Баспасөз хабарламасы02.12.2025 ж.                                                                                                 Астана қ. Қазақстанның Еңбек министрлігі мен Кореяның Әділет министрлігі ерікті түрде қоныс аудару бағдарламасының мерзімдерін кеңейту жөнінде келісімге келді ҚР Еңбек және халықты әлеуметтік қорғау министрлігі Корея Республикасының Әділет министрлігімен заңсыз көші-қонды азайту және азаматтарымыздың құқықтарын қорғау мәселелері бойынша жүргізілген келіссөздер барысында, Кореяда заңсыз жұмыс істеген қазақстандықтарға айыппұлсыз және қайта кіруге тыйым салынбастан елден ерікті түрде шығуға мүмкіндік беретін ерікті қоныс аудару бағдарламасының (бұдан әрі – Бағдарлама) мерзімдерін кеңейтуге уағдаласты. Біздің отандастарымыз бұл мүмкіндікті 2025 жылғы желтоқсаннан 2026 жылғы ақпан айына дейін қоса алғанда пайдалана алады.Бұл шаралар құқықтық салдарларды жеңілдетуге және өз мәртебесін реттеуге дайын адамдарды қолдауға бағытталған. Бағдарлама қылмыстық құқықбұзушылық жасаған, мәжбүрлеп шығару шарасына жататын, сондай-ақ 2025 жылғы 1 желтоқсаннан кейін заңсыз мәртебеге түскен шетелдіктерге қолданылмайды.Бағдарламаға қатысу үшін төлқұжат, ерікті қоныс аудару туралы өтініш және әуе билеті қажет. Алдын ала хабарлама Корея Республикасының иммиграция кеңселері арқылы ұшу күніне дейін 15-тен 3 күнге дейінгі мерзімде беріледі.ҚР Еңбек және халықты әлеуметтік қорғау министрлігі (бұдан әрі – ҚР ЕХӘҚМ) қазақстандықтарды шетелде тек заңды негізде жұмысқа орналасуға шақырады. Бұл заңсыз көші-қон, елден шығарып жіберу, айыппұлдар, құқықтық шектеулер және еңбек қанауы сияқты тәуекелдердің алдын алуға мүмкіндік береді.Тек ресми және тексерілген еңбек ресурстары арналарына жүгіну қажет: лицензияланған жеке жұмыспен қамту агенттіктері, мемлекеттік бағдарламалар және жұмыс берушілердің ресми ұсыныстары.ЕХӘҚМ шетелде жұмыс істеп жүрген Қазақстан азаматтарының құқықтарын қорғау бойынша жүйелі жұмысты жалғастырады.Ақпарат көзі : https://www.gov.kz/memleket/entities/kostanay-fedorov/press/news/details/1123809?lang=kk

Алматы қаласы бойынша Сауда және тұтушылардың құқығын қорғау департаменті жыл басынан бері «Әкімшілік құқық бұзушылық туралы» Кодексінің 204-4-бабына сәйкес, Small, JLC, Galmart, Toimart, My Mart сауда желісі, А-стор, Беккер, супермаркет Carefood, «Food Beverage Trading» ЖШС, «Airba Fresh» ЖШС, «Good Luck Trade» ЖШС, «Mix Market Trade» ЖШС және басқа да кәсіпкерлік субъектілеріне қатысты жоспардан тыс тексерулер жүргізіліп, 420-дан астам кәсіпкерлік субъектісіні әкімшілік жауапкершілікке тартылды. Мәселен ҚР ӘҚБтК 204-4-бабының 2-бөлігіне сәйкес «Метро» ірі сауда желісі әлеуметтік маңызы бар азық-түлік тауарларына 15% сауда үстемесін асырғаны үшін әкімшілік жауапкершілікке тартылды. «Метро Кэш энд Керри» ЖШС Департамент шығарған әкімшілік шешімге барлық сот инстанцияларында, соның ішінде кассациялық тәртіппен шағымданды, бірақ нәтиже болмады, өйткені Департаменттің әрекеттері заңды.Айта кету керек, «Метро» сауда желісі белгіленген сауда үстемесі үшін әкімшілік жауапкершілікке бірінші рет тартылып отырған жоқ. Бұған дейін 2024 жылы «Метро Кэш энд Керри» ЖШС сауда үстемесі үшін әкімшілік жауапкершілікке тартылған болатын, сондай-ақ, Департаменттің әкімшілік шешіміне сот тәртібімен шағымданды, нәтижесінде кәсіпкерлік субъектісіне талаптарды қанағаттандырудан, оның ішінде Қазақстан Республикасының Жоғарғы сотымен бас тартылды.Сондай-ақ, Алматы қаласының «Small» және «Toimart» сияқты ірі сауда желілері сауда үстемесінің 15% асқаны үшін әкімшілік жауапкершілікке тартылды.Одан бөлек Департамент мемлекеттік бақылау функцияларын іске асыру бойынша кешенді іс-шараларды өткізген кезде, SMALL сауда желісін сот ҚР ӘҚБтК-нің 462-бабы бойынша, мемлекеттік бақылау функцияларын орындауы кезінде Департаменттің лауазымды тұлғаларына кедергі келтіргені үшін, әкімшілік жауапкершілікке тартты.Қазіргі уақытта үй жанындағы дүкендерде әлеуметтік маңызы бар азық-түлік тауарларын сататын жосықсыз кәсіпкерлерді әкімшілік жауапкершілікке тарту бойынша кешенді жұмыс жүргізілуде. Жалпы Алматы қаласы бойынша сауда және тұтынушылардың құқығын қорғау департаменті әлеуметтік маңызы бар тауарларға сауда үстемесін арттырған кәсіпкерлерге 32 млн теңгеден астам айыппұл салды.Ақпарат көзі : https://www.gov.kz/memleket/entities/mti/press/news/details/1117468?lang=kk

