Шара өңірде алғаш рет ұйымдастырылып отыр. Ауқымды фестивальдің алғашқы күні – «Тағылым» деп аталды.Бүгін Қ.Жұбанов атындағы өңірлік университеттің «Мәңгілік ел» залында ғылыми-тәжірибелік конференциядан басталды. «Ұлттық рух тұғыры» тақырыбында өткен басқосуда белгілі ғалымдар мен қоғам қайраткерлері тарих, мәдениет және ұлттық сана тақырыптарында ой қозғап, ортаға салды. «Мемлекет басшысы Қасым-Жомарт Тоқаев биылғы наурыз айында өткен Ұлттық құрылтайдың үшінші отырысында ұлттың жаңа келбетін айқындайтын негізгі құндылықтарға тоқталған еді. Олар — тәуелсіздік пен отаншылдық, бірлік пен ынтымақ, әділдік пен жауапкершілік, заң мен тәртіп, еңбекқорлық пен кәсіби біліктілік, жасампаздық пен жаңашылдық. Бүгінде алдымызда тұрған үлкен мақсат — адал еңбек етіп, табысқа адал жолмен жететін адамды тәрбиелеу. Әр адам «адал азамат» деген атқа лайық болса, елімізде әділ қоғам орнайды.Замандастарымыздың ұлттық салт-санаға, әдет-ғұрыптарымыз бен дәстүрімізге енжар қарап, отбасында, ұрпақ тәрбиесінде оларды негізге алмауы өзекті мәселе болып отыр. Бүгінгі конференция осы тұрғыда ақ пен қараның, жақсы мен жаманның арасын ажырата білу үшін үлкен-кішіге ой тастау мақсатында ұйымдастырылып отыр. Ал фестиваль облыс әкімі Асхат Шахаровтың ұйытқы болуымен ұйымдастырылып отыр. Халқымыз үшін ғылым басты сыбаға болуға тиіс. Қай іс те ғылымға, ойға сүйеніп жасалса, алға жылжиды. Сондықтан фестивальдың алғашқы іс-шарасын ғалымдармен, зиялы қауым өкілдерімен бірлесе өткізгенді жөн көрдік», — деді облыс әкімінің орынбасары Жолдас Батырхан.Қ.Жұбанов атындағы Ақтөбе өңірлік университетінің кафедра меңгерушісі, философия ғылымдарының кандидаты Үмбетқан Сәрсембин қазақ мәдениетінің тарихи кеңістігіндегі ұлттық сана тақырыбына және өткен мен бүгіннің сабақтастығына шолу жасады. Ал ақын, аудармашы, Қазақстан Жазушылар одағының мүшесі Гүлімай Әбішқызы ұлттық құндылықтарды, қоғамға деген жанашырлықты сіңіруде әр адамның жеке жауапкершілігінің маңыздылығын айрықша атап өтті. Сондай-ақ, конференцияда Жұбанов университетінің проректоры, тарих ғылымдарының докторы, профессор Рахым Бекназаров, облыстық аналар кеңесінің мүшесі Гүлшат Бақтиярова, өлкетанушы Бекарыстан Мырзабай, т.б. ғалымдар баяндама жасады.Бес күнге созылатын дәстүрлер фестивалі аясында ұлттық киімдердің сән көрсетілімі және қолөнер шеберлерінің «Дәуір дефилесі» көрме-жәрмеңкесі өтеді. Аңшылық және ұлттық спорт түрлерін дәріптейтін «Салбурын» жарысын да тамашалауға болады. Сондай-ақ тағамдар көрмесі де жоспарланған. Қорытынды күні қайырымдылық акциясы өтеді.Ақпарат көзі : https://www.gov.kz/memleket/entities/aktobe/press/news/details/894702

Түркістан облысының әкімі Дархан Сатыбалды Түркістан қаласындағы құрылыс алаңдарын аралады. Жұмыс барысында рухани-мәдени орталықтан бой көтерген «Қылует» рухани орталығына барып, онда атқарылып жатқан жұмыстармен танысты. Бүгінде рухани орталықтың ішкі әрлеу жұмыстары жүзгізілуде. Өңір басшысы халық қаражатына салынып жатқан рухани нысанның маңыздылығын атап өтіп, жауаптыларға құрылыс жұмыстарын күшейтуді және сапаны бақылауда ұстауды тапсырды.Алғашқы кезеңнің жұмыстары толық аяқталған. Екінші кезең бойынша жұмыстар жалғасуда. Мешіттің жалпы ауданы – 3,54 га. Мұнда көрме орталығы, 500 адамға арналған құлшылық орны, дәрісхана, кітапхана және жатақхана болады. Сондай-ақ мешіт аумағында заманауи оқу орны – медресе, яғни, қарилар дайындау орталығы болады.Құрылысқа барша қазақстандықтар үлес қоса алады.Мешіттің тарихы тереңде жатыр. Түркістанда XIX ғасырдың екінші жартысында (1864-1865 жж.) салынған «Қылует» мешіті болған. Мешіт ғимараты 1960 жылы бұзылып, орнына бір күмбезді жаңа мешіт бой көтерген. Кейін келушілердің көбеюіне байланысты 1980 жылы толық сүріліп, қайта салынған. 2020 жылы мешіт жарамсыз деп танылып, бұзылған.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894672

Түркістан облысына инвестиция тарту, шет мемлекеттермен тәжірибе алмасу бағытындағы жұмыстар Қытай елінде жалғасты. Іссапардың алғашқы күні Түркістан облысы әкімінің орынбасары Нұралхан Көшеров бастаған делегация ҚХР-ның Бейжің қаласында өткен «Болашақ үшін әлемді біріктіру» атты CISCE халықаралық көрмесіне қатысты.Бұл бизнес шараға ғылым және технология салаларының жетекші өкілдер қатысып, жеткізу тізбегінің алты негізгі бағыты бойынша жетістіктерін көрсетті. Нақтырақ айтқанда, озық өндіріс, экологиялық таза энергия, ақылды көліктер, цифрлық технологиялар, салауатты өмір салты және жасыл ауыл шаруашылығы, сондай-ақ жеткізу тізбегі қызметтерінің жетістіктерін ұсынды.Көрмеде тұрақты даму мен жаһандық жеткізу тізбегін жетілдіруге бағытталған ең озық, заманауи технологиялар мен инновациялық шешімдер ұсынылды.Маңызды шара барысында Түркістан облысы әкімінің орынбасары халықаралық компаниялар өкілдерімен кездесіп, экологиялық таза технологиялар, ақылды көлік шешімдері және жасыл ауыл шаруашылығын дамыту салаларында ынтымақтастық мүмкіндіктерін талқылады. Ірі компания өкілдерін Түркістан облысына инвестиция тартуға шақырып, бірлескен жобаларды жүзеге асыруға дайын екенін жеткізді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894695

