Алматы әкімі Ерболат Досаев Таулы қырат шағын ауданында, әл-Фараби даңғылынан жоғары орналасатын Конгресс орталықтың құрылысы жөнінде пікір білдірді.«Қаланың жаңа Конгресс орталығы мемлекеттік меншікте болады. Қала бюджетінен инженерлік инфрақұрылым мен көркейтуге қаржы бөлінеді. Сонымен қатар, әлеуметтік жауапкершілік аясында жеке демеушілердің қаражаты тартылады», – деді қала басшысы халықпен кездесуде.Ерболат Досаев жер телімдерін сатып алу барлық заң талабына сәйкес жүргізіліп жатқанын атап өтті.«Жер телімдерін сатып алу белгіленген тәртіп бойынша жүзеге асырылады. Ұсынылған бағаға келіспегендер сотқа жүгіне алады. Кейбір жер иелерімен қажетті келісімдер жасалып, төлемдер жүргізілді. Ең бастысы, жер телімдерінің негізгі бөлігі қазірдің өзінде қаланың меншігінде. Біз тұрғындардың құқығын ешқандай жағдайда бұзбаймыз», – деді әкім.Қала басшысы Алматыда қазіргі уақытта Конгресс орталықтың жоқ екенін айтты.«Біздің қаламызда Конгресс орталық жоқ, сондықтан біз оны саламыз. Кейбір жалған ақпараттар тарап, бұл аумақта коммерциялық жылжымайтын мүлік бой көтереді деген қауесет тарады. Қаланың барлық тұрғынын сендіргім келеді: коммерциялық жылжымайтын мүлік салынбайды, тек Конгресс орталық болады. Кеңес Одағынан бері Республика сарайынан басқа мұндай нысандар салынған жоқ», – деді Ерболат Досаев.Ақпарат көзі : https://www.gov.kz/memleket/entities/almaty/press/news/details/947609

Алматы әкімі Ерболат Досаев Медеу ауданының тұрғындарымен кездесуде инфрақұрылым мәселесін шешу, алыс орналасқан шағын аудандарды сумен жабдықтау және кәріз жүйесімен қамтамасыз ету туралы айтты.«Бұрын көтерілген көптеген мәселе бүгінде шешімін тапты. Былтыр Каменск үстірті бойынша қаншалықты дүрлікпе болғанын бәрі ұмытты. Қазір ауданның 50 мың тұрғыны тұрақты сумен қамтылды, бұл мәселе қайта көтерілмейді. Бұл мен үшін үлкен жетістік. Биыл біз ауданның батыс бөлігінде жұмыс жүргіземіз, ал келесі жылы шығыс бөлігіне, оның ішінде су бұру жүйелері мен желілердің құрылысын қолға аламыз. Себебі тұрғындар септиктерді пайдаланғандықтан, таулардың жылжуына қауіп төнеді. Бұл мәселе мен үшін аса маңызды», – деді қала басшысы.Еске салсақ, Медеу ауданындағы ірі инфрақұрылымдық жобаларды іске асыру аясында бұрын су және кәріз жүйесі болмаған алыс шағын аудандар қамтылды. Осылайша, биыл наурызда «Каменск үстірті» шағын ауданының батыс бөлігінде 7 мың тұрғынды сумен және кәріз жүйесімен қамтамасыз ету үшін 50 км тарату желілерінің құрылысы басталады. Жұмыс 2026 жылдың қыркүйегінде аяқталады.Сондай-ақ, биыл Музтау, Сұлусай, Атырау, Алатау, Кіші Станица және Таулы қырат шағын аудандарында тағы 100 км су құбыры және кәріз желілері салынады.Маңызды жобалардың бірі – 2024 жылдың шілдесінде резервтік сумен жабдықтау жүйесінің іске қосылуы болды. Бүгінде бұл жүйе Талғар жерасты су көздерінен тәулігіне 32 мың текше метр су жеткізіп, Самал, Көктөбе және Таулы қырат шағын аудандарының 50 мың тұрғынын тұрақты сумен қамтамасыз етіп отыр.Ақпарат көзі : https://www.gov.kz/memleket/entities/almaty/press/news/details/947611

Алматы әкімі Ерболат Досаев Медеу ауданының тұрғындарымен кездесу барысында жаңа Конгресс-орталықтың құрылысы туралы айтып берді.Қала басшысы Алматыда мұндай көрнекті нысандар кеңес заманынан бері салынбағанын атап өтті.«Болжамды жаңа Конгресс- орталығы мемлекеттік меншікте болады. Қала бюджетінен қаражат инженерлік инфрақұрылым мен абаттандыруға бөлінеді. Сондай-ақ әлеуметтік жауапкершілік аясында жеке демеушілік қаражат тартылады», - деді Ерболат Досаев.Сондай-ақ, Алматы әкімі белсенді тұрғындарға қала дамуына көңіл бөлгені үшін алғысын білдіріп, жобаның Алматыға пайда әкелетініне сенім білдірді.«Біздің қала дамуы тиіс. Алматыда еркін мемлекеттік жер қоры жоқ, сондықтан біз жолдарды ұзарту, әлеуметтік инфрақұрылымды, қоғамдық кеңістіктерді дамыту үшін жер сатып алуға мәжбүрміз. Біз мұның бәрін тек заң жүзінде ғана жасаймыз», - деді қала басшысы.Ерболат Досаев жоспарланған Конгресс-орталықтың орнында коммерциялық жылжымайтын мүлік құрылысының алынып тасталғанына сендірді.«Бюджеттік ақшаға сатып алынған жердің бірде - бір жер кодексі бойынша біз жеке меншік иелеріне бере алмаймыз. Бұл мәселені жадымыздан мүлдем шығарып тастау қажеті», - деп қорытындылады сөзін қала басшысы.Ақпарат көзі : https://www.gov.kz/memleket/entities/almaty/press/news/details/947613

Алматы әкімі Ерболат Досаев Медеу ауданы тұрғындарымен кездесу барысында мемлекеттік қажеттілік үшін жерді сатып алу тетігін түсіндірді.«Жерді сатып алу үшін берілетін өтемақы сомасы халықтың барлық қажеттілігін қанағаттандыруға жеткіліксіз деп айтылып жатыр. Бағалаудың заңнамамен белгіленген нақты механизмдері бар, бірақ егер сот заңға сәйкес көбірек өтемақы тағайындаса, қала оны төлейді. Қажетті қаражатты табамыз, үнемдейміз. Ең бастысы, қаланың дамуы қажет. Қала әкімі ретінде менде шаһарды дамыту үшін жеткілікті мемлекеттік жер қоры жоқ», – деді Ерболат Досаев Медеу ауданы тұрғындарымен кездесуде.Қала басшысы 2022 жылы тағайындалғаннан бері әкімдік жерді жол салу, әлеуметтік инфрақұрылым мен қоғамдық кеңістіктерді дамыту мақсатында ғана сатып алып жатқанын және мұның бәрі заң аясында жүзеге асырылып отырғанын атап өтті.«Бюджет қаражатына сатып алынған бір сотық жерді де Жер кодексіне сәйкес жекеменшікке бере алмаймыз. Бұл мәселені бірден нақтылап айтқым келеді, әкімдік жерді сатып алып, оны біреуге бере алады деген ой болмауы керек. Бұл Жер кодексімен қатаң түрде тыйым салынған, бізде мұндай әрекетке баруға құқығымыз жоқ», – деді қала әкімі.Ақпарат көзі : https://www.gov.kz/memleket/entities/almaty/press/news/details/947615

