Мақта кластерін дамыту аясында Түркістан облысының Мақтаарал ауданында 2024-2030 жылдар аралығында құны 70 млрд теңге болатын 8 ірі жоба іске асырылады.Қуаты жылына 80 мың тонна мақта талшығы өндірілетін «ZHANASSYL» ЖШС зауыты 3 желтоқсанда пайдалануға берілді.Зауыттың жанында Мақтаарал және Жетісай аудандарында 13 мақта қабылдау пункті жұмыс істейді. Астық жинау науқаны басталғалы бері 41 мың тоннадан астам мақта қабылданды.Зауыт тәулігіне 600 тонна шитті мақта өңдейді және 180 тонна жоғары сапалы мақта талшығын, мақта линтін және басқа да өнімдерді шығарады.Өнім ҚХР, Түркия, Еуропа, Тәжікстан, Иран және Қырғызстанға экспортталатын болады.Бұдан басқа, жоба шеңберінде кәсіпорында тамшылатып суару таспасы мен мақта тұқымын қайта өңдеу өндірістерінің құрылысы жүргізілуде. Жобалардың жалпы құны 3 млрд. теңге. Оларды іске қосу 2025 жылға жоспарланған.Ақпарат көзі : https://www.gov.kz/memleket/entities/moa/press/news/details/895723

Астана, 2024 жылғы 3 желтоқсан – Қазақстан Республикасы Сыртқы істер министрінің орынбасары Роман Василенко Польша Сеймі (парламенттің төменгі палатасы) Сыртқы істер комитетінің төрағасы Павел Ковальмен кездесті.Кездесу барысында парламентаралық байланыстарды нығайту, саяси және сауда-экономикалық ынтымақтастықты тереңдету, халықаралық ұйымдар аясындағы өзара іс-қимыл мәселелері талқыланды. Мәдени және білім беру мәселелеріне ерекше көңіл бөлінді. Польша қазақстандық студенттер үшін танымал бағдар болып табылатыны және қазіргі уақытта олардың саны 3 мыңнан асатыны туралы айтылды.Министрдің орынбасары Польша Қазақстанның Еуропалық одақтағы маңызды серіктесі болып табылатынын атап өтіп, барлық негізгі салалардағы ынтымақтастықты одан әрі тереңдетуге дайын екенін білдірді. Ол екі ел арасындағы байланыстарды нығайтуға белсенді ықпал ететін Қазақстандағы 35 мыңға жуық поляк диаспорасының маңызды рөліне назар аударды.Поляк депутаты өз кезегінде екіжақты қарым-қатынастардың оң динамикасын атап өтіп, ынтымақтастықты кеңейтуге, оның ішінде парламентаралық байланыстарды дамытуға бейілділігін растады.Кездесу соңында Р.Василенко поляк тарапына 2025 жылдың бірінші жартыжылдығында ЕО Кеңесіндегі төрағалығына сәттілік тіледі. Анықтама: Польша – ҚР-дың Орталық және Шығыс Еуропадағы негізгі сыртқы экономикалық әріптестерінің бірі. ҚР мен Польша арасындағы тауар айналымы Польшаның Орталық Азия елдерімен жалпы сауда көлемінің 80%-дан астамын құрайды. 2023 жылы тауар айналымы 1,23 млрд АҚШ долларын құрады. 2005 жылдан бастап Польшадан ҚР-ға құйылған тікелей шетелдік инвестициялар көлемі 447,8 млн доллардан асты. ҚР-да поляк капиталы бар 140 компания жұмыс істейді.ҚР және Польша парламенттерінде екі ел арасындағы ынтымақтастықты нығайтуға бағытталған достық топтары жұмыс істейді.Ақпарат көзі : https://www.gov.kz/memleket/entities/mfa/press/news/details/895704

Төтенше жағдайлар министрлігінде ТЖ вице-министрі Батырбек Әбдішевтің төрағалығымен төтенше жағдайлардың алдын алу және оларды жою жөніндегі ведомствоаралық мемлекеттік комиссияның отырысы өтті. Отырыс барысында еліміздің сейсмикалық қауіпсіздігін қамтамасыз ету мәселелері қаралды. Отырыс бейнеселекторлық режимде орталық мемлекеттік органдар өкілдерінің, облыстар, Алматы және Шымкент қалалары әкімдері орынбасарларының, сейсмикалық қауіпті өңірлердегі ТЖД бастықтарының қатысуымен өтті. Қатысушылардың баяндамаларында сейсмикалық қауіпсіздік және сейсмологиялық бақылау желісін жаңғырту мәселелері бойынша жұмыстар қозғалды. Төтенше жағдайлар, цифрлық даму, ғылым және жоғары білім, өнеркәсіп және құрылыс министрліктерінің, сондай-ақ жергілікті атқарушы органдардың басшылары сейсмикалық қауіпсіздікті күшейту және сейсмологиялық зерттеулер инфрақұрылымын дамыту шараларын ұсынды. ТЖМ ТЖ алдын алу комитеті төрағасының орынбасары Айбол Ақпаров атап өткендей: «Еліміздің республикалық маңызы бар 2 қаласы мен 13 өңірі сейсмикалық қауіпті. Сейсмикалық қауіпсіздік проблемаларын кешенді шешу үшін ҚР Үкіметінің Қаулысымен сейсмологиялық саланы дамытудың 2024-2028 жылдарға арналған Кешенді жоспары бекітілді. Осы жоспар аясында сейсмикалық тәуекелін бағалау және жер сілкіністерінен болатын залалды болжау, мониторинг желісін кеңейту көзделген». Сонымен қатар ТЖМ «Азаматтық қорғау туралы» Заңына өзгерістер енгізу шеңберінде мемлекеттің, кәсіпкерлердің және халықтың осы саладағы өзара қарым - қатынасын реттейтін жеке тарау енгізуді ұсынды. Отырыс қорытындысы бойынша вице-министр Батырбек Әбдішев мүдделі мемлекеттік органдар мен ұйымдарға жетекшілік ететін бағыттар бойынша адамдардың қауіпсіздігін қамтамасыз етуге бағытталған ұйымдастырушылық және практикалық іс-шаралар кешенін жүргізуді, сейсмикалық құбылыстардың алдын алу және әсерін азайту жөніндегі жұмысты күшейтуді тапсырды. Отырыс соңында хаттамалық шешім қабылданды. ТЖМ Төтенше жағдайлардың алдын алу комитетіАқпарат көзі : https://www.gov.kz/memleket/entities/emer/press/news/details/895710

