Маңғыстау облысына медицина мамандарын тарту мақсатында біржолғы көтерме жәрдемақы төлеуге былтыр жыл соңында жергілікті бюджеттен қаржы бөлінген болатын. Облыс әкімдігі мен денсаулық сақтау басқармасының шешімімен бүгін, облыс бойынша 60 дәрігерге біржолғы көтермеақы төленді.Аудан және ауылдық жерге келген 32 дәрігерге 8.5 млн, Жаңаөзен қаласына келген 11 дәрігерге 5 млн, Ақтау қаласына келген 17 дәрігерге 3 млн теңгеден көтерме жәрдемақы берілді.Көтерме жәрдемақы алғандардың қатарында хирург, педиатр, жалпы тәжірибелі дәрігер, офтальмолог, онколог, анестезиолог-реаниматолог, невропатолог, рентгенолог, психиатр мен неонатолог сынды дәрігерлер бар.Бүгінде облыс бойынша 280 дәрігердің тапшылығы байқалып отыр. Өңір басшысы Нұрдәулет Қилыбай бұл мәселені шешу үшін Денсаулық сақтау басқармасының басшылығына аталған көтерме жәрдемақы көлемін одан әрі ұлғайтуды тапсырды.Маңғыстау облысы денсаулық сақтау басқармасының баспасөз қызметіАқпарат көзі : https://www.gov.kz/memleket/entities/mangystau/press/news/details/949229

Құрметті отандастар!Баршаңызды қасиетті Рамазан айының басталуымен құттықтаймын!Бұл – халқымыздың рухани өмірінде айрықша маңызы бар кезең. Ораза кезінде сабырлылық пен қанағатшылдық, жанашырлық пен қамқорлық секілді ізгі құндылықтар ерекше дәріптеледі. Азаматтарымыз мұқтаж жандарға көмек беріп, қайырымдылық жасауға ұмтылады. Мұның бәрі ислам дінінің гуманистік идеяларынан бастау алады.Халқымыз үшін дін мен дәстүр – бірін-бірі толықтырып, өзара сабақтасып жатқан егіз ұғым. Асыл дініміз де, ата дәстүріміз де жұртты жақсылық пен жасампаздыққа үндейді.Биыл Рамазан айы Алғыс айту күнімен тұспа-тұс келіп отыр. Мұның зор символдық мәні бар. Мазмұны терең, мағынасы үндес қос мереке халқымыздың берекелі бірлігін одан әрі нығайта түсуге шақырады. Оразадан оразаға аман-есен жете берейік!Баршаңызға бақ-береке тілеймін!Ниет қабыл болсын!t.me/aqorda_resmiАқпарат көзі : https://www.gov.kz/memleket/entities/mangystau/press/news/details/949233

Қадірлі жерлестер! Баршаңызды қасиетті Рамазан айымен қатар келген 1 наурыз – Алғыс айту күнімен шын жүректен құттықтаймын!Айтулы мерекелер көктем айының алғашқы күнімен бірге төрімізге еніп, күнделікті өмірімізге нұрлы шуағын шаша келгендей.Алғыс айту күні – бұл ең алдымен, еліміздің дамуына үлес қосып жүрген, қоғамдағы тұрақтылық пен тыныштықты сақтау мақсатында еңбек еткен, азаматтық және еңбекте ерлік жасаған, түрлі оқиғалар кезінде белсенділік пен азаматтық ұстаным танытқан қазақстандықтарға ризашылық білдіретін күн.Мемлекет басшысы Қасым-Жомарт Кемелұлы Тоқаев «Бұл – береке-бірлігімізді бекемдей түсетін мереке. Осы күні еліміздің азаматтары бір-біріне ерекше ілтипат көрсетіп, ризашылығын білдіреді. Сондай-ақ татулық, ынтымақ, достық сынды қастерлі құндылықтар жан-жақты дәріптеледі. Мұның бәрі ұлтты ұйыстырудың ұтымды жолы екені сөзсіз»,- деп атап өткендей бұл қастерлі құндылықтар әрдайым айнымас темірқазығымыз болып қала береді. Ішкі саяси тұрақтылық – әрбір азаматтың зор жауапкершілік пен белсенділік танытуының нәтижесі. Ардақты ағайын! Мұсылман баласын қуанышқа бөлейтін бұл ай елімізге, жерімізге құт-береке мен ынтымағын, ырысы мен берекесін ала келсін. Баршаңызға мықты денсаулық, отбасыларыңызға қуаныш, бақыт тілеймін! Бейбіт өмірдің берекесі, халқымыздың бірлігі арта берсін! Құрметпен, Маңғыстау облысының әкімі Нұрдәулет ҚилыбайАқпарат көзі : https://www.gov.kz/memleket/entities/mangystau/press/news/details/949239

Бүгін, 1 наурыз күні Маңғыстау облысында алғаш рет мал ауруларын емдеу жолдары туралы ғылыми кітап жарық көрді. 50 жылдан бері мал дәрігері болып қызмет атқарып келе жатқан тәжірибелі ветеринар Қаржаубай Көшеннің «Мал аурулары және емдеу жолдары» атты кітабының тұсаукесері өтті.Шараға Маңғыстау облысының әкімі Нұрдәулет Қилыбай, мал шаруашылығы саласының ардагерлері мен шаруа қожалықтарының иелері, ауыл әкімдеріқатысты.Жиында сөз алған облыс әкімі Нұрдаулет Қилыбай көктемнің алғашқы күнінде мерейлі 70 жасқа толған кітап авторына еселі еңбегі үшін алғыс айтып, ветеринария саласына қосқан үлесі үшін арнайы төсбелгі тақты.Сондай-ақ аймақ басшысы биыл бюджеттің басым бағыты әлеуметтік саламен қатар, мал шаруашылығына, ветеринария саласын жақсартуға бөлінгенін айтты.-Мал дәрігері мамандығының мәртебесін көтеруіміз керек. Осы бағытта алға қойған жоспарларымыз да бар. Биыл өңірдегі ветеринария саласына жергілік бюджеттен 2,4 млрд теңге қаражат бөлінді. Оның 1,3 млрд теңгесі аудандық ветеринария саласының ғимараттары мен тұрмыс-тіршілігін жақсартуға бағытталады. Сонымен бірге ветеринария саласының мамандарына 45 көлік алу үшін де қаржы қарастырылды. Саланың жағдайын жақсарту ісі - алға қойған басым бағыттарымыздың бірі.Қаржаубай Бисенұлының бүгін тұсауы кесілген еңбегі – еліміздің ауыл шаруашылығы саласына қосқан сүбелі үлесі деп білемін. Ағамыз алыстағы аядай ғана ауылда тұрып, ветеринария ғылымына үлкен жаңалық енгізді. Мал шаруашылығымен айналысушы азаматтарға таптырмас құнды дүние боларына сенімдімін,- деді Нұрдәулет Қилыбай.Саналы ғұмырын мал емдеу ісіне арнаған Қаржаубай Көшен кітабында өзінің көп жылдық тәжірибесімен бөлісіп, пайдалы мағлұматтар келтірген.Кітап тілі қарапайым, оқуға жеңіл, мал шаруашылығымен айналысатын кәсіпкерлер мен шаруаларға және ауылдың ветеринария саласы мамандарына қажетті көмекші құрал есебінде пайдалануға арналған.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949246

