Электр жөндеуші мамандығы – бүгінгі қоғамның негізін қалаушы маңызды салалардың бірі. Заманауи өмірде электр энергиясы барлық салаларда кеңінен қолданылады: тұрмыстық техникадан бастап, өнеркәсіп пен инфрақұрылымға дейін. Сондықтан электр жөндеуші мамандарының жұмысы ел экономикасының тұрақты әрі тиімді жұмыс істеуіне үлкен үлес қосады.Бұл мамандықтың маңыздылығы тек техникалық дағдылармен шектелмейді. Электр жөндеушілер өз міндеттерін орындау барысында қауіпсіздік талаптарын мұқият сақтап, жұмыс істейтін нысандар мен адамдардың қауіпсіздігін қамтамасыз етеді. Электр құрылғыларының ақауларын уақытында анықтап, жөндеу жұмыстарының сапасын жоғары деңгейде орындау – кәсіби шеберлікті талап ететін күрделі жұмыс.Заманауи технологиялардың дамуымен бірге электр жөндеушілердің рөлі арта түсуде. Жаңа құрылғылар, күрделі жүйелер мен автоматтандырылған процестер электр саласының мамандарынан жоғары біліктілік пен үздіксіз білім жетілдіруді қажет етеді. Сондықтан бұл мамандық болашаққа бейімделіп, жаңашылдыққа ашық болып қала береді.Электр жөндеуші мамандары өздерінің қажырлы еңбегі арқылы қоғамға қажетті энергияның үздіксіз жеткізілуін қамтамасыз етеді, бұл өз кезегінде өнеркәсіптің дамуы мен халықтың тұрмыс сапасының артуына себепші болады.

2025 жылдың 11 тамызында Ломоносов ауылдық округінің әкімі В.С. Барсуков, Ломоносов атындағы дәрігерлік амбулатория қызметкерлері арасында «Интернет-алаяқтық» тақырыбында кітапшалар таратты.Ақпарат көзі : https://www.gov.kz/memleket/entities/sko-gm-lomonosov/press/news/details/1050082?lang=kk

2026 жылғы 1 қаңтардан бастап жаңа Салық кодексі бойынша берілген есептілікті кері қайтарып алу мүмкіндігі жойылды.Ерекшелік - тек 328.00 нысаны (тауарларды әкелу және жанама салықтарды төлеу).Енді:* Түзетулер тек қосымша есептілік немесе хабарлама арқылы енгізіледі.* Егер тапсыру мерзімі өтіп кетсе, жүйе автоматты түрде нөлдік есеп береді.* Сол кезеңдегі есепті және салық түрін қайта тапсыру мүмкін емес (қосымша есептіліктен немесе мерзіміндегі қағаздан басқа).Қорытынды: жіберілмес бұрын есептілікті тексеріңіз — "қайтарып алу және қайта жасау" енді жұмыс істемейді.Ақпарат көзі : https://www.gov.kz/memleket/entities/kgd-kostanay/press/news/details/1050085?lang=kk

