Үкімет 2029 жылға қарай $400 млрд жиынтық инвестиция тарту арқылы экономикалық өсудің жаңа моделіне көшуді қамтамасыз етеді. Мемлекет басшысының Үкіметтің кеңейтілген отырысында қойған міндеттерін жүзеге асыру тетіктері туралы Премьер-министрдің орынбасары – ұлттық экономика министрі Серік Жұманғарин баяндады.Оның айтуынша ұлттық жоспардағы болжамдарға сәйкес инвестициялардың Жалпы ішкі өңімге қатынасы қазіргі 14–15%-дан 2029 жылы 23%-ға дейін ұлғаяды. Нәтижесінде 2029 жылы негізгі капиталға салынатын инвестициялар 2024 жылғы деңгеймен салыстырғанда 2,5 есеге артуға тиіс.Металлургия, мұнай химиясы, газ өндірісі мен фармацевтиканы дамытуға басты назар аударылатын болады. Мемлекет инвесторларды шақыруымен ғана шектелмей, экономикалық өсудің проактивті саясатын енгізуде. Яғни, Үкіметтің өзі жергілікті бизнестің қажеттіліктеріне «инвестицияға тапсырыс» қалыптастырады және жаңа өндірістерді іске қосу үшін дайын технологиялармен шетелдік серіктестерді тартады."Бұл саясаттың мәні – мемлекеттің тек инвесторларды шақыруымен ғана шектелетін модельден нақты инвестициялық жобаларды қалыптастыру мен іске қосуға мемлекеттің белсенді қатысуы моделіне көшу. Инвестиция тартудың бұл тәсілі экономика салаларының нақты қажеттіліктеріне бағытталған. Аталған жобаларды жүзеге асыру елдегі еңбек өнімділігінің орташа деңгейін арттырады, бұл «орта табыс тұзағын» еңсеру және жан басына шаққандағы жалпы ішкі өнімнің одан әрі өсу үшін қажет негізгі шарттардың бірі", — деді вице-премьер Серік Жұманғарин.Ақпарат көзі : https://www.gov.kz/memleket/entities/economy/press/news/details/1163135?lang=kk

        2026 жылғы 18 ақпанда сағат 09:00-дан бастап 15:00-ке дейін «Ашық үкімет» (egov.kz) порталынды «ҚҚС бойынша салықтық тіркеуді мониторингтеу» тақырыбында интернет-конференция өтеді. Egov.kz сайтына кіріп, https://dialog.egov.kz/conference/5758 сілтемесі бойынша аталған тақырыпта сұрақтарды қалдырыныздар.       Сұрақтарға ҚР ҚМ МКК Салықтық әкімшілендіру департаменті ҚҚС әкімшілендіру басқармасының басшысы Әзімшайық Еділ Серікұлы жауап береді.Ақпарат көзі : https://www.gov.kz/memleket/entities/kgd/press/news/details/1163072?lang=kk

Алатау қаласында халықты тұрақты жұмыспен қамтуға бағытталған жоспар аясында “Бос жұмыс орындары жәрмеңкесі” өтті. Шараға Алматы облысының еңбек мобтльділігі орталығы КММ-нің Алатау қаласы бойынша мансап орталығы ұйытқы болды.Жәрмеңкенің басты мақсаты- тұрғындар арасындағы жұмыссыздық деңгейін төмендету, жұмыс іздеп жүрген азаматтар мен жас мамандарды тұрақты жұмыспен қамту.Айта кетейік, жыл басынан мансап орталығы қызметіне 126 адам жүгінген. Ал аталған жәрмеңкеге 48 азамат қатысты. Оларға 12 жұмыс беруші тарапынан 48 бос жұмыс орны ұсынылды. Қатысушылардың ішінде пробация қызметінің есебінде тұрған 25 азамат пен 10 жас болды. Шара қорытындысы бойынша 3 адам тұрақты жұмысқа орналастырылды. Сонымен қатар, пробация есебіндегі 8 тұрғын жұмыспен қамтуға жолдама алып, олардың 3-еуі тұрақты қызметке қабылданды.Ұйымдастырушылардың айтуынша, мұндай жәрмеңкелер алдағы уақытта да жалғасын тауып, халықты жұмыспен қамту бағытындағы жұмыстар жүйелі түрде жүргізіледі. Бұл – әлеуметтік тұрақтылықты сақтауға және тұрғындардың әл-ауқатын арттыруға бағытталған маңызды қадам.Ақпарат көзі : https://www.gov.kz/memleket/entities/almobl/press/news/details/1163044?lang=kk

Хельсинки, 2026 жылғы 16 ақпан – Қазақстанның агроөнеркәсіптік кешені саласындағы делегациясы ауыл шаруашылығы вице-министрі Ермек Кенжеханұлы бастаған құрамда Финляндияға жұмыс сапарымен барды. Делегация құрамына ҚР Ауыл шаруашылығы министрлігінің, Ақмола және Солтүстік Қазақстан облыстары әкімдіктерінің өкілдері, сондай-ақ аграрлық бизнес қауымдастығының өкілдері кірді.Сапар аясында Финляндияның Ауыл және орман шаруашылығы министрлігінде және «EastCham Finland» халықаралық сауда палатасында талқылаулар, сондай-ақ фин компанияларымен жеке кездесулер өтті.Кездесулер барысында тараптар агроөнеркәсіптік саладағы әріптестікті кеңейту әлеуетін талқылады, оның ішінде уәкілетті органдар арасындағы өзара іс-қимылды жандандыру, озық тәжірибелермен алмасу, инновациялық шешімдерді енгізу, сондай-ақ агроөндірістің экологиялық тұрақтылығын сақтай отырып өнімділікті арттыру мәселелері қарастырылды.Қазақстан мен Финляндия арасындағы іскерлік өзара іс-қимылды дамыту, атап айтқанда, бірлескен жобаларды жүзеге асыру мақсатында B2B байланыстарын жандандыру, талқылаудың басты бағыттарының бірі болды.Ауыл шаруашылығы техникасын әлемдік жетекші өндірушілердің бірі «Valtra» компаниясымен келіссөздер ерекше маңызға ие болды, оның барысында әріптестікті дамытудың одан әрі практикалық қадамдары талқыланды.Сапар қорытындысы бойынша диалогты жалғастыру, кейінгі бизнес-байланыстарды ұйымдастыру және нақты бірлескен жобаларды пысықтау жөніндегі мүмкіндіктерді қарау туралы уағдаластықтарға қол жеткізілді.Ақпарат көзі : https://www.gov.kz/memleket/entities/mfa-helsinki/press/news/details/1162927?lang=kk

Әл-Кувейт, 2026 жылғы 16 ақпан – Қазақстан Республикасының Кувейт Мемлекетіндегі Елшісі Ержан Елекеев Kuwait Oil Company компаниясының атқарушы директоры Ахмад Әл-Эйданмен кездесу өткізді.Кездесу барысында тараптар көмірсутектерді барлау және өндіру саласындағы тәжірибе алмасу, мұнай өңдеуді дамыту және салалық кадрларды даярлау мәселелерін қоса алғанда, Қазақстан мен Кувейттің мұнай саласындағы өзара іс-қимыл перспективалары жөнінде пікір алмасты.Сонымен қатар қазақстандық мұнай сервистік компаниялардың технологиялық және сервистік міндеттерді іске асыруға қатысу мүмкіндіктері, оның ішінде инжиниринг, бұрғылау жұмыстары және жабдықтарға техникалық қызмет көрсету салалары талқыланды.Өндірістік және инфрақұрылымдық жобаларды іске асыруға қазақстандық инженерлер мен техникалық мамандарды тарту мәселелеріне ерекше назар аударылды. Мұнай-газ саласында қазақстандық кадрларды даярлаудың жоғары деңгейі және олардың Қазақстан Республикасының аумағында іске асырылып жатқан ірі халықаралық жобаларға, соның ішінде Теңіз және Қашаған кен орындарын игеру жобаларына қатысу тәжірибесі атап өтілді.Кездесу қорытындысы бойынша тараптар Қазақстан мен Кувейттің бейінді құрылымдары арасындағы практикалық өзара іс-қимылдың нақты бағыттарын пысықтауға және салалық диалогты одан әрі дамытуға дайын екендіктерін растады.Kuwait Oil Company – мұнай барлау, өндіру және сақтау саласына жауап беретін Кувейттің мұнай секторындағы негізгі мемлекеттік компания. Компания елдің негізгі мұнай кен орындарын басқарады және ұлттық мұнай өндіру көлемінің елеулі бөлігін қамтамасыз етеді. Кувейтте мұнай өндіру көлемі тәулігіне шамамен 2,5-2,7 млн баррельді (жылына 120 млн тоннадан астам) құрайды. Компанияда шамамен 11-12 мың қызметкер жұмыс істейді, олардың ішінде 1,5 мыңнан астамы – шетелдік мамандар. Олар негізінен Оңтүстік және Оңтүстік-Шығыс Азия елдерінен (Үндістан, Пәкістан, Бангладеш, Филиппин), сондай-ақ бірқатар араб және батыс мемлекеттерінен тартылған. Шетелдік қызметкерлер қатарында Қазақстан Республикасының азаматтары да бар, олардың саны 50-ден асады.Ақпарат көзі : https://www.gov.kz/memleket/entities/mfa-kuveyt/press/news/details/1162940?lang=kk

