Кишинев, 2025 жылғы 24 қараша – МР Ұлттық мұрағат агенттігі мен Ұлттық кітапханасы Қазақстан Елшілігімен бірлесіп «Молдавандардың 1950-1960 жылдары Қазақстанда тың жерлерді игеруіне қатысуы: әлеуметтік-тарихи контекст, барысы, салдары» тақырыбында дөңгелек үстел өткізді.Дөңгелек үстел аясында ұйымдастырушылар қатысушылардың назарын Қазақстан және Молдова үшін де маңызды тарихи оқиғаға аударуға тырысты, оны тиісті әлеуметтік-саяси контексте, екі қоғамның дамуы үшін құқықтық база мен салдарларды талдай отырып ұсынды.Іс-шара осы тақырып бойынша мұрағат, кітапхана, мұражай және университет материалдарын академиялық және мәдени пайдалану мүмкіндіктері мен перспективаларын талқылауға арналған алаң ретінде әрекет етті. Дөңгелек үстел барысында Қазақстанның тың жерлеріне келген Молдовадан келген еріктілердің жұмыс жағдайларына, жұмыс күндеріне ерекше назар аударылды.Баяндамашылар тың жерлерді игерудің алғашқы жылдарында Қазақстанға жүздеген мың КСРО азаматтары, соның ішінде Молдова КСР тұрғындарының едәуір бөлігі келгенін атап өтті. 1954-1960 жылдардағы мелиорациялық жұмыстардың нәтижесінде 41 836 мың га жаңа жер игерілді, оның ішінде 25 484 мың га (61 %) - Қазақ КСР аумағында, негізінен солтүстік облыстарда: Көкшетау, Қостанай, Павлодар, Солтүстік Қазақстан, Торғай және Целиноград облыстарында.ҚР Елшісі Алмат Айдарбеков өз сөзінде тарихты еске түсіріп қана қоймай, Қазақстан мен Молдова жаңа байланыстар мен адам көпірлерін тапқан адамдарға дауысын қайтаруға мүмкіндік берген бұл іс-шараның маңыздылығын атап өтті. Сондай-ақ, ол тың жерлерді игерудің Қазақстан мен Молдова үшін демографиядан мәдени байланыстарға дейінгі ұзақ мерзімді салдарын зерттеуді ұсынды.МР бұрынғы Жастар және спорт министрі Октавиан Цыку «Естелік эскпедициясы» аясында Қазақстанға сапары, оның барысында молдавандардың Қазақстанның тың жерлерін игеруге қатысуына қатысты зерттеулер жүргізгені туралы айтты. Сонымен қатар, ол қазіргі уақытқа дейін байланыстырушы рөл атқаратын молдовандықтар мен қазақстандықтар арасындағы қалыптасқан тығыз, жеке-мәдени қарым-қатынастарды атап өтті.Ақпарат көзі : https://www.gov.kz/memleket/entities/mfa-kishinev/press/news/details/1113367?lang=kk

Астана, 2025 жылғы 25 қараша – Қазақстан Республикасы Сыртқы істер министрлігінің Халықаралық қауіпсіздік департаментінің директоры Арсен Омаров Халықаралық Қызыл Крест комитеті өткізген өлімге әкелетін автономды қару жүйелері (ӨАҚЖ) бойынша өңірлік дөңгелек үстелге қатысты.Дипломаттар, әскери сарапшылар және академиялық өкілдер әскери салада жасанды интеллектті пайдаланумен байланысты гуманитарлық, құқықтық және этикалық қиындықтарды талқылады. Кездесу барысында адамның араласуынсыз нысаналарды өз бетінше таңдай және соққыға жығый алатын автономды қару жүйелері есеп берушілікке, ашықтыққа және халықаралық гуманитарлық құқықты сақтауға қатысты елеулі алаңдаушылық тудыратыны аталып өтті.А.Омаров өз сөзінде ҚР Президенті Қасым-Жомарт Тоқаевтың Қазақстанда жасанды интеллекттің дамуын жеделдету жөніндегі бастамаларын атап өтті және елдің ӨАҚЖ реттеу жөніндегі ұстанымын егжей-тегжейлі баяндады. Ол Астананың толық автономды қаруға алдын ала тыйым салуды және қазіргі заманғы қару-жарақты әзірлеуде жасанды интеллектті енгізу кезінде әскери қажеттілік пен этикалық стандарттар арасындағы ақылға қонымды тепе-теңдікті сақтауды жақтайтынын атап өтті. Қазақстанның Өлімге әкелетін автономды қару жүйелерін реттеуге арналған заңды күші бар құрал ретінде Ізгіліксіз қару туралы конвенцияның VI Хаттамасын әзірлеуді қолдайтынын айтты.Дөңгелек үстелге Аустрияның Қазақстандағы Елшісі Андреа Бахер (Аустрия – БҰҰ Бас Ассамблеясының ӨАҚЖ бойынша екі қарарының бастамашысы) және Қазақстан, Қырғызстан, Тәжікстан, Түрікменстан және Өзбекстанның сыртқы саясат және қорғаныс министрліктерінің өкілдері қатысты. Іс-шара Орталық Азия мемлекеттері арасында ӨАҚЖ бойынша біріктірілген ұстанымды қалыптастыруға арналған платформа бола алатыны аталып өтті.  Ақпарат көзі : https://www.gov.kz/memleket/entities/mfa/press/news/details/1113354?lang=kk

Астанадағы №1 Индустриялық паркте орналасқан Swissgrow зауыты жыл сайын 15 мың тонна минералды тыңайтқыштар өндіріп, еліміздің егіншілік саласына орасан үлес қосып келеді.Отандық фермерлер ғана емес, көршілес елдерге де пайдасын тигізіп отырған кәсіпорын бүгінде тыңайтқыштардың сан түрін өндіреді. Олар өз кезегінде топырақтың құнарын арттырып, өсімдіктерді алуан түрлі аурудан қорғайды.https://www.instagram.com/p/DRgucC-jK-a/?hl=ru#Қазақстандажасалған #Астана #индустриялықпаркАқпарат көзі : https://www.gov.kz/memleket/entities/astana-uir/press/news/details/1113355?lang=kk

