Су саласының мамандары «Болашақ» бағдарламасы бойынша АҚШ пен Австралияда білім алады. Қазақстандық сушыларға шетелде оқуға мүмкіндік жасау үшін Су ресурстары және ирригация министрлігі ҚР Ғылым және жоғары білім министрлігімен келісім жасады.Келесі жылы министрліктің екі қызметкері Америка Құрама Штаттарында оқу тағылымдамасынан өтеді. Тағы бір маман «Болашақ» бағдарламасы бойынша Австралияда, магистратурада білім алады.Еске салсақ, Су ресурстары және ирригация министрлігінің бастамасы бойынша биыл «Болашақ» бағдарламасына «Гидрогеология», «Су ресурстары» секілді оқу бағдарламалары қосылған болатын. Осының нәтижесінде, қазақстандықтар аталған мамандықтар бойынша шетелде білім алу мүмкіндігіне ие болды.«Су шаруашылығы саласы мамандарының біліктілігін арттыру министрлік жұмысының басым бағыттарының бірі болып табылады. Бүгінгі таңда ведомство Қытай, Нидерланды, Франция сынды мемлекеттермен және халықаралық ұйымдармен тәжірибе алмасу және бірлесіп маман дарялау жөнінде келісім жасады. Биыл Нидерланды сарапшылары Астана және Ақтөбе қалаларында су тасқыны қаупін басқару бойынша 3 мәрте оқу семинарын өткізді. Осының нәтижесінде су тасқынына қарсы іс-қимыл мәселелерімен айналысатын 50-ден астам қазақстандық маман біліктілік арттырды»,- деді Су ресурстары және ирригация бірінші вице-министрі Болат Бекнияз.Сонымен қатар, жазда «Қазсушар» мекемесінің мамандары Жапонияның Саппоро қаласында үш айлық оқу курсына қатысты. Ал, Қызылорда облысы бойынша «Қазсушар» филиалы директорының орынбасары Оңтүстік Корея мемлекетіне барып, тәжірибе алмасып қайтты.Ақпарат көзі : https://www.gov.kz/memleket/entities/water/press/news/details/900385

ҚР Цифрлық даму, инновациялар және аэроғарыш өнеркәсібінің вице-министрі Оразбек Асхат Елубайұлы 13 желтоқсанда сағат 11:00 ден 13:00-ге дейін Шымкент қаласы тұрғындарымен кездесу өткізіп министрліктің құзыретіне кіретін мәселелер бойынша азаматтарды қабылдайды мекен-жайы: Шымкент қаласы, Түркістан к. 1 (Жастар ресурстық орталығы).Жеке қабылдауға жазылу үшін және сауалдар мен ұсыныстар: +77252 24 75 50 (жұмыс уақыты) телефон нөмері арқылы қабылданады.Тұрғындармен кездесудің онлайн-көрсетілімі ҚР Цифрлық даму, инновациялар және аэроғарыш өнеркәсібі министрлігінің «Youtube» әлеуметтік желілеріндегі ресми парақшасында тікелей эфирде көрсетілетін болады.Азаматтарды кездесуге белсенді қатысуға және ҚР Цифрлық даму, инновациялар және аэроғарыш өнеркәсібі вице-министріне сауал жолдауға шақырамыз.Министрліктің қызмет бағыттары: телекоммуникация және байланыс, «электрондық үкімет» және мемлекеттік көрсетілетін қызметтер, аэроғарыш өнеркәсібі, геодезия и картография, электрондық өнеркәсіп, цифрлық активтер индустриясы, ақпараттық қауіпсіздік, инновациялар. Ақпарат көзі : https://www.gov.kz/memleket/entities/mdai/press/news/details/900267

Алматының Медеу ауданында биыл тұрғындардың өтінішімен жүзеге асырылған нысандарға арналған баспасөз туры өтті.Тур барысында ең әуелі жаңа сквер көрсетілді, оның аумағы 2,1 гектар. Бұл сквер бұрын қаңырап бос жатқан жердің орнына салынған. Медеу ауданының әкімі Еркебұлан Оразалиннің айтуынша, бұл аумақ бұрын жеке меншікке тиесілі болған, онда қоршалған, құрылыс қалдықтары толы шұңқыр болатын. Осылайша, бұл жер екі жылдан астам уақыт бойы бос жатты. Жақын маңдағы тұрғын үй кешенінің тұрғындары балалармен серуендейтін демалыс аймағын ұйымдастыруды бірнеше рет сұраған.Меншік иесімен келіссөздер жүргізіліп, жер коммуналдық меншікке берілді. Бүгінде аумақ көріктендіріліп, ол жерде демалуға арналған жайлы сквер пайда болды. Скверде жаңа күркелер, ойын алаңдары, орындықтар, қоқыс жәшіктері және жарықтандыру тіректері орнатылды. 175 қылқан жапырақты ағаш отырғызылып, 1100 шаршы метр көгал төселді, оған автоматты суару жүйесі ұйымдастырылды.Жергілікті тұрғын Кенжегүл Исламжанова немерелерімен демалуға және көршілерімен кездесу үшін жаңа скверге жиі келеді.«Бұрын бос жатқан жердің орнына осындай жаңа сквердің пайда болғаны керемет! Ең бастысы, ешқайда барудың қажеті жоқ, үйден шықтың, міне, сквер. Біз немерелерімізбен күн сайын осында келеміз. Олар ойнап, жүгіріп мәз болады. Ересектерге арналған демалыс орындары да бар, немерелерді бақылап, өзіміз де жақсы уақыт өткізе аламыз. Кешкісін жарық шамдардың арқасында тіпті әдемі. Біздің ауданымыздың өзгеріп жатқанына өте қуаныштымын!», - деді ол.Келесі нысан – №98 жалпы білім беретін мектеп болды. Оның жобалық сыйымдылығы музыка мектебінің көшуі есебінен 300 орынға ұлғайды. №8 музыка мектеп Алматы әкімдігі сатып алған көрші ғимаратқа көшірілді.Босатылған бөлмеде жөндеу жұмыстары жүргізіліп, осы жылдың қыркүйек айынан бастап бастауыш сынып оқушылары оқи бастады. Балалары №98 мектепте оқитын көпбалалы ана Райхан Өскенбаева шешім қабылдауға белсенді қатысқанын айтты.«Біздің мектебіміз өте жақсы, балаларым осында оқығанды ұнатады. Бірақ жылдар өте келе мектеп шамадан тыс жүктеліп, орын жетіспеді. Сондықтан музыка мектебін көшіріп, 500 шаршы метрлік ғимаратты босату дұрыс шешім болды. Енді бастауыш сыныптар үшін жақсы жағдай жасалған. Қызым жаңа, жарық сыныпта оқиды, парталары мен интерактивті тақталары бар. Ол мектепке қуана барады!», - деді ол.Баспасөз турының соңында қатысушылар таза суға арналған жаңа «Балқаш» резервуарына барды. Алматы әкімі Ерболат Досаевтың тапсырмасымен жүзеге асырылған бұл ауқымды жоба ауданның жоғарғы бөлігіндегі көпжылдық су мәселесін шешті. Бүгінде Каменск үстірті, Көлсай, Юбилейный және Мұзтау аудандарында тұратын 20 мыңнан астам тұрғын тұрақты сумен қамтылған.«Бұрын біз тау суын пайдаландық немесе су тасушылардан су алатынбыз. Екі жыл бұрын судың қысымы әлсіз болды, өйткені жеке үйлер бақшасын суаратын. 2023 жылы әкімнің халықпен кездесуіне қатысып, мәселені айттым. Ол уәдесін орындады, 2024 жылы біздің көшеге су берілді. Ладушкин көшесінің тұрғындары атынан тұрақты су үшін алғыс білдіреміз!», – деді тұрғын Лаура Құрманғалиева.Алматыда көріктендіру жобалары белсенді түрде қолға алынған. Бұл жұмысқа «Халық қатысатын бюджет» бағдарламасы үлкен үлес қосып отыр. Осы механизмнің арқасында әр тұрғын ауданын дамытуға тікелей әсер ете алады. Бағдарламаның тиімділігін ескере отырып, Алматы әкімі Ерболат Досаев оның қаржыландыруын 18,8 млрд теңгеге дейін ұлғайтты, бұл өткен жылмен салыстырғанда 5,8 млрд теңгеге көп.Ақпарат көзі : https://www.gov.kz/memleket/entities/almaty/press/news/details/899309

