Абайдың 180 жылдығына арналған «Сұлу Сырдан - шырайлы Шығысқа» атты Қызылорда облысының өнер күндері Шығыс Қазақстан облысының орталығы Өскеменде жалғасты. Сыр елінің сәлемін еліміздің шығысына жеткізген делегацияны облыс әкімі Нұрлыбек Нәлібаев бастап барды. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Шығыс Қазақстан облыстық филармониясында «Сыр өңірі – түркі өркениетінің алтын бесігі» атты көрме ашылып, Қызылорда облысының әкімі Нұрлыбек Нәлібаев, Шығыс Қазақстан облысының әкімі Нұрымбет Сақтағанов және өскемендіктерҚызылорда облыстық тарихи-өлкетану музейі қорындағы құнды жәдігерлермен танысты. Кейінгі жылдары музей қоры ежелгі қалалар орнынан табылған жәдігерлерді негізге алып қайта жаңғыртылған «Шірік Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» археологиялық реконструкцияларымен толыққан болатын. Бүгінгі көрмеге келушілер осы жәдігерлерге ерекше назар аударды. Археологиялық экспедициялар кезінде табылған алтындар коллекциясы да осы жерден орын алған. Ежелгі өркениеттің бесігі саналатын Шірік Рабат және Бәбіш мола қалашықтарынан табылған алтын жапсырмалар сол дәуірдің көзіндей. Сондай-ақ, көрмеге орта ғасырларда сауда-саттық пен мәдениеті өркендеген Сығанақ қалашығынан табылған алтын сырғалар, тұмар, түймелер және маржан моншақтардың түпнұсқа коллекциясы қойылған. Шығыс жұртшылығы Жанкент, Асанас, Қышқала, Сығанақтан табылған терракоталар, глазурлі қаптамалар, қыш ыдыстар және Бидайықасар қалашығынан табылған қоссаз домбыра көшірмесін де қызыға тамашалады.Көрмедегі зергерлік және тұрмыстық бұйымдардың орны бөлек. Өңіржиек, жырға, алқа, ағаш жиһаздар, ыдыстар, тері бұйымдары Сыр бойында қолөнердің бай мұрасы сақталғанын көрсетеді. Қару-жарақ коллекциясындағы қылыш, айбалта, семсер, шоқпар, найза, қалқан, жебе тарихтан сыр шертеді.«Деде Қорқыт» кітабының Дрезден нұсқасы, нар қобыз, ЮНЕСКО сертификаты, кәдесыйлар, Марал ишанның көк асасы, Керей ерінің түпнұсқасы, Қалқай ишан, Сердалы Бекшорин, Ер Сейтпенбет, Бұқарбай батырдың мөрлердің көшірмелері де көрмеге келушілер қызығушылығын туғызды.Сондай-ақ, Абайдың 1922 жылы жарық көрген өлеңдер жинағы мен Қызылорданың астана болған кезеңінің фото және архив құжаттары көрме құндылығын арттыра түсті.Еске салайық, кеше «Сыр өңірі - түркі өркениетінің алтын бесігі» көрмесі Абай облысының жұртшылығына ұсынылды.Ақпарат көзі : https://www.gov.kz/memleket/entities/kyzylorda/press/news/details/1072581?lang=kk

Қазақстанның шикізаттық емес экспорты кеңейіп келеді. 2020–2024 жылдары «Экспорттық акселерация» бағдарламасы арқылы 306 кәсіпорын шетелдік нарыққа шықса, жасалған келісімшарттардың жалпы көлемі 189 млн АҚШ долларынан асты. Биыл бағдарламаға тағы 120 өңдеуші өнеркәсіп пен қызмет көрсету компаниясы іріктелді. Бағдарламаның басты артықшылығы – кәсіпкерлерге нарықты зерттеу, өнімді сертификаттау, маркетинг пен қаптамада кәсіби көмек беру, сондай-ақ шетелдік алаңдарда оқыту мүмкіндігін ұсыну. Осы тұрғыда 2025 жылдың тамыз–қыркүйек айларында қазақстандық кәсіпкерлер Бейжің, Үрімші және Гуйян қалаларында білім алды. Оқыту агроөнеркәсіп, жеңіл өнеркәсіп, азық-түлік өңдеу және инновациялар салаларын қамтып, қатысушылар қытайлық стандарттар мен жетекші кәсіпорындардың тәжірибесін зерттеді және ынтымақтастықтың жаңа бағыттарын талқылады. «Қытай – өндіріс пен саудада әлемдік көшбасшы. Егер қазақстандық компаниялар жаһандық нарықта бәсекеге түскісі келсе, алдымен осы елдің талаптары мен тәжірибесін білуі шарт. Сол себепті біз акселераторларды дайындау алаңы ретінде Қытайды таңдадық», – деді QazTrade бас директоры Айтмұхаммед Алдажаров. «Оқу барысында біз негізінен өндірістегі қауіпсіздік мәселелерін талқыладық. Қытайлық әріптестердің жұмыс тәсілдері мен стандарттарын көзбен көріп, тәжірибеден өттік. Сондай-ақ ірі тоқыма фабрикаларына барып, мата үлгілері мен баға ұсыныстарын алдық. Ең қатты таңғалдырғаны – автоматтандыру деңгейі. Алып цехтарда бар болғаны елуге жуық адам жұмыс істейді, ал қалғанын толықтай роботтар атқарады. Бұл тәжірибеден Қазақстандағы тоқыма өндірісіне жаңа технология енгізудің маңызын түсіндік», – деді «UNIFORMA Systems» өндіріс жөніндегі менеджері Сандибек Далмаханов. Соның нәтижесінде Қытайдағы семинарлар қазақстандық өндірушілер үшін нағыз «экспорт мектебіне» айналды. Қатысушылар тек технология мен маркетинг бойынша білім алып қана қоймай, болашақ экспорттық келісімшарттарына қадам жасады.Ақпарат көзі : https://www.gov.kz/memleket/entities/mti/press/news/details/1072652?lang=kk

