Қазіргі жаһандану дәуірінде елдің бәсекеге қабілеттілігі ең алдымен оның адами капиталына, яғни білімді, зерделі әрі зияткер ұрпағына байланысты. Осы тұрғыда Қазақстан Президенті Қасым-Жомарт Тоқаев ғылым мен білімнің маңызын айрықша атап өтіп, ұрпақ тәрбиесі – мемлекет пен ата-ананың ортақ жауапкершілігі екенін жеткізді.Мемлекет басшысы өз сөзінде ғылымды қолдау – тек ғалымдарға жағдай жасау ғана емес, бұл қоғамда еңбекқорлық, білімпаздық және жасампаздық сияқты маңызды құндылықтарды қалыптастыру екенін айтты. Шын мәнінде, халықтың танымы жоғары болса, жас ұрпақтың ғылым-білімге деген қызығушылығы да арта түседі. Сондықтан зерделі ұрпақ тәрбиелеу – баршаға ортақ міндет.Осы бағытта нақты қадамдардың бірі – «Келешек» бірыңғай жинақтау жүйесінің іске қосылуы. Бұл жоба арқылы ата-аналар баласының болашақ білім алуына қаржы жинай алады. Қазіргі таңда 200 мыңға жуық азамат арнайы есепшот ашып үлгерген. Бұл бастама – тек қаржылық құрал ғана емес, ол болашаққа салынған стратегиялық инвестиция.Президент ғылымның тек теориялық деңгейде қалып қоймай, нақты экономика мен қоғам сұранысына қызмет етуі тиіс екенін ерекше атап өтті. Ғалымдардың жаңалықтары зертханалар шеңберінде шектелмей, өндірісте қолданылуы қажет. Бұл – дамыған елдердегі ірі технологиялық компаниялардың негізгі қағидасы. Олар білім мен ғылымды басты орынға қойып, инновацияларды жедел түрде өндірісте пайдаланады. Сонымен қатар, мұндай компаниялар таланттарды тарту арқылы адам капиталын басты күшке айналдырып отыр.Қазақстанда да қолданбалы ғылымды дамытуға ерекше көңіл бөлінуде. Соңғы жылдары университеттер тек білім беру орталығы ғана емес, технологиялық даму хабына айнала бастады. Соның жарқын мысалы – University Medical Center жанындағы Жүрек орталығының дәрігерлері ойлап тапқан ALEM инновациялық құрылғысы. Бұл аппарат донорлық ағзалардың өміршеңдігін 24 сағаттан астам уақыт сақтауға мүмкіндік береді. Мұндай жаңалықтар отандық ғылымның әлеуеті жоғары екенін көрсетеді.Дегенмен, ғылым саласында шешімін күткен мәселелер де жоқ емес. Соның ішінде қаржыландыру жүйесін жетілдіру, бөлінген қаражаттың тиімді жұмсалуын қадағалау маңызды. Мемлекет басшысы атап өткендей, басты мақсат – қаржыны игеру емес, қоғамға нақты пайда әкелетін жобаларды жүзеге асыру.Қорытындылай келе, зияткер ұрпақ тәрбиелеу – тек білім беру жүйесінің міндеті емес, бұл – бүкіл қоғамның ортақ ісі. Ғылым мен білімге басымдық беру арқылы ғана елдің болашағын баянды етуге болады.

Мемлекет басшысы Қасым-Жомарт Тоқаев Ғылым қызметкерлері күні қарсаңында өткен салтанатты жиында отандық ғылым өкілдерін марапаттап, ғылымның қоғам мен мемлекет дамуындағы шешуші рөліне жан-жақты тоқталды.Президент өз сөзін мерекелік құттықтаумен бастап, бұл күннің ел үшін маңызы ерекше екенін атап өтті. Ақордада ғалымдардың бас қосуы – мемлекет тарапынан ғылыми қауымдастыққа көрсетілетін жоғары құрметтің айқын көрінісі екеніне назар аударды. Оның айтуынша, кез келген дамыған мемлекеттің іргетасы – ғылым, ал ең басты байлығы – ғалымдар.Мемлекет басшысы ғылымды дамыту – тек бір саланың емес, тұтас елдің өркендеуінің негізгі факторы екенін ерекше атап өтті. «Ғылымға басымдық беретін ел ғана өркениет көшінің алдыңғы қатарынан көрінеді» деген Президент, адамзат өркениетінің барлық жетістігі ғалымдардың тынымсыз зияткерлік еңбегінің нәтижесі екенін айтты.Салтанатты жиында сөз сөйлеген Президент Абай Құнанбайұлы даналығын мысалға келтіріп, ғылым мен білімнің мәңгілік құндылық екенін жеткізді. Ұлы ойшылдың «Адам баласы адам баласынан ақыл, ғылым, ар, мінез арқылы озады» деген қағидасы бүгінгі күні де өзектілігін жоғалтпағанын атап өтті.Сондай-ақ Мемлекет басшысы еліміздің бәсекеге қабілетті болуы үшін ғылым мен инновацияны дамыту, жаңа технологияларды игеру және жасанды интеллектіні кеңінен енгізу қажеттігін айтты. Осы орайда Президент биылғы жылды Цифрландыру және жасанды интеллект жылы деп жариялағанын еске салды.Президент ғылым саласына көрсетіліп жатқан нақты қолдау шараларына ерекше тоқталды. Соңғы бес жыл ішінде ғылымды қаржыландыру көлемі алты есеге артқан. Бұл – мемлекет тарапынан ғылымға деген көзқарастың түбегейлі өзгергенінің дәлелі. Сонымен қатар, елімізде зерттеу университеттерінің саны артып келеді, ал ғылыми жобаларға инвестиция салатын кәсіпкерлерге салықтық жеңілдіктер қарастырылған.Жас ғалымдарды қолдау мәселесі де Мемлекет басшысының назарынан тыс қалған жоқ. Оның айтуынша, ғылымның болашағы – білімді, ізденімпаз және жаңашыл жастардың қолында. Сондықтан жас зерттеушілерге барынша қолайлы жағдай жасау – стратегиялық міндеттердің бірі.Қазіргі таңда 600-ден астам жас ғалым баспанамен қамтамасыз етілген. Бұдан бөлек, оларға арнайы гранттар бөлініп, ғылыми ізденістерін дамытуға мүмкіндік берілуде. Сонымен қатар, жас зерттеушілер әлемнің жетекші ғылыми орталықтарында тәжірибе жинақтап, кәсіби деңгейін арттыруда.Президент сөзінде талапты жастардың болашақта елдің интеллектуалдық тірегіне айналатынына сенім білдірді. Олар Қаныш Сәтбаев сынды ұлы тұлғалардың жолын жалғастырып, ұлттық ғылымды жаңа белестерге көтеретіні анық екенін атап өтті.Жалпы, Мемлекет басшысының бұл жиындағы сөзі ғылымның ел дамуы үшін стратегиялық маңызға ие екенін тағы бір мәрте айқындап берді. Ғылымға жасалған әрбір инвестиция – елдің ертеңіне салынған сенімді кепіл. Ал ғалымдарға көрсетілген құрмет – ұлттың зияткерлік әлеуетіне деген құрмет.

