Астана қаласында мектепке дейінгі білім беру ұйымдары арасында «Жасыл балабақша» бағыты іске қосылды, деп хабарлайды елорда әкімдігінің ресми сайты.Бұл бағдарлама тек ауланы көгалдандырып, бау-бақша егіп, ондағы өнімдерімен қамтамасыз ету ғана емес, ең алдымен балаларға экологиялық білім мен тәрбие беруді көздейді.Бағдарламаны қаламызда алғашқылардың бірі болып енгізген №84 «Кәусар» балабақшасы бүгінде бірқатар бастаманы іске асырған. Атап айтқанда, балабақша аумағынан «Арайлы Астана» саябағын ашып, 70 қарағай, «Тәрбие бағы» саябағына 21 аққайың, 21 алма ағашы отырғызылған.Осы жылдың қараша айында төрт топтың бүлдіршіндерінің қатысуымен декаративтік орамжапырақ пен мультифлора гүлінің қалай өсірілетінін эксперименттік алаңда зерттеп, алдағы уақытта метео алаңын ашып, жүзден астам күнбағыс пен әртүрлі гүлдер өсіру жоспарланған.Осы жұмыстарды қарқынды жүргізу мақсатында ата-аналар арасында «Мен жасыл балабақшаның ландшафтық дизайнерімін» деген конкурстың бірінші кезеңінде «Картиналар галлерясы» ашылды. Балабақша әкімшілігі Экология министрлігімен келісілген меморандум бойынша «Таза Қазақстан» аясында тыныс алу жолдарын нығайту үшін «Денсаулық жолдары» бойында 300-ге тарта ұсақ жапырақты қарағаш отырғызбақ.«Жасыл балабақша» бағыты бойынша қаламызда бұдан бөлек, №24, №60, №77, №84, №92 мектепке дейінгі білім беру ұйымдары да іске асырып, балалардың барлығын ұқыптылыққа, үнемділікке, қоршаған ортаны қорғауға, тазалықты сақтауға тәрбиелеу бойынша жұмыс атқарып жатыр.Ақпарат көзі : https://www.gov.kz/memleket/entities/astana/press/news/details/900448

Күн сайын коммуналдық қызметтер Астанадан жүздеген ауыр жүк көлігімен мыңдаған текше метр қар шығарады. Бұл жұмыс тәулік бойы ауысымдық режимде жүргізілуде, деп хабарлайды Астана әкімдігінің ресми сайты.11 желтоқсандағы күндізгі ауысымда қар тазалау жұмыстарында 2,7 мыңнан астам жол жұмысшысы және мыңнан астам арнайы техника жұмыс жүргізеді.10-ынан 11 желтоқсанға қараған түнде елордадан 545 рейспен 7 мың текше метр қар жиналып, шығарылды.Қыс мезгілінің басынан бері қаладан 75 703 рейспен 961 мың текше метр қар шығарылды.Ережеге сәйкес, ең алдымен, қалада кептеліс болмас үшін өте қарқынды қозғалыс учаскелері тазаланады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.Орталық көшелерде, жолаушылар көлігі маршруттарында, аялдамалар мен тротуарларда тазалау басымдыққа ие.Елордада бірнеше жабдықталған қар полигондары жұмыс істейді. Олар самосвал техникасының нөмірлік белгілерін оқу жүйесімен жабдықталған, онда бейнебақылау камералары орнатылған, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.Төтенше жағдай туындаған кезде "112" телефонына хабарласыңыз.Ақпарат көзі : https://www.gov.kz/memleket/entities/astana/press/news/details/900495

Астана қаласындағы 86 мектеп-гимназиясының 2-сынып оқушысы Әбдіқайым Мұхаммедғали шахматтан Тайландта өткен Азия чемпионатында топ жарып, алтын медальға ие болды, деп хабарлайды елорда әкімдігінің ресми сайты.Сегіз жасар чемпион Әбдіқайым бұған дейін шахмат ойынынан өткен «Akbulak Open-2023» халықаралық турнирінде бақ сынап, үш мәрте күміс жүлдегер атанған, әлем чемпионаттарына да қатысқан.Ақпарат көзі : https://www.gov.kz/memleket/entities/astana/press/news/details/900512

