ПРЕЗИДЕНТ ТАПСЫРМАСЫНЫҢ ОРЫНДАЛУЫ: МИНИСТР ЖАС ҒАЛЫМДАРҒА ПӘТЕР СЕРТИФИКАТТАРЫН ТАБЫС ЕТТІБүгін ҚР Ғылым және жоғары білім министрі Саясат Нұрбек Мемлекет басшысының тапсырмасы бойынша жас ғалымдарға 10 пәтер сертификаттарын салтанатты түрде табыстады.Президенттің 2024 жылғы 31 мамырда Ғылым ордасында жас ғалымдармен кездесуінде берген тапсырмасын орындау мақсатында ғалымдардың әлеуметтік мәртебесін көтеру және қолдау көрсету, сондай-ақ ғылымға жас кадрлардың келуін ынталандыру үшін Республикалық комиссия Алматы қаласында баспана беру үшін мемлекеттік органдарға ведомстволық бағынысты ғылыми ұйымдардың, жоғары және жоғары оқу орнынан кейінгі білім беру ұйымдарының жас ғалымдарының кезекті тізімін айқындады.Министр Саясат Нұрбек жас ғалымдармен кездесу барысында ғылым мен инновацияны дамыту – ел дамуының экономикалық бағытының негізгі басымдықтарының бірі екенін айта отырып, Мемлекет басшысының қолдауымен ғылым саласында айтарлықтай өзгерістер болғанына тоқталды.«Мемлекет басшысы «Ғылым және технологиялық саясат туралы» Заңға қол қойды. Жас ғалымдардың зерттеулерін гранттық қаржыландыруға арналған конкурстардың нәтижесінде 1500 жоба іске асырылуда. Жыл сайын әлемнің жетекші ғылыми орталықтарында 500 қазақстандық ғалым тағылымдамадан өтуде. Алдағы екі жылда жас ғалымдардың зерттеуіне бөлінетін грант саны тағы да көбейеді. Ғылыми кадрларды әлеуметтік қолдау тек бар мамандарды қолдап қана қоймай, ғылыми-техникалық прогреске үлес қосуға дайын жас ғалымдардың жаңа буынын тартуға мүмкіндік береді. Жас ғалымдардың көбеюі өз кезегінде ғылымды дамытуға, зерттеу нәтижелерін коммерцияландыруға және жаңа экономикалық кластерлер құруға ықпал етеді», - деді Саясат Нұрбек.Кездесу барысында жас ғалымдардың атынан сөз сөйлеген Ұлттық ғарыштық зерттеулер және технологиялар орталығының материалтану зертханасының меңгерушісі Лаура Мұстафа елімізде жас ғалымдарға көрсетіліп жатқан қолдау жайлы, ғылыми-инновациялық жобаларды жүзеге асыруда жас мамандарға арналған бағдарламалар мен мүмкіндіктердің кеңейтіліп жатқандығын атап өтіп, алғысын білдірді.Бүгін көптен күткен жаңа пәтер сертификатын алғандар қатарында ғалымдар отбасысы да болды. Жас ғалымдар Айдар Молдажанов пен Ақмарал Құлмахамбетова – философия докторлары, PhD. «Біздің қуанышымызды сөзбен айтып жеткізу қиын. Жас ғалымдарға осындай беріліп жатқан мүмкіндік үшін алғыс білдіреміз! Енді ғалымдар өз пәтерлерінде тұрып, тұрғын үй мәселесін шешуге алаңдамай, ғылымға көбірек уақыт бөле алады», - деп бөлісті олар.ҚР Ғылым және жоғары білім министрлігі ағымдағы жылғы мамыр айынан бастап баспанаға мұқтаж жас ғалымдардың (40 жасқа дейін қоса алғанда) тізімін қалыптастыру бойынша жұмыс жүргізуде. Алматы қаласында орналасқан мемлекеттік органдарға ведомстволық бағынысты ғылыми ұйымдар мен жоғары оқу орындарынан 300-ге жуық өтінім келіп түсті.Кездесу соңында, министр жас ғалымдарды қолдау мақсатында ведомство бұл жұмысты кезең-кезеңімен жүзеге асыратынын, осындай нақты шаралар арқылы еліміздегі ғылымды және ғалымдар қауымын қолдау жұмысы алдағы уақытта да жалғасын табатынын атап өтті.Атап өтейік, Мемлекет басшысы 2024 жылғы 31 мамырда Алматы қаласының 10 жас ғалымына тұрғын үй сертификаттары табыстады. Сонымен қатар 2023 жылғы 19 қазанда ҚР Ғылым және жоғары білім министрлігі мен «Отбасы банк» АҚ арасында жас ғалымдарға 2023-2027 жылдарға арналған жеңілдетілген кредит беру бағдарламасы бойынша ынтымақтастық туралы келісімге қол қойды. Қазіргі уақытта аталған бағдарлама бойынша 290 жас ғалым жеңілдікпен баспана алды.Ақпарат көзі : https://www.gov.kz/memleket/entities/sci/press/news/details/903168

2024 жылы Қазақстан ТЖМ қызметкерлері өздерінің жоғары кәсіби дайындығы мен адалдығын тағы бір мәрте растады. Еліміздің әртүрлі өңірлерінде мемлекеттік жастар саясатын іске асыруға белсенді қатысқан және айрықша батылдық пен жанқиярлық танытқан құтқарушылар беделді наградаларға ие болды. Шығыс Қазақстан облысында ТЖД Шемонаиха қаласының №28 ӨСБ аға өрт сөндіруші-құтқарушысы азаматтық қорғау сержанты Думан Кенжебеков «Жыл батыры» номинациясын жеңіп алды. Ол көптеген құтқару жұмыстарына қатысты. 1 қазанда Усть-Таловка ауылында көпқабатты үйдің үшінші қабатында өрт шықты. Думан қарауылмен бірлесіп 10 адамды, оның ішінде 6 баланы эвакуациялады. Абай облысында азаматтық қорғау капитаны Ерасыл Қадырбеков «Жылдың жас батыры» номинациясы бойынша «Жыл таңдауы–2024» сыйлығының лауреаты атанды. Ол өрт қауіпсіздігі бойынша ақпараттық науқандарды ұйымдастыруда үлкен жұмыс атқарды. Өз іс-әрекеттерімен Ерасыл халықтың сақтық шаралары мен жауапкершілік туралы хабардарлығын арттырды, бұл әсіресе жоғары тәуекел маусымында маңызды. Жамбыл облысында «TARAZ AWARDS» қала әкімінің жастар сыйлығында Тараз қаласының №3 өрт сөндіру бөлімінің бастығы азаматтық қорғау майоры Бостанбай Абдуллаев «Төтенше жағдайлар қызметінің үздік жас қызметкері» наградасын алды. Оның еңбегі жоғары кәсіби дайындықпен және қызметті дамытуға қосқан елеулі үлесімен ерекшеленеді. Маңғыстау облысы да өз батырларын атап өтті. Ақтау қаласының №2 МӨСБ бастығының орынбасары азаматтық қорғау капитаны Азамат Садақбаев «Үздік жас құтқарушы» номинациясымен наградталды. Ол қауіпті жағдайға тап болған адамды құтқарған көпқабатты тұрғын үйдегі өртті сөндіру кезінде батылдығымен көзге түсті. Ақтау қаласының № 1 МӨСБ аға өрт сөндіруші-құтқарушысы азаматтық қорғау сержанты Жақсыбек Сақтапов ТҚО-дағы өртті жою кезіндегі ерлігі үшін көзге түсіп, әріптестерімен бірге 18 газ баллонын шығарып, жарылыстың алдын алғаны үшін «Үздік жас өрт сөндіруші» номинациясымен наградталды. Мұнайлы ауданының №5 ӨСБ бастығының орынбасары азаматтық қорғау капитаны Мүслім Құдайберген авариялық-құтқару жұмыстарына қатысқан кезде батылдық пен кәсібилік танытқаны үшін «Үздік төтенше жағдай қызметі» номинациясына ие болды. Батырлығы мен кәсібилігі лайықты болған ведомствоның үздік жас қызметкерлері дипломдармен және ақшалай сертификаттармен наградталды. Бұл наградалар - олардың жетістіктерін мойындау ғана емес, сонымен қатар азаматтардың қауіпсіздігін сақтайтын болашақ құтқарушыларды да шабыттандырады. Ақпарат көзі : https://www.gov.kz/memleket/entities/emer/press/news/details/903077

