Қостанай облысының әкімі Құмар Ақсақаловтың бастамасымен және «Қазақстан халқына» қоғамдық қорының қолдауымен қалалық онкологиялық диспансерге заманауи жабдық – сызықтық үдеткіш пен компьютерлік томограф (КТ) орнатылады.Бұл шешім өңір тұрғындарына онкологиялық көмектің сапасын арттыруға және жоғары технологиялы емге қолжетімділікті кеңейтуге бағытталған.Бұл науқастарға не береді?Сызықтық үдеткіш – бұл сәулелік терапияда қолданылатын алдыңғы қатарлы жабдық. Ол:•ісікке дәл бағытталған әсер етуге, сау тіндерді зақымдамауға,•емдеу параметрлерін әр науқасқа бейімдеуге,•жанама әсерлерді азайтып, қалпына келу үдерісін жеделдетуге мүмкіндік береді.Сонымен қатар, дәл осы құрылғымен бірге заманауи КТ-аппарат орнатылады. Ол ісік үдерісінің орналасуын барынша дәл анықтауға мүмкіндік береді. Бұл сәулелік терапия жоспарын құруда өте маңызды.Бұл неге маңызды?Қазіргі таңда емдеу 1993 және 2006 жылдары орнатылған ескі аппараттарда жүргізілуде. Олардың техникалық ресурсы әбден таусылған, ал дәлдік пен қауіпсіздік деңгейі қазіргі заманғы стандарттарға сәйкес келмейді.Сонымен қатар, Қостанай облысының шамамен 20% пациенті осындай емді Астана қаласындағы республикалық клиникаларда немесе шетелде алуға мәжбүр. Бұл өз кезегінде науқастар мен олардың отбасыларына қосымша қаржылық және логистикалық салмақ түсіреді.Енді облыс тұрғындары заманауи емді өз өңірінде ала алады. Бұл:•терапияға кезек пен күту мерзімін едәуір қысқартуға,•басқа өңірлерге көшу және тұру шығындарын азайтуға,•сәулелік терапияны уақтылы бастауды қамтамасыз етуге мүмкіндік береді.Қаржыландыру және мерзімдерЖабдықты сатып алу мен орнату жобасының құны 2,5 миллиард теңгеден асады. Қаржыландыру «Қазақстан халқына» қоры мен жергілікті атқарушы органдардың бірлескен күшімен қамтамасыз етіледі.Жабдықты орнату және медицина қызметкерлерін оқыту жұмыстары алдағы уақытта жүзеге асырылады. Барлық шаралар денсаулық сақтау жүйесін жаңғырту жөніндегі мемлекеттік бағдарлама аясында іске асырылады.Қостанай облысының әкімі Құмар Ақсақаловтың пікірі:«Онкология – әр минуты маңызды сала. Біз тек жабдықты жаңартып жатқан жоқпыз – біз адамдарға үміт пен мүмкіндік береміз. ‘Қазақстан халқына’ қорымен бірлесіп, сапалы медицинаны халыққа жақын әріАқпарат көзі : https://www.gov.kz/memleket/entities/kostanay/press/news/details/983277?lang=kk

Астана, 2025 жылғы 24 сәуір – Бүгін Астанада Экономикалық, ауыл шаруашылығы, экологиялық, техникалық, өнеркәсіптік және технологиялық ынтымақтастық жөніндегі Қазақстан-Аустрия үкіметаралық комиссиясының (ҮАК) кезекті 12-ші отырысы өтті.Іс-шара Қазақстан Республикасы Сыртқы істер министрінің орынбасары Роман Василенко мен Аустрия Республикасы Экономика, энергетика және туризм федералдық министрлігінің Экономика, инновациялар және халықаралық ынтымақтастық жөніндегі бас директоры Флориан Фраушердің тең төрағалығымен өтті. Отырысқа екі елдің салалық министрліктері мен ведомстволарының өкілдері де қатысты.ҮАК күн тәртібіне сәйкес тараптар Қазақстан мен Аустриядағы қазіргі экономикалық жағдайды, екі үкіметтің экономикаларды дамыту бойынша қабылдап жатқан шараларын, сондай-ақ екіжақты және көпжақты ынтымақтастықтың өзекті мәселелерін талқылады.ҚР Сыртқы істер министрінің орынбасары Аустрия делегациясын жүргізіліп жатқан реформалар, Еуропалық одақпен ынтымақтастықты кеңейту, экономиканы әртараптандыруға бағытталған нақты қадамдар, сондай-ақ Қазақстанда шетелдік инвестициялар тарту мен бизнес жүргізу үшін қолайлы жағдайлар жасау жөніндегі шаралар туралы хабардар етті.Р.Василенко атап өткендей, 2009 жылы Венада өткен алғашқы отырыстан бері бірлескен комиссия Қазақстан мен Аустрия арасындағы сауда-инвестициялық ынтымақтастықты нығайтуға маңызды үлес қосып келеді. Ол екіжақты серіктестіктің жоғары деңгейі мен «Andritz Hydro», «PlanRadar» және басқа да ірі аустриялық компаниялардың қазақстандық нарықтағы табысты тәжірибесін атап өтіп, екі ел арасындағы іскерлік белсенділікті одан әрі арттыруға шақырды.Өз кезегінде Аустрияның Экономика, энергетика және туризм федералдық министрлігінің бас директоры Ф.Фраушер Қазақстанның Орталық Азиядағы Аустрияның жетекші серіктесі екенін атап өтіп, Қазақстанмен ынтымақтастықтың барлық басым бағыттары бойынша серіктестікті нығайтуға мүдделілігін білдірді.ҮАК отырысы аясында Қазақстан мен Аустрия делегациялары энергетика, оның ішінде жаңартылатын энергия көздері, тау-кен өнеркәсібі, көлік, ауыл шаруашылығы, денсаулық сақтау, туризм және цифрландыру салаларындағы ынтымақтастықтың перспективаларын талқылады.Тараптар өзара тиімді болуы мүмкін жобалар жөніндегі өзекті ақпарат алмасуды жалғастыру, өңіраралық және іскерлік байланыстарды нығайтуға жәрдемдесу, сондай-ақ екі ел кәсіпкерлерінің сапарларын ұйымдастыру арқылы екіжақты сауда-экономикалық көрсеткіштерді арттыруды жалғастыру туралы уағдаласты.Сондай-ақ Шығыс Қазақстан облысы мен Штирия, Түркістан облысы мен Каринтия, Павлодар облысы мен Жоғарғы Австрия арасындағы ынтымақтастық туралы меморандумдар аясында өңіраралық әріптестікті дамыту мүмкіндіктері аталып өтті.Сол күні Астанада Қазақстан-Аустрия Іскерлік кеңесінің 10-шы отырысы өтті. Онда Қазақстан Республикасының инвестициялық әлеуеті таныстырылып, машина жасау, ауыл шаруашылығы және өзге де салалардағы ынтымақтастық мәселелері қаралды.Қазақстандық статистикаға сәйкес 2024 жылдың қорытындысы бойынша Қазақстан мен Аустрия арасындағы тауар айналымы 280,8 млн АҚШ долларын құрады (экспорт – 4,1 млн доллар, импорт – 276,7 млн доллар). 2024 жылы Аустриядан Қазақстанға тікелей шетелдік инвестициялардың жалпы ағыны 20,7 млн долларды құрады, ал 2005 жылдан бері бұл көрсеткіш 3 млрд доллардан асты. Қазақстанда аустриялық капиталдың қатысуымен шамамен 180 кәсіпорын тіркелген.Ақпарат көзі : https://www.gov.kz/memleket/entities/mfa/press/news/details/983290?lang=kk

