Жылыту маусымы басталған кезде республикада Төтенше жағдайлар министрінің бастамасымен өрт қауіпсіздігі айлығы өткізілуде. Іс–шараның негізгі мақсаты – өрттің салдарынан адамдардың қаза болуына және жарақаттануына жол бермеу, сондай-ақ азаматтардың қауіпсіз жүріс-тұрыс ережелері туралы хабардар болу деңгейін арттыру. Еліміздің бірқатар өңірлерінде ТЖМ құтқарушылары тұрғын үй секторында кезекті рейдтік іс-шаралар ұйымдастырды.Қостанай облысы ТЖД құтқарушылары Полиция академиясының курсанттарымен және жергілікті атқарушы органдардың өкілдерімен бірлесіп Қостанай ауданы Иван Павлов атындағы ауылда тұрғын үй секторын аралап шықты. Рейд барысында өрт қауіпсіздігі талаптарын бұзудың алдын алу бойынша ауқымды жұмыстар жүргізілді. Мамандар жергілікті тұрғындардың үйлеріндегі пешті жылытудың жай-күйін тексерді, мұржалардың болуы мен жарамдылығына назар аударды, сондай-ақ анықталған бұзушылықтарды жою бойынша ұсыныстар берді. Қауіпсіздікті арттыру үшін жергілікті атқарушы органдармен бірлесіп үйлерде улы газ датчиктері орнатылған. Іс-шара аясында өрт қауіпсіздігі ережелері бар жадынамалар таратылды. Тұрғындарға сақтық шараларын қатаң сақтау керектігін ескерту үшін мамандар дауыс зорайтқыш құрылғыны да қолданды.Абай облысында ауқымды акция ұйымдастырылды. Іс-шараға облыс әкімінің орынбасары Димитрий Гариков, сондай-ақ 160-тан астам ТЖД қызметкері, жергілікті полиция қызметі, жергілікті атқарушы органдар, волонтерлер, әлеуметтік қызметкерлер, блогерлер мен журналистер қатысты. Акция барысында тұрмыстағы өрт қауіпсіздігінің негізгі талаптарын түсіндіру мақсатында әлеуметтік осал топтардың үйлеріне бару ұйымдастырылды. Бұл санатқа жалғызбасты зейнеткерлер, көпбалалы отбасылар, мүмкіндігі шектеулі адамдар мен аз қамтылған азаматтар кіреді. Рейдтер кезінде улы газды анықтайтын датчиктер орнатылып, мұржаларды тазалау және тұрмыстағы өрт қауіпсіздігі ережелерін бұзушылықтарды жоюға көмек көрсету жұмыстары жүргізілді. Осы жылыту маусымы басталғалы бері Абай облысының аумағында 3 мыңнан астам осындай датчик орнатылды.Батыс Қазақстан облысы ТЖД қызметкерлерінің ұйымдастыруымен Орал қаласының тұрғын алаптарында рейдтік іс-шарасы өткізілді. Оған жергілікті атқарушы органдардың, полиция департаментінің, «QAZAQGAZ AIMAQ» АҚ филиалының және волонтерлер ұйымдарының өкілдері қатысты. Іс-шара барысында, «Respublica» партиясының демеушілік көмегімен департамент қызметкерлері тұрғын үйлерге улы газ датчиктерін орнатты. Сонымен қатар жылу беру кезеңіндегі өрт қауіпсіздігі шаралары, орнатылған газ датчиктерінің пайдасы туралы түсіндіру жұмыстары да жүргізілді. Іс-шара барысында дауыс зорайтқыш құралғылары іске қосылып, тұрғын алаптардың көшелерінде өрт қауіпсіздігі шаралары туралы ақпарат таратылды. Газ техникалық инспекция және «QAZAQGAZ AIMAQ» АҚ БҚӨФ қызметкерлерімен тұрмыстық газ жабдықтарында ақаулардың бар-жоғы тексерілді. Анықталған бұзушылықтар сол жерде жойылды.Бұл бағыттағы жұмыстар жылыту маусымы кезеңінің соңына дейін жалғасатын болады. Өңірлердің барлық елді мекендерінде осындай акциялар өткізу жоспарлануда.ТЖМ азаматтарды өрт қауіпсіздігі ережелерін сақтау және жылыту құрылғыларын дұрыс пайдалану қажеттілігін еске салады. Ақпарат көзі : https://www.gov.kz/memleket/entities/emer/press/news/details/895086

Ғани Бейсембаев ауыл мектептерінің сапасын арттыру бойыныша жүргізіліп жатқан жұмыстардың нәтижесімен бөлісті. Әсіресе, Ақтөбе облысында жүзеге асырылған «Тірек мектебі – шағын жинақты мектеп» моделі тиімділігін көрсетті.Жоба нәтижесі 2023 жылмен салыстырғанда шағын жинақты ауыл мектептеріндегі білім сапасы орта есеппен 7 пайызға артқанын көрсетті. Облыста цифрлық білім беру экожүйесі қалыптасып, сапалы интернетке қол жеткізу мәселелері шешілді. Осыған байланысты Оқу-ағарту министрлігі оны еліміздің барлық өңірлерінде кеңейтуді ұсынып отыр.«Жоба аясында Ақтөбе облысында жүргізілген кешенді жұмыстар шағын жинақты мектептердегі білім сапасының артуына ықпал етті. Оқу-ағарту министрлігі ұлттық үйлестіруші ретінде ауыл мектептерінің даму стратегиясын әзірледі. Енді әкімдіктер стратегия негізінде жобаны масштабтау жұмыстарын кезең кезеңімен іске асыруды қамтамасыз етуі қажет», - деп қорытындылады министр.Айта кету керек, биылғы жылы жобаға Ақмола, Қостанай, Павлодар, Батыс Қазақстан және Солтүстік Қазақстан облыстарындағы 10 тірек және 30 шағын жинақты мектеп тартылуда. 2025 жылдың қаңтарынан бастап жобаға 17 өңірдің 192 тірек және 759 шағын жинақты мектебі қатысады. Ал үшінші кезеңде осы жобаға қалған шағын жинақты мектептердің барлығы толығымен қамтылуы тиіс. Ақпарат көзі : https://www.gov.kz/memleket/entities/edu/press/news/details/895031

