details/921317

2025 жылы Әбілхан Қастеев атындағы Қазақстан Республикасы Мемлекеттік өнер музейі өзінің 90 жылдық мерейтойын атап өтеді.Музейде 26 мыңнан астам өнер туындысы бар. Онда қазақ халқының өнері мен рухани мұрасын қамтылған. Туындылар қатарында кескіндеме, графика, мүсін, сәндік-қолданбалы өнер жауһарлары ұсынылған. Олардың ішінде Қазақстан өнерінің алтын қорына енген түпнұсқа жауһарлар бар.Қазақстанның сәндік-қолданбалы өнері – ежелгі дәуірден келе жатқан және біздің заманымызға дейін сақталған руханият пен дәстүрдің ұлттық бастауы саналатын маңызды бөлімді ұсынады.90 жылдыққа орай музейдің бай тарихы мен көпқырлы қызметін айшықтайтын кең ауқымды бағдарлама әзірленді.Айтулы оқиғалардың бірі – «Қазақстанның заманауи өнері» атты жаңа залдың ашылуы. Бұл экспозиция еліміздің жетекші суретшілерінің шығармаларын қамтиды.Сондай-ақ, музей тарихы мен өркендеуіне арналған ретроспективті фотокөрме өткізу жоспарлануда. Көрмеде бірегей мұрағаттық құжаттар көшірмесі, фотосуреттер ұсынылады. 1935 жылдан басталған ғылыми, қор сақтау, көрме ұйымдастыру және экскурсиялық қызметтерге ерекше назар аударылады. Сонымен қатар, осы күнге дейін өткізіліп келе жатқан көптеген көрме жобалары мен ауқымды іс-шаралардың фотосуреттері көрсетіледі. Бұл көрме музейдің бүгінге дейінгі тарихы пен өркендеу жолына арналған.Тағы бір көрме Қазақстанның бейнелеу өнері тарихында есімдері қалған суретшілердің мерейтойларына арналады.Бұдан бөлек, «Қазақстанның заманауи сәндік-қолданбалы өнері» атты екі томдық каталог шығару жоспарлап отыр. Каталогта металдан, тастан, ағаштан, былғарыдан жасалған бұйымдар, зергерлік бұйымдар, керамика, фарфор, шыны, гобелендер, киізден, жүннен және шиден жасалған сәндік панельдер бар. Туындылар 1938-2020 жылдар аралығын қамтиды.Ал «Жанданған жауһарлар» көрмесінде 100-ге жуық реставрацияланған туынды ұсынылады. Кескіндеме, графика, мүсін және қолөнер, тоқу, зергерлік, киізден жасалған бұйымдар және т.б. реставрация жұмыстары сипатталған төлқұжаттарымен, «дейін» және «кейін» фотосуреттерімен бірге жүреді. Көрмеге көптеген жұмыстарға экспозициялық көрініс беріп, көп күш жұмсаған, елеулі еңбек сіңірген аға буын реставраторлары шақырылады.Мерейтойлық жылда Қазақстан мен әлем арасындағы мәдени диалогты нығайтуға бағытталған бірқатар ірі халықаралық жобалар жүзеге асырылады.Жылдың маңызды жобаларының бірі – Мемлекеттік Третьяков галереясында өтетін музей қорындағы Әбілхан Қастеев жұмыстарының көшпелі көрмесі. Онда шебердің 50 графика және акварель жұмыстары ұсынылады. Ретроспективалық көрмеде ресейлік көрермен суретшінің шығармашылық дамуының барлық кезеңдерін тамашалай алады.Орал Таңсықбаевтың 120 жылдығына арналған Өзбекстан мәдениет және өнерді дамыту Қоры ұйымдастырған халықаралық жоба Қазақстан мен Өзбекстанның жетекші музейлерінің коллекцияларын біріктіреді.Қытай Ұлттық музейінің халықаралық көрмесінде қытайлық ерекше кескіндеме, мүсін, гравюра, композициялық материал, акварель, гуашь және лак кескіндемесі секілді 50-ден астам туынды ұсынылады.Маңызды ғылыми оқиға – жыл сайынғы «Қастеев оқулары» ғылыми-практикалық конференциясы. Дәстүрлі іс-шарада музей ісін зерттеушілер мен өнертанушылар бас қосады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/921812

Кітап шығару саласындағы соңғы тенденциялар мен оқырман сұранысын ескере отырып, adebiportal.kz отандық әдеби порталы авторлардың аудиокітап форматындағы жаңа шығармаларымен толығуда.Порталдың жаңалығы – Қасым-Жомарт Тоқаевтың «Әке туралы ой-толғау» аудиокітабы. Кітап қазақ әдебиетіндегі детектив жанрының негізін қалаушы Кемел Тоқаевтың өмір жолына арналған.Автор әкесінің өмірі мен шығармашылығы туралы жеке естеліктерімен бөлісіп, Кемел Тоқаевтың қиындыққа толы балалық шағы, оның майдандағы жастық кезі мен соғыстан кейінгі шығармашылық жолы туралы әңгімелейді. Автор анасы – Тұрар Шабарбаеваға арнайы бөлім арнаған. Анасы жазушының өмірлік адал серігі, отбасының ұйытқысы болғанын айтады. Өзінің ата-анасына және жақындарына деген сүйіспеншілік сезімін терең жеткізеді.Президенттің отбасы құндылықтары, борыш пен жауапкершілік, аға ұрпақтың мұрасы туралы ой-толғаулары кітапта айқын көрініс тапқан. Қасым-Жомарт Тоқаевтың бұл туындыда баяндаған шынайы толғаныстары жас ұрпақ тәрбиесі үшін мәні терең, маңызы зор.Кемел Тоқаев ХХ ғасырдағы отандық әдебиетте жарқын із қалдырды. Шығармалары қаламдастары, сыншылар мен оқырман тарапынан жоғары бағаланып, Қазақстан мен Кеңес Одағында бестселлерге айналды.Президенттің аудиокітабы Kitap.kz, Topiq.kz, Kazneb.kz қосымшаларында да қолжетімді болады.Жақын уақытта Ұлы Жеңістің 80 жылдығын мерекелеу аясында adebiportal.kz порталында қазақстандық майдангер-жазушылардың аудиокітаптары орналастырылады: Бауыржан Момышұлы «Артымызда Москва, Тахауи Ахтанов «Қаһарлы күндер», Әбдіжәміл Нұрпейісов «Күткен күн», Әзілхан Нұршайықов «Ақиқат пен аңыз», Кемел Тоқаев «Солдат соғысқа кетті», Қасым Аманжолов «Ақын өлімі туралы аңыз» және т.б.Ақпарат көзі : https://www.gov.kz/memleket/entities/mam/press/news/details/922532

