Дүниежүзілік сауда ұйымы (ДСҰ) Бас директорының орынбасары Алан Вулф ағымдағы жылдың 24 қыркүйегінде Алматы қаласына келу барысында Халықаралық бизнес университетінде (UIB) дәріс оқыды. Лекцияның негізгі тақырыбы ДСҰ-ның қарқынды дамып келе жатқан заманауи әлемде  алатын рөлі туралы болды. ДСҰ  бүгінгі таңда өзекті болып табылатын, сауданы шектейтін протекционистік шаралардың өсуі,  қаржы дағдарысы,  электронды сауда, қоршаған ортаны қорғау сияқты  мәселелерді талқылайтын маңызды алаңы болып табылады. ДСҰ-на мүше-елдер, қазіргі заманғы шындықтар  Ұйымнан иілімді де заманауи шешімдер  қабылдауды талап ететінін, түсінуде.  Осыған байланысты ДСҰ мүше-едердің көпшілігі жоғарыда аталған мәселелерге қатысты  институциональдық өзгерістерге, саяси еркіндіктерін білдіруде.Өз сөзінде Алан Вулф Қазақстанның ДСҰ жұмысына белсене  қатысып отырғанын ерекше атап өтті. Еліміздің ДСҰ-ның жас мүшесі болып табылатынына қарамастан,  Қазақстан ДСҰ жұмысына, атап айтқанда  техникалық ынтымақтастықты ұйымдастыру жұмысына  қомақты үлес қосуда.Биыл Қазақстан  ДСҰ-ның қызметтерді саудалау  ережелерін әрі қарай реформалау жөніндегі келіссөздер тобына жетекшілік жасауда. Қызметтер нарығының сауданың өсуі үшін әлеуеті орасан зор,  тиісініше  осы салада сауданы ырықтандыру ДСҰ-ға мүше барлық елдің  экономикалық өсуіне  серпін бере алады.Бас директордың орынбасары, ДСҰ атынан Орталық Азия, Кавказ және Шығыс Еуропа елдеріне арналған ДСҰ-ның Аймақтық сауда саясатын жүзеге асырудағы жемісті серіктестігі үшін, UIB-ге алғысын білдірді. Аймақтық курстарға 70-тен астам мемлекеттік қызметші қатысты және осы саладағы білімін арттырды. Қорытындылай келе, ол  ДСҰ-ның 12-ші Министрлер Конференциясын өткізуші ел  ретінде сайлануына байланысты халықаралық сауда жүйесінде Қазақстанның ерекше  рөл атқаратынын атап өтті.  Министрлер конференциясы маңызды шешімдер қабылдайтын,  әлемнің барлық елдерінің  сауда саясатына әсер ететін  ДСҰ-ның жоғары басшы органы болып табылады. Ақпарат көзі : https://www.gov.kz/memleket/entities/economy/press/news/details/10911?lang=kk

Бүгін Алматы әкімдігі мен Алматы қалалық соты дау - жанжал мен шиеленісті сотқа дейін және соттан тыс реттеу институттарын енгізу және дамыту туралы меморандумды бекітті.Меморандумға Алматы әкімі Бауыржан Байбек пен Алматы қалалық сотының төрағасы Ақжан Ештай өз қолдарын қойды.Шара барысында Алматы әкімі ынтымақтастық жөніндегі меморандумның басты мақсаты қоғамдық өзара келісім мен тұрақтылықты қамтамасыз ету екенін атап өтті.«Дауды соттан тыс реттеудің бір әдісі - медиация. Бұл тәсіл бізге ежелден таныс, өйткені сонау тарихи кезеңдерде өзара дау-жанжал мен шиеленісті билер мен ақсақалдар ақылдасып, шешіп отырған. Біздің азаматтарымыз арадағы шиеленісті ушықтырып, сотқа нмесе әкімдікке жүгінеді. Сондықтан, Мемлекет басшысы айтып өткендей, мемлекеттің үш тұғыры бар. Олар- билік, бизнес және азаматтық қоғам. Міне, бұлар өзара түсіністікпен жұмыс істеулері тиіс, сонда нәтиже де жоғары болады», - деді Б.Байбек.Жасалған келісім нгезінде қалалық әкімдік пен қалалық сот тұрғындар арасында түсінік жұмыстарын жандандырып, Алматының аудандық әкімдіктерінде медиация кабинеттерін ашатын болады. Бұл жұмысты одан әрі дамыту үшін үкіметтік емес сектор мен азаматтық қоғамдастық өкілдері кеңінен тартылады.Анықтама:Медиация – дау-жанажал мен кикілжің орын алған жағдайда екі жаққа да пайдалы шешім шығару. Егер елдің әлеуметтік- саяси құрылымы медиацияға негізделсе, онда азаматтық институттар жақсы дамыған деген пікір ежелден қалыптасқан. Ақпарат көзі : https://www.gov.kz/memleket/entities/almaty/press/news/details/10814?lang=kk

Бүгін Алматыда блиц- шахматтан ҚР-ның Тұңғыш Президенті атындағы Евразия кубогі үшін әлемнің 30 елінің үздік 100 гроссмейстер лері өзара сайысқа түседі. Сонымен, мегаполиске Германия, Болгария, Украина мен Франция, Индия, Люксембург, Испания және басқа да елдердің өкілдері келді.Алқалы жарыстың ашылу салтанатында ҚР Мәдениет және спорт министрі Арыстанбек Мұхамедиұлы, Алматы әкімі Бауыржан Байбек, ФИДЕ-нің Халықаралық шахмат федерациясының президенті Кирсан Илюмжинов, шахмат шылар мен қоғам өкілдері болды.Өзінің сөзінде Б.Байбек тұлға ретінде қалыптасуда шахматтың ролі зор екендігін айтты.«Шахмат – адамның мүмкіндіктерін ашатын маңызды ойын. Шахматпен айналысатын бала оқуда үздік, еңбекқор, жігерлі, ойлы, болашағы зор. Шын мәнісінде, шахмат тақтасы - көптеген мәселелерді ойланып шешудің таптырмас жолы. Шахматтан әлем чемпионының бірі формасы жағынан шахмат – ойын, мазмұны жағынан-өнер, күрделілігі жағынан –ғылым деген еді. Мен осынау қағиданы толық қолдаймын», - деді әкім.Халықаралық гроссмейстер Анатолий Карпов Алматыда, жалпы қазақ жерінде шахматтың кең қанат жайғандығын айтты.«Қазақстан Президентінің Кубогі үшін танымал шахматшылардың Алматыға келуінің өзі үлкен оқиға. Алматының шахматтық дәстүрі өте жоғары. Біз мұнда шахматты барлық бағыттар бойынша дамытудамыз, осы жақында білім орталығын аштық. Алматы расында да спорт орталығы, әлемге танымал «Медеу» мұз айдыны мен «Шымбұлақ» курортының өздері неге тұрады!. Алматыға келіп, жаңа рекордтарға жетіңіздер», - деді А.Карпов.Жарыс The Ritz-Carlton отелінде, маусымның 18—19 күндері өтеді. Қазақстанға Қытайдан әйелдер арасындағы әлем чемпионы Хоу Ифань алғаш рет келді. Алматыға Европа чемпионы Ян Непомнящий, блицтан үш дүркін әлем чемпионы Александр Грищук, әлем Кубогінің иегері Петр Свидлер, әлем чемпионы Пономарев Руслан (Украина), Касымджанов Рустам (Өзбекстан), Ван Хао (Қытай), Ле Куанг Льем ( Вьетнам), Борис Гельфанд (Израиль), Шахрияр Мамедьяров (Әзербайжан) ат басын тіреді.Жарысқа Австралия, Армения, Қазақстаннан құралған халықаралық арбиторлар бригадасы — Ашот Вардапетян, Флюра Хасанова, Джими Кенмур төрелік жасайды. Кубокты ұйымдастырушылар — Қазақстанның шахмат федерациясы мен академик Шахмардан Есеновтың ғылым мен білім қоры.Шахмат бәсекесіне ардагерлермен бірге еліміз бен Азия чемпиондары болып үлгерген Әсел Серікбай, Назерке Нұрғали, Әсел Лесбекова, Казбек Нөгербек, Рамазан Жалмаханов сынды жас шахматшылар да қатысуда.Ақпарат көзі : https://www.gov.kz/memleket/entities/almaty/press/news/details/10804?lang=kk