9 сәуір күні Қазақстанның Ливандағы Елшісі Расул Жұмалы адам құқықтары жөніндегі Елші, Ливанның Біріккен Ұлттар Ұйымының Экономикалық және әлеуметтік кеңесінің мүшесі Шарбель Юнан және Дүниежүзілік Ливан мәдени одағының Океания бойынша вице-президенті Анри Бу Сааб қатысты. Тараптар Қазақстан мен Ливан арасындағы өзара бизнестен бизнеске арналары арқылы іс-қимылды тереңдету жолдарын талқылады. Әсіресе инвестицияларды ынталандыру, сауда-экономикалық байланыстарды нығайту, сондай-ақ гуманитарлық және ынтымақтастықты кеңейту мәселелеріне назар аударылды. Жиын барысында Қазақстанның инвестициялық мүмкіндіктерін таныстыру перспективалары атап өтіліп, өзара сапарлар мен іскерлік іс-шараларды ұйымдастырудың практикалық нұсқалары қаралды. Сондай-ақ тараптар тиісті ұйымдар мен кең бизнес қауымдастығы арқылы Қазақстан–Ливан ынтымақтастығын ілгерілетуге бағытталған бастамаларды бірлесіп зерделеуді жалғастыру және тұрақты байланыста болу туралы келісті. Ақпарат көзі : https://www.gov.kz/memleket/entities/mfa-beirut/press/news/details/1198255?lang=kk

Құрметті сыртқы экономикалық қызметке қатысушылар!Мемлекеттік кірістер комитеті «KEDEN» ақпараттық жүйесінде «Тауарға арналған декларация» функционалын іске қосуға қатысты қосымша ақпаратты хабарлайды.2026 жылғы 10 сәуірде сағат 21:00-ден бастап «АСТАНА-1» ақпараттық жүйесінде функционалды көшіру бойынша техникалық жұмыстар жүргізіледі, осыған байланысты жүйеге қолжетімділік шектеледі.«KEDEN» ақпараттық жүйесінде «Тауарға арналған декларация» функционалы 2026 жылғы 11 сәуірде сағат 00:00-ден бастап жұмыс істей бастайды.          «KEDEN» ақпараттық жүйесінде тіркелу және авторизациялау кезінде туындауы мүмкін қиындықтарды болдырмау мақсатында:    жүйеде алдын ала тіркеуден өтуді;ұзақ уақыт белсенділік болмаған жағдайда тіркелу жазбаларының бұғатталмағанын тексеруді;«KEDEN» ақпараттық жүйесінде кедендік операцияларды жүзеге асыру кезінде қолданылатын электрондық цифрлық қолтаңбалардың қолданылу мерзімдерін бақылауды және қажет болған жағдайда оларды уақтылы ұзартуды сұраймыз.2026 жылғы 11 сәуірде сағат 00:00-ден бастап:«ВТД» декларациялау ерекшелігімен «АСТАНА-1» ақпараттық жүйесінде шығарылған ТД бойынша рәсімдер «АСТАНА-1» ақпараттық жүйесінде аяқталуға жатады («ПВД» декларациялау ерекшелігі ТД тапсыру және шығару).Тауарларды шығару «АСТАНА-1» ақпараттық жүйесінде ЕАЭО кедендік заңнамасына сәйкес жүзеге асырылған «ВДТ» декларациялау ерекшелігі бар ТД бойынша декларацияларды беру «АСТАНА-1» ақпараттық жүйесінде жүзеге асырылады.«KEDEN» ақпараттық жүйесінде ТД функционалы іске қосылған сәтте кедендік бақылауы аяқталмаған ТД бойынша тауарларды шығару «АСТАНА-1» ақпараттық жүйесінде жүзеге асырылады.«АСТАНА-1» ақпараттық жүйесінде тіркелген «ПТД» декларациялау ерекшелігі бар ТД бойынша тауарларды шығару «АСТАНА-1» ақпараттық жүйесінде жүзеге асырылатынын қосымша түсіндіреміз.Қосымша ақпарат жаңартылған сайын Комитеттің ресми ақпараттық ресурстарында орналастырылады.Сыртқы экономикалық қызметке қатысушылар үшін тәулік бойы әдіснамалық және техникалық қолдау сервисі жұмыс істейтінін еске саламыз.«KEDEN» ақпараттық жүйесінің қолдау сервисінің байланыс деректері:Email: keden_support@kgd.minfin.gov.kzTelegram: https://t.me/kedenkgdgovkzАқпарат көзі : https://www.gov.kz/memleket/entities/kgd-akmola/press/news/details/1200746?lang=kk

