Елорданың «Өндіріс» спорт кешенінде «Жас сарбаз барысы» қалалық турнирі өтті. Астана қаласы әкімдігінің қолдауымен оның бастамашысы болған – «Жас сарбаз» балалар-жасөспірімдер әскери-патриоттық қозғалысының қалалық филиалы.Турнирдің ашылу салтанатына Қорғаныс министрлігінің, Астана қаласы әкімдігінің өкілдері, «Өркен» балалар мен жасөспірімдер дене тәрбиесі орталығының басшысы Ғинаят Хамитұлы, «Жас сарбаз» республикалық және қалалық балалар-жасөспірімдер қозғалысының төрағалары майор Мейірбек Меңдіғалиев пен Айдархан Шыңғысханұлы, жаттықтырушылар мен жас спортшылар қатысты.– Қазақ күресі – жай спорт емес, бұл біздің ұлттық мұрамыз. Жастардың осындай турнирлерге қатысуы адамгершілік рухты, өз қабілеттеріне деген сенімділікті нығайтады, Отанға деген сүйіспеншілікті оятады, – деп атап өтті майор М. Меңдіғалиев. Боз кілемге 2008–2009 жылы туған он екі мықты спортшы шығып, тартысты сайыста жоғары дайындық деңгейін және жеңіске деген ұмтылысын көрсетті.Бас қаламыздағы № 85 мектеп-лицейінің оқушысы Әлижан Ерсаев қазақ күресінің чемпионы атанды. Екінші орын № 28 мектептің оқушысы Ерзат Төстікке, үшінші орын № 110 мектептен Әлихан Толысбайға бұйырды.Бірінші және екінші орын алған жас балуандар «Жас сарбаз барысы» жарысының республикалық кезеңінде елорданың намысын қорғайтын болады.Турнир жеңімпазы Әлижан Ерсаев бұл жетістік ол үшін маңызды қадам болғанын айтады. – Жеңіс оңай болған жоқ, өйткені қарсыластар соған лайықты болды. Алайда өзіме деген сенім мен жаттықтырушылардың қолдауы нәтижеге қол жеткізуге көмектесті. Ендігі мақсатым – республикалық турнирде лайықты өнер көрсету, – деді чемпион. «Жас сарбаз барысы» турнирі жас патриоттарды ата-бабаларымыздың бай мұрасы мен заманауи құндылықтарын құрметтеуге тәрбиелейтін ұлттық дәстүрлермен ұштасқан жарқын спорттық шара болды.Ақпарат көзі : https://www.gov.kz/memleket/entities/mod/press/news/details/1101442?lang=kk

Астанада өткен «Жайдарман» ойындарында «Қазақстан CUP» лигасында өнер көрсететін астаналық айрықша мақсаттағы бригаданың «Жұлдызды жігіттер» командасы жүлделі үшінші орынды иеленді.«Жайдарман» ойындарының «Қазақстан CUP» лигасы биыл ерекше тартысты өткенін айта кету керек. «Жұлдызды жігіттер» жайдарман тобы жоғарыда айтылған лигада 80 команданың ішінен суырылып шығып, 1/2 ширек финал ойындарына жолдама алған болатын. Ширек финал кезеңінде төрт үздік команда бақ сынады.Батыс Қазақстан облысы Тасқала ауданы Ақтау ауылының мектеп оқушыларынан құралған «Жұдырық» командасы ауыл өмірін шынайы әрі қарапайым әзілмен жеткізсе, Е. Бөкетов атындағы Қарағанды мемлекеттік университетінің «Амазонка» қыздар командасы нәзік юмор арқылы залды күлкіге қарық қылды. С. Сейфуллин атындағы Қазақ агротехникалық зерттеу университетінің «Сейфуллин» командасы кәсіби дайындық пен тапқыр ойдың үлгісін көрсетті. Ал «Жұлдызды жігіттер» әскери тақырыпты сахнада шебер бейнелеп, көрерменге ерекше әсер қалдырды.Қазылар алқасының шешімімен бірінші орынды «Сейфуллин» командасы иеленді. Екінші орын қарағандылық «Амазонка» командасына бұйырды. Ал «Жұлдызды жігіттер» және «Жұдырық» командалары үшінші орынды еншіледі. – Бұл жетістік – біз үшін үлкен абырой. Себебі 80 команданың ішінен суырылып шығып, республикалық деңгейдегі үздіктер қатарына ендік. Қолдау көрсеткен әскери бөлім қолбасшылығы мен жанкүйерлерге алғысымыз шексіз, – дейді «Жұлдызды жігіттер» командасының капитаны капитан Бақберген БуратаевҰйымдастырушылар атап өткендей, «Жайдарман» ойыны тек әзіл емес, ол жастардың ойы мен өрісін кеңейтетін, бірлік пен достықты дәріптейтін мәдени алаң. «Жұлдызды жігіттер» осы рухты сахнада тамаша жеткізе білді. Әзіл арқылы патриотизм мен тәртіпті насихаттай білген команда көрерменнің де, қарсыластарының да құрметіне бөленді.Ақпарат көзі : https://www.gov.kz/memleket/entities/mod/press/news/details/1101440?lang=kk

С5+1 дипломатиялық платформасының құрылғанына он жыл толуына орай Қазақстан Республикасының, Қырғыз Республикасының, Тәжікстан Республикасының, Түрікменстанның, Өзбекстан Республикасының және Америка Құрама Штаттарының үкіметтері (жиынтығында «С5+1 елдері» деп аталады),C5+1 елдерінің әрқайсысының бірегей мәдени мұрасын және олардың адамзаттың дамуына қосқан ерекше үлесін мойындай отырып;С5+1 елдерінің бірегей мәдени мұраларын қорғау және сақтау саласындағы ынтымақтастықтың маңыздылығын растай отырып; жәнеМәдени мұра, оның ішінде мәдени алмасу, мәдени мұраны сақтау саласындағы тәжірибе алмасу және Ұлттық мұражайлар кеңесі арқылы ынтымақтастық саласында С5+1 елдері арасындағы байланыстардың тереңдеуін атап отырып,келесі өзара түсіністікке қол жеткізді:C5+1 елдері С5+1 елдерінің мәдени мұрасын сақтау, мәдени құндылықтарының заңсыз сауда жолын болдырмау және С5+1 елдері арасындағы мәдени өзара іс-қимылды нығайту мақсатында келесі шаралар арқылы ынтымақтастықты нығайтуға және кеңейтуге ниетті:Мәдени мұраны сақтау және мәдени құндылықтарды қорғау мақсатында құқық қорғау, кеден және шекара қауіпсіздігі салаларында ақпарат алмасуды нығайту;Мәдени құндылықтардың заңсыз айналымының алдын алу және өнер нарығының біртұтастығын қамтамасыз ету үшін өзара толықтыратын өңірлік желілерді құру;Мәдени мұраны жалпы экономикалық мақсаттарға кіріктіру мүмкіндігін зерделеу, оның ішінде туризм секторы мен креативті индустрияға пайда әкелетін ағылшын тілінде білім беруді дамыту;Консервация, кураторлық қызмет, тіркеу, цифрландыру, шығу тегін зерттеу, көрмелерді ұйымдастыру, мәдени мұра нысандарын басқару, жойылып кету қаупі бар антиквариаттарды қорғау салаларында озық тәжірибе алмасу мақсатында институционалдық серіктестікті кеңейту және сарапшылар арасындағы алмасуларды жүзеге асыру, сондай-ақ этнология, археология, сәулет және реставрация сияқты өзара қызығушылық тудыратын басқа да салаларда ынтымақтастық орнату;Ұлттық мұражайлар кеңесінің қызметіне барлық алты елдің толыққанды қолдау көрсетіп, белсенді қатысуын қамтамасыз ету;Мұражай ісі саласындағы ынтымақтастықты ілгерілету және алмасуды ұйымдастыру, оның ішінде С5+1 елдерінің жетекші мұражайлары мен мәдени мекемелерінде көрмелер мен экспозициялар өткізу үшін мәдени құндылықтарды ұсыну;C5+1 елдерінің мәдени мұрасын ілгерілету, қорғау және сақтау мәселелеріне қатысты халықаралық алаңдарда ұстанымдарды мәлімдеу;Ұлттық қолөнер дәстүрлері мен сәндік-қолданбалы өнер шеберлерін қолдауды, сондай-ақ дәстүрлі мәдениетті, музыка мен биді сақтауды қамтамасыз ету;Мәдени құндылықтарды қорғау және мәдени мұраны сақтау мақсатында білім беру, ғылым және инновациялар салаларындағы ынтымақтастықты дамытуға жәрдемдесу, оның ішінде академиялық және зерттеу байланыстарын нығайту, сондай-ақ С5+1 елдерінің жоғарғы оқу орындары мен зерттеу орталықтары арасындағы бірлескен бастамаларды қолдау; жәнеӘр елдің бай мәдени мұрасын дәріптейтін фестивальдер мен мәдени іс-шараларды ұйымдастыру бойынша ынтымақтастықты қолдау.   Ақпарат көзі : https://www.gov.kz/memleket/entities/mfa/press/news/details/1101438?lang=kk

