Осы жазда Алматы облысы еліміздегі ірі мәдени, спорттық және ойын-сауық шаралары өтетін басты алаңдардың біріне** айналады. Үш ай бойы өңірде халықаралық фестивальдер, спорттық турнирлер, этномәдени мерекелер, танымал өнерпаздардың концерттері және ауқымды open-air жобалар ұйымдастырылады.Іс-шаралардың басым бөлігі облыстың танымал туристік орындарында — Қапшағай су қоймасының жағалауында, таулы аймақтарда және өңірдің өзге де көрікті жерлерінде өтеді. Бұл қонақтарға жарқын шараларға қатысумен қатар саяхат жасап, өлкенің табиғи және мәдени мұрасымен танысуға мүмкіндік береді. МАУСЫМ27 маусым – Қымызмұрындық-2026 және Абыз-Баба Әлмерек Жаншықұлының 368 жылдығы27 маусым күні Кеген ауданында Алматы облысындағы ең ірі этномәдени мерекелердің бірі – Қымызмұрындық-2026 өтеді. Іс-шара Абыз-Баба Әлмерек Жаншықұлының 368 жылдығына арналады.Бағдарламада «Бие байлау» дәстүрлі рәсімі, Қарқара жәрмеңкесі, қолөнер шеберлері мен суретшілер көрмесі, шеберлік сағаттары, қымыздан дәм тату және ұлттық ойындар ұйымдастырылады.Қонақтар ұлттық ат спорты түрлерінен «Қыз қуу», «Теңге ілу», аламан бәйге, топ бәйге және құнан бәйге жарыстарын тамашалай алады. Мереке «МузАРТ», «Меломен», «Алашұлы» топтары мен әнші Диана Исмаилдың қатысуымен өтетін гала-концертпен аяқталады.📍 Қарқара жайлауы, Кеген ауданы🕙 Басталуы: 10:00🎟 Кіру: тегін 27 маусым – SATISFACTION Festival27 маусым күні Алматы облысындағы «Тортуга» демалыс аймағында Орталық Азиядағы ең ірі open-air музыкалық фестивальдердің бірі — SATISFACTION Festival өтеді.Бір сахнада Fedde Le Grand, Matisse & Sadko, Sam Martin, Burak Yeter, Dannic, Aura Dione және Akcent сияқты әлемдік жұлдыздар өнер көрсетеді.Концерттік бағдарламамен қатар қонақтарды арт-кеңістіктер, гастрономиялық аймақтар, жағажай демалысы, chill-out алаңдары және ашық аспан астындағы ауқымды шоу күтеді.📍 «Тортуга», Первомай тоғандары, Іле ауданы🕐 Басталуы: 13:00🎟 Билет бағасы: 25 000 теңгеден бастап 27 маусым – OCTAGON 8827 маусым күні Қонаев қаласында OCTAGON 88 халықаралық аралас жекпе-жек турнирі өтеді.Турнир аясында Қазақстан мен шетелдің үздік спортшылары октагонға шығып, көрермендер тартысты жекпе-жектер мен әсерлі шоу-бағдарламаны тамашалайды. Кештің арнайы қонағы — танымал орындаушы Andro.📍 ASP Arena, Қонаев қаласы🕗 Басталуы: 20:00🎟 Билет бағасы: 10 000 теңгеден бастап ШІЛДЕ 4 шілде – Oceanman Kazakhstan 20264 шілде күні Қонаев қаласындағы Қапшағай су қоймасының жағалауында Oceanman Kazakhstan 2026 халықаралық ашық суда жүзу турнирі өтеді.Дәстүрлі түрде жарысқа түрлі елдерден кәсіби спортшылар мен жүзу әуесқойлары қатысып, жағалауды үлкен спорт мерекесінің алаңына айналдырады.📍 Қапшағай су қоймасының жағалауы, Қонаев қаласы🎟 Көрермендер үшін кіру тегін🎟 Қатысушылар үшін тіркелу OCEANMAN және RockTheSport ресми сайттарында 4–5 шілде – OYU FEST4–5 шілде күндері «Первомай тоғандары» аумағында OYU Fest 2026 мерейтойлық фестивалі өтеді.Екі күн бойы қонақтарды танымал әртістердің жанды орындаулары, арт-кеңістіктер, фудкорттар, көше маркеттері, шеберлік сабақтары және интерактивті алаңдар күтеді.4 шілдеде Berkut & Aisha, Sadraddin, Alpha, Kunzharyq, AYAU, M’Dee, Rusha, Yenlik, ARO және Almas өнер көрсетеді.5 шілденің хедлайнері — Қазақстанның халық әртісі Роза Рымбаева. Сонымен қатар Dequine, Rin’Go тобы, Orynkhan, Ken Dala, Zere, Dudeontheguitar, Samrattama және abdr сахнаға шығады.📍 «Первомай тоғандары», Іле ауданы🎟 Билеттер: фестивальдің ресми ресурстарында және Ticketon платформасында 10 шілде – Райымбек ауданының 90 жылдығы10 шілде күні Нарынқол ауылында Райымбек ауданының 90 жылдығына арналған мерекелік іс-шаралар өтеді.Мерекенің басты оқиғасы Еркеш Хасен, Әбдіжаппар Әлқожа, Нұрсұлтан Нұрбердиев және BAYANSULU қатысатын үлкен концерт болады.📍 Нарынқол ауылы, Орталық алаң🕔 Басталуы: 17:00🎟 Кіру: тегін 10–12 шілде – Nomad Spirit Fest 2026Көшпенділер мәдениеті, этникалық музыка және белсенді демалыс фестивалі.Қонақтарды этноауыл, қолөнер жәрмеңкелері, гастрономиялық алаңдар және мазмұнды ойын-сауық бағдарламасы күтеді.📍 Көшпенділер қаласы, Қонаев қаласы🎟 Билет бағасы: 10 000 теңгеден бастап 11 шілде – «Хан Тәңірі қазынасы» фестивалі11 шілде күні көркем Шалкөде жайлауында Райымбек ауданының 90 жылдығына арналған басты мерекелік іс-шара – «Хан Тәңірі қазынасы» фестивалі өтеді.Бағдарламада бәйге, аударыспақ, түйе палуан сайыстары, суретшілер мен халық шеберлерінің көрмесі ұйымдастырылады.Мерекелік концертте Диана Исмаил, Ғазизхан Шекербек, Nurbullin және Мөлдір Әуелбекова өнер көрсетеді.📍 Шалкөде жайлауы, Райымбек ауданы🕙 Басталуы: 10:00🎟 Кіру: тегін 16–18 шілде – Central Asia Drift Show16–18 шілде аралығында Қонаев қаласындағы ASP Arena аумағында Central Asia Drift Show халықаралық сериясының үшінші кезеңі өтеді.Жарысқа Қазақстан мен Орталық Азия елдерінің үздік пилоттары қатысып, жеке және жұптық сайыстарда автокөлікті басқару шеберліктерін көрсетеді.Спорттық бағдарламадан бөлек, қонақтарды автокөлік көрмесі, дрифт-такси, автограф-сессиялар және түрлі ойын-сауық шаралары күтеді.📍 ASP Arena, Қонаев қаласы🕛 Басталуы: 12:00🎟 Билет бағасы: 10 000 теңгеден бастап 24–26 шілде – Drive Forum Great Orda 202624–26 шілде аралығында Қонаев қаласында Drive Forum Great Orda 2026 ірі автомобиль форумы өтеді.Форум автокөлік әуесқойларын, саяхатшыларды және туризм саласының өкілдерін біріктіреді. Бағдарлама аясында автокөлік көрмесі, туристік маршруттардың таныстырылымы, саяхатшылар мен сарапшылармен кездесулер, сондай-ақ түрлі ойын-сауық іс-шаралары ұйымдастырылады.Форум тәжірибе алмасуға, автосаяхаттарға арналған жаңа бағыттармен танысуға және ішкі туризмді дамытуға мүмкіндік береді.📍 Арна шағын ауданы, Қонаев қаласы🎟 Ересектер билеті: 27 000 теңгеден бастап🎟 Балалар билеті: 8 000 теңгеден бастап 25 шілде – TOYLA Music Festival25 шілде күні Первомай тоғандары аумағында TOYLA Music Festival 2026 өтеді.Бұл – жыл сайын мыңдаған көрермен мен заманауи музыканың жанкүйерлерін жинайтын Қазақстандағы ең ірі тәуелсіз open-air музыкалық фестивальдердің бірі.Биыл фестиваль сахнасында Ұлыбританияның Hurts тобы, Ресейдің «Аигел» тобы, канадалық әнші Alice Glass, сондай-ақ қазақстандық орындаушылар Dudeontheguitar, DJ AKI және Meow Dammit өнер көрсетеді.Қонақтарды арт-кеңістіктер, гастрономиялық аймақтар, фестивальдік маркет және ашық аспан астындағы мазмұнды ойын-сауық бағдарламасы күтеді.📍 Первомай тоғандары, Іле ауданы🕒 Уақыты: 15:00–23:00🎟 Билет бағасы: 21 000 теңгеден бастап ТАМЫЗ 15 тамыз – SUAQ аудиоэкспедициясы15 тамыз күні Шарын мемлекеттік ұлттық табиғи паркінің аумағында SUAQ аудиоэкспедициясы өтеді.Бұл музыка, заманауи өнер мен табиғи ландшафттарды біріктіретін ерекше мәдени жоба.Қатысушылар Қазақстанның ең танымал табиғи орындарының бірін дыбыс, атмосфера және көркем бейнелер арқылы жаңаша танып-білу мүмкіндігіне ие болады.Жоба аудиоспектакль, экскурсия және иммерсивті өнер элементтерін біріктіріп, табиғат пен мәдени кеңістікпен өзара әрекеттесудің ерекше тәжірибесін ұсынады.📍 Шарын мемлекеттік ұлттық табиғи паркі🎟 Билет бағасы: 10 000 теңгеден бастап⸻ 16 тамыз – «Байсерке аспаны – 2026» әуе шоуы16 тамыз күні Талғар ауданындағы Байсерке әуеайлағында «Байсерке аспаны – 2026» әуе шоуы өтеді.Бұл өңірдегі ең ірі авиациялық іс-шаралардың бірі саналады.Бағдарламада авиациялық техниканың көрсетілім ұшулары, жоғары пилотаж элементтері, парашютпен секірулер, күмбезді акробатика, авиамодельдер шоуы, ұшақтар мен тікұшақтардың статикалық көрмесі, сондай-ақ ашық аспан астындағы авиация мұражайы ұсынылады.Қонақтар үшін концерттік бағдарлама, балалар аймақтары, шеберлік сабақтары, интерактивті алаңдар, фотозоналар және фудкорттар ұйымдастырылады.📍 Байсерке әуеайлағы, Талғар ауданы🕙 Басталуы: 10:00✈️ Ашық аспан астындағы авиациялық шоу және отбасылық фестиваль🎟 Билет бағасы: 8 000 теңгеден бастап⸻ 21–23 тамыз – Park Live Kazakhstan 202621–23 тамыз аралығында Первомай тоғандары аумағында Park Live Almaty 2026 халықаралық музыкалық фестивалі өтеді.Жыл сайын бұл шара Қазақстаннан және шетелден келген ондаған мың көрерменді жинайды.Үш күн бойы сахнада АҚШ, Ұлыбритания және Үндістаннан келген рок, альтернативті музыка, панк-рок, хип-хоп, метал және электронды музыка бағытындағы әртістер өнер көрсетеді.Фестивальдің хедлайнерлері — америкалық рок-музыкант Jack White, британдық виртуалды жоба Gorillaz және АҚШ-тың аңызға айналған панк-рок тобы The Offspring.Сонымен қатар бағдарламада The Kills дуэті, CeeLo Green, De La Soul, үнділік Bloodywood металл тобы және америкалық Glassjaw пост-хардкор тобының өнер көрсетуі жоспарланған.Фестиваль дәстүрлі түрде өңірдегі ең ірі музыкалық оқиғалардың бірі болып саналады және Орталық Азияның түкпір-түкпірінен заманауи музыка жанкүйерлерін жинайды.📍 «Первомай тоғандары», Іле ауданы🎟 Билеттер: фестивальдің ресми сайтында және Ticketon платформасында⸻ 28–30 тамыз – Family Rock Festival 202628–30 тамыз аралығында Қонаев қаласындағы ASP Arena аумағында Family Rock Festival 2026 өтеді.Бұл жаз маусымындағы ең ірі музыкалық фестивальдердің бірі.Үш күн бойы сахнада «Комната Культуры» және Женя Трофимов, КняZz, Нейромонах Феофан, «Танцы Минус», «Мураками» және The Hatters топтары өнер көрсетеді.Концерттік бағдарламадан бөлек, қонақтарды демалыс аймақтары, гастрономиялық алаңдар және ашық аспан астындағы ерекше фестиваль атмосферасы күтеді.Фестиваль Қазақстанның әртүрлі өңірлерінен және шетелден келетін жанды музыка сүйер қауымды жинайды деп күтілуде.📍 ASP Arena, Қонаев қаласы🎟 Үш күндік билет бағасы: 56 000 теңге  Ақпарат көзі : https://www.gov.kz/memleket/entities/almobl/press/news/details/1245248?lang=ru

