Өңір экологиялық бастаманы белсенді қолдады: 2025 жылдың басынан бері жүздеген су айдыны, саябақ пен аулалар тазартылды. Сенбілікке ондаған мың тұрғын мен мыңдаған кәсіпорын өкілдері қатысты. Нәтижесінде 1,9 мың тонна қоқыс жиналып, 29,6 мың ағаш отырғызылды, сондай-ақ 13 келі түрлі ағаш тұқымы себілді.“Алматы облысы – Қазақстанның ең көркем өңірлерінің бірі. Оның тазалығы мен сұлулығын сақтау – әрқайсымыздың борышымыз. Қаншама адамның бұл іске бей-жай қарамай, өз үлесін қосқаны қуантады”, – деді акцияға қатысушылардың бірі.2025 жылдың басынан бері 1 952 көпқабатты тұрғын үй ауласы, 55 саябақ пен сквер, 254 тарихи-мәдени ескерткіш және 462 әлеуметтік нысан тазартылды. Сонымен қатар 241 өзен, көл және су қоймасының жағалауы ретке келтіріліп, жұмыстарға 956 техника тартылды.Экологиялық мәдениетті қалыптастыру мақсатында өңірде арнайы медиа-жоспар бекітілді. Соның аясында 2025 жылдың басынан бері әлеуметтік желілер мен бұқаралық ақпарат құралдарында 7 998-ден астам материал жарияланған.«Таза Қазақстан» экологиялық акциясы өңірде жалғасуда. Ұйымдастырушылар тұрғындарды тек сенбіліктерге қатысып қана қоймай, күнделікті өмірде де қоршаған ортаға жанашырлықпен қарауға шақырады.Ақпарат көзі : https://www.gov.kz/memleket/entities/almobl/press/news/details/965343?lang=kk

Десанттық-шабуылдау әскерлерінің Алматы, Қонаев және Жетісу гарнизондарындағы құрамалары мен әскери бөлімдерінде запасқа шығарылған десантшылардың Жауынгерлік тумен қоштасу рәсімі өтті. Мерзімді қызметтің мыңнан аса әскери қызметшісі әскери бөліммен, жауынгер достарымен және тәлімгерлерімен қоштасты. Олар бір жыл ішінде әскери-есептік мамандықтарды игеріп, жауынгерлік және мемлекеттік-құқықтық дайындықта жақсы нәтижеге қол жеткізді.Қызметтік міндеттеріне адалдығы және оқу-жауынгерлік міндеттерін сапалы орындағаны үшін көптеген әскери қызметшілер Десанттық-шабуылдау әскерлері қолбасшысының атынан грамоталармен, әскери бөлім командирлерінің алғыс хаттарымен және бағалы сыйлықтармен марапатталды.– Сендердің әрқайсың алдыңғы буынның жауынгерлік дәстүрлерін лайықты түрде жалғастырушысыңдар. Қанатты жаяу әскер қатарында алған тәжірибе алдағы уақытта пайдалы боларына сенімдімін. Сендерге және отбасыларыңа ортақ бейбіт өмір тілеймін, – деді Райымбек батыр атындағы 38-ші десанттық-шабуылдау бригадасының командирі подполковник Данияр Карманов.Қонаев гарнизонында штаб бастығы – 35-ші гвардиялық десанттық-шабуылдау бригадасы командирінің орынбасары гвардия подполковнигі Рақымжан Серікбаев запасқа шығарылғандардың бір бөлігі ҰБТ тапсырмай еліміздің жоғары оқу орындарына түсу құқығын пайдалануға ниетті екенін, ал кейбір жігіттер келісімшарт бойынша әскери қызметті жалғастыруды жоспарлап отырғанын атап өтті.Жалпы, Десанттық-шабуылдау әскерлерінен жоғары оқу орындарына түсу үшін 2024 жылы көктемде әскерге шақырылған мерзімді қызметтің 670 сарбазы тестілеуден өтті. Сонымен қатар, 40-тан аса десантшы еліміздің әскери жоғары оқу орындарына түсеміз деген шешім қабылдады.Мерзімді қызметтегі әскери қызметшілердің айтуынша, олардың ең жақсы қасиеттері армияда айқындалып, шыңдала түскен.– Әскерде оқ атуды, әскери техниканы жүргізуді, парашют жүйесін орауды үйрендім. Мен алғаш рет парашютпен секіргенімді, әсіресе «Мызғымас бауырластық» оқу-жаттығуын жиі еске алатын шығармын. Мұнда мен жаңа достар таптым. Ата-анамды қадірлеуді үйрендім, – деді қатардағы жауынгер Аят Қайратұлы.Запасқа шығарылғандардың көпшілігі ҚР Қарулы күштері ауқымындағы республикалық және халықаралық маңызы бар іс-шараларды дайындауға әрі өткізуге белсенді қатысқанын айта кету керек.Ақпарат көзі : https://www.gov.kz/memleket/entities/mod/press/news/details/964976?lang=kk

Қазақстан Республикасының Қорғаныс министрі генерал-полковник Руслан Жақсылықов 68665 әскери бөліміне барып, Ұлы Отан соғысындағы Жеңістің 80 жылдығына арналған әскери парадқа қатысатын әскери қызметшілер мен техникалар орналасқан далалық лагерьлерді аралады.Бөлімнің аумағында екі апта ішінде 5000 адамға арналған шатырлы қалашық орналастырылды. Қазіргі уақытта мұнда 186 тұрғынжай шатыры, 11 шаруашылық заттарымен жабдықтау пункті, 12 тұрмыстық қызмет көрсету шатыры, жеті далалық монша, далалық госпиталь, автопарк және техникаға арналған жөндеу-қалпына келтіру пункттері орнатылған.Қорғаныс министрі тұрғын үй, медициналық және техникалық аймақтарды аралап, әскери қызметшілердің тұрғылықты жайларын, оған қоса қару-жарақ пен әскери техниканың күтіп-ұсталуы мен оларға қалай қызмет көрсетілетінін көрді.Қорғаныс ведомствосының басшысы парадқа сапалы дайындық бойынша лауазымды тұлғаларға бірқатар тапсырмалар беріп, әскери тәртіпті сақтаудың, қатысушылардың қажеттіліктерін қамтамасыз етудің, атап айтқанда тұратын жердің және дұрыс тамақтанудың маңыздылығын атап өтті.Бүгін парадқа қатысушыларды қабылдауға дайындық 100%-ды құрайды. «Парадқа дайындық басталғалы көп уақыт болды. Әскери бөлімдерде іріктеу жұмыстары мен сабақтар өткізілді. Қазір техника мен жеке құрамды үйлестіру және бірлескен жаттығулар үшін Астанаға жеткізу іске асырылып жатыр», – деді Қазақстан Республикасы Қарулы күштері Құрлық әскерлерінің бас қолбасшысы генерал-майор Мереке Көшекбаев. Естеріңізге сала кетсек, 26 наурызда Ақтаудан парадқа қатысушылардың алғашқы легі – «Батыс» өңірлік қолбасшылығының 170-тен астам теңіз жаяу әскері келді. Жақын арада оларға Қарулы күштердің басқа да әскери құрамалары мен бөлімшелері қосылады.Биыл шеруге 24 парадтық есептоп қатысады. Қатысушылардың жалпы саны 4 мыңнан асады, оның 200-ден астамы – әскери қызметші қыз-келіншектер. Механикаландырылған лекте 300-дің үстінде жауынгерлік және арнайы техника бірлігі сап түзеп жүріп өтеді, олардың қатарында тарихи кезеңді көрсететін техника үлгілері де бар. Әуе шеруіне әр түрлі типтегі 66 ұшу аппараты қатысады.Парад есептоптарының негізгі құрамын Қазақстан Республикасы Қарулы күштерінің Құрлық әскерлері құрайды. Салтанатты саптық шеруге Мемлекеттік күзет қызметінің, ІІМ Ұлттық ұланының, ҰҚК Шекара қызметінің, Төтенше жағдайлар министрлігінің лектері де қатысады. Ақпарат көзі : https://www.gov.kz/memleket/entities/mod/press/news/details/964852?lang=kk

