Астанада Қазақстан Республикасының Мәдениет және ақпарат министрлігінің қолдауымен «Серіктестік, диалог және сенім: берік азаматтық қоғам кепілі» атты дөңгелек үстел өтті.Іс-шара «Адал азамат – белсенді қоғам» азаматтық қоғамды дамыту орталығының қызметін ұйымдастыру» стратегиялық әріптестік аясында ұйымдастырылды.Қатысушылар түрлі әлеуметтік бастамаларды жүзеге асыруда мемлекеттік және азаматтық қоғам институттары арасындағы тиімді серіктестік, диалог пен сенім арқылы азаматтық қоғамды қалыптастыру мен дамытудың негізгі аспектілеріді талқылады.Дөңгелек үстелге орталық мемлекеттік органдардың өкілдері, еліміздің барлыө өңірлерінен ҮЕҰ басшылары қатысты.Айта кетейік, бүгінде азаматтық сектор қызметінде қарқын алды. Мысалы, ҮЕҰ саны 2008 жылдан бастап 2,5 есе өсті. Республика бойынша 22 мыңнан астам ҮЕҰ тіркелген. Соның ішінде 17 мың ҮЕҰ белсенді жұмыс істейді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/894243

Алматы облысында Өтеген Батыр ауылының балалар мен жасөспірімдер спорт мектебінде Кеңес Одағының Батыры, Қазақстанның Халық батыры Сағадат Нұрмағамбетовтың туғанына 100 жыл толуына орай жасөспірімдер арасында джиу-джитсудан «Sagadat Batyr» халықаралық ашық турнирі өтті.4 жастан 13 жасқа дейінгі Қазақстан, Қырғызстан және Өзбекстаннан 400-ден астам спортшы қатысты. Жас спортшылардың жекпе-жегін Халық қаһарманы, генерал-полковник Сәт Тоқпақбаев, Олимпиада чемпионы Василий Жиров және Сағадат Нұрмағамбетовтің қызы Айсұлу Нұрмағамбетова сияқты құрметті қонақтар тамашалады.Турнирдің басты мақсаты – қаһарман батырларымыздың ерлігін ұлықтау, спорт пен салауатты өмір салтын насихаттау. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/894238

Сенбі, 30 қараша күні Астанада ҚР Мәдениет және ақпарат министрі Аида Балаеваның төрағалығымен ЮНЕСКО қорғауындағы Қазақстанның тарихи және мәдени мұрасын қорғау бойынша кешенді шараларды әзірлеу жөніндегі жұмыс тобының екінші отырысы өтті.Кешенді шаралар Қазақстанның мәдени мұрасын қорғау және сақтау бағытындағы орталық және жергілікті атқарушы органдардың, ЮНЕСКО және ИСЕСКО (Ислам әлемінің білім, ғылым және мәдениет ұйымы) істері жөніндегі ҚР Ұлттық комиссиясы мүшелерінің, сондай-ақ тарихшы ғалымдардың, археологтардың, этнографтардың және қоғамдық ұйым өкілдерінің күш-жігерін үйлестіруге бағытталған.Бұл стратегиялық бастама Қазақстанның ЮНЕСКО-ның әлемдік мұралар тізіміне енгізілген және енгізілуі мүмкін маңызды тарихи және сәулет ескерткіштерін сақтау мен материалдық емес мәдени мұра элементтерін қорғауға арналған. Оларға дәстүрлер, салт-жоралар, тіл, музыка, қолөнер және басқа да құндылықтар жатады.Министр Аида Балаева отырыс барысында әлемдік мәдени және табиғи мұраны қорғау жөніндегі Конвенцияның ережелерін орындау үшін барлық мүдделі тараптардың жүйелі және үйлесімді жұмыс істеу қажеттігіне ерекше тоқталды.Жұмыс тобының отырысында Қазақстанның мәдени мұрасын қорғау және насихаттау бойынша үш кіші жұмыс тобының жоспарлары таныстырылды:Материалдық емес мәдени мұра бойынша кіші жұмыс тобының басты міндеті – музейлер, қорықтар, кітапханалар қызметкерлерінің біліктілігін арттыру, сондай-ақ жоғары оқу орындарына пәнаралық білім беру бағдарламаларын енгізу. Бұл Қазақстанда дәстүрлі қолөнер, нумизматика, бонистика, ұлттық ойындар, сәндік-қолданбалы бұйымдарды қалпына келтіру бойынша дипломды мамандарды дайындауға мүмкіндік береді.Сонымен қатар, мектептегі «Дене шынықтыру» пәніне қазақтың дәстүрлі ойындарын енгізу мәселесі қарастырылуда.Кіші топтың жоспарында материалдық емес мәдени мұраны инвентаризациялау, қазақтың киіз үйін, кілем тоқу технологиясын құжаттандыру бойынша зерттеу жұмыстарын ұйымдастыру бар.ЮНЕСКО қорғауындағы нысандар бойынша кіші жұмыс тобы әлемдік мәдени және табиғи мұраны қорғау жөніндегі Конвенция шеңберінде Қазақстандағы ЮНЕСКО қорғауындағы нысандармен жұмыс істейді. Басты міндеттері – басқару, қауіпсіздік және инфрақұрылым мәселелерін шешу.Сонымен қатар, сарапшылар «Ұлы Жібек жолы: Ферғана-Сырдария дәлізі», «Ұлы Жібек жолы: Каспий-Еділ дәлізі» сияқты трансұлттық сериялық номинациялар бойынша жұмыстар жүргізуде. Бұл бағытта Атырау, Батыс Қазақстан, Қызылорда және Маңғыстау облыстарының жергілікті атқарушы органдарымен бірлескен жұмыс атқарылуда.Құжаттық мұра бойынша кіші жұмыс тобы ЮНЕСКО-ның «Әлем жады» бағдарламасы аясында Қазақстанның құжаттық мұрасын сақтау және ілгерілету бағытында жұмыс істейді. Қазіргі уақытта Абайдың «Қара сөздері» мен Машһүр Жүсіп Көпейұлының қолжазбаларын ЮНЕСКО-ның «Әлем жады» тізіміне енгізуге дайындық жұмыстары жүргізілуде.2003 жылы бұл тізімге Қожа Ахмет Ясауидің қолжазбалары, 2005 жылы «Невада-Семей» антиядролық қозғалысының құжаттары енгізілген. Сонымен қатар, Қазақстанның жазбаша мұрасының мемлекеттік тізілімін жасау мәселесі қарастырылуда.Үш жұмыс кіші тобы ұсынған жоспарлар Қазақстанның мәдени мұрасын қорғау және дамыту бойынша шараларды қамтиды. Бұл жоспарларды Мәдениет және ақпарат министрлігі жүзеге асырады. Аталған шаралар Қазақстанның мәдени мұрасын қорғау және дамыту ісін жаңа деңгейге көтеруге мүмкіндік береді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893758

