"БЖЗҚ" АҚ (бұдан әрі – БЖЗҚ, Қор) enpf.kz сайтындағы "Көрсеткіштер - Инвестициялық қызмет" бөлімінде Қазақстан Республикасы Ұлттық Банкінің (бұдан әрі - ҚРҰБ) және инвестициялық портфельді басқарушылардың (бұдан әрі - ИПБ) зейнетақы активтерін басқаруы туралы есебін ұсынады.2024 жылғы 1 қарашадағы жағдай бойынша зейнетақы активтерінің жалпы көлемі - 21 564,51 млрд теңге. Осы күнгі жағдай бойынша міндетті зейнетақы жарналары (бұдан әрі - МЗЖ), міндетті кәсіптік зейнетақы жарналары (бұдан әрі - МКЗЖ), ерікті зейнетақы жарналары (бұдан әрі - ЕЗЖ) есебінен қалыптастырылған, ҚРҰБ сенімгерлік басқаруындағы БЖЗҚ зейнетақы активтері[1] 21 309,33 млрд теңге болды. ҚРҰБ сенімгерлік басқаруындағы жұмыс берушінің міндетті зейнетақы жарналары (бұдан әрі – ЖМЗЖ) есебінен қалыптастырылған зейнетақы активтерінің көлемі – 194,23 млрд теңге. ИПБ басқаруындағы зейнетақы активтері шамамен 60,95 млрд теңге. ҚРҰБ басқаруындағы зейнетақы активтерінің инвестициялық портфелі2024 жылғы 1 қарашада МЗЖ, МКЗЖ, ЕЗЖ есебінен қалыптастырылған ҚРҰБ сенімгерлік басқаруындағы зейнетақы активтерін инвестициялаудың негізгі бағыттары мынадай: ҚР Қаржы министрлігінің мемлекеттік бағалы қағаздары – 41,96%, квазимемлекеттік компаниялардың облигациялары – 9,10%, Қазақстан Республикасының екінші деңгейдегі банктерінің облигациялары – 4,46%, шет мемлекеттердің мемлекеттік бағалы қағаздары – 2,52%, ҚРҰБ депозиттері - 1,87%, ҚР эмитенттерінің акциялары мен депозитарлық қолхаттары – 1,80%, МҚҰ - 1,65%. 2024 жылғы 1 қарашадағы жағдай бойынша МЗЖ, МКЗЖ, ЕЗЖ есебінен сатып алынған қаржы құралдары номиналданған валюталар бөлінісіндегі инвестициялық портфель мынадай: ұлттық валютадағы инвестициялар – 60,33%, АҚШ долларымен – 39,66%, өзге валютада - зейнетақы активтері портфелінің 0,01%.Алынған кірістің құрылымын талдаудан бағалы қағаздар бойынша сыйақы түріндегі, оның ішінде орналастырылған салымдар мен "кері РЕПО" операциялары бойынша кіріс 1 299,53 млрд теңге болды. Бағалы қағаздарды нарықтық қайта бағалаудан түскен кірістер – 70,69 млрд теңге, шетел валютасын қайта бағалаудан – 286,65 млрд теңге, сыртқы басқарудағы активтер бойынша – 734,41 млрд теңге. Басқа шығындар – 3,51 млрд теңге. Инвестициялық қызметтің нәтижесінде, сондай-ақ, шетел валюталары бағамдарының құбылмалылығы және қаржы құралдарының нарықтық құнының өзгеруі салдарынан 2024 жылдың басынан бері 1 қарашаға есептелген инвестициялық кірістің мөлшері 2,39 трлн теңге болды. Салымшылардың (алушылардың) шоттарына бөлінген БЖЗҚ зейнетақы активтерінің кірістілігі 2024 жылдың басынан бастап 01.11.2024ж. 12,67% көрсетті.2024 жылғы 1 қарашадағы ЖМЗЖ инвестициялау бағыттары мынадай: ҚР Қаржы министрлігінің мемлекеттік бағалы қағаздары – 78,98%, ҚРҰБ депозиттері – 4,58%, инвестициялық шоттардағы ақшалай қаражат – 0,44%,ЖМЗЖ есебінен инвестициялық портфель тек ұлттық валютада номиналданған қаржы құралдарын қамтиды.2024 жылдың басынан бастап 1 қарашадағы жағдай бойынша ЖМЗЖ бойынша есептелген инвестициялық кіріс – 12,80 млрд теңге. ЖМЗЖ бойынша кірістілік – 11,00%.Естеріңізге сала кетейік, орта және ұзақ мерзімді перспективада зейнетақы жинақтарының оң нақты (жинақталған инфляциядан асатын) кірістілігі қамтамасыз етіледі.ҚРҰБ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы және инвестициялық қызметке шолу БЖЗҚ-ның ресми сайтында берілген. Сондай-ақ, enpf.kz сайтында ЖМЗЖ есебінен қалыптастырылған зейнетақы активтері бойынша портфель құрылымы туралы ақпарат орналастырылды.Инвестициялық портфельді басқарушыларИПБ басқаруындағы зейнетақы активтерінің жалпы көлемі 60,95 млрд теңгеден асады.01.11.2024ж. жағдай бойынша "Jusan Invest" АҚ сенімгерлік басқаруындағы зейнетақы активтері шамамен 9,98 млрд теңге болды.Компанияның негізгі инвестициялары: ҚР ҚМ МБҚ – 30,74%, Exchange Traded Funds (ETF) пайлары – 22,71%, ҚР екінші деңгейдегі банктерінің облигациялары – 11,79%, шетелдік эмитенттердің корпоративтік облигациялары - 8,51%, шет мемлекеттердің МБҚ – 5,35%, РЕПО – портфельдің 3,85%. Атап кетейік, портфельдің 68,93% теңгемен, 29,63% АҚШ долларымен, 1,44% басқа валютада ұсынылған. Инвестициялық қызмет нәтижесінде 2024 жылдың 10 айында есептелген инвестициялық кіріс мөлшері 1,09 млрд теңге болды. Зейнетақы активтерінің кірістілігі – 12,72%."Jusan Invest" АҚ басқаруындағы қаржы құралдарының эмитенттері көрсетілген инвестициялық портфелінің егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "Halyk Global Markets" АҚ сенімгерлік басқаруындағы зейнетақы активтері шамамен 4,48 млрд теңге.Портфель құрылымындағы негізгі инвестициялар: ҚР Қаржы министрлігінің мемлекеттік бағалы қағаздары – 20,35%, шетелдік эмитенттердің корпоративтік облигациялары – 16,52%, ҚР квазимемлекеттік ұйымдарының облигациялары – 13,45%, ҚР екінші деңгейдегі банктерінің облигациялары – 12,99%, ҚР ұйымдарының корпоративтік облигациялары – 12,25%,"кері РЕПО" (күнтізбелік 90 күннен аспайтын) – 8,52%, шетелдік эмитенттердің үлестік облигациялары (ETF пайлары) – 7,38%. Ұлттық валютадағы инвестициялар портфельдің 73,51%, АҚШ долларымен 26,49% тең.Инвестициялық қызметтің нәтижесінде 2024 жылдың басынан бастапбастап есептелген инвестициялық кіріс мөлшері 2024 жылдың 1 қарашасындағы жағдай бойынша 479,06 млн теңгеге жетті. Зейнетақы активтерінің кірістілігі – 11,62%."Halyk Global Markets" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "BCC Invest" АҚ сенімгерлік басқаруындағы БЖЗҚ зейнетақы активтері - шамамен 5,22 млрд теңге.Инвестициялардың негізгі бағыттары: Қазақстан Республикасының квазимемлекеттік ұйымдарының облигациялары – 27,10%, ҚР резидент-эмитенттерінің корпоративтік облигациялары – 16,14%, ҚР ЕДБ облигациялары – 12,07%, РЕПО – 11,20%, ҚР ҚМ МБҚ – 10,92%, шетелдік эмитенттердің корпоративтік облигациялары – 7,90%, пайлар (ETF индекстеріне) – 5,25%.Ұлттық валютадағы құралдарға портфельдің 83,04%, АҚШ долларымен 16,96% инвестицияланды. Инвестициялық қызметтің нәтижесінде 2024 жылдың 10 айына есептелген инвестициялық кіріс мөлшері 547,76 млн теңгеге жетті. Зейнетақы активтерінің кірістілігі – 11,68%."BCC Invest" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған. 01.11.2024ж. жағдай бойынша "Сентрас Секьюритиз" АҚ сенімгерлік басқаруындағы БЖЗҚ зейнетақы активтері шамамен 1,70 млрд теңге.ҚР ҚМ МБҚ-ға активтердің 21,31%, РЕПО – 19,57%, ҚР эмитенттерінің корпоративтік облигацияларына – 12,66%, квазимемлекеттік ұйымдардың облигацияларына – 11,72%, ҚР эмитенттерінің акциялары мен депозитарлық қолхаттарына – 10,24%, ҚР ЕДБ облигациялары – 10,18%, АҚШ мемлекеттік облигациялары – 5,69% инвестицияланды.Ұлттық валютадағы құралдарға портфельдің 77,19%, АҚШ долларында – 21,31%, канадалық долларда - 1,50% инвестицияланды.Инвестициялық қызмет және қаржы құралдарының нарықтық құнының өзгеруі нәтижесінде 2024 жылдың басынан бастап 1 қарашадағы жағдай бойынша есептелген инвестициялық кіріс мөлшері 166,74 млн теңгеге жетті. Зейнетақы активтерінің кірістілігі – 12,82%."Сентрас Секьюритиз" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.2024 жылғы 1 қарашадағы жағдай бойынша "Қазақстан Халық Банкінің ЕҰ "Halyk Finance" АҚ сенімгерлік басқаруындағы зейнетақы активтері - шамамен 39,57 млрд теңге.Портфель құрылымындағы негізгі инвестициялардың сипаты мынадай: ҚР ҚМ МБҚ – 25,73%, Exchange Traded Funds (ETF) пайлары – 12,19%, Қазақстан Республикасының квазимемлекеттік ұйымдарының облигациялары – 11,06%, ҚР эмитенттерінің корпоративтік облигациялары – 10,80%, ҚР екінші деңгейдегі банктерінің облигациялары – 9,99%, шетелдікэмитенттердің корпоративтік облигациялары – 8,50%, шет мемлекеттердің МБҚ – 6,93%, "кері РЕПО" (күнтізбелік 90 күннен аспайтын) – 4,66%,.Ұлттық валютадағы құралдарға портфельдің 65,10%, АҚШ долларында – 34,90% инвестицияланды.Инвестициялық қызмет нәтижесінде 2024 жылдың басынан бастап 1 қарашадағы жағдай бойынша есептелген инвестициялық кіріс мөлшері 3 946,37 млн теңге болды. Зейнетақы активтерінің кірістілігі – 12,28%."Қазақстан Халық Банкінің ЕҰ "Halyk Finance" АҚ басқаруындағы қаржы құралдарының инвестициялық портфелінің эмитенттері көрсетілген егжей-тегжейлі құрылымы БЖЗҚ сайтында ұсынылған.Естеріңізге сала кетейік, 2023 жылғы 1 шілдеден бастап салымшылар инвестициялық портфельді басқарушының (ИПБ) сенімгерлік басқаруына міндетті зейнетақы жарналары (МЗЖ) және міндетті кәсіптік зейнетақы жарналары (МКЗЖ) есебінен қалыптастырылған зейнетақы жинақтарының 50%-дан аспайтын бөлігін ең төменгі жеткіліктілік шегін есепке алмастан бере алады. Ал ерікті зейнетақы жинақтары бар салымшыларға оны ИПБ-ға 100% көлемінде беруге болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). [1] зейнетақы жарналары мен төлемдер шоттарындағы ақшаны есепке алмағандаАқпарат көзі : https://www.gov.kz/memleket/entities/abay/press/news/details/893166

