Астанада 2024 жылғы 9-13 желтоқсан аралығында Қазақстан Республикасы Мәдениет және ақпарат министрлігінің қолдауымен Қазақ ұлттық өнер университеті ұйымдастырған «Astana Piano Passion» II Республикалық жас пианистер байқауы өтіп жатыр.Байқау ұлттық фортепиано мектебін дамытып, дарынды жас музыканттарды қолдауға, сондай-ақ классикалық және академиялық музыканы, қазақстандық композиторлардың музыкасын және фортепианода орындау шеберлігін дәріптеуге бағытталған.Ұйымдастырушылар қатысушылардың орындау шеберлігін арттыру, олардың кәсіби дамуына үлес қосу және халықаралық жобаларға дайындық жасау секілді міндеттерді алға қояды. Сонымен қатар, іс-шара барысында тәрбиешілер мен оқушылар арасында тәжірибе алмасуға да жағдай жасалған.Байқауға Қазақстанның мәдениет және өнер саласы бойынша білім беру ұйымдарында «Фортепиано» мамандығында оқитын 7 жастан 18 жасқа дейінгі жас пианистер қатыса алады. Алдыңғы «Astana Piano Passion» конкурстарының Гран-при жəне бірінші орын иегерлері бұл додаға сол жас категориясында қатыса алмайды. Байқау төрт жас категориясы бойынша өтеді. Атап айтсақ, 7-9 жас, 10-12 жас, 13-15 жас және 16-18 жас аралығындағы өнерпаздар.Байқаудың бірінші күні «С» санатындағы қатысушылардың жеребесі мен тыңдалымы және ҚР еңбек сіңірген әртісі А. Тебенихиннің шеберлік сыныбы өтті. Конкурстың онлайн-трансляциясын ҚазҰӨУ YouTube-арнасынан тамашалауға болады.Қосымша ақпаратты www.pianopassion.kz сайтынан таба аласыз. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898999

ҚР Мәдениет және ақпарат министрлігі 2024 жылғы қызметін қорытындылап, креативті индустриялар саласындағы негізгі жетістіктерді ұсынады.Креативті индустриялардың дамуы – Мемлекет басшысының жіті бақылауындағы сала.«Креативті индустрия еліміздің экономикасын өркендетуге тың серпін беретініне сенемін», - деді Қасым-Жомарт Тоқаев Ұлттық құрылтайдың үшінші отырысында.2024 жыл Қазақстанның креативті индустриялары үшін маңызды кезең болды. Global Innovation Index-2024 әлемдік рейтингісінде «Креативті тауарлар мен қызметтер» көрсеткіші бойынша Қазақстан 93-ші орыннан 65-ші орынға көтерілді.Бұл жетістік – жоспарлы жұмыс пен мемлекеттік қолдаудың нәтижесі. Креативті экономиканы одан әрі дамыту үшін Мәдениет және ақпарат министрлігі жеке шаралар пакетін әзірледі.Ведомствоның алғашқы міндеттерінің бірі креаторларды көлеңкелі экономикадан шығару болды. Осы мақсатта тізімге арнайы салық режиміне жататын шығармашылық қызметтің 40 түрі енгізілді. Бизнес салықтың барлық түрлерін (КТС, ЖТС, ҚҚС) төлеуден босатылып, тек бірыңғай салық – ЖК үшін – 2-4%, ЖШС үшін – 8% төлейді.Нәтижесінде бүгінде креативті индустрия саласында 135 мыңға жуық қазақстандық жұмыс істейді. Олардың саны 2029 жылға қарай екі есе артады деген болжам бар.Креативті өнімдер мен қызметтер – адам еңбегінің өзіндік ерекшелігімен, жаңашылдығымен және жоғары құндылығымен сипатталады. Мемлекеттің міндеті – зияткерлік меншіктің қауіпсіздігі мен оның қорғалуын қамтамасыз ету. Бұл бағытта Дүниежүзілік зияткерлік меншік ұйымымен (ДЗМҰ) тығыз ынтымақтастық орнатылды. Оқыту семинарлары, тренингтер өткізіліп тұрады. Сондай-ақ ДЗМҰ, СІМ және ӘМ қазақстандық креаторлар үшін білім беру платформасын іске қосуды жоспарлап отыр.Креативті тауарлар мен қызметтерді коммерцияландыруды қолдау үшін оларды Қазақстан банктерінің маркетплейсіне орналастыру жөнінде уағдаластыққа келісім жасалды.Тағы бір маңызды мәселе – креаторлар үшін инфрақұрылым құру. Президенттің тапсырмасы бойынша Қазақстанның барлық ірі қалаларында хабтар жоспарлы түрде ашылып жатыр. Қазіргі уақытта мұндай орталықтар Астана, Алматы, Түркістан, Шымкент, Атырау, Қызылорда, Петропавл, Ақтөбе және Алматы облыстарында жұмыс істейді.Сонымен қатар Корпоративті қор да құрылып жатыр. Қордың негізгі міндеті халықаралық нарыққа креативті тауарлар мен қызметтерді шығару, таланттарды қолдау, өнімдер мен зияткерлік қызмет нәтижелерін экспорттау және коммерцияландыру болады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898997