Сот шешімі бойынша Медеу ауданындағы 3-ші көше, 12-учаске бойына салынған нысанды бұзу басталды, деп хабарлайды Алматының Қала құрылысын бақылау басқармасы.Құрылысқа рұқсат беру құжаттарының пакеті жоқ, ол жоспардан тыс тексеру барысында анықталды.Нәтижесінде меншік иесіне (жеке тұлғаға) қатысты жол берілген бұзушылықтарды жоюға нұсқама бере отырып, әкімшілік шаралар қабылданды.Меншік иесі нұсқаманың талаптарын орындамағандықтан, бұзу туралы талап арыз аудандық сотқа жіберілді.2024 жылғы 7 ақпанда Медеу аудандық сотының шешімімен басқарманың талап арызы қанағаттандырылды. 2024 жылғы 27 мамырда Алматы қалалық соты бірінші сатыдағы шешімді өзгеріссіз қалдырды.Нысанды бұзу бүгін қаланың Әділет департаментінің қатысуымен басталды.Естеріңізге сала кетейік, Алматы әкімі Ерболат Досаевтың құрылысты бақылауды күшейту жөніндегі тапсырмасы аясында 2023 жылдың басынан бері 67 заңсыз нысан, оның ішінде «Мечта», KHAN және басқа да тұрғын үй кешендері толығымен немесе ішінара бұзылған.Ақпарат көзі : https://www.gov.kz/memleket/entities/almaty/press/news/details/947618

8 наурыз Халықаралық әйелдер күні қарсаңында Қазақстан Республикасының орталық мемлекеттік музейінде Алматының Белсенді ұзақ өмір сүру орталығы (БҰО) ұйымдастырған «Көктемгі рапсодия» атты көркем шығармалар көрмесі ашылды.Көрмеде 61-ден 84 жасқа дейінгі 31 БҰО-на келушілердің 96 өнер туындысы бар. Жұмыстар акварель, гуашь, акрил және май сияқты әртүрлі әдістермен жасалған. Жұмыстың тақырыбы мен жанрлары көктем мен әйел сұлулығын бейнелейтін гүл композицияларынан бастап пейзаждарға, натюрморттарға, абстракцияларға, сәндік кескіндеме мен графикаға дейін кең ауқымды қамтиды. Бұл туындыларды жасауға шабыт авторлардың табиғи сұлулығына да, ішкі әлеміне де айналды, бұл көрмеге терең философиялық мағына беруде.Көрменің мақсаты-қоғамға шығармашылық пен өнерде жас шектеулері жоқ екенін көрсету. Белсенді ұзақ өмір сүру орталығының қатысушылары үшін кескіндеме өзін-өзі көрсету тәсілі ғана емес, сонымен қатар физикалық және эмоционалдық денсаулықты нығайтатын арт-терапияның маңызды құралы болды. Көрме өнерді кез-келген жаста бастауға болатындығын көрсетуге арналған және бұл тек шабыт қана емес, өмірде оң өзгерістер әкеледі.Көрменің бастамашысы Орталықтың педагогы және суретші Марлан Нысанбаев болды, ол - ҚР және Грузия Суретшілер Одағының мүшесі, ҚР Өнер Академиясының Вице-президенті және бірқатар марапаттардың иегері. Оның тәлімгерлігі аға буынды шығармашылыққа шабыттандырады және олардың дамуын қолдайды.Салтанатты ашылу барысында БҰО-ның қатысушыларымен концерттік бағдарлама ұсынылды, «Алматы әжелері» жас модельдер тобы өздерінің «Ақ кербез» сән топтамасын көрсетті. Сондай-ақ, Қазақстан өнер академиясы Алматының Белсенді ұзақ өмір сүру орталығының директоры Сәуле Бекетаеваны және бөлім меңгерушісі Зина Ищанованың «Ұлы елдің Таранды медалімен» марапаттады.Алматының Белсенді ұзақ өмір сүру орталығы қарт адамдарға денсаулық пен әлеуметтік белсенділікті қолдау үшін бірегей мүмкіндіктер ұсынады. Орталықта дәрігерлердің консультациялары, психологиялық тренингтер, емдік дене шынықтыру және йога сабақтары, сондай-ақ сәндік-қолданбалы өнер бойынша мастер-класстар сияқты 40-тан астам қызмет түрлері ұсынылады. Орталық сонымен қатар аға буынның өмір сүру сапасын жақсартуға бағытталған фестивальдар, көрмелер мен мерекелер сияқты іс-шараларды белсенді түрде ұйымдастырады.«Көктемгі рапсодия» көрмесі 2025 жылдың 9 наурызына дейін Самал-1, 44 үй мекенжайдағы Орталық мемлекеттік мұражайда жұмыс істейді.Ақпарат көзі : https://www.gov.kz/memleket/entities/almaty/press/news/details/948124

Fitch Ratings халықаралық рейтингтік агенттігі «Алматы» әлеуметтік-кәсіпкерлік корпорациясы» АҚ («Алматы» ӘКК) эмитенттің ұзақ мерзімді дефолт рейтингін (ЭДР) «Тұрақты» болжамымен «BBB-» деңгейінде шетел және ұлттық валютада растады.Инвестициялық санатқа жататын «BBB-» рейтингі Компанияның несиелік қабілеттілігінің жеткілікті деңгейін және несиелік тәуекелдер бойынша төмен үміттерді көрсетеді.Рейтингті растау корпорацияның мегаполистің әлеуметтік-экономикалық дамуындағы түйінді рөлін ескере отырып, қала тарапынан «Алматы» ӘКК-ні төтенше қолдаудың «аса жоғары» ықтималдығы туралы Fitch пікірін көрсетеді. Орта мерзімді перспективада рейтингтік агенттік бұл қатынастардың өзгеруін күтпейді.«Алматы» ӘКК жергілікті микро, шағын және орта бизнесті қаржыландыруды, ескі тұрғын үйді жаңартуды, индустриялық аймақты дамытуды, сондай-ақ әлеуметтік маңызы бар азық-түлік тауарларына бағаны тұрақтандыруды қоса алғанда, қала үшін басым әлеуметтік маңызы бар және инвестициялық жобаларды іске асыратын қаланы дамытудың ірі институты болып қала береді.Fitch «Алматы» ӘКК функцияларын орындауға қабілетті ұқсас ұйымдардың жоқтығын атап өтеді, бұл корпорацияның Қала үшін стратегиялық маңыздылығын арттырады.Қазіргі уақытта «Алматы» ӘКК халықаралық кредиттік рейтингке ие Қазақстанның жалғыз әлеуметтік-кәсіпкерлік корпорациясы болып қала береді.Ақпарат көзі : https://www.gov.kz/memleket/entities/almaty/press/news/details/948131