Сәкен Сейфуллин атындағы орталық кітапханада қоғамдағы рухани қауіпсіздікті нығайту және оқырмандардың діни сауаттылығын арттыру мақсатында «Діни экстремизм – қауіпті құбылыс» атты ақпараттық сағат өтті.Шара жүргізушінің кіріспе сөзінен басталып, қатысушыларға діни экстремизмнің мәні, оның қоғамға келтіретін зияны және радикалды идеологияның таралу қаупі туралы мәлімет берілді. Тақырыпты тереңірек түсіндіру үшін «Діни экстремизм – қоғамға төнген қауіп» бейнеролигі көрсетілді.Іс-шараға Жетісу облысының Дін саласындағы мәселелерді зерттеу және оңалту орталығының маман-теологы, Республикалық ақпараттық-түсіндіру тобының мүшесі Қанат Мүтебаев қатысып, діни тұрақтылықты сақтау, дұрыс ақпаратты ажырату және қауіпті жалған ағымдарды тану жолдары жөнінде құнды ақпарат айтып, қатысушылардың сұрақтарына жауап берді.Сонымен қатар, кітапханашы Гаухар Болатбекова «Діни экстремизм – қоғам қауіпі» атты кітап көрмесіне библиографиялық шолумен жалғасты. Ақпараттық сағатқа №1 Абай атындағы орта-мектеп гимназиясынң 9 сыныптың оқушылары қатысты.Ақпарат көзі : https://www.gov.kz/memleket/entities/zhetysu-archive/press/news/details/1117424?lang=kk

    Әлеуметтік қызметтер Порталы мүмкіндігі шектеулі адамдарды техникалық және оңалту құралдарымен қамтамасыз етуге, сондай-ақ Өнім берушіні өз бетінше таңдауға арналған. Алушы, Өнім беруші және Уәкілетті орган арасындағы өзара іс-қимыл Портал арқылы жасалатын Шарт аясында жүзеге асырылады.Өнім берушілер Порталда орналастырылған ақпаратқа толық сәйкес тауарлар мен қызметтерді ұсынуға міндетті. Қосымша шарттар енгізуге, акциялар өткізуге, жарнама орналастыруға, сондай-ақ қосымша тауарлар, қызметтер немесе сыйақылар ұсынуға жол берілмейді.Алушының жалғыз қаржылық міндеттемесі — таңдалған техникалық және оңалту құралының құны заңнамада белгіленген кепілдендірілген сомадан асқан жағдайда тек айырманы төлеу болып табылады .Бұзушылықтар, алаяқтық белгілері немесе қосымша қызметтерді мәжбүрлеп ұсыну анықталған жағдайда, Алушылар бұл туралы Уәкілетті органдарға дереу хабарлауы қажет. Мұндай ақпарат Порталдың адал емес Өнім берушілерін тізілімнен шығару мәселесін қарастыруға негіз болады.Порталдың жұмысына қатысты сұрақтар бойынша 1414 бірыңғай байланыс орталығына немесе 8 (7222) 36-01-72 телефоны арқылы Басқармаға хабарласуға болады.Ақпарат көзі : https://www.gov.kz/memleket/entities/abay-kurchatov/press/news/details/1117428?lang=kk

Өскемен қалалық мәслихатында Өскемен қаласының тұрғын үй қатынастары бөлімі және Өскемен қаласының құрылыс бөлімі ұсынған Өскемен қаласы бюджетінің жобаларын талқылау жөніндегі уақытша комиссияның отырысы өтті.Отырыс барысында құрылыс бөліміне инфрақұрылым және тұрғын үй құрылысы саласында іске асырылатын жобаларды аяқтау үшін облыстық және республикалық бюджеттерден қаржыландыру мәселелерін пысықтау ұсынылды.Тұрғын үй қатынастары бөліміне көппәтерлі тұрғын үйлердің қасбеттерін жөндеуге, сондай-ақ оларды кейіннен апаттық қордан көшіру мақсатында апатты үйлердің иелері үшін пәтерлер сатып алуға қаражат бөлу үшін бюджеттік өтінімдер дайындау қажет. Сонымен қатар, бөлім қажетті бюджет қаражатын есептей отырып, қала теңгеріміндегі лифт жабдықтарын жөндеудің мүмкін тетіктерін пысықтауы керек.Өскемен қаласының аумақтық басқару орталығына аула аумақтарында орналасқан футбол қораптарын жөндеу үшін қажетті шығындарды есептеуді жүргізу, оларды мамандандырылған ұйымның (мемлекеттік мекеменің) теңгеріміне беру тәртібін айқындау, сондай-ақ Өскемен қаласының аумақтық басқару орталығы филиалдарының материалдық-техникалық базасын жақсарту бойынша есептерді дайындау ұсынылды.Ақпарат көзі : https://www.gov.kz/memleket/entities/ukmaslihat/press/news/details/1117366?lang=kk