Төтенше жағдайлар министрлігі ТЖ-ның алдын алу мен оларды жою жүйесіндегі тиімділікті арттыру үшін цифрлық және инновациялық технологияларды енгізу бойынша жұмысты жалғастыруда. Бұл бағыттағы маңызды қадам ТЖ-ның алдын алу және оларды жою жөніндегі барлық іс-қимылдарды үйлестірудің негізгі элементіне айналған командалық орталықтың жедел штабының жұмысы үшін жаңартылған ахуалдық залды енгізу болды. Мұнда ықтимал техногендік және табиғи апаттарды болжау, модельдеу және талдау, сондай-ақ олардың салдарын бағалау құралдары бар цифрлық сервистер шоғырланған. ТЖМ цифрлық сервистерінің негізін «ТЖ ГАЖ» геоақпараттық жүйесі құрайды, ол өрт, технологиялық авариялар, метеорологиялық апаттар және мұнайдың төгілуі сияқты түрлі ТЖ мониторингі мен болжауға арналған кіші жүйелерді қамтиды. Сонымен қатар жүйеде өңірлердің цифрлық қауіпсіздік паспорттары және тарихи деректерді қоса алғанда, Қазақстан Республикасының аумағындағы табиғи және техногендік ТЖ атласын көрсететін интерактивті карталар пайдаланылады. Жүйенің маңызды құрамдас бөлігі сел жағдайын бақылау болып табылады. Ол үшін сел қаупі бар кезеңде Түрген көлдері мен Талғар өзенінің бөгетінде PTZ-камералар, сондай-ақ датчиктер мен автоматтандырылған ҰҰА-ны пайдалана отырып, мұздақ көлдердің мониторингі автоматтандырылған жүйесі пайдаланылады. Өрт қауіпсіздігі саласында «Сергек» камералары, сондай-ақ орман шаруашылықтарындағы өрттерді анықтауға арналған камералар сияқты бейнебақылау жүйелері енгізілді. Қазіргі уақытта «Ертіс Орманы», «Бурабай», «Семей орманы» МОТР, «Медеу» РМК және еліміздің барлық аумағындағы басқа да объектілердің жүйелері іске қосылған. Халықты жедел хабардар ету үшін ТЖМ-де бүкіл еліміздегі сирена-сөйлеу қондырғыларын басқаруға мүмкіндік беретін отандық аппараттық-бағдарламалық кешен белсенді әзірленуде. Пайдаланушының орналасқан жерін анықтауға, төтенше жағдайлар бойынша іс-қимылдар нұсқаулықтар беруге, сондай-ақ мүмкіндігі шектеулі адамдар үшін кері байланысты қамтамасыз етуге мүмкіндік беретін мобильді қосымшаны құру бойынша жұмыс жүргізілуде. Жаңғыртудағы маңызды қадам ТЖМ, ІІМ, ҰҰ, ҚАЖК сияқты басқа да мемлекеттік органдармен, сондай-ақ орман шаруашылықтарымен және «Qarmet» ұйымдарымен жедел өзара іс-қимыл жасау үшін бірыңғай радио желісін салу болып табылады. Сонымен қатар цифрландыру аясында қауіпсіздік паспорттарын цифрландыру жұмыстары жалғасуда. Қазірдің өзінде «цифрлық қауіпсіздік паспорты» ішкі жүйесі, сондай-ақ «интерактивті карта» енгізілген, бұл деректерді өзектендіру және оларды күнделікті қызметте пайдалану бойынша аумақтық бөлімшелердің жұмысын едәуір жеңілдетеді. Қазіргі уақытта ТЖМ қызметкерлерінің 20 мыңнан астам жеке ісі цифрландырылды, бұл кадр жұмысын одан әрі автоматтандыру үшін негіз болып табылады. Ақпараттық жүйеде есептілікті автоматтандырылған қалыптастыру да жүзеге асырылады, бұл персоналмен жұмыс тиімділігін арттыруға, бюрократияны төмендетуге және кадр қызметіне жүктемені азайтуға ықпал етеді. ТЖМ цифрлық технологияларды интеграциялау бойынша жұмысты жалғастыруда, бұл төтенше жағдайларда іс-қимылдардың жеделдігін, тиімділігі мен дәлдігін едәуір арттыруға, сондай-ақ барлық тартылған құрылымдар мен органдардың өзара іс-қимылын жақсартуға мүмкіндік береді. Ақпарат көзі : https://www.gov.kz/memleket/entities/emer/press/news/details/903154

Президент Қасым-Жомарт Тоқаевтың Жетісу облысына сапары Қаратал ауданында жалғасты. Мемлекет басшысы Ескелді би ауылында биыл пайдалануға берілген мәдениет үйі мен спорт кешенінің ғимараттарын аралап көрді.Жергілікті бюджет есебінен бой көтерген 150 орындық мәдениет үйінде кітапхана, әжелер мен домбырашылар ансамбльдері, би үйірмесі секілді ұжымдар орналасқан.Мемлекет басшысы ауыл кітапханасымен танысты. Сондай-ақ өнерпаз балалармен жүздесіп, еліміздің лайықты азаматы болып өсуіне тілектестік білдірді.Президент мәдениет үйіне музыкалық жабдықтар мен суретші Ә.Баяндиннің картинасын тарту етті.Биыл облыстың шалғай ауылдарындағы бес мәдениет үйі күрделі жөндеуден өтіп, сегіз клуб жаңадан салынған.Сонымен қатар бұқаралық спортты дамыту мақсатында елді мекендерде 15 шағын спорт нысаны ашылды.Соның бірі – Ескелді би ауылындағы спорт кешені. Ауыл тұрғындары мұнда тоғызқұмалақ, шахмат, дойбы үйірмелеріне, бокс, күрес, волейбол, баскетбол секцияларына қатысады.Президент ауыл балаларымен әңгімелесіп, мемлекет тарапынан өскелең ұрпақтың алаңсыз білім алуына, спортпен айналысуына қолайлы жағдай жасалатынын жеткізді.Бұдан кейін Мемлекет басшысы Үштөбе қаласында орналасқан Кемел Тоқаев атындағы орта мектепке барды. Қасым-Жомарт Тоқаевқа мектеп директоры Ләззат Испанова оқушылардың жетістіктері туралы айтып, жазушы мұражайымен таныстырды. 1997 жылы құрылған музейге қаламгердің тұтынған заттары, фотосуреттері, құжаттары мен кітаптары қойылған. Президентке жазушының өмірі мен шығармашылығына арналған зияткерлік ойын және повестерінің желісі бойынша шағын қойылым көрсетілді.Мемлекет басшысына «Кемел Тоқаев атындағы қайырымдылық қоры» атқарған жұмыстар жөнінде баяндалды. Биыл Қордың құрылғанына 15 жыл толып отыр.Дереккөз: ҚР Президентінің ресми сайтыМемлекет басшысы Қаратал ауданындағы әлеуметтік нысандармен танысты — Қазақстан Республикасы Президентінің ресми сайтыАқпарат көзі : https://www.gov.kz/memleket/entities/zhetysu-oblysy/press/news/details/902645