Қазақстан Республикасының, Қырғыз Республикасының, Тәжікстан Республикасының, Түрікменстанның, Өзбекстан Республикасының және Америка Құрама Штаттарының үкіметтерімен бірлесіп (бұдан әрі - С5+1) С5+1 форматында дипломатиялық қатынастар орнатудың оныншы жылдығына орай,C5+1 дипломатиялық алаңы аясындағы экономикалық ынтымақтастықтың нығаюы соңғы жылдары ондаған миллиард доллар көлеміндегі сауда мен инвестицияны қамтамасыз еткенін мойындай отырып, жәнеелдеріміздің егемендігі, тәуелсіздігі мен аумақтық тұтастығын қамтамасыз ететін тұрақты әрі қуатты экономикалардың маңыздылығын қайта растай отырып,C5+1 елдері арасындағы сауда-экономикалық байланыстарды одан әрі нығайтуға бағытталған өңірлік тәсілді көздейтін B5+1 форматтың C5+1 дипломатиялық платформасын толықтыратын маңызды іскерлік әріптестік тетігі екендігін ескере отырып,келесі өзара түсіністікке қол жеткізді:C5+1 елдері өркендеуді, бейбітшілікті пен ілгерлеушілікті қамтамасыз ету мақсатында экономикалық қызмет пен өзара іс-қимылды жандандыру арқылы келесі шараларды қабылдауға ниетті: Коммерциялық ортаРеттеу реформаларын іске асыру арқылы бизнес жүргізу шарттарын жеңілдету және сауда мен инвестицияларды ынталандыру;Шағын және орта бизнесті дамытуға қолдау көрсету;Экспорттық әлеуетті арттыру мен инновацияны ынталандыру мақсатында өзара тиімді бірлескен кәсіпорындардың құрылуын қолдау;Коммерциялық дауларды шешуде уақытылы әрі ашық рәсімдерді қамтамасыз ету, келісімшарттардың міндеттілігін құрметтеу қағидатын қолдау;Өнім сапасы мен қауіпсіздігін қамтамасыз ететін стандарттарды жетілдіру бағытында C5+1 елдері мойындаған халықаралық нормаларға сәйкес ынтымақтастық орнату;IT-стартаптар мен инновациялық компаниялардың дамуы үшін қолайлы жағдайлар жасау, венчурлік капиталға, акселераторларға және халықаралық нарықтарға жеңілдетілген қолжетімділікті қамтамасыз ету;Коммерциялық қызметті дамытуға мүмкіндік беретін ашық, тұрақты және әділ нарықтық ортаны қолдау;Зияткерлік меншік және басқа да құқықтарды қорғау мен орындауды күшейту арқылы инвесторлардың сенімін арттыру;Орталық Азия мен Америка Құрама Штаттары арасындағы экономикалық ынтымақтастықты ілгерлететін 2026 жылғы 4-6 ақпан аралығында Бішкек қаласында (Қырғыз Республикасы) өтетін B5+1 Форумын қолдау, сондай-ақ 2024 жылғы наурызда Алматы қаласында (Қазақстан Республикасы) өткен алғашқы B5+1 Форумының табысты нәтижелерін мойындау; Сауда, инвестиция және маңызды минералдарҚауіпсіз, сенімді және әртараптандырылған энергетикалық жеткізілімдерді қамтамасыз ету, сондай-ақ энергетика және маңызды минералдар салаларындағы инвестициялар мен сауданы арттыруды көтермелеу;Бейбіт атом саласындағы ынтымақтастықты дамыту, оның ішінде әлеуетті арттыру, тиісті кадрлардың кәсібилігін нығайту және АЭХА кеңестеріне негізделген заманауи азаматтық ядролық технологияларды енгізу;Орталық Азия мемлекеттерінің маңызды минералдарын жаһандық жеткізу тізбегіне интеграциялау мақсатында геологиялық зерттеулерге, өндіру мен өңдеуге инвестициялар салуға жәрдемдесу, сондай-ақ қайта өңдеу салаларын қоса алғанда, қосылған құны жоғары өндірісті дамытуды ынталандыру үшін маңызды минералдар бойынша C5+1 диалогына қатысуды жалғастыру;Гидроэнергетика, туризм, ақпараттық технологиялар, электрондық коммерция және ауыл шаруашылығы сияқты жоғары өсім әлеуеті бар секторларда сауда мен инвестицияны ілгерілету;Сенімді интернет және коммуникациялық технологиялар мен инфрақұрылымды, оның ішінде талшықты-оптикалық желілер, 5G, 6G, суасты кабельдері, деректерді өңдеу орталықтарының жабдықтары, спутниктік байланыс сияқты цифрлық инфрақұрылымды дамыту мен енгізуді ілгерілету, сондай-ақ трансшекаралық деректер ағындарының қорғалуын қамтамасыз ететін халықаралық стандарттар мен озық тәжірибелермен үйлестіру, оның ішінде трансшекаралық деректердің құпиялылық ережелері жөніндегі Ғаламдық форум сияқты бастамалармен үндестікті қамтамасыз ету;Жасанды интеллект технологияларын дамыту арқылы инновациялық өсу мен халықаралық әріптестікке негізделген тұрақты цифрлық экономиканы қалыптастыруды ілгерілету;Жасанды интеллект пен цифрлық инновацияларды C5+1 жұмыс топтарының қызметіне біріктіру, үздік тәжірибелермен алмасу және ұлттық жасанды интеллект жүйелерін енгізуді ілгерілету;Жасанды интеллект саласындағы зерттеулер мен білім беру бойынша ынтымақтастықты ілгерілету, оның ішінде академиялық алмасуларды, оқыту бағдарламаларын және машиналық оқыту, робототехника мен деректерді талдау салаларындағы бірлескен ғылыми-зерттеу жобаларын дамыту;Ақылды қалалар мен Орталық Азия елдерінің цифрлық трансформациясын дамытуға жәрдемдесу;Цифрлық трансформация бастамаларын қолдау, оның ішінде электрондық үкіметті, бизнес пен азаматтарға арналған цифрлық қызметтерді, жасанды интеллект орталықтарын дамыту және кибертұрақтылықты арттыру;Киберқауіпсіздік саласындағы ынтымақтастықты нығайту, оның ішінде маңызды инфрақұрылымды қорғау, киберқауіптер туралы ақпарат алмасу, мамандарды даярлау және ортақ стандарттар мен сенімді цифрлық платформаларды көп тарапты тәсілмен әзірлеуді қолдау; Транскаспий сауда маршруты және байланыстылықТранскаспий сауда жолының әлеуетін толық ашу және оны Халықаралық бейбітшілік пен өркендеу үшін Трамп жолымен (TRIPP) интеграциялау арқылы, С5+1 елдерінің және әлемдік қоғамдастықтың мүдделері үшін жүктердің, ақпараттың және энергияның қауіпсіз әрі тиімді қозғалысын қамтамасыз ету мақсатында жеткізу тізбектерінің өзара байланыстылығын және тұрақтылығын нығайту;Үйлестірілген және ашық кедендік режимдерге ұмтылуды жалғастыру;C5+1 елдері арасындағы әуе қатынасын кеңейту арқылы сауда-экономикалық және мәдени байланыстарды нығайту;Іскерлік байланыстарды нығайту және жұмыс күшінің кәсіби әлеуетін арттыруды қолдау мақсатында технологиялық, кен өндіру және басқа да жоғары өсім қарқыны бар салаларда кадрлар даярлауға бағытталған білім беру алмасуларын дамыту.  Ақпарат көзі : https://www.gov.kz/memleket/entities/mfa/press/news/details/1101437?lang=kk

