«Саламатты Қазақстан» медициналық пойызының мамандары шалғайдағы ауылдар мен станциялардың 60 мыңға жуық тұрғынын, оның ішінде 14 мыңнан астам бала қарап-тексерілді.Ауруханалар мен дәрігерлер жоқ ауылдық аумақтардың тұрғындары бейінді мамандардың консультацияларын, аспаптық және зертханалық зерттеулерді қоса алғанда, 165 мыңнан астам білікті медициналық қызметтерді ала алды.Осылайша, «дөңгелектердегі емханалардың» медициналық көмек құрылымында 9 мыңға жуық стоматологиялық қызмет көрсетілді, 18 мыңнан астам зертханалық талдау өңделді, 8841 УДЗ және 6787 ЭКГ сеанстары өткізілді, 4788 шағын хирургиялық операция жасалды.Қарап-тексерулердің нәтижесінде түрлі аурулары бар 3007 пациент анықталды, оның 561-і ҚЖА-дан зардап шегеді, 76 адамда қант диабеті, глаукоманың 112 жағдайы анықталды, басқа аурулармен 1864 ауыл тұрғыны емдеуге алынды. Оның ішінде тіркелген жері бойынша емханаларда 2973 пациент, оның ішінде 449 бала динамикалық бақылауға алынды.2024 жылдың 9 айында медициналық пойызбен Қазақстанның он екі облысының: Маңғыстау, Атырау, Ақтөбе, Батыс Қазақстан, Қостанай, Солтүстік Қазақстан және Ақмола, Павлодар, Шығыс Қазақстан және Абай, Қарағанды және Ұлытау облыстарының 91 станциясы қамтылды.Пойызда медициналық көмекті терапевт, педиатр, кардиолог, рентгенолог, хирург/ травматолог, оториноларинголог, невропатолог, стоматолог, акушер-гинеколог, уролог, офтальмолог, ультрадыбыстық диагностика дәрігері, сондай-ақ психолог сияқты 14 арнайы маман көрсетеді. Өткен жылмен салыстырғанда пойыз рентген аппаратымен, маммографпен, ЭЭГ, сигмоидоскоппен, калькоскоппен жабдықталған.Медициналық қызмет көрсету барысында бірқатар ерекше жағдайлар анықталды, олар уақтылы диагноз қойылып, емдеудің одан әрі тәсілі бойынша шұғыл шаралар қабылданды.Мысалы, электрокардиографиялық зерттеу жүргізу кезінде пациенттерде миокард инфарктісі көрінісінің болу жағдайлары анықталды, оларды жедел медициналық жәрдем бригадасы шұғыл түрде стационарға жатқызды.Медициналық пойыздарда егде жастағы адамдарға, балаларға, сондай-ақ шұғыл немесе тұрақты медициналық көмекке мұқтаж адамдарға ерекше назар аударылады.Жасалған меморандумның шеңберінде Денсаулық сақтау министрлігі мен «Самұрық-Қазына» АҚ-ның арасында шалғай аудандардың тұрғындарына медициналық көмектің қолжетімділігін арттыру үшін жыл сайын «Саламатты Қазақстан» медициналық пойызы» әлеуметтік жобасы іске асырылуда.Ақпарат көзі : https://www.gov.kz/memleket/entities/dsm/press/news/details/894533

Бүгін қала әкімі Ғабит Сыздықбековтің төрағалығымен өткен аппараттық мәжілісте дәрілік заттар мен медициналық бұйымдардың айналысы, индустриалдық аймақтардың экологиялық ақуалын бақылауда атқарылған шаралар мен мемлекеттік тіркеуден өтпеген, теңгерімге берілмеген нысандарға қатысты талдарулар жасалды. Медициналық және фармацевтикалық бақылау комитетінің Шымкент қаласы бойынша департамент басшысының м.а.П.Бердалиев тақырып аясында баяндама жасап, осы бағытағы өзекті мәселелерді баяндады. Бұл ретте қала әкімі мүдделі тараптарға дәрілік заттардың босатылуындағы келеңсіздіктерді жоюда тиісті шараларды күшейтуді тапсырды. Қаржы басқармасының басшысы Р.Бақтыбаев мемлекеттік тіркеуден өтпеген, теңгерімге берілмеген нысандарға қатысты жүргілізіліп жатқан жұмыстармен таныстырды. Айта кетейік, 2018-2024 жылдары аралығында 479 нысанның құрылысы аяқталған, оның ішінде 334 нысанның құжаттары ресімделіп мемлекеттік тіркеуден өткен, тиісті мекеменің теңгеріміне берілген. Ғ.Әбдімәжитұлы сала басшыларына мәселелерді заң шеңберінде қарастырып, бұл ретте әкімшілік кедергілерді жоюды тапсырды. Сондай-ақ мәжіліс барысында өндіріс орындарының экологиялық проблемалары да жан-жақты талқыланды. Қала басшысы жауаптыларға халықтың қауіпсіздігін қамтамасыз ету мақсатында қоршаған ортаға кері әсер ететін жағдайларға жол беретін кәсіпкерлерге қатысты қатаң шаралар қабылдап, сыбайлас жемқорлық тәуекелдерін жоюды тапсырды. Өндірістік қалдықтарды қабылдайтын полигон салу бойынша тиімді ұсыныстар жасау тапсырылды. Қала басшысы Ғ.Сыздықбеков қысқа дайындық жұмыстарын пысықтап, аудан әкімдеріне арнайы техникалардың дайындығын қамтамассыз етуді ескертті. Шымкент қаласы әкімінің баспасөз қызметіАқпарат көзі : https://www.gov.kz/memleket/entities/shymkent/press/news/details/894326