2025 жылдың 7 тамызында Ақмола облысы әкімінің орынбасары Жаркешов Ернар Серікбайұлы Жақсы ауданына жұмыс сапарымен келді.Сапар аясында ол әлеуметтік сала, өнеркәсіп және спорт нысандарымен танысты. Атап айтқанда, Чапаев ауылының әкімшілік шекараларында орналасқан Тасоба-Жюжен тобының темір-марганец кендерінің кен орындарына көшпелі инспекция жүргізілді. Сондай-ақ, Ернар Серікбайұлы 2024 жылдың қаңтар айында Жақсы аудандық ауруханасы базасында пайдалануға берілген "JaksyMed" клиникалық-диагностикалық орталығына және Жақсы ауылындағы жаңа балалар ойын-сауық орталығына барды. Сонымен қатар, ауданның өнеркәсіптік және әлеуметтік инфрақұрылымының басқа да маңызды нысандары қаралды.Көшпелі бөлім аяқталғаннан кейін аудан әкімі Алмагүл Аманжолқызы Қадралинаның, ауданның жергілікті атқарушы органдарының, мемлекеттік мекемелері мен ұйымдарының басшыларының қатысуымен кеңес өтті. Кеңес шеңберінде негізгі мәселелер қаралды: еңбекақы төлеу қоры (Фото), жергілікті бюджетке түсетін түсімдер, бюджеттің атқарылуы, негізгі капиталға инвестициялар көлемі, сондай-ақ өңдеу өнеркәсібін дамыту.Ақмола облысының кәсіпкерлік және өнеркәсіп басқармасының басшысы Сапар Бақытжан Сапарұлы негізгі капиталға, агроөнеркәсіптік кешенге және саудаға салынған инвестициялардың көлемі, сондай-ақ өңдеу өнеркәсібінің ағымдағы жағдайы туралы баяндама жасады.Облыстың экономика және бюджеттік жоспарлау басқармасы басшысының орынбасары Азамат Қалбекұлы Ибикенов Мемлекеттік кірістер түсімдерін ұлғайту, сондай-ақ еңбекақы төлеу қорын ұлғайту жөніндегі іс-шаралар жоспарының іске асырылу барысы туралы ақпарат ұсынды.Кеңес қорытындысы бойынша ауданның әлеуметтік-экономикалық көрсеткіштерін одан әрі жақсарту үшін тиісті ұсыныстар берілді.Ақпарат көзі : https://www.gov.kz/memleket/entities/aqmola-zhaksy/press/news/details/1050037?lang=kk

2025 жылғы 8 тамызда Қазақстан Республикасының Сыртқы істер министрлігінің Алматы қ. Өкілдігінің саяси ынтымақтастық басқармасының басшысы Алмаша Аренова Қазақстан Республикасы Ұлттық кітапханасында өткен Абай Құнанбайұлының 180 жылдығына арналған «Абай әлем тілдерінде» атты әдеби-музыкалық кешке қатысып, сөз сөйледі.Өз сөзінде А. Аренова «Абайтануды» ілгерілету және оның мәдени мұрасын халықаралық деңгейде насихаттау ісіндегі жұмыстарды атап өтті.Іс-шараға ғылыми және шығармашылық қауым өкілдері, сондай-ақ Алматыда аккредиттелген дипломатиялық корпус өкілдері қатысты.Ақпарат көзі : https://www.gov.kz/memleket/entities/mfa-almaty/press/news/details/1050002?lang=kk

Жамбыл облысында орналасқан «Балауса» шығармашылық ұжымының акробаттары бүгінде Ұлттық ұлан сапында әскери борышын өтеп жүр.Шымкенттегі 6698 әскери бөлімінің сарбаздары Арман Қайырбаев пен Азизбек Қалмағанбетов — өнерде жұп, өмірде дос, ал әскерде қарулас. Екеуін табыстырған орта – сахна. Енді олардың арасындағы байланысты Отан алдындағы міндет нығайта түсті.Арман Ғабитұлы балалық шағынан бастап гимнастикамен айналысып, жеті жасында өнер жолына қадам басқан. Ол акробатика қыр-сырын меңгеріп, 13 жасында-ақ кәсіби шығармашылық ұжымның мүшесіне айналған.Ал Азизбек Сағидуллаұлы «Дене шынықтыру пәнінің мұғалімі» мамандығы бойынша білім алып жүрген. Бос уақытында өнер ордасында жұмыс істеп, сол жерде Арманмен танысқан. Содан бері екеуі жұптасып өнер көрсетеді.– Мен 13 жылдан бері осы салада жұмыс істеп келемін. Азизбекпен бес жылдан бері етене араласып, бірге өнер көрсеттік. Енді, міне, әскерде де бір сапта тұрмыз. Өнеріміздің арқасында әскери қызмет атқару қиынға соқпайды. Бұған акробатикамен айналысқан тәжірибеміз оң әсерін тигізді, – деді қатардағы Арман Қайырбаев.Шығармашылық ортада үйренген тәртіп пен дайындыққа деген жауапкершілік екі жігіттің әскери өмірге тез бейімделуіне ықпал еткен. Әскерге шақырту келгенде, олар көп ойланбастан азаматтық борышты бірге өтеуге шешім қабылдайды. Азизбек оқудан академиялық демалыс алып, қатарлас досымен бірге сап түзегенді жөн көреді.Осылайша, өнер жолында шыңдалған ептілік пен төзімділік, сахнадағы сенім мен серіктестік — олар үшін елге қызмет ету жолында маңызды қасиеттерге айналды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1049969?lang=kk