Абайдың 180 жылдығына арналған «Сұлу Сырдан - Шырайлы шығысқа» атты Қызылорда облысының өнер күндері Өскемен қаласында жалғасын тапты. Сырдың бойынан Ертіс жағасына сапар шеккен делегацияны облыс әкімі Нұрлыбек Нәлібаев бастап барды. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Шығыс Қазақстан облыстық филармониясына жиналған көрерменге өнерпаздар ән-жырдан шашу шашты.Аймақ басшысы ұлт руханияты мен мәдениетінің, әдебиеті мен өнерінің қайнар бастауындағы тұлғалар түлеген Шығыс жұртшылығына ізгі тілегін білдірді.«Өз заманынан көш ілгері ойлайтын Шәкәрім Құдайбердіұлынан «Сыр – Алаштың анасы» деген нақыл қалған. Қилы заманда, зұлматқа толы күндерде, ақтабан шұбырынды кезеңінде, ел ішін ашаршылық жайлағанда бүкіл қазақ баласы көш-керуенінің басын Сырға бұрып, Сырды анасындай паналаған. Сол себепті, Алашқа ана болған Сырдың қазақ үшін орны да, жөні де бөлек. Күллі түркі әлемінің алтын бесігі саналатын Алтай төріндегі шырайлы шығыс өлкесі – түркілердің сана-сезімін қалыптастырған, рухани ұясында талай ұлы тұлғалар тәрбиеленген қасиетті мекен.Ырыс аунап, құт қонған Шығыс Қазақстан – қазақ халқының жан-дүниесінің тереңдігін айқындайтын киелі өлке.Шыңғыс тауының бөктерінде ұлы Абайдың 180 жылдығы Президентіміздің қолдауымен жоғары деңгейде атап өтілуі де осының айқын дәлелі. Мемлекет басшымыз «Ұлы Абай – біздің еліміздің мақтанышы ғана емес, әлемдік деңгейдегі кемеңгер. Оның өлеңдері мен қара сөздері – ұлттық болмысымыздың айнасы» деген болатын.Баршаңызды қазақтың біртуар ұлы ақыны, «адамзаттың Абайы» атанған ағартушы, рухани реформатор Абай Құнанбайұлының жалпыхалықтық тойымен Сыр жұртшылығының, Өзімнің атымнан шын жүректен құттықтаймын!», – деді Н.Нәлібаев.Мерекелік басқосуда Шығыс Қазақстан облысының әкімі Нұрымбет Сақтағанов сөз сөйлеп, өнер күндерін өткізуге қолдау білдірген облыс әкімі Нұрлыбек Нәлібаевқа, атсалысқан өнерпаздарға алғысын жеткізді.Концертте Қорқыттың сарыны қылқобыздан төгіліп, «Күлтегін» жырының үзіндісі орындалды, көрермен қошеметіне ие болған «Қорқыт–қобыз» әні шырқалды.«Ұлы дала поэмасы» хореографиялық қойылымын қойған «Томирис» би ансамбліне ерекше құрмет көрсетілді.Сыр сүлейлерінің толғауларына сусаған көрерменге Нұртуған жыраудың «Өсиеті», Нартай ақынның «Өздерің білер Нартаймын», Ақ Кете Шернияздың «Сөз сөйлейін бөлмелеп» термелері ұсынылды.«Бүлдірген», «Сұрша қыз», «Сырдың қараторғайы», «Ауылың сенің іргелі» сияқты халық әндері, әлемдік классиканың жауһар туындылары орындалды.Еске салайық, кеше «Сұлу Сырдан - ұлы Абай еліне» атты Қызылорда облысының өнер күндері Абай облысында өтті.Ақпарат көзі : https://www.gov.kz/memleket/entities/kyzylorda/press/news/details/1072685?lang=kk

Облыс әкімі Нұрлыбек Нәлібаев бастаған делегация сапары Шығыс Қазақстан облысында жалғасты. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Меймандарды ШҚО әкімі Нұрымбет Сақтағанов қарсы алды. Делегация мүшелері ең әуелі Өскемендегі Халифа Алтай атындағы мешіттің сәулеттік құрылымымен, ішкі жұмысымен, діни ағартушылық қызметімен танысты.Одан кейін Жеңіл атлетика манежіне барды. Олимпиада чемпионы Ольга Рыпакованың аты берілген спорттық нысан 2014 жылдан бері жұмыс істейді. Онда жеңіл атлетиканың түрлі бағытында жаттығатын өлке спортшылары жарыстарда жоғары нәтиже көрсетіп келеді. Делегация назарына ұсынылған Жекпе-жек кешені де - Шығыс Қазақстандағы озық спорт нысандардың бірі.Содан соң қонақтар өз өнімдерін тек өңірге ғана емес, республика аумағына саудалайтын «Шығыс сүт» ЖШС-ға барды.Бүгінде мұнда 80 түрлі өнім шығарылады. Қызылордалықтар корпорацияның тарихымен, жабдықтарымен танысып, жұмыс барысын бақылады. Делегация мүшелері ШҚО әкімдігі ғимаратының алдындағы Абай Құнанбайұлы ескерткішіне тағзым етіп, жуырда ашылған «Алтай» көтерме-тарату орталығына барды. Шығыс өңірдегі ең ірі сауда орталығы ауыл шаруашылығы өнімдерін қайта өңдеуге және бағаның тұрақталуына оң септігін тигізуде.Айта кету керек, өңірлер арасындағы байланысты күшейте түсетін осындай делегациялар сапары Бердібек Сапарбаевтың бастамасымен қолға алынған болатын. Игі дәстүр бұдан кейін де үзілмей, жалғасын таба бермек.Ақпарат көзі : https://www.gov.kz/memleket/entities/kyzylorda/press/news/details/1072358?lang=kk

Маңғыстау облысында «Айбалта-2025» жедел-стратегиялық командалық-штабтық оқу-жаттығуының екінші кезеңі жалғасуда. Қазақстан Республикасы Қарулы күштері Құрлық әскерлерінің бөлімшелері топтасып, операция өтетін бағыттарда топтар құру үшін белгіленген аудандарға марш жасауда.Әскерлерді басқаруды ұйымдастыруда жорық қимылдарын пысықтауға ерекше назар аударылады. Әскери бөлімдер ұзақ қашықтыққа – 3000 шақырымға дейін немесе одан да көп жол жүреді, белгіленген аудандарда орналасып, онда тактикалық іс-қимылдарға дайындалады.Екінші кезеңнің басты мақсаты – құрамалар мен бөлімдердің ұрысқа барынша жақын жағдайда іс-қимыл жасау қабілетін тексеру.«Айбалта – 2025» оқу-жаттығуы әскери қызметшілерді даярлаудың жоғары деңгейін, олардың ұтқырлығын және алыс шептерде елдің қорғаныс қабілетін қамтамасыз ету жөніндегі күрделі міндеттерді орындауға әзірлігін көрсетеді.Ақпарат көзі : https://www.gov.kz/memleket/entities/mod/press/news/details/1072359?lang=kk