Душанбе, 2026 жылғы 16 ақпан – Душанбеге ресми сапары аясында Қазақстан Республикасының Сыртқы істер министрі Ермек Көшербаев Тәжікстан Республикасының Сыртқы істер министрі Сироджиддин Мухриддинмен келіссөздер жүргізді.Кездесу барысында екі ел арасындағы саяси, экономикалық, су-энергетикалық, транзиттік-көлік және мәдени-гуманитарлық өзара іс-қимылдың басым бағыттары қаралды.Тараптар достық, өзара сенім және стратегиялық әріптестік қағидаттарына негізделген саяси диалогты одан әрі нығайтуға бейілділігін растады. Екіжақты қатынастарды тереңдету және өңірлік мәселелер бойынша күш-жігерді үйлестіру тұрғысынан жоғары және ең жоғары деңгейлердегі тұрақты байланыстардың маңызы аталып өтті.Е.Көшербаев Қазақстан Республикасының Президенті Қасым-Жомарт Тоқаев пен Тәжікстан Республикасының Президенті Эмомали Рахмон арасындағы жеке қарым-қатынастардың жоғары деңгейін, сондай-ақ ең жоғары деңгейде қол жеткізілген келісімдерді іске асырудың маңыздылығын атап өтті.«Қазақстан үшін Тәжікстанмен өзара тиімді ынтымақтастықты дамыту – маңызды басымдық. Екі мемлекеттің басшыларының саяси ерік-жігерінің арқасында стратегиялық әріптестігіміз сапалық жаңа деңгейге көтерілді. Одақтастық қатынастар туралы тарихи шартқа қол қойылды», – деп мәлімдеді Қазақстан СІМ басшысы.Өз кезегінде С.Мухриддин екіжақты қатынастардың одақтастық сипаты Қазақстан мен Тәжікстан арасындағы дәстүрлі тату көршілік пен өзара құрмет рухына толық сәйкес келетінін атап өтті.Экономикалық байланыстарды кеңейту мәселесіне ерекше назар аударылды. Өзара сауданы ұлғайту, инвестициялар тарту үшін қолайлы жағдайлар жасау және бірлескен жобаларды іске асыру жөніндегі қосымша шаралар талқыланды. Қазақстан көптеген жылдар бойы Тәжікстанның ең ірі үш сауда серіктесінің қатарына тұрақты түрде кіреді. Өткен жылы өзара сауда көлемі 1,2 млрд АҚШ долларынан асты. Тараптар мемлекет басшылары айқындаған тауар айналымын 2 млрд АҚШ долларына жеткізу мақсатына қол жеткізу үшін келісілген шаралар қабылдауға уағдаласты.Сұхбаттастар ауыл шаруашылығы саласындағы ынтымақтастық перспективаларына, оның ішінде агроөнеркәсіптік кооперацияны дамыту және ауыл шаруашылығы өнімдерін жеткізуді ұлғайту мәселелеріне жеке тоқталды.Министрлер су-энергетика саласындағы өзара іс-қимыл мәселелерін қарап, су ресурстарын ұтымды әрі өзара тиімді пайдалану және энергетикалық әріптестікті дамыту маңызын атап өтті.Тараптар көлік және логистика саласындағы ынтымақтастықты тереңдету перспективаларын, оның ішінде инфрақұрылымды дамыту, өңірлік бағыттар мен халықаралық дәліздердің тиімділігін арттыру мәселелерін талқылады. Сыртқы саяси ведомстволардың басшылары теңізге тікелей шығатын жолы жоқ Қазақстан мен Тәжікстан Еуропа, Кавказ және Оңтүстік Азияның ірі нарықтарына өзара қолжетімділік бере отырып, елеулі транзиттік әлеуетті іске асыра алатыны жөнінде ортақ пікір білдірді.Министрлер өңірлік және халықаралық күн тәртібіндегі өзекті мәселелер бойынша пікір алмасты. Біріккен Ұлттар Ұйымы, Ислам ынтымақтастығы ұйымы, Тәуелсіз Мемлекеттер Достастығы, Ұжымдық қауіпсіздік туралы шарт ұйымы сияқты халықаралық құрылымдар аясындағы сындарлы ынтымақтастық және екі мемлекеттің халықаралық бастамаларына өзара қолдау көрсетуіне назар аударылды. Орталық Азиядағы өңірлік қауіпсіздік пен орнықты дамуды қамтамасыз ету мәселелері бойынша пікір алмасып, халықаралық алаңдарда күш-жігерді тығыз үйлестіруге дайын екендіктерін растады.Тараптар қол жеткізілген өзара түсіністік деңгейіне қанағаттанушылық білдіріп, екі ел халықтарының мүддесі үшін қазақ-тәжік әріптестігін одан әрі нығайту бағытында бірлескен жұмысты жалғастыруға ниетті екенін растады.Келіссөздер қорытындысы бойынша Қазақстан Республикасы Сыртқы істер министрлігі мен Тәжікстан Республикасы Сыртқы істер министрлігі арасындағы 2026–2028 жылдарға арналған ынтымақтастық бағдарламасына қол қойылды.Е.Көшербаев сондай-ақ Душанбе қаласындағы Дусты (Достық) алаңында тәжік мемлекеттілігінің негізін қалаушы және алғашқы билеушісі Исмоил Сомони ескерткішіне гүл шоғын қою рәсіміне қатысты.Ақпарат көзі : https://www.gov.kz/memleket/entities/mfa-dushanbe/press/news/details/1162947?lang=kk

Душанбе, 2026 жылғы 16 ақпан – Душанбеге ресми сапар аясында Қазақстан Республикасының Сыртқы істер министрі Ермек Көшербаевты Тәжікстан Республикасының Президенті Эмомали Рахмон қабылдады.Кездесу барысында Э.Рахмон екіжақты ынтымақтастықтың стратегиялық әріптестік пен одақтастық рухында дәйекті түрде дамып келе жатқанын қанағаттанушылықпен атап өтіп, екі ел арасындағы көпқырлы өзара байланыстардыі одан әрі нығайтудың маңыздылығына назар аударды.Өз кезегінде Е.Көшербаев Қазақстан Республикасының Президенті Қасым-Жомарт Тоқаевтың атынан жылы лебізі мен ізгі тілектерін жеткізіп, биік және жоғары деңгейлерде қол жеткізілген келісімдердің іске асырылу барысы туралы ақпарат берді.«Қазақ-тәжік қатынастарының тұрақты әрі дәйекті даму сипатына ие екенін және олардың әлеуеті зор екенін ерекше атап өткім келеді», – деді Қазақстан СІМ басшысы.Министр Тәжікстан Президентін қазақ-тәжік ынтымақтастығының қазіргі жай-күйі мен оны одан әрі кеңейту перспективалары жөнінде жан-жақты хабардар етті. Мемлекет басшылары қойған өзара тауар айналымын 2 млрд АҚШ долларына жеткізу жөніндегі мақсатқа қол жеткізу бағытындағы тараптардың күш-жігерін қоса алғанда, сауда-экономикалық байланыстарды тереңдетуге ерекше назар аударылатыны мәлім етілді.Кездесу барысында халықаралық және өңірлік күн тәртібінің өзекті мәселелері де талқыланды. Қазақстан мен Тәжікстанның көпжақты құрылымдар шеңберіндегі өзара іс-қимылының жоғары деңгейі және өзара қолдау көрсетуі аталып өтті.Ақпарат көзі : https://www.gov.kz/memleket/entities/mfa-dushanbe/press/news/details/1162946?lang=kk