Бүгін облыс әкімі Нұрлыбек Нәлібаев «Мемлекеттік сатып алу туралы» жаңа заңнаманы іске асыруға қатысты арнайы жиын өткізіп, жауапты сала басшыларына, аудан әкімдеріне бірқатар тапсырма берді.«Парламент Мәжілісінің депутаттарына «сақалды» құрылыстар бойынша мердігерлердің жауапкершілігін арттыру жөнінде айтқан ұсыныстарымыз жаңа заңда қолдау тапты.Атап айтқанда, шарттық міндеттемелерді кешіктіргені және орындамағаны үшін сот шешімі шықса, сол мердігерлер 2025 жылдан бастап мемлекеттік сатып алуға қатыса алмайды. Сонымен қатар, алдағы жылдан бастап бюджет қаржысы есебінен салынатын құрылыстарға барынша жергілікті тұрғындарды жұмысқа орналастыруымыз керек. Бұл ретте, құрылысқа қосалқы мердігер тартуға тыйым саламын. Сондай-ақ, сапаға баса назар аудару керегін тағы да ескертемін.Мемлекеттік сатып алу кезінде сыбайлас жемқорлыққа, мүдделер қақтығысына жол бермеу бағытындағы шараларды күшейтіңіздер. Әсіресе, бір көзден сатып алуға тұрақты мониторинг жүргізіңіздер. Конкурстарды ұйымдастыру барысында сыбайлас жемқорлық тәуекелдерінің алдын алу және болдырмау үшін профилактикалық шаралар қабылдаңыздар», – деді Нұрлыбек Машбекұлы.Ақпарат көзі : https://www.gov.kz/memleket/entities/kyzylorda/press/news/details/894643

Аймақ басшысы Нұрлыбек Нәлібаевтың тапсырмасымен облыстық мәслихат төрағасы Мұрат Тілеуімбетов, облыс әкімінің орынбасары Шахмардан Байманов, облыс әкімі аппаратының басшысы Әділхан Мұхамедияров және жауапты сала басшылары Шиелі, Жаңақорған аудандарындағы құрылыс нысандарына барды.Алдымен Шиелі ауданы "Алмалы" ауылындағы дәрігерлік амбулаторияның және Шиелі кентіндегі "Руханият орталығының" құрылыс алаңдарындағы жұмыстармен танысты.«Ауылда денсаулық сақтауды жаңғырту» ұлттық жобасы аясындағы дәрігерлік амбулатория құрылысы маусым айында басталған. Жақын арада ел игілігіне табысталады деп күтілуде. Сонымен қатар, аудан орталығының «Ақ орда» мөлтек ауданындағы ипотекалық тұрғын үйлердің құрылыс барысы да тексерілді. Бұл жердегі 122 пәтерлік тұрғын үйлер әлеуметтік осал топтағы отбасылар үшін сатып алынған.Әрі қарай облыстық мәслихат төрағасы бастаған жұмысшы топ Жаңақорған ауданындағы "Оқушылар үйі" мен "Өнер мектебінің" құрылыс жұмыстарын көрді. Мұнда жер жұмыстары, іргетас қалау, монолитті колонна, ригель құю, кірпіш қалау, екі қабаттың да ішкі қабырғасын сылау, әрлеу, терезелерін орналастыру 100 пайыз аяқталған. Ендігі кезекте сырты қапталып, абаттандырылуда. Жаңақорған кентіндегі "Руханият орталығы" мен "Бесарық" ауылындағы №54 мектеп жанындағы 375 орындық қосымша оқу ғимаратының құрылыс алаңдарында да қызу жұмыс атқарылуда. Бастауыш сыныптарға арналған қосымша оқу ғимараты сәуір айында салына бастаған болатын, жыл соңына дейін қолданысқа берілмек.Келесі бағыт -"Төменарық" ауылындағы дәрігерлік амбулаториясымен қоса, 15 төсек-орынға арналған ауылдық аурухана. Құрылысы облыстық бюджет есебінен қолға алынған медициналық мекеме де осы жылы пайдалануға беріледі деп күтілуде.Биылғы «Руханият жылында» Қызылорда облысының өнер және мәдениет саласында жаңа жобаларды жүзеге асыру жоспарланғаны белгілі. Барлық ауданда 11 млрд. 500 млн. теңгеге тәулік бойы жұмыс істейтін кітапханалары бар «Руханият орталықтары» салынуда. Орталықтар жыл соңында іске қосылады. Қазір ішкі және сыртқы сылақ, әрлеу жұмыстары, шатырын жабу қолға алынған.Айта кету керек, облыс әкімі құрылыстың сапасына баса мән беріп, жұмысты уақытылы аяқтауды үнемі тапсырып келеді. Сондай-ақ, егер кемшілік орын алса, мердігер мекемелер есебінен қалпына келтірілетінін ескертті.Жұмыс сапары барысында санитарлық тазалық, абаттандыру жұмыстары да назардан тыс қалмады.Еске салайық, бүгінде өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары тұрақты жүргізілуде. "Таза Қазақстан" экологиялық бағдарламасын өткізудің облыстық іс-шаралар жоспары бекітілген. Оған сәйкес «Таза өлке», «Киелі мекен», «Жасыл аймақ», «Өнегелі ұрпақ», «Мөлдір бұлақ» тақырыптарында апталық шаралар ұйымдастырылуда.Ақпарат көзі : https://www.gov.kz/memleket/entities/kyzylorda/press/news/details/894656