Алматыда жыл сайынғы дәстүрлі «Жас түлек» фестивалі өтті.Алматы әкімі Бауыржан Байбек «Алтын белгі мен» 254 түлекті марапаттады. Биыл орта білім жөніндегі кәмелеттік атестатты Алматы мектептерінің 6810 түлегі алды.Мегаполис басшысы жиналғандарды оқу жылының аяқталуымен және ҰБТ қорытындыларымен құттықтады. Алматы жалпы білім беруде бесінші рет қатарынан Қазақстандағы ең үздік қала атанды. ҰБТ бойынша қалада орташа балл 96,2, болса, республикада 81,2 балл деңгейінде.«Биыл «Алтын белгі» алуға үміткер 297 алмат ылық түлектің 254 -і немесе 85,5% өздерінің жоғары білімдерін дәлелдеді. Оның үстіне, біздің 6 түлегіміз ең жоғары 125 балла жинап, рекорд жасады. Жалпы, республика бойынша 19 түлек осындай жоғары баллға қол жеткізді, олардың үштен бірі- алматылық оқушылар. ҰБТ қорытындысы бойынша біздің оқушыларымыз бесінші жыл қатарынан республикада бірінші орында келеді. Төккен тердің өтеуі деген, міне, осы!», - деді Б.БайбекБиыл қала әкімінің сыйлығын 10 мектептің педагогикалық ұжымдары алады. Өткен жылы 1,5 мың жас мұғалім мен 500 үздік педагог марапатқа ие болған еді.Естеріңізге сала кетейік, «Алтын белгі» Алматыда 86%-ға дәлелденді, республикада - 51,6%. Әрбір екінші алматылық түлек 100 балл, әрбір оныншы 124 балл, ал 6 түлек абсолютті нәтиже – 125 балл жинады. 125 балл жинағандар - Маткалиева Динара Маратқызы -№ 12 арнайы гимназия, Мейрханова Аружан Ерланқызы, Оспанова Рамзия Рамазанқызы - №159 гимназия, Мазамбетов Қалдыбек Ибрагимұлы - №169 мектеп- лицей, Мұхамедқали Еркежан Дүйсенқызы - № 175 «Жаңа Ғасыр» гимназиясы, Түгелбай Фариза Абайқызы - № 178 лицей.«Жас түлек» фестивалі қазақстандық өнер жұлдыздарының концертіне ұласты.Ақпарат көзі : https://www.gov.kz/memleket/entities/almaty/press/news/details/10790?lang=kk

Бүгінгі күні Алматыда 4 мыңдай ҮЕҰ бар немесе олар барлық қазақстандық қоғамдық ұйымдардың 20%-дан астамын құрайды. Аталған құжатты қабылдау азаматтық қоғам, дін салалары мен жастар арасында үздік практиктерді, мемлекеттік саясатты жүзеге асырудың формаларын мен механизмдерін прайдалана отырып, ынтымақтастық мүмкіндігін кеңейтуге ықпал етеді.Жиын барысында Бауыржан Байбек Алматы әкімдігінің қаланың қоғамдық ұйымдарымен ынтымақтастықты нығайту жөнінде нақтылы ұсынысы бар екенін және оны әлеуметтік бастамаларды қолдау арқылы орындауға болатындығын атап өтті. Ол мұның диалог мәдениеті мен жауапкершілікті арттырудағы маңызы шарт екенін айтты.«Ашықтық, есептік және азаматтық қоғамды барынша кеңінен тарту - біздің жұмысымыздың басты қағидалары. Қазіргі кезде барлық әлеуметтік маңызы бар жобалар мен шешімдер қаланың Қоғамдық кеңесінен сараптамасынан өтуде. Мегаполисті дамытудың «Алматы-2020» стратегиялық бағдарламасы алғаш рет қала тұрғындары арасында кеңінен қоғамдық талқылаудан өткен соң ғана қабылданды», -деді мегаполис әкімі.Өз кезегінде Дархан Қалетаев Жол картасында бірқатар біріккен шаралар өткізу қарастырылғанын айтты. Мәселен, Алматыда Азаматтық орталықты ашу, ҮЕҰ өкілдерін үйрету үшін семинарлар өткізу және қала университеттерінің «U38» Альянсымен ынтымақтастық орнықтыру жоспарланған.Дін саласында қала имамдарының кәсіби біліктілігін артыру үшін курстар, республикалық семинарлар мен тренингтер өткізу, ақпараттық-түсіндіру материалдарын жасау жоспарланған. Жастар саясатын жүзеге асыру аясында ТМД мемлекеттері қатысушылары жастарының Форумын және еріктілердің республикалық слетін ұйымдастыру белгіленген.Ақпарат көзі : https://www.gov.kz/memleket/entities/almaty/press/news/details/10736?lang=kk

Соңғы бір жарым жылда Санжар Тоғай Алматы қаласы Жетісу ауданы әкімінің орынбасары болып жұмыс істеді. Әр жылдары Астана қаласының, Алматы және Павлодар облыстарының әділет органдарында, Парламент Мәжілісінің және Қазақстан Республикасы Президенті Әкімшілігің аппараттарында қызмет атқарды.Наурызбай ауданы жаңа әкімінің алдына бірқатар міндеттер қойылды, соның ішінде кәсіпкерліктің, мәдениет пен спорттың жаңа нысандарын, тұрғын үйлер, медицина және басқа да оқу орындарын салу қажет. Сумен қамтамасыз ету жүйесі құрылысын одан әрі жалғастыру, Абай даңғылын үңгілеу жобасын уақтылы және сапалы жүзеге асыру тапсырылды. Бизнестің Жол картасы-2020 жобасы аясында кәсіпкерлікті қолдау ісін барынша күшейткен жөн.Соңғы үш жылда Наурызбай ауданында бюджетке құйылатын салық түсімі 11 есе артты, жұмыс істейтін шағын және орта кәсіпорындар саны 6 есе өсті, негізгі капитал инвестициясы 4 есе ұлғайды.Өткен жылы ауданның жаңа әкімшілік-іскерлік орталығы ашылды, бизнестің әлеуметтік жауапкершілігі аясында бірнеше мектеп пен емхана салынды. Қазіргі кезде 1200 орынды тағы бір мектептің, 320 орынды бала бақшаның, медициналық жедел жәрдем станциясы мен өрт сөндіру депосының құрылысы жүруде.Қарғалы өзенінің жағалауында аудан тұрғындары үшін жаңа демалыс орны пайда болды. Төрт саябақ пен скверлер ашылды, 43 аула жөнделіп, абаттандырылды, ауданның 190 км жолына асфальт төселді.Осының барлығы ауданның инвестициялық тартымдылығын арттырды, қызмет көрсету сапасы қала стандартына теңелді, ауданның 160 мыңнан астам тұрғыны жақсы әлеуметтік жағдайды сезінді.Ақпарат көзі : https://www.gov.kz/memleket/entities/almaty/press/news/details/10717?lang=kk

