Стафилококкты тамақтан улану токсиндермен ластанған тағамдарды, яғни Staphylococcus aureus (Staphylococcus aureus golden) патогенді бактерияларын жеу нәтижесінде пайда болады. Азық-түлікке енген кезде олар белсенді түрде көбейіп, энтеротоксин шығарады. Стафилококктардың дамуы үшін ең қолайлы орта - сүт өнімдері, кремі бар кондитерлік өнімдер, ет өнімдері, пасталар, салаттар және т.б. Стафилококк тағамда органолептикалық қасиеттерін өзгертпестен көбейе алады, яғни тағамның жарамдылығын иісі мен дәмі бойынша анықтау мүмкін емес. Токсинді өндіру жылдамдығы тағамның сақталу жағдайына және тағамның құрамына байланысты.Патогендік стафилококкпен тамақ өнімдерінің ластану көздері адам мен жануарлар болып табылады. Өнімдерді ластаудың қауіпті көздерінің бірі - терінің стафилококкты зақымдануы бар науқастар (іріңді кесулер, күйіктер, абсцесс және т.б.), әсіресе науқастар тамақ өнеркәсібі, қоғамдық тамақтану және сауда объектілерінің қызметкерлері болса аса қауіпті.Бұл ауруды жұқтыру жолдары - ауа тамшылары болып табылады, өйткені жоғарғы тыныс жолдарының стафилококк ауруларымен ауыратын науқастар (тамақ ауруы, ринит, фарингит) тыныс алу, жөтелу, түшкіру кезінде оларды қоршаған ортаға белсенді түрде шығарады. Осылайша, өнімдердің тұқымы олардың зардап шеккен органдармен тікелей байланыста болған кезде, стафилококкпен ластанған жабдықтар, ыдыс-аяқтар арқылы жүреді.Стафилококкпен уланудың инкубациялық кезеңі 2-8 сағатты құрайды.Стафилококкты тамақтан уланудың белгілері жедел пайда болады, жүрек айнуы мен құсу, бас ауруы, әлсіздік, іштің ауыруы, диарея, сананың жоғалуы және басқа да ауыр белгілер пайда болады.Ескерту шаралары:- жеке гигиена ережелерін сақтау, өнімдермен жұмыс жасамас бұрын және кейін қолды мұқият жуу;- азық-түлікті сақтау мерзімі мен температуралық режимін сақтау;- рұқсат етілмеген сауда орындарында жеке тұлғалардан азық-түлік сатып алмаңыз, өйткені мұндай өнімдерге көбінесе сапа мен қауіпсіздікті растайтын құжаттар жетіспейді;- қаптаманың тұтастығы бұзылған өнімдерді сатып алмаңыз;- терінің стафилококкты зақымдануы бар науқастарды (іріңді кесулер, күйіктер, абсцесс және т.б.) толық қалпына келгенге дейін жұмысқа жібермеу керек.- медициналық тексеруден өткен және жұмысқа рұқсат берілген қызметкерлерді жұмысқа тарту.Мұқият дайындалған тағам стафилококкты тамақтан уланудың алдын алады. Пісірілген тағамдарды дереу тұтыну немесе тоңазытқышта сақтау керек, бөлме температурасында қалдырмау керек.Железин аудандық санитариялық-эпидемиологиялық бақылау басқармасыАқпарат көзі : https://www.gov.kz/memleket/entities/pavlodar-zhelezinka/press/news/details/973643?lang=kk

Қабылдау жөніндегі бекітілген жеке кестеге сәйкес, «Аманат» партиясы облыстық филиалының Қоғамдық қабылдауында 2025 жылы 9 сәуір азаматтарды жеке қабылдау жүргізілді.Аталған іс-шараға «Қазақстан Республикасы Еңбек және халықты әлеуметтік қорғау министрлігі халықты әлеуметтік қорғау саласындағы реттеу және бақылау комитетінің Солтүстік Қазақстан облысы бойынша департаменті» РММ -нің басшысы Марат Қосылұлы Омаров зейнетақы және әлеуметтік қамсыздандыру, медициналық-әлеуметтік сараптама мәселелері бойынша қатысты.Келіп түскен барлық сұрақтарға түсініктемелер берілді. Ақпарат көзі : https://www.gov.kz/memleket/entities/enbek-sko/press/news/details/973636?lang=kk