01.01.2024ж. бастап 31.10.2024ж. дейінгі уақыт аралығында "Бірыңғай жинақтаушы зейнетақы қоры" АҚ (бұдан әрі – БЖЗҚ, Қор) халыққа 36,5 млн астам қызмет көрсетті. Қызметтердің жалпы санының 18,4 млн астамы электрондық форматта көрсетілсе, шамамен 16,5 млн қызмет автоматты түрде атқарылды. Осылайша, автоматты, электрондық және қашықтан көрсетілген қызметтердің үлесі операциялардың жалпы санының 97,3% тең болды. Күндізгі форматта 957 мыңнан астам қызмет көрсетіліп, оның ішінде тікелей Қор кеңселерінде шамамен 924 мың қызмет ұсынылды.2024 жылғы 1 қаңтардан бастап Қазақстанда жұмыс берушінің міндетті зейнетақы жарнасының (ЖМЗЖ) енгізілуіне, сондай-ақ "Ұлттық қор-балаларға" бағдарламасы шеңберінде нысаналы талаптар мен нысаналы жинақтарды есепке алу және есептеу бойынша БЖЗҚ қызмет ауқымының кеңеюіне байланысты автоматты режимде көрсетілетін қызметтер саны өсті. Әсіресе, нысаналы талаптарға қатысушылар үшін шоттар (ЖЗШ/ШЗШ/НЖШ) мен карта ашу ерекше серпін бергенін байқауға болады. Естеріңізге сала кетсек, барлық зейнетақы шоттары БЖЗҚ-ға алғашқы жарна түскен кезде автоматты түрде ашылады. Сондай-ақ, "Ұлттық қор - балаларға" бағдарламасының қатысушыларына нысаналы талаптар мен нысаналы жинақтар автоматты түрде есептеледі.2024 жылдың есепті кезеңінде шартты зейнетақы шоттарын (жұмыс берушінің ЖМЗЖ аудару нәтижесінде ашылған ШЗШ) және нысаналы жинақтау шоттарын (НЖШ, "Ұлттық қор-балаларға" бағдарламасы шеңберінде) қоса алғанда, зейнетақы жарналарының барлық түрлері бойынша жаңадан ашылған жеке зейнетақы шоттарының (ЖЗШ) жалпы саны барлық формат бойынша 5,1 млн асты.Жеке зейнетақы шотынан, шартты зейнетақы шотынан (ШЗШ), сондай-ақ, нысаналы жинақтау шотынан (НЖШ) үзінді көшірме алу - әлі де ең танымал қызмет қатарында. Жыл басынан бері ЖЗШ, ШЗШ, НЖШ-дан 21,0 млн астам үзінді көшірме берілді. Оның ішінде 16,7 млн астам үзінді көшірме электронды түрде және 3,7 млн астамы автоматты режимде рәсімделген.БЖЗҚ сайттағы және ұялы қосымшадағы Жеке кабинетте салымшылардың (алушылардың) өз деректемелеріне, банктік деректемелеріне өзгерістер мен толықтырулар енгізу, ЖЗШ бар екендігі туралы анықтама алу, 1 немесе 2 топтағы мүгедектіктің мерзімсіз белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар екенін еске салады. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу, ерікті зейнетақы жарналарын аудару және т.б. қызметтер әлемнің кез-келген нүктесінде 24/7 режимінде қолжетімді. 2024 жылғы қаңтар-қазан айларында деректемелерді өзгертуге 171,4 мыңнан астам өтініш қабылданып, оның 156,4 мыңы Қордың кеңселерінде ұсынылды.БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 35,3 мыңнан астам көшпелі таныстырылым өткізіліп, оған 740,3 мың адам қатысты. Бұқаралық ақпарат құралдарында БЖЗҚ хабарламалары бойынша 35,0 мың материал жарияланды.Салымшылардың кері байланыс арналары бойынша түскен өтініштерінің саны шамамен 528,5 мың. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет. БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, X(Twitter), Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/abay/press/news/details/893257

Абай облысы әкімінің орынбасары Димитрий Гариковтың төрағалығымен облыс бюджетінің игерілуінің ағымдағы жылдың 11 айлық қорытындысы, бюджеттің кіріс бөлігінің орындалуы, кредиттік шарттар жасасу бойынша облыс басқармалары, департамент басшыларының және қала, аудан әкімдерінің орынбасарларының қатысуымен жиналыс өткізілді.Жиналыс барысында Қазақстан Республикасы Бюджет кодексінің 104 бабына сәйкес облыстық бюджет қаражатын тиімді, толық және сапалы игеру, бюджеттің кіріс бөлігінің орындалуын бақылауға алу және кредиттік шарттар жасасу бойынша тапсырмалар берілді.Ақпарат көзі : https://www.gov.kz/memleket/entities/abay/press/news/details/893620

