Мәдениет және ақпарат министрлігі Азаматтық қоғамды дамыту тұжырымдамасын өзектендіру бойынша жұмысты жалғастыруда.Кезекті диалог алаңы бүгін Ақтау қаласында өтті. Іс-шараға өңірдің жергілікті атқарушы органдар, үкіметтік емес сектор өкілдері, сарапшылар, волонтерлер және ҚХА мүшелері қатысты.Кездесуде қатысушылар еліміздегі азаматтық қоғамды одан әрі дамыту жөніндегі пайымдарын бөлісіп, сондай-ақ қоғамдық шарттың жаңа форматын талқылады.Алаңда ҮЕҰ-лардың жобалық қызметін қаржыландыруды жетілдіру, қоғамдық кеңестер мен волонтерлердің рөлін арттыру арқылы азаматтық қоғамды нығайтуға және орнықты жүйені қалыптастыруға ықпал ететін жаңа тетіктер ұсынылды.Естеріңізге сала кетейік, Тұжырымдама 2020 жылы ҚР Президентінің Жарлығымен қабылданған. 2025 жылы оны бірінші іске асыру кезеңі аяқталады. Екінші кезеңі 2026-2030 жылдарды қамтиды. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/876896

Тәуекелдерді басқарудың автоматтандырылған жүйесі мемлекеттік өрт бақылау және қадағалау жүргізу үшін тәуекелі жоғары объектілердің тізімін қалыптастырды.Өрт қауіпсіздігі саласындағы 2025 жылғы 1 жартыжылдыққа бақылау және қадағалау субъектісіне (объектісіне) барумен профилактикалық бақылау жүргізудің цифрлық тізімі «электрондық үкімет» порталында орналастырылған.Сондай-ақ, өрт қауіпсіздігі саласындағы 2025 жылға арналған бақылау және қадағалау субъектісінің (объектісінің) біліктілік талаптарына сәйкестігіне тексеру жүргізу кестесі жарияланды.Бұл тексерулердің мақсаты объектілердің азаматтық қорғау саласындағы мемлекеттік бақылау мен қадағалаудың маңызды бөлігі ретінде өрт қауіпсіздігінің белгіленген талаптарына сәйкестігін қамтамасыз ету болып табылады.Толық тізіммен және кестемен сілтеме бойынша танысуға болады: rchl.govtec.kz.Естеріңізге сала кетейік, өрт қауіпсіздігі саласындағы критерийлерге сәйкес бақылау және қадағалау объектілері үш тәуекел дәрежесіне бөлінеді – жоғары, орташа және төмен.Тәуекел дәрежесі жоғары және орташа объектілердің профилактикалық бақылауы кестелер мен жартыжылдық тізімдер негізінде жүргізіледі.Жоспардан тыс тексерулерді қоспағанда, өрт қауіпсіздігі талаптарының сақталуына тәуекел дәрежесі төмен объектілер тексерілмейді.Ақпарат көзі : https://www.gov.kz/memleket/entities/emer/press/news/details/876840

9-сынып оқушысы Жеңіс Божаев инновациялық жоба ұсынды. Оның өнертабысы күн энергиясын тұрмыстық қажеттіліктерге пайдалануға мүмкіндік береді.Оқушының айтуынша, оның жобасы көмірге, отынға және электр энергиясына тәуелділікті азайтып, экологияға зиянды әсерді төмендетуге арналған. Ол үшін Жеңіс әуелі күн коллекторының сызбасын әзірлеп, бөлшектерден қондырғыны құрастырудан бастады.«Коллекторды құрастыру кезінде ағаш каркас пен пеноплекс жылу изоляциясын қолдандым. Осылайша, жүйенің қос қабатты шыны арқылы герметикалық тығыздығын қалыптастырдым. Жылу аккумуляторы ретінде арнайы ыдысты қолдана отырып, тиімділігін сынақтан өткіздім. 0,33 м² көлеміндегі коллектор құрылғысы 30°C температураға дейін қызу беріп, күні бойы 2 142 000 Дж энергия жинай алатынын көрсетті. Жобаны жүзеге асыру арқылы туған өлкемнің экологиясын жақсартуға үлес қосамын деп сенемін», – дейді жас өнертапқыш.Оның айтуынша, күн коллекторы арқылы ауыл шаруашылығы мен тұрмыстық ғимараттарды жылытуға және су қажеттіліктерін қамтамасыз етуге болады. Ауыл шаруашылығы үшін 30-90°C аралығындағы су қажет екенін ескерген оқушы бұл жүйенің өңір тұрмысын жақсартуға септігін тигізетініне сенімді.Аталған құрылғы сынақтан өтті. Оқушының есептеуінше, 23 м² аумақты қамтитын күн коллекторы арқылы орташа үйдің ішін жылытуға және ыстық сумен қамтамасыз етуге болады. Мұндай құрылғыны үйдің төбесіне орналастыру тиімді әрі кеңістікті үнемдейді.Ақпарат көзі : https://www.gov.kz/memleket/entities/edu/press/news/details/876858