Сыртқы істер министрлігінің бастамасымен Конституциялық реформа жөніндегі комиссия жұмысының қорытындылары бойынша дипломатиялық корпус үшін брифинг өтті. Іс-шараға Қазақстанда аккредиттелген дипломатиялық корпус пен халықаралық ұйымдардың шамамен 80 өкілі, сондай-ақ сарапшылар қатысты.Брифинг Комиссия төрағасы және Конституциялық Сот басшысы Э.Азимованың және Комиссия мүшелерінің, соның ішінде Әділет министрі Е.Сәрсембаевтың, Конституциялық Сот төрағасының орынбасары Б.Нұрмұхановтың, Адам құқықтары жөніндегі уәкіл А.Ластаевтың, Сыртқы істер министрінің орынбасары А.Иcетовтың, сондай-ақ Республикалық адвокаттар алқасының төрағасы М.Мырзағараевтың қатысуымен ұйымдастырылды.Кездесу барысында Комиссия мүшелері Қазақстанның жаңа Конституциясы жобасының негізгі жаңалықтарын, сондай-ақ Қазақстан Республикасы Президентінің бастамасымен іске асырылып жатқан реформаның тұжырымдамалық негіздерін таныстырды.«Конституция жобасында Қазақстан Республикасының егемендігі, тәуелсіздігі, унитарлығы және аумақтық тұтастығы өзгеріссіз қалады. Конституцияға өзгерістер тек жалпыұлттық референдум нәтижелері бойынша енгізіледі. 2026 жылғы 15 наурыздағы республикалық референдум қазақстандықтардың елдің одан әрі даму жолын айқындайтын жауапты таңдау күні болады», - деп айтты брифинг барысында Э.Азимова.Конституция биліктің теңгерімді әрі есеп беретін моделін қалыптастырады, бір палаталы Құрылтайға көшуді көздейді және сонымен қатар Құрылтайда заң шығару бастамасы құқығына ие азаматтардың өкілді органы ретінде Халық Кеңесі үшін құқықтық негізді бекітеді. Оның құрылу және қызмет тәртібі жеке конституциялық заңмен айқындалады.Брифинг барысында Конституция жобасының Республиканың сыртқы саясатының құқықтық аспектілеріне де қатысты ережелері түсіндірілді.Сыртқы істер министрінің орынбасары А.Иcетов «конституциялық жаңашылдықтар мемлекетіміздің халықаралық құқықтың іргелі қағидаттарына және ел дамуының жаңа кезеңіне көшу жағдайындағы ұлттық басымдықтарға берік бейілділігін жан-жақты көрсетеді. Қазақстан Республикасының халықаралық ынтымақтастық моделінің негізіне БҰҰ Жарғысының негізгі қағидаттары және қабылданған барлық халықаралық міндеттемелерді адал орындау қағидаты қаланған» деп атап өтті.Халықаралық шарттар елдің құқықтық жүйесінің бір бөлігі болып қала беретіні және міндетті түрде орындалуға жататыны айтылды.Кездесу қорытындысы бойынша дипломатиялық корпус пен халықаралық ұйымдар өкілдері Қазақстан Республикасындағы конституциялық реформалар процесінің ашықтығы мен айқындығын атап өтті.Ақпарат көзі : https://www.gov.kz/memleket/entities/mfa-beirut/press/news/details/1163525?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық Кодексін енгізу жөніндегі жобалық кеңсенің кезекті отырысында қаржы секторына қатысты 38-ге жуық мәселе талқыланды.10-нан астам сұрақ редакциялық және нақтылау сипатында болды. Жиында салық құпиясына жатпайтын мәліметтер тізбесін кеңейту, электрондық шот-фактураларды жазып беру тәртібі және басқа да техникалық нормалар талқыланды. Сонымен қатар, сұрақтардың жеке блогы олардың инвестициялық нарыққа әсері тұрғысынан қосымша талдауды қажет етеді.Кепілдіктер мен факторинг бойынша ҚҚСҚазақстан қаржыгерлер қауымдастығы кеңесінің төрағасы Елена Бахмутованың ақпараты бойынша, жаңа Салық кодексі ақшалай нысанда берілген кредиттер мен микрокредиттер бойынша пайыздарды ҚҚС-тан босатады. Алайда, банктік кепілдіктер мен кепілдіктер беру операциялары ҚҚС-тан босатылмайды. Факторингтік операциялар да салық салуға жатады.Факторинг – бұл жеткізуші банкке немесе қаржы ұйымына талап қою құқығын беру арқылы тауар үшін төлемді мерзімінен бұрын алатын құрал. Бұл негізінен несиеге ұқсас қысқа мерзімді қаржыландырудың бір түрі. Сонымен бірге, Салық кодексінде факторинг тікелей қарызға жатқызылмаған, сондықтан оған несиелер үшін көзделген ҚҚС-тан босату қолданылмайды.Бірқатар банктер үшін бұл мәселе өте маңызды, өйткені клиенттермен жұмыс істеудің едәуір бөлігі кепілдіктер мен факторингтік операциялар арқылы құрылады. Дамыған нарықтарда факторинг қаржылық қызмет ретінде қарастырылады және ол бойынша пайыздық кіріс әдетте ҚҚС-тан босатылады. Салық режимін халықаралық тәжірибеге келтіру Қазақстанның қаржы нарығының бәсекеге қабілеттілігін арттырып, бизнес үшін, ең алдымен шағын және орта бизнес үшін қаржыландыру құнын төмендетуі мүмкін.Талқылау қорытындысы бойынша келесідей тұжырымдар жасалды. ҚҚС-тан босату салық жеңілдігі болып есептеледі және Қаржы нарығын реттеу және дамыту жөніндегі агенттіктің ұстанымын талап етеді. Үкіметтің саясаты бойынша, егер олар экономиканың нақты секторын қаржыландыруға және ішкі инвестициялық белсенділіктің өсуіне ықпал етсе, салықтық жеңілдіктер беру мүмкіндігі қарастырылады.Бағалы қағаздар бойынша кірістерЖиында борыштық құралдар бойынша сыйақы түріндегі табысты айқындау мәселесі жеке қаралды.Қолданыстағы редакцияда бағалы қағаздарды өтеу кезіндегі дисконт сыйақы құрамынан алынып тасталады және құнның өсуіне жатқызылады. Бұл салық шегерімдерін қолдануды қиындатады және қосымша салық жүктемесіне әкелуі мүмкін.Қаржы қоғамдастығының өкілдері нормаларды екіұшты түсіндірмеу үшін сыйақы құрамында дисконтты сақтауды ұсынды.Салық салынатын кірісті азайту үшін борыштық бағалы қағаздарға кемінде үш жыл иелік ету қажеттілігі туралы норма да талқыланды. Нарық қатысушыларының пікірінше, бұл инвесторлардың осындай құралдарға деген қызығушылығын төмендетіп, биржалық алаңдар арасында тең емес жағдайлар туғызуы мүмкін.Барлық ұсыныстар кабылданған Кодексте ескеріле отырып, жан-жақты қаралады.Ауыл шаруашылығы өнімдерін экспорттау кезіндегі ҚҚСТағы бір мәселе ауылшаруашылық өнімдерін экспорттау кезіндегі ҚҚС-ты түзетуге қатысты болды.Қолданыстағы нормаға сәйкес, экспорт кезінде ауыл шаруашылығы тауарын өндіруші бұрын есепке қабылданған ҚҚС-ты 80 пайызға азайтуға міндетті. Тиісінше, қайтару 20 пайыз мөлшерінде жүзеге асырылады, өйткені фермерлер салық міндеттемелерін 80 пайызға төмендетуге құқылы.Бұл норма бейіндік заңнамаға сәйкес егін шаруашылығы мен мал шаруашылығы өнімдеріне, оның ішінде бастапқы қайта өңдеу өнімдеріне ғана қолданылатыны түсіндірілді.Ұлттық экономика министрлігі ауыл шаруашылығы және қайта өңделген өнімдерді экспорттау кезінде ҚҚС қолдану тәртібі бойынша ресми түсініктеме дайындайтын болады.Мемлекеттік кірістер комитетінің мәліметінше, 12 ақпанда жеңілдетілген декларация негізінде арнайы салық режимін 921 мың салық төлеуші, жалпыға бірдей белгіленген режимді 113 мың адам таңдаған.500 мыңға жуық салық төлеуші әлі таңдау туралы шешім қабылдаған жоқ. Оларға 1 наурызға дейін салық режимін таңдау қажеттігі туралы ескертіліп, жеке кабинеттері арқылы қайталама хабарламалар жіберілді.Ақпарат көзі : https://www.gov.kz/memleket/entities/kostanai-ekonomika-zhosparlau/press/news/details/1163059?lang=kk