2025 жылғы 7 қараша – Қазақстан Республикасы Сыртқы істер министрінің орынбасары Әлібек Қуантыров Қостанай облысының әкімі Кумар Ақсақаловпен кездесіп, Премьер-Министрдің арнайы инвестициялық кеңесте берген тапсырмаларын орындау барысы, сондай-ақ инвестиция тарту тетіктері, перспективалы жобаларды іске асыру және өңірлік инвестициялық экожүйені дамыту мәселелері талқыланды.Тараптар Ұлттық цифрлық инвестициялық платформа (ҰЦИП) аясында жүргізіліп жатқан жұмысты, соның ішінде инвестициялық жобаларды сүйемелдеу мен мониторинг жүргізу, инвесторлармен өзара іс-қимылдың ашықтығы мен тиімділігін арттыру мәселелерін талқылады. Сонымен қатар, тікелей шетелдік инвестициялар (ТШИ) және негізгі капиталға салынған инвестициялар (НКИ) көрсеткіштерін есептеу, олардың қалыптастыру және өңірлік деңгейде есепке алу әдістемесі бойынша мәселелер қаралды. Ерекше назар «инвестицияға тапсырыс» тетігін іске асыруға аударылды. Бұл құрал өңір экономикасының басым салаларында жаңа жобаларды қалыптастыру мен іске қосуға мүмкіндік береді.Бұдан бөлек, қолданыстағы және әлеуетті инвесторларды сүйемелдеу, орталық және жергілікті атқарушы органдар арасындағы өзара іс-қимылдың тиімділігін арттыру, сондай-ақ инвестициялық жобаларды мемлекеттік қолдау құралдарын кеңейту мәселелері қарастырылды.Кездесу қорытындысы бойынша тараптар инвестиция тарту жүйесінің барлық деңгейлерінде үйлестіруді күшейтудің маңыздылығын атап өтіп, Қостанай облысының инвестициялық тартымдылығын арттыруға бағытталған бірлескен бастамаларды іске асыру жөніндегі келесі қадамдарды анықтады.Ақпарат көзі : https://www.gov.kz/memleket/entities/mfa/press/news/details/1101378?lang=kk

Сеул, 2025 жылғы 4-5 қараша – Қазақстан Республикасы Сыртқы істер министрінің орынбасары Әлібек Бақаев Сеулге жұмыс сапары барысында Корея Республикасының Сыртқы істер министрінің саяси мәселелер жөніндегі орынбасары Чон Ый Хие және Сыртқы істер вице-министрі Ким Джин Амен кездесулер өткізді.Чон Ый Хиемен өткен келіссөздер барысында сұхбаттастар екі мемлекет арасындағы дәстүрлі достық және сенімділік негізінде қалыптасқан қатынастарды, сондай-ақ тараптардың екіжақты форматтағы ынтымақтастықты өзара күшейтуге талпыныстарын атап өтті.А.Бақаев екіжақты қатынастардың дәйекті дамып келе жатқанын атап өтіп, сенімділік негізінде қалыптасқан тұрақты саяси диалогтың, сауда-экономикалық және мәдени-гуманитарлық ынтымақтастықтың кеңейіп келе жатқанына назар аударды.Тараптар «Орталық Азия – Корея Республикасы» ынтымақтастық форматындағы өзара іс-қимылды одан әрі дамыту мәселесіне ерекше назар аударып, жоғары және аса жоғары деңгейдегі алдағы іс-шараларды табысты өткізу үшін келісілген күш-жігер жұмылдыруға уағдаласты.Сыртқы істер вице-министрі Ким Джин Амен өткен келіссөздер көпжақты күн тәртібі мәселелеріне арналды.Келіссөздер барысында Астана мен Сеулдің халықаралық алаңдардағы, соның ішінде Атом энергиясы жөніндегі халықаралық агенттік шеңберіндегі сындарлы өзара іс-қимылыды нығайту перспективалары талқыланды.Сонымен бірге министрдің орынбасары «Орталық Азия – Корея Республикасы» ынтымақтастық форумы Хатшылығының атқарушы директоры Ри Джонг Кукпен кездесті және Сеул киберуниверситетіне барып, оның қызметімен танысты.Ақпарат көзі : https://www.gov.kz/memleket/entities/mfa/press/news/details/1101371?lang=kk

«Төтенше жағдайлар саласындағы волонтерлікті дамыту» жобасы аясында Астанада қыс мезгіліндегі төтенше жағдайларға дайындықты тексеруге арналған «Қыс–2025» командалық-штабтық оқу-жаттығулары өтті.Іс-шараға «Волонтёры Астаны LIDER.KZ» қоғамдық бірлестігінің волонтерлері қатысты. Олар өз қызметін Ұлттық волонтерлік желі аясындағы шағын грант шеңберінде жүзеге асырады.Жаттығу барысында волонтерлер кәсіби құтқарушылармен бірлесіп, қыс мезгіліндегі төтенше жағдайлар кезіндегі іс-қимыл алгоритмдерін пысықтап, халыққа көмек көрсету және коммуналдық әрі жедел қызметтермен өзара байланыс тәсілдерін меңгерді. Іс-шараның практикалық бөлігі Индустриялық парк аумағында өтіп, қатысушылар алған білімдерін нақты жағдайларда қолданды.Волонтерлер мен сала мамандарының төтенше жағдайлардың алдын алу бағытындағы ынтымақтастығы қарқынды дамып келеді. Мұндай өзара байланыс азаматтық жауапкершілік мәдениетін нығайтып, қоғамның төзімін арттыруға және қоғамдық қауіпсіздіктің тиімді жүйесін қалыптастыруға ықпал етеді. Осы саладағы волонтерлер адал қызметі мен жауапкершілігі арқылы мемлекет үшін сенімді серіктеске айналды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/1101360?lang=kk