Түркістан облыс мен Корея Республикасының арасындағы іскерлік және инвестициялық ынтымақтастықты кеңейту аясында бизнес-форум өтті. «Korea International Trade Association» қауымдастығының қатысуымен өткен шараға Түркістан облысы әкімінің орынбасары Нұралхан Көшеров бастаған өңір делегациясы және кореялық 50-ден астам кәсіпкер мен іскерлік және дипломатиялық орта өкілдері, оның ішінде KITA басқарма төрағасы мырза Юн Джин Сик, Қазақстан Республикасының Корея Республикасындағы Елшісі Нұрғали Арыстанов және Қазақстан мен Кореяның түрлі экономика салаларының делегациялары қатысты.Форумның мақсаты – екі ел арасындағы ауыл шаруашылығы, энергетика, инновациялар мен технологиялар сияқты экономика салаларындағы ынтымақтастықтың перспективалық бағыттарын талқылау және қазақстандық және корей компаниялары арасында жаңа іскерлік байланыстар орнату.Кездесуде Нұралхан Көшеров екіжақты экономикалық байланыстарды нығайтудың маңыздылығына тоқталып, Түркістан облысының инвестициялар мен бизнестің негізгі аймағы ретінде зор әлеуетін ие екенін атап өтті. Өңірде инвесторлар мен кәсіпкерлерге ұсынылатын қолайлы жағдайлар туралы мәлімет беріп, ауыл шаруашылығы, туризм және өнеркәсіп салаларындағы қолданыстағы жобалар туралы кеңінен баяндады.«Біз ауыл шаруашылығы, цифрландыру, өңдеу өнеркәсібі және туризм сияқты салаларда Корея елімен ынтымақтастықты тереңдетуге үлкен мүмкіндіктер көріп отырмыз. Біз инвесторларға ашықпыз және өңір экономикасын дамытуға, екіжақты байланыстарды нығайтуға септігін тигізетін бірлескен жобаларды жүзеге асыруға дайынбыз», – деді облыс әкімінің орынбасары.Форум аясында G2B және B2B кездесулері де өтіп, нақты жобалар мен ынтымақтастық мүмкіндіктері талқыланды.Шара Түркістан облысы мен Корея Республикасының экономикалық және сауда байланыстарын нығайтуда маңызды қадам болды. Өзара пайдалы ынтымақтастық үшін жаңа мүмкіндіктер ашты.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894356

Түркістан облысында білім саласын дамыту, білім мекемелерінің инфрақұрылымын жақсарту, мектеп тапшылығын жою бағытында жұмыстар жалғасуда. Облыс әкімі аппаратының апталық мәжілісінде осы саладағы жұмыстар баяндалып, кемшіліктер де айтылды. Түркістан облысының әкімі Дархан Сатыбалды сала басшыларына нақты тапсырмалар берді.– Білім саласындағы өзекті мәселелерді шешуді тапсырған болатынмын. Мектептердің оқу кабинеттерін жабдықтау, құрылысын уақтылы жүргізу, сыбайлас жемқорлық тәуекелдерінің алдын алу бағытында жүйелі жұмыс жалғасуы тиіс. Білім мекемелеріне цифрлық жүйелерді енгізу бойынша нақты ұсыныс беріліп, тиісті жұмыс атқарылсын. Бөлінген қаржыны дұрыс игеріп, тиісті жұмысты уақтылы атқару керек. Біз бұл саладағы жұмыстарды қатаң бақылауда ұстаймыз, – деген Дархан Сатыбалды жауапты басшыларға жүктелген міндеттерді сапалы орындауды жүктеді.Түркістан облыстық білім басқармасы басшысының орынбасары Айгүл Қасымбекованың мәлімдеуінше, биыл облыстағы 107 білім беру мекемесінің жылу жүйесі табиғи газға ауысты. Оған білім саласынан үнемделген бюджет қаржысы есебінен 2,2 млрд. теңге (79 мектепке – 1,85 млрд. теңге, 28 балабақшаға – 350 млн. теңге) қаржы қаралған. Қазіргі таңда 107 мекемдегі жұмыс толық аяқталып, мекемелер табиғи газға қосылды. Нәтижесінде табиғи газға қосылған білім нысандарының саны 800-ге жетті. Бұл жұмыстар көмірге деген сұранысты 79 мың тоннаға дейін төмендетіп отыр. Ал 2025 жылы тағы 100 білім беру мекемесінің жылыту жүйесін қатты отыннан (көмір) табиғи газға ауыстыру жоспарлануда. Оған болжаммен 2 млрд. теңге қаржы қажет. Бұл жұмыстарды білім саласынан үнемделген бюджет қаржысы есебінен шешу жоспарланып отыр.Облыста балалардың бос уақыттарын тиімді ұйымдастыру мақсатында іс-шаралар бекітіліп, тиісті жұмыс жалғасуда. Нәтижесінде ерте жүктілік, жасөспірімдер арасындағы суицид пен қылмыс дерегінің төмендегені байқалған.Балалар үшін 30 жазғы сауықтыру лагері (9 мемлекеттік, 21 жекеменшік) қызмет көрсетті. Жазғы сауықтыру жұмыстарын жүйелеу, лагерлерді орталықтандыру арқылы мемлекеттік лагерлерде жаз маусымында қосымша 9 мыңнан аса баланы қабылдау көзделуде.Жыл басында мемлекеттік тапсырыс орналастырылған 1432 мектепке дейінгі білім беру ұйымдарында мониторинг жүргізілді. Жалпы облыстағы балабақшаларда 155 992 бала тәрбиеленуде. Мониторинг нәтижесінде мектепке дейінгі ұйымдар есебіне алынған кейбір балалардың балабақшаларға мүлдем келмейтіні және оған білім бөлімдері арқылы төлем жүргізілгені анықталды. Анықталған кемшіліктер бойынша облыстық білім басқармасы жанынан құрылған комиссия мақсатсыз 7422 мемлекеттік тапсырысты қысқарту туралы шешім қабылдаған.Мәжілісте мектептерді жаңғырту жобасына енгізілген білім ұяларын жөндеу, асханаларын реттеу, оқу кабинеттерін жабдықтау және өзге де мәселелер айтылып, тиісті тапсырмалар берілді.Түркістан облысы әкімінің баспасөз қызметіАқпарат көзі : https://www.gov.kz/memleket/entities/ontustik/press/news/details/894358