Астанада Мәдениет және ақпарат министрлігінің ұйымдастыруымен және «AMANAT» партиясының қолдауымен өткен «Төрлет, еңбек адамы!» атты республикалық ақындар айтысы мәресіне жетті.Дәстүрлі дода биыл еңбек адамын ұлықтауға арналдыЕкі күнге жоспарланған биылғы жыр додасында жыл көлемінде елімізде өткен республикалық және халықаралық айтыстарда үздік өнер көрсетіп, жүлделі орын еншілеген 14 ақын топқа түсті.Айтыс қорытындысымен қызылордалық Мейірбек Сұлтанхан Гран-приге ие болып, оған «Алтын домбыра» мен автокөлік табысталды.Бірінші орынды Нұрбол Жауынбаев (Ақтөбе), екінші орынды Айым Асылбекқызы (Алматы), үшінші орынды Өміржан Көпбосын (Ұлытау), Дидар Қами (Қарағанды) және Аспанбек Шұғатай (Павлодар) иеленді.Сондай-ақ, басқа қатысушылар арнайы жүлдемен марапатталды.Айтыс демеушісі – кәсіпкер, меценат, Q4 «Тұлпар» компаниясының негізін қалаушы Талғат Сақан.Жыр додасы ұлттық құндылықтарды дәріптеп, талантты ақындарға қолдау көрсетуде маңызды оқиға болды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898434

2024 жылғы 11 желтоқсан сағат 10.00-де Шығыс Қазақстан облысы Өскемен қаласы Д. Серікбаев атындағы Шығыс Қазақстан техникалық университетінің ғимаратында (Серікбаев көшесі 19) Қазақстан Республикасының Мәдениет және ақпарат вице-министрі Айзада Құрманованың халықпен кездесуі, оның шеңберінде азаматтарды жеке қабылдауы өтеді.Кездесу барысында азаматтық қоғам саласын, ақпарат, жастар, мәдениет және отбасы саясатын, конфессияаралық және этносаралық қатынастарды дамыту талқыланады.Қатысу үшін өтінімдерді қабылдау 8 (707) 709-00-61 немесе 8 (702) 852-25-52 телефондары бойынша жүзеге асырылады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898556

Іс-шараға әлемнің түкпір-түкпірінен ғалымдар мен мамандар қатысып, мәдени ынтымақтастықтың болашағы мен археологиялық және тарихи деректерді бірлесіп пайдалану мәселелерін талқылады.Семинар аясында пленарлық отырыстар өтіп, онда Қазақстан, Қырғызстан, Тәжікстан, Моңғолия, Иран, Түрікменстан, Израиль және Ресей ғалымдары баяндамалар жасады.Қазақстандық өкілдер «Есік» мемлекеттік тарихи-мәдени музей-қорығының көпжылдық зерттеу нәтижелеріне сүйене отырып, Сарытоғай сайында табылған ерте көшпенділердің мәдени кешені туралы баяндады.«Рахат» ескерткішінде, «Есік» музей-қорығында және Шанси археологиялық институтында жүргізілген бірлескен жұмыс туралы деректі фильм дайындауға баса назар аударылды.Бұл сапар археология және музей ісі саласындағы жаңа бірлескен жобаларды құру және ғылыми-мәдени ынтымақтастықты нығайту бағытындағы маңызды қадам болды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898373

«Тәуелсіздік ұрпақтары» грантын тағайындау жөніндегі конкурстық комиссияның қорытынды отырысы өтіп, жеңімпаздар анықталды.Айта кетейік, «Тәуелсіздік ұрпақтары» гранты жыл сайын Мемлекет басшысы Қасым-Жомарт Тоқаевтың тапсырмасымен беріледі.Нәтижесінде комиссия 6 бағыт бойынша ең жоғары балл жинаған 30 жобаны іріктеп алды.Грант иегерлерін марапаттау рәсімі желтоқсан айында Астанада өтеді. Жеңімпаздар жобаларын жүзеге асыру үшін мемлекеттен 3 миллион теңге көлемінде қаржылық қолдау көрсетіледі.Айта кетейік, биыл өтінімдер 5 тамыз бен 6 қазан аралығында қабылданды. Келіп түскен 1284 өтінімнің 897-сі қабылданды. Атап айтқанда, «Бизнес» бағыты бойынша – 495, «Ғылым» бағыты – 62, «Мәдениет» бағыты – 107, «Ақпараттық технология» бағыты бойынша – 94, «Медиа» бағыты – 66, «Волонтерлік» бағыты бойынша – 73 өтінім.2024 жылғы «Тәуелсіздік ұрпақтары» грантының иегерлері ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898375