 Ақмола облысында «Айбын» XII халықаралық әскери-патриоттық жастар жиыны өз жұмысын бастады. Биылғы ауқымды іс-шараға Қазақстан, Әзербайжан, Қырғызстан, Ресей және Өзбекстан елдерінен келген 1000-ға жуық жас патриот қатысып жатыр.53 команда бақ сынап жатқан жарыстар Шоқан Уәлиханов атындағы әскери колледждің «Амандық» оқу полигоны базасында ұйымдастырылуда. Салтанатты ашылу рәсіміне Қазақстан Республикасы Қорғаныс министрлігінің басшылығы, Қарулы күштердің ардагерлері, қоғам және бұқаралық ақпарат құралдарының өкілдері қатысты.Жарысқа қатысушыларға арнаған сөзінде Қорғаныс министрінің тәрбие және идеологиялық жұмыс жөніндегі орынбасары генерал-майор Асқар Мұстабеков «Айбын» жиынының маңыздылығына тоқталды.– Халықаралық «Айбын» жиыны – әртүрлі мемлекеттердің жастары арасындағы достық пен ынтымақтастықты нығайтатын, отансүйгіштік рухты қалыптастыратын, көшбасшылық қабілеттерді дамытып, әскери дәстүрлерді құрметтеуге тәрбиелейтін бірегей алаң. Бұл жиын әрбір қатысушы үшін жаңа тәжірибе, жаңа таныстықтар мен үлкен жетістіктерге бастайтын маңызды қадам болады деп сенемін, – деді ол.Ашылу күні қонақтар мен жас қатысушылар заманауи әскери техника және атыс қаруларының үлгілерімен танысып, олардың техникалық және жауынгерлік мүмкіндіктері туралы ақпарат алды.Сонымен қатар ұйымдастырушылар «Жас сарбаз – Конституция қорғаушысы» атты зияткерлік ойынын өткізді. Аталған шара барысында әскери-патриоттық клубтардың тәрбиеленушілері Қазақстан Республикасының Конституциясы, құқықтық мемлекеттің қағидаттары, азаматтардың құқықтары мен міндеттері туралы білімдерін көрсетті.Зияткерлік сайыс жастардың елдің басты заңына деген құрметін арттырып, мемлекеттік құрылым негіздері мен азаматтық жауапкершілік ұғымдарын терең түсінуге мүмкіндік берді.Жарыстар шетелдік командалар, өңірлердің әскери-патриоттық клубтары, күштік құрылымдар және әскери оқу орындарының командалары арасында төрт бағыт бойынша өтетінін айта кету керек.Бүгінгі сайыс бағдарламасында қатысушылар дене дайындығы бойынша өз мүмкіндіктерін сынайды. Ұлдар белтемірге тартылу жаттығуын орындаса, қыздар шалқасынан жатқан қалыпта денені көтеру нормативін тапсырады. Сондай-ақ «Айбын дарыны» зияткерлік ойыны мен Smart Sarbaz робототехника жарыстары ұйымдастырылады.Ақпарат көзі : https://www.gov.kz/memleket/entities/mod/press/news/details/1245261?lang=ru