Облыс әкімі Нұрлыбек Нәлібаев елді мекендерді газдандыру мәселесіне қатысты арнайы жиын өткізіп, жауапты сала басшылары мен аудан әкімдеріне бірқатар тапсырма берді.«Елді мекендерді «көгілдір отынмен» қамтамасыз ету – маңызды міндеттердің бірі. Газдандыру тұрғындардың өмір сүру сапасын арттыруға, тұрмыс-тіршілігін жақсартуға оң әсерін тигізетіні белгілі. Облыстық энергетика және тұрғын үй-коммуналдық шаруашылық басқармасына қала және аудан әкімдіктерімен бірлесіп, газдандыру жобаларын әзірлеудегі және жүзеге асырудағы жұмыстың ауқымын ұлғайту керек. «ҚазақГаз Аймақ» акционерлік қоғамы жаңа инвестициялық бағдарлама аясында облысқа 22 млрд. теңге инвестиция салуға дайын екендігін жеткізді. Біз инфрақұрылымдық жобаларға барлық көзден қаржыландыру тетіктерін қарастыруымыз қажет. Жаңа инвестициялық бағдарламаның өңірімізде сапалы іске асырылуын қамтамасыз етіңіздер. Тарифті қатаң бақылауда ұстап, оның негізсіз өсуіне жол бермеу үшін тиісті шараларды қабылдаңыздар», – деді Н.Нәлібаев.Айта кету керек, өткен жылы газдандыру жобаларына 30 млрд. теңгеден астам қаржы бөлініп, жоспарланған жұмыс толық орындалды. Аймақтың 11 елді мекені табиғи газға қосылып, облыс тұрғындарының 78 пайызы газ тұтынатын болды, газдандырылған ауылдар саны 46-ға жетті. Жыл басынан бері 4 елді мекенге газ желісі тартылды.Ақпарат көзі : https://www.gov.kz/memleket/entities/kyzylorda/press/news/details/920968

Облыс әкімі Нұрлыбек Нәлібаевтың төрағалығымен тарихи-мәдени мұра орталығының (тарихи-өлкетану музейі) құрылыс барысы талқыланған мәжіліс өтіп, жауапты сала басшыларына бірқатар тапсырма жүктелді.«Музейдің ішкі тақырыптық тұжырымдамасы бекітілуі, экспозициялық көрме залдары заманауи этно-мәдени үлгіде жасалуы тиіс. Аймақтағы туристік әлеуеті жоғары нысан болғандықтан, оның жабдықталуы, экспозициясы заманауи талапқа сай болуы керек. Ғылыми зерттеу жұмыстарын қазірден бастауды ұсынамын. Құрылыс толық аяқталған кезде экспонаттар дайын болуы қажет. Бұл тек келушілерге қызмет көрсететін мекеме емес, ақпараттық технологиялармен қамтамасыз етілген ғылыми-рухани орталық болуы тиіс»,– деді Н.Нәлібаев.Жиында орталықтың ішкі экспозициялық жұмыстарының жобасын сәулетші-реставратор, Қазақстанның тарихи-мәдени мұра және музей ісі қауымдастығының атқарушы директоры Ринат Кутдусов таныстырып, ұсынысын айтты.Еске салайық, 2024 жыл өңірімізде «Руханият жылы» деп жарияланып, мәдени-көпшілік шаралармен қатар, ауқымды жобалар жүзеге асты. Атаулы жылда барлық 7 ауданда ішінде неке қию залы, кітапхана, музей, архив, жастар сарайы, ардагерлер мен аналар үйі бар «Руханият орталықтары» салынып, пайдалануға берілуде.Ақпарат көзі : https://www.gov.kz/memleket/entities/kyzylorda/press/news/details/920983

Кеше Сыр медицинасының тарихында айтулы күн болды.Аймағымызда алғаш рет бауыр ауыстыру отасы жасалды. Көпбейінді облыстық ауруханада 40 жастағы еңбекке қабілетті пациентке жасалған бауыр трансплантациясы отасы сәттi аяқталды. Донор – 1993 жылы дүниеге келген пациенттің туысы. Тоғыз жылдан бері бауыр циррозы дертіне шалдығып, емi нәтижесіз болған науқас үшін бұл көптен күткен қуаныш.Он сағатқа созылған ота сәтті өтті. Қазіргі уақытта ем алушы бұрынғы өмірiне оралды десек болады, яғни емделуге тәуелділiк, уақыт пен тамақтануға байланысты шектеулерден босап, жұмыс істеуге және белсенді өмір салтын ұстануға толыққанды мүмкіндік алды.Трансплантацияның Қызылордада жасалуына А.Н.Сызғанов атындағы Ұлттық ғылыми хирургия орталығының басқарма төрағасы, медицина ғылымдарының докторы, профессор, жоғары санатты дәрігер Баймаханов Болатбек Бимендіұлы жетекшілік ететін трансплантологтар қолдау білдірiп, арнайы келді.Айта кетейік, көпбейінді облыстық аурухана дәрігерлері де отаға қатысып, тәжірибе алмасты. Бауыр ауыстыру отасы алдағы жылдары да жалғастырылмақ. Бүгінде Қызылорда облысында 16 адам бауыр трансплантациясын жасатқан. Олардың денсаулығы жақсы.Заманауи хирургияда донорлық бауырды сәтті трансплантациялау – созылмалы, асқынған ауруы бар науқастарды қалпына келтіріп, олардың толықтай медициналық және әлеуметтік оңалуын қамтамасыз етеді.Ақпарат көзі : https://www.gov.kz/memleket/entities/kyzylorda/press/news/details/921004