Ақсуат ауданына жасаған жұмыс сапары барысында облыс әкімінің орынбасары Жасұлан Сәрсебаев негізгі әлеуметтік-мәдени нысандардың жағдайын бағамдап, алдағы даму жоспарларын талқылады.Соның ішінде Екпін ауылындағы Мәдениет үйіне ерекше көңіл бөлінді. Ғимараттың жалпы ауданы 594,1 шаршы метр, құрылыс көлемі 3158,5 текше метрді құрайды. Бұл халық шығармашылығын дамытудың маңызды алаңы. Мұнда ұлттық және мемлекеттік мерекелер аясында іс-шаралар өткізіліп, мемлекеттік тіл саясаты жүзеге асырылады. Жас таланттарға қолдау көрсетіледі. Ақсуат мәдениет үйі жас таланттарды қолдап, «Мәдени мұра» бағдарламасын жүзеге асырып жатыр.Әкім орынбасары Ы. Кабеков атындағы орта мектепке де барды. 572 орынға есептелген білім ордасы бүгінде 1-11 сыныптарда 354 оқушыға және мектеп жасына дейінгі 25 балаға білім мен тәрбие беріп отыр. Мектеп ғимараты күрделі жөндеуді қажет ететіні анықталды. Мектептегі қауіпсіздік пен оқу сапасын арттыру мақсатында тиісті шешімдер қабылдау жоспарлануда.Қожагелді батыр атындағы орта мектепте де тексеру жүргізілді. 437 орындық мектепте мектеп жасына дейінгі 91 бүлдіршінді қосқанда 849 оқып, тәрбиеленуде. Оқу процесін жақсарту үшін қажетті ресурстармен қамтамасыз ету жөнінде нақты ұсыныстар қарастырылды. Сондай-ақ сапар барысында Ақсуат колледжінің инфрақұрылымы мен оқу-өндірістік базасына ерекше назар аударылды. Қазір мұнда оқу шеберханасы құрылуда.«Оқушыларға қолайлы жағдай жасау үшін оқу үдерісін оңтайландыру және қосымша оқу ғимараттарын салу мәселесін пысықтау қажет», - деп тапсырды Жасұлан Сәрсебаев.Марат Имашев атындағы балалар мен жасөспірімдер спорт мектебінің кешенінде жүзу бассейні, спорт және бокс залы бар. Онда 10 жаттықтырушының жетекшілігімен 204 спортшы жаттығады. Кешенде барлығы 24 педагог жұмыс істейді. Ауданда жалпы ауданы 210 шаршы метрді құрайтын Еңбек мобильділігі орталығының филиалы және Арнаулы әлеуметтік қызмет көрсету орталығы орналасқан. Мекемеде заңгер, кеңесші және бағдарламашыдан құралған 23 адам бар.Жұмыспен қамту шаралары қызу талқыланды. Қазір 402 жұмыссыз тіркелген, оның 227-сі жұмыспен қамту шараларымен қамтылған. Бос жұмыс орындары арқылы 580 адам жұмысқа орналастырылды.Ақпарат көзі : https://www.gov.kz/memleket/entities/abay/press/news/details/893623

2003 жылы қабылданған Су кодексіне 20 жылда 272 өзгеріс енгізілді. Су саласының сарапшысы Әмірхан Кеншімов жаңа Су кодексі жобасына қатысты пікір білдірді. Оның сөзіңше, қолданыстағы кодексте көптеген нормалар декларативті, кей нормалар қайталанады және логикалық тұрғыда сәйкес келмейтін тұстары бар.«2003 жылы қабылданған Су кодексі сол кездегі су саясаты мен экономикалық жағдайды назарға ала отырып жасалды. Сол себепті климаттық өзгерістер орын алып жатқан қазіргі заман сұранысына сай емес. Жаңа редакцияда кодекс нормалары жүйеленіп, су ресурстарын үнемдеуге және оны қорғауға басымдық беріледі. Мәселен, бассейндік инспекцияларға мемлекеттік бақылау функцияларымен қатар тергеу функциялары да беріліп отыр. Бұл суды заңсыз пайдаланушылармен күресті күшейтуге мүмкіндік береді»,-деді инженер-гидротехник Әмірхан Кеншімов.Су ресурстары және ирригация министрлігі әзірлеген жаңа Су кодексінің жобасын Мәжіліс депутаттары бірінші оқылымда бірауыздан мақұлдады.Құжат климаттың өзгеруіне бейімделуге және су үнемдеу принциптерін енгізуге айрықша назар аударады. Алғаш рет су нысандарын сарқылудан және басқа да жағымсыз салдардан қорғайтын «экологиялық ағын» ұғымы енгізіледі. Сондай-ақ, шағын көлдерді, өзендер мен тоғандарды, мұздықтар мен сулы-батпақты аймақтарды қорғау жөнінде нормалар енгізілді.Мемлекет басшысының тапсырмасы бойынша кодекс жобасына елді мекендер мен нысандарды тасқын және еріген қар суынан қоғау және алдын алу іс-шаралары енгізілді. Су ресурстарын басқарудағы үйлестіруді жақсарту үшін мемлекеттік және жергілікті атқарушы органдардың, жергілікті уәкілетті органдардың құзыреттері айқындалды.Ақпарат көзі : https://www.gov.kz/memleket/entities/water/press/news/details/892855

Қазақстанда сурдлимпиадалық спорт тәуелсіздік жылдарында қарқынды дамып, ерекше қажеттіліктері бар азаматтардың әлеуетін ашуға бағытталған маңызды салаға айналды. Мемлекет бұл бағытта үлкен қолдау көрсетіп, инклюзивті қоғам құруға ықпал етуде. Сурдоспорттың дамуы спортшылардың жетістіктері, мемлекеттік қолдау және қоғамның инклюзивтілікке ұмтылуымен тығыз байланысты.ТарихыСурдоспорт Қазақстанда 1992 жылы «Спорттық одақтың» құрылуымен бастау алды. Бұл ұйымның басты мақсаты – есту қабілеті зақымданған азаматтардың спорттық әлеуетін ашып, олардың құқықтарын қорғау болатын. Осы бастаманың арқасында елде сурдоспорттың іргетасы қаланып, алғашқы қадамдар жасалды.1996 жылы Малайзияның Куала-Лумпур қаласында өткен Азия-Тынық мұхиты ойындарында отандық спортшылар алғаш рет өнер көрсетіп, 1 күміс және 4 қола медаль жеңіп алды. Бұл – Қазақстанның әлемдік аренаға жол ашқан алғашқы жеңісі еді.1997 жылы тәуелсіз ел ретінде еліміздің ұлттық құрамасы Данияның Копенгаген қаласында өткен 18-ші Сурдлимпиада ойындарына қатысты. Сол жарыста жеңіл атлетика мен күрестен жеңіп алған алғашқы медальдарымыз сурдоспорттың жаңа дәуірін бастады.2011 жылы Қазақстанда «Ұлттық сурдлимпиялық федерациия» құрылып, 2014 жылы «Дефлимпикс Қазақстан» қауымдастығы халықаралық деңгейде мойындалды.2014 жылы елімізде есту қабілеті зақымдалған спортшылар арасында тұңғыш Спартакиада ойындары өтті. Спорттың 5 түрінен басталған бұл шара 2022 жылғы 3-ші Спартакиадада қатысушылар саны 1000 адамға дейін жетіп, жарыстар 11 спорт түрін қамтыды.Қазақстандық сурдоспортшылардың ең ірі жетістігі – 2022 жылы Бразилияның Кашиас-ду-Сул қаласында өткен XXIV жазғы Сурдлимпиада ойындарында тіркелді. Бұл жарыста ұлттық құрама 4 алтын, 7 күміс және 18 қола медаль жеңіп, ел тарихындағы рекордтық нәтижеге қол жеткізді.2024 жыл Қазақстан үшін ерекше маңызды оқиғалармен есте қалады. Елімізде алғаш рет сурдлимпиадалық спорт түрлерінен әлем чемпионаттары өтті: Астанада 10 мемлекеттін қатысуымен сурдо футзалдан, ал Түркістанда 21 мемлекеттен келген 200-ге жуық спортшының қатысуымен сурдо дзюдодан әлем біріншіліктері ұйымдастырылып, еліміздің спорттық деңгейін биікке көтерді. Сурдоспорттың бүгінгі ахуалы2023 жылғы деректерге сүйенсек, Қазақстанда мүгедектігі бар 700 000-наң астам адам өмір сүреді, олардың ішінде 56 822 адам спортпен шұғылданады. Есту қабілеті зақымдалған спортшылар саны 6 180 адамды құрайды.Кәсіби деңгейде мыңға жуық спортшы сурдоспорттың 15 түрімен шұғылданады:АрмрестлингТаеквондоЕркін күресГрек-рим күресіЖеңіл атлетикаФутзалШаңғы жарысыЖүзуҮстел теннисіДзюдоШахматДойбыКёрлингФутболБадминтонБұл спорт түрлері бойынша елімізде жыл сайын чемпионаттар мен кубоктар өткізіледі. Осындай жарыстардың қорытындысында ең үздік спортшылар ұлттық құрама сапына еніп, Қазақстан намысын халықаралық деңгейде қорғайды. Қазіргі таңда ұлттық құрамаға 731 спортшы кіреді.Жарыстар мен алдағы жоспарларСурдоспортшылардың басты асқары – Сурдлимпиада ойындары. Қазақстан алғаш рет 1997 жылы бұл ауқымды жарысқа тәуелсіз мемлекет ретінде қатысып, бүгінгі күнге дейін 5 жазғы және 3 қысқы Сурдлимпиада ойындарында 8 алтын, 8 күміс және 26 қола медаль жеңіп алды.Сонымен қатар, Қазақстан спортшылары Азия-Тынық мұхиты ойындарында да жоғары нәтижелерге жетуде. 1996 жылдан бері бұл жарыста ел құрамасы 27 медаль жеңіп алды: 2 алтын, 9 күміс және 16 қола медаль. Биылғы жылдың 1-8 желтоқсанында Малайзияның Куала-Лумпур қаласында өтетін 10-шы Азия-Тынық мұхиты ойындарында ұлттық құрама сапындағы 80 спортшы 8 спорт түрінен ел намысын қорғауға дайын. Бұл жарыстар 2025 жылы Токиода өтетін Сурдлимпиадаға дайындықтың маңызды кезеңі болмақ. Сурдоспорттың Қазақстан үшін маңызыСурдоспорт – бұл тек медальдар мен жеңістер ғана емес, қоғамдағы теңдік пен инклюзияны іске асырудың нақты мысалы. Қасым-Жомарт Кемелұлы Тоқаевтың басшылығымен жүргізіліп жатқан реформалар ерекше қажеттіліктері бар азаматтарға қолдау көрсету аясын кеңейтіп, олардың қоғамдағы орнын айқындайтын тиімді экожүйе қалыптастыруды көздейді.Экожүйе тек физикалық қолдаумен шектелмейді, ол азаматтардың әлеуметтік бейімделуі мен өмір сапасын арттыруға бағытталған жан-жақты шараларды қамтиды. Осы салада Туризм және спорт министрлігі маңызды рөл атқарып, дене мүмкіндіктері шектеулі тұлғалардың спорт арқылы өмірден өз орнын табуына және қоғамға толыққанды араласуына жағдай жасауда.Осының арқасында Қазақстанның сурдоспортшылары халықаралық ареналарда ел намысын абыроймен қорғап, қоғамда жаңа құндылықтарды орнықтыруда. Олардың табыстары – еңбек пен ерік-жігердің жарқын дәлелі, әрі жас ұрпаққа үлгі. Бұл жетістіктер еліміздегі спорттық мәдениетті нығайтып, жас буынның спортқа деген ынтасын арттырып келеді.Биылғы Азия-Тынық мұхиты ойындары мен алдағы Сурдлимпиада Қазақстанның жаңа биіктерді бағындыруына жол ашпақ. Бұл жарыстар тек спорттық қана емес, елдің әлеуметтік саясатының нәтижесін көрсететін маңызды алаң.Сурдоспортшыларымыздың жеңістері Қазақстанның инклюзия қағидаттарын іске асырудағы нақты қадамдарын айқындайды. Бұл жетістіктер еліміздің халықаралық беделін нығайтып, инклюзия мен теңдікті қолдайтын прогрессивті мемлекет ретінде танылуына ықпал етуде. Алдағы уақытта сурдоспорт еліміздегі барлық азаматтардың әлеуетін ашып, қоғамның барлық саласына оң әсерін тигізетініне сенім зор.Ақпарат көзі : https://www.gov.kz/memleket/entities/tsm/press/news/details/892690