Аудан әкімдігі жанындағы Құқық бұзушылықтардың алдын алу жөніндегі ведомствоаралық комиссияның және Сыбайлас жемқорлыққа қарсы іс-қимыл мәселелері жөніндегі комиссияның кезекті отырыстары өткізілді.Отырыстар барысында аудан аумағындағы құқықтық тәртіпті қамтамасыз ету, құқық бұзушылықтардың алдын алу, қоғамдық қауіпсіздікті нығайту, сондай-ақ сыбайлас жемқорлық тәуекелдерін төмендету бағытында атқарылып жатқан жұмыстардың нәтижелері қаралды.Ақпарат көзі : https://www.gov.kz/memleket/entities/bko-karatobe/press/news/details/1245280?lang=ru

18 маусым күні аудан әкімі Қ.Сүйеуғалиев Қажым Жұмалиев атындағы Мектеп-гимназияда өткен салтанатты аттестат табыстау рәсіміне қатысты.Мерекелік шара барысында аудан басшысы мектеп түлектерін өмірлеріндегі маңызды белеспен құттықтап, оларға ақ жол тіледі.Салтанатты жиында Аудан әкімі «Алтын белгі» иегерлері мен үздік аттестат алған түлектерді марапаттап, оларға арнайы сыйлықтар табыс етті.Ақпарат көзі : https://www.gov.kz/memleket/entities/bko-karatobe/press/news/details/1245294?lang=ru

           2026 жылғы 16-18 маусым аралығында ҚР ҚМ МКК Оқу-әдістемелік орталығы Комитеттің Бақылау департаментінің Транзит басқармасымен бірлесіп «Кедендік транзит кедендік рәсімі» тақырыбында ZOOM платформасы арқылы қашықтықтан семинар өткізді.         Іс-шараның мақсаты - мемлекеттік кірістер органдарының қызметкерлеріне транзит бойынша жұмыстың негіздері, тәртібі мен ерекшеліктерін түсіндіру.         Семинарға тыңдаушылар ретінде мемлекеттік кірістер органдары аумақтық бөлімшелерінің  қызметкерлері қатысты.          17 маусым сағат 10.00-де қашықтықтан оқыту тыңдаушылары үшін  дәріс оқылды.           Дәріскер ретінде - Нариман Нурланович Уатканов  - ҚР ҚМ МКК Кедендік бақылау  Департаменті  Транзит басқармасы басшысының орынбасары қатысты.        Семинарға қатысушылардың тарапынан дәріскерге сұрақтар қойылып, оларға толық жауаптар берілді.        Іс-шара қорытындысы бойынша 101 қатысушы біліктілігін сәтті арттырғандығы туралы электронды сертификаттар алды.            Ақпарат көзі : https://www.gov.kz/memleket/entities/kgd/press/news/details/1245368?lang=ru

Шығыс Қазақстан облысының жұмыспен қамту және әлеуметтік бағдарламаларды үйлестіру басқармасы жұмыс берушілерге 2027 жылға арналған шетелдік жұмыс күшінің қажеттілігіне өтінім беру қажеттілігі туралы хабарлайды. Талаптар: 1) өтінім, Қазақстан Республикасы Премьер-Министрінің орынбасары - Еңбек және халықты әлеуметтік қорғау министрінің 2023 жылғы 30 маусымдағы № 274 бұйрығымен бекітілген Қазақстан Республикасына шетелдік жұмыс күшін тартуға арналған квотаны белгілеу Қағидасының 1 қосымшасына сәйкес беріледі;2) өтінім тиісті түрде ресімделген ілеспе хатпен (басшының қолымен және мөрлермен расталған шығыс нөмірі, жауапты тұлғаның байланыс деректері, телефондары мен электрондық мекен-жайлары көрсетілген) жіберілуі тиіс;3) өтінімде міндетті түрде нысанындағы шетелдік жұмыс күшін тарту қажеттілігінің негіздемесін көрсету қажет;4) өтінімде 5 таңбалы коды бар экономикалық қызмет түрін міндетті түрде көрсету қажет (мысалы: мыс кенін өндіру және байыту – 07292);5) өтінім мемлекеттік және орыс тілдерінде беріледі; Өтінім беру мерзімі: 2026 жылдың 30 қыркүйек күні сағат 17.30 - ға дейін. Өтінімді қайда беру керек: – қағаз түрінде ШҚО жұмыспен қамту және әлеуметтік бағдарламаларды үйлестіру басқармасының кеңсесіне (Өскемен қаласы, Киевская көшесі, 1 үй, 301 кабинет);– электрондық нұсқасын r.taymuldina@akimvko.gov.kz электрондық мекен-жайға жіберіледі, және электрондық тасымалдауыш болса ШҚО жұмыспен қамту және әлеуметтік бағдарламаларды үйлестіру басқармасының 301 кабинетіне (Өскемен қаласы, Киевская көшесі, 1 үй). Байланыс деректері: 8 (7232) 20-51-17, 87777280466, r.taymuldina@akimvko.gov.kz.Ақпарат көзі : https://www.gov.kz/memleket/entities/tourism-vko/press/news/details/1268939?lang=ru