Алматыда Құрманғазы көшесінің бойымен Пушкин көшесінен Зенков көшесіне дейін төселген құбыр ауыстырылды. Биыл қайта жөндеуден өткізілген учаскенің ұзындығы 305 метрді құрайды.Ауыстырылған құбыр 1986 жылы пайдалануға берілген еді, ол 5 көппәтерлі тұрғын үй мен 4 басқа да нысанды жылу және ыстық сумен қамтамасыз етіп отыр.Жалпы, биыл қалада Алматы әкімі Ерболат Досаевтың тапсырмасымен ұзындығы 20 шақырым жылу желілері қайта жаңғыртылды. Жаңғырту жұмыстары жыл сайын жылытуаралық кезеңде жүргізіледі, биыл олар Алматы қаласының 6 ауданында атқарылды.Естеріңізге сала кетейік, қозғалысты шектеуге қатысты барлық ақпарат Almaty.kz сайтында, @AlmatyJoly Telegram-арнасында, аудан әкімдіктері мен басқармаларының әлеуметтік желілерінде, сондай-ақ «2GIS» және «Яндекс карталары» сервистерінде орналастырылған.Ақпарат көзі : https://www.gov.kz/memleket/entities/almaty/press/news/details/899397

«Карчаг Кинче» өнер музейінде (Мажарстан) «Қазақстанның көшпенділері: өткені мен бүгіні» атты көрме аяқталды. Экспозицияға қазақ халқының бай тарихи және мәдени мұрасын танытатын 200-ден астам бірегей экспонат қойылды. Көрмеге келушілерге ұрпақтар сабақтастығының символына айналған Абай Құнанбайұлының домбырасы ұсынылды. Жалпы, көрмені 12 мыңнан астам адам тамашалады.«Жоба үлкен қызығушылық тудырды, бұл Қазақстан мен Мажарстан арасындағы мәдени алмасудың маңыздылығын көрсетеді. Бұған дейін осындай көрмелер Түркия, Оңтүстік Корея, Аустрия, Италия және Чехияда өткен. Енді 12 желтоқсанда Сербияда «Ұлы Даланың мәдени мұрасы» атты көрме ашылады. Жалпы қала әкімі мәдениет саласы өкілдерін дамытуға ықпал ететін тағылымдамаға, білім алуға бағытталған және халықаралық байланысты нығайтуға мүмкіндік жасайтын жобаларға ерекше көңіл бөледі және сала қызметкерлеріне үлкен қолдау көрсетуде. Мәселен, музей қызметкерлері әлемнің үздік мәдени орталықтарында, соның ішінде әйгілі Луврда білім алып қайтты», – деді Алматы қаласы Мәдениет басқармасының басшысы Ғани Майлыбаев.Айта кетейік, көрмені Алматы қаласының музейлер бірлестігі Алматы қаласы әкімдігі мен Қазақстанның Мажарстандағы Елшілігінің қолдауымен ұйымдастырды.Ақпарат көзі : https://www.gov.kz/memleket/entities/almaty/press/news/details/900106

Танымал итальяндық Condé Nast Traveller журналы Алматы жайлы кең көлемді материал жариялады. Лючия Галлидің мақаласы мен Джакомо Брецельдің фотосуреттері қаланы бай мәдениет, табиғи сұлулық және заманауи динамика үйлескен ерекше саяхат бағыты ретінде таныстырады.Авторлар Алматыны Шығыс пен Батыс тоғысқан, дәстүр мен заманауи трендтер үйлесім тапқан орын ретінде сипаттайды.Мақалада Алматының таңғажайып табиғи көріністері ерекше аталып өткен: Іле Алатауының асқақ таулары, Алтын Емел ұлттық паркінің «ән салатын» құм төбелері, су астындағы орманымен әйгілі Қайыңды көлі, Көлсай көлдері және бірегей Шарын каньоны. Табиғи мұраны Панфилов көшесі, Көк базар және Көк-Төбе секілді қаланың көрікті жерлері толықтырады.Журнал мегаполистің гастрономиялық байлығын да ерекше атап өтеді. Дәстүрлі қазақ тағамдарынан бастап, жергілікті асхананы неономадтық интерпретацияда ұсынатын заманауи мейрамханаларға дейін көрсетілген.Алматы мақалада өз мәдени мұрасымен, сәулетімен және қонақжайлылығымен шабыт іздейтін әрі жаңа бағыт ашуды жан сүйетін туристер үшін тартылыс орталығы ретінде бейнеленген.Айта кетейік, бұған дейін Алматының туристік тартымды бағыт екені жайлы CNN Travel — әлемдегі ең ірі саяхат және туризм туралы ақпарат көздерінің бірі ауқымды мақала жариялаған еді. Бұл туындылар Алматының Орталық Азиядағы ең әлеуетті туристік бағыттардың біріне айналып, табиғи сұлулығы мен мәдени әралуандығымен бүкіл әлемнен саяхатшыларды қызықтырып жатқанын растайды.Ақпарат көзі : https://www.gov.kz/memleket/entities/almaty/press/news/details/900123