Бүгін Таиланд Корольдігінің Чиангмай қаласында бокстан ерлер мен әйелдер арасындағы кезекті Азия чемпионатының шымылдығы түріледі. 11 желтоқсанға дейін жалғасатын сары құрлық бәсекесінде ерлер – 13, ал әйелдер 12 салмақ дәрежесінде сынға түседі.Әуелгі жоспар бойынша биылғы Азия біріншілігі осыдан екі жыл бұрын аталған доданы қабылдаған Иордания астанасы – Амманда өткізілуі тиіс еді. Алайда өңірдегі қауіпсіздік мәселесі ескеріліп, чемпионат Иорданиядан Таиландқа ауыстырылды. Осылайша, Таиланд Корольдігі 1963 жылдан бері ұйымдастырылып келе жатқан бокстан Азия чемпионатын өз тарихында 9-мәрте қабылдап отыр.Биылғы Азия чемпионатының ерекшелігі, сары құрлық додасына алғаш рет Украина боксшылары да қатыспақ. Бұл Азия чемпионатында тіркелген алғашқы жайт болса да, Еуропа чемпионатында өзге құрлықтан, яғни, Израиль, Мысыр сияқты елдердің де боксшылары қатысқан кездер болған.Қазақстан ерлер құрамасынан Азия чемпионатына қатысатын 13 боксшының екеуі, яғни, Санжар Тәшкенбай (48 кг, 2022 жыл) мен Айбек Оралбай (92 кг, 2022 жыл) бұған дейін Азия біріншілігінде топ жарған. Сондай-ақ Таиландта төрт әлем чемпионы жұдырықтасады. Олар: Санжар Тәшкенбай (48 кг), Сәкен Бибосынов (51 кг), Махмұд Сабырхан (54 кг) және Бекзат Нұрдәулетов (86 кг). Ал Оразбек Асылқұлов (57 кг), Бейбарыс Жексен (60 кг), Мұхаммедсабыр Базарбайұлы (63,5 кг), Диас Молжігітов (75 кг), Ерасыл Жақпеков (80 кг) және Бекзат Нұрдәулетов (86 кг) Азия чемпионатына алғаш рет қатысады.Қазақстан ерлер құрамасының тізімі:48 келі: Санжар Тәшкенбай51 келі: Сәкен Бибосынов54 келі: Махмұд Сабырхан57 келі: Оразбек Асылқұлов60 келі: Бейбарыс Жексен63,5 келі: Мұхаммедсабыр Базарбайұлы67 келі: Дулат Бекбауов71 келі: Абылайхан Жүсіпов75 келі: Диас Молжігітов80 келі: Ерасыл Жақпеков86 келі: Бекзат Нұрдәулетов92 келі: Сағындық Тоғамбай+92 келі: Айбек ОралбайҚазақстан әйелдер құрамасының тізімі:48 келі: Әйгерім Сәттібаева50 келі: Алуа Балқыбекова52 келі: Жазира Орақбаева54 келі: Сымбат Әлиасқар57 келі: Ұлжан Сәрсенбек60 келі: Виктория Графеева63 келі: Аида Әбікеева66 келі: Милана Сафронова70 келі: Наталья Богданова75 келі: Диана Мағауияева81 келі: Гүлсая Ержан+81 келі: Елдана ТалиповаАйта кетейік, сары құрлық чемпионаты 29 қараша мен 11 желтоқсан аралығында өтеді.Ақпарат көзі : https://www.gov.kz/memleket/entities/tsm/press/news/details/893615

Сәтбаев университеті жаңа студенттік жатақхана құрылысының іргетасын қаладыСәтбаев университетінде оқу ордасының 90 жылдық мерейтойына орайластырып, жаңа студенттер жатақханасы құрылысының басталуына орай болашақ ұрпаққа жолдау жазылған іргетас капсуласын салу рәсімі өтті.– Біз 955 орындық 9 қабатты жаңа жатақхананың құрылысын бастауды жоспарлап отырмыз, 2026 жылы студенттер бізден кілт алып, қоныстана алады», – деді Сәтбаев университеті Құрылыс департаментінің директоры Ришат Тыныбеков.Жаңа жатақхана «Қаржы орталығы» АҚ және ҚР Ғылым және жоғары білім министрлігінің қолдауымен жүзеге асырылып жатқан «Бес әлеуметтік бастама» атты мемлекеттік бағдарлама негізінде студенттерді жаңа жатақханалардағы орынмен қамтамасыз ету аясында салынады. Жобаны инвестор «Forum Invest» және «EPC Stroy Group» құрылыс компаниясы 100% қаржыландырады, бұл құрылыс қазірдің өзінде Алматы қаласының қала құрылысы кеңесімен мақұлданған.«EPC Stroy Group» компаниясының басшысы Ерлан Қожықов өз сөзінде компанияның Сәтбаев университетімен жұмыс істеуге қуанышты екенін, бұл олардың ел болашағына қосқан үлесі екенін баса айтты:– Біз болашақ инженерлерімізге жақсы білім алуға қолайлы жағдай жасау үшін инвестиция салуға дайынбыз. Біз құрылыста экологиялық таза және энергияны үнемдейтін материалдарды қолданамыз, сейсмикалық төзімділік бойынша барлық заңнамалық нормаларды сақтаймыз және жатақхананы 2026 жылдың ақпан айында пайдалануға беруді жоспарлап отырмыз, – деді Е.Қожықов.Іс-шараға жобаға қатысушы барлық жеті тараптың өкілдері қатысты: университеттің Қамқоршылық кеңесінің төрағасы, профессор Ұлықпан Сыдықов, университеттің Ақсақалдар кеңесі мен Ректорлар кеңесінен профессор Әбдіғаппар Әшімов, Алматы қаласы әкімдігінің Жастар саясаты басқармасының басшысы Азиз Қажденбек, «Қаржы орталығы» АҚ Алматы қаласындағы өкілдігінің директоры Ұлан Өтебаев, «EPC Stroy Group» компаниясынан Динара Байымбетова және оқытушылар мен студенттер қатысты.– Қазақ халқында «жеті» деген қасиетті сан бар. Бұл іргетасты жеті түрлі ұйымның өкілдері салғанына назар аударыңыздар. Олардың әрқайсысы осы студенттік жатақхана өте маңызды екенін түсінеді. Ендеше бүгінгі жұмысымыз жемісін беріп, жаңа жатақхана «Дос-Мұқасан» ізбасарлары өсіп-өркендейтін құтты мекенге айналсын», – деді Ұлықпан Сыдықов өз сөзінде.Уақыт капсуласын салу Сәтбаев университетінің және оның инфрақұрылымының дамуындағы жаңа кезеңнің басталғанын білдірді. Жаңа жатақхана студенттерге қолайлы жағдай жасайды және Сәтбаев университетінің Қазақстандағы инновациялық және техникалық білім берудің жетекші орталығы ретіндегі мәртебесін нығайтуға көмектеседі.Ақпарат көзі : https://www.gov.kz/memleket/entities/sci/press/news/details/893420