«Заң мен тәртіп» тұжырымдамасын іске асыру аясында №50 мекемеде «Аманат» партиясының «Жастар рухы» жастар қанатының өкілдері қатысқан интеллектуалдық викторина өтті. Іс-шараның мақсаты – құқықтық мәдениетті арттыру, коммуникативтік дағдыларды дамыту және жастар мен сотталғандар арасындағы диалогты нығайту болды.Викторина бес кезеңнен тұрды, олардың әрқайсысы қатысушылардың білімдерін кеңейтуге және нығайтуға бағытталды.Сайысқа сотталғандар мен жас белсенділерден құралған командалар қатысты. Мұндай формат өзара құрметті, түсіністікті арттыруға, сондай-ақ ұрпақтар арасындағы стереотиптерді жоюға мүмкіндік берді.Іс-шара серпінді және позитивті атмосферада өтті. Қатысушылар жоғары белсенділік танытып, қызығушылық пен өзін-өзі дамытуға деген талпыныс көрсетті. Мұндай кездесулер құқықтық мәдениетті қалыптастыруда маңызды рөл атқарады және сотталғандардың әлеуметтік интеграция мүмкіндіктерін кеңейтеді.Ақпарат көзі : https://www.gov.kz/memleket/entities/duissko/press/news/details/1117380?lang=kk

Мариногорка  ауылдық округіне қарасты Мариногорка  ауылында ЖК «Сеилканов» балалар ойын алаңын қоршауды аяқтады. Жобаның құны 730 000 теңгені құрадыАқпарат көзі : https://www.gov.kz/memleket/entities/vko-samar-marinogor/press/news/details/1117359?lang=kk

2025 жылғы 2 желтоқсанда Жітіқара политехникалық колледжінде Жітіқара ауданы әкімдігі ішкі саясат бөлімінің басшысы М. А. Джетеновтің студенттермен кездесуі болып өтті.«Таза Қазақстан» республикалық экологиялық бағдарламасы аясында қатысушыларға аудан аумағын абаттандыру және санитарлық жағдайды жақсарту бойынша негізгі жұмыстар таныстырылды.Ағымды жылы Жітіқара ауданында қаланы көгалдандыру, ескерткіштерді жөндеу, шағын сәулеттік нысандар орнату және көше инфрақұрылымын дамыту бағытында кешенді жұмыстар жүзеге асырылды.Қала аумағын көгалдандыру бойынша жұмыс өткізілді, 3,8 мыңнан астам көшет отырғызылды, ағаштарды санитарлық түрде қырқу өткізілді, рұқсат етілмеген қоқыс орындарын жойылды, контейнер алаңдарын орнатылды және ірі габаритті қалдықтарды шығаруға арналған инфрақұрылым құрылды.Қалада «109» колл-орталығы тәулік бойы жұмыс істейді. Оның көмегімен тұрғындар абаттандыруға қатысты мәселелер туралы жедел түрде хабарлай алады — 10 ай ішінде 800-ден астам өтініш түсті.Қоғамдық кеңістіктерді дамытуға ерекше көңіл бөлінеді: балалар және спорт алаңдары орнатылды, ауылдық стадионға күрделі жөндеу жүргізілді, әлеуметтік осал топтарға арналған көппәтерлі тұрғын үйлерді жаңғырту жұмыстары жүргізілуде. Көше жарығын модернизациялау және тіректерді бояу жұмыстары орындалды.2025 жылы 51 ескі және апатты үйлерге демонтаж жұмыстары жүргізілді, бұл жоспарланған көрсеткіштен едәуір асады. Абаттандыру жұмыстарына ауданның әлеуметтік серіктестері де айтарлықтай үлес қосуда — кәсіпорындар ескерткіштерді жөндеуге, аллеялар мен қоғамдық орындар құруға қолдау көрсетуде.Экологиялық бағдарламаға мектеп оқушыларының қатысуы да атап өтілді. Забелов, Ырсай, Пригородное және Тургенев ауылдарының оқушылары өз аумақтарын абаттандырып, декоративті элементтер жасап, ойын алаңдарын жаңартып, жеке бастамаларын және экологиялық жауапкершілігін көрсетті.Жітіқара ауданындағы «Таза Қазақстан» бағдарламасын іске асыру бойынша жұмысы жүйелі түрде жалғастырып келеді және халықтың өмір сүру сапасын арттыруға, қолайлы қалалық орта қалыптастыруға және экологиялық мәдениетті дамытуға бағытталған. #TazaQazaqstan #ТазаҚазақстан #Экопросвещение #ЭкологиялықТәрбие #МолодежьЗаЭкологию  #QostanaiАқпарат көзі : https://www.gov.kz/memleket/entities/kostanay/press/news/details/1117353?lang=kk

🇰🇿🇪🇺Бүгін Қазақстан мен Еуропалық Одақ виза режимін жеңілдету бойынша келіссөздерді бастайды. Брюссельде Сыртқы істер министрі Ермек Көшербаев пен Еуроодақтың Жоғарғы өкілі Каджа Калластың төрағалығымен кездесу өтті. Кездесу қорытындысы бойынша тараптар Қазақстан азаматтары үшін визалық режимді жеңілдету және реадмиссия туралы келісім бойынша келіссөздер 2 желтоқсанда басталатынын хабарлады. ЕО Қазақстанның ең ірі экономикалық серіктесі болып қала береді, сауда көлемі 50 миллиард долларға, инвестиция көлемі 200 миллиард долларға жетеді. Елде 4 мыңнан астам еуропалық компания жұмыс істейді. Орта дәлізді дамыту, сондай-ақ жасыл экономика және цифрландыру саласындағы жобалар бөлек талқыланды (©Курсив).