 Қазақстан азаматтары мен кәсіпкерлері алкоголь өнімдерін бөлшек саудада өткізуге арналған лицензияны мемлекеттік органдарға бармай-ақ электрондық форматта рәсімдей алады. Қызмет eGov электрондық үкімет порталында, eLicense.kz электрондық лицензиялау порталында, сондай-ақ Халыққа қызмет көрсету орталықтарында және мемлекеттік кірістер органдарында қолжетімді.Лицензия алудың ең ыңғайлы тәсілі – мемлекеттік электрондық сервистер арқылы онлайн рәсімдеу. Ол үшін өтініш беруші eGov порталында авторизациядан өтіп, «Алкоголь өнімдерін бөлшек саудада өткізуге лицензия» қызметін таңдап, электрондық өтініш нысанын толтыруы, тиісті алымды төлеуі және өтінішті электрондық цифрлық қолтаңбамен (ЭЦҚ) растауы қажет.Мемлекеттік қызмет көрсету мерзімі – бір жұмыс күні.Лицензия алу үшін өтініш беруші белгіленген үлгідегі өтінішті, лицензиялық алымның төленгенін растайтын құжатты, қажет болған жағдайда жалдау шартын, сондай-ақ біліктілік талаптарына сәйкестігін растайтын мәліметтерді ұсынуы тиіс.Электрондық мемлекеттік қызметтердің дамуы лицензиялау рәсімдерін жеңілдетуге, құжаттарды рәсімдеу мерзімдерін қысқартуға және бизнес пен азаматтар үшін мемлекеттік қызметтердің қолжетімділігін арттыруға мүмкіндік береді. Ақпарат көзі : https://www.gov.kz/memleket/entities/kgd-kostanay/press/news/details/1245393?lang=ru

Алматы қаласы бойынша Мемлекеттік кірістер департаменті салықтық тәуекелдерді төмендетуге бағытталған профилактикалық іс-шаралар шеңберінде салық есептілігін талдау нәтижелері бойынша ықтимал сәйкессіздіктер анықталған салық төлеушілерге (салық агенттеріне) Салық төлеушінің кабинетіне Push-хабарламалар жолданғанын хабарлайды.Хабарламалар келесі бағыттар бойынша қалыптастырылған:2023–2025 жылдар кезеңі үшін бейрезиденттердің табыстарынан төлем көзінен ұсталатын табыс салығын (101.04-нысан) төлеуден босатуды ықтимал төмендету және (немесе) негізсіз қолдану;2023–2025 жылдар кезеңі үшін бейрезиденттердің табыстарын салық салудан босату немесе төмендетілген салық мөлшерлемесін қолдану бөлігінде халықаралық шарттардың ережелерін ықтимал негізсіз қолдану (101.04-нысан);2023–2025 жылдар кезеңі үшін бейрезиденттерден жұмыстар мен қызметтерді сатып алу кезінде ҚҚС сомасын ықтимал төмендету және (немесе) есептемеу (300.00-нысан, 5-қосымша);ҚҚС бойынша декларацияны толтыру кезінде салық сомасының төмендетілуіне әкеп соғуы мүмкін арифметикалық қателердің болуы (300.00-нысан, 5-қосымша), 2023–2025 жылдар кезеңі үшін.Жолданған хабарламаларда ықтимал сәйкессіздіктерді анықтау үшін қолданылған алгоритмдер туралы ақпарат, сондай-ақ ұсынылған мәліметтерді өз бетінше тексеру жөніндегі ұсынымдар қамтылған.Алматы қаласы бойынша Мемлекеттік кірістер департаменті салық төлеушілерге деректерді салыстырып тексеруді және сәйкессіздіктер анықталған жағдайда оларды өз бетінше жою бойынша шаралар қабылдауды ұсынады.Келесі кезеңде камералдық бақылау нәтижелері бойынша анықталған бұзушылықтар туралы хабарламалар автоматтандырылған режимде қалыптастырылатынын назарларыңызға саламыз.Ақпарат көзі : https://www.gov.kz/memleket/entities/kgd-almaty/press/news/details/1245397?lang=ru

Қазақ ұлттық су шаруашылығы және ирригация университеті, Қазақ ұлттық аграрлық зерттеу университеті және Кабул университеті арасында су ресурстарын басқару мен ирригация, климаттың өзгеруі жағдайында ауыл шаруашылығын орнықты дамыту саласындағы ынтымақтастық бойынша ниеттестік туралы тиісті келісім жасалды. Құжатқа вице-премьер - ұлттық экономика министрі Серік Жұманғарин бастаған қазақстандық делегацияның Ауғанстанға сапары шеңберінде қол қойылды.Орталықты Кабул университетінің базасында құру жоспарланған. Бұл – су ресурстары, ирригация, орнықты ауыл шаруашылығы саласындағы алғашқы оқу-зерттеу мекемесі. Жаңа орталық маман даярлау, білім алмасу, бірлескен зерттеу жүргізу мен су-аграрлық секторда заманауи шешімдер енгізудің тәжірибе алаңына айналады. Қазақстандық ғалымдар мен сарапшылар білім беру бағдарламалары мен ғылыми сүйемелдеу жүргізеді.Қазақстан-Ауғанстан бизнес-форумында сөз сөйлеген Серік Жұманғарин су дипломатиясы, су ресурсын ұтымды пайдалану мен осы саладағы аймақтық ынтымақтастықты нығайту мәселесіне Қазақстан ерекше назар аударатынын атап өтті.  Орталық су қауіпсіздігі, орнықты ауыл шаруашылығы, климаттық бейімделу, экологиялық мониторинг пен азық-түлік қауіпсіздігі бағытын біріктіретін университетаралық зерттеу платформасы ретінде дамиды деген болжам бар. Кешенді тәсіл аймақтың орнықты дамуы үшін тәжірибелік шешімдер әзірлеуге мүмкіндік береді.Кабул университеті – Ауғанстандағы 1932 жылы құрылған ең көне, ең ірі мемлекеттік жоғары оқу орны. Университетте 22 факультет, пәнаралық ынтымақтастыққа арналған ауқымды академиялық база бар.Ақпарат көзі : https://www.gov.kz/memleket/entities/economy/press/news/details/1245401?lang=ru