Бүгін, 2 желтоқсан күні Ш. Есенов атындағы Каспий технологиялар және инжиниринг университетінде «Yessenov Technopark» кешенінің ашылу салтанаты өтті. Шараға Маңғыстау облысының әкімі Нұрдәулет Қилыбай, ҚР Ғылым және жоғары білім министрі Саясат Нұрбек, ҚР Парламент Мәжілісінің депутаты Еділ Жаңбыршин сондай-ақ еліміздің жоғары оқу орындарының ректорлары, ірі кәсіпорын басшылары, депутаттар мен қоғам өкілдері қатысты.Жаңадан ашылған сан салалы технопарк кәсіпкерлерге, университет пен колледж студенттеріне және мектеп оқушыларына арналған. Мұнда олар өз идеяларын жүзеге асырып, стартап жобаларымен жұмыс істей алады. Сонымен қатар, токарь, дәнекерлеуші сияқты жұмысшы мамандықтарды меңгеру мүмкіндігі бар.2000 шаршы метр аумақта орналасқан екі қабатты ғимарат заманауи жабдықтармен қамтамасыз етілген. Бірінші қабатта робототехника, цифрлық өндіріс, металл және ағаш өңдеу шеберханалары жұмыс істейді. Екінші қабатта жасанды интеллект, ойын әзірлеу, блокчейн, криптовалюта, мобильді қосымшалар жасау және киберқауіпсіздік бойынша білім беріледі.Технопарктың ашылуынан кейін Маңғыстау облысы әкімі жанындағы ғылыми кеңес өтті. Жиында білім беру, логистика, суды тұщыландыру, Каспий теңізінің экологиясы, теңіз саласы, сутегі энергетикасы және басқа да өзекті мәселелер талқыланды.Отырыста ҚР Ғылым және жоғары білім министрі Саясат Нұрбек Мемлекет басшысының ғылыми зерттеулерді өндіріске енгізу қажеттігін және ғылыми қоғамдастық пен бизнес арасындағы байланысты нығайтуды тапсырғанын атап өтіп, Маңғыстау облысы бұл міндеттерді жүзеге асыру арқылы жаңа технологияларды дамыту орталығына айналуға әлеуеті зор екенін жеткізді.Облыс әкімі Нұрдәулет Қилыбайдың айтуынша, Мемлекет басшысының тапсырмасын жүзеге асыру аясында ашылған технопарк жастардың инновациялық идеяларын дамытуға және өңірдің тұрақты дамуына үлес қосады.- Мемлекет басшысы ғылыми зерттеулерді коммерцияландыру және оларды өндіріске енгізудің маңыздылығын ерекше атап өтуде. Бүгінгі ашылған технопарк өңір жастары мен кәсіпкерлері үшін ғылым мен экономиканы байланыстыратын алаң болмақ. Маңғыстау облысының тұрақты дамуы үшін өзгерістерге тез бейімделіп, тың мүмкіндіктерді пайдалану қажет. Мемлекет ғалымдарға үлкен үміт артып отыр. Сондықтан ғылыми зерттеулерді облыс экономикасының өзекті мәселелерін шешуге бағыттауымыз қажет. Біз әрдайым аймақ экономикасының дамуына септігін тигізетін барлық бастамаларды қолдауға дайынбыз, - деді Нұрдәулет Қилыбай.Айта кетейік, 29 қараша мен 2 желтоқсан аралығында «Yessenov Forum: Тұрақтылық Мағыналар» форумы өтуде. Форум аясында ғылыми хакатон ұйымдастырылып, облыс үшін маңызды үш нысан пайдалануға берілді. Оның бірі - Yessenov Technopark болса, екінші нысан – «Жастар саябағы». Бұл саябақ жастардың таза ауада демалуына және музыкалық іс-шаралар мен ойын-сауық бағдарламаларын өткізуге арналған. Мұнда амфитеатр, субұрқақ және 50 орындық кафе жұмыс істейді. Саябақ аумағына 3000 ағаш отырғызылған. Саябақ барлық қала тұрғындары үшін ашық.Yessenov университетінің аумағында пайдалануға берілген үшінші нысан – 1500 орындық футбол стадионы. Бұл спорттық нысан 7000 шаршы метр аумақты қамтиды. Мұнда футбол және жеңіл атлетика бойынша облыстық деңгейдегі жарыстарды өткізуге болады. Стадионның ашылу салтанатында Yessenov University мен Atyrau University командалары арасында жолдастық футбол ойыны өтеді.Маңғыстау облысы әкімінің баспасөз қызметіАқпарат көзі : https://www.gov.kz/memleket/entities/mangystau/press/news/details/894337

Қарағанды облыстық бейнелеу өнері мұражайында 3 желтоқсан күні сағат 16:00-де суретші Виктор Аренттің жеке көрмесі ашылады. "Палитра нені жасырады" экспозициясында шебердің 120-дан астам жұмысы ұсынылады.Жобаның басты мақсаты – суретші шығармашылығының жасырын жағын көрсету. Әр кенеп бір қарағанда бояғыштағы кездейсоқ түс комбинациялары толыққанды өнер туындысына айналуынан басталады."Осы кішкентай туындыларды қарап отырып, көрермен бояу түске, ал түс эмоцияға айналған кезде түстерді араластыру рәсіміне қатысады. Түс терапиясының көмегімен жағымды көңіл-күйдің жақсы энергиясын шығаратын реңктермен жарқыраған әдемі өнер әлеміне енуге шақырамыз", – дейді ұйымдастырушылар.Көрме 11 желтоқсанға дейін жалғасады.Мұражайдың мекен-жайы: Бұқар жырау даңғылы, 76.Ақпарат көзі : https://www.gov.kz/memleket/entities/karaganda/press/news/details/893884

"Жолаушылар тасымалы" АҚ Қазақстанның Тәуелсіздік күніне және жаңа жылға қосымша пойыздарды іске қосады.Қосымша рейстер келесі бағыттар бойынша жүреді:№ 201/202 Астана – Алматы пойызы:- Астанадан осы жылғы 13, 16, 19, 22, 25, 28 желтоқсанында, сондай-ақ 2025 жылдың 1 және 4 қаңтарында;- Алматыдан 2024 жылдың 14, 17, 20, 23, 26, 29 желтоқсанында, сондай-ақ 2025 жылдың 2 және 5 қаңтарында.№ 203/204 Астана – Шымкент пойызы:- Астанадан 2024 жылғы 13, 17, 20, 23, 26, 29 желтоқсан, сондай-ақ 2025 жылғы 1 және 4 қаңтар;- Шымкенттен 2024 жылғы 14, 18, 21, 24, 27, 30 желтоқсан және 2025 жылғы 2, 5 қаңтар.№ 205/206 Ақтөбе – Астана пойызы:- Ақтөбеден ағымдағы жылғы 13, 16, 19, 22, 25, 28 желтоқсан, сондай-ақ 2025 жылғы 1 және 4 қаңтар;- Астанадан 2024 жылғы 14, 18, 21, 24, 27, 30 желтоқсан және 2025 жылғы 3, 6 қаңтарда аттанады.2024 жылғы 13 желтоқсаннан бастап электр пойыздарының қосымша рейстері іске қосылады:- № 7553/6811-6812/7556 Қарағанды – Астана – Бурабай шипажайы жұма, сенбі және жексенбі күндері қатынайды;- № 7509/6805 – 6806/7510 Павлодар – Астана – Бурабай шипажайы – жұма және жексенбі күндері.Анықтамалық ақпаратты 1433 нөмірі бойынша, сондай-ақ "Жолаушылар тасымалы" АҚ Instagram – @jolaushylar_tasymaly арқылы тегін алуға болады."Қазақстан темір жолы" ҰК" АҚ баспасөз қызметі Ақпарат көзі : https://www.gov.kz/memleket/entities/karaganda/press/news/details/893922