Шығыс Қазақстан облысы Мемлекеттік кірістер департаменті салық төлеушілерге, мемлекеттік кірістер органдары салықтар мен төлемдердің бюджетке толық және уақытылы түсуін қамтамасыз ету бойынша маңызды міндеттерді орындаумен қатар, Қазақстан Республикасының заңнамасына және Салық кодексіне сәйкес әлеуметтік төлемдерді есептеу, ұстап қалу және аудару бойынша міндеттерді де атқаратынын хабарлайды (Салық кодексінің 18-бабының 1-тармағының 2 және 3-тармақшалары).Әлеуметтік төлемдер – бұл міндетті зейнетақы жарналары, міндетті кәсіби зейнетақы жарналары, жұмыс берушінің міндетті зейнетақы жарналары, Қазақстан Республикасының Әлеуметтік кодексіне сәйкес төленетін әлеуметтік аударымдар, Қазақстан Республикасының «Міндетті әлеуметтік медициналық сақтандыру туралы» Заңына сәйкес төленетін міндетті әлеуметтік медициналық сақтандыруға арналған жарналар мен аударымдар (Салық кодексінің 1-бабының 3-тармағы).Әлеуметтік төлемдер бойынша міндеттемелер, олардың мөлшерлері мен ставкалары Қазақстан Республикасының Әлеуметтік кодексі мен Қазақстан Республикасының «Міндетті әлеуметтік медициналық сақтандыру туралы» Заңымен айқындалады. Төлем түріТөлеушіҚұқықтық негізСтавкаМіндетті зейнетақы жарналары (МЗЖ)ЖұмысшыҚР Әлеуметтік кодексі №224-VII10%Міндетті кәсіби зейнетақы жарналары (МКЗЖ)Жұмыс берушіҚР Әлеуметтік кодексі №224-VII5%Жұмыс берушінің міндетті зейнетақы жарналары (ЖМЗЖ)Жұмыс берушіҚР Әлеуметтік кодексі №224-VII2024 – 1,5%2025 – 2,5%2026 – 3,5%2027 – 4,5%2028 – 5%Әлеуметтік аударымдар (ӘА)Жұмыс берушіҚР Әлеуметтік кодексі №224-VII2025 жылғы 1 қаңтардан бастап – 5%Міндетті әлеуметтік медициналық сақтандыруға арналған аударымдар (МӘМС)Жұмыс берушіҚР «Міндетті әлеуметтік медициналық сақтандыру туралы» Заңы №405-V2022 жылғы 1 қаңтардан бастап – 3%Міндетті әлеуметтік медициналық сақтандыруға арналған жарналар (МӘМСЖ)ЖұмысшыҚР «Міндетті әлеуметтік медициналық сақтандыру туралы» Заңы №405-V2021 жылғы 1 қаңтардан бастап – 2% Сонымен қатар, тәжірибе көрсеткендей, барлық кәсіпкерлер табысқа ие бола тұра өз міндеттемелерін адал орындамайды, әлеуметтік төлемдерді уақытында немесе толық төлемей немесе мүлдем төлемей жатады.Хабарлаймыз, Қазақстан Республикасының «Әкімшілік құқық бұзушылықтар туралы» Кодексінде әкімшілік жауапкершілік қарастырылған:зейнетақымен қамтамасыз ету саласындағы заңнаманы бұзу (ҚР ӘҚБтК 91-бабының 7-бөлімі);міндетті әлеуметтік сақтандыру саласындағы заңнаманы бұзу (ҚР ӘҚБтК 92-бабының 2-бөлігінің 2-тармақшасы);Қазақстан Республикасының «Міндетті әлеуметтік медициналық сақтандыру туралы» Заңын бұзу (ҚР ӘҚБтК 92-1-бабы).Шығыс Қазақстан облысы Мемлекеттік кірістер департаменті салық төлеушілерді өздерінің салықтық міндеттемелерін және әлеуметтік төлемдерді төлеуді адал орындауға шақырады. Әлеуметтік төлемдерді төлеу ең алдымен зейнетақымен, медициналық және әлеуметтік қорғаумен қамтамасыз ету болып табылатынын атап өтеміз.Ақпарат көзі : https://www.gov.kz/memleket/entities/kgd-vko/press/news/details/1113284?lang=kk

2025 жылғы 26 қараша Ежелгі Олимпия – Қазақстан Республикасының Грек Республикасындағы Төтенше және Өкілетті Елшісі Тимур Сұлтанғожин Ежелгі Олимпия муниципалитетінің шақыруымен Олимпиада алауын жағу рәсіміне қатысты. Іс-шара халықаралық олимпиадалық қозғалыс үшін маңызды мәдени маңызы бар ежелгі қасиетті орынның тарихи аумағында өтті.Рәсімге Грекия Республикасының Президенті Константинос Тасулас, дипломатиялық миссиялардың басшылары және Ежелгі Олимпияның бауырлас қалаларының ресми өкілдері қатысты. Қазақстан тарапынан құрметті қонақ ретінде Тараз қаласының әкімі Бахытжан Орынбеков қатысты.Сапар шеңберінде Елші Т. Сұлтанғожин мен Әкім Б. Орынбеков Ежелгі Олимпия муниципалитетінің мэрі Аристидис Панайотопулоспен кездесу өткізді. Елші Қазақстан тарапын рәсімге шақырудың маңыздылығын атап өтті және Қазақстан мен Грекия арасындағы мәдени-гуманитарлық байланыстарды одан әрі нығайтудың өзектілігін ерекше белгіледі.Тараптар сондай-ақ мәдени ынтымақтастықты дамыту және бауырлас қалалар арасындағы байланыстарды тереңдету перспективаларын, оның ішінде мәдени алмасу мен жастар бастамалары саласындағы жобаларды талқылады. Ежелгі Олимпия мэрі муниципалитеттің Тараз қаласымен ынтымақтастықты кеңейтуге дайын екенін растады.Анықтама: Ежелгі Олимпия – әрбір Олимпиада ойындары қарсаңында Олимпиада алауын жағу рәсімі өткізілетін дәстүрлі орын.2026 жылғы қысқы Олимпиада ойындары 2026 жылғы 6–22 ақпан аралығында Италияда өтеді. Негізгі жарыстар Милан мен Кортина-д’Ампеццо қалаларында ұйымдастырылады.Ақпарат көзі : https://www.gov.kz/memleket/entities/mfa-athens/press/news/details/1113297?lang=kk