Қазақстан – тарихы мен мәдениеті бай мемлекет. Сондықтан, мәдени мұраны қорғау – басты міндеттердің бірі.ЮНЕСКО конвенцияларына қатысу арқылы еліміз өз мәдени нысандарын ЮНЕСКО тізімдеріне енгізіп, әлемдік қауымдастыққа танытуда. Дегенмен, бұл жетістік тек мақтаныш емес, сондай-ақ осы мұраларды қорғау мен сақтау бойынша нақты міндеттемелерді орындауды талап етеді.Осы мақсатта 2024 жылғы тамыз айында ҚР Мәдениет және ақпарат министрі Аида Балаеваның төрағалығымен жұмыс тобы құрылды. Бұл топтың міндеті – орталық және жергілікті атқарушы органдардың, ЮНЕСКО және ИСЕСКО істері жөніндегі ҚР Ұлттық комиссиясының мүшелерінің, ғалымдардың, археологтардың, этнографтардың және қоғамдық ұйымдардың өкілдерінің күш-жігерін үйлестіру.Бұл стратегиялық бастама әлемдік мұра тізіміне енген маңызды тарихи және сәулет ескерткіштерін сақтауға ғана емес, сондай-ақ дәстүрлер, салт-жоралар, тіл, музыка, қолөнер сияқты материалдық емес мәдени мұра элементтерін және құжаттық мұраларды қорғауға бағытталған. Бұл элементтер мәдени даралықты қалыптастыруда, ұлттық бірегейлікті нығайтуда және құндылықтарды болашақ ұрпаққа жеткізуде маңызды рөл атқарады.Аида Балаева барлық мүдделі құрылымдардың жүйелі әрі үйлесімді жұмыс істеуі қажеттігін ерекше атап өтті. Министр қойылған міндеттерді орындау және конвенцияның талаптарын тиімді жүзеге асыру үшін күш-жігерді біріктірудің маңыздылығына назар аударды.Бүгінге дейін жұмыс тобының екі отырысы өтті. Онда қатысушылар мәдени мұраны қорғау және сақтау бойынша негізгі бағыттарды анықтады.2024 жылғы 30 қарашада Алматы қаласында өткен отырыста үш кіші топтың жұмыс жоспарлары таныстырылды. Әр топ мәдени мұраны қорғау және насихаттау саласындағы нақты аспектілерге бағытталған.Ұсынылған жұмыс жоспарлары арасында материалдық және материалдық емес мәдени мұраны қорғау және насихаттау, ЮНЕСКО-ның «Әлем жады» бағдарламасы аясында құжаттық мұраны сақтау секілді негізгі бағыттар айқындалды.Бұл жоспарларда мамандардың біліктілігін арттыру бойынша шаралар қамтылған. Оның ішінде материалдық емес мәдени мұраны анықтау және дамыту әдістерін оқытуға арналған оқу модульдерін әзірлеу мен іске асыру қарастырылған. Министр оқу мазмұнының пайдалы әрі тәжірибеге бағытталған болуы тиіс екенін атап өтті.Сондай-ақ жұмыс тобы материалдық және материалдық емес мұра нысандарын түгендеу, қолда бар деректерді цифрландыру, мәдени мұраны халықаралық және жергілікті деңгейде насихаттау стратегиясын әзірлеу, сондай-ақ жаңа нысандар мен элементтерді ЮНЕСКО тізіміне енгізу қажеттігін айтты.ЮНЕСКО қорғауындағы нысандарды тиімді басқару және қорғау әдістерін әзірлеуге айрықша мән берілді. Жергілікті билік органдары мен қоғамдық ұйымдарды мәдени мұраны қорғау және насихаттау іс-шараларына белсенді тарту, сондай-ақ халықтың мәдени мұраның маңыздылығы туралы хабардарлығын арттыру үшін тұрақты іс-шаралар мен ақпараттық науқандар ұйымдастыру жоспарланған.Жалпы, жұмыс топтарының жетекшілері ұсынған жоспарлар материалдық, материалдық емес және құжаттық мұраны сақтап, насихаттауға бағытталған ауқымды шараларды қамтиды. Мәдениет және ақпарат министрлігі бұл бастамаларды қолға алатын болады. Аталған шаралар Қазақстанның мәдени мұрасын қорғау мен дамыту ісін жаңа деңгейге көтеруі тиіс. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893753

Бүгін Алматыда өткізілген XVII Халықаралық «Еуразия» кинофестивалі аяқталды. Орталық Азияның басты кинооқиғасы әлемнің түкпір-түкпірінен келген киношерлер мен киносүйер қауымды біріктірді. Бір апта бойы көрермендер 30-дан астам фильмді тамашалады. Оның 22-сі байқау бағдарламасына қатысты. Фестиваль алаңы мәдени пен шығармашылықтың қазанына айналып үлгерді. Фестивальдің қатысушылары мен қонақтарына ҚР Мәдениет және ақпарат министрі Аида Балаеваның құттықтау сөзі жеткізілді. Оның құттықтауын ҚР Мәдениет және ақпарат министрлігінің Архив, құжаттама және кітап ісі комитетінің төрағасы Рустам Әли оқыды.XVII ХАЛЫҚАРАЛЫҚ «ЕУРАЗИЯ» КИНОФЕСТИВАЛІНІҢ ЖЕҢІМПАЗДАРЫ:NETPAC әділ қазыларының жүлдесі «Белгісіз елге» фильмі, режиссері Махди Флейфель;Халықаралық байқау қазылар алқасының төрағасы Нури Бильге Джейланға «Әлемдік кинематографияға қосқан ерекше үлесі үшін» сыйлығы берілді;Белгілі қазақстандық актер Досхан Жолжақсынов «Қазақстан кинематографиясына қосқан ерекше үлесі үшін» марапатталды.ХАЛЫҚАРАЛЫҚ БАЙҚАУ:Ең үздік әйел рөлін сомдағаны үшін жүлде – Флорентина Хольциенгер, «Ай» (Moon), Австрия; Ең үздік ер рөлін сомдағаны үшін жүлде – Артур Пачесный, «Жоқтың қасы» (Next to Nothing), Польша; Қазылар алқасының арнайы жүлдесі – «Нирвана» (Nirvana) фильмі, режиссері Асиф Ислам, Бангладеш; Ең үздік режиссерлік жұмыс үшін жүлде – Джун Мин О, «Жыл маусымдары үйі» (House of the Seasons), Оңтүстік Корея; Үздік фильм үшін гран-при – «Жоқтың қасы» (Next to Nothing), Польша, режиссері Гжегож Дебовски.ОРТАЛЫҚ АЗИЯ ЖӘНЕ ТҮРКІ ӘЛЕМІ ЕЛДЕРІНІҢ БАЙҚАУЫ:Ең үздік әйел рөлін сомдағаны үшін жүлде – Эльза Каримова, «Ғашықтар тауы» (The Lovers’ Mountain), Татарстан; Ең үздік ер рөлін сомдағаны үшін жүлде – Абылай Марат, «Шекарадағы мәміле» (Deal at the Border), Қырғызстан; Қазылар алқасының арнайы жүлдесі – «Хемме өлетін күндердің бірінде» (One of the Days When Hemme Dies) фильмі, Түркия; Ең үздік режиссерлік жұмыс үшін жүлде – Аруан Анартай, «Жоқтау» (Joqtau), Қазақстан; Үздік фильм үшін гран-при – «Ақ тырналар билейтін жерде» (Where the White Cranes Dance), Саха Республикасы (Ресей).Фестивальдің жабылу салтанатында KhazaR этно-фьюжн тобы, Aljazz эстрадалық-симфониялық оркестрі және VIVAT шоу-балеті өнер көрсетіп, кино апталығын шымылдығын жапты.Дәстүрлі фестивальдің негізін қалаушы және ұйымдастырушы – ҚР Мәдениет және ақпарат министрлігі. Кинофестивальді тікелей ұйымдастыру Алматы қаласы әкімдігінің қолдауымен Шәкен Айманов атындағы «Қазақфильм» ұлттық киностудиясына жүктелген.Айта кетейік, іс-шараға KAZ Minerals кен өндіру компаниясы, Sarens Kazakhstan, Eurasian Resources Group (ERG), Salem Entertainment, Kinopark Theatres кинотеатрлар желісі, Astana Motors, «Қазақтелеком» АҚ және A-Event KZ демеушілік етті.Бас серіктес: Bazis-A компаниясы.Ақпараттық серіктестер: «Хабар» АҚ, Qazaqstan телеарнасы, «НТК» телеарнасы, «Европа плюс Казахстан», «Эльдорадио», QazaqGazetteri, EgemenQazaqstan, «Казахстанская правда», «Антенна Казахстан», «Новое поколение», ORDA, «ҚазАқпарат» ХАА, ArbatMedia, El.kz, Baq.kz, BaigeNews.Ақпарат көзі : https://www.gov.kz/memleket/entities/mam/press/news/details/893743