2026 жылғы қаңтар–мамыр айларының қорытындысы бойынша Қазақстанда 35,1 мың тонна балмұздақ өндірілді.Өндірістің ең жоғары көлемі Алматы облысына тиесілі – 23,3 мың тонна немесе жалпы өндірістің 66,3%. Ірі өндірушілер қатарында Түркістан облысы (6,0 мың тонна), Алматы қаласы (1,3 мың тонна) және Ақмола облысы (1,1 мың тонна).Өндірілген өнімнің негізгі бөлігін кілегейлі балмұздақ (15,2 мың тонна) пен пломбир (14,3 мың тонна) құрады. Бұл жалпы өндіріс көлемінің 80% астамына тең.Сыртқы сауда көрсеткіштері де оң серпін көрсетуде. 2026 жылғы қаңтар–сәуір айларының қорытындысы бойынша қазақстандық балмұздақ экспорты 6,4 мың тоннаны құрап, ақшалай көлемі 24,8 млн АҚШ долларына жетті. Бұл өткен жылдың сәйкес кезеңімен салыстырғанда нақты мәнде 46,4%, ал ақшалай мәнде 77,0% артық.Сыртқы сауда сальдосы оң деңгейде қалыптасты: экспорт көлемі импорттан 2,9 мың тоннаға асып түсті.Экспорттың басым бөлігі (99,9%) ТМД елдеріне бағытталды. Негізгі өткізу нарығы – Ресей, оған 4,3 мың тонна өнім жөнелтілді. Сондай-ақ Қырғызстанға экспорт 68,4%, Өзбекстанға 27,7% өсті.2026 жылғы қаңтар–сәуірде балмұздақ импорты 3,4 мың тоннаны құрап, ақшалай көлемі 12,9 млн АҚШ долларына жетті. Бұл өткен жылдың сәйкес кезеңімен салыстырғанда 10,1% көп. Балмұздақтың негізгі жеткізушілері – Ресей (1,5 мың тонна), Қырғызстан (1,4 мың тонна), Өзбекстан (178,1 тонна) және Түркия (156,0 тонна).

 «Әділет» партиясында «Жаңа мәдениет және ұлттың қалыптасуы» тақырыбында стратегиялық сессия өтті. Ғылым, білім беру, креативті индустрия, экология және қоғамдық даму салаларының сарапшылары адами капиталды нығайтуға және заманауи құзыреттерді дамытуға бағытталған ұсыныстарын ортаға салды.«Әділет» партиясы Саяси Кеңесі Бюросының мүшесі, «Қазақстан халқына» қоғамдық қорының басқарма төрағасы Ләззат Шыңғысбаева адами капиталды дамыту үшін заманауи білім беру жобалары мен өңірлердегі бастамаларды қолдау қажет екенін атап өтті.«Ғылым және жоғары білім министрлігімен бірлесіп ауқымды AI-Sana бағдарламасы жүзеге асырылып жатыр. Бұл – заманауи білім алғысы және дамығысы келетін жүз мың қазақстандық азаматты даярлауға арналған бағдарлама. Біз өңір тұрғындарының қандай шығармашылық жобаларды жүзеге асырғысы келетінін және оған қандай инфрақұрылым қажет екенін анықтаймыз», – деді Ләззат Шыңғысбаева.Мемлекет тарихы институтының директоры Нұрбек Пұсырманов елдің ұзақ мерзімді дамуын қоғамдық институттардың сапасымен, заң үстемдігімен және тарихи жадының сақталуымен байланыстырды. Оның пікірінше, азаматтық жауапкершілікті нығайту барысы ғылым, білім беру және мәдениет салаларын дамыту ісімен қатар жүруге тиіс.Сондай-ақ жастар қауымының бастамаларын, білім беру саласын, креативті экономиканы және медиаортаны дамыту мәселелеріне де баса назар аударылды. Сарапшылар жауапты қоғам қалыптастырудың негізгі элементтері ретінде жаңа экономикаға қажет кадрлар даярлау, креативті индустрияға қолдау көрсету, кітап оқу мәдениетін, медиасауаттылықты және қоғамдық диалогты дамыту мәселелерін талқылады.Тағы бір маңызды тақырып – экологиялық мәдениет. Қатысушылар экологиялық мониторинг жүргізу жұмысын цифрландыру, қалдықтарды қайта өңдеу ісін дамыту, экологиялық деректердің ашықтығын арттыру және шешім қабылдау барысында ғылыми әзірлемелерді кеңінен пайдалану мәселелері бойынша өз ұсыныстарымен бөлісті.Стратегиялық сессия қорытындысы бойынша қатысушылар барлық ұсынысты жинақтап, оларды алдағы уақытта жан-жақты қарауға және партияның сараптамалық жұмысы барысында пайдалануға уағдаласты.

Орталық Азия инновациялық университетінде Қазақстан Республикасының жаңа Конституциясында бекітілген негізгі өзгерістерді талқылауға арналған профессор-оқытушылар құрамының кездесуі өтті.Жиынды ашқан университет ректоры Ақмалдин Әжидинов 2026 жылғы 15 наурызда бүкілхалықтық референдумда қабылданып, 1 шілдеден бастап күшіне енген заңнамалық реформаларға жан-жақты талдау жасаудың маңыздылығына тоқталды.-Жаңа Конституция мемлекеттік басқару архитектурасын түбегейлі өзгертеді. Бұл – Негізгі заңның жай ғана жаңаруы емес, адам құқықтары мен азаматтардың саяси процестерге нақты қатысуы басты басымдыққа айналатын мүлдем жаңа модельге көшу, -  - деп атап өтті Ақмалдин Әжидинов.Жаңа Конституцияға қатысты сарапшылық пайымын заң ғылымдарының кандидаты, кафедра доценті Ботабек Имашев білдірді. Ол Конституцияның жаңа редакциясы 1995 жылғы құжаттың күшін жоятынын түсіндірді. Басты өзгерістердің бірі заң шығарушы билікті реформалау болмақ.-Қос палаталы парламенттің орнына партиялық тізім бойынша сайланатын 145 депутаттан тұратын бір палаталы заң шығарушы орган – Құрылтай құрылды. Құрылтайдың өкілеттігі өткен кезеңмен салыстырғанда айтарлықтай кеңейтілді, бұл мемлекет ісіне араласуда халықтың рөлі айтарлықтай артқанын білдіреді, - деді ғалым.Реформаның тағы бір елеулі элементі – вице-президент институтының енгізілуі. Сарапшының пікірінше, бұл басқару жүйесін оңтайландыруға мүмкіндік береді. Жаңа Конституцияда «Халық кеңесіне» ерекше мән берілген.-Бұл – тұрақты жұмыс істейтін орган емес. Ол сессияларға жиналады және оның құрамына этнос өкілдері, мәслихат депутаттары мен азаматтық сектор мүшелері кіреді. Олар халықты мазалаған өзекті мәселелерді талқылап, қажет болған жағдайда заңдарға түзетулер енгізу туралы Құрылтайға ұсыныстар жолдайды, - деді Ботабек Имашев.Сондай-ақ, Ботабек Имашев жеке тұлғаның құқығын қорғауға қатысты нормаларды да ерекше атап өтті.-Сотта адвокаттар мен прокурорлардың өкілеттіктері теңестірілді, бұл тараптардың бәсекелестігі үшін өте маңызды. Сонымен қатар, Конституцияда ұсталған адамға оның құқықтарын міндетті түрде түсіндіру нормасы бекітілді: кез келген адам қамауға алынған кезде оған заңды құқықтары, соның ішінде үнсіздік сақтау құқығы дереу хабарлануы тиіс, — деп түсіндірді заңгер.Сөзінің соңында сарапшы білім беру саласындағы зайырлылық принципінің бекітілуіне тоқталды.-Зайырлылық – бұл діни сенім бостандығы. Мұндағы мақсат – діннің білім беру жүйесінен бөлінуі. Білім беру саласы бөлек, дін бөлек өмір сүреді, бұл қандай да бір дінге басымдық беруді білдірмейді, - деп атап өтті.Құқықтық реформалардың академиялық орта үшін маңыздылығы туралы Орталық Азия инновациялық университетінің Құқық кафедрасының меңгерушісі Ақмарал Жайлауова да өз пікірін білдірді. Оның айтуынша, университет студенттер мен оқытушылар арасында түсіндіру жұмыстарына белсенді араласқан.-Біз сапалы өзгерістерді, әсіресе адвокатураның рөлін күшейту бөлігін құптаймыз. Бұған дейін адвокаттың мәртебесі жеткілікті дәрежеде жоғары болмаған еді, ал қазір олардың өкілеттіктері прокурормен теңестірілді, бұл біздің мамандық үшін өте маңызды. Бұл студенттерімізге дұрыс бағыт-бағдар береді, — деді А.Жайлауова.Сондай-ақ, спикер жаңа Конституция білім беру ортасын дамытуға жаңа серпін беріп, цифрландыру процесін ынталандыратынын айтып өтті.