Жамбыл облысы әкімінің өкімімен жұмылдыру дайындығы басқармасының басшысы лауазымына Ерлан Бейсенұлы Байболат тағайындалды.Ерлан Бейсенұлы 1993 жылы Талас ауданы Қаратау қаласында дүниеге келген. Білімі жоғары.Еңбек жолын 2015 жолын құқық қорғау органдары саласынан бастаған.2018-2019 жылдары ҚР Ұлттық экономика министрлігі Табиғи монополияларды реттеу, бәсекелестікті және тұтынушылардың құқықтарын қорғау комитетінің әдіснама басқармасының сарапшысы, 2019-2020 жылдары ҚР Қаржы министрлігі Заң қызметі департаменті нормативтік құқықтық актілерді сараптау басқармасының бас сарапшысы, басшысы, 2020-2022 жылдары ҚР Энергетика министрлігінің Заң қызметі департаменті нормативтік құқықтық актілерді сараптау және мониторингі басқармасының басшысы қызметтерін атқарған.2022 жылдан бүгінгі күнге дейін Жамбыл облысы әкімі аппараты заң қызметінің басшысы, облыс әкімі аппараты басшысының орынбасары лауазымында еңбек етіп келді.Ақпарат көзі : https://www.gov.kz/memleket/entities/zhambyl/press/news/details/894862

Қарағанды Жастар ресурстық орталығы жастар ұйымдарының, жоғары оқу орындары мен колледждердің еріктілері үшін "ЭкоЖастар: Болашақ біздің қолымызда" семинар-тренингін ұйымдастырды. Ол "Таза Қазақстан" бағдарламасы аясында өтті.Экологиялық іс-шараны басынан аяғына дейін қалай ұйымдастыруға болатыны жайлы қарағандылық экотренер, саяхатшы және салауатты және экологиялық өмір салты бойынша жаттықтырушы Дамир Кәрімов айтып берді.Ол негіздерден бастады. Экотренер түрлі ұйымдармен – БАҚ, әкімдік, экологиялық ҮЕҰ және т.б. өзара іс-қимыл туралы егжей-тегжейлі айтып берді. әртүрлі іс-шараларды: акцияларды, әлеуметтік конкурстарды, марафондарды, шеберлік сабақтарын, дәрістерді және т. б. экологиялық шараларды өткізу тәсілдері қарастырылды.– Жеке тәжірибеме сүйене отырып, мен бір маңызды мәселені көтердім – экологиялық іс-шаралардың экологиялық еме болуы. Оны бір рет қолданылатын ыдыс-аяқ, шарлар, баннерлер қолданылған кезде байқауға болады. Бұл іс-шараның зияны пайдасынан гөрі көбірек. Сонымен қатар тек ерекшеліктермен ғана емес, қателіктермен де бөлістім. Болашақта экологиялық іс-шараларды ұйымдастырушылар жағымсыз сәттерден аулақ болу үшін, – дейді Дамир Кәрімов.Сондай-ақ, семинарға қатысушылар жастардың экологиялық сауаттылығын арттыруға көмектесетін өзекті мәселелерді талқылады."Таза Қазақстан" бағдарламасы басталғаннан бері Қарағанды Жастар ресурстық орталығы 100-ден астам экологиялық іс-шара ұйымдастырды. 2024 жылдың маусым айынан бастап өңірде алты ауқымды акция, тренинг және т. б. өткізілді.Ақпарат көзі : https://www.gov.kz/memleket/entities/karaganda/press/news/details/894963

Тұрғын үйге кезекте тұрған Нұра ауданының тұрғындарына жаңа пәтер кілті табысталды. Қоныс тойын 10 отбасы тойлайды.Пәтер ауданы 80–86 шаршы метрге дейін. Оларды халықтың әлеуметтік осал топтарының өкілдері алды.Жаңа қоныстанушылар қатарында көпбалалы ана Меруерт Бейсембекова бар.– Біздің төрт баламыз бар. 2021 жылдан бері кезекте тұрдық. Әрине, біз тез баспана алатынымызға сенбедік. Пәтер кең, жарық. Ұлдар қазірдің өзінде өз бөлмелеріне жайғасып алды. Жақын арада пәтерге кіреміз деп ойлаймын, – дейді Меруерт.Жыл басынан бері Нұра ауданында барлығы 61 отбасы баспаналы болды. Жыл соңына дейін тағы 34 жаңа пәтердің кілтін тапсыру жоспарланған.Ақпарат көзі : https://www.gov.kz/memleket/entities/karaganda/press/news/details/894904