Орталық Азия Инновациялық университетінде Жаңа Конституцияны түсіндіруге арналған арнайы жиын өтті. Іс-шараға оқу орнының профессор-оқытушылар құрамы қатысып, конституциялық реформаның мазмұны мен маңызын талқылады.Жиында сөз сөйлеген заң ғылымдарының кандидаты Ботабек Имашев тұрақтылық – кез келген мемлекеттің дамуының басты шарты екенін атап өтті. Оның айтуынша, саяси және құқықтық жүйедегі оң өзгерістер елдің болашағына тікелей әсер етеді. Қолданыстағы Конституция тәуелсіздіктің алғашқы кезеңінде қабылданып, мемлекеттілікті қалыптастыруда тарихи миссиясын абыроймен атқарды.– Бүгінгі таңда әлемдегі геосаяси ахуалдың өзгеруі, ғылым мен технологияның қарқынды дамуы, сондай-ақ қоғам сұранысының жаңа деңгейге көтерілуі құқықтық жүйені жаңаша пайымдауды талап етеді. Қалыптасу кезеңінен даму кезеңіне өткен тұста елдің ішкі әлеуеті мен институционалдық тұрақтылығын күшейту – уақыт талабы. Осыған байланысты Конституция нормаларын заман талабына бейімдеу қажеттілігі туындап отыр. Жаңа Конституция – адам құқықтары мен заң үстемдігін басты құндылық ретінде айқындайтын, білім мен ғылымға негізделген өркениетті мемлекет құруға бағытталған нақты қадам, – деді Ботабек Есенбекұлы.Сонымен қатар, университеттің әлеуметтік және тәрбие жұмыстары жөніндегі проректоры Нұрлан Хайдаров жаңа редакцияда заң үстемдігі қағидаты мен азаматтардың құқықтары мен бостандықтарын қорғау тетіктеріне ерекше назар аударылғанын атап өтті. Оның айтуынша, ұсынылып отырған өзгерістер қоғам мен билік арасындағы өзара сенімді нығайтып, мемлекеттік басқару жүйесінің тиімділігін арттыруға бағытталған.Жиын барысында қатысушылар конституциялық реформаның елдің саяси жүйесін кешенді жаңғыртудағы маңызын атап өтіп, ұсынылған өзгерістердің Қазақстанның құқықтық және институционалдық дамуына оң серпін беретініне сенім білдіріп, жаңа Конституцияны қолдайтындықтарын жеткізді.

Шымкент қаласында денсаулық сақтау саласының өкілдерімен арнайы кездесу өтті. Жиынның негізгі мақсаты – Конституциялық реформаның мазмұнын түсіндіру және ұсынылып отырған өзгерістердің мән-маңызын кеңінен талқылау.Кездесуге заң ғылымдарының кандидаты Атақожа Исмаилов пен Шымкент қаласы денсаулық сақтау басқармасының өкілі Қуаныш Сраилов қатысып, баяндама жасады. Сарапшылар Конституцияның жаңартылған тұстарына жан-жақты тоқталып, енгізілетін өзгерістердің құқықтық және қоғамдық маңызын түсіндірді.Басқосу барысында спикерлер Ата Заңға ұсынылып отырған түзетулердің мемлекет негізін нығайтып, қоғамдық келісімді сақтауда айрықша рөл атқаратынын атап өтті. Олардың айтуынша, жаңа редакция – қоғам сұранысы мен заман талаптарына сай әзірленген, құқықтық жүйені жаңғыртуға бағытталған мазмұны терең құжат. Конституция мемлекеттің тірегі әрі қоғам дамуының басты құқықтық бағдары екені ерекше айтылды. Оның тұрақтылығы мен әділеттілігі елдің стратегиялық дамуында шешуші мәнге ие.Спикерлер өзгерістердің ауқымы мен мазмұны қолданыстағы заң талаптары мен мемлекеттің ұзақмерзімді даму мақсаттарына сәйкес келетінін жеткізді. Жаңа жоба посткеңестік кеңістіктегі құқықтық үлгіден біртіндеп алыстап, заманауи әрі тиімді мемлекет моделін қалыптастыруға бағытталған маңызды қадам ретінде бағаланды.Сонымен қатар, жиында денсаулық сақтау саласының ұлттық қауіпсіздік деңгейіндегі стратегиялық маңызы бар бағыт екені айтылды. Осыған байланысты азаматтардың денсаулығына зиян келтіретін кез келген заңсыз әрекеттерге, оның ішінде діни ұрандарды желеу еткен құқыққа қайшы іс-әрекеттерге заң аясында тиісті шектеулер қойылатыны атап өтілді.Кездесу қорытындысында қатысушылар ұсынылып отырған конституциялық өзгерістер елдің құқықтық және әлеуметтік дамуына оң ықпал ететініне сені білдіріп, жаңа Конституцияны қолдайтындықтарын жеткізді.

Алматы мен Алматы облысында 2026 жылдың көктемі орташа жылы болады деп күтілуде, жылы және қысқа мерзімді суық мезгілдер кезектесіп, маусымның бірінші жартысында жауын-шашынның көбеюі байқалады. Бұл болжамды «Қазгидромет» РМК Алматы және Алматы облысы бойынша филиалының метеорологиялық болжам бөлімінің басшысы Дәулет Кисебаев Өңірлік коммуникациялар қызметінің көктемгі су тасқыны маусымына дайындығына арналған баспасөз мәслихатында жариялады. Спикердің айтуынша, ауа райы жағдайлары әдеттегі өтпелі маусымға сәйкес келеді. Наурыз айында аймақтағы орташа температура қалыпты деңгейге жақын болады деп күтілуде, ал Алматы облысының солтүстік-батысында температура қалыптыдан бір градусқа жоғары болады деп күтілуде. Сәуір айында аймақтың көп бөлігінде температура қалыптыдан бір градусқа жоғары болады деп күтілуде, ал тау бөктеріндегі және таулы аудандарда ол қалыпты шектерде қалады. Мамыр айында температура тұрақтанады және бүкіл аймақ бойынша қалыпты шектерде болады. «Көктем дәстүрлі түрде тұрақсыз ауа райымен сипатталады, және 2026 жыл да ерекшелік болмайды. Біз кенеттен немесе қалыптан тыс өзгерістерсіз жылы және салқын кезеңдердің кезектесіп отыратынын күтеміз. Бұл қалалық қызметтер жақсы дайындалған қалыпты көктемгі жағдайлар», - деп атап өтті Дәулет Кисебаев. Алматыға арналған бөлек болжам ұсынылды. Наурыз айында температураның айтарлықтай ауытқуы мүмкін: алғашқы онкүндікте түнгі температура -5-тен -10 градусқа дейін төмендеуі мүмкін, ал күндізгі температура екінші онкүндікте +23 градусқа дейін көтеріледі, айдың соңында қысқа мерзімді суық болуы мүмкін. Сәуір және мамыр айларында орташа температура біртіндеп жоғарылайды және климаттық норма шегінде қалады. Жауын-шашынға келетін болсақ, наурыз және сәуір айларында Алматыда нормадан жоғары мөлшерде жауады деп күтілуде. Наурыз айында орташа климаттық деңгей 72 мм болғанда, әсіресе айдың бірінші және үшінші онкүндігінде жаңбыр мен қар жиі жауады деп күтілуде. Сәуір айында орташа 112 мм болғанда, жауын-шашынның көбеюі де күтілуде, ал мамыр айында жауын-шашын шамамен 99 мм көпжылдық орташа көрсеткішке сәйкес келеді. «Сәуір мен мамыр айлары дәстүрлі түрде Алматыдағы ең жаңбырлы айлар екенін түсіну маңызды. Бұл кезеңде жауын-шашынның көбеюі төтенше жағдай емес, керісінше аймақ климатының сипаттамасы. Бұл болжам ұсыныстық сипатта және жаңа деректер пайда болған сайын жаңартылып отырады», - деп атап өтті Дәулет Кисебаев. Жалпы алғанда, синоптиктер 2026 жылдың көктемі Алматы мен оның айналасындағы аймақта тыныш және қалыпты болады, ауа райының қолайсыздығы болмайды деп болжап отыр. Болжам жасалған жағдайлар қала мен төтенше жағдайлар қызметтеріне жоспарлы алдын алу және дайындық шараларын жүргізуге мүмкіндік береді.