Әбілхан Қастеев атындағы ҚР Мемлекеттік өнер музейінде «Таң Шолпан» халықаралық тәуелсіз әйел суретшілер қорының 25 жылдығына орай «Өмір сүру, сену, сүю...» атты көрме ашылды.Көрмеде Қазақстан, Өзбекстан, Түрікменстан, Тәжікстан, Қырғызстан, Грузия, Австрия, Германия, Канада және АҚШ суретшілерінің 100-ден астам туындылары ұсынылған.Халықаралық жоба жоғары көркемдік білімі бар, кескіндеме, графика, сәндік-қолданбалы өнер, мүсін секілді түрлі өнерде шығармашылықпен айналысатын 70-тен астам кәсіби суретшілерді біріктірді.«Таң Шолпан» қоры Қазақстанда жалпы өнерді ілгерілетуді мақсат етіп қойған әйел суретшілерді жинаған жалғыз компания. Олардың өмір философиясы – өнерге, шығармашылыққа деген сүйіспеншілік. Бұл олардың бірегейлігін көрсетуге мүмкіндік береді.Экспозиция 9 ақпанға дейін жалғасады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/920016

Бүгін облыс әкімі Нұрлыбек Нәлібаев 10 қаңтарда «Қызылорда - Астана» бағытындағы ұшақ бортында адам өмірін құтқарып қалған жерлесіміз Дінмұхаммед Бектұрғанның ата-анасы Нұрболат және Ғалия Нұрсейітовтермен кездесті.Дінмұхаммедтің жас болса да, шұғыл әрі батыл, сауатты әрекет жасағанына ризашылығын білдірді. Баласына жақсы тәлім-тәрбие бергені үшін ата-анасына алғысын жеткізді. Интерн маман оқуын әрі қарай үш жылдық резидентурада жалғастыруды жоспарлаған. Аймақ басшысы елдің атынан алғыс ретінде Дінмұхаммед Бектұрғанның оқу ақысын төлеуге қолдау білдіретінін айтты. «Дінмұхамед медициналық көмекке мұқтаж азаматқа дер кезінде алғашқы жәрдем көрсетіп, өмірін сақтап қалды. Оның уақыт оздырмай қабылдаған шешімі, сауатты іс-қимылы өзі сияқты медицина мамандығында білім алатын жастарға үлгі-өнеге болды.Бұл арқылы Дінмұхамед өз мамандығын жақсы меңгергенін ғана емес, ата-анасынан, ұстаздарынан, аға буын әріптестерінен тағылымды тәрбие алғанын көрсетті. Дінмұхамед секілді жас мамандар – еліміздің болашағы. Біз осындай азаматтарға әрдайым қолдау көрсетіп, ерлік ісін өскелең ұрпаққа үлгі етіп насихаттауымыз қажет.Мемлекет басшысы Қасым-Жомарт Кемелұлы: «Мемлекетіміздің келешегі – жастардың қолында. Ол жай ұран емес. Бұл – біздің басты саясатымыз. Сондықтан келешекте де біз жастарды қолдаймыз. Оларға жәрдем береміз. Әсіресе, дарынды жастарды тұрақты түрде қолдауымыз керек» деген болатын.Білімді, білікті, адал, туған елінің патриот жастарын қолдау мемлекеттік саясаттың басты бағыттарының бірі болып қала береді. Президентіміз тек жастардың ғана емес, өскелең ұрпақты тәрбиелейтін ұстаздардың, қарапайым еңбек адамдарының өнегелі істерін әрдайым көпке үлгі етіп айтып келеді. Өз мамандығын жетік білуге талпынған, үздік оқитын, патриот азаматты тәрбиелеп өсірген сіздерге және ұстаздарға барша Сыр жұртшылығының, өзімнің атымнан зор ризашылығымды білдіремін», – деді Н.Нәлібаев.Еске салайық, Дінмұхаммед Бектұрған Астана медицина университетінің 7- курс студенті. Қазір интернатурада оқиды. Кеше Денсаулық сақтау министрі Ақмарал Әлназарова Дінмұхаммедті министрліктің «Құрмет грамотасымен» марапаттады. Интерн маман Астана медицина университеті ректорының міндетін атқарушы Анар Тұрмұхамбетованың, «Аманат» партиясы Астана қалалық филиалының жетекшісі Мұхаммед Болысбектің және «ҚазақЭйр» компаниясы экипаж командирінің «Алғыс хаттарына», 4 тегін авиабилетке ие болды.Ақпарат көзі : https://www.gov.kz/memleket/entities/kyzylorda/press/news/details/919987

Қазақстан Республикасының Қаржы министрі Мәди Такиев Қазақстан кіретін Еуропалық Қайта Құру және даму банкінің (ЕҚДБ) австриялық тобының директоры Элизабет Вицтуммен кездесу өткізді.Кездесуде Қазақстан Республикасының Үкіметі мен ЕҚДБ арасындағы ынтымақтастықтың жалпы басымдықтары, сондай-ақ Қазақстанның 2025 жылғы 13-15 Мамырда Ұлыбританияның Лондон қаласында өтетін ЕҚДБ-ның жыл сайынғы жиналысына қатысуы талқыланды. Қазақстан үшін инвестициялық сессияны өткізу мәселесіне ерекше назар аударылды.Элизабет Вицтум Қазақстанның Орталық Азиядағы ЕҚДБ-ның негізгі серіктесі ретіндегі маңызды рөлін атап өтті және Банктің экономиканың тұрақты дамуына ықпал ететін Стратегиялық жобаларды қолдауды жалғастыруға дайын екенін білдірді.Мәди Такиев ЕҚДБ-мен өзара іс-қимылдың жоғары маңыздылығын атап өтіп, Банктің инвестицияларды тарту және елдің инфрақұрылымын жаңғырту жөніндегі бастамаларды іске асыруға қосқан үлесін оң бағалады.Кездесу қорытындысы бойынша тараптар ынтымақтастықты одан әрі нығайтуға дайындығын растады және Қазақстанның инвестициялық тартымдылығы мен экономикалық өсуін арттыруға бағытталған бірлескен жобаларды іске асыру үшін елеулі әлеуетті атап өтті.Кездесуге ЕҚДБ Орталық Азия және Моңғолия бойынша басқарушы директоры Хусейн Өзхан және Қазақстан бойынша басшының орынбасары Асқар Намазбаев қатысты.Ақпарат көзі : https://www.gov.kz/memleket/entities/minfin/press/news/details/919326