Бүгін, 1 наурыз күні Ақтауда облыс әкімі Нұрдәулет Қилыбайдың қатысуымен еліміздегі бірлік пен өзара сыйластықты дәріптейтін ерекше мереке – Алғыс айту күніне орай Қазақстан халқы Ассамблеясының 30 жылдығына арналған мерекелік жиын өтті.Салтанатты іс-шарада Маңғыстау өңіріндегі бауырлас халықтар достығының ескерткіш тақтасы ашылды.Жиында сөз сөйлеген облыс әкімі Нұрдәулет Қилыбай Мемлекет басшысының мерейтойға арнаған құттықтау хатын оқып берді. Өңір басшысы бұл мерейтой – еліміздегі барша халықтың бірлігі мен келісімінің жемісі екенін атап өтті.«Мемлекет басшысы Қасым-Жомарт Тоқаев Ассамблеяның 30 жылдығын атап өтіп, оның еліміздегі бірлік пен келісімнің негізін қалаудағы ерекше маңызына мән берді. Президентіміз Ассамблеяның құрылғанынан бері Қазақстан халқы арасындағы өзара түсіністік нығайып, ортақ мақсаттар мен құндылықтарды бөлісуде бірлікте болғанын айтты. Ассамблеяның 30 жылдық мерейтойы бізге өткенімізді саралап, жетістіктерімізді бағалауға мүмкіндік береді. Бұл мерейтой – барша халықтың бірлігі мен келісімінің жемісі, елдің барлық азаматтарының ортақ табысы», - деді Нұрдаулет Қилыбай.Салтанатты шарада өңірдің дамуына үлес қосып жүрген жұмысшы мамандар марапатталды.Мерейтойлық мереке концертке ұласып, түрлі этнос өкілдері әннен шашу шашып, өнер көрсетті.Олар ана тілімізде өздерінің Қазақстанға деген сүйіспеншілігін білдіріп, алғыстарын жаудырды.«Қазақстан — біздің ортақ үйіміз. Біз осы елде өзара бірлікте, ынтымақта өмір сүріп жатырмыз. Бүгінгі күні Қазақстандағы өзге ұлт өкілдері еліміздің дамуына, облыстың дамуына өз үлесін қосып келеді. Әсіресе, арамыздағы талантты, іскер, өнерлі адамдардың бұл тұрғыда алар орны ерекше. Сондықтан, Қазақстан халқы Ассамблеясын құруға атсалысқан ардагерлерге мың алғыс!», - деді Ассамблея мүшелері.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949258

27 ақпан күні Маңғыстау облысы әкімінің тапсырмасы бойынша Стамбұл қаласында облыс әкімінің бірінші орынбасары Ербол Ізбергенов пен облыс әкімінің орынбасары Аббат Өрісбаев бастаған делегация Түркияның ең ірі туристік ұйымы – TURSAB (Түркия Туристік Агенттіктер Қауымдастығы) басшылығымен кездесті.TURSAB – Түркиядағы 15 мыңнан астам туристік агенттікті біріктіретін қауымдастық. Ол елдегі туризм индустриясының дамуына ықпал етіп, халықаралық туристік компаниялармен тығыз байланыс орнатқан.Кездесу барысында тараптар Маңғыстаудың туристік әлеуетін арттыру, шетелдік туристерді тарту және екіжақты ынтымақтастықты дамыту мәселелерін талқылады. TURSAB президенті Фируз Баглыкая Маңғыстаудың табиғи ландшафты мен тарихи орындарының ерекшелігін атап, түрік туристік компанияларының бұл бағытта белсенді жұмыс істеуге дайын екенін жеткізді.Сондай-ақ, сапар барысында Маңғыстау делегациясы Түркияның жетекші туроператорлары – «Pronto Tour», «Kartaca Tour» және «Luda Travel» компанияларының өкілдерімен кездесті.«Pronto Tour» компаниясы Түркиядағы ең ірі туроператорлардың бірі болып саналады. Ол 100-ден астам елге саяхат ұйымдастырып, жыл сайын шамамен 100 мың адамға қызмет көрсетеді. Туроператор халықаралық бағыттар бойынша үлкен тәжірибеге ие.Түркияның тағы бір ірі туроператоры «Kartaca Tour» бас директоры Фатих Гюнаймен өткен кездесуде Маңғыстауда тарихи-мәдени туризмді дамыту мүмкіндіктері сөз болды. «Kartaca Tour» – әлемнің бірнеше елінде кеңселері бар беделді туристік компания. Ол VIP-туризм, эксклюзивті турлар, мәдени-тарихи сапарлар мен бизнес-турлар ұйымдастырумен айналысады. Фатих Гюнай компанияның Қазақстанмен әріптестік орнатуға мүдделі екенін және Маңғыстау бағытында арнайы туристік пакеттерді әзірлеуге дайын екендігін жеткізді.Сонымен қатар, делегация Түркиядағы серпінді дамып келе жатқан туроператор «Luda Travel» компаниясының өкілдерімен де кездесті. Бұл компания Түркия мен шетелдік туристер үшін танымал бағыттарды дамытып, қолжетімді және сапалы туристік қызмет ұсынумен ерекшеленеді.Кездесулер барысында Маңғыстау облысы әкімінің бірінші орынбасары Ербол Ізбергенов өңірде туризм саласының қарқынды дамып келе жатқанын тілге тиек етіп, тәжірибелі туроператорлармен әріптестік орнатудың маңыздылығын атап өтті.- Маңғыстау – ерекше табиғи ландшафты мен бай тарихи мұрасы бар өлке. Біздің мақсатымыз – өңірімізді халықаралық деңгейде таныту және әлем туристеріне Маңғыстаудың әлеуетін көрсету. Бұл бағытта тәжірибелі туристік компаниялармен бірлесіп жұмыс істеу – маңызды қадам. Бозжыра, Айрақты сияқты көрікті жерлерімізге сапалы қызмет ұсыну арқылы өңір туризмін жаңа деңгейге көтереміз, – деді Ербол Ізбергенов.Тараптар екіжақты әріптестікті нығайту мақсатында түсіністік меморандумына қол қойды.Бұған қоса өңір делегациясы «Turkish Airlines» әуе компаниясының басшылығымен келіссөздер жүргізді. «Turkish Airlines» – әлемдегі ең ірі әуе тасымалдаушыларының бірі, қазіргі уақытта 120-дан астам елге рейстерді орындайды. Компания Қазақстанмен бірнеше бағыт бойынша тұрақты әуе қатынасын қамтамасыз етіп келеді. Тараптар Маңғыстаудың туристік әлеуетін дамыту мақсатында жаңа әуе бағыттарын ашу, Ақтау халықаралық әуежайының мүмкіндіктерін кеңейту және туристер үшін ыңғайлы логистиканы қалыптастыру мәселелерін талқылады.Облыс әкімінің орынбасары Аббат Өрісбаев туристік және әуе компания басшыларын биыл Ақтауда өтетін «Ақтау – Түркі әлемінің астанасы» халықаралық шарасына арнайы шақырды.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/949267

3-6 наурыз: Пара садақ атудан жабық кешендегі ел чемпионаты Сайысқа еліміздің 8 өңірінен 60 спортшы қатысады.Өтетін орны: Шымкент қ.3-7 наурыз: Фристайл-могулдан Еуропа кубогі кезеңіЖарысқа ел құрамасынан 2 спортшы қатысады.Өтетін орны: Била тау-шаңғы курорты, Чехия.3-9 наурыз: Биатлоннан Әлем кубогінің 7-кезеңіБұл сында ел намысын 8 спортшы қорғайды.Өтетін орны: Нове-Место-на-Мораве қ., Чехия.4-10 наурыз: Спорттық гимнастикадан Әлем кубогі кезеңі Ұлттық құраманың 4 спортшысы бақ сынайды.Өтетін орны: Баку қ., Әзербайжан.5-10 наурыз: Кикбоксингтен ересектер арасындағы Әлем кубогіСайысқа 40 елден 800 спортшы қатысады. Қазақстан құрамасынан 37 спортшы жүлдеге таласады.Өтетін орны: Езоло қ., Италия.6-8 наурыз: Семсерлесуден Әлем кубогі Ел намысын 4 спортшы қорғайды.Өтетін орны: Падуя қ., Италия.6-12 наурыз: Пара биатлоннан Әлем кубогіЖарыста 3 жерлесіміз өнер көрсетеді.Өтетін орны: Торсби қ., Швеция.6-17 наурыз: Бокстан әйелдер арасындағы әлем чемпионатыӘлем біріншілігінде 10 боксшымыз жұдырықтасады.Өтетін орны: Ниш қ., Сербия.7-11 наурыз: Допты хоккейден Қазақстан чемпионатыІшкі біріншілікке 13 өңірден 100 спортшы қатысады.Өтетін орны: Алматы қ.8-9 наурыз: Дзюдодан жасөспірімдер арасындағы Еуропа кубогіЖарыста отандық 8 спортшы белдеседі. Өтетін орны: Портимао қ., Португалия.Ақпарат көзі : https://www.gov.kz/memleket/entities/tsm/press/news/details/948965