Қарағандылықтар жаңа жылдық концерттерде мерекелік көңіл-күйге шомып, көңіл көтере алады. Музыка әуесқойлары үшін академиялық оркестрлер мен сахна жұлдыздарының қойылымдары дайындалды, ал халық аспаптарының сиқыры ешкімді бей-жай қалдырмайды.21 желтоқсан"Жаңа жылдық көңіл-күй""Шалқыма" концерт залы, 17:00Е. Рахмадиев атындағы Академиялық симфониялық оркестрдің концерті. Бағдарламада Петр Чайковский, Иоганн Штраус, Джон Уильямс, Морис Равель және т. б. танымал шығармалар бар.Халықаралық байқаулардың лауреаты композитор Әбілқайыр Сағымбаев жетекшілік етеді.25 желтоқсан"Жаңа жылдық әуеннің сиқыры""Шалқыма" концерт залы, 18:30Тәттімбет атындағы Қазақ халық аспаптары академиялық оркестрінің концерті.Қатысушылар: ҚР еңбек сіңірген қайраткері Талғат Ыдырысов, Халықаралық байқаулардың лауреаттары Рысты Рахымжан, Кристина Ракша, Дулат Аханов.25 желтоқсанРождестволық концертКеншілер мәдениеті сарайы, 18:30Қарағанды академиялық музыкалық комедия театрының симфониялық оркестрінің концерті.Шақырылған қонақ – Афрокариб джазының жұлдызы Селин Лангедок. Әнші музыканттар отбасынан шыққан. Ол 5 жасында билеп, ән айта бастаған, ал 16 жасында халықаралық байқаулар мен фестивальдердің дипломдарына ие болды. Селиннің мойындауы бойынша, ол тек шығармаларды орындап қана қоймай, музыканы театрға айналдырады.Рождестволық музыканың әлемге әйгілі шедеврлері, әлемдік композиторлардың аспаптық және вокалдық шығармалары шырқалады.Халықаралық фестивальдің дипломанты Алексей Гусак дирижерлік етеді. Ақпарат көзі : https://www.gov.kz/memleket/entities/karaganda/press/news/details/895652

Астана қаласы әкімдігінің №1 Балалар мен жасөспірімдердің мамандандырылған олимпиадалық резерв спорт мектебінің 33 гимнасшысы Біріккен Араб Әмірліктерінде өткен халықаралық турнирде тамаша нәтиже көрсетті, деп хабарлайды елорда әкімдігінің ресми сайты.Жарыста елордалық спортшылар спорттық гимнастика бойынша 17 алтын, 26 күміс және 26 қола медаль жеңіп алып, Қазақстанның абыройын асқақтатты.Бұл турнирге АҚШ, Кувейт, Катар, БАӘ, Ливан, Ресей және Кения елдерінің үздік гимнасшылары қатысып, жоғары деңгейде бәсекелестік танытты. Алайда қазақстандық спортшылар көпсайыс, тіреніп секіру, қоссырық, бөрене, керме және еркін жаттығуларда ерекше шеберлік көрсетіп, лайықты марапаттарға ие болды.Жарыс қорытындысы бойынша елордалық жас гимнасшылар жоғары дайындықтарын дәлелдеп, халықаралық аренада Қазақстанның спорттық гимнастика мектебінің беделін нығайтты.«Бұл жеңіс – еліміздің гимнастика саласындағы маңызды қадамы. Турнирге қатысқан жас дарындар мен тәжірибелі спортшылардың бірігуі, олардың табандылығы мен ынта-жігерінің нәтижесі. Астаналық спортшылар халықаралық деңгейде жоғары нәтиже көрсетіп, еліміздің гимнастика мектебінің әлемдік аренадағы орнын тағы бір мәрте дәлелдеді. Елордалық гимнасшылардың осындай ірі жеңісі – Қазақстан спортының дамуындағы жаңа белестердің жарқын көрсеткіші», – деді №1 Балалар мен жасөспірімдердің мамандандырылған олимпиадалық резерв спорт мектебінің басшысы Данияр Тулегенов.Ақпарат көзі : https://www.gov.kz/memleket/entities/astana/press/news/details/895712

2024 жылғы 1-3 желтоқсан аралығында Бішкек қаласында Қазақстан Республикасының Сауда және интеграция министрлігі, «QazTrade» АҚ Қырғыз Республикасының Сауда-өнеркәсіп палатасымен бірлесіп ұйымдастырған қазақстандық экспорттаушылардың сауда-экономикалық миссиясы өтті. Миссия аясында түрлі салаларды қамтитын 30 қазақстандық компания қырғыз әріптестерімен В2В форматында келіссөз жүргізді.2 желтоқсанда Бішкекте Қазақстан–Қырғызстан Үкіметаралық кеңесі қарсаңында екіжақты ынтымақтастықтың келешегін талқылау үшін маңызды тұғырнамаға айналған Қазақстан–Қырғызстан бизнес-форумы өтті.Форум жұмысына Қазақстан мен Қырғызстанның 80 компаниясының өкілдері қатысты. Форум бағдарламасына B2B кездесулері, сондай-ақ келісімдерге қол қою рәсімі кірді. СЭМ мен форум қорытындысы бойынша жалпы сомасы $8,2 млн-нан астам 7 коммерциялық келісімге қол қойылды, бұл екі ел арасындағы экономикалық байланыстарды нығайту үшін маңызды қадам болды.Қазақстандық делегацияны Қазақстан Республикасының сауда және интеграция вице-министрі Қайрат Төребаев басқарды, сондай-ақ іс-шараға бизнес және мемлекеттік құрылымдардың өкілдері қатысты.Дереккөз: https://primeminister.kz/news/bishkektegi-kazakstan-kyrgyzstan-biznes-forumynda-82-mln-kommertsiyalyk-kelisimderge-kol-koyyldy-29417 Ақпарат көзі : https://www.gov.kz/memleket/entities/mti/press/news/details/895646