Германияның Котбус қаласында батут гимнастикасынан 2025 жылғы Әлем кубогының төртінші кезеңі өтті. Қарағандылық спортшылар Данил Мұсабаев пен Никита Тумаков жарыстың чемпиондары болып танылды.Байрақты бәсекеге 13 елден 57 спортшы қатысып, бес жиынтық медаль сарапқа салынды.Қарағандылық дуэт синхронды секіру сайысында 52,200 ұпай жинап, қарсыластарын артта қалдырды. Екінші орынға әлем чемпиондары – германиялық Кайо Локстерман мен Фабиан Фогель (52,050) жайғасса, үшінші орынды әлем және Еуропа чемпиондары – британдық Зак Перзаманос пен Кори Уолкс (51,530) иеленді.Жеңімпаздарды жаттықтырушы Сергей Вертянкин дайындады.Айта кетерлігі, Мұсабаев пен Тумаков үшін бұл маусым табысты өтіп келеді. Биыл ақпанда олар Әзірбайжанда өткен әлем кубогы кезеңінде күміс жүлде алған болатын.Данил Мұсабаев – Қазақстан спортындағы жұлдыздардың бірі, 2022 жылғы Азия ойындарының күміс жүлдегері әрі 2024 жылы Парижде өткен Олимпиадаға қатысушы. Ал 18 жастағы Никита Тумаков үшін сол күміс – әлемдік деңгейдегі алғашқы медаль еді. Енді ол алтынды да қанжығасына байлады.Бұл туралы Қарағанды облысының дене шынықтыру және спорт басқармасының баспасөз қызметі хабарладыАқпарат көзі : https://www.gov.kz/memleket/entities/karaganda/press/news/details/1072361?lang=kk

Өткен демалыс күндері Алматыда ауқымды шара өтті – қала тұрғындары дәстүр бойынша Қала күнін демалыс күнгі жәрмеңкелерге барып атап өтті. Сенбі-жексенбі күндері мегаполистің 6 ауданында 12 жәрмеңке ұйымдастырылып, 300 тоннадан астам өнім сатылды.Сөрелерге жаңа ет, көкөніс, жеміс-жидек, шұжық, бал және басқа да 1 000-нан астам тауар түрлері қойылды. Оларды Алматы қаласы мен Алматы облысының 270 ауыл шаруашылығы өндірушісі мен фермері ұсынды. Әсіресе әлеуметтік маңызы бар азық-түліктердің бағасы нарықтағыдан 15–20% төмен болғаны қала тұрғындарына үлкен қолдау көрсетті.«Мен 2013 жылдан бері осы жәрмеңкеге келемін. Мамыр ықшамауданынан арнайы осында келемін. Маған бәрі ұнайды, бағасы да қолжетімді», – дейді қала тұрғындарының бірі. Көптеген алматылықтар үшін мұндай жәрмеңкелер мерекелік дәстүрге айналып, сапалы азық-түлікті тиімді бағамен алудың мүмкіндігіне жол ашып отыр.Сатылған 300 тонна өнімнің ішінде шамамен 45 тоннасы – ет (соның ішінде сиыр еті), ал 210 тоннасы – көкөніс пен жеміс-жидек. Бұл жәрмеңкелердің алматылықтарға ұсынатын өнімдерінің мол әрі әртүрлі екенін көрсетеді.Жәрмеңкелер әр сенбі-жексенбі күндері сағат 09:00-ден 18:00-ге дейін мына мекенжайларда өтеді:Алмалы ауданы – Масанчи көшесі (Айтеке би мен Гоголь көшелерінің арасы);Әуезов ауданы – Өтеген батыр көшесі (Абай даңғылынан төмен);Бостандық ауданы – Қазақфильм ықшамауданы (Әл-Фараби даңғылынан жоғары);Жетісу ауданы – Құлагер ықшамауданы, «Гүлдер» саябағының алдында;Медеу ауданы – Мендіқұлов бульвары – Бектұров көшесі;Алатау ауданы – Мәдениет ықшамауданы.Демалыс күнгі жәрмеңкелер қала өмірінің маңызды бөлігіне айналды. Оларды апта сайын 40 мыңнан астам адам аралап, жергілікті өндірушілерді қолдап, жаңа өнім сатып алады.Жәрмеңкенің басты мақсаты – фермерлерге өз өнімдерін, соның ішінде әлеуметтік маңызы бар тауарларды тікелей сату мүмкіндігін беру, ал қала тұрғындарына оларды қолжетімді бағамен ұсыну. Бұл нарықтағы бағаның тұрақтылығын сақтауға және халықтың барлық тобы үшін азық-түліктің қолжетімді болуына ықпал етеді.Ақпарат көзі : https://www.gov.kz/memleket/entities/mti/press/news/details/1072230?lang=kk

Қарағанды облысында инвестиция тарту жұмыстары белсенді жүргізілуде. Биылғы сегіз айда өңірге 644 млрд теңге қаржы құйылды. Бұл өткен жылдың осы кезеңімен салыстырғанда 11 пайызға артық.Бұл туралы аппараттық кеңесте облыстық кәсіпкерлік және өнеркәсіп басқармасының басшысы Асқар Газалиев мәлімдеді.2025 жылы жалпы саны 29 инвестициялық жобаны жүзеге асыру жоспарланған. Оның жартысына жуығы өңдеу өнеркәсібі саласына тиесілі. Жыл қорытындысымен 1,5 трлн теңге инвестиция тарту көзделген.Инвесторларға өңірде қолайлы жағдай жасалған. Мемлекеттік бағдарламалар мен даму институттарымен қатар, өңірлік «Кәсіпкер» және «Өрлеу» бағдарламалары жұмыс істейді. Дайын инфрақұрылыммен және салықтық жеңілдіктермен қамтамасыз етілген екі ірі алаң бар – «Сарыарқа» АЭА мен Саран индустриялық аймағы. Сондай-ақ «Сарыарқа» ӘКК базасында Инвесторларға қызмет көрсету орталығы жұмыс істейді.Қолдау тетіктері жеңілдетілген несиелер, инфрақұрылым тарту, жер телімдерін бөлу және жер қойнауын пайдалану лицензияларын ұсынуды қамтиды.– Облыста іскерлік белсенділік артып келеді. Шағын және орта бизнес субъектілерінің саны 101 мыңнан асты. Биыл 3,8 мың кәсіпкерге субсидия, кепілдік, грант және жеңілдетілген несие арқылы қаржылай қолдау көрсету жоспарланған, – деді Асқар Ғазалиев.Қазірдің өзінде бірнеше ірі жоба іске қосылды. Атап айтқанда, ыстық мырыштау зауыты, Samsung маркалы теледидарлар мен кір жуғыш машиналар шығаратын өндіріс орындары пайдалануға берілді. Металлургиялық кремний өндірісі қайта қалпына келтірілуде.Осакаров ауданында қуаттылығы 150 МВт болатын жел электр станциясының құрылысы аяқталуға жақын. Жақын уақытта өңірде болаттан тік дәнекерлі құбырлар, алюминий радиаторлары мен кремнийлі қорытпалар өндірісі жолға қойылады.Аграрлық салада да ірі жобалар бар. Осакаров ауданында ең ірі тауарлы-сүт фермасының құрылысы басталды. Жыл соңына дейін сыйымдылығы 1200 басқа арналған алғашқы кезең іске қосылмақ.Облыс әкімі Ермағанбет Бөлекпаев инвестициялық жобалардың жүзеге асырылуы үнемі бақылауда екенін атап өтті.– Қазақстан халқына Жолдауында Мемлекет басшысы инвестицияларды қай салаға және қандай көлемде бағыттау қажеттігін нақтылап айтты. Жобаларды дайындау мен іске асыруға әкімдер жеке жауапты. Инвесторларда мәселе туындаған жағдайда, заң аясында жедел шаралар қабылдануы тиіс, – деді өңір басшысы.Ақпарат көзі : https://www.gov.kz/memleket/entities/karaganda/press/news/details/1072257?lang=kk