Осакаров ауданында қуаты 150 МВт болатын бірінші жел электр станциясы іске қосылады. Ал келешекте оның аумағында қуаты 500 МВт жел паркі пайда болады. Ірі инвестициялық жобаны жүзеге асыру үшін жер телімі берілді. Іздестіру жұмыстары басталады.Осакаров ауданының әкімі Руслан Нұрмұханбетов Өңірлік коммуникациялар қызметінде өткен брифингте инвестиция тарту жұмыстары туралы айтып берді.Оның айтуынша, биыл жалпы сомасы 301 млрд теңге болатын инвестициялық жобаларды жүзеге асыру жоспарланған. Олардың ішінде қуаттылығы жылына 45 млн дана кірпіш зауыты бар, ол 40 жұмыс орнын ашады.Ауыл шаруашылығы да дамуда. Мал шаруашылығымен айналысатын ауыл тұрғындарының қажеттіліктері үшін жайылымдардың жетіспеушілігі мәселесі шешілуде.– 2024 жылдың қорытындысы бойынша ауыл шаруашылығы айналымына 2169 гектар жер тартылды. 2023 жылдан бастап ауданда халықты жайылымдық жерлермен қамтамасыз ету жұмыстары жүргізілуде. «Жайлау» жобасы өзін жақсы жағынан көрсетті, Қарағайлы, Сарыөзек, Озерный, Ақбұлақ, Шідерті ауылдық округтерінде және Молодежный кентінде жайылымдардың жетіспеушілігі мәселесі шешілді. Биыл аталмыш жоба Есіл ауылдық округінде жүзеге асырылады. Халықты жайылыммен қамтамасыз ету, сондай-ақ шалғайдағы мал шаруашылығын дамыту жөніндегі жұмыстар жалғасатын болады, – деп хабарлады Руслан Нұрмұханбетов.Басым мәселелердің бірі – тұрғындарды сапалы ауыз сумен қамтамасыз ету. Осакаровкада су құбыры желілерінің жетінші кезегінің құрылысы аяқталуда. Биыл Садовое және Трудовое ауылдарында да су құбырларын іске қосу керек. Тағы екі ауылда – Колхозное мен Шұңқыркөл су құбыры желілері салына бастады. Тұрғындары аз – 200 адамға дейін елді мекендерде суды тазарту бойынша блок-модульдер орнатылады.Ауданда жылумен жабдықтауды да жақсартумен айналысады. Молодежный кентінде өткен жылы іске қосылған жаңа блок-модульді қазандыққа қосымша осындай екінші нысанды іске қосу жоспарлануда. Пушкин, Абай және Аспандияров көшелеріндегі 3 шақырымға жуық жылу желілері жөнделеді.Ақпарат көзі : https://www.gov.kz/memleket/entities/karaganda/press/news/details/983328?lang=kk

Абай атындағы Қарағанды облыстық балалар кітапханасының залдарының бірі Бельгия Корольдігінің бұрышына айналды. Мұнда «Le Tour de Belgique en BD» көрмесі ашылды. Экспозиция «Франкофон көктемі – 2025» бағдарламасы аясында ұйымдастырылды. Келушілерге басқа ел мәдениетіне шомып, бірегей оқиғалар арқылы оның үш өңірінің – Брюссель, Фламанд және Валлон өңірлерінің байлығынан шабыт алу ұсынылады.– Бұл көрмені Бельгияның Қазақстандағы елшілігі ұсынды. Абай атындағы кітапханаға келген кез-келген адам өзі үшін осы еуропалық елді аша алады. Көрменің ерекшелігі Брюссель комикстер мұражайымен бірігіп жасалғандығында. Суреттелген оқиғалар әлеміне шомып, Бельгияның түрлі қалаларының сұлулығын бағалауға мүмкіндік жасалған. Бұл шағын елде үш ресми тіл бар: нидерланд, француз және неміс тілдері. Олардың барлығы паннода бейнеленген, – деді Қарағанды француз альянсының жетекшісі Екатерина Фирсова.Көрме 24 сәуірде ашылды және 8 мамырға дейін қолжетімді болады. Кіру тегін.Абай атындағы Қарағанды облыстық балалар кітапханасы Бұқар жырау даңғылы, 30 мекенжайы бойынша орналасқан («Кеншілер мәдениет сарайы» аялдамасы). Ақпарат көзі : https://www.gov.kz/memleket/entities/karaganda/press/news/details/983329?lang=kk