Абай атындағы ҚазҰПУ-да ЮНЕСКО қорғауындағы Қазақстанның тарихи және мәдени мұрасын қорғау жөніндегі жұмыс тобының екінші отырысы өтті.Жиынға ҚР Мәдениет және ақпарат министрі Аида Балаева төрағалық етті.Отырысқа облыс әкімдерінің орынбасарлары, орталық мемлекеттік органдардың өкілдері, Қазақстан Республикасының ЮНЕСКО және ИСЕСКО істері жөніндегі Ұлттық комиссиясының мүшелері, сондай-ақ ғалымдар, археологтар мен қоғамдық ұйым өкілдері қатысты.Қатысушылар материалдық емес мәдени және дүниежүзілік мұраны қорғау шараларын жақсартуға бағытталған іс-шаралар жоспарын, сондай-ақ ЮНЕСКО-ның «Әлем жады» халықаралық бағдарламасын жүзеге асыру мәселелерін талқылады.Аида Балаева ЮНЕСКО Конвенцияларымен бекітілген міндеттемелерді орындаудың маңыздылығын атап өтті. Министр барлық деңгейлерде үйлесімді жұмыс қажеттігін және материалдық емес мәдени мұраны анықтау мен дамыту дағдылары бойынша кадрларды даярлау үшін білікті сарапшыларды тартудың маңыздылығын айтты.«Ең алдымен, мамандардың біліктілігін арттыру бойынша жұмысты күшейтуіміз қажет. Оқыту мазмұнды және пайдалы болуы тиіс. Жедел түрде оқу модульдерін дайындап, өңірлік және орталық деңгейде курстар өткізуге кірісуіміз керек», – деді министр.Қазақстанның Материалдық емес мәдени мұраны қорғау жөніндегі Ұлттық комитеті төрағасының орынбасары Рүстем Мұзафаров, Қазақстанның Дүниежүзілік мұрасы жөніндегі комитеттің төрағасы Гүлмира Мұхтарова және ЮНЕСКО-ның «Әлем жады» бағдарламасы бойынша Ұлттық комитетінің төрағасы Ғазиза Нұрғалиева қатысушыларға өз жұмыс жоспарларын ұсынды.Жоспар аясында жергілікті атқарушы органдардың мамандары мен этномәдени бірлестік өкілдерінің біліктілігін арттыру, сондай-ақ материалдық емес мәдени мұраны зерттеу және насихаттау қарастырылған.Қатысушылар пікір алмасып, алдағы жұмыстың басым бағыттарын айқындады.Жиын соңында ұсынылған шараларды енгізу, барлық мүдделі тараптардың күш-жігерін үйлестіру және Қазақстанның мәдени мұрасын қорғау бойынша іс-шаралар кешенін тиімді жүзеге асыру үшін нақты ұсыныстар әзірлеу мәселелері талқыланды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893662

Бүгін облыс әкімі Нұрлыбек Нәлібаев Қазақстан Республикасының Еңбек және халықты әлеуметтік қорғау министрлігінің бұйрығымен Халықты әлеуметтік қорғау саласындағы реттеу және бақылау комитеті Қызылорда облысы бойынша департаментінің басшысы болып тағайындалған Шәріпбеков Бекболат Жүнісәліұлын таныстырды.Бекболат Жүнісәліұлы 1973 жылы Қызылорда облысында дүниеге келген. Қызылорда агроөнеркәсіп өндірісі инженерлері институтын «Агроөнеркәсіп салаларын басқару және оның экономикасы» мамандығы бойынша бітірген. Еңбек жолын 1990 жылы Жаңақорған ауданындағы «Келінтөбе» күріш совхозында бастаған. 1998-1999 жылдары «Құмиян» кәсіпорны «Ақниет» бөлімшесінің есепшісі болған. 1999-2010 жылдары «Келінтөбе» ауылдық округі әкімі аппаратында, Жаңақорған ауданы және Түркістан қаласы бойынша салық комитеттерінде түрлі лауазымдарда қызмет атқарған. 2010-2018 жылдары Қызылорда облысы бойынша қаржылық бақылау инспекциясы мен тексеру комиссиясының бөлім басшысы-мемлекеттік аудиторы, 2018-2020 жылдары Қызылорда қаласы «Қарауылтөбе» ауылдық округінің әкімі болып еңбек еткен. 2020-2022 жылдары Қызылорда облысы бойынша ішкі мемлекеттік аудит департаментінің бөлім басшысы, 2022-2024 жылдары Жаңақорған ауданы әкімінің орынбасары болып нәтижелі қызмет көрсетті. 2024 жылдың маусым айынан осы кезге дейін Қызылорда облыстық кәсіпкерлік және өнеркәсіп басқармасының басшысы қызметін атқарып келді.Аймақ басшысы жаңадан тағайындалған департамент басшысына тілектестік білдірді.«Бекболат Жүнісәліұлы аймақтың әлеуметтік-саяси ахуалымен етене таныс, мемлекеттік қызметтің барлық сатысынан өтіп, мол тәжірибе жинаған әлеуеті жоғары кадр. Жаңа қызметте облыс бойынша зейнетақы және әлеуметтік қамсыздандыруды, мүгедектерді әлеуметтік қорғауды, медициналық-әлеуметтік сараптаманы, азаматтардың жекелеген санаттарына әлеуметтік көмек көрсетуді, арнаулы әлеуметтік қызмет көрсету саласындағы мемлекеттік саясатты іске асыратын болады.Бекболат Жүнісәліұлы алған білімі мен жинаған мол тәжірибесін күрделі де жауапты саланың дамуына жұмсайды деп сенеміз», – деді Н.Нәлібаев.Ақпарат көзі : https://www.gov.kz/memleket/entities/kyzylorda/press/news/details/892628

