Отырыс барысында депутаттар күн тәртібіне енгізілген бірнеше маңызды мәселелерді қарастырды:Алтай ауданында оңайлатылған декларация негізіндегі арнайы салық режимін қолданған кезде салық мөлшерлемелерін төмендету туралы.Автотұрақтар (паркингтер) санаттарын белгілеу және автотұрақтарға бөлінген жерлер үшін жер салығының базалық ставкаларын арттыру туралы.Алтай ауданы бойынша жер салығының базалық ставкаларын түзету туралы.Алтай ауданы әкімдігі жанындағы кәмелетке толмағандар ісі және олардың құқықтарын қорғау жөніндегі комиссияның жеке құрамы туралы.2016 жылғы 10 маусымдағы № 4/4-VI «Алтай ауданының төтенше жағдайлардың алдын алу және оларды жою жөніндегі комиссиясының жеке құрамын бекіту туралы» мәслихат шешіміне өзгерістер енгізу туралы.2025 жылғы 8 мамырдағы № 28/18-VIII «Алтай ауданының терроризмге қарсы комиссиясының жеке құрамын бекіту туралы» шешіміне өзгерістер енгізу туралы.2015 жылғы 13 наурыздағы № 40/9-V «Әйелдер істері және отбасылық-демографиялық саясат жөніндегі аудандық комиссияның жеке құрамы туралы» шешіміне өзгерістер енгізу туралы.Ақпарат көзі : https://www.gov.kz/memleket/entities/altay-maslihat/press/news/details/1112919?lang=kk

Құрметті ауыл тұрғындары мен қонақтары!2025 жылғы 27 қарашада, сағат 16:00-де Қоржинкөл ауылдық округінде, Лесное ауылы, Қоржинкөл жалпы білім беретін мектеп «Халықтық заңгер» акциясы аясында азаматтарды қабылдау өтеді.Сондай-ақ 28 қарашада, сағат 16:00-де Қосарал ауылдық округінде, Кенерал ауылы, Кенерал жалпы білім беретін мектеп қабылдау жалғасады.Акцияның мақсаты – халықтың құқықтық сауаттылығын арттыру және тегін заң көмегін көрсету. Әрбір азамат еліміздің тәжірибелі заңгерлерінен қажетті кеңесті тегін ала алады. Олардың қатарында адвокаттар, нотариустар, прокурорлар, тергеушілер, сот орындаушылары, мемлекеттік органдардың басшылары және өзге де мамандар бар.Байланыс телефоны: 22-0-65 (Фёдоров аудандық прокуратурасы)Ақпарат көзі : https://www.gov.kz/memleket/entities/kostanay-fedorov/press/news/details/1112956?lang=kk

Қостанай облысы әкімдігінің цифрландыру басқармасының басшысы Азамат Кашиев Қазақстан Республикасы Президентінің Орталық Азияда және елімізде алғаш рет «Жасанды интеллект туралы» Заңға қол қоюына байланысты өңірлік бұқаралық ақпарат құралдарына түсініктеме берді.Пікір білдіру барысында жаңа заң цифрлық технологияларды жауапты әрі қауіпсіз дамыту жолындағы маңызды қадам екені атап өтілді.Құжат жасанды интеллектті экономикаға, мемлекеттік қызметтерге және әлеуметтік салаға енгізуге құқықтық негіз қалыптастырады. Сондай-ақ авторлық құқық мәселелеріне ерекше назар аударылды.Ведомство басшысы нейқауіпсіздік жүйесіндегі жіктеу мәселесіне тоқталып, негізгі терминдерді түсіндіріп, ұлттық платформаны дамыту келешегін талқылады.Азамат Кашиев өңірлік органдар жаңа нормативтік талаптарға сәйкес ақпараттық жүйелерді бейімдеуге дайындықты бастап кеткенін атап өтті. Сонымен бірге жасанды интеллект технологияларын өмірдің өзге салаларына енгізу мәселелері де қарастырылып жатыр.Ақпарат көзі : https://www.gov.kz/memleket/entities/kostanay/press/news/details/1112881?lang=kk

25 қараша ж., Лунд қ. – Қазақстан мен Швеция арасындағы өңірлік ынтымақтастықты дамыту шеңберінде Қазақстан Республикасының Швеция Корольдігіндегі Елшісі О.Сүлейменов Лунд қаласына жұмыс сапарымен барды.Сапар бағдарламасы Елшінің Лунд қаласының мэрі А.Алмгренмен кездесуінен басталды. Әңгімелесу барысында ынтымақтастық перспективалары, орнықты және «ақылды» қалалық шешімдерді енгізу, жасыл технологиялар мен инновациялық инфрақұрылымды дамыту мәселелері талқыланды. Екі елдің технологиялық парктері мен инновациялық экожүйелері арасындағы ықтимал өзара іс-қимылға, оның ішінде іскерлік, зерттеу және білім беру іс-шараларын ұйымдастыруға ерекше назар аударылды.Бұдан әрі Қазақстан Елшісі Лунд университетінің профессорларымен келіссөздер жүргізді. Лунд университеті гидрология, су ресурстарын басқару, гидрологиялық модельдер және климаттық аналитика салаларында Еуропаның жетекші ғылыми орталықтарының бірі болып табылады. Оның зерттеу топтары су мониторингінің цифрлық технологияларын әзірлеу, су тасқынын болжау және гидрологияда жасанды интеллектті қолдану бағыттарында алдыңғы позицияларды иеленеді.Талқылау барысында тараптар су технологиялары, климаттық зерттеулер, цифрлық аналитика және кадрлар даярлау салаларындағы ынтымақтастықтың айтарлықтай әлеуетін атап өтті. Академиялық ұтқырлықты кеңейту және су секторын цифрландыру жөніндегі перспективалық бастамаларды қоса алғанда, бірлескен зерттеу жобаларын іске асыру мәселелері жеке қарастырылды.Сапардың қорытынды бөлімінде Елші Лунд университетінің қазақстандық магистранттары және докторанттарымен кездесті. Академиялық бейімделу, студенттердің ғылыми және мәдени бастамаларға қатысуы, сондай-ақ олардың Елшілікпен одан арғы өзара іс-қимылы мәселелері талқыланды.Сапар қорытындылары бойынша академиялық, муниципалдық, инновациялық және гуманитарлық салалардағы ынтымақтастықты одан әрі нығайтуға өзара қызығушылық расталды. Анықтама: Лунд университеті 1666 жылы құрылған, қазіргі Швеция аумағындағы екінші ежелгі университет. Университетте жеті факультет бар, онда 50 түрлі мамандық және 800 жеке курс шеңберінде 34 мыңнан астам студент білім алады. Лунд университеті кең ауқымды ғылыми зерттеулер жүргізетін университеттерді біріктіретін Universitas21 әлемдік желісінің құрамына кіреді.Ақпарат көзі : https://www.gov.kz/memleket/entities/mfa-stockholm/press/news/details/1112872?lang=kk

