Қарағандыда Конституциялық комиссияның мүшесі Бекзат Алтынбековтың қоғам өкілдерімен кездесуі өтті. Жиынның негізгі тақырыбы — Қазақстан Республикасының жаңа Конституциясы жобасын және оның елдің одан әрі дамуы үшін маңызын талқылау болды.Талқылауға саяси партиялардың, үкіметтік емес ұйымдардың, Қазақстан халқы Ассамблеясының өкілдері, сондай-ақ жастар белсенділері қатысты. Ашық диалог барысында құжаттың негізгі ережелері мен жаңашылдықтары жан-жақты түсіндірілді. Олар әділдік, заңдылық, қоғамдық келісім қағидаттарын нығайтуға және азаматтардың мемлекеттік басқаруға қатысуын кеңейтуге бағытталған.Негізгі Заңның саяси тұрақтылықтың, этносаралық бірліктің және орнықты әлеуметтік-экономикалық дамудың іргетасы ретіндегі рөліне ерекше назар аударылды. Жаңа прогрессивті Конституция азаматтардың құқықтары мен бостандықтарын қорғаудың заманауи тетіктерін қалыптастырып, мемлекеттік институттардың жауапкершілігін күшейтетіні және өңірлердің дамуына қосымша мүмкіндіктер жасайтыны атап өтілді.Кездесуге қатысушылар жүргізіліп жатқан конституциялық реформалар мен алдағы республикалық референдумды қолдайтындарын білдіріп, ел болашағы үшін маңызды шешімдер қабылдауда әрбір азаматтың белсенді қатысуының маңызын атап өтті.Халық арасында ақпараттық-түсіндіру жұмыстары алдағы уақытта да жалғасады. Осындай кездесулер кәсіпорындар мен ұйымдар алаңдарында, сондай-ақ жастар ортасында өткізіледі.Ақпарат көзі : https://www.gov.kz/memleket/entities/karaganda-ishki-sayasat/press/news/details/1162894?lang=kk

Қазақстан Республикасы Сыртқы істер министрінің орынбасары Әлібек Қуантыров Абай облысына сапары барысында Өңірлік инвестициялық штабтың (ӨИШ) отырысына қатысты.Іс-шара облыс әкімдігімен мемлекеттік органдар мен бизнес-қоғамдастық өкілдерінің қатысуымен ұйымдастырылды.Жұмыс сапары аясында алдымен Абай облысының әкімі Берік Уәлимен кездесу өтті. Кездесу барысында өңірдің инвестициялық даму бағыттары, инвестициялық портфельді қалыптастыру, сондай-ақ облыстың инвестициялық тартымдылығын арттыру және инвесторларды сүйемелдеу мәселелері талқыланды.Ә.Қуантыров Өңірлік инвестициялық штабтың отырысында инвестициялық саясаттың жаңа моделі өңірлердің әлеуетін ашуға және инвестициялық жобаларды белсенді ілгерілетуге бағытталғанын атап өтті.Өңірлік деңгейдегі негізгі міндет – туындайтын мәселелерді жедел шешуді қамтамасыз ететін және жобаларды іске асыру үшін қолайлы жағдайлар жасайтын инвесторларды сүйемелдеудің тиімді жүйесін қалыптастыру.«Өңірлік инвестициялық штабтардың жұмысы инвесторлармен өзара іс-қимылды сапалы жаңа деңгейге шығаруға мүмкіндік береді. Бұл нақты жобалар бойынша проблемалық мәселелерді жедел қарауға, ведомствоаралық үйлестіруді күшейтуге және өңірлердегі инвестициялық бастамаларды жүйелі түрде ілгерілетуге арналған алаң», – деп атап өтті ҚР СІМ орынбасары.Отырыс барысында Абай облысында инвестициялық жобаларды іске асыру, оларды инженерлік және көлік инфрақұрылымымен қамтамасыз ету, мемлекеттік қолдау шараларын ұсыну, сондай-ақ инвесторлар үшін әкімшілік кедергілерді жою мәселелері қаралды. Мемлекеттік органдардың дербес жауапкершілігін арттыруға және ведомствоаралық өзара іс-қимыл тиімділігін күшейтуге ерекше назар аударылды.Өңірлік инвестициялық штаб отырысының қорытындысы бойынша өңірдің өнеркәсіптік және аграрлық әлеуетін дамытуға, сондай-ақ орталық және жергілікті мемлекеттік органдар арасындағы өзара іс-қимылды күшейтуге бағытталған одан арғы шаралар айқындалды.Сапар аясында Ә.Қуантыров облыс әкімімен бірлесіп «Agro Leader KAZ» ЖШС-нің бұршақ және майлы дақылдарды қайта өңдеу зауытының салтанатты ашылу рәсіміне қатысты. Кәсіпорынның іске қосылуы өңірдің агроөнеркәсіптік кешенін дамытуға, экспорттық әлеуетін кеңейтуге және жаңа жұмыс орындарын құруға бағытталған.Сондай-ақ Министрдің орынбасары өңірдің бірқатар өнеркәсіптік және қайта өңдеу кәсіпорындарының қызметімен танысты. Атап айтқанда, ол орауыш өнімдерін өндіру және қайталама шикізатты өңдеу бойынша ірі кәсіпорындардың бірі – «Казполиграф» ЖШС-не, сондай-ақ қалдықтарды қайта өңдеу және жоғары қосылған құны бар өнім шығару жобаларын іске асырып жатқан пайдаланылған шиналарды қайта өңдеу кешені – «Эйкос» ЖШС-не барды.Өткен іс-шаралардың қорытындысы бойынша инвестициялық жобаларды сүйемелдеу бағытындағы өзара іс-қимылды одан әрі дамыту бойынша басым бағыттар айқындалып, Абай облысында жобаларды іске асырудың барлық кезеңінде инвесторларға жан-жақты қолдау көрсетуге дайындық расталды.Ақпарат көзі : https://www.gov.kz/memleket/entities/invest/press/news/details/1164180?lang=kk