Алматы мен облыста биылғы көктем бірқалыпты жылы болады. Маусымның бірінші жартысында біресе жылы, біресе салқындау болып, жауын-шашынның мөлшері едәуір артады. Өңірлік коммуникациялар қызметіндегі көктемгі су тасқыны кезеңіне дайындыққа арналған баспасөз конференциясында «Қазгидромет» РМК-ның Алматы мен Алматы облысындағы бөлімшесінің метеорологиялық болжамдар бөлімінің басшысы Дәулет Кісебаев алдағы уақытқа осындай болжам ұсынды.Спикердің айтуынша, күн райы өтпелі маусымға тән сипатта болады. Наурыз айында өңір бойынша орташа ауа температурасы климаттық нормаға жуық,  Алматы облысының солтүстік-батысында бір градусқа жоғары болады деп болжанып отыр. Сәуірде облыс аумағының басым бөлігінде температура нормадан бір градусқа жоғары болып, тау бөктері мен таулы аудандарда қалыпты шекте сақталады. Мамыр айында температуралық фон тұрақтанып, бүкіл облыс бойынша климаттық нормаға сәйкес болады.«Көктемде жылда күн құбылып тұрады осылай. Биыл да солай болады. Күн жылып, қайта салқындап тұрады. Бірақ аса бір күн қатты суып, қатты ысып кететіндей жағдай бола қоймайды. Бұл көктемге тән қалыпты жағдай, оған қалалық қызметтер жақсы дайындалған», – дейді Дәулет Кісебаев.Алматы бойынша жеке болжам да ұсынды. Наурыз айында температура айтарлықтай ауытқуы мүмкін: айдың бірінші онкүндігінде түнгі температура −5…−10 градусқа дейін төмендеуі ықтимал, екінші онкүндікте күндіз +23 градусқа дейін жылынады, ай соңында аз уақытқа салқындауы мүмкін. Сәуір мен мамырда орташа ауа температурасы біртіндеп жоғарылайды.  Наурыз бен сәуір айында Алматыда жауын-шашынның мөлшері әдеттегіден көп болады деген болжам бар. Наурызда климаттық норма 72 мм болса, әсіресе айдың бірінші және үшінші онкүндігінде жаңбыр мен қар аралас жауын-шашын жиі жауады. Сәуірде норма 112 мм болғанымен, жауын-шашын мөлшері көп болуы ықтимал. Мамырда жауын-шашын көлемі орташа көпжылдық көрсеткіштерге сәйкес, шамамен 99 мм деңгейінде болады.«Сәуір мен мамыр Алматыда ең жаңбырлы ай саналады. Бұл уақытта  жауын-шашынның көбеюі бір төтенше жағдай емес, өңірдің климаттық ерекшелігі сондай өзі. Біз болжамды кеңес беру сипатында жасап, жаңа деректерге қарай оны нақтылап отырамыз үнемі», – деп атап өтті Дәулет Кісебаев.Синоптиктердің бағалауынша, биылғы көктем Алматы қаласы мен облыста әдеттегідей қалыпты өтпек. Қалалық және төтенше қызметтерге бұл алдын алу мен дайындық  жұмысын жоспарлы түрде жүргізуге мүмкіндік береді.

Алматы қалалық қызметтерді көктемгі су тасқыны маусымына дайындау бойынша кешенді жұмыстар жүргізуде. Алматы қалалық Экология және қоршаған ортаны қорғау департаменті басшысының орынбасары Аршат Бақтыгереев Аймақтық коммуникациялар қызметінде өткен брифинг барысында егжей-тегжейлі ақпарат берді. Ол қаладағы су тасқыны жағдайы тұрақты болып қала беретінін және алдағы көктемде тұрғын үй аудандары мен инфрақұрылымды су басу қаупі минималды екенін мәлімдеді. Алматыда 153 су нысаны, оның ішінде жалпы ұзындығы 586,2 км болатын 109 су ағыны және 44 су қоймасы бар. Қалада 29 жұмыс істеп тұрған гидротехникалық құрылым бар, оның жетеуі жөндеуді қажет етеді, оның ішінде алты коммуналдық меншіктегі құрылым бар. «Қаланың еріген және жаңбыр суларын ағызу жүйесі 1525 шақырымдық суару арықтары желісіне негізделген. Оның өткізу қабілетін қамтамасыз ету үшін арықтар мен өткелдер күн сайын тазаланады. Жауын-шашын кезеңінде су тасқынын тез жою үшін 52 мобильді топ жұмыс істейді», - деді Аршат Бақтыгереев. Су тасқыны маусымына дайындық аясында қаланың орталық, шығыс және батыс бөліктерінде суару арықтары мен нөсер кәріздерін салу және қайта құру жобалары жүзеге асырылуда. Осылайша, қаланың орталық бөлігінде жұмыс толығымен аяқталды - 158 ауданда 76,6 км суару арықтары желілері қайта жаңартылды. Шығыс бөлігінде ұзындығы 26,2 км болатын 58 учаске аяқталды, ал 30 учаскеде тағы 7,6 км жолды 2026 жылы аяқтау жоспарлануда. Қаланың батыс бөлігінде бүгінгі күнге дейін 9,3 км аяқталды, 2026 жылға арналған жоспар 41,7 км. 2026 жылғы су тасқыны маусымы кезіндегі ықтимал төтенше жағдайларға ден қою үшін 1867 қызметкер, 775 техника, 119 мотопомпа және алты жүзбелі қайық дайындалды. 23 500-ден астам қап және 17 843 тонна инертті материалдар, сондай-ақ шатырлар мен уақытша тұру орындары дайындалды. Әкімшілік атап өткендей, су тасқыны кезеңіне дайындық қаланың тиісті қызметтерінің бақылауында.

Алматыда қалалық қызметтердің көктемгі су тасқынына даярлығын пысықтап жатыр. Өңірлік коммуникациялар қызметінде өткен брифингте Алматыдағы Экология және қоршаған орта басқармасы басшысының орынбасары Аршат Бақтыгереев осы жөнінде мәлімдеді. Оның айтуынша, су тасқыны болады деп алаңдауға негіз жоқ, тұрғын үй секторы мен инфрақұрылым нысандарын көктемде су басатын қауіп те едәуір азайған.Алматы аумағында 153 су нысаны бар, оның ішінде жалпы ұзындығы 586,2 шақырым болатын 109 су арнасы мен 44 су айдыны бар. Қалада 29 тіреу гидротехникалық құрылысы жұмыс істейді, олардың жетеуі жөндеуді қажет етеді, соның ішіндегі алтауы коммуналдық меншікте екен.«Қаладағы еріген су мен жаңбыр суының ағысын қамтамасыз ететін ұзындығы 1 525 шақырым болатын арық желісі бар. Су бөгелес үшін арық пен өткелдерді күн сайын тазартып отырады. Су жайылып жатса 52 бригада жедел жұмыс істеуге тағы дайын отыр», – дейді Аршат Бақтыгереев.Қазір  қаланың орталық, шығыс және батыс бөлігінде арық желісі мен нөсер кәрізін салып, оны қайта жаңғырту жобасы қолға алынып жатыр.Осы жолы қаланың орталық бөлігінде жұмыстар толық аяқталып, 158 учаскеде 76,6 шақырым арық желісі қайта жаңғыртылды.Шығыс жақтағы ұзындығы 26,2 шақырым болатын 58 жердегі жұмыс та аяқталды, биыл қосымша 30 жердегі 7,6 шақырымда осындай жұмыс істеледі.Батыс бөлігінде қазіргі уақытта 9,3 шақырым жұмыс атқарылды, 2026 жылға жоспар 41,7 шақырымды құрайды.2026 жылғы су тасқыны кезеңінде төтенше жағдайдың алдын алу үшін 1 867 адамнан, 775 бірлік техникадан, 119 мотопомпа мен 6 жүзу құралынан тұратын күштер мен құралдар дайындалды. 23 500-ден астам қап пен 17 843 тонна инертті материал қоры жасақталды, сондай-ақ қалқалар мен уақытша орналастыратын орындар жағы да әлден әзірленіп қойылды.Су тасқыны кезеңіне арнаулы қызметтер сақадай сай отыр.