2025 жылдың қаңтарынан бастап «Мемлекеттік сатып алу туралы» ҚР Заңы күшіне енетін болады. Осы жылдың ішінде Қаржы министрлігі іскер топтардың, корпорациялардың, мемлекеттік органдардың, әкімдіктердің және қоғамдық ұйымдардың өкілдерінің қатысуымен кездесулер өткізіп, жаңа заңдағы негізгі өзгерістер мен артықшылықтарды кеңінен түсіндірді.Бұл жолы Петропавлда өткен кездесуде Солтүстік Қазақстан мен Қостанай облыстарының іскер азаматтарына және мемлекеттік органдардың өкілдеріне мемлекеттік сатып алуды өткізу мерзімдері, сондай-ақ олардың рәсімдерінің қысқартылғаны жөнінде ҚР ҚМ Мемлекеттік сатып алу және квазимемлекеттік секторының сатып алу әдіснамасы департаментінің директоры Ерлан Сеитов пен СҚО әкімінің орынбасары Қанат Дүзелбаев айтып берді.Солтүстік Қазақстан – ауыл шаруашылығы саласы дамыған өңірлердің бірі. Айталық, мұнда ЖӨӨ құрылымында оның үлесі – 27,9%. Өңдеу өнеркәсібі бойынша СҚО-да тамақ өнімдерін өндіру (58,9%), машина жасау (23,9%) және металсыз минералды өнімдерді дайындау (4,3%) жолға қойылған.Ал Қостанай облысында тау-кен өндіру, металлургия, машина жасау мен тамақ өнеркәсібі кеңінен дамыған. Мәселен, бұл өңірге республикада шығарылатын темір кені өнімінің 90% астамы, темір кені шекемтастары мен асбесттің 100% тиесілі. Жергілікті өнімдер әлемнің түрлі елдеріне экспортқа шығарылып келеді. Әлбетте ірі кәсіпорындар қашанда мемлекеттік сатып алу мерзімдерінің қысқарғанына мүдделі. Жаңа заңда кейбір жағдайларда конкурстарды өткізу мерзімін екі айдан бес күнге дейін қысқартуға мүмкіндік беретін нормалар қарастырылған. Бұдан басқа тиісті өзгерістер тауарларды бір көзден 100 АЕК-ке дейін, жұмыстар мен көрсетілетін қызметтерді 500 АЕК-ке дейін сатып алуға жол ашады. Сонымен қатар ауылды жерлердегі әкімдіктерге бір көзден 4000 АЕК дейін тауарларды, жұмыстарды, көрсетілетін қызметтерді сатып алу мүмкіндігі қарастырылып отыр.Қазірдің өзінде рейтингті-балдық жүйені пайдалану арқылы конкурс түрінде сатып алудың жаңа тәсілі енгізілген. Бұл әдіс конкурстық комиссияның жеңімпазды анықтау процесіне қатысуға жол бермейді. Осы арқылы сыбайлас жемқорлықтың сын-қатері азаяды. Жеңімпазды мемлекеттік органдардың ақпараттық жүйелерінің деректері негізінде портал автоматты түрде анықтайтынын ескерсек, оның сатып алу қорытындыларына азаматтар шағымдана алмайды. Бұл сатып алу уақытын едәуір қысқартып, заңсыз рұқсат беруді, сондай-ақ нәтижелерді қайта қарауды болдырмайды.Сатыпалым қатысушыларының біліктілігін арттыру үшін беделді өндірушілер арасында ғана сатып алу процесін жүзеге асыру ұсынылып отыр. Қызмет ұсынушы туралы ақпарат түрлі дерекқорларды пайдалану арқылы қалыптастырылатын болады. Бұл сатып алудың барлық түрі бойынша баға мен сапа өлшемдерін біріктіре отырып, өндірушілерді автоматты түрде таңдауға мүмкіндік береді.«Мемлекет басшысының құрылыс нарығын монополиядан арылту жөніндегі тапсырмасын орындау шеңберінде жаңа заңда экономика салаларындағы монополияны азайту жөніндегі шаралар қамтылған. Атап айтқанда, шартты жеңілдіктерді есептеу кезінде аумақтық белгі түріндегі баға критерийлерін қолдану жалғасып келеді. Бұл мемлекеттік сатып алу көлемін біркелкі және әділ бөлуге және жекелеген ірі компаниялардың монополиясын болдырмауда септігі мол», деп қорытындылады Е.Сеитов.«Мемлекеттік сатып алу туралы» Заң мемлекет есебінен сатып алынатын тауарлардың, жұмыстардың, көрсетілетін қызметтердің сапасын арттыруға, әлеуетті өнім берушілердің жауапкершілігін күшейтуге және отандық тауар өндірушілерге қолдау көрсетуге арналған.Бизнес өкілдерімен болған кездесуден кейін Қаржы министрлігінің өкілі өңірдегі екі ірі кәсіпорынға аялдады: «Радуга» ЖШС (қайталама шикізатты қайта өңдеу бойынша көшбасшы кәсіпорындардың бірі) мен «Зеленый Север» ЖШС (СҚО-да төртінші буындағы жалғыз өндірістік жылыжай).Raduga KDR – Қазақстаннан бөлек, басқа елдерде де танымал ірі сауда-өндірістік компания. Оның өндірістік пакетінде әртүрлі профильдегі тауарлардың 600-ден астам ассортименті бар: тамақ өнімдерінен бастап тұрмыстық тауарларға дейін. «Радуга» ЖШС-де қайталама полимерлер мен макулатураларды қайта өңдеу бойынша толық цикл жолға қойылған.Қағаз бен картон макулатурасы – халықтан, өндіріс орындарынан және сауда үйлерінен, кәсіпорындар мен оқу орындарынан жиналып, сатып алынатын қалдықтар. Сондай-ақ фабрикада кеңсе қағазы шығарылып, өндіріс пен қайта өңдеу қуатын кеңейтіп, ұлғайту жоспарланып отыр.«Зеленый Север» ЖШС өңірде төртінші буындағы жалғыз жылыжай саналады. Жылыжай кешенінің ауданы – 3,7 гектар. Кәсіпорын облысты 2,7 мың тонна көкөніспен қамтуға қауқарлы. Бұл өңірдегі сұраныстың 30% тең.Қазір мұнда күніне 4,5 тонна қияр дайындалады, екінші өндіріс ашылғаннан кейін оның көлемін күніне 12 тоннаға дейін арттыру көзделген.Жылыжайда өсімдіктердің қалыпты өсуі үшін қажетті микроклимат жасалды, ол автоматты режімде сақталады. Бұл климатты басқару жүйесі, тамшылатып суару, қосымша жарықтандыру және көптізбекті жылыту қамтиды.Өнімдер жергілікті сауда орындарында нарық бағасынан әлдеқайда арзан сатылады.Ақпарат көзі : https://www.gov.kz/memleket/entities/minfin/press/news/details/898363