Теміртаудың әлеуметтік көмек көрсету жөніндегі мемлекеттік дағдарыс орталығына бір жыл толды. Осы уақыт ішінде 111 бала тәрбиелеп отырған 56 отбасы баспана мен қолдау алды. Тоғыз адам жұмыс тауып, содан кейін күштерімен пәтер жалдай алды, екі әйел жаңа отбасы құра отырып, жаңа өмір бастады.Орталық зорлық-зомбылық қаупіне тап болған адамдар мен отбасыларға арнайы әлеуметтік қызметтер ұсынады. Көмек алушылардың арасында өмірлік қиын жағдайға тап болған, оның ішінде қатыгездіктен, төтенше жағдайлардан зардап шеккен немесе кәмелетке толмағандар істері жөніндегі комиссияда есепте тұрған отбасылар бар.Орталық 50 орынға есептелген. Ол мың шаршы метрден асатын екі қабатты ғимаратта орналасқан, оған 16 қонақ бөлмесі, демалыс бөлмесі және сәбилерге арналған ойын алаңы, асхана, ас үй және медициналық бөлме кіреді. Қамқорлыққа алынғандарға күніне бес рет тамақтану және білікті мамандардың: психологтардың, заңгерлердің, дәрігерлердің, әлеуметтік қызметкерлердің және еңбек терапиясы бойынша нұсқаушылардың көмегі ұсынылады.— Біз екі маңызды бағытты іске қосқанымызды мақтан тұтамыз, — дейді дағдарыс орталығының директоры Әсел Нәбиева. — Қазан айында отбасын қолдау орталығы жұмысын бастады, оның басты міндеті — қиын жағдайлардың алдын алу, оларды ерте кезеңдерде анықтау. Қараша айынан бастап бізде қоңырауларға жедел жауап беретін мобильді топ пайда болды. Бұл бастамалар отбасыларға тұрақты өмірге тезірек оралуға көмектесу арқылы атаулы және тиімді көмек көрсетуге мүмкіндік береді.Ақпарат көзі : https://www.gov.kz/memleket/entities/karaganda/press/news/details/894447

Елорданың коммуналдық қызметтері тәулік бойы ауысымдық режимде жұмыс істейді. Бір күнде олардың күшімен қаладан 7,7 мың текше метрден аса қар шығарылды, деп хабарлайды Астана әкімдігінің ресми сайты.2 желтоқсаннан 3 желтоқсанға қараған түні көшелерді қар мен мұздан тазартуға 388 арнайы техника, 181 жол жұмысшысы шықты.2 желтоқсандағы күндізгі ауысымда қар полигондарына ауыр жүк көлікпен 622 рейс, 7,7 мың текше метрге жуық қар шығарылды.Қыс мезгілінің басынан бері қаладан 64 мыңға жуық рейс арқылы 810 мың текше метр қар шығарылды.Ережеге сәйкес, ең алдымен, қалада кептеліс болмас үшін өте қарқынды қозғалыс учаскелері тазаланады. Сондай-ақ орташа қарқындылығы бар учаскелер-алаңдар, вокзал маңы аумақтары, тротуарлар, әлеуметтік нысандарға кірме жолдар және т. б. орындар қардан тазартылады.Орталық көшелерде, жолаушылар көлігі маршруттарында, аялдамалар мен тротуарларда тазалау басымдыққа ие.Елордада бірнеше жабдықталған қар полигоны жұмыс істейді. Олар самосвал техникасының нөмірлік белгілерін оқу жүйесімен жабдықталған, мұнда бейнебақылау камералары орнатылған, жарықтандыру қосылған.Елорда тұрғындары мен қонақтарынан жолдарда абай болуды, қауіпсіздік ережелерін сақтауды, дауылды ескерту болған жағдайда алыс сапарлардан бас тартуды сұрайды.Төтенше жағдай туындаған кезде «112» телефонына хабарласыңыз.Ақпарат көзі : https://www.gov.kz/memleket/entities/astana/press/news/details/894638

Үкіметте вице-премьер Серік Жұманғариннің төрағалығымен өткен кеңесте жеміс-көкөніс өнімдерін сақтау және өндіру және әлеуметтік азық-түлік өнімдерінің бағасын тұрақтандыру үшін қажетті шаралар кешені қаралды.Өнімді сақтау – көкөніс қоймаларын салу және жаңғырту жөніндегі кешенді жоспарды іске асыру арқылы жүзеге асырылады. Жүргізілген түгендеу қорытындысы бойынша елімізде 901 сақтау нысаны жұмыс істейді, оның ішінде жалпы сыйымдылығы 1 млн 186 мың тонна көкөніс қоймасының саны – 580, картоп қоймасы – 257 (499,7 мың тонна), жеміс-жидек қоймасы – 67 (136,3 мың тонна).«Биыл Маңғыстау облысында 40 мың тоннаға, Түркістан облысында 56 мың тоннаға, Павлодар облысында 20 мың тоннаға, Қызылорда облысында 4 мың тоннаға және Қарағанды облысында 2,8 мың тоннаға сақтау нысандары іске қосылды. Жалпы сыйымдылығы 115,1 мың тонна болатын қойма тағы 5 облыста салынуда. 7 облыста 97,9 мың тонналық жобалар инвесторлардың қаржыландыруын күтуде», — деп мәлімдеді ауыл шаруашылығы вице-министрі Азат Сұлтанов.Биыл 2,9 млн тонна картоп, 1,1 млн тонна пияз, 498 мың тонна қырыққабат, 474 мың тонна сәбіз жиналды. Бұл еліміздің тұрғындарының қажеттілігі деңгейінен едәуір асып түседі. Бұл ретте Ресей Федерациясы мен Беларусь тарапынан 150 мың тонна картоп, 80 мың тонна пияз, басқа да көкөністер мен алмаларды келісімшартпен алуға сұраныс бар.«Біз ел тұрғындарының сұранысы көлемінен едәуір жоғары көкөніс өнімдерін жинадық, көршілес елдерімізден, Ресейден және Беларусьтен көкөністерге сұраныс бар. Біздің фермерлерге артық өнімді экспортқа өткізуге мүмкіндік беру керек. Ауыл шаруашылығы министрлігі әкімдіктер деңгейінде келесі мәселені пысықтауы қажет: фермерлер тұрақтандыру қорларындағы қорды қоспағанда экспортқа қанша көкөніс сатуға және келісімшарт ұйымдастыруға дайын», — деді Серік Жұманғарин.Сондай-ақ кеңесте «Кең дала-2» бағдарламасы бойынша 2025 жылғы көктемгі дала жұмыстарын қаржыландырудың басталуы талқыланды. Айта кету керек, бұл мақсатқа өтеу мерзімі 2026 жылғы 1 наурызға дейін белгіленген фермерлер үшін жылдық 5%-бен 700 млрд теңгеге дейін, оның ішінде 140 млрд теңгесі – бюджет қаражатын, 560 млрд теңгесі – нарық қаражатын жұмсау жоспарлануда. Осылайша, мемлекеттік қаржыландырудың нарыққа қатынасы 1:4 құрайды. Ерте қаржыландыру фермерлерге егіс науқанын уақтылы бастау үшін барлық қажетті заттарды, соның ішінде тыңайтқыштарды алдын ала сатып алуға мүмкіндік береді. «Нарық қаражатының алғашқы 100 млрд теңгесін біз 2024 жылдың 1 желтоқсанынан бастап ерте қаржыландыруды бастау үшін 28 қарашада тарттық. 30 қарашада ауыл шаруашылығы өндірушілерінен 85 млрд теңгеге 695 өтінім келіп түсті, оның басым бөлігі – 55 млрд теңгеге 686 өтінім – тікелей қаржыландыру арқылы, яғни АКК филиалдары арқылы, ӘКК арқылы 22,6 млрд теңгеге 6 өтінім және екінші деңгейдегі банктер арқылы 7,3 млрд теңгеге үш өтінім. Қазір жұмыста 20,6 млрд теңгеге 146 өтінім бар. 29 қарашада ерте қаржыландыру басталды, 2,3 млрд теңгеге 48 қарыз алушы несиелендірілді. Жұмыс жалғасуда», — деп атап өтті Аграрлық несие корпорациясы төрағасының орынбасары Қайрат Сапулатов.Сонымен қатар кеңесте әлеуметтік азық-түлік бағасын одан әрі тұрақтандыру шаралары талқыланды. Қараша айының қорытындысы бойынша жылдық мәнде инфляцияның 8,5%-дан 8,4%-ға дейін баяулауы байқалды. Осы жылдың 11 айында инфляцияның негізгі құрамдас бөліктері – азық-түлік және азық-түлік емес тауарлар, ақылы қызметтер арасында – азық-түлік тауарларына ең төменгі өсім (4,4%) тіркелді. Өткен аптаның қорытындысы бойынша ӘМАТ бағасының орташа индексі 0,2-ге, негізінен – тауарлардың көкөніс тобына өсті. Вице-премьер республикалық маңызы бар қалалар мен өңірлердің әкімдіктеріне сауда және интеграция министрлігімен бірлесіп, ел тұрғындарын қолжетімді бағамен өнімдермен қамтамасыз ету үшін ауыл шаруашылығы жәрмеңкелерінің санын көбейтуді жүктеді. Сондай-ақ Ауыл шаруашылығы министрлігіне қажет болған жағдайда тұрақтандыру қорларынан көкөніс қорларын ерте брондауды қарастыруды тапсырды.Ақпарат көзі : https://www.gov.kz/memleket/entities/moa/press/news/details/894687