Алматыда 1 наурыз бен 1 сәуір аралығында «Таза Қазақстан» республикалық бағдарламасы аясында «Алматы – біздің ортақ үйіміз» атты ауқымды қалалық науқан өтеді. Бұл науқан қала инфрақұрылымын жаңарту мен жақсартуға, экологиялық мәдениетті арттыруға және тұрғындарды қаланы дамытуға тартуға бағытталған.«Құрметті тұрғындар! «Алматы – біздің ортақ үйіміз», ал әр үйде тазалық пен жайлылық болуы керек. Әрқайсыңызды өзінен кейін қоқыс қалдырмауға, табиғатты аялауға және тазалық сақтауға шақырамын. Біздің науқанға атсалысыңыздар! Қаламыз баршаға үлгі болсын! Алматыға деген қамқорлықтарыңыз бен сүйіспеншіліктеріңіз үшін рахмет!» – деп үндеу жасады Алматы қаласы әкімінің орынбасары Әлішер Әбдіқадыров.«Алматы – біздің ортақ үйіміз» науқаны қаладағы барлық ауданды қамтиды. Челлендж, байқау, эко-квест және флешмоб сияқты түрлі іс-шараға әрбір алматылық пен қала қонағы қатыса алады.Сондай-ақ, науқан барысында экологиялық акциялар өтеді. Олардың қатарында жүгіру мен қоқыс жинауды біріктіретін плоггинг, мектеп және балабақша оқушылары арасында пластик қақпақтарын жинауға арналған «Мейірімді қақпақ» бастамасы, қалдықтардан өнер туындыларын жасауға бағытталған «Қоқысты өнерге айналдыр» байқауы, пластик бөтелкелерді қайта өңдеуге тапсыруға арналған Plastic Reboot, жарамдылық мерзімі өткен дәрі-дәрмектерді жинау және тағы басқа іс-шаралар бар.«Былтыр басталған экологиялық бастамаларды жалғастырып, қаламызды одан әрі таза әрі жайлы етуге талпынамыз. 2024 жылы Алматыда жаңа көріктендіру ережелері бекітіліп, 6 мыңнан астам кәсіпкерлік нысаны үшін көріктендіру төлқұжаттары жүйесі енгізілді. Қазіргі таңда 4918 төлқұжат рәсімделді, бұл жоспардың 82%-ын құрап отыр. Төлқұжаттау іргелес аумақтарға, оның ішінде ғимарат қасбеттері, тротуарлар, жасыл аймақтар және басқа да нысандар үшін жауапкершілікті нақтылауға мүмкіндік береді», – деді Алматы қаласы әкімінің орынбасары Бейбіт Шаханов.Науқан төрт тақырыптық аптаға бөлінген:* «Таза көшелер» (1–9 наурыз) – аялдамалар мен жол белгілерін тазалау, қоқыс жәшіктерін орнату, магистральдарды көркейту.* «Таза саябақтар, скверлер мен таулар» (10–16 наурыз) – табиғи аймақтарда сенбіліктер өткізу және қоқыс жинау шаралары.* «Таза аулалар» (17–23 наурыз) – «Үздік коммуналдық қызметкер» байқауы, қоршаулар мен көркейту элементтерін, балалар және спорт алаңдарын бояу (20–29 наурыз аралығында).* «Біздің қала – біздің мақтанышымыз» (24 наурыз–1 сәуір) – ескерткіштерді көркейту және жаппай ағаш отырғызу.Науқан аясында қала инфрақұрылымын толықтай ретке келтіру, 4 мыңнан астам аула аумағын тазалау, 445 саябақ пен скверде сенбілік өткізу, өзен жағалауларын тазарту, 12 мыңға дейін антивандалдық қоқыс жәшіктерін орнату, 600-ден астам заңсыз орнатылған нысандарды бұзу, сондай-ақ 5000 ағаш пен бұта отырғызу жоспарланған.Толық ақпарат Almaty.kz сайтында жарияланады.Ақпарат көзі : https://www.gov.kz/memleket/entities/almaty/press/news/details/948576

Алматы қаласы әкімінің орынбасары Әлішер Әбдіқадыров «Таза Қазақстан» республикалық бағдарламасы аясында өтетін «Алматы – біздің ортақ үйіміз» атты жалпықалалық акция басталар алдында тұрғындарға үндеу жасады. Ол барлық алматылықты науқанға белсенді қатысып, қаланы одан әрі көркейтуге және көгалдандыруға шақырды.«Құрметті алматылықтар! Наурыз – ежелден жаңару кезеңі. Ұлыстың ұлы күні қарсаңында халқымыз табиғаттың жаңаруымен қатар, айналаны тазалап, қоршаған ортаны көркейтумен айналысқан. Бұл игі дәстүр бүгінге дейін жалғасып келеді. 1 наурыздан бастап бізде «Алматы – біздің ортақ үйіміз» акциясы басталады. Баршаңызды осы маңызды іске белсенді қатысуға шақырамын. Алматыны ең көркем әрі жасыл қалаға айналдыру біздің қолымызда», – деді әкімнің орынбасары.А. Әбдіқадыровтың айтуынша, науқан 1 наурыз бен 1 сәуір аралығында өтеді және 4 негізгі кезеңге бөлінген.Бірінші кезең – «Таза көшелер»: аялдамалар, бағдаршамдар, жаяу жүргіншілер өткелдері, жол белгілері, жарықтандыру құрылғыларын тазалау, сондай-ақ қоғамдық орындарға жаңа қоқыс жәшіктерін орнату. Екінші кезең – «Таза саябақтар мен скверлер»: тұрғындар мен еріктілердің қатысуымен саябақтар, скверлер және өзен жағалауларында қоқыс жинау жұмыстары.Үшінші кезең – «Таза аулалар»: аулаларда жергілікті сенбіліктер өткізу, балалар және спорт алаңдарын, көркейту элементтерін сырлау.Төртінші, соңғы кезең – «Біздің қала – біздің мақтанышымыз»: тарихи ескерткіштер мен мәдени нысандарды ретке келтіру, жаппай ағаш отырғызу және қаланы көгалдандыру іс-шаралары.«Құрметті тұрғындар! «Алматы – біздің ортақ үйіміз», ал әр үйде тазалық пен жайлылық болуы керек. Әрқайсыңызды өзінен кейін қоқыс қалдырмауға, табиғатты аялауға және тазалық сақтауға шақырамын. Біздің науқанға атсалысыңыздар! Қаламыз баршаға үлгі болсын! Алматыға деген қамқорлықтарыңыз бен сүйіспеншіліктеріңіз үшін рақмет!», – деп сөзін түйіндеді Әлішер Әбдіқадыров.Айта кетейік, «Алматы – біздің ортақ үйіміз» науқанына қатысты барлық жаңалық Almaty.kz сайтында жарияланып отырады.Ақпарат көзі : https://www.gov.kz/memleket/entities/almaty/press/news/details/948603