Қарағандылық Анастасия Кутурман Бахрейнде өткен Manama 2025 World Boccia Challenger халықаралық рейтингтік турнирінен қола медальмен оралды. Қазақстандықтар барлығы екі медаль жеңіп алды.Бахрейндегі халықаралық турнирге 14 елден 170 спортшы қатысты. ҚР Ұлттық құрама командасына Астана, Алматы, Қарағанды және Павлодар қалаларынан 10 спортшы кірді.Қарағандылық Анастасия Кутурманнан басқа, Жетісу облысының спортшысы Қуаныш Асқарбеков та жүлдеге ие болды. Ол алтын медаль ұтып алды.Қарағандыда бочча 2020 жылдан бері дами бастады.– Бәрі менің сал ауруына шалдыққан қызым айналысатын спорт іздегенімнен басталды. Мен бочча туралы білдім. Сол кезде Астанадағы инклюзивті мектептердің бірінде дене шынықтыру пәнінің мұғалімі өз бастамасымен бочча бойынша факультатив жүргізгенін білдім. Осылайша біртіндеп, бір-бірімізбен әңгімелесе отырып, біз алдымен Қазақстан бочча федерациясын, содан кейін екі жыл бұрын облыстық бочча федерациясын құрдық, – деді Қарағанды облысы бойынша бочча федерациясы президентінің орынбасары Гаухар Ақыжанова.Анастасия Кутурман Қарағандыда боччаға әуестенген алғашқы спортшылардың бірі болды. Кейіннен оған Аружан Жеңіс қосылды, ол да Бахрейнде Қарағанды облысының намысын қорғады.– Бастапқыда біз дайындыққа барып, жиналған қаражатқа ойынға керек-жарақ сатып алдық. Боччаға арнайы қымбат доптар керек. Сондай-ақ допты ойын алаңына шығару үшін рампалар қажет. Мысалы, Аружан бізде тек саусақтардың ұшымен ғана ойнайды және оған Қазақстан федерациясы ұсынған қымбат рампа қажет болды, – дейді Гаухар Ақыжанова.Қазір Қазақстанда бочча белсенді дамып келеді. Биыл мамыр айында Қарағандыда боччадан Кубок ұйымдастырылады. Ал тамызда Астанада алғашқы халықаралық челлендж өтеді.Бочча – паралимпиадалық спорт түрі, оны церебралды сал ауруы және орталық жүйке жүйесінің басқа да зақымданулары бар адамдар айналыса алады. Бұл доп ойынының дәлдігі боулингке ұқсас. Боччаны қолмен, саусақпен, тіпті ауызбен ойнауға болады. Ол үшін кейбір спортшыларға допты ойын алаңына шығаруға мүмкіндік беретін арнайы рампа қажет.Ақпарат көзі : https://www.gov.kz/memleket/entities/karaganda/press/news/details/983330?lang=kk

Отан қорғаушылар күні мен Ұлы Жеңістің 80 жылдығын мерекелеу қарсаңында ҚР Қорғаныс министрлігі Жамбыл аудандық пайдалану бөлімінің әскери қызметшілері Ұлы Отан соғысының ардагері Иван Федорович Макеев тұратын үйдің кіреберіс қасбетін ретке келтірді.Жыл сайын майдангерге баруды әдетке айналдырған әскери қызметшілер Иван Федорович тұратын бес қабатты үйдің кіреберісіне алаңдайтын. Биыл әскери қызметшілер жөндеу жұмыстарын жүргізу туралы шешім қабылдады.– Ардагерлерге қамқорлық көрсету – біздің міндетіміз,  – деп атап өтті Жамбыл аудандық пайдалану бөлімінің бастығы капитан Сержан Жақыпсейтов. – Кіреберістің қасбетін келтіру бізге еш қиындық туғызған жоқ.Жамбыл АПБ әскери құрылыс-жөндеу тобының күшімен баспалдақтар қалпына келтіріліп, қабырғалар сыланды, кіреберістің төбесі жөнделді.Соңғы кезеңде жұмысқа Тараз гарнизоны байланыс полкінің әскери қызметшілері келіп қосылды. Олар құрылысшыларға қоқыстарды жинауға көмектесіп, бордюрді ақтады.98 жастағы Иван Федорович әскери құрылысшыларға көрсеткен жәрдемі үшін дән риза. – Үйдің жаңартылған қасбетін көру қандай жақсы. Көңіл бөліп, көмек көрсеткендеріңізге көп рахмет, – деді ардагер ағынан жарылып.Майдангердің қызы Ольга әскерилер жүргізген жөндеу жұмыстарына Иван Федорович қана емес, кіреберістің барлық тұрғындары шын жүректен алғыс білдіргенін атап өтті. Бұл акция – әлемді фашизмнен азат еткен ардагерлерге құрмет. Қарт майдангерлерге қамқорлық жасау тек мемлекеттің ғана емес, сонымен қатар игі іс жасауға мүмкіндігі бар әрбір адамның қолынан келетінін еске салады.Ақпарат көзі : https://www.gov.kz/memleket/entities/mod/press/news/details/983374?lang=kk

ҚР Қорғаныс министрлігіне Беларусь Қарулы күштері Жауынгерлік дайындық бас басқармасының бастығы генерал-майор Владимир Белый бастаған шетелдік делегация келді.Жұмыс кездесуі ҚР Қарулы күштерінің Ұлттық әскери-патриоттық орталығында өтті.Бас сержант – ҚР Қарулы күштері Бас штабы Сержанттар құрамымен жұмыс басқармасының бастығы шебер-сержант Темірбек Халықов Беларусь қорғаныс ведомствосының өкілімен сержанттар корпусын дамыту және қатардағы жауынгерлер мен мамандарды даярлауды ұйымдастыру мәселелерін талқылады. – Біз Беларусь әріптестерін сержанттық корпустың қалыптасу және даму кезеңдерімен таныстырдық, – деді шебер-сержант Т. Халықов. – Сержанттарды іріктеу, тағайындау және даярлауды ұйымдастыру жүйесі, оның ішінде мамандық бойынша да айтылды.Сондай-ақ, Беларусьтен келген меймандар кәсіби сержанттарды даярлайтын ҚР Қорғаныс министрлігінің Шоқан Уәлиханов атындағы әскери колледжінде болды.Жұмыс кездесуі Қазақстан мен Беларусь Қорғаныс министрліктері арасындағы екіжақты ынтымақтастық жоспарына сәйкес ұйымдастырылды.Ақпарат көзі : https://www.gov.kz/memleket/entities/mod/press/news/details/982936?lang=kk