Көлік министрлігі шетелдік рұқсат бланкілерін берудің жаңа, жетілдірілген тетігін әзірледі. Жаңа механизм адами факторды және сыбайлас жемқорлық тәуекелдерін жояды. Шетелдік рұқсат бланкі (ШРБ) — бұл тасымалдаушыларға жүкпен шетелге шығуға мүмкіндік беретін құжат. 1. ШРБ алуға өтінімді қараудың барлық процесі толығымен автоматтандырылды, ал қарау және беру мерзімі қысқартылды. Алдымен тасымалдаушы E-license платформасы арқылы ШРБ алуға сұранысты толтыруы кажет. Сұранысты қарау мерзімі 2 жұмыс күнінен 40 минутқа дейін, ал ШРБ беру 8 күннен 1 күнге дейін қысқартылды;2. Бұрын бланкілерді беру жүйесі тарихи ақпарат бойынша жұмыс істеген еді. Мәселен, тасымалдаушылардың өткен жылғы жұмысы немесе халықаралық тасымалдардағы тәжірибесіескерілді. Жаңа ережеге сәйкес тасымалдау тарихы мен өткен жылы көліктің қаншалықты белсенді пайдаланылғаны маңызды емес. Яғни, қалауы мен тиісті рұқсаты бар кез келген тасымалдаушы рұқсат бланкін ала алады. Бұл қазақстандық тасымалдаушылар арасында неғұрлым бәсекеге қабілетті орта құруға мүмкіндік береді.3.Енді тапшы бланкілерде компанияның атауы және автомобильдің мемлекеттік нөмірі көрсетіледі.4.Жаңа тетік шеңберінде автомобильдердің кіру және шығу фактілерін тіркеу «Бүркіт» ақпараттық жүйесі арқылы жүзеге асырылады. Бұл өз кезегінде ШРБ-ны көлеңкелі нарықта қайта сатудың алғышарттарын жоққа шығарады.5.Тасымалдаушының жеке кабинетіне хабарлама келген сәттен бастап 30 күн ішінде нақты бланк бойынша шетелге шығуға болады. Ескі механизм бойынша бұл көрсеткіш 100 күнге жеткен.6. Бұрын төлем екі жолмен жүзеге асырылған: екінші деңгейдегі банктер арқылы немесе онлайн, міндетті мерзімі 5 жұмыс күніне дейін. Енді тек онлайн төлем қарастырылған, ол 40 минут ішінде орындалуы кажет. Төлем туралы ақпарат электрондық үкіметтің төлем шлюзі арқылы алынады.7.Бүгінгі таңда Қазақстан 42 елмен шетелдік рұқсаттармен алмасуды жүзеге асырады. Биыл рекордтық алмасу жасалды — 364 705 ШРБ.Ақпарат көзі : https://www.gov.kz/memleket/entities/transport/press/news/details/894922

IT-технопарк, Жастар паркі және стадион:Yessenov Forum өңірге маңызды нысандар сыйладыЕсенов университетінде «Yessenov Forum: Тұрақтылық мағыналар» форумы ұйымдастырылды. Yessenov Forum аясында «Yessenov Technopark» кешені, жастар паркі және футбол стадионының ашылу салтанаты өтті.Шараға ҚР Президентінің кеңесшісі Қуанышбек Есекеев, ҚР Ғылым және жоғары білім министрі Саясат Нұрбек, Маңғыстау облысының әкімі Нұрдәулет Қилыбай, ҚР Парламенті Мәжілісінің депутаты Еділ Жаңбыршин, сондай-ақ еліміздегі жоғары оқу орындарының ректорлары, ірі кәсіпорын басшылары, депутаттар мен қоғам өкілдері қатысты.Бірінші нысан – «Yessenov Technopark»Технопарк кәсіпкерлерге, жоғары оқу орындары мен колледж студенттеріне және мектеп оқушыларына арналған бірегей алаң болып табылады. Мұнда қатысушылар өз идеялары мен стартап жобаларын жүзеге асырып, токарь, дәнекерлеуші секілді жұмысшы мамандықтарды меңгереді.Заманауи екі қабатты ғимараттың жалпы ауданы 2000 шаршы метрді құрайды. Бірінші қабатта робототехника, цифрлық өндіріс, металл және ағаш өңдеу шеберханалары орналасқан. Екінші қабатта жасанды интеллект, ойын әзірлеу, блокчейн, криптовалюта, мобильді қосымшалар және киберқауіпсіздік бағыттары бойынша білім беріледі.Бұл бағдарлама Yessenov Forum-ға арнайы шақырылған әлемге әйгілі француз маманы, инновациялық оқыту әдістерінің жаңашылы Николя Садирактың 01 Edu бағдарламасы негізінде жүзеге асады. Ecole 42 және 01 Edu әдістемелері әлем бойынша білім беру жүйесіне заманауи серпін берді.Екінші нысан – «Жастар паркі»Форум қонақтары парктің ашылу салтанатына қатысып, жаңа аумақта ағаш отырғызды. «Жастар паркі» жастардың таза ауада демалуына және түрлі музыкалық әрі ойын-сауық бағдарламаларын өткізуге арналған. Парк аумағында амфитеатр, субұрқақ және 50 орындық шағын кафе жұмыс істейді. Барлығы 3000 ағаш отырғызылған саябақ тек студенттер үшін ғана емес, қала тұрғындары үшін де қолжетімді.Үшінші нысан – 1500 орындық футбол стадионыYessenov University кампусында пайдалануға берілген бұл жаңа нысан студенттердің салауатты өмір салтын ұстануына және спорттық іс-шараларды ұйымдастыруға мүмкіндік береді. Аумағы 7000 шаршы метрді құрайтын стадионда футбол мен жеңіл атлетикадан облыстық деңгейдегі жарыстарды өткізуге болады.Ашылу салтанатынан кейін Yessenov University мен Atyrau University командалары арасында достық футбол матчы өтті.«Yessenov Forum: Тұрақтылық мағыналар» форумы – өңірдің тұрақты дамуына арналған тың идеялар мен шешімдер ұсынатын маңызды алаң. Жаңа нысандар студенттер, кәсіпкерлер және қала тұрғындары үшін инновациялық мүмкіндіктерді қамтамасыз етеді.Ақпарат көзі : https://www.gov.kz/memleket/entities/sci/press/news/details/894939