Бразилиa, 2025 жылғы 12 тамыз - Қазақстанның Бразилиядағы Елшілігінде Елші Болат Нүсіпов Эквадордағы ҚР Құрметті консулының уәкілетті өкілі-кеңесшісі Сантьяго Зунига Вилависсес мырзамен кездесті.Әңгіме барысында Елші Эквадордағы ҚР Құрметті консулы Леопольдо Окампо мырзаны ресми түрде қызметіне кірісуімен құттықтап, оның өкіліне Қазақстан Республикасы Сыртқы істер министрлігінің консулдық патентін табыс етті.Тараптар экономика және сауда, мәдениет және білім беру, сондай-ақ консулдық-құқықтық мәселелер саласындағы екіжақты ынтымақтастықтың өзекті мәселелерін талқылады.Негізгі назар екі елдің сыртқы саяси ведомстволары арасындағы алғашқы саяси консультацияларға дайындық, Құрметті консулдықтың ресми ашылуы және осы жылдың қазан айында Кито қаласында Эквадордың іскер топтарымен кездесу аспектілеріне аударылды.Келіссөздер қорытындысы бойынша Құрметті консулдық пен Елшілік арасында жоғарыда аталған мәселелер бойынша тұрақты жұмыс байланысын қолдау туралы уағдаластыққа қол жеткізілді.Ақпарат көзі : https://www.gov.kz/memleket/entities/mfa-brazil/press/news/details/1049938?lang=kk

Грузиядағы Қазақстан Елшілігінің қызметкерлері мен олардың отбасы мүшелері 1121 жылы Құрылысшы Давид IV патшаның әскері Селжұқтарға қарсы Дидгори шайқасында жеңіске жеткен күнге арналған, жыл сайын 12 тамызда аталып өтетін грузиннің халықтық мейрамы — Дидгороба мерекесін тойлауға қатысты.Айта кетерлігі, грузин жылнамасы «Картлис цховреба» деректеріне сәйкес, Дидгори шайқасында Селжұқтарды талқандауда патша Давидтің өтінішіне үн қатқан Артық хан бастаған қыпшақ жауынгерлері маңызды рөл атқарған.Дидгори шайқасындағы жеңіс Грузия тарихындағы «Алтын ғасырдың» басталуына жол ашты. Бұл кезеңде Грузия өз мемлекеттілігінің, экономикасының және мәдениетінің гүлденуіне қол жеткізді.Қазақстандық дипломаттар мерекелік шара аясында ұсынылған мәдени мұра үлгілерімен, халық қолөнерімен танысып, театрландырылған және хореографиялық қойылымды тамашалады.Ақпарат көзі : https://www.gov.kz/memleket/entities/mfa-tbilisi/press/news/details/1049907?lang=kk