Бірқатар БАҚ-та жарияланған материалдарда Қаржы министрінің «Салық төлеушілердің таратылуы, қайта ұйымдастырылуы және қызметін тоқтатуы кезінде салықтық міндеттемені орындаудың кейбір мәселелері туралы» №654 бұйрығы заңнамаға қайшы келеді және компания құрылтайшыларына жаңа міндеттер жүктейді деген пікір айтылды. Осыған байланысты МКК ресми түсініктемесін жариалауда. №654 бұйрық ешқандай жаңа талап енгізбейді. Бұл бұйрық 2026 жылғы 1 қаңтардан бастап күшіне енетін Салық кодексінің нормаларын іске асыру үшін қабылданған. Онда компаниялар жойылғанда немесе қызметін тоқтатқанда салықтық міндеттемелерді қалай орындауы керектігі айқындалған. Негізгі қағида бұрынғыдай қалады:🔹 компанияның салықтық берешегі болса – ол Салық кодексінде көзделген тәртіппен өндіріледі; 🔹 компания мүлкі жеткіліксіз болған жағдайда – құрылтайшылардың жауапкершілігі тек Қазақстан Республикасының заңдарымен тікелей белгіленген жағдайларда ғана туындайды. Бұл қағида бұрыннан бар – Салық кодексінде, Азаматтық кодексте және Банкроттық туралы заңда көрсетілген. №654 бұйрық осы нормаларды қайталайды және мемлекеттік кірістер органдарының өкілеттіктерін кеңейтпейді. Құрылтайшы қашан жауапкершілікке тартылады.Құрылтайшы субсидиарлық (бірлескен) жауапкершілікке тек ұйым банкрот деп танылғаннан кейін және нақты құқық бұзушылықтар анықталған жағдайда тартылады, мысалы:- ұйымды әдейі банкроттыққа әкелу;- мүлікті шығару немесе жасыру;- таратылатын компанияның құжаттарын тапсырмау;- мүлкі жеткіліксіз кезде сотқа банкроттық туралы өтініш бермеу. Неліктен түсінбеушілік пайда болды.Кейбір жарияланымдар бұйрықтың бір тармағын құрылтайшылардың жауапкершілігін кеңейтеді деп түсіндірді. Алайда бұл тармақ Салық кодексінің 75-бабының нормаларын ғана қайталайды және қолданыстағы ережелерді өзгертпейді. Маңызды ақпарат✔ №654 бұйрық заңды бұзбайды және құрылтайшыларға жаңа міндеттер жүктемейді.✔ Ол мемлекеттік кірістер органдарына жаңа өкілеттік бермейді.✔ Ол тек бұрыннан заңдарда бекітілген рәсімдерді жүйелейді және нақтылайды.Ақпарат көзі : https://www.gov.kz/memleket/entities/kgd-pavlodar/press/news/details/1112850?lang=kk

Бірқатар БАҚ-та жарияланған материалдарда Қаржы министрінің «Салық төлеушілердің таратылуы, қайта ұйымдастырылуы және қызметін тоқтатуы кезінде салықтық міндеттемені орындаудың кейбір мәселелері туралы» №654 бұйрығы заңнамаға қайшы келеді және компания құрылтайшыларына жаңа міндеттер жүктейді деген пікір айтылды. Осыған байланысты МКК ресми түсініктемесін жариалауда. №654 бұйрық ешқандай жаңа талап енгізбейді. Бұл бұйрық 2026 жылғы 1 қаңтардан бастап күшіне енетін Салық кодексінің нормаларын іске асыру үшін қабылданған. Онда компаниялар жойылғанда немесе қызметін тоқтатқанда салықтық міндеттемелерді қалай орындауы керектігі айқындалған. Негізгі қағида бұрынғыдай қалады:🔹 компанияның салықтық берешегі болса — ол Салық кодексінде көзделген тәртіппен өндіріледі; 🔹 компания мүлкі жеткіліксіз болған жағдайда — құрылтайшылардың жауапкершілігі тек Қазақстан Республикасының заңдарымен тікелей белгіленген жағдайларда ғана туындайды. Бұл қағида бұрыннан бар — Салық кодексінде, Азаматтық кодексте және Банкроттық туралы заңда көрсетілген. №654 бұйрық осы нормаларды қайталайды және мемлекеттік кірістер органдарының өкілеттіктерін кеңейтпейді. Құрылтайшы қашан жауапкершілікке тартылады.Құрылтайшы субсидиарлық (бірлескен) жауапкершілікке тек ұйым банкрот деп танылғаннан кейін және нақты құқық бұзушылықтар анықталған жағдайда тартылады, мысалы:— ұйымды әдейі банкроттыққа әкелу;— мүлікті шығару немесе жасыру;— таратылатын компанияның құжаттарын тапсырмау;— мүлкі жеткіліксіз кезде сотқа банкроттық туралы өтініш бермеу. Неліктен түсінбеушілік пайда болды.Кейбір жарияланымдар бұйрықтың бір тармағын құрылтайшылардың жауапкершілігін кеңейтеді деп түсіндірді. Алайда бұл тармақ Салық кодексінің 75-бабының нормаларын ғана қайталайды және қолданыстағы ережелерді өзгертпейді. Маңызды ақпарат✔ №654 бұйрық заңды бұзбайды және құрылтайшыларға жаңа міндеттер жүктемейді.✔ Ол мемлекеттік кірістер органдарына жаңа өкілеттік бермейді.✔ Ол тек бұрыннан заңдарда бекітілген рәсімдерді жүйелейді және нақтылайды.Ақпарат көзі : https://www.gov.kz/memleket/entities/kgd-akmola/press/news/details/1112806?lang=kk