Қарағанды облысында ересектер арасында самбодан Қазақстан Республикасының чемпионаты өтті. Турнир еліміздің 19 аймағынан 600-ге жуық мықты спортшының басын қосып, маусымның ең ауқымды және бәсекеге қабілетті бастауларының біріне айналды.Қатысушылар техникалық дайындықтың жоғары деңгейін, асқақ рух пен жеңіске деген ерік-жігерін көрсетті. Кілемдегі жекпе-жектер қызу және әсерлі күрестермен ерекшеленді. Бұл дода елдің түкпір-түкпірінен жиналған мамандар мен жанкүйерлердің назарын аударды.Қазақстан Республикасы ІІМ Ұлттық ұланы әскери қызметшілерінің спорттық және жауынгерлік самбодағы жарқын жеңістері, өздерін сенімді түрде мәлімдеуі — назар аударуға әбден лайық. Әскери қызметшілердің спорттық самбодағы нәтижелері:58 келіге дейін - III орын: қатардағы Санжар Әли (6655 ә/б)64 келіге дейін - III орын: қатардағы Нұрсұлтан Нұрсейітов (7552 ә/б)71 келіге дейін — III орын: қатардағы Махамбет Қонысбай (3660 ә/б)79 келіге дейін - III орын: қатардағы Тілек Тоқтасынұлы (6636 ә/б)88 келіге дейін - III орын: қатардағы Азат Қуатов (6655 ә/б)98 келіге дейін - II орын: ефрейтор Еламан Қойшыбаев (6636 ә/б)98 келіден жоғары —I орын: қатардағы Болат Сапар (6636 ә/б) Жауынгерлік самбо нәтижелері:53 келіге дейін - III орын: ефрейтор Жастілек Ахметбеков (6697 ә/б)58 келіге дейін — I орын: қатардағы Арман Тұрымбетов (6655 ә/б)64 келіге дейін - III орын: ефрейтор Манабек Әсембай (5518 ә/б)Жарыс қорытындысы бойынша әскери қызметшілер жалпы 10 медаль жеңіп алды: 2 алтын, 1 күміс, 7 қола.Чемпионатта сәтті өнер көрсету құқықтық тәртіп әскері жауынгерлерінің дене шынықтыру және кәсіби даярлығының жоғары деңгейін, сондай-ақ олардың республикалық спорт аренасында бәсекеге қабілеттілігін растады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1162857?lang=kk

2026 жылы Қазақстанның ЮНЕСКО жанындағы Тұрақты өкілдігі Ұйым аясындағы Азия және Тынық мұхиты (ASPAC) өңірлік тобына төрағалық етеді.Құрамына 47 мемлекет кіретін ауқымды топтың биылғы алғашқы отырысы 13 ақпанда орын алды.Отырыстың басында Елші Асқар Абдрахманов топ мүшелері атынан былтырғы төрағалығын аса табысты өткізгені үшін Қытай тарапына алғыс айтты және әріптесі Янг Шиньюдан төрағалықтың белгісін қабылдады.ASPAC мүшелеріне жоғары сенімдері мен қолдаулары үшін шынайы ризашылығын білдіріп, Қазақстан тарапы осыған орай топтың алдағы жұмыс жоспарларына қатысты бірқатар ұсыныстар енгізді. Кездесуге залда және онлайн тәртіпте қатысқан мүше делегациялар жаңа төрағаны құттықтап, енгізілген ұсыныстарға жалпы қолдау білдірді. Топ төрағасының орынбасары болып Таиланд, ал хатшысы болып Корея Республикасы сайланды. Отырыс барысында топ жұмысының бірқатар ұйымдастырушылық мәселелері қаралды.Қазақстанның Тұрақты өкілдігі аталған төрағалық барысында ASPAC тобы аясындағы мазмұнды ынтымақтастықты тиімді жалғастыруға барынша мүдделі!Ақпарат көзі : https://www.gov.kz/memleket/entities/mfa-unesco/press/news/details/1162866?lang=kk