Мерекелік шеру сағат 10.00-де Жібек жолы мен Абылайхан көшелерінің қилысында басталады, мұнда ерте келгенедердің барлығы балалардың шығармашылық ұжымдарының өнерін тамашалайды. Бұдан кейін шеру жаяу жүргіншілердің қайта жаңарған Панфилов көшесімен жүріп өтіп, Астана алаңында ерекше флэшмобпен аяқталады.Қала тұрғындары мен қонақтары алдында отандық эстрада жұлдыздары, соның ішінде Сәкен Майғазиев, Серік Ибрагимов, Нұрболат Абдуллин, Серікбол Сайлаубек, Бейбіт Кушкалиев, МузАрт Life, мектептің «SMart» балалар хоры және көптеген басқалар өнер көрсетеді. Ең кішкентай қоанқтар үшін түрлі интерактивті ойындар мен конкурстар ұйымдастырылады.«Ерекше динамикалық аранжировка мен хореография, костюмді театрландырылған қойылымдар мен шоу бағдарлама меркелік көңіл күйді көтереді, қала тұрғындары мен қонақтары мегаполистің оркестрлік бірлестігін көретін болады», - деп атап өтті Алматы қаласының Білім басқармасы.Балалардың мерекелік шараларын өткізуге қатысты 31 мамыр мен 1 маусымда таңғы сағат 8.00-ден сағат 13.00-ге дейін мына көшелердің бірқатар учаскелері уақытша жабылатын болады:- Панфилов көшесі (Гоголь, Әйтеке би, Қазыбек би көшелерінің қиылыстары);- Төле би көшесі (Панфилов пен Абылай хан көшелерінің арасы);Бұлардан өзге, 1 маусымда сағат 11.00-де С.Бегалин атындағы Орталық қалалық балалар кітапханасында «Әдебиет пен театр клубының» мүшелері өлең оқиды, балалар мен үлкендердің шахмат турнирі өтеді, ересектер үшін «Флешдэнс» би балы, қышпен жұмыс істеушілер үшін «Жас қышшы» шеберлік сыныбы, ғылыми эксперимент әуесқойлары үшін квестер, «крио-шоу» ұйымдасттырылады.2 маусымда «Шымбұлақ» ТШК-да Family day болады. Сағат 11.00-ден 12.30-ға дейін тау шаңғысы курортындағы батуттар, скалодром, квадрацикл мен понимен сырғанау, арқан паркі, теннис тегін болады. Кішкентай келушілер түрлі ойындарға, сурет салу мен түрлі заттар жасау бойынша шеберлік сыныптарына және «KidsLab» балалар клубының конкурсына қатысып, үйдегідей аквагрим, мехенди сынды түрі тәттілерді жасап-үйренеді, оларды тегін жейді және басқа да қызықтарды тамашалайды. Бұл күні барлық ата-аналар фитнес түрлерімен, йогамен, бимен, шеберлік сыныптарымен айналысып, Hand-Made жәрмеңкесіне қатысып, танымал диджей мен лайв-бэнді көре алады. Балалар үйлерінің тәрбиеленушілері үшін арнайы тәттілер, сыйлықтар мен балмұздақтар дайындалады.2 маусымда сағат 11.00 ден 23.00-ге дейін ҚБТУ-дан төмен (Абылай хан – Қазыбек би – Панфилов – Әйтеке көшелерінің маңы) «Тәтті Алматы» тағаим жасаудың отбасылық фестивалі өтеді, мұнда мегаполистің танымал мейрамханалары алматылықтар мен қала қонақтарына тәтті тағамдар ұсынады. Биылғы маусымда фестиваль «Visit Almaty» жарнама компаниясының «Өз қалаңды жақсы біл!» бастамасы аясында өтеді. Жазғы фестивалға 30-дан астам тамынал қалалық гастрономиялық жобалар қатысады, күні бойы паркте балалар мен үлкендер үшін түрі қойылымдар көрсетіледі.Ақпарат көзі : https://www.gov.kz/memleket/entities/almaty/press/news/details/10711?lang=kk

Тимирязев көшесін аралаған Бауыржан Байбек Манас көшесінің бұрышындағы май құю бекеті алдындағы көлік қозғалысының сызбасын жаяу жүргіншілерге басымдық беріп қайта қарауды, тротуарды қауіпсіз аймақпен қоса аббаттандыруды ұсынды. Жақын арада «Атакенттің» кіре беріс аркаларының алаңдарын жасылдандыру жұмыстары басталады. Мегаполис басшысы мердігерлердің назарын Жандосов пен Розыбакиев көшлерінің бойындағы сапасын салынған тротуарларға аударды, дәл сол күні олқылықты жоюды тапсырды.Көлік реформасы аясында BRT желілерін қайта жасау жұмыстары Мұстафин, Рысқұлбеков, Сүлейменов көшелерінде жүруде. Жандосов және Тимирязев көшелерінің бойында BRT желілерінің қозғалыс бөлігін кеңейту үшін тротуарлар мен веложолдар салу, сонымен қатар инженерлік жүйелерді қайта орналастыру жұмыстары атқарылуда. Мегаполис басшысы көшелерді реконструкциялаудың кешенді жүргізілуі, заңсыз құрылыстардың, қоршаулардың алынуы, нысандардың сыртқы келбетінің бірыңғай архитектуралық стильде болуы, асфальтты алаңдардың азайып, жасылдандырудың артуы тиіс екенін атап өтті.Жолаушылар көлігі және автомобиль жолдары басқармасының басшысы Талғат Хосчанов BRT дәлізінің адамдар тығыз орналасқан аудандарды қамтитынын, оларға қызмет көрсету үшін қоғамдық көлікке басымдық беру қажеттігін айтты. Жоспарланған 9 шақырымның ұзындығы 2,7 км болатын жерінің қайта жасалуы арқасында қоғамдық көліктегі жолаушылар легі 20%-ға артып, жолға кететін уақыт 30%-ға қысқарған.«Қазіргі кезде кіші айналма жолдың өткізу қабілетін арттыру үшін жолайрықтар салынуда, көпір нысандары артуда, трамвай жолдары алынып, қозғалыс аумағы кеңеюде. Қаланың барлық аудандарында 157 көше жөнделуде. Яғни біз BRT дәлізінен кететін автомобильдер үшін де жағдай жасаудамыз», - деді Т.Хосчанов.Бірініші фаза бағытының ұзындығы 8,7 шақырым, ол Мұстафин – Сүлейменов – Жандосов – Тимирязев көшелерін Желтоқсан көшесіне дейін қамтиды.Қазіргі кезде жалпы ұзындығы 13,2 км болатын бағыттың екінші фазасының құрылысын жүргізу үшін жобалық-сметалық құжаттар жасалуда, ол Желтоқсан – Төле би – ВОАД – Құлжа трактін қамтиды. BRT желілері үшін 18 метрлі автобустар жүргізу жоспарланған.Кейін BRT желілеріне қызмет көрсету үшін жүйе интеграциясына қатысты сыйымдылығы үлкен автобустар жүргізу жоспарлануда, бұрылыстарда жолаушылар көлігіне басымдық беріледі.Еске салсақі, Алматыда биылғы жазда 150-ден астам көше жөнделеді, 30 км тротуарлар жасалады, 600 аула көріктендіріледі. Барлық жер асты өтпелі жолдар күрделі жөнделеді, жаңа фонтандар салынады. Бұрын қайта жасалған Панфилов, Жібек Жолы, Гоголь, Қабанбай батыр, Байсейітова, Төлебаев көшелері мен «Астана» алаңынан өзге мегаполистің бірқатар негізгі даңғылдары түгелдей жаңарады.Ақпарат көзі : https://www.gov.kz/memleket/entities/almaty/press/news/details/10660?lang=kk

Ағымдағы жылғы 6 қыркүйегінде Қазақстан Республикасы Ұлттық экономика министрлігінің сыбайлас жемқорлыққа қарсы іс-қимыл жөніндегі 2018 жылға арналған іс-шаралар жоспарын орындау аясында Қазақстан Республикасы Ұлттық экономика министрлігінің Статистика комитеті Қазақстан Республикасының мемлекеттік қызмет істері және сыбайлас жемқорлыққа қарсы іс-қимыл агенттігімен бірлесіп Қазақстан Республикасы мемлекеттік қызметшілерінің Әдеп кодексін, мемлекеттік қызмет және сыбайлас жемқорлыққа қарсы іс-қимыл туралы заңнамаларын сақтауға қатысты Статистика комитеті аумақтық департаменттерінің қызметкерлері мен әдеп жөніндегі уәкілдердің қатысуымен семинар-кеңес өткізді.Кездесу бейнеконференцбайланыс режимінде өтіп, оның барысында Статистика комитеті аумақтық департаменттерінің әдеп жөніндегі уәкілдері сұрақтарды қойып және оларға жауап ала алды.Сонымен қатар, семинар-кеңесте Ұлттық экономика министрлігінің әдеп жөніндегі уәкілі Оразғулов Ақылбек Сарбайұлы, Мемлекеттік қызмет істері және сыбайлас жемқорлыққа қарсы іс-қимыл агенттігінің мемлекеттік қызмет саласындағы Бақылау департаменті директорының орынбасары Наурызбек Мадина Дулатқызы қатысты.Ағымдағы жылғы 8 айдың ішінде Статистика комитеті аумақтық департаменттерінің әдеп жөніндегі уәкілдер қызметінің талдауына сәйкес мемлекеттік қызмет, сыбайлас жемқорлыққа қарсы іс-қимыл және Әдеп кодексі салаларындағы заңнамасының талаптарын сақтау мәселелері бойынша 106 мемлекеттік қызметкерлерге және азаматтарға консультациялар берілді, ақпараттық-түсіндіру жұмысы бойынша 110 іс-шаралар өткізілді.Бұдан басқа, Статистика комитетінің деректері бойынша әдеп жөніндегі уәкілдері 2346 мемлекеттік қызметшін анонимді сауалнамамен қамтап, нәтижесінде, мемлекеттік қызметшілердің тұтастай алғанда ұжымдағы моральды-психологиялық жағдайға қанағаттанатыны анықталған.Семинар-кеңес қорытындысы бойынша әдеп жөніндегі уәкіл мемлекеттік қызметшілердің бұзылған құқықтары мен заңды мүдделерін қорғауға және қалпына келтіру мен ақпараттық-түсіндіру сипаттағы іс-шараларды өткізуге бағытталған шараларды қабылдау бойынша ұсынымдарды берді.Ақпарат көзі : https://www.gov.kz/memleket/entities/economy/press/news/details/10600?lang=kk