Астанада әскери қызметшілердің құқықтары мен әлеуметтік кепілдіктерін қамтамасыз ету, армияның әлеуетін нығайту және әскери қызметтің беделін көтеру мәселелеріне арналған дөңгелек үстел өтті. Іс-шараға Сенат пен Мәжіліс депутаттары, мемлекеттік органдар мен күштік құрылымдардың, қоғамдық ұйымдардың өкілдері мен сарапшылар қатысты.Қорғаныс министрі авиация генерал-лейтенанты Дәурен Қосанов ведомство жұмысының негізгі бағыттары туралы баяндады. Ол жауынгерлік дайындықты жетілдіру, инфрақұрылымды жаңғырту, қауіпсіздік стандарттары мен цифрлық шешімдерді енгізу төңірегінде атқарылып жатқан жұмыстарға тоқталды. Министрдің айтуынша, әскери қызметтің қауіпсіз жағдайын қалыптастыру және әскерге шақыру тәртібін ашық ету үшін Парламентпен, қоғаммен, сондай-ақ ата-аналар қауымдастығымен тығыз байланыс қажет.Министр, әсіресе мерзімді қызметтегі сарбаздармен кешенді жұмысты күшейтуге және профилактикалық шараларды арттыруға баса назар аударылатынын атап өтті. Командирлерді дайындау талаптары күшейтіліп, нормативтік база жетілдіріліп, сарбаздардың отбасыларымен байланыс кеңейіп келеді.Қатысушыларға әлеуметтік қолдау шаралары да таныстырылды. Атап айтқанда, биыл 2710 сарбаз білім гранттарын алса, 20 мыңнан астам әскери қызметші жалпы сомасы 8 млрд теңгені құрайтын кредиттік демалысқа қол жеткізді. Бұдан бөлек «Smart военкомат», Jauynger, Sarbaz 2.0 және Askeri Ziyat сияқты цифрлық жобалар, сондай-ақ Арнайы операциялар күштерінің жаңа киім үлгілері мен жабдықтары ұсынылды.Сенат депутаты Бибігүл Жексенбай қорғаныс саласында әскери омбудсмен институтын енгізуді қарастыруды ұсынды. Оның айтуынша, бұл тетік қоғам, әскери қызметшілер және Парламент арасындағы байланысты нығайтып, азаматтар өтініштеріне және әскери қызметшілердің қажеттіліктеріне жедел әрекет етуге мүмкіндік береді.Қоғамдық ұйым өкілдері ашық коммуникация мен сенімді ақпарат көздерінің маңызын атап өтті. «Аналар жүрегі» сарбаз аналары комитетінің төрайымы Лилия Хайруллина ресми әрі ашық ақпараттың қауесеттердің алдын алып, қоғам сенімін арттыруға ықпал ететінін айтты.Талқылауға Қазақстан халқы Ассамблеясының өкілдері, сарапшылар және бұқаралық ақпарат құралдарының өкілдері де қатысты. «Айқын» газетінің бас редакторы, әскери сарапшы Амангелді Құрмет ақпараттық кеңістікте оң пікір қалыптастыруды нығайтып, қоғам сенімін арттыру бағытында жүйелі жұмыс жүргізу қажеттігін көтерді.Мәжіліс депутаттары заңнаманы одан әрі жетілдіру керек екенін атап өтті. Биыл әскери-патриоттық тәрбие, аумақтық қорғаныс және резервтік қызмет туралы үш маңызды заң қабылданғаны еске салды.Қарулы күштердің ардагерлері Халық қаһарманы генерал-лейтенант Бақытжан Ертаев пен генерал-майор Марат Нағұманов жеке құраммен жұмысты жетілдіруге қатысты өз тәжірибелерін ортаға салып, ұсыныстарын жеткізді.Дөңгелек үстел форматы мемлекеттік органдар, күштік құрылымдар және қоғамдық ұйым өкілдерінің ортақ ұстанымдарын біріктіруге мүмкіндік берді. Жиын қорытындысы бойынша әскери қызметшілер мен олардың отбасыларын әлеуметтік қорғауды күшейту, қызмет жағдайларын жақсарту және жастарды әскери-патриоттық тәрбиелеу саласында заң шығарушылардың, мемлекеттік органдар мен қоғамның бірлескен жұмысына бағытталған бірқатар ұсыныстар әзірлендіАқпарат көзі : https://www.gov.kz/memleket/entities/mod/press/news/details/1112811?lang=kk

 Сандытау ауданындағы Балкашино ауылының тұрғыны Виктория Коптеловаға, Есіл ауданының тұрғыны Айжан Калинкинаға және Атбасар қаласының тұрғыны Олеся Ковалеваға Халық банкінің сертификаттары табыс етілді.Жеңімпазды құттықтаймыз!Акцияға қатысып, ұтысқа ие болыңыздар!Науқанға қатысу үшін азаматтар Amian мобильді қосымшасы арқылы чектерді жіберіп ақшалай және бағалы сыйлықтар ұтып алады. «Бәйге» атты жаңа мотивациялық науқаны аясында еліміздің әр өңірінде тоқсан сайын жеңімпаздар анықталады 100 000 теңге жүлдесі random.org сайты арқылы Instagram парақшасында тікелей эфирде ұтыс ойыны арқылы аймақтағы ең белсенді 50 пайдаланушының біріне беріледі - барлығы 20 жеңімпаз.Сонымен қатар, Halyk Bank «Халық банкінен 100 000 бонус ұтып ал» ұтыс ойыны бар.  Оған Банктің POS терминалдарында Банк карталарымен жасалған операциялардан чектер қатысады.Қатысу оңай: тауарларды сатып алу немесе қызметтерге ақы төлеу кезінде фискалдық түбіртек сұраңыз және оны «Amian» қолданбасында тіркеңіз. Ақпарат көзі : https://www.gov.kz/memleket/entities/kgd-akmola/press/news/details/1112748?lang=kk

Бірқатар БАҚ-та жарияланған материалдарда Қаржы министрінің «Салық төлеушілердің таратылуы, қайта ұйымдастырылуы және қызметін тоқтатуы кезінде салықтық міндеттемені орындаудың кейбір мәселелері туралы» №654 бұйрығы заңнамаға қайшы келеді және компания құрылтайшыларына жаңа міндеттер жүктейді деген пікір айтылды. Осыған байланысты МКК ресми түсініктемесін жариалауда.№654 бұйрық ешқандай жаңа талап енгізбейді. Бұл бұйрық 2026 жылғы 1 қаңтардан бастап күшіне енетін Салық кодексінің нормаларын іске асыру үшін қабылданған. Онда компаниялар жойылғанда немесе қызметін тоқтатқанда салықтық міндеттемелерді қалай орындауы керектігі айқындалған.Негізгі қағида бұрынғыдай қалады:компанияның салықтық берешегі болса – ол Салық кодексінде көзделген тәртіппен өндіріледі;компания мүлкі жеткіліксіз болған жағдайда – құрылтайшылардың жауапкершілігі тек Қазақстан Республикасының заңдарымен тікелей белгіленген жағдайларда ғана туындайды.Бұл қағида бұрыннан бар – Салық кодексінде, Азаматтық кодексте және Банкроттық туралы заңда көрсетілген. №654 бұйрық осы нормаларды қайталайды және мемлекеттік кірістер органдарының өкілеттіктерін кеңейтпейді.Құрылтайшы қашан жауапкершілікке тартылады.Құрылтайшы субсидиарлық (бірлескен) жауапкершілікке тек ұйым банкрот деп танылғаннан кейін және нақты құқық бұзушылықтар анықталған жағдайда тартылады, мысалы:ұйымды әдейі банкроттыққа әкелу;мүлікті шығару немесе жасыру;таратылатын компанияның құжаттарын тапсырмау;мүлкі жеткіліксіз кезде сотқа банкроттық туралы өтініш бермеу.Неліктен түсінбеушілік пайда болды.Кейбір жарияланымдар бұйрықтың бір тармағын құрылтайшылардың жауапкершілігін кеңейтеді деп түсіндірді. Алайда бұл тармақ Салық кодексінің 75-бабының нормаларын ғана қайталайды және қолданыстағы ережелерді өзгертпейді.Маңызды ақпарат№654 бұйрық заңды бұзбайды және құрылтайшыларға жаңа міндеттер жүктемейді.Ол мемлекеттік кірістер органдарына жаңа өкілеттік бермейді.Ол тек бұрыннан заңдарда бекітілген рәсімдерді жүйелейді және нақтылайды.Ақпарат көзі : https://www.gov.kz/memleket/entities/kgd-almaty/press/news/details/1112868?lang=kk