Семей қаласында Абайдың 180 жылдығына арналған «Сұлу Сырдан - ұлы Абай еліне» атты Қызылорда облысының өнер күндері өтті. Облыс әкімі Нұрлыбек Нәлібаев бастаған делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Семейдегі Абай атындағы театрда Абай елінің көрермендеріне сұлу Сырдың жыр сәлемі жеткізіліп, аймақ басшысы концертке келушілерге ізгі тілегін білдірді.«Еліміздің ұлттық руханияты мен мәдениетінің, әдебиеті мен өнерінің ордасы – киелі Семей өлкесінде Өздеріңізбен жүздескенімізге қуаныштымыз! Президентіміз Қасым-Жомарт Кемелұлы: «Семей – ұлы даланың ұлағатты өлкесі. Бұл – Алаш арыстарының ізі қалған, зиялыларымыз елдің болашағы үшін күрескен қастерлі өңір. Семей – ұлттық ғылым мен білімнің, өнер мен мәдениеттің тарихи орталығы» деп лайықты бағасын берді.Абайдың есімін иеленген қасиетті өлкеде ұлы тұлғаның 180 жылдығы биыл аса жоғары деңгейде аталып өтті. Мемлекет басшысы «Ұлы Абай – біздің еліміздің мақтанышы ғана емес, әлемдік деңгейдегі кемеңгер. Оның өлеңдері мен қара сөздері – ұлттық болмысымыздың айнасы» деген болатын. Ақын өсиеттері – бүгінгі ұрпақтың айнымас қазығы. Баршаңызды қазақтың ұлы ақыны, «адамзаттың Абайы» атанған ағартушы, рухани реформатор Абай Құнанбайұлының жалпыхалықтық тойымен Сыр жұртшылығының, Өзімнің атымнан шын жүректен құттықтаймын!Семей және Қызылорда қалалары ұлтымыздың тағдыршешті мәселелері қаралып, маңызды шешімдер қабылданған саяси орталық ретінде тарихқа таңбаланған.Бүгінде Президентіміздің қолдауымен дербес облыс болып құрылған Абай елінде серпінді жобалар қарқын алғанына қуаныштымыз. Мәдениет пен руханиятты дамыту – еліміздің тұтастығын, ұлттық сана мен қоғамдық келісімді нығайтудың берік негізі.Бүгінгі шара екі өңірдің мәдениет, өнер саласы қызметкерлерінің тәжірибе алмасуына, іскерлік байланыстарды арттыруға ықпал етеді. Тәуелсіз еліміздің тұғыры берік, болашағы жарқын болғай!», – деді Н.Нәлібаев.Мерекелік басқосуда Абай облысының әкімі Берік Уәли сөз сөйлеп, өнер күндерін өткізуге қолдау білдірген облыс әкімі Нұрлыбек Нәлібаевқа, атсалысқан өнерпаздарға алғысын жеткізді.Концертте Қорқыттың күйі, халық әндері, Сыр сүлейлерінің термелері, «Ұлы дала поэмасы» хореографиялық қойылымы, күй тартыс, «Махамбет» поэмасы және басқа да туындылар көрерменге ұсынылды.Еске салайық, бұған дейін Қызылорда облысының мәдениет және өнер күндері Елордамыз Астанада, одан кейін Алматы қаласында жоғары деңгейде ұйымдастырылған еді.Өңірдің өнер майталмандары Наурыз мерекесін, еліміздің салт-дәстүрлерін халықаралық деңгейде насихаттап, Испания, Финляндия, Эстонияда маңызды шаралар өткізді. Алдағы қазан айында ұлттық мерекеміз – Республика күніне орай Швейцарияның бірқатар қаласында Қызылорданың мәдениет және өнер күндерін өткізу жоспарланған.Ақпарат көзі : https://www.gov.kz/memleket/entities/kyzylorda/press/news/details/1072268?lang=kk

Абай облысында өтетін Қызылорда облысының өнер күндеріне барған Қызылорда облысының әкімі Нұрлыбек Нәлібаев бастаған делегация Семейдегі «Абай ұлдарымен» ескерткішіне гүл шоқтарын қойды. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Сыр елі делегациясының мүшелері Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығын аралап, құнды жәдігерлермен танысты. Абай облысының әкімі Берік Уәли қонақтарға «Semey Smart City» шағын ауданының құрылыс жобасын таныстырды. Қаланың солтүстік бөлігінде орналасқан жаңа ауданда 75 мың тұрғынға арналған тұрғын үй кешендері, 40-тан астам әкімшілік, коммерциялық және әлеуметтік нысандар, саябақтар бой көтермек.Мемлекет басшысының қолдауымен басталған «Абайға құрмет» акциясы аясында еліміздің 11 өңірі Семей қаласына бір нысан салып беруге өз ұсыныстарын берді. Маңғыстау облысы Достық үйінің іргетасын қалады. Шымкент қаласы шығармашылық орталығын, Түркістан облысы көрме орталығын, Астана қаласы Келешек мектебін, Ақтөбе облысы жекпе жек орталығын, Павлодар облысы үстел теннисі орталығын, Солтүстік Қазақстан облысы Рәміздер алаңын, Батыс Қазақстан облысы желілік саябақ салуды, Шығыс Қазақстан облысы Ертіс жағажайын абаттандыруды жоспарлаған.Қызылорда облысының әкімі Нұрлыбек Нәлібаев Мемлекет басшысының бастамасын қолдайтынын жеткізді. «Барлық бастамаларыңызға сәттілік тілейміз. Мемлекет басшысының, Үкіметтің қолдауымен үлкен жобаны қолға алған екенсіздер. Біз де бұл игілікті іске өз үлесімізді қосамыз. Қызылорда қаласында «Анаға тағзым» орталығы бар. Сондай ғимараттың бірін жоспарлаймыз» деді.Делегация Семей қаласында орналасқан еліміздегі автобус құрастыратын жетекші кәсіпорындардың бірі «Daewoo Bus Kazakhstan», жүк көліктерін, арнайы техника құрастырумен айналысатын «СемАЗ» және түрлі баспа өнімдерін шығарумен шұғылданатын «Казполиграф» серіктестіктерін аралады. Кәсіпорындардың өнімдеріне қызығушылық танытып, алдағы уақытта бірлесе жұмыс істеуге дайын екендерін жеткізді.Ақпарат көзі : https://www.gov.kz/memleket/entities/kyzylorda/press/news/details/1072119?lang=kk