2024 жылғы 1 ақпаннан бастап 2025 жылғы 1 қарашадағыжағдай бойынша барлығы 25,11млн АҚШ долларынан астам сомаға 171 938өтініш орындалды (уәкілетті операторларға өтініш берушілердің банк шоттарына есептеу үшін аударылды).Оның ішінде:·     тұрғын үй жағдайын жақсарту мақсатында15,88 млнАҚШ доллары сомасына 107 390 өтініш;·     білім алу ақысын төлеуге – 9,24 млн АҚШ доларына 64 548 өтініш орындалды. Естеріңізге сала кетейік, нысаналы жинақтарды (НЖ) алушы барлық соманы немесе оның бір бөлігін пайдалануға құқылы. Пайдаланылмаған қалдық нысаналы жинақтау шотында (НЖШ) сақталады.  Қаржыны тұрғын үй жағдайларын жақсартубойынша ең көп қолданылған қосалқы мақсаттар: одан әрі жинақтау үшін тұрғын үй құрылысы жинақтарындағы салымды толықтыру (15,55 млн АҚШ долларына 104 975 өтініш), тұрғын үй сатып алуға ипотекалық тұрғын үй қарызын алу үшін бастапқы жарнаны енгізу – 112,10 мың АҚШ долларына 816 өтініш, азаматтық-құқықтық мәмілелер бойынша меншікке тұрғын үй сатып алу (түпкілікті есеп айырысу)  76,15 мың АҚШ долларына 588 өтініш орындалды.  Білім алу ақысын төлеу бойынша ең танымал қосалқы мақсаттар: Қазақстан Республикасының аумағында орналасқан білім ұйымдарының білім беру қызметтеріне үлестермен (әрбір академиялық кезең немесе оқу жылы үшін) немесе бір рет толық көлемде (бүкіл оқу мерзімі үшін) ақы төлеу (8,44 млн АҚШ долларына 57 996 өтініш орындалды), білім алу үшін жинақтау салымы туралы шарт бойынша білім алу жинақтау салымын толықтыру (554,86 мың АҚШ долларына 4 636 өтініш орындалды), шетелдік білім беру ұйымдарының оқыту қызметтеріне үлестермен (әрбір академиялық кезең немесе оқу жылы үшін) немесе толық көлемде біржолғы (бүкіл оқу мерзімі үшін) ақы төлеу (201,65 мың АҚШ долларына 1 567 өтініш орындалды).           Нысаналы жинақтар төлемін тұрғын үй жағдайларын жақсарту және (немесе) білім алу ақысын төлеу мақсатында пайдалану бойынша уәкілетті операторлар мен өңірлер бөлінісіндегі толық ақпаратпен enpf.kz сайтында танысуға болады. Естеріңізге сала кетейік, "Ұлттық қор – балаларға" бағдарламасына сай Қазақстан Республикасы Ұлттық қорының инвестициялық кірісінің 50%-ы жылына бір рет 2006 жылы және одан кейін туған, Қазақстан Республикасының азаматы болып есептелетін балалар арасында бөлінеді. 2023 жылы барлық НЖ алушыларына 100,52 АҚШ доллары, 2024 жылы – 129,38 АҚШ доллары есептелгенін хабарлаймыз. 2006 жылы туған азаматтарды қоспағанда, 2023 жылы Ұлттық қордан алғашқы қаражат есептелген балаларға биыл 3,04 АҚШ долларымөлшерінде инвестициялық кіріс есептелді. Нәтижесінде, 2006 жылы туған баланың нысаналы жинағындағы қаражат 100,52 АҚШ долларына тең болса, 2007 жылы туған баланың НЖШ-да 232,94  АҚШ доллары жинақталды.Кәмелетке толған азаматтар өздерінің НЖ туралы ақпаратты БЖЗҚ-ның немесе электрондық үкіметтің интернет-ресурстарындағы жеке кабинеті арқылы өз бетінше алуы тиіс, содан кейін уәкілетті операторға АҚШ долларында банктік шот ашып, тұрғын үй жағдайларын жақсарту және (немесе) білім алу ақысын төлеу үшін НЖ төлеміне онлайн-өтініш беру үшін жүгіне алады. kids.enpf.kz сайтында және БЖЗҚ/ЕНПФ YouTube-арнасында Бағдарламаның шарттарымен, қажетті нұсқаулықтармен танысып, өзіңізді қызықтыратын сұрақтарыңызға жауап ала аласыз. Сондай-ақ, «Ұлттық қор – балаларға» бағдарламасын іске асыру, бала кәмелетке толғанға дейін және одан кейінгі іс-қимыл алгоритмі туралы бейне нұсқаулықты БЖЗҚ/ЕНПФ YouTube-арнасында https://www.youtube.com/watch?v=a9L8N4Q28OMсілтемесі бойынша көруге болады.   БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).          Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1115269?lang=kk

Бүгін «НеоПро» ЖШС өкілдері «Қостанай-Су» КМК-на жұмыс сапарымен келді. Жұмыс кеңесі барысында NeoPro.Meta бағдарламалық-аппараттық кешені таныстырылып, оның негізгі модульдері: NeoPro.IoT, Billing, Client, CEO және Scada көрсетілді.Талқылау мен демонстрацияға «КТЭК» КМК өкілдері, Қостанай қаласы әкімдігінің ТКШ бөлімі, сондай-ақ «Қостанай-Су» КМК мамандары қатысты.Қатысушылар кәсіпорынның жұмыс тиімділігін арттыруға бағытталған жүйені енгізу, цифрландыру және оның мүмкіндіктеріне қатысты сұрақтар қойды.«Қостанай-Су» КМК компанияға жан-жақты презентациясы мен сындарлы диалогы үшін алғыс білдіреді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1113237?lang=kk