ҚР Өнеркәсіп және құрылыс министрі Қанат Шарлапаев ТМД және Орталық Азия елдерінің ауыл шаруашылығы жөніндегі президенті Чаба Лейкомен кездесті.Кездесу барысында Қазақстанда «John Deere» брендінің жабдықтарын өндіруді ұйымдастыру перспективалары талқыланды.«Deere & Company» – ауыл шаруашылығы, құрылыс және орман шаруашылығы техникаларын шығаратын американдық машна жасаушы компания. Ол өнімдерінің кең ассортименті бар әлемдегі ең ірі ауыл шаруашылық техникасын өндірушілердің бірі.Министр «John Deere» ауыл шаруашылық техникасы жоғары сенімділігі, тиімділігі және инновациялық технологиялары арқасында қазақстандық ауыл шаруашылығы өндірушілері арасында үлкен сұранысқа ие екенін айтты.Өз кезегінде Чаба Лейко жобаны жүзеге асыру Қазақстанның ауыл шаруашылығы техникасы паркін жедел жаңартуға мүмкіндік беретінін атап өтті.Келіссөздер қорытындысы бойынша тараптар бірлескен жоба жөніндегі келіссөздерді жалғастырудың маңыздылығын атап өтті. Ақпарат көзі : https://www.gov.kz/memleket/entities/mps/press/news/details/895670

«Азық-түлік келісімшарт корпорациясы» ұлттық компаниясы ҚР Ауыл шаруашылығы министрлігі делегациясының ҚХР-ға ресми сапары аясында стратегиялық қытайлық серіктестермен ынтымақтастық туралы келісті.Атап айтқанда, Бейжіңдегі Citic Group мемлекеттік қытай корпорациясының өкілдерімен кездесуде «Азық-түлік келісімшарт корпорациясы» ҰК» АҚ Басқарушы директоры Рустам Жанатаев Қазақстан аумағында астық пен майлы дақылдарды терең өңдеу зауытын салу мүмкіндіктерін талқылады. Объект пайдалануға берілген жағдайда ұлттық астық операторы өндірісті жүктеу үшін отандық аграрийлердің ауыл шаруашылығы өнімдерін тұрақты негізде жеткізуге дайын. Бірінші кезеңде жыл сайынғы жеткізу көлемі 300 мың тонна ауыл шаруашылығы өнімін құрауы мүмкін.Бірлескен жұмысты жалғастыру мақсатында тараптар ҚР Ауыл шаруашылығы министрі Айдарбек Сапаровтың қатысуымен меморандуммен уағдаластықтарды бекітті.Қытайдың ірі агроөнеркәсіптік кәсіпорындарының қатысуымен өткен дөңгелек үстел барысында Рустам Жанатаев әлеуетті инвесторларға Азық-түлік келісімшарт корпорациясы арқылы форвардтық қаржыландыру бағдарламасына қатысуды ұсынды.«Қазақстандық фермерлерді ұлттық астық операторының кепілдігімен аванстау астық пен майлы дақылдарды белгіленген мерзімде және белгіленген бағамен жеткізуді қамтамасыз етуге мүмкіндік береді», - деп түсіндірді ол.Осыған ұқсас тәжірибені қазақстандық жасымық импортына мүдделі түрік компаниялары сынап көрді. Сондай-ақ, екіжақты келіссөздердің қорытындысы бойынша азық-түлік корпорациясы мен қытайлық Jiangsu SOHO HoldingsGroup 200 мың тоннаға дейінгі көлемде қазақстандық жемдік арпаны жеткізуге келісімшартқа қол қойды.«Азық-түлік келісімшарт корпорациясы» ҰК» АҚ - мемлекеттік астық операторы. Азық-түлік қауіпсіздігін және астықтың ішкі нарығын тұрақтандыруды қамтамасыз етеді, ауыл шаруашылығы тауарын өндірушілерге қаржылық қолдау көрсетеді, сондай-ақ астықты экспортқа жеткізумен айналысады. Ақпарат көзі : https://www.gov.kz/memleket/entities/moa/press/news/details/895657