NU ғалымдары микроэлектроника үшін болашақтың материалын әзірледіЖаңа ультра икемді өткізгіш полимерлер «ақылды» білезіктерден медициналық сенсорларға дейін шағын электронды құрылғылардың жұмысын күрт жақсарта алады.NU ғалымдары көп функциялы үш өлшемді полимерлерді синтездеудің инновациялық әдісін тапты. Зерттеушілер енді әртүрлі кеуекті композитті материалдарды шығара алады. Сонымен қатар бұл жоғары тиімді энергия сақтау құрылғыларын, сенсорларды және басқа да озық технологияларды жасау үшін жаңа мүмкіндіктер ашып отыр.Топ жетекшісі, профессор Нұршат Нұражы атап өткендей, алынған жаңа материал миниатюралық және тиімді энергия сақтау құрылғыларын құрудың болашағын ашады: «Микроэнергияны сақтау құрылғыларының дамуы киілетін электрониканың болашағы үшін өте маңызды. Біздің полимерлер дәстүрлі материалдардан асып түседі және шағын энергияны сақтау қолданбалары үшін ауқымды, үнемді шешім ұсынады. Олар дәл Қазақстанда өндірілуі де мүмкін».Жаңа материалды смарт білезіктер, биосенсорлар және икемділік пен деформацияға төзімділікті қажет ететін басқа да құрылғылар сияқты киілетін гаджеттерде қолдануға болады. Ол өзінің қасиеттерін жоғалтпай иілуге және бұралуға төтеп береді.Зерттеуші Гүлдана Жігербаева болашақ материалдың қасиеттерін атап өтті:«Материалдық инженер ретінде мен ақылды материалдарды, яғни болашақтың материалдарын өндірудің масштабталатын әдістерін әзірлеуге тырысамын. Жаңа технологияның басты артықшылығы – оның әмбебаптығы мен қарапайымдылығы. Кеуекті полимерлерді синтездеудің қолданыстағы әдістерінен айырмашылығы – бұл тәсіл қосымша әдістерді, айқастырғыш агенттерді немесе диэлектриктерді қолдануды қажет етпейді. Бұл процесті айтарлықтай жеңілдетеді және оның құнын төмендетеді. Біз қазірдің өзінде икемді энергия сақтау құрылғыларын, газ датчиктерін және сутегі өндіру жүйелерін жасау кезінде осы әзірлемелерімізді қолданып жатырмыз. Осылайша платформаның тиімділігін дәлелденген. Синтездің ауқымдылығы материалдарды өндірісте қолдануға жол ашады».Қазақстандық ғалымдар тобының полимерлік нанокомпозиттер саласындағы зерттеулері болашақтың тиімді икемді энергия сақтау құрылғылары мен материалдарын құру жолындағы маңызды қадам болғаны сөзсіз. Қазір ғалымдар жаңа синтездеу жолын басқа композиттік полимерлер жасау үшін пайдалануда. Бұл полимерлер сутегі өндірісінде, суды тазартуда, сезімтал сенсорларды жасауда және жаңартылатын энергия мен қоршаған ортаны қорғау саласындағы басқа жобаларда қолданылады. Жұмыстың нәтижелері Nature Portfolio құрамына кіретін Scientific Reports беделді ғылыми журналында жарияланды.Ақпарат көзі : https://www.gov.kz/memleket/entities/sci/press/news/details/964753?lang=kk

«Экспорттық акселерация-2025» бағдарламасы аясында «QazTrade» сауда саясатын дамыту орталығы» АҚ қызметкерлері Павлодар, Ақтөбе, Солтүстік Қазақстан, Шығыс Қазақстан, Абай, Қарағанды, Жамбыл облыстарында, сондай-ақ Шымкент және Алматы қалаларында бірқатар іс-шаралар өткізді.Кездесулер барысында бизнес, мемлекеттік құрылымдар және салалық қауымдастықтар өкілдерімен экспорттық акселерация бағдарламасының негізгі бағыттары таныстырылды. QazTrade мамандары қатысу шарттары, халықаралық нарықтарға шығу мүмкіндіктері, мемлекеттік қолдау шаралары және отандық экспорттаушыларға қолжетімді құралдар туралы егжей-тегжейлі айтып берді.Іс-шара қатысушылары экспорттық әлеует, сертификаттау, логистика және шетелдік нарықтарға маркетингтік ілгерілету мәселелері бойынша жеке кеңестер алды. Сонымен қатар, қазақстандық кәсіпорындардың өнімдерін экспорттау кезінде кездесетін кедергілер мен сын-қатерлер, сондай-ақ QazTrade қолдауымен оларды еңсеру тетіктері талқыланды.«Экспорттық акселерация-2025» роуд-шоуы QazTrade-тің отандық кәсіпорындардың экспорттық әлеуетін дамытуға, олардың халықаралық нарықтардағы бәсекеге қабілеттілігін арттыруға және Қазақстанның шетелдік серіктестермен сауда-экономикалық байланыстарын нығайтуға бағытталған негізгі бастамаларының бірі болып табылады.Өңірлердегі кездесулер сериясы бизнестің бағдарламаға деген жоғары қызығушылығын көрсетті және шикізаттық емес экспортты дамытудағы мемлекеттік қолдаудың маңыздылығын айқындады. QazTrade қазақстандық компанияларды халықаралық нарықтарға шығару жолында сүйемелдеу және экспорттық кедергілерді еңсеруде қолдау көрсету бойынша белсенді жұмысын жалғастырады.Ақпарат көзі : https://www.gov.kz/memleket/entities/mti/press/news/details/964563?lang=kk