Футболды дамыту мәселелері талқыланған жиында облыс әкімі Ермағанбет Бөлекпаев «Шахтер» клубының басқару моделін сынға алды. Соңғы кезде команданың спорттық жетістіктері көңіл көншітпейді. Қазіргі маусым қорытындысы бойынша «Шахтер» тізімде соңғы орында, яғни Премьер-лигадан шығып, Бірінші лига деңгейіне түсуге – басты үміткер.– Бұл – өңірлік футбол саясатында жүйелі түрде орын алған олқылықтардың нәтижесі. Өкінішке қарай, клубтың ұзақ мерзімді дамыту межесі, маркетингтік стратегиясы жоқ, – деді аймақ басшысы. – Футболшылардың іріктеу жүйесі сын көтермейді. 25 футболшының 12-сі – легионер. Жалпы алғанда, клуб шетелдік легионерлерді қолдау қорына айналды. Тұрақты қаржылық модель жасалмаған.Тығырықтан шығу жолы ретінде Ермағанбет Бөлекпаев бірқатар шұғыл және стратегиялық шараларды қабылдау қажеттігін мәлімдеді. Оның ішінде басқару тәсілдер мен кадрлық құрамды қайта қарау – кезек күттірмейтін мәселе. Бір айдың ішінде клубтың стратегиясын әзірлеу керек, оның аясында футбол инфрақұрылымын дамыту жоспарын ескеру қажет.Сондай-ақ, облыс әкімі балалар мен жасөспірімдер футболын дамыту, отандық мамандарды даярлауға қатысты тапсырмалар берді.Біріншіден, өңірлік ДСК-лар негізінде «Шахтер» футбол клубының филиалдарын ашу қажет. Бұл клуб академиясына іріктеу үшін селекциялық жүйе құруға мүмкіндік береді. Екіншіден, жергілікті жас дарындарға жол ашу мақсатында келесі жылы балалар мен жасөспірімдер командалары арасында футбол турнирін ұйымдастыруды тапсырды.– Мемлекет басшысы кәсіби және бұқаралық спортты дамыту бойынша бірқатар міндеттерді айқындап берді. Осыған байланысты жоғары білікті мамандарды даярлау қажет. Облыста балалар мен жасөспірімдер футболын дамыту бойынша футбол орталығы мен академияның жұмысын күшейту қажет. Балалар жаттықтырушыларын оқытуды, оның ішінде оларды шетелде оқыту мүмкіндіктерін қарастыру керек, – деп атап өтті Ермағанбет Бөлекпаев.Нақты спорттық меже – «Шахтер» келесі маусымда-Премьер-лига құрамына оралуы керек.Жиын барысында Ермағанбет Бөлекпаев футбол мен спортты дамытудың жалпы жоспары туралы айтып берді. Мәселен, Қарағандыда спорттық кластер құрылып, оның аясында УЕФА стандарттарына сәйкес заманауи стадион, жыл бойы жаттығуға болатын футбол манежін салу жоспарлануда. Ол үшін қала аумағында 67 гектар жер қарастырылған. Бұдан басқа, келесі жылы қаладағы Орталық стадион жаңартылады.Ақпарат көзі : https://www.gov.kz/memleket/entities/karaganda/press/news/details/876214

Қарағанды облысында инватакси қызметі қол жетімді бола түсті. Ерекшелігі бар азаматтар облыстың барлық қала аудандарына кез-келген уақытта қатынай алады.– Облыстың барлық өңірлерінде «Инватакси» қызметі жұмыс істейді. 120 автокөлігі бар 15 қызмет орталығы ашылды. «Инватакси» қызметін 2218 адам пайдаланады. Сонымен қатар, «Инватакси» аутизм спектрі бұзылған және церебралды сал ауруы диагнозы бар балаларға да қолжетімді, — деді облыс әкімдігінде өткен аппараттық кеңесте Қарағанды облыстық жұмыспен қамту және әлеуметтік бағдарламалар басқармасының басшысы Әсем Жүнісбекова.Сондай-ақ, шипажайға барғанда мүмкіндігі шектеулі азаматтардың жүріп тұруына жауапты күтушісінің шығыны толық өтеледі. Сол себепті аймақта шипажайларда ем алатын I топтағы мүгедектігі бар азаматтардың саны артқан.Қарағандыда мүгедектер арбасын жөндейтін сервис орталығы жұмыс істейді. Мұнда тек жөндеумен шектелмейді. Арбаларды тазартып береді. Сонымен қатар жеке параметрлерге сәйкес таңдап алу бойынша да көмек көрсетіледі. Арба жөнделіп жатқанда, орнына уақытша басқасы беріледі. Мұнда 4 мүмкіндігі шектеулі жан тұрақты жұмысқа орнласқан. Мүмкіндігі шектеулі жандар үшін қолжетімді әлеуметтік және транспорттық инфрақұрылымды жасау басты назарда.Осы мақсатта алыдмен әлеуметтік-мәдени қызмет көрсету нысандары мүгедектігі бар азаматтарға бейімделіп жасалуда. Бүгінде қолжетімділік интерактивті картасы толтыруда. Қазіргі деректерге сүйенсек, Қарағанды облысында 970 объектіде инклюзивті орта құрылды. Сайтқа кірген азаматтар картаны жетілдіру үшін өзінің пікірлерін қалдыра алады.Салынған жаңа ғимараттарды мүмкіндігі шектеулі жандарға қолжетімді ету үшін облыста комиссиялар құрылды. Олар нысанды пайдалануға беру актілерін келісуге қатысады. Сондай-ақ, объектілерді тексеріп, ғимарат иелеріне ұсыныстар беретін мобильді топтар жұмыс істейді.Мүгедектігі бар адамдарды қажетті арнайы техникамен қамтамасыз етіп, уақытылы оңалту емдік курстарынан өткізу маңызды, деп атап өтті Қарағанды облысының әкімі Ермағанбет Бөлекпаев.– "Инватакси" қызметі үздіксіз болуы тиіс. "Мүгедектер арбасын жөндеу" жобасы үлкен сұранысқа ие. Мүмкіндігі шектеулі әрбір адам оны пайдалана алуы үшін ол туралы көбірек ақпарат айтылуы керек. Интерактивті қолжетімділік картасының көмегімен мүгедектігі бар адамдар қажетті ақпаратпен танысуға мүмкіндік алады. Бұл жұмысты жалғастыру керек. Ғимараттың әрбір иесі объектіні бектіліген нормаға сәйкес келтіруі керек. Бұл ерекше азаматтардың өмірін жеңілдетеді. Қалалар мен аудандар әкімдерінен мүгедектігі бар адамдарға кедергісіз орта қалыптастыруды және оңалту жөніндегі шараларға ерекше назар аударуды сұраймын, – деді облыс әкімі Ермағанбет Бөлекпаев. Ақпарат көзі : https://www.gov.kz/memleket/entities/karaganda/press/news/details/876542