🚙 Енді кез келген пайдаланушы көлік құралының ақаулары немесе қиындықтары туралы көлік иесіне жедел ескерту жібере алады. Бұл мәселені тез арада шешуге және келеңсіз жағдайлардың алдын алуға көмектеседі.  📌 Қызмет көлік жол жүруге кедергі келтіргенде, жол-көлік оқиғасына ұшырағанда, шамдары қосулы қалып қойғанда, дабыл жүйесі іске қосылғанда немесе дөңгелегі жарылғанда өте пайдалы. Пайдаланушы қызметті 2 сағат ішінде тек 5 рет пайдалана алады. Мәтіндік хабарламаларды жіберу кезінде өтініш беруші көліктің иесі туралы ешқандай ақпарат алмайды, eGov Mobile қолданбасы пайдаланушыларға анонимді хабарламалар жібереді.🖇️ Егер пайдаланушыда push-хабарламалар қосулы болса, ол смартфонына бірден ескерту алады. Хабарландырулар өшірілген жағдайда, ақпарат eGov Mobile қосымшасының «Хабарламалар» – «Таратылымдар және ескертулер» бөлімінде қолжетімді болады.Ақпарат көзі : https://www.gov.kz/memleket/entities/abay-aksuat/press/news/details/973618?lang=kk

Түрксіб ауданында жылу желілерін жаңғырту жұмыстары қарқын алған. Бұл туралы қала әкімі Ерболат Досаев аудан тұрғындарымен кездесуде мәлімдеді. Оның айтуынша, аудандағы жылу желілерінің тозу деңгейі шамамен 80%, сондықтан оларды жаңарту басты міндеттің бірі.2024 жылы екі негізгі учаскеде 2,1 км жылу желісінің қайта жаңғырту жұмыстары аяқталды: Спасск көшесінде (Нұрсая көшесінен Урицкий көшесіне дейін) және Сүйінбай көшесінде (Бекмаханов көшесінен Гаршин көшесіне дейін). Бұл жұмыстар осы аумақтардағы жылумен қамту сенімділігін айтарлықтай арттырып, жылу шығынын азайтуға мүмкіндік берді.2025 жылы тағы 8,1 км жылу желілерін ауқымды түрде жаңарту жоспарланған. Нақтырақ айтқанда, жұмыс Майлин көшесінде – Наманганская көшесінен Монтажная көшесіне дейін жүргізіледі. Сондай-ақ, жаңғырту жұмыстары Сейфуллин даңғылы бойында – Ақан сері көшесінен Котельников көшесіне дейінгі аралықты қамтиды. Жұмыстар кезең-кезеңімен жүргізіледі, тұрғындарға қолайсыздықты барынша азайту қарастырылған.Айта кетейік, жылу желілерін жаңарту Алматы қаласындағы инженерлік инфрақұрылымды жаңғырту бойынша жүзеге асырылып жатқан ауқымды бағдарламаның бір бөлігі.Ақпарат көзі : https://www.gov.kz/memleket/entities/almaty/press/news/details/973613?lang=kk