Астанада этножурналистика мен қазақ тілді БАҚ-ты шетелде мемлекеттік қолдау тақырыбына арналған «Бір ел - бір мүдде» депутаттық тобының отырысы өтті. Іс-шараны ҚР Мәдениет және ақпарат министрлігі ұйымдастырды.Тақырыпты талқылауға ҚР Парламенті Сенаты мен Мәжілісінің депутаттары, этникалық БАҚ және «Отандастар қоры» КЕАҚ өкілдері қатысты.Спикерлер этножурналистиканың азаматтық құндылықтарды қалыптастырудың, жалпыұлттық бірлікті қамтамасыз етудің және қазақстандық қоғамда этностық топтарды шоғырландырудың маңызды құралы ретіндегі шешуші рөлін атап өтті.Пікірталас барысында қатысушылар БАҚ арқылы этносаясатты ілгерілетудің, шетелде қазақ тілді медианы қолдаудың, этносаралық келісім мен бірлікті қамтамасыз етудің өзекті мәселелерін талқылады.Этносаралық тұрақтылық үшін тәуекелдерді анықтауға және алдын алуға, әлеуметтік желілерде «араздық тілінің» таралуына қарсы тұруға және этникалық, тілдік белгілері бойынша кемсітушіліктің кез келген түріне жол бермеуге ерекше назар аударылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892671

Көкшетау қаласының Достық үйінде «Мемлекеттік тіл - этносаралдық қатынас тілі» жобасын іске асыру аясында этностар арасында мемлекеттік тілді насихаттауға және дамытуға бағытталған «Ұлы даланың ұлтаралық тілі» республикалық форумы өтті.Форум спикерлері қазақ тілін меңгерудің үздік тәжірибелерімен бөлісті.Іс-шара соңында форумға қатысушылар үшін Көкшетау қаласының көрікті жерлеріне экскурсия ұйымдастырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892673

Атырау қаласында Қазақстанның түкпір-түкпірінен келген қатысушылардың басын қосқан Қазақстан халқы Ассамблеясының «Бір ел» тарихи-ағартушылық жастар жобасы бастау алды.Іс-шараға этномәдени бірлестіктердің өкілдері, «Ассамблея жастары» РҚБ мүшелері және ауыл жастары мен волонтерлер қатысты.Спикерлер мәдениетаралық диалогты дамыту, ортақ мәдени және тарихи құндылықтарды сақтау, азаматтар мен жастардың тарихи-мәдени мұраны зерделеуге қызығушылығын арттыру, өскелең ұрпақты қоғамдық келісімді одан әрі нығайтуға тарту, жалпыұлттық бірлік, сондай-ақ қасиетті орындарды танымал етудің маңыздылығын атап өтті. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892946

Президентке 2024 жылы министрлік тарапынан мәдениет, ақпарат, азаматтық қоғам, дін, этносаралық қатынастар, жастар саясаты және креативті индустриялар, отбасы-демографиялық сала, архивтер мен кітапхана ісі бойынша жүзеге асырылған шаралар туралы, сондай-ақ 2025 жылға жоспарларға дайындық барысы жөнінде ақпарат берілді.Министр Аида Балаева биыл қазақ өнері әлемге әйгілі өнер алаңдарында алғаш рет ұсынылғанын атап өтті. Венеция биенналесінде және Гиме азиялық өнер музейіндегі қазақ өнер көрмелерін екі жүз мың адам тамашалады.Қазақстанның баспа өнімдері 153 елдің делегациясы қатысқан әлемдегі ең ірі кітап көрмесі – Frankfurter Buchmesse-де алғаш рет көрсетілді.Ел тарихы мен мәдениетін дәріптеуде маңызды жоба – сегіз тілде, соның ішінде халықаралық тілдерде, ақпараттық-ағартушылық «Qazaq Culture» платформасы іске қосылды.Сондай-ақ, Астанада V Дүниежүзілік көшпенділер ойындарының ашылу және жабылу салтанаты жарқын мәдени-көпшілік оқиға болды.Министрлік биыл заң шығару саласында ауқымды жұмыс атқарды.Атап айтқанда, 2024 жылы Қазақстанда журналист мәртебесін арттыруға бағытталған жаңа БАҚ туралы заң қабылданды. Сонымен қатар «EURONEWS» телекомпаниясының аймақтық кеңсесі ашылды. Ал, «Қазақфильм» киностудиясын тікелей қаржыландыруды қарастыратын заңнамаға өзгерістер Парламентте талқылануда.Сондай-ақ, министрлік қайырымдылық, креативті индустриялар саласындағы заңнамаларды жетілдіру бойынша жоспарлы жұмыстар жүргізуде.Еріктілер қозғалысын дамыту да министрліктің басты бағыттарының бірі болып отыр. 2022 жылмен салыстырғанда белсенді еріктілер саны 240 мың адамға дейін өсті. Жыл сайын 50-ден астам волонтерлік жоба жүзеге асырылады, 7 қазақстандық волонтер БҰҰ құрылымдарына жіберілді.Креативті индустрияларды қолдау шаралары әзірленді: Креативті индустриялар қоры құрылды, «Сәтті Жұлдыз» түсімінен 3% бөлінеді, мемлекеттік органдар мен жергілікті атқарушы органдардың құзыреті кеңейтілді, инфрақұрылыммен қамтамасыз ету шаралары жүзеге асырылуда. Креативті индустрия субъектілеріне арнайы салық режимі енгізілді. Жыл басынан бері елде 10 креативті орталық пен хаб ашылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893100