Бүгін «Ұстаным» пікірталас клубының қорытынды отырысы аясында «Адал азамат – белсенді қоғам» азаматтық қоғамды дамыту орталығының қызметін ұйымдастыру» стратегиялық әріптестігін іске асыру қорытындылары талқыланды.Отырыста жоба қатысушылары атқарған жұмыстарын, қол жеткізген көрсеткіштерін таныстырып, басқа өңірлермен тәжірибе алмасты.Биыл азаматтар арасында ең өзекті мәселелер бойынша «Ұстаным» клубының 6 отырысы өткізілді. Барлық өңірлерде 2 мыңнан астам адамға консультациялық көмек көрсетілді. Әлеуметтік желілерде 275 материал жарияланды. Сондай-ақ 20 тікелей эфир ұйымдастырылып, арнайы подкаст құрылды.Сонымен қатар, ҮЕҰ-лар өкілдері үшін төрт көшпелі семинар және өзара іс-қимыл мәселелері бойынша жергілікті атқарушы органдар үшін екі семинар өткізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898163

Астанада ҚР Мәдениет және ақпарат министрлігінің қолдауымен Art Forum өтті. Іс-шарада мәдениет пен коммуникация саласындағы менеджерлер, креаторлар, сарапшылар және мемлекеттік орган өкілдері бас қосты.Қатысушылар маркетинг, монетизация, технологиялар мен шығармашылықты біріктіру мәселелерін талқылады. Сонымен қатар, жиын барысында қазақтілді контентті тұтыну бойынша зерттеулер таныстырылды.Бұдан бөлек, форум аясында PR ROOM AWARDS үздік PR-жобалар байқауының жеңімпаздарын салтанатты марапаттау рәсімі өтті. Бұл байқауға PR-қоғамдастық өкілдері, қоғаммен байланыс мамандары, паблик авторлары, баспасөз қызметтері және қазақстандық компаниялардың PR-бөлімшелері қатысты. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/898288

Облыс әкімі Нұрлыбек Нәлібаев Италияға жұмыс сапары кезінде Рим қаласындағы бірқатар инвесторлармен кездесті. Алдымен «Confindustria» ассоциациясының вице-президенті Витторио Майоранамен жүздесіп, өңдеу өнеркәсібі саласында бірлесіп жұмыс жасауға дайын екенін айтты.«Біз «Confindustria»-ның тарихы бір ғасырдан асатынын білеміз. Қауымдастық құрамында кеңею, Қазақстанға орналасу, жаңа нарыққа шығу бағытындағы компаниялар болса, бірлесіп жұмыс жасауға шақырамыз.Қызылорда облысында ауыл шаруашылығы өнімдерін терең өңдеу, құрылыс материалдарын, мұнай өндірісіне қажетті тауарлар шығару, жылыжай салу, машина жасау, тері және жүн өңдеу сияқты салаларда бірлесіп жұмыс істеуге дайынбыз.Серіктес қажет болған жағдайда, аймақта кәсіпкерлер бар. Таныстырып, іс бастауға қолдан келгенше көмек көрсетеміз. Біз әрбір инвесторға қолданыстағы заңнама аясында жер телімін беріп, Қазақстандағы даму институттарынан қаржылай көмек алу үшін құжат әзірлеуді сүйемелдеуге дайынбыз. Сондай-ақ, «Байқоңыр» әлеуметтік-кәсіпкерлік корпорациясы арқылы жобаларға қаржылай көмек көрсетуге мүмкіндігіміз бар», – деді Н.Нәлібаев.Мұнан бөлек, аймақ басшысы клиникалық диагностика мен медициналық құрылғыларға арналған өнімдерді әзірлейтін «SGM Іtalia» компаниясының басшысымен кездесті. Іскерлік кездесу барысында медицина саласындағы инвестициялар үшін негізгі бағыт айқындалды. Оның ішінде Қызылорда облысында биохимиялық ерітінділер мен реагенттердің жергілікті өндірісін ашу мәселесі талқыланды.Айта кетейік, облыста биохимиялық ерітінділер және реагенттермен жұмыс істейтін бірнеше ірі зертхана бар. Атап айтқанда, өңірде «Олимп» зертханасының 18 филиалы, «Invivo» зертханасының 20 филиалы орналасқан. Олар клиникалық диагностикаменбелсенді айналысады және жоғары сапалыреагенттерді қажет етеді.Әрі қарай аймақ басшысы «Sace» экспорттық-кредиттік агенттігінің президенті Филипо Джансатемен кездесті. Онда ауыл шаруашылығы, тері, жүн өңдеу, жеңіл өнеркәсіп, құрылыс материалдары, мұнайға қажетті тауарлар, денсаулық сақтау, инфрақұрылым, су ресурстары және көлік-логистика салаларындағы бірқатар тартымды жобалар ұсынылды.Айта кету керек, 29 қазан күні екі елдің ынтымақтастық жөніндегі 9-шы жұмыс тобының отырысында «Қазақстанның Даму Банкі» АҚ мен Италияның CDP ұлттық даму институты арасында 200 млн еуро көлемінде кредиттік келісімге қол қойылды. Қаржыландыру «Қазақстанның Даму Банкіне» «Sace» экспорттық-кредиттік агенттігі тарапынан кепілдік беру арқылы жүзеге асырылады. Бұл қаражат елдің тұрақты дамуына ықпал ететін экономиканың негізгі салаларын дамытуға бағытталмақ.Сонымен қатар, аймақ басшысы «Ansaldo Energe» компаниясының басшысы Фабрицио Фаббримен кездесіп, өңірдегі энергетикалық инфрақұрылымды дамытуға бағытталған жобаларды талқылады.Электр энергиясын тұтыну қарқыны мен энергетикалық инфрақұрылымды дамыту маңыздылығы ескеріліп, түркиялық «Aksa Energy» компаниясы қуаттылығы 240 МВт жаңа жылу-электр орталығын салуда.Бұл облыстың электр энергиясына қажеттілігін толығымен жауып, Қызылорданы импорттаушыдан экспорттаушы өңірге айналдырады. Жаңа нысан энергетикалық қауіпсіздікті сақтауға және тарифті тұрақтандыруға мүмкіндік береді. Жоба 2025 жылы іске қосылады.Мемлекет басшысының биылғы ақпан айында Катарға жасаған іссапары аясында бірқатар құжаттарға қол қойылды. Соның бірі –Қызылорда облысында қуаттылығы 1100 мегаваттық бу-газ электр станцияларын салу. Жобаны 2024-2029 жылдары іске асыру, «Қызылорда-Шымкент», «Қызылорда-Жезқазған» бағыттары бойынша жаңа электр желілерін тарту жоспарлануда.Кездесу соңында аймақ басшысы инвесторларды Сыр еліне арнайы іссапармен келуге шақырды.Ақпарат көзі : https://www.gov.kz/memleket/entities/kyzylorda/press/news/details/897673