Мемлекет басшысы Үштөбе қаласында орналасқан Қаратал ауданы қорғаныс істері жөніндегі бөлімінің ғимаратын аралап көрді. 1983 жылдан бері қолданыстағы нысан биыл күрделі жөндеуден өтіп, қазан айында аталған мекемеге берілген.Қорғаныс министрі Руслан Жақсылықов Қазақстан Республикасы Қарулы Күштерінің Жоғарғы Бас Қолбасшысына Smart-әскери комиссариат жобасы туралы баяндады. Жаңа бастамаға сәйкес азаматтар автоматты түрде әскери есепке алынады.Министрдің айтуынша, жыл сайын 17 жастағы 160 мыңнан аса жасөспірім автоматты түрде әскери есепке тұрғызылады. Сондай-ақ министрлік жұмылдыру ресурстарының ақпараттық жүйесін құрған. Цифрлық трансформация Қазақстандағы 16 мен 60 жас аралығындағы барлық ер азаматты қамтиды. Бұл жұмыс қағаз нұсқада жүргізілген кезде есепте 2,5 миллион азамат болған. Ал цифрлық форматқа көшкеннен кейін олардың саны 6,8 миллионға жеткен.Бұдан бөлек, IT саласы бойынша білімі бар сарбаздар «Халық үніне құлақ асатын мемлекет» қағидатына сәйкес Armia.kz ақпараттық қызметін жасап шыққан. Аталған жоба тәрбие және идеологиялық жұмыстарды ұйымдастыру мақсатында жасанды интеллект арқылы әзірленген. Ата-аналармен кері байланысқа ыңғайлы бұл қызметтің мобильді нұсқасы да бар.Қасым-Жомарт Тоқаев әскерге шақырылған азаматтармен әңгімелесіп, оларға Отан алдындағы борышын өтеуде сәттілік тіледі.– Елге қызмет ету – азаматтық борыш. Бұл – өте маңызды жұмыс, қасиетті парыз. Үлкен әскери мансаптарға жетіп, генерал атаныңыздар. Азаматтық міндетті абыроймен атқарыңыздар. Антқа адал болыңыздар! – деді Мемлекет басшысы.Дереккөз: ҚР Президентінің ресми сайтыПрезидент Қаратал ауданының қорғаныс істері бөліміне барды — Қазақстан Республикасы Президентінің ресми сайтыАқпарат көзі : https://www.gov.kz/memleket/entities/zhetysu-oblysy/press/news/details/902819

Қазақстан Республикасының Экология және табиғи ресурстар министрлігі мен Жапонияның Экономика, сауда және өнеркәсіп министрлігі бірлесіп, Қазақстанда Бірлескен кредиттеу механизмі (JCM) бойынша семинар ұйымдастырды.Бұл семинар мемлекеттік қызметшілерге, жергілікті жеке компанияларға және Қазақстандағы жапон филиалдарына климаттың өзгеруінің салдарын жұмсартуға арналған шараларға қатысты мәселелер мен қажеттіліктерді зерделеу мақсатында өткізілді.Қазақстан Республикасының Экология және табиғи ресурстар министрлігі атынан ашылу сөзін және «2060 жылға дейін көміртегі бейтараптығына қол жеткізу стратегиясы және JCM механизмінен күтілетін нәтижелер» тақырыбында баяндама Климаттық саясат департаментінің директоры Сауле Сабиева жасады.Семинарда JCM механизмінің негізгі аспектілері, Жапония үкіметі ұсынатын JCM қолдау бағдарламалары қарастырылып, JCM аясында Қазақстан мен Жапония арасындағы декарбонизация саласындағы ынтымақтастыққа қатысты тақырыптық талқылаулар ұйымдастырылды.Семинар қорытындысы бойынша JCM Бірлескен комитеті аясында жобаларды іріктеу өткізу жоспарлануда.Семинар материалдары осы сілтеме бойынша қолжетімді: https://pckk.ent.box.com/s/ex086fja7ayupkt8lg2o5vuufci9bd6bАқпарат көзі : https://www.gov.kz/memleket/entities/ecogeo/press/news/details/901503