Қазақстанның көрнекті ғалымдары мен инженерлері Халықаралық инженерлік академиясының мүшелігіне сайландыМәскеу қаласында Халықаралық инженерлік академияның жалпы отырысы өтті, оған 40-тан астам елдің ұлттық инженерлік академияларының өкілдері қатысты.Отырыс барысында ғылыми, инженерлік және инновациялық қызметтің нәтижелері талқыланды. Қазақстанның Ұлттық инженерлік академиясының атынан сөз алған танымал ғалым, физика-математика ғылымдарының докторы, Ұлттық инженерлік академиясының академигі Темірбеков Нұрлан Мұханұлы Қазақстан Президенті Қасым-Жомарт Кемелұлы Тоқаевтың инженерлік саланы дамытуға қатысты қойған бастамаларының жүзеге асырылуы туралы баяндады. Президент Қасым-Жомарт Тоқаев инженерлік саланы экономикалық өсім мен елдің технологиялық тәуелсіздігінің негізі ретінде айрықша маңызды деп атап өткен болатын.Сонымен қатар Халықаралық инженерлік академиясының толық мүшелері мен корреспондент-мүшелерін сайлау өтті.Қазақстанның алғашқы ғарышкері, көрнекті сынақ инженері, Кеңес Одағының Батыры, Халық Қаһарманы – Әубәкіров Тоқтар Оңғарбайұлы, танымал химик ғалымдар – Мансұров Зұлхайыр Аймұхамбетұлы және Мун Григорий Алексеевич, көрнекті инженер ғалым – Бижанов Нұрахмет Кусаинович Қазақстаннан Халықаралық инженерлік академиясының толық мүшелері болып сайланды.Джомартов Асылбек Абдразақұлы, Надиров Ариф Надирович, Күлдеев Ержан Ітеменұлы, Нұрахметов Бауржан Құмарғалиұлы корреспондент-мүшелер болып сайланды.Ақпарат көзі : https://www.gov.kz/memleket/entities/sci/press/news/details/894983

БҰҰ-ның шөлейттенуге қарсы конвенциясының 16-шы Тараптар Конференциясы (COP16) 2024 жылдың 2-13 желтоқсаны аралығында Сауд Арабиясы Корольдігінің Эр-Рияд қаласында өтеді.ҚР Ауыл шаруашылығы министрлігі аталған іс-шараға Жер ресурстарын басқару комитетінің төрағасы, шөлейттенуге қарсы күрес жөніндегі Конвенцияның ұлттық үйлестірушісі Мұрат Теміржановты ұсынды.Конференцияда Мұрат Теміржанов Қазақстанның жер ресурстарын тұрақты басқару саласындағы тәжірибесі туралы айтты. Министрлік және жұмыс сессиялары шеңберінде жердің тозуының бейтарап теңгерімі (ЖТБТ) қағидаттарын енгізу, жерді пайдалану саласындағы ұлттық саясатты жетілдіру және тозған аумақтарды қалпына келтіру жөніндегі халықаралық міндеттемелерді орындау мәселелері талқыланды.Жер ресурстарының жай-күйін мониторингілеу және оларды тиімді қалпына келтіру үшін геоақпараттық жүйелерді (ГАЖ) және қашықтықтан зондтау деректерін қоса алғанда, озық технологияларды пайдалануға ерекше назар аударылды. Қазақстан БҰҰ-ның шөлейттенуге қарсы күрес жөніндегі Конвенциясы аясындағы халықаралық ынтымақтастыққа өзінің адалдығын атап өтіп, табысты тәжірибелермен бөлісуге дайын екендігін мәлімдеді.Қазақстанның COP16-ға қатысуы халықаралық әріптестермен диалогты нығайтуға, ұлттық бастамаларды ілгерілетуге және тұрақты жер пайдалану және климаттың өзгеруіне қарсы күрес саласында жаһандық күн тәртібін қалыптастыруға бірегей мүмкіндік береді.Ақпарат көзі : https://www.gov.kz/memleket/entities/moa/press/news/details/894934

ТЖМ Азаматтық қорғаныс және әскери бөлімдері комитеті төрағасының м.а. генерал-майор Арман Қалиев Шығыс Қазақстан облысы Төтенше жағдайлар департаментінің және ҚР ТЖМ 68303 әскери бөлімі екінші құтқару батальонының бөлімшелерімен танысты.Департаментте Арман Қалиев жұмыс кеңесін өткізіп, өңірлердегі төтенше жағдайларға ден қоюдың жеделдігін арттыру үшін Министрліктің техника мен жабдықтарды жаңарту бойынша жүргізіп жатқан жұмысы туралы айтты. Материалдық-техникалық базаны зерделеп, жеке құраммен ағымдағы міндеттер мен проблемалар туралы әңгімелесті, сондай-ақ қызметтік борышын орындау кезінде қаза тапқан өрт сөндірушілер мен құтқарушылардың стелласына гүл шоқтарын қоюға қатысты. Шығыс Қазақстан облысына жұмыс сапарының қорытындысы бойынша төраға өңірдің және оның азаматтарының қауіпсіздігін қамтамасыз ету бойынша мақсатты жұмыс үшін тиісті тапсырмалар берді.«Техниканы жаңғыртудың, жеке құрамның кәсіби даярлығын арттырудың және ТЖ-ға тиімді ден қою үшін қауіпсіздік шараларын күшейтудің маңыздылығы бөлімшелердің жедел ден қоюға дайындығын нығайтуға, міндеттерді орындау кезінде тәуекелдерді азайтуға және халықтың құтқару қызметтерінің жұмысына деген сенім деңгейін арттыруға ықпал етеді», - деп Арман Зарлықұлы атап өтті.Сонымен қатар генерал-майор Арман Қалиев жұмыс сапарымен Абай облысының гарнизонына барды.Ол әскери бөлімнің техникасымен және қару-жарағымен танысты, 68303 әскери бөлімінің құрылысына бөлінген жер учаскесін қарады, сондай-ақ жедел-құтқару жасағы құтқару станциясына барды. Сонымен қатар генерал-майор Арман Қалиев жеке құраммен кездесу өткізді. Құтқарушылар аллеясында батырлардың ескерткіштеріне гүл шоқтарын қойды. Жұмыс сапарының қорытындысы бойынша өңір бөлімшелері жұмысының тиімділігін арттыруға бағытталған бірқатар тапсырмалар берілді.Ақпарат көзі : https://www.gov.kz/memleket/entities/emer/press/news/details/894970