Семей қаласында Абайдың 180 жылдығына арналған «Сұлу Сырдан - ұлы Абай еліне» атты Қызылорда облысының өнер күндері өтті. Облыс әкімі Нұрлыбек Нәлібаев бастаған делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Алдымен Семейдегі Абай атындағы театрда «Сыр өңірі – түркі өркениетінің алтын бесігі» атты көрме ашылды. Оны Қызылорда облысының әкімі Нұрлыбек Нәлібаев, Абай облысының әкімі Берік Уәли аралап көрді.Қызылорда облыстық тарихи-өлкетану музейі қорындағы құнды жәдігерлерден жасақталған көрме 3 бөлімнен тұрады.Ондағы «Шірік Рабат сақ жауынгері», «Сығанақ ханшайымы», «Түгіскен көсемі», «Жетіасар ақсүйек әйелі» археологиялық реконструкциялары археологиялық-этнографиялық экспедициялар кезінде табылған жәдігерлерді негізге алып жасалған. Келушілер назарына археологиялық алтындар коллекциясы, атап айтқанда Шірік Рабат және Бәбіш мола қалашықтарынан табылған алтын жапсырмалар, Сығанақ қалашығынан табылған алтын сырғалар, тұмар, түймелер және маржан моншақтардың түпнұсқа коллекциясы ұсынылды. Жанкент, Асанас, Қышқала, Сығанақтан т.б. табылған терракоталар, глазурлі қаптамалар, қыш ыдыстар және Бидайықасар қалашығынан табылған қоссаз домбыра көшірмесі де Абай елі тұрғындарының қызығушылығын туғызды. Көрмеге қойылған зергерлік бұйымдар коллекциясының тарихы бай. Сыр бойының қазақ әйелдері тағынған күміс әшекейлердің, яғни өңіржиек, жырға, алқаның, тұтынған ағаш жиһаздарының, ыдыстардың, тері бұйымдарының, ер қаруы болған қылыш, айбалта, семсер, шоқпар, найза, қалқан, жебенің құндылығы жайында білгісі келетіндер қатары көп болды. Сондай-ақ, түркі дүниесінің ұлы абызы Қорқыт атаның «Деде Қорқыт» кітабының Дрезден нұсқасы, нар қобыз, ЮНЕСКО сертификаты, кәдесыйлар, үш жүздің пірі болған Марал ишаннан жеткен көк аса, Марал бабаның оққағары болған Тәжіге тиесілі Керей ерінің түпнұсқасы, Қалқай ишан, Сердалы Бекшорин, Ер Сейтпенбет, Бұқарбай батыр пайдаланған мөрлердің көшірмелері де көрме төрінен орын алған. Семейліктер Абайдың 1922 жылы жарық көрген өлеңдер жинағының, Қызылорданың Қазақ АКСР-інің астанасы болғанына 100 жыл толуына орай фото және архивтік құжаттардың қыр-сырына қанықты.Ақпарат көзі : https://www.gov.kz/memleket/entities/kyzylorda/press/news/details/1072216?lang=kk

Қорғаныс министрлігінде армия спортшысы, бокстан екі дүркін әлем чемпионы қатардағы жауынгер Алуа Балқыбекованың құрметіне арналған салтанатты іс-шара өтті. Ол Ливерпульде өткен әлем чемпионатында алтын медаль жеңіп алды.Қорғаныс министрі авиация генерал-лейтенанты Дәурен Қосанов спортшыны жеңісімен құттықтап, оның ерлігі мен табандылығын атап өтті. Министрдің айтуынша, Балқыбекованың жетістіктері жастарға үлгі болып, жеңіске деген сенім мен жігердің маңызын көрсетеді.Сонымен қатар қорғаныс министрі Армия орталық спорт клубы бокс командасының басшысы аға лейтенант Әлішер Омаркұловқа кәсіби еңбегі мен чемпионды дайындаудағы үлесі үшін алғыс айтты.Елеулі жетістіктері үшін Алуа Балқыбекова «Ел қорғаны» ведомстволық медалімен марапатталды. Ал Әлішер Омаркұловқа мерзімінен бұрын «капитан» әскери атағы берілді.Өз кезегінде Алуа Балқыбекова қолдау білдіргені үшін ризашылығын білдіріп, Қорғаныс министрлігіне әйелдер құрамасының әлем чемпиондары қол қойған бокс қолғаптарын сыйға тартты.«Мен армия спортының бір бөлігі болғаныма мақтанамын. Әріптестеріме, жаттықтырушыма және Қорғаныс министрлігіне қолдауы үшін алғыс айтамын. Жеңістерім жастарды спортқа баулиды деп сенемін», – деді чемпион.Іс-шара соңында спортшылар мен жаттықтырушыларға алғыс хаттар мен естелік сыйлықтар табыс етілді. Бұл салтанат армия спортын дамыту – жоғары жетістіктерге жететін мамандарды дайындаудың маңызды бөлігі екенін көрсетті.Ақпарат көзі : https://www.gov.kz/memleket/entities/mod/press/news/details/1072217?lang=kk