Қызылорда қаласының сол жағалауында облыс әкімі Нұрлыбек Нәлібаевтың қатысуымен "Қазақстан халқына" қоғамдық қорының қолдауымен бой көтеретін дене шынықтыру-сауықтыру кешенінің іргетасы қаланып, капсуласы салынды. Рәсімге «Қазақстан халқына» қоғамдық қорының басқарма төрайымы Ләззат Шыңғысбаева, қала әкімі, жауапты сала басшылары, тұрғындар қатысты. Жалпы ауданы 3300 шаршы метрлік ғимарат құрылысына жауапты бас мердігер «РиА Сервис ЛТД», техникалық қадағалаушы «Құрылыс контроль» серіктестіктері нысанды қыркүйек айында пайдалануға беруді жоспарлаған.Мұнда тұрғындар дене шынықтырып, спорт резерві даярланады және жоғары білікті спортшылардың оқу-жаттығу процесі ұйымдастырылады. Кешеннің басты ерекшелігі – мүгедектігі бар азаматтарға қолайлы жағдай жасалатындығында. Жобаның мақсаты – тек дене шынықтыру мен сауықтыру ғана емес, тұрғындар, соның ішінде мүмкіндігі шектеулі адамдар үшін де қолжетімді әрі инклюзивті орта қалыптастыру.Ақпарат көзі : https://www.gov.kz/memleket/entities/kyzylorda/press/news/details/973611?lang=kk

Түрксіб ауданының тұрғындарымен кездесу барысында Алматы әкімі Ерболат Досаев аудандағы ескі тұрғын үйлерді реновациялау бойынша жүргізіліп жатқан жұмыстар туралы айтып берді.Бүгінде Алматыда 1 366 ескі үй бар, оның 40% - дан астамы Түрксіб ауданында орналасқан.«Өткен жылы Кассин және Сауранбаев көшелерінде 13 жаңа көппәтерлі тұрғын үйдің құрылысы аяқталды. Алтай - 2 шағын ауданында 6 бұзылған үйдің орнына тоғыз қабатты 3 үйдің құрылысы жүргізілуде. Сондай-ақ Сауранбаев көшесінде 3 үйді бұзу жоспарланып отыр, одан кейін 8 жаңа көппәтерлі тұрғын үй салынады», - деді Ерболат Досаев.Естеріңізге сала кетейік, қала әкімдігі 2030 жылға дейін тұрғын үйді реновациялаудың жаңа бағдарламасын әзірлеген еді. Бағдарламада 676 ескі үйді реновациялау қарастырылған. Тектоникалық ақауларда орналасқан қаңқалы-қамысты үйлер мен ғимараттарды бұзуға баса назар аударылады.Бағдарламаның негізгі қағидаты-құрылысты тоқсандық жүргізу. Ғимараттарды көшіру және бұзу барлық ескі тұрғын үй иелерінің келісімімен ғана жүзеге асырылатын болады. Бұл ретте меншік иелеріне «бөлме үшін бөлме» қағидаты бойынша айырбастау немесе нарықтық құны бойынша ақшалай өтемақы алу мүмкіндігі беріледі.Ақпарат көзі : https://www.gov.kz/memleket/entities/almaty/press/news/details/973608?lang=kk

Таза Қазақстан – таза ауыл! Бүгін Құйған ауылдық округінде "Таза Қазақстан" жобасы аясында кең ауқымды сенбілік өтті. Іс-шараға мекеме қызметкерлері мен ауыл тұрғындары белсенді қатысып, туған жерімізді таза ұстауға өз үлестерін қосты.Ауламыздың, көшелеріміздің және жалпы қоршаған ортаның тазалығы – баршамыздың ортақ міндетіміз. Осындай игі істер арқылы біз табиғатымызды аялауға, экологиялық мәдениетті қалыптастыруға үлес қосамыз.Барша қатысушыларға алғыс білдіреміз! Бірге таза әрі көркем ауыл үшін!Ақпарат көзі : https://www.gov.kz/memleket/entities/vko-tarbagatay-kuigan/press/news/details/973580?lang=kk

