🔹29 қазан – 9 қараша – Шахматтан әйелдерарасындағы МТ FIDE Women’s Grand Prix 2024 турнирі. Турнирге әлемнің 6 елінен (Қазақстан, Қытай, Үндістан, Германия, Грекия, Болгария, Моңғолия) ең мықты 10 шахматшы қатысады. Қазақстанқұрамасы сапынан Бибісара Асаубаева өнеркөрсетеді.Өтетін орны: Шымкент қ.🔹30 қазан – 7 қараша – Арбадағы теннистенГрекия ашық чемпионатыЖарысқа 12 елдің 50-ден астам спортшысықатысады. Олардың арасында Қазақстанның да өкілдері бар.Өтетін орны: Грекия, Афина қ.🔹30 қазан – 7 қараша – Джиу-джитсуданересектер арасындағы әлем чемпионатыЖарысқа әлемнің ең үздік спортшыларықатысады.Өтетін орны: Грекия, Афина қ.🔹31 қазан - 6 қараша – Ә.Асқаровты ескетүсіруге арналған ересектер арасындағы көкпарданреспубликалық ашық турнир. Жарысқа еліміздіңбарлық өңірі мен Астана, Алматы қалаларынан 150 спортшы қатысады.Өтетін орны: Шымкент қ.🔹1-5 қараша – Президенттік көпсайыстан ҚР кубогі. Жарысқа 15 өңірден 120 спортшы қатысады.Өтетін орны: Петропавл қ.🔹1-6 қараша – Голболдан ҚР чемпионатыЖарысқа алты өңірден 45 спортшы қатысады.Өтетін орны: Алматы қ.🔹1-7 қараша – Садақ атудан халықаралық турнир. Қазақстан құрамасы: Жантеміс Жұбаев, Дмитрий Ким, Мадина Бекметова, МансұрӘлімбаев, Мерей Жақып, Жанель Өмірзақова.Өтетін орны: Өзбекстан, Самарқанд қ.🔹1-8 қараша – Индорхоккейден ерлер мен әйелдер арасындағы ҚР чемпионаты (III-IV тур)Сайысқа 12 өңірден 100 спортшы қатысады.Өтетін орны: Жетісу обл.🔹1-8 қараша – Тоғызқұмалақтан жастар мен жасөспірімдер арасындағы ҚР чемпионатыСайысқа Астана, Алматы, Шымкент қалаларынан және барлық облыстан 280 спортшықатысады.Өтетін орны: Семей қ.Ақпарат көзі : https://www.gov.kz/memleket/entities/tsm/press/news/details/876211

28 қазанда Қазақстан халқы Ассамблеясының «Бейбітшілік пен келісім жолымен» халық экспедициясы» жобасы бойынша Астана-Қонаев-Түркістан бағытында пресс-тур басталған болатын.Жоба аясында Түркістан өңіріне іссапармен келген экспедиция делегаттарымен бірқатар іс-шаралар өтті.Жоба мақсаты – Қазақстан этностары өкілдерінің достығы мен татулығын, келісімін дәріптеу, ҚХА 30 жылдығына орайластырылған тақырыптық имидждік бейнероликтер түсіру. Блогерлер мен экспедицияның басқа да қатысушыларын этномәдени мұраның байлығымен, түрлі этностардың салт-дәстүрлерімен таныстыру. Сонымен қатар Қазақстан халқы Ассамблеясының этникалық тегіне қарамастан Қазақстанның барлық азаматтарының мемлекеттік тілді үйренуіне бағытталған жобаларын ақпараттық сүйемелдейді.Бірінші бағыт бойынша экспедиция мүшелерінің құрамында БАҚ-тың жетекші өкілдері – белгілі тележүргізушілер Надежда Палинка, Аделия Тухбатова, блогерлер – Алина Кан, Расул Серіков, Әділет Доқтырбек, қазақ тілінің жанашырлары Анастасия Нұғұманова, Анеля Пимичева, сондай-ақ этномәдени бірлестіктердің өкілдері Рустам Қайрыев, Адам Бойсаев бар.Пресс-тур аясында экспедиция мүшелері Түркістан қаласында жаңадан бой көтерген «Достық үйімен» танысты. Сондай-ақ «Қоғамдық келісім» КММ-сі ұжымымен және облыстық этномәдени бірлестіктер жетекшілерімен кездесті. Кездесуде өңірде этносаралық келісімді нығайтудың өзекті мәселелері талқыланды. Бұдан соң экспедиция мүшелері этнос өкілдері арасында ұйымдастырылған «Кім білгір?» интеллектуалды ойынын көріп, «Татулық – табылмас бақыт» пікірталас алаңында сұхбат құрды.Пресс-турға қатысушылар бүгін «Достық үйінде» түрік, ұйғыр, шешен-ингуш, татар-башқұрт этностарының тілі, мәдениеті және салт-дәстүрі іс-шарасына қатысты. Сондай-ақ жоба аясында рухани шаһарда ұлттық киім үлгілерінің таныстырылымы мен ұлттық қолөнер және тағамдар бойынша мастер-класс өтеді.Айта кетсек, пресс-турға қатысушылар Астана-Павлодар-Өскемен бағыты бойынша сапарын жалғастырады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/875556