2024 жылдың басынан бастап Әлеуметтік қызметтер порталы (бұдан әрі – Портал) арқылы шамамен 808,7 мың мүгедектігі бар адам оңалтудың техникалық құралдарын (бұдан әрі – ОТҚ), 8,7 мың – ымдау тілі қызметін, 26,8 мың – жеке көмекшінің, 90,9 мың – санаторийлік-курорттық емдеу қызметін алды.Портал мүгедектігі бар адамдарға оңалтудың техникалық құралдары мен қызметтерін өндірушіні және жеткізушіні өз бетінше таңдауға мүмкіндік береді. Көмек түріне тапсырыс беру көрсетілетін қызметті алушының электрондық цифрлық қолтаңбасымен растау арқылы жүзеге асырылады. Тапсырыс берілген оңалтудың техникалық құралдарын жеткізу немесе өз бетінше әкету арқылы алуға болады.Мүгедектігі бар адамдарды оңалту құралдарымен қамтамасыз ету протездік-ортопедиялық, сурдотехникалық, тифлотехникалық және гигиеналық құралдар, сондай-ақ кресло-арбалар беруді қамтиды.Бүгінгі күні Порталда 884 арнаулы әлеуметтік қызметтер көрсететін орталық (бөлімшелер), 811 ОТҚ жеткізуші, 30 мыңнан астам жеке көмекші, 760 ымдау тілі және 127 санаторийлік-курорттық емдеу қызметтерін ұсынушы тіркелген.«Әлеуметтік қызметтер порталы» автоматтандырылған ақпараттық жүйесін енгізу Мүгедектігі бар адамдардың құқықтарын қамтамасыз ету және өмір сүру сапасын жақсарту жөніндегі ұлттық жоспар шеңберінде қарастырылған.Бұған дейін хабарланғандай, ҚР Әлеуметтік кодексін іске асыру шеңберінде жергілікті атқарушы органдар жанынан құрылған Портал жөніндегі комиссияларға жаңа өкілеттіктер берілген: мүгедектігі бар адамдардың сапасыз тауар немесе қызмет туралы өтінішін 5 күн ішінде қабылдау және қарау; өнім берушіге хат жолдау және оның орындалуын бақылау; өнім берушіні Порталдан шығару және жосықсыз өнім берушілер тізіміне енгізу туралы шешім қабылдау.Порталды пайдалану бойынша консультацияларды қолдау байланыс орталығынан, яғни 1414 бірыңғай нөмірі арқылы хабарласуға болады.Ақпарат көзі : https://www.gov.kz/memleket/entities/enbek/press/news/details/895691

Республикамыздың таулы аудандары әртүрлі дәрежеде көшкін қаупін төндіреді. Көбінесе қар көшкіні Іле Алатауы жотасының беткейлерінде (Алматы қаласы) және Алтай (ШҚО) тауларында байқалады. Қыстың басы мен көктемнің басы қар көшкіні белсенді болатын ең қауіпті кезеңдер болып саналады. Биылғы жылы жалпы көлемі шамамен 1,2 млн. м3 213 қар көшкінінің өздігінен түсуі тіркелді. Жалпы, қазіргі уақытта қар биіктігі норма шегінде немесе нормадан асады.«Жыл басынан бері Қазселденқорғау халықтың, автожолдардың және тау шаңғысы базаларының қауіпсіздігін қамтамасыз ету мақсатында 112 қар көшкінін алдын ала түсіру жұмыстарын жүргізді, түсірілген қардың жалпы көлемі - 219 мың м3 құрады. Қауіпті кезеңдерде қар көшкіні қаупі бар аймағына халықтың және автокөліктің жүруін шектеу бойынша блок-бекеттер қойылды. Қауіпті кезең басталғанға дейін жергілікті атқарушы органдарға, қар көшкіні қаупі бар аймақтарда орналасқан тұрғын үй иелеріне және ұйымдардың басшыларына тиісті ұсынымдар берілді», - деп «Қазселденқорғау» ММ басшысы Ерболат Садырбаев атап өтті. Тау шаңғышылары, туристер, альпинистер қар көшкіні қаупіне неғұрлым бейім. Сондықтан қар көшкіні астында қалмау үшін, тауға жиналатын әрбір адам, қар көшкіні кезінде және тауларда өзін ұстаудың негізгі ережелерін үйренуге міндетті. Егер қар көшкіні жүруі мүмкін деген ескерту болған жағдайда, тауға барудан бас тартқан жөн. Егер ескерту болмаса, онда жолға шықпас бұрын метеорологиялық болжамдарды білу, қозғалыс маршруттарын жасау, дайындалмаған учаскелерде жүріп-тұрудан және сырғанаудан қалыс қалу, белгілінген соқпақтармен жүру, сондай-ақ көшкін қаупі бар жерлер туралы мүмкіндігінше көбірек білу, қауіпті беткейлерден барынша аулақ болу қажет (бұл қарапайым мінез-құлық ережесі өмірді сақтап қалуға толық қабілетті). Егер тауға шығар алдында қалың қар жауса, жорықты екі-үш күнге кейінге қалдырған жөн, ал қар көшкіні болмаған жағдайда, ол отырғанша күткен жөн. Сондай-ақ тауға жалғыз немесе бірге бармау өте маңызды: топпен жүру керек. Бұл қар көшкіні кезінде сақтандыруды қамтамасыз етеді, мысалы топқа қатысушылар көшкін лентасымен байланған болса, бұл қар басқан спутникті анықтауға мүмкіндік береді. Тауға шығар алдында өзімен бірге көшкінге түскен адамды іздестіруге мүмкіндік беретін көшкін қабылдағышын алған жөн. Өзімен бірге ұялы телефонды алып кетуді ұмытпау өте маңызды (ол бірнеше адамның өмірін сақтап қалды). Сондай-ақ қар көшкінінде қалған адамға «жүзіп шығуға» мүмкіндік беретін үрлемелі жастықтар жүйесі қарастырылған арнайы қар көшкіні рюкзактарын алу жаман емес. Тауда тек жолдар мен төселген аңғар соқпақтарымен және тау жоталарымен қозғалу керек, бұл ретте тік қар басқан баурайларға шығуға, оларды кесіп өтуге немесе зигзагпен қозғалуға болмайтынын есте сақтау өте маңызды. Егер қар көшкіні жоғары түсіп, амал жасауға уақыт болса, онда саған қар көшкіні келіп тұрған кездегі мінез-құлық ережелерінің бірін еске түсіру өте маңызды: тасқын жолынан қауіпсіз жерге кету керек, төмен емес, көлденеңнен қозғалу керек. Сондай-ақ үңгірдің сыртына жасырынуға, биіктікке, тұрақты тастарға немесе мықты ағашқа шығуға болады. Егер қар көшкінінен құтыла алмаған болса, онда мінез-құлық ережелерінің бірі - жүгіртпелі ағынға созылатын барлық заттардан, яғни рюкзактан, шаңғыдан, таяқтан, мұз жаратын құрылғыдан бірден арылу керек. Ағыстың шетіне қарай тез өтіп, жоғарыда қалу үшін қолдан келгеннің бәрін жасау керек, ал мүмкіндік болса, ағашқа, тастарға, бұталарға ұстанып қалыңыз. ТЖМ таулардың беткейлеріндегі қардың тұрақсыз жағдайына байланысты қар көшкінін болдырмау үшін таулардың қар басқан беткейлеріне шықпауды және тауларға барудан бас тартуды ұсынады. Ақпарат көзі : https://www.gov.kz/memleket/entities/emer/press/news/details/895665