Қазақстан Республикасының Жасанды интеллект және цифрлық даму министрлігі (ҚР ЖИжЦДМ) «Ұлттық ақпараттық технологиялар» АҚ (NITEC) және Біріккен Ұлттар Ұйымының Даму Бағдарламасымен (БҰҰДБ) бірлесіп, Қазақстанның мемлекеттік органдарының ашық бастапқы кодқа көшуге дайындығын бағалау бағдарламасын (OSPORA) іске қосты.Үкіметтерді ашық бастапқы кодқа көшуге қолдау көрсету үшін, БҰҰДБ-ның Сандық Технологиялар, ЖИ және Инновациялар Орталығы Франция үкіметінің қолдауымен «Ашық бастапқы кодтық кеңсе дайындығын бағалау» (OSPORA) бастамасын іске асыруда. Бұл бастама елдерге ашық бастапқы кодтық бағдарламалық жасақтаманы енгізу, кеңейту және басқару қабілетін бағалауға көмектеседі. OSPORA ұлттық цифрлық трансформация процесінде саясаттарды, басқару жүйелерін және институционалдық әлеуетті нығайтуға бағытталған. Бастама аясында елдерге олардың дайындық деңгейін бағалауға, ұлттық көшбасшыларды тартуға және цифрлық трансформацияның кеңірек бағдарламасының бөлігі ретінде Ашық бастапқы кодтық бағдарлама кеңсесін құру үшін нақты қадамдарды анықтауға мүмкіндік беретін құрылымдалған тәсіл ұсынылады.Бағдарламаны іске асыру аясында Астанада NITEC, министрліктер, Цифрлық үкіметті қолдау орталығы (ЦҮҚО) және Kazdream IT холдингі өкілдері үшін ашық бастапқы код негіздері бойынша оқыту басталды. Сонымен қатар, барлық мүдделі тараптар елдің дайындығын кейінгі бағалау үшін сұхбаттарға қатысады. Бастаманың келесі кезеңінде ҚР ЖИжЦДМ және NITEC мамандары БҰҰДБ-мен бірлесіп, негізгі олқылықтарды, мүмкіндіктерді анықтай отырып, дайындық бағалау есебін аяқтайды және Қазақстанда ашық бастапқы кодты енгізуді жеделдету бойынша практикалық ұсынымдар дайындайды.OSPORA-ға қатысу қазақстандық мамандарға жаһандық сараптама мен практикалық құралдарға қол жеткізуге мүмкіндік береді. Олардың қолданылуы елге цифрлық трансформацияны жеделдетуге, мемлекеттік қызметтер архитектурасының жетілуін арттыруға, сондай-ақ ашық бағдарламалық қамтамасыз ету бойынша халықаралық және жергілікті қауымдастықтармен тиімді байланыс орнатуына жол ашады.OSPORA-ға қосылу – Қазақстанның ашық, қауіпсіз және инновациялық цифрлық болашағына маңызды қадам. Ашық бастапқы технологияларды басқару саласындағы ұлттық әлеуетті нығайту:мемлекеттік қызметтердің тиімділігі мен табыстылығын арттыруға;технологиялық тәуелсіздікті нығайтуға;ұлттық әзірлеушілер мен цифрлық инноваторлардың экожүйесін дамытуға;мемлекеттік жүйелердің интеграциясын жақсартуға;цифрлық қоғамдық игіліктердің жаһандық қауымдастықтарымен ынтымақтастықты кеңейтуге ықпал етеді.Ашық бастапқы код принциптеріне бейілділік Қазақстанға цифрлық үкімет басқару саласында аймақтық көшбасшы ретінде позициясын нығайтуға мүмкіндік береді, соның ішінде ашық жасанды интеллект және цифрлық денсаулық сақтау сияқты бағыттарда.Бұрын Қазақстан Республикасы ашық технологиялармен жүйелі жұмысқа қызығушылығын растаған болатын. 2024 жылдың ортасында NITEC БҰҰДБ жүзеге асырып жатқан OSPORA бастамасына қосылу үшін ресми өтініш жіберді. Өтініште мемлекеттік процестерге ашық тәжірибелерді енгізуге ұлттық міндеттеме көрсетілген. Қазақстан үшін бұл технологиялық егемендікті нығайту, цифрлық басқаруды жаңарту және меншікті шешімдерге тәуелділікті азайту жолындағы маңызды қадам болады.  Анықтама: «Ұлттық ақпараттық технологиялар» АҚ «электрондық үкіметтің» ақпараттық-коммуникациялық инфрақұрылымының, жасанды интеллектінің және мемлекеттік органдардың бірыңғай көлік жүйесінің операторы болып табылады, сондай-ақ орталық және өңірлік мемлекеттік органдардың ақпараттық жүйелеріне жүйелі-техникалық қызмет көрсетуді жүзеге асырады.Ақпарат көзі : https://www.gov.kz/memleket/entities/maidd/press/news/details/1112771?lang=kk