12 желтоқсан күні сағат 20:30-да Алматы қаласының Орталық стадионында УЕФА Конференция лигасы аясында «Астана» мен «Челси» командаларының футбол матчы өтеді. Билеттер туралы ақпаратБилеттерге сұраныстың жоғары болуына және алаяқтардың жалған билеттер сатуының алдын алу мақсатында Алматының Спорт басқармасы жанкүйерлерге Zakazbiletov.kz сервисі арқылы билеттерді алдын ала сатып алуды ұсынады. Делдалдардың қызметіне жүгінбеуіңізді өтінеміз. Спекуляция мен қайта сатудың алдын алу үшін сатып алынған билеттер жеке аты-жөні көрсетілген түрде рәсімделеді және матч күні электрондық поштаға жіберіледі. Стадион кассаларынан билеттерді сатып алу мүмкіндігі болмайды. Стадионға кіреберісте жанкүйерлерден билет пен билеттегі аты-жөннің сәйкестігі тексеріледі. Бұдан кейін жеке тексеру жүргізіліп, билеттің шынайылығын тексеру үшін штрих-код сканерленеді. Жолдардың жабылуы туралы ақпаратКіру кезінде кептеліс болмас үшін жанкүйерлерге Орталық стадионға ертерек келіп, қоғамдық көліктерді пайдалануға кеңес беріледі.Футбол жанкүйерлеріне стадионның есігі 18:00-де ашылады. Көлік кептелісін болдырмау мақсатында стадионға жақын аумақтарда 12 желтоқсан күні сағат 18:30-дан 00:00-ге дейін Абай даңғылының (Байтұрсынов көшесінен Мұқанов көшесіне дейін) қозғалысы шектеледі, Сәтбаев көшесі (Байтұрсынов көшесінен Байзақов көшесіне дейін) толық жабылады. Жақын маңдағы көшелерде патрульдік полиция бекеттері қойылады. Жанкүйерлерге арналған ақпарат12 желтоқсан күні қалада минус температура болады деп күтілуде, сынап бағанасы шамамен -11 градус. Сондықтан жылы әрі ыңғайлы киім кию керек. Қауіпсіздік шараларына байланысты стадион аумағына термос алып кіруге тыйым салынады. Жанкүйерлер үшін стадион ішінде ыстық сусындар мен жеңіл тағамдар сатып алуға болатын сауда нүктелері жұмыс істейді. Стадион айналасында 60 биодәретхана, оның ішінде мүмкіндігі шектеулі жандарға арналған дәретханалар орнатылады. Трансфер туралы ақпаратҚала әкімдігі жанкүйерлердің Орталық стадионға және кері қайтуына қолайлы болу үшін 8 тегін автобус маршрутын ұйымдастырады. Әр маршрутқа 10 автобустан бөлінеді. Жиналу нүктелерін 2GIS сервисі арқылы көруге болады:Қалқаман шағын ауданы (№7 қалалық аурухана аялдамасы) – Орталық стадион.Орбита шағын ауданы (Мұстафин-Торайғыров көшелерінің қиылысы) – Орталық стадион.Айнабұлақ шағын ауданы (Мақатаев-Павлодар көшелерінің қиылысы) – Орталық стадион.«Халық Арена» аялдамасы (солтүстік бағыт) – Орталық стадион.Алматы-1 теміржол вокзалы аялдамасы – Орталық стадион.«Райымбек батыр» метрополитен бекеті – Орталық стадион.Наурызбай ауданының ХҚКО аялдамасы – Орталық стадион.Момышұлы-Мөңке би көшелерінің қиылысы аялдамасы – Орталық стадион. Автобустар сағат 16:00-ден бастап жүре бастайды және толуына қарай жолға шығады.Жеке көлік иелері мен қала тұрғындарынан уақытша қолайсыздыққа түсіністікпен қарап, бағытын алдын ала жоспарлауды сұраймыз.Ақпарат көзі : https://www.gov.kz/memleket/entities/almaty/press/news/details/900198

2024 жылы 6 желтоқсанда Fitch халықаралық рейтинг агенттігі Алматы қаласының кредиттік рейтингін «BBB» деңгейінде растады, болжамы «Тұрақты». Бұл ретте, Алматы қаласының тәуелсіз кредиттік рейтингі «BBB+» деңгейінде расталды.Алматы қаласының жоғары тәуелсіз кредиттік рейтингі экономиканың динамикалық дамуы, жергілікті бюджеттің едәуір өсуі және бюджеттің төмен қарыз жүктемесімен негізделген, бұл «AAA» санатына сәйкес келеді.2024 жылдың 10 айында қаланың қысқамерзімді экономикалық көрсеткіші 5,2%-ға дейін жеделдеді. Өсу бизнестің және инвестициялық белсенділіктің артуымен қатар жүрді. Негізгі капиталға салынған инвестиция 8,2%-ға өсіп, 1,3 триллион теңгеге жетті. 2024 жылдың 11 айының қорытындысы бойынша жергілікті бюджеттің кірісі 21,2%-ға артып, 1 753 миллиард теңге болды.«BBB+» деңгейіндегі тәуелсіз кредиттік рейтинг Алматы қаласының әкімдігіне ірі инфрақұрылымдық жобаларды жүзеге асыру және дамыту үшін жасыл облигациялар шығаруға мүмкіндік береді.Fitch рейтингінің жарияланымын мына сілтеме арқылы оқи аласыз: https://www.fitchratings.com/research/international-public-finance/fitch-affirms-city-of-almaty-at-bbb-outlook-stable-06-12-2024. Ақпарат көзі : https://www.gov.kz/memleket/entities/almaty/press/news/details/900208