Құрметті сыртқы экономикалық қызметке қатысушылар!Мемлекеттік кірістер комитеті «KEDEN» ақпараттық жүйесінде «Тауарларға декларация» функционалын іске қосуға қатысты қосымша ақпаратты хабарлайды.2026 жылғы 10 сәуір сағат 21:00-ден бастап «АСТАНА-1» ақпараттық жүйесінде функционалды көшіру бойынша техникалық жұмыстар жүргізіледі, осыған байланысты жүйеге қолжетімділік шектеледі.«KEDEN» ақпараттық жүйесінде «Тауарларға декларация» функционалы 2026 жылғы 11 сәуір сағат 00:00-ден бастап жұмыс істей бастайды.«KEDEN» жүйесінде тіркелу және авторизациядан өту кезінде ықтимал қиындықтарды болдырмау мақсатында сіздерден:* жүйеде алдын ала тіркеуден өтуді;* ұзақ уақыт белсенділік болмаған жағдайда есептік жазбалардың бұғатталуын тексеруді;* «KEDEN» жүйесінде кедендік операцияларды жүзеге асыру кезінде пайдаланылатын электрондық цифрлық қолтаңбалардың қолданылу мерзімдерін бақылауды және қажет болған жағдайда оларды уақытылы ұзартуды сұраймыз.Қосымша түсіндіреміз, 2026 жылғы 11 сәуір сағат 00:00-ден бастап:1. «АСТАНА-1» жүйесінде «ВТД» декларациялау ерекшелігімен шығарылған ДТ «АСТАНА-1» жүйесінде аяқталуға жатады («ПВД» ерекшелігімен ДТ беру және шығару).2. «ВДТ» декларациялау ерекшелігі бойынша, тауарларды шығару «АСТАНА-1» жүйесінде ЕЭА-ға сәйкес жүзеге асырылған ДТ-ны беру «АСТАНА-1» жүйесінде жүзеге асырылады.3. «KEDEN» жүйесінде ДТ функционалы іске қосылған сәтке дейін кедендік бақылауы аяқталмаған ДТ бойынша тауарларды шығару «АСТАНА-1» жүйесінде жүзеге асырылады.4. «АСТАНА-1» жүйесінде тіркелген «ПТД» декларациялау ерекшелігі бар ДТ бойынша тауарларды шығару «АСТАНА-1» жүйесінде жүзеге асырылады.Қосымша ақпарат жаңартылған сайын Комитеттің ресми ресурстарында жарияланатын болады.Сыртқы экономикалық қызметке қатысушылар үшін тәулік бойы әдіснамалық және техникалық қолдау қызметі жұмыс істейтінін еске саламыз.«KEDEN» ақпараттық жүйесінің қолдау қызметінің байланыстары:Email:(mailto:keden_support@kgd.minfin.gov.kz)Telegram:(https://t.me/kedenkgdgovkz) Ақпарат көзі : https://www.gov.kz/memleket/entities/kgd-astana/press/news/details/1198089?lang=kk

▫️Мемлекеттік кірістер комитеті жүргізіліп жатқан салықтық әкімшілендіруді цифрландыру шеңберінде камералдық бақылау процестерін толық автоматтандыру бойынша іс-шараларды іске асыруда.🔹Автоматтандыру камералдық бақылау хабарламаларымен жұмыс істеудің барлық кезеңдерін қамтиды, оның ішінде оларды қалыптастыру, орындалуын және орындалмауын бақылау, сондай-ақ тиісті салықтық шараларды қолдану. Аталған жұмыс адами факторды барынша азайтуға, сыбайлас жемқорлық тәуекелдерін болдырмауға және салықтық әкімшілендіру шараларын негізсіз қолдануға жол бермеуге бағытталған.▫️Сонымен қатар, автоматтандырудың жаңа әдістемесін енгізу барысында қате анықталды, соның нәтижесінде камералдық бақылаудың жекелеген хабарламалары бойынша банктік шоттардағы шығыс операциялары негізсіз тоқтатылған.▫️Бүгінгі күні аталған қате жойылды. Банктік шоттар бойынша шығыс операцияларын тоқтату туралы бұрын қалыптастырылған өкімдерді кері қайтарып алу жұмыстары жүргізілуде, олардың бір бөлігі қазіргі уақытта кері қайтарылды.🔲Жұмыстар 2026 жылғы 10 сәуірде аяқталады.Мемлекеттік кірістер комитеті келтірілген қолайсыздықтар үшін кешірім сұрайды және қазіргі уақытта жүйе штаттық режимде жұмыс істеп тұрғанын хабарлайды.Ақпарат көзі : https://www.gov.kz/memleket/entities/kgd-vko/press/news/details/1200218?lang=kk