Бүгін аудан әкімі Жандос Еркінбектің төрағалығымен жаңа 2025–2026 оқу жылына дайындық мәселелері бойынша мәжіліс өткізілді.Жиын барысында Үкімет басшысы мен облыс әкімінің тапсырмаларына сәйкес, жаңа оқу жылына дайындық жұмыстарының маңыздылығы атап өтілді. Аудан басшысы оқу жылының сәтті басталуы – мекемелер мен әкімдіктердің үйлесімді еңбегіне байланысты екенін атап өтті. Оқушыларды оқулықпен қамту, оқу ордаларының материалдық-техникалық базасын жетілдіру, әсіресе “Мектепке жол” акциясын белсенді ұйымдастыру – басты міндет екенін ескертті.– Жаңа оқу жылын барлық балабақша мен мектептер 100 пайыз кедергісіз бастауы тиіс. Бұл – ортақ жауапкершілік. Әр басшы өз ісіне тиянақты болуы керек, – деді Жандос Еркінбек.Сондай-ақ мектептер мен балабақшалардағы санитарлық-гигиеналық тазалық пен білім беру ұйымдарының жылыту жүйелері- тағы бір өзекті тақырып. Аудан басшысы бұл бағыттағы толық дайындықты 1 қыркүйекке дейін аяқталуы тиіс екенін қатаң тапсырды.Күн тәртібінде №1 санаториялық бөбекжай-бақшасы мен №275 мектептің шатырын жөндеу, 5 мектептің спорт алаңдарын жаңарту мәселелері де қаралды. Жөндеу сапасы мен уақытылы орындалуы – басты бақылауда.Мәжілісті қорытындылай келе, аудан басшысы барлық бөлім басшыларына, ауылдық округ әкімдеріне, білім мекемелерінің басшыларына нақты тапсырмалар жүктеп, олардың орындалуын қатаң бақылауда ұстайтынын жеткізді.Ақпарат көзі : https://www.gov.kz/memleket/entities/kyzylorda-karmakshy/press/news/details/1049875?lang=kk

2025 жылғы 12 тамызда Самар ауданы бойынша Мемлекеттік кірістер басқармасы «Корпоративтік табыс салығы, қосылған құн салығы бойынша өзгерістер, әлеуметтік салық, шегерімдер, тарифтер, салықтарды есептеу және төлеу тәртібі» тақырыбы бойынша ашық есік күнін өткізді.Ақпарат көзі : https://www.gov.kz/memleket/entities/kgd-vko/press/news/details/1049856?lang=kk

Магистральдық және аулаішілік жылу желілеріне гидравликалық сынақ жүргізу нәтижесінде 5 жарылу орны анықталды, олардың екеуі жедел түрде жойылды (Бородин және Дощанов көшелері).Қазіргі уақытта қалған үш жарылу орнында жөндеу жұмыстары жүргізілуде: - Тәуелсіздік көшесі – Баймағамбетова көшесі; - Тәуелсіздік көшесі – Бородин көшесі; - Мауленов көшесі.Кәсіпорын барлық жарылыстар мен ақауларды қысқа мерзімде жою үшін бар күшін салуда.Сонымен қатар, «QAZAQGAZ AIMAK» АҚ тарапынан «КТЭК» ШЖҚ МКК-ның жылу көздеріне газ беру тоқтатылуына байланысты, ыстық су беру 2025 жылғы 15 тамыздан кейін жүзеге асырылады (жарылу орындары әлі жойылмаған аудандардан басқа).Ақпарат көзі : https://www.gov.kz/memleket/entities/kostanai-kalasy-akimat/press/news/details/1049871?lang=kk