Қонаев қаласының инженерлік-саперлік бригадасында 200-ге тарта сарбаз, Өскемен қаласының 27943 әскери бөлімінде еліміздің он өңірінен шақырылған 400-ден астам жауынгер ант қабылдады. Салтанатты әскери ант қабылдау рәсіміне бөлімдердің басшылығы, әскери қызметшілер, Қарулы күштердің ардагерлері, сарбаздардың туған-туыстары қатысты.Жас жауынгерлер әскери борышын адал орындауға, елдің егемендігі мен тәуелсіздігін қорғауға, Конституция мен әскери жарғыларды сақтауға ант берді.Қонаев қаласында сарбаздарды 58012 әскери бөлімінің командирі подполковник Қанат Тәңірбергенов, Өскеменде 27943 әскери бөлімі командирінің тәрбие және идеологиялық жұмыс жөніндегі орынбасары подполковник Нұрлан Кисенов құттықтады.– Ант беру – Қазақстан халқына адал болу үшін берілген серт. Бұл сарбаздың Отанның абыройын, бостандығы мен тәуелсіздігін жанқиярлықпен қорғауға моральдық дайындығын білдіреді, – деп атап өтті подполковник Қ.Тәңірбергенов.Ант қабылдау рәсімі кезінде мерзімді қызметтің әскери қызметшілері жас жауынгер курсын меңгеріп, жалпы әскери жарғыларды, қарудың тактикалық-техникалық сипаттамаларын үйренді, саптық, атыс және дене шынықтыру дайындығынан өтті.– Бүгінгі күн өмір бойы есімде қалады. Ант берген сәтте кеудемді елім үшін мақтаныш пен Отан алдындағы жауапкершілік сезімі кернеді. Отбасым мен отандастарым мені мақтан етуі үшін осы жолдан абыроймен өтуге тырысамын, – деді қатардағы жауынгер Ақылбек Рахымболов.Өскемендегі «Жас сарбаз» балалар-жасөспірімдер әскери-патриоттық қозғалысының тәрбиеленушілері ант қабылдау рәсіміне шақырылды. №49 орта мектептің төртінші сынып оқушылары үшін бұл күнгі шара патриотизм мен әскери борышты түсіну үшін маңызды сабақ болды. Іс-шаралар барысында әскери қызметшілер мінбеге шығып сөз сөйледі. Сонымен қатар қоян-қолтық ұрыс элементтері, саптық тәсілдер, заманауи қару-жарақ пен техниканы көрсетілімі ұйымдастырылды.Ресми бөлімнен кейін әскери бөлімдердің командирлері ата-аналармен әңгімелесіп, оларды қызықтырған барлық сұрақтарға жауап берді. Бұдан өзге қонақтар мерзімді қызмет сарбаздарына жасалған тұрмыстық жағдаймен танысты.Ақпарат көзі : https://www.gov.kz/memleket/entities/mod/press/news/details/1117245?lang=kk

Ауданда егін шаруашылығына қатысты өзекті мәселелер талқыланған арнайы мәжіліс өтті. Жиынға аудан әкімі Берік Сәрменбаев, облыстық ауыл шаруашылығы және жер қатынастары басқармасының басшысы Талғат Дүйсебаев қатысып, аймақтағы су тапшылығы жағдайында алдағы егін егу маусымына дайындық барысы жан-жақты қаралды.Мәжіліске ауданға жұмыс сапарымен келген “Қазсушар” РМК Қызылорда филиалы директорының орынбасары Айдос Асанбаев, Су ресурстарын реттеу, қорғау және пайдалану жөніндегі Арал–Сырдария бассейндік су инспекциясының басшысы Зейнулла Қазтоғанов, «Қызылорда крахмал-сірне зауыты» ЖШС-нің директоры Шухрат Құрбанов, сондай-ақ “Аграрлық Несие Корпорациясы” АҚ облыстық филиалының өкілі Нұржан Жаналиев, “Фитосанитария” Қызылорда облыстық филиалының директоры Жанат Дүзелбаева және тиісті сала басшылары мен шаруа қожалықтарының жетекшілері қатысты.Жиын барысында облыстық ауыл шаруашылығы және жер қатынастары басқармасының басшысы Талғат Дүйсебаев вегетациялық кезеңде аудандағы суармалы егіншілікпен айналысатын шаруашылықтардың қазіргі жағдайы, биылғы ауыл шаруашылығы науқанының қорытындысы және келер жылғы егін егу кезеңіне жоспарланған жұмыс бағыттарын талқыланды. Басқарма басшысы Сырдария өзені бойындағы су көлемінің азаюы және оның егістік алқаптарына әсеріне назар аударды.Күн тәртібіндегі мәселелер бойынша сөз алған сала мамандары суармалы сумен қамтамасыз ету, су тапшылығының салдарын азайту, егіс құрылымын қайта қарау қажеттігін атап өтті. Атап айтқанда, күріш алқаптарын қысқартып, су аз қажет ететін дақылдарға – жүгері, мақсары және өзге де балама өнімдерге кезең-кезеңімен көшу жөнінде ұсыныстар айтылды. Бұл бағыттағы жұмыстар аграрлық саланың тұрақтылығын сақтауға және су ресурстарын тиімді пайдалануға мүмкіндік беретіні атап өтілді.Сондай-ақ мәжілісте Мемлекет басшысының ауыл шаруашылығында су үнемдеу технологияларын кеңінен енгізу жөніндегі тапсырмалары да тілге тиек етілді. Осыған байланысты, тамшылатып және жаңбырлатып суару сынды заманауи әдістерді енгізу, су арналары мен қашыртқыларды тазалау, суды есепке алу жүйесін жетілдіру мәселелері күн тәртібінде тұр.Мәжілісте шаруашылық құрылымдары өкілдері ұсыныс-пікірлерін жеткізді.Аудан әкімі жиынды қорытындылай келе, алдағы вегетациялық кезеңге дайындықты бүгіннен бастап күшейтудің маңызын атап өтті. Көктемгі дала жұмыстарына қажетті тұқым, тыңайтқыш және ауыл шаруашылығы техникаларын толық әрі сапалы әзірлеу, су көздерін ұтымды пайдалану бағытында нақты жоспарлар әзірлеу қажет екенін жеткізді. Сонымен қатар, барлық жауапты сала басшылары мен шаруашылық жетекшілерін бірлесіп, үйлесімді жұмыс істеуге шақырып, аграрлық саланың тұрақты дамуын қамтамасыз ету ортақ міндет екенін атап өтті.Ақпарат көзі : https://www.gov.kz/memleket/entities/kyzylorda-syrdarya/press/news/details/1117224?lang=kk