Өңірде облыс мектептерінің білім беру қызметіне лицензияларды қайта ресімдеу рәсімі жалғасуда. Бүгінгі таңда 60 білім беру ұйымының лицензиясы қайта ресімделді.2025 жылғы 8-9 сәуірде білім беру қызметін лицензиялау бөлімінің мамандары Павлодар және Екібастұз қалаларының, Железин, Шарбақты аудандарының және Аққулы ауданының мектеп басшыларымен онлайн режимінде кеңес өткізді.ҚР Оқу-ағарту министрінің 2022 жылғы 30 қарашадағы №483 бұйрығымен бекітілген «Бастауыш, негізгі орта, жалпы орта, техникалық және кәсіптік, орта білімнен кейінгі білім беру, діни білім беру, кәмелетке толмағандарға білім беру-сауықтыру қызметтері саласында білім беру қызметімен айналысуға лицензия беру» мемлекеттік қызметін көрсету қағидаларын қолданысқа енгізілуіне байланысты кеңес қатысушыларына лицензиялар мен лицензияға қосымшаларды қайта ресімдеудің алгоритмі мен тетігі бойынша түсініктемелер берілді.Ақпарат көзі : https://www.gov.kz/memleket/entities/control-pavlodar/press/news/details/973515?lang=kk

“Таза Қазақстан” акциясы еліміздің барлық аймақтарын қамтыған нағыз халықтық қозғалысқа айналды. Осыған орай Амангелді аудандық маслихатының төрағасы Н.Б. Альмагамбетов аудандық маслихатының аппарат қызметкерлерімен бірге аудан көлеміндегі атқарылып жатырған тазалық жұмыстарына үнемі ат- салысып келеді. Қазақстан біздің ортақ үйіміз, бұл іске барлық үлкенді- кішілі азаматтар өз үлесін қосып жатыр. Тәуелсіз еліміздің тұғыры биіктей берсін!Ақпарат көзі : https://www.gov.kz/memleket/entities/maslihat-amangeldi/press/news/details/973499?lang=kk

Қайратбек Сембіұлы Бершімбеков — еңбексүйгіштік, табандылық және туған жерге деген шексіз махаббатпен тығыз байланысты есім.Ол 1961 жылы Талдықорған облысы, Покатиловка ауылында дүниеге келген. Мектепті тәмамдағаннан кейін Талғар ауыл шаруашылығы техникумына түсіп, агроном мамандығын иеленді. Еңбек жолын «Қызыл Октябрь» совхозында агроном болып бастады. Екі жылдан кейін көкөніс шаруашылығы бригадасының бригадирінің көмекшісі қызметіне көтерілді, ал 1987 жылы «Көкөніс өсіруші» кооперативінің төрағасы болып тағайындалды.1999 жылдан бастап ол «Арлан» шаруа қожалығын басқарып келеді. Қожалық егін және мал шаруашылығын қатар дамытып, екі бағытта да елеулі табыстарға қол жеткізді. Әсіресе, асыл тұқымды мал өсіруге ерекше көңіл бөледі — шаруашылықта қазақтың ақбас ірі қара тұқымы өсіріледі.Қайратбек Сембіұлы Германия мен АҚШ елдерінде оқып, тәжірибеден өтіп, заманауи аграрлық технологиялар мен басқару тәсілдерін меңгерді. Шетелдік тәжірибені шаруашылығында сәтті қолданып, өндірістің тиімділігін арттырып, бизнестің тұрақтылығын қамтамасыз етті.Отбасы — әрқашан оның басты тірегі. Жұбайымен бірге екі бала тәрбиелеп өсірді, бүгінде олар немере сүйіп, ардақты ата мен әже ретінде өмірден ләззат алып отыр.Қайратбек Сембіұлы ауылдастары мен әріптестері арасында зор құрметке ие. Оның адал еңбегімен, кәсібіне деген шынайы сүйіспеншілігімен, туған жерге деген жанашырлығымен өрілген өмір жолы — жас ұрпаққа үлгі, шынайы еңбек құндылықтарына сенетін әрбір жанға бағыт-бағдар.Ақпарат көзі : https://www.gov.kz/memleket/entities/moa/press/news/details/973491?lang=kk