2025 жыл – еліміз үшін ұлттық мәдени мұраны сақтау, дамыту және қолдау ісінде айрықша мәнге ие жыл. Бұл – барша отандастарымыз үшін маңызды кезең, себебі біз Қазақстан халқы Ассамблеясының 30 жылдық мерейтойын атап өтудеміз. Осынау бірегей қоғамдық институт ұлтаралық келісімді нығайтуда және түрлі этностарды Қазақстан халқының біртұтас қауымдастығы етіп біріктіруде маңызды рөл атқарып келеді.Қазақстан халқы Ассамблеясы «Қазақстан халқы – біртұтас ұлт» қағидасын дамыту жолындағы басты ұйымға айналды. Осы ретте маңызды өңірлердің бірі – Шығыс Қазақстан. Біздің өңір көпэтностық мәдениеттің тыныштық пен келісім жағдайында өркендеуінің жарқын бір үлгісі болып отыр. 1992 жылы Шығыс өңірінде еліміздегі алғашқы Достық үйі ашылған еді. Содан бері Шығыс Қазақстан этномәдени бірлестіктер мен Достық үйлерін құру ісінде көшбасшы аймақ саналады.Бүгінде Достық үйінде мәдени, ғылыми және өзге де қоғамдық маңызы зор жобалар жүзеге асуда. Олардың қатарында алғашқы этноауыл, «Достық керуені» жобасы, Тілдер мектебі және Қазақстан халқы Ассамблеясының мұражайы бар. Бұл бастамалар түрлі этностардың төл мәдениетін насихаттауға ғана емес, этносаралық өзара қарым-қатынастың тиімді алаңын қалыптастыруға да ықпал етіп отыр.Шығыс Қазақстанның Достық үйі өңір халқының тұрақтылығы мен бірлігін нығайтуда айырықша рөл атқарады. Отыз жылдан астам уақыт бойы бұл мекеме түрлі этнос өкілдерінің бір мақсатта бірігіп, ел игілігі үшін қызмет етуіне мүмкіндік беретін бірегей орталыққа айналды. Соңғы жылдары Достық үйі жастар үшін, жергілікті қауымдастықтар мен үкіметтік емес ұйымдар үшін маңызды алаң болып, қоғамдық кездесулерді, пікір алмасуларды, әлеуметтік және мәдени жобаларды іске асыруға қолайлы жағдай жасап келеді.Ассамблеядағы қоғамдық құрылымдардың табысты жұмысы – сөзіміздің айқын дәлелі. Бүгінгі таңда облыста 115 Ақсақалдар кеңесі, 114 Аналар кеңесі, Медиация орталығы және «Ассамблея жастары» ұйымы белсенді түрде қызмет атқаруда. Бұл құрылымдар жергілікті деңгейдегі өзара іс-қимылдарды өрістетіп, әлеуметтік тұрақтылық пен келісімді нығайтуға ықпал етіп келеді.Жастардың игі бастамаларын қолдау – Достық үйлерінің басым бағыттарының бірі. 2022 жылы Шығыс Қазақстан облыстық Достық үйінде Жастар коворкинг-орталығы ашылған еді. Бұл орталық азаматтық белсенділер үшін, үкіметтік емес ұйымдар мен жастар бірлестіктері үшін шығармашылық және әлеуметтік жобаларды жүзеге асыратын алаңға айналды.Сонымен қатар Қазақстан халқы Ассамблеясының жастар театры жұмыс істеп тұр. Онда көпбалалы отбасылардың жеткіншектері мен балалар үйінің тәрбиеленушілері өнер көрсетеді. 2023 жылдан бері жүзеге асырылып келе жатқан «Қонақжай отбасы» жобасы балаларды қазақи тілдік ортаға бейімдеуге бағытталған. Бұл бастама балаларға қазақ тілін күнделікті өмірде қолдануға мүмкіндік беріп қана қоймай, оларды ұлттық мәдениетпен тереңірек таныстырады, сондай-ақ этносаралық қарым-қатынасты да күшейте түседі.Қазақ тілін сақтау мен дамыту ісіне ерекше назар аударылуда. Былтыр өңірдегі 11 Тілдер мектебінің базасында «Кел, сөйлесейік» атты қазақ тілін үйрететін 25 клуб ашылды. Олардың мақсаты – қазақ тілінде еркін сөйлесу дағдыларын жетілдіру. Сонымен қатар ауылдарда 74 Қазақ тілін оқыту орталығы жұмыс істейді, алдағы уақытта олардың санын 100-ге дейін көбейту көзделіп отыр.Бұдан бөлек, облыста «Мектепішілік кіші Ассамблея» жобасы жүзеге асуда. Бұл бастама өңірдегі 64 мектепті қамтып, оқушылар арасында этносаралық диалог орнатуға ықпал етіп отыр. 2019 жылдан бері іске қосылған «Мектептік медиация қызметі» бүгінгі таңда 174 мектепте жұмыс істеп, жасөспірімдер арасындағы даулы мәселелерді бейбіт жолмен шешуге және әлеуметтік бірлікті бекемдеуге көмектесуде.Қазақстан халқы Ассамблеясының 30 жылдығы аясында Достық үйлерінің материалдық-техникалық базасын жаңарту, этномәдени бірлестіктерді қолдау басты міндеттердің бірі болып отыр. Жалақыны көтеру, түрлі іс-шаралар өткізу және инфрақұрылымды жақсарту үшін бөлінген қосымша қаржыландыру Достық үйлерінің қызметін жаңа деңгейге көтеруге мүмкіндік бермек.Достық үйлерінің елдегі тұрақтылықты сақтау және түрлі этностарды біртұтас ұлт ретінде қалыптастырудағы рөлі ерекше. Бүгінгі таңда қоғамдық бірегейлікті қалыптастыру, отансүйгіштік пен этностық сан алуандықты құрметтеу идеологиясын ілгерілету аса маңызды.Қазақстан халқы Ассамблеясы 30 жыл бойы елімізді үлкен жетістіктерге жетелеп, этносаралық келісімді нығайту мен әл-ауқатымыздың артуына негіз қалады. Достық үйлерінің базасында жүзеге асырылып жатқан жобалар мен бастамалар әрбір этностың өз орнын тауып, Қазақстанның көпмәдениетті, біртұтас ұлт ретінде дамуына жағдай жасап отыр.Нұрымбет САҚТАҒАНОВ,Шығыс Қазақстан облысының әкіміАқпарат көзі : https://www.gov.kz/memleket/entities/akimvko/press/news/details/948839

«Жарнама туралы» Заңға сәйкес, букмекерлік кеңселер мен тотализаторларды бұқаралық ақпарат құралдары арқылы жарнамалауға тыйым салынған. Букмекерлік кеңселердің жарнамасын тек уәкілетті органда тіркелген және спорт тақырыбына маманданған бұқаралық ақпарат құралдарында ғана орналастыруға рұқсат етіледі. Сонымен қатар телеарналардағы спорт айдарларында немесе бағдарламаларында да букмекерлік кеңселер мен тотализаторларды жарнамалауға рұқсат жоқ.Осыған байланысты, жүргізілген талдау нәтижесінде www.nur.kz (Internet Portal Nur ЖШС) сайтында букмекерлік кеңселердің жарнамасы заңсыз орналастырылғаны анықталды. Бұл факт бойынша іс сотқа жолданып, Астана қаласының әкімшілік құқық бұзушылық жөніндегі мамандандырылған ауданаралық соты порталдың заң бұзғанын растады. 2025 жылдың ақпанында апелляциялық шағым қаралып, бастапқы сот шешімі өзгеріссіз қалды.Министрлік бұл жағдайды құқықтық прецедент ретінде қарастырып, осындай заң бұзушылықтарға жол берген бұқаралық ақпарат құралдарына әкімшілік шаралар қолданылатынын ескертеді. Сондай-ақ жарнама саласындағы заңнаманың орындалуын бақылауды жалғастырып, барлық жарнама таратушыларды қолданыстағы талаптарды сақтауға шақырады.Ақпарат көзі : https://www.gov.kz/memleket/entities/tsm/press/news/details/948752