20–21 қыркүйек күндері Астанада кезекті өңірлік ауыл шаруашылығы жәрмеңкесі өтті. Оған 50 мыңнан астам тұрғын мен қонақ қатысты. Бұл шара елорда өміріндегі елеулі оқиғаға айналып, Абай және Атырау облыстарынан келген 200-ден астам тауар өндірушіні біріктірді. Жәрмеңке «Қазанат» ипподромының автотұрақ аумағында ұйымдастырылып, келушілер фермерлердің өздері өндірген өнімдерін қолжетімді бағамен сатып алу мүмкіндігіне ие болды.Жәрмеңкеде ет, балық, сүт, түрлі бакалея өнімдері, сонымен қатар жаңа піскен көкөніс, жеміс-жидек пен бал ұсынылды. Барлығы шамамен 400 тонна өнім саудаланды. Оның ішінде – 140 тонна ет пен ет өнімдері, 80 тонна көкөніс пен жеміс-жидек, 70 тонна бал, 50 тонна бақша өнімдері, 25 тонна балық және 15 тонна сүт өнімдері. Бұл шара елордада азық-түліктің қолжетімділігін арттыруға әрі отандық өндірушілерді қолдауға ықпал етеді.Сонымен қатар жәрмеңке қонақтары Абай мен Атырау облыстарынан келген өнер ұжымдарының концерттік бағдарламасын тамашалап, мерекелік көңіл-күйге бөленді.Жәрмеңке алдағы аптада да жалғасады. 27–28 қыркүйекте Алматы және Маңғыстау облыстарының өндірушілері елорда тұрғындарына өз өнімдерін ұсынады. Бұл жолы да қала жұртшылығы сапалы ауыл шаруашылығы тауарларын тиімді бағамен сатып ала алады.Келушілердің ыңғайы үшін №18, 37 және 303 бағытындағы автобустар жүріп, Қарқаралы тас жолы, 1 мекенжайындағы жәрмеңке орнына қатынауды жеңілдетеді.Ақпарат көзі : https://www.gov.kz/memleket/entities/mti/press/news/details/1072218?lang=kk

Астана, 2025 жылғы 19 қыркүйек – Қазақстан Республикасы Сыртқы істер министрінің орынбасары Арман Исетов Германия Федеративтік Республикасы Сыртқы істер министрлігінің Бас инспекторы Сабина Штёрмен кездесу өткізді.Тараптар екіжақты ынтымақтастық мәселелерін, сондай-ақ экономикалық және мәдени-гуманитарлық салалардағы әріптестікті нығайту мәселелерін талқылады. Сондай-ақ шетелдегі мекемелердің жұмысына қатысты өзекті мәселелер бойынша пікір алмасты.Серіктестікті одан әрі нығайтуға және бірлескен жобаларды дамытуға өзара мүдделілік аталып өтті.Ақпарат көзі : https://www.gov.kz/memleket/entities/mfa/press/news/details/1071854?lang=kk

Атырау облысының әкімі Серік Шәпкенов Тайсойған ауылында Қызылқоға ауданының тұрғындармен кездесті. Аймақ басшысы өңірдің әлеуметтік-экономикалық дамуы туралы баяндап, негізгі капиталға салынған инвестициялар көлемінің 21,5%-ға өскенін, өнеркәсіп пен ауыл шаруашылығы өндірісінде өсім барын және әлеуметтік инфрақұрылымның қарқынды дамып келе жатқанын атап өтті. Әлеуметтік инфрақұрылым•Соңғы екі жылда 7 мектеп жаңғыртылды: жөндеу жұмыстары жүргізіліп, жаңа жиһаздар мен кабинеттер сатып алынды.•Сағызда Жастар үйі мен Өнер орталығына ғимараттар алынды.•Жамансорда 80 орындық мектеп пен 30 орындық интернат салынуда.•Қарабауда 120 орындық бастауыш мектеп салу жоспарланған, мердігер анықталуда.•Жасқайратта 100 орындық, Тайсойғанда 50 орындық балабақша құрылысының жобасы дайындалуда.•Биыл Мұқырда (400 орын) және Қарабауда (300 орын) салынып жатқан мәдениет үйлерінің құрылысы аяқталады. 2026 жылы Миялыда 500 орындық мәдениет үйі мен Тайсойғанда шығармашылық орталықтың құрылысы басталады.•Спорт саласында Мұқыр, Қарабау, Қоныстану және Қаракөл ауылдарында спорт кешендері салынуда, Жангелдин және Тайсойғандағы кешендер 2026 жылы пайдалануға беріледі. Әлеуметтік инфрақұрылым•Соңғы екі жылда 7 мектеп жаңғыртылды: жөндеу жұмыстары жүргізіліп, жаңа жиһаздар мен кабинеттер сатып алынды.•Сағызда Жастар үйі мен Өнер орталығына ғимараттар алынды.•Жамансорда 80 орындық мектеп пен 30 орындық интернат салынуда.•Қарабауда 150 орындық бастауыш мектеп салу жоспарланған, мердігер анықталуда.•Жасқайратта 100 орындық, Тайсойғанда 50 орындық балабақшаның құрылысы басталады. •Биыл Мұқырда (400 орын) және Қарабауда (300 орын) салынып жатқан мәдениет үйлерінің құрылысы аяқталады. 2026 жылы Миялыда 500 орындық мәдениет үйінің құрылысы басталса, Тайсойғандағы шығармашылық орталықтың мердігер мекеме анықталып, құрылысы биыл басталады. •Спорт саласында Мұқыр, Қарабау, Қоныстану және Қаракөл ауылдарында спорт кешендері салынуда, Жангелдин және Тайсойғандағы кешендер биыл пайдалануға берілді. Биыл ауданда 8 спорт кешенінің құрылысы жүріп, оның екеуі биыл пайдалануға берілсе, үшеуі жыл соңына дейін, тағы үшеуі келесі жылы халық игілігіне беріледі.Ақпарат көзі : https://www.gov.kz/memleket/entities/atyrau/press/news/details/1071868?lang=kk

Арнайы операциялар күштерінің өкілдері Ақтауда жастар арасында өткен қоян-қолтық ұрыстан әлем чемпионатында сәтті өнер көрсетті. «Халық Арена» спорт кешенінде өткен әлем біріншілігіне 23 елден 250-ден астам жас спортшы қатысты.«Жекпе-жекте» татамиге шыққан әскери қызметшілер алтын мен күміс медаль еншіледі.Офицер-мерген лейтенант Дархан Жорағұл 97 келі салмақта алтын иеленсе, 88 келі салмақта топ сержанты – дене шынықтыру және жауынгерлік даярлық бойынша нұсқаушы сержант Азамат Асылбекұлы екінші сатысынан көрінді.  Дархан Жорағұл Құрлық әскерлерінің әскери институтында оқып жүрген кезден бері спортпен шұғылдана бастады. Ол 2021 және 2024 жылдардағы жастар арасындағы халықаралық турнирлердің жеңімпазы, генерал-майор Әубәкір Арыстанбековті еске алуға арналған республикалық турнирдің чемпионы.Сержант Азамат Асылбекұлының спорттық мансабы 2013 жылы Тараздағы спорттағы дарынды балаларға арналған облыстық мамандандырылған мектеп-интернатта басталды. Ол қоян-қолтық ұрыстан төрт дүркін ел чемпионы, қоян-қолтық ұрыстан Қазақстан Кубогы және армиялық қоян-қолтық ұрыстан ТМД чемпионы.Ақпарат көзі : https://www.gov.kz/memleket/entities/mod/press/news/details/1071892?lang=kk