Жамбыл облысында 2025 жылғы су тасқыны кезеңіне белсенді түрде кешенді дайындық жұмыстары жүргізілуде. Төтенше жағдайлар департаменті жергілікті атқарушы органдармен бірлесіп өңірдегі барлық гидротехникалық нысандарды тексеріп, қажет аудандарда алдын алу шараларын қабылдады.Облыста 1039 шақырым канал, 1615 шақырым арық, 406 су өткізу құрылымы, 299 автомобиль және 115 теміржол көпірі тазартылды. Трансшекаралық «Шон-Қақпа» су қоймасынан су жіберу шараларын қоса алғанда, су қоймаларының жағдайына тәулік бойы бақылау жүргізілуде.Қауіпті аймақта орналасқан 42 елді мекеннің қорғалу деңгейін арттыру үшін су тасқынына қарсы іс-шаралардың жол картасы іске асырылды. Тараз қаласы мен Байзақ, Жамбыл аудандарында өзен жағалауын нығайту жұмыстары аяқталды. Су басу қаупін болдырмау үшін 27 шақырым каналдар мен дренаждық жүйелер кеңейтіліп, тереңдетілді, сондай-ақ 12 көпірдің су өткізу қабілеті арттырылды. Сонымен қатар 396 эвакуация пункті дайындалып, инертті материалдар мен жанар-жағармай қорлары жасалды.Жамбыл облысының әкімі Е.Қарашөкеевтің басшылығымен және облыстық ТЖД бастығы А. Тоқановтың қатысуымен Шу ауданының Шу өзеніне аэровизуалды тексеру де жүргізілді.Бүгінгі таңда Шу ауданының бірқатар елді мекендеріне, ауыл шаруашылық және автокөлік көпірлері мен жолдарын су басу қауіпін төндіріп тұрған «Тасөткел» су қоймасымен реттелетін Шу өзені болып табылатындығы мәлім. «Қазсушар» РМК Жамбыл филиалының ағымдағы жылдың 29 қарашадағы мәліметіне сәйкес «Тасөткел» су қоймасында судың көлемі 354,9 млн. м3 құрап отыр. Судың су қоймасына түсуі және жіберілуі 120 м3/сек., яғни транзиттік режимде жұмыс істеуде. Шу өзенінің су өткізу қабілеттілігі 200 м3/сек. құрайды, алайда биылғы жылдың 13 қарашасында «Мерке-Шу-Бурылбайтал» автокөлік жолының 109 шақырымында орналасқан көпірдің маңындағы Шу өзенінің жағалауын (ұзындығы 350 метр) су шаю оқиғасы орын алды.Осыған байланысты табиғи сипаттағы төтенше жағдайлардың алдын алу мақсатында Шу өзені қауіпті учаскелерді айқындап, жағалауын нығайту жұмыстарын шұғыл түрде жүргізуін қамтамасыз етуді ұйымдастыруда.Облыстың ТЖД Қазгидрометтің Жамбылдағы филиалымен бірлесіп метеорологиялық ақпаратпен жедел алмасу ұйымдастырылды. Өңірдегі су тасқынына қарсы жұмыстар қатаң бақылауда және халықтың қауіпсіздігін қамтамасыз ету үшін барлық қажетті шаралар қабылдануда.Ақпарат көзі : https://www.gov.kz/memleket/entities/emer/press/news/details/894917

ҚР Үкіметінің отырысында оқу-ағарту министрі Ғани Бейсембаев ауыл мектептерінде білім сапасын көтеру мақсатыныда қолға алынған шараларға тоқталып өтті. Бүгінде осы мақсатта елімізде өңірлердегі шағын жобаларды қамтитын «Ауыл мектебі – сапа алаңы» жобасы жүзеге асуда.Өткен жылы Ақтөбе облысында Оқу-ағарту министрлігінің, «Қазақстан халқына» қоғамдық қорының және Білім беруді тұрақты дамыту қолдауымен цифрлық технологияларды пайдалана отырып, ауыл мектептерінің әлеуетін арттыру жөніндегі жоба табысты жүзеге асырылды. Жобаға 12 тірек және 134 шағын жинақты мектеп, 11 мыңнан астам білім алушы мен 3,5 мыңға жуық педагог қатысты.Жобаға қатысқан мектеп басшылары мен педагогтері цифрлық құзыреттілік пен кәсіби дамуға бағытталған арнайы курстардан өтті. Шағын жинақты мектептердің техникалық мүмкіндіктеріне қарай оқытудың 4 моделі әзірленіп енгізілді.«Жоба аясында тірек мектептерінің материалдық-техникалық базасы толығымен жаңартылып, шағын жинақты мектептер пәндік және цифрлық кабинеттермен жабдықталды. Мектептер жылдамдығы жоғары интернетпен қамтамасыз етілді», - деп мәлімдеді Ғани Бейсембаев.Сондай-ақ өткен оқу жылы Алматы облысының 50 мектебінде жаратылыстану-математикалық бағыттағы пәндер бойынша білім сапасын арттыру мақсатында «Білім-инновация» лицейлерінің тәжірибесіне негізделген жоба жүзеге асырылды, ал биылғы жылы Маңғыстау облысында «Отпан» жобасы басталды. Жоба 50 мектепті қамтиды, оның ішінде 35 мектеп ауылдық жерлерде орналасқан. Оған барлығы 60 мың білім алушы мен 7 мың педагог қатысты.Естеріңізге сала кетейік, Қазақстанда бүгінде 8 мың мектеп бар, оның 67% ауыл мектептері, 51% шағын жинақты мектептер. Шағын жинақты мектептердің ең көп саны Солтүстік Қазақстан, Қостанай, Ақмола, Павлодар, Батыс Қазақстан және Ақтөбе облыстарында орналасқан.Ақпарат көзі : https://www.gov.kz/memleket/entities/edu/press/news/details/894954