Қазақстанның құрама командасы 2-12 желтоқсан аралығында Бухарестте (Румыния) өтетін жасөспірімдер арасындағы XXI халықаралық жаратылыстану-ғылыми олимпиадаға (IJSO) қатысады. Аталған беделді білім беру сайысында әлемнің 60 елінен 360-тан астам оқушы өзара білім бәсекесіне түседі. Қазақстан командасының құрамы:• Әділ Жиенбаев - Республикалық физика-математика мектебінің 10-сынып оқушысы (Алматы қ.);• Мұнар Сағымбай - Республикалық физика-математика мектебінің 10-сынып оқушысы (Алматы қ.);• Айзере Жеңісханова - химия-биологиялық бағыттағы Назарбаев Зияткерлік мектебінің 10-сынып оқушысы (Өскемен қ.);• Абдижан Ибраимов - «NURORDA» мектеп-лицейінің 9-сынып оқушысы (Астана қ.);• Әлихан Іскендір - «Білім-инновация» дарынды балаларға арналған облыстық лицей-интернатының 9-сынып оқушысы (Ақтөбе облысы);•Анастасия Пономарева - Республикалық физика-математика мектебінің 9-сынып оқушысы (Астана қ.).Команда жетекшілері:• Самат Мұратбекұлы Максутов - PhD докторы, SDU доценті;• Айдос Бекзатұлы Сәрсенбай - Ш.Есенова атындағы Каспий технология және инжиниринг университетінің студенті, халықаралық және республикалық олимпиадалардың жеңімпазы;• Мұхаммедали Ғаниұлы - SDU студенті, халықаралық және республикалық олимпиадалардың жеңімпазы.Анықтама үшін: IJSO - 2004 жылдан бері өткізіліп келе жатқан 15 жасқа дейінгі оқушыларға арналған халықаралық ғылыми жарыс. Қатысушылар физика, химия және биология бағыттары бойынша білімдерін сынайды. 2023 жылы Бангкок олимпиадасында қазақстандық команданың барлық алты қатысушысы жүлдегер атанды. Биылғы жылы оқушылар Астанада екі апталық оқу-жаттығудан өтті.Қазақстан құрамасына сәттілік тілейміз!Ақпарат көзі : https://www.gov.kz/memleket/entities/edu/press/news/details/895698

Президенттің тапсырмаларын орындау шеңберінде Қазақстанда елге қайтарылған заңсыз шығарылған активтер есебінен әлеуметтік жобаларды іске асыру бойынша жұмыс жалғасуда.Үкімет Арнаулы мемлекеттік қордан Шымкент қаласындағы «Сайрам көмекші мектеп-интернат-колледжі» кешені үшін жатақхана салуға 2,6 млрд теңгеден астам қаражат бөлді. Ғимарат 300 орынға есептелген, жобада ұлдар мен қыздарға арналған бөлек блоктар, медициналық блок, асхана, ойын бөлмелері және басқалары қарастырылған. Жатақхана барлық заманауи талаптарға сай болады.Бүгінде «Сайрам көмекші мектеп-интернат-колледжі» арнайы кешенінде 363 адам оқып жатыр. Жаңа ғимараттың құрылысы 120 оқушыға арналған жатақханадағы орын тапшылығын жоюға мүмкіндік береді. Нысан 1975 жылы салынған. Қазіргі уақытта орын тапшылығына байланысты оқу орнындағы кейбір кабинеттер балаларға арналған жатын бөлмелері ретінде қарастырылған. 67 оқушы үйде оқуға мәжбүр.Жаңа жатақхана балалардың өмір сүруіне және олардың сапалы білім алуына қолайлы жағдай жасайды.Бұған дейін Үкімет Ақмола облысының Зеренді ауылында спорт кешенін, Түркістан облысының Темірлан ауылында музыка мектебін, Арқалық қаласында дарынды спортшы балаларға арналған спорт кешенін, Астанада тірек-қимыл аппараты бұзылған балаларға арналған оңалту орталығын, Алматыда ерекше қажеттіліктері бар адамдарға арналған жаттығу орталығын, Ақтөбе қаласында ерекше балаларға арналған арнайы балабақша, Атырау облысының Жамансор ауылында мектеп салу, Риддер қаласында көпсалалы аурухана кешенінің құрылысын аяқтау секілді жобаларды іске асыру үшін қаражат бөлу туралы шешім қабылдаған болатын.Жұмыс жалғасуда.https://primeminister.kz/ru Ақпарат көзі : https://www.gov.kz/memleket/entities/edu/press/news/details/895703