Қазақстан Республикасының Қарулы күштерінде Десанттық-шабуылдау әскерлерінің жауынгерлік әзірлігі қауырт тексеріліп жатыр. Қорғаныс министрі авиация генерал-лейтенанты Дәурен Қосановтың басшылығымен ұйымдастырылған бұл шара құрамалар мен әскери бөлімдерге жүктелген міндеттерді орындау қабілетін бағалауға бағытталған.  Кең ауқымды инспекция осы жылдың 19 ақпанына дейін жалғаспақшы. Тексеру аясында полигондарда оқу-жауынгерлік тапсырмалар кешенін орындау да көзделген. Бөлімшелер жауынгерлік даярлықтың межелі деңгейіне келтіріліп, белгіленген  аудандарға жіберіледі.Тексеру барысында негізгі жауапкершілік Десанттық-шабуылдау әскерлерінің қолбасшысына жүктеледі. Ол бөлімшелердің белгіленген аудандарда уақытында шұғыл орналасуын және дайындық кезеңінде де, жауынгерлік оқу-жаттығу іс-қимылдары барысында да үздіксіз басқарылуын қамтамасыз етуі тиіс.Жеке құрам үш күн бойы роталық тактикалық топпен өткізілетін тактикалық жаттығу аясында практикалық іс-қимылды пысықтайды. Жаттығу жоспарына қарай бөлімшелер елдімекендерді заңсыз қаруланған шартты топтардан тазарту міндеттерін орындайды. Одан бөлек жауынгерлік техниканың жарағы мен атыс қаруынан оқ ату жүргізіледі.Әскери қызметшілер сондай-ақ, жауынгерлік даярлықтың негізгі пәндерінен де сынақ тапсырады. Әсіресе дене даярлығы, штаттық қарудан атыс жүргізу дағдылары, тактикалық медицина, байланыс құралдарымен жұмыс және өзге де бейіндік пәндер бойынша даярлық деңгейі жіті назарға алынатын болады.Қорғаныс министрі жеке құрамның жан-жақты даярлығын қамтамасыз ету, жарғы қағидаларын қатаң сақтау және қару-жарақ пен әскери техниканы қолдану кезінде қауіпсіздік шараларын мүлтіксіз орындау қажеттігін атап өтті.Тексеру соңында Десанттық-шабуылдау әскерлерінің өздеріне жүктелген міндеттерді орындауға дайындығы кешенді түрде бағаланады.Ақпарат көзі : https://www.gov.kz/memleket/entities/mod/press/news/details/1162790?lang=kk