Қазақстан Республикасының «Тарихи- мәдени мұралар обьектілерін қорғау және пайдалану туралы» Заңы негізінде объектіге тарихи және мәдени ескерткіш мәртебесін беру үшін ол алдын- ала жасалған есеп тізіміне енгізіледі.Обьектінің мәртебесі туралы нақтылы шешім қабылданғанға дейін осы Заңға сәйкес ол тарихи-мәдени мұралар ескерткіштерімен бірдей қорғалады.Заңға сәйкес оны пайдаланушы ескерткішті қорғауы тиіс. Яғни, ғимараттың сыртын,ішін қайта жасауға, конструкцияларын алу, қосалқы құрылыс салуға, мақсатты пайдаланылуын және айналасын өзгертуге тыйым салынады. Ғимараттың ішін жөндеу немесе қайта жасау үшін өкілетті органның келісімі қажет.Еске салсақ, бұрын Алматы әкімі Бауыржан Байбек заңнамаға сәйкес «Сайран» автовокзалын жергілікті маңызы бар тарихи ескерткіштер тізіміне енгізу туралы мәселені қарауды тапсырған болатын. Кейін меншік иесі аймақты дамытудың алдын-ала жасалған концепциясын ұсынды. Автовокзалдың көлік логистикасын толық қайта жасау және оның айналасын фонтандармен, кафелермен, жасыл желектермен және балалар алңдарымен қоса толық абаттандыру жоспарланған.Бұлардан өзге, Алматы қаласы әкімдігінің қаулысы бойынша ҚІЫО «Атакент» АҚ арасындағы 23 гектар жерді уақытша жалға беру жөніндегі келісім күшін жойды. Кейін «Атакенттің» басқарушы компаниясы жеке меншіктегі 8 гектар жерді де тегін қайтару жөнінде міндеттеме алған еді. Көрме кешенінің басшылығы «Қала жаяу жүргінші үшін» концепциясына сай оның айналасын абаттандыру жұмыстарын одан әрі жалғастыратын болады.Ақпарат көзі : https://www.gov.kz/memleket/entities/almaty/press/news/details/10594?lang=kk

Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы ең төмен күнкөріс деңгейінің шамасы 2018 жылғы тамызда өткен аймен салыстырғанда 7,5%, 2017 жылғы желтоқсанмен – 13,8%-ға жоғарылады. Оның құрылымында ет пен балықты сатып алуға жұмсалған шығыстардың үлесі 18,1%, жемістер мен көкөністерді – 14,4%, сүт, тоң май өнімдері мен жұмыртқаны – 13,9%, нан және жарма өнімдерін – 6,7%, қант, шай және дәмдеуіштерді 1,9%-ды құрады.теңге Орта есеппен халықтың жан басына шаққанда0-13 жастағы балалар14-17 жастағы жасөспірімдер18 жастан асқан, еңбекке қабілетті халықЗейнет-керлер мен қарт адамдаржас жігіттерқыздарерлерәйелдерЕң төмен күнкөріс деңгейінің шамасы29 14626 37636 15227 70134 09727 04826 858 Азық-түлік тауарлары16 03014 50719 88315 23518 75314 87714 772 Азық-түлік емес тауарлар мен көрсетілетін қызметтер13 11611 86916 26912 46615 34412 17112 086Әдіснамалық түсініктемелерЕң төмен күнкөріс деңгейі – шамасы бойынша ең төмен тұтыну себетiнiң құнына тең, бір адамға арналған ең төмен ақшалай кiрiс. Ең төмен тұтыну себетi адамның тыныс-тіршілігін қамтамасыз ету үшін қажетті тамақ өнімдерінің, тауарлар мен көрсетілетін қызметтердің заттай және құн түріндегі ең төмен жинағын білдіреді. Ол азық-түлік себетінен және азық-түлік емес тауарлар мен көрсетілетін қызметтерге жұмсалатын шығыстардың тіркелген үлесінен тұрады. Ең төмен күнкөріс деңгейін есептеуге арналған аз тұтынылатын азық-түлік емес тауарлар мен көрсетілетін қызметтерге жұмсалатын шығыстардың үлесі 2018 жылғы 1 қаңтардан бастап ең төменгі тұтыну себеті құнының 45 пайыздық мөлшерінде белгіленген. Ақпарат көзі : https://www.gov.kz/memleket/entities/economy/press/news/details/10591?lang=kk

Қала әкімідігінің комиссиясы тарихи орталықтағы құрылыс жұмыстарының барысын тексерді. Жұмыс сапары кезінде Алматы әкімі көшелерді абаттандырумен айналысатын мердігерлер атына бірқатар сын айтты.«Жаяу жүргіншілер мен автокөлік үшін қауіпсіз қоғалысты қамтамасыз еткен жөн. Сіздердің барлықтарыңыз жұмысқа байланысты ашық конкурсқа қатыстыңыздар, барлықтарыңыз тәжірибелі компаниясыздар, сіздер сапа үшін жауап берумен қатар қалалықтарға қажетті жағдайды жасауға тиіссіздер», - деп атап өтті Алматы әкімі Бауыржан Байбек.«Базис-А» компаниясының басшысы Павел Белович өзінің сөзінде немкетті жұмыс жасағандарға шара қолданылғаны туралы айтты. Мысалы, құрылыс жұмыстарының ережесін сақтамағаны және техника қауіпсіздігін бұзғаны, жұмысты талапқа сай ұйымдастырмағаны үшін «БАЗИС-А» АҚ-ның басқарушы директоры Салем Тоқмұрзаев қызметінен босатылды, басқарушы директор Өтеген Бұзғұловтың лауазымы төмендетілді, вице-президент Марат Көпешевке қатаң ескерту жарияланды, бұлардың барлығы Назарбаев даңғылындағы жөндеу жұмыстарына жауапты болатын.Бұлардан өзге, осы учаскеде жөндеу жұмыстарын жүргізіп жатқан қосалқы мердігерлік ұйымдар «Керім Жол» ЖШС пен «МВ Алонс» ЖШС инертті материалдарды жинақтағаны және құрылыс қоқыстарын ретсіз қалдыдрғандары үшін әрқайсысына 20 есептік айлық көрсеткіш көлемінде 48 100 теңгеден айыппұл салынды.Әкімнің орынбасары С.Мәкежанов құрылыс-монтаж жұмыстарын тексеру барысында Абылай хан даңғылы,Абай даңғылынан Алматы-2 теміржол вокзалына дейінгі аймақтарда бірқатар кемшіліктердің орын алғандығын баяндады. «Новая генерация» ЖШС бас мердігері тиісті ескерту жасамастан жұмысты бастаған. Оның үстіне, бұл учаскеде технология мен өндіріс нормасы өрескел бұзылған: құрылыс қоқыстары дер кезінде тасымалданбайды, құрылыс материалдарын жинау өндірісті ұйымдастыруға сай емес, электр желісін тарту технологиясы сақталмайды, құрылыс қоқысының шашылуына жол берілген,ішкі операциялық бақылау жоқ. Жіберілген осы кемшіліктерге орай бас мердігерлерге қатысты әкімшілік хаттама толтырылды, оның жалпы сомасы 1 142 375 теңге. Қосалқы мердігерлік ұйымдар: ТОО «Элитстрой» ЖШС 1 142 375 теңге, «Дарбол» ЖШС - 577 200 теңге айыппұл салынды.Ал Абылай хан даңғылы бойындағы жасыл желекке нұсқан келтіргені үшін «Новая Генерация» ЖШС учаске басшысына 30 АЕК – 72 150 теңге айыпұл салынды. Ағаштардың тамырына зақым келтіргені, инертті материалдар мен құрылыс қоқыстарын ретсіз қаттағаны үшін қосалқы мердігер «Строй Гарант Инвест» ЖШС 40 АЕКП – 96 200 теңге айыппұл төлейді. Абай даңғылы бойындағы жасыл желекті зақымдағаны үшін қосалқы мердігер «УМР-3» ЖШС 40 АЕК – 96200 теңгеге айппұл хаттамасы толтырылды.Алматы әкімі көшпелі кеңес барысында қысқа мерзімде жұмысты барынша сапалы атқаруға және қала тұрғындарына жағдай жасауға айрықша назар аударды. Мемлекеттік сәулет-құрылыс бақылау басқармасына әр учаскеде жұмысты барынша тыңғылықты атқару және мердігерлерден норманы сақтауды қатаң талап ету тапсырылды. Барлық мердігерлерге кемшіліктерді жою үшін нақтылы мерзім берілді.Еске салсақ, биылғы жазда Алматыда ұзындығы 160 км болатын 150-ден астам көше жөнделуде. Өтпелі жолдардың барлығына күрделі жөндеу жұмыстары жүргізілуде. Орталықтандыру қағидасы бойынша қаланың барлық аудандарында аббаттандыру жүзеге асуда. Егер өткен жылы 500 алматылық аула жөнделсе, биылғы жылы қаланың барлық аудандарында тағы 600-ден аса аула жаңарады.Мегаполисте соңғы жылдары 800 км инженерлік желі, соның ішінде 313 км су құбыры, 266 км кәріз желісі, 150 км электр желісі және 32,3 км жылу жүйесі салынды және жаңартылды.Ақпарат көзі : https://www.gov.kz/memleket/entities/almaty/press/news/details/10129?lang=kk