Биыл Қазақстанның Мәдениет және ақпарат министрлігі мәдениет пен өнер саласында айтарлықтай табысты еңбек етті. Бұл жыл ел үшін маңызды кезеңге айналып, қазақтың мәдени мұрасының байлығы мен алуан түрлілігін айқындайтын көптеген ірі іс-шаралармен есте қалды.Ұйымдастырылған көрмелер, фестивальдер мен гастрольдер ел ішіндегі мәдени байланыстарды нығайтып қана қоймай, қазақ мәдениетін шетелде белсенді түрде насихаттауға ықпал етті. Министрлік 2024 жылғы жұмысын қорытындылады. Қазақ мәдениеті шетелде: жетістіктер мен табыстарБиыл қазақ өнері алғаш рет әлемге әйгілі өнер алаңдарында: Венеция биенналесі мен Гиме – Азия өнер музейінде ұсынылды. Бұл көрмелерді шамамен екі жүз мың адам тамашалады.Сонымен қатар, Қазақстанның баспа өнімдері алғаш рет әлемнің басты кітап көрмесі – Frankfurter Buchmesse-де көрсетілді. Бұл шараға әлемнің 153 елінен делегация қатысты.Мәдениет бағыты бойынша білім алған 255 студент Қытай, Италия, Ұлыбритания, Австрия, АҚШ, Түркия, Чехия, Испания және басқа да елдерде өткен халықаралық байқауларда жеңімпаз атанды.Бұдан бөлек, биыл Қазақстанның шығармашылық ұжымдары 14 елге гастрольдік сапармен барды. Оның ішінде Франция, Вьетнам, Түркия және АҚШ елдерінде сәтті өнер көрсетті. Бұл іс-шаралар халықаралық байланыстарды нығайтып, қазақ мәдениетін шетелде танытуға ықпал етті.Тяньцзинь музейіндегі «Алтын адам және Ұлы дала» көрмесі де маңызды оқиғалардың бірі болды. Көрме ашылған сәттен бастап 400 мың адам тамашалады.Мәдени дипломатияның маңызды бөлігі ретінде Тәжікстан мен Түрікменстанда Қазақстанның Мәдениет күндері де табысты өтті.Айта кететін жетістіктердің бірі – «Qazaq Culture» ақпараттық-ағартушылық платформасының іске қосылуы. Бұл платформа сегіз тілде, соның ішінде БҰҰ-ның алты ресми тілі, қазақ және түрік тілдерінде ақпарат таратады. Аталған бастама Қазақстанның бай мәдени мұрасын әлемге танытуға бағытталған.2024 жылы қазақ қайраткерлерінің есімдері де ұлықталды. Құрманғазы, Абай сынды тұлғалардың ескерткіштері Түрікменстан, Тәжікстан және Татарстанда орнатылды. Бұл жетістіктер қазақ мәдениетінің халықаралық аренадағы беделін арттыру және оны әрі қарай дамыту бағытында министрліктің белсенді жұмыс атқарып жатқанын көрсетеді.Елдің мәдени келбеті2024 жылы Қазақстанда мәдени мұрасы мен байлығын көрсететін көптеген маңызды мәдени іс-шаралар өтті.Айтулы оқиғалардың бірі – 17 мыңнан астам көрермен жинаған V Дүниежүзілік көшпенділер ойындарының ашылу және жабылу салтанаты. Ойындардың жабылу рәсімінде әйгілі қазақстандық әнші Димаш Құдайбергеннің керемет концерті ұйымдастырылды.Қазақстан Республикасының Ұлттық музейінде Леонардо да Винчидің «Әдемі ханшайым» атты картинасының көрмесі өтті. Бұл көрмені 37,7 мыңнан астам көрермен тамашалады.Қараша айының соңында ХVII Халықаралық «Еуразия» кинофестивалі өтті. Фестиваль аясында халықаралық байқау және Орталық Азия мен түркі әлемі елдерінің фильмдері бойынша байқау ұйымдастырылды. Іс-шараға Әзербайжан, Қытай, Қырғызстан, Марокко, Ресей, Тәжікстан, Татарстан, Түркия, Өзбекстан, Филиппин және Франция сынды елдерден 50-ге жуық фильм ұсынылды, бұл кино өнерінің сан түрлі қырын айшықтай түсті.Жыл бойы өткен көптеген концерттердің ішінен 30 қазанда Астанада Қазақстанның еңбек сіңірген әртісі Марат Бисенғалиевтің қатысуымен өткен симфониялық концертті ерекше атап өтуге болады.16 қазанда Мәскеудегі Мемлекеттік академиялық Үлкен театрда «Астана Опера» театрының гастрольдері өтті. Бұл іс-шара Қазақстанның мәдени дипломатиясын дамытуда маңызды қадамға айналды.Сонымен қатар, Қазақстанның халық әртісі Майра Мұхамедқызы мен Қазақстанның еңбек сіңірген қайраткері Шөмібай Сариевтің шығармашылығына арналған концерттер өнерсүйер қауымның ыстық ықыласына бөленді. Қазақстанның белгілі тұлғалары мен тарихи даталарына арналған мерейтойлық іс-шараларБиыл Қазақстанда елдің ұлы тұлғалары мен тарихи даталарына арналған ауқымды мерейтойлық іс-шаралар өтуде. Бұл іс-шаралар тек ұлы қайраткерлердің есімін ұлықтаумен шектелмей, сонымен қатар, елдің мәдени мұрасын дамытуға үлес қосуда.Маңызды мерейтойлар: Құрманғазы атындағы Қазақ ұлттық оркестрінің 90 жылдығы, Сыдық Мұхамеджановтың 100 жылдығы, Бибігүл Төлегенованың 95 жылдығы, Сәкен Сейфуллиннің 130 жылдығы, Бейімбет Майлиннің 130 жылдығы, Бердібек Соқпақбаевтың 100 жылдығы, Әбдіжәміл Нұрпейісовтің 100 жылдығы, Герольд Бельгердің 90 жылдығы, Әбіш Кекілбаевтың 85 жылдығы, Фариза Оңғарсынованың 85 жылдығы.Бұл іс-шаралар қазақ мәдениетінің маңызы мен оның халықаралық аренадағы рөлін ерекше көрсетеді. Мысалы, қараша айында Париждегі ЮНЕСКО-ның штаб-пәтерінде Бердібек Соқпақбаевтың «Менің атым Қожа» повесінің француз тіліне аударылған нұсқасының таныстырылымы өтті.Аталған мерейтойлар қазақ халқының рухани мұрасын жаңа деңгейге көтеріп, оның әлемдік мәдениеттегі орнын айшықтай түсуде.Ақпарат көзі : https://www.gov.kz/memleket/entities/mam/press/news/details/893401

Мемлекет басшысының белсенді азаматтық қоғамды қалыптастыру жөніндегі тапсырмасын іске асыру шеңберінде Қазақстан Республикасы Мәдениет және ақпарат министрлігі кешенді және жүйелі жұмыстар жүргізуде. Қоғамның өзекті мәселелерін шешуге азаматтар мен үкіметтік емес ұйымдардың белсенді қатысуы үшін жағдай жасалуда. Волонтерлер қозғалысы қарқын алуда. Министрлік 2024 жылы атқарылған жұмыстар қорытындысын ұсынды. Креативті индустрияларМемлекет басшысының тапсырмаларын орындау аясында креативті индустрияларды қолдау бойынша шаралар кешені әзірленді. Креативті индустриялар субъектілеріне арнайы салық режимі енгізілді. Инфрақұрылыммен қамтамасыз ету бойынша жұмыс жүргізілуде. Республика бойынша 10 креативті орталық пен хаб ашылды. Волонтерлер қозғалысын қолдауВолонтерлер қозғалысының дамуында оң динамика қалыптасты. Белсенді волонтерлер саны 200 мыңнан (2022) 240 мыңға (2024) дейін өсті. Волонтерлік қызметті дамытудың 2024-2026 жылдарға арналған Жол картасы жүзеге асырылуда.Мемлекет басшысының тапсырмасына сәйкес 2024 жылғы 3-4 қазанда АӨСШК Жастар кеңесінің қамқорлығымен АӨСШК-ге мүше 14 мемлекеттен 450 адам қатысқан Волонтерлер слеті өтті.Жыл сайын волонтерлер мен волонтерлік ұйымдарға 50-ден астам волонтерлік жобалар жүзеге асырылып, 240 шағын гранттар. 7 қазақстандық волонтер БҰҰ құрылымдарына жіберілді. 2021-2023 жылдар аралығында 9 волонтер жіберілді. Қоғамдық кеңестер құрамындағы жастарҚоғамдық кеңестердегі жастардың үлесі 2022 жылғы 4,1%-дан 2024 жылы 12%-ға дейін өсті.Қазақстанда 262 қоғамдық кеңес жұмыс істейді (оның 36-сы орталық, 226-сы жергілікті деңгейде). Қоғамдық кеңестерде барлығы 4 мыңға жуық адам болса, оның 86%-ы азаматтық қоғам өкілдері. 63 қоғамдық кеңес 100% азаматтық қоғам өкілдерінен тұрады. Қайырымдылықты дамытуЗаңнамаларды жетілдіру жұмыстары жүргізілуде. Мемлекеттік органдардың, қайырымдылық ұйымдарының, квазимемлекеттік және бизнес секторларының өкілдерінен жұмыс тобы құрылды.Ұсынылып отырған шаралар жеке тұлғалардың тек өздерінің немесе жақын туыстарының пайдасына қайырымдылық жинақтарын реттеуге, қайырымдылық ұйымдарының міндетті есептілігін енгізуге және бірыңғай цифрлық қайырымдылық платформасын құруға бағытталады. Жастар еңбек жасақтары қызметін трансформациялауЖастарды маусымдық жұмыспен қамтудың жаңа бағыттарын құру арқылы (инженерлік, ауылшаруашылық, педагогикалық, құрылыс және т.б.) жыл сайын кемінде 30 мың адам қамтылды.Ақпарат көзі : https://www.gov.kz/memleket/entities/mam/press/news/details/893609