 Мемлекет басшысының бастамасымен жүзеге асырылып жатқан «Таза Қазақстан» экологиялық акциясы ел көлемінде кеңінен қолдау тауып, қоршаған ортаны қорғау мен санитарлық жағдайды жақсартуға бағытталған маңызды іс-шаралардың біріне айналды. Осы игі бастаманы жалғастыру мақсатында Әл-Фараби ауданы аумағында кезекті сенбілік ұйымдастырылды.Сенбілік жұмыстары Қаратау ауданына қарасты Тассай тұрғын алабы мен Мирас шағынауданында, сондай-ақ орталық көшелерде қарқынды түрде жүргізілді. Іс-шараға барлығы 60-тан астам адам қатысып, 7 бірлік арнайы техника жұмылдырылды. Тазалық жұмыстары барысында аумақтардағы тұрмыстық және құрылыс қалдықтары, қураған ағаш бұтақтары мен жиналмай қалған қоқыстар толықтай шығарылды. Нәтижесінде 47 тонна көлеміндегі қоқыс арнайы полигонға жеткізілді.Мұндай сенбіліктердің негізгі мақсаты – қала тұрғындары арасында экологиялық мәдениетті қалыптастыру, тазалыққа деген жауапкершілікті арттыру және қоғамдық орындардың санитарлық жағдайын жақсарту.Құрметті тұрғындар!Аула мен қоршаған ортаның тазалығы — әрқайсымыздың ортақ жауапкершілігіміз. Таза әрі жайлы өмір сүру үшін баршаңызды тәртіп пен тазалықты сақтауға шақырамыз. Қаламыздың көркеюі үшін күн сайын еңбек етіп жүрген коммуналдық қызмет мамандарының еңбегін құрметтеп, олардың жұмысына түсіністікпен қарап, өз аулаларымыз бен көшелерімізді таза ұстауға барынша атсалысайық.Ұмытпайық, тазалық – өзімізден басталады!

🔰 Жаңа Салық кодексін түсіндіруАбай ауданы бойынша МКБ-да азаматтар мен кәсіпкерлерді салық заңнамасындағы алдағы өзгерістер туралы хабардар ету мақсатында "Ашық есік күні" өткізілді. 📝 Іс-шараның негізгі мақсаты қатысушыларды 2026 жылдан бастап күшіне енетін жаңа Салық кодексінің негізгі ережелерімен егжей-тегжейлі таныстыру болды. ✅ Кездесу барысында кәсіпкерлерге салық кодексінің нормалары түсіндірілді, ҚҚС, КТС, ЖТС сияқты маңызды салықтарды есептеуге және төлеуге қатысты өзгерістерге ерекше назар аударылды. ✅ Қатысушылар шағын және орта бизнес үшін салық салу ерекшелігін қоса алғанда, маңызды өзгерістер мен инновациялар, салықтық әкімшілендіру рәсімдерін жеңілдетуге және бизнес үшін бюрократиялық кедергілерді қысқартуға бағытталған шаралар туралы толық ақпарат алды.Ақпарат көзі : https://www.gov.kz/memleket/entities/kgd-abay/press/news/details/1049827?lang=kk

Биыл ұлы ақын, ағартушы, ойшыл Абай Құнанбайұлының туғанына 180 жыл толып отыр.Абай – қазақ халқының рухани қазынасын байытқан, әділдік пен білімнің, бірлік пен ізгіліктің жолын көрсеткен ұлы тұлға.Ұлт ұстазының асыл мұрасы – мәңгілік!Ақпарат көзі : https://www.gov.kz/memleket/entities/shymkent-memlekettik-satyp-alu/press/news/details/1049839?lang=kk

Троллейбус жүргізушісі – қаланың тыныс-тіршілігін қамтамасыз етуші маманЭлектр көлігінің қауіпсіз әрі үзіліссіз қозғалысын қамтамасыз ететін троллейбус жүргізушісі – урбанистикалық инфрақұрылымның маңызды бөлігі. Бұл мамандық жоғары жауапкершілікті, зейінділікті және кәсіби шеберлікті талап етеді.Троллейбус жүргізушісінің күнделікті еңбегі – қала тұрғындарының жайлы әрі уақытылы жетуін қамтамасыз ететін негізгі факторлардың бірі. Олар тек көлік құралын басқарумен шектелмей, жолаушылармен мәдени қарым-қатынас орнатып, жолда қауіпсіздік ережелерін бұлжытпай орындайды.Қазіргі таңда бұл мамандыққа деген сұраныс артып келеді. Экологиялық таза көліктерді дамытудың маңыздылығы арта түскен шақта, троллейбус жүргізушілерінің еңбегі ерекше құнға ие болуда.Жұмысшы мамандықтар жылы аясында троллейбус жүргізушілерінің кәсіби беделін арттыру, еңбек жағдайын жақсарту және жаңа буын мамандарды даярлау басты назарда.