Жаңа жылдық мерекелер қарсаңында Астанада «Өрт қауіпсіздігі айы» республикалық акциясы басталды. Елордалық ТЖД қызметкерлері СОО-да үгіт-насихат жұмыстарын жүргізіп, мереке күндері қауіпсіздікті еске салды, деп хабарлайды қалалық әкімдіктің ресми сайты.Акция азаматтардың өрт қауіпсіздігі ережелерін сақтау туралы, әсіресе адамдар көп жиналатын жерлерде хабардарлығын арттыруға бағытталған.Төтенше жағдайлар департаментінің өкілдері хабарлағандай, акция 31 желтоқсанға дейін жалғасады және профилактикалық іс-шаралар кешенін қамтиды. Негізгі міндеттердің қатарына ақпараттық кездесулер өткізу, өрт қауіпсіздігі бойынша жаңалықтар мен кеңестер күн сайын жарияланатын мамандандырылған Telegram арнаға кіру үшін QR-кодтары бар жадынамалар тарату жатады.Қазіргі уақытта елорданың 20-ға жуық сауда орталығы жұмылдырылған. Мұнда ТЖД қызметкерлері келушілерді белсенді түрде хабардар етеді, қауіпсіздік нормалары мен ережелерін түсіндіреді, сондай-ақ өртке қарсы жүйелерді тексереді.«Нысандардың техникалық жай-күйіне ерекше назар аударылады: өрт дабылы, өрт сөндіру және түтін шығарудың автоматты жүйелері. Сауда «аралдарын» бұғаттау жағдайларын болдырмау үшін эвакуация жолдары да тексеріледі. Бұзушылықтарды жою мерзімі екі айды құрайды, бірақ ерекше жағдайларда бұл мерзім ұзартылуы мүмкін. Айта кету керек, көп жағдайда сауда орталықтарының әкімшілігі біздің ескертулерімізге жедел жауап береді», - деп атап өтті Астана қаласы ТЖД Мемлекеттік өрт бақылау басқармасы бастығының орынбасары Евгений Гутяр.Мереке жақындаған сайын пиротехника сатушыларының белсенділігі артып келеді. Отшашулар жүзеге асыру құқық қорғау органдарының бақылауында. 25-31 желтоқсан аралығында ТЖД полициямен бірлесіп өнімдерді, оның ішінде сертификатталмаған бұйымдарды заңсыз сатуды болдырмау үшін рейдтер жүргізеді.«Пиротехникалық бұйымдарды өткізу тек санкцияланған нүктелерде жүзеге асырылуы тиіс. Сатып алушылар үшін қауіпті болдырмау үшін сәйкестік сертификаттарына назар аудару маңызды», - деді Евгений Гутяр.Ақпарат көзі : https://www.gov.kz/memleket/entities/astana/press/news/details/900686

Таиландтың Чиангмай қаласында өтіп жатқан бокстан Азия чемпионатында ел құрамасының қоржынына алғашқы медаль түсті, деп хабарлайды елорда әкімдігінің ресми сайты.Астана қаласының былғары қолғап шебері Санжар Ташкенбай 48 кг дейінгі салмақтағы финалдық жекпе-жекте өзбекстандық қарсыласы Шодиержон Меликузиевпен тартысты кездесу өткізді. Өкінішке қарай, төрешілердің шешімі бойынша (1:4) Санжар жеңіліс тауып, күміс жүлдені қанағат тұтты.21 жастағы Санжар Ташкенбай осымен Азия чемпионатының 2 дүркін жүлдегері атанып отыр. Ол бұған дейін, 2022 жылы Иорданияның Амман қаласында өткен чемпионатта алтын жүлдеге қол жеткізген болатын.Ақпарат көзі : https://www.gov.kz/memleket/entities/astana/press/news/details/900684