Абай атындағы Қазақ ұлттық опера және балет театрында қазақстандық композитор Хамит Шанғалиевтің туындысы — «Хан Сұлтан. Алтын Орда» операсының премьерасы өтті.Жаңа ұлттық опера Алтын Орданың құрылу тарихына негізделген.Қойылымды сахналауға әйгілі италиялық режиссер Давиде Ливермор шақырылды.Театрдың жетекші әртістерінің, симфониялық оркестр мен хордың қатысуымен тарихи дәуір шынайы сахналанды.Операны дайындау барысында Алтын Орда тарихы бойынша белгілі ғалымдар — Ильнур Миргалиев, Ілияс Кемалоглу және Нұрлан Атығаевпен кеңестер өткізіліп, тақырып егжей-тегжейлі зерделенген. Тарихи нақтылық сақталған.2024 жылдың 29, 30 қарашасы және 1 желтоқсанында Абай атындағы Қазақ ұлттық опера және балет театры «Хан Сұлтан. Алтын Орда» операсының премьерасын ұсынады.Үш күн бойы көрермендер ортағасырлық ең ірі мемлекет — Алтын Орданың қалыптасу дәуіріне саяхат жасап, маңызды тарихи сәттер мен ұмытылмас эмоцияларды сезінуге мүмкіндік алады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893625

2024 жылғы 28 қарашада ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның отырысында әйел тергеушілердің әйелдер мен балаларға қатысты зорлық-зомбылық қылмыстарын тергеуге мамандануы және әйелдерді зорлық-зомбылықтан қорғау жөніндегі ішкі істер органдары бөлімшелерінің қызметі қаралды.«Президент ана мен бала мүддесін қорғау мәселелеріне ерекше назар аударады. Бұл – мемлекеттің стратегиялық міндеті. Биыл Ұлттық комиссия «Заң мен тәртіп» қағидатын қатаң сақтауды қамтамасыз ету бағытына басымдық береді. Әйелдер мен балаларға қатысты қылмыстарды тергеу жүйесін жетілдіру мәселесі Ұлттық комиссияның тұрақты бақылауында. Біздің міндетіміз – тергеуші әйелдердің әлеуетін пайдалана отырып, әйелдер мен балалардың қауіпсіздігін қамтамасыз ету туралы заңның орындалуын бақылау және оны толық қамтамасыз ету», – деді отырыста Ұлттық комиссия төрағасы Аида Балаева.Күн тәртібіндегі мәселе бойынша Ішкі істер министрінің орынбасары Санжар Әділов пен Ұлттық комиссия мүшесі, құқық қорғаушы Айман Омарова сөз сөйледі.ІІМ құрылымындағы әйелдерді зорлық-зомбылықтан қорғау жөніндегі арнайы бөлімшенің штат саны 256 бірлікке дейін ұлғайтылды. Әйелдер мен кәмелетке толмағандарға қатысты зорлық-зомбылық қылмыстарын тергеумен 261 әйел-тергеуші айналысады.Құрылған топтардың тиімді жұмыс істеуі үшін қызметтің ұйымдастырушылық негіздері, оның ішінде әйел тергеушілердің осы қылмыстық істерді айрықша тергеуі туралы талаптары айқындалған қағидалар әзірленіп, бекітілді.ІІМ-нің әйелдерді зорлық-зомбылықтан қорғау жөніндегі бөлімшелері ағымдағы жылы 16 мың бұзушылықтың жолын кесті, 91 мың дебошир әкімшілік жауапкершілікке тартылды, оның ішінде 24 мыңы қамауға алынды, бұл өткен жылғы көрсеткіштен 2,5 есе жоғары. Мобильді топтар мекен-жайы бойынша 33 мыңнан астам отбасын қарап, көмекке мұқтаж 1 мыңнан астам отбасын анықтады.Ұлттық комиссия «Самұрық-Қазынамен» бірлесіп «Бір қадам» «One-Stop-Service» пилоттық жобасына бастамашылық жасады, жобаны Айман Омарова басқарады. Жоба ағымдағы жылы 46-дан астам қылмыстық істі қарады, олардың көпшілігі балаларға қатысты жыныстық зорлық-зомбылыққа қатысты. Өтініш білдірген 669 әйелдер мен балалар шұғыл құқықтық, психологиялық және сараптамалық көмек алды.Жоба өзінің сұранысы мен тиімділігін көрсетті. Ағымдағы кезеңде жоба шеңберінде талап-арыздар берілді, соның негізінде кәмелетке толмағандарды бүлдіру, зорлау, қудалау, қорқыту, түрмедегі зорлық-зомбылық, тұрмыстық зорлық-зомбылық нәтижесінде кісі өлтіру бойынша қылмыстық істер қозғалды.Ұлттық комиссия әйелдер мен балалардың құқықтарын қорғау саласындағы құқық қолдану практикасын қадағалауды жалғастырады. Бұл жұмыстың тиімділігі құқық қорғау органдарының, қоғамдық ұйымдардың және бей-жай қарамайтын азаматтардың келісілген жұмысы қаншалықты сәтті құрылатынына тікелей байланысты болады.Отырыс қорытындысы бойынша Ұлттық комиссия төрағасы Аида Балаева мемлекеттік органдарға бірқатар тапсырмалар берді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892578