📢 Құрметті Шымкент қаласының тұрғындары!Қазақстан Республикасы Қаржы вице-министрі Біржанов Ержан Ерікұлының қатысуымен Шымкент қаласының халқымен кездесу өтеді.🗓 Күні: 04 желтоқсан🕚 Басталуы: 11:00📍 Өтетін орны: Шымкент қ., Арғынбеков көшесі, 89АҚаратау ауданы бойынша мемлекеттік кірістер басқармасының мәжіліс залы📞 Анықтама телефоны:8-7252-39-47-40Сұрақтарды алдын ала @shymkent.salyq.kz директіне немесе комментарийге 03 желтоқсан, 18:00-ге дейін жолдауға болады.Ақпарат көзі : https://www.gov.kz/memleket/entities/kgd-shymkent/press/news/details/1117225?lang=kk

«Заң мен тәртіп» идеологемасын ілгерілету, сондай-ақ «Зорлық- зомбылыққа қарсы 16 күн» республикалық науқаны аясында қоғамда құқықтық мәдениетті арттыру, тұрмыстық зорлық-зомбылықтың алдын алу және халықтың кауіпсіздік мәселелеріне назарын күшейту мақсатында 28 қараша күндері ауылдық округте қоғамдық ұйымдармен «Зорлық- зомбылыққа жол жоқ» тақырыбында кездесу өткізілді. Аталған іс-шараға ауылдық округтегі аналар, ардагерлер кеңестерінің және ақсақалдар алқасы, ауданның құрметті азаматы өлкетанушы Аналар кеңесінің мүшесі Демеуқұлова Зәуреш Жұмағалиқызы, Рахишов Самат Балқаш ауданының Ақсақалдар кеңесінің төрағасы Кәсіподақ ұйымының төрағасы, Жусупова Ғалия Әбдірахманқызы Балқаш ауданының филиалы “Қоғамдық келісім және даму орталығының” жетекші сарапшысы қатысты.Ақпарат көзі : https://www.gov.kz/memleket/entities/balkhash-zhideli/press/news/details/1117227?lang=kk

2025 жылғы 28 қарашада Қазақстан Республикасы Еңбек және халықты әлеуметтік қорғау министрлігінің Қарағанды облысы бойынша Мемлекеттік еңбек инспекциясы комитеті департаментінде мемлекеттік қызметтегі әдеп нормаларын сақтау және сыбайлас жемқорлықтың алдын алу мәселелеріне арналған кеңейтілген жиын өтті.Жиынға:  ҚР Еңбек және халықты әлеуметтік қорғау министрлігінің Әдеп жөніндегі уәкілі Өркен Болатқызы Алшынбаева, ҚР Мемлекеттік қызмет істері агенттігінің Қарағанды облысы бойынша департаментінің Мемлекеттік қызмет саласындағы бақылау басқармасының басшысы Кайсар Хайранович Акбаров қатысты.Іс-шара барысында мемлекеттік қызметшілердің әдептілік қағидаларын сақтау талаптары, сыбайлас жемқорлық тәуекелдерінің алдын алу шаралары, сондай-ақ мемлекеттік органдардың ашықтығын арттыру және қоғамның сенімін күшейту жолдары талқыланды. Әсіресе қызметтік әдеп мәдениетін нығайту және әрбір қызметкердің жеке жауапкершілігін арттыру мәселелеріне ерекше көңіл бөлінді.Жиын қорытындысы бойынша, әдеп стандарттарын жетілдіру мен сыбайлас жемқорлыққа қарсы іс-қимылдың тиімділігін арттыруға бағытталған алдағы жұмыс бағыттары айқындалды.Ақпарат көзі : https://www.gov.kz/memleket/entities/karaganda-enbek/press/news/details/1117157?lang=kk