Қазақстан Республикасының Қорғаныс министрлігінде Әскери журналист күніне арналған салтанатты іс-шара өтті.Бұл кәсіби мереке әскер өмірін насихаттап, қоғамның Қарулы күштерге деген сенімі мен құрметін қалыптастырып жүрген журналистерді бір арнаға тоғыстырды.Қорғаныс ведомствосы басшысының атынан құттықтау сөз сөйлеген министрдің орынбасары вице-адмирал Серік Борамбаев әскери журналистердің армияның беделін арттырудағы, объективті ақпарат таратып, қоғамда отансүйгіштік сезімді нығайтудағы маңызды рөлін атап өтті.Ол сондай-ақ ҚР Ұлттық ұланы мен ҰҚК Шекара қызметі баспасөз қызметінің өкілдерін, Медиа-контент орталығы мен «Сарбаз» газетінің редакциясын кәсіби мерекемен құттықтады.Салтанатты жиынға республикалық телеарналар мен басылымдардың журналистері, танымал блогерлер және Қорғаныс министрлігінің баспасөз қызметі мен «Қазақстан сарбазы – Воин Казахстана» газетінің қалыптасуына атсалысқан әскери журналистиканың ардагерлері қатысты.Кездесу соңында вице-адмирал Серік Борамбаев қатысушыларға кәсібилігі, адалдығы және отандық әскери журналистиканың дамуына қосқан үлесі үшін грамоталар мен алғыс хаттар табыс етті.Бұл іс-шара Отан қорғаушылардың өмірі мен қызметі туралы алғашқы болып хабар тарататын адамдарға деген құрмет пен ризашылықтың жарқын дәстүріне айналды.Ақпарат көзі : https://www.gov.kz/memleket/entities/mod/press/news/details/1101322?lang=kk

«Біртұтас ел – біртұтас жер» республикалық акциясы аясында Қорғаныс министрлігінің ақпараттық-түсіндіру тобы жастардың патриоттық рухын көтеріп, Отан алдындағы борышын өтеуге деген ынтасын арттыру мақсатымен Қарағанды облысына келді. Қарағанды қаласында Қорғаныс министрлігінің офицерлері Бауыржан Момышұлы және Нұркен Әбдіров атындағы жалпы білім беретін мектептердің оқушыларымен кездесті. Министрлік өкілдері оқу орындарының материалдық-техникалық базасымен танысып, Жауынгерлік даңқ мұражайы мен балалар әскери істің алғашқы қырларын меңгеріп, Қазақстан армиясының тарихымен танысатын «Жас сарбаз» сыныптарын аралады. Отан қорғаушылар жасөспірімдерге әскердегі қызметтің маңызы, кәсіби өсу мүмкіндіктері, әлеуметтік кепілдіктер мен жеңілдіктер туралы айтты.– Мектеп оқушылары және студенттермен кездесулерде біз оларға әскер қатарында қызмет етудің артықшылықтарын түсіндіріп, сұрақтарына жауап береміз. Сондай-ақ ардагерлеріміз де ұмыт қалмайды. Олардың өмір жолы жас ұрпақ үшін тәрбие мектебі, – деді Қорғаныс министрлігі Тәрбие және идеологиялық жұмыс департаментінің өкілі полковник Дәулет Бейсеков.Ақпараттық топ құрамында ҚР ҚК Ұлттық әскери-патриоттық орталығы Әскери-тарихи музейінің қызметкерлері, Орталық ансамблінің әртістері мен Орталық әскери оркестрінің музыканттары бар. Олар Ұлы Жеңістің 80 жылдығына арналған көрме мен концерт ұйымдастырды.Ұлы Отан соғысының ардагері Виктор Шелудяковқа бару бағдарламаның ерекше бөлімі болды. Биыл ардагер 100 жасқа толмақ. Қорғаныс министрлігінің өкілдері қарт майдангерге елге сіңірген еңбегі мен жас ұрпақ тәрбиесіне қосқан үлесі үшін алғыс білдірді.Әскерге шақыру пунктінде министрлік өкілдері жақын күндері Қарулы күштер қатарына аттанатын болашақ сарбаздармен де жүздесті. Олар жігіттерге табандылық, төзімділік пен сәттілік тіледі. Сондай-ақ, әскердегі қызмет – тек абыройлы міндет қана емес, әр азаматтың тұлға және ел азаматы ретінде қалыптасуындағы маңызды кезең екенін атап өтті.Алдағы күндері ақпараттық-түсіндіру тобы Қарқаралы ауданында жұмысын жалғастырып, Шахтинск және Теміртау қалаларына баруды жоспарлап отыр.Ақпарат көзі : https://www.gov.kz/memleket/entities/mod/press/news/details/1101268?lang=kk

Зерттеу нәтижелерімен Астанада Сауда және интеграция министрлігі, QazTrade, мемлекеттік органдар мен халықаралық ұйым өкілдері танысты. Бұл жұмыс Қазақстанның сауда саласындағы цифрландыру қарқынын бағалап, жеделдетуді қажет ететін бағыттарды көрсетеді. Жоба Еуропалық одақ пен Халықаралық сауда орталығының қолдауымен жүзеге асуда. Зерттеу жұмысы сыртқы экономикалық қызметке қатысы бар 27 негізгі қызметті қамтыды. Олардың 81 %-ы электронды форматта көрсетілсе, 19 %-ы әлі де қағаз түрінде қалып отыр. Сондай-ақ 15 мемлекеттік IT-жүйе өзара байланыссыз жұмыс істейтіні анықталды, олардың тек 11-і ғана ведомствоаралық электронды жүйеге қосылған, ал 14 жүйе интеграцияны қажет етеді. CART.IS деректері көрсеткендей, трансшекаралық рәсімдердің 60 %-ы басқа елдердің жүйелерімен, ең алдымен Ресей, Қытай, Әзербайжан, Өзбекстан және Қырғызстанмен цифрлық байланысты қажет етеді. Мұндай байланыс болмаса құжат рәсімдеу қайталанып, бизнес өкілдері қосымша шығынға ұшырайды. Сауда және интеграция вице-министрі Айдар Әбілдабеков сауда рәсімдерін оңайлату тек цифрландырумен шектелмей, мемлекеттік жүйелердің үйлесімді архитектурасын қажет ететінін айтты. «CART.IS жай зерттеу емес. Бұл – сыртқы сауданы жылдам, ашық және болжамды етуге бағытталған нақты құрал», – деді ол. Еуропалық одақтың Қазақстандағы елшісі Алешка Симкич өз сөзінде Қазақстан Орта Азияда цифрлық трансформация саласындағы көшбасшы екенін атап өтті. «Қазақстан цифрлық үкімет пен қағазсыз сауданы дамытуда үлкен нәтижелерге қол жеткізді. Бұл – Еуропамен экономикалық байланыстарды кеңейтуге берік негіз», – деді дипломат. Зерттеу барысында 12 мемлекеттік мекеменің тек бесеуінде ғана цифрландырумен айналысатын жеке департаменттер бар екені анықталды. QazTrade басқарма төрағасының орынбасары Нұрлан Құлбатыровтың айтуынша, сауданы толық қағазсыз форматқа көшіру Қазақстанның жыл сайынғы сауда айналымын 10–15 %-ға арттыра алады. «Бұл бизнес шығындарын азайтып, экспорттық әлеуетті еселей түседі», – деді ол. CART.IS талдауы «Ready4Trade: Транскаспий көлік дәлізі арқылы өркендеуге жол» жобасы аясында жүргізілді. Жоба Еуропалық одақтың қаржыландыруымен және Халықаралық сауда орталығының жүзеге асыруымен іске асуда. Оның мақсаты – сауда рәсімдерін жаңғырту, өңірлік байланыстарды нығайту және Орталық Азия елдеріндегі шағын және орта бизнесті қолдау. Халықаралық сауда орталығы – Дүниежүзілік сауда ұйымы мен БҰҰ-ның бірлескен агенттігі, ол дамушы елдердің кәсіпорындарын жаһандық нарықтарға шығуға жәрдемдеседі. Ал Еуропалық одақ 27 мемлекетті біріктіріп, тұрақты даму, демократия және еркін сауда қағидаттарын ілгерілетеді.Ақпарат көзі : https://www.gov.kz/memleket/entities/mti/press/news/details/1100974?lang=kk