2025 жылы Mercer институты CFA институтымен бірлесіп, үлесіне әлем халқының 65%-ы тиесілі 52 елдің (салыстырмалы түрде, 2024 жылы – 48 ел) зейнетақы жүйелеріне бағалау жүргізді. Mercer CFA Institute Global Pension Index (MCGPI) жыл сайынғы есебіне сәйкес, Қазақстанның зейнетақы жүйесі АҚШ, Испания, Италия, Австрия, Жапония, Оңтүстік Корея, Қытай және басқа елдерден озып, 26-шы орынға ие болды. Қазақстанның MCGPI индексіндегі қорытынды көрсеткіші 2024 жылғы 64,0 балдан 2025 жылы 65,0 балға дейін өсті, бұл Халықаралық Валюта Қоры жариялаған экономиканың өсімі туралы жаңартылған деректермен байланысты. Сонымен қатар Қазақстан өткен жылғы "С+" деңгейінен ілгерілей отырып, "В" тобына көтерілді. Бұл зейнетақы саясатының теңгерімділігі мен дәйектілігін көрсетеді.  Естеріңізге сала кетейік, зерттеу 50-ден астам индикаторды қамтитын "Лайықтылық", "Тұрақтылық" және "Тұтастық" үш қосалқы индексі негізінде жүргізіледі. Осы индикаторлар бойынша зейнетақы жүйелерін жан-жақты және объективті бағалау үшін, оның ішінде ЭЫДҰ, Дүниежүзілік банк, Халықаралық еңбек ұйымы, Economist Group зерттеу және талдау бөлімшесінің және т. б. деректерін қамтитын ашық халықаралық көздерден алынған мәліметтер пайдаланылды. 2025 жылы зейнетақы жүйесін талдау қорытындысы бойынша Қазақстанның жалпы көрсеткіші үлес салмағы бойынша өлшенген суб-индекстік бағалау нәтижелерін жинақтау жолымен қалыптасты:"Лайықтылық" қосалқы индексі бойынша 47,0 балл, салыстырмалы түрде алатын болсақ, 2024 жылы – 45,8 балл (үлес салмағының 40%: Қазақстан Оңтүстік Корея, Индонезия, Оңтүстік Африка және басқа елдерді артта қалдырды);"Тұрақтылық" қосалқы индексі бойынша 74,2 балл, 2024 жылы – 73,1 балл (үлес салмағының 35%: Қазақстан Швейцария, Жапония, Қытай, Жаңа Зеландия, Финляндия, Канада, Норвегия, Франция, АҚШ және басқа да көптеген елдердің көрсеткіштерінен асып түсті);"Тұтастық" қосалқы индексі бойынша – 81,1 балл, 2024 жылы – 80,4 балл (үлес салмағының 25%: Қазақстанның көрсеткіші Дания, Ұлыбритания, АҚШ, Қытай, Жапония, Оңтүстік Корея және басқа елдермен салыстырғанда жоғары). Халықаралық сарапшылардың ұсыныстары Өткен 2 жылдағыдай, Mercer CFA сарапшылары Қазақстанға зейнетақы жүйесін келесі бағыттар бойынша жетілдіруді жалғастыру қажет деген ұсыныс жасады:зейнеткерлердің неғұрлым осал санаттарын қолдаудың ең төменгі деңгейін арттыру;азаматтарды ерікті зейнетақы жарналарының көлемін ұлғайтуға ынталандыру;жүйенің ұзақ мерзімді әлеуетін сақтау үшін жинақтарды мерзімінен бұрын алуды шектеу;қарт азаматтардың белсенді еңбек қызметін ұзарту тетіктерін дамыту;жеке үзінді көшірмелерде салымшыларды болжамды зейнетақы төлемдері туралы хабардар ету тәжірибесін енгізу.  Жаһандық контекст 2025 жылғы рейтингте бірінші орынды Нидерланды (85,4 ұпай), одан кейін Исландия (84,0) және Дания (82,3) иеленді. Бұл елдер жыл сайын ең жоғары нәтижелерге ие болады. Биыл индекске алғаш рет төрт елдің – Кувейт, Намибия, Оман және Панаманың зейнетақы жүйелері кірді. Барлық елдер арасындағы орташа көрсеткіш 64,5 балды құрады, бұл демографиялық сын-тегеуріндер аясында зейнетақы жүйелерінің тұрақтылығы нығайып келе жатқанын  көрсетеді. MCGPI есебінде көрініс тапқан инвестициялық қызметтің маңызды аспектілері Mercer CFA Global Pension Index-тің 2025 жылғы есебінде әлем елдері жинақтардың сақталуын және Ұлттық зейнетақы жүйелерінің тұрақтылығын қамтамасыз ету мақсатында зейнетақы қорларының инвестицияларын реттеп, шектеп отыратыны немесе басқаша әсер ететіні атап өтілді. Инвестицияларды реттеудің екі негізгі тәсілі бар:"парасатты инвестор" қағидаты – менеджерлер өз қаражаттарын басқарғандай, активтерді басқарудың белгіленген принциптерін басшылыққа ала отырып, сақтықпен әрекет етеді;активтердің нақты сыныптары және шетелдік инвестициялардың үлесіне инвестициялар бойынша шектеулер мен белгілі бір лимиттер қағидаты. Бұл ретте неғұрлым икемді реттелетін елдер рейтингте жақсы нәтиже көрсетті. Талданған 52 зейнетақы жүйесінің тек 12-сінде инвестицияларға қатаң шектеулер жоқ, олардың 9-ы рейтинг көшбасшыларының қатарына кірді. Есепте зейнетақы қорларының инвестицияларына шектеулердің екі мақсаты бар екендігі атап көрсетілген:зейнетақы жүйесінің сенімділігін және салымшылардың қаражатының сақталуын қамтамасыз ету – активтерді әртараптандыру, тәуекелдерді басқару және тәуекелді құралдарға салымдарды шектеу;жергілікті капитал нарығын нығайтуға, инфрақұрылымды дамытуға, қаржылық сауаттылықты арттыруға ықпал ететін ішкі қаржы нарықтарын дамытуды қолдау.Сарапшылардың пікірінше, шамадан тыс шектеулер кірісті төмендетіп, әртараптандыруға кедергі келтіруі мүмкін. Есепте сондай-ақ инвестициялық қызметті жүзеге асыру кезінде зейнетақы жүйесіне қатысушылардың мүдделері мен елдің ұлттық мүдделері арасындағы теңгерімді құрудың сегіз қағидаты келтірілген:салымшыларды лайықты зейнетақы табысымен қамтамасыз ету;зейнетақы активтерін сенімгерлік басқарудың адалдығы;ұзақ мерзімге негізделген кірістер мен тәуекелдердің арақатынасын ескере отырып, сенімді және ашық инвестициялық басқару;зейнетақы қорларының қаржы нарықтары мен инвестициялық мүмкіндіктерге толық қолжетімділігі;зейнетақы жүйесіне қатысушылардың мүдделерін және зейнетақы қорларының шешімдерін ескере отырып, мемлекеттің ұлттық жобаларға инвестиция салуын ынталандыру;инвестициялық мүмкіндіктерді кеңейту үшін зейнетақы қорларының мемлекетпен ынтымақтастығы;мемлекеттің зейнетақы қорларының инвестициялық мүмкіндіктерін шектемей, портфельдердің құрамы, кірістілігі мен тәуекелдері туралы ақпаратты жария түрде ашу арқылы қызметтің ашықтығын қамтамасыз ету;макроэкономикалық ахуалды есепке алу, яғни зейнетақы активтерінің мемлекет экономикасында елеулі рөл атқаратын кезінде өзінің фискалдық және әлеуметтік саясаты мен зейнетақы қорларының инвестициялары және олардың зейнеткерлерге әсері арасындағы өзара байланыс ескерілуі тиіс. Есепте Дүниежүзілік экономикалық форумның мәліметтері бойынша қаржылық қауіпсіздік халықтың жаһандық қартаюына және өмір сүру ұзақтығының ұзаруына байланысты демографиялық және экономикалық сын-қатерлерді шешуде шешуші рөл атқаратыны атап өтілді. Аталған форумда азаматтардың зейнетақы деңгейіне барынша әсер ететін 3 басым бағыт көрсетілген:- барлығына базалық (кепілдендірілген) зейнетақыны қамтамасыз ету;- тиімді басқарылатын және үнемді зейнетақы жоспарларының қолжетімділігін арттыру;- зейнетақы жарналарының мөлшерін ұлғайтуға бағытталған бастамаларды қолдау. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында). Ақпарат көзі : https://www.gov.kz/memleket/entities/kyzylorda-karmakshy/press/news/details/1126303?lang=kk