Түркістанда «TURKISTAN INVESTMENT AND TOURISM FORUM – 2024» халықаралық инвестициялық форумы өтіп жатыр. Келелі басқосуға отандық және шетелдік инвесторлар мен жергілікті атқарушы билік органдарының өкілдері қатысты.Форумның пленарлық сессиясы әрі қарай тақырыптық панельдік отырыстарға жалғасты. «Қытайдың Қазақстандағы туризм жылы – 2025» тақырыбында өткен сессияда Түркістан облысы әкімінің бірінші орынбасары Зұлпыхар Жолдасов форумның маңыздылығына тоқталып, Түркістан облысы туризм саласында жоғары әлеуетке ие екенін атап өтті.– Түркістан облысы – Ұлы Жібек жолының тарихи, әрі мәдени орталығы. Аймақтың мәдени, тарихи және табиғи байлықтары шетелден келетін туристердің қызығушылығын жылдан-жылға арттырып келеді. Бүгінгі форумды пайдалана отырып, біз Қытай Халық Республикасымен инвестициялық және туристік әріптестікті дамытуға үлкен үміт артып отырмыз. Өткен жылы екі елдің Мемлекет басшыларының «Визасыз режимді» қабылдаған сәтінен бастап туризм саласындағы байланыстар нығая түсті. Қытайдағы Қазақстанның туризм жылы аясында бірқатар туристік көрмелерде, роуд-шоуларда облыстың туристік әлеуеті таныстырылды және бірқатар келіссөздерге қол жеткізді. Келесі жылы Қазақстандағы Қытайдың туризм жылы аясында туризм және авиация салаларында көптеген бірлескен жобаларды іске асыруға дайынбыз. Жаңа туристік бағыттарда рейстерді ашу, бірлескен туристік маршурттарды жүзеге асыру, туризм және авиация саласындағы инвесторларға қолдау көрсетуге дайынбыз. Әрбір жоба біз үшін маңызды және сіздермен бірге жаңа бастамаларға қол жеткіземіз деп үміттенемін, – деді Зұлпыхар Сансызбайұлы.Республика бойынша Түркістан облысы туристер үшін маңызды TOP туристік әлеуетке ие. Атап айтсақ, республикалық маңызы бар ескерткіштер бойынша бірінші орында, емдік-сауықтыру туризмі нысандарының саны бойынша бірінші орында тұр. Республика бойынша туризм саласына тартылған инвестициялар көлемі бойынша үшінші орынды алады. Облыста ЮНЕСКО-ның үш бірдей нысаны бар.Туризм саласын дамыту мақсатында өңірге соңғы 5 жылда 800 млн. доллар инвестиция тартылды. Жылдан-жылға жаңа туристік жобаларды іске қосу арқылы шетелдік туристердің санын арттыру көзделіп отыр. Ол үшін, Түркістан қаласында ұлттық қолөнерді насихаттау және туристерге бірегей кәдесыйларды ұсыну мақсатында алаңы 2,5 гектарды құрайтын «Қолөнер қалашығы» жобасын келесі жылы іске қосу жоспарлануда.Облыс әкімдігі туризмді дамыту және туристік инфрақұрылымдарды жақсарту үшін қолдау көрсетіп келеді. Сондай-ақ өңірдің халықаралық көлік логистикасына баса назар аударылып отыр. Өңірдегі жаңа халықаралық әуежай өз қызметін көрсетуде. Қазіргі әуежай – әлемдік стандарттарға сәйкес, ИКАО-ның 1-санаты бар жаңа нысан.Облысқа келетін шетелдік туристер үшін халықаралық әуежайдың ұшу географиясын кеңейту бойынша жұмыстар жүргізілуде. Қазір уақытта туристік чартерлік рейстерді ашу бойынша да келіссөздер жүргізілді.Сессияда «Dalaman Airport» халықаралық әуежайының директоры Хамди Гювенч, Түркістан облыстық туризм басқармасының басшысы Нұрдәулет Медеуов, «Kazakh tourism» ұлттық компаниясы жобаларды сүйемелдеу департаментінің директоры Тұрсын Әлішер, Hubei miaoshang Group Industrial Co Ltd. төрағасы У Цзяньмяо, Wuhan Xinyatu International Travel Agency Co. Ltd. бас директоры Ван Ся баяндама жасап, өз ұсыныстарын айтты. Отырыста спикерлер өңірдің туристік әлеуетін арттыру, заманауи инфрақұрылымды құру және екі ел арасындағы туристік қарым-қатынасты нығайту бағытында бірге жұмыс істеуге дайын екендерін жеткізді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/875558

Түркістан қаласында «TURKISTAN INVESTMENT AND TOURISM FORUM – 2024» халықаралық инвестициялық форумы өтуде. Маңызды шарада салалық тақырыптар бойынша панельдік сессиялар ұйымдастырылды. Форумға қатысушы ҚХР және еліміздің бизнес сапаршылары мен көшбасшылары өздерін қызықтырған сала бойынша сессияларға қатысып, тәжірибе бөлісті. Өзара пікір алмасып, ұсыныстарын жеткізді.«Цифрлық трансформациялар» тақырыбында өткен панельдік сессияда қатысушылар Түркістан облысының цифрлық дамуы туралы өз ойларын ортаға салды. Отырысты «Techno Woman» коммерциялық емес ұйымының басқарма төрайымы Азиза Шужеева жүргізіп отырды.Кездесуде алғысөз алған Түркістан облысы әкімі аппаратының басшысы Еркеғали Әлімқұлов форумға қатысушыларға алғысын жеткізіп, өңірдің инвестициялық мүмкіндіктерін таныстырды. Жаңа идеялар мен бастамалар Түркістан қаласын инновациялық дамыған қала ретінде қалыптастыруына елеулі үлес қосатынына сенім білдірді. Өңірде цифрландыру саласын дамыту үшін инвестициялық алаңдарда бірлескен жобаларды жүзеге асыруға шақырды.Сессия барысында «Hikvision» компаниясының директорының орынбасары Тимон Ма, «Hikvision» компаниясының «Қауіпсіз қала» бағытының басшысы Құмбасов Алмас, «Intelligent flight technology» компаниясының Басқарма төрайымы Данся Сю, «Hainan business» компаниясының Басқарма төрағасы Цай Тунсин, ҚР Цифрлық даму, инновациялар және аэроғарыш өнеркәсібі министрлігі Мемлекеттік қызметтер комитеті төрағасының орынбасары Надир Құрымбаев,«Astana Hub» компаниясының бас директорының кеңесшісі Данабек Қалиаждаров, Өзбекстан Республикасындағы «School 21» мектебінің бас директоры Зарина Лухманова, «Alaqan technologies» компаниясының басқарушы директоры Аслан Төлегенов өз тәжірибелерімен бөлісті. Облыстық цифрландыру, мемлекеттік қызметтер көрсету және архивтер басқармасының басшысы Марат Айнабеков өңірде бастау алған «Alaqan» жобасының тиімділігі туралы айтты. Екі елдің бизнес және жергілікті атқарушы билік органдарының өкілдері екіжақты қарым-қатынасты нығайтуға серпін беретін перспективалы жобаларды талқылады.Мемлекет басшысы Қасым-Жомарт Тоқаев халыққа арналған Жолдауында цифрландыру және елімізде инновацияларды енгізу мәселелеріне ерекше назар аударуды тапсырды. IT саласындағы білікті мамандарды даярлау арқылы Қазақстанды IT елге айналдыру стратегиялық міндетінің маңыздылығын атап өтті. Бұл бағытта Түркістан облысында қарқынды жұмыстар жүргізіліп, жаңа бастамалар қолға алынған.Халық тығыз орналасқандықтан, аймақ үлкен кадрлық әлеуетке ие. Түркістан қаласында «Тurkіstan IT hub» орталығы ашылды. Бұл – IT саласындағы кәсіпкерлердің, жас мамандардың, инвесторлардың ынтымақтастығы үшін жағдай жасалған ашық алаң. Мұнда стартаптарды дамытуға, идеяларды іске асыруға толық мүмкіндік бар.Бұдан бөлек, Түркістан қаласында кореялық «Вусонг» университетінің филиалы ашылмақ. «Вусонг» университеті жаңа білім беру стандарттарын әкеліп қана қоймай, сонымен қатар аймақ экономикасының дамуына ықпал ететін инновациялық жобаларды құрудың бастамасы болады.Сонымен қатар, Түркістан облысы әкімі Дархан Сатыбалды қытайлық ІТ компания өкілдерімен технологиялық парк ашу туралы келіссөздер жүргізген болатын. Келіссөздер нәтижесінде құрылысы жоспарланып отырған технологиялық парк аймақтың экономикалық және индустриялық дамуы үшін стратегиялық маңызды жобалардың біріне айналмақ. Жоба шеңберінде электроника, компьютерлік жабдықтар, электр жабдықтары, оптикалық кабельдер, тұрмыстық техника және электромобильдерді жөндеу мен техникалық қызмет көрсету орындарын, сондай-ақ электромобильдерге арналған қуаттау станцияларын құру көзделіп отыр.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/875561