2025 жылғы 7 қарашада Алматыда ҚР Парламенті Мәжілісі жанындағы Қоғамдық палатаның көшпелі отырысы өткізіліп, оған ҚР Ұлттық экономика вице-министрі Бауыржан Омарбеков қатысты.Талқылаудың негізгі тақырыбы — Мәжіліс депутаттарының бастамасымен "Жергілікті мемлекеттік басқару және өзін-өзі басқару туралы" Қазақстан Республикасының Заңына өзгерістер мен толықтырулар енгізу туралы" заң жобасы.Вице-министр өз сөзінде жергілікті өзін-өзі басқару жүйесін жетілдіру бойынша жүргізіліп жатқан реформалардың маңыздылығын атап өтіп, заң жобасының негізгі ережелеріне тоқталды.Жергілікті өзін-өзі басқару, деп атап өтті ол, азаматтық белсенділіктің институционалдық негізін, мемлекет пен қоғам арасындағы сенім мен жауапкершілікті қалыптастырудың маңызды тетігі.Сайлау институтын дамытуВице-министр 2021 жылы ауылдық округ әкімдерін тікелей сайлау енгізілгенін еске салды. 2025 жылғы 1 қарашадағы жағдай бойынша 863 ауыл әкімі сайланса, реформа басталғаннан бері 3,5 мыңға жуық сайлау өткізілген.Келесі кезеңде аудан әкімдерінің тікелей сайлауы енгізілді. 2022 жылы тиісті заң қабылданып, 2023 жылы пилоттық сайлау өткізілді. Ал ағымдағы жылы тұрақты сайлау басталды. Бүгінгі таңда облыстық маңызы бар 48 аудандық және 4 қалалық әкім сайланды.. Ағымдағы жылы сайлау еліміздің жеті өңірінде, Солтүстік Қазақстан, Алматы, Ақмола, Қызылорда, Түркістан және Абай облыстарында, сондай-ақ Шығыс Қазақстан облысының бір ауданында өтті.Заңнаманы жетілдіруАғымдағы жылғы 30 маусымда Мәжіліске сайлау процестерін одан әрі дамытуға бағытталған заң жобалары енгізілді. Олар кандидаттардың сайлау қорын құруын, осы қордан тыс қаржыландыруға тыйым салуды және басқа да түзетулерді көздейді.Негізгі міндеттің бірі сайлау алдындағы уәделерді орындау жауапкершілігін арттыру болып қала береді.Қаржылық тәуелсіздік және жаңа кіріс көздеріҚаржылық тәуелсіздік дегеніміз сайланған әкімдердің тиімді жұмыс істеуінің негізгі шартының бірі.IV деңгейдегі бюджет енгізілген сәттен бастап (2018 жылдан бастап) ауылдық бюджеттерге жеке түсімдер 3,5 есеге - 2024 жылы 32,2 млрд теңгеден 112,2 млрд теңгеге дейін өскен.Қаржы базасын одан әрі нығайту үшін су ресурсын пайдаланғаны үшін төлемді, кейбір қызмет түріне лицензияны және басқа да төлемді қосқанда, салық пен алымды қайта бөлу арқылы кіріс көзін кеңейту ұсынылады.Оқыту және цифрландыру2025 жылы басқарушылық құзыреттер мен инфрақұрылымды дамытуға бағытталған ауылдық округ әкімдерін қайта даярлау бағдарламасы іске қосылды. Оқытудың бірінші кезеңінде 1 784 әкім қамтылса, екіншісі қыркүйекте басталды. 428 қатысушы оқытылуда.Бұдан басқа, пилоттық режимде мемлекеттік деректер базасына қол жеткізуді қамтамасыз ететін "Әкімнің цифрлық жұмыс орны" жобасы іске асырылуда.Ол еліміздегі 17 өңірдегі 34 ауылды қамтиды. Жыл соңына дейін жобаны барлық ауылдық округте енгізу жоспарлануда.Бауыржан Омарбеков ұсынылған шаралар жергілікті билік органдарының қаржылық және институционалдық дербестігін нығайтуға, жергілікті жердегі басқарудың ашықтығы мен тиімділігін арттыруға бағытталғанын атап өтті.Ақпарат көзі : https://www.gov.kz/memleket/entities/economy/press/news/details/1100917?lang=kk

Тұтынушылардың құқықтарын қорғау – сауда саласындағы мемлекеттік саясаттың басым бағыттарының бірі болып табылады. Қазақстан Республикасының өңірлеріндегі Сауда және тұтынушылардың құқықтарын қорғау департаменттері азаматтардың өтініштеріне жедел әрекет етіп, олардың заңды құқықтары мен мүдделерін қорғауға бағытталған шараларды жүйелі түрде жүзеге асырып келеді. Қазақстан Республикасының Сауда және интеграция министрлігінің Шымкент қаласы бойынша Сауда және тұтынушылардың құқықтарын қорғау департаментіне азамат А.алтыннан жасалған зергерлік бұйымды интернет-дүкен арқылы сатып алу кезінде құқықтарының бұзылғаны жөнінде өтінішпен жүгінген. Тауарды алғаннан кейін тұтынушы бұйымнан ақау анықтап, оны ауыстыруды немесе ақшасын қайтаруды талап еткен. Алайда сатушы заңды талапты орындаудан бас тартқан. Тұтынушы Департаментке жазбаша өтініш жолдап, оған фото және бейнематериалдарды, бақылау-касса машинасының чегін және талап хаттың көшірмесін қоса тіркеген. Аталған өтініш негізінде Қазақстан Республикасының Кәсіпкерлік кодексіне сәйкес жоспардан тыс тексеру жүргізілді. Тексеру барысында сатушының «Тұтынушылардың құқықтарын қорғау туралы» Қазақстан Республикасының Заңында белгіленген талаптарды және шағымды қарау мерзімдерін бұзғаны анықталды. Нәтижесінде кәсіпкерлік субъектісіне қатысты Әкімшілік құқық бұзушылық туралы кодекстің 190-бабының 5-бөлігі бойынша әкімшілік шаралар қолданылды. Тексеру қорытындысы бойынша сатушы өз кінәсін мойындап, тұтынушыға 95 000 теңге сомасындағы ақшалай қаражатты толық көлемде қайтарды. Осындай ұқсас жағдай Шымкент қаласындағы ірі сауда желісінің бір филиалында да тіркелген. Сатып алушы витринада көрсетілген баға мен кассалық чекте көрсетілген сома арасында айырмашылық бар екенін анықтаған — 1990 теңге орнына 2990 теңге. Азаматтың өтініші негізінде Департамент тексеру жүргізіп, оның нәтижесінде кәсіпкерге бұзушылықтарды жою туралы нұсқама берілді және әкімшілік құқық бұзушылық туралы хаттамажасалды. Мұндай мысалдар тұтынушылардың құқықтарын қорғау саласында мемлекет тарапынан жүйелі бақылау мен нақты қолдау көрсетіліп отырғанының айқын дәлелі болып табылады. Азаматтар өз құқықтарының бұзылған жағдайында тиімді қолдау мен объективті қарауға, сондай-ақ Қазақстан Республикасының заңнамасына сәйкес өз мүдделерінің қорғалуына сене алады.Ақпарат көзі : https://www.gov.kz/memleket/entities/mti/press/news/details/1100863?lang=kk