Бүгін ҚР Президенті Әкімшілігі Басшысының бірінші орынбасары Дархан Сатыбалды төрағалығымен өткен отырыста "жайлы мектеп" ұлттық жобасын және "Таза Қазақстан"республикалық экологиялық акциясын іске асыру мәселелері талқыланды."Жайлы мектеп" ұлттық жобасы аясында облыста 12 300 орындық 21 мектеп салу жоспарлануда, оның ішінде 6 900 орындық 10 мектеп 2025 жылы пайдалануға берілуі тиіс. 2023 жылы жайлы мектептердің құрылысына 19,6 млрд теңге бөлінді, олар "Самұрық-Қазына Констракшн"АҚ шотына аударылды. 2024 жылға 21,3 млрд теңгені пайдалану жоспарланған болатын. Қызылорда облысының бюджетінен инфрақұрылымдық жұмыстарды жүргізу және мемлекеттік сараптама жүргізу бойынша жобалау-сметалық құжаттаманы дайындауға 118,4 млн. теңге бөлінді.Бұдан әрі жергілікті бюджеттен 1,7 млрд теңге бөлінді. Бүгінгі таңда 10 мектеп бойынша инфрақұрылымдық жұмыстар аяқталды. Іргелес аумақтарды абаттандыру және жол салу үшін 2 млрд 80 млн теңге бөлінді. Мердігерлер анықталды, жұмыстар жүргізілуде.Өткен жылдың қазан айында облыс республикада алғашқылардың бірі болып Қызылорда қаласындағы Сырдария өзенінің сол жағалауында 900 орындық мектепті пайдалануға берді. Қаңтар айының басында тағы екі мектеп ашылды. Бүгін Қызылорда қаласында ҚБИ тұрғын ауданында 600 орындық оқу корпусы ашылды. Алдағы күндері Жаңақорған кентіндегі Саяжай тұрғын ауданында 600 орындық мектеп пайдалануға беріледі. Қалған 5 мектептің құрылысы биыл аяқталады.Өңір сондай-ақ "Таза Қазақстан" республикалық экологиялық акциясын іске асыру бойынша өңірлік жоспар әзірлеп, кешенді жұмыстар жүргізуде. Демеушілік қолдаудың арқасында Қызылорда қаласындағы 28 көппәтерлі үйдің қасбеті заманауи панельдерді пайдалана отырып жаңартылды, сондай-ақ 20 көппәтерлі үйдің аулаларын абаттандыру жүргізілді.Қызылорда қаласының орталық алаңын реконструкциялауға демеушілер облыстық бюджеттен 1 млрд. теңге және 1 млрд. теңге бағыттады. Теміржол вокзалының ғимараты мен перроны күрделі жөндеуден өтті. Балаларға арналған 80 ойын және спорт алаңдары салынды. Жаңақорған ауданының Жаңақорған ауылында демалыс саябағы ашылды, Сырдария ауданының Нағи Ілиясов ауылында — "еңбекшілер паркі", Қармақшы ауданының Жаңажол ауылында — орталық алаң, Жалағаш ауданының Таң ауылында — абаттандырылып, көшелер жарықтандырылды.Облыстық бюджеттен көппәтерлі үйлердің 17 ауласын абаттандыруға, 14 спорт және ойын алаңдарын салуға және 7 ойын алаңын жөндеуге қаражат бөлінді. Демеушілердің қолдауымен 63 көппәтерлі үйдің және 2 әлеуметтік нысанның қасбеттері заманауи материалдармен жаңартылуда. Сондай-ақ, ауылдық аудандарда көшелерді абаттандыру, ойын алаңдары мен скверлер салу жұмыстары жүргізілуде.Облыс орталығындағы және басқа да елді мекендердегі барлық ғимараттар, соның ішінде мекемелер, аулалар, ойын алаңдары, аялдамалар мен жарықтандыру бірыңғай сәулет стандарттарына сәйкес келтірілген.Жыл сайын өңірде "Үздік ауыл"байқауы өткізіледі. 2024 жылы осы мақсаттарға 1,5 млрд. теңге бөлінді, жеңімпаз елді мекендерге 48 бірлік арнайы техника берілді. Биыл бұл мақсаттарға 564,4 млн теңге қарастырылып, оған 19 бірлік коммуналдық техника сатып алынады. Өткен жылы коммуналдық кәсіпорындар мен абаттандыру мекемелері 73 техникамен жарақтандырылды, жыл соңына дейін тағы 33 бірлік алу жоспарлануда.Облыс орталығында және барлық аудандарда дәстүрлі түрде "Үздік аула"байқауы өткізіледі.Ақпарат көзі : https://www.gov.kz/memleket/entities/kyzylorda/press/news/details/920009