Қарағандыда білім басқармасының жанынан ашылған психологиялық қолдау орталығы жұмыс істейді. Мұнда мамандар балалар мен олардың ата-аналарына тегін көмек көрсетеді.Орталық төртінші жыл жұмыс істеп келе жатқан әлеуметтік-психологиялық сүйемелдеу зертханасының негізінде құрылды. Бастапқыда мамандар педагогтар мен психологтардың кәсіби құзыреттілігін арттыру үшін аудандар мен білім беру ұйымдарына барды, сондай-ақ бала және ата-ана құқықтары жөніндегі уәкіл білім басқармасының сұрауы бойынша қолдау көрсетті.Психологиялық қолдау орталығында көмек ең алдымен балалар мен ата-аналарға бағытталған, олардың эмоционалды және психологиялық мәселелерін шешуге көмектеседі.– Біз білім беру процесінің барлық қатысушыларына қызмет көрсетеміз. Басты міндет – психологиялық сүйемелдеу жүйесін талдау және білім беру ұйымдарында психологиялық көмек көрсету сапасын арттыру. Біз психологтармен, әлеуметтік педагогтармен, тәрбие жұмысы жөніндегі директорлардың орынбасарларымен, сынып жетекшілерімен тікелей жұмыс істейміз. Енді балаларға, ата-аналарға және педагогтарға арналған арнайы кеңес беру кабинеттері ашылды. Егер бала немесе ата-ана әртүрлі себептермен өз мектебінде психологпен байланысқысы келмесе немесе мүмкін болмаса, бізге тікелей келуге болады, –дейді психологиялық қолдау орталығының жетекшісі Татьяна Любчанская.Орталықтың ашылуы штатты кеңейтуге мүмкіндік берді, қазір онда бай тәжірибесі мол 11 маман жұмыс істейді. Консультациялар қазақ және орыс тілдерінде жүргізіледі. Сонымен қатар, тәжірибе алмасу және өзекті мәселелерді шешу үшін кеңістік құруға көмектесетін диалог алаңдары мен форум-театрлары үнемі өткізіліп тұрады.– Бізде 2 жастан 6 жасқа дейінгі балаларға арналған кабинет бар. Баланың дамуы туралы кеңес алғысы келетін немесе білгісі келетін ата-аналар хабарласа алады. Біз ПМПК функцияларын орындамаймыз, бірақ диагностикалық көмек пен қолдау көрсетуге дайынбыз, – деп атап өтті Татьяна Любчанская.Орталық сенбі мен жексенбіден басқа күндері сағат 08:30-дан 18:30-ға дейін жұмыс істейді. Қажет болған жағдайда (шұғыл жағдайларда) психологтар сенбі күндері кеңес бере алады.Келесі телефон нөмірі арқылы жазылу қажет: (8-7212) 60-44-25.Орталықтың мекенжайы: Әлиханов көшесі, 19, 2-қабат.Instagram: @cppkobb. Ақпарат көзі : https://www.gov.kz/memleket/entities/karaganda/press/news/details/894135

Қарағанды мен Теміртауда ортақ газға 7621 үй қосылды. Бұл абоненттердің шамамен 60%-ы. Аймақты газдандыру жалғасуда. Облыс орталығында келесі жылы "Күнгей" және "Таугүл" шағын аудандарын газдандыру жұмыстары басталады.Аппараттық кеңесте газ саласының дамуы туралы айтылды.– Қарағанды бойынша 4, 5, 6 іске қосу кешені бойынша құрылыс-монтаж жұмыстары жүргізілуде. Теміртау бойынша ІІ кезектің 1 және 2 іске қосу кешендері және І кезектің 4 іске қосу кешендері бойынша жұмыстар жүргізілуде. Шахтинск қаласында АГТЖ және жоғары қысымды газ құбырының құрылысы аяқталды, Северо-Западный кентінде төмен қысымды газ құбыры мен шығу тораптары салынуда, – деді Энергетика және тұрғын үй-коммуналдық шаруашылық басқармасы басшысының м. а. Ұлан Ермеков.Оның айтуынша, Ақтау және Мұстафин кенттерін, сондай-ақ Шет ауданын газдандыру бойынша мемлекеттік сараптаманың оң қорытындысын алған жобалар бар. Құрылысты 2025 жылы бастау жоспарлануда.Қарағанды әкімі Мейрам Кожухов келесі жылы орталық газ қайда тартылатынын хабарлады. Бұл жаңа қаладағы жеке сектордың бірқатар көшелері, атап айтқанда: Космонавт, Пищевая, Гончарная, Кондитерская, Кирпичная, Балқаш, Четская, Рахымов және т. б. Сонымен қатар ескі әуежай ауданында: Шектібаев, Ғабдулла Құлқыбаев, Хайрулла Қабжанов көшелерін газдандыратын болады.– Бұл ұзақ уақыт бойы пешпен жылытуды қолданатын көшелер. Бұл бізге қала орталығында экологиялық жағдайды жақсартуға мүмкіндік береді. 2025 жылдың бірінші жартыжылдығында аяқтауды жоспарлап отырмыз, – деді Мейрам Кожухов.Сонымен қатар, Кирзавод пен Федоровка аудандарын газдандыру жалғасады."Күнгей" және "Таугүл" шағын аудандарында 133 км газбен жабдықтау желілері салынатын болады. Бұл шамамен 3300 абонентті табиғи газбен қамтамасыз етуге мүмкіндік береді.Теміртауда тағы бір нысан жыл соңына дейін тапсырылуы тиіс, деп хабарлады қала әкімі Ғалым Әшімов. Бұл табиғи газды ескі қала мен оң жағалаудағы 1727 үйге жеткізуге мүмкіндік береді. Келесі жылы АБВ кварталының мыңға жуық үйі мен "Горка Дружбы" шағын ауданын көгілдір отынмен қамтамасыз ету үшін газ құбырының құрылысы жалғасады.Облыс әкімі Ермағанбет Бөлекпаев өңірді одан әрі газдандыру және тұрғындарды көгілдір отынға қосу қарқынын арттыру жөнінде тапсырма берді.– Тұрғындарға тұрмыста табиғи газды қауіпсіз пайдалану ережелерін түсіндіру қажет. Газ тарату желілерін салу бойынша жобалардың сапалы іске асырылуын және уақтылы орындалуын бақылауда ұстау керек, – деп атап өтті өңір басшысы.Ақпарат көзі : https://www.gov.kz/memleket/entities/karaganda/press/news/details/894169