Шымкент қаласында Отан алдындағы борышын өтеуге аттанған жастардың қатары тағы бір топпен толықты. Бұл жолы 27 азамат Мемлекеттік күзет қызметі қатарына қабылданып, салтанатты түрде әскерге шығарып салынды. Бұл – ел қауіпсіздігін қамтамасыз ететін жауапты әрі мәртебелі қызмет. Олардың әрқайсысы Отан алдындағы борышын өтеуге бел буып, үлкен сенім жүгін арқалап жолға шықты.Жас сарбаздардың қатарында студент Әнуарбек Аязхан да бар. Ол бұл шешімді кездейсоқ қабылдамаған. Аязханның айтуынша, оның бұл жолды таңдауына әскери қызмет атқарған атасы ықпал еткен. Отбасындағы әскери дәстүр мен елге деген құрмет жас жігіттің бойында ерте қалыптасқан.– Мен атамды үлгі тұтамын. Атама қарап өстім. Оның әскери өмірі, тәртібі мен жауапкершілігі мені әрдайым жігерлендірді. Сондықтан, мен де Отан алдындағы борышымды абыроймен атқарғым келеді, – дейді Аязхан.Мемлекеттік күзет қызметі – жоғары тәртіп пен төзімділікті талап ететін сала. Бұл қызметке іріктелген азаматтар физикалық және моральдық тұрғыдан мықты болуы тиіс. Олар елдің маңызды нысандары мен жоғары лауазымды тұлғалардың қауіпсіздігін қамтамасыз етеді.Жас сарбаздарды шығарып салу рәсімі барысында олардың жақындары мен туған-туыстары ізгі тілектерін білдіріп, сәттілік тіледі. Бұл күн – тек сарбаздар үшін ғана емес, олардың отбасы үшін де маңызды сәт.Осындай жалынды жастардың арқасында елдің қауіпсіздігі нығайып, болашағы берік бола түсетіні анық. Отан қорғау – әр азаматтың қасиетті парызы. Ал, оны абыроймен атқару – үлкен құрмет.

«Көкше» телерадиокомпаниясы «Күн диалогы»  бағдарламасының эфирінде Ақмола облысы бойынша Мемлекеттік кірістер департаменті басқармасының басшысы  Шынар Мусина  «Жаңа салық ережелері» тақырыбында сұхбат берді.Бағдарламанының толық нұсқасын https://www.youtube.com/watch?v=eep3Hn-c_JM  сілтемесі бойынша көре аласыз. Ақпарат көзі : https://www.gov.kz/memleket/entities/kgd-akmola/press/news/details/1198081?lang=kk

Құрметті сыртқы экономикалық қызмет (СЭҚ) қатысушылары!KEDEN ақпараттық жүйесі тарапында декларациялау функционалын іске қосуға байланысты техникалық жұмыстардың жүргізілуіне, сондай-ақ «АСТАНА-1» АЖ-ның өшірілуіне байланысты, 2026 жылғы 10 сәуір сағат 21:00-ден 11 сәуір сағат 00:00-ге дейінгі кезеңде:«АСТАНА-1» АЖ толық қолжетімсіз болады;KEDEN АЖ тарапында жекелеген сервистердің қысқа мерзімді қолжетімсіздігі болуы мүмкін.Өз қызметтеріңізді жоспарлау кезінде аталған ақпаратты ескерулеріңізді сұраймыз.Уақытша қолайсыздықтар үшін кешірім сұраймыз және түсіністік танытқандарыңыз үшін алғыс білдіреміз.Ақпарат көзі : https://www.gov.kz/memleket/entities/kgd-almaty/press/news/details/1197862?lang=kk

Құрметті өнер сүйер қауым Сіздерді 15 сәуір күні сағат 19:00-де өтетін ерекше кешке шақырамыз! «Soundtrack» концерті жанды дыбыста өтедіОрындайтын: Мұқан Төлебаев атындағы халық аспаптар оркестріӨтетін орны: Ілияс Жансүгіров атындағы Мәдениет сарайы(Нұрсұлтан Назарбаев даңғылы, 67)Билет бағасы: 2000 тенгеБайланыс телефондары:8-701-342-19-888-701-567-48-07Кешімізде танымал фильмдер мен әуендердің ерекше орындаудағы нұсқаларын тыңдап, ұмытылмас әсерге бөленіңіздер!Келіңіздер, бірге әсем әуен әлеміне саяхат жасайық!Ақпарат көзі : https://www.gov.kz/memleket/entities/zhetysu-archive/press/news/details/1197888?lang=kk

2026 жылдан бастап бюджеттік сыныптама кодтарының өзгеруі туралыҚостанай облысы бойынша Мемлекеттік кірістер Департаменті 2025 жылғы 18 шілдедегі Салық кодексінің 2026 жылғы 1 қаңтардан бастап қолданысқа енгізілуіне байланысты мынаны хабарлайды.Шаруа немесе фермер қожалықтарына арналған арнаулы салық режимін қолданатын салық төлеушілер 2026 жылға дейін салық міндеттемелері бойынша бірыңғай жер салығын төледі.2026 жылдан бастап БЖС жойылуына байланысты салық жеке табыс салығы ретінде төленетін болады.Осыған байланысты ШФҚ АСР қолданатын салық төлеушілер мыналарды төлеуі керек:– БЖС – 104501 БСК, 2026 жылға дейінгі салық міндеттемелері бойынша (2026 жылға дейінгі салық кезеңдері үшін 920.00 СЕН бойынша);– ЖТС – 101202 БСК, 2026 жылдан бастап салық міндеттемелері бойынша (2026 жылдан бастап салық кезеңдері үшін 920.00 СЕН бойынша).Ақпарат көзі : https://www.gov.kz/memleket/entities/kgd-kostanay/press/news/details/1197906?lang=kk