Жеңістің 80 жылдығы қарсаңында Ұлы Отан соғысының ардагері, қоғам қайраткері Тамара Александровна Максимова 101 жасқа толды. Ғасырдан асқан туған күн иесін Десанттық-шабуылдау әскерлерінің, Алматы қаласының қорғаныс істері жөніндегі департаментінің, «Ұлы Отан соғысы ардагерлерінің, тыл еңбеккерлері мен соғыс балаларының кеңесі» қоғамдық қорының өкілдері құттықтап барды.   Десанттық-шабуылдау әскерлері қолбасшысының орынбасары полковник Раджан Жанысов ардагерді Қорғаныс министрінің атынан туған күнімен құттықтады.  – Сіз біз үшін табандылықтың, батылдық пен адалдықтың символысыз. Жеңісті жақындатуға және елді қалпына келтіруге қосқан үлесіңіз өлшеусіз. Десанттық-шабуылдау әскерлерінің барлық жеке құрамы атынан Сізге шын жүректен алғыс білдіре отырып, зор денсаулық, ұзақ ғұмыр тілеймін, – деді полковник Р. Жанысов.  Құттықтауларды ризашылықпен қабылдаған Тамара Александровна:– Жақында біз Ұлы Жеңістің 80 жылдығын атап өтеміз. Біз үшін бұл жай ғана күн емес, жүрегімізде мәңгі сақталатын ұлы оқиға. Біздің фашизмге қарсы күрестегі басты қаруымыз бірлік, еңбекқорлық, болашаққа сенім және Отанға деген жанқиярлық махаббат болды. Кейінгі ұрпақ Жеңістің қалай келгенін есте сақтауы керек, – деді. Тамара Александровна 1924 жылы 23 сәуірде Мәскеуде дүниеге келген. Соғыс басталғанда тоғызыншы сыныпты бітірген ол сыныптастарымен бірге әскери комиссариатқа барып, өз еркімен майданға сұранған. Осылайша ол Волоколамск тас жолындағы әскери госпитальге орналасады. Алғашында тіркеу бөлімінде, кейін арнайы курсты оқып бітіріп, медбике болып қызмет атқарды.1943 жылы ауыр жарақат алып, денсаулығына байланысты әскерден босатылды. Соғыстан кейін 10-сыныпты жедел бітіріп, Мәскеу институтының тарих және филология факультетіне оқуға түсті. Кейін диссертация қорғап, ғылым кандидаты дәрежесін алып, әл-Фараби атындағы Қазақ ұлттық университетінде 16 жыл жұмыс істеді.Бүгінде Тамара Александровна «Ұлы Отан соғысы ардагерлері, тыл еңбеккерлері және соғыс балалары кеңесі» қоғамдық қоры қамқоршылық кеңесінің мүшесі. Ардагер II дәрежелі Отан соғысы орденімен, «Мәскеуді қорғағаны үшін» медалімен және басқа да медальдармен марапатталған.Тамара Александровна өмір бойы ел игілігі үшін жұмыс істеді. Ардагерлер қозғалысының белсенді мүшесі. Бірнеше немеренің әжесі. Майдангердің өмір жолы – батылдықтың, еңбекқорлық пен Отанға деген шынайы сүйіспеншіліктің шежіресі іспеттті.Ақпарат көзі : https://www.gov.kz/memleket/entities/mod/press/news/details/982653?lang=kk

Қарағанды облысы жергілікті өнімді өткізу нарығын кеңейтудің қосымша тәсілдерін іздеуде. Өңірге ірі тау-кен металлургиялық «Қазцинк» компаниясының делегациясы келді. Еліміздің түсті металлургиясы көшбасшыларының бірі қазірдің өзінде «Қарағандыда жасалған» маркалы өнімді пайдаланады. Бұл тау-кен қазу жұмыстарына арналған бекіту, футерлеу, гуммирленген бұйымдар және т.б. Шығыс Қазақстан облысының өнеркәсіпшілері жаңа жеткізушілерді іздеуге келді. Сапар қорытындысы бойынша облыс әкімдігімен меморандумға қол қойылды, оның мақсаты – жергілікті тауар өндірушілерді қолдау және өңіраралық іскерлік байланыстарды дамыту.«Казцинк» өкілдері өңірдің бірқатар өнеркәсіптік кәсіпорындарында болып, өндіріспен танысты.Өңірлік кәсіпкерлер палатасының алаңында өңірлік тауар өндірушілер өнімдерінің көрмесі өтті. Арнайы киімнен бастап технологиялық жабдыққа, 3D-басып шығаруды пайдаланатын аддитивті технологияларға дейін жергілікті тауарлар мен шешімдердің кең спектрі ұсынылды.Одан кейін дөңгелек үстел өтіп, онда ынтымақтастықты кеңейту мүмкіндіктері талқыланды.– Біздің облысымызды сіздер білесіздер, жергілікті кәсіпорындармен жұмыс істейсіздер. Өзара тиімді ынтымақтастықты арттыру мүмкіндіктері бар. Біз отандық ірі компаниялардың біздің облыстың тауар өндірушілерімен жаңа қарым-қатынас орнатқанына қуаныштымыз. Бізде импортты алмастыратын өндірістер бар, соның ішінде жоғары өңделген өнім шығарады, – деп қонақтарды облыс әкімі Ермағанбет Бөлекпаев қарсы алды.Қарағандылық тауар өндірушілер компания басшылығына өз ұсыныстарын тікелей айта алды.«Қазцинк» ЖШС бас директоры Жанат Жанботин үкімет ірі бизнестің алдына экономика өсіміне қол жеткізу үшін елдің ішкі құндылығын арттыру міндетін қойып отырғанын атап өтті. Оның пікірінше, бұл сапар іскерлік байланыстарды кеңейтуге серпін береді.– Бізге негізгі тауар өндірушілердің жетістіктерімен, бизнесімен танысуға мүмкіндік туды. Бұл өте жақсы тәжірибе. Iрi бизнестiң ел iшiндегi құндылығын арттыруға қатысуы біз үшiн шешушi болып отыр. Осыған байланысты импортты алмастыру жолымен жүру үшін жергілікті өндірушілермен жанасу нүктелерін іздестірудеміз. Осы кездесуден сенімді серіктестер табамыз деп күтемін. Ынтымақтастық үшін әлеует зор, – деді Жанат Жанботин.Меморандум тараптардың қазақстандық қамтудың өсуін ынталандыруға дайындығын көрсетті. Ақпарат көзі : https://www.gov.kz/memleket/entities/karaganda/press/news/details/982660?lang=kk