Алматы қалалық қызметтері су тасқыны, көшкін және тау маусымына дайындық жұмыстарын қарқынды жүргізуде. Жағдай бақылауда, қажетті алдын алу шаралары алдын ала жүзеге асырылуда және жедел әрекет ету үшін жеткілікті жұмыс күші мен ресурстар бар. Бұл туралы Алматы қалалық Төтенше жағдайлар департаментінің алдын алу бөлімінің бастығы Алмаз Құрманов Өңірлік коммуникациялар қызметінің баспасөз мәслихатында мәлімдеді. Оның айтуынша, маусымдық өзгерістердің ықтималдығы, ең алдымен, Алматыдағы кең таралған табиғи процесс болып табылатын қатты жауын-шашын мен көктемгі қардың еруімен байланысты. Биыл топырақтың қату тереңдігі 37-39 см-ден аспайды, бұл қолайлы деп саналады және еріген судың табиғи түрде сіңуіне ықпал етеді. Ақпан айында салыстырмалы түрде жұмсақ ауа райы күтілуде, температура -2,4°C шамасында болады, ал жауын-шашын мөлшері қалыптыдан сәл жоғары болады. «Біз барлық табиғи факторларды алдын ала талдап, жоспарланған кестеге сәйкес дайындаламыз. Қазіргі уақытта жағдай тұрақты, ал қалалық қызметтер төтенше жағдайларға жауап берудің орнына алдын алу режимінде жұмыс істеп жатыр», - деп атап өтті Алмаз Құрманов. Төтенше жағдайлар департаменті Алатау және Бостандық аудандарындағы маусымдық су тасқыны бұрын тіркелген жеті аумақты үнемі бақылап отырады. Осы учаскелердің екеуінде инженерлік шешімдер қазірдің өзінде енгізілуде: Көкқайнар шағын ауданында Боролдай өзені кеңейтілуде, ал Жәңгір хан көшесінде сорғы станциясын орнатуға дайындық жұмыстары жүргізілуде. Қалған аумақтар орташа қауіпті деп жіктеледі және мамандардың үнемі бақылауында болады. Көктемге дайындық аясында қаладан алдын ала 147 000 текше метр қар шығарылды. Қажетті персонал мен жабдықтар тобы – 1800-ден астам адам және 700-ден астам мамандандырылған техника – жиналды, сондай-ақ алдын алу жұмыстарына арналған материалдар мен жабдықтар дайындалды. «Біздің мақсатымыз - асқынулардың алдын алу және тұрғындардың жайлылығын қамтамасыз ету. Барлық қызметтер толықтай жұмыс істейді, жабдықтар сынақтан өтті және іс-қимыл жоспарлары алдын ала дайындалды», - деп атап өтті спикер. Көшкін қаупін азайту жұмыстары да жүйелі түрде жүргізілуде. Алматыда көшкін қаупі бар шамамен 190 аумақ тіркелген. 2025 жылдан бастап тұрғын үйлер мен туристік инфрақұрылымды қорғау үшін сегіз негізгі жерде, соның ішінде Медеу-Шымбұлақ бағыты бойында инженерлік жұмыстар жүргізілді. Өткен жылы осындай жұмыс тағы 15 жерде аяқталды. Сонымен қатар, сел қауіпсіздігі бойынша жүйелі жұмыс жалғасуда. Қаланың үстіндегі барлық морена көлдері қысқы режимде және ешқандай қауіп төндірмейді. Оларды бақылау және құрғату бойынша алдын алу шаралары жаз мезгілінде жоспарланғандай жалғасады. Мамандар сонымен қатар барлығына қысқы және көктемгі мезгілдерде тауларда негізгі қауіпсіздік шараларын сақтауды еске салады. Қар көшкіні - биік таулы аймақтардың табиғи ерекшелігі, сондықтан тұрғындар мен туристер тиісті қызметтердің ұсыныстарына құлақ асып, бағыттарын тиісінше жоспарлауға шақырылады. Жалпы алғанда, Төтенше жағдайлар департаменті Алматының маусымдық табиғи процестерге тыныш және үнемі дайындалып жатқанын және тұрғындардың қауіпсіздігі мен жайлылығы үшін барлық қажетті шаралар алдын ала қабылданып жатқанын атап өтті.

Алматының қызметтері су тасқыны мен көшкін маусымына дайындық жұмысын қалыпты жұмыс режимде жүргізіп жатыр. Жағдайды бақылауда ұстап, қажетті шаруаларды алдын ала қолға алуға кірісті, жедел әрекет етуге күш пен құрал жағы да жеткілікті. Өңірлік коммуникациялар қызметінде өткен баспасөз конференциясында Алматы қаласының Төтенше жағдайлар департаменті Ескерту басқармасының бастығы Алмаз Құрманов осылай деді.Оның айтуынша, маусымдық өзгеріс көбіне жауын-шашын мол түсіп, көктемде қар ерігеннен болады, бірақ бұл Алматы үшін қалыпты нәрсе. Биыл топырақтың тоң қату тереңдігі 37–39 см-ден аспайды, бұл қолайлы көрсеткіш, еріген қар суының тез сіңуіне мүмкіндік береді. Ақпан айында ауа райы салыстырмалы түрде қолайлы болады, орташа температура шамамен −2,4 °C, жауын-шашын мөлшері қалыпты деңгейден сәл жоғары.«Біз барлық табиғи құбылысты алдын ала талдап, соған сай қам жасаймыз. Қазір жағдай тұрақты, қалалық қызметтер де төтенше жағдайдың алдын алу үшін ғана барынша сайланып, сақ отыр», – дейді Алмаз Құрманов.ТЖД бақылауында бұрын су басқан Алатау мен Бостандық ауданындағы жеті учаске бар.  Қазір Көкқайнар шағын ауданында Боралдай өзенінің арнасы кеңейтіліп жатыр, Жәңгір хан көшесінде сорғы станциясын орнатуға дайындық жүргізіле бастады. Қалған учаскелердің қауіптілігі орташа деңгейде болғандықтан, мамандар оларды үзбей бақылап отыр.  Көктемгі кезеңге дайындық аясында қаладан алдын ала 147 мың текше метр қар шығарылды. Қажетті күш пен техника жасақталған. 1 800-ден астам адам мен 700-ден астам арнаулы техника тартылды осы іске, профилактикалық жұмыстарға арналған материалдар мен жабдықтар да дайын тұр.«Оқыс оқиғаға жол бермей, тұрғындардың қауіпсіздігін қамтамасыз ету міндетіміз. Барлық қызмет толық жасақталған, техника да тексерілген, алдағы жұмыстың бәрін күні бұрын пысықтап қойдық», – дейді спикер.Көшкін қаупін азайту бағытында да жүйелі жұмыс істеліп жатыр. Алматыда шамамен көшкін болуы мүмкін 190 қауіпті аумақ бар. Былтырдан бастап сегіз жерде инженерлік іс-шаралар қолға алынды, олар тұрғын үйлер мен туристік инфрақұрылымды, соның ішінде Медеу – Шымбұлақ бағытын қорғайды. Өткен жылы тағы осындай 15 учаскеде жұмыс істелді.Сонымен қатар селден қорғану жағы да ескерілген. Қала үстіндегі барлық мореналық көлдер қысқы режимде және қауіп төндірмейді. Оларды бақылау мен босатуды көздейтін жұмыс жаз мезгілінде жоспарлы түрде жалғасады.Мамандар қысқы және көктемгі кезеңде тауда негізгі қауіпсіздікті сақтаудың маңыздылығын еске салады. Биік таулы аймақта қар көшкіні табиғи құбылыс болғандықтан, қала тұрғындары мен туристерге бейінді қызметтердің ұсынымдарын ескеріп, бағыттарын күн райына қарай жоспарлауды ұсынды.Жалпы, Төтенше жағдайлар департаментінің мәліметінше, Алматы маусымдық өзгеріске сабырлы әрі жүйелі түрде дайындалып жатыр, тұрғындардың қауіпсіздігі мен жайлылығын қамтамасыз ету үшін барлық қажетті шаруалар алдын ала қолға алынған.