Алматы қаласының қала құрылысын бақылау басқармасы сот шешімі бойынша заңсыз деп танылған Айнабұлақ -1 6 «Б» ш/а кафені бұзудың басталғаны туралы хабарлады.Кафенің меншік иесі (жеке тұлға) АПЗ, эскиздік жобаны келісу, жобаны сараптау және құрылыс-монтаж жұмыстарының басталғаны туралы хабарлама болмаса да құрылысты салған.Бұрын Басқарма меншік иесіне қатысты әкімшілік шаралар қабылдап, анықталған бұзушылықтарды жоюға нұсқама берген болатын.2024 жылғы 7 ақпанда Басқарма Жетісу аудандық сотына объектіні бұзуға талап арыз берді. Сот шешімімен талап-арыздар қанағаттандырылды, қалалық соттың 2024 жылғы 19 маусымдағы қаулысымен шешім өзгеріссіз қалды.Бұзу Әділет департаментінің сот орындаушыларының қатысуымен басталды.Естеріңізге сала кетейік, Алматы әкімі Ерболат Досаевтың құрылысқа бақылауды күшейту жөніндегі тапсырмасы аясында өткен жылдың басынан бері 53 заңсыз нысан, оның ішінде «Мечта», «Khan», «Алма Гарден» тұрғын үй кешендері және басқалары толығымен немесе ішінара бұзылған болатын.Ақпарат көзі : https://www.gov.kz/memleket/entities/almaty/press/news/details/900219

Астана, 2024 жылғы 5 желтоқсан – Қазақстан Республикасы Сыртқы істер министрлігінде ҚР СІМ-нің Ерекше тапсырмалар жөніндегі елшісі Алуа Нәдірқұлова мен ҚР Еңбек және халықты әлеуметтік қорғау бірінші вице-министрі Ақмади Сарбасовтың тең төрағалығымен «Адами өлшем жөніндегі диалог алаңы» консультативтік-кеңесші органы жанындағы Экономикалық, әлеуметтік және мәдени құқықтар туралы халықаралық пакті бойынша кіші топтың отырысы өтті.Іс-шараға ҚР Президенті жанындағы Адам құқықтары жөніндегі комиссиясы төрағасының орынбасары, Парламент Мәжілісінің депутаттары, мүдделі министрліктердің өкілдері, қазақстандық құқық қорғау үкіметтік емес ұйымдар, сондай-ақ алаңның қонақтары – БҰҰ Даму бағдарламасының, БҰҰ Адам құқықтары жөніндегі Жоғарғы комиссары басқармасының, Қазақстан Республикасындағы Еуропалық одақ өкілдігінің өкілдері қатысты.А.Сарбасов БҰҰ-ның Экономикалық, әлеуметтік және мәдени құқықтар туралы халықаралық пактінің орындалуы туралы ҚР Екінші ұлттық баяндамасын қорғау қорытындылары бойынша 2019 жылы берілген ұсынымдардың іске асырылу барысы туралы баяндама жасады. Атап айтқанда, ұсынымдарды орындау шеңберінде БҰҰ Комитетінің ұсынымдарында көрсетілген бірқатар шаралар мен нормаларды көздейтін Әлеуметтік кодекс, 2027 жылға дейінгі Көші-қон саясатының тұжырымдамасы, 2024-2030 жылдарға арналған Қауіпсіз еңбек тұжырымдамасы және Қазақстанда мүгедектігі бар адамдардың құқықтарын қамтамасыз ету және тұрмыс сапасын жақсарту жөніндегі 2025 жылға дейінгі ұлттық жоспар қабылданды.Отырыс барысында «Қазақстандағы парламентаризмді дамыту қоры» қоғамдық қорының президенті Зәуреш Батталова Әмбебап кезеңдік шолудың төртінші циклі шеңберінде Қазақстандық үкіметтік емес құқық қорғау ұйымдарының коалициясы дайындаған № 7 Балама баяндамасын ұсынды. Баяндама экономикалық, әлеуметтік, мәдени құқықтарды, сондай-ақ білім беру құқығын қамтамасыз ету мәселелерін қамтиды. Атап айтқанда, қазақстандықтардың жеткілікті өмір сүру деңгейі, оның компоненттері мен бағалау критерийлері туралы ережені заңнамалық деңгейде қабылдау қажеттілігі аталып өтті.Жалпы, күн тәртібін талқылау ашық және сындарлы сипатта болды. Мемлекеттік органдар мен ҮЕҰ өкілдері проблемалық мәселелерді тыңдап, Қазақстан Республикасы азаматтарының экономикалық, әлеуметтік және мәдени құқықтарын жүйелі жақсарту үшін практикалық ұсынымдар берді.«Адами өлшем жөніндегі диалог алаңы» консультативтік-кеңесші органы 2013 жылы ҚР СІМ бастамасымен құрылды. Алаң Үкімет пен азаматтық сектор арасындағы диалогты ілгерілетудің тиімді құралы болып жұмыс атқарады. Алаңда халықаралық ұйымдар (БҰҰ ДБ, БҰҰ БЖКБ, ЕҚЫҰ және т.б.) өкілдерінің байқаушылар ретінде қатысуымен адам құқықтарын қорғаудың әртүрлі өзекті мәселелері талқыланады. Ақпарат көзі : https://www.gov.kz/memleket/entities/mfa/press/news/details/899092

Астана, 2026 жылғы 12 мамыр - Қазақстан Республикасының Сыртқы істер министрі Ермек Көшербаев Қытай Халық Республикасының Қазақстан Республикасындағы Елшісі Хань Чуньлиньді қабылдады.Кездесу барысында тараптар қазақ-қытай ынтымақтастығының өзекті мәселелерін талқылады, сондай-ақ оның одан әрі кеңею перспективалары бойынша пікір алмасты.2026 жылғы биік және жоғары деңгейдегі екіжақты және көпжақты іс-шаралар кестесіне ерекше назар аударылды.Бұдан басқа, өңірлік және халықаралық күн тәртібіндегі мәселелер бойынша пікір алмасу болды.Ақпарат көзі : https://www.gov.kz/memleket/entities/mfa/press/news/details/1218420?lang=kk