Бүгін, 28 ақпанда Ақтауда VIII сайланған облыстық мәслихаттың кезекті он тоғызыншы сессия өтті. Күн тәртібінде Ақтау қаласының бас жоспарына өзгерістер мен толықтырулар енгізу, Қоршаған ортаны қорғау жөніндегі шаралар жоспарының 2024 жылға орындалуы, Маңғыстау облысының қалалары мен елді мекендерінің аумақтарын көгалдандыру, абаттандыру бойынша жүргізіліп жатқан жұмыстар мен өңірді дамытуға және экономиканың түрлі салаларын қаржыландыруға қатысты бірнеше мәселелер қаралды.Сессия отырысында Маңғыстау облысының құрылыс, сәулет және қала құрылысы басқармасының басшысы Айдос Хамиев Ақтау қаласының бас жоспарына енгізілетін өзгерістер мен толықтырулар туралы баяндама жасады. Бас жоспарға сәйкес, қала солтүстік бағытта, теңіз жағалауы бойымен Ақшұқыр ауылына дейін кеңейеді. Өнеркәсіптік аймақ оңтүстікте сақталады және шығысқа қарай ұлғаяды. Сонымен қатар, жаңа теміржол станциясы мен жолаушылар терминалы салынып, Форт-Шевченкоға дейін теміржол желісінің құрылысы жүргізіледі.Сондай-ақ, облыс орталығы теңіз демалысын ұйымдастыруға бағытталып, Қазақстанның ірі туристік орталығына айналдыру жоспарланып отыр. Бас жоспарға сәйкес, Каспий теңізінің жағалауы бойында рекреациялық аймақтар, Самал ықшам ауданында демалыс аймақтары, жағажайлар, аквапарктер, су ойын-сауық аттракциондары, яхталар мен су көліктері, круиздік кемелер үшін айлақ салу жоспарланған. Қалада сауда-ойын-сауық кешендерін қоса алғанда, туристерге жан-жақты қызмет көрсету мүмкіндіктері қарастырылған.Сессияда сондай-ақ облыстық экономика және бюджеттік жоспарлау басқармасының басшысы Светлана Нарешова 2025 жылға арналған бюджетті нақтылау туралы ақпарат берді.Биылғы бюджетте әлеуметтік сала шығыстарына басымдылық берілген. Олар мектепке дейінгі тәрбие және оқытуға күтіп ұстау шығындарына, білім беру ұйымдарын күрделі және ағымдағы жөндеуге, материалдық-техникалық базасын нығайтуға, мектептердегі білім деңгейін көтеруге, денсаулық сақтау ұйымдарын материалдық-техникалық жарақтандыруға, мәдениет және спорт саласының ғимараттарын ағымдағы жөндеуге бағытталған. Аймақ басшысы бюжеттің басым бөлігін білім беру, денсаулық сақтау мен спорт саласына беру арқылы болашақта білімді ұрпақ пен дені сау ұлт қалыптастыруға болатынын айтты.- Облыста дәрігер тапшылығы бар. Бізде тәжірибелі, білікті дәрігерлер жетіспейді. Бұл мәселені шешу үшін біздің өңірге келетін мамандардың үстемақысын көбейтіп, ынталандыруымыз керек. Сондай-ақ, аймақтағы мал ауылдарды жаңғыртуды жоспарлап отырмыз. «Каспий» әлеуметтік кәсіпкерлік корпорациясы арқылы қаржы бөліп, мал өсіремін деген шаруаларға құдығын қазып, мал азығын өсіруге қажетті жерін беріп, мүмкіндік жасау керек. Төрт түліктің жүні мен терісін өңдейтін шағын цехтар ашуға қолдау көрсетсек, бұл жобалардың ауыл халқының тұрмыс-тіршілігін арттыруға көп пайдасы болады. Жалпы биылғы бюджетті әлеуметтік сала мен ауыл тұрмысын жақсартуға, сонымен қатар коммуналдық шаруашылық саласын жетілдіруге бағыттадық,-деді Нұрдәулет Қилыбай.Маңғыстау облысы әкмінің баспасөз қызметіАқпарат көзі : https://www.gov.kz/memleket/entities/mangystau/press/news/details/949215

Байқоңыр ғарыш айлағында Министр Жаслан Мәдиев пен «Роскосмос» мемлекеттік корпорациясының бас директоры Дмитрий Бакановтың кездесуі өтті.Келіссөздер барысында тараптар Қазақстан мен Ресейдің ғарыш саласын дамытудың стратегиялық бағыты болып табылатын бірлескен «Бәйтерек» жобасын жүзеге асырудың маңыздылығын атап өтті. Бұл жоба жаңа зымыран ұшыру инфрақұрылымын құруға бағытталған, ол болашақ зымыран тасымалдағыштарын ұшыруды қамтамасыз етеді. Кездесу барысында қатысушылар жоба жүзеге асырылып жатқан нысандарды аралап, оның іске асу барысымен танысты.Сондай-ақ, биыл атап өтілетін Байқоңыр ғарыш айлағының 70 жылдығы ерекше назарға алынды. Кездесу барысында мерейтойға арналған негізгі іс-шаралар мен олардың ұйымдастыру мәселелері талқыланды.Кездесу қорытындысы бойынша тараптар ғарышты зерттеу және ұшыру саласындағы әріптестікті одан әрі нығайтуға, сондай-ақ ғарыш инфрақұрылымын дамытуға және пайдалануға бағытталған бірлескен жобаларды іске асыруға мүдделі екендіктерін растады.Еске салайық, Дмитрий Баканов 2025 жылдың 6 ақпанында «Роскосмос» мемлекеттік корпорациясының бас директоры болып тағайындалған болатын. Ақпарат көзі : https://www.gov.kz/memleket/entities/mdai/press/news/details/948137

Нұрлан Абайұлы 1980 жылы 11 маусымда Павлодар облысы Успен ауданының Богатырь ауылында дүниеге келген. Павлодар университетін (2003 ж.), Павлодар мемлекеттік педагогикалық институтын (2006 ж.), С. Торайғыров атындағы Павлодар мемлекеттік университетін (2016 ж.) «автомобиль және автомобиль шаруашылығы», «дене шанықтыру және спорт» және «саясаттану» мамандықтары бойынша тамамдаған. Еңбек жолын 2004 жылы Павлодар облысы Константиновка орта мектебінде өндірістік білім беру шебері болып бастаған. Әр жылдары аймақта спорт және дене шынықтыру саласында қызмет атқарды: Павлодар облысының дене шынықтыру және спорт басқармасында жетекші маман, бас маман, бөлім басшысы болып жұмыс істеген; Павлодар облысы туризмді және спортты дамыту басқарма басшысының орынбасары міндетін атқарушы, кейін басқарма басшысының орынбасары қызметін атқарған.Ақпарат көзі : https://www.gov.kz/memleket/entities/tsm/press/news/details/948709