Бесарық ауылында «Таза Қазақстан» акциясына ауыл тұрғындары мен ауылдағы шаруашылық құрылымдары белсене атсалысуда. Ауыл инвесторы «Абай-Дәулет» ЖШС-і ауылды аббатандыру шараларына белсене қатысуда.Меценат «Абай-Дәулет» ЖШС басшысы Мұрат Сәрсенбаевтың демеушілігімен ауылды қарқынды абаттандыру жұмыстары жүргізілді, – дейді ауылдық Қоғамдық кеңес төрағасы А.Ақжігітов.– Біздің Бесарық қазір бау-бақша іспетті, айналасы жасыл желекке оранған, гүлдері мен жас ағаштары жайқалып тұр. Серіктестік ауыл тұрғындарына жайлы демалыс орнын жасау мақсатында орталық алаң мен көшелерді абаттандырды. Бірқатар маңызды әлеуметтік нысандар қайта жаңғыртылды, жаңа өндіріс орындары ашылды. Осының барлығы ауыл тұрғындарының көңіл-күйіне, әлеуметтік жағдайының жақсаруына оң әсер етуде.Экологиялық акция басталғалы Сырдария ауданында ауқымды жұмыстар атқарылды. Каналдар мен су қоймалары, қарт ауыл тұрғындарының аулалары, көптеген әлеуметтік нысандар мен кәсіпорындардың аумақтары қоқыстан тазартылды. Мыңдаған ағаштар отырғызылды. Біздің еріктілеріміз де туған жердің тазалығы үшін өзгелерге үлгі боларлық.Айта кету керек, облыста «Таза Қазақстан» экологиялық шарасы басталғалы оған 548 299-дан астам облыс тұрғыны қатысты. 21360 тоннадан астам қоқыс шығарылып, 505 алаң мен саябақтар, 225 тарихи ескерткіштер аумақтары, 791 әлеуметтік нысан, 1130 өндірістік және кәсіпкерлік нысан,294 су айдындары, 47451 аулалар мен көшелер тазартылды.548 арнайы техника қолданылып, 129 358 ағаш көшеттері отырғызылды.Ақпарат көзі : https://www.gov.kz/memleket/entities/kyzylorda/press/news/details/861563

Жамбыл облысы Қордай ауданында цемент өндіретін ірі кәсіпорынның клинкер өндіру желісі өз жұмысын бастады. Бұл Орталық Азиядағы ең заманауи және қалдықсыз жұмыс істейтін бірегей жобалардың бірі. Өндіріс ошағын іске қосу рәсіміне Жамбыл облысының әкімі Ербол Қарашөкеев, «Korcem» зауытының басшылық құрамы мен қызметкерлері, құрылыс жұмыстарын жүргізген компания өкілдері және аудан тұрғындары қатысты. Аймақ басшысы жобаның өңір экономикасы үшін маңыздылығын айрықша атап өтті. – Мемлекет басшысының тапсырмасына сәйкес өңірде бірқатар инвестициялық жобалар сәтті жүзеге асып, ірі өндіріс ошақтары бой көтеруде. Қордай ауданында құрылысы аяқталған «Korcem» цемент зауыты соның нақты бір дәлелі. Ауқымды жобаның клинкер шикізатын өндіру желісі іске қосылды. Бұл цемент зауыты өңір экономикасын өркендетуге, халықтың әл-ауқатын жақсартуға елеулі үлес қосады. Жергілікті тұрғындардың тұрақты жұмыспен қамтылуына ықпал етеді, – деген аймақ басшысы өндірістің үздіксіз жұмыс істеуі үшін билік тарапынан жан-жақты қолдаулар көрсетілетінін хабарлады. Айта кетейік, кәсіпорынның құрылысын сингапурлық «Alacem» компаниясы жүргізді. Жобаға 50 млрд.теңге инвестиция салынған. Өндіріс ошағының жылына 1,5 млн.тонна цемент әзірлеуге қауқары бар. Бүгінде 400-ден астам тұрақты жұмыс орны құрылып отыр. Алдағы уақытта жұмыс күші екі есеге дейін артады деп күтілуде. «Korcem» цемент зауыты келер жылы толық қуатына шығады деп жоспарлануда. Бүгін іске қосылған өндірістік желіде тәулігіне 3 500 тонна клинкер (құрамында 90% цемент бар шикізат) әзірленеді. – Бүгін зауыттың «жүрегін», яғни негізгі өндірістік бөлігін іске қосып отырмыз. Біз ішкі нарықты отандық өніммен қамти отырып, осы саланың бәсекеге қабілеттілігі мен экспорттық әлеуетін арттыруға күш саламыз, – дейді жоба жетекшісі Станислав Щербаков. «International Cement Group» ЖШС-нің басқарушы директоры Бенджамин Ченгтің айтуынша, аталған жобаға мемлекет тарапынан жан-жақты қолдаулар көрсетіліп келеді. – Біздің компания өңірде жаңа жұмыс орындарын ашу үшін басқа да әлеуетті инвесторларды тартуды жоспарлап отыр. Жамбыл облысында өнімді экспорттау мүмкіндігі зор. Ең бастысы, инвесторларға барлық жағдай жасалғанын өз тәжірибемізден көрдік, — деді ол. Айта кетейік, Жамбыл облысының инвестициялық қоржынында 3,4 трлн.теңгені құрайтын 80 жоба бар. Бұл жобаларды жүзеге асыру қосымша 4,1 мың жұмыс орнын құруға мүмкіндік береді. Ағымдағы жылы 214 млрд.теңгеге 1 453 жұмыс орнын құра отырып, 35 инвестициялық жобаны жүзе асыру жоспарланған. Бүгінде құны 146,7 млрд.теңгені құрайтын 20 жоба іске қосылды. Нәтижесінде 674 азамат жұмыспен қамтылды.Ақпарат көзі : https://www.gov.kz/memleket/entities/zhambyl/press/news/details/874434