Аддис-Абеба, 2026 ж. 16 ақпан – Қазақстанның Эфиопиядағы Елшісі, ҚР-ның Африка одағы жанындағы Тұрақты өкілі Жалғас Әділбаев бастаған Қазақстан делегациясы 2026 жылғы 14-15 ақпан аралығында Аддис-Абебада өткен Африка одағына (АО) мүше мемлекеттер басшыларының жыл сайынғы 39-шы Саммитіне қатысты.​Саммитке АО-ға мүше 48 мемлекеттің делегациясы Мемлекет және үкімет басшылары, сыртқы істер министрлері деңгейінде, сондай-ақ халықаралық және өңірлік ұйымдардың басшылары мен өкілдері қатысты. Құрметті қонақтар мен серіктестер қатарында БҰҰ Бас хатшысы және Африка одағы жанындағы бақылаушы мемлекеттердің бірқатар жоғары лауазымды өкілдері болды.​39-шы Саммиттің тақырыбы: «2063 жылға дейінгі күн тәртібінің мақсаттарына қол жеткізу үшін тұрақты сумен жабдықтауды және қауіпсіз санитария жүйелерін қамтамасыз ету» деп жарияланды. Отырыстар барысында су қауіпсіздігі, трансшекаралық су ресурстарын басқару, сумен жабдықтау және санитария саласындағы инфрақұрылымдық жобаларды қаржыландыру, сондай-ақ континенттегі климаттың өзгеруіне және құрғақшылыққа төзімділікті нығайту мәселелеріне ерекше назар аударылды.​Күн тәртібі аясында Африканың бірқатар елдеріндегі қақтығыстарды реттеу, АО-ның институционалдық реформасын ілгерілету, Африка құрлықтық еркін сауда аймағын құру туралы келісімді одан әрі іске асыру, Африканың жаһандық басқаруға қатысуын кеңейту, соның ішінде БҰҰ Қауіпсіздік Кеңесін реформалау, сондай-ақ құрлық елдерінің қатысуымен өтетін алдағы халықаралық форумдарға дайындық мәселелері де қаралды.​Саммит қорытындысы бойынша мүше мемлекеттердің тұрақты даму мақсаттарына, соның ішінде таза су мен санитарияға қолжетімділік саласындағы мақсаттарға қол жеткізу жөніндегі бірлескен күш-жігерін жандандыруға бағытталған тиісті шешімдер мен декларациялар қабылданды.​Саммит аясында ҚР Елшісі Ж. Әділбаев Конго Демократиялық Республикасы Сыртқы істер министрінің орынбасары Н. Наквипонемен, КДР-дың Эфиопиядағы Елшісі Ж. Илунгамен, Панафрикалық Парламенттің Вице-президенті, Эфиопия Парламентінің депутаты доктор А. Гайомен және Джибути Республикасы СІМ департаментінің директорымен, Эфиопияның Туризм, мәдениет және спорт министрлерімен, сондай-ақ Эфиопияда тіркелген дипломатиялық корпус өкілдерімен кездесулер өткізді. Кездесулер барысында екіжақты және көпжақты ынтымақтастық форматтарындағы, соның ішінде БҰҰ мен АО шеңберіндегі өзара іс-қимылдың өзекті мәселелері бойынша пікір алмасу болды. Ақпарат көзі : https://www.gov.kz/memleket/entities/mfa-addis-ababa/press/news/details/1162798?lang=kk

Қостанайда өткен Naiza 81 аралас жекпе-жек турнирінде қазақстандық спортшы Әйгерім Төреханова мен Қытай өкілі Гүлсайран Азат арасында жеңіл салмақтағы жекпе-жек өтті.Аға лейтенант Әйгерім Төреханова Қазақстан Республикасы ІІМ Ұлттық ұланының Вurkit team спорттық командасының мүшесі. Жекпе-жекке дейінгі ММА-дағы кәсіби рекорды — 4 жеңіс және 3 жеңіліс еді. Бұл кездесу Гүлсайран Азаттың кәсіби мансабындағы екінші жекпе-жек, бұған дейін бір жеңісі болған.Жекпе-жек үш раундқа жоспарланған болатын, бірақ бірінші раундпен аяқталды. Басынан бастап Төреханова бастаманы қолға алып, жекпе-жек барысын толық бақылап отырды. Қазақстандық спортшы қарсыласына дес бермей, дәл және қатаң соққылар беріп, өз позициясында сенімді жұмыс істеді.Әйгерімнің үстемдігінің айқын болғаны соншалық, хабар тарату комментаторы не болып жатқанын келесі сөздермен атап өтті: “Азат жай көзін жұмып, Төреханованың соққыларынан есеңгіреп жатты".Соққыларын үдете отырып, Төреханова жекпе-жекті партерге ауыстырды, онда ол сауатты және тұншықтыратын тәсілдерге көшті. Гүлсайран Азат берілуге мәжбүр болғандықтан, төреші Қазақстан өкілінің жеңісін мерзімінен бұрын тіркеп, жекпе-жекті тоқтатты.Бұл жеңіс Әйгерім Төреханова үшін аралас жекпе-жектегі кәсіби мансабының бесінші кездесуі болды. Гүлсайран Азат үшін жеңіліс кәсіби деңгейде бірінші болды.Әскери қызметшінің сенімді және әсерлі өнер көрсетуі Naiza 81 турнирінің жарқын сәттерінің біріне айналды және қазақстандық спортшылардың халықаралық аренадағы жоғары дайындық деңгейін растады. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1162854?lang=kk

Астана - Президент атлеттің отандық спорт тарихында мәнерлеп сырғанаудан тұңғыш рет алтын медаль иеленуін тарихи маңызы зор жетістік ретінде атап өтті. Қасым-Жомарт Тоқаев Михаил Шайдоровты II дәрежелі «Барыс» орденімен марапаттау туралы шешім қабылдады.Президент Олимпиада чемпионына толайым табыс пен жеңіс тіледі.Ақпарат көзі : https://www.gov.kz/memleket/entities/mfa-addis-ababa/press/news/details/1162783?lang=kk