Жеке кәсіпкерлердің 200.00 салық есептілігі нысанын ұсынуы туралыҚостанай облысы бойынша Мемлекеттік кірістер департаменті оңайлатылған декларация негізіндегі арнайы салық режимін қолданатын жеке кәсіпкерлердің 200.00 салық есептілігі нысанын ұсыну тәртібін түсіндіреді.Қазақстан Республикасының Салық кодексінің 722-бабының 1-тармағына сәйкес (2026 жылғы 1 қаңтардан бастап қолданысқа енгізілетін редакцияда), оңайлатылған декларация негізіндегі арнайы салық режимі төлем көзінен ұсталатын салықтарды қоспағанда, жеке табыс салығын есептеу мен төлеудің жеңілдетілген тәртібін көздейді.Бұл ретте төлем көзінен ұсталатын салықтарды есептеу, ұстап қалу және бюджетке аудару, сондай-ақ тиісті салық есептілігін ұсыну жалпы белгіленген тәртіппен жүзеге асырылады.Салық кодексінің 722-бабының 2-тармағына сәйкес, аталған режимді қолданатын салық төлеуші төлем көзінен салық салынатын табыстар болған жағдайда ғана салық агентінің міндеттемелерін орындайды.Осылайша, оңайлатылған декларация негізіндегі арнайы салық режимін қолданатын жеке кәсіпкер келесі жағдайларда 200.00 салық есептілігі нысанын ұсынуға міндетті емес:жалдамалы жұмыскерлер болмаған кезде;жеке тұлғаларға азаматтық-құқықтық сипаттағы шарттар бойынша табыстар төленбеген жағдайда.Аталған жағдайда 200.00 нысанын, оның ішінде «нөлдік» көрсеткіштермен ұсыну талап етілмейді.Сонымен қатар, салық агентінің міндеттемелері туындаған кезде (жұмыскерлерге немесе жеке тұлғаларға табыс төлеу кезінде) 200.00 салық есептілігі нысаны белгіленген тәртіппен ұсынылады.Ақпарат көзі : https://www.gov.kz/memleket/entities/kgd-kostanay/press/news/details/1197798?lang=kk

2026 жылдан бастап шаруа (фермер) қожалықтары бойынша салықтар мен әлеуметтік төлемдерді көрсету тәртібі туралыҚазақстан Республикасы Қаржы министрлігінің Мемлекеттік кірістер комитеті 2026 жылғы 1 қаңтардан бастап жаңа Салық кодексінің қолданысқа енгізілуіне байланысты шаруа немесе фермер қожалықтары (КФХ) үшін арнайы салық режимін қолданатын салық төлеушілердің салықтар мен әлеуметтік төлемдерді көрсету тәртібін түсіндіреді.Салық кодексінің жаңа редакциясында КФХ үшін декларацияда төлем көзінен ұсталатын жеке табыс салығының, сондай-ақ жұмыскерлерге қатысты әлеуметтік төлемдердің және (немесе) бірыңғай төлемнің сомаларын көрсетуге қатысты нормалар алынып тасталды.Қазақстан Республикасы Салық кодексінің 730 және 731-баптарына сәйкес (2026 жылғы 1 қаңтардан бастап қолданысқа енгізілетін редакцияда), КФХ үшін арнайы салық режимін қолданатын салық төлеушілер жекелеген салықтарды есептеу мен төлеуді жеңілдетілген тәртіппен жүзеге асырады, бұл ретте салық агентінің міндеттемелері жалпы белгіленген тәртіппен орындалады.Осыған байланысты мынаны хабарлаймыз:төлем көзінен ұсталатын жеке табыс салығының сомалары, жұмыскерлер үшін әлеуметтік төлемдер, сондай-ақ бірыңғай төлем 200.00 салық есептілігі нысанында («Жеке табыс салығы және әлеуметтік салық бойынша декларация») көрсетіледі;шаруа немесе фермер қожалығының басшысы мен мүшелері үшін әлеуметтік төлемдер 920.00 салық есептілігі нысанында («КФХ үшін арнайы салық режимін қолданатын салық төлеушілерге арналған декларация») көрсетіледі.Осылайша, 2026 жылғы 1 қаңтардан бастап жұмыскерлерге төленетін табыстар бойынша салық міндеттемелері 200.00 нысаны шеңберінде орындалады, ал қожалық басшысы мен мүшелеріне қатысты әлеуметтік төлемдер 920.00 нысанында көрсетіледі.Ақпарат көзі : https://www.gov.kz/memleket/entities/kgd-kostanay/press/news/details/1197799?lang=kk

Жеке кәсіпкерлердің электрондық шот-фактураларды (ЭСФ) жазып беруі туралы2026 жылдан бастап Қазақстан Республикасының жаңа Салық кодексінің нормаларына сәйкес қосылған құн салығын (ҚҚС) қолдану және электрондық шот-фактураларды (ЭСФ) жазып беру тәртібіне бірқатар өзгерістер енгізіледі.Жалпыға бірдей белгіленген режимді (ЖБР) қолданатын жеке кәсіпкер (ЖК) 2026 жылы 10 000 АЕК мөлшеріндегі ең төменгі айналым шегіне жетпеген жағдайда ҚҚС бойынша есепке тұрмауға құқылы. Қажет болған жағдайда ол өз еркімен есепке тұра алады.Айта кету керек, 2026 жылдан бастап оңайлатылған декларация негізіндегі арнайы салық режимін (АСР) қолданатын салық төлеушілер, айналым көлеміне қарамастан, ҚҚС төлеуші болып табылмайды. Осылайша, ҚҚС төлеушілер тек жалпыға бірдей белгіленген режимдегі (ЖБР) жеке кәсіпкерлер болуы мүмкін.Жаңа Салық кодексінің 207-бабына сәйкес, ҚҚС төлеушілер ЭСФ-ны жалпы тәртіппен жазып беруге міндетті.Сонымен қатар, жаңа Салық кодексінің 208-бабына сәйкес, ҚҚС төлеуші болып табылмайтын салық төлеушілер де жекелеген жағдайларда ЭСФ жазып беруге міндетті, атап айтқанда:«Виртуалды қойма» модулінде есепке алынған тауарларды өткізу кезінде;халықаралық тасымалдарды жүзеге асырған кезде;кедендік және сыртқы экономикалық қызметтің жекелеген қатысушылары тарапынан жүзеге асырылатын қызметтер кезінде;Қазақстан Республикасының заңнамасында көзделген өзге де жағдайларда.Сонымен бірге, ЭСФ келесі жағдайларда талап етілмейді:есеп айырысулар кассалық чектермен немесе төлем құжаттарымен расталған кезде;белгілі бір қызмет түрлері (коммуналдық қызметтер, байланыс қызметтері, көлік билеттері және т.б.) көрсетілгенде;жеке тұлғалармен жасалған кейбір операциялар кезінде.ЭСФ электрондық нысанда, «Электрондық шот-фактуралар» ақпараттық жүйесі (ИС ЭСФ) арқылы рәсімделеді (жаңа Салық кодексінің 209-бабы).ЭСФ жазып берудің жалпы мерзімі – тауарды өткізу (жұмыс, қызмет көрсету) күнімен есептелетін 15 күнтізбелік күн. Жекелеген жағдайларда арнайы мерзімдер белгіленеді.Заңнамада қағаз түрінде шот-фактураларды рәсімдеудің шектеулі жағдайлары көзделген, оның ішінде:телекоммуникациялық желінің болмауы;ақпараттық жүйеде техникалық ақаулардың туындауы;төтенше жағдайлар.ЭСФ жазып беру тәртібі мен мерзімдерін бұзғаны үшін Қазақстан Республикасының Әкімшілік құқық бұзушылық туралы кодексіне сәйкес әкімшілік жауапкершілік көзделген.Осылайша, электрондық шот-фактураларды жазып беру міндеті ҚҚС бойынша есепке қоюмен тікелей байланысты емес және салық заңнамасында белгіленген талаптарға сәйкес айқындалады.Мемлекеттік кірістер департаменті салық төлеушілерді заң талаптарын сақтауға және салықтық міндеттемелерді уақытылы орындауға шақырады.Ақпарат көзі : https://www.gov.kz/memleket/entities/kgd-kostanay/press/news/details/1197803?lang=kk