Кино – шынайы өміріміздің көрінісі емес пе? XVII Халықаралық «Еуразия» кинофестивалінің үшінші күнінің қатысушыларымен өткен баспасөз конференциясы осыны дәлелдеді. Ең әсерлі фильмдер біздің жадымызда сақталып, адалдық пен үміт туралы сыр шертетінін көрсетті.«Жер ана» фильмінің қоюшы-операторы Исмаэль Бланко Испанияның бос қалып, құрдымға кеткен ауылдары туралы сөз қозғады. Өмір бойы ауылының шаңын жұтып, дала төсінде емін-еркін жүрген тұрғындардың күнкөрісі қиындап кеткен. Бұл жерлерде өмір үшін күресуге тура келеді. Фильмде шөл дала мен мегаполистің тыныс-тіршілігі, артта қалған күндер мен жайлылыққа толы болашақ суреттеліп, қарама-қайшылықтар бейнеленген.«Бұл ауылдардың тұрғындары кәсіби актерлер емес. Олардың бет-әлпеті мен сөйлеу мәнері тарихтан сыр шертеді. Оны ойдан шығару мүмкін емес», – дейді ол.Қырғыз режиссері Дастан Жапар Рыскелди шынайы оқиға негізінде түсірілген «Шекарадағы мәміле» фильмін ұсынды. Оның туындысы Орталық Азия және түркі елдері байқауына қатысуда.«Менің ағам құлдықта болды. Бұл 2000 жылдары болған жағдай, бірақ осыған ұқсас оқиғалар әлі де қайталанып келеді. Біз өздерін қорғай алмайтын адамдар үшін осы туралы үн қатуымыз керек», – дейді режиссер. Осы фильм арқылы Дастан Жапар Рыскелди бүкіл Орталық Азия елдерінде өзектілігін жоғалтпаған құлдық мәселесіне қатысты жанайқайын жеткізбек.Татар режиссері Салават Юзеевтің «Ғашықтар тауы» фильмі адам жанының асыл қасиеті махаббат пен әсемдігін жоғалтпайтын табиғаттың киелі екенін бейнелейді. Фильм кейіпкері махаббат сертімен байланысы бар тауды барынша қорғауға тырысады.«Бұл тау тек табиғаттың көркем сыйы емес. Бұл кейіпкердің адалдығы мен рухани күшінің символы», – деді Салават.Кинофестивальде ерекше әсер қалдырған фильмдердің бірі – Аруан Анартайдың «Жоқтау» картинасы. Аталмыш туынды Орталық Азия және түркі елдері байқауында бақ сынасуда. Отандық режиссердің фильмін тамашалау үшін көрермендер кезекке тұрып, залдың ішінде ине шаншар орын табылмады.«Сценарий жазу барысында мен әлі де қайғыдан қан жұтып отырдым. Жоқтау игі адамдардың дүниеден өткеніне өкініп, оларды еске түсіру үшін айтылатын сөз ғана емес. Бұл біздің мәдениетіміз, мәңгі мекенге кеткендермен сырласудың жолы», – деді режиссер.«Жоқтау» фильмі жеке қайғы мен дала дәстүрінің ұлылығын үйлестіре отырып, көрермендерді терең тебірентті. «Еуразия» кинофестивалі қатысушылар мен көрермендерді шабыттандырып, оларды біріктіре отырып, өз жұмысын жалғастыруда. Көркем туындыларды тамашалау мүмкіндігін жіберіп алмаңыздар. Көрсетілімдер кестесімен фестивальдің ресми сайтында таныса аласыздар: https://eurasiaiff.info/Дәстүрлі фестивальдің негізін қалаушы және ұйымдастырушы – ҚР Мәдениет және ақпарат министрлігі. Кинофестивальді тікелей ұйымдастыру Алматы қаласы әкімдігінің қолдауымен Шәкен Айманов атындағы «Қазақфильм» ұлттық киностудиясына жүктелген.Айта кетейік, іс-шараға KAZ Minerals кен өндіру компаниясы, Sarens Kazakhstan, Eurasian Resources Group (ERG), Salem Entertainment, Kinopark Theatres кинотеатрлар желісі, Astana Motors, «Қазақтелеком» АҚ және A-Event KZ демеушілік етті.Бас серіктес: Bazis-A компаниясы.Ақпараттық серіктестер: «Хабар» АҚ, Qazaqstan телеарнасы, «НТК» телеарнасы, «Европа плюс Казахстан», «Эльдорадио», Qazaq Gazetteri, Egemen Qazaqstan, «Казахстанская правда», «Антенна Казахстан», «Новое поколение», ORDA, «ҚазАқпарат» ХАА, ArbatMedia, El.kz, Baq.kz, BaigeNews. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892407

Абай атындағы Қазақ ұлттық опера және балет театрының әлемдік мәдениетке қосқан үлесі айрықша. Театр ұжымы шығармашылық шеберлігі мен жоғары деңгейін дәлелдеп, халықаралық мәдениет кеңістігінде зор жетістіктерге жетті.Театрдың 90 жылдық мерейтойына орай өнер ұжымы екі ерекше бағдарлама ұсынды – «Абай» операсы және Симфониялық және вокалдық музыка кеші. Сонымен қатар, театр сахнасындағы іс-шаралар осы айтулы мерекеге арналды.Театр жетістіктерінің бірі – Түркістан қаласындағы гастрольдік сапарлардың сәтті өтуі. Бұл сапарда қазақ музыка мәдениетінің байлығын айшықтайтын «Қыз Жібек» операсы, сондай-ақ «Открывая Баха» және «Болеро» балеттері қойылды. Бұл туындылар театр әртістерінің орындаушылық шеберлігін және заманауи би өнеріндегі жетістіктерін айқын көрсетті.2024 жылғы айтулы іс-шаралардың бірі – 8 және 9 маусымда өткен «Сильфида» балетінің жаңа қойылымы. Заманауи интерпретацияда сахналанған бұл балет ұлттық және заманауи балет дәстүрлерін біріктірді. Сондай-ақ танымал әртістер – Мариин театрының прима-балеринасы Ульяна Лопаткина мен британдық хореограф Акрам Хан өткізген шеберлік сабақтары жас әртістер үшін үлкен мүмкіндік болды.Театрдың опера және балет әртістері халықаралық байқауларда жоғары нәтижелерге қол жеткізіп, беделді марапаттарға ие болды. Мәскеуде өткен «Grand Prix Надежда» байқауында Богдан Вербовой бірінші орынды иеленсе, Ақыл Жуас үшінші орынды жеңіп алды. Бакуде өткен Бюль-Бюль атындағы IX халықаралық вокалистер байқауында Мақсат Саматов екінші орын алса, Мумбайда өткен «Опералия 2024 Пласидо Доминго» байқауында Нұрғалым Аманбай марапатталды. Сонымен бірге, Нұржамал Үсенбаева атындағы халықаралық вокалистер байқауында Балуан Беркенов екінші орын, ал Нұрғалым Аманбай үшінші орынға ие болды. Будапешт қаласында өткен «Budapest Ballet Grand Prix» байқауында театрдың әртістері халықаралық қазылар алқасының жоғары бағасын алды. Балет солисі Богдан Вербовой бірінші орынды иеленсе, Ариса Хасимото «Special recognition award» марапатталды.СССР Халық әртісі Сыдық Мұхамеджановтың 100 жылдығы және Сәкен Сейфуллиннің 130 жылдығына орай «Жұмбақ қыз» операсы сахналанып, композитордың ерекше музыкалық және драматургиялық стилі көрсетілді. Ал Қазақстанның еңбек сіңірген қайраткері, Ресейдің еңбек сіңірген әртісі Ренат Салаватовтың 75 жылдығына орай «Иоланта» операсы көрермен назарына ұсынылды.Сонымен қатар 29, 30 қараша және 1 желтоқсан күндері театрда «Хан Сұлтан» операсының әлемдік премьерасы өтпек. Бұл туынды ортағасырдағы ең ірі мемлекеттердің бірі – «Алтын Орда» кезеңін баяндайды. Операның басты кейіпкері – Алтын Орданың әйгілі билеушісі Хан Сұлтан.Осы жетістіктер Абай атындағы Қазақ ұлттық опера және балет театрының жоғары деңгейдегі дайындығын және өнер ордасының әлемдік музыкалық, балет өнеріне қосқан үлесі зор екенін көрсетеді. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892107