Алматы облысының өңірлік коммуникациялар қызметінде жастарды есірткі қылмысына тарту қаупінің алдын алу және тұрмыстық зорлық-зомбылықтың жолын кесу мәселелеріне арналған баспасөз мәслихаты өтті. Жиында аталған бағыттар бойынша атқарылып жатқан профилактикалық жұмыстардың барысы мен негізгі міндеттер таныстырылды. Іс-шараға Алматы облысы Полиция департаменті Есірткі қылмысына қарсы іс-қимыл басқармасы бастығының орынбасары, полиция подполковнигі Дастан Жексенбеков және «Тұрмыстық зорлық-зомбылық құрбандарына әлеуметтік көмек көрсету орталығының» психологы Динара Қуатбекова қатысты.Дастан Жексенбековтың айтуынша, өңірде синтетикалық есірткіні интернет арқылы тарату деректері әлі де өзекті. Қылмыстық топтар жасөспірімдерді көбіне мессенджерлердегі анонимді арналар мен «курьерлік жұмыс» деген жалған ұсыныстар арқылы алдап, құқықбұзушылыққа тартып жатады.Спикер ұсынған мәліметтерге сәйкес, жыл басынан бері облыста жастар арасында кең көлемді профилактика жүргізілген. Оның ішінде:• 360-тан астам мектеп және колледж кездесулері• 1000-нан астам есірткі жарнамасын жою• «Кибернадзор» жүйесімен онлайн арналарды бақылау• 121 еріктілер акциясы• әлеуметтік желілерде 414 ақпараттық материал жариялау- Басты мақсатымыз – қылмысты анықтау ғана емес, жастарды есірткі бизнесінің ықпалынан алдын ала қорғау. Ең үлкен қауіп – жасөспірімдердің жеңіл табысқа тез алдануы», – деді Дастан Жексенбеков.Сондай-ақ Динара Қуатбекова тұрмыстық зорлықтың алдын алуда психологиялық қолдаудың рөлі зор екенін атап өтті. Айтуынша, көптеген жасөспірімдер мен әйелдер отбасындағы эмоционалды қысым, агрессия, травмалық жағдайлар нәтижесінде қиын күйге түсіп, кейде есірткіге қызығушылық танытуы да мүмкін.Орталықта жәбірленушілерге жан-жақты көмек көрсетіледі: психологиялық консультациялар, диагностика, қолдау топтары, дағдарыстық жағдайда шұғыл көмек, әлеуметтік-психологиялық патронаж.Мамандар жастарды есірткі қылмысынан және зорлық-зомбылық қауіпінен қорғауда ата-аналар, білім беру ұйымдары, полиция және әлеуметтік қызметтердің бірлескен әрекетінің маңызын атап өтті.Ақпарат көзі : https://www.gov.kz/memleket/entities/almobl/press/news/details/1112695?lang=kk

🗓️ 2025 жылғы 18 шілдеде жаңа ҚР Салық кодексі бекітілді. Оның негізгі жаңалықтарының бірі – арнаулы салық режимдерінің саны жетіден үшке дейін қысқартылуы. Тек өзін-өзі жұмыспен қамтығандарға, оңайлатылған декларацияға және шаруа немесе фермер қожалықтарына арналған режимдер ғана сақталды.⚠️ Осыған байланысты Қызылорда облысы бойынша Мемлекеттік кірістер департаменті салық төлеушілерге, әсіресе өзіне қолайлы режимде жұмысын жалғастырғысы келетіндерге, өтпелі ережелерді қатаң сақтаудың маңызды екенін ескертеді.🚕 Таксисттер, курьерлер және осыған ұқсас қызмет көрсететін тұлғалар келесі ақпаратқа назар аударуы қажет. Егер бұған дейін патентте немесе арнайы мобильдік қосымша арқылы жұмыс істеген жеке кәсіпкерлер 2026 жылғы 1 наурызға дейін «жаңа» оңайлатылған декларация режиміне көшу туралы хабарлама бермесе, олар автоматты түрде жеке кәсіпкер ретінде тіркеуден шығарылады және, егер режим талаптарына сәйкес келсе, қызметін өзін-өзі жұмыспен қамтығандар ретінде жалғастыра алады.💡 Сондай-ақ оңайлатылған декларация немесе бөлшек салық режимінде жұмыс істейтін салық төлеушілер үшін маңызды ақпарат. 2026 жылғы 1 қаңтарға дейін арнайы салық режимдерін қолданған және «жаңа» оңайлатылған декларация режиміне өтуді жоспарлаған салық төлеушілер көшу туралы хабарламаны 2026 жылғы 1 наурыздан кешіктірмей тапсыруы тиіс, әйтпесе олар жалпыға бірдей белгіленген салық салу режиміне ауыстырылады және оңайлатылған декларацияға тек бір жыл жұмыс істегеннен кейін ғана өте алады.Ақпарат көзі : https://www.gov.kz/memleket/entities/kgd-kyzylorda/press/news/details/1114110?lang=kk

Құрметті салық төлеуші (салық агенті)! 2026 жылға салықтық есептілігін табыс ету бойынша Қазақстан Республикасының 2026 жылғы 1 қантардан бастап жаңа Салық кодексінің қолданысқа енгізілуіне байланысты Қазақстан Республикасы Қаржы министрінің 2025 жылғы 12.11.2025 года № 695 бұйрығымен 2026 жылға арналған салық есептілігінің нысандары олардың жасалу барысын және оларды ұсыну қағидаларын түсіндіре отырып бекітілгенін хабарлаймыз. Қазақстан Республикасы Қаржы министрінің 2025 жылғы 12.11.2025 года № 695 бұйрығымен 2026 жылға арналған 328.00 «Тауарларды әкелу және жанама салықтарды төлеу туралы өтініш» нысаны бойынша салық есептілігі бекітілді. Есептіліктің жаңа нұсқасын жариялау туралы «Салық төлеушінің кабинеті», «СТ СЕӨЖ» АЖ-да жүйелік жаңалықтар арнасында, сондай-ақ уәкілетті органдардың (kgd.gov.kz) интернет-порталында хабардар боласыз. Осыған байланысты, салық міндеттемелерін уақытылы орындау мақсатында салықтық есептілігінің жаңа нұсқасын жариялау алдында, салықтық есептілігін табыс ету кезінде Салық төлеушінің кабинетінде, «СТ СЕӨЖ» АЖ-да және ҚР Қаржы министрлігі Мемлекеттік кірістер комитетінің (kgd.gov.kz) веб-порталында қолжетімді нысандар қолданылады.Ақпарат көзі : https://www.gov.kz/memleket/entities/kgd-kostanay/press/news/details/1112686?lang=kk