Қостанай қаласында 2006–2008 жылдары туған жастар арасында қазақ күресінен Қостанай облысының чемпионаты өткізілді. Аталған жарыс облыстың спорт күнтізбелік жоспарына сәйкес ұйымдастырылды.Чемпионатқа Қостанай облысының қалалары мен аудандарынан келген спортшылар қатысты. Жарыс барысында әр салмақ дәрежесінде жоғары деңгейдегі белдесулер өтіп, қатысушылар өздерінің техникалық дайындығын, тактикалық шеберлігін және физикалық мүмкіндіктерін көрсетті.Іс-шараның негізгі мақсаты – ұлттық спорт түрі қазақ күресін дамыту, жас спортшыларды қолдау және дарынды балуандарды анықтау. Сонымен қатар, жарыс салауатты өмір салтын насихаттауға және жастар арасында патриоттық рухты нығайтуға бағытталды.Жарыс қорытындысы бойынша жеңімпаздар мен жүлдегерлер тиісті дәрежедегі дипломдармен және медальдармен марапатталды.Ұйымдастырушылар барлық қатысушыларға алғыс білдіріп, алдағы жарыстарда табыс тілейді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1162762?lang=kk

Астана, 2026 жылғы 16 ақпан – Қазақстан Республикасының Сыртқы істер министрлігінде Орталық Азия елдерінің Ауғанстан бойынша арнайы өкілдерінің Өңірлік байланыс тобының кезектен тыс отырысы өтті.Кездесуге Қазақстан, Қырғызстан, Тәжікстан және Өзбекстан өкілдері қатысты.Қазақстан Республикасы Президентінің Ауғанстан жөніндегі арнайы өкілі Еркін Тұқымов Қазақстанның Кабулмен өзара іс-қимылының өзекті мәселелері бойынша сындарлы пікір алмасуға және практикалық шешімдер іздеуге мүдделі екенін атап өтті.Тараптар Ауғанстандағы қазіргі жағдайды және практикалық өзара әрекеттестік мәселелерін, оның ішінде сауда-экономикалық ынтымақтастықты дамыту, Ауғанстан аумағы арқылы транзиттік-көлік дәліздерді кеңейту, сондай-ақ өңірлік қауіпсіздік мәселелерін талқылады.Қатысушылар Ауғанстанның тұрақтылығы мен орнықты дамуын қамтамасыз ету мүддесінде Орталық Азия мемлекеттерінің күш-жігерін үйлестірудің маңыздылығын атап өтті.Кездесу қорытындысы бойынша тараптар Өңірлік байланыс тобы аясында тұрақты консультацияларды жалғастыруға және жұмыс байланыстарын қолдауға дайын екендерін растады.Ақпарат көзі : https://www.gov.kz/memleket/entities/mfa/press/news/details/1162699?lang=kk

Шығыс Қазақстан облыстық этнографиялық музейде осы ұжымда еңбек ететін ардагер интернационалист-жауынгерлерге құрмет көрсету рәсімі өтті. Іс-шара барысында қақтығыс ошақтарындағы жауынгерлік оқиғалар туралы презентация ұсынылып, музей қорынан тақырыптық шағын көрме ұйымдастырылды. Сондай-ақ әріптестер, кәсіподақ комитеті және қаладағы көркемөнерпаздар тарапынан құттықтау сөздер айтылды. Кездесуге Техникалық-экономикалық колледж студенттері қатысып, ардагерлерге қызығушылықпен сұрақтар қойды. Залда бірлік пен достықтың атмосферасы орнады.Ақпарат көзі : https://www.gov.kz/memleket/entities/vko-cultura-arhiv/press/news/details/1162631?lang=kk

Депутаттарменқалатұрғындарыныңназарына.2026жылғы26ақпандасағат15.00-де Өскеменқалалықмәслихатыныңкезектісессиясы өтеді (Пермитин көшесі,17,конференц-зал).Ұсынылатын күн тәртібі:Халықтың жеңілдік санаты үшін, сондай-ақ авариялық немесе тозығы жеткен тұрғын үйлерде тұратын тұрғындар үшін тұрғын үй салу туралы.«Өскемен қаласының лифт шаруашылығының жай-күйі туралы» Өскемен қалалық мәслихатының 2025 жылғы 27 ақпандағы № 32/9 шешімін іске асыру туралы.«Коммуналдық мүлікті басқару жөніндегі істердің жай-күйі туралы» Өскемен қаласының қаржы бөлімі басшысының есебі туралы4.Әр түрліТөменде сессияның онлайн трансляциясын көруге арналған сілтеме берілгенhttps://instagram.com/maslihat_oskemen?igshid=MzNlNGNkZWQ4Mg==Ақпарат көзі : https://www.gov.kz/memleket/entities/ukmaslihat/press/news/details/1162554?lang=kk

