Токио, 20 сәуір 2026 ж. - Қазақстан Республикасының Жапониядағы Елшісі Ерлан Баударбек-Қожатаев "Накасонэ бейбітшілік институтының" Президенті, Жапония Парламентінің депутаты Хирофуми Накасонэмен кездесу өткізді.

Е.Баударбек-Қожатаев сұхбаттаушыны ҚР Президенті Қасым-Жомарт Тоқаевтың Анталия дипломатиялық форумында ұсынған әлемдік қоғамдастық алдында тұрған негізгі үрдістер мен сын-қатерлерге қатысты көзқарасымен және БҰҰ-ны реформалау жөніндегі ұсыныстарымен таныстырды.

Кездесу барысында ағымдағы жылғы 23 сәуірде Астанада өтетін Өңірлік экологиялық саммиттің күн тәртібіне, сондай-ақ Халықаралық су ұйымы мен биологиялық қауіпсіздік жөніндегі халықаралық агенттікті құру жөніндегі бастамаларға ерекше назар аударылды.

Өз кезегінде Х.Накасонэ елдің БҰҰ Қауіпсіздік Кеңесінің тұрақты емес мүшесі ретіндегі тәжірибесін ескере отырып, Қазақстанның рөлін және елдің өңірлік және жаһандық қауіпсіздікті нығайтуға бағытталған халықаралық бастамаларының маңыздылығын атады. Сонымен қатар, ол Өңірлік экологиялық саммит аясында су мәселесінің ерекше маңыздылығын атап өтіп, осы тақырыпты талқылау өңірлік ынтымақтастықты нығайтуға және климаттық өзгерістерге бейімделу жөніндегі басым шараларды айқындауға мүмкіндік беретінін атап өтті.

Х.Накасонэ Жапония билеуші Либералды-демократиялық партияның конституциялық реформа мәселелері бойынша штаб басшысы қызметін атқаратынын ескере отырып, тараптар 2026 жылғы 1 шілдеден бастап күшіне енетін Қазақстанның жаңа Конституциясының негізгі аспектілері туралы пікір алмасты.

Кездесу қорытындысы бойынша тараптар бірлескен зерттеулер жүргізу арқылы екі елдің ғылыми-талдау орталықтары арасындағы әріптестікті одан әрі нығайтуға өзара мүдделілігін растады.

Анықтама үшін: "Накасонэ бейбітшілік институтын" 1988 жылы Жапонияның бұрынғы премьер-министрі Ясухиро Накасонэ құрған. Институт қазіргі уақытта Премьер-Министр Кеңсесі мен СІМ-ге сыртқы саясат, әлемдік экономика және қауіпсіздік мәселелері бойынша кеңес беретін Жапонияның жетекші сараптамалық орталықтарының бірі болып табылады.

Ақпарат көзі : https://www.gov.kz/memleket/entities/mfa-tokyo/press/news/details/1204903?lang=kk