Көкшетау қаласында 2025-2027 жылдарға арналған бюджет жобасын бекіту мақсатында облыстық мәслихаттың сессиясы өтті. Ақмола облысының әкімі Марат Ахметжанов депутаттарға облыс бюджетіндегі негізгі бағыттарды таныстырды.Келесі жылы облыста алғаш рет Көкшетау қаласының зейнеткерлеріне қоғамдық көлікте тегін жол жүру үшін қаражат қарастырылған. Сондай-ақ, зейнеткерлерге санаторлық-курорттық емдеу үшін қаражат бөлу жоспарланған. Осы шараларды іске асыруға шамамен 3 млрд теңге бөлінбек.Тағы бір маңызды жоба – Көкшетау қаласында Белсенді ұзақ өмір сүру орталығының ашылуы. Бұл орталық зейнеткерлердің белсенді және дені сау өмір салтын сақтауға арналған орын болады.Марат Ахметжанов атап өткеніндей, бұл шаралар өңірлерге таралып, облыс тұрғындарының мүмкіндігінше көп бөлігін қамтуы тиіс.Айта кетейік, жалпы зейнеткерлерді, мүмкіндігі шектеулі азаматтарды қолдауға және халықтың өмір сүру сапасын арттыруға 17 млрд теңге бөлінеді. Ақпарат көзі : https://www.gov.kz/memleket/entities/aqmola/press/news/details/900593

Ақмола облысындағы оқушылардың тамақтану сапасын жақсарту үшін 2025 жылға 8 млрд теңгеден астам қаржы бөлінеді. Бұл туралы облыс әкімі Марат Ахметжанов бюджетті бекітуге арналған облыстық мәслихат сессиясында мәлімдеді.Облыс әкімінің айтуынша, қазіргі уақытта өңір бір оқушының тамақтану құны бойынша елде төртінші орында тұр. Келесі жылы бұл көрсеткішті 715 теңгеден 808 теңгеге дейін арттыру жоспарлануда.Мемлекет басшысының тапсырмасын орындау аясында тамақтану сапасына бақылау күшейтілді.Сонымен қатар, өңірде заманауи технологиялар қарқынды енгізілуде. Барлық мектептер STARLINK спутниктік жүйесі арқылы жоғары жылдамдықты интернетпен қамтамасыз етілген. «Бақытты аймақ» жобасы аясында Целиноград ауданында 500 мұғалім біліктілігін арттырды.Білім беру ұйымдарындағы жағдайды жақсарту үшін, оның ішінде күрделі және ағымдағы жөндеу жұмыстарына шамамен 9 млрд теңге қарастырылған. 2023 жылы өңірде алты жаңа, заманауи және жайлы мектеп пайдалануға берілді, тағы үш мектептің құрылысы аяқталу сатысында.Марат Ахметжанов бұл шаралар Ақмола облысы жастарының зияткерлік және кәсіби дамуының берік негізіне айналатын жайлы, технологиялық және тиімді білім беру ортасын құруға бағытталғанын атап өтті. Ақпарат көзі : https://www.gov.kz/memleket/entities/aqmola/press/news/details/900608

Қазақстанда алғаш рет Көкшетау қаласында жедел жәрдем көлігіне жол қозғалысы ережелерін автоматты түрде тіркейтін Sergek Patrol жүйесі пилоттық режимде орнатылды. Бұл туралы Ақмола облысының әкімі Марат Ахметжанов 2025-2027 жылдарға арналған бюджетті бекітуге арналған мәслихат отырысында мәлімдеді.Жоба Мемлекет басшысының азаматтардың қауіпсіздігін қамтамасыз ету жөніндегі тапсырмаларын орындау аясында іске асырылуда.«Sergek Patrol мобильді аппараттық-бағдарламалық кешендері жасанды интеллектпен, заманауи камералармен және жылдамдықты асыру, жол белгілерін сақтамау және дұрыс емес тұрақ сияқты бұзушылықтарды автоматты түрде тіркейтін радарлармен жабдықталған. Кешенде 360° панорамалық көрініс бар, ол тәуліктің қараңғы уақытында, кез келген ауа райында және байланыс болмаған жағдайда да жұмыс істей алады. Біздің технологиялар жүргізушілердің тәртібін жақсартып, қаладағы жол қауіпсіздігі жағдайын түзетеді деп сенеміз», — деді Sergek Group бас директоры Евгений Ким.Ақпарат көзі : https://www.gov.kz/memleket/entities/aqmola/press/news/details/900619