Бұл мерекелік күн 1929 жылғы 7 қарашада республикалық «Қызыл әскер» газетінің бірінші нөмірі жарыққа шыққан күнімен байланысты. Тәуелсіз Қазақстанның Қорғаныс министрлігі құрылған соң Орталық Азия әскери округінің «Боевое знамя» газеті базасында «Қазақстан сарбазы – Воин Казахстана» басылымын шығару ұйымдастырылды. Газеттің алғашқы 1992 жылдың 16 желтоқсанында нөмірі қазақ және орыс тілдерінде жарық көрді.Қазіргі таңда қорғаныс ведомствосының жанынан «Сарбаз» газеті мен «Айбын» журналы шығып тұрады. Бұл мерзімді басылымдардың бетінде республикалық және халықаралық деңгейдегі оқиғалар, әскери оқу-жаттығулар, әскери қызметшілердің спорттық жетістіктері, мәдени іс-шаралар және министрліктің әлеуметтік жобалары туралы материалдар жарияланады.Қорғаныс министрлігінің ақпараттық-коммуникациялық стратегиясын Ақпарат және коммуникациялар департаменті жүзеге асырады. Оның құрамында БАҚ-пен және қоғаммен байланыс жасайтын баспасөз қызметі жұмыс істейді.Медиа саласының мамандары БАҚ-пен өзара іс-қимыл жасайды, ресми хабарламалар дайындайды, брифингтер, баспасөз конференцияларын, әскери дискурстар, журналистер мен блогерлерге арналған баспасөз турларын өткізеді. Биылғы жылы өңірлерге оннан астам журналистік сапар ұйымдастырылды. Қазақстандық «қалам мен микрофон шеберлері» Бейнеу, Ақтау, Аягөз, Гвардейск, Қарағанды және басқа да гарнизондарда болды. Астанада журналистер әскери парадқа, ал Ақтөбеде «Айбын» халықаралық әскери-патриоттық жастар жиынына дайындық шараларымен танысуға мүмкіндік алды.Әскери журналистер, фотографтар, операторлар, мобилографтар, видеоинженерлер мен дизайнерлерден тұратын топ әртүрлі медиаөнімдерді шығарады. Олардың жұмыстары Қорғаныс министрлігінің ресми сайтында, ведомстволық басылымдарда жарияланып, бұқаралық ақпарат құралдарында және Telegram, Instagram, YouTube, TikTok әлеуметтік желілерінде таратылады. Жаңалықтар мен имидждік контент аудиторияға маңызды оқиғалардан хабардар болуға көмектеседі. Сонымен бірге әскери өмірдің ерекшелігін көрсетіп, үздік әскери мамандар туралы баяндайды.Әскери тілшінің еңбегі адалдықты, шығармашылық ойлау қабілетін, батылдықты және экстремалды жағдайларда жұмыс істеуге дайын болуды талап етеді. Тапсырманы сәтті орындау үшін ол әрдайым оқиғаның ортасында, бір қадам алда және бір саты жоғары болуы тиіс.Ақпарат көзі : https://www.gov.kz/memleket/entities/mod/press/news/details/1100665?lang=kk

Қорғаныс министрлігінің алқасы аясында ҚР Ұлттық қорғаныс университеті базасында қазіргі қарулы қақтығыстар тәжірибесі негізінде әскерлерді басқарудың жаңа тәсілдеріне арналған оқу-әдістемелік жиын өтті. Іс-шараны Қазақстан Республикасының Қорғаныс министрі авиация генерал-лейтенанты Дәурен Қосанов ашты.Жиынға Қорғаныс министрінің орынбасарлары, Қарулы күштер түрлерінің бас қолбасшылары, өңірлік қолбасшылықтар мен әскер тектерінің қолбасшылары, құрамалар мен әскери бөлімдердің командирлері, Қарулы күштердің сержанттары және жергілікті әскери басқару органдарының бастықтары қатысты.Оқу-әдістемелік жиын барысында әскерлерді даярлаудың өзекті мәселелеріне бағытталған әдістемелік және практикалық сабақтар ұйымдастырылды.Қорғаныс министрінің бірінші орынбасары – Қазақстан Республикасы Қарулы күштері Бас штабының бастығы генерал-лейтенант Сұлтан Қамалетдиновтың басшылығымен қазіргі заманғы қарулы қақтығыстар тәжірибесі тұрғысынан әскерлерді басқару мәселелеріне арналған дөңгелек үстел өтті. Онда қарулы күрестің заманауи тәсілдерінің даму үрдістері талданып, технологиялық факторларға баса назар аударылды. Атап айтқанда, ұшқышсыз ұшу аппараттарын қолдану және оларға қарсы іс-қимыл, жасанды интеллектіні әскерлерді басқарудың автоматтандырылған жүйесіне енгізу, сондай-ақ тылдық және техникалық қамтамасыз ету мәселелері қаралды.Қорғаныс министрлігі, Бас штаб және Қарулы күштердің басшылық құрамы 2025 жылы өткен оқу-жаттығулар барысында анықталған проблемалық мәселелер мен кемшіліктерге жан-жақты талдау жасады. Жиын қорытындысы бойынша жауынгерлік дайындықты жоспарлау, басқару жүйесін жетілдіру және әскерлерді жан-жақты қамтамасыз ету бағытындағы ұсыныстар мен нақты шешімдер әзірленді.Жоспарға сәйкес барлау, радиоэлектрондық күрес, байланыс, ақпараттық технологиялар және киберқауіпсіздік құралдарын қолдануға арналған әдістемелік және практикалық сабақтар өткізілді.Сонымен қатар Қорғаныс министрінің орынбасарлары өздері жетекшілік ететін бағыттар бойынша лауазымды тұлғалардың баяндамаларын тыңдап, алдағы оқу жылына арналған міндеттерді айқындады. Онда жауынгерлік даярлықты ұйымдастыру, әскери тәртіп пен әскерлер қызметі, тылдық және техникалық қамтамасыз ету, байланыс жүйесін ұйымдастыру, сержанттар корпусының қызметін жетілдіру мәселелері қаралды.Жиын соңында қатысушылар жедел өнер және тактика пәндері бойынша сынақ тапсырып, мемлекеттің қорғанысы саласындағы басшылық құжаттар бойынша білім деңгейлері тексерілді.Ақпарат көзі : https://www.gov.kz/memleket/entities/mod/press/news/details/1100615?lang=kk

Бүгін облыс әкімдігінде ауыл шаруашылығы тауар өндірушілері мен кредиттік серіктестіктердің өкілдерімен кездесу өтті. Кездесуге облыс әкімінің орынбасары Бақытұлы Бақытнұр төрағалық етті.Басқосу барысында шаруа қожалықтарының негізгі мәселелері – агроөнеркәсіп кешенінің субъектілерін несиелеу кезіндегі сыйақы мөлшерлемелерін субсидиялау, сондай-ақ ауыл шаруашылығы жануарларын, техника мен технологиялық жабдықтарды лизинг арқылы алу мәселелері қаралды.Қазіргі уақытта көптеген шаруашылықтар несиелерін толық мөлшерлеме бойынша өтеп отыр. Бұл өз кезегінде өндірістік шығындардың артуына және шаруаларға қаржылық ауыртпалықтың түсуіне алып келуде.Өз сөзінде облыс әкімінің орынбасары Бақытұлы Бақытнұр атап өтті: «Қазіргі таңда аталған бағыттағы бағдарлама бойынша бюджеттік қаражат тапшылығы байқалады. Осыған байланысты субсидия төлемдері уақытша шектеліп отыр. Дегенмен, мәселені шешу жолдары қарастырылуда. Шаруаларға қаржылық институттардың орталық аппараттарына — “Аграрлық несие корпорациясы” және “ҚазАгроҚаржы” акционерлік қоғамдарына тікелей жүгініп, қолдау алу мүмкіндігін қарастыру ұсынылады».Облыс әкімдігі ауыл шаруашылығы тауар өндірушілерін қолдауға және саланың тұрақты дамуын қамтамасыз етуге бағытталған шараларды жүйелі түрде жалғастыратын болады.Ақпарат көзі : https://www.gov.kz/memleket/entities/almobl/press/news/details/1100566?lang=kk