Жыл соңына дейін Қорғаныс министрлігі жыл сайын кемінде 700 мың жас азаматты қамти отырып, әскерге шақыруға дейінгі даярлық жүйесін толық ауқымды іске қосуды жүзеге асыруды жоспарлап отыр. Бұл туралы Парламентте Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков мәлімдеді.Айгүл Құспанның төрағалығымен өткен Мәжілістің Халықаралық істер, қорғаныс және қауіпсіздік комитетінің отырысында министрдің орынбасары алғашқы әскери, әскерге шақыруға дейінгі және тереңдетілген даярлықтың сапасын арттыру жөніндегі шаралар кешенін ұсынды.Оның айтуынша, бұл сала қорғаныс ведомство басшысының жеті нормативтік құқықтық актісімен реттеледі. Олар білім беру ұйымдарындағы бастапқы әскери дайындықты, тереңдетілген әскерге дейінгі даярлығы бар мамандандырылған мектептердің қызметін және қосымша білім беруді қамтиды.Осы құжаттарды жүйелі түрде жүзеге асыру үшін министрліктің тиісті департаментінде білім беру ұйымдарындағы әскери даярлық және цифрландыру басқармасы құрылған. Сонымен қатар, әскерге дейінгі даярлықты жүргізетін білім беру ұйымдарының электрондық тізілімі әзірленді. Бұл олардың есебін жүргізуге, даярлық сапасын бағалауға және әскери-патриоттық тәрбиені дамытуға мүмкіндік береді.Білім беру ұйымдарында 700 мың адамды қамти отырып, әскери даярлық сапасына мониторинг жүргізу және оларды талдау қағидалары қабылданды. Одан өзге оқу-материалдық базаға, оқушылардың киім үлгісіне бірыңғай талаптар енгізіліп, басшылар мен оқытушыларға қойылатын біліктілік талаптары айқындалды.Оқу-ағарту министрлігімен алғашқы әскери дайындық оқытушыларының біліктілігін арттыру курстарын әскери оқу орындарының базасында ұйымдастыру мәселесі бойынша өзара іс-қимыл жолға қойылуда.Алғаш рет 10–11 сынып оқушылары арасында бастапқы әскери дайындық бойынша жыл сайынғы жарыстар өткізу тәжірибесі енгізілуде. Алғашқы жиындар биыл мамыр айында Абай, Жамбыл және Батыс Қазақстан облыстарында өтеді.Тереңдетілген әскерге дейінгі даярлық қағидалары мектептердің әскери бөлімдермен тығыз байланыста жұмыс істеуін көздейді. Сонымен қатар әскери іс негіздерін қамтитын қосымша білім беру бағдарламасы бекітілді.Әскери мектеп-интернат директорлары мен бастапқы әскери дайындық оқытушыларына қойылатын талаптар жаңартылды. Оларда міндетті түрде әскери қызмет өтілі немесе запастағы офицерлер бағдарламасы бойынша даярлықтан өткен болуы тиіс.Бастапқы әскери дайындық ұстаздары енді тек әскери оқу орындары базасында ғана біліктіліктерін арттыратын болады. Запасқа шығарылатын әскери қызметшілерге педагогикалық білімге теңестірілген педагогикалық қайта даярлау бағдарламасы қарастырылған. Бұл бастапқы әскери дайындық сабағын мектептер мен колледждерде беруге рұқсат етеді.Қазіргі уақытта Қорғаныс министрлігі жанында қорғаныс және қауіпсіздік саласындағы жетекші мамандардың қатысуымен жұмыс тобы құрылып, бастапқы әскери дайындық оқулығы мен әдістемелік ұсынымдарды жаңарту жұмыстары жүргізілуде.Жергілікті атқарушы органдармен бірлесіп, елдің барлық өңірінде тереңдетілген әскерге дейінгі даярлықты жүргізетін мамандандырылған мектептер ашу жұмыстары іске асырылып жатыр. Биыл Алматы және Түркістан облыстарында әскери мектеп-интернаттар ашу жоспарланып отыр.Ақпарат көзі : https://www.gov.kz/memleket/entities/mod/press/news/details/1197823?lang=kk