Еліміздің түрлі аймақтарында су тасқынына қарсы жұмыстар жалғастырылуда. Отан қорғаушылар Ақмола, Абай, Солтүстік Қазақстан, Қостанай, Батыс Қазақстан, Атырау және Ақтөбе облыстарының жергілікті қызметтері мен халқына жан-жақты көмек көрсету үстінде. Бұл аймақтардың жергілікті аумақтық қорғаныс бригадаларының жауынгерлері су тасқынына қарсы іс-шараларға қосылды. Бригадалар мен әскери бөлімдердің жеке құрамы өзен жағалауларын нығайтумен, қаптарға топырақ салып, оларды төсеумен айналысуда.Абай облысында әскери қызметшілер Аягөз ауданының Мамырсу ауылына көмек көрсетуде. Аягөз өзенінің жағасына топырақ тасымалдау үшін 10 КамАЗ көлігі мен жүк тиегіш бөлінді.Ақмола облысының Атбасар және Ақкөл қалаларында әскери қызметшілер қап дайындаумен айналысуда.Солтүстік Қазақстан облысы аумақтық қорғаныс бригадасының жеке құрамы Заречный және Тепличный елді мекендерінде еріген қар суына тосқауыл қоймақ. Петропавл қаласының маңындағы Бескөл кентіндегі жағалауды нығайту үшін 44813 әскери бөлімінің әскери қызметшілері құм салынған қаптар дайындап жатыр.  Қостанай облысында жергілікті бригаданың жауынгерлері Новоселовка ауылында жұмыс жүргізіп, Обаған өзенінің жағалауын нығайтумен айналысуда.Аумақтық қорғаныс бригадасының жеке құрамы Батыс Қазақстан облысы Қаратөбе кентіндегі су тасқынына қарсы іс-шараларға тартылды.Ал Атырау қаласында әскери бөлімдердің әскери қызметшілері жақын маңдағы Тұрғызба, Шоқпартоғай, Бақашы және Құлсары елді мекендерінде жұмыс жүргізуде. Шоқпартоғай және Бақашы ауылдарының маңындағы іс-шаралар екі ауысымда ұйымдастырылуда.Ақтөбе облысына Қонаев гарнизоны инженерлік-саперлік бригадасының әскери қызметшілері көмекке келді. Олар өздерімен бірге понтондық көпір паркінің элементтерін, оның ішінде понтондық көпір сегменттері бар екі ірі тоннажды жер үсті көлігі (КрАЗ-255б), қалқымалы тасымалдаушы, сондай-ақ Камаз және КрАЗ көліктерінің базасындағы екі сүйреткіш моторлы қайық ала келген. Әскери инженерлер кез келген уақытта Ойыл өзеніне уақытша өткел орналастыруға дайын.Су тасқынына қарсы іс-шараларға барлығы 2300-ге жуық әскери қызметші мен 770-тен аса техника тартылған.Ақпарат көзі : https://www.gov.kz/memleket/entities/mod/press/news/details/964482?lang=kk