Нью-Йорк, 2025 жылғы 20 қыркүйек – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Украина Сыртқы істер министрі Андрей Сибигамен кездесу өткізді.Сұхбат барысында халықаралық күн тәртібіндегі өзекті мәселелер және қазақ-украин ынтымақтастығының қазіргі даму ахуалы бойынша пікір алмасу орын алды.М.Нұртілеу Қазақстанның Украинадағы жағдайды тез арада реттеуге және елде тұрақты бейбітшіліктің орнауына мүдделі екенін растады.Атап айтқанда, Астана қақтығысты БҰҰ Жарғысы мен халықаралық құқықтың негізгі қағидаттарына сәйкес саяси-дипломатиялық жолмен реттеуді қолдап келгенін және бұл ұстанымда екені аталып өтті.Ақпарат көзі : https://www.gov.kz/memleket/entities/mfa/press/news/details/1071933?lang=kk

2025 жылдың 20 қыркүйегінде Алматы облысы Іле ауданының Күрті ауылдық округіндегі Ақши ауылында ел тарихына алтын әріптермен жазылатын тарихи оқиға орын алды. Ұлттық рухты жаңғырту, көшпелі мәдениетті дәріптеу, сондай-ақ туризм мен кәсіпкерлікті дамыту мақсатында ұйымдастырылған «Әлемдегі ең үлкен түйе керуені – 2025» атты ауқымды мәдени шара әлемдік деңгейде рекорд орнатты.Бұл бастама Алматы облысы әкімдігінің қолдауымен және өңірдің ірі шаруашылықтарының бірі – «Даулет-Бекет» компаниясының жетекшілігімен жүзеге асты. Керуен құрамына 1000 түйе енгізіліп, олар арнайы дайындалған 1 шақырымдық жолды жүріп өтті. Бұған дейінгі әлемдік рекорд 2022 жылы Қытайда тіркелген болатын. Ол кезде тек 365 түйе қатысқан еді. Осылайша, Қазақстан бұл жетістікті үш еседен астам арттырып, әлем назарын өзіне аударды.Мемлекет басшысы Қасым-Жомарт Тоқаев өзінің соңғы Жолдауында: «Ұлттық мәдениетімізді сақтау мен дамыту – әрбір азаматтың парызы. Біз өз дәстүрімізді құрметтеп, жастарға жеткізуіміз керек»,– деген болатын.Алматы облысы әкімінің орынбасары Бақытұлы Бақытнұр бұл шараның ел үшін маңызын ерекше атап өтті: «Бұл – тек мәдени іс-шара ғана емес. Бүгінгі мың түйеден құралған керуен халқымыздың көшпелі өмір салтының айшықты мұрасын әлемге паш етіп, жаңа заманға үн қатқан тарихи оқиға. Бұл арқылы біз жастарға ата-бабамыздың ұлы мұрасын танытып, туризмді дамытамыз, аймақ экономикасына серпін береміз», – деді ол.Шара барысында ұлттық нақыштағы бес киіз үй тігіліп, қонақтарға дәстүрлі тағамдар ұсынылды. Арнайы фудкорт аймағы жұмыс істеп, шұбаттың дәмін тату мүмкіндігі жасалды. Сонымен қатар белгілі эстрада жұлдыздары мен өңір өнерпаздары қатысқан концерттік бағдарлама ұйымдастырылды.Керуеннің қауіпсіз әрі ұйымдасқан түрде өтуіне ерекше мән берілді. Патрульдік полиция қызметкерлері, өрт сөндіру техникасы, медициналық қызмет және ветеринарлық бақылау толық қамтамасыз етілді. Қоғамдық тәртіпті сақтау үшін турникеттер орнатылып, көрермендердің керуенге жақындауына шектеу қойылды.Ауқымды шараны республикалық БАҚ пен телеарналар тікелей эфир арқылы көрсетті. Туристік агенттіктермен бірлесе отырып, отандық және шетелдік туристердің қатысуы қамтамасыз етілді. Мыңдаған көрермен тарихи сәттің куәсі болды.Бұл рекордқа бастамашы болған «Даулет-Бекет» шаруа қожалығы түйе шаруашылығы саласында аймақтық қана емес, халықаралық деңгейде де көш бастап келеді. Кәсіпорын 2011 жылы «Асыл тұқымды мал өсіру шаруашылығы» мәртебесін иеленген.2012 жылы Қарөткел жәрмеңкесінде «Алтын белгіге»,2013 жылы «Лидер отрасли» атағына ие болып, «Слава Казахстана» орденімен марапатталған.2015 жылы Сочиде өткен аймақаралық форумда «Даулет-Бекет» шұбаты үздік өнім деп танылған.2021 жылы кәсіпорын жеке инвестиция есебінен 1 миллиард теңге көлемінде жаңа сүт өңдеу зауытын іске қосып, Қытай мен Ресейге кептірілген түйе сүтін экспорттауды бастады. Бүгінде бұл шаруашылық ТМД елдері арасында шұбат өндіру бойынша көшбасшы болып саналады.Шаруашылық басшысы Сыдық Даулетов өз сөзінде:«Біздің мақсатымыз – түйе шаруашылығын дамыту арқылы ұлттық өнімдерді әлемдік нарыққа шығару. Бұл шара – Қазақстанның тек рекорд жаңартып қана қоймай, өз бренді мен мәдениетін танытудың үлкен қадамы», – деді.Іс-шараға Англиядан арнайы келген Гиннестің рекордтар кітабының өкілі Ричард Стэннинг қатысып, керуеннің әр қимылын қатаң бақылап отырды. Тарихи сәттен кейін ол былай деп пікір білдірді:«Мен мұндай көлемдегі түйе керуенін бірінші рет көріп отырмын. Қазақстанның бұл жетістігі тек ұлттық мәдени мұра ғана емес, бүкіл әлемдік қазына ретінде бағалануы тиіс», – деді ол.Осылайша, Қазақстан ресми түрде «Әлемдегі ең үлкен түйе керуені» атағын иеленуге ат салысты деуге болады. Бұл – ел тарихында ғана емес, бүкіл түркі әлемінде тұңғыш рет тіркелген жетістік болады.Бұл шара Алматы облысының туризм саласына жаңа дем бермек. Аймақтың табиғи байлығы мен мәдени мұрасын насихаттау арқылы ішкі және сыртқы туризмнің әлеуетін арттыру көзделіп отыр.Әкім орынбасары Бақытұлы Бақытнұр бұл бағыттағы жұмыстардың жалғасатынын атап өтті: «Іле Алатауы мен Балқаш көлінің аралығында орналасқан біздің өңірде туризмді дамыту үшін зор мүмкіндік бар. Біз мәдени шараларды жиі өткізу арқылы туристерді тартуды көздейміз», – деді ол.«Әлемдегі ең үлкен түйе керуені – 2025» іс-шарасы Қазақстанның ұлттық құндылықтарын дәріптеп қана қоймай, еліміздің мәдени және туристік брендіне айналуға жол ашты.Бұл шара көшпелі өркениеттің ұлы мұрасын жаңғыртып, ел тарихындағы жаңа парақты ашты. Алматы облысының ғана емес, бүкіл Қазақстанның абыройын асқақтатқан бұл рекорд келешек ұрпаққа мақтаныш ретінде қалатыны сөзсіз.Ақпарат көзі : https://www.gov.kz/memleket/entities/almobl/press/news/details/1071948?lang=kk