Астана, 2025 жылғы 12 тамыз – Қазақстан Республикасы Премьер-министрінің орынбасары – Сыртқы істер министрі Мұрат Нұртілеу Армения Республикасының Сыртқы істер министрі Арарат Мирзоянмен телефон арқылы сөйлесті.М.Нұртілеу Армения СІМ басшысын Вашингтонда өткен үшжақты кездесудің қорытындысы бойынша Армения мен Әзербайжан арасындағы бейбітшілік орнату туралы декларацияға қол қойылуымен құттықтады.ҚР Сыртқы істер министрі бұл қадамның Оңтүстік Кавказ өңірінде тұрақты бейбітшілік орнату, орнықты даму мен өркендеуді қамтамасыз ету жолындағы маңыздылығын атап өтті.Тараптар өңірлік коммуникацияларды ашу бойынша қол жеткізілген уағдаластықтарды жүзеге асыру аясында сауда, логистика және көлік салаларындағы ынтымақтастықтың перспективаларын талқылады.Сұхбат барысында алдағы уақытта Армения Премьер-министрі Никол Пашинянның Астанаға ресми сапары аясында екіжақты күн тәртібіндегі мәселелерге ерекше назар аударылды.Келіссөздер қорытындысы бойынша министрлер өзара тиімді ынтымақтастықты одан әрі нығайтуға бейілділігін растай отырып, саяси диалогты жалғастыруға келісті.Ақпарат көзі : https://www.gov.kz/memleket/entities/mfa/press/news/details/1049795?lang=kk

Алматы облысының Энергетика және сумен жабдықтау басқармасының газдандыру және сумен жабдықтау бөлімінің басшысы Г. Мұратов мердігер ұйымдар, ТКШ, сәулет бөлімі және Қонаев қаласының жолаушылар көлігі және автомобиль жолдары бөлімі өкілдерімен бірге «Қонаев қаласының бес шағынауданына жеткізуші газ құбыры мен газ тарату желілерінің құрылысы» жобасының орындалу барысын бақылау мақсатында бірлескен жұмыс сапарын өткізді.Жоба аясында 19 және 20-шағынаудандар, сондай-ақ Арна, Спутник және Рауан аудандары қамтылған. Газдандыруды іске қосу 2026 жылға жоспарланған.Ауқымды инфрақұрылымдық жоба Қонаев тұрғындарының өмір сүру сапасын арттыруға және оларды заманауи әрі экологиялық таза энергия көзімен қамтамасыз етуге мүмкіндік береді.Ақпарат көзі : https://www.gov.kz/memleket/entities/almobl-energy/press/news/details/1049700?lang=kk