1 наурыз бен 1 сәуір аралығында Алматыда «Таза Қазақстан» бағдарламасы аясында «Алматы – біздің ортақ үйіміз» ауқымды науқаны өтеді. Науқан мақсаттарының бірі - экологиялық мәдениетті арттыру және қала тұрғындары арасында қоршаған ортаға ұқыпты қарауды қалыптастыру.Науқан төрт тақырыптық апта бойынша өтеді, оларі:* «Таза көшелер» (1-9 наурыз) - аялдамаларды, жол белгілерін тазарту,қоқыс жәшіктерін орнату, магистральдарды абаттандыру;* «Таза саябақтар, скверлер мен таулар» (10-16 наурыз) - табиғи аймақтардағы сенбіліктер және қоқыс жинау жұмыстары;* «Таза аулалар» (17-23 наурыз) - аула аумақтарын, балалар және спорт алаңдарын, абаттандыру элементтерін жинау және сырлау, көгалдандыру, «Үздік аула/аула сыпырушы/аула жанындағы бау-бақша конкурстары;* «Біздің қала – біздің мақтанышымыз» (24 наурыз–1 сәуір) ескерткіштерді абаттандыру және ағаштарды жаппай отырғызу.«Өткен жылы басталған экологиялық бастамаларды жалғастыра отырып, біз бірге қаламызды таза әрі жайлы етуге тырысамыз. 2024 жылы Алматыда абаттандырудың жаңа ережелері бекітілді, оның аясында 6 мыңнан астам кәсіпкерлік объектілері үшін абаттандыру паспорттарының жүйесі енгізілді. Бүгінгі таңда 4918 паспорт ресімделді, бұл жоспарланғанның 82%-ын құрайды. Паспорттау қасбеттерді, тротуарларды, жасыл аймақтарды және басқа да объектілерді қоса алғанда, іргелес аумақтар үшін жауапкершілікті бекітуге мүмкіндік береді», - деді Алматы әкімінің орынбасары Бейбіт Шаханов.Науқан аясында 600-ден астам заңсыз стационарлық емес сауда нысандарын (СЕСН) бөлшектеу, 1 сәуірге дейін вандалға қарсы 12 мың урна орнату, 4020-дан астам ауланы абаттандыру, 445 саябақ пен гүлзарды, өзендер мен көлдердің жағалауларын тазалау, сондай-ақ 5 мың ағаш пен бұта отырғызу жоспарланған.«Құрметті тұрғындар! «Алматы-біздің ортақ үйіміз», ал әрбір үй таза әрі жайлы болу керек. Сіздердің әрқайсыларыңызды қоқыстарды тазалауға, табиғатты қорғауға және тазалықты сақтауға шақырамын. Біздің науқанға қосылыңыз! Біздің қала барлығына үлгі болсын! Алматыға деген қамқорлығыңыз бен сүйіспеншілігіңіз үшін рахмет!», - Алматы әкімінің орынбасары Әлішер Әбдіқадыров осылайша алматылықтарды қаланы тазартуға белсенді түрде қатысуға шақырды.Барлық толық ақпарат Almaty.kz сайтында жарияланатын болады.Ақпарат көзі : https://www.gov.kz/memleket/entities/almaty/press/news/details/948616

Премьер-министрдің орынбасары – ұлттық экономика министрі Серік Жұманғарин Әли Джавад Әл-Эйдті 2025 жылғы 28 қаңтарда ХВҚ миссиясының басшысы лауазымына тағайындалуымен құттықтап, Қазақстан ХВҚ-ның сараптамалық қорытындысы мен ұсынымдарын әрдайым жоғары бағалайтынын, бұл еліміздің экономикалық саясатын қалыптастыру мен маңызды стратегиялық шешімдер қабылдау үшін таптырмас ресурсқа айналғанын атап өтті.«Қазақстан Қормен 30 жылдан астам уақыт жемісті ынтымақтастық орнатып, айрықша қолдауға ие болды. Біздің ХВҚ-мен ұзақмерзімді әріптестігіміз экономикалық тұрақтылықты қамтамасыз етіп, Қазақстан экономикасының сапалы әрі орнықты өсуі үшін өте маңызды», — деп атап өтті Серік Жұманғарин. Кездесуге қатысушылар құрылымдық реформаларды жүзеге асыру, салық-бюджет саясатын жетілдіру және ұлттық қаржы нарығын дамытуға бағытталған жобалардың оң нәтижелерін атап өтті. Бұл жобаларды іске асыру барысында ХВҚ-ның тәжірибесі мен ұсынымдары ескерілгені айтылды. Сондай-ақ 2021 жылдан бері Алматыда жұмыс істеп келе жатқан ХВҚ-ның Кавказ, Орталық Азия және Моңғолия әлеуетін дамыту жөніндегі өңірлік орталығының өңірлік ынтымақтастықты нығайтуға қосқан елеулі үлесі ерекше атап өтілді.Сонымен қатар вице-премьер мен миссия басшысы мемлекеттің экономикалық нақты секторын қаржыландыру, бюджет-салық реформасын іске асыру жөніндегі жоспарларын, сондай-ақ өзара іс-қимылдың басқа да аспектілерін талқылады.Ақпарат көзі : https://www.gov.kz/memleket/entities/economy/press/news/details/947794

Медеу ауданының тұрғындарымен кездесу барысында Алматы әкімі Ерболат Досаев жол және көлік инфрақұрылымын дамыту жұмыстары туралы айтып берді.Қала басшысы 2024 жылы ұзындығы 23 км 26 көше орташа жөндеумен қамтылғанын хабарлады. биыл 25 көшеде тағы 23,7 км жолға орташа жөндеу жұмыстары жоспарланған.Медеу ауданында көше-жол желісінің сапасын арттыру үшін өткен жылы 64 мың шаршы метр жол жабыны қалпына келтірілді, 30 көшеде 14,3 км тротуар және 10 км арық желілері салынды. Ағымдағы жылы 73 мың шаршы метр жол жабынын жөндеуді, 9 көшеде 36 шақырымнан астам жаңа тротуарлар салуды және 18 көшеде 5 шақырымға жуық арық желілерін салуды қоса алғанда, бірқатар қосымша жұмыстарды орындау жоспарлануда.Кездесу барысында Алматы әкімі ауданда қоғамдық көлік қызметтерінің сапасын арттыру бойынша жүргізіліп жатқан жұмыстар туралы да хабардар етті. 2024 жылы жылжымалы құрам 300 бірлікке 1569 автобусқа дейін ұлғайтылды, бұл 8 жаңа маршрутты ұйымдастыруға, 42 қолданыстағы маршрутты жаңартуға және нығайтуға мүмкіндік берді. 2025 жылғы мамырда жылжымалы құрам 13 маршрутта тағы 44 автобусқа ұлғайтылатын болады.Жалпы Алматыда 2025 жылы қоғамдық көліктің қолжетімділігін арттыру және дамыту мақсатында қала аудандары бойынша одан әрі бөле отырып, тағы 800 жаңа автобус сатып алу жоспарлануда.Ақпарат көзі : https://www.gov.kz/memleket/entities/almaty/press/news/details/947461

Алматыдағы Медеу ауданының өткен жылғы әлеуметтік-экономикалық даму қорытындылары оң серпінді көрсетіп отыр. Бұл туралы мегаполис әкімі Ерболат Досаев аудан тұрғындарымен кездесу барысында мәлімдеді.Қала басшысының айтуынша, жұмыс істеп тұрған бизнес субъектілерінің саны 5,2% - ға артып, 46,2 мыңға жетті. Бөлшек сауда көлемі 5% - ға өсіп, 1,4 трлн теңгені құрады, ал құрылыс саласы 38,7% - ға өсіп, 101 млрд теңгеге жетті.Туризм саласы да белсенді дамып келеді. 2024 жылдың 9 айында Медеу ауданына 430 мыңнан астам турист келді, оның ішінде 99 290 шетелдік қонақ. Бұл 2023 жылдың сәйкес кезеңімен салыстырғанда 6% - ға көп, шетелдік туристер саны 10% - ға өсті.Бұл көрсеткіштер Медеу ауданында салық түсімдерін 18,7% - ға, 443,1 млрд теңгеге дейін ұлғайтуға, сондай-ақ 8 мың жаңа тұрақты жұмыс орнын құруға ықпал етті.Белсенді экономикалық дамудың арқасында аудан бюджеті 2024 жылы 32% - ға ұлғайып, 36,1 млрд теңгеге жетті, ал 2025 жылы тағы 6,4% - ға өсіп, 38,4 млрд теңгені құрады.Қала және аудан әкімдіктері жұмыстарының негізгі бағыттары инженерлік және әлеуметтік инфрақұрылымды одан әрі жаңғырту, сондай-ақ жайлы қалалық ортаны белсенді дамыту болады.Ақпарат көзі : https://www.gov.kz/memleket/entities/almaty/press/news/details/947495