Қазақстан Республикасының «Қазақстан Республикасындағы сайлау туралы» Конституциялық заңының 28-бабының 9-тармағында көзделген қоғамдық пікірге сауал салуды жүргізу және оның нәтижелерін жариялау тәртібіне ерекше назарларыңызды аудартамыз.Нақты айтқанда, осы заң нормасына сай бұқаралық ақпарат құралдары, онлайн-платформалар сайлауға байланысты қоғамдық пікірге сауал салу нәтижелерін жариялаған кезде, сауал жүргiзген заңды тұлғаны,  сауал жүргізуге тапсырыс берген және оның ақысын төлеген тұлғаларды, сауал жүргiзілген уақытты, ақпарат жинау әдiсiн, сұрақтың нақты тұжырымын, сауал салынғандардың саны мен сауал салу нәтижелерінің қателiк коэффициентiн көрсетуге мiндеттi.Қоғамдық пікірге сауал салуды Қазақстан Республикасының заңнамасына сәйкес тіркелген, қоғамдық пікірге сауал салуды жүргізу бойынша кемінде бес жыл тәжірибесі бар заңды тұлғалар және бұл туралы Орталық сайлау комиссиясын жазбаша түрде алдын ала хабардар ете отырып жүргізуге құқылы.Қоғамдық пікірге сауал салу нәтижелерiн, сайлау, сайлауға байланысты өзге де зерттеулер, кандидаттарды не саяси партияларды қолдап дауыс беру нәтижелерiнiң болжамдарын дауыс берiлетін күннің алдындағы бес күн ішінде және дауыс берiлетiн күні бұқаралық ақпарат құралдарында, онлайн-платформаларда жариялауға жол берілмейдi.Сайлау күнi дауыс беруге арналған үй-жайда немесе пунктте қоғамдық пiкiрге сауал салуды жүргізуге тыйым салынады.Бұл ретте қоғамдық пікірге сауал салуды жеке тұлғалардың жүргізуіне және олардың нәтижелерін жариялауына мүлдем жол берілмейді.Осы талаптарды сақтамағаны үшін Қазақстан Республикасының Әкімшілік құқық бұзушылық туралы кодексінің 120-бабына сәйкес жауаптылық көзделген.Мазмұндалғанды ескере отырып, Бас прокуратура заңдылық пен қоғамдық қауіпсіздікті қамтамасыз ету, құқық бұзушылықтардың алдын алу, сондай-ақ адам мен азаматтың құқықтары мен бостандықтарын қорғау мақсатында сайлау процесіне қатысушылардың барлығын қолданыстағы заңнаманың талаптарын қатаң сақтауға және құқыққа қайшы әрекеттерге жол бермеуге шақырады.  Қазақстан Республикасы Бас Прокурорының орынбасары Е. Өтегенов

Шымкент қаласында тұрғындардың, экологиялық таным көкжиегін кеңейту, қоршаған орта мәдениетін қалыптастыру іс-шаралары одан әрі жалғасын табуда. Бүгін Абай саябағында қалалық жастар ресурстық орталығы «Таза Шымкент» қалдықсыз қала тақырыбында жастармен кездесу іс-шарасын өткізді.«Таза Қазақстан» бағдарламасы аясында ұйымдастырылған табиғат аясындағы басқосуға ерікті жастар, студенттер, белсенді азаматтар қатысты.Қоғамда экологиялық сауаттылықты арттырудың маңызы зор. Кездесуде Шымкент қаласы бойынша Экология Департаменті басшысының міндетін атқарушы Дүйсен Құлтілеуов мекеме тарапынан жүзеге асып жатқан жұмыстар, ауаны ластамау, қалдықтарды қайта өңдеу, заңсыз қоқыс орындарын анықтаудағы негізгі көрсеткіштерді көпшілікке баяндап берді. Оның айтуынша, бүгінде қаладағы ірі кәсіпорындарда экологиялық ахуалды жақсартуда автоматтандырылған мониторинг жүйесі жұмыс істейді. Сол арқылы онлайн бақылау жүргізіледі. Департамент басшысының міндетін атқарушы заң талаптарына сай келмеген бірқатар кәсіпорындардың жұмысын тоқтатқанын айта келе, жастарға қаланы таза ұстауға, табиғатты аялауға шақырды.ASAA жастар қоғамдық бірлестігінің президенті Данара Саранова да қоршаған ортаны қорғау, табиғатты аялаудың маңыздылығын түсіндірді. Жалпы аталған қоғамдық бірлестіктің ерікті жастары сөзден іске көшіп, қоршаған ортаны қорғауға белсене үлес қосып келеді. Ұйым жетекшісінің мәліметінше, команда қатарында 200-ге жуық іріктеуден өткен ерікті жас бар.Қазіргі уақытта қалдықтарды қайта өңдеу, қоқысты сұрыптау - күн тәртібіндегі басты мәселелердің бірі. Бүгінгі танымдық кездесуде эко-тренер және экологиялық білім беру саласындағы сарапшы Владислав Голярко да бұл бағытта танымдық сабақ өткізіп, жастардың экологиялық сауатын арттырды.Сондай-ақ, іс-шара соңында ерікті жастар саябақта тазалық жұмыстарын жүргізіп, қоршаған ортаның жақсаруына үлес қосты.Айта кетсек, қалада эко сананы қалыптастыру бағытында тағылымды іс-шаралар ұдайы өткізілуде. Мектептер мен жоғары оқу орындарында арнайы экологиялық семинар, тренингтер, ашық сабақтар және эко экскурсиялар тұрақты ұйымдастырылуда. Жалпықалалық сенбіліктерде де тұрғындар тазалыққа үлес қосып, өзінің тұрғылықты жерін таза ұстауға дағдыланып келеді.