Былтырғы жылдан жалғасып келе жатқан қаланың тарихи орталығын қайта жасау аясында жаңарған Панфилов, Жібек Жолы, Гоголь, Қабанбай батыр, Байсейітова, Төлебаев және «Астана» алаңымен қоса Алматының бірқатар даңғылдарында күрделі жөндеу жұмыстары жүруде.Биылғы жылы Абай, Абылай хан, Назарбаев, Достық, Желтоқсан даңғылдары, Абай алаңы мен «Алматы-2» теміржол вокзалының алды қайта жасалуда. Қазіргі кезде мұнда жүргінші аймақтарын кеңейту, реконструкциялау және жаңа фонтандар салу, кіші пішінді сәулет формалары мен көшенің заманауи жиһаздарын орнату, көлеңкелі кеңістіктерге жапырақты ағаштар отырғызу, бұрынғы жасыл желекті сақтап қалу жұмыстары жүруде.Бұлардан өзге, аталған учаскелерде инженерлік желілер толық ауыстырулда, кеспе тастар төселіп, арықтар, суару жүйелері жаңалануда, нысандардың сыртқы келбеттері өзгеруде. «Қауіпсіз қала» аясында бұрынғы ескі жарықтардың орнына заманауи иодты шырақтар орнатылуда.Реконструкцияланған көшелерге заманауи бағдаршам кешендері қойылады және көше бұрылыстарындағы барлық ескі металл конструкциялар жойылады. Мердігерлік ұйымдар жаяу жүргінші қозғалысын қиындататын қолданылмайтын конструкцияларды, көптеген діңгектерді, қоршаулар мен заңсыз салынған құрылыстарды алып тастауда.Республика Сарайы алдындағы Абай алаңында фонтандар мен электр жарықтарын монтаждау басталады. Бұдан өзге, оған жақын орналасқан «Арман» кинотеатрының фасады жаңарып, «Қазақстан» қонақ үйіне түнгі жарық орнатылады. Ал «Алматы-2» теміржол вокзалының маңында қауіпсіздікті ұйымдастыру мақсатында көлік логистикасы түгел қайта қаралып, жасыл желек ұлғаяды.Жалпы, қала көшелерін жөндеу барысында аулаға баратындай етіп жаңа тротуарлар салынады, ал бұл жаяу жүргіншінің қауіпсіздігін күшейтеді.Дәл осы күні Бауыржан Байбек Алматының тығыз орналасқан аудандарын қамтитын Тимирязев көшесі бойындағы жүрдек автобус дәлізі құрылысының барысын тексерді.Көшелерді реконструкциялаумен қатар мұнда тротуарларды, арықтарды, веложолдарды жөндеу, инженерлік желілерді қайта орналастыру, заңсыз құрылыстар мен қоршауларды алып тастау қатар жүруде. Қозғалыс бөлігіндегі жол-құрылыс жұмыстарын биылғы айдың соңына дейін аяқтау жоспарланған.Сонымен қатар BRT дәлізінде автомобильдерді болдырмау шаралары жасалуда. Қазіргі кезде қаланың барлық аудандарында 160 көшені жөндеу аяқталып қалды, кіші айналма жолда көлік өткізу қабілетін арттыру үшін жаңа үш жол айрығы салынуда, қозғалыс аумағын кеңейту үшін тармвай жолдары алынуда, қаланың сегіз ауданында біржақты қозғалыс ұйымдастырылуда.Жұмыс сапары барысында мегаполис басшысы Назарбаев даңғылынан Жансүгіров көшесіне дейінгі үңгілеу жұмысымен танысты, ал бұл Сейфуллин даңғылында « Солүстік- Оңтүстік» бғытындағы көлік жүктемесін азайтады.Қазіргі кезде мұнда барлық діңгектерді (бағандар, қабырғалар және басқалары) орнату жұмыстары толық аяқталған, сатылы іргетас қондырғысы жасалуда. Сонымен қатар эстакаданың металл жақтауын, қоршауларды, су құбырларын қайта жасау, қорғаныс қабырғасын салу жұмыстары жүруде.Айта кетерлігі, осы жазда Алматыда ұзындығы 160 км болатын 150–ден астам көше жаңарды, барлық жер асты өтпелі жолдар күрделі жөнделуде. Орталықтандыру қағидасы бойынша қаланың барлық аудандары абаттандырылуда. Егер өткен жылы 500 аула жөнделсе, биылғы жылы қаланың барлық аудандарында тағы да 600-ден астам аула жаңарады.Соңғы жылдары мегаполисте 800 км инженерлік желі, соның ішінде 313 км су құбыры, 266 км канализация, 150 км электер және 32,3 км жылу желілері қайта жасалды, жөнделді.Ақпарат көзі : https://www.gov.kz/memleket/entities/almaty/press/news/details/10126?lang=kk

Жаңарған жер асты өтпелі жолдарға диодты жарық көздері мен қозғалыс құрылғылары, музыка шығаратын дыбыс динамикалары орнатылған. Өтпелі жолдардың төбелері арнайы жанбайтын материалдардан жасалған, қабырғалары ашық әдемі суреттермен безендірілген.Мысалы, Абай мен Абылайханның бұрылысындағы жер асты өтпелі жолдың қабырғаларына қазақ ақыны және ағартушы Абай Құнанбаевтың нақылдары жазылған. Республика Сарайына қарсы орналасқан жер асты өтпелі жолдың қабырғасында «Жеті қазына» атты қазақ көшпендісінің жеті байлығы көрініс тапқан.«Қауіпсізі қала» бағыты аясында жер асты өтпелі жолға жаңа сипаттағы бірнеше видеокамералар орнатылған. Оларда жүздерді анықтайтын мүмкіндіктер бар әрі аудандық ішкі істер басқармаларының бақылау жүйелеріне қосылған.«Биылғы жылы 160-тан астам көше жөндеуден өтті және 600-ден астам аула абаттандырылады. Қаланың тарихи орталығы модернизациялануда. Тек соңғы жылы ғана 800 километр инженерлік желі жаңарды. Әрине, жөндеу жұмыстарының қала тұрғындарына жайсыздық тудыруы мүмкін. Мен олардан сәл ғана шыдамдылық танытуды өтінемін. Көшелерге реконструкция жүргізу кезінде құрылыс ережесін сақтамаған бірқатар ірі құрылыс ұйымдары айыппұл төледі. Барлық жұмыстар сапалы әрі қысқа мерзімде аяқталады. Кейін осы құрылыс компаниялары «құрылыс мәдениетін» игеріп, жөндеу жұмыстарын қала тұрғындарына білдірмей жүргізетін болады», - деп атап өтті Бауыржан Байбек.Ақпарат көзі : https://www.gov.kz/memleket/entities/almaty/press/news/details/10037?lang=kk

