Стокгольм қ., 2026 ж. 5 мамыр – Швеция Парламентінің ғимаратында (Riksdag) Орталық Азия елдерінің инвестициялық және туристік әлеуетіне арналған үшінші бизнес-семинар өтті. Іс-шараны «Швеция - Орталық Азия» достық тобының төрағасы Бьорн Седер, Қазақстан Республикасы мен Өзбекстан Республикасының Швециядағы Елшіліктерімен бірлесіп ұйымдастырды. Модератор Швецияның Еуразия бойынша сауда палатасының төрағасы Хайнц Сьогрен болды.

Семинардың жұмысына Риксдагтың депутаттары, Швецияның Қазақстандағы Елшісі С.Эрикссонды қоса алғанда, Швеция СІМ-нің, қаржы даму институттарының, іскерлік және сараптамалық топтардың, туристік индустрияның, академиялық және дипломатиялық қоғамдастықтың, сондай-ақ дипломатиялық корпустың өкілдері қатысты

Қатысушыларға Достық тобының Төрағасы Бьорн Седер мен Швеция Парламентінің өнеркәсіп және сауда комитетінің Төрағасы Тобиас Анлерссон құттықтау сөз сөйледі. Швед тарапы швед бизнесінің Орталық Азияға деген қызығушылығының артып келе жатқанын ерекше көңіл аударып, Қазақстан мен Өзбекстан өңірдің экономикалық және институционалдық қайта құруларының алдыңғы қатарында екенін атап өтті. Сондай-ақ, ресурстық, логистикалық және демографиялық әлеуеті бар Орталық Азияның стратегиялық маңызы артып келе жатқаны атап өтілді. Швеция парламентшілерінің бағалауы бойынша, бұл аймақ Швецияда сауда, инвестиция және туризм саласындағы ұзақ мерзімді ынтымақтастықтың келешектік бағыты ретінде қабылдануда.

Өз сөзінде Қазақстанның Швециядағы Елшісі Олжас Сүлейменов қатысушыларды жалпыұлттық референдум қорытындысы бойынша жаңа Конституцияны қабылдауды қоса алғанда, Қазақстанда жүргізіліп жатқан саяси және экономикалық реформалар туралы хабардар етті. Қазақстанның экономикасын әртараптандыруға, «жасыл» энергетиканы, цифрландыруды, жасанды интеллектті дамытуға және Еуропа мен Азия арасындағы тұрақты көлік өзара байланысына ерекше назар аударылды.

Қазақстанның туристік әлеуеті туралы «Kazakh Tourism» АҚ Басқарма төрағасы Талғат Ғазизов жеке презентацияны ұсынды. Ол Қазақстан бірегей табиғи мұраны, бай көшпелі мәдениетті және заманауи туристік мүмкіндіктерді біріктіріп, көптеген бағыттарды (экотуризм мен белсенді демалыстан бастап ЮНЕСКО-ның Бүкіләлемдік мұра нысандары бойынша мәдени-танымдық маршруттарға дейін) ұсынатынын атап өтті. Қазақстан тұрақты туризмді дәйекті түрде дамытып, елді еуропалық саяхатшылар үшін жаңа бағыт ретінде ілгерілетіп отырғаны атап өтілді.

Танымалы швед саяхатшы және зерттеушісі, Қазақстандағы «Snow Leopard Foundation» қорының Елшісі Йохан Эрнст Нильсоннің сөз сөйлеуі қатысушылардың ерекше қызығушылығын тудырды, ол әлемнің 196 елі бойынша саяхаттау тәжірибесіне сүйене отырып, Орталық Азия елдерінің қол тигізбеген табиғаты, мәдени мұрасы мен түпнұсқалығының бірегей үйлесімін ерекше атап өтті. Й.Нильсон биоалуантүрлілікті сақтау және жол барыстың популяциясын қалпына келтіру жөніндегі өңір елдерінің күш-жігерін оң бағалады, сондай-ақ елдің табиғаты мен мәдениетін насихаттауға арналған Қазақстан бойынша алдағы ат экспедициясы туралы айтты.

Іс-шараға компания өкілдерінің сөз сөйлеуі практикалық бағыт берді. Атап айтқанда, Väderstad Директорлар кеңесінің мүшесі Кристина Старк «Агромашхолдинг KZ» АҚ базасында Қазақстанда жоғары технологиялық ауыл шаруашылығы техникасын өндіруді оқшаулау жөніндегі келісімге қол қойылғанын хабарлады. Жоба Қазақстанның Швециядағы Елшілігінің көмегін қоса алғанда, қазақстандық және швед тараптарының белсенді өзара іс-қимылының нәтижесі болғандығы атап өтілді. К.Старк сондай-ақ қолайлы инвестициялық ахуалды, агроөнеркәсіптік сектордың тұрақты дамуын және швед бизнесінің қазақстандық нарықта қатысуын кеңейтуге деген қызығушылығының артып келе жатқанын атап өтті.

Қауіпсіздік және даму саясаты институтының (ISDP) директоры доктор Сванте Корнелл Орталық Азияның қалыптасып келе жатқан
«орта державалардың» аймағы ретіндегі трансформациясына аналитикалық шолу жасады. Оның бағалауы бойынша, аймақ төңірегіндегі күрделі геосаяси жағдайға қарамастан, Орталық Азия Еуразияның тұрақтылықты, прагматизмді және дамудың тұрақты оң динамикасын көрсететін санаулы кеңістіктерінің бірі болып қала береді.

Іс-шара Ашық диалог, тәжірибе алмасу және Швеция мен Орталық Азия елдері арасында жаңа келешектік серіктестік қалыптастыру үшін маңызды алаңға айналды.

Ақпарат көзі : https://www.gov.kz/memleket/entities/mfa-stockholm/press/news/details/1215859?lang=kk