2024 жылғы 6 желтоқсанда ҚР Экология және табиғи ресурстар вице-министрі Ж.Алиев Алматы қаласы тұрғындарымен кездесуі өтеді.📍Кездесудің мекен-жайы: Алматы қ., Байтұрсынұлы көшесі 126/1, Ғұмарбек Дәукеев атындағы Алматы энергетика және байланыс университеті, Д корпусы, акт залы.10:00 – 11:00 - азаматтарды жеке қабылдау;11:00 – 12:30 - халықпен, коммерциялық емес және қоғамдық ұйымдармен кездесулер;12:30 – 13:00 - өңірлік бұқаралық ақпарат құралдарымен брифинг.⏯️Онлайн-көрсетілім тікелей эфирде Экология және табиғи ресурстар министрлігі «Facebook», «Youtube» әлеуметтік желілеріндегі ресми парақшасында өткізілетін болады.📩Сіздердің сұрақтарыңыз бен ұсыныстарыңызды вице-министрмен кездесуде қоя аласыздар немесе келесі байланыс арналарын қолдана отырып жібере аласыздар: WhatsApp нөмірі: +7 700 907 6615, және электрондық мекен-жайға: mendulla.diana@gmail.com. Жеке қабылдауларға жазылу үшін тел. +7 700 907 6615.Азаматтарды белсенді қатысуға және Экология және табиғи ресурстар вице- министріне сұрақ қоюға шақырамыз.Ақпарат көзі : https://www.gov.kz/memleket/entities/ecogeo/press/news/details/894929

Қазақстан Республикасының Экология және табиғи ресурстар министрі Е. Нысанбаев а.ж. 2-13 желтоқсан аралығында Эр-Рияд қаласында «Біздің жер. Біздің болашағымыз» ұранымен өтіп жатқан БҰҰ тараптарының шөлейттенуге қарсы күрес жөніндегі Конференцияның он алтыншы сессиясына (СОР 16) қатысты.COP 16 Конференциясы аясында Министр Е.Нысанбаев сондай-ақ барлық деңгейлерде құрғақшылыққа төзімділікті жеделдету жолдарын талқылауға арналған «Женевадан Эр-Риядқа және одан әрі: құрғақшылықты белсенді басқару бойынша жаһандық және ұлттық саясатты жетілдіру» министрлер диалогына қатысты және сөз сөйледі.«Соңғы жылдары адамзат су тапшылығы мен жердің деградациясына тап болған аймақтардың көбеюіне куә болды, бұл ауыл шаруашылығы мен су ресурстарына қол жетімділікке айтарлықтай зиян келтірді. Шамамен 29 миллион га эрозиядан зардап шегеді, бұл олардың құнарлылығын төмендетеді және азық-түлік қауіпсіздігіне қауіп төндіреді.Жаһандық өзгерістер жаһандық шешімдерді қажет етеді. Қазір мемлекеттердің, халықаралық ұйымдардың, бизнес пен жұртшылықтың күш-жігерін біріктіру бұрынғыдан да маңызды. Тек бірлескен әрекеттермен шөлдердің таралуын тоқтатуға, биосфераны сақтауға және болашақ ұрпақ үшін болашақты қамтамасыз етуге болады.Қазақстан құрғақшылықпен күресуге бағытталған халықаралық және өңірлік бастамаларға қатысуын одан әрі нығайтуға дайын. Біз бірлескен күш-жігермен қоршаған ортаны сақтауға, ауыл шаруашылығының тұрақты дамуына және болашақ ұрпақтың өмір сүру сапасын арттыруға үлес қоса алатынымызға сенімдіміз.» - деп атап өтті өз сөзінде Ерлан Нысанбаев.Ақпарат көзі : https://www.gov.kz/memleket/entities/ecogeo/press/news/details/894958

"Іскерлік байланыстар" бағдарламасы кәсіпкерлерге Германияда тегін оқуға және шетелдік серіктестер табуға мүмкіндік береді. Ол 2011 жылдан бастап жүзеге асырылуда. "Атамекен" Ұлттық Кәсіпкерлер Палатасы 2025 жылға арналған өтінімдерді қабылдау басталғанын жариялады.Германияда бизнес-тағылымдамаға құжаттарды 2024 жылдың 17 желтоқсанына дейін тапсыруға болады, деп хабарлады Қарағанды облысының Кәсіпкерлер Палатасы."Кандидаттар жұмыс тәжірибесі расталған және жылдық орташа табысы 10 мың айлық есептік көрсеткіштен басталатын шағын және орта бизнес басшылары болуға тиіс. Келіссөздер жүргізу және басқару шешімдерін қабылдау үшін өкілеттіктердің болуы да маңызды", - деп түсіндірді ӨКП.Тағылымдама қатысушыларға Германияның іскерлік ортасына енуге, бизнестің үздік тәжірибелерін үйренуге, озық зауыттарға баруға және неміс компанияларымен байланыс орнатуға мүмкіндік береді. Бірінші кезең – Германияның бизнесті дамыту орталықтары негізінде бес апталық онлайн оқыту. Екіншісі – Германияда үш апта тағылымдамадан өтуді қарастырады.Келесі жылы төрт негізгі бағыт анықталды:- жасыл технологиялар және өнеркәсіп;- денсаулық сақтау:- ақылды ауыл шаруашылығы.- әйелдер кәсіпкерлігін қолдау.Биыл бағдарламаны Қарағанды облысының төрт кәсіпкері пайдаланды: "Инкар 1", “Сompass Solutions ltd", "АЗИЯ-СМ", Q-Inspection фирмаларының басшылары.Өтінімді ӨКП кеңсесінде мына мекенжай бойынша беруге болады: Қарағанды, Тәттімбет көшесі, 709, немесе электрондық пошта арқылы: karaganda@atameken.kz.Бағдарламаға қатысу туралы толық ақпаратты ӨКП-дан алуға болады.Байланыс: Шағын кәсіпкерлікті дамыту бөлімінің сарапшысы Аянна Нұруллаева, тел.: (8-7212) 50-64-18.Ақпарат көзі : https://www.gov.kz/memleket/entities/karaganda/press/news/details/894579