Бүгінде қаланың автобус паркі 1560 автобусты есепке алды. Жыл аяғына дейін Алматы әкімшілігімен жаңа қоғамдық көліктердің үлесін 80% дейін жеткізуді жоспарлап отыр.Еске салсақ, егер өткен жылы 479 автобус шыққан болса, оның 80% жергілікті бюджеттен сатып алынды, ал биылғы жылы 569 автобусты жеткізу жоспарланса, оның 65% - жеке компаниялардан.Жеке тасымалдаушы «Думан Транс» ЖШС-мен №17 бағыт бойынша ISUZU маркасындағы 15 автобус шығарылса, «Олжас ЛТД» ЖШС-мен №62 бағытта қызмет көрсету үшін осыған ұқсас маркалы автобустар сатып алынды. «Талап Т» ЖШС-мен №57 бағытты күшейту үшін Yutong маркалы бес жаңа автобус алынды.Сондай-ақ, тасымалдаушы қатар жағының қызмет көрсету сапасын сөгу жалғасуда, соның ішінде «Green Bus» компаниясына. Жүргізушілер жол жүру бағасын қолма қол алады, сөгеді және қызмет көрсету мәдениеті жоқ. Қала басшысының сөзінше, егер тасымалдаушылар жағынан тәртіпке келтірмейтін болса, онда қала жағынан қолдауды қысқартатын болады.«Біз үшін ең бастысы – сервис. Біз қалалықтардың ықыласын толығымен бағдарлаймыз. Бұл салық төлеушілердің ақшасы, біз әрбір теңгені санауымыз керек. Жақсы сервис жасалынды: адамдар разы, жаңа әрі таза автобустар, жүргізушілер мәдениетті, демек біз субсидия бөліп отырамыз. Қандай да бір белгі орындалмаса – ақшаны алып қоямыз.Үш жыл бұрын жеке компаниялармен жеке қаражатын сенімді инвестициялауға мүмкіндік беретін көлік реформасын бастадық және ашық жүйе құрдық. Біз басында тасымалдаушыларға – заңдастырыңдар, кіріс және шығыстарыңды көрсетіңдер деп айтқан болатынбыз. Міне қазір, мысалға «Думан Транс» компаниясы электрондық билеттендіру жүйесінің арқасында өз қаражаттарын салып, банктен 50% алып отыр. Банк ешқашан анық емес бизнестің дамуына ақша бермес еді», - деп көрсетті Бауыржан Байбек.Ақпарат көзі : https://www.gov.kz/memleket/entities/almaty/press/news/details/10017?lang=kk

«Бизнестің белсенділігі іскерлік көрсеткішпен шағын және орта бизнестен тек қана 2018 жылдың жеті айындағы қорытындысы бойынша 37 млрд. теңге сомасында бюджетке салық түсімдерінің 6% -ға артуы болып табылады. Бұл үшін жалпы көлемнен ШОБ түсімдерінің бөлігі көрсетілген мерзімде 60%, яғни 661,2 млрд. теңгені құрады», - деді Ілияс Өсеров.Оның сөзінше, жоғары бәсекелестік орта заманауи тұтынушы тарапынан бизнесті тексерудегі талапшылдыққа маңызды байланыс болмақ.«Бұл нарықтық қатынастар үшін қалыпты болып табылатын бәсекеге қабілетсіз субъектілер нарығын шығарудың негізгі факторы. Сондай-ақ, жылдар бойы жеке кәсіпкер мәртебесінде тұрған, бірақ әртүрлі себептермен кәсіпкерлік қызметті жүзеге асырмаған, осы мәртебеден бас тартқан азаматтарға, жеке кәсіпкер есебінен шығару тәртібін жеңілдету және мүмкіндік беру. Жыл басынан бері 2 мың ШОБ жойылды, сондай-ақ белсенді ШОК субъектілерінің 1,3% -ға төмендеуі бизнесті жүргізудің статистикасына әсер етті», - деп атап көрсетті.Сондай-ақ, ол бүгінде ШОБ бөлігінің оң динамикасы қаланың жалпы өңірлік өнімі 34%-дан 38,5% дейін, ал ШОК өнімінің көлемі 9,8% -ға өскенін қоса айтып өтті.«Мемлекет тарапынан бизнесті жан-жақты дамыту мен қолдау мақсатында белсенді шаралар қолданады. 2018 жылы «Бизнестің жол картасы 2020» бағдарламасын жүзеге асыруда 6,2 млрд. теңге бөлінді. Атқарылған жұмыстың арқасында 1000 жұмыс орны сақталып қалды, қосымша 500 орын құрылу жоспарлануда. Атқарылған жұмыстар бүгінде шағын және орта бизнес жұмыстарының көрсеткіштерінде оң нәтиже беруде. Қазіргі уақытта 2020 жылға дейін жоспарланған шамалармен салыстырғанда жалпы өңірлік өнімді шығарудың көлемінің ұлғаюы бақыланып отыр. Мысалы, 2017 жылдың қорытындысы бойынша жалпы өңірлік өнімді шығарудың көлемі 2020 жылға жоспарланған көрсеткіштен 2,5 есе асып кетеді», - деп сөзін аяқтады Алматы қаласы Экономика және бюджетті жоспарлау басқармасының басшысы.Бүгінгі таңда Алматы елімізде ЖІӨ-нің бесінші бөлігін құрайды. Сонымен бірге, қала экономикасы белсенді дамуда, маңызды экономикалық көрсеткіштердің оңтайлы өсімінен көрінеді. 2018 жылдың 7 айында инвестиция көлемі 21,6%-ға, бөлшек сауда 10,1%-ға, көтерме сауда 0,9%, құрылыс –2,7%, өнеркәсіп – 4,7%-ға өсті.Ақпарат көзі : https://www.gov.kz/memleket/entities/almaty/press/news/details/9993?lang=kk

Қазақстан Республикасының Экология және табиғи ресурстар министрлігі елдегі экологиялық жағдайды жақсарту үшін заманауи цифрлық технологияларды белсенді енгізуде. Бұл бағыттағы маңызды бастама Телеграм-чат-бот @TazaQazBot болды, ол 2024 жылғы маусымнан бастап халықтан өтінімдерді қабылдау үшін ыңғайлы құралға айналды. @TazaQazBot қалай жұмыс істейді?Чатботты пайдалану мүмкіндігінше қарапайым және ыңғайлы.Өтініш беру үшін сізге: - Чат-бот арқылы кіріңіз. - Проблемалық орынның суретін түсіріңіз. - Мекен-жайын және мәселенің сипаттамасын көрсетіңіз.Кейін ақпарат жергілікті атқарушы органдарға жіберіледі, онда жауапты орындаушы тағайындалады. Өтінімнің орындалу мерзімі оның санатына байланысты автоматты түрде белгіленеді. Жұмыс аяқталғаннан кейін Орындаушы фотоесепті тіркейді, ал азамат жұмысты бағалау мүмкіндігімен хабарлама алады. Пайдаланушыларға ыңғайлы болу үшін барлық өтінімдер абаттандыру мен экологияның негізгі мәселелерін қамтитын 21 санатқа бөлінген. Неліктен @TazaQazBot ыңғайлы?✔ Пайдаланудың қарапайымдылығы - өтініш беру 1 минуттан аз уақытты алады.✔️ Процестің ашықтығы– өтініш беруші өтініш мәртебесін бақылай алады. ✔ ️ Кері байланыс - жұмыстарды орындағаннан кейін Орындаушыға баға қоюға болады. ✔️ Жеделдігі– өтінімдер тікелей жауапты қызметтерге беріледі. Чатбот арқылы қандай мәселелерді шешуге болады? Өтінімдердің ең көп саны бағыттар бойынша келіп түседі: - Аумақтарды жинау - 4051 өтінім - Тұрмыстық қоқысты шығару - 1080 өтінім - Көшелерді тазалау және абаттандыру - 926 өтінім - Жол жөндеу - 656 өтінім Жұмыс нәтижелері @TazaQazBotІске қосылған сәттен бастап 14 354 өтінім келіптүсті, оның ішінде: ✅ 13 139 орындалды⏳ 159 орындауда❌ 1056 қабылданбады (критерийлерге сәйкескелмеу себебінен)Шағымды қалай беруге болады?Жұмыс сапасын бақылау үшін шағымдарды қабылдаудың қосымша желісі ашылды - tazaqaz@ecogeo.gov.kz өтінім қанағаттанарлықсыз орындалған жағдайда қайта жүгінуге болады. @TazaQazBot-бұл жай ғана қызмет емес, әркім үшін нақты мүмкіндік өз қалаңызды таза, жайлы және қауіпсіз ету! Платформаны неғұрлым белсенді азаматтар пайдаланса, Жергілікті деңгейде экологиялық мәселелер тезірек және тиімдірек шешілетін болады. Қазақстанды бірге таза етейік! @TazaQazBot-қа қосылыңыз!Ақпарат көзі : https://www.gov.kz/memleket/entities/ecogeo/press/news/details/957548