Облыстық бейнелеу өнері музейінде 7 қарашада қарағандылық суретші Мәдихан Қалмахановтың есептік жеке көрмесі ашылады. "Ізденістер, жолдар, шешімдер" деп аталатын экспозициясы автордың 50 жылдығына орай өткізіледі.Мәдихан Қалмаханов Қазақ Мемлекеттік өнер академиясының түлегі. Қазір ҚР Суретшілер Одағының мүшесі, ҚР Өнер академиясының корреспондент-мүшесі, Е. А. Бөкетов атындағы Қарағанды зерттеу университетінің аға оқытушысы, педагогика ғылымдарының магистрі, көптеген шетелдік, республикалық, облыстық көрмелер мен симпозиумдардың қатысушысы.Мәдихан Қалмахановтың шығармалары Қазақстан, Ресей, ТМД елдері, Германия, Франция, Кипр, АҚШ және Израиль музейлерінде және жеке коллекцияларда сақталған."Суретшінің шығармаларынан Отанға деген сүйіспеншілікті және қазақ халқының мәдени салт-дәстүрін көруге болады. Пейзаждар, портреттер, сюжеттік картиналар классикалық кескіндеме түрінде жасалған", – деп атап өтті Қарағанды бейнелеу өнері музейінің қызметкерлері.Көрме сағат 16:00 басталады.Экспозицияны 24 қарашаға дейін тамашалауға болады.Музейдің мекен-жайы: Бұқар жырау даңғылы, 76.Ақпарат көзі : https://www.gov.kz/memleket/entities/karaganda/press/news/details/876618

Қарағандыда "ҰЛЫ ДАЛА ОЙЫНДАРЫ – 2024" робототехника бойынша қалалық чемпионат өтті. Бұл жолы қазақтың ұлттық ойындарын дәріптейтін ұлттық нақыштағы Роботтар пайда болды. Жарыс 8 санат бойынша өтті: Бұл "Қыз қуу", "Асық ату", "Көкпар", "Жамбы ату", "Бәйгі", "Теңге алу", "Ханталапай", "Арқан тарту".Чемпионатқа 40 мектептен 74 команда қатысты.Чемпионат Пришахтинск шағын ауданындағы 33-ші мектеп базасында өтті.Білім ошағына кіре берістен мереке атмосферасы сезілді. Қатысушылар мен қонақтарды домбырашылардан құралған оркестор қарсы алды. Технология мұғалімінің жетекшілігімен мектеп оқушылары тіккен ұлттық киімдермен модельдер дефилеге шықты.Ұлттық ойындар ойнап, шеберлік сыныбында киізден өрнек жасауға мүмкіндік болды.Ашылу салтанаты әсерлі өтті. Кішкентай балалар патриоттық флешмоб ұйымдастырды.– Ұлы дала құндылықтары – біздің қоғамды біріктіреді. Бұл жарыс қазақ мәдениеті мен дәстүрін заманауи технологияларын ұштастырып отыр. Оқушылар үшін танымдық және қызықты, - дейді Қарағанды қалалық білім бөлімінің басшысы Есентай Әшім. – Қарағанды қаласының мектептерінде техникалық шығармашылыққа құмар оқушылар үшін барлық жағдай жасалған. Білім ордаларында робототехника кабинеттері бар. Үнемі жабдықтар жаңартылып отырады. Болашақ инженерлерге арналған көптеген үйірмелер, STEAM зертханалары қосымша білім беру деңгейінде жұмыс істейді.Чемпионаттың алдында үлкен дайындық жұмыстары жүргізілді, - деп атап өтті жарыстың басты ұйымдастырушысы Мағжан Жұмабаев атындағы гимназияның робототехника пәнінің оқытушысы Әділбек Бердіходжаев.Авторлық ережелер алдын-ала жазылып, арнайы ойын алаңдары жасалды.– "Көкпар" санаты үшін электронды табло жасалды. Мұнда нағыз ойын атмосферасы сезіледі. Яғни онлайн режимінде барлық қатысушылар мен жанкүйерлер жарысқа куә бола алады. "Ханталапай" жаңа санаты: робот әртүрлі жерлерде шашыраңқы асықтарды жинауы керек. Тапсырма оңай емес-объектінің қай жерде екенін есептеуі тиіс. Қажетті сызықты жоғалтпау да маңызды, – деді Әділбек Бердіходжаев.Сонымен қатар Әділбек Бердіходжаев ұлттық нақыштағы робототехника чемпионаты екінші мәрте ұйымдастырылғанын атап өтті. Болашақта дәстүрлі түрде, республикалық тіпті халықаралық деңгейде өткізгісі келетінін жасырмады. Бірақ бұл үшін осы бағытты қолдайтын меценаттардың, демеушілердің көмегі қажет.9-дан 16 жасқа дейінгі оқушылар роботтарды жинау және бағдарламалау дағдыларын көрсетті. Бұл сайыс талапкерлерге ұлттық ойындар әлемімен танысуға көмектесті.– Мен робототехникамен айналысқаныма 2 жыл болды. Көкпар ойыны туралы жақсы мәлімет алдым. Бірақ мұнда бірінші барлық ерекшеліктерді түсініп алу керек. Алдымен Робот шабандозды жылдам жинап, содан кейін оны смартфондағы Bluetooth арқылы сауатты басқара алуың қажет, – деп бөлісті № 33 мектеп – бөбекжай кешенінің 6- сынып оқушысы Ярослав Землянский.Жеңімпаздар кубок және медальдармен марапатталды. Тағы бір сыйлық-Аlihanrobotics онлайн орталығында тегін оқу мүмкіндігі. "Ұлы дала ойындары" абсолютті чемпионы атағын Мағжан Жұмабаев атындағы гимназияның командасы жеңіп алды.Ақпарат көзі : https://www.gov.kz/memleket/entities/karaganda/press/news/details/876659

Қарағандыда белгілі заңгер, Балапан Әбеновті еске алуға арналған жасөспірімдер арасында шағын футболдан облыстық турнир өтті. Бірінші орынды қарағандылық "Қыран" командасы иеленді.Балапан Әбеновті еске алу турнирі облыс орталығында 2018 жылдан бері өткізіліп келеді. Биыл жарысқа 12 команда қатысты.– Жарыс деңгейі жыл сайын артып келеді. Бұл жолы Ақмола, Қарағанды, Ұлытау облыстарының футболшылары қатысты. Жеңімпаздар мен жүлдегерлер дене шынықтыру және спорт басқармасынан кубоктар, медальдар және грамоталармен марапатталды. Сондай-ақ Балапан Әбеновтің туған туыстарының демеушілігімен ақшалай сертификаттар алды. Келесі жылы бұл турнир республикалық деңгейге шығады, – дейді жарыстың бас төрешісі Балғабай Нұрланов.Жарыс қорытындысы бойынша Қарағандыдан келген "Қыран" командасы алтын медальды қанжығалады. Күміс жүлде Абай ауданынан келген футболшылар иеленді. Үшінші орынды қарағандылық "Скаут" командасы жеңіп алды.Қарағанды облысының дене шынықтыру және спорт басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/876623