Қарағандыда қазақстандық жаңа Teez маркетплейсі өз жұмысын бастады. Оның негізгі артықшылығы - тапсырыстарды бір күн ішінде жеткізу. Тапсырыс беру пункттері елдің 24 өңірінде ашылды.ҚР Сауда және интеграция министрі Арман Шақкалиев Қарағанды облысының әкімі Ермағанбет Бүлекпаевпен бірге электронды сауда алаңының бірлескен қоймасын аралап көрді. Оларға барлық логистика жолдары көрсетіліп, іске қосу нәтижелері мен отандық маркетплейстің алдағы жоспарлары туралы баяндалды.Teez маркетплейсінің қалаушыларының бірі Линар Хуснуллин қазіргі уақытта маркетплейстің 40 тапсырыс пункті бар, алдағы уақытта жоспар бойынша олардың саны 127-ге жететінін атап өтті. Қазірдің өзінде 540 сатушы тіркелген және өнім ассортиментінің саны 50 мыңнан асады. Сондай-ақ, компания электрондық қосымша жасап, оны қысқа мерзімде жүктеген адамдардың саны 170 мыңнан асатынын жеткізді.Маркетплейстің қоймалары төрт корпуста орналасқан, жалпы алаңы 25 мың шаршы метр. Ал 2030 жылға дейін сақтау қоймаларын 120 мың шаршы метрге дейін кеңейтуді жоспарлауда. Қарағандыда құрылыс үшін жер учаскесі де табылды. Алдағы уақытта компания интернет-сауданың көшбасшыларының біріне айналуға бел буып отыр.Арман Шақкалиев бүгінде электронды сауданың қарқынды дамып келе жатқанын және ол әлемдік экономикалық өсімнің маңызды драйфері болғанын атап өтті.Соңғы жылдары электронды сауданың көлемі күрт өсті. Қазақстандық электронды сауда экожүйесін дамыту мақсатында көлік-логистикалық инфрақұрылымды жақсарту, қағазсыз сауданы енгізу және халықтың цифрлық сауаттылығын арттыру бойынша жұмыс жүргізілуде. Тек 10 айдың қорытындысы бойынша сауда көлемі өткен жылдың сәйкес кезеңімен салыстырғанда 20%-ға артты. Бұл көрсеткіш 3 трлн теңгеден асады. Мұндай жобалар экономикаға оң әсер етіп, тұтынушылар үшін тауарларға қолжетімділікті кеңейтеді, - деді Арман Шақкалиев.Сапар барысында Арман Шақкалиев Осакаров ауданының кәсіпкерлерімен және тұрғындарымен кездесті. Іс-шарада Сауда және интеграция министрлігінің негізгі жетістіктері және сауда секторын әрі қарай дамыту жоспарлары талқыланды.Басты назар - еліміздегі сауда нарығын жаңғыртуға қойылды. Сауда және интеграция министрлігі сауда нарығын жаңғырту және цифрландыру бойынша белсенді жұмыстар жүргізуде. Жол картасы аясында Қарағанды облысының бес сауда базарының жаңғыртуы жоспарланған, бұл процесс 2025 жылы аяқталады. Олардың ішінде «Шығыс», «Алтын арба», «Тұлпар», «Қайрат» және «Горняк» базарлары бар.Министр ішкі сауда саласында мемлекеттік қолдау шараларын қамтамасыз ету бойынша құзыретке ие болғанын алғанын баса айтты. Қолдау сатып алушылар мен бизнестің сұраныстарына сай инфрақұрылым құруға мүмкіндік беретінін айтты. Қазіргі уақытта Қарағанды облысы бойынша Даму қоры 7 миллиард теңге көлемінде 19 жобаны қаржыландыруға арналған пул құрған.Министр сондай-ақ ауылдық дүкен мен ірі қалалық супермаркетке барып, сөрелерде отандық тауарлардың орналасуын көрді. Ол жұмыртқа сатылатын бөлімге де кіріп, өндірушінің бағасымен ұсынылған – 470 теңгеге саудаланып тұрған С1 санатындағы жұмыртқалардың бар екенін көрді.Арман Шақкалиев сондай-ақ «Қарағанды Нан» корпорациясының жұмысымен танысты. Бұл компания нан, макарон, жұмыртқа және басқа өнімдерді шығарады, сондай-ақ тек Қарағанды облысын ғана емес еліміздің өңірлерін қоса алғанда, жақын шетелдерге де өнім экспорттайды. Макарон өнімдері Ресей, Өзбекстан, Әзірбайжан, Қытай, Қырғызстан және басқа елдерге айына 400-600 тонна көлемінде экспортталады. Сонымен қатар кондитерлік өнімдер, ұн, жұмыртқа, жұмыртқа ұнтағы мен жарма сыртқа шығып жатыр. Қазіргі уақытта компания Қытай нарығына шығуды жоспарлап отыр, мақсат - тұрақты және ұзақ мерзімді келісімшарттарға қол жеткізу. Арман Шақкалиев желтоқсан айында Үрімшіде Қазақстан үлкен павильон ашылатынын және ол жерде корпорацияның өнімдерін орналастыруды ұсынды.Global City сауда орталығында министрге жол жүру жолдары мен кедендік бақылау аймағы да бар ірі көтерме саудагерлерге арналған тауарларды сақтауға арналған қойма кешені көрсетілді.Жұмыс сапарының қорытындысы бойынша министр, Қарағанды облысының географиялық орналасуы мен инфрақұрылымының тиімділігін ескере отырып, облыс Қазақстанның негізгі сауда-логистикалық орталығына ғана емес, бүкіл Орталық Азия аймағы үшін маңызды хабқа айналуға әлеуеті бар екенін атап өтті.Ақпарат көзі : https://www.gov.kz/memleket/entities/mti/press/news/details/892975