Құжатқа Қорғаныс министрі, сондай-ақ спорттық және жауынгерлік самбо федерациясын басқаратын генерал-полковник Руслан Жақсылықов пен ҰОК президенті Геннадий Головкин қол қойды. Тараптар әскери қызметшілер арасындағы олимпиадалық қозғалысты және CISM спорттық бастамаларын қолдау, спорттық инфрақұрылымды дамыту және армия спортшыларын даярлау тиімділігін арттыру бойынша бірлескен жұмыс туралы уағдаласты.Қорғаныс министрі бұл тұрғыда Геннадий Головкин сияқты тәжірибесі мол кәсіби спортшыны ҰОК президенті лауазымына тағайындау қазақстандық спорттың, оның ішінде армия спортының дамуына оң әсерін тигізетінін атап өтті. Ол Қорғаныс министрлігінің Спорт комитеті мен ҰОК арасындағы күш-жігерді біріктіру армия спортшыларының шеберлігін арттыруға ықпал ететінін атап өтті.- Қорғаныс министрлігі Армия орталық спорт клубы мен Ұлттық Олимпиада комитеті арасындағы армия спортшыларын қолдау жөніндегі күш-жігерді біріктіру олардың шеберлігін арттыруға ықпал етеді. Өйткені, біздің ортақ мақсатымыз – чемпиондарды тәрбиелеу, әрі Қазақстанды әлемдік аренада таныту, - деп атап өтті қорғаныс ведомствосының басшысы. Генерал-полковник Руслан Жақсылықов сондай-ақ, жақын арада Алматыда әскери-спорт колледжі ашылатынын, онда тәрбиеленушілер спорттық, әскери даярлық пен орта-техникалық білім беруді жетілдіретінін айтты. Бұл ауылдық аймақтардағы жастарға жол ашып, спортта үлкен биіктерге жетуге мүмкіндік береді.Өз кезегінде Қазақстан Республикасы Ұлттық Олимпиада комитетінің президенті Геннадий Головкин Қорғаныс министрлігінің олимпиадалық спортшыларды даярлауда қолдауын жоғары бағалайтынын атап өтті. - Біздің ынтымақтастығымыз Қазақстанда спортты одан әрі дамытуға және халықаралық аренадағы спортшыларымыздың позициясын нығайтуға ықпал ететін болады. Біздің міндетіміз ортақ. Өзара іс-қимылымыз да жемісті болатынына сенімдімін, - деп қорытындылады Геннадий Головкин.Естеріңізге сала кетейік, Қорғаныс министрлігінің Спорт комитетінде 12 олимпиадалық спорт түрі бар. Армия орталық спорт клубында онымен 131 спортшы айналысады. Өткен жылы әскери қызметшілер Олимпиада ойындарына 21 лицензия ұтып алды. Бұл ретте төрт армия спортшысы Париж Олимпиадасының жүлдегері атанғанын атап өту керек. Ақпарат көзі : https://www.gov.kz/memleket/entities/mod/press/news/details/982499?lang=kk

Алматыда KITF халықаралық көрмесі өтуде. Экспозиция Орталық Азиядағы туризм бойынша ең ірі кәсіби алаң және еліміздің туристік саласының басты оқиғасы болып табылады. Оған әлемнің 30 елінен мыңнан астам туристік компания қатысады.Қарағанды облысынан кәсіпкерлік басқармасы, Қарқаралы ұлттық паркі, R-TOUR туристік агенттігі, «Балқаш» емдеу-сауықтыру кешені, «Nomads Club» ЖШС ішкі туризм туристік агенттігі, «Орман» қонақ үйі, Visit Qaraganda туристік ақпараттық орталығы өкілдік етеді.Алаңда Қарағанды өңірінің бай мәдени және табиғи мұрасы таныстырылды. Қазақстандықтар мен шетелдік қонақтардың демалуы үшін танымал орындар Қарқаралы саябағы мен Балқаш көлінің жағалауы болып табылады.Егер Қарқаралы ұлттық паркі – таулы-орманды оазис және белсенді туризм үшін өте қолайлы болса, онда Қазақстанның үздік 20 туристік орнының қатарына кіретін Балқаш көлі су спортын сүйетіндердің де, тынығып уақыт өткізуді қалайтындардың да көңілінен шығуы мүмкін. Бұл бағыттар үшін инфрақұрылымды дамыту бойынша жол карталары әзірленді.Көрме аясында пленарлық отырыстар, роуд-шоу, семинарлар, тұсаукесерлер және басқа да салалық іс-шаралар өтеді.KITF – бұл меморандумдарға қол қою, елдер арасындағы өңіраралық және шекара маңы ынтымақтастығы бағдарламаларын дамыту үшін тамаша мүмкіндік.Қарағанды облысы кәсіпкерлік басқармасының ақпараты бойыншаАқпарат көзі : https://www.gov.kz/memleket/entities/karaganda/press/news/details/982512?lang=kk

23 сәуірде Қарағанды облысының тұрғындары Жеңіс күнінің 80 жылдығына арналған «Тарих үні» жалпыреспубликалық флешмобына белсене қатысты.Акция Жеңіс күнін мерекелеуге дайындықтың маңызды бөлігіне айналды және тарихи естелікті сақтауға, ардагерлердің ерлігін құрметтеуге және осы құндылықтарды жаңа ұрпаққа беруге бағытталған.Флешмоб аясында қатысушылар майдангерлердің естеліктерінен, майданнан келген хаттардан және Ұлы Отан соғысы кезіндегі мұрағат құжаттарынан қысқа, бірақ терең үзінділерді таңдады. Бұл мәтіндер дауыстап, жан-тәнімен және мәнерлеп оқылып, аудио мен бейнеге жазылды. Содан кейін қатысушылар #ГолосИстории80 және #ТарихҮні80 хештегімен әлеуметтік желілердегі жеке аккаунттарына жазбаларды жариялады.Қатысушылар арасында мектеп оқушылары мен студенттерден бастап ардагерлер мен қамқор азаматтарға дейін әр түрлі буын өкілдері болғаны өте қуанышты. Осылайша, Қарағанды облысының тұрғындары кезекті рет азаматтық белсенділігі мен тарихты дәріптейтінін көрсетті.Ақпарат көзі : https://www.gov.kz/memleket/entities/karaganda/press/news/details/982513?lang=kk

Ә.Тәжібаев атындағы облыстық әмбебап ғылыми кітапханасында Ұлттық кітап күніне орай «Үздіктер салтанаты» атты фестиваль өтті.Шараға облыс әкімінің орынбасары Шахмардан Байманов, облыстық ардагерлер кеңесінің төрағасы Серік Дүйсенбаев, «AMANAT» партиясы Қызылорда облыстық филиалының төрағасы Алмасбек Есмаханов және зиялы қауым өкілдері, оқырмандар қатысты.Фестивальде Шахмардан Байманов сөз сөйлеп, Ұлттық кітап күніне арналған облыс әкімі Нұрлыбек Машбекұлының құттықтауын жеткізді.–Бұл күн Мемлекет басшысы Қасым-Жомарт Кемелұлының үшінші Ұлттық құрылтайда қоғамда оқу мәдениетін қалыптастыру мақсатында берген тапсырмасына сәйкес белгіленді.Бүгінде облыстағы 209 кітапханада 5 миллионға жуық кітап қоры бар. Былтыр облыста жарияланған «Руханият жылы» аясында аймақ басшысы Нұрлыбек Машбекұлының тікелей бастамасымен аудандарда салынған «Руханият орталықтарына» аудандық кітапханалар да көшірілді. Осылайша кітапхана ісін дамыту, халықтың оқу белсенділігін арттыру бағытында мәдени жауһарлар, рухани құндылықтар, экспонаттар мен басқа да түрлі жәдігерлер, мәдени мұралар бір жерге шоғырландырылды. Бұрын аудандық кітапханалардың қор бөлімдерінің сыйымдылығы 55 мың кітапқа арналса, жаңа ғимаратта 200 мың кітап сақтауға мүмкіндік бар, – деді облыс әкімінің орынбасары.Айта кетейік, аймақ басшысы Нұрлыбек Нәлібаев облыстық кітапханаға өзінің жеке кітапханасынан 700-ден астам кітапты сыйға тартты.Іс-шарада тұрақты оқырмандар мен мәдени-көпшілік шараларға белсенді қатысатын азаматтар «Үздік оқырман-2025», «Отбасылық оқудың қуанышы», «Ардагер оқырман», «Ең көп оқитын отбасы», «Ең кішкентай оқырман», «Белсенді оқырман» номинацияларымен марапатталды.Сондай-ақ, кітапхана ғимаратының алаңында «Кітап – жан азығы, өмір қазығы» атты көрме, жас ақындар аллеясы, «Менің сүйікті кейіпкерім» тақырыбында асфальтқа сурет салу, «Кітапханаға кітап сыйла» акциялары, «Арт-территория» шығармашылық алаңы және түрлі интеллектуалды ойындар мен кітап инсталляциялары көпшілік назарына ұсынылды. Мерекелік жиын концерттік бағдарламаға ұласты.Айта кетейік, Ұлттық кітап күніне орай барлық аудандағы "Руханият орталықтарында" іс-шаралар ұйымдастырылып, кітап оқудың маңызы насихатталды.Ақпарат көзі : https://www.gov.kz/memleket/entities/kyzylorda/press/news/details/982572?lang=kk