Алматыда жаңа Салық кодексінің өтпелі ережелері түсіндіріліп, 2026 жылдың 1 қаңтарынан бастап күшіне енген арнайы салық режимдері жарияланды. Бұл тақырып қаланың Аймақтық коммуникациялар қызметінде өткен баспасөз мәслихатының тақырыбы болды, онда Алматы қалалық Мемлекеттік кіріс департаментінің басшылығы өзін-өзі жұмыспен қамтығандар, шағын бизнес және шаруа қожалықтары үшін жағдай қалай өзгеретінін және салық төлеушілер өтпелі кезеңде не істеуі керек екенін егжей-тегжейлі түсіндірді. Жаңа Салық кодексі енгізілгенге дейін Қазақстанда жеті арнайы салық режимі болды, оның ішінде патенттер, мобильді қосымшалар, жеңілдетілген салық декларациялары, бекітілген шегерімдер, бөлшек сауда салығы және ауыл шаруашылығы өндірушілері үшін бөлек режимдер. 2026 жылдан бастап жүйе жеңілдетіледі: үш арнайы салық режимі сақталады: жеңілдетілген салық декларацияларына негізделген өзін-өзі жұмыспен қамтығандар үшін және шаруа қожалықтары үшін. Өзгерістердің мақсаты - салық салуды түсінікті ету, әкімшілік ауыртпалықты азайту және әлеуметтік қорғауға қолжетімділікті кеңейту. Өзін-өзі жұмыспен қамтығандарға арналған жаңа арнайы салық режиміне ерекше назар аударылуда. Ол жеке кәсіпкер ретінде тіркелмеген, жалдамалы еңбекті пайдаланбайтын және рұқсат етілген қызметпен айналысатын Қазақстан азаматтары мен табысы төмен жеке тұлғаларға қолжетімді болады. Ай сайынғы табыс шамамен 1,3 миллион теңгені құрайтын 300 ең төменгі айлық есептік көрсеткіштен (АЕК) аспауы тиіс. Өзін-өзі жұмыспен қамтыған жеке тұлғалар жеке кәсіпкер ретінде тіркелудің қажеті жоқ, салық есептілігі жоқ және жеке табыс салығының мөлшерлемесі 0 пайыз болып белгіленген. «Өзін-өзі жұмыспен қамтығандарға арналған жаңа режим мүмкіндігінше жеңілдетілді және табысы аз және тұрақты емес адамдарға бағытталған. Қалған жалғыз міндеттеме - табыстың 4 пайызына тең әлеуметтік жарналарды төлеу, бұл зейнетақыға, денсаулық сақтауға және әлеуметтік сақтандыруға қол жеткізуді қамтамасыз етеді. Бұл өзін-өзі жұмыспен қамтуды заңдастыру және азаматтардың құқықтарын қорғау жолындағы маңызды қадам», - деп түсіндірді Алматы қалалық Мемлекеттік кіріс департаментінің Жеке кәсіпкерлер мен жеке тұлғалар басқармасының басшысы Нұрлыбек Успанов. Өзін-өзі жұмыспен қамтығандардың барлық транзакциялары арнайы мобильді қосымша арқылы өңделеді, ол түбіртектер жасайды, табысты бақылайды және әлеуметтік сақтандыру төлемдерін автоматты түрде есептейді. Онлайн платформалар арқылы жұмыс істейтіндер үшін жарналарды платформа операторлары аударады. Интернетке қол жетімділігі жоқ аймақтарда төлемдер айдың соңында жасалады. Шағын және орта бизнес үшін жеңілдетілген салық декларациясына негізделген арнайы салық режимі сақталып, жаңартылды. Ол жылдық табысы 600 000 айлық есептік көрсеткішке (АЕК) дейінгі салық төлеушілерге (шамамен 2,6 миллиард теңге) қолжетімді, егер олардың қызметі тыйым салынған қызмет тізімінде болмаса. Режим жеке табыс салығының (ЖТС) немесе корпоративтік табыс салығының (КТС) 4 пайыздық мөлшерлемесін, ҚҚС мен әлеуметтік салықтан босатуды көздейді және салықтарды жылына екі рет қана тапсыруды және төлеуді талап етеді. «Біз жеңілдетілген салық декларациясын сақтап қалдық, бірақ оны бизнес үшін икемді және ыңғайлы еттік. Жоғары табыс шегі кәсіпкерлерге бөлшектенбей өсуге мүмкіндік береді, ал жалақыны есепке алу мүмкіндігі ресми жалақы төлеуді және жұмыспен қамтуды заңдастыруды ынталандырады», - деп атап өтті Алматы қалалық Мемлекеттік кіріс департаментінің Мемлекеттік қызметтер бөлімінің басшысы Бақтұғұл Сейітова. Шаруа және фермерлік шаруашылықтар үшін арнайы режимді қолдану негізінен сақталды. Бірыңғай жер салығы алынып тасталғаннан кейін, мұндай шаруашылықтар жеке табыс салығын бұрынғы табыстың 0,5 пайыздық мөлшерлемесі бойынша төлеуді жалғастыруда. Олар мүлік салығы, көлік салығы, ҚҚС және әлеуметтік салық сияқты бірқатар салықтардан босатылған және жылына бір рет есеп тапсыруға міндетті. Салық төлемдері ауыл шаруашылығы өндірісінің маусымдылығын ескере отырып, жылына екі рет жүргізіледі. Баспасөз мәслихатында жаңа салық режимдеріне көшу тәртібі де түсіндірілді. Жеңілдетілген салық декларациясын қолдану үшін 2026 жылдың 1 наурызына дейін салық төлеушінің шоты, E-Salyq Business қосымшасы, банк қосымшасы немесе қағаз түрінде хабарлама тапсыру қажет. Әйтпесе, салық төлеуші автоматты түрде жалпы салық режиміне ауыстырылады. Бұрын патент бойынша немесе мобильді қосымша арқылы жұмыс істеген өзін-өзі жұмыспен қамтыған жеке тұлғалар басқа режимді таңдамаса, жеке кәсіпкер ретінде тіркеуден автоматты түрде шығарылады. Шаруа қожалықтары үшін ауысу хабарлама тапсырмай-ақ автоматты түрде жүзеге асырылады. «Өтпелі кезең салық төлеушілердің жаңа ережелерге кедергісіз және қажетсіз қиындықтарсыз бейімделуіне мүмкіндік беруге арналған. Салық режимін уақтылы анықтау және қажет болған жағдайда хабарлама жіберу маңызды. Барлық өзгерістер рәсімдерді жеңілдетуге және түсінікті және әділ салық жүйесін құруға бағытталған», - деп атап өтті департамент. Алматы қалалық Мемлекеттік кіріс департаменті кәсіпкерлер мен өзін-өзі жұмыспен қамтығандарды жаңа талаптармен алдын ала танысып, тиісті салық режиміне көшу үшін қолжетімді цифрлық қызметтерді пайдалануға шақырды.