Қарағанды облысының Шахтинск қаласында NEET-жастарды жұмысқа орналастыру жалғасуда. Қысқа мерзімді кәсіптік курстар, кәсіпкерлік негіздеріне оқыту, субсидияланатын жұмыс орындары ұсынылады, бос орындар жәрмеңкелері және тағы басқалар өткізіледі.Өз ісін ашуға мүдделі адамдар үшін Қарағанды облысы әкімінің және Шахтинск әкімінің гранттары көзделген. Осының арқасында қалада бірнеше жаңа кәсіпорындар, соның ішінде логопедиялық орталық, шаштараз, сүт өнімдерін өндіру іске қосылды.Мемлекеттік қолдауды сәтті пайдаланудың бір мысалы - Шахтинск тұрғыны Мария Шувурталованың босануға дайындық кабинетін ашуы. Эпидемиолог дәрігер ретінде ол доул курсын оқыған. Сондай-ақ, "Бастау бизнес" бағдарламасы бойынша кәсіпкерлік негіздеріне оқытудан өтті. Бизнес-жоспар құрған.– Өткен жылдың қараша айында мен миллион теңгеге грант алып, жобаны іске асыруға бірден кірісіп кеттім. Мен жұмыс үшін қажет нәрсенің бәріне тапсырыс бердім және бірнеше айдан кейін кабинет аштым. Ақша барлығына жеткілікті болды. Тіпті өзім күткеннен де көп зат сатып алдым. Басында қиын болды, бірақ мен бас тартқан жоқпын. Қазір менің жобам сұранысқа ие болғанына қуаныштымын, менің білімім босану кезінде әйелдерге көмектесіп, олардан алғыс аламын, – дейді Мария Шувурталова.Шахтинск жастар ресурстық орталығы жұмыспен қамту мәселесін шешуге кешенді қадамды қамтамасыз ете отырып, мансап орталығымен тығыз жұмыс істейді.– 1-ші қарашаға дейінгі жағдайда облыс бойынша Жастар ресурстық орталығына 13 215 жас азаматтар жүгінген, оның ішінде 673 Шахтинск тұрғыны. 11 950 адам жұмысқа орналастырылды. Олардың әрқайсысы бойынша тегін заңгерлік және психологиялық консультацияларды қоса алғанда, жеке жұмыс жүргізіледі, – дейді Шахтинск Жастар ресурстық орталығы басшысының м.а. Алексей Варзаев. – Биыл біз жұмыссыз жастар санының айтарлықтай төмендегенін байқап отырмыз. Бұл аулаларды аралау, қоңырау шалу, қол жетімді бағдарламаларды түсіндіру нәтижесі. Сонымен қатар, мемлекеттік органдардың үйлесімді жұмысының арқасында оң динамика бар. Біз еш жерде оқымайтын және жұмыс істемейтін жастарды мансап орталығына жібереміз. Мұнда олар жұмысқа орналасумен тікелей айналысады.Шахтинск Мансап орталығының директоры Рүстем Манаповтың айтуынша, бос жұмыс орындары жеткілікті, бастысы – жұмыс істеуге деген ұмтылыс. Қалада "Бірінші жұмыс орны", "Жастар практикасы", "Ұрпақтар келісімшарты" жобалары табысты іске асырылуда. Осы бастамалардың арқасында көптеген жұмыссыздар, соның ішінде ЖЭО және "Шахтинскводоканал" сияқты кәсіпорындарда жұмыс тапты.Кәсіптік бағдар беру жұмысы үшін балалар үйінде де кездесулер жүргізіледі. Колледж студенттерімен кездесулер өтеді, онда олар жұмысқа орналасу мүмкіндіктері туралы уақтылы ақпарат алады.NEET-жастармен әлеуметтендіру мен жұмысқа орналасуға бағытталған "Мүмкіндіктер марафоны" жобасы бойынша атаулы жұмыс одан әрі жалғасады.Ақпарат көзі : https://www.gov.kz/memleket/entities/karaganda/press/news/details/894191

Қарағанды облысында 222 ауылдық мектепте 34 мыңнан астам бала оқиды. Желтоқсан айында Бұқар Жырау ауданының Новостройка ауылында апатты жағдайдағы мектептің орнына салынып жатқан жаңа білім ордасы тапсырылуы тиіс. "Ауыл – ел бесігі" жобасы бойынша үш мектепке: Гагаринск ауылына, Ағадыр және Шұбаркөл кенттеріне қосымша ғимараттар салу аяқталуда. Шет және Бұқар Жырау аудандарында ауыл тұрғындары үшін бес жайлы мектеп салынуда.Ауылдық мектептердің дамуы туралы аппараттық кеңесте білім басқармасының басшысы Гүлбақыт Жүнісова баяндады.– Бүгінгі таңда 111 ауылдық мектеп жаңғыртылды, оның ішінде күрделі және ағымдағы жөндеу жұмыстары жүргізілуде. Барлық ауылдық мектептер интернетке қосылған, 106-да Starlink спутниктік технологиясы арқылы қосылу жылдамдығы артқан. Қазіргі заманғы жабдықтарға назар аударылады: биыл біз жаңа модификациядағы 48 кабинет сатып аламыз, келесі жылға тағы 42 кабинет жабдықтаймыз, – деді спикер.Үш жылдық қайта қалыпқа келтіру жоспарына 34 ауылдық мектеп енгізілді. Олардың тоғызында жөндеу жұмыстары 2025 жылы басталады.Гүлбақыт Жүнісова тірек мектептердің тиімділігін атап өтті. Облыс бойынша қазір 130 магниттік мектепті біріктіретін 32 мектеп бар. "Қазақстан халқына" қорымен бірлесіп іске асырылатын тірек мектептерді дамыту жөніндегі жоба жалғастырылатын болады.Бұдан басқа, "Елдің нысаналы мектептерін дамыту", "Мың мектеп", "Қала-ауыл" сияқты республикалық жобалар көмектеседі.Оқушылардың аграрлық мамандықтарға деген қызығушылығын арттыру үшін 65 мектепте "Ауыл шаруашылығына қадам" жобасы жүзеге асырылуда.Ал жеке академия бастамашы болған "Репетитор" жобасы бойынша ауыл мектептерінің түлектеріне ҰБТ-ға дайындалуға көмектеседі.Басқарма басшысы ауыл оқушыларының жетістіктері туралы да айтып берді. Биыл жалпы білім беретін пәндер бойынша республикалық олимпиадада 9 медаль жеңіп алынды, оның үшеуі алтын.Кадрларға келетін болсақ, биыл "Дипломмен ауылға" бағдарламасы бойынша жұмысқа 51 жас мұғалім келді.Облыс әкімі Ермағанбет Бөлекпаев ауыл мектептеріне жас мамандарды тартуға көп көңіл бөлуді тапсырды.Ақпарат көзі : https://www.gov.kz/memleket/entities/karaganda/press/news/details/894268