Облыс әкімі Нұрлыбек Нәлібаев бастаған Сыр өңірінің делегациясы Италияға жұмыс сапарымен барды. Делегация құрамында ауыл шаруашылығы құрылымдарының, құрылыс компанияларының басшылары, кәсіпкерлер бар.Сапардың негізгі мақсаты – аймақтың агроөнеркәсіп, құрылыс, қызмет көрсету салаларына инвестиция тарту.Жұмыс сапары аясында аймақ басшысы Нұрлыбек Нәлібаев Қазақстан Республикасының Италиядағы, Мальта және Сан-Марино Республикаларындағы Төтенше және Өкілетті Елшісі Ерболат Сембаевпен кездесті. Басқосуда Қызылорда облысы мен Италия арасындағы ынтымақтастыққа бағытталған жұмыстар талқыланды.«Мемлекет басшысы Қасым-Жомарт Кемелұлы отандық және шетелдік инвестиция тартып, халықтың әл-ауқатын арттыруды тапсырғаны белгілі. Қызылорда облысы мен Италия арасындағы ынтымақтастық орнату мүмкіндіктерін талқылауға ие болғанымыз үшін шын жүректен алғысымды білдіргім келеді. Италия – Қазақстанның Еуропадағы ірі серіктестерінің бірі және біздің облысымыз итальяндық компаниялармен өзара тиімді байланыстарды одан әрі дамытуға мүдделі.Осы елдің ауыл шаруашылығы өнімдерін, машина жасау, баламалы энергия көздері салаларындағы мол тәжірибесі аса құнды. Біз осы тәжірибені игеруге қызығушылық танытудамыз. Іссапарымыз өзіңіздің қолдауыңызбен нәтижелі болады деп сенемін», – деді Н.Нәлібаев.Кездесуде Ерболат Сембаев өндірісті дамыту ел экономикасының маңызды бағыты екенін атап өтіп, екі ел арасындағы байланысты күшейтуде тиісті жұмыстар жалғасатынын жеткізді.Айта кетейік, өңірдегі мұнай қорының сарқылуы салдарынан 10 жыл бойы төмендеу тенденциясын көрсетіп келген өнеркәсіп өндірісі көлемі соңғы бір жылда оң динамикаға шықты. Өсім өңдеу өнеркәсібі есебінен қалыптасты. Сыр өңірі өңдеу өнеркәсібіндегі өсу қарқыны бойынша 2022 жылы республикада 11-орында болса, өткен жылдан бері алдыңғы қатарда.Инвесторларға қолайлы жағдай жасау, инвестициялық тартымдылықты арттыруда ірі инфрақұрылымдық жобалар қолға алынды. Кейінгі 3 жылда облыста құны 30 млрд. теңгені құрайтын 35 инвестициялық жоба іске қосылды.Жуырда 16 млрд 600 млн теңгенің инвестициялық жобасы жүзеге асырылды. Инвестор 215 млрд. теңгеге жаңа жобаның құрылысын жүргізуде. Жалпы құны 28 млрд. теңгені құрайтын «жасыл» энергия саласын дамыту бағытындағы екі жоба бар. Атап айтқанда, 50 мегаваттық жел-электр («Уранус Уинд» ЖШС) және 40 мегаваттық күн-электр станцияларының («Тесис» ЖШС) құрылысы қазан айында басталды.Сондай-ақ, былтырғы Оңтүстік Корея сапарының нәтижесінде биыл Қорқыт Ата атындағы Қызылорда университетінің базасында Қазақстандағы алғашқы жасанды интеллект институты ашылды.Айта кетейік, аймақ басшысы сапар барысында өндіріс, ауыл шаруашылығы, денсаулық, құрылыс салаларына инвестиция тарту мақсатында «Confindustria», «SGMGroup», тағы басқа ірі компаниялардың басшыларымен кездеседі.Делегация әрі қарай Испанияның Барселона қаласында да осы бағыттағы кездесулер өткізеді деп жоспарланған. Ақпарат көзі : https://www.gov.kz/memleket/entities/kyzylorda/press/news/details/897692