800 мыңнан астам облыс тұрғындары қатысқан көктемде басталған экологиялық акция дәстүрлі түрде күзгі тазалық айлығымен жалғасуда.Бүгін облыста акция аясында тұрғындар мен жастардың атсалысуымен көптеген тазалық және алдын алу-профилактикалық шараларын ұйымдастыру жоспарлануда.Атап айтқанда, облыс орталығы Тараз қаласында «Күзгі тазалық» эко акциясы шеңберінде «Сәби қоры» атындағы саябақ қоқыстардан тазартылса, өңір жастарымен «Таза қала» ұраны арқылы Қ. Рысқұлбеков атындағы саябаққа тазалық жұмыстары жүргізіледі.Акция аясындағы тазалық жұмыстары облыстың барлық аудандарында өткізілмек. Шара барысында саябақтар мен скверлер, көпқабатты тұрғын үйлердің маңын, демалушылар көп жиналатын орындарды қамту күтілуде.Сонымен қатар, Байзақ ауданында ТЖД және «ҚазТрансАймақ» мекемесінің өкілдері аудан тұрғындарына алдын алу профилактикалық шарасын жүргізуді жоспарласа, осындай түсіндіру жұмыстары Жамбыл және Талас ауданында жалғасын табады. Жуалы ауданында мектеп оқушыларымен «Таза Қазақстан – таза әлем» атты семинар, Қордай ауданында «Таза Қазақстан» атауымен «Береке» колледжінің студенттерімен, Меркі ауданында тұрғындармен кездесу ұйымдастырылатын болады.Сондай-ақ, Мойынқұм ауданының жастарымен «Тазалық өзіңнен басталады» челленджі өткізіліп, Сарысу ауданы Жаңатас қаласында «Даңқ» монументінің айналасы, Т. Рысқұлов ауданында адамдар көп жүретін «Ардагерлер» саябағы күл-қоқыстардан тазартылады. Шу ауданында №10 колледж студенттерімен кездесу өткізіліп, депутаттардың қатысуымен жастарға алдын алу шарасы жүргізіледі деп жоспарлануда. Ақпарат көзі : https://www.gov.kz/memleket/entities/zhambyl/press/news/details/874571

Жамбыл облысының әкімі Ербол Қарашөкеев Талас ауданына жұмыс сапарымен барып, бірқатар нысанның жұмысымен танысты.Алдымен Берікқара ауылдық округіндегі өрт сөндіру бекетіне барды. Жуырда ашылған өрт сөндіру бекетінде 2 бөлме мен арнайы техникаға арналған тұрақ қарастырылған. Мекеме төтенше жағдай орын алған жағдайда жедел әрекет етіп, құтқару жұмыстарын жүргізеді.Бұдан соң Ербол Қарашөкеев Қаратау қаласы Б. Момышұлы көшесіндегі жеке инвестиция есебінен қайта жаңғыртылып жатқан №15, 17 көпқабатты тұрғын үйлерді көрді. Жауаптыларға құрылыстың сапасы мен мерзімін қатаң сақтауды тапсырды.Бұл екі тұрғын үй 1984 жылы бой көтөрген, бес қабаттан тұрады. Барлығы 160 пәтер бар. Тұрғын үй жыл соңына дейін сатып алынып, баспана кезігінде тұрған азаматтардың игілігіне кезең-кезеңімен беріледі бастайды.Аталған көшедегі №13 тұрғын үй сәуір айында пайдалануға беріліп, 80 қаратаулықтың қоныс тойын тойлауына ықпал етті.Ербол Қарашөкеев пәтер иелерімен кездесіп, құрылыс жұмыстары бойынша ой-пікірлерін тыңдады.Сондай-ақ «Игілік» жылыту қазандығының жұмысын тексерді.Қазандықтарды қайта жаңғырту шаралары 100 пайызға атқарылды. Қазіргі таңда мазут сақтау қоймасының құрылыс-монтаждау жұмыстары жүргізілуде. Бұдан бөлек, облыстық бюджет есебінен 232 млн.теңгеге дизельдік генератор сатып алынды.Аймақ басшысы жылыту маусымы кедергісіз өту керектігін ескертті.Қазандық 156 көппәтерлі тұрғын үйді, 200-ден аса нысанды жылумен қамтамасыз етіп отыр.Ербол Қарашөкеев Талас ауданындағы өндіріс ошақтарына да ат басын бұрды.2015 жылы іске қосылған «Жамбыл Недр» ЖШС-і 70-ке жуық азаматты жұмыспен қамтып отыр. Кәсіпорында жылына 300 мың тонна М-400 маркалы цемент өндіріледі. Ағымдағы жылдың 9 айында 6,4 мың тонна цемент, 9,1 мың тонна минералды ұнтақ өндірілді.Кәсіпорын басшылығы жылына 75 мың тонна әктас өңдеуге қауқарлы зауыт құрылысын бастап кетті. Бұл жобаға 2 млрд.теңге инвестиция салынған. Қосымша 80 жұмыс орны ашылады деп күтілуде.«Karatau Chemicals» пиросульфит өңдеу зауытының құрылысы толық аяқталған. Қазіргі таңда өндіріс ошағын іске қосу жұмыстары жүргізілуде. Аталған жобаға 2,8 млн.теңге инвестиция тартылды.Облыс әкімі кәсіпорынға инфрақұрылым тарту, электр желісімен қамту мәселесін шешу бойынша қолдау көрсетілетінін жеткізді.Сапар соңында Ербол Қарашөкеев аудан әкімдігіне аралау барысында көтерілген мәселелер бойынша нақты ұсыныстар әзірлеуді тапсырды.Ақпарат көзі : https://www.gov.kz/memleket/entities/zhambyl/press/news/details/876000