2024 жылғы 4 желтоқсанда ҚР Еңбек және халықты әлеуметтік қорғау бірінші вице-министрі Ақмәди Сарбасов жұмыс сапарымен Қарағанды облысына барады, жұмыс сапары барысында бірқатар өнеркәсіптік және әлеуметтік нысандардың жұмысымен танысады және азаматтарды жеке мәселелері бойынша қабылдайды.Кездесулер барысында әлеуметтік-еңбек саласының мәселелері, оның ішінде өнеркәсіптік қауіпсіздік және еңбекті қорғау, еңбек құқықтарын қорғау мәселелері және халықты әлеуметтік қолдау шаралары талқыланатын болады.Бірінші вице-министрге жолданатын сұрақтар мен ұсыныстарды мынадай байланыс арналары арқылы жіберуге болады: ҚР Еңбекмині ресми интернет-ресурсы арқылы (www.gov.kz), Egov.kz электрондық үкімет порталы, «Е-Өтініш» азаматтардың өтініштерін қабылдау мен өңдеудің бірыңғай платформасы (suraqtar.kz).Сондай-ақ, мына телефондар бойынша хабарласуға болады: 8 (7172) 74 37 23, 74 36 03.Азаматтарды белсенді қатысуға және сұрақтар қоюға шақырамыз.Ақпарат көзі : https://www.gov.kz/memleket/entities/enbek/press/news/details/894666

Чанша, Қытай – вице-министр Батырбек Әбдішев бастаған Қазақстан Республикасы Төтенше жағдайлар министрлігінің делегациясы Чанша қаласындағы қытайлық Beidou компаниясының штаб-пәтерінде болды. Жұмыс сапары екіжақты ынтымақтастықты нығайту және төтенше жағдайлардың алдын алу саласында тәжірибе алмасу мақсатында ұйымдастырылды. Іс-шара аясында Beidou компаниясының өкілдері табиғи апаттарды бақылау және төтенше жағдайлардың алдын алу технологиялары саласындағы соңғы жетістіктерін көрсетті. Жауын-шашынды, топырақтың ылғалдылығы мен қозғалысын, табиғи апаттарды болжау, басқа да климаттық көрсеткіштерді өлшеу және оларға жедел әрекет ету үшін пайдаланылуы мүмкін компанияның сенсорларына ерекше назар аударылды. «Бұл сапар мониторинг жүйесін жақсарту және төтенше жағдайлардың алдын алу үшін өзара ынтымақтастық жолындағы маңызды қадам болды. Жаһандық позициялау жүйесі бізге ағымдағы жылдың қазан айында Қарағанды және Павлодар облыстарында болған дала өртін жою кезінде көмектесті»,- деп ТЖ вице-министрі Батырбек Әбдішев айтты. Сонымен қатар Қазақстан ТЖМ қызметкерлері мониторинг датчиктері орнатылған бірқатар нысандарды аралап, оларды нақты жағдайларда пайдалану мүмкіндіктерімен танысты. Бұл инновациялық технологиялар төтенше жағдайлардың дамуын болжау мен талдауда қызметтің тиімділігін қалай арттыра алатынын тереңірек түсінуге мүмкіндік берді. Жұмыс сапарының маңызды қорытындысы Министрлік, Beidou компаниясы және қазақстандық өкілдер арасындағы өзара ынтымақтастық туралы үшжақты негіздемелік меморандумға қол қою болды. Меморандум технологиялармен алмасуды, бірлескен зерттеулер жүргізуді және төтенше жағдайлардың мониторингі мен алдын алу саласында жаңа шешімдер әзірлеуді көздейді. Beidou әлемде қоршаған ортаны бақылау, табиғи апаттардан қорғау және қауіпсіздік үшін спутниктік технологиялар мен жаһандық позициялау жүйелерінің көшбасшыларының бірі ретінде танымал. Ақпарат көзі : https://www.gov.kz/memleket/entities/emer/press/news/details/894665