Шаңхай, 2026 жылғы 09 сәуір 2026 жылғы 9 сәуірде Шаңхай қаласында Қазақстанның ұлттық әуе компаниясы Air Astana жүзеге асыратын Алматы – Шаңхай бағыты бойынша жаңа тікелей әуе рейсін салтанатты түрде ашты. Бұл рейстің ашылуы Қазақстан Республикасы мен Қытай Халық Республикасы арасындағы екіжақты, әсіресе экономикалық саладағы ынтымақтастықты одан әрі дамытуға қосымша серпін береді.Қазақстан Республикасының Шаңхай қаласындағы Бас консулы Нұрлан Аққошқаров іс-шараға қатысып, Алматы – Шаңхай арасындағы жаңа бағыттың ашылуы екіжақты өзара іс-қимылды тереңдетуге, сауда-экономикалық және инвестициялық әріптестікті кеңейтуге, сондай-ақ екі ел арасындағы гуманитарлық байланыстарды жандандыруға бағытталған стратегиялық маңызды қадам екенін атап өтті.Жаңа бағыттың 2026 жылғы 7–10 сәуір аралығында Шаңхай қаласының мэрі Гун Чжэннің Қазақстанға жасаған сапары кезінде ашылуы ерекше мәнге ие болды. Бұл қадам 2025 жылғы маусымда орнатылған Алматы мен Шаңхай қалалары арасындағы бауырластық байланыстарды нығайтудың жарқын дәлеліне айналды.Салтанатты іс-шараға Air Astana басшылығы, Шаңхай қаласының Сыртқы істер басқармасының өкілдері, сондай-ақ мегаполистің мемлекеттік органдары мен іскерлік топтардың жетекшілері қатысты. Бұл тараптардың өңіраралық ынтымақтастықты одан әрі дамытуға жоғары деңгейде мүдделі екенін көрсетті.Air Astana әуе компаниясының жаңа рейсті іске қосуы тікелей әуе тасымалына деген өсіп келе жатқан сұранысқа жауап береді және Қазақстанның көлік қолжетімділігін арттыруға ықпал етеді. Жаңа бағыттың ашылуы Қазақстан мен Қытай арасындағы стратегиялық әріптестікті нығайтуға қосымша серпін беріп, өңіраралық ынтымақтастық пен екіжақты қатынастардың одан әрі жандануына ықпал ететін болады.Сонымен қатар, бұл Қазақстанның Қытайды Орталық Азиямен, Кавказбен, Таяу Шығыспен және Еуропамен байланыстыратын негізгі транзиттік хаб ретіндегі рөлін күшейтеді.Ақпарат көзі : https://www.gov.kz/memleket/entities/mfa-shanghai/press/news/details/1197833?lang=kk

Ереван, 2026 жылғы 9 сәуір – Қазақстан Республикасы Сыртқы істер министрлігі мен Армения Республикасы Сыртқы істер министрлігі арасындағы 2026-2027 жылдарға арналған Іс-қимыл бағдарламасын жүзеге асыру шеңберінде Ереван қаласында консулдық мәселелер бойынша жоспарлы консультациялар өтті.Қазақстан делегациясын СІМ Консулдық қызмет департаментінің директоры Азамат Аубеков басқарды. Армения тарапынан СІМ Консулдық департаментінің басшысы Артур Петросян болды. Сонымен қатар кездесуге екі мемлекеттің құзыретті органдарының өкілдері қатысты.Кездесу сындарлы әрі іскерлік жағдайда өтті, қатысушылар консулдық күн тәртібіндегі өзекті мәселелерге жан-жақты шолу жасады. 2024 жылғы 15 сәуірде қол қойылған азаматтардың сапарлары мен болу тәртібі туралы, сондай-ақ көші-қон саласындағы ынтымақтастық жөніндегі келісімдерді практикалық іске асыруға ерекше назар аударылды. Тараптар аталған келісімдер екіжақты қатынастардың құқықтық негізін нығайтып қана қоймай, сондай-ақ екі ел азаматтары мен іскерлік топтары арасындағы тікелей байланыстарды кеңейту үшін қолайлы жағдай жасағанын атап өтті.Келіссөздер қорытындысы бойынша делегациялар басшылары қол жеткізілген уағдаластықтарды бекітіп, ведомствоаралық өзара іс-қимылдың басым бағыттарын айқындайтын консультациялардың қорытынды Хаттамасына қол қойды. Қазақстан және армян тараптары өз азаматтарының мүдделері үшін серіктестікті дәйекті түрде тереңдетуге дайын екендіктерін растады. Ақпарат көзі : https://www.gov.kz/memleket/entities/mfa/press/news/details/1197753?lang=kk