Астана, 2024 жылғы 9 желтоқсан – Қазақстан Республикасының сыртқы саяси ведомствосында Сыртқы істер министрінің бірінші орынбасары Ақан Рахметуллиннің қатысуымен «Қазақстанның ізгі ниет елшілерінің» екінші пулын тағайындау салтанатты рәсімі өтті.Мемлекет басшысы бастамашылық еткен «Қазақстанның ізгі ниет елшілері» жобасы мәдениеттер пен халықтар арасындағы диалогты дамытуға және еліміздің жетістіктерін шет елдерде дәріптеу мен танымалдылығын арттыруға бағытталған.Бұл жобаға қатысу үшін Қазақстанның қоғам және мәдени қайраткерлері шақырылды, олардың арасында Халық әртісі Димаш Құдайберген, опера әншісі Мария Мудряк, тележүргізуші және мәдени жобалардың продюсері Майя Бекбаева, археолог және Қазақстан Республикасының ЮНЕСКО және ИСЕСКО істері жөніндегі ұлттық комиссияның мүшесі Дмитрий Воякин, «Qazaq Geography» басқарма басшысы, этнограф-ғалым Айгерім Мұсағажинова бар.А.Рахметуллин өзінің алғы сөзінде Қазақстан әлемде бейбітшілікке ұмтылатын және прогрессивті мемлекет, сондай-ақ жаһандық және өңірлік мәселелерді шешуде сенімді серіктес ретінде қабылданатынын атап өтті.Қазақ дипломатының айтуынша, Сыртқы істер министрлігі шетелдік аудиторияны еліміздің мәдени мұрасы мен ұлттық алуан түрлілігімен таныстыру және оларды ілгерілету бойынша ауқымды жұмыс жүргізуде. Осыған байланысты А.Рахметуллин еліміздің танымалдылығын одан әрі арттыруға бағытталған «Kazakhstan: Born Bold» халықаралық имидждік науқанының басталғанын хабарлады.Қазіргі уақытта цифрлық коммуникациялар әлеміндегі мәдени-гуманитарлық дипломатияның маңыздылығы мен өзектілігін атап өтіп, А.Рахметуллин қатысып отырған қоғам қайраткерлерінің Қазақстанның түрлі салалардағы жетістіктерін дәріптеудегі күш-жігерін жоғары бағалады.«Ізгі ниет елшісінің мәртебесі тек бедел ғана емес, сонымен бірге үлкен жауапкершілік. Жоба аясында біз мәдениетіміз, өнеріміз, ғылыми жетістіктеріміз, инновациялар, спорттық жеңістер, креативті шешімдер, туристік әлеует пен Қазақстан халқының басты құндылығы – бейбітшілік пен келісімді сақтаумен таныстыруды жалғастыруға ниеттіміз», − деп атап өтті А.Рахметуллин.Өз сөзінде Д.Воякин Қазақстанның күші оның мәдени әртүрлілігінде, мұрасында және біз оны сақтауға және ұлғайтуға міндеттіміз деді. «Ізгі ниет елшісі болу – шабыттандыруды білдіреді. Біздің ортақ еңбегіміз ғылым, мәдениет және адамдардың өзара түсіністігінің күшіне сенетіндер үшін бірлік пен шабыттың символына айналсын», – деді ол.Артылған сенім үшін алғысын білдіре отырып, М.Бекбаева еліміздің ежелгі мәдениеті мен бай тарихымыздың негізінде жатқан бірлік, төзімділік және бейбітшілік құндылықтарды атап өтті. Ол жоба аясында осы қағидаттар мен құндылықтарды, сондай-ақ СІМ-мен тығыз байланыс арқылы Қазақстанның шет елдермен мәдени және гуманитарлық ынтымақтастығын ілгерілетуге ниетті екенін атап жеткізді.Қазақстанда Ізгі ниет елшілері қызметінің сәтті халықаралық тәжірибесін енгізу бүгінгі таңда ел беделін ілгерілетуде өз нәтижесін көрсетуде. «Ізгі ниет елшілерінің» пулын кеңейту әлемнің әр түкпіріндегі азаматтардың Қазақстанды одан да жақынырақ тануы үшін шабыттандыруға арналған.Бұған дейін Ізгі ниет елшілері мәртебесін скрипкашы-виртуоз Марат Бисенғалиев, Олимпиада чемпионы, велошабандоз Александр Винокуров, суретші және антиядролық қозғалыс белсендісі Кәріпбек Күйіков, кардиохирург Юрий Пя, саясаттану ғылымының докторы және тарихи карталарды зерттеуші Мұхит-Ардагер Сыдықназаров, Н. Тілендиев атындағы мемлекеттік академиялық фольклорлық-этнографиялық «Отырар Сазы» оркестрінің бас дирижері Динзухра Тілендиева, «Adam» лақап атымен әлемдік танымалдылыққа ие болған эстрада әншісі Мирхидай Мирфарух, әлем рекордын жаңартқан алып күш иесі және Гиннес кітабының рекордшысы Сергей Цырульников иеленген болатын. Олар өздеріне сеніп тапсырылған миссияны сәтті орындауда және мәдени-гуманитарлық салада, экологияны қорғау, жасөспірімдер спортын дамыту және басқа салаларда әлеуметтік маңызды жобаларды жүзеге асыруда.Ақпарат көзі : https://www.gov.kz/memleket/entities/mfa/press/news/details/899301