Almaty Tourism Bureau Mastercard-пен бірлесіп, қалаға келетін саяхатшының жүріп өткен жолын егжей-тегжей талдап, Алматыдағы турист ағынына зерттеу жүргізді. Талдау саяхаттың негізгі кезеңдерін қамтиды – жоспарлау, брондау, орналасу мен демалыс.Tourism Insights (Mastercard) деректеріне сәйкес, Алматы Орталық Азия бойынша туристік іздеу сұраныстарының 29,7%-ын иеленіп, Қазақстанның басты туристік орталығы болып қала береді, бұл алдыңғы көрсеткіштен 2 пайыз жоғары. Өсімді әуе рейстерінің көбеюінен байқауға болады: Алматыға рейстер саны дәстүрлі әуе компанияларында (+24,7%) және лоукостерлерде (+44,5%) артты. Қайта келушілердің үлесі 78,6%-ға өсіп, 25%-ға жетті, ал әсіресе ірі шаралардың алдында билеттерді ертерек, 40 күн бұрын іздеу уақыты 24%-ға артты.Алматыға рейс брондайтын жолаушылар саны 1,5 есе өсе, бұл қолжетімді рейстердің көбеюімен байланысты. Алдыңғы қатардағы 10 елдің ішінде Қытай ерекше көзге түседі – 2024 жылдың бірінші жартыжылдығында бұл елден брондаулар саны 6 есеге артып, 25,2 мың билетке жетті. Ең көп брондау Түркиядан жасалған, бұл Қазақстанмен іскерлік байланыстардың тығыздығына қатысты.Алматыға келетін туристер белсенді демалысты жөн көреді: 54% табиғат аясындағы турлар мен экскурсияларды, 44% джип-турларды таңдайды. Гастрономия, шопинг және ойын-сауық жоғары бағаланып жүр, 70%-ы оң пікір білдірген. Отбасылық туризмге қатысты жағымды пікірлер үлесі 12 пайызға өсті. Іскерлік шығындар белсенділік, инвестициялар және халықаралық форумдардың көбеюіне байланысты үш есеге артты.Almaty Tourism Bureau Алматының туристік хабқа айналу жоспары осылайша жүзеге асып жатқанын атап өтті. Қаланың әуежайы арқылы транзит жолаушылар санының артуы оның халықаралық бағыттардағы рөлінің өсіп келе жатқанын дәлелдейді. Зерттеу Алматы демалыс пен іскерлік сапарлар үшін танымал бағыт болып қала беретінін, ал қаланың туристік секторы қарқынды дамып жатқанын көрсетті.Толық есеп мына сілтемеде.Ақпарат көзі : https://www.gov.kz/memleket/entities/almaty/press/news/details/946425

26 ақпан күні таңертең Алматы қаласында жаңбыр түрінде жауын-шашын күтіледі, кешке ылғалды қарға ауысады, ол 27 ақпанда тәуліктің басында аяқталады, түнгі кезеңде ауа температурасы -3...-5 градус аязға дейін, күндіз +1...+3 жылу төмендейді.Осыған байланысты қаланың коммуналдық қызметтері күшейтілген режимде жұмысқа ауыстырылады, өндірістік базаларда жүргізушілердің, механизаторлардың және жол жұмысшыларының тәулік бойы кезекшіліктері ұйымдастырылады. Қар жауа бастағанға дейін орналасқан жерлердегі көктайғақ құбылыстарының алдын алу мақсатында 204 құм таратқыштың кезекшілігі ұйымдастырылатын болады. Алдын ала қар жауар алдында негізгі магистральдық көшелерді сұйық реагенттермен өңдеу жоспарлануда. Тәулік бойы 624 бірлік арнайы техника мен 1380 жол жұмысшысын тарту жоспарлануда.Бұдан басқа, жолдардың қауіпті учаскелерінде, түсулерде, көтерілулерде, жол айрықтарынан шығуларда мұздың алдын алу және жою үшін 46 жедел бригаданың күшімен жол жамылғысының жай-күйін патрульдеу жөніндегі жұмыс күшейтілетін болады. Аудан әкімдіктерінде жұмыс өндірісін бақылау бойынша тәулік бойы кезекшілік ұйымдастырылады.Жолдардың жүріс бөлігіндегі болжамды мұздануға, тротуарлардағы көктайғаққа байланысты автокөлік жүргізушілері мен жаяу жүргіншілерден сақтық шараларын сақтауды сұраймыз. Жүргізушілерге жылдамдықты төмендетуге, автомобильдер арасындағы қашықтықты арттыруға және өткір маневрлерден аулақ болуға кеңес береміз.Көлік жүргізу тәжірибесі аз адамдар автокөлікпен жүруден бас тартып, қоғамдық көлікке ауысқандары дұрыс. Жаяу жүргіншілер мұзды қабыршақтың пайда болуына байланысты тротуарларда жүру кезінде сақтық шараларын сақтауы керек.Құрметті қала тұрғындары! Көшеде абай болыңыз, өміріңізге қауіп төндірмеңіз.Коммуналдық инфрақұрылымды дамыту басқармасыАқпарат көзі : https://www.gov.kz/memleket/entities/almaty/press/news/details/945369

Премьер-министрдің орынбасары – ұлттық экономика министрі Серік Жұманғарин биыл мұнай-газ саласының әлеуетіне және Маңғыстау облысының инвестициялық-экономикалық дамуына арналған экономикалық өсуді қамтамасыз ету жөніндегі штаб отырысын өткізді.2024 жылы ЖІӨ-нің 4,8%-ға нақты өсуі кезінде 2025 жылға таргет – 7% мөлшерінде деп белгіленіп отыр. Бұл экономиканың нақты секторының инвестициялық жобаларын уақтылы іске асыру кезіндегі өте жоғары, бірақ қол жеткізуге болатын көрсеткіш.Энергетика вице-министрі Ерлан Ақкенженов айтқандай, қаңтар айының қорытындысы бойынша мұнай өңдеу 1,53 млн тоннаны құрады немесе өткен жылғы қаңтардағы көрсеткішпен салыстырғанда – 104%. Бұл көрсеткіш 2025 жылғы бірінші айдағы жоспардан 0,6%-ға алда.Қазақстанның ЖІӨ құрылымындағы жалпы мұнай өңдеу үлесі 1%-дан аз (2023 жылы – 0,8%, 2024 жылы 9 айда – 0,6%). Сонымен қатар мұнай өңдеу саласы – бұл қосылған құны жоғары өнім өндірісі. 2025 жылғы мамырдың соңында «CaspiBitum» БК ЖШС кеңейту жобасын іске асыру аяқталғаннан кейін оның қайта өңдеу қуаты 1 млн тоннадан 1,5 млн тоннаға дейін ұлғаюы тиіс. 2026 жылы Қазақстанда қайта өңдеу қуатының жиынтық көлемі 18 млн тоннадан 18,5 млн тоннаға дейін өседі.Вице-премьер ірі қайта өңдеу зауыттары мен шағын МӨЗ жүктемесіне қатысты өзекті мәселелерді тыңдады.«Қандай да бір елеулі сыртқы фактор болмаса, мұнай өңдеу саласында биыл Қазақстанның ЖІӨ-ге үлесін ұлғайтуға жақсы мүмкіндік бар», — деп атап өтті Серік Жұманғарин.Маңғыстау облысының таргеттелетін физикалық өсу индексінің құрамдас бөлігі жекелей қарастырылды. Осы жылға арналған 7%-дық өсу міндеті кезінде қаңтардың қорытындысы бойынша ауыл шаруашылығы мен балық шаруашылығында (жоспардағы 101%-дан 87,5%-ға) және саудада (нысаналы 105,4%-дың орнына 102%) көрсеткіштердің төмен орындалуы байқалды. Вице-премьер алдағы айларда қойылған жоспардың орындалуын қамтамасыз етуді тапсырды. Еліміздің ЖІӨ-дегі сауданың айтарлықтай үлесін ескере отырып (2024 жылы 19%) штабтың жақын арадағы отырыстарының бірі қоймасы бар сауда мен көлік саласына арналады. Сондай-ақ штаб отырысында өңірдің бюджеттік-инвестициялық жобаларына қаражаттың төмен игерілу себептері қаралып, талдау жасалды. Вице-премьер шұғыл қаржыландыруды қажет ететін барлық жобаны олардың экономиканың нақты секторына салымды ұлғайтуға әсер ету призмасы тұрғысынан зерделеуді тапсырды.Ақпарат көзі : https://www.gov.kz/memleket/entities/economy/press/news/details/949358