Қарағанды облысының әкімі Ермағанбет Бөлекпаев Қараганды қаласының тұрғындарымен кездесу өткізеді.Халықпен кездесу 2024 жылы 4 желтоқсанда сағат 15.00-де Кеншілер мәдениет сарайында өтеді.Халықтан сұрақтар мен ұсыныстар жинау үшін жұмыс тобы құрылды. Өтініштеріңізді жұмыс күндері сағат 09:00-ден 18:30-ға дейін (түскі үзіліс 13:00-ден 14:30-ға дейін) (8-7212) 42-36-58, 42-57-09 телефоны арқылы және o.tusupbekov@karaganda-region.gov.kz электрондық поштасы арқылы қалдыруға болады.Ақпарат көзі : https://www.gov.kz/memleket/entities/karaganda/press/news/details/894270

Астана қаласындағы №8 мектеп-лицейінің 5-сынып оқушылары «Жасыл клуб» жобасы аясында «Жасыл мектеп» жылыжайында екі жылдан бері баптап, өсіріп жатқан лимон ағаштары жеміс бере бастады, деп хабарлайды елорда әкімдігінің ресми сайты.Екі жылда бір рет жеміс беретін лимонның күтімін өздері жасаған оқушылар оның бүршік жарғанын асыға күткендерін айтады. Мектеп оқушылары бұдан бөлек, жылыжайда қияр, қызанақ, аскөк көкөністері мен құлпынай, жидектер және жалбыз өсіріп келеді.Бос уақыттарын оқушылармен бірге тиімді пайдаланатын жоба жетекшілері де өсімдіктерге күтім жасайды.Айта кетейік, бүгінде Б.Өтемұратов қорының қолдауымен Астана қаласы бойынша №8, 20, 37, 42, 43, 49, 58, 61, 67, 68, 69, 80, 83, 88, 78, 90, 87, 82, 79 мектептері мен Сервис және туризм колледжінде жылыжайлар ашылып, оқушылар мен студенттер әртүрлі жемістерді өсіріп, өнім алып жүр.Ақпарат көзі : https://www.gov.kz/memleket/entities/astana/press/news/details/894321

Астана қаласының әкімі Жеңіс Қасымбек инстаграм парақшасында қабылдауында болған азаматтардың қандай мәселемен жүгінгенін жазды, деп хабарлайды елорда әкімдігінің ресми сайты.«Amanat» партиясының елордалық филиалының базасында азаматтарды қабылдадым. Тұрғындар негізінен баспана, әлеуметтік нысандар салу, абаттандыру, медициналық көмек, әлеуметтік көмек және т.б. мәселелер бойынша жүгінеді.Мәселен, тұрғын үй мәселесі бойынша бірнеше бағытта жұмыс жүріп жатыр. Нақтырақ айтқанда, кезекте тұрғандарға арналған әлеуметтік пәтерлердің құрылысы, апатты жағдайдағы әрі тозығы жеткен тұрғын үйлерді бұзу, құрылысы ұзаққа созылған тұрғын үй кешендерін аяқтау, көппәтерлі тұрғын үй кешендерін жөндеу. Биыл апатты тұрғын үйлерден 4 мың 200-ден астам тұрғынды көшіруді, сол сияқты құрылысы ұзаққа созылған кезекті 8 тұрғын үй кешенін аяқтауды жоспарлап отырмыз.Бұған қоса, әлеуметтік нысандар (мектептер, спорт және медициналық нысандар) құрылысының көлемі артты. Сондай-ақ, биыл 170 аула мен қоғамдық кеңістік абаттандырылды.Азаматтарды қабылдауда көтерілген мәселелерді назарда ұстаймыз», - деп жазды Жеңіс Қасымбек.Ақпарат көзі : https://www.gov.kz/memleket/entities/astana/press/news/details/894373