Астана, 2024 жылғы 10 желтоқсан – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеудің елімізде аккредиттелген араб мемлекеттерінің елшілерімен жұмыс кездесуі өтті.Басқосудың негізгі тақырыбы екіжақты және көпжақты ынтымақтастықты нығайту мәселелерін талқылау, сондай-ақ халықаралық және өңірлік күн тәртібіндегі мәселелер бойынша сындарлы пікір алмасу болды.Сонымен қатар әртүрлі салалардағы ынтымақтастықтың негізгі бағыттары талқыланды. Әсіресе сауда-экономикалық және инвестициялық ынтымақтастықты дамытуға, оның ішінде энергетика, ауыл шаруашылығы, туризм, көлік және логистика салаларына ерекше назар аударылды.Сұхбат барысында ҚР сыртқы саяси ведомствосының басшысы екіжақты қатынастар дамуының оң динамикасын атап өтіп, 2024 жылғы араб елдерімен ынтымақтастықтың негізгі қорытындыларын айқындады және алдағы жылға ортақ негізгі міндеттерді белгіледі.Министр еліміздің араб мемлекеттерімен серіктестігінің маңыздылығын атап, ортақ саяси, экономикалық және мәдени-гуманитарлық байланыстар мен мүдделерге ерекше мән берді. Сондай-ақ елшілерге екіжақты қарым-қатынастарды дамытуға қосқан үлестері және Қазақстан мен араб әлемі арасындағы ынтымақтастықты нығайтудағы белсенділігі үшін алғыс білдірді.«Қазақстан өз серіктестерімен Таяу Шығыс пен Солтүстік Африкада бар байланыстарды кеңейтуге және ынтымақтастықтың жаңа бағыттарын зерттеуге барлық мүмкіндіктерді пайдалануға дайын және бейіл», – деп атап өтті М. Нұртілеу.Араб дипломатиялық миссияларының басшылары Қазақстанның бейбітшілікті нығайту, тұрақты даму және қауіпсіздік мәселелерін ілгерілету жолындағы рөлі мен күш-жігерін, соның ішінде БҰҰ, Ислам ынтымақтастығы ұйымы және басқа да халықаралық алаңдар шеңберіндегі бастамаларын жоғары бағалады. Елшілер Қазақстанның тұрақты дамуының берік негізін қалап, өңірлік тұрақтылықты нығайтуға ықпал ететін Президент Қасым-Жомарт Тоқаевтың ауқымды саяси және әлеуметтік-экономикалық реформаларына қолдау білдірді.Араб дипломаттары Қазақстанның сыртқы саяси ведомствосымен тығыз ынтымақтастықты жалғастыруға және елдер мен өңірлер арасындағы жан-жақты байланыстарды кеңейтуге дайындықтарын растады.Достық атмосферада өткен кездесудің қорытындысы бойынша тараптар тұрақты диалогты жалғастыруды қолдап, бірлескен жобалар мен міндеттерді іске асыру жолында ұмтылысты күшейтуге уағдаласты.Ақпарат көзі : https://www.gov.kz/memleket/entities/mfa/press/news/details/900312

Мәдениет және ақпарат министрлігі 2024 жыл қорытындыларын шығаруда. Бүгін назарларыңызға отбасы және гендерлік саясат саласындағы қызмет нәтижелерін ұсынамыз.2024 жылдың ең маңызды оқиғаларының бірі – «Отбасылық-тұрмыстық зорлық-зомбылық туралы» Заңның қабылдануы. Жаңа редакция әйелдер мен балаларға қатысты зорлық-зомбылыққа жазаны қатаңдатып, отбасылық-тұрмыстық саладағы құқық бұзушылықтарды криминализациялады.Министрлік ІІМ, ЕХӘҚМ, ДСМ және басқа мемлекеттік органдармен бірлесіп алдын алу жұмыстарын жүргізуде. Өңірлерде қиын өмірлік жағдайға тап болған отбасыларды ерте анықтау бойынша мобильді топтар құрылды.Сонымен қатар, жаңа заң аясында Мәдениет және ақпарат министрлігі отбасын қолдау орталықтарының қызметін үйлестіріп, әдістемелік басшылық жасауда. Қазіргі таңда елде 43 отбасын қолдау орталығы жұмыс істейді және қиын өмірлік жағдайға тап болған отбасыларды ерте анықтау үшін мобильді қосымша сынақтан өткізілуде.Министрлік қазақстандықтардың арасында адамгершілік және отбасылық құндылықтарды нығайту бойынша жұмысын жалғастыруда. 2025-2027 жылдарға арналған отбасын және некені сақтау мен нығайту жөніндегі іс-шаралар жоспары әзірленіп, қабылданды. Бұл жоспар ажырасудың алдын алуға және отбасылық өмірге саналы дайындық деңгейін арттыруға бағытталған.Жыл сайын «Мерейлі отбасы» ұлттық байқауы өткізіледі. 11 жыл ішінде оған Қазақстанның барлық өңірлерінен 20 мыңнан астам отбасы қатысты.2-8 қыркүйек аралығында Отбасы күніне арналған апталық өтті. Оның аясында 2 мыңнан астам іс-шара ұйымдастырылып, оған 300 мыңнан астам адам қамтылды.2024 жылғы Жолдауында Мемлекет басшысы саналы ата-ана болудың маңыздылығын атап өтіп, балалар тәрбиесіне ерекше назар аударуға шақырды. Осыған байланысты, министрлік және «Әкелер одағы» республикалық қоғамдық бірлестігі «Тәрбие – тал бесіктен» IX Республикалық әкелер форумын өткізді. Форумға 200-ден астам қатысушы – сарапшылар, үлгілі әкелер, белсенді азаматтар, педагогтер және білім беру мекемелерінің басшылары жиналды.Министрлік «Балалар мен жастарды тәрбиелеу: мемлекет, қоғам және отбасы бірлесе әрекет етуде» атты халықаралық конференция ұйымдастырды. Конференция қорытындысы бойынша резолюция қабылданды.Гендерлік саясатты іске асыру аясында гендерлік теңдікті нығайту және әйелдерге қатысты кемсітушілікті жою бойынша жұмыс жалғасуда.Әйелдер мен қыздардың көшбасшылық әлеуетін және саяси белсенділігін арттыру мақсатында «Томирис» ақпараттық-білім беру бағдарламасы бойынша оқыту жалғасуда. Биыл шамамен 500 әйел қамтылды.Халықаралық гендерлік күн тәртібін іске асыру аясында ауқымды жұмыс атқарылуда. Биыл БҰҰ-ның 1325-резолюцияларын іске асыру жөніндегі іс-шаралардың ұлттық жоспары жаңартылды. Бұл жоспарға 34 іс-шара енгізілді және ол сарапшылар мен дипломатиялық корпус тарапынан жоғары бағаланды.Сондай-ақ, елдің 19 өңірінде азаматтық қоғам, сарапшылар және бизнес қауымдастығы өкілдерінің арасынан әкімдердің штаттан тыс гендерлік теңдік жөніндегі кеңесшілері тағайындалды.Бұдан бөлек, биыл Ерлер мен әйелдердің тең құқықтары мен мүмкіндіктерін қамтамасыз ету жөніндегі ҚР Үкіметінің іс-қимыл жоспары қабылданды.Ақпарат көзі : https://www.gov.kz/memleket/entities/mam/press/news/details/899953