Осы күндері Шанхай қаласында (ҚХР) өтіп жатқан үкіметаралық келіссөздердің қорытындысы бойынша Алматы және Шанхай қалалары арасында бауырластық қатынастар орнатуға бағытталған ниеттестік туралы хатқа қол қойылды. Бұл келісім бай мәдени дәстүрлері мен елеулі экономикалық әлеуеті бар екі ірі мегаполис арасындағы достық байланыстар мен ынтымақтастықты дамытудың жаңа кезеңін білдіреді.Ниеттестік туралы хатқа Қазақстан Республикасының Қытай Халық Республикасындағы Елшісі Шахрат Нұрышев пен Шанхай қаласының мэрі Гун Чжэн қол қойды.Құжатта экономика, сауда, ғылым және технология, білім, мәдениет, денсаулық сақтау және туризмді қоса алғанда, бірлескен қызметтің негізгі бағыттары айқындалған. Тараптар теңдік және өзара тиімділік қағидаттарын басшылыққа ала отырып, аталған салаларда алмасу мен ынтымақтастықты жүзеге асыруға ниетті. Атап айтқанда, көрмелер, семинарлар, мәдени және ғылыми іс-шаралар өткізу жоспарлануда.Алматы мен Шанхай арасында бауырластық қарым-қатынас орнату түрлі салаларда бірлесіп даму үшін жаңа көкжиектер ашады, озық және үздік тәжірибелермен алмасуға, сондай-ақ өзара инвестициялар мен мәдени алмасуға жәрдемдесуге мүмкіндік береді.Анықтама: Шанхай-Қытайдың қаржы орталығы және әлемдегі ең ірі теңіз порты. Шанхай халқының саны 24 870 мың адамды құрайды, 2023 жылы қаланың ЖӨӨ 4,7 трлн құрады. Қытай юані (661,8 млрд. АҚШ). Шанхай экономикасының жетекші салалары қаржылық қызметтер, сауда, логистика, жоғары технологияларды қолданатын өндіріс болып табылады.Шанхай-ішкі және халықаралық сауда үшін елдің негізгі порты, импорттың/экспорттың құны Қытайдың жалпы көлемінің 20%-ын құрайды. 2013 жылдың қыркүйегінде Шанхайда материктік Қытайдағы алғашқы еркін сауда эксперименттік аймағы (ЕСА) құрылды. Бүгінгі таңда бұл ЕСА әлемдік деңгейдегі инфрақұрылыммен жабдықталған және қаланың ЖІӨ-нің 1/4 бөлігін және Қытайдың барлық сыртқы саудасының шамамен 40% -ын құрайтын жақсы дамыған қызмет көрсету секторының үйі болып табылады. Ақпарат көзі : https://www.gov.kz/memleket/entities/almaty/press/news/details/876815

Астанадағы Орталық коммуникациялар қызметінің алаңында Абай облысының әкімі Нұрлан Ұранхаев сөз сөйледі. Ол өз сөзінде инфрақұрылымды, әлеуметтік институттарды дамытуға, өңірдің экономикалық өсімін қолдауға бағытталған стратегиялық жоспарлармен және бағдарламалармен таныстырды.Ол жүзеге асырылып жатқан бағдарламалардың арқасында облыста оң экономикалық көрсеткіштер байқалып отырғанын атап өтті: қысқа мерзімді экономикалық көрсеткіш 105,3 пайызды құрады.Мемлекет басшысының тапсырмасын орындау мақсатында Үкімет қаулысымен инвестиция көлемі 1,9 триллион теңгені құрайтын 102 іс-шарадан тұратын өңірді әлеуметтік-экономикалық дамытудың 2023-2027 жылдарға арналған кешенді жоспары бекітілді. Биыл 286,1 млрд теңгеге 74 іс-шара іске қосылып, оның ішінде 7 іс-шара аяқталды.Инфрақұрылымды жаңғыртуға көп көңіл бөлінуде. 37,9 шақырым жылу желілерін және 17 жылу көздерін салу, қайта жаңарту және жөндеу жұмыстары жүргізілуде. 27,5 км желілер мен жылу көздері бойынша жұмыстар аяқталды, бұл жылу жүйелерінің тозуын 64,2%-дан 59,7%-ға дейін төмендетуге мүмкіндік береді. Сондай-ақ ЖЭО-3 құрылысының техникалық-экономикалық негіздемесі әзірленуде, ол 2024 жылдың соңына дейін аяқталады.Сумен қамтамасыз етуді жақсарту – маңызды міндет.Облыста сумен қамтамасыз етуге бағытталған 53 жоба жүзеге асырылуда, бұл орталықтандырылған сумен қамтамасыз ету деңгейін 96,6 пайызға жеткізуге мүмкіндік береді.Облыста тұрғын үй құрылысы белсенді жалғасуда. Жалпы ауданы 237,1 мың шаршы метрді құрайтын 39 көппәтерлі және жеке тұрғын үйдің құрылысы жүргізілуде. метр.Жаңа денсаулық сақтау нысандарын салу да басты назарда. «Ауылдық денсаулық сақтауды жаңғырту» ұлттық жобасы аясында 2025 жылға дейін облыста 65 алғашқы медициналық-санитарлық көмек нысаны салынады. Көкпекті мен Үржар өңірінде диализ орталықтары ашылып, жыл соңына дейін Ақсуат ауылында тағы бір орталық ашу жоспарлануда.Оқушыларға орын тапшылығын азайту мақсатында «Жайлы мектеп» пилоттық Ұлттық жобасы аясында 2700 орындық 4 мектептің құрылысы басталды. Биылғы жылдың соңына дейін 3 мектепті пайдалануға беру жоспарлануда.«Өздеріңіз көріп отырғандай, бізде нақты стратегиялық жоспар және оны жүзеге асыру үшін қажетті қолдау шаралары бар. Біз халықтың өмір сүруіне жайлы және қауіпсіз жағдай жасау үшін барлық ресурстарды барынша тиімді пайдалануға ниеттіміз. Әрине, мақсаттарымызға жету үшін уақыт қажет, бірақ біз бәріміз пайда болған мәселелерді тез және тиімді шешуге мүдделіміз. Сіздердің қолдауларыңыз бен қоғамның араласуымен біз ойлаған нәтижелерге қол жеткізіп, өңірімізді бұдан да көркейтетінімізге шын жүректен сенемін», – деді Нұрлан Ұранхаев.Сонымен қатар, абаттандыруға да айтарлықтай көңіл бөлінуде. Қазақстан Республикасы Үкіметінің қаулысымен бекітілген Семей қаласын дамытудың бас жоспары аясында ағымдағы жылы қаланы абаттандыруға 5,6 млрд. теңге бөлінген. 62 ауланы және төрт қоғамдық орынды абаттандыру жұмыстары аяқталды.Ақпарат көзі : https://www.gov.kz/memleket/entities/abay/press/news/details/876759