Көкшетауда Ақмола облысының 2025-2027 жылдарға арналған бюджеті бекітілген облыстық мәслихат сессиясы өтті. Облыс әкімі Марат Ахметжанов өңірдің дамуына бағытталған бюджеттің негізгі басымдықтарын таныстырды.Бюджеттің шамамен 60%-ы әлеуметтік блокқа бағытталған. Қаражаттар медициналық-әлеуметтік мекемелерді ұстауға, жұмыссыздықты азайту шараларына және әлеуметтік төлемдерге жұмсалатын болады. Сонымен қатар, алғаш рет зейнеткерлер үшін санаторий-курорттық емделуге және Көкшетау қаласында қоғамдық көлікте тегін жүруге қаражат бөлінді.Бюджет есебінен өңірде мектепке дейінгі, орта және кәсіби-техникалық білім беруді сапалы қамтамасыз етуге жағдай жасалуда. 2025 жылы білім беру ұйымдарындағы жөндеу жұмыстарына қосымша акмолалық мектептердегі тамақтану сапасын жақсартуға да қаржы қарастырылған.Денсаулық сақтау ұйымдарын жөндеуге және материалдық-техникалық базаны жақсартуға шамамен 6 млрд теңге бөлінді. Сондай-ақ, келесі жылдан бастап аса тапшы мамандықтар бойынша медициналық қызметкерлерге 8,5 млн теңге көлемінде көтерме төлемдер беріле бастайды.Агроөнеркәсіптік секторға ерекше назар аударылған. Тұқым шаруашылығы мен басым дақылдарды дамытуға субсидиялар ретінде 51,5 млрд теңге қарастырылған. Ауыл шаруашылығы техникасын жаңарту жұмыстары жалғасуда. «Кең дала 2» бағдарламасы аясында егіс жұмыстарына дайындық үшін жеңілдетілген несиелерге өтінімдер қабылдануда.Тұрғын үй-коммуналдық және көлік инфрақұрылымын дамытуға 87 млрд теңгеден астам қаражат бөлінді. Халықтың әлеуметтік осал топтары үшін тұрғын үйді сатып алу бағдарламасы жалғасады. 2024 жылы Көкшетауда тұрғын үй қорын реновациялау бағдарламасы басталды. Облыс орталығында 11 локалды аймақтың тұрғын үйлерін кезең-кезеңімен жаңарту жоспарлануда.Облыс әкімі жоспарлаудың тиімділік принципін ұстану және ауылдарды тең жағдайлармен қамтамасыз ету қажеттігін ерекше атап өтті.«Жұмысты тиімді жоспарлауға көшу, бюджетті басқарудан нәтижені басқаруға өту керек. Бұл тек жөндеу жұмыстарына ғана емес, құрылысқа жоба-сметалық құжаттамаларды әзірлеуге де қатысты», – деді Марат Ахметжанов.Сондай-ақ, әкім жобаларды жүзеге асыруда әкімдер мен басқарма басшылары тарапынан тиісті бақылаудың болмауына назар аударды. Облыс депутаттарына жүгінген Марат Ахметжанов жобаларды іске асыруды бақылауда белсенділік таныту қажеттігін атап өтті.Сонымен қатар, ашықтықты қамтамасыз ету мақсатында жобаларды цифрландыру процесін бастау тапсырылды. Бұл жүйе деректерді басқарудағы маңызды құралға айналатын Ситуациялық орталықтың негізгі элементтерінің бірі болмақ.Қорытындылай келе, облыс әкімі жергілікті бюджеттің кірісін арттыру резервтерін пысықтау қажеттігін баса айтты.«Кәсіпкерлікке, әсіресе шағын және орта бизнеске жағдай жасаңыздар. Салық базасын ұлғайтыңыздар. Бұл түптеп келгенде өңірлерде экономиканы екі еселеуге алып келеді. Сонда өз бюджетіміздің есебінен қаржыландыру мүмкіндігі артады», – деп түйіндеді Марат Ахметжанов.Ақпарат көзі : https://www.gov.kz/memleket/entities/aqmola/press/news/details/900645