Облыс әкімі Нұрлыбек Нәлібаев Испанияға жұмыс сапары кезінде Барселона қаласында инвесторлармен кездесті. Облыстан арнайы барған делегация «Glovo» компаниясының халықаралық байланыстар жөніндегі директоры Вильям Бентхоллмен жүздесіп, курьерлік қызмет саласында бірлесіп жұмыс жасау ниетін білдірді.«Бүгінде уақыт тығыз болғандықтан, курьерлік қызмет қарқынды дамып, сұраныс күннен күнге артуда. Оның ішінде «Glovo» компаниясының қызмет сапасы біз үшін өте қолайлы. Қазақстан нарығында 5 жылдан астам уақыттан бері жұмыс істейтін бұл компания еліміздің 14 ірі қаласында шоғырланған. Қызылордада халықтың 50%-ы сіздің компанияны таңдайды.Қызылорда облысы Қазақстан Республикасының оңтүстік-батысында орналасқан. Әріптестік пен инвестициялар үшін өте қолайлы, қарқынды даму сатысындағы өңір. Көлік-логистикалық әлеуеті, инфрақұрылым желілері дамыған. Минералдық-шикізат ресурстарының қоры бай, агроөнеркәсіптік кешенді және жаңартылатын энергия көздерін дамыту мүмкіндіктері зор.Еліміздегі қара және түсті металдардың, пайдалы қазбалардың, сирек кездесетін элементтердің, атап айтқанда, ванадий қорының 66%-ы, мырыштың 16%-ы, қорғасынның 11%-ы және уранның 15%-ы облыс аумағында орналасқан. «Glovo» сияқты беделді серіктеспен жұмыс жасау жаңа мүмкіндіктерге жол ашады. Біз Қызылорда облысында бірлескен жобаларды жүзеге асыру үшін барлық жағдайды жасауға дайынбыз», – деді Н.Нәлібаев.Әрі қарай Salinera Espanola тұз өндіретін компания өкілімен онлайн кездесу өтті. Әңгімелесу барысында Қызылорда облысының Арал ауданындағы тұз өндірісінің тарихы бір ғасырға жуықтап қалғаны, "Аралтұз" АҚ-ның еліміздегі ең ірі ас және техникалық тұз өндіруші әрі экспорттаушы кәсіпорын екені айтылды. Оған қоса, өңірде "Алтын орда" тұз өндіруші серіктестігі бар. Қазақстандық тұздың 90%-ы Қызылорда облысында өндіріледі.Сондай-ақ, "Абзал және К" ТС өкілі Сағидолла Сыздықов "Gro in Desarrollos" ауыл шаруашылығын цифрландыру қондырғыларын шығаратын компаниямен меморандумға қол қойды. Ақпарат көзі : https://www.gov.kz/memleket/entities/kyzylorda/press/news/details/897704

Халықаралық волонтерлер күніне орай, Қазақстанның бірқатар өңірлерінде Жастар ресурстық орталықтары жергілікті атқарушы органдармен бірлесіп ұйымдастырған волонтерлер форумдары өтті. Қатысушылар елдегі волонтерлікті дамыту перспективаларын, жүзеге асырылған жобалар мен алдағы 2025 жылға арналған жоспарларды талқылады.Мәселен, Қарағандыдағы форумға волонтерлер қозғалысының 400-ден астам мүшесі қатысты. Бұл негізінен облыстың жоғары оқу орындары мен колледждерінің студенттері, мектеп оқушылары және жастар қоғамдық ұйымдарының өкілдері.Кездесуде ең белсенді волонтерлер марапатталды, сондай-ақ грант конкурсы қорытындыланды. Жергілікті атқарушы органдар түрлі бағыттағы 10 жобаны қолдап, оларды іске асыруға 500 мың теңгеден бөлді.Елордада волонтерлер қозғалысының ең белсенді өкілдері де назардан тыс қалмады.Форум аясында елорданың дамуына үлес қосқан 70 ұйым мен бастамашыл топ марапатталды. Марапаттар 7 номинация бойынша берілді.Атырау облысында да «Волонтер премиясы» өтті. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897854

ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия мен ҚР Мәдениет және ақпарат министрлігінің қолдауымен Қазақстандағы «БҰҰ-әйелдер» құрылымы «Гендерлік теңдік негіздері» тақырыбында мемлекеттік органдардың өкілдеріне оқыту семинарын ұйымдастырды.Оқыту «БҰҰ-әйелдер» штаб-пәтері әзірлеген «I know Gender» сертификатталған курсының негізінде өтті. Қатысушылар гендерлік теңдікке қол жеткізу мен насихаттаудың негізгі тетіктерімен, әйелдердің мүмкіндіктерін кеңейту әдіснамасымен танысты.Сондай-ақ қатысушыларға Қазақстанның отбасылық және гендерлік саясатының негізгі бағыттары және осы салалардағы халықаралық тәжірибе туралы айтылды.Айта кетейік, семинар «Гендерлік зорлық-зомбылыққа қарсы 16 күн» халықаралық акциясына орай ұйымдастырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897875

«Астана Опера» театрында ұлы итальялық композиторға арналған «Джакомо Пуччиниге арнау» гала-операсы сахналанды.Концертті әйгілі дирижер, итальялық Джузеппе Аквавива басқарды.Аталмыш іс-шара композитордың дүниеден өткеніне 100 жыл толуына орай ұйымдастырылды.Көрермен алдында Пуччинидің сирек орындалатын шығармаларын жетекші солистер шырқады.Қатысушылар арасында әлемге әйгілі опералық әншілер — Мария Мудряк, Марина Медичи және Раффаэле Абете, сондай-ақ Қазақстан сахнасының жұлдыздары, хор әртістері мен театрдың симфониялық оркестрінің музыканттары болды.Бағдарламада Пуччинидің сирек орындалатын шығармаларынан ариялар, дуэттер шырқалды. Бұл әстістер мен көрерменге оның музыкалық мұрасын жаңа қырынан ашуға мүмкіндік берді.Музыкалық бағдарламадан бөлек, театр фойесінде «Жүз жылдық мұра, шеберлік және итальялық құмарлық» атты бірегей көрме ұйымдастырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897680

Астанада «Гендерлік зорлық-зомбылыққа қарсы 16 күн» акциясы аясында «Бейбітшілік пен қауіпсіздікті қамтамасыз етудегі әйелдердің рөлі» атты халықаралық конференция өтті. Қазақстан Республикасы Президенті жанындағы Әйелдер істері және отбасылық-демографиялық саясат жөніндегі ұлттық комиссияның мүшелері, Қазақстан Республикасы Парламентінің депутаттары, мемлекеттік және құқық қорғау органдарының, дипломатиялық қызметтердің, халықаралық ұйымдардың өкілдері мен ғалымдар қатысты.Конференцияда саяси және әскери қақтығыстардың алдын алудағы әйелдердің рөлі, қыздар мен әйелдерге қатысты зорлық-зомбылықтың алдын алу, гендерлік стереотиптерді насихаттау, құқық қорғау органдарындағы гендерлік көзқарас, әйелдер көшбасшылығы және т.б. тақырыптар қозғалды.Мәдениет және ақпарат министрлігінің өкілдері әйелдер мен балаларды қорғауға бағытталған заңнамалық бастамаларға тоқталды. Биыл жаңартылған «Әйелдер, бейбітшілік және қауіпсіздік» ұлттық жоспарының жүзеге асырылу барысы да сөз етілді.Осылайша, аталған жоспар бойынша қызметтегі әйелдер саны артып келеді, әскери қызметкерлер, құқық қорғау органдары, баспасөз қызметтері мен БАҚ өкілдері де оқудан сәтті өтті. Батыс Сахара, Ливан және Кот-д'Ивуардағы БҰҰ миссияларына жеті әйел сарбаз қатысты. Жаңартылған жоспарға барлығы 18 жаңа пункт енгізілді.Айта кету керек, 2025 жылғы жаһандық гендерлік күн тәртібінде екі атаулы күн белгіленді. Атап айтсақ, 1325 «Әйелдер. Әлем. Қауіпсіздік» қарарының – 25 жылдығы және әйелдер құқығын қорғайтын негізгі халықаралық құжаттың бірі Бейжің декларациясы мен іс-қимыл платформасының – 30 жылдығы. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897274

ҚР Ұлттық музейінде Қызылорда облыстық тарихи-өлкетану музейінің 85 жылдығы аясында облыстық музей қорында сақталған құнды жәдігерлерден «Сыр өңірі – Түркі өркениетінің алтын бесігі» атты көрме ашылды.Көрмеге ЮНЕСКО-ның материалдық емес мәдени мұралар тізіміне енген Қорқыт мұрасы, ХІХ-ХХ ғасырларда Сыр бойы қазақтары пайдаланған құнды этнографиялық бұйымдар қойылды.Келушілер Сыр бойындағы ежелгі өркениет іздерінмен, Тәуелсіздік жылдарында Шірік Рабат, Сығанақ, Түгіскен, Жетіасар, Жанкент, Қышқала, Асанас қалашықтарына жүргізілген кешенді археологиялық қазба жұмыстарының нәтижесімен таныса алды.Сондай-ақ, белгілі тұлғалардың домбыралар коллекциясы, С. Айтбаев атындағы көркемсурет галереясы қорындаға қылқалам шеберлерінің картиналары көпшілік назарына ұсынылды.Іс-шараға ҚР Парламент Сенаты мен Мәжілісінің депутаттары, ақын-жазушылар, шығармашылық және зиялы қауым өкілдері қатысты.Көрме 2024 жылдың 19 желтоқсанына дейін жалғасады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897294