Үкіметте ҚР Премьер-министрінің орынбасары – ұлттық экономика министрі Серік Жұманғариннің төрағалығымен экономикалық өсуді қамтамасыз ету жөніндегі штаб отырысы өтті. Шығыс Қазақстан және Абай облыстарының экономикалық даму мәселелері, сондай-ақ IT-саланың өсу әлеуеті қаралды.Абай облысының әкімі Берік Уәли өңірдің экономикалық өсуінің негізгі көрсеткіштері туралы хабарлады. Биылғы 2 айда ауыл шаруашылығында (102,3%), құрылыста (112,7%), ішкі саудада (109,5%), көлік саласында (107,1%), байланыста (108,9%) өсім қамтамасыз етілді. Жыл басынан бері тартылған инвестиция көлемі 31 млрд теңге. Оның 83,8%-ы бюджеттен тыс қаражат. Облыс бойынша жалпы құны 2,7 трлн теңге болатын 27 инвестициялық жоба пулы жасалған. Нәтижесінде 8,4 мың жұмыс орны ашылады. Биыл 747 жаңа жұмыс орнын ашуға мүмкіндік беретін жалпы құны 30 млрд теңге сегіз жоба іске асыру жоспарланған. Бұл «Qazaq Astyq Group» ЖШС күнбағыс майын құю және орау желісі бар тазарту цехы (7,1 млрд теңге), «Семаз» ЖШС өндірісін кеңейту (10 млрд теңге), «Қазполиграф» ЖШС қағаз және картон бұйымын өндіру (6 млрд теңге), 18 жаңбырлату машинасы орнатылатын екі суару жобасы, «Eastern Gold» ЖШС «Родниковое» кен орнын игеру үшін алтын өндіру фабрикасын салу және басқалар.Жедел штаб отырысында облыс әкімі «Eurasia Agro Semey» ЖШС-нің ет өңдеу зауыты құрылысы жобасына қатысты, нақты айтқанда, кәсіпорынға жоғары кернеулі электр желілерін тартуды қаржыландыру мәселесін көтерді. Штаб отырысының қорытындысы бойынша бұл мәселе ұқсас өтінімдер түскен басқа өңірлердегі инвестициялық жобаларды іске асыру тапсырмалары тізіміне енгізілді.Шығыс Қазақстан облысында өнеркәсіптің жалпы өңірлік өнімдегі үлесі 40% болғанымен, өңір экономикасын әртараптандыру бағытында белсенді жұмыстар жүргізілуде. Барынша нәтижелі жұмыспен қамтуды, халық табысын және салық түсімін қамтамасыз ететін неғұрлым перспективалы бағыттар ШОБ, оның ішінде туризм, өнеркәсіп және ауыл шаруашылығы өнімін қайта өңдеу, цифрландыру және инфрақұрылым.2025 жылы облыстағы негізгі капиталға KPI инвестициясы 1 трлн 65 млрд теңге көлемінде белгіленді (2024 жылы – 768,2 млрд теңге). Екі айда өңірге 81,7 млрд теңге инвестиция тартылды. Облыстың инвестициялық портфелі жалпы құны 1,4 трлн теңгені құрайтын және 7 мыңнан астам жұмыс орнын құратын 111 жобадан тұрады.  Биыл 101,7 млрд теңгеге (688 жұмыс орны) 9 жобаны аяқтау жоспарланып отыр. Олардың қатарында «ВОСТОКМАШЗАВОД» АҚ құйма өндірісін жаңғырту (33,8 млрд теңге), «Каскад-Н» ЖШС алтын өндіру фабрикасы құрылысы (9 млрд теңге), «AltynShyghys» ЖШС-нің май өндіру зауытының екінші кезеңі (8 млрд теңге) және басқалары бар.Облыс әкімі Нұрымбет Сақтағанов облыстың инвестициялық жобаларын дамытудағы бірқатар кедергілерді атап өтті. Мысалы, «Бұқтырма цемент компаниясы» ЖШС-інде теміржол тарифі мен электр энергиясы шығынының өсуіне байланысты цемент өндірісі бір жылда 22,8%-ға төмендеді. Кәсіпорын жабдықты жаңғырту кезеңінде электр энергиясы мен теміржол тасымалына тарифті уақытша төмендетуді сұрайды. Вице-премьер Табиғи монополияларды реттеу комитетіне туындаған мәселені шешудің барлық мүмкіндігін қарастыруды тапсырды.Сондай-ақ облыста ДСП өндіру зауытын қайта құру және жаңғырту жобасы іске асырылуда. Жоба 500-ден астам жұмыс орнын құруға және ағаш өңдеу саласын дамытуға ықпал етеді. Өйткені бүгінде өңірдегі ЛДСП қажеттілігі толығымен импорт есебінен жабылуда. Қазірдің өзінде кәсіпорын шикізатпен қамтамасыз ету проблемасына тап болып отыр. Облыс әкімі Мемлекеттік орман қорынан отандық өндірушіге шикізатты тікелей бөлу мүмкіндігі мәселесін көтерді. Вице-премьер Экология және табиғи ресурстар министрлігіне бұл мәселені қысқа мерзімде пысықтауды тапсырды.  Облыс әкімі туризм, шағын ГЭС каскадын салу, АӨК саласындағы басқа да жобалар бойынша бірқатар мәселелерді айтты. Оларды енді бейінді ведомстволар шешетін болады.Өткен жылдың қорытындысы бойынша Қазақстанның ақпарат және байланыс қызметінің ЖІӨ-дегі үлесі 2,2%, ал нақты көлем индексі 12,9%-ға өсті. Биылғы екі айдың ішінде интернет желісі арқылы көрсетілетін қызметтер көлемі өткен жылдың осы кезеңімен салыстырғанда 13,1%-ға артты. Мобильді байланыс және тіркелген интернет абоненттерінің саны өсіп келеді, ал интернет-трафикті тұтыну көлемі жыл сайын орта есеппен 15–20%-ға көбейіп отыр. 2025 жылы саланың экономикалық өсім көрсеткішін 11%-ға жеткізу үшін ЦДИАӨМ биыл бірнеше инвестициялық келісімге қол қоюды жоспарлап отыр. Бұдан бөлек, телекоммуникация саласында бірқатар жобаларды іске асыру көзделген. Бұл өз кезегінде саланың жоспарланған экономикалық өсімін қамтамасыз етуге мүмкіндік береді.Цифрлық даму, инновациялар және аэроғарыш өнеркәсібі вице-министрі Мәлік Олжабековтың айтуынша, бүгінде елдегі IT саласы қарқынды дамып келеді. 2023 жылы 17,9 мыңнан астам болған IT компаниялар саны 2024 жылы 18,6 мыңнан асты. Соңғы жылдары дайындалған IT мамандардың саны 100 мың адамнан асты. 2023 жылы IT қызметтер экспорты жарты миллиард долларлық межеден асып түсті. Ал алдын ала деректер бойынша, бұл көрсеткіш 2024 жылы $700 млн құрайды. Көрсетілетін IT қызметтердің көлемі 2022 жылы 946 млрд теңгеден 2024 жылы шамамен 1,5 трлн теңгеге дейін өсті. Өсім драйверлерінің бірі – «Astana Hub» халықаралық технопаркі болып отыр. Мұнда 1,5 мыңнан астам IT компания тіркелген (оның 425-і шетелдік қатысумен).https://primeminister.kz/news/ukimette-shygys-kazakstan-zhane-abay-oblystarynyn-ekonomikalyk-damuy-it-salanyn-osu-aleueti-karaldy-29850 Ақпарат көзі : https://www.gov.kz/memleket/entities/economy/press/news/details/964384?lang=kk

 ҚР Қарулы күштерінің Ұлттық әскери-патриоттық орталығында «Астана» өңірлік қолбасшылығының бірінші қолбасшысы отставкадағы генерал-майор Владимир Шацковтың 75 жылдығына арналған мерекелік кеш өтті.  Ардагерді құттықтауға Қорғаныс министрлігі басшылығының өкілдері, әріптестері, Сағадат Нұрмағамбетов атындағы әскери колледждің кадеттері, «Жас сарбаз» әскери-патриоттық қозғалысының тәрбиеленушілері және жақындары келді.Мерейтой иесін Қорғаныс министрінің тәрбие және идеологиялық жұмыс жөніндегі орынбасары генерал-майор Шайх-Хасан Жазықбаев құттықтады. Қорғаныс министрінің атынан ол Владимир Шацковтың тәуелсіз Қазақстанның Қарулы күштерін құруға және оны қалыптастыруға қосқан баға жетпес үлесі атап өтілген құттықтау хатын табыс етті.– Ел үшін қиын жылдары сіз әрқашан ең маңызды бағыттарда қызмет етіп, жақсы нәтижелерге қол жеткіздіңіз. Сіздің тікелей басшылығыңызбен «Астана» өңірлік қолбасшылығы құрылды. Көпжылдық қызметтіңізде бірнеше лайықты офицерлер буынын тәрбиеледіңіз, – деп атап өтті министрдің орынбасары.Владимир Александровичке Құрлық әскерлерінің бас қолбасшысы генерал-майор Мереке Көшекбаев жылы лебізін білдірді. «Қарулы күштердің ардагерлері» РҚБ төрағасы Халық қаһарманы отставкадағы армия генералы Мұхтар Алтынбаевтың атынан мерейтой иесіне отставкадағы генерал-майор Марат Нағұманов алғыс хат табыс етті. Кездесуге қатысушыларға алғысын білдірген Владимир Александрович армия құрудағы бастапқы қызмет жылдары мен сол кезеңде күрделі міндеттерді бірге атқарған әріптестері туралы естеліктерін айтып берді.– Әрқашан алда болуға ұмтылдым. Маған бұл жолда спорт көмектесті. Қызметте сарбаздарға әкесіндей болуға тырыстым. Жарты ғасырдан астам уақыт бойы жұбайымызбен бірге тұрдық, төрт бала сүйдік – Отанымыздың лайықты азаматтарын тәрбиеледік. Олар менің сенімді тірегім. Мен әрқашан қызметте де, достықта да құрметке ие болу керек деп қайталаудан шаршамаймын. Бұл менің өмірлік ұраным, – деді Владимир Шацков.Айта кетсек, әскерлерді басқару және басшылық ету ісіндегі жетістіктері, жауынгерлік дайындықты жоғары деңгейде қамтамасыз еткені үшін Владимир Шацков ІІ дәрежелі «Айбын» және «Құрмет» ордендерімен марапатталды. Жауынгерлердің қазіргі буыны үшін Владимир Шацковтың өмір жолы – әскери борышқа адалдықтың және Отанға жанқиярлықпен қызмет етудің үлгісі.Шара соңы ҚР Қарулы күштері Ұлттық әскери-патриоттық орталығының шығармашылық ұжымы дайындаған концерттік бағдарламамен аяқталды.Ақпарат көзі : https://www.gov.kz/memleket/entities/mod/press/news/details/964376?lang=kk