Жаңа Су кодексінің жобасы Президент Қасым-Жомарт Тоқаевтың тапсырмасы бойынша еліміздің су қауіпсіздігін қамтамасыз ету және болашақ ұрпақтың мүддесі үшін бірыңғай мемлекеттік су саясатын іске асырудың құқықтық негіздері мен тетіктерін жетілдіру мақсатында әзірленді. Заңнамалық өзгерістер су ресурстарын басқару тәсілдерін Қазақстанның су әлеуетін сақтауға басымдық беру жағына қарай қайта бағытталды.Су ресурстары және ирригация министрлігі кодекс жобасын әзірлеу барысында Австралия, Германия, Израиль, Канада, Өзбекстан және тағы да басқа мемлекеттердің тәжірибесі мен су ресурстары саласындағы заңнамасын зерттеді.Қолданыстағы су заңнамасының әлсіз жақтарын анықтау үшін өңірлерді аралап, сарапшылармен және ғылыми ұйымдармен бірнеше мәрте кеңес өткізді.Парламент Мәжілісінің депутаттары және тәуелсіз сарапшылардың қатысуымен жаңа Су кодексінің жобасын талқылау бойынша жұмыс тобы 37 отырыс өткізді.2003 ЖЫЛҒЫ ҚОЛДАНЫСТАҒЫ РЕДАКЦИЯДА:- 20 жылда 272 өзгеріс енгізілді- Көптеген нормалар декларативті немесе оларды жүзеге асыру механизмі қарастырылмаған- Кей нормалар бір-біріне логикалық тұрғыда сәйкес келмейді және қарама-қайшылықтар кездеседі- ГТҚ қауіпсіздігі, суару және дренаж, ауыз су және сумен қамтамасыз ету мәселелері шешілмегенСУ КОДЕКСІНІҢ ЖАҢА РЕДАКЦИЯСЫНДА:- Кодекс нормалары жүйеленді- Декларативті, қайталанатын нормалар алынып тасталды- Су кодексінің принциптері мен міндеттері оларды іске асыру тетіктерімен қоса айқындалды- ГТҚ қауіпсіздігі, суару және дренаж, ауыз су және сумен қамтамасыз ету мәселелері жеке бөлімдерге бөліндіЖАҢА СУ КОДЕКСІНІҢ БАСТЫ МАҚСАТЫ:1. Су пайдаланудың қауіпсіз деңгейіне қол жеткізу және оны сақтау2. Экономиканың тұрақты дамуын қамтамасыз ету3. Азаматтардың өмір сүру сапасын жақсарту және қоршаған ортаға ұқыпты қарау.НЕГІЗГІ ПРИНЦИПТЕР:1. Суды қоршаған ортаның ажырамас бөлігі, халықтың тіршілік әрекеті мен экономикалық дамуының негізі ретінде тану2. Мемлекеттің су ресурстарын пайдалану кезінде олардың экономикалық құндылығын тануы3. Жерүсті және жерасты су ресурстарын кешенді пайдалану4. Су үнемдеу5. Су қорын сақтау және пайдалану жөніндегі міндеттерді шешуге қоғам өкілдерін тарту6. Қазақстан Республикасы ратификациялаған халықаралық нормалар мен келісімшарттар негізінде трансшекаралық су ресурстарын пайдалануЖАҢА РЕДАКЦИЯДА:1. Мемлекет басшысының тапсырмасы бойынша елді мекендер мен нысандарды тасқын және еріген қар суынан қоғау және алдын алу іс-шаралары енгізілді2. Алғаш рет шағын көлдерді, өзендер мен тоғандарды, сондай-ақ мұздықтар мен сулы-батпақты аймақтарды қорғау жөнінде нормалар енгізілді3. Климаттың өзгеруіне бейімделуге және су үнемдеу принциптерін енгізуге баса назар аударылады4. Су ресурстарын басқарудағы үйлестіруді жақсарту үшін мемлекеттік және жергілікті атқарушы органдардың, жергілікті уәкілетті органдардың құзыреттерін мұқият реттейді5. Алғаш рет «экологиялық ағын» ұғымы енгізіледі, бұл – су объектілерінің экожүйелерін сақтау үшін судың ең төменгі рұқсат етілген деңгейі, сарқылудан және басқа да жағымсыз салдардан қорғайды6. Елді мекендердегі сумен жабдықтау, су бұру және гидротехникалық құрылыстардың қауіпсіздігіне ерекше назар аударылады7. Тазартылған ағынды суларды қайта пайдалануға басымдық беріледі8. Бассейндік инспекцияларға мемлекеттік бақылау функцияларымен қатар тергеу функциялары да беріледі. Бассейндік инспекция қызметкерлерінің саны 1,5 есе өсіп, жалпы штат саны 242 адамға жетті9. Жаңа Су кодексінің жекелеген ережелері елімізге инвестиция тартуды ынталандыруды көздейді.КҮТІЛЕТІН НӘТИЖЕ:1. Қолданыстағы заңнамада және құқық қолдану практикасындағы олқылықтарды жоя отырып, су ресурстарын қорғау және пайдалану саласындағы қатынастарды реттеудің нормативтік негізін тұжырымдамалық жаңарту;2. Су пайдалану тиімділігін арттыру және өнімсіз шығындарды азайту арқылы су қорын болашақ ұрпаққа сақтау;3. Су ресурстарын мемлекеттік басқару және оларды қорғау мәселелерінде мемлекеттік органдар мен қоғамдық ұйымдардың іс-қимылын үйлестіру;4.Судың халыққа, қоршаған ортаға және ел экономикасына зиянды әсерінің алдын алу;5. Су ресурстарын қорғау және пайдалану саласында ғылымды және кадрлық әлеуетті дамыту;6. Су саласында қолда бар озық технологиялар мен цифрландыру құралдарын әзірлеу мен енгізуді ынталандыру;7. Трансшекаралық су нысандарын бірлесіп пайдалану бағытында мемлекетаралық ынтымақтастықты жетілдіру.Ақпарат көзі : https://www.gov.kz/memleket/entities/water/press/news/details/894345

Щучье-Бурабай курорттық аймағыЩучье-Бурабай курорттық аймағы Қазақстандағы қысқы демалыстың негізгі бағыттарының бірі саналады. Өңір тұмса табиғатымен, таза ауасымен және жоғары деңгейдегі жайлылығымен туристерді бірден баурап алады. 2024 жылғы қаңтар-маусым аралығында өңірде туристік ағынның айтарлықтай артқаны байқалды. Орналастыру орындарының саны 203-ке жетіп, қызмет көрсетілген қонақтар саны 143 629 адамға жетті. Бұл өткен жылдың сәйкес кезеңімен салыстырғанда 10 949 адамға көп. Инфрақұрылымның дамуы мен қызмет көрсету сапасының жақсаруы аймақтың тартымдылығын арттыруда маңызды рөл атқарады.Алматы тау кластеріАлматы тау кластері таулы және қысқы спортты ұнататындарға белсенді демалыстың алуан түрін ұсынады. 2024 жылдың бірінші жартыжылдығында курорт 1,2 миллионнан астам қонақты қабылдап, орналастыру орындарының саны 518-ге жеткен. Алматы тау кластері инфрақұрылым мен қызмет көрсету деңгейін ұдайы жетілдіріп, отандық және шетелдік туристер үшін одан да тартымды етеді.Катонқарағай курорттық аймағыКатонқарағай курорттық аймағының табиғаты — тыныш әрі оңаша демалысты сүйетіндер үшін таптырмас орындардың бірі. 2024 жылдың алғашқы алты айында курорттық аймақ өткен жылдың осы кезеңімен салыстырғанда екі есе көп қонақ қабылдап, ұсынылған қызметтердің көлемі 17,7 миллион теңгеге өскен.Шарын шатқалыШарын шатқалы — қыс мезгілінде ерекше атмосфераға бөленіп, табиғат сұлулығын бағалайтын туристерге шабыт сыйлайтын мекен. Кеңейтілген инфрақұрылым мен жаңа демалыс орындары аймақтың туристік тартымдылығын арттыруда маңызды рөл атқаруда. Шарын шатқалы келушілерге таңғажайып табиғат көріністерімен демалуға ыңғайлы мүмкіндіктер ұсынады.Көкшетау және оның айналасындағы көлдерКөкшетау және айналасындағы көлдер шаңғы әрі сноуборд тебу сияқты тыныш демалыс пен белсенді көңіл көтеруді біріктіретін тамаша орындарды ұсынады. Қазіргі таңда аймақтың туристік инфрақұрылымы қарқынды дамып келеді. Бұл өз кезегінде өңірді отбасы мүшелері үшін қысқы демалыс орны ретінде тартымды етеді.Ақпарат көзі : https://www.gov.kz/memleket/entities/tsm/press/news/details/894370