Өткен жылы Ақтөбе облысында цифрлық технологияларды пайдалана отырып, шағын жинақты мектептерді дамыту жобасы сынақтан өтті. Жобаны іске асыру барысында ауылдық жерлерде білім беру сапасы мен оқытудың тиімділігі айтарлықтай артқаны анықталды.Ақтөбе облысының барлығы 10,5 мың оқушы контингенті бар 134 шағын жинақты мектебі пилоттық жобамен қамтылды. Жоба қорытындысы бойынша мектептердің 77,4%-да жоғары сапалы интернетке қол жеткізу мәселесі шешімін тапты.«Оқу процесінде цифрлық шешімдер, соның ішінде тірек мектептер оқытушылары озық технологияларды тиімді пайдалануды, оқушыға оңай жеткізуді жүзеге асырды. Жобаны іске асыру нәтижесінде мектептер онлайн-оқытуға арналған 155 жаңартылған цифрлық кабинеттер мен зертханалық жұмыстарды жүргізуге арналған ғылым кабинеттерін алды. Сондай-ақ, 1000-нан астам педагог білім беру бағдарламалары бойынша оқудан өтті. Оқу жетістіктері мониторингінің нәтижелері оқушылардың барлық пәндер бойынша үлгерімінде оң динамиканы көрсетті», - деп атап өтті ҚР Оқу-ағарту министрлігі Орта білім комитеті төрағасының орынбасары Әлия Чокушева.Айта кетейік, бүгінде Қазақстанда 8 мың мектеп бар, оның 67,4%-ы ауылдық жерлерде орналасқан, ал 51,2%-ы шағын жинақты мектептер болып табылады. Шағын жинақты мектептердің ең көбі Солтүстік Қазақстан, Қостанай, Ақмола, Павлодар, Батыс Қазақстан және Ақтөбе облыстарында орналасқан. Алынған нәтижелерге сүйене отырып, аталған жобаны келесі жылдан бастап жоғарыда аталған өңірлерде масштабтау жоспарлануда.Жоба ҚР Оқу-ағарту министрлігінің бастамасымен Ақтөбе облысының әкімдігімен бірлесіп, «Қазақстан халқына» қорының, Білім беруді тұрақты дамыту Қорының қолдауымен жүзеге асырылуда.Ақпарат көзі : https://www.gov.kz/memleket/entities/edu/press/news/details/894691

Жетісу облысының Қаратал ауданында 150 орынды блок-модульдік мәдениет үйі мен дене шынықтыру-сауықтыру кешені іске қосылды. Жаңа нысандар Ескелді би ауылында есігін айқара ашты. Аталған ауылда 3200 адам тұрады. Елді мекенде 30 жылдан астам уақыт бойы мұндай нысандар болмаған, - деп хабарлайды Жетісу облысы әкімінің баспасөз қызметі.Бір-біріне жақын орналасқан жаңа мәдениет үйі мен ДСО заманауи талаптарға сай, оларда мәдени, спорттық іс-шараларды ұйымдастыруға және бос уақытты тиімді өткізуге қажетті жағдайлар жасалған. Қос нысанның құрылысы осы жылдың мамыр айының соңында басталған болатын.- Мен осы ауылда туып-өстім. Ауылымыздағы қазіргі оң өзгерістерді көргенде қуанамыз. Бұрын балалар 7 шақырым жердегі Үштөбеге барып жаттығуға мәжбүр болатын, бұдан былай ешқайда бармай-ақ осы ауылда жаттығады. Сол сияқты жаңа мәдениет үйіміз де бар. Бізде 90-шы жылдардан бері мәдениет үйі де, спорт кешені де болған жоқ. Енді спортпен де, шығармашылықпен де айналысуға болатын әдемі, заманауи ғимараттарымыз бар, - деді жергілікті тұрғын Елизавета Шин.Атап өтсек, жалпы ауданы 800 шаршы метр болатын екі қабатты дене шынықтыру-сауықтыру кешені ғимаратында ойын залдары, бокс пен күрес және тренажерға арналған зал бар. Онда күрес, волейбол, баскетбол, шахмат және тоғызқұмалақ секциялары жұмыс істейді.Ал жаңа мәдениет үйі 150 орынға лайықталған. Онда акт залы, оқу залы бар кітапхана орналасқан. Вокал, домбыра, қобыз, би үйірмелерін ашу жоспарланған.- Ауылды дамыту үшін қажетті нысандардың салынғанына қуаныштымыз. Бұл, ең алдымен, жастарға, сосын бізге, яғни аға буынға да қажет. Осындай игі жаңалықтар көп болсын, - деді қуанышын бөліскен ауыл ақсақалы Төлеухан Сүттібаев.Екі жаңа нысанның іске қосылуының арқасында ауылда 30 тұрақты жұмыс орны ашылды. Жетісу облысы әкімінің баспасөз қызметі. Фотограф: Александр БулавинФотограф: Александр БулавинАқпарат көзі : https://www.gov.kz/memleket/entities/zhetysu-oblysy/press/news/details/894591