4 қарашада Парижде Қазақстан Республикасының Президенті Қасым-Жомарт Тоқаевтың Францияға мемлекеттік сапары аясында Қазақстан-Франция іскерлік кеңесінің 13-отырысы өтті. Бұл іс-шараға цифрлық даму, инновациялар және аэроғарыш өнеркәсібі министрі Жаслан Мәдиев бастаған ҚР Цифрлық даму министрлігінің делегациясы қатысты.Кеңес Қазақстан мен Франция компаниялары арасындағы байланыстарды орнатуға және нығайтуға ықпал етеді. Бұл екі елдің бизнестеріне жаңа серіктестер табуға, сауда және экономикалық қатынастарды кеңейтуге, сондай-ақ іскерлік қауымдастық өкілдері арасындағы сенімді арттыруға көмектеседі.Іс-шарада Жаслан Мәдиев сөз сөйлеп, цифрландыру саласындағы негізгі жетістіктерді атап өтті, соның ішінде инновациялық экожүйелерді, Govtech және стартап жобаларын дамыту, сондай-ақ жасанды интеллектті барлық салаға енгізу туралы айтты.Қазақстанда 20 миллион адам тұрады, олардың орташа жасы – 32 жас, бұл инновацияларға дайын, серпінді халықты білдіреді. Біздің ел жер көлемі бойынша әлемде тоғызыншы орында және Орталық Азияның жалпы ЖІӨ-нің шамамен 60%-ын құрайды.«Бұл көрсеткішті 200 000-нан астам маманды қамтитын және жыл сайын 40 000-ға жуық IT-түлек дайындайтын дамып келе жатқан IT-секторымыз қамтамасыз етеді. Қазақстан сондай-ақ әлемдегі ең көне және ірі ғарыш айлағының отаны болып табылады, бұл технологиялық прогреске деген ұмтылысымызды айқындайды. Осындай мықты негіздің арқасында біз цифрлық дәуірдің сынақтары мен мүмкіндіктеріне дайынбыз», – деп атап өтті Жаслан Мәдиев.Министрдің айтуынша, Қазақстан стартаптарды қолдау үшін жан-жақты және инновациялық инфрақұрылым құрды. Бұл экожүйенің орталығында Орталық Азияның жетекші технопаркі – Astana Hub орналасқан. Бүгінде Astana Hub құрамында 1500-ден астам компания-резидент бар, оның ішінде 400-ден астам халықаралық компаниялар жұмыс істеуде, бұл біздің жаһандық инновацияларға ашық саясатымызды көрсетеді. Соңғы бес жылда Astana Hub қатысушылары шамамен 555 миллион доллар инвестиция тартып, 1,9 миллиард доллар табыс тапты, бұл біздің экожүйеміздің жоғары әлеуетін айқындайды. Біздің жыл сайынғы IT-экспорт көлемі қазір шамамен 500 миллион доллардан асты, бұл біздің технологиялық секторымыздың жаһандық бәсекеге қабілеттілігін көрсетеді.Іс-шара аясында Қазақстанның цифрлық даму, инновациялар және аэроғарыш өнеркәсібі министрлігі мен NSDS Digital Investments арасында Қазақстанда және Орталық Азияда цифрлық және жасанды интеллект білімін дамыту мақсатында стратегиялық серіктестік туралы меморандумға қол қойылды. Меморандумға цифрлық даму, инновациялар және аэроғарыш өнеркәсібі министрі Жаслан Мәдиев пен NSDS Digital Investments-тің тең құрылтайшысы Николя Садирак қол қойды.Astana Hub басты серіктес рөлін атқаратын бұл ынтымақтастық 01Edu платформасы негізінде инновациялық бағдарламалау мектептері желісі – Tomorrow School-ды дамытуға, жасанды интеллект бойынша инновациялық оқу бағдарламасын құруға, қазақстандық таланттарды халықаралық аренада ілгерілетуге, сондай-ақ екі тараптың әртүрлі іс-шараларға қатысуына және білім алмасуға бағытталған.Tomorrow School – Astana Hub ұсынған Қазақстандағы алғашқы peer-to-peer форматындағы жасанды интеллект мектебі, ол 01Edu платформасында эксклюзивті түрде жұмыс істейді. Tomorrow School бағдарламалау бойынша бастапқы дайындықты талап етпей-ақ, AI саласында тегін білім алуға ерекше мүмкіндік береді.Бұл жоба Ұлттық жасанды интеллект орталығын құрудың бір бөлігі болып табылады.«Alem.AI ұлттық ИИ орталығы инновациялардың катализаторы болады, жылына 100-ге дейін стартаптарды іске қосуға қабілетті және Қазақстанды жасанды интеллектті дамыту мен қолдану саласындағы көшбасшы ретінде қолдайды», – деп түйіндеді Цифрлық даму министрі.ҚР ЦДИАӨМ баспасөз қызметіАқпарат көзі : https://www.gov.kz/memleket/entities/mdai/press/news/details/876805