Ақмола облысында халықтың өмір сүру сапасын жақсартуға және өңір экономикасын қолдауға бағытталған маңызды инфрақұрылымдық жобаларды іске асыру жалғасуда. Мемлекет басшысының елді мекендерді газдандыру жөніндегі Жолдауын орындау аясында Аршалы ауданы Жібек Жолы ауылының тұрғындары табиғи газға қол жеткізді.Ірі елді мекенді газдандыру осы жылдың соңына дейін 2000-нан астам ауланы газбен жабдықтау жүйесіне қосуға мүмкіндік береді, ал жалпы қамту 6000-ға жуық үй иесін құрайды. Жібек Жолы ауылындағы газ құбырының ұзындығы– шамамен 250 шақырым.Салтанатты іске қосу рәсімі облыс әкімі Марат Ахметжановтың, «QazaqGaz"ҰК" АҚ Басқарма төрағасы Санжар Жаркешовтің және ҚР Парламенті Мәжілісі депутаттарының қатысуымен өтті.«Президент Қасым-Жомарт Тоқаев алдымызға қойған басты міндет – халықтың өмір сүру деңгейін арттыру. Бүгінде ауыл тұрғындарын табиғи газбен қамтамасыз еттік.Бұл біздің жұмысымыздың маңызды бағыттарының бірі. Осы жылы өңірде 125 мың адамды қамти отырып, елді мекендерді газдандыру бойынша 12 жоба іске асырылуда», - деп атап өтті облыс әкімі.«Газға қосылу – бұл тұрғындар үшін тұрмыстық жағдайды жақсарту ғана емес, елді мекендерді орнықты дамытуға жасалған маңызды қадам. QazaqGaz ұлттық компаниясы үнеміэнергетикалық қауіпсіздікті қамтамасыз ету және еліміздің әр өңірінде өмір сүру сапасын арттыруүшін жұмыс істейді», - деп атап өтті Санжар Жаркешов.Алғашқы қосылған абоненттердің бірі Оразовтар отбасы болды.«Бұл біздің отбасымыз үшін өте қуанышты және көптен күткен оқиға. Біздің 5 немереміз бізбен бірге тұрады және біз олардың өмірін жайлы етуге тырысамыз»,– деп атап өтті отағасы Есіркепбай Оразов.Бұдан басқа, Аршалы ауданында азаматтардың әлеуметтік осал санаттарына газ жабдықтарын қосу және орнату шығындарын өтеу үшін біржолғы әлеуметтік көмек көзделген. Көмек мөлшері нақты шығындарға байланысты 100 АЕК (369 200 теңге) дейінгі соманы құрайды. Аршалы ауданының аумағында тіркелген және тұрақты тұратын тұрғын үй иелері бұл қаражатты ала алады.Азаматтарға ыңғайлы болуы үшін ауыл әкімдігінде сервистік орталық ашылды, онда тұрғындар газ қосуға, тұрғын үйді рәсімдеуге және әлеуметтік көмек алуға қажетті барлық көмек түрлерін ала алады. Оған қоса мұнда халық саны туралы деректерді өзектендіру және газдандыру шығындарын нақты есептеу үшін тіркеу шаралары жүргізіледі.Айта кетейік, 2022 жылы облыста магистральдік газ құбыры трассасының бойында орналасқан 16 елді мекен газдандырылды. Жобаны іске асыруға 8,9 миллиард теңге бөлінді. Алдағы уақытта Целиноград ауданын да газдандыру жоспарлануда. Ақпарат көзі : https://www.gov.kz/memleket/entities/aqmola/press/news/details/876140

Облыс әкімі Нұрлан Ұранхаев Семей қаласындағы бірқатар нысандарға барып, құрылыс барысын тексерді.Қазір «Қарағайлы» шағын ауданында блок-модульді пункт салынуда. Бұл нысан қаланың қарқынды дамып келе жатқан аудандарының бірін жылумен қамту жүйесін жақсартуға арналған. Қазір құрылыс алаңында қазандықтар, ауа өткізгіштер мен кәріздерді орнату жұмысы жалғасуда. Сондай-ақ мұржа мен көмір сақтайтын қойманың іргетасын қалау жұмысы аяқталуда.Сондай-ақ аймақ басшысы «Жайлы мектеп» ұлттық жобасы аясында салынып жатқан 1200 орындық мектептің құрылыс барысымен де танысты. Құрылысты 2024 жылдың желтоқсанына дейін аяқтау жоспарланған. Ұлттық жоба аясында бой көтеріп жатқан құрылысқа озық технологиялар мен заманауи тәсіл қолданылуда.«Бұл жобаларды жүзеге асыру семейліктердің өмір сүру сапасын жақсартып қана қоймай, қаланың жайлылығы пен қауіпсіздігін арттырады. Біз тұрғындар алдындағы міндетімізді орындап, құрылысты мерзімінде аяқтауымыз керек. Сондықтан жұмыс қарқыны бәсеңдемеуі қажет. Қыс қыр астында», - деді облыс әкімі мердігерлерге.Құрылыс алаңындағы жұмыстарға байланысты әкім өзінің орынбасары Димитрий Гариков пен басқарма басшыларына қадағалауды босаңсытпауды тапсырды.Ақпарат көзі : https://www.gov.kz/memleket/entities/abay/press/news/details/876133

Су ресурстары және ирригация министрі Нұржан Нұржігітов ҚХР-ның Қазақстандағы Төтенше және Өкілетті Елшісі Чжан Сяомен кездесті. Тараптар екіжақты су ынтымақтастығының өзекті мәселелерін талқылады. Келіссөздер барысындағы басым бағыттың бірі - трансшекаралық өзендерде су бөлу мәселесі. Ол үшін құрамына қос тараптың сарапшылары кіретін арнайы жұмыс тобы жасақталған. Басты мақсат - Іле-Балқаш бассейнін сумен тұрақты қамтамасыз ету, балық шаруашылығы мен туризмді дамыту болып табылады. ҚР Су ресурстары және ирригация министрлігі алдағы уақытта ҚХР Су шаруашылығы министрлігімен ынтымақтастық туралы Меморандумға қол қоюға ниетті.Сонымен қатар, тараптар Қазақстанның су инфрақұрылымын бірлесіп жаңғырту және автоматтандыру, су үнемдеу технологияларын әзірлеу мен енгізу, сондай-ақ Қытайда қазақстандық мамандардың біліктілігін арттыру мәселелерін талқылады.«Power China компаниясымен қазақстандық мамандарды Қытайда біліктілік арттыру курстарынан өткізу туралы келісімге келдік. Бүгін талқыланып жатқан бастамалар Қазақстан мен Қытайдың екіжақты қарым–қатынасына жаңа серпін береді деп ойлаймын», - деді Су ресурстары және ирригация министрі Нұржан Нұржігітов. Өз кезегінде Чжан Сяо мырза Қытай тарапы Қазақстанмен су ынтымақтастығына үлкен мән беретінін және тәжірибе мен технология алмасуды жалғастыруға ниетті екенін атап өтті.Ақпарат көзі : https://www.gov.kz/memleket/entities/water/press/news/details/875660

2024 жылдың 1 қарашасында Алматы облысында вольфрамды қайта өңдеу бойынша Қазақстандағы алғашқы зауыттың ашылуы болды. Бұл отандық тау-кен өндірісі үшін тарихи оқиға, ол еліміздің әлемдік сирек металдар нарығындағы позициясын нығайтады.Жобаның құны 300 млн долларды құрайды және халықаралық экологиялық және өндірістік стандарттарды ескере отырып жүзеге асырылды. Зауыт жергілікті мамандар үшін 1000-ға дейін жұмыс орнын қамтамасыз етеді және жобалық қуатына шыққанда жылына 3,3 млн тонна руды қайта өңдеп, вольфрам концентратының 65% үлесін шығарады.Ашылу сәтінде негізгі объектілердің дайындығы мынадай болды:• Шлам сақтау орындары – 60%• Тау-кен байыту фабрикасы – 60%• Сыртқы су тарту объектілері – 85%• Сыртқы электрмен жабдықтау – 100% (110 кВ желісіне қосылды)• Ішкі электрмен жабдықтау – 90%Жобаны ТОО «Арал Кеген» басқарады, ол халықаралық холдинг Jiaxin International Resources Investment Ltd. құрамына кіреді, оған Jiangxi Copper Corporation, China Railway Construction Company, China Civil Engineering Construction Company және Ever Trillion International Singapore PTE LTD компаниялары қосылған.Алдағы жоспарлар вольфрам мөлшерін 88,5%-ға дейін жеткізу және жоғары тазалықтағы вольфрам карбидін шығару үшін терең қайта өңдеу кешенін салуды қамтиды. Бұл кезеңге арналған инвестиция көлемі 150 млн доллар болады.Зауыттың ашылуы Қазақстанның тау-кен өнеркәсібінің дамуының жаңа кезеңін білдіреді және елдің табиғи ресурстарды тиімді және рационалды пайдалануға ұмтылысын көрсетеді.Ақпарат көзі : https://www.gov.kz/memleket/entities/mps/press/news/details/876144