ҰЭМ, Ұлттық банк және ҚНРДА 2026-2028 жылдарға арналған бірлескен іс-қимыл бағдарламасын түсіндіру бойынша кеңестерді жалғастыруда.2026-2028 жылдарға арналған және макроэкономикалық тұрақтылық пен халықтың әл-ауқатын арттыруға бағытталған Үкімет, Ұлттық банк және ҚНРДА бірлескен іс-қимыл Бағдарламасын іске асыруға арналған онлайн-кеңестер легі жалғасуда. Павлодар, Шығыс Қазақстан, Батыс Қазақстан, Атырау, Ақтөбе, Маңғыстау облыстары мен Абай облыстары үшін кезекті бейнеконференц байланыс арқылы кеңестер өткізілді. Қатысушыларға бағдарламаның негізгі бағыттары ұсынылды: шикізаттық емес салаларды дамыту, еңбек өнімділігін арттыру, экономиканы технологиялық жаңарту және цифрландыру. Жыл сайын өңдеу өнеркәсібі мен АӨК-те 100-ден астам инвестициялық жобаны іске қосу, сондай-ақ металлургия, машина жасау, мұнай-газ химиясы және АӨК-те жоғары қайта бөлудің 17 ірі жобасын іске асыруды жалғастыру жоспарлануда. Екінші деңгейдегі банктер мен "Бәйтерек" холдингі нақты секторды кредиттеудің негізгі көздеріне, сондай-ақ экономиканың өсу нүктелері мен сала көшбасшыларын қаржыландырудың негізгі арналарына айналады. Ұлттық инвестициялық холдингке айналған Бәйтерек ең көп мультипликативтік әсері бар 15-20 жүйе құраушы жобаларға шоғырланады. Қаржыландырудың басым бағыттары ТМК, машина жасау, энергетика, инфрақұрылым, туризм, АӨК, тамақ өнеркәсібі, химия, мұнай-газ химиясы, агрохимия және құрылыс материалдарын өндіру болып айқындалды. 2026 жылға арналған жобалар портфелінде 42% химия және мұнай - газ химиясына, 19,6% - көлік және логистикаға, 12,1% - энергетикаға, 7,1% - ТМК, 6,4% - АӨК және тамақ өнеркәсібіне тиесілі. Қаржыландыруды қамтамасыз ету үшін 2026 жылы 1 трлн теңгеге дейін бюджет қаражатын бөлу көзделген.Ауыл шаруашылығы министрлігі мен Өнеркәсіп және құрылыс министрліктері импортты алмастыру әлеуеті жоғары өсу нүктелерін қалыптастыруға кірісті. Тек аграрлық салада 4 трлн теңге сомасына 200-ден астам жоба іріктелді. Бұл жобаларды әкімдіктермен бірлесіп "Бәйтерек" холдингі компаниялардың қаржылық тұрақтылығы мен басқарушылық сапасын ескере отырып талдамақ. Әкімдік өкілдері "Инвестицияға тапсырыс" бағдарламасына ерекше қызығуда. Оның іске қосылуы келесі жылға жоспарланған. Қатысушылар оның тетіктерін егжей - тегжейлі зерделеуге дайын екендіктерін білдіріп, қосымша түсініктемелер сұрады -  оларды кредиттеу шарттары, жобалар пулын қалыптастыру принциптері және іріктеу критерийлері қызықтырды. Сондай-ақ, бағдарламаның жан-жақты талқылау үшін Бәйтерекпен жеке кездесулер ұйымдастыру ұсынылды. Кәсіпкерлердің қолдау шараларына қол жеткізуін жеңілдету және барлық негізгі қызметті алуды қамтамасыз ету үшін бірыңғай терезе режимінде "Даму" қорының филиалдары базасында фронт-офистер ашылады. Олардың тұжырымдамасы  бекітілген. Фронт-офис мамандары "Бәйтерек" холдингінің барлық өнім желілері бойынша кеңес береді. Жобаларды бастапқы іріктеуді жүргізіп, құжаттың бастапқы топтамасын дайындауға көмектеседі. Осылайша, кәсіпкерлер бір жерден кешенді қолдау ала алады. Қазір «Даму» қорының өңірлік филиал мамандары арнайы оқытудан өтіп жатыр.Ұлттық банк Бағдарлама шеңберінде өз жұмысының бағытын егжей-тегжейлі түсіндірді. Негізгі назар тұтынушылық кредит тәуекелін азайтуға және бизнесті банктік кредиттеуді ынталандыруға аударылады. Бағдарлама бюджеттік есеп айырысулар мен әлеуметтік төлемдерде цифрлық теңгенің қолданылуын кеңейтуді көздейді. Бұл мемлекеттік қаражаттың бөліну ашықтығын арттырады. Келесі жылы ҚНРДА бизнесті кредиттеуді арттыру үшін пруденциалдық шараларды жүзеге асыруды жалғастырады. Тұтастай алғанда, банктердің ресурсын нақты секторды кредиттеуге барынша тартуға бағытталған шаралар қабылданады.Ақпарат көзі : https://www.gov.kz/memleket/entities/economy/press/news/details/1117181?lang=kk