1 наурызда Алғыс айту күні Алматыда «Таза Қазақстан» бағдарламасы жүзеге асырылып жатқан «Алматы - біздің ортақ үйіміз» жалпықалалық науқан аясында өткізілетін «Жақыныңа жәрдемдес» акциясы басталды.Акцияның мақсаты-қарттарды қолдау. Іс-шара аясында еріктілер Түрксіб ауданында тұратын 102 жастағы Ұлы Отан соғысының ардагері Николай Александрович Таратуниннің үйіне барды.Еріктілер ардагерге үй шаруашылығына көмектесті, тазалық жұмыстарын жүргізді және қажетті қолдау көрсетті, осылайша оның жеңіске және бейбіт өмірге қосқан үлесі үшін алғыс білдірді. Акция аға ұрпаққа қамқорлық жасаудың және қоғамдағы әлеуметтік бірлікті нығайтудың маңыздылығын атап көрсетеді.Соғыс кезінде Николай Александрович шекара әскерлерінде қызмет етіп, бірқатар марапаттарға ие болды. Ардагердің ұлы атап өткендей, оның әкесі әрқашан күшті мінезімен, адалдығымен және еңбекқорлығымен ерекшеленді. Айта кету керек, Николай Александровичтің үйіне №49 мектептің оқушылары жиі барып, көмектесіп ауласын тазартып береді.Ардагерді әлеуметтік қорғау құрылымдарының қызметкерлері де, оның денсаулығын бақылайтын Түрксіб әскери комитетінің әскери қызметшілері де назардан тыс қалдырмайды, тұрмыстық мәселелерді шешумен айналысады, медициналық қызмет және материалдық қолдау көрсетеді.Николай Таратуниннің ұлы еріктілерге алғыс білдіріп, Алғыс айту күнінде акцияның символдық өтуін ерекше атады.«Жақыныңа жәрдемдес» жобасы аясында алматылық еріктілер 90 жастағы Тамара Георгиевна Уфимцеваның үйіне барды. Олар сондай-ақ ауланы мұздан, қардан, қоқыстардан тазартты.«Құдай сендерге денсаулық берсін! Мен мұның бәрін қашан алып тастар едім? Сіздерге көбірек рахмет», - деді зейнеткер еріктілерге.Сонымен қатар, еріктілер зейнеткер Виктор Саковичке жиһазды жөндеуге және орнатуға көмектесті. Виктор Михайлович-инженер-дизайнер, біраз уақыт бұрын көру қабілетін жоғалтты. Бірақ, қиын өмірлік жағдайда ол жалғыз қалмады.«Бұл күтпеген және жағымды шара болды. Балалар тез және сапалы жұмыс істейді, өте сыпайы. Барлығына рахмет», - деді ол.Естеріңізге сала кетейік, 1 наурыз бен 1 сәуір аралығында Алматыда «Таза Қазақстан» бағдарламасы аясында «Алматы – біздің ортақ үйіміз» ауқымды науқаны өтеді. Науқанның мақсаттарының бірі-экологиялық мәдениетті арттыру және қала тұрғындары арасында қоршаған ортаға ұқыпты қарауды қалыптастыру.Ақпарат көзі : https://www.gov.kz/memleket/entities/almaty/press/news/details/949998

Ұлттық экономика министрлігі жанындағы Сараптамалық кеңестің екінші отырысы экономиканың нақты секторын қаржыландыруды талқылауға арналды. Оған 20 адам қатысса, жартысы тәуелсіз сарапшылар. Вице-премьер-Ұлттық экономика министрі Серік Жұманғарин атап өткендей, экономиканың нақты секторын қаржыландырудың белсенді басталуы – бұл Қазақстанның ЖІӨ-ні ұлғайтуға бағытталған экономикалық реформасының үшінші кезеңі. Біріншісі – жаңа Бюджет кодексін қабылдау, екіншісі-Салық кодексінің жобасымен жұмыс істеу.Үкіметтің экономиканың нақты секторының жобаларын қаржыландыру жөніндегі негізгі бастамалары туралы Ұлттық экономика вице-министрі Арман Қасенов баяндады- Қазіргі уақытта инвестицияның ЖІӨ-ге қатынасы 14-15% деңгейінде және объективті төмен болып табылады.  Экономикалық өсудің жоғары қарқынына және Мемлекет басшысы қойған міндетке қол жеткізу үшін 2029 жылға қарай ЖІӨ–ні 450 млрд долларға жеткізу қажет-инвестиция 2.75 есеге, 2024 жылғы 40 млрд доллардан 2029 жылы 103 млрд долларға дейін ұлғаюы тиіс.  Мұны қазір үкімет ұсынып отырған бастамалар есебінен қамтамасыз ету қажет – бизнесті 8 трлн теңгеге кредиттеу үшін Бәйтерек холдингі арқылы 1 трлн теңге бөлу керек, - деді вице-министр.Вице-министр инвестициялық жобаларға құю көлемін ұлғайтудан басқа, тағы бір маңызды проблеманы - сапалы инвестициялық жобалардың жеткіліксіздігін атап өтті.- Қаржыландыру мәселесі - бұл ішінара мәселе. Тағы бір маңыздысы – сапалы жобалардың жетіспеушілігі. Мұны халықаралық даму қаржы институттары да атап өтеді. Біз жобаларды қаржыландыруды 40 млрд доллардан 103 млрд долларға ұлғайту туралы айтатын болсақ, міндет тек қаржыда ғана емес, сонымен қатар инвестициялардың сапасында да екенін түсінеміз, - деп атап өтті Арман Қасенов.Өсудің негізгі нүктелері-өнімділігі жоғары экспортқа бағдарланған жобалар. Бұл металды қайта өңдеу, мұнай - газ, ауыл шаруашылығы және азық-түлік өндірісі, мұнай және көмір химиясы және басқалар.Бәйтерек холдингінің басшысы Рустам Қарағойшин 60% нарықтық қорландыруды және 40% бюджеттік кредиттеуді қамтитын холдингті қаржыландыру моделі туралы айтып берді. 2025 жылы Бәйтерек тарапынан қаржыландырудың жалпы көлемі 8 трлн теңге, оның 3,75 трлн теңгесі ұлттық валютада 12,6% ставка бойынша, 2,25 трлн ұлттық валютада нарықтық ставка бойынша және 2 трлн шетел валютасында берілетін болады.- Біздің басты міндетіміз-түпкі тұтынушы үшін ставкаларды 12,6% - ға біріздендіру. Бұл біріздендіру екінші деңгейдегі банктерге бүгінде Бәйтерек қатысып отырған барлық бағыттарға қатысуға мүмкіндік береді, - деп атап өтті Рустам Қарағойшин. - Уақыт өте келе, базалық мөлшерлеме қолайлы деңгейге дейін төмендеген кезде, банктер экономиканы қаржыландырудың ауқымды үлесін алады. Ал Бәйтерек және басқа да даму институттары экспортқа бағдарланған ауқымды тауашалық жобалар үшін өзіндік құралға айналады.Тәуелсіз сарапшылар тарапынан көптеген сұрақтар мен ұсыныстар айтылды. Атап айтқанда, AERC бас директоры Жәнібек Айғазин жеңілдетілген қаржыландыру үшін жобалардың басымдығын қалай анықтайтынын және олардың инвестицияларды қайтару және ЖІӨ өсіміне қосатын үлесі тұрғысынан қалай бағаланатынын сұрады. ЖІӨ-дегі өңдеу өнеркәсібінің үлесі 12%, бұл үлес біздің күш-жігерімізге қарамастан айтарлықтай өспеуде. Ол инфрақұрылымның дамуы мен қуаттылығының артуына ерекше назар аударуды ұсынды. Бұл экономикаға жалпы әсер етпек, өйткені біз бәріміз инфрақұрылымды пайдаланамыз.Серік Жұманғарин бүгінгі таңда ЖҚҚ бойынша салынған инвестицияның ең үлкен қайтарымын ауыл шаруашылығы, тау-кен өнеркәсібі, сауда береді деген жауап қайтарды. Белсенді өсу драйверлеріне көлік пен қойма кіреді. Бәйтерек арқылы қаржыландыруда басымдық металлургия, мұнай және көмір химиясы, тамақ өнімдерін өндіру, ИТ, ЖИ, логистика және т.б. жоғары өңделген өнім жасау жөніндегі жобаларға берілетін болады. Ал инфрақұрылымды дамыту үшін ұлттық инфрақұрылымдық жоспар бар. Оған сәйкес биыл 13 мың шақырым автожолды жаңғырту, салу және жөндеу, 1480 шақырымға жуық теміржолды жөндеу және жаңа теміржол желілерін салу жоспарлануда.Ақпарат көзі : https://www.gov.kz/memleket/entities/economy/press/news/details/962390?lang=kk