Астанада Кеңес Одағының Батыры, Халық қаһарманы армия генералы Сағадат Нұрмағамбетов атындағы әскери колледждің құрылғанына 25 жыл толды.Әскери оқу орнының тәрбиеленушілері мен педагогтарын құттықтауға Қорғаныс министрлігінің, ведомствоның құрылымдық бөлімшелерінің, әскери прокуратураның, әскери оқу орындарының, Ұлттық әскери-патриоттық орталықтың өкілдері, Қарулы күштердің ардагерлері мен оқу орнының түлектері келді.Кездесуге қатысушылар Қазақстанның бірінші Қорғаныс министрі Сағадат Нұрмағамбетовтың бюстіне гүл шоқтарын қойып, батырды бір минут үнсіздікпен еске алды.Іс-шараны Халық қаһарманы отставкадағы генерал-лейтенант Бақытжан Ертаев ашты. Қарулы күштердің ардагері осы жылдар ішінде 1700-ден астам түлек шыққан білім ордасының құрылу тарихы жайлы айтты.Қорғаныс министрінің орынбасары генерал-майор Шайх-Хасан Жазықбаев әскери колледж ел Қарулы күштерінің кіші буын командирлерін даярлаудың негізгі ордасы деп атап өтті.– Бөлімшелердегі әскери тәртіптің жағдайы, жауынгерлік дағдылар мен жеке құрамның моральдық-жауынгерлік рухы сержанттардың кәсібилігіне байланысты. Колледж қабырғасында алған сапалы білім мен саналы тәрбие – түлектеріміздің сенімді болашағының бастауы, – деді ол. Генерал-майор Шайх-Хасан Жазықбаев оқу орнының ұжымына, оқытушыларына сапалы білім беру және мамандар даярлауда үлкен жауапкершілік жүктелгенін атап өтті.– Ұстаздардан, олардың даналыққа толы сөздерінен мамандыққа жол басталады. Сіздер тұлғаның қалыптасуына ықпал етіп, білім нәрін бересіздер, адамгершілік құндылықтарды сіңіріп, оқушыларды еңбекқорлық пен Отанға деген сүйіспеншілікке тәрбиелейсіздер. Кәсіби біліктілік, шексіз шыдамдылық, қолдау мен адалдықтың арқасында болашақ Отан қорғаушылар қалыптасуда, – деді министрдің орынбасары педагогтарға сөйлеген сөзінде.Атаулы күнге орай генерал-майор Шайх-Хасан Жазықбаев әскери колледж бастығы полковник Ғазиз Төлеушевке Қорғаныс министрінің атынан алғыс хат табыс етті.Колледж ұжымы мен оның түлектерін 25 жылдығымен Қарулы күштердің ардагерлері отставкадағы генерал-майор Әлихан Жарболов пен отставкадағы генерал-лейтенант Абай Тасболатов құттықтады. Өз кезегінде "Қарулы күштердің ардагерлері" РҚБ төрағасының орынбасары отставкадағы генерал-майор Марат Нағұманов колледж оқытушылары майор Бақберген Серікбаев пен Күнсай Нұрғалиеваға "Сағадат Нұрмағамбетовке 100 жыл" медалін табыс етті.Әскери оқу орнының алғашқы түлектерінің бірі Әскери-әуе күштері қолбасшысы басқармасының аға офицері подполковник Алмат Ақыш "Жас ұлан" республикалық мектебіне 1999 жылы түскенін айтты.– Мұнда өткізген жылдарды әрдайым ерекше жылылықпен еске аламын. Бірінші кезекте тәртіпке үйрендік. Парызды орындау және патриот болу дегеннің не екенін білдік. Менің түсінігімдегі патриотизм – тек жарғы, марш және сапта тұру ғана емес, бұл өз еліңнің алдындағы жауапкершілік сезімі, өз үйіңді қорғауға дайын болу. Әскери білім маған үлкен өмірге жолдама берді. Бұл үшін мен барлық педагогтар ұжымына алғысымды білдіремін, – деді А. Ақыш.Колледжде оқығаннан кейін түлектер қызметке әскерлерге жіберіледі. Оқуды жалғастыруға шешім қабылдағандар бар. Биыл колледжді сексен екі курсант бітірді.Іс-шара Ұлттық әскери-патриоттық орталығының шығармашылық ұжымы дайындаған мерекелік концертпен аяқталды.Естеріңізге сала кетсек, армия генералы Сағадат Нұрмағамбетов атындағы әскери колледж 2021 жылы Астанада "Жас ұлан" республикалық мектебінің базасында құрылған болатын. Кеңес Одағының Батыры, Халық қаһарманы Сағадат Нұрмағамбетовтың есімі 1999 жылы берілген. Ақпарат көзі : https://www.gov.kz/memleket/entities/mod/press/news/details/876145

2024 жылдың қыркүйек-қазан айларында ішкі нарықтағы және экспортқа астық қозғалысының көлемі жақсы деңгейге жетті. 2,2 млн тоннадан астам астық өңделді, бұл өткен жылдың сәйкес кезеңімен салыстырғанда 40%-ға жоғары. Арпа экспорты әсіресе қарқынды дамып, тек Иран нарығына 150 мың тоннаға жетеді.Егін жинау науқаны аяқталып, түпкілікті егін көлемі нақтыланғаннан кейін астық нарығында айтарлықтай жандану байқалады.Қазақстандық ауыл шаруашылығы өнімдерін халықаралық нарықтарда ілгерілету «Азық-түлік келісімшарт корпорациясы» ҰК АҚ басым бағыттарының бірі болып табылады.Осы бағытта шетелдік инвесторлармен ынтымақтастықты жандандыру және перспективалық нарықтарды іздеу жұмыстары жүргізілуде. Осылайша, «Азық-түлік келісімшарт корпорациясы» дәстүрлі нарық шеңберінен шығып, қазақстандық өнімді экспорттау географиясын кеңейту бойынша жұмысты күшейтті.Сонымен қатар, экспорттық жөнелтілімдерді шоғырландыру бағдарламасы осының негізгі буыны болып табылады. Бағдарламада шаруалардың астығын сатып алмай, толық көліктік қолдау көрсетілмей, фермерлер партиясын біріктіріп, тегін экспорттау қарастырылған. Валюталық кіріс тікелей шаруаға түседі.Бүгінгі таңда Азық-түлік келісімшарт корпорациясының қатысуымен Өзбекстан, Қырғызстан және Қытай импорттаушыларымен қазақстандық фермерлерден жалпы сомасы 19,5 млн АҚШ долларын құрайтын ауыл шаруашылығы өнімдерін жеткізуге экспорттық келісімшарттар жасалды.Пилоттық келісімшарт жасаудың оң тәжірибесін кеңейту жоспарлануда.Осыған байланысты мемлекет ауыл шаруашылығы тауар өндірушілерінің экспорттық операцияларына жан-жақты көмек көрсетеді.Ақпарат көзі : https://www.gov.kz/memleket/entities/moa/press/news/details/876147