ҚР Оқу-ағарту министрлігі қауіпсіз және қолдаушы білім беру ортасын құруға бағытталған «100 медиативті мектеп» жобасын іске қосуда. Бастама шеңберінде еліміздің барлық мектептерінде қақтығыстарды тиімді шешуге және оқушылар, педагогтер мен ата-аналар үшін жағымсыз салдардың алдын алуға ықпал ететін мектеп медиациясы қызметтері жұмыс атқара бастайды.Осы қызметтердің жұмысына бірыңғай тәсілді қамтамасыз ету үшін Ы.Алтынсарин атындағы КЕАҚ әзірлеген әдістемелік ұсынымдар бекітілді. Олар мектептегі медиация қызметтерін құру және олардың табысты жұмыс істеуі үшін қажетті теориялық және практикалық материалдарды қамтиды. Бұл ұсынымдар білім беру ұйымдарында медиативтік практикаларды енгізу үшін негіз болады. «Негізгі мақсат - қиын өмірлік жағдайларда қолдау көрсету, балаларды дамыту және әлеуметтендіру үшін қолайлы және қауіпсіз орта құру. Бұдан бөлек, мұнда отбасылық-құқықтық дауларды шешуге жәрдем көрсетіледі. Мектеп қызметтері қақтығыстарды реттеудің маңызды құралы болып табылады, ал медиативтік практикаларды пайдалану даулы жағдайлардың санын қысқартуға және оқу орындарындағы психологиялық ахуалды жақсартуға мүмкіндік береді», - деп атап өтті ҚР Оқу-ағарту министрлігі Балалардың құқықтарын қорғау комитетінің төрағасы Насымжан Оспанова. Медиация қызметіне жоғары сынып оқушылары, педагогтер, педагог-психологтар, әлеуметтік педагогтер, ата-аналар, сондай-ақ үкіметтік емес ұйымдардың, қамқоршылық кеңестердің және аға ұрпақтың өкілдері кіреді.Ақпарат көзі : https://www.gov.kz/memleket/entities/edu/press/news/details/900691

Көрмеге өндіріс және теміржол саласына арналған жабдықтар, сондай-ақ медициналық қондырғылар мен дәрі-дәрмектер, арнайы киімдер, тұрмыстық химия, сантехника бұйымдарын шығаратын кәсіпорындардың өнімдері қойылған.Ақпарат көзі : https://www.gov.kz/memleket/entities/aktobe/press/news/details/900596

Президентке Ақтөбе облысының әкімі Асхат Шахаров өңірдің әлеуметтік-экономикалық дамуы туралы баяндады. Облыс басшысының айтуынша, биылғы 11 айда аймақ экономикасының өсімі 6 пайызды құраған. Ал өнеркәсіп өндірісі 4 пайызға артып, осы жылдың алты айында шетелден тартылған тікелей инвестиция көлемі 175 миллион долларға жеткен. Президентке Ақтөбе қаласының әуежайын мультимодалды хаб ретінде дамыту үшін мұнда арнайы экономикалық аймақ құрылатыны жөнінде мәлімет берілді. Бұл жобаға 1,2 триллион теңгеден астам инвестиция тартып, 5 мың жұмыс орнын ашу жоспарланған. Облыс әкімі Мемлекет басшысына өңірде жүзеге асырылып жатқан және 2025-2027 жылдарға жоспарланған инвестициялық жобалар туралы да айтты.Сонымен қатар Қасым-Жомарт Тоқаевқа Ақтөбе қаласында салынатын жаңа құрылыс нысандарының макеті таныстырылды. Президент тапсырмасына сай, шаһарда 700 орындық драма театры және 35 мың көрерменге арналған көпфункционалды стадион бой көтермек.Ақпарат көзі : https://www.gov.kz/memleket/entities/aktobe/press/news/details/900606