«БЖЗҚ» АҚ (БЖЗҚ, Қор) мен Business FM іскерлік радиостанциясының бірлескен жобасы іске асырылды. Бағдарлама жүргізушілері Рустам Мақсұтов пен Ерланби Дәулетияр БЖЗҚ және Қазақстан Республикасы Ұлттық Банкінің сарапшыларымен бірге елдің зейнетақы жүйесіне қатысты ең өзекті тақырыптарды аудио және бейне подкаст форматында талқылады. Радио тыңдаушылар мен көрермендерге осы саладағы әлемдік үрдістер туралы баяндап, күрделі нәрселерді қарапайым және түсінікті тілде түсіндірді.  Сұхбат барысында жаһандық демографиялық трендтер, әлем бойынша жинақтаушы құрамдас бөлікке көшу, зейнетақыны ұзақ мерзімді жоспарлау, қызметкерлерді жинақтарды қалыптастыруға ынталандыру мәселелері көтерілді. Сондай-ақ, зейнетақы активтерін басқару тақырыптары, жинақтарды инвестициялық портфельді басқарушыларға беру мүмкіндіктері, инвестициялық стратегияларды қалыптастырудың жаңа ережелерін енгізу, сондай-ақ зейнетақы төлемдерінің түрлері және зейнетақы заңнамасындағы соңғы өзгерістер қозғалды. Жоба қазақстандықтардың зейнетақы жүйесі саласындағы қаржылық сауаттылығын арттыруға бағытталған. Бағдарлама кәсіпкерлерге, бизнесмендерге, сондай-ақ өздерінің зейнетақы жинақтарын қалыптастыруға және тиімді басқаруға мүдделі барлық адамдарға арналған. Бұқаралық ақпарат құралдарының өкілдеріне "Зейнетақы навигаторы" бағдарламасының бейне подкасттарын көріп шығуға кеңес береміз. Бұл – Қазақстанның зейнетақы жүйесі туралы шынайы, объективті және кәсіби материалдар дайындауға қажетті өзекті ақпаратты қайнар көзден алудың таптырмас тәсілі. Төмендегі тақырыптар бойынша түсірілген 2025 жылғы бейнеподкасттарды тиісті сілтемелерден табасыздар:Жинақтаушы зейнетақы жүйесінің өзекті мәселелері (Сәуле Егеубаева, "БЖЗҚ" АҚ Басқарма төрағасының орынбасары) орыс тілінде: https://www.youtube.com/watch?v=FdqbJ0_3fnM Жинақтаушы зейнетақы жүйесінің өзекті мәселелері (Мұрат Шәріпов, "БЖЗҚ" АҚ Басқарушы директоры) қазақ тілінде: https://www.youtube.com/watch?v=vw24C2CQTMA&t=64s Инвестициялық қызмет (Нұржан Нұрғазин, ҚРҰБ Монетарлық операциялар департаменті директорының орынбасары) қазақ тілінде: https://www.youtube.com/watch?v=IYo6Yh2Pmog Зейнетақыны жоспарлау және оны ұлғайту жөніндегі шаралар (Айжан Темірлан, "БЖЗҚ" АҚ Стратегиялық даму департаменті Стратегия және талдау басқармасының бастығы) орыс тілінде: https://www.youtube.com/watch?v=EyRFcdyWXlk Зейнетақы капиталын басқару мүмкіндіктері (Ләззат Әмірғалиева, "БЖЗҚ" АҚ Инвестициялық портфельді талдау басқармасының бастығы) орыс тілінде: https://www.youtube.com/watch?v=9-Jc4pG5iAo БЖЗҚ-дан берілетін төлем түрлері (Гүлнұр Ағайдарова, "БЖЗҚ" АҚ Төлемдерді ұйымдастыру және хабарландыру департаменті Төлем әдістемесі басқармасының бастығы) қазақ тілінде: https://www.youtube.com/watch?v=Eq_wL_G-02M "Зейнетақы навигаторы" бағдарламалары Business FM және БЖЗҚ YouTube арналарында, сондай-ақ Google, Yandex және iTunes подкасттарында қолжетімді. Қазақстанның зейнетақы жүйесін қалыптастыру және дамыту туралы диалогтар БЖЗҚ YouTube-каналында дәстүрге айналды. Мұнда Григорий Марченко, Болат Жәмішев, Қадыржан Дамитов, Анвар Сайденов, Елена Бахмутова және т.б. сияқты танымал қазақстандық қаржыгерлер, сондай-ақ белгілі халықаралық мамандар өз пікірлерімен бөліседі. Жаңалықтарды бірінші болып білу және сарапшылардан эксклюзивті ақпарат алу үшін БЖЗҚ-ның YouTube-арнасына жазылыңыздар. БЖЗҚ 2013 жылғы 22 тамызда «ГНПФ» ЖЗҚ» АҚ негізінде құрылды. БЖЗҚ құрылтайшысы және акционері – Қазақстан Республикасы Қаржы министрлігінің «Мемлекеттік мүлік және жекешелендіру комитеті» ММ арқылы Қазақстан Республикасының Үкіметі. БЖЗҚ зейнетақы активтерін сенімгерлікпен басқаруды Қазақстан Республикасының Ұлттық Банкі жүзеге асырады. Зейнетақы заңнамасына сәйкес БЖЗҚ міндетті зейнетақы жарналарын, жұмыс берушінің міндетті зейнетақы жарналарын, міндетті кәсіптік зейнетақы жарналарын, ерікті зейнетақы жарналарын тартуды, сондай-ақ "Қазақстан Республикасының екінші деңгейдегі банктерінде орналастырылған депозиттерге міндетті кепілдік беру туралы" Қазақстан Республикасының Заңына сәйкес депозиттерге міндетті кепілдік беруді жүзеге асыратын ұйым аударған кепілдік берілген депозит бойынша кепілдік берілген өтемнің талап етілмеген сомасы есебінен қалыптастырылған ерікті зейнетақы жарналарын есепке алып, оның есебін жүргізеді, зейнетақы төлемдерін жүзеге асыруды қамтамасыз етеді. Сондай-ақ Қор нысаналы активтер мен нысаналы талаптарды есепке алуды, нысаналы жинақтау шоттарына нысаналы жинақтарды (НЖ) есепке алу мен есептеуді, НЖ төлемдерін оларды алушының банк шоттарына есептеуді, "Ұлттық қор – балаларға" бағдарламасы шеңберінде Қазақстан Республикасының Үкіметі айқындаған тәртіппен НЖ қайтарымдарын есепке алуды жүзеге асырады (толығырақ www.enpf.kz сайтында).              Ақпарат көзі : https://www.gov.kz/memleket/entities/kostanai-mendykarin-audany-akimat/press/news/details/1113227?lang=kk