Бүгін облыс әкімі Нұрлыбек Нәлібаев Қызылорда қаласындағы 600 орындық мектептің ашылу рәсіміне қатысты. Білім ошағы «Жайлы мектеп» ұлттық жобасымен салынған.Оған облыстық мәслихат төрағасы Мұрат Тілеуімбетов, ардагерлер кеңесінің төрағасы Серік Дүйсенбаев, қоғамдық кеңес төрағасы Әріп Хожбанов, зиялы қауым өкілдері мен жауапты сала басшылары және қала тұрғындары қатысты.Аймақ басшысы жиналған жұртшылықты еңселі де сәулетті мектептің ашылуымен құттықтап, ізгі тілегін жеткізді.«Президентіміз «Орта білімнің сапасы – табысты ұлт болудың тағы бір маңызды шарты. Әрбір оқушының білім алып, жан-жақты дамуы үшін қолайлы жағдай жасалуға тиіс. Сол үшін «Жайлы мектеп» ұлттық жобасы қолға алынды» деген болатын.Жаңа мектептердің ашылуы – бұл жай ғанағимараттардың салынуы емес, жаңа дәуірде білім алатын оқушыларға жаңа мүмкіндіктер сыйлау. Мемлекет басшысының бастамасымен жүзеге асқан «Жайлы мектеп» ұлттық жобасы аясында өңірде 6 900 орынға арналған 10 мектеп салу жоспарланып, оның алғашқы 900 оқушыға арналған мектебін өткен жылдыңқазан айында сол жағалаудан табыстадық.Осы айдың басында Жаңақорған ауданының Жаңарық ауылында және Арал қаласында 300 орындық 2 жайлы мектеп ашылды. Бұл арқылы Жаңарық ауылындағы бейімделген ғимаратта орналасқан, Арал қаласындағы үш ауысымды оқытуға көшуі мүмкін мектептердегі орын тапшылығы мәселесі шешімін тапты.Бүгін міне, «Самұрық-Қазына» акционерлік қоғамының үйлестіруімен жүзеге асқан, құны 4 млрд 732 млн теңге болатын 600 орындық «Жайлы мектепті» шәкірттер мен ұстаздаригілігіне береміз. Жаңа нысанды салу арқылыбейімделген ғимаратта орналасқан Әбу Құдабаев атындағы №197 орта мектептің мәселесін шештік. Құрылыс басталғалы бері балаларымызға қала ішіндегі басқа мектепте оқуына тура келді. Ұрпақ игілігіне бағытталғанортақ істе түсіністік танытқан барша ата-аналарға алғысымызды білдіреміз. Жасампаз істердің жаршысы болатын жеткіншектерімізенді қолайлы әрі қауіпсіз, заманауи жабдықталған, кең де жайлы мектепте білім алатын болады. Бүгін табысталған жаңа білім ғимаратынан алдыңғы буынның ізгі жолын жалғаған білімді, талантты шәкірттер шығатынына сеніміміз мол. Санасы сергек, ойы ұшқыр, бәсекеге қабілетті оқушыларымыз көп болғай», – деді аймақ басшысы.Салтанатты іс- шарада білім саласының ардагері, ҚР Білім беру ісінің үздігі, Қызылорда қаласының Құрметті азаматы Алтынсары Шүренов жиылған жұртшылықты құттықтады. Еңбек ардагері, Қызылорда облысының Құрметті азаматы, Қазақстан Республикасының еңбек сіңірген қайраткері, «Құрмет» орденінің иегері Қорғанбек Қайроллаұлы батасын берді. Сондай-ақ, аймақтың әлеуметтік-экономикалық дамуына үлес қосқан азаматтар мен құрылыс мекемесінің мамандары марапатталды.Айта кетейік, 2024 жылы білім саласына бөлінген қаржы 264 млрд теңгеге, алдыңғы жылмен салыстырғанда 9,3 пайызға ұлғайды. Саланың биылғы бюджеті 308 млрд 134 млн теңге, бұл өткен жылмен салыстырғанда 16,9 пайызға арттық.Былтыр аймақта 6 мектеп, 5 мектепке қосымша ғимарат салынып, іске қосылды.Нәтижесінде Арал ауданы Тоқабай ауылындағы №248, Шиелі кентіндегі №252 және Жансейіт ауылындағы №133 апатты мектептердің мәселесі шешілді.«ҚазГермұнай» компаниясының демеушілігімен Қызылорда қаласында заманауи үлгідегі «Оқушылар сарайы»,Жаңақорған ауданында «Оқушылар үйі» мен «Өнер мектебі» ел игілігіне табысталды.Балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы», дарынды балаларға арналған физика-математика мектеп-интернаты, «Саутс Ойл» компаниясының демеушілігімен музыкалық колледждің жаңа ғимараты бой көтеруде. Жыл ішінде Шиелі ауданында да «Оқушылар үйі»мен «Өнер мектебі» жұмысын бастайды.Биыл «Білім беру инфрақұрылымын қолдау қоры» есебінен Арал ауданының Жалаңаш ауылынан 150 орындық мектеп салынады.Былтыр 8 мектеп ғимаратына күрделі жөндеу жүргізілді. Мемлекет басшысының 1300 мектепті күрделі жөндеу тапсырмасына сәйкес 3 жыл ішінде облыстағы 51 мектеп, биыл соның 9-ы күрделі жөндеуден өтеді.Ақпарат көзі : https://www.gov.kz/memleket/entities/kyzylorda/press/news/details/919423

Бүгін Алматы қаласында көрнекті опера әншісі, актер, педагог Ермек Серкебаевқа арналған ескерткіштің салтанатты ашылу рәсімі өтті.Ашылу салтанатына Мәдениет және ақпарат министрі Аида Балаева, Алматы қаласының әкімі Ерболат Досаев, әншінің ағасы Мұрат Серкебаев пен ұлы Байғали Серкебаев, сондай-ақ шығармашылық зиялы қауым өкілдері, қала тұрғындары мен қонақтары қатысты.Ескерткіш Абылай хан даңғылының бойында, Құрманғазы атындағы Қазақ мемлекеттік академиялық халық аспаптары оркестрі ғимаратының алдында орнатылған.Министр Аида Балаева ескерткіштің ашылуы елінің ұлы перзентіне деген құрметі екенін атап өтіп, Ермек Серкебаевтың бай рухани мұрасы ұлт жадында мәңгі сақталатынына сенім білдірді.«Ермек Серкебаев – сирек кездесетін талант иесі, кәсіби шеберлігі жоғары музыкант. Ол миллиондаған өнерсүйер көрерменнің шынайы махаббатына бөленді. Бүгінгі қазақ операсын Ермек Серкебаевсыз елестету қиын. Оның ғибратты ғұмыры – мәдениетіміздің тарихындағы тұтас бір тарау. Көпшілік білмеуі мүмкін, бірақ ол қоғамдық-саяси өмірде де белсенділік танытып, Тәуелсіздігіміздің қалыптасуы мен нығаюына зор үлес қосты. Сонымен қатар, Ермек Бекмұхамедұлы дарынды музыканттар әулетінің негізін қалады. Балалары мен немерелері оның ісін лайықты жалғастырып, қазақ өнерін әлемнің әр түкпірінде дәріптеуде», – деді Мәдениет және ақпарат министрі.Ведомство басшысы Ермек Серкебаевтың бейнесін қоладан сомдаған мүсіншілер – Айдос Бүркітбаевқа, Тимур Ермұхаметовке, Ақылбек Орманбековке және Қуаныш Асылбайға ерекше алғыс білдірді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/918720