«Таза Қазақстан» бағдарламасы аясында облыс көлемінде ауқымды жұмыстар атқарылып келеді. Бағдарлама басталғаннан бері сенбіліктер мен тазалық жұмыстарына 300 мыңнан астам тұрғын қатысып, 1 500-ден астам техника жұмылдырылды. Нәтижесінде, 1 милионға жуық ағаш отырғызылып, 3 389 тонна қоқыс шығарылды. Бұл туралы Түркістан облысының әкімі Дархан Сатыбалдының төрағалығымен өткен аппарат мәжілісінде мәлім болды.Аймақ басшысы тазалық, көгалдандыру және абаттандыру жұмыстарын жүйелі түрде жалғастыруды тапсырып, бұл бағыттағы жұмыстарды тиісті деңгейде ұйымдастыра алмаған аудан, қала әкімдерін сынға алды. Тұрғындар арасында экологиялық сауаттылықты арттыру, түсіндіру жұмыстарын күшейтуді тапсырды.Жиында облыс әкімінің бірінші орынбасары Зұлпыхар Жолдасов «Таза Қазақстан» акциясы аясында атқарылған жұмыстар туралы кеңінен баяндады. Оның мәлімдеуінше, бағдарлама аясында сенбіліктер тұрақты ұйымдастырылып келеді. Арнайы бекітілген кестеге сәйкес аудан, қала аумағында сенбіліктер өткен. Жергілікті әкімдіктер, коммуналдық мекемелер мен өңір тұрғындары бірлесе отырып, өңірдің тазалығы мен экологиялық жағдайын жақсаруына үлкен үлес қосты.Бүгінгі таңда осы бағдарламаның өңірдегі «телеграмм бот» платформасына 820 өтінім түскен. Оның ішінде, 800 өтінім орындалған. 13 өтінім орындалу барысында болса, 7 өтінім тестілеу режимінен өткен.Биыл қоғамдық орындарда тазалық пен тәртіпті қамтамасыз ету бағытында атқарылған жұмыстардың нәтижесінде, заң талаптарын бұзған тұлғаларға 26 мыңға жуық хаттама толтырылып, жалпы 305,7 млн теңге айыппұл салынды. Алдағы уақытта да экологиялық заңнамаларды сақтау және тұрғындардың экологиялық мәдениетін нығайту мақсатында жүйелі шаралар жалғасын табады.Сондай-ақ «Таза Қазақстан» бағдарламасы аясында сәуір айынан бастап жүргізілген мониторинг жұмыстарының нәтижелерінде 2 880 қоқыс үйіндісі анықталып, толық ретке келтірілді. Дегенмен кейбір қоқыс жиналатын «ыстық нүктелерде» әлі де қоқыстар тасталуда. Бақылауға алынды.«Таза Қазақстан» бағдарламасы аясында іс-шаралардың ұйымдастыру деңгейі жөнінде аудан, қала әкімдерінің рейтингі жаңартылды. Атап айтқанда, Түркістан қаласы және Бәйдібек, Жетісай, Мақтаарал, аудандарының көрсеткіштері жоғары болса, Шардара, Отырар аудандары және Арыс, Кентау қалалары орта деңгейдегі көрсеткіштерге қол жеткізді. Ал, Сайрам, Төлеби, Түлкібас, Созақ, Сарыағаш, Сауран, Қазығұрт, Келес, Ордабасы аудандарының көрсеткіштері төмен деңгейде.Қоршаған ортаны қорғау және абаттандыру бойынша тиімді шаралар қолға алынып, өңірдің экологиялық тұрақтылығын қамтамасыз ету бағытында жұмыстар жалғасады.Сондай-ақ мәжілісте 2024-2025 жылдарға қысқы күтіп ұстау жұмыстарына дайындық пысықталды. Қазіргі уақытта 6 400-ге жуық шақырым жолға 259 арнайы техника, 655 жұмысшы және 9 мың текше метрден астам құм мен 5 800 тонна тұз дайын. Қыс мезгілінде республикалық және облыстық маңызы бар жолдар мен аяқжолдарды қардан тазарту жұмыстарының орындалу барысы қатаң бақылауда болады.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894595

Түркістан облысында Оңтүстік Кореяның жетекші оқу орындарының бірі Woosong университетінің филиалын ашу бойынша жұмыстар жүргізілуде. Қазақ-корей бірлескен білім ордасы Түркістан қаласының әкімшілік-іскерлік орталығында орналасады. Бүгін облыс әкімі Дархан Сатыбалды облыс орталығындағы құрылыс алаңдарын аралап, жұмыстардың барысын бақылады. Өңір басшысы 18 қабатты ғимараттағы құрылыс жұмыстарының барысын пысықтап, нақты тапсырмалар берді. Жауапты басшылармен кездесіп, құрылысты мерзімінде аяқтауды тапсырды. Ақпараттық технологиялар университетінің ашылуы келер жылдың қыркүйек айына жоспарланған.Жоба «Түркістан» ӘКК» АҚ мен серіктес «BOLD Construction Group» ЖШС арасындағы инвестициялық жобаны іске асыру бойынша бірлескен қызмет туралы шарт негізінде іске асырылады. Ел Президенті Қасым-Жомарт Кемелұлы Тоқаев білім сапасын арттыру үшін әлемдегі озық жоғары оқу орындарының филиалдарын елімізде көптеп ашуды тапсырғаны белгілі. Бұл ең алдымен білікті мамандарды оқытып шығаруға, жоғары технологияларды игеруге жол ашады.Айта кету керек, Woosong University – Оңтүстік Кореяда Теджон қаласында орналасқан және әйгілі WOOSONG білім беру қорына тиесілі университет. 70 жылдық тарихы бар ЖОО-да 12 000-нан астам студент білім алуда, 780 профессор біліктілігін арттыруда. Woosong кәсіби және оқу базасын дамыта отырып, әлемнің 67 еліндегі 430 білім беру мекемесімен ынтымақтасады.Жасанды интеллект, яғни адамның ойлау процесін компьютерлік жүйелермен модельдеу бойынша инновациялық зертханалар жұмыс істейді. Киберқауіпсіздік бойынша да мамандарға сұраныс артқан. Түлектер басқару мен өндіріс саласын бірге меңгереді. Осы бағытта Түркістан өңіріне ыңғайластырып, ауыл шаруашылығындағы ақпараттық жүйелер саласын жетілдіруге күш салынбақ.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894599

Бүгін Қостанайда ауыл әкімдерінің бірінші өңірлік форумы аясында 300-ден астам адам, оның ішінде ауылдық елді мекендердің әкімдері, «AMANAT» партиясының өкілдері, сондай-ақ облыстық департаменттер мен кәсіпорындардың басшылары жиналды. Форумды «AMANAT» партиясы облыстық филиалының төрағасы Алмат Кәкімжанұлы Досмұхамедов ашты.Форум аясында ауылдық аумақтарды дамытуға, ауылдық жерлерде өмір сүру сапасын жақсартуға және сайлау алдындағы уәделерді орындауға қатысты маңызды тақырыптар көтерілді. Қостанай облысының әкімі Құмар Ақсақалов ауылдық аумақтардың орнықты әлеуметтік-экономикалық өсуінің, сондай-ақ ауыл шаруашылығын қолдау мен инфрақұрылымды жақсартудың маңыздылығын атап өтті.«Азаматтарымыздың әл-ауқаты мен олардың өмір сүру сапасы – басым міндеттер. Биыл жол, коммуналдық инфрақұрылымды жақсартуға және әлеуметтік саланы дамытуға қомақты қаржы жұмсалды. Барлық бастамалар жергілікті тұрғындардың мүдделерін ескере отырып іске асырылуы тиіс», - деп атап өтті Құмар Ақсақалов.Сумен жабдықтауды, газдандыру мен абаттандыруды жақсартуға бағытталған жобаларға ерекше назар аударылды. 2024 жылы 15 ауылды орталық сумен жабдықтау жүйесіне қосуды және газбен жабдықтау бойынша ірі жобаларды іске асыруды аяқтау жоспарлануда.Маңызды аспектілердің бірі – ауылдық жерлерде шағын және орта бизнесті дамыту. Облыстың оңтүстік өңірлерінің кәсіпкерлері экономиканың нақты секторын дамыту үшін «Бизнес-Көмек» бағдарламасы бойынша қаржы ала алады.Форум Қостанай облысының даму стратегиясындағы маңызды кезең болды, онда жергілікті атқарушы органдар ауылдық елді мекендердегі өмір сүру жағдайларын жақсарту үшін бизнеспен және жергілікті тұрғындармен бірлесіп жұмыс істеуге дайын екендерін айтты.Ақпарат көзі : https://www.gov.kz/memleket/entities/kostanay/press/news/details/894555