Мемлекет басшысы Ақтөбе қалалық полиция департаментінің жедел басқару орталығының ғимаратын аралап көрді.Нысан өңірдегі 15 мыңға жуық бейнекамера арқылы жергілікті жердегі ахуалды нақты уақыт режимінде тәулік бойы бақылауға мүмкіндік береді.Орталықтың жедел залында 32 инспектор мен «102» шұғыл желісінің 3 операторы жұмыс істейді.Қасым-Жомарт Тоқаевқа Ішкі істер министрінің орынбасары Сәкен Сәрсенов полиция қызметінде қолданылып жатқан цифрлық жобалар туралы баяндады.Қазір Ақтөбе облысында 5 жедел басқару орталығы жұмыс істеп тұр. Осы орталықтар арқылы өңірде 1,8 мың қылмыстық құқық бұзушылық ашылып, 187 мың жол жүру ережесін бұзу фактісі анықталған.Сонымен қатар Президентке ішкі істер органдары қызметінің тиімділігін арттыру үшін жасанды интеллект технологиясы қолданыла бастағаны туралы мәлімет берілді.Аталған технология бақылау камераларындағы бейнеге талдау жүргізіп, жоғалып кеткен азаматтарды табуға көмектеседі. Сонымен қатар арнайы платформаға жүктелген фотосуреттер арқылы күдіктілердің бет-бейнесін танып, қажетті мәліметтерді де ұсынады. Бұдан бөлек жол жүру ережесін бұзу фактілерін тіркеп, көлік қозғалысын қадағалауға жәрдемдеседі.Мемлекет басшысы осы бағыттағы жұмысты жалғастыру қажет екенін айтып, қоғамда заң мен тәртіптің үстемдігін қамтамасыз етудің маңызына назар аударды.Ақпарат көзі : https://www.gov.kz/memleket/entities/aktobe/press/news/details/900614

Медициналық нысанда жылына 8200 нәресте дүниеге келіп, 13 мыңнан астам адам ем алады. Сонымен қатар «Аңсаған сәби» жобасы аясында жылына 130 ЭКО жасалады. Ал ерте араласу орталығында 200 бала оңалту шараларымен қамтылады.Президентке орталықта туа біткен сырқаты бар нәрестелерге 50 кардиохирургиялық және офтальмологиялық ота жасалғаны туралы мәлімет берілді. Орталық ашылғанға дейін мұндай диагнозы бар сәбилер Астана қаласында емделген.Қасым-Жомарт Тоқаевқа мекемеде жыл басынан бері жүзеге асырылып жатқан «Бір күндік клиника» жобасы таныстырылды. Аталған бастама қанмен берілетін ауруларды ерте бастан анықтауға көмектеседі. Осы жоба аясында бүгінге дейін 6 мың әйел медициналық тексеруден өткен.Мемлекет басшысы мекеме қызметкерлерімен әңгімелесіп, олардың жұмысына табыс тіледі.Ақпарат көзі : https://www.gov.kz/memleket/entities/aktobe/press/news/details/900618

Президент Ақтөбе қаласындағы «Химик» стадионының базасында ашылған балалар футбол академиясына барды.Заманауи үлгіде жабдықталған нысанда жыл бойы спортпен айналысуға жағдай жасалған. Академияда қазір 780 бала үздік халықаралық тәжірибе бойынша жаттығады. Онда спорт залдары, әкімшілік, оңалту, ем-дом және басқа да қызмет көрсету кабинеттері орналасқан.Мемлекет басшысы академияны аралап көріп, жасөспірімдермен және жаттықтырушылармен әңгімелесті. Қасым-Жомарт Тоқаев балаларды зиянды әрекеттерден сақтау үшін оларды спортқа көптеп тартудың маңызы зор екенін айтты.Ақпарат көзі : https://www.gov.kz/memleket/entities/aktobe/press/news/details/900624