Бүгін, 16 қаңтарда Алматыда ҚР Мәдениет және ақпарат министрі Аида Балаеваның қатысуымен Алматыда тұратын әдебиет және өнер қайраткерлеріне мемлекеттік стипендияларды табыстау салтанаты өтті.Мемлекет басшысының Өкіміне сәйкес 2024 жылы олардың иегерлері 75 адам болды.Аида Балаева Алматы стипендиаттарын құттықтап, олардың қазақ мәдениетін дамытуға қосқан елеулі үлесін атап өтті. Шығармашылық зиялы қауым, деп атап өтті министр, мәдени бірегейлікті сақтауда, бірлікті нығайтуда және жалпыұлттық құндылықтарды ілгерілетуде шешуші рөл атқарады."Президент Қасым-Жомарт Тоқаев Ұлттық рухты нығайтуға ерекше назар аударып, оның қазіргі мемлекеттілікті құрудағы орасан зор рөлі мен әлеуетін атап өтті. Оның жыл сайынғы халыққа Жолдаулары, ұлттық құрылтайдағы бастамалары мен сұхбаттары Тәуелсіздік пен Патриотизм, бірлік пен келісім, әділдік пен жауапкершілік, Заң мен тәртіп, жасампаздық пен инновация сияқты негізгі құндылықтарға толы. Ұлтаралық келісімді нығайту және өскелең ұрпаққа лайықты құндылықтарды сіңіру – біздің ортақ міндетіміз", – деді министр.Аида Балаева Президенттің барлық бастамалары ең алдымен ұлттық бірлікті қалыптастыруға, мемлекетті нығайтуға және азаматтардың әл-ауқатын арттыруға бағытталғанын атап өтті."Мемлекеттілік мәртебесін көтеруде сіздерге, мәдениет шеберлеріне үлкен жауапкершілік жүктеледі. Мәдениет қайраткерлері Мемлекет басшысы үшін сенімді тірек, оның идеяларын жеткізуші болғанына және болып қала беретініне күмәніміз жоқ. Мемлекет өз кезегінде өнер қайраткерлеріне жүйелі қолдау көрсетуді жалғастырады", - деп түйіндеді министр.Стипендия иегерлері қатарына Асанәлі Әшімов, Бибігүл Төлегенова, Олжас Сүлейменов, Иранбек Оразбаев, Нұрғали Нүсіпжан, Тунгішбай Жаманқұлов, Меруерт Өтекешова, Амандос Ақанаев, Дулат Исабеков, Төлен Әбдікұлы, Татьяна Тарская, гүлвер Разиева және басқалар. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/919070

ҚР Ұлттық кітапханасында Жамбыл атындағы Қазақ мемлекеттік академиялық филармониясының 90 жылдығына арналған «Шуағын төккен өрнектер» атты кітап көрмесі ұйымдастырылды.Көрменің мақсаты оқырмандарға Жамбыл атындағы Қазақ мемлекеттік академиялық филармониясының тарихы мен даму кезеңін көрсетіп таныстыру.Көрмеге Ұлттық кітапхана қорынан 200 басылым, соның ішінде кітаптар, журналдар, күйтабақтар мен CD-дисклер қойылған.Көрме екі бөлімнен тұрады.«Филармонияның өсу жолы» атты бірінші бөлімде Қазақ филармониясының өмірбаяндық ақпараты мен тарихын қамтитын әдебиеттер ұсынылған.«Жамбыл атындағы қазақ мемлекеттік академиялық филармониясы – бүгін» атты екінші бөлімде музыкалық шығармашылығы, көрнекті музыканттар мен ұжымдар, сондай-ақ филармонияның қазіргі жетістіктері туралы әдебиеттер бар.Кітап көрмесі 28 ақпанға дейін жалғасады ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/917628

Қазақстан Республикасының Мәдениет және ақпарат министрлігі бірыңғай грант операторымен бірлесіп 2025 жылға арналған үкіметтік емес ұйымдар үшін гранттар беруге арналған конкурстың басталғаны туралы хабарлайды.Байқаудың мақсаты-азаматтық бастамаларды қолдау және азаматтық қоғам институттарын әлеуметтік саланың негізгі мәселелерін шешуге тарту.Байқау аясында ҮЕҰ екі негізгі бағыт бойынша жобаларды ұсына алады: "жастар саясаты мен балалар бастамаларын қолдау" және "отбасылық-демографиялық және гендерлік мәселелерді шешуге жәрдемдесу".Барлығы тоғыз басым бағыт қарастырылған:- Құқық бұзушылықтар мен сыбайлас жемқорлыққа мүлдем төзбеушілікті насихаттау.- Қаржылық сауаттылықты арттыру және жастарды несиелендірудің алдын алу.- Қылмыстық жазасын өтеген жастарды оңалту және бейімдеу.- Лудоманияның алдын алу (ойынға тәуелділік).- Жастар арасында нашақорлық пен есірткі қылмысына қарсы күрес.-Жас ұрпақты азаматтық-патриоттық тәрбиелеу.- Отбасын қолдау орталықтары үшін онлайн-психологиялық қызметті ұйымдастыру.- Бұқаралық ақпарат құралдары арқылы тұрмыстық зорлық-зомбылықтың алдын алу.- Отбасылық және дәстүрлі құндылықтарды насихаттау, ата-аналардың бала тәрбиесіне жауапкершілігін арттыру.Конкурс туралы толық ақпарат пен құжаттама ресми сайтта қолжетімді: cisc.kz. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/917765