Астана қаласының мектептерінде, колледждерінде және ЖОО-ларында жастар арасында нашақорлық пен есірткі қылмысының алдын алуға бағытталған Esirtkisiz Elorda: deni sau urpaq жобасы аясында сарапшылармен кездесулер өтіп жатыр, деп хабарлайды елорда әкімдігінің ресми сайты.Іс-шаралардың мақсаты – жастардың тәуелділіктің себептері мен салдары туралы хабардарлығын арттыру, заманауи синтетикалық есірткілерді қолданумен байланысты қауіптер туралы ескерту.Жастармен кездесулерде нашақорлықтың пайда болу себептері мен тетіктері, есірткі қылмысының құқықтық және әлеуметтік салдары, қазіргі заманғы синтетикалық есірткінің қауіптілігі, сондай-ақ медиада есірткі заттарын қолдануды романтизациялау талқыланады.Қатысушылармен психолог-аддиктолог Инна Мальцева диалог жүргізеді, ол тәуелділік және алдын алу әдістерімен жұмыс істеу тәжірибесі туралы ой бөліседі. Химиялық және ойынға тәуелділік жөніндегі маман Данат Байсмаков тәуелділікті қалыптастыру механизмдері туралы егжей-тегжейлі айтып береді. Астана қаласы полиция департаменті есірткі қылмысына қарсы іс-қимыл басқармасының аса маңызды істер жөніндегі аға жедел уәкілі Әлия Қибатқызы есірткі қылмысына қарсы күрестің аспектілерін және олардың жастар үшін салдарын ашып айтады.Оқушылар мен студенттер нашақорларды оңалту процесі, алдын алу әдістері және есірткі қылмысына қарсы күресте құқық қорғау органдарының жұмысы туралы сұрақтар қоя отырып, талқылауға белсенді қатысады.Жоба аясында барлығы 10 000-нан астам адамды қамтитын 80-нен астам түрлі кездесу өткізілді.Ақпарат көзі : https://www.gov.kz/memleket/entities/astana/press/news/details/894606

Ауыл мектептерін дамыту мәселесі облыс әкімі Асхат Шахаровтың төрағалығымен өткен аппарат мәжілісінде қаралды.Білім басқармасының басшысы Жайық Сұлтан ауылдық мектептердің әлеуетін жақсартуда қандай шаралар қабылданып жатқанын айтты. Ақтөбе облысындағы 434 мектептің 280-і (немесе 70%) – ауыл мектебі болса, оның 201-і (46%) – шағын жинақты.Жайық Сұлтан ауыл мектептерінің негізгі проблемаларын тоқталып өтті. Олардың ішінде кадр тапшылығы және педагогтердің сапалық құрамының төмендігі, сондай-ақ инфрақұрылымдық проблемалар бар.Аталған мәселелерді шешу үшін жүйелі жұмыс жүргізілген. Соңғы үш жылда 1030 орындық 8 ауылдық мектеп пайдалануға берілді. 10 ауылда 2350 орындық жаңа мектептер салынуда, олардың үшеуі «Жайлы мектеп» ұлттық жобасы аясында бой көтеруде. Білім сапасы да айтарлықтай жақсарған.«Мемлекет басшысының «Шағын қалалар мен ауылдардағы 1000 мектепті жаңғырту» тапсырмасына сәйкес өңірде 226 ауыл мектебі 8,2 млрд. теңгеге жаңғыртылды. Қалғаны 2025 жылдың соңына дейін толықтай қамтылады. 2023-2024 оқу жылында өңірде «Цифрлық технологияларды пайдалана отырып, Ақтөбе облысының шағын жинақты ауыл мектептерінің әлеуетін дамыту» пилоттық жобасы іске асырылды. «Қазақстан халқына» қоғамдық қорының қаржылай қолдауымен пилоттық жобаға кірген шағын жинақты мектептердің материалдық-техникалық базасы нығайтылды. Бұған дейін интернет жылдамдығын арттырудың техникалық мүмкіндігі болмаған 46 мектеп Starlink жүйесіне қосылды. Жергілікті бюджеттен жобаға қатысқан 165 педагогтің қосалқы жұмысын ынталандыруға 54,4 млн. теңге үстеме ақы төленді. 1068 мұғалім мен 204 мектеп директоры біліктілікті арттыру курстарынан өтті. Оқыту семинарлары мен вебинарлар өткізілді, әдістемелік ұсынымдар әзірленді. Нәтижесінде шағын жинақты мектептердегі білім сапасы 4-11%-ға артқан. Онлайн оқытуды интеграциялау арқылы шағын мектептердегі кадр тапшылығы мәселесі шешілді. Ауыл мектептерін дамыту жұмыстары жалғасады», - деді Жайық Сұлтан.«Өңірдің басым міндеттерінің бірі – барлық баланың қай жерде тұратындығына қарамастан, қалада немесе ауылдық жерде сапалы білім алуы үшін жағдай жасау. Біз қалалық және ауылдық мектептер арасындағы білім алшақтығы бар екенін көріп келеміз, мәселені шешу – мақсатымыз. Ол үшін ауыл мектептерінің материалдық-техникалық базасын жоспарлы түрде нығайтып, мұғалімдердің біліктілігін арттырып, заманауи технологияларға қолжеткізуді қамтамасыз етуіміз керек. Ауыл мектептерін дамыту – өңірдің және бүкіл елдің болашағына салынған инвестиция», - деді әкім кеңес барысында.Асхат Шахаров сонымен қатар ауыл мектептерінің мәселелерін шешуге және білім беру сапасын арттыруға бағытталған бірқатар тапсырмалар берді.Ақпарат көзі : https://www.gov.kz/memleket/entities/aktobe/press/news/details/894559