2025 жылғы 6 қазаннан бастап Павлодар облысының Успен және Железин аудандарында жеке тұлғалардың мүлкі мен көлік құралдарына салық жинау бөлігінде салықтық әкімшілендіруді жетілдіру жөніндегі пилоттық жобаны іске асыру басталды. Жоба Қазақстан Республикасы Қаржы министрінің 2025 жылғы 16 қыркүйектегі № 500 бұйрығына сәйкес жүргізіледі.Тұрғындармен консультациялар-тұрғылықты жері бойыншаЖоба аясында Успен және Железин аудандарының 19 ауылдық округтерінің әкімдіктері жергілікті салықтарды есептеу және төлеу тәртібі туралы азаматтарға кеңес беру және ақпараттандыру жұмыстарын жүргізуде.Тұрғындарға аудан орталығына барудың қажеті жоқ – барлық қажетті ақпаратты тікелей ауылдық округ әкімдігінен алуға болады:- салықтар бойынша есептеулер мен берешектерді білу;- мүлік және көлік салығын есептеу бойынша кеңес алу;- қате есептеулерді түзету мәселелері бойынша жүгіну.Есептеулерде көмекАуылдықокругтерәкімдіктерісалықтықәкімшілендірудіңинтеграцияланғанжүйесі(СӘИЖ)арқылыжекетұлғалардыңесептеулеріменберешектерітуралымәліметтерге қол жеткізеалады.Қажет болған жағдайда азаматтарға Мемлекеттік кірістер комитетінің (kgd.gov.kz) сайтындағы "Электрондық калькулятор" сервисі және «eSalyq Azamat» мобильдік қосымшасы арқылы есептеулерді жүргізуге көмектеседі.Мәліметтерді өзектендіруПилоттық жоба барысында деректерді нақтылау бойынша жұмыс жүргізілуде: ресімделмеген объектілерді анықтау және есепке қою, қайтыс болған меншік иелерін, Қазақстан Республикасынан тыс жерлерге кеткен адамдарды, сондай-ақ иесіз мүлікті және т. б. анықтау.Алғашқы нәтижелерАуылдық округ әкімдіктерімен өткізілген іс-шаралардың (аулаларды аралау, қоңырау шалу, хабарламаларды тапсыру, WhatsApp қосымшасы арқылы СМС-хабарлау, түсіндіру жұмыстары) қорытындысы бойынша 74 жылжымайтын мүлік объектісін анықтап, тіркеу есебіне/қайта тіркеуге қойды, оның ішінде:- Успен ауданында 18 жылжымайтын мүлік объектілері;-Железинауданында56жылжымайтын мүлік объектілері.Оларға шаруашылық ғимараттар, гараждар, моншалар, қоймалар, жер учаскелері және басқа да объектілер жатады.Пилоттық жоба аяқталғаннан кейін оның тиімділігіне баға беріледі. Салықтық әкімшілендіру және халықты ақпараттандыру сапасын арттыру бойынша жұмыс жалғасуда. Павлодар облысы бойынша МКДтүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-pavlodar/press/news/details/1112610?lang=kk

 Сәкен Сейфуллин атындағы орталық кітапханасында қазақтың көрнекті ағартушысы, ақын, жазушы, педагог, қоғам қайраткері Міржақып  Дулатовтың туғанына 140 жыл толуына арналған  «Бақытсыз Жамал» атты романына  талқылау өтті. Шара «Қаламы қайсар, рухы өр – Міржақып Дулатов» атты кітап көрмесіне шолудан басталып, оқырмандар арасында Жамал бейнесінің тарихи маңызы мен романда көтерілген әлеуметтік мәселелер кеңінен талқыланды. Сонымен қатар роман бойынша ұяшық таңдау арқылы сұрақ-жауап ұйымдастырылды.Талдықорған қаласы Еңбек ауылындағы №22 орта мектептің қазақ тілі мен әдебиет пәнінің ұстазы, сөз өнерінің жанашыры Ақбакирова Гүлнар Өмірзаққызы өз пікірін ортаға салды. Кітапханашы Өтеулі Аяна Жамалдың жүрек тебірентер монологын әсерлі түрде оқып берді. Монолог барысында оқушылар сол дәуірдің ауыр тағдырын, қыз баланың еркіндікке деген ұмтылысын, Жамалдың жан айқайын терең сезіне алды.Талқылау оқушылардың әдеби талғамын дамытып қана қоймай, қазақ әдебиетіне деген құрметін арттырды. Шараға Талдықорған қаласындағы №19, №22, №23 мектептердің 10-сынып оқушылары қатысты.Ақпарат көзі : https://www.gov.kz/memleket/entities/zhetysu-archive/press/news/details/1112623?lang=kk

Шымкент қаласының Абай ауданына қарасты Қызылжар-2 шағынауданында бірнеше жылдан бері өзекті болып келген инженерлік инфрақұрылым тапшылығы мәселесі біржола шешімін тапты. Биыл көктемде мегаполис әкімінің тұрғындармен өткен көшпелі кездесуінде осы аумақтың халқы ауыз судың жетіспеушілігі, тұрақсыз электр қуаты және табиғи газдың жоқтығы ең өзекті әлеуметтік проблема екенін атап өткен болатын.Тұрғындар көтерген мәселе бойынша қала әкімі тиісті құрылымдарға шұғыл тапсырма беріп, инфрақұрылым желілерін қысқа мерзімде жеткізуді міндеттеді. Сөйтіп 2024 жылдың сәуір айында Қызылжар-2 аумағында инженерлік желілердің құрылысы басталды. Жоба Алқап, Ордакент, Нұрлыкент, Сығанақ, Теренөзек және Көлкент көшелерін толық қамтуды көздеді.Жобаның бірінші кезеңінде ең қажетті коммуникациялар — ауыз су құбыры, электр желісі және табиғи газ инфрақұрылымы тартылды. Жұмыстардың нәтижесінде бұрын негізінен тасымалданатын суға тәуелді болып келген және электр жарығы жиі үзіліп тұратын шағынаудан тұрғындары алғаш рет тұрақты және заманауи инженерлік инфрақұрылымға қол жеткізді.Қазіргі таңда 265 үй тұрақты ауыз сумен және электр қуатымен қамтамасыз етіліп отыр. Бұған қоса, табиғи газ құбыры толық жеткізіліп, әр үйдің қосылуына мүмкіндік жасалды. Мамандардың айтуынша, жаңартылған инженерлік желілер шағынауданда өмір сүрудің жайлылығы мен қауіпсіздігін айтарлықтай арттырады. Өрт қауіпсіздігі, санитарлық жағдай және энергия тұрақтылығы да жаңа деңгейге көтерілді.Алдағы жылы жобаның екінші кезеңін жүзеге асыру жоспарланып отыр. Бұл кезең Қызылжар-2 шағынауданының қалған бөлігін қажетті инфрақұрылыммен қамтуға мүмкіндік береді. Жоба толық аяқталған кезде шағынаудан инженерлік тұрғыдан толық дамыған аумаққа айналып, оның әлеуметтік және экономикалық әлеуеті артады деп күтілуде.Мегаполис басшысы жаңа инфрақұрылымның қолданысқа берілуіне орай тұрғындарды құттықтап, мердігер ұйымдардың жұмысты мерзімінде және сапалы орындағанын атап өтті. Оның айтуынша, жаңа шағынаудандарды инженерлік желілермен қамтамасыз ету — Шымкент қаласының стратегиялық даму бағыттарының бірі.Қызылжар-2-дегі жұмыстардың аяқталуы — қала халқының өмір сапасын жақсартуға бағытталған кешенді саясаттың нақты нәтижесі. Бұл жоба тұрғындарға қолайлы орта қалыптастырумен қатар, Шымкенттің урбанистік дамуына да серпін бермек.