«Бірлік пен ынтымақ басты құндылығымыз әрі мемлекеттік саясаттың бұлжымас бағдары болып қала береді», - Қазақстан Республикасының Президенті Қасым-Жомарт Тоқаев.Бүгінде Қазақстанда 124-тен астам этнос өкілдері татулық пен келісімде өмір сүреді. Олар елдің толыққанды азаматтары және мемлекеттің дамуына елеулі үлес қосып келеді. Қазақстандық бірегейлікті нығайту, этносаралық шиеленістің мен қақтығыстардың алдын алу – мемлекеттік саясаттың негізгі басымдықтары.Қазақстан Республикасының Мәдениет және ақпарат министрлігі 2024 жылы этносаралық келісімді нығайтуға, қақтығыстардың алдын алуға, этномедиацияны дамытуға, мамандарды даярлауға және этносаралық саладағы мемлекеттік саясатты жүзеге асыруға бағытталған кешенді шараларды іске асырды.Солардың бірі – 1 наурызда «Алғыс айту» күніне орай ұйымдастырылған республикалық телекөпір. Оған 1000-нан астам адам қатысты. Іс-шара аясында «Қайырымдылық керуені» республикалық акциясы және «Шаңырақ» шығармашылық байқауы өтті.Жылдың маңызды оқиғаларының бірі – 25 сәуірде өткен Қазақстан халқы Ассамблеясының (ҚХА) «Бірлік. Жасампаздық. Прогресс» XXXIII сессиясы. Оған Мемлекет басшысы төрағалық етті. Сонымен қатар, 28 сәуірде «Бірлік жүгірісі» атты жартылай марафон өтті. Оған 15 өңірден 15 мың адам қатысты.2024 жылы ҚХА жанынан «Жомарт жан» қоғамдық орталықтары құрылды. Олар бірнеше волонтерлік және қайырымдылық акциялар ұйымдастырды. Атап айтсақ, «Жүректен жүрекке» және «Мектепке жол» акциялары өтті. Жалпы, өткен жылы ҚХА мүшелері мұқтаж азаматтарға 1,3 млрд теңге көлемінде көмек көрсетті.«Жомарт жан» орталықтары негізгі 4 бағыт бойынша қызмет етеді.1. Мектепке жол – бұл көпбалалы және аз қамтылған отбасылардан шыққан балаларды жыл сайын мектепке дайындауға көмек көрсететін қайырымдылық акциясы. 2024 жылы 6,5 мыңнан астам бала мектепке қажетті құрал-жабдықтар мен киімдермен қамтамасыз етілді. Жалпы, 260 млн теңге қаржы жұмсалды.2. Жүректен жүрекке – бұл табиғи апаттар мен төтенше жағдайлар кезінде азаматтарға қолдау көрсетуге бағытталған жоба. Жоба аясында волонтерлердің көмегімен зардап шеккен өңірлерге 1700 тоннадан астам азық-түлік, дәрі-дәрмек және бірінші кезекте қажетті тауарлар жеткізілді. Гуманитарлық көмектің жалпы сомасы 805 млн-нан астам қаржы жұмсалды.3. Мейірім – инклюзивті топтар мен әлеуметтік осал азаматтарды қолдау бағыты. 2024 жылы жоба аясында 1320 отбасы және 483 азаматқа әлеуметтік көмек көрсетілді.4. Қамқор – спорттық және әлеуметтік инфрақұрылымды дамытуға бағытталған қайырымдылық жобалары. 2024 жылы өңірлерде жаңа спорт алаңдары құрылды, спортпен шұғылдануға арналған орталықтар ашылды, сондай-ақ мектептер заманауи білім беру құралдарымен жабдықталды (мысалы, интерактивті тақта және т.б.).Сонымен қатар, былтыр ҚХА 13 арнайы қоғамдық жобаны жүзеге асырды. ҚХА-ның 10 қоғамдық құрылымы белсенді жұмыс атқаруда. Олардың қатарында Ақсақалдар кеңесі, Аналар кеңесі, «Ассамблея жастары» республикалық қоғамдық бірлестігі, Журналистер клубы, Ғылыми сарапшылар кеңесі, «Жомарт жан» орталықтары, Этномедиация кеңесі, Шығармашылық ұжымдар қауымдастығы, Студенттік ҚХА, Жас ғалымдар клубы бар.ҚХА мыңнан астам этномәдени бірлестікпен тығыз байланыс орнатқан.Еліміз бойынша 35 Достық үйі мыңнан астам этномәдени бірлестік үшін заманауи комьюнити-орталықтар ретінде қызмет етеді. 2024 жылы бұл орталықтарда 2 757 іс-шара ұйымдастырылып, оған шамамен 300 мың адам қатысты.2024 жылы ҚХА құрылымдарының қатысуымен 15 000-нан астам әлеуметтік маңызы бар іс-шара өтті, 700 мың адам қатысты.Елдегі төрт университеттің журналистика факультетінде «Этносаяси сауаттылық» атты арнайы курс енгізілді.Этносаралық қатынастар саласындағы маңызды бағыттардың бірі – қақтығыстардың алдын алудың тиімді тетігі ретінде этномедиацияны дамыту. 2024 жылы 233 кәсіби этномедиатор республикалық, өңірлік және жергілікті деңгейде даярлықтан өтті. Сондай-ақ 30 семинар мен тренинг өткізіліп, 1 207 адам оқытылды.Этносаралық қатынастардың жай-күйін объективті бағалау мақсатында 2 социологиялық зерттеу жүргізілді, өңірлерге 10 мониторингтік сапар жасалып, олардың қорытындысы бойынша мемлекеттік органдарға тиісті ұсыныстар берілді.Зерттеу нәтижелері бойынша ел азаматтарының 97,3%-ы этносаралық жағдайды тұрақты және қолайлы деп бағалады.Этносаралық мәселелер бойынша 80 өңірлік ақпараттық-түсіндіру тобы 160 мыңнан астам адам қатысқан 3 000-нан астам іс-шара өткізді. Олар конференциялар, кездесулер, семинарлар, кеңестер, дөңгелек үстелдер және басқа да форматтарда өтті.Министрлік нәсілдік кемсітушіліктің барлық түрлерін жою туралы халықаралық конвенцияны орындау және антидискриминациялық заңнаманы талқылау мәселелері бойынша тұрақты ведомствоаралық жұмыс тобын құрды. Жұмыс қорытындысы бойынша осы саладағы заңнаманы жетілдіруге арналған ұсыныстар әзірленді.Қазақстанда қоғамдық келісім мен этносаралық өзара іс-қимылды нығайту жөніндегі жүйелі жұмыс 2025 жылы да жалғасын табады. Қазақстан Республикасының Президенті Қ.К.Тоқаевтың төрағалығымен ҚХА-ның XXXIV мерейтойлық сессиясы өткізіледі. Бұл – ұлттық бірлікті дамытудағы басым бағыттарды айқындайтын негізгі іс-шаралардың бірі болмақ.ҚХА-ның 30 жылдығына дайындық аясында 400-ден астам ірі іс-шараны ұйымдастыру бойынша жоспар әзірленіп, бекітілді. Сонымен қатар, ҚХА Антологиясы мен мерейтойлық медалі шығарылады.Биыл ақпараттық-түсіндіру жұмыстарына, мемлекеттік органдар мен қоғамдық құрылымдардың этностарды қазақстандық қоғамға интеграциялау тиімділігін арттыруға, сондай-ақ этносаралық тұрақтылықты қамтамасыз етуде азаматтық қоғамның рөлін күшейтуге ерекше назар аударылады.Бұл саладағы кәсіби мамандарды дамыту үшін ҚХА Журналистер клубы аясында 200-ден астам журналист оқытылады, ал этносаралық қатынастар саласындағы 1000-нан астам кәсіби келіссөз жүргізушінің біліктілігі арттырылады.2025 жылғы негізгі басымдықтардың бірі – салалық кадрларды даярлау. «Этносаясаттану» және «Этножурналистика» мамандықтары бойынша оқытылған мамандардың санын арттыру жоспарда бар.Сонымен қатар, ҚХА жобалары, Достық үйлері, лингвистикалық кабинеттер және басқа да мамандандырылған құрылымдар арқылы мемлекеттік тілді этносаралық қатынас тілі ретінде қалыптастыру жұмыстары күшейтіледі.Бұл міндеттер Қазақстан Республикасында қазақстандық патриотизмге, азаматтық бірлікке және ел халқының рухани-мәдени тұтастығына негізделген қоғамдық келісім мен жалпыұлттық тұтастықты қамтамасыз етуге мүмкіндік береді.ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/akimvko/press/news/details/948497

Риддер қаласындағы «Синегорье» демалыс базасында үш күнге созылған республикалық «Ассамблея Жастары» лагері – «ЭТНО WINTER CAMP» өтті. Бұл шара елдің түкпір-түкпірінен келген белсенділер мен еріктілерге өзара тәжірибе алмасып, жаңа білім алу мүмкіндігін сыйлады.Лагерьге Алматы, Шымкент қалалары мен Алматы, Атырау, Жамбыл, Қарағанды, Түркістан, Қостанай, Шығыс Қазақстан және Абай облыстарынан келген «Ассамблея Жастары» ұйымының белсенділері қатысты.Биылғы кездесу Қазақстан халқы Ассамблеясының 30 жылдығы мен Алғыс айту күніне орайластырылды. Үш күн бойы қатысушылар танымдық және ойын-сауықтық бағдарламаларға белсене атсалысты.- Лагерь ерекше әсерлі өтуде. Ұжымдық жұмысқа баулитын тренингтер, шешендік өнерді дамыту сабақтары, қызықты шеберлік сағаттары – мұның бәрі Шығыс Қазақстанның көркем жерінде, «Синегорье» демалыс базасында ұйымдастырылды! Мен көптеген талантты жастармен таныстым. Біз өңірлердегі экологиялық, патриоттық, қайырымдылық шараларын ұйымдастыру тәжірибесімен бөлісіп, жаңа идеялармен шабыттандық. Бұл кездесулеріміз әлі де жалғасын табады деп сенемін! – деді Жамбыл облысынан келген «Ассамблея Жастары» мүшесі Әзиза Исманова.Кездесулер мен интерактивті тренингтердің негізгі бөлігі нашақорлық, алкоголь және құмар ойындарға тәуелділіктің алдын алу тақырыбына арналды. Жастарға зиянды әдеттерден қалай сақтану керектігі және тәуелді адамдарға қандай көмек көрсетуге болатыны жөнінде тәжірибелі психолог-тренерлер кеңес берді.Сондай-ақ, табысты кәсіпкер Михаил Лунев жас қатысушыларға өз кәсібін ашу жөнінде практикалық семинар өткізіп, кәсіпкерлік қабілеттерді дамытуға көмектесетін әдебиеттерді ұсынды.Лагерьдің басты қонақтарының бірі – отандық актер, Қазақстан халқы Ассамблеясының белсендісі, домбырашы-ақын Даниэль Джеймс болды.Лагерьдің жабылу салтанатына Ішкі саясат басқармасының басшысы Ернұр Бурахан мен Риддер қаласы әкімінің орынбасары Қаныбек Төлеуханов қатысып, жастарды толғандырған экология, туризмді дамыту және басқа да маңызды сұрақтарға жауап берді.Бұл шара жастардың бірігуіне, жаңа бастамаларды дамытуға және ұлттық бірлікті нығайтуға бағытталған маңызды қадам болды.Ақпарат көзі : https://www.gov.kz/memleket/entities/akimvko/press/news/details/947906