Жергілікті өндірушілерді қолдау және халықты сапалы отандық өніммен қамтамасыз ету – Қарағанды облысындағы басым міндеттердің бірі. Онлайн режимде өткен кеңесте облыс әкімі Ермағанбет Бөлекпаев кейбір қазақстандық тауарлардың дүкен сөрелерінде жеткіліксіз болуына алаңдаушылық білдірді. Ол отандық өнімдерді тұтынушыларға қолжетімді әрі көрінетіндей етіп орналастыру қажеттігін атап өтті.Қарағанды облысында 150 өңдеуші кәсіпорын жұмыс істейді. Олар сүт, ет, астық және т. б. өңдеумен айналысады.– Өңір 100%-ға бес атау бойынша өз өндірісінің өнімдерімен қамтамасыз етілген: бірінші сұрыпты бидай ұны, макарон өнімдері, картоп, тауық жұмыртқасы, сиыр еті. Сондай-ақ, облыс 90,7%-ға 8 атау бойынша өз өндірісінің өнімімен қамтамасыз етілген. Бұл бірінші сұрыпты нан, құс еті, ашытылған сүт өнімдері, сүзбе, май, сәбіз, қырыққабат, пияз, – деді кәсіпкерлік басқармасының басшысы Ирина Любарская.Супермаркеттердің сөресін талдау нәтижесі Қарағанды мен жақын маңдағы өңірлердің сөрелерінде жергілікті өндірушілердің нан-тоқаш және ет өнімдерінің 100%-ы ұсынылғанын көрсетті. Сондай-ақ, отандық тауарларды сату үшін әлеуметтік сөрелер құрылды, ал өнімдерде арнайы логотиптер бар.Бірақ сонымен бірге бірқатар проблемалар да бар. Олардың ішінде өндірісті жаңғыртудың жеткіліксіздігі, жоғары білікті мамандардың жетіспеушілігі және логистика мен тасымалдау проблемалары бар.Жергілікті өндірушілердің маркетингтік мәселелеріне ерекше назар аудару керек – мысалы, шұжық сегментінде. Көптеген өндірушілер өз өнімдерін алға жылжытумен айналыспайды, бұл тұтынушылардың таңдауына әсер етеді, өйткені адамдар жиі жарнамаланатын нәрсені таңдауға бейім.– Қазақстандық өндірушілердің тауарлары неғұрлым қолжетімді және танымал болуы үшін логистика мен маркетингті жақсарту маңызды. Өндірісті субсидиялау және сату жағдайларын жақсарту қажет, бұл салауатты бәсекелестік құруға және тұтынушылар үшін тауарлардың сапасын жақсартуға мүмкіндік береді, – деді Ермағанбет Бөлекпаев.Ақпарат көзі : https://www.gov.kz/memleket/entities/karaganda/press/news/details/894795

Үміткер ауылында ауланы 20 да 40 метр жаңа хоккей корты салынды. Қазір мұз айдынына су құю ғана қалды.Алаңға арнайы жабын төселіп, хоккей қақпасы орнатылды.Көп ұзамай Үміткер ауылы жастары бос уақыттарын денсаулыққа пайдалы өткізе алады.Бұл жоба жергілікті билік пен ауыл тұрғындарының бірлескен жұмысы нәтижесінде жүзеге асты.Ақпарат көзі : https://www.gov.kz/memleket/entities/karaganda/press/news/details/894860

Облыс әкімі Ермек Көшербаев өңірдің қоғам мүшелерімен бірге Қоғамдық кеңес жанынан тұрақты түрде жұмыс істейтін «Өскемен тынысы» экологиялық қорғау бюросын» құру туралы ұсынысты қолдады.Жаңа ұйымның мақсаты – ауа сапасына қатысты қордаланған мәселелердің шешімін іздеп, өскемендіктердің тұрмыс жағдайын жақсарту. Атап айтқанда, қаланың әр ауданында атмосфераға мониторинг жасайтын құрылғыларды орнату, оны калибрлеу, кәсіпорындардағы сүзгіні жақсарту, қолданыстағы шаралардың тиімділігін бағалау, жаңа ұсыныстар әзірлеу, тұрғындарға ауа ластануының қауіп-қатері мен оны азайтудың жолдарын түсіндіру үшін білім беру бағдарламаларын ұйымдастыру, экологиялық стандарттардың орындалуын бақылау.Аймақ басшысы «Өскемен тынысы» экологиялық қорғау бюросының» жол картасын жасақтаудан бастап, қаланың экологиялық жобаларын жүзеге асыруды жеделдету жұмыстарымен айналысатынын алға тартты.- Қоғамның, жергілікті атқарушы органдардың және табиғатты пайдаланушылардың өзара қарым-қатынасының тиімді тетіктері қажет екенін бұдан бұрын да айтқан едім. Экобелсенділер мемлекеттік органдар мен кәсіпорындармен диалог орнату арқылы мәселені шешу жолдарын қарастыратын болады. Ең бастысы, қоғамдық бақылау күшейтіледі. Қаланың әрбір тұрғыны осы ұйымның заңды өкілі деп айтуға негіз бар. Әрине бәрі бірден өзгеріп кетпейтіні анық. Бірақ бірлесе отырып, кезең-кезеңімен қалаған нәтижеге қол жеткізетін боламыз, - деді Ермек Көшербаев.Осы ретте қоғам белсенділері де бастаманы қолдап, өздерінің пікірін білдірді.- Атмосфераның ластану деңгейін анықтайтын датчиктердің санын көбейтіп, оларды қала бойынша біркелкі орнату керек. Тұрғындар да қандай көмір жағатынымызды білуі қажет. Бұл бағыттағы жұмысты жер үйлер орналасқан аудандарда қарастырған жөн. Оң өзгерістер үшін бюро жұмысында әр қадам маңызды, - деді сала маманы Виталий Чернецкий.Облыс әкімі жаңа кеңесті ҚР Экология және табиғи ресурстар министрлігі қоғамдық кеңесінің мүшесі, «ECOJER» Ассоциациясы ШҚО бойынша филиалының жетекшісі Елена Березинская-Әбіловаға басқаруды ұсынды.- Соңғы 10 жылдың ішінде алғаш рет қоршаған ортаның жағдайын талқылап, экологиялық қорғау бюросын құру жөнінде шешім қабылдау үшін экологтар мен тәуелсіз сарапшылар шақырылды. Экологиялық мәселелерді шешуде қоғаммен белсенді қарым-қатынас орнату қажет. Атқарылып жатқан жұмыстар жұртшылыққа ашық түрде көрсетілуі керек, - дейді Елена Березинская-Әбілова.Экологиялық қорғау бюросының құрамына экологиялық, әлеуметтік және денсаулық сақтау мәселелерін шешуге көмектесетін түрлі сала мамандарын қосу жоспарланып отырғанын атап өткен жөн. Сонымен қатар, аталған бюро азаматтар, кәсіп пен билік арасындағы өзара әрекеттесу алаңына айналады деп күтілуде.Ақпарат көзі : https://www.gov.kz/memleket/entities/akimvko/press/news/details/894835