Үздіксіз әрі сапалы телерадио хабарларын таратуды қамтамасыз ету мақсатында «Қазтелерадио» АҚ тоқсан сайын спутниктік, цифрлық және аналогтық эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.Осыған байланысты, 2024 жылғы 29 қарашада (сағ. 03:00-ден 17:00-ге дейін) телерадио хабарларын таратуды өшіріп, кезекті профилактикалық жұмыстар жүргізілетінін хабарлаймыз.Уақытша қолайсыздықтар үшін кешірім сұраймыз.Сall-сenter: 193, +7 (727) 2 581 500, 8 8000 800 193e-mail: abonent@otautv.kzАқпарат көзі : https://www.gov.kz/memleket/entities/mam/press/news/details/891756

Облыс әкімі Нұрлыбек Нәлібаевтың төрағалығымен инвестиция тарту, ауқымды жобаларды жүзеге асыру барысы талқыланған мәжіліс өтті. Жиынға облыс әкімінің орынбасарлары, жауапты сала басшылары, бизнес қауымдастық өкілдері қатысты.Аймақ басшысы күн тәртібіндегі мәселелер бойынша атқарылған жұмыстарға тоқталып, нақты міндеттер жүктеді.«Мемлекет басшысының тапсырмасына сәйкес аймаққа инвестиция тартуда бірқатар жұмыс жүргізілуде. Инвестициялық ахуалды жақсарту үшін халықаралық, өңіраралық көлік жолдарын реконструкциялау және салу, заманауи жылу-электр станциясы сияқты ауқымды жобалар бар.Жақында халықаралық стандарттарға толық сәйкес келетін жаңа әуежай терминалы жұмысын бастады. Өнеркәсібі және технологиясы дамыған елдермен ынтымақтастық орнатуымыз қажет. Ол үшін өңірді өркендетудің басым бағыттарын анықтадық. Атап айтсақ, ауыл шаруашылығында күрішті терең өңдеу, су үнемдеу технологияларын енгізу, бақша дақылдарын, балық өңдеу, түрлі кеспелер, сүт өнімдері, томат пастасын жасау. Құрылыс индустриясында қажетті материалдар мен түсқағаздар, санитарлық-техникалық бұйымдар шығару. Жеңіл өнеркәсіпте мал терісін терең өңдеу, тоқыма бұйымдарын, арнайы киімдер тігу және тағы басқа өндіріс орындары, мұнай-газ саласына қондырғылар мен құбырлар жасау.Өңірдегі 14 мұнай компаниясы биылғы 10 айда 12,5 млрд. теңгеге өндіріске қажетті түрлі тауарлар сатып алған. Осы өндірістерді облыс аумағында орналастыруға барлық мүмкіндігіміз бар», – деді Н. Нәлібаев.Облыста жаңа инвестициялық жобаларды орналастыруға арналған, жалпы ауданы 300 гектардан асатын, дайын инфрақұрылымы бар 6 индустриялық аймақ жұмыс жасайды.Аймақ басшысы қолданыстағы заңнама аясында жер телімін беруге, басқа да қолдау көрсетуге, жобаларды сүйемелдеуге әрқашан дайын екенін атап өтті.Ақпарат көзі : https://www.gov.kz/memleket/entities/kyzylorda/press/news/details/891583

ҚР Премьер-министрі Олжас Бектеновтің төрағалығымен теміржол және транзиттік әлеуетті арттыру, ІТ саласының даму мәселелері талқыланған Үкімет отырысы өтті. Жиынға облыс әкімі Нұрлыбек Нәлібаев селекторлық режим арқылы қатысты.Үкімет отырысынан кейін аймақ басшысының төрағалығымен аталған мәселелер бойынша міндеттер айқындалған мәжіліс өтті. Қызылорда қаласы, аудан әкімдері мен жауапты сала басшыларына тапсырмалар жүктелді.«Өткен жылы аудан әкімдеріне теміржол вокзалдарын жөндеу үшін жоба-сметалық құжаттамалар әзірлеп, мемлекеттік сараптамадан өткізу тапсырылған. Бүгінде 6 теміржол вокзалын жөндеудің құны 2 млрд. 811 млн. теңге болатын жобалары «Қазақстан Темір жолы» ұлттық компаниясына жолданды.Алайда, Жосалы теміржол вокзалының жоба-сметалық құжаттамасын әзірлеу әлі күнге дейін аяқталмаған. Төретам, Сексеуіл вокзалының құжаттамасын дайындау басталмаған. Қармақшы, Арал аудандарының әкімдеріне осы жұмысты тез арада аяқтап, мемлекеттік сараптамадан өткізуді тапсырамын.Вокзалдардың сыртқы келбеті ғана емес, жолаушыларға қызмет көрсету деңгейі де жоғары болуы, келушілерге жақсы әсер сыйлауы тиіс. Көрсетілетін қызметтердің сапасын күшейтіңіздер. Қала, аудан әкімдіктерімен бірлесіп жан-жағының абаттандырылуын, көгалдандырылуын, санитарлық тазалығын күнделікті қамтамасыз етіңіздер.Еліміздегі ІТ саласының дамуы Мемлекет басшысының, Үкіметтің тұрақты бақылауында. Біз бұл бағыттағы жұмыстарды жүйелі жалғастырып, мамандарды көптеп дайындауымыз қажет. Өңіріміздегі ІТ орталықтардың жұмысын зерделеп, оларды заманауи құрылғылармен қамтамасыз ету және материалдық-техникалық базасын нығайту бойынша ұсыныс беріңіздер.Қауіпсіздікті қамтамасыз ету үшін облысымыз республикада бірінші болып аудандарда орталықтандырылған бейнекамералар, жылдамдық өлшегіш құралдар орнатылды. Жобаның тиімділігін арттыру үшін камераларды құқық бұзушылықтар мен қылмыс жиі орын алатын жерлерге орнатып, тұрақты жұмыс жасауын қамтамасыз етіңіздер», – деді Н.Нәлібаев.Бүгінде Қызылорда облысы аумағынан өтетін магистральді теміржол желісінің ұзындығы мың шақырымды құрайды. Облыс аумағынан 14 жұп, Қызылорда қаласынан Петропавл, Павлодар, Көкшетау, Семей және Түркістан қалаларына 5 жұп жолаушы пойызы қатынайды.Өңірімізде «Қазақстан Темір жолы» ұлттық компаниясына қарасты 8 теміржол вокзалы мен 2 қызмет көрсету пункті бар, 6 вокзал ғимараты жергілікті маңызы бар тарихи және мәдени ескерткіштер тізіміне енгізілген.ІТ саласын дамыту шараларын ұйымдастыру және оларға жастарды көптеп тарту бойынша өткен жылдың қорытындысымен өңіріміз бірінші орынды иеленді. Биылғы 10 айдың көрсеткіші бойынша да көш бастап келеді.Ақпарат көзі : https://www.gov.kz/memleket/entities/kyzylorda/press/news/details/891586