Астана, 2026 жылғы 9 сәуір – Қазақстан Республикасы Бас прокуратурасы ұйымдастырған Инвестицияларды қорғау форумы өтті. Іс-шара инвесторлардың құқықтарын қорғау, инвестициялық жобаларды құқықтық сүйемелдеу тетіктерін жетілдіру және тұрақты инвестициялық ахуалды қалыптастыру мәселелеріне арналды.Іс-шараға ҚР Бас Прокуроры Б.Асылов, ҚР Премьер-министрінің бірінші орынбасары Р.Скляр, ҚР Парламенті Мәжілісі төрағасының орынбасары Д.Еспаева, «Атамекен» ҰКП Президиумының Төрағасы К.Шарлапаев, Инвесторлардың құқықтарын қорғау комитетінің төрағасы Б.Ералы және инвестор – компаниялардың бірқатар басшылары қатысты.ҚР Сыртқы істер министрінің орынбасары Әлібек Қуантыров өз сөзінде Қазақстанның қазіргі инвестициялық саясаты тұрақтылықты қамтамасыз етуге және жоғары инвестициялық тартымдылықты қолдауға бағытталған кешенді шаралар жүйесін көздейтінін атап өтті.«Тәуелсіздік алған сәттен бастап ел экономикасына 480 млрд АҚШ долларынан астам инвестиция тартылды. 2025 жылы тікелей шетелдік инвестициялар ағыны 20,5 млрд АҚШ долларын құрап, өсім 14,4%-ды көрсетті», – деді Ә.Қуантыров.Ол өңдеуші өнеркәсіп пен қаржы секторы өсімнің негізгі драйверлері болғанын атап өтті. Бұл инвестициялық екпіннің шикізат өндіруден әртараптандырылған, тұрақты және қосалқы құнға бағдарланған экономика қалыптастыруға біртіндеп ауысып жатқанын куәландырады.«Инвесторлармен жұмыстағы таргеттелген тәсілдің нәтижесінде бүгінгі күні жалпы сомасы 2,5 млрд АҚШ долларынан асатын инвестициямен бірқатар ірі халықаралық компаниялар тартудың сәті туды. Өткен жылы шетелде шетелдік компаниялармен шамамен 1200 кездесу өткізіліп, олардың Қазақстанға 200-ге жуық сапары қамтамасыз етілді», – деп қосты СІМ басшысының орынбасары.Сонымен қатар ол шетелдік серіктестермен бірізді әрі үйлестірілген жұмыс жүргізу үшін арнайы «task force» тетігі құрылғанын хабарлады. Бас прокуратурамен және жергілікті атқарушы органдармен бірлесіп инвесторлардың проблемалық мәселелерін жедел шешу бойынша шаралар қабылдануда, сондай-ақ инвестициялық процестер цифрландырылып, бұл бағыттағы жұмыс жалғасуда екенін айтты.Ақпарат көзі : https://www.gov.kz/memleket/entities/mfa/press/news/details/1197754?lang=kk

2026 жылдың 23-24 сәуірінде Тараз қаласындағы «Көне Тараз» тарихи-этномәдени кешенінде «Тараз – қолөнершілер қаласы» халықаралық қолөнершілер фестивалі ұйымдастырылады.Ұлттық фестивальді өткізудегі негізгі мақсат – өңірдің туристік имиджін көтеру, отандық қолөнершілерді халықаралық деңгейде танымал ету, шетелдік және жергілікті қолөнершілер арасында достық қарым-қатынас пен ынтымақтастық орнату, тәжірибе алмасу, сондай-ақ, кенже қалып бара жатқан ежелгі қолөнер түрлерін сақтау және қайта жаңғырту.Фестивальға шетелден (Қырғызстан, Өзбекстан, Тәжікстан), көрші өңірлерден (Алматы, Түркістан) келетін және жергілікті 100-ден астам шебер қатысады.Фестиваль аясында көрермендерге ерекше көңіл күй сыйлау мақсатында «Тараз – қолөнершілер қаласы. Дәстүр мен заманауи қолөнер» тақырыбында ғылыми-практикалық конференция, қолөнер бұйымдарының көрмесі мен шеберлік сағаттары, «Менің әлемім: қиял мен шынайылық» атты жас қолөнершілер мен суретшілердің  көрмесі өтеді.Бұдан бөлек, сән мен дәстүрді тоғыстыратын «ASPARA FASHION WEEK» халықаралық сән апталығы, «Гиннес» рекордтар кітабына енген киіздің жанында «Dombyra Party» іс-шарасы, ұлттық нақыштағы киімдердің сән көрсетілімі және өнер жұлдыздарының гала-концерті ұйымдастырылады. Фестивальге қатысушы қонақтарға көрме бұйымдарын сатып алуға және Тараз қаласындағы тарихи-мәдени орындарға экскурсия жасауына толық мүмкіндік қарастырылған.Бұл күндері Тараз ұлттық дәстүр мен шалқыма шабыттың тоғысқан ортақ мекеніне айналмақ.Ақпарат көзі : https://www.gov.kz/memleket/entities/mfa-kishinev/press/news/details/1200430?lang=kk

Қазақстан Республикасы Көлік министрі Нұрлан Сауранбаев Грузияның экономика және тұрақты даму министрі Мариам Квривишвилимен кездесу өткізді.Кездесу барысында Қазақстан мен Грузия арасындағы сауда-экономикалық ынтымақтастықты дамыту мәселелері талқыланды.Көлік-логистика саласындағы ынтымақтастыққа ерекше көңіл бөлінді. Тараптар қосымша жүк ағындарын тарту және көлік инфрақұрылымын дамыту бойынша бірлескен үйлесімді жұмыстардың маңыздылығын атап өтіп, бұл шаралар ынтымақтастықты нығайтуға және Орта дәліздің бәсекеге қабілеттілігін арттыруға ықпал ететінін атап өтті.Сондай-ақ Грузия, Әзербайжан және Қазақстан темір жолдары арасындағы бірлескен кәсіпорынның тиімді жұмыс істеп жатқаны атап өтілді. 2025 жылы аталған жобаға Қытай тарапы қосылған. Тараптардың пікірінше, бұл ынтымақтастық жүк тасымалдарын үйлестіруді жақсартуға және дәліздің тиімді жұмыс істеуін қамтамасыз етуге мүмкіндік береді.Кездесу аясында грузин тарапы көлік саласындағы ынтымақтастықты дамытуға елеулі үлес қосатын стратегиялық инфрақұрылымдық жобаларды таныстырды. Атап айтқанда, Анаклия порты жобасы, локомотив және вагон паркін жаңартуға бағытталған ірі инвестициялық жобалар таныстырылды.Кездесу қорытындысы бойынша тараптар көлік саласындағы өзара тиімді ынтымақтастықты одан әрі дамытуға дайын екендіктерін жеткізді.Ақпарат көзі : https://www.gov.kz/memleket/entities/mfa-tbilisi/press/news/details/1197743?lang=kk