Шымкент қаласындағы «Қызылжар-2» ықшам ауданы толықтай кешенді инженерлік инфрақұрылымға қосылған. Шымкент қаласы Абай ауданына қарасты «Қызылжар-2» ықшам ауданында бірнеше жылдан бері өзекті болып келген инженерлік инфрақұрылым тапшылығы мәселесі түпкілікті шешімін тапты. Естеріңізге сала кетейік, биыл көктемде қала әкімі мен тұрғындардың кездесуінде осы кент тұрғындары ауыз су тапшылығын, электр қуатының тұрақсыздығын, көгілдір отынның жетіспеушілігін ең өзекті әлеуметтік мәселе ретінде атаған болатын. Әкім тиісті мекемелерге шұғыл тапсырма беріп, ауданға инженерлік желілерді тезірек қосуды тапсырды. «Қызылжар-2» учаскесінде инженерлік желілердің құрылысы 2024 жылдың сәуір айында басталып, Алқап, Ордакент, Нұрлыкент, Сығанақ, Тереңөзек, Көлкент көшелеріне жобалау жұмыстары жүргізілді. Жобаның бірінші кезеңінде маңызды инженерлік желілер — су, электр және газ желілері тартылды. Соның арқасында қазір 265 үй су мен жарықпен тұрақты қамтамасыз етілген. Сонымен қатар, жаңадан орнатылған газ құбыры әр үйді табиғи газға қосуға мүмкіндік береді. Жобаның екінші кезеңін келесі жылы жүзеге асыру жоспарлануда. Бұл кезең Қызылжар-2 шағынауданының қалған бөлігін қажетті инфрақұрылыммен қамтамасыз етеді. Толық салынып біткен соң ықшамауданның толықтай дамыған инженерлік инфрақұрылымы болады деп күтілуде. Шаһар басшысы тұрғындарды жаңа инженерлік желілердің пайдалануға берілуімен құттықтап, мердігерлердің жұмысты сапалы әрі уақытында аяқтағанын атап өтті. Ол жаңа шағын аудандарды инженерлік желілермен қамтамасыз ету Шымкенттің стратегиялық даму бағыттарының бірі екенін айтты.

«Бірыңғай жинақтаушы зейнетақы қоры» АҚ (БЖЗҚ, Қор) салымшыларға зейнетақы капиталын қалыптастыру қызметтерінің кең спектрін ұсына отырып, олардың тізбесін үнемі жаңартып, қызмет көрсету сапасын жақсарту мақсатында белсене жұмыс істеуде. Қордың сайтта және мобильді қосымшада 24/7 режимінде көрсететін қызметтерінің қолжетімділігі – салымшылардың өз жинақтарына деген қызығушылығын арттырудың маңызды шарты. 01.01.2025ж. мен 31.10.2025ж. аралығында халыққа шамамен 36,7 млн қызмет көрсетілді. Көрсетілген қызметтердің жалпы санының 22,2 млн-ы электрондық форматта, 13,3 млн автоматты түрде жүргізілді. Осылайша, автоматты, электрондық және қашықтықтан көрсетілген қызметтердің үлесі жалпы санның 97,8%-ын құрады. Салымшыларға 795,1 мың қызмет жүзбе-жүз көрсетілді, оның ішінде 775,5 мың қызмет тікелей Қордың кеңселерінде жүзеге асырылды.Естеріңізге сала кетейік, барлық зейнетақы шоттары БЖЗҚ-ға бірінші жарна түскен кезде автоматты түрде ашылады. Сондай-ақ, Қазақстан Республикасының 18 жасқа толмаған азаматтарына нысаналы талаптар автоматты түрде есептеліп, "Ұлттық қор – балаларға" бағдарламасы шеңберінде нысаналы жинақтарды алушыларға нысаналы жинақтарды есептеу және есепке алу үшін нысаналы жинақтау шоттары ашылады. Есепті кезеңде шартты зейнетақы шоттарын (жұмыс берушінің ЖМЗЖ аударуы нәтижесінде ашылатын ШЗШ) және нысаналы жинақтау шоттарын ("Ұлттық қор ­— балаларға" бағдарламасы аясында ашылатын НЖШ) қоса алғанда, зейнетақы жарналарының барлық түрлері бойынша автоматты режимде ашылған жеке зейнетақы шоттарының (ЖЗШ) жалпы саны 1,4 млн жетті. Жеке зейнетақы шотынан, шартты зейнетақы шотынан (ШЗШ), сондай-ақ нысаналы жинақтау шотынан (НЖШ) үзінді көшірме алу бұрынғысынша ең танымал қызмет санатында. Жыл басынан бері ЖЗШ, ШЗШ, НЖШ-дан 24,2 млн үзінді көшірме берілді. Оның 20,4 млн-ы – электрондық, ал 3,3 млн үзінді көшірме автоматты түрде рәсімделді. Шоттың жай-күйіне қатысты ақпаратты жеке кабинет арқылы алу – зейнетақы жинақтарын қадағалаудың ең ыңғайлы, сенімді және жедел тәсілі. Қызмет тәулік бойы (24/7) онлайн режимде жұмыс істейді, бұл ақпаратты кез келген уақытта және әлемнің кез келген нүктесінен алуға мүмкіндік береді. Сонымен қатар, зейнетақы шоттары туралы ақпаратты БЖЗҚ сайты арқылы ғана емес, egov.kz электрондық үкімет порталы немесе оның мобильді қосымшасы арқылы да алуға болады. Бұл мемлекеттік қызметтерді бірыңғай платформалар арқылы алуға дағдыланған азаматтарға өте қолайлы. БЖЗҚ 2025 жылдан бастап жыл сайынғы үзінді көшірмелерді пошта арқылы автоматты түрде жіберу тоқтатылғанын ескертеді. Бірақ, зейнетақы жинақтарының жай-күйі туралы ақпаратты "БЖЗҚ" АҚ атына тиісті сұранысты жіберген пошта арқылы алу мүмкіндігі сақталады.Салымшылардың (алушылардың) Қор сайтындағы және ұялы қосымшасындағы Жеке кабинеттен үзінді көшірме алудан басқа өз деректемелеріне өзгерістер мен толықтырулар енгізу, шотының бар екендігі туралы анықтама алу, 1 немесе 2 топтағы мүгедектіктің мерзімсіз уақытқа белгіленуіне байланысты немесе ерікті зейнетақы жарналары бойынша зейнетақы төлемдерін тағайындау туралы өтініш беру сияқты қызметтерді пайдалануға мүмкіндіктері бар. Сондай-ақ, зейнетақы жарналарын төлеу туралы өтініштің мәртебесін қадағалау, инвестициялық портфельді басқарушыға (ИПБ) жинақтардың бір бөлігін аудару, зейнетақы калькуляторының көмегімен болашақ зейнетақыны болжамды есептеу және т.б. қызметтер қолжетімді. Мәселен, жыл басынан бері салымшылардан жинағының бір бөлігін инвестициялық портфельді басқарушыларға аудару туралы 67,1 мың өтініш қабылданып, оның 64,4 мыңы электрондық нұсқада іске асырылған.   2025 жылдың басынан бастап 10 ай ішінде деректемелерді өзгертуге 114,0 мың өтініш қабылданды. Оның 107,0 мыңы Қордың кеңселерінде ұсынылды. БЖЗҚ мамандарына қандай да бір қызмет түрі бойынша жүгіне отырып, салымшылар, әдетте, жинақтарды қалыптастыруға қатысты қосымша кеңестер ала алады. Ақпараттық-түсіндіру жұмыстары аясында 43,6 мың көшпелі таныстырылым өткізіліп, оған 892,3 мың адам қатысты. Бұқаралық ақпарат құралдарында БЖЗҚ хабарламалары бойынша 35,5 мың материал жарияланды.Салымшылар мен алушылардың кері байланыс (Call-орталық, веб-сайт арқылы кеңес, мессенджерлер, әлеуметтік желілер және басқа байланыс түрлері) арналары бойынша түскен өтініштерінің саны – 434,0 мың. Естеріңізге сала кетейік, кез келген компания Қор кеңсесіне барып жинақтаушы зейнетақы жүйесінің мәселелері бойынша таныстырылым мен кеңестер өткізуге өтінім бере алады. Ол үшін 1418 нөмірі бойынша байланыс орталығына қоңырау шалып, Қор сайты немесе ұялы қосымшасы арқылы хабарласу қажет.БЖЗҚ-ның кеңес беру қызметтерін мессенджерлер (+7 777 000 14 18 нөмірі бойынша WhatsАpp және Viber чат-боттары) арқылы, 1418 нөмірі бойынша байланыс орталығынан (Қазақстан бойынша қоңырау шалу тегін), enpf.kz корпоративтік сайтынан, сондай-ақ, Instagram, Facebook, ВКонтакте, Telegram, Одноклассники сияқты әлеуметтік желілердегі БЖЗҚ-ның ресми парақшаларынан алуға болады.   БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).Ақпарат көзі : https://www.gov.kz/memleket/entities/kyzylorda-karmakshy/press/news/details/1126304?lang=kk