Елордада әскери қызметшілер арасында Халықаралық әскери спорт кеңесінің (Conseil International du Sport Militaire) қолдауымен қазақ күресінен I-ші әлем чемпионаты өтеді. Біріншіліктің ашылуы 14 тамызда Qazaqstan жеңілатлетикалық спорт кешенінің базасында өтеді. CISM турнирінің ұйымдастырушылары – ҚР Қорғаныс министрлігінің Спорт комитеті, ҚР Туризм және спорт министрлігі және Астана қаласы әкімдігінің қолдауымен Qazaq Kuresi қауымдастығы.Әскери қызметшілер арасында қазақ күресінен өтетін I-ші әлем чемпионатында әлемнің 25 армиясының балуандары бағын сынайды. Қазақстанның намысын Қарулы күштер мен Мемлекеттік күзет қызметі құрамының мықты спортшылары қорғайды. Жекпе-жек ерлер арасында (55 келі, 60 келі, 66 келі, 74 келі, 82 келі, 90 келі, 100 келіге дейін және одан жоғары) және әйелдер арасында (48 келі, 52 келі, 56 келі, 60 келі, 65 келі, 70 келі, 77 келіге дейін және одан жоғары) 16 салмақ дәрежесі бойынша өтеді.Қазақстан өткен жылдың мамыр айында Танзаниядағы Сonseil International du Sport Militaire 79-шы Бас ассамблеясында және конгресінде жекпе-жектің ең көне түрінің тұсаукесерінен кейін әскери қызметшілер арасында қазақ күресінен I-ші әлем чемпионатын өткізу құқығына ие болды.Әлем чемпионаты Кеңес Одағының Батыры Әлия Молдағұлованың 100 жылдығына орайластырылған. Іс-шара аясында отандасымыздың өмірі мен ерлігіне байланысты бірегей құжаттар, фотосуреттер және артефактілер қойылатын тақырыптық көрме өтеді. Бұдан басқа, спорт форумының қонақтары қазақ мәдениетінің атмосферасымен таныса алады, яғни аренаның жанында киіз үйлер, ұлттық жәдігерлер мен дәстүрлі өнер үлгілері орнатылады.Естеріңізге сала кетсек, Conseil International du Sport Militaire – Халықаралық Олимпиада комитетінен кейінгі екінші маңызды спорттық ұйым. Ол 140-қа жуық ел қарулы күштері өкілдерінің басын қосады.Чемпионатты сәтті өткізу отандық күрес тарихында бетбұрыс жасауға ықпал етеді деп күтілуде, өйткені CISM қазақ күресін әлемдік армия турнирлерінің жыл сайынғы бағдарламасына, одан бөлек 2027 жылы АҚШ-та өтетін дүниежүзілік әскери ойындарға қосу мүмкіндігін қарастыруда.Ақпарат көзі : https://www.gov.kz/memleket/entities/mod/press/news/details/1049738?lang=kk