Қазақстанда кәсіби суретшілер арасында «Ұлттық құндылықтар: салттың сырлы бейнесі» атты республикалық шығармашылық байқауы басталады.Мәдениет және ақпарат министрлігі ұйымдастырған байқаудың мақсаты – бейнелеу өнері арқылы ұлттық құндылықтар мен мәдени нысандарды насихаттау, отандық суретшілердің шығармашылығын қолдау.Байқауға қазақ халқының дәстүрлі мәдени құндылықтары тақырыбындағы пейзаж, натюрморт және сюжеттік картина жанрларындағы жұмыстарын ұсынған кәсіби суретшілер қатыса алады.Өтінімдерді қабылдау 2025 жылдың 8-24 ақпан аралығында жүзеге асырылады.Марапаттау рәсімі және іріктелген жұмыстардың көрмесінің ашылуы 2025 жылдың 12 наурызында Бейбітшілік және келісім сарайында өтеді.Байқау ережесімен мына сілтемеден танысуға болады: https://www.gov.kz/memleket/entities/mam/documents/details/762550?lang=kk ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/900313

Астанада «Балалар мен жастарды тәрбиелеу: мемлекет, қоғам және отбасы бірлесе әрекет етуде» атты халықаралық конференция өтті.Конференцияға ғалымдар мен сарапшылар, өңірлердің ата-аналар қауымдастығының өкілдері, педагогтер, ҚР Парламенті Мәжілісінің депутаттары, орталық және жергілікті атқарушы органдардың, үкіметтік емес ұйымдар мен халықаралық ұйымдардың өкілдері қатысты.Іс-шарада жауапты ата-ана тәрбиесі идеясын ілгерілету, балалардың цифрлық қауіпсіздігін қамтамасыз ету, отбасы құндылықтарын нығайтуға байланысты өзекті мәселелер қаралды.Конференцияда ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссия төрағасы Аида Балаеваның халықаралық конференция қатысушыларына үндеуі оқылды.«Мемлекет басшысы өз сөздерінде балаларды оқыту мен тәрбиелеудегі мемлекет пен ата-аналардың бірлескен жауапкершілігі, саналы ата-ана тәрбиесінің маңыздылығы туралы бірнеше рет атап өтті. Осыған байланысты қазіргі уақытта мемлекет, қоғам және отбасылар тығыз және тиімді өзара әрекет ететін бірыңғай жүйені қалыптастыру қажеттілігі туындап отыр. Әйелдер істері және отбасылық-демографиялық саясат жөніндегі ұлттық комиссия жауапты ата-ана тәрбиесі идеясын ілгерілету бойынша жүйелі жұмыс жүргізіп жатыр», – делінген Аида Балаеваның үндеуінде.Оның айтуынша, ата-аналардың тәрбие беру мүмкіндіктерін кеңейту үшін еңбек заңнамасын бұзғаны үшін жұмыс берушілердің жауапкершілігін күшейту қажет:«2025 жылы Мәдениет және ақпарат министрлігі мен БҰҰ Халық қоры (ЮНФПА) бірлесіп «Отбасыға қолайлы жұмыс орны» жобасын жүзеге асыруды жоспарлап отыр. Компанияларда отбасы мен ата-ананы қолдауға жағдай жасалады. Мұндай практикаларды енгізудің артықшылықтары бойынша жұмыс берушілерді оқыту бағдарламасы, сондай-ақ осы саладағы қазақстандық тәжірибені зерттеу және бағалау бағдарламасы іске қосылады».Конференцияға қатысушылар интернетке тәуелділік пен суицидтік мінез-құлықтың алдын алу үшін ата-аналардың балаға назар аударуы мен қарым-қатынас дағдыларының маңыздылығын атап өтті.Іс-шара қорытындысы бойынша жауапты ата-ана тәрбиесі идеясын одан әрі ілгерілету бойынша ұсыныстар әзірленетін қарар қабылданды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/900315

Қызылордада С.Айтбаев атындағы көркемсурет галереясында кәсіби және әуесқой қолөнер шеберлерінің «Ұлттық өнердің түнгі сыры» атты көрме-жәрмеңкесі өтіп, креативті туындыларын көпшілік назарына ұсынды.Ағаштан жасалған ерекше бұйымдар, кестелеп тігілген ұлттық киімдер, этносөмкелер мен киіз-кілемдер көрменің сәніне айналды. Іс-шарада 100-ден аса туынды сатылымға шығарылды.Бұдан бөлек, домбыра жасау, құрақ құрау бойынша шеберлік сағаттары ұйымдастырылып, мамандарға өзара тәжірибе алмасуға мүмкіндік жасалды. Сондай-ақ, киізден пано жасау үлгісі, кілем тоқу техникасы, қыш өнерінің құпиясы секілді пайдалы дәрістер ұйымдастырылды.Іс-шара мәдени мұраны насихаттауға, креаторларды өз өнімдерінен табыс табуды қолдауға бағытталған. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/900317