Аймақтағы студенттерді Қазақстан халқы Ассамблеясының қызметіне тарту, ел жастарының өзіндік тұлғасын қалыптастыру және олардың бастамаларын қолдау мақсатында облыстағы үш жоғары оқу орны мен төрт колледжде «БІРЛІК POWER» студенттік ассамблеялары ашылды.Ассамблеяларды ашу аясында Өскемендік студенттер Дәулет Серікбаев атындағы Шығыс Қазақстан техникалық университетіндегі зертханаларға экскурсия жасап, ондағы технологиялық жетістіктермен танысты. Сонымен қатар, Қазақстан-Американдық еркін университетінде өткен студенттік ассамблеяның салтанатты ашылу рәсіміне қатысып, аймақтың белсенді жастарымен және «Ассамблея жастары» республикалық қоғамдық бірлестігінің төрағасы Тимур Жұмырбаевпен кездесті. Кездесу барысында ұйым төрағасы студенттерге студенттік ассамблея жастарының қызметі туралы баяндады.«БІРЛІК POWER» студенттік ассамблеяларының ашылуы аясында «Достық үйі – қоғамдық келісім орталығында» концерттік бағдарлама ұйымдастырылып, ассамблея қатарына қабылданған жастарға куәліктер табысталды.- Биыл Қазақстан халқы Ассамблеясының 30 жылдығы. Ассамблея жастардың бастамалары мен әлеуетін дамытуға ерекше көңіл бөліп келеді. Бүгін біз Шығыс Қазақстан облысында жеті жаңа студенттік ассамблея аштық. Қазіргі уақытта еліміздегі 50-ден астам ЖОО мен колледждерде осындай ассамблеялар құрылып, белсенді жұмыс істеп жатыр. «Ассамблея жастары» қозғалысы және жаңадан ашылған студенттік ассамблеялар жастарды қоғамдық келісім мен бірлікті сақтауға, жаңа бастамаларға ұмтылуға бағыттайды деп сенемін, – деді «Ассамблея жастары» бірлестігінің төрағасы Тимур Жұмырбаев.Ақпарат көзі : https://www.gov.kz/memleket/entities/akimvko/press/news/details/947910

Шығыс Қазақстан облысы жастарға білім алу, жұмысқа орналасу, әлеуметтік белсенділік пен жеке дамуға жағдай жасап, мемлекеттік жастар саясатын белсенді түрде жүзеге асыруда. 14 пен 35 жас аралығындағы жастар өңір халқының 24%-ын құрайтындықтан, бұл бастамалардың маңызы зор. Осы саладағы негізгі бағыттар мен жетістіктерді қарастырайық.Мемлекеттік жастар саясатының басым бағыттарының бірі – жастарға сапалы білім беру. Өңірде 3 жоғары оқу орны мен 36 колледж жұмыс істейді, онда 31 581 студент білім алуда. Бұл оқу орындары гуманитарлық және техникалық мамандықтар бойынша кең таңдау ұсынады.Шетелдік студенттерге ерекше көңіл бөлінеді. Өңірдегі жоғары оқу орындарында Ресей, Моңғолия, Қытай және Үндістан сияқты 17 елден келген 275 студент білім алуда. Бұл халықаралық алмасу мәдениаралық түсіністік пен достықты нығайтуға ықпал етеді.- Білім – өңірдің болашағының негізі. Біз жастарға тек білім беріп қана қоймай, оны өмірде қолдану мүмкіндігін жасау маңызды екенін түсінеміз. Осы тұрғыда біздің университеттер мен колледждер Шығыс Қазақстан мен бүкіл елдің дамуына үлес қосатын кадрларды даярлауда маңызды рөл атқарады, – деп атап өтті ШҚО әкімінің орынбасары Ербол Нұрғалиев.«Серпін» жобасы – өңірге қажетті мамандарды даярлауға бағытталған маңызды бастамалардың бірі. Қазіргі уақытта 588 студент осы бағдарлама аясында үш жоғары оқу орнында білім алуда. Болашақта жобаны қайта жандандыру жоспарланып отыр, бұл білім сапасын арттыруға және жастардың еңбек мобильдігін күшейтуге мүмкіндік береді.ШҚО-да жастар арасындағы жұмыссыздық деңгейі 3,7%-ды құрайды, бұл республика бойынша орташа көрсеткіштен төмен. 2024 жылы Жұмыспен қамту өңірлік картасы аясында 10 000-нан астам жаңа жұмыс орны құрылды, оның 2 935-і Мемлекет басшысының тапсырмасымен ашылды. Бұл жастардың әлеуметтік жағдайын жақсартуға айтарлықтай ықпал етеді.Сонымен қатар, жастарды жұмыспен қамтуға бағытталған ұлттық жобалар аясында 6 495 жас жұмыспен қамтылды, оның 4 130-ы тұрақты жұмысқа орналасты. Субсидияланған жұмыс орындары арқылы 2 345 жас маман еңбекке араласуға мүмкіндік алды.Кәсіптік оқыту бағдарламасы да маңызды рөл атқарады. 326 адам қысқа мерзімді курстардан өтіп, сұранысқа ие дағдыларды меңгерді.Жастардың бизнес бастамаларын қолдау мақсатында 100 млн теңгеден астам қаржыға 71 грант берілді. 2017 жылдан бастап жүзеге асырылып келе жатқан «Білікті маман» жобасы аясында 2 000-нан астам жасқа білім гранттары берілді. «Zhas Project» бағдарламасы шеңберінде жастар кәсіпкерлігін дамытуға бағытталған 14 табысты жоба жүзеге асырылды.Әлеуметтік осал топтағы жастар үшін жеке кәсібін дамытуға гранттар қарастырылған. Жалпы сомасы 1 572 800 теңге болатын 216 грант бөлу жоспарланып отыр.- Шығыс Қазақстан жастарының әлеуеті жоғары. Әрбір жас азаматтың әлеуметтік жағдайына қарамастан, өз идеяларын жүзеге асыру мүмкіндігі болуы керек. Біз бұл үшін барлық жағдайды жасап, білім беруді ғана емес, кәсіпкерлік пен әлеуметтік бастамаларды да қолдаймыз, – деді Ербол Нұрғалиев.Жастар саясатының маңызды бағыты – жастардың әлеуметтік өмірге белсенді қатысуы. Өңірде 2 000-нан астам еріктіні біріктіретін волонтерлік фронт-офис жұмыс істейді. Сонымен қатар, жастардың жеке және кәсіби дамуына қолдау көрсететін 14 жастар ресурстық орталығы бар, онда 143 қызметкер жұмыс істейді.«Дипломмен – ауылға» бағдарламасы аясында 2025 жылдың 1 қаңтарына дейін 1 060,1 млн теңге сомасында 133 несие берілді. Бұл ауылдық жерлерде жұмыс істегісі келетін жастарға айтарлықтай қолдау көрсетеді. Сонымен қатар, ауылдарда жастарды тұрақтандыру және жергілікті экономиканы дамыту үшін көтерме жәрдемақылар қарастырылған.2025 жылы мемлекеттік бағдарламалар аясында жаңа жұмыс орындары ашылып, кәсіптік оқыту мүмкіндіктері кеңейтіледі. Жұмыспен қамту өңірлік картасы шеңберінде жастар үшін 282 жаңа жұмыс орнын құру жоспарлануда.Шығыс Қазақстан облысында жастар саясаты ұзақ мерзімді даму стратегиясына негізделген. Қолдау тек білім мен жұмыспен қамтумен шектелмей, көшбасшылық қасиеттерді дамытуға, волонтерлік қызметке және кәсіпкерлік бастамаларға бағытталған. Бұл шаралар қазіргі заманғы сын-қатерлерге төтеп бере алатын, өз болашағын қалыптастыруға белсенді қатысатын жаңа буынды қалыптастыруға мүмкіндік береді.Шығыс Қазақстан облысы мемлекеттік жастар саясатын жүзеге асырудың табысты үлгісі ретінде жастардың әлеуетін ашып, олардың болашағына мүмкіндік жасауда.Ақпарат көзі : https://www.gov.kz/memleket/entities/akimvko/press/news/details/947446