Бағдарламаның маңыздылығы аудандық, ауылдық жерлердегі мектеп оқушылары мен студенттер арасында кеңінен насихатталуда. Мысалы, Қармақшы аграрлық-техникалық колледжінде аудан студенттері үшін «Туған жерімізді таза ұстайық!» атты экологиялық сағат ұйымдастырылды. Оқу орнының директоры Бауыржан Сейдулланың айтуынша, мұндай іс-шаралардың тәрбиелік маңызы зор.Мемлекет басшысының бастамасымен өткен жылдан бастап «Таза Қазақстан» бағдарламасы жүзеге асуда. Оған Қармақшы ауданының жастары да белсене қатысуда. Біздің жігіттер мен қыздарымыз қоғамдық орындарды қоқыстан тазалап, ардагерлердің ауласын жинауға көмектеседі, ағаштар отырғызады. Бағдарлама арқылы біз жас ұрпаққа экологиялық мәдениет, туған жерімізге деген жауапкершілікті қалыптастырудамыз”- деп атап өтті колледж директоры С.Сейдулла.Бүгін Қармақшы аудандық мектептерде де «Экология балалар көзімен» тақырыбында сурет байқауы өтуде. Ең үздік жұмыстар мектеп көрмелерінде ұсынылады.«Мұндай іс-шаралар балаларда табиғатқа деген қамқорлық, еңбекқорлық, қоршаған ортаға деген жауапкершілікті қалыптастыруға ықпал етеді» - дейді Т.Комекбаев атындағы №250 мектеп-лицейінің директоры Гүлзира Еркебаева – «Балалар сыныптарды жинауға, қоқысты тазалауға және мектеп ауласында ағаштар отырғызуға қуана қатысады. Экологиялық тәрбиеге бағытталған ашық сабақтар мен сынып сағаттары біздің балалармен жұмыс істеуде маңызды бағыттардың бірі болып табылады». Бүгін «Біз - таза аймақ үшін» бағдарламасы аясында Жалағаш ауданының орталығында да орталық алаң мен «Тағзым» аллеясын санитарлық тазарту жұмыстары жүргізілуде. Оған мемлекеттік құрылымдар қызметкерлері, еріктілер мен жергілікті тұрғындар қатысуда. Сонымен қатар, Жалағаш кентінде «Ардагерлерді ардақтайық» кезекті акциясын жастар ресурстық орталығының белсенділері ұйымдастырды.«Біз үшін ауыл тұрғындарына, оның ішінде тыл ардагерлеріне, зейнеткерлерге, жалғызбасты қарттарға көмек көрсету дәстүрге айналды, Біз олардың аулаларын қоқыстардан тазартамыз, ағаштарды ағартамыз, үйлерін тазалаймыз. Ақсақалдар әрдайым біздің жақсы істерімізге алғысын айтып, ақ баталарын береді. Бұл біз үшін ең жоғары марапат. Өйткені, «Таза Қазақстан» - бұл біздің көшелеріміз бен аулаларымыздың тазалығы ғана емес, ең алдымен бұл біздің жүрегіміз бен іс-әрекеттеріміздің тазалығы мен мейірімділігі» - дейді орталық басшысы Асхат Ахметжанов.Айта кету керек, облыс бойынша «Таза Қазақстан» экологиялық іс-шарасы басталғаннан бері облыстың 730 000-ға жуық тұрғыны қатысты. 27 000 тоннадан астам қоқыс шығарылды, 505 сквер мен саябақ, 225 тарихи мәдениет ескерткішінің аумағы, 791 әлеуметтік нысан, 4596 өнеркәсіп және бизнес нысаны, 322 су нысаны, 47 451 аула мен көше тазартылды. Ақпарат көзі : https://www.gov.kz/memleket/entities/kyzylorda/press/news/details/917385

Республикалық "Ұлттық кітап"конкурсына қатысу үшін өтінімдерді қабылдау басталды.Мәдениет және ақпарат министрлігі ұйымдастырған байқау ұлттық кітап күні қарсаңында өткізіледі.Байқаудың негізгі мақсаты-оқырман мәдениетін қамтамасыз ету, қазақ әдебиеті мен руханиятын дамытуға жәрдемдесу, кітаптардың үздік авторларын анықтау, аудармашыларды, Баспагерлер мен кітап дизайнерлерін қолдау және ынталандыру.Байқау 10 номинация бойынша өтеді:1) балаларға арналған ең жақсы кітап2) үздік комикс3) үздік фантастикалық емес кітап4) детектив жанрындағы ең жақсы кітап5) сатира жанрындағы ең жақсы кітап6) ең жақсы иллюстрацияланған кітап7) Үздік аударма кітабы8) үздік фантастикалық кітап9) Үздік баспагер10) "жыл кітабы" Гран-приіКонкурсқа соңғы 2 жыл ішінде шығарылған жұмыстар қабылданады. Қабылдау мерзімі аяқталғаннан кейін түскен жұмыстар тіркелмейді.Өтінімдерді қабылдау 2025 жылғы 15 қаңтардан 1 сәуірге дейін жүзеге асырылады.Толығырақ ақпаратты телефон арқылы алуға болады: +7 775 897 7788, +7 727 397 61 15.Естеріңізге сала кетейік, Мемлекет басшысының бастамасымен 23 сәуірде атап өтілетін "ұлттық кітап күні" атты жаңа мереке құрылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/917893

30 Қаңтарда Almaty Theatre сахнасында Роза Бағланова атындағы "Қазақконцерт" мемлекеттік академиялық концерттік ұйымының "Birlik" ансамблінің концерті өтеді.Гала-концерт Қазақстан халқы Ассамблеясының 30 жылдығын мерекелеу аясында 2025 жылдың басты оқиғаларының бірі болмақ.Бұл концерттің мақсаты - көрермендерді би, әндер мен түрлі этностардың музыкалық шығармаларынан тұратын Қазақстанның бай ұлттық өнерімен таныстыру.Концерттік бағдарламада Қазақстанның, Ресейдің, Өзбекстанның және Татарстанның көрнекті хореографтарының түрлі халықтардың мәдениетін, жанды музыкасын және қойылымдарын бейнелейтін орасан зор хореографиялық қойылымдар ұсынылатын болады.Айта кетейік, "Birlik" шығармашылық ұжымы ҚР Мәдениет және ақпарат министрлігінің қолдауымен 2024 жылдың 1 наурызында Роза Бағланова атындағы "Қазақконцерт" мемлекеттік академиялық концерттік ұйымының жанынан құрылған болатын. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/918407