Биылғы жылдың басынан бастап ҚР Оқу-ағарту министрлігі Балалардың құқықтарын қорғау комитеті 242 білім беру ұйымына тексеру жүргізді, оның ішінде 108 тексеру жергілікті жерлерге бару арқылы жүзеге асса, 13 тексеру жоспардан тыс тұрғындардың арыз-өтініштері негізінде жүргізілді.2024 жылдан бастап «Бала құқықтары туралы» ҚР Заңының 52-1 және 52-2-баптары күшіне енді, мұнда облыстар мен республикалық маңызы бар қалаларда білім беру ұйымдары мен басқару органдарына қатысты мемлекеттік бақылауды жүргізуге қойылатын жаңа тәртіп пен талаптар айқындалған. Аталған жұмыс балалардың құқықтарын қорғау саласындағы құқықбұзушылық фактілерін анықтауға бағытталған.Тексерулер 25 білім бөлімінде және өңірлердің сегіз білім басқармасында жүргізілді. Нәтижесінде 15 лауазымды тұлғаға сот шешімі бойынша әкімшілік айыппұл салынды, 65 тұлға тәртіптік жауапкершілікке тартылды.«Министрлік балалардың құқықтарын қорғау саласындағы жергілікті атқарушы органдар тарапынан бұзушылықтарды, оның ішінде мектептегі ас мәзірінің белгіленген тамақтану нормаларына сәйкес келмеуі, сабақтарды жүйелі түрде өткізетін балаларға әсер етудің тиімді шараларының болмауы, оқушылардың жекелеген санаттарына әлеуметтік көмек көрсету ережелерінің сақталмауы және т.б. фактілерді тіркеді. Бұл мәселелер жергілікті билік пен білім беру ұйымдары тарапынан ерекше назар аударуды талап етеді», - деп атап өтті комитет төрағасы Насымжан Оспанова.Тексеру қорытындысы бойынша Балалардың құқықтарын қорғау комитеті 121 ұсыным және бұзушылықтарды жою туралы 151 нұсқама жолдады. Сондай-ақ ұсынымдардың орындалуын талдау тұрақты негізде жүзеге асырылады, оның барысында Түркістан, Жамбыл және Қызылорда облыстарында берілген ұсынымдардың сапасыз орындалуы анықталды.ҚР «Білім туралы» Заңының 6 бабына сәйкес балабақшалар, мектептер, қосымша білім беру ұйымдары жергілікті атқарушы органдардың қарамағында. Сондай-ақ, аталған ұйымдардың басшыларын тағайындауды әкімдіктердің құрылымындағы білім басқармалары жүзеге асырады.Айта кетейік, балалардың құқықтарын қорғау мен қамтамасыз ету жұмыстары жалғасуда.Ақпарат көзі : https://www.gov.kz/memleket/entities/edu/press/news/details/899989

Алматы, Ақмола, Шымкент және Приозерск гарнизондарында әскери ант беру рәсімі өтті.Алматы өңірлік гарнизонының 97617 әскери бөлімінде Тараз, Орал қалаларынан келген жүзден астам жауынгер салтанатты жағдайда ант қабылдады. Оларды осы маңызды оқиғамен Әуе шабуылына қарсы қорғаныс әскерлерінің қолбасшысы генерал-майор Қайрат Даутов, Халық қаһарманы запастағы подполковник Азамат Жұмаділов, "Аналар жүрегі" сарбаз аналары комитетінің өкілі Татьяна Тропина, сондай-ақ сарбаздардың туыстары мен жақындары құттықтады.- Сіздер қызмет ететін әскери бөлімнің тарихы сонау 1943 жылдан бастау алады. Ұлы Отан соғысы жылдарынан бастап бүгінгі күнге дейін осы бөлімнің жеке құрамы Отанымыздың әуе шебін қорғап келеді. Бұл өте маңызды миссия, оны адал орындап, Отан қорғаушы деген атқа лайық болыңыздар, – деді генерал-майор Қайрат Даутов.Сарбаз Арсен Әсетілда әуе шабуылына қарсы қорғаныс әскерлерінде қызмет етуге келгеніне риза. Оның пайымдауынша, бұл қызмет оған жақсы техникалық дайындық беріп қана қоймай, оның одан әрі қалыптасуына әсер етеді.Шымкент гарнизонының 10216 әскери бөлімінде 30 сарбаз ант берді. Отан қорғау туралы маңызды міндет алған жауынгерлерді 10216 әскери бөлімінің командирі подполковник Дәулетбек Қоғабаев құттықтады.Осы әскери бөлімнің қатардағы жауынгері Нұрдәулет Рахымберді өз әсерін бөлісіп, бір айдың ішінде жаңа ұжыммен жақын танысып үлгергенін атап өтті. Алғашқы әскери дайындық курсынан өту барысында ол әскери қызмет туралы негізгі білім алып, атыс алаңына да барып үлгерген.Ақмола облысында Астана, Түркістан, Қостанай және Көкшетау қалаларынан келген 150-ден астам жас сарбаз ант қабылдады.Приозерск гарнизонының 44841 әскери бөлімінде 40-қа жуық жас сарбаз Отанына адал болуға ант берді. Жауынгерлерді Қарағанды облысы Приозерск қаласының әкімі Мансұр Ахметов пен Қарулы күштердің ардагері Тілек Алшымбеков құттықтады.Барлық әскери бөлімдерде қоян-қолтық ұрысы мен қару-жарақ дефилесінің элементтері бар көрсетілімдер ұйымдастырылды. Қару-жарақ пен әскери техникаға, оқу сыныптарына, казармалар мен асханаларға экскурсиялар жүргізілді. Ата-аналар ұлдарының қызмет ету жағдайларымен танысып, өздерін толғандырған сұрақтарға жауап ала алды.Ақпарат көзі : https://www.gov.kz/memleket/entities/mod/press/news/details/898410

Қорғаныс министрлігі қорғаныс ведомствосы басшысының «Қарулы Күштерде парашютсіз десант түсіру жөніндегі нұсқаулықты бекіту туралы» бұйрығының жобасын әзірледі.Нормативтік құқықтық актінің жобасы Қазақстан Республикасы Қорғаныс министрлігі туралы ереженің 15-тармағы 277-тармақшасына сәйкес әзірленді. Бұл нұсқаулық әуе кемелерінен адамдар мен жүктерді парашютсіз қауіпсіз десанттауды ұйымдастыруды, қамтамасыз етуді және іске асыруды нақтылайды. Құжатта мамандарды, қару-жарақты, құралдар мен жабдықтарды парашютсіз түсіруге даярлауды ұйымдастыруға қойылатын талаптар айқындалады. Қорғаныс министрі бұйрығы жобасының толық мәтінімен «Электрондық үкімет» порталында осы жылдың 23 желтоқсанына дейін «Ашық НҚА» бөлімінде мына https://legalacts.egov.kz/npa/view?id=15332124 сілтеме бойынша танысуға болады. Ақпарат көзі : https://www.gov.kz/memleket/entities/mod/press/news/details/898737