2 сәуірде вице-премьер – ұлттық экономика министрі Серік Жұманғариннің төрағалығымен өткен Экономикалық өсуді қамтамасыз ету жөніндегі штаб отырысында Астана мен Алматының және Ұлытау, Қарағанды облыстарының дамуы талқыланды.Астана: дамуға инвестицияЕлорда инвестициялық жобалар саны мен халық өсімінің қарқыны бойынша өңірлер арасында бірінші орында. Қала экономикасындағы шағын және орта бизнестің (ШОБ) үлесі 73%. Бұл орташа республикалық деңгейден екі есе жоғары.Бүгінде Астана пулы 18,3 мың жұмыс орнын құратын жалпы құны 2,5 трлн теңге 130 инвестициялық жобаны қамтиды. 2025 жылы 300 млрд теңгеден астам инвестиция тарта отырып, кемінде 50 жобаны іске асыру жоспарлануда. Сонымен қатар бірқатар ірі жобаларды іске асыру басталды. Атап айтқанда: Kazak Protein зауыты (170 млрд теңге) – бидайды тереңдете өңдеу;ТОКК Қазақстан (55 млрд теңге) – жеңіл металдан жасалған қаптама өндірісі;LASSELSBERGER (23,6 млрд теңге) – құрылыс қоспасы мен бояу өндірісі;Электровоз құрастыру зауыты (15 млрд теңге) – электровоздарға арналған сервистік орталық.Астана әкімі Жеңіс Қасымбек штаб отырысында елорда маңындағы өнеркәсіптік кластерді одан әрі дамыту үшін №2 Индустриялық парктің құрылысы басталатынын, оның аумағында 500 млрд теңгеден астам сомаға 50-ге жуық инвестициялық жобаны іске асыру жоспарланып отырғанын хабарлады. Сонымен қатар елордада бірқатар ірі логистикалық жобалар іске қосылуға дайындалуда. Соның ішінде Wildberries  логистикалық хабы және ОЗОН көлік-логистикалық орталығының екінші кезегі бар. Барлық логистикалық жобаларға инженерлік инфрақұрылым жүргізу қажет.Қарағанды облысы: өнеркәсіптік агломерацияӨңірде жалпы құны 174,6 млрд теңге болатын 118 инвестициялық жоба іске асырылып, 2,9 мың жұмыс орны ашылды. Маңызды объектілердің арасында:Ыстық мырыштау зауыты (6,2 млрд теңге, 115 жұмыс орны);«Гиперборея» жел электр станциясы (50,6 млрд теңге, 20 жұмыс орны);Кремний қорытпасы зауыты (62,8 млрд теңге, 497 жұмыс орны);«ТЭМПО Қазақстан» болат құбыр өндіру (25 млрд теңге, 400 жұмыс орны);Алюминий радиатор өндіру (18,6 млрд теңге, 183 жұмыс орны).Өңір әкімі Ермағанбет Бөлекпаев «Сарыарқа» АЭА мен «Саран» индустриялық аймағын электрмен жабдықтау қуатын арттыру қажеттігін айтты. 2027 жылы «Сарыарқа» АЭА аумағында арнайы мақсаттағы «Қазақстан» болат өндіру зауытының құрылысын бастау жоспарлануда. Ол үшін АЭА аумағын кеңейту қажет. Сонымен қатар «CargoHUB Karaganda» мультимодальды аэрохабын құру шеңберінде АЭА қызметтің басым түрлерінің тізбесін кеңейту қажет.Вице-премьер АЭА инфрақұрылымын жүргізу және қызмет түрлерінің тізбесін кеңейту бойынша Қарағанды облысының ұсыныстарын қолдап, ҰЭМ-ге бұл мәселені ӨҚМ-мен қысқа мерзімде пысықтауды тапсырды.Ұлытау: өнеркәсіпті дамытуҰлытау жан басына шаққандағы жалпы өңірлік өнім бойынша көшбасшылардың бірі (6,1 млн теңге). Облыста 2,2 мың жұмыс орнын құратын жалпы құны 933 млрд теңге 19 инвестициялық жоба жоспарланған. 2025 жылы жалпы құны 138 млрд теңге болатын 17 жобаны іске асыру басталады, оның ішінде:Батыс Қаражал кен орнын игеру;Жезқазған мыс балқыту зауытының күкірт қышқылы цехын салу;Байыту фабрикаларын жаңғырту;Мұнай базасы мен респираторлар зауытын салу.Сәтбаевта индустриялық аймақ құрылып, оның шеңберінде жалпы құны 28 млрд теңге болатын 4 жоба пысықталуда. Нәтижесінде 150 жұмыс орны ашылады. Облыс әкімі Дастан Рыспеков АЭА-ға қажетті инфрақұрылымды тарту үшін республикалық бюджеттен қаржыландыру қажеттігі мәселесін көтерді. Серік Жұманғарин бұл ұсынысты қолдап, қажетті инфрақұрылымды қаржыландыру мәселесін басым міндеттер тізіміне енгізуді тапсырды. Вице-премьер Ұлытау облысының тиімді экономикалық дамуы үшін инвестициялық жобалар пулын ұлғайтып, көмір химиясы мен ауыл шаруашылығын дамытуды бастау қажеттігін атап өтті.Алматы: автоөнеркәсіп және туризмАлматыда 21,5 мың жұмыс орнын құратын жалпы құны 1,5 трлн теңге болатын 95 жеке инвестициялық жоба іске асырылуда. ЖӨӨ өсу болжамы 6,4%-ды құрайды.2025 жылы бірқатар маңызды нысандарды іске қосу жоспарланған:Haval, Chery, Changan автомобильдерін шығаратын мультибрендтік зауыт (жылына 182 млрд теңге, 90 мың авто);«Almaty Museum of Arts» мұражайы (44 млрд теңге);Wildberries логистикалық орталығы (43,2 млрд теңге);Medeu Park Hotel қонақ үй кешені (17 млрд теңге).Сондай-ақ Алматыда индустриялық аймақты кеңейту жоспарланып, дамудың екінші кезеңі 194 га аумақты қамтиды. Алматы әкімінің орынбасары Әлішер Әбдіқадыров жобалық құжаттаманың мемлекеттік сараптамамен ұзақ келісілуіне байланысты индустриялық аймақтың кеңеюі кешіктіріліп жатқанын хабарлады. Вице-премьер Серік Жұманғарин ҰЭМ-ге ӨҚМ-мен бірлесіп, инвестициялық жобалар кешіктірілмеуі үшін туындаған мәселелерді пысықтауды тапсырды.https://primeminister.kz/news/ondiristik-aleuetti-arttyru-el-onirlerinde-aukymdy-zhobalar-iske-kosyluda-29890 Ақпарат көзі : https://www.gov.kz/memleket/entities/economy/press/news/details/969517?lang=kk