ХАБАРЛАНДЫРУҚазақстан Республикасы Көлік министрлігі «Ашық НҚА» порталында «Әлеуметтік маңызы бар облысаралық жолаушылар қатынастарының тізбесін айқындау туралы» Қазақстан Республикасы Инвестициялар және даму министрінің міндетін атқарушының 2014 жылғы 8 желтоқсандағы № 247 бұйрығына өзгеріс енгізу туралы» Қазақстан Республикасы Көлік министрінің бұйрық жобасының орналасқаны туралы хабарлайды.Сіздерді осы бұйрықтың жобасы бойынша қоғамдық талқылауға қатысуларыңызды сұраймыз.Толығырақ: https://legalacts.egov.kz/npa/view?id=15340770 Ақпарат көзі : https://www.gov.kz/memleket/entities/transport/press/news/details/900538

Шымкент қаласының әкімі Ғабит Сыздықбеков және "QazaqGaz "ҰК" АҚ Басқарма Төрағасы Санжар Жаркешов тұрғындармен бірге Қайнарбұлақ (екінші кезең), Тассай жәнеЕламан тұрғын алаптарын, сондай-ақ Тассай индустриялық аймағын газдандырудың екінші кезеңі шеңберінде бірқатар кәсіпорынды газға қосуға қатысты. Айта кетейік, Қайнарбұлақ тұрғын алабын газдандырудың бірінші кезеңі осы жылдың қазан айының соңында аяқталды.Қала әкімі тұрғындардың қуанышына ортақтасып, газды пайдалану кезінде сақтық шараларын қатаң сақтау қажеттігін еске салды. Аталған шағын аудандарды табиғи газға қосу шаралары өткен жылдан бері жүргізіліп келеді. Жұмыстардың уақтылы аяқталуының нәтижесінде Шымкентте 25 мыңнан астам абонент 2024 жылы көгілдір отынға қол жеткізе алады.Тұрғын үйлерді газға қосу экологияға тиімді, қала тұрғындарының өмір сүру сапасын жақсартуға да мүмкіндік береді. Нысандар қосылғаннан кейін Шымкенттегі газдандыру деңгейі 97,4% -. құрайды.Естеріңізге сала кетейік, қосылуды жеделдету үшін тұрғындар "QazaqGaz Aimaq"АҚ-на өтінім жолдап, құжаттар ұсыну қажет.Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/900471

Еліміздің кәсіпорындарында ықтимал еңбек тәуекелдерінің алдын алу тәсілдерін жетілдіру мақсатында осы жылдың сәуір айында Еңбек және халықты әлеуметтік қорғау министрлігі «Еңбек тәуекелдерінің цифрлық картасы» (бұдан әрі – ЕТЦК) ақпараттық жүйесін іске қосты. 2024 жылғы 1 желтоқсандағы жағдай бойынша ЕТЦК-де 92,8 мың кәсіпорын тіркелген, олар бойынша тұрақты мониторинг жүргізіледі.Жүйе мемлекеттік органдардың ақпараттық жүйелерінен 80-нен астам көрсеткіштерді талдай отырып, скорингтік модель негізінде жұмыс істейді, ол әрбір көрсеткіш үшін салмақ коэффициенттерін ескереді, бұл еңбек тәуекелінің деңгейін объективті анықтауға көмектеседі.ЕТЦК енгізу нәтижесінде кәсіпорындарда әлеуметтік және еңбек заңнамасы нормаларының орындалуын дәлірек және уақтылы бақылау мүмкін болды. Бұл жұмыс берушілердің еңбекақы, жұмыс жағдайлары және жұмыс уақыты мәселелерінде бұзушылықтар жасау ықтималдығын азайтады. Еңбек жанжалдарының туындау қаупі бар кәсіпорындарда мемлекеттік еңбек инспекторлары алдын алу шараларын қолдана отырып, сын-қатерлерге жедел ден қоюды жүзеге асырады.Сонымен қатар тәуекелдерді автоматты түрде анықтау және талдау арқылы кәсіпорын басшылары оларды жою үшін алдын-ала шаралар қолдана алады, осылайша кәсіби аурулардың ықтималдығын азайтады. Жүйе сонымен бірге жұмыс берушілерге ықтимал проблемалар мен бұзушылықтарды тезірек жоюға көмектеседі, бұл өз кезегінде еңбек заңнамасын сақтамауға байланысты еңбек даулары мен сот процестерінің санын азайтады.Ақпарат көзі : https://www.gov.kz/memleket/entities/enbek/press/news/details/900417