Ұлттық экономика министрлігі Ұлттық әл-ауқат қорын қоспағанда, мемлекет 100% қатысатын акционерлік қоғамдар мен жауапкершілігі шектеулі серіктестіктердің директорлар кеңесі мен байқау кеңестері үшін тәуелсіз директорларды (тәуелсіз мүшелерді) іріктеудің жаңа ережелері мен өлшемшарттарын енгізеді.Бұл өзгерістер корпоративтік басқару сапасын арттырып, мемлекеттік компаниялар деңгейінде шешім қабылдаудың тәуелсіз болуын қамтамасыз етеді. Кеңестер құрамында гендерлік тепе-теңдікті сақтауға ерекше назар аударылмақ. Бұл шешім қабылдау үдерісінің әр алуандығы мен сапасына әсер етеді.Жаңа ережелерге сәйкес, тәуелсіз директор лауазымына үміткер кәсіби дағдысы мен тәжірибесімен қатар, жеке қасиеті де көрінетін біліктілік талабына анық сай болуы керек. Барынша ашық жүргізілетін іріктеу жүйесі біліктілігі жоғары мамандарды табуды мақсат тұтады. Сонымен қатар, директорлар кеңесі мен байқау кеңестерінде сабақтастықты енгізуді міндетті жоспарлау көшбасшылықты орнықтырып, тиімді шешім қабылдауға ықпал етпек.Үміткерлерді іріктеуді жеңілдету үшін Тәуелсіз директорлар тізілімі жасалады. Осылайша, уәкілетті орган білікті маман туралы деректі оңай біле алады. Ал оларды іріктеу уәкілетті орган ұйымдастыратын конкурс арқылы жүзеге асырылады. Мамандар біліктілік бойынша бағаланады. Комиссия сұхбаттасу өткізеді.Үміткерлерді іріктеуде бейтараптық сақталып, кәсібилік алдыңғы орынға шығуы үшін комиссия құрамына мемлекеттік органдардың өкілдері, сондай-ақ корпоративтік басқару мәселесімен айналысатын сарапшылар мен қоғамдық ұйым өкілдері енгізіледі.Жаңа ережедегі маңызды ұсыныс – директорлар кеңесі мен байқау кеңесінің құрамындағы әйелдердің үлесін кемінде 30% ету. Бұл гендерлік тепе-теңдікті жақсартуға, өзекті шешім қабылдау кезіндегі пікірлердің әр алуандығына ықпал етпек.Айтылған жаңашылдықтар іріктеудің ашықтығы мен объективтілігін арттыру, басқару органдары жұмысының тәуелсіздігі мен тиімділігін күшейту тәрізді бірқатар мақсатты көздейді. Осы арқылы тәжірибелі, сараптамалық білімі бар, біліктілігі жоғары мамандарды тартуға, корпоративтік басқаруды күшейтуге, мемлекет қатысатын компаниялардың беделін жақсартуға жол ашылады.Бұйрықтың жобасы ашық нормативтік-құқықтық актілердің интернет-порталында орналастырылған. Талқылау 2025 жылғы 17 наурызға дейін жүргізіледі.Ақпарат көзі : https://www.gov.kz/memleket/entities/economy/press/news/details/947772

ҚР Парламенті Мәжілісінің Аграрлық мәселелер комитетінің төрағасы Серік Егізбаевтың жетекшілігімен ауылдық аумақтарды, оның ішінде шекара маңындағы ауылдарды дамыту туралы дөңгелек үстел өтті. Отырысқа Мәжіліс төрағасының орынбасары Альберт Рау, депутаттар, тиісті министрліктер мен ұлттық компаниялардың өкілдері қатысты.Ұлттық экономика вице-министрі Бауыржан Омарбеков баяндама жасап, ауылдық аумақтарды кешенді дамытудың ағымдағы шаралары мен жаңа тәсілдерін ұсынды. Оның айтуынша, 2025 жылдың 1 қаңтарындағы жағдай бойынша Қазақстанда 7,5 млн адам тұратын 6 147 ауылдық елді мекен бар.Қазіргі уақытта Үкімет басшысының тапсырмасы бойынша Ұлттық экономика министрлігі 2030 жылға дейінгі өңірлік саясат тұжырымдамасын әзірлеуді бастады. Жаңа тәсілдерді жетілдіру мақсатында өңірлік саясат бойынша жобалық кеңсе құрылды, - деді Бауыржан Омарбеков.Инфрақұрылымды дамытуға ерекше көңіл бөлінеді. 2024 жылы базалық қызметтермен қамтамасыз ету 64% - ға жетті, ал «Ауыл – ел бесігі» жобасы аясында ауылдарды жаңғыртуға 701 млрд теңге бөлінді. ТКШ, әлеуметтік және көлік объектілерін қоса алғанда, 6,6 мың инфрақұрылымдық жоба іске асырылды.Мемлекеттік шекараларды қорғауды қамтамасыз ететін шекара маңындағы аумақтарды дамытудың маңыздылығы атап өтілді. Қазақстанда 14 облыстың көрші мемлекеттермен шекаралары бар, ал 66 шекара маңындағы аудандарда 1 383 ауылдық елді мекен, екі моноқала және сегіз шағын қала орналасқан. Ауыл кәсіпкерлігін қолдау аясында «Ауыл аманаты» жобасы бойынша 100 млрд теңгеден астам сомаға 17 мың шағын несие берілді, бұл 17 мың жұмыс орнын құруға мүмкіндік берді.Шалғай шекара маңындағы аудандардың тұрғындары үшін жалақыға үстемеақылар мен еңбек өтілін есептеудің ерекше нормаларын енгізу қосымша қарастырылуда. Қабылданған шаралар ауылдық аумақтарды кешенді дамытуға, жұмыс орындарын құруға, инфрақұрылымды жақсартуға және ауыл халқының өмір сүру сапасын арттыруға бағытталған.Ақпарат көзі : https://www.gov.kz/memleket/entities/economy/press/news/details/943146