Бүгін Астанада UNIDO қолдауымен ұйымдастырылған Global Cleantech Innovation Programme (GCIP) беделді акселерациялық бағдарламасының финалы, яғни GCIP Kazakhstan 2024 Ұлттық форумы өтті. Форум экологиялық мәселелерді шешуге бағытталған бірегей экологиялық жобалар ұсынылған тұрақты технологиялар саласындағы стартаптар үшін маңызды оқиға болды.Форумды Қазақстан Республикасының Экология және табиғи ресурстар министрі Е. Нысанбаев құттықтау сөзімен ашты. Ол жасыл технологияларды еліміздің тұрақты дамуы үшін енгізудің маңыздылығын атап өтті. Сонымен қатар, Қазақстан Республикасы Парламенті Мәжілісінің Экология және табиғатты пайдалану комитетінің төрағасы Е. Жаңбыршин форумның экологиялық бастамаларды алға жылжытудағы рөлін атап өтті.Форум аясында «Қазақстан мен әлемдегі таза, жасыл технологиялардың даму перспективалары» тақырыбында панельдік сессия өтті. Онда қатысушылар, оның ішінде «Халықаралық жасыл технологиялар және инвестициялық жобалар орталығы» (IGTIC) басқарма төрағасы Д. Каримсаков, CAICA бас директоры Р. Жемков, Green Finance AIFC директоры М. Гиждуаниев, және т.б қатысушылар әлемдегі жасыл технологиялар бойынша жаһандық трендтер мен Қазақстан үшін мүмкіндіктерді талқылады.Форумның маңызды сәті - IGTIC мен Қытайдың инновациялар саласындағы көшбасшысы TusHoldings (Xiaomi, Lenovo, ByteDance (TikTok) сияқты алыптарды басқаратын) және Zagreb Innovation Centre Ltd. арасындағы серіктестік меморандумын қол қою болды. Бұл серіктестіктер Қазақстанның жасыл технологиялар саласындағы стартаптарына халықаралық тәжірибе мен ресурстарға қол жеткізу мүмкіндіктерін ашады.Форумға қатысушылар Cleantech Group беделді зерттеу компаниясының воркшопына қатысып, Қазақстанда жасыл технологияларды дамыту және ең жақсы халықаралық тәжірибелерді бейімдеу жөніндегі ұсыныстарды талқылады. «БҰҰ саммиті» іскерлік ойыны аясында қатысушылар климаттық мәселелер бойынша келіссөздер мен климаттың өзгеруімен күрес стратегияларын зерттеді.Demo Day кезінде Қазақстанның ірі кәсіпорындары, мысалы, Қазахмыс, Қазцинк, ERG, стартаптар үшін өздерінің технологиялық мәселелерін ұсынды, ал Investor Connect аясында стартаптар өздерінің инновацияларын инвесторларға таныстырып, ықтимал серіктестікті талқылады.Форум жеңімпаздарды марапаттаумен аяқталды, олар тұрақты технологиялар саласындағы ең үздік жобалар мен шешімдерді көрсетті. Форум жеңімпаздары гранттар алып, 2025 жылы Стамбулда өтетін әлемдік финалға Қазақстанды таныстыру мүмкіндігіне ие болды.GCIP Kazakhstan — Орталық Азиядағы экологиялық таза технологиялар саласындағы стартаптарды қолдайтын жалғыз бағдарлама. GCIP Қазақстанда Түркия, ОАР, Индонезия, Нигерия және басқа елдер сияқты 15 елмен қатар жүзеге асырылуда. Биыл акселерация бағдарламасына Қазақстанда және әлемде өзгерістерге қозғаушы күш бола алатын 27 инновациялық жоба таңдалды.Форумның маңызды сәттерінің бірі Е.Нысанбаев пен Е. Жамбыршиннің өсімдік тұқымын отырғызуы болды. Қатысушыларға арналған төсбелгілер гүл тұқымдары бар ыдырайтын материалдан жасалған. Әрбір төсбелгіге отырғызу нұсқаулары қоса берілді. Ақпарат көзі : https://www.gov.kz/memleket/entities/ecogeo/press/news/details/901655

Қазақстан Республикасының Экология және табиғи ресурстар министрлігі Халықаралық қаржы корпорациясымен (IFC) бірлесіп, электромобильділік пен зарядтау инфрақұрылымын дамытуға арналған семинар ұйымдастырды.Семинарды Қазақстан Республикасының Экология және табиғи ресурстар вице-министрі Ж.Әлиев өз сөзімен ашты.Бұл семинар 2025-2035 жылдарға арналған электромобильділікті дамытудың ұзақ мерзімді стратегиясын әзірлеуді қолдау бойынша IFC бастамалары шеңберінде ұйымдастырылды. Іс-шара ынтымақтастықты нығайтуға және Қазақстанның ұлттық басымдықтары мен сектордың жаһандық үрдістеріне сәйкес келетін шешімдерді әзірлеуге бағытталған.Семинар барысында: жол картасын әзірлеу және Қазақстанда электромобильділікті көру, Қазақстанда зарядтау инфрақұрылымын өрістету мәселелері талқыланды.Семинар барлық мүдделі тараптар үшін бағдарларды және дамудың негізгі бағыттарын белгілеген электромобильділік стратегиясы мен жол картасын әзірлеу шеңберінде жеке сектормен өзара іс-қимылдың алғашқы алаңы болды.Ақпарат көзі : https://www.gov.kz/memleket/entities/ecogeo/press/news/details/902109

Бүгін Қазақстан Республикасының Экология және табиғи ресурстар вице-министрі М.Ошурбаевтың экономикалық ынтымақтастық және даму ұйымының (бұдан әрі – ЭЫДҰ) өкілдері Пелин Атамер және Мэттью Гриффитспен кездесуі өтті. Кездесу Орталық Азия мәселелері бойынша ГФР Қоршаған ортаны қорғау, табиғатты қорғау, ядролық қауіпсіздік және тұтынушылардың құқықтарын қорғау федералды министрлігінің өкілдері Юрген Кайнхорст мен Ивонна Линденлауб және Германия Федеративтік Республикасының Қазақстан Республикасындағы Төтенше Өкілетті Елшісінің орынбасарының қатысуымен өтті.Кездесу барысында Қазақстанның 2060 жылға дейінгі Қазақстан Республикасының көміртегі бейтараптығына қол жеткізу Стратегиясының жол картасы жобасына сәйкес ұлттық деңгейде айқындалатын жаңартылған салымдарды (бұдан әрі – ОНУВ) орындауға бейілділігі, Орталық Азиядағы орнықты Инфрақұрылым бағдарламасының (бұдан әрі – SIPA) жыл сайынғы өңірлік іс-шараларына ҚР ЭЫДҰ-ның қатысуы және бағалаудың тиімді тетігін құру шаралары мәселелері талқыланды экологиялық тәуекелдер.Вице-министр атап өткендей, қазіргі уақытта стратегияға Жол картасын әзірлеу жүргізілуде, оның шеңберінде SIPA ұсыныстары ұлттық, өңірлік және секторлық деңгейлерде міндеттемелердің орындалуын қамтамасыз ететін сандық және сапалық көрсеткіштерді біріктіруге мүмкіндік береді.Сонымен қатар, вице-министр халықаралық авиация үшін көміртегі шығарындыларын өтеу және азайту схемалары мәселесіне қызығушылық білдірді.Осыған байланысты, вице-министр ЭЫДҰ-дан осы схемаға және CORSIA сертификаттарын қолдануға байланысты ықтимал тәуекелдер мен пайданы бағалау үшін талдау жүргізу бөлігінде қолдау көрсетуді сұрады.Сондай-ақ, М.Ошурбаев SIPA бағдарламасының жаңа білім беру жобаларын және ЭЫДҰ-ның өңірлік деңгейдегі іс-шараларын ұйымдастыруға және қатысуға қызығушылық білдірді.Өз кезегінде ЭЫДҰ өкілдері қоршаған ортаны қорғау саласындағы экологиялық қауіпсіздікті қамтамасыз ету мәселелерінде бірлесіп жұмыс істеуге және жәрдем көрсетуге дайын екендіктерін растады.Кездесу қорытындысы бойынша тараптар одан әрі өзара тиімді ынтымақтастық туралы уағдаласты.Ақпарат көзі : https://www.gov.kz/memleket/entities/ecogeo/press/news/details/902120