Теміртау тарихи-өлкетану мұражайы оқушыларды 6–27 желтоқсан аралығында өтетін "Тәуелсіздік шежіресі" интерактивті-танымдық квизына қатысуға шақырады. Шара Тәуелсіздік күніне арналған."Ойын Қазақстан тарихының маңызды сәттерін бес тақырыптық орын арқылы қызықты түрде білуге мүмкіндік береді. Қатысушыларды сақтардан, Алтын Орда мен Қазақ хандығы арқылы 1986 жылғы оқиғаларға және Қазақстан Тәуелсіздігінің қалыптасуына дейінгі түрлі тарихи дәуірлер күтеді", - дейді ұйымдастырушылар."Сақтар" орнында оқушылар өздерін археолог ретінде сезіне алады, Алтын адамның киімдері мен Есік қорғанынан табылған күміс тостағанды зерттей алады, сондай-ақ руна жазу негіздерімен және ежелгі аңшылық дағдыларымен танысады.Алтын Орда мен Қазақ хандығына арналған орында қатысушылар мультимедиялық бағдарламалардың көмегімен ұлы тарихи тұлғаларға қатысты сұрақтарға жауап беретін болады. Олардың қатарында Шыңғыс хан, Жошы хан, Керей хан, Жәнібек хан бар. Олар сондай-ақ Алтын Орданың құрылуынан бастап Кенесары ханның басшылығымен қазақтардың тәуелсіздік үшін күресіне дейінгі тарихтың дамуын бақылай алады."Алаш Орда" орны оқушыларды ХХ ғасырдың басындағы оқиғаларға баулып, мұрағаттық құжаттар мен фотосуреттермен таныстырады, мұнда қазақстандық мемлекеттілік тарихындағы осы қозғалыстың рөлін түсіну қажет."Өзгерістер уақыты" – бұл 1986 жылғы желтоқсандағы экскурсия, онда Қазақстан жастары демократияны талап етіп көшеге шыққан. Мұнда қатысушылар осы тарихи оқиғаларға қатысқандардың сауалнамалары хаттамаларымен танысып, елдің тәуелсіздігін алуда шешуші рөл атқарған адамдар туралы көбірек біле алады."Менің Қазақстаным" соңғы орны оқушылардың республиканың географиясы мен экономикасы туралы білімдерін тексереді. Қатысушылар Қазақстан картасын басқатырғыштар арқылы жинап, әр аймақтың экономикалық профилін көрсететін экспонаттарды дұрыс орналастыруы керек.Квизге жазылу міндетті: (8-7213) 93-19-05, +7-747-185-58-02.Ақпарат көзі : https://www.gov.kz/memleket/entities/karaganda/press/news/details/895639

«ҚазҚСҒЗИ» АҚ негіздер, іргетастар және сейсмикалық шағын аудандастыру зертханасының мамандары 2024 жылғы 2-6 желтоқсан аралығында Жапониядағы Иокогама қ. өтіп жатқан Deep Mixing 2024 халықаралық конференциясына қатысуда.Іс-шара Жапония, АҚШ, Италия, Ұлыбритания, Германия және басқа да елдерден әлемнің жетекші мамандары мен сарапшыларын жинап, топырақты терең араластыру технологиясындағы жаңа жетістіктері мен тенденцияларды талқылады. Бұл технологиялар іргетастарды салуда, негіздерді нығайтуда және экологиялық мәселелерді шешуде белсенді қолданылады. Конференцияның тақырыбы –«Тереңнен араластырудағы ақпараттық-коммуникациялық технологиялар және тұрақты даму».Топырақты тереңнен араластыру технологиялары құрылыс нысандарының беріктігі мен өміршеңдігін қамтамасыз етуде, сондай-ақ олардың сейсмикалық әсерлермен басқа да табиғи апаттарға төзімділігін арттыруда шешуші рөл атқарады. Конференцияда әсіресе Қазақстан үшін өзекті болып табылатын сейсмикалық қауіпті аймақтардағы беткейлерді қорғау және топырақтың сейілуін болдырмау мәселелеріне ерекше назар аударылады. Талқыланған мысалдардың қатарында Жаңа Зеландиядағы Напьер портында сейсмикалық сейілуді болдырмау мақсатында топырақты алдын ала өңдеу үшін тереңненараластыруды қолдану бойынша табысты жоба бар. Бұл тәжірибе инфрақұрылымдық нысандарды жер сілкінісі кезінде қираудан қорғаудағы технологиялардың тиімділігін көрсетеді және әлемнің басқа аймақтары үшін маңызды мысал ретінде қызмет етеді.Басқа өзекті тақырыптардың қатарында топырақты жақсарту үшін заманауи материалдар мен әдістерді қолданудың инновациялық тәсілдері бар, бұл олардың көтергіштігін және сыртқы ортаның әсеріне төзімділігін арттыруға көмектеседі. Процестерді автоматтандыру және цемент қадаларының сапасын бақылау және басқару үшін цифрлық шешімдерді пайдалану сияқты озық технологияларды біріктіруге де көп көңіл бөлінуде.Маңызды тақырып-көміртегі шығарындыларын азайтуға және құрылыстағы экологиялық тұрақтылықты арттыруға бағытталған әдістер, бұл инфрақұрылымның тұрақты дамуы үшін де маңызды.Deep Mixing 2024-ке қатысу «ҚазҚСҒЗИ» АҚ үшін әлемдік сарапшылармен тәжірибе алмасуға және құрылыс саласындағы жаңа зерттеулермен танысуға маңызды мүмкіндік. Бұл Қазақстанда берікнысандарды жобалау мен тұрғызуда инновациялық тәсілдерді енгізуге көмектеседі. Ақпарат көзі : https://www.gov.kz/memleket/entities/mps/press/news/details/895599