Абай облысының орталығы Семей қаласында әр сенбі сайын «Северный» сауда-логистикалық орталығында (СЛО) ауыл шаруашылығы жәрмеңкелері тұрақты түрде өтеді. Жәрмеңкелердің басты мақсаты - қала тұрғындарын сапалы әрі қолжетімді азық-түлікпен қамтамасыз ету.Қаланың оң жағалауында орналасқан «Северный» СЛО (мекенжайы: Северный өндірістік торабы, 2) – заманауи үлгідегі тұрақты сауда алаңы. Аталған орталықпен жасалған меморандум аясында 24 сауда орны тегін беріліп отыр, бұл өз кезегінде өнім бағасының төмен болуына ықпал етеді.Жәрмеңкеде әлеуметтік маңызы бар азық-түлік өнімдері, яғни ет, сүт өнімдері, көкөністер, наубайхана бұйымдары мен жармалар ұсынылды. Бағалар нарықтағы бағадан төмен:сиыр еті - 3500 тг/кгтауық еті - 1500 тг/кгбірінші сортты ұн - 180 тг/кгнан - 150 тгкүнбағыс майы («Заречное») — 850 тг/лсары май («Бородулиха ауданы») - 2800 тг/кгкартоп - 180 тг/кгсәбіз - 200 тг/кгпияз - 170 тг/кгорамжапырақ - 190 тг/кгқант - 490 тг/кгжұмыртқа - 580 тг/ондыққарақұмық - 250 тг/кгБүгінгі жәрмеңкеде 19,5 тонна сиыр еті, 1000 кг картоп, 1000 кг пияз, 250 кг сәбіз, 250 кг орамжапырақ сатылып, халыққа ұсынылды.Бұл көлем тұрғындардың жәрмеңкеге деген сұранысының жоғары екенін көрсетеді. Семейліктер қолжетімді баға мен өнім сапасын оң бағалауда.Қазіргі таңда Абай облысы әкімдігі қыркүйек-желтоқсан айларына арналған қосымша ауыл шаруашылығы жәрмеңкелерінің кестесін әзірлеуде. Бұл күз-қыс мезгілінде де тұрғындарды үздіксіз әрі қолжетімді азық-түлікпен қамтамасыз етуге мүмкіндік береді.Семейдегі ауыл шаруашылығы жәрмеңкелері - бұл жай ғана сауда емес, халықтың әлеуметтік қолдау тетігі.Ақпарат көзі : https://www.gov.kz/memleket/entities/mti/press/news/details/1071955?lang=kk

2025 жылғы 20 қыркүйекте Қарағанды қаласындағы «Global City» сауда-ойын-сауық орталығы аумағында дәстүрлі «Ауыл береке – 2025» атты күзгі ауыл шаруашылығы жәрмеңкесінің ашылуы өтті. Маусым сайын ұйымдастырылатын бұл шара биыл да қала тұрғындарының қызығушылығын тудырып, сапалы әрі қолжетімді өнімдерді сатып алуға тамаша мүмкіндік ұсынды.Жәрмеңкеде халықтың ерекше назарын аударған өнім — сиыр еті болды. Сауда алаңына 50 тоннадан астам сиыр еті жеткізіліп, ол нарықтық бағадан 10–15%-ға төмен бағамен сатылды. Бұл баға саясаты қазіргі экономикалық жағдайда тұрғындар үшін өте тиімді. Сонымен қатар, жәрмеңкеде қой еті, жылқы еті, құс еті, сүт және сүт өнімдері, балық пен балық өнімдері, көкөністер, жұмыртқа, жарма және басқа да тауарлар ұсынылды.Жәрмеңкеге облыстың жеті ауданынан және қаладағы өңдеу кәсіпорындарынан келген 90-нан астам ауыл шаруашылығы тауарын өндіруші қатысты. Барлығы 120 тоннадан астам ауыл шаруашылығы өнімі сатылымға шығарылды. Оның ішінде: 52,2 тонна ет, 25 тонна картоп, 7 тонна көкөніс, 16 тонна сүт өнімдері, 4 тонна балық және балық өнімдері, 175 мың дана жұмыртқа және 10 тоннадан астам өзге де өнімдер бар.Жәрмеңке жергілікті атқарушы органдардың қолдауымен ұйымдастырылып, қала тұрғындарын қолжетімді азық-түлікпен қамтамасыз етуге және отандық тауар өндірушілерді қолдауға бағытталған. Шаруалар мен тұтынушылар арасында тікелей сауда жасау мүмкіндігі бағаны тұрақты ұстап тұруға септігін тигізіп, өнімдердің кең аудиторияға қолжетімді болуына жағдай жасады.«Ауыл береке – 2025» жәрмеңкесі алдағы демалыс күндері де өз жұмысын жалғастырады. Қарағандылықтар ауыл шаруашылығы өнімдерін делдалсыз, тікелей өндірушіден тиімді бағада сатып ала алады.Ақпарат көзі : https://www.gov.kz/memleket/entities/mti/press/news/details/1071958?lang=kk