Алматы, Қазақстан – 2025 жылғы 26–27 қараша, Қазақстан мен Қырғызстан үкіметтерінің өкілдері, Таджикистан және Өзбекстан Алматыда халықаралық жұмысқа орналастырумен байланысты онлайн алаяқтық пен киберқылмысқа қарсы күрес жөніндегі Екінші өңірлік кешенді кездесуге жиналды. Бұл кездесуді Қырғызстан, Қырғыз Республикасының Ішкі істер министрлігі мен Халықаралық миграция ұйымы (IOM) Ұлыбритания үкіметінің Халықаралық даму жәрдемақысы аясында қаржыландырылған «Орталық Азиядан Ұлыбританияға маусымдық жұмысшылардың қауіпсіз миграциясы» жобасы аясында ұйымдастырды.Киберқылмыс жеке тұлғаларға, ұйымдарға және үкіметтерге кең ауқымды әсер ететін өсіп келе жатқан жаһандық мәселеге айналды. Соңғы жылдары алаяқтық онлайн жұмыс жарнамалары Орталық Азиядан келетін ықтимал мигрант жұмысшыларды жиі нысанаға алып, заңды Ұлыбритания компанияларының және танымал халықаралық брендтердің атауларын теріс пайдаланып, жұмыс іздеушілерді алдап келеді. Ұлыбританияның маусымдық жұмысшылар схемасы аясында нақты бос жұмыс орындары тек бес лицензияланған оператор арқылы ғана қолжетімді. Алайда мыңдаған жалған ұсыныстар әлі де интернетте таралып, ықтимал мигранттарды қаржылық шығынға және пайдаланылу қаупіне ұшыратады. Бұл үрдіс алдамшы жарнамаларды анықтап жою және кінәлілерді жауапқа тарту үшін ақпараттық-түсіндіру жұмыстары, білім беру және тиімді шекарааралық механизмдерді үйлестіру сияқты жедел әрекеттер қажет екенін көрсетеді.2025 жылдың ақпанында Қырғызстанның Бішкек қаласында өткен алғашқы кездесудің нәтижелеріне сүйене отырып, Қазақстандағы Алматы қаласындағы іс-шара үкіметтік шенеуніктерге, халықаралық сарапшыларға және құқық қорғау органдарының өкілдеріне жетістіктермен бөлісуге, ұлттық шараларды қарап шығуға және Орталық Азия бойынша болашақ мигрант жұмысшыларды мақсат ететін онлайн жұмысқа орналастыру алаяқтығына қарсы бірлескен қадамдарға келісуге мүмкіндік берді.Ашылу сөздерін Қазақстан Республикасының Ішкі істер министрінің орынбасары Айдар Сайитбеков, Астанадағы Ұлыбритания елшілігінің миссиясының орынбасары Шон Мельбурн және Қырғызстан бойынша үйлестіру функциялары бар IOM Қазақстандағы елдік кеңсесінің миссиясының басшысы Серхан Акторак жасады. Тәжікстан, Түрікменстан және Өзбекстан шекарааралық ынтымақтастық пен алаяқтыққа негізделген жұмысқа орналастыру схемаларынан осал жұмыс іздеушілерді қорғаудағы ұжымдық әрекеттің маңыздылығын атап өтті.«Онлайн жұмысқа орналастыру алаяқтығы ықтимал мигранттардың үміттері мен армандарын пайдаланады. Аймақ болып бірге жұмыс істесек, біз қорғау жүйелерін нығайта аламыз, анықтауды жақсарта аламыз және миграцияны барлығы үшін қауіпсіз ете аламыз», – деді мырза Актопрак.Екі күндік кездесуді Ұлыбританияның Ноттингем Трент университетінің аға ғылыми қызметкері және Ұлыбританияның Гангмастерлер мен еңбек құқығын бұзуға қарсы агенттігінің (GLAA) бұрынғы директоры Даррил Диксон жүргізді. Қатысушылар компаниялардың атын заңсыз пайдаланып, өңірдегі жұмыс іздеушілерді мақсат ететін алаяқтық онлайн жұмыс жарнамаларына қарсы күрес бойынша білім беру, алдын алу, тергеу және үкіметаралық ынтымақтастық саласындағы ұлттық және өңірлік жетістіктерді талқылады.Іс-шара барысында үкімет өкілдері алаяқтық схемаларды тергеу, жалған жарнамаларды жою және ықтимал мигранттар арасында хабардарлықты арттыру жөніндегі ұлттық күш-жігер туралы презентациялар жасады. INTERPOL-дың Киберқылмыс жөніндегі дирекциясы мен Ұлыбританияның Гангмастерлер мен еңбекке мәжбүрлеуді қадағалау басқармасы (GLAA) өкілдері талқылауларға қосылып, халықаралық үздік тәжірибелер мен болашақ ынтымақтастық мүмкіндіктері туралы ақпарат берді. Іс-шара сонымен қатар Қазақстан Республикасының Ішкі істер министрлігі мен Халықаралық миграция ұйымы (IOM) арасындағы түсіністік меморандумын қол қою алаңы болды.Қатысушылар онлайн жұмысқа қабылдау алаяқтығын болдырмау, шекарааралық үйлестіру мен ақпарат алмасуды нығайту, сондай-ақ жалған жұмыс жарнамалары мен компаниялардың заңсыз пайдаланылған деректемелерін бақылауға арналған ортақ дерекқор құру мүмкіндігін қарастыру жөніндегі елдік және өңірлік іс-қимыл жоспарларын әзірлеуге келісті."Қауіпсіз, тәртіпті және алаяқтықсыз миграция көпсалалы серіктестік пен адамға бағдарланған тәсілді қажет етеді. Үкіметтермен, құқық қорғау органдарымен және халықаралық серіктестермен бірлесе отырып, біз миграцияны сенім, қадір-қасиет және қауіпсіздік негізінде таңдауға болатын қауіпсіз ортаны қалыптастырып жатырмыз», – деді өңірлік жоба менеджері Нодира Аминова.Кездесу IOM-ның өңірлік ынтымақтастықты ұйымдастырушы және жеңілдетуші ретіндегі рөлін растап, қауіпсіз, тәртіпті және заңды миграцияны ілгерілетуге бағытталды.Ақпарат көзі : https://www.gov.kz/memleket/entities/mfa-geneva/press/news/details/1117133?lang=kk

ҚР Сауда және интеграция министрлігінің Абай облысы бойынша сауда және тұтынушылардың құқығын қорғау департаменті биыл тұтынушыларды алдау фактісі бойынша заң бұзушылықтарды анықтап, 9 кәсіпкерді әкімшілік кодекстің 190-1 бабы аясында жауапкершілікке тартты. Бұл сауда қызметін және қызметтер көрсетуді жүзеге асыратын дара кәсіпкерлердің немесе ұйымдардың кем өлшеуі, таразыдан жеуі, есептен жеуі, тұтынушыларды тауардың тұтыну қасиеттеріне немесе сапасына қатысты жаңылыстыруы немесе өзгедей алдауы боп есептеледі. Нәтижесінде 9 кәсіпкерлік субъектісіне 452 мың теңге айыппұл төледі. Ал сауда объектісінде тұтынушының бұрышы болмағаны үшін 5 кәсіпкерлік субъектісіне 108 мың теңге айыппұл салынған. «Біздің департамент тұтынушылардың құқығын қорғау, әсіресе Әкімшілік кодекстің 190 бабы бойынша биыл жүйелі жұмыс жүргіздік деп айтуға болады. Мысалы тауарды айырбастаудан немесе қайтарудан бас тартқанкәсіпкерді әкімшілік жауапкершілікке тарттық. Тұтынушының наразылығына жазбаша жауап бермеген 14 кәсіпкерге 479 мың теңге айыппұл салдық», - деді Абай облысы бойынша сауда және тұтынушылардың құқығын қорғау департаментінің басшысы Серікхан Нұртазин. Департаментке жыл басынан тұтынушылардың құқығын қорғау саласында 1041 өтініш түскен. Департамент мамандары 11 ай ішінде тұтынушыларға 36,1 млн. теңгесін қайтарып берді.Ақпарат көзі : https://www.gov.kz/memleket/entities/mti/press/news/details/1117129?lang=kk