Бүгін аудан әкімдігінің мәжіліс залында аудан әкімі Жандос Еркінбектің төрағалығымен кезекті мәжіліс өтті. Жиында Үкімет басшысы және облыс әкімінің қатысуымен өткен мәжілісте қаралған екі негізгі мәселе – трансшекаралық хабтарды дамыту және қалдықтарды басқарудың 2026–2030 жылдарға арналған тұжырымдамасы қозғалды.Сондай-ақ ауданда атқарылатын «Таза Қазақстан» акциясы аясында санитарлық тазалық, абаттандыру және көгалдандыру жұмыстарының сапалы әрі тұрақты жүргізілуі қажет екені айтылып, барлық сала басшыларына бақылауды күшейту жүктелді.Жиында әлеуметтік маңызы бар азық-түлік тауарларының бағасын тұрақтандыру мәселесі де қаралды. Осыған сәйкес аудан басшысы тиісті бөлімге баға мониторингін күшейтуді, заңнамаға сай бақылау шараларын жүргізуді тапсырды.Сонымен қатар, өрт қауіпсіздігі мәселелері де назарда екені айтылып, аудан аумағындағы өрт кезеңіне дайындық, өрт сөндіру бекеттерінің жұмысын күшейту, техникалардың дайындығын тексеру жөнінде тапсырмалар берілді.Мәжіліс соңында аудан әкімі алдағы атқарылатын жоспарларға тоқталып, тұрғын үйлердің, әлеуметтік нысандардың, оның ішінде білім беру ошақтарының жай-күйі қатаң бақылауда болуын тапсырды.«Халыққа қызмет ететін әрбір нысанның қауіпсіздігі мен жағдайы – менің жеке бақылауымда. Нысандарды өзім де тұрақты аралап отырамын», – деді Жандос Еркінбек.Берілген тапсырмалардың уақытылы әрі сапалы орындалуы барлық бөлімдер мен ауылдық округ әкімдеріне жүктелді.Ақпарат көзі : https://www.gov.kz/memleket/entities/kyzylorda-karmakshy/press/news/details/1113147?lang=kk

2025 жылғы 25 қарашада Самар ауданы бойынша Мемлекеттік кірістер басқармасы алаңында жаңа Салық кодексіндегі өзгерістерге арналған Ашық есік күні өтті.Іс-шара барысында келесі мәселелер бойынша кеңейтілген түсініктемелер берілді:әлеуметтік салық;шағын және орта бизнеске арналған арнайы салық режимдері (СНР);корпоративтік табыс салығы (КТС);қосылған құн салығындағы (ҚҚС) өзгерістер.Ақпарат көзі : https://www.gov.kz/memleket/entities/kgd-vko/press/news/details/1113160?lang=kk

Әйелдерге қатысты зорлық-зомбылықты жоюдың Халықаралық күні жыл сайын 25 қарашада атап өтіледі. Ол 1998 жылы 29 шілдеде Қазақстан Республикасы ратификациялаған Әйелдерге қатысты кемсітушіліктің барлық нысандарын жою туралы Конвенцияның ережелеріне сәйкес жүзеге асырылады.25 қараша мен 10 желтоқсан аралығында Курчатов қаласының аумағында "Зорлық-зомбылықсыз 16 күн"акциясы өткізіледі.Акцияның негізгі мақсаты халықтың қалың жігін әйелдерге қатысты зорлық-зомбылықтың алдын алу және жолын кесу жөніндегі шаралармен таныстыру, аталған проблемаға қоғам назарын аудару болып табылады. Егер сіз бірінші қауіп кезінде гендерлік, жыныстық немесе тұрмыстық зорлық-зомбылық мәселесіне тап болсаңыз, Курчатов қ. ПБ нөмірі 3-38-02 немесе сенім телефоны (вотсап) 8-747-542-06-16 арқылы хабарласыңыз. Егер сіз полицияға баруға дайын болмасаңыз, онда "Nur Otan" партиясына 3-48-76, "аналар кеңесі", "Әйелдер істері және отбасылық-демографиялық саясат жөніндегі қалалық комиссия" +7 705 155 85 18 телефондары арқылы хабарласуға болады, онда сізге психологиялық және құқықтық қолдау көрсетіледі. Сізден талап етілетін нәрсе — тек көмек сұрау.Сіздің басты міндетіңіз – зиянды әсерден аулақ болу және өзіңізді және жақындарыңызды қорғау. Бұл жолдағы алғашқы қадам – тұрмыстық зорлық-зомбылық "отбасылық іс" немесе тұрмыстық жанжал емес, ауыр қылмыс екенін түсінуАқпарат көзі : https://www.gov.kz/memleket/entities/abay-kurchatov/press/news/details/1113165?lang=kk

2025 жылдың 27 қарашасында Қазақстан Республикасының Сауда және интеграция бірінші вице-министрі Айжан Бижанова бизнес өкілдерімен кездесу өткізеді және азаматтарды жеке қабылдайды.Өтетін орны: Жетісу облысы, “Тіл сарайы” Қаратал ш.а. 36, 2-қабатХалықпен және бизнес өкілдерімен кездесу сағат 15:00 - 16:30;Азаматтарды қабылдау – сағат 16:30 - 17:00;Сіз Сауда және интеграция бірінші вице-министрімен кездесуде сұрақтарыңыз бен ұсыныстарыңызды WhatsApp-қа жібере аласыз: +7 701 786 3919 (СИМ).Азаматтарды қабылдауға және кездесуге жазылу үшін мына телефонға хабарласуыңызды сұраймыз: +7 701 786 3919 (Азиза Нұрпейісова).Ақпарат көзі : https://www.gov.kz/memleket/entities/mti/press/news/details/1113142?lang=kk