Қорғаныс министрлігі «Қарулы күштердің, басқа да әскерлер мен әскери құралымдардың арсеналдары, базалары мен қоймалары жанындағы тыйым салынған аймақтарды және Қарулы күштердің, басқа да әскерлер мен әскери құралымдардың арсеналдары, базалары мен қоймалары жанындағы тыйым салынған аудандарды белгілеу қағидаларын және Қарулы күштердің, басқа да әскерлер мен әскери құралымдардың арсеналдары, базалары мен қоймалары жанындағы тыйым салынған аймақтардың және Қарулы күштердің, басқа да әскерлер мен әскери құралымдардың арсеналдары, базалары мен қоймалары жанындағы тыйым салынған аудандардың тізбесін бекіту туралы» Қазақстан Республикасы Үкіметінің 2021 жылғы 15 қаңтардағы № 9 қаулысына өзгерістер мен толықтыру енгізу туралы» ҚР Үкіметі қаулысының жобасын әзірледі.Қағидалардың 1-қосымшасы 5-тармағына тыйым салынған ауданның шекараларын белгілеу бойынша толықтыру енгізіледі. Нақтылау соққы толқынына әсер ететін факторлардың әсерін, оқ-дәрі сынықтары мен олардың фрагменттерінің ұшуын есептеуге байланысты. Құжатта есептеулер бөлімнің техникалық аумағының шеткі қоймасынан жасалады» делінген. Алматы облысының әкімшілік-аумақтық құрылымындағы өзгерістерді және Қарулы күштердегі ұйымдық-штаттық іс-шараларды ескере отырып, қағидалардың 2-қосымшасына түзетулер дайындалды.Жалпы, нормативтік құқықтық актідегі өзгерістер әскери нысандардың атауларын ретке келтіруге және нақтылауға, жарылғыш заттарды сақтауды ұйымдастыру кезінде қауіпсіздікті қамтамасыз етуге бағытталған.Үкімет қаулысы жобасының толық мәтінімен «Электрондық үкімет» порталында «Ашық НҚА» бөлімінде» биылғы жылдың 17 желтоқсанына дейін мына сілтеме бойынша танысуға болады: https://legalacts.egov.kz/npa/view?id=15322160Ақпарат көзі : https://www.gov.kz/memleket/entities/mod/press/news/details/895636

Іс-шаралар атқарушы билік өкілдері, Қарулы күштер мен Ауған соғысы ардагерлері, сарбаздардың туыстары мен жақындарының қатысуымен салтанатты жағдайда өтті.Қарағанды гарнизонында «Астана» өңірлік қолбасшылығы 31775 әскери бөлімінің 200-ден астам сарбаз әскери ант берді. Бұл бөлімге жас сарбаздар Астана қаласы, Ақмола, Жетісу, Солтүстік Қазақстан және Батыс Қазақстан облыстарынан келді.– Анттың әр сөзі үлкен мағынаға ие. Ант берген соң әрқайсыңыз толыққанды әскери қызметші атанып, Отанды қорғау жөніндегі қасиетті міндетті мойынға аласыздар, – деп атап өтті «Астана» өңірлік қолбасшылығы әскерлері қолбасшысының орынбасары полковник Шәкен Жарылқасынов.Қатардағы жауынгер Мейірлан Хамзе атап өткендей, жас жауынгер курсы әскерге шақырылушыларға көп нәрсе береді. Олар қаруды қолдануды үйреніп қана қоймай, тапсырмаларды орындауға жауапкершілікпен қараудың маңыздылығын түсінді.– «Спасск» оқу орталығының полигонына алғаш барған кезімізде біз автоматтан алғаш рет аттық. Алдымызда әлі де көп сынақтар бар, – деп қосты ол.Аягөз гарнизонындағы 10810 және 10181 әскери бөлімдерінде қызмет ететін 350-ден астам сарбаз әскери ант берді.– Әскер – батылдық пен патриотизм мектебі. Мұнда сіздер әскери-есептік мамандықты игеріп, жауынгерлік серіктестіктің бағасын түсінесіңдер – деді Аягөз гарнизонының бастығы подполковник Дастан Мұхаметжанов. Жас жауынгер курсынан өткен қатардағы жауынгер Алтынбек Ырғызбаев қызметтің алғашқы айы туралы өз әсерімен бөлісті.– Командирлер айтқандай, біздің жетістіктеріміз ең алдымен жинақылық пен тәртіпке байланысты. Бір айда біз оны дөп игеріп, көп нәрсені білдік, – деді сарбаз. Іс-шара соңында жас жауынгерлер қонақтарға қоян-қолтық ұрыс элементтерін, қару-жарақпен және қарусыз саптық әдіс-тәсілдерді көрсетті. Ата-аналар үшін әскери бөлімге экскурсия ұйымдастырылып, олар ұлдарының қандай жағдайда қызмет ететінін өз көздерімен көре алды.Ақпарат көзі : https://www.gov.kz/memleket/entities/mod/press/news/details/895637

Ақтөбеде «Сыбаға» дәстүрлер фестивалі аясында «Дәуір дефилесі» шарасы ұйымдастырылды. Ұлттық мәдениетті дәріптейтін мәдени шара қала тұрғындары мен қонақтарын қазақтың бай дәстүрімен таныстырып, ұлттық нақыштағы сәннің әсемдігін паш етуге бағытталды.Көрсетілімге Ақтөбемен қатар, Алматы, Ақтау және Шымкент қалаларынан келген отандық дизайнерлер ұлттық нақыштағы топтамаларын көптің назарына ұсынды. Киімдерге қазақ халқының ою-өрнектері, табиғи материалдар және дәстүрлі пішімдер ерекше үйлесіммен қолданылған. Әйелдердің әшекей бұйымдарымен толықтырылған камзолдары, ерлерге арналған шапан мен тымақтар, сондай-ақ заманауи үлгіде бейімделген этностильдегі көйлектер көрермендер ықыласына ие болды. Көрсетілім соңында олар дизайнерлерге алғыстарын білдіріп, ұлттық мәдениеттің осындай жаңа қырынан таныстырылғанына ризашылықтарын жеткізді.Ұлттық құндылықтарды насихаттау, жастардың дәстүрге қызығушылығын арттыру және ұлттық өнерді заманауи трендтермен үйлестіру мақсат еткен шараның соңында облыс әкімінің орынбасары Жолдас Батырхан «Дәуір дефилесіне» қатысқан барлық этнодизайнерлерге Ақтөбе облысы әкімінің Алғыс хатын табыстады. Ақпарат көзі : https://www.gov.kz/memleket/entities/aktobe/press/news/details/895578