Жастардың кәсіпкерлік бастамаларын қолдау мақсатында облыстың 238 тұрғынына 2,5 пайыздық несие берілген. Шағын несиенің жалпы құны 1055 млн теңге. Несиеге қол жеткізгендердің арасында Бесқарағай ауданының 19 тұрғыны бар.«Шағын несие жылжымалы және жылжымайтын мүлікті кепіл ретінде пайдалану мүмкіндігімен тиімді шарттармен беріледі. Кепіл мүлкі болмаған жағдайда кепіл беруші туыстарын тартуға болады. Сонымен қатар, негізгі қарыз бен пайыздарды өтеу үшін жеңілдік кезеңі қарастырылған. Ол несиенің жалпы мерзімінің үштен бірінен аспауы керек», - дейді Абай облысының Жұмыспен қамту және әлеуметтік бағдарламаларды үйлестіру басқармасының басшысы Айман Нұрлыбек.Сонымен қатар мемлекет тарапынан әлеуметтік осал топтар санатындағы тұрғындарға жан-жақты қолдау көрсетіліп келеді. Биыл облыс бойынша 203 адам қайтарымсыз грантқа қол жеткізді. Оның ішінде Бесқарағай ауданының алты тұрғыны бар.Қазіргі уақытта грант беру процесі электрондық форматқа ауыстырылып, бірыңғай терезе – «Business.enbek.kz» порталы арқылы жүзеге асырылады.Ресми түрде тіркелген жұмыссыздар, жеке кәсіпкерлер 400 АЕК көлеміндегі қайтарымсыз грантты алуға үміткер бола алады. Бірақ тіркеу мерзімі үш жылдан кем болмауы керек.Сондай-ақ, үміткерде мерзімі үш жылдан аспаған «Бастау Бизнес» жобасы бойынша кәсіпкерлік негіздеріне оқыту туралы сертификаты болуы тиіс.Облыс бойынша ағымдағы жылы «Бастау Бизнес» жобасымен кәсіпкерлік негіздеріне оқытудан 1132 адам өтті. Оның 54-і Бесқарағай ауданының тұрғындары.Ақпарат көзі : https://www.gov.kz/memleket/entities/abay/press/news/details/894539

Биылдан бастап және бұдан кейінгі жылдары да әскер мен халықтың Отанды қорғаудағы бірлігі мен дайындығын бейнелейтін «Біртұтас ел – біртұтас жер» идеологемасы бөлімшелердің жауынгерлік жарысын ұйымдастыруда айқындаушы боламақ.Әскери қызметшілермен мемлекеттік-құқықтық дайындық шеңберінде өткізілген сабақтарда жыл қорытындысы шығарылып, жаңа оқу кезеңіне тапсырмалар қойылды. Жеке құрамға Қарулы күштерді дамытудың басымдықтары түсіндірілді.Қазіргі геосаяси жағдайды ескере отырып, күш-жігер жауынгерлік дайындықты жетілдіруге, әскерлердің жоғары жауынгерлік әзірлігін қолдауға, бөлімшелерді, ресурстар мен қаруды басқарудың цифрлық технологияларын енгізуге бағытталатын болады. Барлық құрамаларда, әскери бөлімдер мен бөлімшелерде жауынгерлік дайындық бойынша кешенді тактикалық-саптық сабақтар ұйымдастырылды. Әскери қызметшілерге, экипаждар мен есептоптарға штаттық қаруды, қару-жарақ пен әскери техниканы бекіту рәсімдері салтанатты жағдайда өтті.Әскери қызметтің қауіпсіздігін қамтамасыз ету іс-шаралары жүргізілуде. Практикалық сабақтарда әскери қызметшілер әскери техниканы жүргізу және оған қызмет көрсету ережелерін, қару-жарақ, оқ-дәрілер, электр жабдықтары, улы және техникалық сұйықтықтармен жұмыс істеу талаптарын, шұғыл медициналық көмек көрсету тәртібін зерделейді.Айта кету керек, әскерлердің жауынгерлік дайындық бағдарламасы қазіргі заманғы қарулы қақтығыстардың тәжірибесін және бұған дейінгі қол жеткізілген жауынгерлік оқу нәтижелерін ескере отырып жасалған.Ақпарат көзі : https://www.gov.kz/memleket/entities/mod/press/news/details/894550

Қорғаныс министрлігі әскерге шақыру және мерзімді әскери қызметшілерді запасқа шығару мәселелеріне қатысты бірқатар нормативтік құқықтық актілердің жобаларын әзірледі.ҚР Президентінің «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2025 жылғы наурыз – маусым және қыркүйек – желтоқсанда кезекті мерзімді әскери қызметке шақыру туралы» Жарлығы; «Қазақстан Республикасы Президентінің белгіленген әскери қызмет мерзімін өткерген мерзімді қызметтегі әскери қызметшілерді запасқа шығару және Қазақстан Республикасының азаматтарын 2025 жылғы наурыз – маусым және қыркүйек – желтоқсанда кезекті мерзімді әскери қызметке шақыру туралы» және «Әскери қызметтің белгіленген мерзімін өткерген мерзімді әскери қызмет және Қазақстан Республикасының азаматтарын 2025 жылғы наурыз – маусым және қыркүйек – желтоқсан айларында мерзімді әскери қызметке кезекті шақыру туралы» Қазақстан Республикасы Президентінің әскери қызметшілерді запасқа шығару туралы» Жарлығын іске асыру туралы» Үкімет қаулысының жобасы» қаралуға жатады.Президенттің Жарлығы «Қазақстан Республикасының қорғанысы және Қарулы Күштері туралы» 2005 жылғы 7 қаңтардағы ҚР Заңының 5-бабы 2-тармағының 11) тармақшасына және «Әскери қызмет және әскери қызметшілердің мәртебесі туралы» 2012 жылғы 16 ақпандағы ҚР Заңының 31-бабына сәйкес әзірленді. Нормативтік құқықтық актілер Қарулы Күштердің, Ішкі істер, Төтенше жағдайлар министрліктерінің, Ұлттық қауіпсіздік комитетінің және Қазақстан Республикасы Мемлекеттік күзет қызметінің жеке құрамын жасақтауды қамтамасыз ету мақсатында қабылданады. Жобада жергілікті атқарушы органдардың және уәкілетті мемлекеттік органдардың әскерге шақыруды және мерзімді әскери қызмет әскери қызметшілерін запасқа шығаруды ұйымдастыру жөніндегі шараларды жүзеге асыруы көзделеді. Президент Жарлығы мен Үкімет қаулыларының жобаларының толық мәтіндерімен «Электрондық үкімет» порталында осы жылдың 13 желтоқсанына дейін «Ашық НҚА» бөлімінде мына https://legalacts.egov.kz/npa/view?id=15319525; https://legalacts.egov.kz/npa/view?id=15319534; https://legalacts.egov.kz/npa/view?id=15319544 сілтемелер бойынша танысуға болады. Ақпарат көзі : https://www.gov.kz/memleket/entities/mod/press/news/details/894586