Алматы облысында білім беру жүйесін инновациялық және технологиялық бағытта дамыту мақсатында «Ғылым. Инновация. Болашақ. STEAM AI» атты халықаралық ғылыми-тәжірибелік форум өтті.Ауқымды шара Талғар ауданы Жаңалық ауылындағы №27 «Келешек» мектебінде ұйымдастырылып, еліміздің және шетелдің жетекші педагогтері мен ғалымдарын, инновациялық білім беру саласының мамандарын біріктірді.Форум Қазақстан Республикасы Президенті Қасым-Жомарт Тоқаевтың «Жасанды интеллект дәуіріндегі Қазақстан» атты Жолдауында қойылған міндеттер мен 2025 жылды «Жұмысшы мамандықтар жылы» деп жариялау бастамасы аясында өтті.Форумның ашылуында Алматы облысы білім басқармасының басшысы Арайлым Төлеубекова сөз сөйлеп, білім беру жүйесіндегі инновациялық тәсілдердің маңыздылығын атап өтті.«Мемлекет басшысы Қасым-Жомарт Тоқаев цифрлық технологиялар еңбек нарығын түбегейлі өзгертіп жатқанын атап өтті. Бүгінде әлемде жасанды интеллект саласында жұмыс істей алатын мамандарға сұраныс жоғары. Сондықтан мұндай құзыреттілікті ерте жастан қалыптастыру аса маңызды. Бұл форум ұстаздардың кәсіби дағдыларын жетілдіруге және білім сапасын арттыруға бағытталған», – деді Арайлым Төлеубекова.Форум барысында қатысушылар заманауи технологиялар, робототехника, экологиялық жобалар және дрондар жарысы сияқты бағыттар бойынша ұйымдастырылған тәжірибелік алаңдар мен шеберлік сабақтарында өз жобаларын таныстырды.Тәжірибелік бағыттар қатарында:«Археология: Тамыры тереңнің – бұтағы биік»«Мамандықтар алаңы: Болашаққа дұрыс таңдау»«Eco ART шеберханасы»«SmartTech: Робототехника және Arduino»«Dragon Air Race: Дрондар жарысы» және басқа да бағыттар болды.Форум қатысушылары шараның жоғары деңгейде ұйымдастырылғанын және оның тәжірибелік маңызын ерекше атап өтті. Педагогтер Үміт Мұқан, Айнұр Жабаева және мектеп директоры Данияр Тайжанұлының айтуынша, форум тәжірибе алмасуға арналған бірегей алаң болып, оқушылардың функционалдық сауаттылығын дамытуға және білім сапасын арттыруға зор үлес қосты.Форум қорытындысында қатысушылар STEAM және жасанды интеллект бағытында білім берудің әдістемелік негіздерін жетілдіру бойынша ұсыныстар әзірледі.Президент Қасым-Жомарт Тоқаев атап өткендей, білім беру жүйесін инновациялық бағытқа көшіру – ел дамуының негізгі шарттарының бірі. Мұндай шаралар білім сапасын арттырумен қатар, жас ұрпақтың шығармашылық және сыни тұрғыдан ойлау қабілеттерін дамытуға айтарлықтай әсер етеді.Ақпарат көзі : https://www.gov.kz/memleket/entities/almobl/press/news/details/1100572?lang=kk

Ағымдағы жылдың 5-қарашасында Вашингтон қаласында Қазақстан Республикасының Энергетика министрі Е. Ақкенженов АҚШ Қаржы министрлігінің Шетелдік активтерді бақылау басқармасының (Office of Foreign Assets Control, OFAC) директоры Брэдли Смитпен кездесті.Кездесу барысында тараптар АҚШ-тың санкциялық саясатының Қазақстан экономикасына ықпал ететін жанама әсерлерін азайту және қолданыстағы шектеулер жағдайында әріптестік өзара іс-қимылды тиімді ұйымдастыру мәселелерін талқылады.Тараптар өзара құрмет пен сенімге негізделген ашық және прагматикалық диалогты жалғастыруға мүдделі екендерін атап өтіп, кеңестерді тұрақты өткізуге уағдаласты.Ақпарат көзі : https://www.gov.kz/memleket/entities/energo/press/news/details/1100574?lang=kk

Қостанай облысы әкімінің аппараты, Қазақстан Республикасы Мемлекеттік қызмет істері жөніндегі агенттігінің Қостанай облысы бойынша департаменті Әдеп жөніндегі уәкілдердің құзыреттерін арттыру мақстанында семинар өткізді. Семинар жұмысына қатысқандар: Баглай Бауыржан ҚР Президентінің жанындағы Мемлекеттік басқару академиясының  Қостанай облысы бойынша филиалының директоры, MA in International Relations, шақырылған спикерлер, сарапшылар, ОМО аумақтық бөлімшелерінің мен ЖАО әдеп жөніндегі уәкілдері, персоналды басқару қызметтерінің мамандары.Қазақстан Республикасы Мемлекеттік қызмет істері агенттігі Қостанай облысы бойынша департаментінің басшысы Е.А. Салықбаев, ОМО аумақтық бөлімшелері мен ЖАО әдеп жөніндегі уәкілдерінің стратегиялық мақсаттар мен тұжырымдамалық құжаттарды іске асыру, мемлекеттік қызметте әдептілікті арттыру, мемлекеттік қызметтегі кемсітушілік пен қызметтік теңдікті бұзудың алдын алу жұмысы жөніндегі мақсат пен міндеттерін айқындады.«Мемлекеттік қызметтегі кемсітушіліктің алдын алу. Әлеуметтік және гендерлік аспекті» тақырыбында Қостанай облысы Қоғамдық кеңесінің төрағасы, Ұлттық құрылтайдың мүшесі, мемлекеттік қызмет ардагері, философия ғылымдарының кандидаты, экс-сенатор С.Ш.Бектұрғанов сөз сөйледі.«Халықпен тиімді коммуникацияларды құру және дауларды басқару. Медиация құралдары» тақыбы бойынша Қостанай облысы әкімінің отбасылық-демографиялық және гендерлік саясат бойынша кеңесшісі, азаматтық қоғамның белсендісі, ҮЕҰ мәселесі және қоғаммен байланысы бойынша сарапшы Г.А. Капенова сөз сөйледі.«Мемлекеттік қызметшілердің клиентке бағдарланған коммуникациялар» тақырыбын А.Байтұрсынов Университетінің инклюзивтік білім және психологиялық қолдау орталығының меңгерушісі, педагогика ғылымдардырың кандидаты (РһD), ҚР Президентінің жанындағы Мемлекеттік басқару академиясының  Қостанай облысы бойынша филиалының оқытушысы Т.В. Зуева ашты.«Қоғамдық бақылау арқылы құқық бұзушылықтардың алдын алу» тақырыбында «АДАЛ ДОС ПРЕВЕНЦИЯ» ҚБ басшысы, «Ведомствоаралық жұмыс тобы» жобасына қатысушысы Ә.М. Байлин сөз сөйледі.Баглай Бауыржан ҚР Президентінің жанындағы Мемлекеттік басқару академиясының  Қостанай облысы бойынша филиалының директоры, MA in International Relations мемлекеттік қызметте құндылықтар енгізу, ашық диалог, сарапшылар ортасын құру, мемлекеттік қызметшілердің аналитикалық дағдыларды және біліктілігін қалыптастыру бойынша өз пікірін қосты.ҚатысушыларҚостанайоблысындамемлекеттікқызметкеорналасужәнеөткерутуралыақпаратпентанысты.Іріктеудіңзаманауимоделімемлекеттік қызметті әртүрлісаладағымамандарүшінашық етуге арналған.Мысалы, облыс әкімі аппараты ағымдағы жылдың үш тоқсанында облыс әкімі аппараты мен облыстық басқармалардың бос лауазымдарына 142 конкурс өткізді. Қатысушылар саны 521 адамды құрайды. Жоғарыда аталған конкурстарды өткізу кезінде жасына, ұлтына немесе жынысына байланысты шектеулер болған жоқ. Қатысушылардың көпшілігі 40 пен 50 жас аралығында (187 қатысушы) 23 пен 29 жас аралығында (114 қатысушы), 30 бен 35 жас аралығында (99 қатысушы), 35-40 жас (56 қатысушы), 50 және одан жоғары (39 қатысушы), 23 жасқа дейін (20 қатысушы). Конкурсқа қатысқан әйелдер – 260 адам, ерлер – 261. Бұл мәліметтер бос лауазымдарға орналасуға арналған конкурстарға қатысушылардың теңдігі туралы нақты айтады. Облыстың жергілікті атқарушы органдарында жұмыс істейтін әйелдер, ерлерге қарағанда (37%), айтарлықтай көп (63%). Облыстың жергілікті атқарушы органдары басшылығындағы әйелдердің үлесі 17% - құрайды, оның ішінде облыстық басқармалардың 20 басшысының 7-сі басшы-әйелдер (35%). Мемлекеттік қызметтегі барлық қызмет барысында қызметкерлер өздерінің біліктілігін арттыру, қайта даярлау және кәсіби өсу үшін тең мүмкіндіктерге құқылы, меритократия қағидатына сәйкес кәсіби қасиеттерге сүйене отырып, мансаптық өсу үшін тең мүмкіндіктер сақталады.Семинар сонында «Мемлекеттік қызметтегі кемсітушілік пен қызметтік теңдікті бұзудын алдын алуда әдеп жөніндегі уәкілдердің ролі» тақырыбында дөңгелек үстел форматында диалог өтті.Дөңгелек үстел барысында қатысушылар пікірлерімен бөлісіп, ұсыныстар енгізді. Тыңдаушыларға "Қазақстан Республикасының мемлекеттік қызметі туралы" Заң жобасы, мемлекеттік мекемелерде құқық бұзушылықтардың алдын алу, тұжырымдамалық құжаттарды іске асыру және құқықтық оқу бойынша жұмыстарды ұйымдастыру бойынша әдістемелік ұсынымдар берілді.Қ. Сюндиков, Костанай облысының әдеп жөніндегі уәкілі.Ақпарат көзі : https://www.gov.kz/memleket/entities/kostanay/press/news/details/1100375?lang=kk