[20:07, 27.03.2025] Жанна: Алматы облысы, Еңбекшіқазақ ауданы, “Толқын орта мектебі” коммуналдық-мемлекеттік мекемесінің 2024-2025 оқу жылының түлегі Қуандық Санжар Ғалымжанұлы “Наурыз” ҰБТ-да ең жоғары 140/140 балл жинап, үздік нәтижеге қол жеткізді.«Бұл – үлкен еңбектің, талмай ізденістің және сапалы білімнің жемісі. Санжардың жетістігі ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол.“Толқын орта мектебінің” ұжымы мен түлектің ата-аналары да бұл жетістікке ерекше қуанып, шәкірттерінің биік белесте…[20:20, 27.03.2025] Жанна: Еңбекшіқазақ ауданының түлегі ҰБТ-дан 140 балл жинадыАлматы облысы, Еңбекшіқазақ ауданы, “Толқын орта мектебі” коммуналдық мемлекеттік мекемесінің 2024-2025 оқу жылының түлегі Қуандық Санжар Ғалымжанұлы “Наурыз” ҰБТ-да ең жоғары 140 балл жинап, үздік нәтиже көрсетті.«Бұл – үлкен еңбектің, талмай ізденістің және сапалы білімнің жемісі. Санжардың жетістігі – ұстаздары мен ата-анасының қолдауының, жүйелі дайындықтың айқын көрінісі. Осы орайда, білімге деген ұмтылысы мен табандылығы үшін Қуандық Санжар Ғалымжанұлын шын жүректен құттықтаймыз! Алдағы оқуында да сәттілік серік болып, болашақта ел дамуына өз үлесін қосатынына сеніміміз мол», – деді облыс әкімі Марат Сұлтанғазиев.“Толқын орта мектебінің” ұжымы мен түлектің ата-аналары да бұл жетістікке ерекше қуанып, шәкірттерінің биік белестерді бағындыра беруіне тілектестік білдірді.Айта кетейік, биылғы “Наурыз” ҰБТ-сы жоғары бәсекелестік жағдайында өтіп, талапкерлерге білімдерін дәлелдеуге мүмкіндік берді. Қуандық Санжар Ғалымжанұлының жетістігі – жастарға үлгі боларлық жарқын нәтиже.Ақпарат көзі : https://www.gov.kz/memleket/entities/almobl/press/news/details/964289?lang=kk

Қостанайда өткен IQanat республикалық олимпиадасының облыстық кезеңіне өңірдің түкпір-түкпірінен 400-ден астам 8-сынып оқушысы қатысты. Бұл тур қорытындысы бойынша еліміздің ең үздік 1000 оқушысы финалға жолдама алады.Олимпиаданың басты ерекшелігі – әлеуметтік бағыты. Қатысушылардың 70%-ы – әлеуметтік тұрғыдан осал отбасылардан шыққан балалар. Финалға өткендер үшін екі мүмкіндік қарастырылған: бір бөлігі Бурабайдағы IQanat мектеп-интернатына тегін қабылданады, ал қалғандары үш жылдық қолдау бағдарламасымен қамтылады. Бұл бағдарлама ЕНТ, халықаралық емтихандарға дайындықты, ағылшын, ІТ, soft skills және кәсіпкерлік дағдыларын қамтиды.– IQanat бағдарламаларына қатысқан балалардың 90%-ға жуығы Қазақстан мен шетелдің үздік университеттеріне грант арқылы оқуға түседі. Қазіргі таңда түлектеріміз 15 елде білім алуда, – дейді IQanat білім беру қорының өңірлік үйлестірушісі Гүлнара Берсагурова.Олимпиада логикалық, сыни және кеңістіктік ойлау, математикалық сауаттылық пен ағылшын тілін тексеруді қамтыды. Сонымен қатар, оқушылар 6 пәннің бірін таңдап, тереңдетілген тест тапсырды: математика, физика, химия, биология, Қазақстан тарихы немесе география.Биылғы жаңа жоба – peer-to-peer форматы. Онда 10-11 сыныптағы айқанаттық оқушылар кіші сыныптарға пәндік тьютор болып, қолдау көрсетті.Ақпарат көзі : https://www.gov.kz/memleket/entities/kostanay/press/news/details/964205?lang=kk

Қостанайлық спортшы қыздар Мәскеуде өткен Софья Очигаваның жүлдесіне арналған VII халықаралық бокс турнирінде үздік нәтиже көрсетті. Турнирге 13 жастан 40 жасқа дейінгі 300-ден астам спортшы қатысты.54 келі салмақ дәрежесінде Рамина Маханова чемпион атанды. Оны жарысқа Руслан мен Темірлан Чемурзиевтер дайындады.Қола жүлдені жеңіп алғандар:• Анэля Наурузбаева (46 кг, жаттықтырушысы – Нұрхан Жолғасбеков);• Мәдина Нұрманова (66 кг, жаттықтырушысы – Темірлан Чемурзиев).Барлық спортшы қыздар Қостанай қаласының балалар-жасөспірімдер спорт мектебінің тәрбиеленушілері.Ақпарат көзі : https://www.gov.kz/memleket/entities/kostanay/press/news/details/964200?lang=kk

Система экстренной медицинской помощи Костанайской области расширяет свои возможности. Теперь в распоряжении санитарной авиации региона – современный вертолет Eurocopter H-145 D-3 Airbus helicopter. Благодаря этому жители отдаленных районов смогут оперативно получать необходимую медицинскую помощь, а пациенты в тяжелом состоянии – быстрее транспортироваться в лечебные учреждения областного центра.Кроме нового вертолета, санитарная авиация продолжает использовать самолет АН-2 и два автомобиля для наземной транспортировки пациентов.Отделение санитарной авиации работает на базе областной станции скорой помощи. Дежурство осуществляется ежедневно – в составе бригады врач и фельдшер. В случае необходимости привлекаются узкопрофильные специалисты, включая детских врачей.В 2024 году санитарная авиация уже выполнила 74 вылета и 353 выезда наземным транспортом. С начала 2025 года бригады совершили 92 выезда и 8 вылетов.Обновление парка санитарной авиации – это значимый шаг для улучшения медицинской инфраструктуры региона и повышения доступности экстренной помощи для всех жителей области.Ақпарат көзі : https://www.gov.kz/memleket/entities/kostanay/press/news/details/964196?lang=kk