Алматыда «Оқуға құштар ұлттың қайта жаңғыруы» тақырыбында VI халықаралық ғылыми-практикалық конференция өтті. Іс-шараны Қазақстан Республикасы Мәдениет және ақпарат министрлігі қолдауымен, ЮНЕСКО қамқорлығындағы Халықаралық мәдениеттерді жақындастыру орталығы ТҮРІКСОЙ Жазушылар одағы және М. Әуезов атындағы Әдебиет және өнер институтымен бірлесіп ұйымдастырды.Конференция мақсаты – әлемдік мәдениеттердің диалогы мен жақындасуы арқылы ұлттық әдебиеттің даму факторын зерттеу, бұл процестің ХХІ ғасырдағы оқырманның жандануына әсерін және әлемде осы процесті бөгейтін факторларға қарсы тұру.Конференцияға оқырманның азайып кетуіне алаңдайтын отандық және шетел жазушылары мен ғалымдары қатысты.Басты назарда ХХ ғасырда әлеуметтік субъектіге айналған «ұлы оқырман» құбылысы болды. Секцияларда қатысушылар Олжас Сүлейменовтің мұрасы, тарихи әдебиеттің ұлттық сана-сезімге әсері және XXI ғасырдағы кітап мәдениетін жаңғырту мәселелерін қозғады.Іс-шара әлемдік әдеби дәстүрді дамытып, халықты кітап оқуға қайта баулу үшін мәдениеттерді жақындастыру және ғылыми диалог орнатудың маңызын айшықтады. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/895572

Еліміздегі музыка саласының мамандарын даярлайтын білім ордасы өз мерейтойын атап өтуде.Мемлекет басшысы Қасым-Жомарт Тоқаев Құрманғазы атындағы Қазақ ұлттық консерваториясының ұжымына құттықтау хат жолдады. Хатты Қазақстан Республикасының Мәдениет және ақпарат министрі Аида Балаева оқып берді.«Бұл – еліміздің рухани өміріндегі мерейлі белес. Іргелі білім ордасы осы кезеңде төл мәдениетіміздің алтын діңгегіне айналды. Ұлттық музыкамыздың бірегей дәстүрі бар ұстаханасы ретінде танылды. Қазақтың ән-күй өнерін жаңа деңгейге көтеріп, оның ғылыми негізін қалыптастырды. Консерватория – дарынды жастарға классикалық музыканың қыр-сырын үйретіп, кәсіби музыканттар даярлайтын алғашқы жоғары оқу орны. Өркениетіміздің өрісін кеңейтіп, оны жер жүзіне танытқан көптеген майталман мамандарымыз осы қара шаңырақтан қанат қақты. Аға буын салған сара жолды кейінгі ұрпақ лайықты жалғастырып келеді. Олар еліміздің шығармашылық ұйымдарында табысты еңбек етіп жүр. Осы орайда, ұлттық өнерімізді жан-жақты дәріптеп, руханиятымызды дамытуға зор үлес қосқаны үшін консерватория ұжымына шынайы ризашылығымды білдіремін. Баршаңызға шығармашылық шабыт тілеймін! Жұмыстарыңыз жемісті болсын!» – делінген Президенттің хатында.23 қараша мен 3 желтоқсан аралығында Құрманғазы атындағы Қазақ ұлттық консерваториясының 80 жылдығына арналған мерейтойлық марафон аясында концерттер, шеберлік сабақтар, шығармашылық кездесулер, халықаралық конференция, көрмелер және басқа да іс-шаралар өтті.Салтанатты іс-шараға еліміздің мәдени қазынасына өлшеусіз үлес қосқан өнер майталмандары қатысты. Олардың қатарында Әлібек Дінішев, Жәмиля Баспақова, Роза Рымбаева, Үмітжан Жұмақова, Марьям Қожамқұлова, Алмас Алматов, Серік Еркімбеков, Карима Сахарбаева, Дүйсен Қасейінов, Алтынбек Қоразбаев және басқа да өнер қайраткерлері бар. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/895560

Елордадан күндізгі ауысымда сегіз мың текше метрден астам қар шығарылды. Коммуналдық қызметтер тәулік бойы жұмыс істеп жатыр, деп хабарлайды Астана әкімдігінің ресми сайты.3 желтоқсандағы күндізгі ауысымда коммуналдық қызметтер Астанадан сегіз мың текше метрден астам қарды 695 рейспен шығарды.4 желтоқсанға қараған түні қар тазалау жұмысына 230-дан астам жол жұмысшы және 400-ден астам арнайы техника жұмыс істейді.Қыс мезгілінің басынан бастап қаладан 65 мыңға жуық рейс арқылы 829 мың текше метр қар шығарылды.Ең алдымен, ережеге сәйкес, жолдарда кептеліс болмас үшін қозғалысы өте қарқынды орындар тазартылады. Сондай-ақ, қарқындылығы орташа учаскелер – алаңдар, вокзал маңы аумақтары, тротуарлар, әлеуметтік нысандарға кірме жолдар және т.б. тазартылады.Орталық көшелерді, жолаушылар көлігі маршруттары жүретін орындарды, аялдамалар мен тротуарларда тазалау да басымдыққа ие.Қалада бірнеше жабдықталған қар полигоны бар. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарларға шықпауды сұраймыз.Төтенше жағдай туындаған кезде «112» нөміріне хабарласыңыз.Ақпарат көзі : https://www.gov.kz/memleket/entities/astana/press/news/details/895563