Бүгін, 12 тамызда Қостанай облысы бүкіл елмен бірге Халықаралық жастар күнін атап өтуде. 3-12 тамыз аралығында өңірде өткізілген ауқымды іс-шаралар онкүндігі осы маңызды күнге орайластырылып, жастардың спорттық, мәдени және әлеуметтік бастамаларын біріктірді.Мереке басталғаннан қостанайлықтар белсенділік танытып, ерекше атмосфераға бөленді: орталық алаңда көңілді жарыстар, байқаулар мен спорттық-сауықтыру кештері өтті. Алаңда орналасқан караоке сахнасында жастардың сүйікті хит-әндері шырқалды. 5 тамызда I-Qostanay кеңістігінде жұмысшы жастар форумы өткізіліп, өз саласының үздік мамандарына «Үздік шебер» сыйлығы табысталды. Жеті жеңімпаздың әрқайсысына 100 000 теңге сомасында ақшалай сертификат берілді.6 тамызда қала орталығы - қостанайлық Арбатта қолөнер көрмесі, көше музыкасының шеруі, ашық аспан астында мерекелік қойылымдар мен шығармашылық интерактивті іс-шаралар өтті. Атмосфера еуропалық рухтағы ең жақсы мерекелерді еске түсірді. 7 тамыз күні «Ұлы Дала» саябағындағы жазғы кинотеатрда көрермендер ашық аспан астында көркемфильм тамашалады. Ал 8 тамызда жастар тек көңіл көтеріп қана қоймай, Тобыл жағалауында «Таза ойындар» экологиялық квестін өткізді, онда қатысушылар аумақты тазалаудан жарысып, туған қалаға деген қамқорлықты дәріптеді.Бұл күндері жастар бастамаларын қолдауға ерекше көңіл бөлінді. 11 тамызда «Жастар сарайында» шағын гранттар байқауы өтіп, бастамашыл топтар мен еріктілер бірлестіктеріне өз жобаларын жүзеге асыру үшін 100 000 теңгеден 7 грант берілді.Онкүндіктің маңызды сәттерінің бірі 9-10 тамыз аралығында өткен баскетбол, шағын футбол және киберспорт бойынша жасөспірімдер арасындағы турнирлер болды. Бұл жарыстар тек ойыншыларды ғана емес, сонымен қатар спорт пен ойын ежелден өмір салты болған жастар командаларын, клубтарды біріктірді.   Баскетбол турниріне қала мен облыс бойынша әрқайсысы оқу орындары, спорт клубтары немесе бейресми жастар бірлестіктерінің атынан шыққан мықты 7 команда қатысты. Турнирге деген қызығушылықтың жоғары болғаны сонша, спорт кешендерінің трибуналары жанкүйерлерге лық толды.  Тобыл кентінегі «Затоболец» стадионында өткен футбол турнирінде 32 команда бақ сынады. Қатысушылар арасында мектеп оқушылары, студенттер, жас мамандар мен футбол жанкүйерлері болды. Турнир топтық және плей-офф сияқты екі кезеңнен құралды.Киберспорттық жарыстар да қызықты өтті, онда 30-дан астам геймер-қауымдастықтар мен клуб өкілдерінің командалары бақ сынасты.FIFA 2025-те 30 қатысушы өз шеберліктерін айқын көрсетті, виртуалды стадиондар эмоцияларға толы болды, UFC 4 ойынындағы тағы 20 ойыншы финалы болжанбайтын нағыз кибержекпе-жекті көрсетті. Киберспорт бойынша жалпы жүлде қоры 525 000 теңгені құрады, бұл қатысушылар үшін күшті ынталандыру болды. Онкүндік 12 тамызда Ұлы Дала саябағының сахнасында Open Air концерттік бағдарламасымен аяқталды. Шығармашылық топтар өз өнерімен көрермендерге мерекелік көңіл-күй сыйлады. Соңында турнир жеңімпаздары мен облыстың белсенді жастарын салтанатты марапаттау рәсімі өтті. Жас көшбасшылар, волонтерлар, спортшылар мен шығармашылық дарындарға сертификаттар мен сыйлықтар табыс етілді.Ақпарат көзі : https://www.gov.kz/memleket/entities/kostanay/press/news/details/1049689?lang=kk

Еңбек қауіпсіздігін қамтамасыз ету, өндірістік жарақаттанудың алдын алу, сондай-ақ Қазақстан Республикасының еңбек қауіпсіздігі саласындағы қолданыстағы заңнамасының нормаларын түсіндіру мақсатында Сарань қаласының №24 ӨСБ және ТЖБ ұжымымен ақпараттық-түсіндіру кездесуі өтті.Іс-шараға Еңбек департаментінің еңбек қатынастары бөлімі бастығының орынбасары, бас мемлекеттік еңбек инспекторы — Қасымова Әсем қатысты. Кездесу барысында еңбек қауіпсіздігі талаптарын сақтау, өндірістегі жазатайым оқиғалардың алдын алу, сондай-ақ еңбек заңнамасын бұзғаны үшін жұмыс берушілер мен қызметкерлердің жауапкершілігі мәселелері талқыланды.Мұндай іс-шаралар қызметкерлердің құқықтық сауаттылығын арттыруға және қауіпсіз еңбек мәдениетін қалыптастыруға ықпал етеді, бұл жұмыс орындарында қауіпсіз жағдай жасау жолындағы маңызды қадам болып табылады.Ақпарат көзі : https://www.gov.kz/memleket/entities/karaganda-enbek/press/news/details/1049646?lang=kk