2025 жылғы 1 қазандағы жағдай бойынша Абай облысының халық саны 597,3 мың адамды құрады, оның ішінде қала тұрғындары – 374,4 мың адам (62,7%), ауыл тұрғындары – 222,9 мың адам (37,3%). 2025 жылдың басымен салыстырғанда халық саны 5,5 мың адамға немесе 0,9%-ға азайды.Халықтың табиғи қозғалысыАбай облысы бойынша 2025 жылдың қаңтар-қыркүйек айларында халықтың табиғи өсімі 2229 адамды құрады, бұл 2024 жылдың қаңтар-қыркүйегімен (3142 адам) салыстырғанда 29,1%-ға аз. Халықтың табиғи өсімінің жалпы коэффициенті 1000 адамға шаққанда 4,98 адамды құрады.АХАТ органдары ұсынған азаматтық хал актілеріндегі мәліметтерге сәйкес, 2025 жылдың қаңтар-қыркүйек айларында туғандар саны 6200 адамды құрады, бұл 2024 жылдың тиісті кезеңімен салыстырғанда (7231 адам) 14,3%-ға аз. Туудың жалпы коэффициенті 1000 адамға шаққанда 13,84 туғанды құрады.Есепті кезеңде қайтыс болғандар саны 3971 адамды құрады, бұл 2024 жылдың қаңтар-қыркүйегімен (4089 адам) салыстырғанда 2,9%-ға аз. Өлім-жітімнің жалпы коэффициенті 1000 адамға шаққанда 8,86 қайтыс болғанды құрады.2025 жылдың қаңтар-қыркүйек айларында облыста 1 жасқа дейінгі 37 сәби өлімі тіркелді, бұл 2024 жылдың тиісті кезеңімен салыстырғанда (58 сәби) 36,2%-ға азайды. Сәбилер өлімінің коэффициенті 1000 туғанға шаққанда 5,97 жағдайды құрады.Халықтың көші-қоныКөші-қон қызмет органдары ұсынған мәліметтерді өңдеу нәтижесінде 2025 жылдың қаңтар-қыркүйек айларында облысқа келгендер саны – 23624 адам, облыстан кеткендер саны – 31393 адам болды. Сыртқы және ішкі көші-қон нәтижесінде 7769 адамдық теріс сальдо қалыптасты.Негізгі сыртқы көші-қон алмасуы ТМД елдерімен жүреді. ТМД елдерінен келгендер саны – 68 адам немесе жалпы мигранттардың 66%-ы, кеткендер – 140 адам немесе 89,7%-ы. Келгендер мен кеткендердің негізгі бөлігі Ресей Федерациясына тиесілі.Алыс шетелдермен көші-қон бойынша оң сальдо қалыптасты: облысқа 35 адам келді, 11 адам кетті.Өңіраралық көші-қон бойынша келгендер саны – 9947 адам, кеткендер – 17663 адам, теріс сальдо – 7716 адамды құрады._________________________________________________________________________________________________________________Әдіснамалық түсіндірмелерХалықтың табиғи өсімі - белгілі бір кезеңде тірі туылғандар мен өлгендер санының арасындағы  айырмашылығына тең. Халықтың табиғи қозғалысы жөніндегі деректер АХАТ органдарында тіркелген азаматтық хал актілерінің жазулары негізінде жиналады және өңделеді. Туылғандар санына тек тірі туылғандар енгізілген.Туудың жалпы коэффициенті - бала туылу қарқындылығының барлық халыққа қатынасы бойынша анықталатын көрсеткіш. Кезең бойына тірі туылғандардың жалпы санының халықтың кезеңдік орташа санына қатынасын көрсетеді. Әдетте, 1000 халыққа  шаққанда есептеледі.Өлімнің жалпы коэффициенті - халықтың өлімінің қарқындылығын анықтайтын көрсеткіш. Кезең бойына өлгендердің жалпы санының халықтың кезеңдік орташа санына қатынасын көрсетеді. Әдетте 1000 халыққа шаққанда есептеледі.Нәресте өлімінің коэффициенті - 1 жасқа дейінгі балалар өлімінің деңгейін анықтайтын көрсеткіш. 1 жасқа дейінгі өлгендер саны тірі туылғандар санына қатынасымен есептеледі. Нәрестелер өлімі коэффициенті 1000 тірі туғандарға  есептелінеді.Халықтың көші-қоны - тұрған жерін ауыстыруға байланысты қандайда болса өңірдің шекарасы арқылы адамдардың (көшіп-қонушылардың)  орын ауыстыруы.Көшіп-қонушы - тұрақты тұратын жерін ауыстырумен көші-қон жасайтын адам.Келгендер саны - есепті кезеңде сырттан осы өңірге көшіп келген адамдар саны.Кеткендер саны – есепті кезеңде сыртқа осы өңірден көшіп кеткен адамдар саны. www.stat.gov.kz / Официальная статистика / По отраслям / Демографическая статистикаӘлеуметтік және демография статистикасы бөлімінің  басшысы: С.А. КондратьеваТел. +7 7222 36-25-49Мекен-жайы:180000, Cемей қаласыМәңгілік ел көшесі, 25 © Қазақстан Республикасы Стратегиялық жоспарлау және реформалар агенттігі Ұлттық статистика бюросыАқпарат көзі : https://www.gov.kz/memleket/entities/abay/press/news/details/1113105?lang=kk

Алматы облысы, Балқаш ауданының әкімдігі (мекен-жайы: 040300, Алматы облысы, Балқаш ауданы, Бақанас ауылы, Қонаев көшесі 64) 10 жыл мерзімге жалға ауыл шаруашылығы мақсатындағы жерлер бойынша шаруа немесе фермер қожалығын, ауыл шаруашылығы өндірісін жүргізу үшін төмендегі тізімде көрсетілген лоттарға сәйкес конкурс өткізетіндігін хабарлайды.Ақпарат көзі : https://www.gov.kz/memleket/entities/balkhash-zhideli/press/news/details/1113044?lang=kk

Жиделі ауылдық округінің ақсақалдар алқасы кеңесінің құрамын қайта құру бойынша жиын өткізілді.Ақпарат көзі : https://www.gov.kz/memleket/entities/balkhash-zhideli/press/news/details/1113013?lang=kk

2025 жылғы 26 қарашада каскадтық оқыту жоспарына сәйкес «Сайлау және сайлаушылардың Конституциялық құқығы» тақырыбында дөңгелек үстел өткізілді. Іс-шараға Курчатов қаласының Тілдерді оқыту орталығының тыңдаушылары (сайлаушылар) қатысты. Кездесу барысында сайлау құқығының негізгі қағидаттары, сайлаушылардың құқықтары талқыланып, қатысушылар тарапынан сұрақтар қойылып, пікір алмасу жүргізілді.Ақпарат көзі : https://www.gov.kz/memleket/entities/abay-kurchatov/press/news/details/1113024?lang=kk