Қазақстан мен Беларусь Алматы және Витебск облыстары деңгейінде өңіраралық әріптестікті нығайтуда. Алматы облысының әкімі Марат Сұлтанғазиев Беларусь Республикасының Витебск облыстық атқару комитетінің төрағасы Александр Субботинмен кездесті.Кездесу барысында Алматы облысы әкімдігі мен Витебск облыстық атқару комитеті арасындағы сауда-экономикалық, ғылыми-техникалық, мәдени және гуманитарлық салалардағы ынтымақтастық туралы меморандумға қол қойылды.Құжаттың мақсаты – өңіраралық өзара іс-қимылды дамыту, бірлескен жобаларды іске асыру, технологиялармен алмасу және Қазақстан мен Беларусь арасындағы әріптестік байланыстарды кеңейту.Кездесуге сондай-ақ Алматы облысында инвестициялық жобаларды жүзеге асыруға мүдделі Беларусь бизнес қауымдастығының өкілдері қатысты. Инвесторлар өнеркәсіп саласында ынтымақтасуға дайын екенін білдірді. Өзара іс-қимылдың ықтимал бағыттары, соның ішінде өндірістерді жергіліктендіру және бірлескен кәсіпорындар құру мәселелері талқыланды. Сондай-ақ технологияларды тарту, тәжірибе алмасу және өндірістік кооперацияны дамыту бағыттары бойынша қосымша консультациялар өткізу жөнінде келісімге қол жеткізілді.Меморандумға қол қою және қол жеткізілген уағдаластықтар өңірлер арасындағы ынтымақтастықты кеңейтудің, тәжірибе алмасудың және өнеркәсіптік, аграрлық және әлеуметтік салалардағы бірлескен бастамаларды ілгерілетудің берік негізі болмақ.Ақпарат көзі : https://www.gov.kz/memleket/entities/almobl/press/news/details/1100205?lang=kk

Қазақстандық өндірушілер China International Import Expo (CIIE) — жыл сайын күзде Қытайдың Шанхай қаласында өтетін сауда жәрмеңкесіне қатысты. ҚР Сауда және интеграция министрлігіне қарасты экспортты дамыту жөніндегі бірыңғай оператор QazTrade бұл жолы кооперацияның әлеуетін таныстырды. Биыл Қазақстан өз өніміг бірден барлық төрт алаңда ұсынды. Атап айтсақ, ұлттық павильон, Қытайдың кооперативтер федерациясы (China Co-Op), Jiangsu SOHO алаңында және алғаш рет Алматы қаласының жеке павильоны. Осы орайда, QazTrade пен Қазақстан кооперативтері ұлттық қауымдастығы (NACOFEC) Қытайдың ең ірі кооперативтік желісі China Coop-пен бірлесіп жұмыс жасайтынын мәлімдейді. Нәтижесінде жақын уақытта бал, қымыз, шұбат және кондитерлік өнімдердің алғашқы партиялары Қытай сөрелеріне шығады деп күтілуде. China Coop желісі 340 мыңнан астам дүкенді біріктіреді, ал жылдық айналымы 7 трлн юаньнан асады. Шанхайдағы қазақстандық кооперативтер стендінде 30-дан астам компания мен кооператив өнімін ұсынды. Олардың қатарында: QazExport Global, ТОО GEOM, TOO OIL ECO, Prombaza-7, SHERSTNEV GROUP, IceMaster, Dinastiya Agro, “Kokshetau Mineral Water” JSC, MADI, Nauryz-5, Run Planet Organic, JAIN LLP, Danaker LLP, Mareven Food Tien Shan, Telli Kazakhstan LLP, NefisGroup Ltd., Industry of Semirechye, KAZAGRO-PRO LLP, KOMEK ASIA GROUP, LLP «Light Way Solution», LLP «LWS Agro», LLP «LWS TERMINAL» және Baraka №1 бар. Биылғы Жолдауында Қазақстан Республикасының Президенті Қасым-Жомарт Тоқаев та кооператив жүйесін дамытуды тапсырған болатын. «Агроөнеркәсіп кешенін дамытуда ауылдық кооперация зор мүмкіндікке жол ашады. Осы бағытта пилоттық жоба іске асырылды. Оның нәтижесінде ауыл шаруашылығы кооперативтерінің өнімділігі екі есеге артса, мал басының саны шамамен төрттен біріне көбейді. Бұл табысты тәжірибені өңірлердің ерекшеліктерін ескере отырып, еліміздің барлық аумағында кезең-кезеңімен кеңейту қажет». QazTrade бас директоры Айтмұхаммед Алдажаров атап өткендей: «Қытай нарығына кооперация арқылы шығу отандық компанияларға әлдеқайда тиімді. Ұзақ мерзімде, тұрақты экспортқа шығуға мүмкіндік алады. Біз Қытаймен бірлескен маркетингтік зерттеулер жүргіздік. Алғашқы сынамалық өнімдерді жеткіздік. Нәтижесінде ұн, өсімдік майы, ет, бал, сүт пен кондитерлік өнімдерге басымдық беретін болдық». Спикердің айтуынша, бүгінде Қытай компанияларының Қазақстан мен Орталық Азияға шығуына ықпал ететін акселерация және оқыту бағдарламасы іске қосылып жатыр. Бұл шешім өзара тиімді ынтымақтастықты орнатыр, тұрақты сауда платформасын құруға жол ашады.Ақпарат көзі : https://www.gov.kz/memleket/entities/mti/press/news/details/1100001?lang=kk