Астана, 2025 жылғы 27 наурыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Астанаға алғашқы ресми сапарымен келген Армения Республикасының Сыртқы істер министрі Арарат Мирзоянмен кездесті.Тараптар қазақ-армян қатынастарының кең ауқымды мәселелерін талқылады. Атап айтқанда, екі ел арасындағы саяси, сауда-экономикалық және мәдени-гуманитарлық өзара іс-қимылдың басым бағыттары, сондай-ақ ағымдағы жылға арналған биік және жоғары деңгейдегі іс-шаралар кестесі қарастырылды.Достық пен өзара тиімді ынтымақтастық негізінде екіжақты серіктестікті тереңдетуге өзара міндеттеме білдірілді. Тараптардың ниеттерін іс жүзінде растау ретінде Арменияның Қарағанды мен Ақтөбедегі құрметті консулдарының кеңселерін ашу болды.ҚР Сыртқы істер министрі мемлекет басшыларының саяси ерік-жігерінің арқасында өткен жылы қазақ-армян қатынастары сапалы жаңа деңгейге көтерілгенін атап өтті. 2024 жылы Қазақстан Президенті Қасым-Жомарт Тоқаев пен Армения Премьер-министрі Никол Пашинян қабылдаған Бірлескен мәлімдеме екі елдің одан әрі жақындасуына деген өзара ұмтылысты көрсетті.Осыған байланысты сыртқы саяси ведомстволардың басшылары биік деңгейде қол жеткізілген уағдаластықтардың іске асырылу барысын егжей-тегжейлі қарастырды.«Армения – Қазақстанның Оңтүстік Кавказдағы сенімді саяси және сауда-экономикалық серіктесі және қазақ-армян байланыстары еш қиындықсыз, сындарлы көзқараспен дамуда және бір-бірінің мүдделерін ескеруге дайын. Мен екі халықтың игілігі үшін барлық уағдаластықтарды іске асыру мақсатында ең тығыз өзара іс-қимылға дайын екенімді білдіремін», – деді М.Нұртілеу.Сауда-экономикалық саладағы кооперацияны одан әрі кеңейтуге ерекше назар аударылды. Осы тұрғыда Экономикалық ынтымақтастық жөніндегі үкіметаралық комиссияның жетекші үйлестіруші рөлі назарға алынып, оның кезекті отырысын жуырда өткізу ұсынылды.Екі елдің бизнес-топтарының іскерлік байланыстарды дамытуға қатысуының маңыздылығы аталып өтті. Бүгінгі таңда Арменияда қазақстандық капиталдың қатысуымен 100-ден астам кәсіпорын, ал Қазақстанда 430-дан астам армян компаниясы тіркелген.Армения СІМ басшысы А.Мирзоян «өткен жыл біздің мемлекеттер арасындағы екіжақты қатынастар тарихындағы маңызды кезең болды» деп мәлімдеді. Ол биік және жоғары деңгейдегі сапарларға, сондай-ақ көптеген бірлескен іс-шараларға толы болғанын атап өтті, бұл әртүрлі салалардағы өзара іс-қимылға қажетті серпін берді. «Мемлекеттеріміз егемендік пен тәуелсіздікті нығайтуға, сондай-ақ транзиттік әлеуетті арттыруға және ұлттық экономикаларды жаңғыртуға ұмтылуда біртұтас. Мұның бәрі серіктестік қарым-қатынасты кеңейту үшін берік негіз жасайды. Ереван мен Астана халықаралық және өңірлік күн тәртібіндегі негізгі мәселелер бойынша жиі сәйкес немесе ұқсас ұстанымдарға ие», – деп толықтырды А.Мирзоян.Тараптар инвестициялық байланыстарды одан әрі нығайтуға жәрдемдесуге уағдаласты. Армян экономикасына қазақстандық капитал салымдарының жалпы көлемі 56 млн АҚШ долларынан асады.Цифрлық саладағы өзара іс-қимылды кеңейтудің перспективалық мүмкіндіктері аталып өтті. Астана халықаралық қаржы орталығының алаңында оны ұлғайту үшін резервтер бар. Орталықта Армениядан цифрлық технологиялар, қаржылық қызметтер және сақтандыру саласында жұмыс істейтін 10 компания тіркелген.Министрлер ауыл шаруашылығы, көлік және логистика салаларындағы жаңа мүмкіндіктерді анықтау үшін ортақ күш салуға келісті.Мәдени-гуманитарлық ынтымақтастықтың мазмұнды күн тәртібі аталып өтті. Мемлекет басшыларының қатысуымен өткен жылы Қазақстанда Арменияның мәдениет күндері өтті. Ағымдағы жылы Қазақстанның Армениядағы мәдениет күндері мәдени алмасудың оң тәжірибесін жалғастырады.Жоғары білім беру саласындағы ынтымақтастық практикалық мазмұнмен толықтырылады. Бұл үшін Қазақстан мен Арменияның жоғары оқу орындары арасында қол қойылған өзара іс-қимыл жөніндегі 13 келісімдер мен меморандумдар негіз болады.Кездесу барысында министрлер сондай-ақ өңірлік және жаһандық күн тәртібіндегі өзекті мәселелер бойынша «сағат теңестірді», көпжақты және интеграциялық құрылымдар шеңберінде одан әрі тығыз байланыстарға, екі мемлекеттің халықаралық бастамаларын ілгерілету кезінде өзара қолдау көрсетуге бейілділігін растады.Ресми сапар барысында Армения Республикасының Сыртқы істер министрі А.Мирзоян Қазақстан Республикасының Президенті Қ.Тоқаевтың қабылдауында да болды.Ақпарат көзі : https://www.gov.kz/memleket/entities/mfa/press/news/details/963898?lang=kk

Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде коммуналдық және өнеркәсіптік қалдықтарды басқару мәселелері талқыланды. Оған облыс әкімі Нұрлыбек Нәлібаев селекторлық режим арқылы қатысты.Өңірде коммуналдық және өнеркәсіптік қалдықтарды басқару бағытында жұмыс жасайтын 24 кәсіпкерлік субъектісі бар. Өткен жылы жиналған 303 мың тонна коммуналдық қалдықтың 91 мың тоннасы, 135 мың тонна өнеркәсіптік қалдықтың 107 мың тоннасы өңделді. Мемлекет басшысының ірі қалаларда қатты тұрмыстық қалдықтарды қайта өңдейтін зауыттар салу тапсырмасына сәйкес «Жасыл Даму» акционерлік қоғамымен бірлескен жұмыстар атқарылуда. Тұрмыстық қатты қалдықтарды басқару саласында 42 млрд. 504 млн. теңгеге 9 жобаны жүзеге асыру жоспарланған.Облыс орталығында 41 млрд. 200 млн. теңгеге 3 жоба қолға алынып, инженерлік инфрақұрылым желілері жеткізілген. Оңтүстік Корея технологиясы бойынша құны 9 млрд. 535 млн. теңге болатын қатты тұрмыстық қалдықтарды сұрыптау, өңдеу және кәдеге жарату зауытының құрылысы басталды. Онда жылына 300 мың тонна қалдықты сұрыптау, қалдықты өртеу арқылы электр энергиясын өндіру көзделуде.Мамыр айында шыны ыдыстар өндіру жобасын бастау жоспарланған. Жылына 220 млн. дана бөтелке шығаратын зауытқа шикізат ретінде республика аумағынан жинақталатын шыны қалдықтары қолданылмақ. Одан бөлек, қала аумағындағы тұрмыстық қалдықтарды сұрыптау және өңдеу жобасының құжаттары әзірленуде. Ақпарат көзі : https://www.gov.kz/memleket/entities/kyzylorda/press/news/details/963770?lang=kk

Наурыз айының 24-27-сі аралығында Наурыз мерекесінің тарихи және мәдени маңызын түсіндіру, әлем жұртшылығына таныстыру мақсатында Еуропаның Финляндия, Эстония және Испания мемлекеттерінде Қызылорда облысының өнер күндері өтуде. Өнер сапарын аймақ басшысы Н.Нәлібаевтың қолдауымен, Қазақстанның Финляндиядағы, Эстониядағы және Испаниядағы елшіліктері ұйымдастырды. Бұған дейін аталған елдерден инвестиция тарту мақсатында кәсіпкерлер арасында кездесулер өткен болатын. Арадағы экономикалық байланыстарды осы мәдени іс-шара бекіте түсті.Қызылорда облысының Еуропа мемлекеттеріндегі өнер күндерінің алғашқы концерті «NAURYZ – CELEBRATION OF SPRING» атауымен Финляндияның Хельсинки қаласында өтті. Іс-шараны Қазақстанның Финляндиядағы Елшісі Азамат Әбдраимов ашып, сахна төрінен осы мерекелік кешке қолдау білдірген Нұрлыбек Машбекұлына арнайы алғысын жеткізді. Концертті Еуропаның 10 мемлекетіндегі елшілер, дипломаттар, Финляндияда тұратын қазақ диаспорасы, білім алушы студенттер мен фин халқы, барлығы 500-ге жуық көрермен тамашалады. Қазақтың дәстүрлі музыкасы мен ұлттық өнерін ұлықтаған Қызылорда облыстық филармониясы дәстүрлі ән-жырды әуелетті. Финляндия халқы ғасырдан ғасырға жеткен эпостық жырларын, сәулет және бейнелеу өнері туындыларын мәдени мұра ретінде құрмет тұтады. Күн мен түннің теңелетін, жер арқасы кеңіп, күллі тіршілік қайта түлейтін Табиғат мерекесіндегі концертінің шымылдығы «Жарапазан» жырымен түрілді. Еуропалық көрерменге қазақтың дәстүрімен шашу шашылып, «Тойбастар» шырқалды. Наурыз-думанға қатысқан қала тұрғындары мен қонақтары, диаспора мүшелері, қазақстандық және шетелдік студенттер ұлттық музыкамен және дәстүрлермен тереңірек танысуға мүмкіндік алды.Ұлттық музыканың ұлы жауһарларын төрткүл дүниеге танытып жүрген «Ақмешіт» фольклорлық ансамблі (жетекшісі – Нұрғиса Нұрбай), Сыр елінің өнер майталмандары Руслан Ахметов, Шолпан Бимбетова, Самал Байсейтова, Ақмарал Ноғайбаева, Марат Сүгірбай, айтыскер-ақын Мұхтар Ниязов, халықаралық және республикалық конкурстардың лауреаттары Бағдәулет Қарғабаев, Сымбат Тасбергенова, Мағжан Аманжолов, Ақылбек Табынбаев, Тоқтар Ағыраев, Ақнұр Аманбаева, Сәбит Ділдабаев, Алмас Әлжанов, Заманбек Нысанбаев, Арман Төлеш қатысып, өнер көрсетті. Гастрольдік сапар аясында көрерменге концерттік бағдарламалармен қатар, қазақтың ұлттық тағамдары мен ұлттық нақышта жасалған сый-сияпаты ұсынылды. Жұртшылық таным мен тағылымға бай кеш сыйлағаны үшін сырбойылық өнерпаздарға алғыс білдірді. Кейінгі жылдары Қызылорда облысының өнер күндері Астана мен Алматыда зор табыспен өтті. Сондай-ақ, Сыр өңірінің шығармашылық ұжымдары Еуропа елдеріне гастрольдік сапармен бірнеше рет барды. Осы жолғы сапардың тағы бір мақсаты - шет елдердегі шығармашылық ұжымдармен тәжірибе алмасу.Ақпарат көзі : https://www.gov.kz/memleket/entities/kyzylorda/press/news/details/963763?lang=kk

Ақтау гарнизонында әскери-теңіз базасының саптық алаңында матростардың Жауынгерлік тумен қоштасу рәсімі салтанатты жағдайда өтті.Әртекті корабльдер дивизиясында, десанттық-шабуылдау батальонында және коменданттық ротада қызмет еткен 179 әскери қызметшінің өміріндегі бұл маңызды сәт борыштың өтелгенін және азаматтық өмірге оралуды білдірсе керек.Іс-шараға әскери-теңіз базасының басшылығы, гарнизон әскери бөлімдерінің командирлері, Қарулы күштердің ардагерлері, Ақтау қаласы мен Маңғыстау облысы бойынша сарбаздар аналары комитетінің төрағасы Гүлмира Кеңесбаева қатысты.– Әскерде қызмет еткен уақыттарың бекерге кеткен жоқ. Сендер шынықтыңдар, әскери-есеп мамандығын үйрендіңдер, психикалық және күш-қуат тұрғысынан дамыдыңдар. Сендердің бүкіл өмірлерің алда, бәріне сәтті бейімделіп, жоспарларың ойдағыдай іске ассын, – деді әскери-теңіз базасының командирі полковник Есенғали Байботаев.Оқу-жауынгерлік даярлықтағы жоғары көрсеткіштері және міндеттерін адал орындағаны үшін матростар грамоталармен, алғыс хаттармен және бағалы сыйлықтармен марапатталды.– Бүгін біз көп нәрсені үйренген әскери бөліммен қоштасамыз. Әрқашан командирлерімізді есте сақтаймыз. Барлық әріптестердің атынан оларға зор алғысымды білдіргім келеді, ал бізден кейін келгендерге әскери-теңіз ісін табандылықпен үйренулеріне тілектеспін, – деді Қарағанды облысынан шақырылған теңізші Нұрасыл Сыздықбай. Салтанатты рәсімнің соңы Мемлекеттік әнұранның шырқалуымен және әскери бөлім әскери қызметшілерінің салтанатты маршымен аяқталды.Айта кетсек, көктемгі әскерге шақыру науқаны барысында Ақтау гарнизонының әскери бөлімдерінен 1500-ге жуық мерзімді қызметтегі әскери қызметші запасқа шығарылады.Ақпарат көзі : https://www.gov.kz/memleket/entities/mod/press/news/details/963617?lang=kk