Link - Newsletter - 16.02.2026 Ақпарат көзі : https://www.gov.kz/memleket/entities/mfa-london/press/news/details/1162564?lang=kk

Қазақстан Республикасының Марокко Корольдігіндегі Елшісі Сәулекүл Сайлауқызы Марокконың Инвестициялар және экспортты дамыту жөніндегі агенттігінің бас директоры Али Седдикимен кездесті. Кездесу барысында тараптар екіжақты қарым-қатынастың өсу серпінін атап өтіп, сауда-экономикалық және инвестициялық байланыстарды кеңейту перспективаларын талқылады.Ақпарат көзі : https://www.gov.kz/memleket/entities/mfa-rabat/press/news/details/1162576?lang=kk

2026 жылғы 16 ақпандағы облыс әкімінің өкімімен Байғалық Ернат Елүбайұлы Алматы облысының мемлекеттік сатып алу басқармасының басшысы болып тағайындалды.Ернат Елүбайұлы 1983 жылы туған, білімі жоғары. 2004 жылы Әл-Фараби атындағы Қазақ ұлттық университетін «экономика және менеджмент» мамандығы бойынша, 2006 жылы аталған университеттің «құқық және экономика негіздері» мамандығы бойынша бітірген.  2006 жылы Тұран университетін «құқықтану» мамандығы бойынша тәмамдаған.Еңбек жолын 2005 жылы Алматы қаласы Алмалы ауданы бойынша Салық комитетінде салық инспекторы болып бастаған.Әр жылдары Алмалы ауданы бойынша Салық басқармасының бөлім басшысы, Алматы облысы бойынша қаржылық бақылау инспекциясының бас маманы – бас бақылаушы-тексерушісі, Алматы облысы бойынша Ішкі мемлекеттік аудит департаментінің бөлім басшысы, басшының орынбасары қызметтерін атқарған.2022 жылдың тамыз айынан бастап Алматы облысы бойынша тексеру комиссиясының мүшесі лауазымында қызмет етті.Сондай-ақ облыс әкімі аппараты басшысының орынбасары қызметін атқарған.Ақпарат көзі : https://www.gov.kz/memleket/entities/almobl/press/news/details/1162537?lang=kk

Мемлекеттік кірістер комитеті салық төлеушілерге қолайлы болуы үшін «Салықтық әкімшілендірудің интеграцияланған жүйесі» (СӘІЖ/ISNA) жаңа Салық төлеуші кабинетінде «Дербес шот» бөлімі арқылы Дербес шоттар бойынша сальдоны, Дербес шотты және Дербес шоттан үзінді көшірмені қарауға болатынын хабарлайды. «Сервистер» бөлімінде берешек туралы мәліметтерді алуға болады.Аталған сервистердегі мәліметтер СӘІЖ-нің эталонды дербес шоттарынан автоматты түрде алынатынына назар аударуларыңызды сұраймыз.СӘІЖ жаңа Салық төлеуші кабинетіне кіру үшін https://knp.kgd.gov.kz  сілтемесі бойынша өту қажет.Сұрақтар туындаған жағдайда СӘІЖ қолдау қызметінің knpsd@ecc.kz  электрондық поштасына, сондай-ақ FinQoldau_bot  Telegram-ботына хабарласуға болады.  Ақпарат көзі : https://www.gov.kz/memleket/entities/kgd-zhetysu/press/news/details/1162515?lang=kk