Астана, 2025 жылғы 23 сәуір – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Пәкістан Ислам Республикасының Қарулы күштері Құрлық әскерлерінің бас қолбасшысы Сайед Асим Мунирмен кездесу өткізді.Тараптар Қазақстан мен Пәкістан арасындағы серіктестіктің жай-күйі мен даму перспективаларын талқылап, екі ел арасындағы сауда-инвестициялық және көлік-логистикалық ынтымақтастық мәселелеріне ерекше назар аударды.Атап айтқанда, екіжақты іскерлік байланыстардың әлеуетін ашуға ықпал ететін транзит-көліктік өзара іс-қимылын кеңейту мүмкіндіктері және осы бағыттағы нақты жобалар қарастырылды.М.Нұртілеу ауыл шаруашылығы, логистика, денсаулық сақтау, фармацевтика және ақпараттық технологиялар салаларындағы бірлескен жобаларды іске асырудың маңыздылығын атап өтті.Ақпарат көзі : https://www.gov.kz/memleket/entities/mfa/press/news/details/982440?lang=kk

Бүгін ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде газ саласын дамыту және цифрландыру, ЮНЕСКО-ның қамқорлығымен мәдени мұраны сақтау және насихаттау мәселелері қаралды. Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан соң аймақ басшысының төрағалығымен өткен мәжілісте газдандыру жобаларына, мәдени мұраларды сақтауға қатысты тапсырмалар жүктелді.«Газдандыру жобаларын сапалы әрі мерзімінде аяқтауды қамтамасыз етіңіздер. «ҚазақГаз Аймақ» мекемесінің қолданыстағы инвестициялық бағдарламасының мерзімі аяқталады. Алдағы бесжылдыққа жаңа инвестициялық бағдарлама дайындалуы тиіс. Ескерткіштер аумағына ақпараттық тақтайшалар, жол белгілерін орнатып, ауласына санитарлық тазалық жұмыстарын тұрақты ұйымдастыру керек. «Руханият орталықтарындағы» аудан тарихы музейлерінің экспозицияларын ЮНЕСКО-ның мәдени мұралары тізіміне енген тарихи жәдігерлермен толықтырыңыздар. Президентіміз бен Үкімет тарапынан экологиялық мәдениетті қалыптастыруға, қоршаған ортаны қорғауға баса мән берілуде. Өңірде тұрмыстық қатты қалдықтарды басқару саласында 9 жобаны жүзеге асыру жоспарланған. Өнеркәсіпті дамыту қоры сараптамасының екінші кезеңінен барлық жобаның өтуін қамтамасыз етіңіздер. Мамыр айында елімізде маңызды қоғамдық-саяси шаралар өтеді.1 мамыр – Қазақстан халқының бірлігі күні, 7 мамыр – Отан қорғаушылар күні, бұдан бөлек, биыл Ұлы Жеңістің 80 жылдығы. Мерекелерді негізгі идеологиялық бағыттар аясында жоғары деңгейде атап өтуіміз қажет. Президент Әкімшілігі бекіткен тұжырымдамаға, көрсетілген ұстанымдарға сәйкес жұмыс жүргізілуі тиіс», – деді Н.Нәлібаев.Айта кету керек, аймақта елді мекендерді газдандыру жұмыстары жоспарлы түрде жүргізілуде. Өңірдегі қалалар мен аудан орталықтары түгелдей, оған қоса 45 ауыл табиғи газға қосылған. Өткен жылы газдандыру жобаларына 30 млрд. 500 млн. теңге бөлініп, 11 елді мекеннің 40 мыңға жуық тұрғыны газ тұтынуға көшті. Жыл басынан бері тағы 5 елді мекен газдандырылып, өңір халқын газбен қамту деңгейі 80,8 пайызға жетті. Биыл газдандыру жобаларына 6 млрд. 100 млн. теңге қаржы бөлінген.Ақпарат көзі : https://www.gov.kz/memleket/entities/kyzylorda/press/news/details/982224?lang=kk

Қазақстанның Қорғаныс министрі генерал-полковник Руслан Жақсылықов Астанаға ресми сапармен келген Пәкістан Қарулы күштері Құрлық әскерлерінің бас қолбасшысы генерал Сайед Асим Мунирмен келіссөздер жүргізді. Бұл соңғы он жылдағы осындай деңгейдегі алғашқы кездесу және бұл екі ел арасындағы әскери ынтымақтастықты нығайтуға деген қызығушылықтың артқанын көрсетеді.Тараптар бітімгерлік қызметті, әскери-техникалық ынтымақтастықты, медициналық қамтамасыз етуді, жауынгерлік даярлықты және арнайы операциялар күштерін оқытумен қатар, екіжақты өзара іс-әрекеттің негізгі бағыттарын талқылады. Қазақстан бітімгерлік жөніндегі халықаралық келісімге қол қоюға дайын екенін білдіріп, оның әріптестікті нығайтуға маңызды қадам болатынын атап өтті.Қорғаныс министрі генерал-полковник Руслан Жақсылықов Пәкістанның бірқатар әскери салаларда айтарлықтай тәжірибесі барын және Қазақстанның білім мен тәжірибе алмасуды дамытуға мүдделі екенін айтты.Өз кезегінде генерал Сайед Асим Мунир жылы қабылдағаны үшін ризашылығын білдіріп, Пәкістан тарапы келісілген барлық бағыттар бойынша ынтымақтасуға дайын екенін атап өтті.Сапар қазақстандық жауынгерлердің ерлігіне құрмет ретінде «Отан қорғаушылар» монументіне гүл шоқтарын қою рәсімімен аяқталды.Ақпарат көзі : https://www.gov.kz/memleket/entities/mod/press/news/details/982264?lang=kk