Құрлық әскерлері "Батыс" өңірлік қолбасшылығына қарасты теңіз жаяу әскері бригадасының іріктеуден өткен 170-тен астам әскери қызметшісі Ұлы Отан соғысындағы Жеңістің 80 жылдығына арналған әскери парадқа қатысады. Елордадағы Қазақ елі алаңында өтетін шеруде Ақтау гарнизонында қызмет өткеріп жатқан офицерлер, сержанттар және мерзімді қызметтің 160 сарбазы салтанатты сап түземек.– Парадқа қатысушылар бар жағынан мұқият іріктеуден өтті. Бұл біз үшін үлкен мәртебе және жауапкершілік. Өйткені, әскери шеру – бейбітшілік үшін өз жандарын құрбан еткен батырларға деген құрмет, – деп атап өтті теңіз жаяу әскері бригадасы командирінің жауынгерлік және дене шынықтыру даярлығы жөніндегі орынбасары майор Берік Алманиязов.Салтанатты қарсы алудан кейін теңіз жаяу әскері уақытша орналасатын жерге жеткізілді.Айта кету керек, Жеңіс шеруіне дайындық барынша ұйымшылдықты, тәртіпті және жоғары жауапкершілікті қажет етеді. Биыл оған Қарулы күштер, басқа да әскерлер мен әскери құралымдардың 4000-нан аса әскери қызметшісі қатысады. Оның ішінде 200-ден астам әскери қызметші әйел бар. Парадқа 200-ден аса әскери техника мен авиация қатысады.Ақпарат көзі : https://www.gov.kz/memleket/entities/mod/press/news/details/963489?lang=kk

Облыс орталығы мен Қызылжар ауданындағы Тепличное, Ущев және Былғары кенті бөгеттеріндегі жұмыстар күшейтілген режимде жүргізілуде – әрбір минут маңызды.Бөгеттер бетон плиталармен және полипропилендік жамылғылармен бекітілуде, демалыс және мереке күндеріне қарамастан барлық күштер жұмылдырылған.Өңір басшысы Ғауез Нұрмұхамбетов аралау барысында аталған жұмыстардың барысын тексеріп, олардың маңыздылығын атап өтті және әскери қызметшілерге көмектері үшін алғыс білдірді. "Бірлескен күш-жігеріміз тәуекелдерді барынша азайтып, елді мекендерді қорғауға көмектеседі", - деп атап өтті өңір басшысы.Ақпарат көзі : https://www.gov.kz/memleket/entities/sko/press/news/details/962757?lang=kk

Бүгін СҚО әкімі Ғауез Нұрмұхамбетов су тасқыны қаупі бар аудандардың жағдайын әуеден бағалау мақсатында аэровизуалды мониторинг жүргізді. Ұшу бағыты Есіл өзені бойымен өтіп, Шал Ақын, Ғабит Мүсірепов, Айыртау және Тимирязев аудандарын, сондай-ақ Шағалалы өзені мен Шағалалы су қоймасын қамти отыра, Тайынша, Ақжар және Уәлиханов аудандары арқылы өтті. СҚО бойынша  ТЖД бастығы Жомарт Аскаров, Тайынша ауданының әкімі Берік Әлжанов және Ғ. Мүсірепов ауданының әкімі Руслан Анбаев қазіргі су тасқыны жағдайы туралы баяндама жасады."Ауа температурасының тұрақты түрде жоғарылауына байланысты алқаптарда қардың басым бөлігі еріп кетті. Дегенмен, кейбір аудандарда еріген қар суынан туындайтын қауіп әлі де сақталуда. Өзендерде мұз кептелісі жоқ,  алдын алу мақсатында жару жұмыстары жүргізілді. Сонымен қатар, кейбір автомобиль жолдарында уақытша су тасу жағдайлары тіркелді", - деп жазды өңір басшысы әлеуметтік желіде. Есіл өзені арқылы келетін су ерекше қауіп төндіруде. Сергеев су торабында судың асып төгілуі 81 см-ге жетіп, біртіндеп көтерілуде. 2024 жылғы рекордтық көрсеткіш – 425 см. Жағдай үнемі бақылауда.Мемлекеттік органдар мен барлық қызметтер тәулік бойы жұмыс істеп, су тасқыны салдарын азайту және елді мекендерді қорғау бойынша барлық қажетті шараларды қабылдауда.Ақпарат көзі : https://www.gov.kz/memleket/entities/sko/press/news/details/962735?lang=kk

Құрметті солтүстікқазақстандықтар!Сіздерді Ұлыстың ұлы күні – Наурыз мейрамымен шын жүректен құттықтаймын! Наурыз – жаңа жылымыздың бастамасы, ізгілік пен жақсылықтың мерекесі, біздің халқымыз үшін жаңарудың, қайта өркендеудің белгісі. Бүгінде Наурыз шын мәнінде халықтық мейрамға айналды. Мемлекет басшысы Ұлттық Құрылтайда Наурыздың ерекше мәні мен маңызын айрықша атап өтті. Биыл да ұлттық мереке жаңаша форматта аталып өтілді. Наурызнама онкүндігі аясында көптеген мәдени іс-шаралар ұйымдастырылды, олар халқымыздың салт-дәстүрлерін, мәдениетін және болмысын сақтауға бағытталды.Наурыз — бұл тек көктем мерекесі ғана емес, сонымен қатар ел бірлігі мен ынтымақтастығының, еліміздің жаңаруы мен ортақ құндылықтарымызды нығайтудың нышаны. Жаңа жылымыз сіздерге тек жақсылық пен игілік әкелсін. Әрбір отбасыға береке мен бақ-дәулет, қуаныш пен тыныштық тілеймін. Облысымыз бен еліміз одан әрі дамып, гүлдене берсін. Ұлыс оң болсын, ақ мол болсын!Ақпарат көзі : https://www.gov.kz/memleket/entities/sko/press/news/details/962707?lang=kk