Мемлекет басшысының экономиканы әртараптандыру және экономикаға инвестициялар тарту туралы тапсырмасы бойынша Үкімет қаржылық даму институттары арқылы ШОБ өңдеу өнеркәсібі және ірі бизнес саласындағы инвестициялық жобаларды, оның ішінде жеңіл өнеркәсіп, химия өнеркәсібі, тамақ өнімдерін және құрылыс материалдарын өндіру, машина жасау, жүк тасымалдау, негізгі жобаларды, ШОБ дамыту үшін экоорта қалыптастыратын инфрақұрылымдық және кластерлік жобаларды қолдаудың ауқымды науқанын бастайды.2025 жылы «Бәйтерек» ұлттық басқарушы холдингі» АҚ кәсіпкерлікті қолдауға, тұрғын үй құрылысын дамытуға және 2027 жылға қарай қаржыландыру көлемін одан әрі 10 трлн теңгеге дейін арттыра отырып, негізгі ұлттық және инвестициялық жобаларды іске асыруға 8 трлн теңге бағыттайды. Ауқымды қаржыландыру шеңберінде бизнесті, экспорттық мүмкіндіктерді дамытуға бағытталған қолдаудың жаңа тетіктері іске қосылады, қаржыландыру және әлеуметтік бастамалар құралдары кеңейтіледі. Олардың ішінде:ШОБ пен ірі бизнесті қолдау үшін екі кепілдік қоры құрыладыШОБ-ты қолдау үшін 2025 жылы «Даму» кепілдік қоры құрылады. Бұл үшін «Даму» функциялары жаңа міндеттермен толықтырылады, кепілдік беру құралы бойынша өнім желісі кеңейтіледі, ұсынылатын кепілдіктердің мөлшері ұлғайтылады, кепілдендіруге жататын экономика секторларының (ЭҚЖЖ) тізбесі кеңейтіледі. Жаңа өнімдерге кепілдіктерді қайтарымсыздық және шартсыздық қағидаттары бойынша шығару жоспарлануда. Кепілдік қорын құру мемлекеттік бюджетке түсетін жүктемені қосымша қаржыландыру көздерінен қаражат тарту есебінен азайтады, бизнес субъектілерін кепілдік беру түріндегі қолдау шарасымен қамтуды ұлғайтады және банктердің өтімділігін экономикалық айналымға тиімді тартуға мүмкіндік береді.Кепілдік қорын іске қосу 2028 жылға қарай кепілдіктер портфелін 1 трлн теңгеге дейін арттыруға (2023 жылмен салыстырғанда +148%) және жыл сайын 50 мыңнан астам жобаны қолдауға мүмкіндік береді (2023 жылы кепілдік беру құралы арқылы 8 212 жобаға қолдау көрсетілді).2025 жылы «Даму» қоры 1,7 трлн теңгені құрайтын ШОБ-тың кемінде 30 мың жобасына қолдау көрсетеді.Бәйтеректің ірі бизнеске арналған кепілдік қоры ірі және стратегиялық маңызды жобаларды кепілмен қамтамасыз етудің жеткілікті болуы мәселесін шешеді.Жобаны қаржыландыру кезінде екінші деңгейлі банктердің және/немесе ҚДБ-ның несиесі жоба құнының 80%-ын құрауы мүмкін. Кепілдік беру кепілмен қамтамасыз етудің жеткілікті болуы мәселелерін шеше отырып, жоба құнының 30%-на дейінгі сомаға берілетін болады.Бәйтеректің қаржыландыру сомасы 7,3 трлн теңгені құрайды, оның ішінде 2025 жылға 3,7 трлн теңге қарастырылған. Холдингтің кепілдігі 2,2 трлн теңгеге немесе 30%-ға дейін жетуі мүмкін, оның ішінде 1,1 трлн теңгеге дейінгі кепілдік 2025 жылға қарастырылған. Бұл ретте 50% – болашақ бизнес серіктестің кепілдігі. Бәйтерек жобаның капиталына кіре алады, содан кейін кәсіпкердің жеке қатысу мөлшері 20%-дан төмен болуы мүмкін. Осылайша, ірі жобаларда кепілмен қамтамасыз етудің жетіспеушілігі мәселесі шешілуде.Ірі бизнес субъектілерін қаржыландыру үшін құны 7 млрд теңгеден басталатын жобалар бойынша кепілдіктер берілетін болады.Екінші деңгейлі банктер үшін бұл несиелендіру көлемінің ұлғаюын және кепіл көлемі жеткіліксіз болған кезде несиелендіру тәуекелдерінің төмендеуін қамтамасыз етуге мүмкіндік береді.Кепілдіктер беру өңдеу өнеркәсібі секторларында жоспарланып отыр. Кепілдіктердің қайтарымсыздығы банктердің қызығушылығын арттыруға, ал бизнес субъектілері үшін кепілдіктердің ақылы болуы кәсіпкерлердің жауапкершілігін күшейтуге арналған.Корпоративтік/жобалық қаржыландыру – «Қазақстанның даму банкі» АҚ (ҚДБ) тек қана ірі индустриялық және инфрақұрылымдық жобаларды дамытуға қайта бағдарланады. Холдингтің еншілес компаниясы – Qazaqstan Investment Corporation АҚ (QIC) кәсіпкерлерге үлестік қаржыландыру мүмкіндіктерін ұсына отырып және бизнестің мемлекеттік саясаты мен инвестициялық міндеттемелеріне қойылатын талаптарды ескере отырып, жобаларды іске асыруда толыққанды әріптес ретінде private equity дамытуға назар аударады.Экспортты кеңейту – сыртқы нарықтарды дамыту стратегиясы шеңберінде сауда қорын және экспортты қолдаудың арнайы құралдарын әзірлеу жоспарланып отыр. «Қазақстанның экспорттық-кредиттік агенттігі» АҚ-ның сақтандыру, қайта сақтандыру, кепілдік құралдары және композиттік қызметтер бойынша қызметі кеңейтілді, бұл қазақстандық компанияларға бәсекеге қабілетті өнімдермен жаңа нарықтарға шығуға мүмкіндік береді.Сонымен қатар «Бәйтерек» холдингі екінші деңгейлі банктермен және халықаралық қаржы институттарымен бірге еліміздің экономикалық дамуына және мемлекет басымдық беріп отырған, оның ішінде отандық тауар өндірісін қолдауға бағытталған инфрақұрылымдық бағдарламаларды қаржыландыруға дайын.ТКШ инфрақұрылымын қаржыландыру (ұлттық жоба)«Энергетикалық және коммуналдық секторларды жаңғырту» ұлттық жобасы шеңберінде тұрғын үй-коммуналдық шаруашылық саласындағы инженерлік желілердің тозуын төмендету жөніндегі мәселелерді уақтылы шешу мақсатында инвестициялардың жалпы көлемі 13 трлн теңгеден асатын ескірген инфрақұрылымды ауқымды жаңарту көзделіп отыр, оның 4,7 трлн теңгесі Холдингке тиесілі.Энергетикалық және коммуналдық инфрақұрылымды жаңғырту және салу шеңберінде елішілік құндылық үлесін арттыру үшін отандық өндіріс тауарларын пайдалануды күшейту жұмыстары жүргізіледі. Бұл тәсіл ішкі бәсекеге қабілеттілікті арттырып қана қоймай, жаңа жұмыс орындарын ашуға, импортқа тәуелділікті азайтуға және жалпы нарықтағы «жергілікті» кәсіпорындардың ұстанымын нығайтуға мүмкіндік береді.Жаңғырту мен құрылыстың белсенді кезеңі басталғанға дейін инфрақұрылымды жаңғыртудың ауқымды бағдарламасы туралы отандық тауар өндірушілерді ақпараттандыру бойынша кешенді жұмыс жүргізу жоспарланып отыр.Отандық тауар өндірушілер өнімін шығаруға шамамен 4,9 трлн теңге қажет болады.Сонымен қатар Үкімет жекелеген салаларды дамыту мақсатында жекелеген салаларда – IT, логистика, туризм, жеңіл өнеркәсіп, химия өнеркәсібі, тамақ өнімдерін, құрылыс материалдарын өндіру, машина жасау салаларында «инвестицияларға тапсырыс» жариялайды. Мүдделі тұлғалар Ұлттық экономика министрлігінің Экономика салаларын дамыту департаментіне, «Даму» қорына, «Бәйтерек» холдингіне жүгінуі қажет.Ақпарат көзі : https://www.gov.kz/memleket/entities/economy/press/news/details/943209