«Әділет» партиясында «Қуатты өңірлер – қуатты ел» атты стратегиялық сессия өтті. Онда сарапшылар, мемлекеттік органдар мен бизнес қауымдастығының өкілдері Қазақстан өңірлерін дамытуға қатысты ұсыныстарды талқылады.Жиынның негізгі тақырыптары аймақтар арасындағы айырмашылықты азайту, инвестиция тарту, тұрғын үй-коммуналдық шаруашылығын жаңғырту, сондай-ақ ауылдық аумақтарды дамыту, экология және энергетика мәселелеріне арналды.Сессия барысында сөз сөйлеген «Әділет» партиясы Саяси кеңесі бюросының мүшесі Рауан Кенжеханұлы өңірлік даму мәселелерін бүгінде тек экономикалық көрсеткіштер арқылы ғана емес, қабылданған шешімдердің халықтың күнделікті тұрмысына қаншалықты оң әсер етіп отырғаны тұрғысынан да бағалау қажет екенін атап өтті.«Өңірлердің дамуын тартылған инвестиция көлемімен немесе жүзеге асқан жобалар санымен ғана емес, әрбір қала, аудан мен ауылдағы тұрғындардың өмір сүру сапасының нақты жақсаруымен бағалау маңызды», - деді ол.Ұлттық экономика вице-министрі Асан Дарбаев өңірлердің дамуындағы теңсіздікті қысқартуға бағытталған мемлекеттік саясаттың негізгі бағыттарына тоқталды. Оның айтуынша, 2025 жылдың қорытындысы бойынша Өңірлік стандарттар жүйесі аясында елді мекендердің инфрақұрылымдық нысандармен және қызметтермен қамтылу деңгейі 68 пайызға жеткен. Дегенмен қала мен ауыл арасындағы айырмашылық әлі де байқалады. Бұл инфрақұрылымды одан әрі дамытып, базалық қызметтерді алу мүмкіндігін кеңейтуді талап етеді.Пікірталас барысында қатысушылар өңірлердің тең дәрежеде дамуына ықпал ететін қосымша тетіктерді талқылады. Ulagat Consulting Group директоры Марат Қайырленов өңірлерге инвестиция тартуға қолайлы жағдай қалыптастырудың маңыздылығына тоқталды. Ал Қарағанды облысы басқарушы және сервистік компаниялар қауымдастығының төрайымы Ирина Юртанова тұрғын үй қорын басқару жүйесін жетілдіру және инженерлік инфрақұрылымды дамыту жөніндегі ұсыныстарын ортаға салды.Басқосу барысында ауылдық аумақтарды дамыту, агроөнеркәсіп кешенін қолдау, сондай-ақ экология мен энергетика саласындағы өзекті мәселелерге де ерекше назар аударылды.Жиынды қорытындылаған Рауан Кенжеханұлы мемлекеттік өңірлік саясаттың басты өлшемі оның нақты нәтижесі болуы тиіс екенін атап өтті. Сессияға қатысушылар түскен ұсыныстарды жинақтап, оларды өңірлік саясатты жетілдіру мәселелерін талқылау барысында қарастыру туралы келісімге келді.

 М. Әуезов атындағы Оңтүстік Қазақстан зерттеу университетінде Жаңа Конституцияны насихаттауға арналған «дөңгелек үстел» өтті. Қаладағы іргелі жоғары оқу орындарының бірі саналатын университетте бүгінде 22 мыңнан астам студент бар. Сондықтан, мұнда қоғамдық-саяси тақырыптардың жастар арасында кеңінен талқылануының маңызы зор.Жиынды саясаттану ғылымдарының PhD, «Саясаттану» кафедрасының меңгерушісі Ардақ Базарбекұлы ашып, қатысушыларды Жаңа Конституцияның заңды күшіне енуімен құттықтады. Ата Заңымыз еліміздің саяси-құқықтық дамуының жаңа кезеңін айқындайтынын айтып, мұндай өзгерістердің әділетті мемлекет құру жолындағы маңызды қадам екенін атап өтті.Заң ғылымдарының докторы, профессор, «Қылмыстық құқық және қылмыстық процесс» кафедрасының меңгерушісі Айсана Сман Жаңа Конституцияның мемлекетіміздің құқықтық жүйесін жетілдіріп қана қоймай, азаматтардың құқықтары мен бостандықтарын қорғаудың жаңа тетіктерін қалыптастыратынын жеткізді. Профессордың айтуынша, Конституция қабылданған күннен бастап кафедрада білім алатын 2,5 мың студент арасында Конституциялық реформалардың мәні мен мазмұнын түсіндіруге бағытталған ақпараттық-түсіндіру жұмыстары жүйелі түрде жүргізіліп келеді. Мұндай кездесулер жастардың құқықтық сауатын арттырып, азаматтық жауапкершілігін нығайтуға ықпал етеді.Жиын барысында сөз алған өзге де қатысушылар Ата Заңды құрметтеу әрбір азаматтың басты міндеті екенін атап өтті.

2026 жылдың қаңтар-сәуір айларының қорытындысы бойынша Қазақстанның сыртқы сауда айналымы 44,9 млрд $ құрады. Бұл өткен жылдың сәйкес кезеңімен салыстырғанда номиналды түрде 7,9% артқан.Экспорт көлемі 24 млрд $, ал импорт көлемі 20,9 млрд $ құрады.Қазақстанға тауар жеткізуші ірі елдердің қатарында Ресей (6,6 млрд $), Қытай (6 млрд $), Германия (1 млрд $), АҚШ (0,9 млрд $) және Оңтүстік Корея (0,5 млрд $) болды.Қазақстан экспортының негізгі бағыттары Қытай (4,9 млрд $), Италия (4 млрд $), Ресей (2 млрд $), Түркия (1,7 млрд $) және Өзбекстан (1,4 млрд $) елдері болды.

Бүгін Шымкентте Астана күніне орай «Елімнің жүрегі – Астана» атты салтанатты мерекелік іс-шара өтті. «Shym City» саябағының амфитеатрында ұйымдастырылған айтулы мейрам аясында қала тұрғындары мен қонақтары үшін «Шымкент концерт» концерттік ұйымы өнерпаздарының қатысуымен арнайы бағдарлама ұсынылды.Салтанатты шара  елдің бірлігі мен ынтымағын дәріптеу және мемлекет тарихындағы бас қала — Астананың ерекше рөлін айшықтау мақсатында ұйымдастырылып отыр.Мерекелік кеш жиылған көпшіліктің Мемлекеттік Әнұранды орындауымен басталды.Бұдан кейін сахна төрінде би ұжымдарының жарқын өнері жалғасты. Көздің жауын алатын ұлттық киімдер мен заманауи үлгіде өңделген халық билерінің өзіндік колориті көрермендерге ерекше әсер сыйлады. Сондай-ақ, елордаға деген ыстық ықыласы мен сүйіспеншілігін әнмен өрген жас орындаушылардың өнері де ешкімді бей-жай қалдырмады.Мерекелік бағдарламаның ашық аспан астында, жарық диодты сүйемелдеумен және субұрқақтардың әуезді ырғағымен өтуі кешке ерекше реңк берді. Бұл үйлесім әртістердің өнерін біртұтас сиқырлы жарық-музыкалық шоуға айналдырып, жиналған қауымға көтеріңкі көңіл-күй мен ұмытылмас әсер сыйлады.«Мен елорданың туған күніне арналған бұл концертке немерелерімді ертіп келдім. Кештің мұншалықты әсерлі әрі жоғары деңгейде өтетінін күтпеген едім. Бұл — Қазақстанның бас қаласының елдің біртұтас рухын қалыптастырудағы рөлін айшықтайтын өте маңызды мереке. Балаларымыз бен немерелеріміз осындай мерекелік шараларға қатысу арқылы бойларына патриотизмді сіңіріп, өз еліне деген мақтаныш сезімін ұялатады», — деп ағынан жарылды қала тұрғыны Исабек Құлжанов.Концерттік бағдарламаның тартымдылығы соншалық, ата-аналардың уақытты ұмытып, өнерге елтіген сәттері де болды. Ал балақайлар өздеріне берілген еркіндікке қуанып, алдымен жалғыз-жарымдап, кейіннен топтасып сахнаға шықты. Олар өнерпаздарға қосылып ән айтып, сахнада билеп, кештің сәнін келтіре түсті. Мұндайда жергілікті өнерпаздардың да кәсібилігін атап өткен жөн. Олар кішкентай бүлдіршіндерді ортаға алып, жас жанкүйерлерімен бірге ыстық ықыласпен суретке түсті.