2024 жылғы 12 желтоқсанда бейнеконференция форматында 2016 жылғы 4қазандағы Қазақстан Республикасының Үкіметі мен Ресей Федерациясының Үкіметіарасындағы Жайық трансшекаралық өзені бассейнінің экожүйесін сақтау жөніндегікелісімге сәйкес құрылған Жайық трансшекаралық өзені бассейнінің экожүйесін сақтаужөніндегі Қазақстан-Ресей Комиссиясының (бұдан әрі – Комиссия) төртінші отырысы өтті.Қазақстандық тарапты Қазақстан Республикасының Экология және табиғиресурстар вице-министрі Ж.Ш. Әлиев басқарды.Ресей тарапын Ресей Федерациясының Табиғи ресурстар және экологияминистрінің орынбасары С.М. Аноприенко басқарды.Отырысқа сондай-ақ екі тараптың орталық мемлекеттік, жергілікті атқарушы жәнеөкілді органдарының және жұртшылықтың өкілдері қатысты.Тараптар Жайық трансшекаралық өзені бассейнінің экожүйесін сақтау және қалпына келтіру жөніндегі қазақстан-ресей ынтымақтастығының 2021-2024 жылдарға арналған бағдарламасының орындалуы туралы ақпаратты тыңдап, қабылдады.Қазақстан тарапы Ресей тарапын 2025 жылы аяқталуы жоспарланып отырған ғылыми-зерттеу жұмыстары, каналдар мен суландыру жүйелерін реконструкциялау,жағалауды нығайту, түбін тереңдету, тазарту жұмыстары, өзен бассейнін бекіре және тұқы тұқымдас балық шабақтарымен балықтандыру, ормандарды қалпына келтіру, рұқсат етілмеген қоқыс тастайтын жерлерді жою және басқа да іс-шаралар туралы хабардаретті.Ресей тарап, өз кезегінде, 2023 жылы ғылыми-зерттеу жұмыстарының аяқталуы,тазарту қондырғыларын салу және реконструкциялау, өзендердің арналарын, тоғандармен су қоймаларын тазарту, рұқсат етілмеген қоқыс тастайтын жерлерді жою, суобъектілерін балықтандыру, еріктілерді тарта отырып экологиялық акциялар өткізутуралы хабарлады.Бұдан басқа, Қазақстан мен Ресей аумақтарының трансшекаралықтұстамаларындағы Жайық өзені бассейні суларының сапасына мониторинг жүргізу нәтижелері туралы мәселе қаралды. Тараптар су сапасының мониторингі жөніндегі іс-шараларды әрбір тарап Жайық өзені бассейнінің трансшекаралық су объектілерімониторингінің 2021-2025 жылдарға арналған бағдарламасына сәйкес толық көлемдеорындайтынын атап өтті.Тараптар бір-бірін Жайық өзені бассейніндегі жайылмалы ормандарды сақтау жәнеқалпына келтіру және Жайық өзеніндегі бекіре тұқымдас балықтарды сақтау жәнемолықтыру бойынша атқарылған жұмыстар туралы хабардар етті.Тараптар қоғамдық-экологиялық сана мен Жайық трансшекаралық өзенініңбассейніне ұқыпты қарау мәдениетін қалыптастыру мәселелері бойынша атқарылғанжұмыстарды жоғары бағалады және Жайық трансшекаралық өзені бассейнініңэкожүйесін сақтау проблемасына назар аудару үшін жас мамандар мен студенттердітарта отырып ынтымақтастықты жалғастыруға уағдаласты.Ресей тарапы 2025 жылы «Жайық бассейніне – таза жағалау және тату көршілік» Қазақстан-Ресей акциясы аясында бірлескен экологиялық іс-шара өткізуді ұсынды.Қазақстандық тарап бұл ұсынысты қолдады.Отырыс қорытындысы бойынша тараптар бес жылдық кезеңге арналған жаңабағдарламаны әзірлеу және бекіту арқылы Жайық трансшекаралық өзені бассейнініңэкожүйесін сақтау мәселесі бойынша жұмысты жалғастыруға келісті. Ақпарат көзі : https://www.gov.kz/memleket/entities/ecogeo/press/news/details/902514

Кездесуде өңірдегі экологиялық жағдайды жақсарту үшін қабылданып жатқан негізгі шаралар айтылды. Сондай-ақ Алматыдағы экологиялық жағдайды тұрақты дамытуға және жақсартуға бағытталған ағымдағы жетістіктер мен жоспарлар туралы атап өтілді.Қазақстан Президентінің Жолдауын іске асыру шеңберінде Алматыда шығарындыларды бақылау үшін автоматтандырылған жүйелерді орнату жалғасуда. Қазіргі уақытта қаланың төрт ірі кәсіпорны ("АлЭС ЖЭО-1" АҚ, ЖЭО-2, БТК, "Алматытеплокоммунэнерго" ЖШС) жүйеге қосылуға тиіс. Олардың екеуі деректерді жіберіп жатыр, 2-ЖЭО орнатуды жыл соңына дейін аяқтайды. «Алматытеплокоммунэнерго» ЖШС-ні қосу мәселесі қаржыландырудың болмауына байланысты орнатылмады.Тағы бір маңызды бастама-қаланы көгалдандыру. Президенттің тапсырмасына сәйкес, 2023 жылы бүкіл ел бойынша 970,8 млн көшет отырғызылды, оның ішінде Алматыда – 224 мың ағаш. Алматы ауаның, атап айтқанда, ірі энергетикалық кәсіпорындардың ластануының жоғары деңгейіне қарсы күресті жалғастыруда.Өзекті мәселелердің бірі-қаладағы қалдықтарды басқару. Алматыда 21 қоқыс шығаратын ұйым белсенді жұмыс істейді. 2024 жылы 445 мың тонна қатты тұрмыстық қалдықтар пайда болды, 11% қайта өңделді. Қалада рұқсат етілмеген 9 полигонның 7-сі жойылды, ал қалдықтарды басқару инфрақұрылымын жақсарту жұмыстары жалғасуда. Бұдан басқа, "KZ Recycling" ЖШС қуаттылығы жылына 150 мың тонна макулатураны қайта өңдеу бойынша жобаны іске асыруды жоспарлап отыр, бұл қалдықтармен проблеманы шешуге айтарлықтай әсер етуі мүмкін.Сондай-ақ, автокөліктен ластануды азайту мақсатында Алматыда қалалық көлікте дизель отынын пайдалануға кезең-кезеңімен тыйым салынды. 2025 жылдың соңына қарай көліктің экологиялық түрлеріне толық көшу жоспарлануда. 2024 жылы 346 жаңа газ автобусы, 62 троллейбус және 69 электр автобусы сатып алынды. Экологиялық мәселелерді шешуге азаматтардың қатысуын арттырудың маңызды құралы "Таза Қазақстан" чат-боты болды. Ол арқылы республика тұрғындары экологиялық мәселелер бойынша өтініш бере алады. Қазіргі уақытта 2386 өтінім тіркелді, оның 2009-ы орындалды. Негізгі шағымдар аумақты тазалауға, көшелерді жарықтандыруға және абаттандыруға қатысты. Экология министрлігі өңірлердегі экологиялық жағдайды жақсарту бойынша белсенді жұмысын жалғастыруда. Жаңа технологияларды енгізу, инфрақұрылымды дамыту және азаматтармен өзара іс-қимылды жақсарту қаланың барлық тұрғындары үшін неғұрлым тұрақты және салауатты ортаны құруға ықпал етеді.Ақпарат көзі : https://www.gov.kz/memleket/entities/ecogeo/press/news/details/903050