Сенат спикері Мәулен Әшімбаевтың төрағалығымен Инклюзия жөніндегі кеңестің кезекті отырысы өтті. Депутаттар мемлекеттік органдар мен сараптамалық қоғамдастық өкілдерімен бірлесіп, ерекше қажеттілігі бар адамдардың сапалы білім алу мүмкіндіктерін кеңейту жөнінде ұсыныстар алмасып, оларды іске асыру жолдарын талқылады. Отырыс жұмысына Оқу-ағарту министрі, Ғылым және жоғары білім, Денсаулық сақтау, Еңбек және халықты әлеуметтік қорғау вице-министрлері, халықаралық ұйымдардың өкілдері қатысты.Оқу-ағарту министрі Ғани Бейсембаев инклюзивті білім беруді дамыту бойынша қабылданып жатқан шараларға тоқталып, білім беру мүмкіндіктерін кеңейту бойынша бастамалар мен ұсыныстарын жеткізді. Бүгінгі таңда қазақстандық мектептерде ерекше білім беру қажеттіліктері бар балалар үшін кедергісіз орта құрылуда. Осылайша, мектептердің 88%-ы инклюзивті білім алуға жағдай жасады. 2024 жылы 5 мыңнан астам педагог қайта даярлау курстарынан өтті.Сенат спикері Мәулен Әшімбаев тең мүмкіндікті инклюзивті қоғам қалыптастыру ел Президентінің реформаларының күн тәртібіндегі маңызды басымдықтардың бірі екенін атап өтті. Бұл бағытта соңғы жылдары жүйелі жұмыстар жүргізілуде және көптеген салаларда, соның ішінде оқу-ағарту жүйесінде оң динамика байқалады.Сенат спикері инклюзивті білім беруді дамыту жөніндегі жұмысты күшейту қажеттілігін атап өтті. Ерекше қажеттілігі бар адамдардың білім алу мүмкіндіктерін кеңейту жөніндегі әзірленген ұсыныстар мүдделі тараптардың бірлескен жұмысы үшін тиісті мемлекеттік органдарға жолданатын болады.Ақпарат көзі : https://www.gov.kz/memleket/entities/edu/press/news/details/876077

Сеул, 2024 жылғы 3 қараша – Қазақстан Республикасы Премьер-Министрінің орынбасары – Сыртқы істер министрі Мұрат Нұртілеу Корея Республикасына ресми сапармен келді. Сапар шеңберінде ол ел басшылығымен кездеседі және Сыртқы істер министрі Чо Тхе Ёльмен келіссөздер өткізеді, сондай-ақ «Орталық Азия – Корея Республикасы» форумына қатысады.Сапардың бірінші күні қазақ-корей сауда-экономикалық және инвестициялық ынтымақтастығын одан әрі кеңейту мақсатында ҚР СІМ басшысы Оңтүстік Кореяның ірі компанияларының өкілдерімен кездесулер өткізді.«Hyundae Hospital» компаниясының басшылығымен кездесуде Алматы облысында 200 орындық көп бейінді аурухана салу жобасы талқыланды, оны қазақстандық «Шин-Лайн» компаниясымен бірлесіп іске асыру жоспарлануда. М. Нұртілеу бұл жобаның Қазақстанның әлеуметтік саласы үшін маңыздылығына назар аударып, аурухана құрылысы корей моделі бойынша медициналық қызметтер жүйесін жақсартатынын және озық технологияларды қолдануды қамтамасыз ететінін атап өтті.«With You E&C» компаниясының өкілдерімен 2060 жылға қарай Қазақстанның көміртегі бейтараптығына қол жеткізу жолындағы маңызды қадам болатын Қызылорда облысында қоқыс өңдеу зауытының құрылысына қатысты мәселелер талқыланды. Зауыт экологиялық жағдайды жақсартуға және аймақ экономикасының тұрақты дамуына ықпал ететін болады. Компания сондай-ақ жобаны кеңейтуге және Қазақстанның басқа облыстарында ұқсас зауыттар құруға дайын екенін білдірді.«Sejong» және «Seoyon E-HWA» компанияларының басшыларымен кездесулер барысында Қостанай облысында автокомпоненттер өндіру бойынша жобалар талқыланды. Корей әріптестері Қазақстан экономикасына инвестиция салуға жоғары қызығушылық танытып, жаңа технологияларды табысты игеру үшін жергілікті кадрларды оқытуға дайын екендігін білдірді.ҚР сыртқы саяси ведомствосының басшысы қазақстандық Үкімет Қазақстан мен Оңтүстік Корея арасындағы экономикалық байланыстарды нығайтуға ықпал ететін осы бастамаларды табысты іске асыру үшін жан-жақты қолдау көрсететінін атап өтті.Ақпарат көзі : https://www.gov.kz/memleket/entities/mfa/press/news/details/876206

2024 жылғы 1-3 қараша аралығында патриоттық тәрбие және дене шынықтыруды насихаттау шеңберінде көрнекті спортшы және әлем чемпионы, полиция майоры Руслан Мұқановты еске алуға арналған қоян-қолтық ұрыстан халықаралық турнир өтті.Бұл іс-шара әр аймақтан 14 команда жинап, бірлік пен салауатты бәсекелестік атмосферасын құрды.Спортшылар жоғары дайындық пен жауынгерлік рухты көрсетті, бұл оларға жүлделі орындарға таласуға мүмкіндік берді.Жарыс қорытындысы бойынша орындар келесідей бөлінді:Алматы облысы - бірінші орын;BATYR TEAM - екінші орын;ABYROY TEAM - үшінші орын.Командалар керемет нәтижелер көрсетті, бірақ BATYR TEAM спортшылары ерекше назар аударды, олар жеке салмақ дәрежесінде келесі нәтиже көрсетті:Мадимухамед Ернар - 62 кг дейінгі санатта 1 орын;Резмерица Ярослав - 62 кг дейінгі санатта 2 орын;Анас Нуркеш - 80 кг дейінгі санатта 1 орын.Жоғары нәтижелерге қол жеткізген ТЖМ спортшыларын құттықтаймыз!Ақпарат көзі : https://www.gov.kz/memleket/entities/emer/press/news/details/876203