Алматы қаласы бойынша Мемлекеттік кірістер департаменті 2025 жылғы 27–30 қараша аралығында «АТАКЕНТ-EXPO» көрме орталығында Еуразиялық экономикалық одаққа (ЕАЭО) мүше мемлекеттердің кәсіпкерлері қатысқан халықаралық зергерлік көрме-жәрмеңкесі өткенін хабарлайды.Іс-шара аясында зергерлік бұйымдар мен сәндік-қолданбалы өнер туындыларының таныстырылымы және сатылуы ұйымдастырылды.Көрме-жәрмеңке форматындағы сауданы өткізу тәртібі қолданыстағы салық заңнамасының нормаларын сақтау талаптарын айқындайтын Қазақстан Республикасы Қаржы министрінің 2018 жылғы 13 ақпандағы № 174 бұйрығымен реттеледі.Осыған байланысты, салық заңнамасын сақтау мәселелері бойынша ақпараттық-түсіндіру жұмыстарын жүргізу, ЕАЭО шеңберінде тауарлардың қозғалысын есепке алу және бақылау тәртібін түсіндіру, сондай-ақ кәсіпкерлердің салық мәдениетін арттыру мақсатында Алматы қаласы бойынша Мемлекеттік кірістер департаменті қызметкерлерінің аталмыш іс-шараға қатысуы қамтамасыз етілді.Жүргізілген жұмыс кәсіпкерлік қауымдастығымен өзара іс-қимылды нығайтуға, қатысушылардың құқықтық хабардарлығын арттыруға және салық заңнамасын бұзудың алдын алуға ықпал етті.Ақпарат көзі : https://www.gov.kz/memleket/entities/kgd-almaty/press/news/details/1117035?lang=kk

Исламабад, 2025 жылғы 1 желтоқсан – Қазақстанның Пәкістандағы Елшілігі «Discover Pakistan» жетекші телеарнасы және Туризмді дамыту корпорациясы (PTDC) бірлесіп ұйымдастырған Global Destinations Expo 2025 туристік көрмесіне қатысты.Көрме Орталық Азия, Еуропа, Африка және Таяу Шығыс елдерінің дипломатиялық корпус өкілдерін, сондай-ақ Пәкістанның туристік индустриясын бір алаңға тоғыстырды.Қазақстан павильонында еліміздің туристік әлеуетін таныстыратын ақпараттық материалдар, оның ішінде буклеттер мен тақырыптық әдебиеттер ұсынылды. Қонақтарға Қазақстанның көрікті жерлері, табиғаты, тарихи нысандары және танымал туристік бағыттары туралы бейнероликтер көрсетілді.Бұдан бөлек, Елшілік қазақтың ұлттық тағамдарының үлгілерін және дәстүрлі ою-өрнектермен безендірілген кәдесый өнімдерін ұсынды, бұл көрме қатысушыларының айрықша қызығушылығын тудырды.Іс-шараға қатысушылар Қазақстанның туристік әлеуетін жоғары бағалап, елімізді пәкістандық туристер үшін болашағы зор бағыт ретінде атап өтті.Ақпарат көзі : https://www.gov.kz/memleket/entities/mfa-islamabad/press/news/details/1117014?lang=kk

"Риддер қаласы әкімінің аппараты" ММ-де ыңғайлы және қолжетімді "Құқық кабинеті" жұмыс істейді."Құқық кабинеті" - бұл әрбір азамат қажетті құқықтық ақпаратты ала алатын және тегін заң көмегін пайдалана алатын кеңістік. Кабинеттің негізгі мақсаты - халықты өзекті заңнамаға қолжетімділікпен қамтамасыз ету және тұрғындарға құқықтық нормаларды өз бетінше зерделеуге көмектесу.Кабинет Риддер қаласы, Семенова көшесі, 19 мекенжайы бойынша әкімдік ғимаратында өзіне-өзі қызмет көрсету бұрыштарының базасында орналасқан.Жұмыс уақыты: жұмыс күндері 8:00-ден 17: 00-ге дейін. (түскі үзіліс сағат 12.00-ден 13.30-ға дейін)Кабинетте компьютер және принтер бар. Келушілерге "Әділет" ЖЗШ, "Заң" ДБ, сондай-ақ мемлекеттік ақпараттық жүйелерге: e-Otinish, eGov, "Ашық НҚА" порталына және т. б. қолжетімділік берілді.Сұрақтар туындаған жағдайда көрсетілетін қызметті алушылар мемлекеттік-құқықтық жұмыс бөлімінің қызметкерлеріне жүгіне алады немесе 1414 байланыс орталығына қоңырау шала алады.Ақпарат көзі : https://www.gov.kz/memleket/entities/vko-ridder/press/news/details/1116993?lang=kk