Кеше, 26 ақпан күні ҚР Цифрлық даму, инновациялар және аэроғарыш өнеркәсібі министрлігінде Қазақстан Республикасының Мемлекеттік қызмет істері агенттігі Төрағасының 2025 жылғы «15» қаңтар № 7 бұйрығымен бекітілген Әдеп жөніндегі уәкілдердің 2025 жылға арналған үлгілік жұмыс жоспарының 2-тармағының 2.9) тармақшасы негізінде мемлекеттік қызметшілердің қоғамдық орындарда алкогольдік және есірткілік, және (немесе) уытқұмарлық масаң күйде болуының алдын алу және оған жол бермеу бойынша профилактикалық жұмыс жүргізу, есірткі құралдардың, психотроптық заттарды, олардың аналогтарын, прекурсорларды медициналық емес мақсатта тұтыну, көлік құралын алкогольдік және (немесе) есірткілік, және (немесе) уытқұмарлық масаң күйде басқарудың алдын алу мақсатында Құқық қорғау қызметкерлерін тарта отырып семинарлар мен тренингтер ұйымдастыру туралы тапсырмасына сәйкес «Есірткіні, психоактивті заттарды қолданудың салдары» тақырыбында семинар өтті.Семинарға арнайы шақыртумен келген Астана қаласының Полиция Департаменті Есірткі қылмысына қарсы іс-қимыл басқармасының аса маңызды істер жөніндегі аға жедел уәкілі, полиция подполковнигі Әлия Қибатқызы нашақорлықтың алдын алуға және есірткінің заңсыз айналымы саласындағы қылмыстарды анықтау бағытында жүргізіліп жатырған көптеген іс-шаралар мен нашақорлықтың алуан түрлері туралы және олардың адам ағзасына, психикасына, әлеуметтік өміріне тигізетін зиянды әсерлері жөнінде жан-жақты айтып өтті.Сонымен қатар, өткен жылы және жыл басынан бері Астана қаласында тіркелген есірткі қылмысы, соның ішінде есірткі өткізу фактісі, сондай-ақ есірткінің синтетикалық түрлерімен байланысты құқық бұзушылыққа және заңсыз айналымнан қанша есірткі заттары, соның ішінде қанша «синтетика» тәркіленгеніне жалпы есірткі қылмысының ауқымы туралы статистикалық мәліметтер келтірді.Сондай-ақ, құқық қорғау қызметкері семинар барысында қатысушыларға есірткіні жарнамалайтын яғни синтетикалық есірткілерді сатумен айналысатын парақшалар, граффити суреттері, маркалар, мөрлер, QR кодтар, билбордар үлгілері мен интернет-сайттар жөніндегі видео роллик көрсетіп, оларды анықтау және жою мақсатында жүргізілетін профилактикалық рейдтер туралы да айтты.Семинар спикері Ә. Қибатқызы қылмыскерлер есірткіні тасымалдау мен өткізудің және жасырудың әртүрлі тәсілдері мен әдістерін ойлап тауып, үлкендермен қатар жас ұрпақтың азғындануына әкеліп соқтыратын ғасыр дертіне қоғам болып қарсы тұруға, салауатты өмір салтын насихаттауға, жастарды жаман әдеттерден сақтауға бағытталған жұмыстарды жүйелі түрде жүргізу керектігіне тоқталып, әрбір ата-ананы отбасындағы бала тәрбиесіне көңіл бөлуге шақырды.Семинарға қатысушыларға Астана қаласы Полиция Депаратментінің Есірткі қылмысына қарсы іс-қимыл басқармасының тақырыпқа байланысты жүргізіліп жатырған жұмыстар туралы ақпарат беріп, мемлекеттік қызметкерлердің сұрақтарына тұшымды жауап берген семинар спикері полиция подполковнигі Әлия Қибатқызына алғысымызды білдіреміз. Жансая Қаршығақызы МолдағалиеваҚазақстан Республикасы Цифрлық даму, инновацияларжәне аэроғарыш өнеркәсібі министрлігінің Әдеп жөніндегі уәкілі Ақпарат көзі : https://www.gov.kz/memleket/entities/mdai/press/news/details/947518

Биыл Шығыс Қазақстан облысында балабақшаларда тағы 1500-ге жуық жаңа орын ашу жоспарлануда. Облыстық әкімдікте «Әр балаға қолжетімді сапалы білім» атты ұлттық есептің өңірлік жол картасын жүзеге асыру мәселелері талқыланды.Басты тақырыптар – балабақшалар мен мектептерде жаңа орындар ашу, инклюзивті және қосымша білім беруді дамыту, сондай-ақ мектеп инфрақұрылымын жаңарту.ШҚО білім басқармасының басшысы Инесса Чернышеваның айтуынша, өткен жылы өңірде 1970 жаңа орын ашылды, ал 2025 жылы тағы 1499 орын қосу көзделген, оның 127-сі қазірдің өзінде дайын. Алайда облыста балабақша кезегінде тұрған балалар саны әлдеқайда көп – 2-3 жас аралығындағы шамамен 2000 бала.– Ата-аналарға ыңғайлы болу үшін біз «Балабақша» цифрлық платформасын енгізіп жатырмыз, онда балаларды тіркеп, кезекке қоюға болады. Сондай-ақ білім беру үдерісіне баланың цифрлық даму картасы енгізілді. Педагогтерді даярлау үшін 10 біліктілік орталығы ашылды. Наурыз айында Өскеменде ваучерлік қаржыландырудың пилоттық жобасын іске қосамыз, – деді Инесса Александровна.Облыста барлығы 343 мектеп бар, олардың басым бөлігі шағын жинақты. Апаттық немесе үш ауысымды мектептер жоқ, бірақ орын тапшылығы 6 мыңнан асады. 2024 жылы Өскеменде 600 орындық жаңа мектеп ашылды, биыл тағы 500 орындық екі мектеп салынбақ. Сонымен қатар 2100 орынға арналған бес жайлы мектептің құрылысы аяқталды, ал 900 орындық екі мектептің құрылысы жалғасуда.Мектеп инфрақұрылымы да жаңартылып жатыр. 50 мектепте асханалар, кітапханалар мен оқу кабинеттері жөнделді. Барлық мектептер интернетке қосылған, ал 109 мектеп «Әлеуметтік әмиян» жүйесіне енгізілмек. Бұл бастама аз қамтылған отбасыларға мектеп формасы мен оқу құралдарын сатып алуға мемлекеттік қолдау алуға мүмкіндік береді.2023-2024 оқу жылында білім беру саласына демеушілерден 2,6 млрд теңге тартылды. Биыл өңірдегі 21 мектепте күрделі жөндеу жұмыстары жүргізіледі. Жалпы, мектептерді жаңартуға шамамен 5 млрд теңге қажет.Жұмысшы мамандықтары жылы аясында 2024 жылдың қыркүйегінен бастап өңір мектептерінде «Болашақ мамандары» бейінді оқыту орталықтары ашыла бастайды. Бұл орталықтар әр ауданның кадрлық қажеттіліктеріне сай құрылмақ.Облыс әкімі Нұрымбет Сақтағанов өңірдегі білім беру саласында қордаланған мәселелер бар екенін атап өтіп, басқарма басшылығын жұмысты тиімді ұйымдастыруға шақырды. Сонымен қатар, мектептердегі тәртіп мәселесін де назардан тыс қалдырмау керектігін айтты.–Директорлардың жұмыс тиімділігі тек ҰБТ нәтижелері бойынша ғана емес, балалардың қаншалықты ұйымшыл және тәртіпті екендігіне қарай да бағаланады. Егер бұл бағыттағы жұмыстарды үйлестіруге мән бермесек, лайықты ұрпақ тәрбиелеу туралы айту қиын, – деді облыс әкімі.Тағы бір өзекті мәселе – инклюзивті білім беруді дамыту. Өңірде ерекше білім беру қажеттілігі бар 12 мыңнан астам бала тұрады. Оларға 4 психологиялық-медициналық-педагогикалық кеңес беру орталығы мен 5 арнайы балабақша қызмет көрсетуде. Сонымен қатар 9 ауданда психологиялық-педагогикалық түзету кабинеттері ашылған. 2025 жылы Катонқарағай және Марқакөл аудандарында осындай жаңа кабинеттер ашу жоспарланып отыр.Ақпарат көзі : https://www.gov.kz/memleket/entities/akimvko/press/news/details/945471