Астанада БҰҰ Еріктілер бағдарламасының Штаб-пәтері өкілдерімен Халықаралық еріктілер жылына дайындық мәселелеріне арналған кездесу өтті.Іс-шараға ҚР Мәдениет және ақпарат вице-министрі Айзада Құрманова және БҰҰ Еріктілер бағдарламасының Халықаралық хатшылығының басшысы Сандра Ингрид Кох қатысты.Кездесуде Халықаралық хатшылық пен Қазақстанның Ұлттық ұйымдастыру комитетінің алдына қойылған мақсаттар мен міндеттер талқыланды. Сондай-ақ, волонтерліктің жаһандық тұрақты даму мақсаттарына қосқан үлесін арттыру үшін жаңа мүмкіндіктерді ашуға бағытталған ұсыныстар қаралды.Еске сала кетейік, Қазақстан Республикасының Президенті Қасым-Жомарт Тоқаевтың бастамасымен БҰҰ Бас Ассамблеясы 2026 жылды Орнықты даму мақсаттарына еріктілерді жұмылдырудың Халықаралық жылы деп жариялады.Қазақстан мемлекет пен еріктілер қауымдастығы арасындағы табысты институционалдық әріптестіктің үлгісін көрсетіп келеді. Бүгінгі таңда елде 740-тан астам волонтерлік ұйым және мыңнан астам бастамашыл топ белсенді жұмыс істейді. Жалпы белсенді волонтерлер саны 240 мыңнан асады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897310

ҚР Мәдениет және ақпарат министрлігі үстіміздегі жылдың 10 желтоқсанында ҚР Ғылым және жоғары білім министрлігімен, Орталық Азия журналистік зерттеулер қауымдастығымен, Narxoz университетінің Құқық және мемлекеттік басқару мектебімен бірлесіп «Тұрақты даму үшін деректер журналистикасы: Орталық Азиядағы мақсаттар, сын-тегеуріндер және адам құқықтары» ғылыми-практикалық конференциясын өткізу жоспарланып отырғанын хабарлайды (бағдарлама қоса беріледі).Іс-шара бұқаралық ақпарат құралдарында құқықтық қорғау мен бостандықтарды нығайту үшін үлкен деректер мен жасанды интеллектті пайдалану мәселелерін, сондай-ақ деректер журналистикасын оқыту тәсілдерін талқылауға арналған.Конференцияға медиа және журналистика саласындағы жетекші халықаралық сарапшылар мен ұйымдардың өкілдері қатысады: ЕҚЫҰ БАҚ бостандығы мәселелері жөніндегі өкілдігі (Австрия); Worlds of Journalism Study (Германия); Журналистика саласындағы білім беру жөніндегі дүниежүзілік кеңес, Academy France Médias Monde (Франция және Германия, Франция, Швециядан келген зерттеу ұйымдары мен университеттері, АҚШ, Нидерланды, Словакия, Орталық Азия университеттерінің журналистика және медиа факультеттерінің өкілдері.Оқыту іс-шарасы келесі мекен-жай бойынша өтеді: Алматы қаласы, Байзақов к-сі, 303, UN Plaza Almaty, Конференц залы.БАҚ өкілдерін келесі сілтеме бойынша тіркеліп, іс-шараға қатысуға шақырамыз: https://forms.gle/YPFsydfdx7Jux7359Басқа аймақтарда жұмыс істейтін және курсқа қатысу мүмкіндігі жоқ БАҚ өкілдері үшін ZOOM платформасында онлайн трансляция қолжетімді болады: https://us06web.zoom.us/j/87237537076?pwd=91CZKKOcDhmmGdn59t9zUY7mmSqaZ3.1 (конференция идентификаторы: 872 3753 7076, кіру коды: 976374)Барлық сұрақтар бойынша +7 (7172) 740186 нөміріне хабарласуға болады.Конференция бағдарламасы ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/897206

Парагвай астанасы Асунсьон қаласында өткен ЮНЕСКО-ның Материалдық емес мәдени мұраны қорғау жөніндегі үкіметаралық комитеттің 19-шы сессиясында қазақтың ежелден келе жатқан «Беташар» салты Адамзаттың материалдық емес мәдени мұрасының репрезентативтік тізіміне енгізілді.Аталған сессия барысында Комитет 58 елден ұсынылған 58 номинацияның 45-ін қарастырып, соның ішінде 43-ші реттік нөмірмен «Беташар» рәсімі ЮНЕСКО-ның репрезентативтік тізіміне енді.Бүгінде ЮНЕСКО-ның Адамзаттың материалдық емес мәдени мұрасының репрезентативтік тізіміне 13 элемент кірді, оның 5-еуі қазақтың ұлттық мәдени мұрасына қатысты. Тізімнің қатарында «Қазақтың дәстүрлі домбырада күй ойнауы» (2014), «Қазақ күресі» (2016), «Асық ату ұлттық ойыны» (2017), «Қазақ жылқы баптайтындарың көктемгі мерекелік салт-дәстүрлері» (2018), қазақтың ұлттық биі «Ортеке» (2022) бар.«Киіз үй тұрғызу» (2014), «Айтыс өнері» (2015), «Наурыз» және «Қатырма» (2016), «Қорқыт ата мұрасы» (2018), «Тоғызқұмалақ» (2020) және «Құсбегілік» (2021), «Қожанасырдың әзіл әңгімелері» (2022) секілді ұлттық 8 элемент түркілерге ортақ мәдени мұра ретінде енгізілді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/896903