Көлік министрлігіне қарасты теміржол және су көлігі комитеті Ақтау қаласында дәнді дақылдардың экспортын қамтамасыз ету бойынша көшпелі кеңес өткізді. Кеңеске теміржол және су көлігі комитетінің төрағасы Жәнібек Тайжанов, ҚР Ауыл шаруашылығы министрлігінің, Маңғыстау облысы әкімдігінің, ҚР порттарының теңіз әкімшілігінің, Қазақстан темір жолы, теңіз порттарының, астық терминалдарының өкілдері мен экспорттаушылар, трейдерлер, жүк жөнелтушілер қатысты. Кеңес барысында Ақтау және Құрық теңіз порттары арқылы дәнді дақылдарды үздіксіз тасымалдауды қамтамасыз ету және экспорт әлеуетін арттыру, оның ішінде ветеринариялық және фитосанитариялық сертификаттарды беруді жеңілдету жолдары қаралды. Сондай-ақ, тасымалдаушылардың жедел штаб отырысында айтқан фитосанитариялық қызмет регламентін өзгерту және астықты экспорттауға рұқсат беру мәселелері қозғалды. Кеңес қорытындысы бойынша ветеринариялық және фитосанитариялық сертификаттарды беру рәсімін оңайлату бойынша нақты ұсыныстар әзірленіп, ҚР ауыл шаруашылығы министрлігінің қарауына жолданды. Бұл тұрғыда Көлік министрлігі апта сайын астық дақылдарының экспортын қамтамасыз ету жөніндегі жедел штабтың отырысын өткізеді. Айта кетейік, биылғы 10 айдың қорытындысы бойынша дәнді дақылдар экспортының көлемі шамамен 6 млн тоннаны құрады.Ақпарат көзі : https://www.gov.kz/memleket/entities/transport/press/news/details/894360

Қытайға жұмыс сапары барысында ҚР Ауыл шаруашылығы министрі Айдарбек Сапаров COFCO International компаниясының президенті Бай Юнмен кездесті. Келіссөздерге компанияның вице-президенті Сюй Гуанхан, компания департаменттерінің өкілдері және қазақстандық делегация қатысты.Кездесуде негізгі бағыттар бойынша ынтымақтастық перспективалары талқыланды.«Қазақстандық Өсімдік шаруашылығы өнімдерін ҚХР нарығына жеткізуде үлкен әлеует бар. Қазақстандық астықтың Қытай бағытындағы экспорты біз үшін үлкен қызығушылық тудырады. COFCO астық жеткізу саласындағы Қазақстан үшін негізгі және стратегиялық сауда серіктестерінің бірі болып табылады. Біз ынтымақтастықты күшейтуге және жеткізілім көлемін арттыруға дайынбыз», - деді министр.Аграрлық саладағы ірі әлемдік ойыншылардың бірі COFCO басшылығы астық өнімдерін қоса, қазақстандық мал шаруашылығы өнімдерін, майлы дақылдарды, сондай-ақ күнбағыс пен зығыр майын жеткізуге қызығушылық танытты.Келіссөздер қорытындысы бойынша тараптар Қазақстан мен Қытай арасындағы агроөнеркәсіптік саладағы тұрақты және өзара тиімді өзара іс-қимылды қамтамасыз ететін үш жылдық келісімшарттарға қол қою туралы мәселені талқылауға келісті.COFCO – Қытайдың ауылшаруашылық өнімдерін, соның ішінде дәнді және майлы дақылдарды өңдеумен, экспорттаумен, логистикамен айналысатын ірі мемлекеттік корпорациясы. Компания қытай нарығындағы өсіп келе жатқан сұранысты қанағаттандыру үшін жоғары сапалы өнімдердің, оның ішінде Қазақстаннан импортты белсенді түрде кеңейтуде.ҚР Ауыл шаруашылығы министрлігі Елдің экспорттық әлеуетін нығайта отырып, отандық өнімді халықаралық нарықтарға жылжыту жөніндегі стратегиялық міндеттерді іске асыруды жалғастыруда.Ақпарат көзі : https://www.gov.kz/memleket/entities/moa/press/news/details/894365

1 желтоқсанда төтенше жағдайлар министрі генерал-майор Ш. Әріновтың тапсырмасы бойынша республикада Өрт қауіпсіздігі айлығы басталды. Ол өрттердің алын алуға, адамдардың өлімі мен зардап шеккендердің санын азайтуға, сондай-ақ тұрмыстағы жаппай өткізілетін іс-шаралар кезіндегі қауіпсіздік шаралары туралы азаматтардың хабардарлығын арттыруға бағытталған.Айлықтың бірінші күні ТЖМ бөлімшелері еліміздің елді мекендеріндегі 1,5 мыңнан астам үйді қамти отырып, профилактикалық рейдтер өткізді. Тұрғындарға тұрмыстағы өрт қауіпсіздігі шаралары түсіндірілді, азаматтардың қалауы бойынша пештер мен электр жүйелерін тексеру жүргізілді. Нәтижесінде екі мыңнан астам тұрғынға кеңес берілді.Айлық тұрғын үй секторындағы профилактикаға ғана емес, сонымен қатар қысқы мерекелер кезінде қауіпсіздікті қамтамасыз етуге бағытталған. Жаңа жылдық жәрмеңкелер мен концерттер сияқты жаппай өткізілетін іс-шаралардағы қауіпсіздікке, сондай-ақ пиротехникамен байланысты төтенше жағдайлардың алдын алуға ерекше назар аударылады.Полициямен, блогерлермен және волонтерлермен бірлесіп базарларда және пиротехника сатылатын орындарда, сондай-ақ салюттер мен отшашуларға арналған алаңдарда рейдтер жүргізілетін болады. Сауда кешендері мен концерттік алаңдарды қоса алғанда, адамдар көп жиналатын объектілердің қызметкерлері үшін өрт немесе басқа да төтенше жағдайлар кезіндегі іс-әрекеттер бойынша эвакуациялық жаттығулар мен нұсқамалар ұйымдастырылатын болады.Төтенше жағдайлар министрлігі азаматтарға өрт қауіпсіздігі талаптарын қатаң сақтау қажеттігін еске салады:тек жұмыс істейтін пештер мен электр құрылғыларын пайдаланыңыз;пештердің қызып кетуіне және электр желілерінің шамадан тыс жүктелуіне жол бермеңіз;мұржаны күйеден уақытында тазалаңыз;пеш пен электр құрылғыларының ақаулықтарын үнемі тексеріп отырыңыз;пеш жағуды балаларға тапсырмаңыз;сіріңкелер мен тұтандырғыштарды балалардың қолы жетпейтін жерлерде сақтаңыз. Ақпарат көзі : https://www.gov.kz/memleket/entities/emer/press/news/details/894283

Республикалық «NXplorers» экологиялық жобалар конкурсының финалында І орынды қанжығалаған Астана командасы 1 000 000 тенге көлеміндегі грантқа ие болды, деп хабарлайды елорда әкімдігінің ресми сайты.Топ жарған команда сапында елордадағы Nº101 мектептің оқушылары Сембаева Еркежан, Бекасыл Иффатбанугүл және Қалтай Саят өнер көрсетті.Білім мен шығармашылық бойынша оқ бойы озық болған топқа Мейрамгүл Болатова жетекшілік етті.Ақпарат көзі : https://www.gov.kz/memleket/entities/astana/press/news/details/894272