Бүгін облыс әкімі Нұрлыбек Нәлібаев қала аумағындағы құрылыс нысандарын аралады.Алдымен 2023 жылы Индустрияландыру картасына енгізілген нан-тоқаш, кондитерлік және макарон өнімдерін өндіру кешенінің құрылыс барысымен танысты. Жоба бастамашысы «Қызылорда Нан» серіктестігі, 3,8 млрд теңгеге аумағы 6166 шаршы метр нысан салынуда.Кондитерлік цехта нан-тоқаш өнімдерінің 100-ден астам түрінен, жылына 2520 тонна кондитерлік өнім дайындалады. Ал, макаронның 15-тен астам түрінен 1152 тонна өнім шығару жоспарланған.Кешен толық іске қосылғанда 67 адам жұмыспен қамтылады.Әрі қарай Нұрлыбек Машбекұлы жолаушы вагондарын жөндеу және техникалық қызмет көрсету саласындағы «Цифрлық депо» кешенінің жұмысымен танысты. Бұл жоба да Индустрияландыру картасына енгізіліп, құрылыс толығымен аяқталған. Ресейден 54 жабдық жеткізіліп, жақын күндері пайдалануға беріледі.Облыс орталығындағы құрылыс нысандарын аралап шыққан аймақ басшысы кешендер ұзақ уақыт қызмет етуі, халыққа пайдалы, өнімдері сұранысқа сай болуы үшін сәулетті, сапалы етіп салу керектігін ескертті.Айта кетейік, облыста алдағы бесжылдықта 1,9 трлн теңгенің 86 жобасын жүзеге асыру жоспарланған. Өткен жылы 37 млрд.теңгенің 21 жобасы іске қосылды. Оның ішіндегі ірі инвестициялық жобалардың бірі – «Қорқыт ата әуежайының» жаңа терминалы пайдалануға берілді. «Орда Гласс» серіктестігінің шыны зауыты айналасында энергия үнемдейтін шыны өндірісінің жаңа желісі іске қосылды. Одан бөлек, минералды ұнтақ өндірісі, асфальтбетон зауыты, газоблок, шлакоблок, металл өңдеу, 4 мың тонналық көкөніс сақтау қоймасы, құрт өндірісі, балық өңдеу, 5 күріш ақтау зауыты, жүгері өндірісі, тамшылатып суару әдісімен орман питомнигін ұйымдастыру жобалары бар.Биылға 286,8 млрд.теңгеге бағаланған 24 жоба жоспарланған. Түркиялық «Акса Энерджи» компаниясының қуаттылығы 240 мегаваттық жаңа жылу орталығының құрылысы қарқынды жүруде. Орталық екінші жартыжылдықта іске қосылады.Сондай-ақ, жыл соңына дейін жылдық қуаттылығы 720 мың шаршы метр болатын айна өндірісі, түйе сүтінен құрғақ ұнтақ жасайтын, жылына 90 млн.дана керамикалық кірпіш шығаратын өндірістер, жолаушылар вагондарын жөңдеу және техникалық қызмет көрсету кешені ел игілігіне айналады. Қуаттылығы 141,2 МВтболатын 4 күн және 1 жел-электр станциясы да биыл пайдалануға беріледі.Ақпарат көзі : https://www.gov.kz/memleket/entities/kyzylorda/press/news/details/917915

Бүгін Қазақстан Премьер-министрі Олжас Бектеновтың төрағалығымен Үкімет отырысы өтті. Күн тәртібінде электрондық сауданы дамыту, Харбиндегі IX Қысқы Азия ойындарына дайындық, сондай-ақ Үкімет қаулыларының жобалары қаралды. Отырысқа облыс әкімі Нұрлыбек Нәлібаев селекторлық байланыс режимінде де қатысты. Үкімет отырысынан кейін облыс әкімінің төрағалығымен көтерілген мәселелер бойынша міндеттер айқындалған кеңес өтті. Кеңеске Қызылорда қаласының және аудандардың әкімдері, сондай-ақ жауапты салалардың басшылары қатысты."Жергілікті кәсіпкерлерді электрондық сауда негіздеріне оқыту бойынша жұмысты ұйымдастырыңыз. Электрондық саудадағы экспортты ұлғайту үшін осы саладағы кәсіпорындарға интернет-маркетплейстерде тіркелуге көмек көрсетіңіз және қажетті іс-шараларды өткізіңіз. Тұтынушылардың құқықтарын қорғау саласында электрондық саудадағы тауарлардың сапасына ерекше назар аударыңыз және тиісті шараларды уақтылы қабылдаңыз", — деп атап өтті облыс әкімі.2025 жылдың 7 ақпаны мен 14 наурызы аралығында Қытайдың Харбин қаласында IX Қысқы Азия ойындары өтеді. Қазақстаннан жарысқа 139 спортшы қатысады, олар ел намысын қорғайды. Дене шынықтыру және спорт басқармасы қысқы спорт түрлерін дамыту бойынша нақты шаралар қабылдауы, сондай-ақ осы салада қызмет көрсететін спорт мектептерінің санын көбейтуі тиіс. "Мұз аренасы" спорт кешені мен өңірдегі спорт мектептерінің әлеуетін барынша тиімді пайдалану және жұмысты күшейту қажет", - деді ол.Айта кету керек, өңірде тауарлар мен қызметтерді сату үшін интернет-ресурстарды пайдаланатын 10 кәсіпорын тіркелген. 2023 жылы бұл кәсіпорындар 18 мыңнан астам тапсырыс жасап, айналымы 281 млн. теңгені құрады. Өңірде тапсырыстарды сақтауды және жеткізуді қамтамасыз ететін 11 "Қазпошта" супермаркеті және интернет-дүкендердің басқа да пункттері жұмыс істейді. Қазіргі уақытта көптеген тауар өндірушілер өз өнімдерін электронды платформалар арқылы сатады.Облыста 14 822 спорт секциясы жұмыс істейді, онда 342 223 адам айналысады, оның ішінде 153 спортшы 14 секцияда қысқы спорт түрлерімен айналысады. Спортты дамытуға облыстық бюджеттен 1 млрд.869 млн. теңге бөлінді, оның 51 млн. 476 мың теңгесі қысқы спорт түрлерін дамытуға бағытталған. Аймақтың климаттық ерекшеліктерін ескере отырып, "Мұз аренасы" спорт кешенінде үш қысқы спорт түрінен үйірмелер жұмыс істейді.Бүгінгі таңда республикалық чемпионаттарда жүлделі орындарды біздің 4 спортшы иеленді. Олардың екеуі жас спортшылар арасында шорт-тректе, ал екеуі мәнерлеп сырғанауда өнер көрсетеді. Өңірде 22 балалар мен жасөспірімдер спорт мектебі жұмыс істейді, олардың біреуі қысқы спорт түрлері бойынша қызмет көрсетеді.Ақпарат көзі : https://www.gov.kz/memleket/entities/kyzylorda/press/news/details/917934