Бүгін қала әкімі Ғ.Сыздықбековтің қатысуымен өткен аппараттық мәжілістің күн тәртібінде бірқатар өзекті мәселелер қаралды. Әділет департаменті басшысының м. а. А. Исабекова әкімшілік құқық бұзушылық істер бойынша сот қаулыларын орындау шеңберінде тәркіленген материалдарды жергілікті атқарушы органдарға берудің мәселелерін баяндады. Бұл ретте қала әкімі сала басшыларына бюджетке салмақ салмай, қолданыстағы қоймаларды тиімді пайдалануды тапсырды. Қала әкімінің орынбасары С. Құранбек жаңа жылдық безендірілудің тұжырымдамасы мен дайындығымен таныстырды. Ғ.Әбдімәжитұлы жауаптыларға аталған мерекені эстетикалық талғаммен, креативті түрде ұйымдастыру бойынша тапсырма берді. Ішкі саясат және жастар істері басқармасының басшысы А. Жұмақұлова әлеуметтік желілерде мемлекеттік органдардың БАҚ және қоғаммен өзара іс-қимылының мәселелері туралы баяндады. Қала әкімі сала басшыларына азаматтардан түскен өтініштерге сапалы жауап беріп, өзекті мәселелерді шұғыл шешуді тапсырды. Сонымен қатар қала басшысы ретсіз саудамен күресті жүргізе алмаған. Әл-Фараби ауданы әкімдігінің лауазымды қызметкерлеріне шара қолдануды ескертті. Алдағы ауа райының қолайсыздығын ескерген қала басшысы су алу қаупі бар аумақтарда тиісті шараларды жүргізіп, көпқабатты тұрғын үйлерде жылу сапасын қадағалауды тапсырды. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/876715

Батыс Қазақстан облысында қоршаған ортаның жағдайын жақсартуға және абаттандыруға бағытталған «Таза Қазақстан» республикалық экологиялық акциясы жалғасуда. Бүгін «Таза Alem» акциясы Оралдағы орталық базар ауданында белсенді қала тұрғындарын, жастар мен еріктілерді біріктіріп өтті.- Мемлекет басшысының бастамасымен «Таза Қазақстан» жалпыұлттық экологиялық шарасы тұтас еліміз бойынша өтуде. Ал бүгін бұл акция біздің облыста да өткізілуде. Осы сәтті пайдалана отырып, қала тұрғындарын, жастарды акцияға қатысуға шақырамыз, өйткені қаланың гүлденуі мен абаттандырылуы біздің қолымызда. Еліміздің дамуына атсалысу - әрбір азаматтың борышы, - деді БҚО жастармен жұмыс жөніндегі ресурстық орталығы басшысының орынбасары Нұрсұлтан Чапаев.Іс-шара қорытындысы бойынша акцияның үздік қатысушылары естелік сыйлықтармен марапатталды.Бүгінгі таңда санитарлық жұмыстарға 172 мыңнан астам тұрғын және 4 мың мекеме мен кәсіпорын қатысты. Акция аясында 76 мыңнан астам аула, оның ішінде 2508 көпқабатты үйдің аумағы және 74 мыңнан астам жеке тұрғын үйдің аумағы жиналды. Сондай-ақ, 231 саябақ пен скверді абаттандыру жұмыстары жүргізілді, 59 мыңнан астам ағаш көшеттері отырғызылды, 6 мыңнан астам тротуар плиталары жөнделді. 1221 әлеуметтік нысанның аумағы мен 1251 тарихи-мәдени ескерткіштің аумағы тазартылды.Экологиялық іс-шараларды өткізу үшін 1795 бірлік техника жұмылдырылып, 61580 тонна қоқыс шығарылды.Бұдан басқа, "Ғарыш сапары" АҚ анықтаған 198 заңсыз қоқыс үйінділерінің 112-сі жойылып, қалған 56 қоқыс үйіндісін жою жұмыстары жалғасуда.Ақпарат көзі : https://www.gov.kz/memleket/entities/bko/press/news/details/876725

Бүгін аймақтың 50 мектебінің басқарушы командаларын «Атырау жаңа мектебі» жобасы шеңберінде кәсіби қайта даярлау бағдарламасы басталды. Бұл сәуірге дейін жалғасып, заманауи білім беру жүйесін басқарудың тиімді менеджмент құралдары мен әдістерін үйретеді. Шараға облыс әкімінің орынбасары Дарын Шамұратов қатысып, педагогтердің біліктілігін арттыруда қажетті қолдау көрсетілетінін айтты,-деп хабарлайды облыс әкімінің баспасөз қызметі.- Мемлекет басшысы Қасым-Жомарт Кемелұлы Тоқаев: «Педагог — ұлттың жаңа сапасын қалыптастыру үдерісіндегі ең маңызды буын. Сондықтан білім беру жүйесін жоғары білікті мамандармен толық қамтамасыз ету өте маңызды»,-деп атап өтті. Бұл орайда білім беру саласының жаңашыл көшбасшыларын даярлауға баса мән беріледі. Себебі сіздер балаға білім беріп қана қоймай, олардың әлеуметтік дағдысы мен эмоциялық интеллектін дамытуға ықпалыңыз зор. Сіздер кәсіби тұрғыда өсіп, өзгерістерге дайын болуыңыз қажет,-деді Д.Шамұратов.Бағдарлама білім ордаларының директорлары мен басқарушы командаларына мектепті басқарудың жаңа модельдерін енгізу, деректерге негізделген стратегияларды қолдануды үйрету мақсатында өтіп отыр.Бағдарламаның ерекшеліктері:* Тәжірибелік тағылымдамалар: Эстония және Финляндиядағы PISA нәтижесі жоғары елдердің білім беру жүйесімен танысу. Қатысушылар үздік мектептердің базасында оқу бағдарламалары, оқыту жүйесі, педагогикалық кадрларды дайындау және ерекше білім қажеттілігі бар оқушыларды оқытып, тәжірибе алмасады.* Қазақстандық инновациялық мектептерді зерттеу: High Tech Academy, Шоқан Уәлиханов атындағы мектеп және Tamos Space School сынды оқу орындарының модельдерін зерделейді.* «Қазақстан мектебін басқару» симулятор ойыны: Қатысушылар практикалық кейстерді шешіп, бекітілген менторлармен бірге мектептің даму бағдарламасын құрастырады.Ақпарат көзі : https://www.gov.kz/memleket/entities/atyrau/press/news/details/876704