Астана, 2025 жылғы 23 сәуір – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Хорватия Республикасының Сыртқы және еуропалық істер министрі Гордан Грлич-Радманмен Қазақстанға жасаған ресми сапары аясында кездесу өткізді.Келіссөздердің басты тақырыптары саяси, сауда-экономикалық және мәдени-гуманитарлық салалардағы өзара іс-қимыл мәселелері болды. Ерекше назар Хорватия Премьер-министрі Андрей Пленковичтің Қазақстанға алдағы сапарына және оның Астана халықаралық форумына қатысуына аударылды. Сонымен қатар тараптар 2024 жылғы қарашада М.Нұртілеудің Загребке жасаған сапары барысында қол жеткізген уағдаластықтарды іске асырудың практикалық қырларын егжей-тегжейлі талқылады.«Хорватия – Қазақстанның Балқан аймағындағы және Еуропалық одақтағы негізгі серіктестерінің бірі. Экономикалық ынтымақтастық – қарым-қатынасымыздың басымдығы әрі оны ілгерілететін маңызды қозғаушы күш», – деп атап өтті Қазақстан СІМ басшысы.Өткен жылы өзара сауда көлемі 282 млн АҚШ долларын құрап, Хорватияны Еуроодақ елдері арасында Қазақстанның ірі 15 сауда серіктесінің қатарына енді.Өз кезегінде Г.Грлич-Радман Хорватия Үкіметінің Қазақстанмен өзара қызығушылық тудыратын барлық салада жан-жақты ынтымақтастықты нығайтуға берік ниетін растады. Басты басымдық берілген бағыттар ретінде энергетика, көлік және логистика, фармацевтика, туризм және ауыл шаруашылығы аталып өтті.Министрлер сапар аясында ұйымдастырылған «Қазақстан-Хорватия» бизнес-форумы мен «Astana Hub» халықаралық IT-стартаптар паркіне жасалатын сапар екі елдің іскер топтары үшін байланыстарды кеңейтуге және қолайлы жағдай жасауға ықпал ететініне сенім білдірді.ҚР СІМ басшысы бүгінгі іс-шараны Қазақстан мен Хорватия арасындағы экономикалық байланыстарды нығайтуға бағытталған саяси диалогты жандандырудың бастамасы болатынын баса айтты. Бұл кездесу дәстүрлі достық екіжақты қарым-қатынастардың дамуындағы өсіп келе жатқан динамиканы көрсететінін атап өтті.Мәдени-гуманитарлық салада екі елдің сыртқы саяси ведомстволарының басшылары студенттерге өзара стипендиялар беру туралы уағдаластыққа қол жеткізді.Өңірлік және жаһандық күн тәртібіндегі өзекті мәселелерді талқылау барысында Қазақстан тарапы БҰҰ Жарғысының қағидаттарына және еліміздің жанжалдарды тек бейбіт жолмен шешуге бағытталған теңгерімді әрі прагматикалық сыртқы саясатына берік бейілділігін растады.М.Нұртілеу Орталық Азия мен Ауғанстан үшін Тұрақты даму мақсаттары жөніндегі БҰҰ Өңірлік орталығын Алматы қаласында құру процесінде көрсеткен қолдауы үшін хорват тарапына алғысын білдірді.Келіссөздердің қорытындысы бойынша тараптар екіжақты және көпжақты ынтымақтастықты одан әрі нығайтуға бағытталған бірлескен күш-жігерді жалғастыруға уағдаласты.Ресми келіссөздермен қатар министрлер екі елдің іскер топтарының қатысуымен «Қазақстан-Хорватия» бизнес-форумын ашты. Іс-шара энергетика, құрылыс, ақпараттық технологиялар, туризм және ауыл шаруашылығы сияқты салалардағы екіжақты ынтымақтастықтың келешегін талқылауға арналған алаңға айналды.Қазақстан мен Хорватия кәсіпкерлері сауда-экономикалық байланыстарды кеңейтуге, сондай-ақ тұрақты серіктестікті дамытуға бағытталған бірлескен жобаларды іске асыруға мүдделілігін растады.Сапар аясында хорват министрі Қазақстан Президенті Қасым-Жомарт Тоқаевтың қабылдауында болды.Ақпарат көзі : https://www.gov.kz/memleket/entities/mfa/press/news/details/982157?lang=kk

Қарасай ауданына қарасты Көкөзек ауылында «KT&G Kazakhstan» ЖШС зауытының салтанатты ашылу рәсімі өтті. Бұл — Оңтүстік Кореяның KT&G корпорациясының Қазақстандағы алғашқы жобасы және ол толығымен жеке инвестициялар арқылы жүзеге асырылды.Жаңа кәсіпорын өңірдегі ең ірі өндірістік нысандардың бірі болмақ. Жалпы инвестиция көлемі — 70 миллиард теңге, бұл қаржының барлығы компанияның жеке капиталы есебінен құйылған. Зауыт жобалық қуатына шыққан соң Еуразия мен ТМД нарығына сапалы өнім жеткізуді қолға алады. Зауыт арқылы Қазақстан бюджетіне жыл сайын шамамен 25 миллиард теңге салық түседі деп күтілуде.Қазіргі таңда зауытта 130 қызметкер жұмыс істейді. Алдағы уақытта кәсіпорын кеңейген сайын жұмыс орындарының саны артады.«Бұл зауыт — біз үшін маңызды қадам. Қазақстан — зор әлеуетке ие болашағы бар нарық. Біз бұл серіктестіктің табысты болатынына сенімдіміз», — деді «KT&G Kazakhstan» ЖШС бас директоры Пак Хён Ук.Зауыттағы өндіріс процесі толықтай автоматтандырылған және халықаралық сапа стандарттарына толық сәйкес келеді. Шикізатты сатып алудан бастап, дайын өнімді орауға дейінгі барлық кезеңде қатаң бақылау жүйесі жұмыс істейді.Алматы облысының әкімі Марат Сұлтанғазиев бұл жобаның өңір үшін маңыздылығын ерекше атап өтті:«KT&G зауытының ашылуы — бұл тек жаңа өндірісті іске қосу емес. Бұл — Қазақстан мен Корея арасындағы 33 жылдық серіктестіктің нәтижесі және Алматы облысының инвестициялық тартымдылығының жарқын дәлелі. Біз халықаралық серіктестік үшін барлық жағдайды жасап, біздің өңірді таңдайтын компанияларды әрдайым қолдаймыз», — деді әкім.Ашылу рәсіміне 100-ден астам құрметті қонақ қатысты. Олардың арасында Корея Республикасының Қазақстандағы Төтенше және Өкілетті Елшісі Чжо Тэ-ик пен KT&G корпорациясының бас директоры Банг Кёнг Ман болды. Қонақтар үшін қазақ-корей мәдени бағдарламасы ұйымдастырылып, өндіріс цехтарына экскурсия өткізілді.Жаңа зауыттың іске қосылуымен KT&G Еуразия нарығындағы өз позициясын күшейтіп, Қазақстан экономикасына қомақты үлес қосуда — жұмыс орындарын ашып, экспортты қолдап, жергілікті өндірісті дамытуға атсалысуда.Ақпарат көзі : https://www.gov.kz/memleket/entities/almobl/press/news/details/981386?lang=kk