Аудан әкімі Берік Сәрменбаевтың төрағалығымен мәжіліс өтіп, күн тәртібінде қалдықтардың барлық түрін басқарудың 2026-2030 жылдарға арналған тұжырымдамасы талқыланды. – Тереңөзек кентінде 2024 жылы облыстық бюджеттен бөлінген 475,5 млн. теңгеге қатты тұрмыстық қалдықтар полигоны салынып, пайдалануға берілді. Бүгінде полигонда 7 қызметкер жұмыс істеп, күніне 10 тонна қалдық сұрыпталуда. Ал елді мекендерде 6521 тонна тұрмыстық қатты қалдықтар жинақталып, оның ішінде 2855 тоннасы сұрыпталды. Бұл бағыттағы жұмыстар тұрақты жүргізілуі тиіс. Себебі, қалдықтарды сұрыптау, оны қайта өңдеу қоршаған орта тазалығын қаматамасыз етеді, – деді Берік Әбдіғаппарұлы.Мәжілісте аудан басшысы кент және ауылдық округ әкімдеріне қалдықтар тастайтын полигондардың талапқа сай болуын тапсырды. Сондай-ақ, "Таза Қазақстан" экологиялық акциясы бойынша санитарлық тазалық үнемі қатаң бақылауда болу керектігін ескертті.Мәжіліс барысында аудан әкімі күн тәртібінен тыс жұқпалы аурулар, екпе бойынша мәселелерге тоқталып, тиісті салалық орынбасары мен басшыларға тапсырмалар жүктеді.Ақпарат көзі : https://www.gov.kz/memleket/entities/kyzylorda-syrdarya/press/news/details/1112589?lang=kk

Қазақстан Республикасы Сыртқы істер министрінің бірінші орынбасары Ержан Ашықбаев Қазақстанда аккредиттелген БҰҰ агенттіктерінің өкілдерімен кездесті.Кездесу барысында тараптар 2026-2030 жылдарға арналған БҰҰ-ның Тұрақты даму мақсаттары жөніндегі ынтымақтастық бағдарламасының (UNSDCF) шеңберіндегі өзара іс-қимылдың негізгі бағыттары бойынша пікір алмасты. Елдегі БҰҰ жүйесінің өкілдері өздерінің басымдықтарын, алдағы кезеңге арналған жоспарларын және мемлекеттік органдармен өзара іс-қимылды кеңейту жөніндегі ұсыныстарын жеткізді.Е.Ашықбаев Қазақстанның БҰҰ қағидаттары мен құндылықтарына берік бейілділігін атап өтіп, Алматы қаласында Орталық Азия мен Ауғанстан үшін Орнықты даму мақсаттары жөніндегі БҰҰ Өңірлік орталығының іске қосылуының практикалық маңыздылығына тоқталды.Кездесуде БҰҰ жобаларының тиімділігін арттыру, олардың географиялық қамтуын кеңейту және өңірлік әрі жергілікті деңгейдегі жұмысты күшейту мәселелеріне ерекше назар аударылды.Сонымен қатар алдағы бірлескен бастамаларға ерекше мән берілді, соның ішінде 2026 жылғы сәуірде Астанада өтетін Аймақтық экологиялық саммитті дайындау, сондай-ақ Қазақстан бастамасымен жарияланған 2026 жылғы Орнықты дамудың халықаралық еріктілер жылы аясындағы іс-шаралар.Басқосу қорытындысы бойынша қатысушылар Қазақстан халқының әл-ауқатын арттыруға және орнықты дамуды ілгерілетуге бағытталған бірлескен жобаларды әрі қарай жүзеге асыру және ынтымақтастықты нығайтуға дайындығын растады.Ақпарат көзі : https://www.gov.kz/memleket/entities/mfa-geneva/press/news/details/1113381?lang=kk