Облыс әкімі Марат Сұлтанғазиевтің төрағалығымен Қонаев қаласының әлеуметтік-экономикалық дамудың кешенді жоспары аясындағы іс-шараларды орындау мәселелері бойынша кеңес өтті. Жиында қалалық жобалардың орындалу барысы талқыланып, өзекті проблемалық мәселелер қаралды.Қонаев қаласының әкімі Асхат Бердіханов баяндама жасап, соңғы үш жылдағы даму бағыттары, қол жеткізілген нәтижелер, экономикалық өсім көрсеткіштері, жүзеге асқан инвестициялық жобалар, сондай-ақ туризм, құрылыс және сәулет салаларының дамуы туралы ақпарат берді.2022–2025 жылдары Қонаев қаласында 12 инвестициялық жоба жүзеге асырылып, жалпы сомасы 46,3 млрд теңгені құраған 350-ден астам жаңа жұмыс орны құрылды. Биылғы жылы 4 жоба 5,1 млрд теңге көлемінде аяқталып, 190 жаңа жұмыс орны құрылуы жоспарлануда.№ 6 -7-ші жағажайларды және демалыс аймақтарын реконструкциялау үшін 2,3 млрд теңге қажет. «Көшпенділер қаласы» бизнес-объектілерін электрмен жабдықтау жобасы бойынша жобалық-сметалық құжаттарға түзетулер енгізу қажет, бұл мақсатқа биыл 350 млн теңге сұралуда. Иледен өтетін 300 метрлік жаяу жүргінші көпірін салу жобасы әзірленуде, ол «Көшпенділер қаласы» мен «Тамғалы-Тас» туристік нысандарын байланыстырады. Сонымен қатар, «Қонаев – Баканас» тас жолынан «Тамғалы-Тасқа» дейін 8,2 км автожол салу жоспарлануда.Энергетика саласында негізгі жоба - «Арна» түйіндік қосалқы станциясы, ол Қонаев пен Алатау қалаларының дамуына серпін береді. Жаңа Іле мен 10-шы шағынаудан аймақтарында тағы төрт қосалқы станция салу жоспарлануда.Қала газдандыру жобасы біртіндеп дамып келеді. Жоба Спутник, Рауан, Арна, 12А, 12Б, 19–20 шағынаудандарын қамтиды, сонымен қатар Шеңгелді ауылдық округі мен демалыс массивтері үшін желілер жобалануда. Сол уақытта тұрғындар мен кәсіпкерлік субъектілерінен газ желілерін қосу, күтіп-ұстау қызметтері мен инвестициялық бағдарлама аясындағы желілерді дамытуға қатысты шағымдар түскені хабарланды.Құрылыс саласында соңғы үш жылда атқарылған жұмыстар көлемі 35,9 млрд теңгені құрап, 94 474 шаршы метр тұрғын үй пайдалануға берілді. Әлеуметтік осал топтар үшін 456 пәтер 10,3 млрд теңгеге алынған.Облыс әкімінің бірінші орынбасары Қанат Есболатов 2023 жылы ҚР Үкіметінің қаулысымен Қонаев қаласының 2023–2027 жылдарға арналған әлеуметтік-экономикалық кешенді жоспары бекітілгенін хабарлап, онда 187 іс-шара қарастырылғанын айтты. 2026 жылдан бастап жоспар күшін жойып, шаралар облыстың даму жоспарына біріктірілген, оның ішінде 18 іс-шара жеке инвестициялар есебінен жүзеге асырылады.Облыс әкімінің орынбасары Әсет Масабаев әкімшілік ғимараттар, әлеуметтік нысандар және инженерлік инфрақұрылымды дамыту туралы баяндады. Басымдық бойынша Департаменттер үйі, облыстық сот ғимараты, Ұлттық қауіпсіздік комитеті және басқа әкімшілік нысандар салу жоспарлануда. Мәдениет пен спорт саласында «Самұрық-Қазына» АҚ қаражаты есебінен драмалық театр салу, жеке инвестициялар арқылы «Қонаев-Арена» стадионы, Мектеп оқушылары сарайы мен зерттеу зертханасы бар мұражай салу жоспарлануда.Тұрғын үй құрылысы бойынша 2022 жылы басталған үш 60-пәтерлік үй 2024 жылы жұмыстар тоқтағаннан кейін ТОО «Sanur Stroy-A» арқылы жалғастырылды. Аяқталуы биылғы жылдың қыркүйек айына жоспарланған. Тағы 7 үйдің жобалық-сметалық құжаттары дайындалған. Мемлекеттік-жеке әріптестік аясында 438 га аумақта кәріз-шаю құрылыстары жүргізіліп, инвестиция 33,4 млрд теңге болады. «Энергетика және коммуналдық секторды жаңғырту» ұлттық бағдарламасы бойынша 15 жоба 74,92 млрд теңгеге әзірленген, бұл 98,26 км су, жылу және электр желілерін жаңартуға мүмкіндік береді.Облыс әкімінің орынбасары Бақытнұр Бақытұлы жер ресурстарын тиімді пайдалану және агроөнеркәсіп кешенін дамыту туралы баяндады. 2022 жылдан бастап 47,8 мың га пайдаланылмаған жер (188 учаске) анықталып, оның 27,8 мың га мемлекет меншігіне қайтарылып, 12,2 мың га айналымға енгізілген. Конкурс арқылы 63 учаске беріліп, 8 жайылым учаскесі бекітілген. Биыл 17 мың га жерді айналымға енгізу жоспарлануда.Ауыл шаруашылығында 2026 жылға физикалық көлем индексі 104,8% белгіленген. Егістік жерлер 13 528 га дейін артты, мал азықтық дақылдар қысқарып, майлы дақылдар, жүгері және арпа егіледі. Соңғы үш жылда су үнемдейтін технологияларды қолдану 1,4 мыңнан 5,2 мың га дейін өсті, бұл егістік жерлердің 41%-ын қамтиды. 2025 жылы ет өндірісі 3 848 тоннаға, сүт 3 643 тоннаға, жұмыртқа 77 мың данаға артқан. 3 295 га жер бөлінген екі сүт фермасын салу жоспарлануда, іске қосу 2027–2028 жылдарға жоспарланған.Қорытындысында проблемалық мәселелерді шешу жолдары қаралып, облыс әкімі Марат Сұлтанғазиев нақты тапсырмалар беріп, олардың орындалуын қатаң бақылауды қамтамасыз етуді басты назарға алды.Ақпарат көзі : https://www.gov.kz/memleket/entities/almobl/press/news/details/1162493?lang=kk