Катар астанасы Доха қаласында қазақстандық экспорттаушылардың іскерлік миссиясы өттіБұл шараны «QazTrade» АҚ Қазақстан Республикасының Сауда және интеграция министрлігімен, сондай-ақ Қазақстан Республикасының Катардағы Елшілігімен бірлесіп ұйымдастырды.Бұл ретте бизнес-миссия аясында B2B кездесулері өтті, оған Қазақстан мен Катардан ауыл шаруашылығы, агроөнеркәсіп, өнеркәсіп және IT-технологиялар сияқты негізгі секторлардан 30 компания қатысты.Іс-шараға қатысушылар әлеуетті серіктестермен жеке келіссөздер жүргізе алды, тауарлар мен қызметтерді өзара алмасу мүмкіндіктерін талқылады, сонымен қатар Катар дистрибьюторларымен және импорттаушыларымен байланыс орнатылды.Сонымен қатар, іскерлік миссия аясында QazTrade бас директорының бірінші орынбасары Нұрлан Құлбатыров Qatar Airways өкілдерімен кездесті.Кездесу барысында тараптар әуе жүктерін дамыту және қазақстандық тауарларды Катар мен Таяу Шығыстағы басқа елдердің нарықтарына жеткізу үшін тиімді логистикалық арналарды құру мүмкіндіктерін қарастырды.Нұрлан Құлбатыров қазақстандық экспорттаушылар үшін тарифтерді оңтайландыру мен тасымалдау сапасын арттырудың маңыздылығын атап өтті, бұл экспортталатын тауарлардың ассортиментін айтарлықтай кеңейтуге және жеткізу географиясын арттыруға мүмкіндік береді.Айта кету керек, 2024 жылдың қаңтар-қыркүйек айларында Қазақстан мен Катар арасындағы тауар айналымы 6,2 миллион АҚШ долларын құрады, бұл екіжақты сауда қатынастарының қарқынды дамуын көрсетеді. Негізгі жетістіктерге Қазақстаннан Катарға қой еті экспортының айтарлықтай өсуі жатады, ол 75%-ға өсті. Бұл қазақстандық ауыл шаруашылығы өнімдеріне сұраныстың жоғары екендігін көрсетеді және екі ел арасында аграрлық сектордың маңыздылығын көрсетеді.Ақпарат көзі : https://www.gov.kz/memleket/entities/mti/press/news/details/893590

Биыл бірінші желтоқсанда ҚР Қарулы күштерінің Ұлттық әскери-патриоттық орталығына тоғыз жыл толады. Осы орайда өткен есептік шараны орталықтың бастығы Қазақстанның еңбек сіңірген қайраткері Арман Әсенов ашты. Ол орталық тоғыз жыл ішінде жақсы жетістіктерге жеткенін атап өтті. Осы уақыт ішінде орталықтың мәдени-демалыс алаңында әскерге шығарып салу салтанаттары, әскери ант қабылдау рәсімдері, әскери қызметшілерге құрмет көрсету, ерлік сабақтары, жиындар, көрмелер, акциялар және басқа да көптеген іс-шара өткізілді. – Биылғы жылы барлық ірі гарнизондарда толыққанды оркестрі, ансамблі бар, сондай-ақ әскери қызметшілердің балаларымен әскери-патриоттық жұмысты ұйымдастыратын филиалдар пайда болды. Алда Ақтөбе және Ақтау қалаларында филиалдар ашу жоспарда бар. Елордалық орталық базасында алғаш рет шығармашылық взвод құрылды. Енді дәл осындай бөлімшелер басқа гарнизондарда да пайда болмақ, – деді ол. Арман Әсенов патриоттық сана мен армия ортасында ынтымақты қалыптастырудағы мәдениеттің маңыздылығын атап өтті. Бұл тұрғыда, оның пікірінше, орталық пен оның филиалдары мамандарының кәсіби біліктілігі шешуші рөл атқарады. Кездесу барысында орталық филиалдарының өкілдері атқарылған жұмыстар туралы есеп берді. Содан кейін мекеменің үздік мамандарын марапаттау рәсімі өтті. «Қазақстан Республикасы Қарулы күштерінің ардагері» медалін үшінші сыныпты сержант Гүлбахыт Сердалина; армия генералы С. Нұрмағамбетовке 100 жыл төсбелгісін – орталық бастығының орынбасары – Жауынгерлік Даңқ музейі әскери-тарихи құндылықтар бөлімінің басшысы Алуа Байқадамова, Қазақстанның еңбек сіңірген қайраткері «Сағадат» әнінің авторы Нұрлан Нұртазин және Қарулы күштердің ардагері Айрат Нафиков иеленді. Сонымен қатар, әскери-патриоттық тәрбиені дамытуға қосқан үлесі, жоғары орындаушылық шеберлігі және мәдени-бұқаралық іс-шараларға белсенді қатысқаны үшін бірқатар әскери қызметшілер мен Қарулы күштердің қызметкерлері Қорғаныс министрінің атынан сағаттармен, орталық басшылығының атынан құрмет грамоталарымен және алғыс хаттарымен марапатталды. Шара соңы Еркеғали Рахмадиев атындағы Мемлекеттік филармония дайындаған мерекелік концертпен аяқталды.Ақпарат көзі : https://www.gov.kz/memleket/entities/mod/press/news/details/893265

Іс-шараны ҚР Қарулы күштері Бас әскери-медициналық басқармасы ұйымдастырды.Оған Алматы өңірлік гарнизоны әскери бөлімдерінің, Қарулы күштер түрлері әскери-медициналық басқару органдарының және әскер тектері медициналық қызметтерінің бастықтары қатысты.Жиын Қорғаныс министрлігі әскери клиникалық госпиталінің базасында өтті. Тәжірибелік сабақтар 61993 әскери бөлімі мен Құрлық әскерлері әскери институтының нысандарында ұйымдастырылды.Лауазымды тұлғалар емдеу-алдын алу іс-шараларын және медициналық жабдықтауды ұйымдастыру жөніндегі жұмыстың жай-күйі туралы баяндады. Жиын барысында дәрілік заттар мен медициналық мүлікті жоспарлау мен сатып алудың проблемалық мәселелері талқыланды.Тәжірибелік сабақтарда әскери дәрігерлер амбулаториялық және стационарлық пациенттер мен жарақат алған науқастардың есепке алу құжаттамасын жүргізу мәселелерін талқылады. Сондай-ақ әскери қызметшілерді, оның ішінде тәуліктік нарядқа түсушілерді профилактикалық медициналық тексеруден өткізу стандарттары пысықталды. Дәрілік заттарды сақтауды, есепке алуды және есептен шығаруды ұйымдастыру тәсілдері егжей-тегжейлі қарастырылды.Сонымен қатар жиынға қатысушылар дене шынықтыру дайындығынан сынақ тапсырып, арнайы дайындық бойынша нормативтерді орындады.Ақпарат көзі : https://www.gov.kz/memleket/entities/mod/press/news/details/893323

Қазақстан 29 қараша мен 1 желтоқсан аралығында Гуанчжоуда өтетін 21-ші Қытай халықаралық ауыл шаруашылығы өнімдерінің көрмесінің құрметті қонағы болды.Қазақстандық ауыл шаруашылығы өнімін өндірумен айналысатын 30-дан астам жетекші кәсіпорын қазақстандық АӨК-тің халықаралық әріптестер мен инвесторлар үшін әлеуеті мен мүмкіндіктерін көрсетті.«Гуанчжоудағы көрмедегі Қазақстанның ұлттық экспозициясы-елдің ауыл шаруашылығы өнімдерінің халықаралық нарығындағы ұстанымын нығайтуға және оның жоғары сапа стандарттарын көрсетуге жасалған маңызды қадам.Бүгін мұнда өз өнімдерін Қазақстанда өндіретін ауыл шаруашылығы өнімдерінің сапасы мен алуан түрлілігін көрсететін компаниялар таныстырылды», - деп павильонның ашылуында атап өтті ауыл шаруашылығы вице-министрі Ермек Кенжеханұлы.Павильонға ауыл шаруашылығы және ауылдық істер министрі Хан Цзюнь қатысты.Павильонда made in KZ жоғары сапалы өнімдері ұсынылған: мақсары, күнбағыс, рапс майлары, түйіршіктелген жем, ет өнімдері, құс шаруашылығы өнімдері, ұн, сусындар, отандық «апорт» бренді, құрғақ бие және түйе сүті, бал, балмұздақ және т.б.Глютен, крахмал, биоэтанол сияқты астықты терең өңдеу өнімдері келушілердің ерекше қызығушылығын тудырды. Бұл тауарлар Үндістанға, АҚШ-қа, Колумбияға, ТМД елдеріне және Еуропалық Одақта сұранысқа ие және экспортталады.Сондай-ақ, көрме аясында ауыл шаруашылығын дамытуға қолдау көрсету жөніндегі форум ұйымдастырылды, онда ҚХР Ауыл шаруашылығы және ауылдық істер министрі Хан Цзюнь, Гуанчжоу провинциясы үкіметінің қызметкерлері, сарапшылар мен ғалымдар, ауыл шаруашылығы тауарын өндірушілер, қаржы және инвестициялық институттар өкілдерінің қатысуымен АӨК-нің өзекті мәселелері талқыланды.Вице-министр ҚХР Қазақстанның ауыл шаруашылығы саласындағы стратегиялық және агроөнеркәсіптік өнім саласындағы ірі сауда серіктесі болып табылатынын атап өтті. 2023 жылы Қытаймен агроөнеркәсіптік өнім айналымы 1,7 есеге артып, 1,3 млрд доллардан асты.«Қазір азық-түлік қауіпсіздігі бүкіл әлем үшін өзекті мәселе болып табылады және Қазақстан оны қамтамасыз етуде маңызды рөл атқарады. Соңғы бес жылда АӨК өнімдерінің экспорты екі есеге жуық өсті және біз оны алдағы бес жылда 10 миллиард долларға дейін жеткізуді мақсат етіп отырмыз. Біздің еліміз әлемдегі жетекші он бидай экспорттаушының арасында берік орын алады және мал шаруашылығындағы өз позициясын айтарлықтай күшейтуде. ҚР Үкіметі іске асыратын ұзақ мерзімді аграрлық саясат агробизнесті жүргізу үшін қолайлы жағдайлар жасайды және секторды қолдауды қамтамасыз етеді. Сапалы мал шаруашылығы өнімдерін экспорттау, ауыл шаруашылығы өнімдерін өндіру мен өңдеу көлемін ұлғайту біз үшін басымдық болып қала береді. Сондай - ақ біз тікелей шетелдік инвестицияларды тартуды жалғастырамыз және өзара тиімді ынтымақтастыққа баса назар аудара отырып, бірлескен өндірістер құрудамыз», - деді ол.Қытай инвесторларының қатысуымен Қазақстан аумағында бірқатар маңызды жобалар сәтті жүзеге асырылды, оның ішінде СҚО-да рапс майын өндіру, Түркістан қаласында түйе және бие құрғақ сүтін өңдеу және өндіру. Шамамен 700 млн.доллар сомасына тағы 5 инвестициялық жобаны іске асыру мәселесі пысықталуда.Ақпарат көзі : https://www.gov.kz/memleket/entities/moa/press/news/details/893063