Бангкок, 2025 жылғы 26 қараша - БҰҰ АзТМЭӘК штаб-пәтерінде Қазақстан Республикасының жасанды интеллект және цифрлық даму министрлігі мен Вануату коммуникациялар және цифрлық трансформация департаменті арасында АКТ және электрондық үкімет саласындағы өзара түсіністік туралы Меморандумға қол қою рәсімі өтті.Қазақстан тарапынан аталған Меморандумға Таиландтағы Қазақстанның Елшісі, БҰҰ АзТМЭӘК жанындағы Тұрақты Өкілі Марғұлан Баймұхан қол қойды. Құжат цифрлық инфрақұрылым, цифрлық мемлекеттік қызметтерді енгізу, тәжірибе және озық практикалармен алмасу саласындағы ынтымақтастықты, сондай-ақ кадрлық әлеуетті дамыту және технологиялар трансферті бойынша бірлескен жобаларды жүргізуді көздейді. Заманауи цифрлық шешімдерге ие және мемлекеттік басқаруды жаңғыртуда елеулі тәжірибесі бар Қазақстан Вануату серіктестеріне консультациялық және технологиялық қолдау көрсетуге дайын.Қазақстанның Таиландтағы Елшісі, БҰҰ АзТМЭӘК жанындағы Тұрақты Өкілі М.Баймұхан Меморандумға қол қою екі мемлекет арасындағы цифрландыру саласындағы ұзақ мерзімді және өзара тиімді әріптестіктің негізін қалайды деп атап өтті.Өз сөзінде БҰҰ АзТМЭӘК жанындағы Вануатуның Тұрақты өкілі Мэтью Хервиллард бұл әріптестік Вануату үшін Қазақстан көптеген жылдар бойы жинақтаған дәлелденген тәжірибе мен озық цифрлық мүмкіндіктерді пайдаланудың маңызды мүмкіндігін білдіретінін атап өтті.Екі тарап та ынтымақтастықты ұйымдастыруға жәрдемдескені үшін БҰҰ АзТМЭӘК-на алғыс білдірді. Ұйымның мемлекетаралық байланыстарды нығайтудағы жетекші рөлінің арқасында екі ел сындарлы диалог құрып, осы екіжақты құжатқа қол қоюға қол жеткізді.Ақпарат көзі : https://www.gov.kz/memleket/entities/mfa-thailand/press/news/details/1112978?lang=kk

Қазақстан Республикасының 2026 жылғы 1 қантардан бастап жаңа Салық кодексінің қолданысқа енгізілуіне байланысты Қазақстан Республикасы Қаржы министрінің 2025 жылғы  12.11.2025 года № 695 бұйрығымен 2026 жылға арналған салық есептілігінің нысандары олардың жасалу барысын және оларды ұсыну қағидаларынтүсіндіре отырып бекітілгенін   хабарлаймыз.Қазақстан Республикасы Қаржы министрінің 2025 жылғы  12.11.2025 года № 695 бұйрығымен 2026 жылға арналған 328.00 «Тауарларды әкелу және жанама салықтарды төлеу туралы өтініш» нысаны бойынша салық есептілігі  бекітілді.Есептіліктің жаңа нұсқасын жариялау туралы «Салық төлеушінің кабинеті», «СТ СЕӨЖ» АЖ-да жүйелік жаңалықтар арнасында, сондай-ақ уәкілетті органдардың (kgd.gov.kz) интернет-порталында хабардар боласыз.Осыған байланысты, салық міндеттемелерін уақытылы орындау мақсатында салықтық есептілігінің жаңа нұсқасын жариялау алдында, салықтық есептілігін табыс ету кезінде Салық төлеушінің кабинетінде, «СТ СЕӨЖ» АЖ-да және ҚР Қаржы министрлігі Мемлекеттік кірістер комитетінің (kgd.gov.kz) веб-порталында қолжетімді нысандар қолданылады.Ақпарат көзі : https://www.gov.kz/memleket/entities/kgd-karaganda/press/news/details/1112994?lang=kk

Астанада ҚР ІІМ Ұлттық ұланының әскери қызметшілеріне «Сарбаз 2.0» республикалық бағдарламасының қорытындысы бойынша білім гранттарын табыстау рәсімі өтті.Биыл ұландықтарға жалпы саны 1300-ге жуық білім гранты берілді, соның ішінде 15 сертификат осы салтанатты рәсімде табысталды.Сонымен қатар  «Синергия» университетінің өкілдері офицер-магистранттарға қосымша 5 грант бөлді.Сертификаттарды ҚР Ішкі істер министрінің орынбасары – Ұлттық ұланның Бас қолбасшысы Аңсаған Балтабеков табыстады. Ол бұл жобаның жас әскери қызметшілердің болашағы үшін үлкен мүмкіндік екенін атап өтті:— Биылғы шақырылымдағы республика бойынша 400 ұландық, оның ішінде елордалық бригаданың 48 өкілі еліміздің жоғары оқу орындарында тегін білім алуға мүмкіндік беретін сертификаттарға ие болды. Бұл – жай ғана марапат емес. Бұл – сіздердің қызметтегі үлгілі тәртібіңізге, білімге деген ұмтылысыңызға және жоғары нәтижелеріңізге берілген баға. Мемлекет жастарға, әскер мектебінен абыроймен өткен азаматтарға сенім артады. Сенім үдесінен шығып, сапалы білім алып, ел дамуына үлес қосып, кейінгі буынға үлгі болатыныңызға сенемін, — деді А. Балтабеков.Әскер мен еліміздің жоғары оқу орындары арасындағы серіктестік 2023 жылдан бері жүзеге асып келеді. Келісімдерге сәйкес, мерзімді әскери қызметін абыроймен өткерген азаматтар мемлекеттік білім гранттарына қол жеткізе алады. Бұған қоса, байқау жеңімпаздарына шәкіртақы, жатақханада тегін тұру және әскери кафедраға конкурстан тыс қабылдану құқығы беріледі.Биыл құқықтық тәртіп әскері қатарындағы төрт мыңға жуық мерзімді қызмет сарбазы байқауға қатысуға өтінім берді. Олардың ішінен жауынгерлік дайындық, тәртіп және арнайы тапсырмаларды орындау көрсеткіштері бойынша үздік нәтиже көрсеткендер жеңімпаз атанды. Гранттардың бөлінуін қорытынды рейтинг айқындады.5573 әскери бөлімінің әскери қызметшісі Сұңғат Шәмші өз әсерімен бөлісті:«Қызмет пен оқу барысындағы жетістіктерім маған осы мүмкіндікті берді. Енді білімімді жалғастырып, Ел игілігі үшін қызмет еткім келеді».Айта кетейік, қазіргі уақытта Қазақстанның 70-тен астам жоғары оқу орны байқау жеңімпаздарын қабылдауға қатысты меморандумдарға қол қойған.Білім гранттарын табыстау рәсімі құқықтық тәртіп әскері қатарында қызмет етудің беделін арттырып қана қоймай, жас сарбаздардың жеке және кәсіби дамуына кеңінен жол ашатын маңызды ынталандыру тетігіне айналды. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1113000?lang=kk