Алматыда жаңа Салық кодексінің өтпелі ережесін түсіндіріп, биылғы 1 қаңтардан бастап қолданысқа енген арнаулы салық режимі туралы айтылды. Өңірлік коммуникациялар қызметінде өткен баспасөз конференциясы осы тақырыпқа арналды. Онда Алматы қаласындағы Мемлекеттік кірістер департаментінің басшылығы өзін-өзі жұмыспен қамтығандар, шағын бизнес пен шаруа қожалықтары үшін қандай өзгеріс болатынын және өтпелі кезеңде салық төлеушілер нені ескеруі керектігін жан-жақты түсіндіріп берді.Жаңа Салық кодексі енгізілгенге дейін Қазақстанда жеті арнаулы салық режимі қолданылды, олардың қатарында патент, мобильді қосымша, оңайлатылған декларация, тіркелген шегерім, бөлшек салық пен ауыл шаруашылығы тауарын өндірушілерге арналған жекелеген режимдер болды. 2026 жылдан бастап жүйе оңтайландырылады: өзін-өзі жұмыспен қамтығандар үшін, оңайлатылған декларация негізіндегі режим мен шаруа қожалықтарына арналған үш арнаулы салық режимі ғана қалады. Өзгерістердің мақсаты – салық салуды түсінікті ету, әкімшілік жүктемені азайтып, әлеуметтік қорғауға қолжетімділікті барынша кеңейту.Өзін-өзі жұмыспен қамтығандарға арналған жаңа арнаулы салық режимін   жеке кәсіпкер ретінде тіркелмеген, жалдамалы жұмыс күшін пайдаланбайтын және рұқсат етілген қызметпен айналысатын, табысы аз Қазақстан азаматтары мен қандастар қолдана алады. Айлық табыс 300 АЕК-тен (шамамен 1,3 млн теңге) аспауы тиіс. Бұл режим бойынша жеке кәсіпкер ретінде тіркелу талап етілмейді, салықтық есептілік тапсырылмайды, жеке табыс салығының мөлшерлемесі 0 пайыз деңгейінде белгіленген.«Өзін-өзі жұмыспен қамтығандарға арналған жаңа режим барынша жеңілдетілген және табысы аз әрі тұрақсыз азаматтарға бағытталған. Жалғыз міндеттеме – табыстың 4 пайызы мөлшерінде әлеуметтік төлемдерді төлеу. Бұл зейнетақы жүйесін, медицина мен әлеуметтік сақтандыруды қолжетімді етеді. Бұл өзін-өзі жұмыспен қамтуды заңдастыру мен азаматтардың құқықтарын қорғау жолындағы маңызды қадам», – деп түсіндірді Алматы қаласы Мемлекеттік кірістер департаментінің жеке кәсіпкерлер мен жеке тұлғаларды әкімшілендіру басқармасының басшысы Нұрлыбек Оспанов.Өзін-өзі жұмыспен қамтығандардың барлық операциялары арнаулы мобильді қосымша арқылы жүргізіледі. Онда чектер қалыптастырылады, табысы есепке алынып, әлеуметтік төлемдер автоматты түрде есептеледі. Интернет-платформалар арқылы жұмыс істейтіндер үшін жарналарды платформалар операторлары аударады. Байланыс қолжетімсіз елдімекендерде міндеттемелер ай қорытындысы бойынша орындалады.Шағын және орта бизнес үшін оңайлатылған декларация негізіндегі арнаулы салық режимі сақталып, жаңартылды. Оны жылдық табысы 600 мың АЕК-ке дейін (шамамен 2,6 млрд теңге) болатын, қызмет түрі тыйым салынған тізбеге кірмейтін салық төлеушілер қолдана алады. Режим жеке табыс салығы немесе корпоративтік табыс салығы бойынша 4 пайыз бірыңғай мөлшерлемені, қосылған құн салығы мен әлеуметтік салықтан босатуды, сондай-ақ декларацияны жылына екі рет тапсырып, салықты екі рет төлеуді көздейді.«Біз оңайлатылған декларацияны сақтап қалдық, бірақ оны бизнес үшін икемдірек әрі қолайлы еттік. Табыс шегінің жоғары болуы кәсіпкерлерге бизнесті бөлшектемей өсіруге мүмкіндік береді, еңбекақы қорын ескеру мүмкіндігі ресми жалақы төлеуді және жұмыспен қамтуды заңдастыруды ынталандырады», – деді Алматы қаласы Мемлекеттік кірістер департаментінің мемлекеттік қызметтер басқармасының басшысы Бақтыгүл Сейітова.Шаруа қожалықтары үшін арнаулы режимді қолдану тәртібі негізінен сақталды. Бірыңғай жер салығы жойылғаннан кейін мұндай қожалықтар бұрынғы мөлшерлеме бойынша – табыстың 0,5 пайызы көлемінде жеке табыс салығын төлей береді. Олар мүлік салығы, көлік салығы, ҚҚС және әлеуметтік салықты қоса алғанда біраз салық түрінен босатылады, есептілікті жылына бір рет тапсырады. Салық төлеу ауыл шаруашылығы өндірісінің маусымдылығын ескере отырып, жылына екі рет жүзеге асырылады.Баспасөз конференциясында жаңа режимдерге көшу тәртібі де түсіндірілді. Оңайлатылған декларацияны қолдану үшін 2026 жылғы 1 наурызға дейін салық төлеушінің кабинеті, E-Salyq Business қосымшасы, банктің мобильді қосымшасы немесе қағаз нысан арқылы хабарлама беру қажет. Әйтпесе, салық төлеуші автоматты түрде жалпыға бірдей белгіленген режимге ауыстырылады. Бұрын патент немесе мобильді қосымша арқылы жұмыс істеген өзін-өзі жұмыспен қамтығандар басқа режимді таңдамаған жағдайда жеке кәсіпкер ретінде тіркеуден автоматты түрде шығарылады. Шаруа қожалықтарын хабарлама бермей-ақ автоматты түрде көшіреді.«Өтпелі кезең салық төлеушілер жаңа ережелерге сабырмен әрі артық қиындықсыз бейімделуі үшін қарастырылған. Салық салу режимін уақытылы анықтап, қажет болған жағдайда хабарлама беру маңызды. Барлық өзгерістер рәсімдерді жеңілдетуге және анағұрлым түсінікті әрі әділ салық жүйесін қалыптастыруға бағытталған», – деп атап өтті департаментте.Алматы қаласы бойынша Мемлекеттік кірістер департаментінде кәсіпкерлер мен өзін-өзі жұмыспен қамтыған азаматтарды жаңа талаптармен алдын ала танысып, тиісті салық режиміне көшу үшін қолжетімді цифрлық сервистерді пайдалануға шақырды.

Амман, 2026 жылғы 16 ақпан – Иордан Хашимит Корольдігінің Сыртқы істер және экспатрианттар істері жөніндегі министрлігінде Қазақстан Республикасының Иорданиядағы Елшісі Талғат Шалданбайдың ИХК СІМ Бас хатшысы Дайфалла Әли Әл-Файезбен кездесуі өтті.Тараптар Қазақстан мен Иордания арасындағы ынтымақтастықтың өзекті мәселелері бойынша пікір алмасып, екіжақты байланыстардың оң динамикасын атап өтті. Сонымен қатар, сұхбаттасушылар саяси диалогты нығайтуға, практикалық өзара іс-қимылды кеңейтуге және халықаралық ұйымдар шеңберіндегі ұстанымдарды әрі қарай үйлестіруге мүдделілігін растады.Қазақстан Елшісі иордан тарапын еліміздегі соңғы ішкі саяси өзгерістер туралы ақпарат берді. Қазақстан Президенті Қасым-Жомарт Тоқаевтың төрағалығымен өткен Ұлттық құрылтай отырысының қорытындысы бойынша конституциялық реформаға қатысты бастама көтерілгендігін атап өтті. Конституцияның жаңа редакциясын қалыптастыру жөніндегі жұмыстың аяқталғаны және оны 2026 жылғы 15 наурызда өтетін Республикалық референдумның қорытындысы бойынша қабылдау жоспарланып отырғандығын хабарлады.Келіссөздер қорытындысы бойынша тараптар сенім мен өзара түсіністікті әрі қарай тереңдетудің маңыздылығын атап өтіп, өзара қызығушылық тудыратын салаларда тұрақты байланыстарды қолдауға және ынтымақтастықты дамытуға дайындықтарын растады.Ақпарат көзі : https://www.gov.kz/memleket/entities/mfa-amman/press/news/details/1162885?lang=kk