Президенттің тапсырмасы бойынша бастау алған «Ауыл аманаты» бағдарламасы халық арасында үлкен қолдауға ие болды. Семинардың мақсаты – ауыл тұрғындарының табысын арттыруға бағытталған жобаның аралық қорытындыларын шығару және алдағы жоспарларды талқылау.Семинар жұмысына Қазақстан Республикасының Премьер-Министрінің орынбасары Тамара Дүйсенова, Ауыл шаруашылығы вице-министрі Ербол Тасжүреков, облыс әкімдерінің орынбасарлары, әлеуметтік кәсіпкерлік корпорацияларының өкілдері және кәсіпкерлер қатысты.«Ауыл аманаты» аясында 16 мың микрокредит беріліп, 17 мыңнан астам жаңа жұмыс орны құрылды.Бағдарламаны жетілдіру мақсатында «AMANAT» партиясымен бірлесіп, әрбір өңір, аудан және ауылдың мамандануын нақтылау, өтінімдерді қабылдауға арналған ақпараттық жүйені енгізу, сондай-ақ мемлекеттік қолдаудың басқа да түрлерін ауылдық жерлерге бағыттау қажеттілігін анықтау жұмыстары жүргізілді.Өңір әкімдеріне несиелерді таратып қана қоймай, әрбір жобаны толық іске асыру мен оның сәттілігіне дейін қадағалау міндеті жүктелген.Микрокредит алушылардың өндірген өнімдерін өткізу арналарын дамытуға ерекше назар аударылады. Бұл бағытта Батыс Қазақстан, Шығыс Қазақстан, Қарағанды және Маңғыстау облыстары жақсы нәтиже көрсетуде, мұнда ірі кәсіпорындармен меморандумдар жасалған. Бұл жергілікті өндірушілерге қолдау көрсетіп, ауыл шаруашылығы өнімдерін өткізуге жағдай жасауға мүмкіндік берді.«Келесі жылы Ауыл шаруашылығы министрлігі 50 млрд теңге бөледі, ал 2026 жылы дәл осындай сома қарастырылады. Бұл қаражат өңірлерге нақты талаптарды орындау шартымен бөлінеді: жобалар өнім өндіру мен өткізудің нақты схемасына ие болуы керек, микрокредиттердің берілуі, қайтарылуы және мониторингі АШМ-ның цифрлық платформасы арқылы жүзеге асырылады. 2025 жылы бөлінген қаражаттың 20%-ын ауыл шаруашылығы техникасын лизингке алу үшін, 20%-ын ауыл шаруашылығы өнімдерін өңдеуге және 60%-ын басқа бағыттарға жұмсауға рұқсат беріледі», – деді Тамара Дүйсенова.Ақпарат көзі : https://www.gov.kz/memleket/entities/moa/press/news/details/902369

«Ауыл аманаты» бағдарламасына арналған республикалық семинар аясында секциялық отырыстар өтті. Шара Қызылорда қаласында өтуде.Қатысушылар «Ауыл аманаты» бағдарламасын жүзеге асырудың негізгі мәселелерін егжей-тегжейлі қарастырып, өңірлер арасында тәжірибе алмасты.Естеріңізге сала кетейік, «Ауыл аманаты» ауыл тұрғындарының табысын арттыру бағдарламасын жүзеге асыру 2023 жылы Мемлекет басшысының тапсырмасына сәйкес басталды. Оны іске асыру үшін өткен жылы 17 мың шағын несие беру үшін 100 млрд. теңге бөлінді.«Бүгінгі таңда 2023 жылы бөлінген қаражат шеңберінде 95,6 млрд. теңгеге 16 мың шағын несие беріліп, 17 мың жұмыс орны құрылды, 7,1 млрд. теңгеге 337 ауыл шаруашылығы кооперативі қаржыландырылды. Ағымдағы жылы бөлінген қаражат шеңберінде 4,7 млрд. теңгеге 426 шағын несие беріліп, 614 жаңа жұмыс орны ашылды. Оның ішінде 2,6 млрд. теңгеге 105 ауыл шаруашылығы кооперативі қаржыландырылды», - деді ауыл шаруашылығы вице-министрі Ербол Тасжүреков.Бағдарламаны одан әрі іске асыру үшін 2025 жылы 50 млрд. теңге қарастырылған, оның ішінде Түркістан облысына - 7,4 млрд. теңге, Қызылорда облысына - 5,5 млрд. теңге, Жамбыл облысына - 5 млрд. теңге, Ақтөбе облысына - 4 млрд. теңге және т.б. бөлінеді.АШМ шағын несиелендіру рәсімдерінің ашықтығын қамтамасыз ету үшін «Ауыл аманаты» цифрландыру бойынша жұмыс жүргізілді. «АӨК-дегі экономикалық саясаттың талдамалық орталығы» ЖШС-мен бірлесіп, өтінімдерді электронды түрде беруге және қарауға мүмкіндік беретін шағын несиелендірудің ақпараттық жүйесі әзірленіп, іске қосылды.Кредиттеу процестерін автоматтандыру онлайн-режимде өтінім беруді қамтамасыз етеді, микрокредит беру процестерін жеделдетеді және оңтайландырады, шешім қабылдауға адами факторлардың қатысуын төмендетеді, сондай-ақ деректердің егжей-тегжейлі мониторингі мен талдауын жүргізуге ықпал етеді.Қазіргі уақытта ақпараттық жүйе барлық өңірлерде жұмыс істейді және қарыз алушылардан өтінімдер қабылдау жүзеге асырылуда.Секциялар барысында қатысушылар тәжірибе алмасып, өзекті мәселелерді қарастырды.Семинар аясында түрлі өңірлерден келген бағдарлама қатысушыларының өнімдері қойылған көрме өтті.Ақпарат көзі : https://www.gov.kz/memleket/entities/moa/press/news/details/902681

«Азық-түлік келісімшарт корпорациясы» ҰК» АҚ Қазақстанның астық егетін облыстарындағы элеваторлық қуаттарды серіктес елдерге өнім жөнелту арқылы босату бойынша шаралар қабылдауда.Жаңа өнімнің алғашқы 20 мың тонна азық-түлік бидайы Тәжікстанға жөнелтілді. Экспорттық келісімшарт аясында Қазақстанның астық операторы тәжік сатып алушыларына барлығы 100 мың тонна өнім жеткізуді жоспарлап отыр.Өңір бойынша әріптес елге астық жеткізу ҚР Президентінің 2024 жылғы тамыздағы Душанбеге ресми сапары барысында Қазақстан мен Тәжікстан Мемлекет басшылары қол жеткізген уағдаластықтар шеңберінде жүзеге асырылады.Тәжікстан қазақстандық астық пен ұнның дәстүрлі тұтынушысы болып табылады. Бұл елге азық-түлік жеткізу жыл сайын өсуде.2024 жылдың 10 айында Тәжікстанға 1 млн тоннадан астам астық экспортталды, бұл 2023 жылдың осы кезеңімен салыстырғанда 11% -ға артық (917,1 мың тонна).Жаңа астық экспорты да жоғары көрсеткішті көрсетеді. Қыркүйектен желтоқсанға дейін тәжік нарығына қазақстандық астықты жеткізу көлемі өткен жылдың осы кезеңімен салыстырғанда 51%-ға артып, 489 мың тоннаны құрады.«Азық-түлік келісімшарт корпорациясы» ҰК» АҚ негізгі қызметі стратегиялық міндеттерді шешуге - елдегі азық-түлік қауіпсіздігін қамтамасыз етуге, астық нарығында тұрақты бағаны ұстап тұруға, сондай-ақ өсімдік шаруашылығы өнімдерінің экспортын дамытуға бағытталған.Ақпарат көзі : https://www.gov.kz/memleket/entities/moa/press/news/details/902731