Ақпан айында №1 Бәйтерек аудандық пробация қызметінде есепте тұрған сотталғандар үшін аудандық кітапханаға экскурсия өтті. Іс-шара сотталғандарды кітапханамен, оның ережелерімен және кітап қорының байлығымен таныстыру мақсатында ұйымдастырылды.Экскурсияның басында бас кітапханашы Д. О. Кужумова кітапхананың қалай жұмыс істейтіні, кітаптарды қалай дұрыс өңдеу керектігі және оларды қайдан іздеу керектігі туралы қысқаша айтып берді. Сотталғандар кітап сөрелерін қызығушылықпен қарап, тақырыптық бөлімдермен танысты. Абай Құнанбаевтың шығармалары бар стеллаждарға ерекше назар аударылды, онда сотталғандарға оқу үшін өздеріне ұнайтын кітаптарды таңдау ұсынылды. Олар сондай-ақ қажетті кітапты қалай табуға болатынын білді, кітапхана ережелерімен, кітаппен жұмыс істеу ережелерімен танысты. Сотталғандар журналдар мен кітаптарды үлкен қызығушылықпен қарады. Сотталғандар шығармалар бойынша әдеби викторинаға белсенді қатысты . Сотталғандар танымдық және қызықты нәрселерді жақсы көрді және кітапханаға келуге уәде берді. Кітапханаға экскурсия сотталғандардың ой-өрісін кеңейтіп қана қоймай, оқуға деген қызығушылықты арттырды. Мұндай іс-шаралар сотталғандарға кітаптың білім мен шабыт көзі ретіндегі құндылығын түсінуге көмектеседі.   Ақпарат көзі : https://www.gov.kz/memleket/entities/duis-uralsk/press/news/details/1162459?lang=kk

Бокейорда ауданындық пробация қызметінде «Цифрлық пробация» қосымшасын енгізу басталды.Аталған қосымша пробация инспекторларының жұмысын жеңілдетуге және есепте тұрған азаматтармен өзара байланысты оңтайландыруға бағытталған. Қосымша арқылы сотталғандарды тіркеу, сондай-ақ тұрғылықты мекенжайы бойынша тексеру жұмыстарын жүргізу анағұрлым ыңғайлы бола түседі.Сонымен қатар, бұл жаңашылдық есепте тұрған азаматтар үшін де өте қолайлы. Алдағы уақытта олар қызметке арнайы келмей-ақ, үй жағдайында онлайн форматта белгілену мүмкіндігіне ие болады.«Цифрлық пробация» – мемлекеттік қызметтерді цифрландыру, ашықтықты арттыру және жұмыс үдерістерін тиімді ету бағытындағы маңызды қадам.Заманауи цифрлық шешімдер – тиімді әрі қолжетімді қызмет кепілі.Жұмыс жалғасуда. Ақпарат көзі : https://www.gov.kz/memleket/entities/duis-uralsk/press/news/details/1162453?lang=kk

Іс-шара аясында сотталғандармен телемост ұйымдастырылып, олар оқушыларға құқыққа қарсы әрекеттердің салдары және заңды сақтау маңызды екендігі туралы айтып берді. Оқушыларға заңнаманың нормалары мен қылмыс жасаған жағдайда жауапкершілік түсіндірілді, сондай-ақ жастар арасында жиі кездесетін құқықбұзушылық түрлері көрсетілді.Осы іс-шара жасөспірімдерде құқықтық мәдениет қалыптастыруға, өз әрекеттері үшін жауапкершілікті сезінуге және болашаққа саналы қарауға ықпал етті.  Ақпарат көзі : https://www.gov.kz/memleket/entities/duis-uralsk/press/news/details/1162425?lang=kk