2024-2025 оқу жылында орта білім беру ұйымдарында педагогтер саны 406 мыңға жетті, бұл өткен оқу жылымен салыстырғанда 8 мыңға көбейгенін көрсетеді. Бұл туралы ҚР Оқу-ағарту министрлігінің баспасөз қызметі Орта білім комитетіне сілтеме жасап хабарлайды.Педагогтерді жұмысқа қабылдаудың жоғары көрсеткіші Түркістан, Алматы, Жамбыл облыстары мен Шымкент қаласында тіркелген. Осылайша, өңірлердегі маман тапшылығы толығымен жойылды. Сондай-ақ мамандарға сұраныс педагог мамандығын бітірген түлектер есебінен толықтырылуда. Себебі, соңғы жылдары дарынды жастар арасынан педагогикалық мамандықтарға түсушілердің оң динамикасы байқалады. Мысалы, былтыр 1500 «Алтын белгі» иегері педагог мамандығын таңдаса, биыл 1800-і таңдады.«Жергілікті атқарушы органдар тарапынан педагогикалық мамандықтар бойынша білім беру гранттарының саны артып келеді. Педагогикалық мамандықтарға түсу үшін шекті балдың 50-ден 75 балға дейін өсуіне қарамастан, мамандыққа деген қызығушылық жоғары болып қала береді. Биылғы жылы педагогикалық мамандықтар бойынша жоғары оқу орындарын бітірушілер саны 48 мың адамды құрады, оның 2 мыңға жуығы облыс әкімдерінің гранты бойынша білім алды. Жаңа оқу жылы басталғалы 8 мыңға жуық педагог жұмысқа қабылданды», - деді Орта білім комитетінің төрағасы Қаныбек Жұмашев.Жалпы 2021 жылдан бастап білім беру жүйесіне жас мамандарды тарту бойынша бірқатар шаралар қабылданып келеді. Атап айтсақ, педагогикалық бағыттарға гранттар саны артты, осы мамандықтар бойынша оқитын жоғары оқу орындарының студенттері үшін стипендия мөлшері 58 мыңнан 67 мың теңгеге дейін ұлғайтылды. Бұл ретте педагогикалық мамандықтарға түсетін талапкерлердің ҰБТ қорытындысы бойынша орташа балы – 115-ті құрады. Ақпарат көзі : https://www.gov.kz/memleket/entities/edu/press/news/details/900464

Бүгін Петропавлда СҚО әкімі Ғауез Нұрмұхамбетов, «Bakerton» компаниясының басшысы Марина Баяндина мен "Bi Group" компаниясының акционері Айдын Майусовтың қатысуымен аймақтың тамақ өнеркәсібінде маңызды нысанға айналатын жаңа зауыттың іргетасын қалау рәсімі өтті. "Qyzyljar" АЭА аумағында орналасқан зауыт нан-тоқаш өнімдері мен донаттар шығармақ. Қуаттылығы жылына 13 000 тонна өнімді құрамақ, ресейлік компания 37 млрд.тг инвестиция құймақ. 379 жұмыс орны ашылады.Жобаны салуға белгілі "Bi Group" құрылыс компаниясы кірісті. Зауыттың іске қосылуы 2026 жылға жоспарланған. Бұл жобаны жүзеге асыру жергілікті экономиканы дамытуға, елдің азық-түлік қауіпсіздігін нығайтуға және экспорттық әлеуетті арттыруға маңызды қадам болмақ.Ақпарат көзі : https://www.gov.kz/memleket/entities/sko/press/news/details/900412