Жеңіс Қасымбектің Байқоңыр ауданының тұрғындарымен есептік кездесуі 7 қараша күні сағат 16.00-ден 15:00-ге ауыстырылды.Тікелей эфир мына парақшада: Байқоңыр ауданының баспасөз қызметі (Facebook) https://www.facebook.com/profile.php?id=100039180743930&mibextid=LQQJ4d. Өтетін орны: №87 мектеп, Иманов көшесі, 37.Ақпарат көзі : https://www.gov.kz/memleket/entities/astana/press/news/details/876651

Ауыл мектептерінің оқушыларына арналған жалпы білім беретін пәндер бойынша республикалық олимпиаданың ІІІ (облыстық) кезеңі 2024 жылғы 29 қазан-2 қараша аралығында Көкшетау қаласының Сәкен Жүнісов атындағы № 18 мектеп – лицей базасында өтті.Олимпиаданың мақсаты: Қазақстан Республикасының ауылдық жерлердегі мектеп оқушыларының дарындылығы мен қабілеттерін анықтау және қолдау үшін оңтайлы жағдайлар жасау, неғұрлым академиялық қабілетті оқушыларды іріктеу, олардың одан әрі зияткерлік дамуы мен кәсіби бағдарлануы.Олимпиадаға соңғы екі оқу жылында ауыл мектептерінде оқыған 370 оқушы қатысты. Олимпиада 13 жалпы білім беретін пәндер бойынша өткізілді. Жаратылыстану-математикалық бағыттағы 6 пән бойынша: математика, физика, химия, биология, информатика және география. Қоғамдық-гуманитарлық бағыттағы 7 пән бойынша: қазақ тілі мен әдебиеті, қазақ тілінде оқытатын мектептердегі орыс тілі, орыс тілі мен әдебиеті, орыс тілінде оқытатын мектептердегі қазақ тілі, Қазақстан тарихы, құқық негіздері, ағылшын тілі.Тапсырмалар дәстүрлі олимпиадалық тапсырмалар түрінде ұсынылды.Олимпиада аясында оқушылар Шахмет Құсайынов атындағы қазақ музыкалық драма театрында «Емтихан» спектаклін тамашалады.Іс-шараның қорытындысы бойынша 134 ақмолалық оқушылар жеңімпаздар, жүлдегерлер және грамота иегерлері атанды: І орын – 25, ІІ орын – 31, ІІІ орын – 64, грамота 14.Жаратылыстану-математикалық бағыттағы пәндері бойынша олимпиаданы өткізу қорытындысы бойынша барлығы 37 жүлдегер: І орын – 6, ІІ орын – 12, ІІІ орын – 20, грамота – 8.Қоғамдық-гуманитарлық бағыттағы пәндері бойынша олимпиаданы өткізу қорытындысы бойынша барлығы 82 жүлдегер: І орын – 19, ІІ орын – 19, ІІІ орын – 44, грамота – 6.Жеңімпаздар ауыл мектептерінің оқушыларына арналған жалпы білім беретін пәндер бойынша республикалық олимпиадасында Ақмола облысының намысын қорғайтын болады.Ақпарат көзі : https://www.gov.kz/memleket/entities/aqmola/press/news/details/876728

Шортанды ауданында 150 орынға шақталған дене шынықтыру-сауықтыру кешенінің құрылысы жүргізілуде. Жаңа нысан дене шынықтыру мен спортты дамытудағы маңызды қадам болмақ.Кешен заманауи спорт залдарын және әртүрлі спорт түрлеріне арналған алаңдарды қамтиды. Бұл нысанда дене шынықтыру және спортпен шұғылдану барлық жастағы тұрғындарға қол жетімді болады, бұл аудан тұрғындарының салауатты өмір салтын ұстануына ықпал етеді.«Қазіргі уақытта құрылыс-монтаждау жұмыстары белсенді жүргізілуде, бетон бағаналарын құю және отандық өндірістің үш қазандығы бар блоктық-модульдік қазандықты орнату жұмыстары аяқталды. Қабырғалық және төбелік сэндвич панельдеріне арналған материал әкелінді. Жоспар бойынша құрылыс 2025 жылы аяқталады», - деді Шортанды ауданының құрылыс бөлімінің басшысы Мерей Серікбол.Айта кету керек, Ақмола облысында спорттық ғимараттар желісін кеңейту мақсатында осы жылы Есіл және Қосшы қалаларында 2 дене шынықтыру-сауықтыру кешені, Целиноград және Бурабай аудандарында 2 спорт кешені пайдалануға берілді.Степногорск қаласында тез салынатын спорт кешені мен дене шынықтыру-сауықтыру кешенінің құрылысы аяқталуда. 7 нысанның құрылысы жүргізілуде: Щучинск қаласындағы Спорт сарайы, облыстың 6 ауданында 6 дене шынықтыру-сауықтыру кешені.Сондай-ақ, Көкшетау қаласында көпфункционалды кешеннің, Зеренді ауылында спорт залы бар спорт мектебінің құрылысы басталды.Ақпарат көзі : https://www.gov.kz/memleket/entities/aqmola/press/news/details/876736

Қына және Урюпинка ауылдарында жаңа фельдшерлік-акушерлік пункттер, ал Новорыбинка ауылында 3,7 мыңнан астам адамға қызмет көрсететін жаңа дәрігерлік амбулатория пайда болады. Бұған дейін медициналық қызметтер 1960-70 жылдары салынған ғимараттарда көрсетілген.«Медициналық мекемелерді құрудың басты мақсаты – ауыл тұрғындарын алғашқы медициналық-санитарлық көмекпен қамтамасыз ету, сонымен қатар профилактикалық тексерулердің, скринингтердің қолжетімділігін арттыру, ауруларды ерте анықтау және дер кезінде медициналық көмек көрсету, асқынулардың алдын алу. Заманауи талаптарға сай салынып жабдықталған амбулаториялар күніне 40 адамды қабылдай алатын болады», - дейді аудан әкімінің орынбасары Саят Кенжетай.Сонымен қатар, Новорыбинка ауылдық округінің тұрғындары қажетті медициналық жабдықтармен жабдықталған жаңа жедел жәрдем көлігін алады.Айта кетсек, «Ауылдық денсаулық сақтауды жаңғырту» бағдарламасы аясында Ақмола облысында медициналық объектілерді салу бойынша 38 жоба іске асырылуда, оның ішінде 14 дәрігерлік амбулатория, 21 фельдшерлік-акушерлік пункт және 3 медициналық пункт бар. Ақпарат көзі : https://www.gov.kz/memleket/entities/aqmola/press/news/details/876745