Суару кезеңі аяқталғаннан кейін Шаған су қоймасы мен Шолақанқата, Сұлусай және Ембулатовка су қоймалары қысқы жұмыс режиміне көшті. Су тасқынын қауіпсіз өткізу және бос сыйымдылықты қамтамасыз ету үшін аталған су қоймаларынан су жіберілді.Сондай-ақ, филиал 73,6 шақырым каналды механикалық тазалау және 8 гидротехникалық құрылысты жөндеуді аяқтады, 6 гидротехникалық нысан қалпына келтірілді. Бүгінде құрылыс-монтаж жұмыстары жалғасуда.«Барлық су шаруашылығы нысандарында көзбен шолып тексеріс жүргізілді. Олар бойынша күзгі-қысқы кезеңде жұмысқа дайындық паспорттары жасалды»,- деді БҚО бойынша «Қазсушар» филиалы директорының м.а. Рауан Хусаинов.Ақпарат көзі : https://www.gov.kz/memleket/entities/water/press/news/details/894863

Петропавлда «Серпін» республикалық жобалау кеңсесінің алғашқы көшпелі отырысы өттіСолтүстік Қазақстан облысына жұмыс сапары аясында вице-премьер Тамара Дүйсенова М.Қозыбаев атындағы университетке барып, өңір әкімі, ҚР Парламенті Мәжілісінің депутаты Мұрат Әбеновтің, студенттердің, түлектердің және «Серпін» бағдарламасына қатысатын жұмыс берушілердің қатысуымен кеңес өткізді.«Серпін» республикалық жобалау кеңсесінің жетекшісі Мұрат Әбенов бағдарлама жаңа серпіліс алып жатқанын айтып, «Серпін түлектері» қауымдастығын құру туралы бастаманы қолдады. Бұл ұйым абитуриенттер мен студенттерге қолдау көрсетеді.Солтүстік өңірде аталған бағдарлама бойынша 1350 адам білім алып, оқуын жалғастыруда. Көптеген түлек осы өңірде жұмыс істеуді таңдаған. Отбасын құрып, облыстың дамуына үлес қосуда. Солардың бірі – Нұрсейт Әбдіразақов. Ол 2016 жылы Түркістан облысы Қазығұрт ауданынан келіп, университетке түскен, қазір өзі оқу орнында қызмет етіп жүр.«Бағдарлама шынымен де тиімді. Мен болашағымды осы өңірмен және өз университетіммен байланыстырамын», — деді Нұрсейт Әбдіразақов.Премьер-министрдің орынбасары жоғары оқу орындары мен колледждердің кәсіпорындармен ынтымақтастығын нығайтудың маңызын атап өтті. Ол жұмыс берушілердің қажеттіліктеріне сәйкес мамандар даярлау бағдарламаның табысты жүзеге асырылуының кепілі екеніне мән берді.Өңірде 300-ден астам жұмыс берушімен меморандум жасалған. Биыл оқуын бітіретін 68 түлекке арналған жеке іс-шаралар ұйымдастырылды. Өңірдегі ірі компания өкілдері жас мамандарға сұраныстың жоғары екенін айтып, «Серпін» бағдарламасына белсене қатысуға дайын екенін білдірді.Қазіргі уақытта кадр тапшылығы сезіліп отырған 8 өңір анықталды. Бағдарлама түлектерін осы өңірлерде жұмысқа орналастыру мүмкіндігі қарастырылуда.«Бағдарламаның әлеуметтік маңызы жоғары. Ол болашақ түлектерді тұрақты жұмыспен қамтамасыз етеді және нақты кәсіпорындардың сұранысына сай кадрлар даярлайды. Келесі жылы бағдарламаға колледждердің қатысуы жоспарланып отыр. Бағдарламаны тиімді іске асыру үшін барлық мүдделі министрліктер, облыс әкімдіктері мен жұмыс берушілер тығыз байланыста жұмыс істеуі керек. Бұл процесте аймақтық жобалық кеңселердің рөлі маңызды», — деді Тамара Дүйсенова.Вице-премьер М.Козыбаев атындағы университеттің зертханаларымен танысып, оның ішінде «Серпін» бағдарламасы арқылы оқуға түскен студенттердің ғылыми зерттеулерін көрді. Мұндай заманауи зертханалар халықаралық сарапшылармен бірлесіп жұмыс істеуге мүмкіндік береді.Мысалы, Қытайдың Солтүстік-батыс ауылшаруашылық университетінің ғалымдары Козыбаев университетінің студенттерімен бірлесе ауыл шаруашылығы және су ресурстары саласындағы жобалар бойынша жұмыс істеп жатыр.Айта кетейік, Манаш Козыбаев атындағы Солтүстік Қазақстан мемлекеттік университеті АҚШ-тың Аризона университетімен серіктес. Ынтымақтастық бағдарламасы қос диплом алу, ғалымдар арасында ғылыми алмасу, оқытушылар үшін бірлескен тағылымдамалар, сондай-ақ академиялық стратегия мен корпоративтік басқаруды жетілдіруге арналған ұсыныстарды қамтиды.Ақпарат көзі : https://www.gov.kz/memleket/entities/sci/press/news/details/894852