ШҚО-да прокуратура мен есірткі қылмысына қарсы іс-қимыл басқармасы есірткі саудасын анықтау және жолын кесу бойынша ауқымды жұмыстар жүргізуде. Нәтижесінде Өскемен қаласы бойынша жыл басынан бері 17 қылмыстық іс тіркелді, 7 іс сотқа жіберілді, 10 адам сотталды, 6 келіден астам синтетикалық есірткі және 78 кг марихуана тәркіленді.Бұл туралы бүгін Өскемен көпсалалы технология колледжінде өткен студенттермен кездесуде Өскемен қалалық прокуратурасының аға прокуроры Сергей Упоров мәлім етті.Шараны ұйымдастырған Облыстық жастар ресурстық орталығының бөлім басшысы Ермек Асқаровтың айтуынша, «Нашақорлыққа жол жоқ!» республикалық акциясы аясында облыстық фронт-офис волонтерлері облыс прокуратурасының өкілдерімен және Полиция департаментінің нашақорлық қылмыстарға қарсы күрес басқармасының мамандарымен бірге 100-ден астам нашақорлыққа жарнамалайтын граффити жазбаларын жойған, түсіндірме жұмыстарын жүргізген.Шара барысында есірткі қылмысына байланысты жауапкершілік туралы түсіндіру жұмыстары жүргізіліп, жастардың қылмысқа қалай тартылатыны жөнінде ақпарат берілді.- Өткен жылдың басынан бастап облыстық прокуратура есірткі қылмысына қарсы күрес басқармасымен бірлесіп, 100-ден астам есірткі сайтының жұмысын тоқтатты. Сондай-ақ, есірткі тасымалдаумен, таратумен айналысатын адамдарды, наркоқойма иелерін, есірткі орамасын жасырушыларды, ұйымдасқан қылмыстық топ жетекшілерін анықтау бойынша шаралар атқарылуда. Бұдан бөлек, қала бойынша әр ауданда есірткі жарнамасына қарсы рейдтік шаралар жүргізіледі. Бұл бағыттағы жұмыстар алдағы уақытта да жалғасын табады, - деді аға прокурор Сергей Упоров.Ресми дерек бойынша, Қазақстанда 18 мыңнан астам нашақор тіркелген, алайда нақты саны 150 мыңға дейін жетуі мүмкін. Прокуратураның ақпараты бойынша, бүгінде нашақорлық диагнозымен Өскемен қаласы бойынша 900 адам есепте тұр, оның ішінде 36-сы – кәмелетке толмағандар.Есірткінің зиянын бәрі біледі, бірақ соған қарамастан, нашақорлардың саны жыл сайын артып келеді.– Есірткі – ағзаны толықтай жоятын аса қауіпті у. Тәуелділік кейде бір рет қолданғаннан кейін-ақ пайда болуы мүмкін. Нашақорлар арасындағы өлімнің себептері - АИТВ (ВИЧ), гепатит, инсульт, жүрек тоқтауы, бауыр мен бүйректің бұзылуы. Бастапқыда есірткі адамға жалған сергектік беруі мүмкін. Бірақ көп ұзамай селқостық, депрессия, бұлшықеттің құрысуы, ұйқысыздық, ағзаның толық әлсіреуі сияқты ауыр зардаптары пайда болады. Осы белгілерден арылу үшін адам есірткіні қайта қолданады, осылайша тәуелділіктің тұзағына түседі. Нашақорлардың балалары көбіне физикалық және психикалық ақаулармен туады. Қазір облыс бойынша 1300-ден астам есірткіге тәуелді адам есепте тұр. Оның ішінде 900 адам - Өскемен қаласы бойынша. Медициналық емдеуден бөлек, нашақорларға психологиялық көмек көрсетіледі. Бұл олардың қалыпты өмірге қайта оралуына көмектеседі, - деп атап өтті Психикалық денсаулық орталығының нарколог дәрігері Зоя Владимировна.Дүниежүзілік статистикаға сәйкес, есірткіге тәуелді 10 адамның тек біреуі ғана оңалтудан сәтті өтеді. Сарапшылардың пікірінше, синтетикалық есірткі героиннен ондаған есе қауіпті. Оны қолданушылар орта есеппен бес жылдан артық өмір сүрмейді.Есірткіні заңсыз сақтау және тарату үшін 5 жылдан 10 жылға дейін бас бостандығынан айыру және мүлкін тәркілеу жазасы қарастырылған.Қоғамдық орындарда таратқан жағдайда жаза 10 жылдан 15 жылға дейін бас бостандығынан айыруды қамтиды. Егер есірткі қылмыстық топ құрамында таратылса, білім беру мекемелерінде немесе кәмелетке толмағандарға сатылса, 15 жылдан 20 жылға дейін немесе өмір бойына бас бостандығынан айыру жазасы тағайындалады.Есірткі қылмысына ең жиі тартылатын адамдар 18 бен 35 жас аралығындағы жастар. Елімізде Бас прокуратураның «Нашақорлыққа жол жоқ» жобасы іске асырылуда. Бұл жоба жастар арасында алдын алу шараларын жүргізуге, интернет арқылы есірткі сататын ресурстарды анықтауға, тыйым салынған заттардың жарнамасы бар граффитилерді жоюға және басқа да шараларға бағытталған.Ақпарат көзі : https://www.gov.kz/memleket/entities/akimvko/press/news/details/945601

Бүгін, 23 ақпанда өңір басшысы Нұрдәулет Қилыбай Маңғыстау облыстық мүгедектер спорт клубына барып, оның жұмысымен танысты.Аталмыш спорт клубы 2005 жылдан бері жұмыс істеп келеді. Қазіргі таңда мұнда 482 мүмкіндігі шектеулі азамат тұрақты түрде жаттығады. Олардың қатарында көру және есту қабілеті нашар спортшылар, тірек-қимыл аппараты зақымданған азаматтар, ерекше балалар және сауықтыру тобындағы спортшылар бар.Қазіргі таңда клубтың балансында мүмкіндігі шектеулі спортшыларды тасымалдауға арналған екі арнайы автокөлік бар. Мұнда параспортшылар үшін қолайлы жағдай жасалып, 15 түрлі спорт түрін дамытуға мүмкіндік қарастырылған. Атап айтқанда, отырып ойнайтын волейбол, жеңіл атлетика, үстел теннисі, пауэрлифтинг, тоғызқұмалақ, шахмат, дойбы, бадминтон, шағын футбол, бочча, жүзу, голбол, қол күрес, дзюдо, грек-рим күресі сияқты спорт түрлері бойынша жаттығулар жүргізіледі.Сондай-ақ, клуб спортшылары әлемдік және республикалық деңгейде жоғары нәтижелерге қол жеткізіп келеді. Бүгінде мұнда 2 ҚР еңбек сіңірген жаттықтырушысы, 15 халықаралық дәрежедегі спорт шебері, 43 спорт шебері және 53 спорт шеберлігіне үміткер спортшы бар.Облыс әкімі Нұрдәулет Қилыбай мүмкіндігі шектеулі азаматтардың спортпен айналысуына қолайлы жағдай жасау үшін жауапты басқарма басшысына бірқатар тапсырма жүктеді.- Мүмкіндігі шектеулі жандардың клубына бір клуб аздық етеді сондықтан, қосымша тағы бір ангардың құрылысын салу үшін құжаттар дайындаңыздар. Қазіргі таңда мүмкіндігі шектеулі азаматтар әртүрлі спорт түрлері бойынша әр жерде жаттығуға мәжбүр. Олардың басын қосып, барлық жағдай жасалған бірыңғай спорт орталығын құру қажет. Сондай-ақ, шетелдік мамандарды тартып, спортшылардың шеберлігін шыңдап, жаттығу сапасын көтеру керек, – деді Нұрдәулет Қилыбай.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/944211