Аграрлық сектор саласындағы инвестициялық жобаларды дамыту үшін 2025 жылы Аграрлық несие корпорациясы (АНК) және ҚазАгроҚаржы арқылы шамамен 1,5 трлн теңге қаражат бағытталады. Қаражат көктемгі егіс және жиын-терім жұмыстарын жүргізуге, инвестициялық жобаларды іске асыруға, негізгі құралдарды сатып алуға және айналым қаражатын толықтыруға, ауыл шаруашылығы техникасының лизингіне беріледі.Жобаларды несиелендіру кезінде келесідей бағыттарға басымдық жасалады:Ауыл шаруашылығы өнімдерін қайта өңдеу және азық-түлік өнімдерін өндіру (әлеуметтік маңызы бар азық-түлік өнімдеріне басымдық)Суару жүйесін дамыту (жаңбырлату қондырғылары, суару құрылыстары, тамшылатып суару)Өнеркәсіптік жылыжайлар (көкөніс бағасының маусымдық ауытқуының төмендеуі)Инфрақұрылымды дамыту (орау, сақтау, тасымалдау) Өнеркәсіптік ауқымда жемшөп өндірісін дамыту.Инвестициялық жобаларды несиелендіру АӨК инвестицияларын ұлғайту, азық-түлік инфляциясының импортын азайту үшін ішкі өндірісті дамыту және ішкі нарықты отандық өніммен тұрақты қамтамасыз ету, сондай-ақ экспорттық әлеуетті іске асыру жөніндегі міндеттерді шешуге бағытталмақ.Жобаларды қамтуды ұлғайту үшін АНК арқылы жобаларды несиелендіру лимиттері 7 млрд теңгеден 15 млрд теңгеге дейін артады. Сондай-ақ Бәйтеректің Кепілдік қорының, Дамудың кепілдерін Аграрлық несие корпорациясының ұзақ мерзімді ірі жобаларына қолдану кеңейтіледі, Қазақстанның экспорттық-кредиттік агенттігінің ауыл шаруашылығы өнімдерінің экспортын қолдауға арналған мандаты күшейтіледі.ҚазАгроҚаржы лизингтік бағдарламалары шеңберінде отандық ауыл шаруашылығы техникасына басым түрде қолдау көрсетіледі. Бұл фермерлерді қолдаудың осы шарасының өнеркәсіптік кәсіпорындарға мультипликативтік әсерін кеңейтуге мүмкіндік береді.Бұдан басқа, «Бәйтерек» холдингі құс фабрикаларының пулын қалыптастырып, ауыл шаруашылығы өндірушілерінің экспорттық мүмкіндігін арттыруды жалғастырады. Малайзиямен жаңа өткізу нарықтарын игеру, сондай-ақ астық экспортын $200 млн-ға дейін ұлғайтатын жаңа сауда қорын құру жөнінде келіссөздер жүргізіліп жатыр. Ұзақ мерзімді перспективада аталған көрсеткішті $1 млрд-қа дейін арттыру жоспарлануда.Экспортты кеңейту және жаңа нарықтарЭкспорттық стратегия шеңберінде отандық өндірушілер үшін сақтандыру, қайта сақтандыру және кепілдік құралдары кеңейтілуде. Жаңа нарықтарға шығу және қазақстандық экспорт үшін кешенді шешімдер ұсыну маңызды міндет болып отыр.Осыған байланысты, «Бәйтерек» сауда қорын іске қосып, құс шаруашылығы кәсіпорындары мен өсімдік шаруашылығын дамытуды қосқанда, экспортқа бағдарланған жобалар пулын қалыптастырады.Экспорттың негізгі бағыттары:Экспорттық арналарды кеңейту үшін өсімдік шаруашылығы өнімдерінің (дәнді, майлы және бұршақ дақылдары) ірі өндірушілері мен трейдерлерін шоғырландыру.Тұрақты экспорттық жеткізу тізбегін құру және экспорт географиясын кеңейту (ҚХР, Орталық Азия, ЕО).Баға белгілеудегі алыпсатарлық факторлардың төмендеуі және нарықты тұрақтандыру.Ірі шетелдік сатып алушылармен әріптестік (COFCO және басқалар).Инвестициялық қолдау және сауда қызметіне жеке секторды тарту.Көлік-логистикалық қызметтер бойынша агроөндірушілер үшін жағдайды жақсарту.Келешекте – қорды Food Security Fund-қа КОВА және Таяу Шығыс елдерінде азық-түлік қауіпсіздігін қамтамасыз ету үшін кеңірек мандатпен трансформациялау.«Қазақстанның экспорттық-кредиттік агенттігі» АҚ (ЭКА) арқылы экспортты қолдау құралдарына келесілер кіреді:кепілдіктер,қайта сақтандыру,композиттік қызметтер.Бұл шаралар қазақстандық өнімді жаңа нарықтарға шығаруға және отандық өндірушілердің позициясын нығайтуға мүмкіндік береді. ЭКА екінші деңгейлі банктермен де, «Бәйтерек» тобы ішіндегі басқа қаржы институттарымен де жұмыс істейді. Бұл ретте қолдау құралдары бизнестің локализациялау, индустрияландыру және инвесторларды тарту жөніндегі міндеттемелеріне айырбас ретінде ұсынылады.Тұрғын үй құрылысын дамытуМоноқалаларда, шағын қалаларда және облыс орталықтарында тұрғын үймен қамтамасыз ету жөніндегі жобаларды іске асыру жұмыстың маңызды бағыты болады. Бұл халықтың тұрғын үй жағдайларын жақсартып қана қоймайды, сонымен қатар кадрлардың жергілікті жерде тұрақтап қалуын ынталандырады. Әсіресе, ол биылғы Жұмысшы мамандықтары жылы аясында маңызды.2025 жылы ҚР Премьер-министрі Олжас Бектеновтің тапсырмасы бойынша жұмысшы мамандықтар: өнеркәсіп, энергетика, көлік, ауыл шаруашылығы және су ресурстары мамандықтарына бағытталған «Наурыз жұмыскер» жаңа ипотекалық бағдарламасы іске қосылды.Бағдарламаның негізгі параметрлері:72 млрд теңге сомасына 2 440 қарыз;Өтінімдерді қабылдауды бастау – 2025 жылғы 17 наурыз;Жеңілдетілген ипотекаға қол жеткізуді кеңейте отырып, «Наурыз жұмыскер» бағдарламасын «Наурыз» бағдарламасына енгізу.«Бәйтерек» холдингі жергілікті әріптестерді тұрғын үймен қамтамасыз ету жөніндегі бағдарламаларды, оның ішінде «Қазақстан Тұрғын үй компаниясы» АҚ тетіктері арқылы іске асыруға белсенді түрде тартуда. Бірлескен жобалар тұрғын үй мәселелерін шешіп қана қоймай, өңірлерде білікті кадрлардың тұрақтап қалуына көмектеседі.Бұл бастамалар экономиканың теңгерімді дамуын және Қазақстанның стратегиялық басымдықтарына сәйкес келетін тұрақты қаржы жүйесін құруды қамтамасыз етеді.Ақпарат көзі : https://www.gov.kz/memleket/entities/economy/press/news/details/943344