Мемлекет басшысы жақында өткен агрофорумда агроөнеркәсіптік кешен экономикалық өсімнің негізгі күштерінің бірі саналатынын атап өтті. Үкімет АӨК дамыту жөніндегі міндеттерге қол жеткізу мақсатында кешенді шаралар қабылдауда. Қазақстанда Премьер-министрдің тапсырмасы бойынша фермерлердің өтініш-тілектерін ескере отырып, осы жылдың 29 қарашасынан бастап 2025 жылғы көктемгі егіс және егін жинау жұмыстарын жүргізуді қаржыландыру басталды.Президенттің тапсырмасын орындау шеңберінде 2025 жылғы көктемгі егіс және егін жинау жұмыстарына 700 млрд теңгеге дейін бағытталады, оның 560 млрд теңгесі капиталдың нарықтық көздерінен тартылатын болады.Бүгіннен бастап «Аграрлық несие корпорациясы» АҚ жылдық 5% деңгейінде жеңілдікті сыйақы мөлшерлемесімен «Кең дала 2» бағдарламасы бойынша қаржыландыру тетігі іске қосылды. 684 ауыл шаруашылығы тауарын өндірушілерден шамамен 82 млрд теңге сомаға өтінімдердің жалпы пулы қалыптастырылды, оның ішінде 176 өтінім жұмысқа қабылданды. Тағы 508 өтініш бойынша 59,9 млрд теңгеге құжаттар жиналады. Қаржыландыру алғаш рет көктемгі егіс және егін жинау жұмыстарын жүргізуден бұрын басталғанын атап өту маңызды, бұл фермерлерге тұқымды, тыңайтқышты алдын-ала сатып алуға, техниканы дайындауға және барлық қажетті жұмысты сапалы жүргізуге мүмкіндік береді. Үкімет қабылдаған шаралардың арқасында шаруалар өздеріне барынша қолайлы жағдайлар бойынша жедел қаржылық қолдау алады. Бұдан басқа, қарыздарды ресімдеу үшін де, оларды кейіннен өтеу үшін де жүгінуге болатын қаржы институттарының саны ұлғайды. Қаражатқа екінші деңгейлі банктер, несиелік серіктестіктер, әлеуметтік-кәсіпкерлік корпорациялар және Аграрлық несие корпорациясы арқылы қол жеткізуге болады. Сондай-ақ кәсіпкерлер жиі көтеретін кепілмен қамтамасыз етудің жетіспеушілігі мәселелерін шешу үшін «Кең дала 2» бағдарламасы бойынша қарыз сомасының 85%-ын «Даму» кәсіпкерлікті дамыту қоры кепілдік береді.Консультация алу және өтінімдер беру үшін «Аграрлық несие корпорациясы» АҚ-ның жақын маңдағы өңірлік филиалдарына жүгіну қажет. Қосымша ақпаратты Agrocredit.kz сайтынан алуға болады және Kcell, Activ, Beeline абоненттері үшін 5353 Call center нөмірі, Tele 2, Altel үшін 8 701 006 19 91 телефон нөмірі жұмыс істейді.Ақпарат көзі : https://www.gov.kz/memleket/entities/moa/press/news/details/893283

Президент Қасым-Жомарт Тоқаев ауыл шаруашылығы қызметкерлерінің бірінші форумында сөйлеген сөзінде елімізде жылқы шаруашылығын дамытудың маңыздылығын атап өтіп, Үкіметке қысқа мерзімде жылқы шаруашылығы институтын құруды тапсырды. Мемлекет басшысының алға қойған міндетін орындау мақсатында қазақ жылқы шаруашылығы және жем өндіру ғылыми-зерттеу институты Ақтөбе облысындағы тәжірибе станциясының базасында құрылды.Бүгін Ақтөбеде Қазақстанда жылқы шаруашылығын дамыту және ҒЗИ ашу мәселелеріне арналған дөңгелек үстел өтті. Оған ҚР Ауыл шаруашылығы вице-министрі Аманғали Бердалин, Мәжіліс депутаттары, еліміздің жетекші ғалымдары мен мамандары қатысты.Іс-шараны облыс әкімі Асхат Шахаров ашты. Ол жергілікті атқарушы орган тарапынан жаңа ғылыми-зерттеу институтын дамытуға жан-жақты қолдау көрсетілетінін атап өтіп, дөңгелек үстел мүдделі тараптар арасындағы диалогты тереңдетуге ықпал ететініне сенім білдірді.Бұдан кейін облыс әкімі ҚР Ауыл шаруашылығы вице-министрі Аманғали Бердалинге сөз беріп, вице-министр отандық жылқы шаруашылығындағы жағдай туралы айтып берді. Бүгінде Қазақстанда жылқылардың жалпы саны 4,1 миллион басты құрайды. Сонымен бірге асыл тұқымды жылқылардың саны 46 мың басты құрайды немесе барлық малдың бір пайызынан сәл ғана асады.«Мемлекет басшысы асыл тұқымды жылқыларды іріктеу мен өсіруге ерекше назар аудару, сол арқылы асыл тұқымды мал басының үлесін арттыру қажеттігін атап өтті. Жалпы, соңғы бес жылда саланы субсидиялауға 4,9 млрд. теңге бағытталды. Ағымдағы жылы атқа мінетін бағыттағы жылқылардың отандық тұқымдарын сақтау және өсімін молайту жөніндегі арнайы заң қабылданды. Үкімет заңды жүзеге асыруға кірісті», - деді Аманғали Бердалин.Вице-министр 2024-2026 жылдарға арналған бағдарламалық-нысаналы қаржыландыру шеңберінде Адай және Қостанай жылқыларын жетілдіруге, сондай-ақ Жебе, Көшім және Мұғалжар сияқты бағыттарда өнімді жылқы шаруашылығын дамытуға бағытталған екі ғылыми-зерттеу бағдарламасы басталғанын атап өтті. Бұл мақсаттарға мемлекеттік бюджеттен шамамен 1,5 млрд теңге бөлінді.Жаңа Жылқы шаруашылығы және жемшөп өндіру институтының негізгі міндеті жылқылардың асыл тұқымды қасиеттерін жақсарту және отандық тұқымдарды халықаралық нарықтарда белсенді ілгерілету бойынша ғылыми-зерттеу жұмыстарын жүргізу болып табылады. Институт алдағы бес жыл ішінде асыл тұқымды жылқылардың санын 6-7%-ға көбейтуді мақсат етіп отыр. Сонымен қатар, еліміздің аграрлық университеттерінде жылқы шаруашылығы бойынша тереңдетіп оқыту жоспарлануда.Кадр тапшылығы мәселесі дөңгелек үстелге қатысушылар арасында ең көп талқыланатын мәселелердің біріне айналды. Сондай-ақ бірқатар ұсыныстар айтылды, оның ішінде өңірлерде зерттеу жұмыстарын жүргізу үшін тұрақты комиссия құру, жоғары оқу орындарында жоғары білікті кадрларды даярлау жөніндегі жұмысты күшейту, жылқы шаруашылығымен айналысатын ғалымдардың ұрпақтары арасында сабақтастық байланыс орнату.Дөңгелек үстелге қатысушылар жүйелі көзқарас пен ғылыми-зерттеу институтын құру Қазақстанда жылқы шаруашылығын тұрақты дамыту үшін сенімді іргетас болатынына сенім білдірді.Ақпарат көзі : https://www.gov.kz/memleket/entities/moa/press/news/details/893399