Елордалық Байқоңыр ауданында "Халық қатысатын бюджет" жобасы аясында абаттандыру бойынша өтінімдерді қабылдау басталды. Өз ұсыныстарын ауданның кәмелетке толған барлық тұрғындары жібере алады, деп хабарлайды Астана әкімдігінің ресми сайты.Жобаның мақсаты - тұрғындардың бастамасы мен ұсыныстары бойынша ауданды абаттандыру.Ұсыныстарды Байқоңыр ауданы әкімдігінің WWW.BAIKONYR-ASTANA.KZ ресми интернет-ресурсының "Халық қатысатын бюджет 2025" бөліміне жіберуге болады. Ұсынысты жіберу үшін өтінімді толтыру қажет (жобаның атауын, оның сипаттамасын көрсету), эскиз бен сметаны (индикативті болуы мүмкін), ағымдағы күйдің фотосуреттерін, қалауыңыз бойынша презентацияны тіркеу қажет. Осы бөлімде осы жобаның ережелері, типтік жобалық ұсыныс, жоба бойынша іс-шаралар мерзімі, сараптамалық кеңестің құрамы көрсетілген.Сараптамалық кеңестің шешімі негізінде Байқоңыр ауданы әкімінің аппараты жобалық ұсыныстарды іске асыруға кіріседі. Сараптамалық кеңес шешімінің нәтижелері және жобаны іске асыру әкімдіктің интернет-ресурсында жарияланатын болады.Егер жобалық ұсынысты дауыс беру процесінде басқа тұрғындар қолдаса, оны биыл қалалық бюджет қаражаты есебінен іске асыруға ұсынылады.Өтінімдер 2025 жылдың 1 наурызына дейін қабылданады."Халық қатысатын бюджет" жобасы аясындағы қосымша сұрақтар жөнінде төмендегі байланыс нөмірі бойынша білуге болады: +7 701 553 2627, абаттандыру бөлімінің басшысы Рахат Кенжетаев.Естеріңізге сала кетейік, биыл Астанада барлығы 170 аула мен қоғамдық кеңістік абаттандырылады. Мұндай жұмыстар қаланың барлық аудандарында жүргізілуде, соның ішінде тұрғын алаптары да қамтылған. Жұмыстың көп бөлігі аяқталды.Ақпарат көзі : https://www.gov.kz/memleket/entities/astana/press/news/details/876124

1 қарашада жаһандық инвестициялар жөніндегі Қазақстандық дөңгелек үстелдің (KGIR-2024) алаңында ҚР Өнеркәсіп және құрылыс министрі Қанат Шарлапаевтың «Zijin Mining»компаниясының халықаралық істер жөніндегі бірінші бас директоры Ляо Цзяншэн мырзаменкездесуі өтті.«Zijin Mining» бүкіл әлем бойынша алтын, күміс, мыс және басқа да минералды ресурстарды барлауға, өндіруге, өңдеуге және сатуға маманданған және Қытайдың екінші ірі трансұлттық алтын өндіруші конгломераты болып табылады.Қарастырылып отырған жобалар шеңберінде компания түсті және бағалы металдар концентраттарын өндіру үшін байыту фабрикасын салуды жоспарлап отыр, содан кейін олар металдарды балқыту үшін Қазақстан Республикасының металлургия зауыттарына жіберілетін болады. Бұдан басқа, компания жаңа учаскелерде геологиялық барлау жұмыстарын жүргізуге ниетті, бұл Қазақстанның минералдық-шикізат базасын ұлғайтуға ықпал ететін болады.Тараптар жоғарыда аталған жобаларды одан әрі пысықтау мен дамытудағы өзара қызығушылықты атап өтті. Өз кезегінде Министр бірлескен ынтымақтастыққа толық дайын екендігіне және Қазақстан Республикасының шетелдік бизнес қауымдастықтар үшін инвестициялық тартымдылығын атап өтті. Ақпарат көзі : https://www.gov.kz/memleket/entities/mps/press/news/details/876100

ҚР Премьер-министрінің орынбасары Серік Жұманғарин мен РФ Үкіметі төрағасының орынбасары Алексей Оверчук ауыл шаруашылығындағы ынтымақтастық мәселелері бойынша келіссөздер жүргізді. Кездесуде екі елдің ынтымақтастық жөніндегі Үкіметаралық комиссиясының отырысында көтерілген талқылаулар жалғасты.Тараптар ақпараттық жүйелердің өсімдіктер карантині саласындағы электрондық ветеринариялық құжаттармен және деректермен алмасуға дайындығын растады. Енді ЕЭК тарапынан қазақстандық АЖ-ны мемлекетаралық тестілеу кезеңі күтіп тұр. Осы рәсімдер сәтті аяқталғаннан кейін және қазақстандық және ресейлік ақпараттық жүйелерді интеграциялағаннан кейін қатысушылар бақылаудағы жүктерді әкелуге, әкетуге және транзитке арналған рұқсаттардың бірыңғай дерекқорына, сондай-ақ ауыл шаруашылығы тауарларын өндіруді, қайта өңдеуді және сақтауды жүзеге асыратын ұйымдар мен тұлғалардың тізіліміне онлайн режимінде қол жеткізе алады. Бұл өсімдік және мал шаруашылығы өнімдері бойынша экспорттық-импорттық операцияларды тасымалдауды едәуір жеңілдетеді және жеделдетеді.Қазақстан тарапы жақын арада Ресей Федерациясының тағы 16 өңірінен Қазақстан арқылы шошқа етін әкелуге және транзиттеуге шектеулерді алып тастауға дайын екендігі туралы хабарлады. Осы өңірлердің қауіпсіздігі тиісті зерттеулердің нәтижелерімен және қажетті уақыт мерзімдерінің аяқталуымен расталады. Естеріңізге сала кетейік, биылғы қаңтар айынан бастап РФ 43 аймағының аумағынан шошқа етін әкелуге және транзиттеуге шектеулер алынып тасталды.Сондай-ақ кездесуге қатысушылар Қазақстаннан Ресейге ауыл шаруашылығы өнімдерінің жекелеген түрлерін әкелуге Россельхознадзордың шектеулері бойынша жағдайды талқылады. Тараптар осы шектеулерді тез арада реттеу және алып тастау мүмкіндіктері туралы ұсыныстармен алмасты, оларды екі елдің салалық ведомстволарының мамандары нақты қарайтын болады. Кездесу қорытындысы бойынша тараптар өткізілген келіссөздердің қорытындысын шығару үшін тағы бір кездесу өткізуге келісті.Ақпарат көзі : https://www.gov.kz/memleket/entities/moa/press/news/details/876142