Алматы облысының әкімі Марат Сұлтанғазиев екіжақты байланыстарды нығайту және өзара тиімді ынтымақтастықтың жаңа мүмкіндіктерін іздеу мақсатында Хэнань провинциясында (Қытай) болды. Сапар барысында провинция губернаторы Ван Каймен кездесу өтіп, оның барысында әртүрлі салаларда, ең алдымен ауыл шаруашылығында бірлескен жұмыстардың келешегі талқыланды.Губернатор Ван Кай Хэнань үшін ауыл шаруашылығының маңыздылығына тоқталып, провинцияның Қытайдағы ең ірі астық орталығы екенін атап өтті. Ол сондай-ақ дамыған инфрақұрылымның, жүгері мен бидай өндірісінің жоғары деңгейіне, тамыр, май және құс шаруашылығының дамып келе жатқанына тоқталды.Ван Кай ынтымақтастықтың үш негізгі бағытын атап өтті: ауыл шаруашылығы, сауда-өнеркәсіптік әріптестік және гуманитарлық байланыстар. Ол транзиттік тасымалдау саласында бірлескен жұмыстың әлеуетін атап өтті, сондай-ақ академиялық тәжірбие алмасуды дамытуға қызығушылық танытты.Алматы облысының әкімі Марат Сұлтанғазиев өз кезегінде Қытаймен өзара тиімді ынтымақтастықтың маңыздылығына тоқталды. Ол Қазақстанның алдыңғы қатарлы өңірлерінің бірі саналатын Алматы облысында агроөнеркәсіп кешені, туризм мен өнеркәсіп дамығанын айтты. Ол сондай-ақ аймақтың ҚХР және Қырғызстанмен шектесетін стратегиялық орналасуына және дамыған көлік инфрақұрылымының барына тоқталды.Марат Сұлтанғазиев ынтымақтастықтың негізгі бағыттарын атап өтті:1. Ауыл шаруашылығы: суды үнемдейтін технологияларды қолдану, астық өндіру, құс шаруашылығы және сүт шаруашылығы бойынша тәжірибе алмасу.2. Құрылыс: Қонаев және Алатау қалаларын дамытуға Қытай инвестициясын тарту.3. Логистика: бірлескен индустриялық парктер құру және логистикалық орталықтарды дамыту.4. Білім: Алматы облысында бірлескен университеттер құру.Кездесу Алматы облысы мен Хэнань провинциясының өзара тиімді ынтымақтастығы екіжақты қарым-қатынастарды дамытуға септігін тигізетініне және екі тарапқа да нақты пайда әкелетініне сенім білдірумен аяқталды.Ақпарат көзі : https://www.gov.kz/memleket/entities/almobl/press/news/details/876670

2024 жылдың 22 қазаны мен 1 қарашасы аралығында «Халық қатысатын бюджет» бағдарламасы аясында Алматы қаласын абаттандыру жобаларына онлайн дауыс беру өтті. Келесі кезеңде онлайн дауыс берудің қорытындысы шығарылады.Қаланың әрбір аудан әкімдігі қабылданған өтініштер мен әрбір жобаға дауыс берген азаматтардың санын көрсете отырып, дауыс беру нәтижелерін қалыптастырады және талдайды. Қорытындылау 2024 жылдың 7 қарашасына дейін жалғасады.Барлығы 163 582 дауыс берілді, бұл 2023 жылмен салыстырғанда 31%-ға артық. Қала тұрғындары биылғы жылы келесі санаттар бойынша ең көп жобаларға дауыс берді- қоғамдық орындарда ересек тұрғындардың демалуы үшін беседкаларды, орындықтарды, қоқыс жәшіктерін, балалар және спорт алаңдарын орнату және жөндеу - 55 708 дауыс- аула аумақтарында және қоғамдық орындарда спорт және балалар алаңдарын орнату, жөндеу және жарықтандыру - 33 577 дауыс- қоғамдық аумақтарды құру, жөндеу және жарықтандыру – 32 898 дауысДауыс беруде келесі аудандар көш бастады: Медеу – 36 726 дауыс, Алмалы – 28 765 дауыс және Жетісу – 25 684 дауыс. Өткен жылы сайлаушылардың басым бөлігі Медеу ауданында дауыс берген.Алмалы ауданындағы тіркеу нөмірі 24102020003 бір жоба 1904 дауыс жинады. Төле би 160/24, Әуезов 32 және Бөгенбай батыр 255 үйлердің тұрғындары өз аулаларын су басумен күресуге жұмылдырылды. Бірлескен күш-жігердің арқасында жоба жасалып, схемалық эскизі сызылып, алдын ала сметасы есептелді. Тату көршілер өз бастамаларымен «Халық қатысатын бюджет» бағдарламасына белсене атсалысып, дауыс саны бойынша ауданның көшбасшысы атанды.Ең көп дауыс жинаған жобаларды аудан әкімдіктері 2025 жылы жүзеге асыратын болады.«Халық қатысатын бюджет» бағдарламасы бойынша кеңес немесе ақпаратты аудан әкімдіктерінен, сондай-ақ Алматы қаласы әкімдігінің Open Almaty Қоғамдық қабылдауынан 224 39 29 (ішкі 203) телефоны арқылы алуға болады.Еске салайық, Алматы әкімі Ерболат Досаевтың тапсырмасы бойынша 2024 жылы «Халық қатысатын бюджет» бағдарламасы бойынша қаржыландыру 18,8 млрд теңгеге (2023 жылы 12,9 млрд) дейін ұлғайтылды. Биылғы жылы аудан әкімдіктері 2023 жылғы дауыс беру жеңімпаздарының жобаларын жүзеге асыруды жалғастыруда, бүгінгі таңда 261 жоба жүзеге асырылды.Ақпарат көзі : https://www.gov.kz/memleket/entities/almaty/press/news/details/876631