Ауыл шаруашылығы министрі Айдарбек Сапаров аграрлық ғылымды дамыту, агроөнеркәсіптік кешен үшін кадрлар даярлау мәселелері бойынша кеңес өткізді. Іс-шараға Ұлттық аграрлық ғылыми-білім беру орталығының басшылығы, қызметкерлері қатысты.Мемлекет басшысының аграрлық ғылымды трансформациялау, жылқы шаруашылығы институтын құру жөніндегі тапсырмаларын орындау мәселелері қаралып, ҰАҒББО еншілес ұйымдары қызметінің қорытындысы шығарылды.ҰАҒББО Басқарма төрайымы Айгүл Ахмеджанова еншілес ұйымдар жұмысының, ғылыми-зерттеу қызметінің, АӨК үшін кадрлар даярлаудың нәтижелері туралы баяндады.Министр барлық бағыттар бойынша жұмысты күшейтуге назар аударды.Негізгі мәселелердің бірі аграрлық саладағы кадрлардың тапшылығы болды.Қазіргі уақытта ҰАҒББО құрылымында үш университет жұмыс істейді. 2023 жылы аграрлық ЖОО-лар 5198 маманды бітірді, олардың 38,5% -ы ғана жұмысқа орналастырылды.Айдарбек Сапаров аграрлық секторға кадрларды тарту бойынша жұмысты күшейту, олардың ауылдарда жұмыс істеуі үшін тартымды жағдайлар жасау қажеттігін атап өтті.Кеңес қорытындысы бойынша министр еншілес ұйымдардың жерлерін толық түгендеуді, келесі жылғы егіс науқанына дайындықты және бағдарламалық-нысаналы қаржыландыру шеңберінде ғылыми-техникалық бағдарламалардың сапалы орындалуын қамтамасыз етуді қоса алғанда, нақты тапсырмалар берді.Естеріңізге сала кетейік, ҰАҒББО аграрлық саладағы ғылыми-білім беру мекемелерінің мемлекетпен және бизнеспен өзара іс-қимылының бірыңғай операторы болып табылады, оның құрылымына 3 ЖОО, 11 ҒЗИ және 17 АШОС және АШМ, сондай-ақ 2 сервистік компания кіреді.Ақпарат көзі : https://www.gov.kz/memleket/entities/moa/press/news/details/903089

Астанада Денсаулық сақтау вице-министрі Ерлан Оспановтың қатысуымен «Медициналық деректердің негізінде денсаулық сақтауды трансформациялау. Швеция мен Қазақстанның болашағы: Қоғамдық денсаулық сақтаудағы зерттеулердегі, инновациялардағы медициналық деректер мен медициналық тіркелімдердің рөлі» тақырыбындағы «дөңгелек үстел» барысында швед тәжірибесін тарту және денсаулық сақтаудағы цифрлық технологиялар саласында консультациялық-сараптамалық көмек көрсету мүмкіндіктері талқыланды.«Мемлекет басшысы қыркүйек айындағы Жолдауында меншік нысанына қарамастан, барлық денсаулық сақтау ұйымдары үшін деректердің түпкілікті бақылауы мен объективтілігін қамтамасыз етуге тиіс бірыңғай мемлекеттік медициналық ақпараттық жүйені құру міндетін қойды. Осыған байланысты Министрлік ресурстарды басқарудың ақпараттық жүйесін жаңғыртуды, медициналық ақпараттық жүйелерді жетілдіруді, денсаулық сақтаудың ақпараттық жүйелерін толық интеграциялауды, медициналық деректердің бірыңғай қоймасын енгізуді қоса алғанда, 6 негізгі жобаны іске асыруда», - деп атап өтті форумға қатысушыларға арналған құттықтау сөзінде Денсаулық сақтау вице-министрі Ерлан Оспанов.Сонымен қатар, ведомство цифрлық инфрақұрылымды жетілдіру бойынша жүйелі жұмысты жалғастыруда, бұл МАЖ-ды оңтайландыру арқылы медициналық персоналға жүктемені азайтуға, дәрігер мен пациент үшін медициналық қызмет көрсетуді неғұрлым ыңғайлы және тиімді етуге мүмкіндік береді. Пилоттық жобада медициналық қызметтердің тіркелуін болдырмауға бағытталған пациенттерді цифрлық сәйкестендіру енгізілді, сондай-ақ "әлеуметтік әмиян"сервисі арқылы тегін дәрілік заттарды беру табысты ілгерілеуде.«Соңғы бірнеше жылдың ішінде біз Қазақстанмен әріптестігіміздің өскенін байқап отырмыз. Денсаулық сақтау министрлігі, оның бейінді ведомстволары, әлеуметтік медициналық сақтандыру қоры, жетекші қазақстандық университеттердің медицина факультеттері соңғы жылдары біздің семинарлар мен мастер-кластарға белсенді қатысты. Біз мұны алға жасалған маңызды қадам деп санаймыз. Қазақстандық және швед биліктерімен, сондай-ақ Швеция Үкіметімен бірлесіп, Business Sweden және Швеция елшілігі арқылы біз осы салалардың барлығында әріптестігімізді дамытуға ұмтыламыз. Қазақстанда және Швецияда пациенттерге медициналық қызмет көрсетуді жақсарту үшін жасанды интеллект және денсаулық туралы деректерді жинау тақырыбына ерекше назар аударылады», — деді Швецияның Қазақстандағы Төтенше және Өкілетті Елшісі Ева Пулано.Дөңгелек үстелге қатысушылар денсаулық сақтауды цифрландыруды дамыту саласындағы ынтымақтастықтың әртүрлі аспектілерін, азаматтарымыз үшін заманауи емдеу әдістеріне қол жеткізуді, фармацияны дамытуды, тәжірибе алмасуды, МСАК-ты күшейтуді және медициналық көмектің сапасын жақсартуды талқылады.Іс-шараның қорытындысы бойынша қазақстандық тарап швед тәжірибесін тартуға және денсаулық сақтаудағы цифрлық технологиялар саласында консультациялық-сараптамалық көмек көрсетуге қызығушылық білдірді.Ақпарат көзі : https://www.gov.kz/memleket/entities/dsm/press/news/details/901681

Қазақстанда 1 қазаннан басталатын ағымдағы эпидемиологиялық маусымның басынан бастап республикада ЖРВИ-дің 688 168 жағдайы тіркелді, бұл өткен жылы сырқаттанушылық деңгейінен 8%-ға төмен. Осы эпидемиялық маусымда зертханалық расталған А тұмауының(H1N1) 7 жағдайы тіркелді.Тұмауға қарсы вакцинациялау үшін 2 207 750 доза тұмауға қарсы вакцина сатып алынды. Бүгінгі таңда халықтың 100%-ы вакцинацияланды.Елде басқа вирустық респираторлық инфекциялар да таралуда. Маусымдық тұмау жоғары температураның кенеттен пайда болуымен, жөтелмен, бас ауруымен, бұлшықет ауруымен және буын ауруымен, қатты әлсіздікпен, тамақ ауруымен және мұрынның ағуымен сипатталады.Ауру профилактикасының тиімді әдістерінің бірі - халықты жоспарлы иммундау. Тұмауға қарсы вакцинациялау негізгі аурудың асқынған ағымынан, емдеуге жатқызудан және өлімнен қорғайды.Ақпарат көзі : https://www.gov.kz/memleket/entities/dsm/press/news/details/901691