Қазақстан құрметті қонақ болып табылатын 21-ші қытайлық халықаралық ауыл шаруашылығы өнімдері көрмесі аясында ҚР делегациясы Гуандун провинциясының жетекші ауыл шаруашылығы компанияларымен кездесу өткізді.ҚР Ауыл шаруашылығы вице-министрі Ермек Кенжеханұлы Қытай Қазақстанның басым сауда-экономикалық және инвестициялық серіктестерінің бірі болып табылатынын атап өтті.«Ауыл шаруашылығы екіжақты қатынастардың негізгі құрамдас бөлігі болып табылады. 2023 жылы Қытаймен агроөнеркәсіптік өнімнің тауар айналымы 1,7 есе өсіп,1,3 млрд.доллардан асты. Бұл біздің осы саланы дамытуға деген қызығушылығымызды көрсетеді.Қытайға ең көп дәнді және майлы дақылдарды, өсімдік майларын экспорттаймыз. ҚХР-дан жеміс-көкөніс өнімдері, цитрус жемістері, жаңғақтар импортталады.Бұл айналым динамикасының шегі емес. Біздің елдеріміз арасында үлкен іске асырылмаған әлеует бар»,-деді вице-министр.Қазақстанда жыл сайын шамамен 20 млрд. ауыл шаруашылығы өнімдері, қайта өңдеу өнімдері-6 млрд. өндіріледі.Соңғы 5 жылда АӨК өнімі экспортының жалпы көлемі 2 есеге артып, 5,4 млрд.долларға жетті. Алдағы бес жылда бұл көрсеткішті 10 млрд.долларға жеткізу жоспарлануда.Қазақстан бидайдың әлемдегі жетекші 10 экспорттаушысының қатарына кіреді және ұн экспорты бойынша жетекші орынға ие. Өнімдер Қытайда да жақсы сұранысқа ие.Қазақстандық делегация мүшелері басым бағыттардың қатарында жоғары сапалы мал шаруашылығы, өсімдік шаруашылығы өнімдерін және оны қайта өңдеу өнімдерін экспорттау бар екенін атап өтті.«Біз қытайлық инвесторлардың Қазақстанның АӨК секторына деген қызығушылығының айтарлықтай өскенін байқаймыз.Қытай инвесторларының қатысуымен Қазақстан аумағында АӨК саласындағы бірқатар маңызды жобалар сәтті іске асырылды, тағы 5 инвестициялық жобаны іске асыру жоспарлануда.Бұл Қазақстанға деген үлкен сенімнің белгісі және біздің елімізде ауыл шаруашылығын дамытуға және инвестициялық ахуалды жақсартуға ерекше көңіл бөлінетіндігінің дәлелі», - деп атап өтті ҚХР жетекші компанияларын ынтымақтастыққа шақырған вице-министр.Тараптар тауар айналымын, инвестицияларды ұлғайту мәселелерін талқылады.Ақпарат көзі : https://www.gov.kz/memleket/entities/moa/press/news/details/893424

Астанада этножурналистика мен қазақ тілді БАҚ-ты шетелде мемлекеттік қолдау тақырыбына арналған «Бір ел - бір мүдде» депутаттық тобының отырысы өтті. Іс-шараны ҚР Мәдениет және ақпарат министрлігі ұйымдастырды.Тақырыпты талқылауға ҚР Парламенті Сенаты мен Мәжілісінің депутаттары, этникалық БАҚ және «Отандастар қоры» КЕАҚ өкілдері қатысты.Спикерлер этножурналистиканың азаматтық құндылықтарды қалыптастырудың, жалпыұлттық бірлікті қамтамасыз етудің және қазақстандық қоғамда этностық топтарды шоғырландырудың маңызды құралы ретіндегі шешуші рөлін атап өтті.Пікірталас барысында қатысушылар БАҚ арқылы этносаясатты ілгерілетудің, шетелде қазақ тілді медианы қолдаудың, этносаралық келісім мен бірлікті қамтамасыз етудің өзекті мәселелерін талқылады.Этносаралық тұрақтылық үшін тәуекелдерді анықтауға және алдын алуға, әлеуметтік желілерде «араздық тілінің» таралуына қарсы тұруға және этникалық, тілдік белгілері бойынша кемсітушіліктің кез келген түріне жол бермеуге ерекше назар аударылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892671

Көкшетау қаласының Достық үйінде «Мемлекеттік тіл - этносаралдық қатынас тілі» жобасын іске асыру аясында этностар арасында мемлекеттік тілді насихаттауға және дамытуға бағытталған «Ұлы даланың ұлтаралық тілі» республикалық форумы өтті.Форум спикерлері қазақ тілін меңгерудің үздік тәжірибелерімен бөлісті.Іс-шара соңында форумға қатысушылар үшін Көкшетау қаласының көрікті жерлеріне экскурсия ұйымдастырылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892673

Атырау қаласында Қазақстанның түкпір-түкпірінен келген қатысушылардың басын қосқан Қазақстан халқы Ассамблеясының «Бір ел» тарихи-ағартушылық жастар жобасы бастау алды.Іс-шараға этномәдени бірлестіктердің өкілдері, «Ассамблея жастары» РҚБ мүшелері және ауыл жастары мен волонтерлер қатысты.Спикерлер мәдениетаралық диалогты дамыту, ортақ мәдени және тарихи құндылықтарды сақтау, азаматтар мен жастардың тарихи-мәдени мұраны зерделеуге қызығушылығын арттыру, өскелең ұрпақты қоғамдық келісімді одан әрі нығайтуға тарту, жалпыұлттық бірлік, сондай-ақ қасиетті орындарды танымал етудің маңыздылығын атап өтті. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/892946

Президентке 2024 жылы министрлік тарапынан мәдениет, ақпарат, азаматтық қоғам, дін, этносаралық қатынастар, жастар саясаты және креативті индустриялар, отбасы-демографиялық сала, архивтер мен кітапхана ісі бойынша жүзеге асырылған шаралар туралы, сондай-ақ 2025 жылға жоспарларға дайындық барысы жөнінде ақпарат берілді.Министр Аида Балаева биыл қазақ өнері әлемге әйгілі өнер алаңдарында алғаш рет ұсынылғанын атап өтті. Венеция биенналесінде және Гиме азиялық өнер музейіндегі қазақ өнер көрмелерін екі жүз мың адам тамашалады.Қазақстанның баспа өнімдері 153 елдің делегациясы қатысқан әлемдегі ең ірі кітап көрмесі – Frankfurter Buchmesse-де алғаш рет көрсетілді.Ел тарихы мен мәдениетін дәріптеуде маңызды жоба – сегіз тілде, соның ішінде халықаралық тілдерде, ақпараттық-ағартушылық «Qazaq Culture» платформасы іске қосылды.Сондай-ақ, Астанада V Дүниежүзілік көшпенділер ойындарының ашылу және жабылу салтанаты жарқын мәдени-көпшілік оқиға болды.Министрлік биыл заң шығару саласында ауқымды жұмыс атқарды.Атап айтқанда, 2024 жылы Қазақстанда журналист мәртебесін арттыруға бағытталған жаңа БАҚ туралы заң қабылданды. Сонымен қатар «EURONEWS» телекомпаниясының аймақтық кеңсесі ашылды. Ал, «Қазақфильм» киностудиясын тікелей қаржыландыруды қарастыратын заңнамаға өзгерістер Парламентте талқылануда.Сондай-ақ, министрлік қайырымдылық, креативті индустриялар саласындағы заңнамаларды жетілдіру бойынша жоспарлы жұмыстар жүргізуде.Еріктілер қозғалысын дамыту да министрліктің басты бағыттарының бірі болып отыр. 2022 жылмен салыстырғанда белсенді еріктілер саны 240 мың адамға дейін өсті. Жыл сайын 50-ден астам волонтерлік жоба жүзеге асырылады, 7 қазақстандық волонтер БҰҰ құрылымдарына жіберілді.Креативті индустрияларды қолдау шаралары әзірленді: Креативті индустриялар қоры құрылды, «Сәтті Жұлдыз» түсімінен 3% бөлінеді, мемлекеттік органдар мен жергілікті атқарушы органдардың құзыреті кеңейтілді, инфрақұрылыммен қамтамасыз ету шаралары жүзеге асырылуда. Креативті индустрия субъектілеріне арнайы салық режимі енгізілді. Жыл басынан бері елде 10 креативті орталық пен хаб ашылды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/893100