Ұлттық домбыра күні қарсаңында Шымкент қаласында дүниеге келген алғашқы сәбиге қазақтың қасиетті домбырасы сыйға тартылды. Игі шара қалалық №6 перзентханада ұйымдастырылып, ұлттық құндылықтарды дәріптеу, жас ұрпақтың бойына төл мәдениет пен рухани мұраны бесіктен сіңіру мақсатын көздеді.Дәстүрлі акцияны ҚХА жанындағы Аналар кеңесіұйымдастырды. Осыдан 11 жыл бұрын бастау алған «Айналайын» акциясы жыл сайын Ұлттық домбыра күні аясында өткізіліп келеді. Биыл демеушілердің қолдауымен жаңа туған нәрестелерге домбыра табысталып, аналарға және сәбилерге қажетті сыйлықтар ұсынылды.Қазақстан халқы Ассамблеясының Шымкент қаласы бойынша Аналар кеңесінің төрайымы Гүлжан Сүгірбаеваның айтуынша, бұл бастама ұлттық құндылықтарды ұлықтаумен қатар, өскелең ұрпақтың бойында ұлттық өнерге деген сүйіспеншілікті қалыптастыруға бағытталған.- Домбыра – халқымыздың рухани болмысы мен ұлттық мәдениетінің айшықты белгісі. Ұлттық домбыра күні дүниеге келген сәбилерге домбыра тарту ету – терең тәрбиелік мәні бар игі дәстүр. Бұл – жай ғана сыйлық емес, ұлттық өнердің сабақтастығын жалғайтын рухани мұраның символы. Бүгінгі сәбилер ертең елін сүйетін, ұлттық өнерді қастерлейтін азамат болып өседі деп сенеміз. Баланы ұлттық мәдениетпен ерте жастан таныстырудың маңызы зор. Тіпті сәби ана құрсағында жатқан кезден бастап бесік жыры мен халық әндерін тыңдап, анасының мейірімін сезінуі оның рухани әрі үйлесімді дамуына оң әсер етеді, – деді Гүлжан Сүгірбаева.Іс-шара аясында Шымкент қалалық опера және балет театрының солисі, Қазақстанның Мәдениет қайраткері Үралхан Сейілбекова «Ана» әнін жанды дауыста орындап, жас аналарға ерекше әсер сыйлады.Шымкент қалалық  №6 перзентхананың бас дәрігері Мадина Кенжебаеваның мәліметінше, биыл Ұлттық домбыра күні Шымкент қаласында 22 сәби дүниеге келген. Қазіргі таңда барлық ана мен сәбидің жағдайы жақсы. Ешқандай шағым жоқ.

Петропавл қаласында ҚР ІІМ Ұлттық ұланы Академиясы түлектеріне диплом табыстау рәсімі өтті. Биыл еліміздің күштік құрылымдарының қатары 150-ден астам жас офицермен толықты. Олардың қатарында халықаралық ынтымақтастық аясында білім алған Тәжікстан Республикасының өкілдері де бар.Биылғы түлектер шығарылымы оқу орнының тарихына ерекше оқиға ретінде енді. Академия тарихында алғаш рет бірден бес түлек қызмет өткеру орнына аттанбай тұрып-ақ «аға лейтенант» әскери шеніне ие болды. Олардың үшеуіне офицерлік погондарды Мемлекеттік рәміздер күні қарсаңында Қазақстан Республикасының Президенті Қасым-Жомарт Тоқаев табыстаса, тағы бірі Ішкі істер министрі Ержан Сәденовтың қолынан алды. Ал Тәжікстан Республикасының өкіліне түлектер шығарылымы рәсімінде берілді.Салтанатты шараға құқықтық тәртіп әскерлерінің қолбасшылығы, ардагерлер, профессорлық-оқытушылық құрам, сондай-ақ түлектердің ата-аналары мен жақындары қатысты.Биылғы рәсім әскери дәстүрлерді, заманауи технологияларды және ұлттық тарих элементтерін ұтымды үйлестірді. Іс-шараның ең әсерлі көріністерінің бірі қазақ даласының даңқты батырларына арналған театрландырылған қойылым болды. Көрініс Отан қорғаушылар сабақтастығын және әскери қызметтің рухани бастауларын айшықтай түсті.Мерекелік кештің ерекше сәнін «Ұлан рухы» әнінің тұсаукесері келтірді. Жаңа туындыны Ұлттық ұланның Ән-би ансамблінің солистері мен Академияның жеке құрамы бірлесіп орындады. Ән орындалған сәтте көкке Мемлекеттік Ту мен Ұлттық ұланның туын алып шыққан төрт дрон көтерілді. Бұл көрініс құқықтық тәртіп әскерлерінің қызметінде ұшқышсыз ұшу аппараттарының кеңінен пайдаланылып жатқанын айшықтады.Салтанатты рәсім құрама әскери оркестрдің және Құрмет қарауылы ротасы әскери қызметшілерінің өнер көрсетуімен сүйемелденді. Қару-жарақтың жарқылымен көмкерілген саптық дефиле барысында ұландықтар жоғары жауынгерлік машықтарын паш етіп, қойылымды Ұлттық ұлан рәмізінің әсерлі көрінісімен түйіндеді.Дәстүр бойынша мереке офицерлер вальсімен аяқталды. Вальс кезінде жас лейтенант Батырхан Абылденов сүйіктісіне көпшілік алдында үйлену туралы ұсыныс жасады. Осы қуанышты сәтке куә болған қаруластары, командирлері мен қонақтар жас офицердің батыл қадамын қолпаштады. Бұл махаббат оқиғасы түлектер үшін де, қонақтар үшін де ұмытылмас сәт болып қалды.Ұлттық ұлан Академиясы еліміздегі жетекші әскери жоғары оқу орындарының бірі болып қала береді. Осы уақытқа дейін оқу орны төрт мыңнан астам офицер даярлап шығарды. Бүгінде олар Ұлттық ұлан мен Қазақстанның өзге де күштік құрылымдары қатарында абыройлы қызмет атқарып, азаматтардың қауіпсіздігі мен мемлекеттің тұрақтылығын қамтамасыз етуге үлес қосып келеді. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1245115?lang=ru