Ұлттық экономика министрлігінің жанындағы Қоғамдық кеңестің төртінші жаңа құрамы бекітілді. Оған азаматтық қоғамнан 10 өкіл – экономика, құқық, кәсіпкерлік және қоғамдық сектор сарапшылары кірді.Қоғамдық кеңестің жаңартылған құрамында AERC бас директоры Жәнібек Айғазин, «Қазақстан Республикасының аудиторлар палатасы» ЖАҚ вице-президенті Арыстан Ақан, «DASCO Consulting Group» ЖШС әріптесі Эльдар Бейсімбеков, «Қазақстан теміржол тасымалдаушылары қауымдастығы» ЗТБ бас директорының орынбасары Асхат Жапсарбай, «TALAP» қолданбалы зерттеулер орталығы» қоғамдық қорының директоры Асқар Қысықов, «Оңалту және банкроттық рәсімдердегі басқарушылардың қазақстандық одағы» РҚБ Қостанай облысы бойынша филиалының директоры Айгүл Мұстафина, «Бірінші кредиттік бюро» ЖШС Бас директоры, Ұлттық факторингтік қауымдастықтың төрағасы Руслан Омаров, «Fortune Partners» ЖШС бас директоры, MNU салық құқығы мектебінің басшысы Дана Токмурзина, «Стратегиялық бастамалар орталығы» ЖШС әріптесі, Президенттік жастар кадрлық резервінің мүшесі Ербол Төлегенов, «Комментарий» талдау тобының жетекшісі, экономист Эльдар Шамсутдинов бар.Кеңестің үздіксіз жұмысын қамтамасыз ету үшін қазіргі адамдар мүшеліктен шыққан жағдайда азаматтық қоғам кандидаттарының резервтік тізімі де құрылды.Еске салсақ, Қоғамдық кеңес үш жыл мерзімге сайланады. Оның өкілеттігіне министрліктің бюджеттік бағдарламалары мен стратегиялық жоспарларының жобасын талқылау, нормативтік-құқықтық актілерді әзірлеу мен сараптамасына қатысу, сондай-ақ заңнаманы жетілдіру бойынша ұсыныстар әзірлеу кіреді.Жаңа құрамның бірінші отырысында ашық дауыс беру арқылы кеңестің төрағасы болып «Комментарий» талдау тобының жетекшісі, экономист Эльдар Шамсутдинов сайланды. Бұған қоса, 2025 жылға арналған жұмыс жоспары бекітілді. Басым тақырыптардың қатарында кәсіпкерлікті дамыту, жергілікті өзін-өзі басқаруды жетілдіру, энергетиканы жаңғырту мен жаңа Бюджет кодексін іске асыру бар.Сондай-ақ, Қоғамдық кеңес төралқасы құрылып, оның құрамына: ҰЭМ аппаратының басшысы Олжас Сыздықов, кеңес төрағасы Эльдар Шамсутдинов, «ҚР аудиторлар палатасы» ЖАҚ вице-президенті Арыстан Ақан, «TALAP» ҚЗО директоры Асқар Кысықов, MNU салық құқығы мектебінің басшысы Дана Токмурзина кірді.Отырыс соңында аппарат басшысы Олжас Сыздықов Эльдар Шамсутдиновты Қоғамдық кеңестің жаңа құрамының төрағасы болып сайлануымен құттықтады.«Сіздің басшылығыңызбен Қоғамдық кеңес Министрлік қызметінің тиімділігі мен ашықтығын арттыруға елеулі үлес қоса отырып, сындарлы диалог үшін маңызды платформа ретінде өз рөлін күшейтуді жалғастыратынына сенімдімін», - деп атап өтті ол. Аппарат басшысы Кеңестің отырыстары тоқсанына кемінде бір рет өткізілетінін жеткізді.Ақпарат көзі : https://www.gov.kz/memleket/entities/economy/press/news/details/981394?lang=kk

Астана, 2025 жылғы 22 сәуір – Қазақстан Республикасы Сыртқы істер министрінің орынбасары Әлібек Қуантыров Қазақстандағы миссиясының аяқталуына орай Алжир Халық Демократиялық Республикасының Елшісі Камаль Финништі қабылдады.Тараптар екіжақты өзара іс-қимылдың оң динамикасын атап өтіп, екі ел арасындағы өзара тиімді серіктестікті одан әрі тереңдетуге ортақ мүдделілік бар екенін растады.Елші Қазақстанда іске асырылып жатқан жүйелі саяси реформаларды атап өтті. Оның айтуынша, бұл өзгерістер Қазақстан халқының әділетті, ашық әрі тұрақты мемлекет құруға деген ұмтылысын көрсетеді.Өз кезегінде, министрдің орынбасары Астана мен Алжир арасындағы саяси, сауда-экономикалық және мәдени-гуманитарлық ынтымақтастықты дамытуға алжирлік дипломаттың қосқан үлесін ерекше атап өтті.Қазақ дипломаты Алжирдың Елшісіне алдағы кәсіби қызметіне табыс тілеп, Қазақстан мен Алжир арасындағы достық қарым-қатынастардың бұдан әрі де табысты дамитынына сенім білдірді.Кездесу соңында Алжир дипломатына Қазақстан Республикасы Премьер-министрінің орынбасары – Сыртқы істер министрі Мұрат Нұртілеудің атынан алғыс хат пен естелік кәдесый табысталды.Ақпарат көзі : https://www.gov.kz/memleket/entities/mfa/press/news/details/981456?lang=kk