«Әлеуметтік әмиян» арқылы дәрі-дәрмектерді электрондық беру жөніндегі пилоттық жобаға республика бойынша 700-ден астам медициналық ұйым қатысады, пациенттер QR-код арқылы 1 387 756 рецептінің негізінде препараттар алды.«Әлеуметтік әмиянды» пайдалану азаматтарды дәрілік заттармен қамтамасыз ету, заңсыз айналымды болдырмау, бұрмалау және басқа да бұзушылықтар саласында қолжетімділік пен толық ашықтық үшін жағдай жасайды.Созылмалы аурулары бар адамдарды қоса алғанда, амбулаториялық дәрі-дәрмекпен қамтамасыз ету шеңберінде дәрі-дәрмектерді қабылдайтын адамдарға енді қағаз рецептіні алу үшін дәрігерге жазылуға уақыт жұмсаудың қажеті жоқ, мейіргер тағайындалған дәрі-дәрмекті кезексіз өз бетінше бере алады.Егде жастағы тұрғындар немесе «Әлеуметтік әмиян» мемлекеттік сервисінің қызметтерін пайдалана алмайтын басқа адамдар үшін емханаға барған кезде Face-ID және веб-камералардың көмегімен сәйкестендіруден өту жеткілікті, содан кейін тиісті дәрілік заттар пациенттің қолына беріледі.Жыл соңына дейін бұл жоба тегін амбулаториялық дәрілік қамтамасыз ету шеңберінде препараттар алатын 1,7 млн адамды қамти отырып, бүкіл республика бойынша масштабталатын болады.Мұны қалай жасауға болады ?Пациент «Әлеуметтік әмиян» мобилдік қосымшасына кіріп, өзінің барлық рецептілерін (белсенді және белсенді емес) көреді, дәріханаға келеді және QR рецептінің кодын ұсынады. Штрих-код сканері арқылы ақпараттық жүйедегі медицина қызметкерлері QR-ды сканерлейді және дәрі береді. Қағаз рецептілерді сақтаудың қажеті жоқ, QR әрқашан қолында Дәрі-дәрмектерді электрондық түрде берудің артықшылықтары дәрілік заттарды алудың толық тарихы сақталады қызмет көрсету сапасын бағалау мүмкіндігі фото/бейне қосу мүмкіндігімен пікір қалдыру пациент тарапынан өте төмен бағалау кезінде уәкілетті мемлекеттік органға электрондық өтінішті автоматты түрде қалыптастыруАқпарат көзі : https://www.gov.kz/memleket/entities/dsm/press/news/details/901820

Денсаулық сақтау министрлігінің Кардиология және ішкі аурулар ҒЗИ докторлары күрделі жағдайды емдеуде бірегей әдістемені қолданды.Күрделі операцияның нәтижесінде 64 жастағы пациент жаңа, салауатты өмір сүруге мүмкіндік алды. Прогрессивті жүрек жеткіліксіздігі (жүрекшелер фибрилляциясы небәрі 27%) және жүректің негізгі тамырының - сол жақ коронарлық артерия діңінің ауыр зақымдануы үлкен араласуды қажет етті.Дәрігерлер бірегей техниканы қолданды. Стандартты операцияның орнына ол емханада алғаш рет қолданылған экстракорпоралдық мембраналық оттегімен - сыртқы көмекші қанайналым құрылғысымен (ЭКМО) емделді.Бастапқыда веналық-артериялық экстракорпоралдық мембраналық оттегімен қамтамасыз ету емшарасын бастау үшін феморалды артерия мен венаға канюля орнатылды. Осы сәттен бастап аппарат қан айдау және өкпеде газ алмасу үшін қабылданды. Пациенттің қаны оттегіге еніп, оттегімен қаныққан және денеге қайта оралған. Осы уақыттың ішінде ағзаның өмірлік қолдау процесі анестезиолог-реаниматологтардың бақылауында болды.Келесі кезеңде интервенциялық кардиологтар сол жақ коронарлық артерияның діңіне және оның тармағына стент орнатты, бұл оның қабырғаларын ұстап тұруға және жүрекке қан ағымын қалпына келтіруге мүмкіндік берді.Операция аяқталғаннан кейін пациент операция үстелінде ЭКMO және механикалық желдетуден ажыратылды. Енді ол толық қалпына келу жолында және жақындарымен кездесуді асыға күтуде.Операция кезінде пациенттің өмірін келесі құрамдағы үлкен кәсіби топ қолдады: Рентгеноперблок меңгерушісі Алексей Колесников, интервенциялық кардиологтар Алмат Қалжанов және Арыстан Кужукеев, анестезиологиялық қызметтің жетекшісі Михаил Воронцов, реанимация бөлімшесінің меңгерушісі Данияр Қанапьянов және дәрігер анестезиолог-реаниматолог Артем Никитенко.Ақпарат көзі : https://www.gov.kz/memleket/entities/dsm/press/news/details/901900

Жыл басынан бері Қазақстанда емханаларға 103 млн-нан астам қаралу тіркелді, бұл өткен жылмен салыстырғанда 7%-ға өсуді көрсетеді.Емханалар деңгейінде дәрігерлерге қаралу саны 81,3 млн-ы құрады, ал үйде пациенттерді қарау саны 7,5%-ға артып, 17,5 млн-ды құрады.Оң үрдіс ауылдық денсаулық сақтау деңгейінде де байқалады. Осылайша, ауыл тұрғындарының бастапқы медициналық ұйымдарға қаралу саны 3,8%-ға артып, 41,8 млн-ды, оның ішінде 9 млн-нан астамы үйде қаралуды құрады.Осылайша, егер жыл басында жалпы практика дәрігерлеріне өзін-өзі жазуға арналған кестелердің қолжетімділігінің үлес салмағы 20% деңгейінде болса, онда 2024 жылғы 1 қарашадағы жағдай бойынша бұл көрсеткіш 89,5%-ға жетті, арнайы мамандарға өзін-өзі жазуға арналған кестелердің қолжетімділігі 4%-дан 23,4%-ға дейін өсті.Медициналық көмектің қолжетімділігін жақсарту мақсатында Министрлік медициналық көмек көрсетуді ұйымдастырудың нормативтік-құқықтық актілеріне, стандарттарына талдау жүргізіп, қайта қарады.Атап айтқанда, пациенттің бағыты оңтайландырылды, созылмалы аурулары бар пациенттерді динамикалық бақылаудың нақты алгоритмі, талдаулардың тізімі және оларды зерттеп-қарау еселігі анықталды, пациенттерді динамикалық бақылаудың мультидисциплиналық тәсілі енгізілді.Ақпарат көзі : https://www.gov.kz/memleket/entities/dsm/press/news/details/902227