Қала әкімі Алмат Акышов «Үлбі» әлеуметтік қолдау орталығымен танысты. Бұл орталықта аутизм спектрі бұзылыстары мен ақыл-ой дамуында ерекшеліктері бар балаларға жартылай стационар жағдайында арнаулы әлеуметтік қызметтер көрсетіледі.«Орталықтың ұжымымен, медицина және педагогика саласының мамандарымен, сондай-ақ қызмет алушылармен кездестім. Жұмыс процесінің ерекшеліктері, даму жоспарлары және мамандар күнделікті бетпе-бет келетін мәселелер талқыланды», — деді қала әкімі.Ол ғимараттың жағдайымен толық танысты — кіреберіс залдан бастап арнайы жабдықталған кабинеттерге дейін аралап шықтым. Барлығы балалардың қажеттіліктеріне бейімделіп, ұқыпты ұйымдастырылған: жайлы киім ілетін бөлме, сенсорлық және тұзды бөлмелер, интерактивті және жұмсақ бөлмелер, арт-терапия және музыка терапиясы кабинеттері, емдік дене шынықтыру залы, ас үй және оқу-әдістемелік блок бар. Сондай-ақ тігін, ағаш өңдеу және қыш шеберханалары, әлеуметтік-тұрмыстық дағдыларды үйретуге арналған кабинеттер жұмыс істейді.Орталықтағы маңызды рөлді кәсіби мамандар атқарады: дефектологтар, логопедтер, психологтар, АВА-терапевтер, эрготерапевт, педиатр, массажшы және еңбек терапиясы бойынша нұсқаушылар. Ерте араласу бағытына ерекше көңіл бөлінген — бұл бағытта тар бейінді мамандар жұмыс істейді.Жеке және топтық сабақтарға арналған кабинеттер орталықта барынша дараланған тәсілді қамтамасыз етуге мүмкіндік береді. Мекеме екі ауысымда 130 балаға дейін қабылдай алады. Қызметкерлер саны – 50 адам.Ақпарат көзі : https://www.gov.kz/memleket/entities/vko-oskemen/press/news/details/973479?lang=kk

Өңірге екі күндік сапармен келген Премьер-Министрдің кеңесшісі Ералы Тоғжанов бастаған мамандар тобы су тасқыны жағдайын бағалап, облыста жүргізіліп жатқан жұмыстарды тексерді.Комиссия мүшелері, жергілікті билік пен құтқару қызметтерінің өкілдері Алтай ауданының Зубовка және Малеевск ауылдарында, сондай-ақ Шемонаиха ауданында қауіпсіздікті қамтамасыз ету жөніндегі алдын алу шараларының барысымен танысты. Қар деңгейі мен мұздың ағуы талданды."Шығыс Қазақстанда өткізілген сенбіліктер мен су тасқынына қарсы іс-шаралар жергілікті тұрғындардың өз үйлерінің аулаларын таза ұстауына және уақытылы қауіпсіздік шараларын қолдануына үлкен әсер етті. Өңірде бұл бағытта ауқымды жұмыс жүргізілді",-деп Премьер-Министрдің кеңесшісі Ералы Тоғжанов атап өтті.Жергілікті атқарушы органдар: "Бүгінгі таңда облыс бойынша барлығы 107 су тасқынына қарсы іс-шаралар жүзеге асырылды. Атап айтқанда, 16 учаскеде мұзды жару бойынша жұмыстар ұйымдастырылды, 386 мың текше метр қар шығарылды, 4 853 су өткізу құрылымы, 493 арық, 112 канал тазартылды, 437 көпір жөнделді".Өз кезегінде ТЖД бастығы Рашид Блялов ТЖМ құтқарушылары мен азаматтық қорғау қызметтерінің су тасқыны кезеңінің түрлі сценарийлеріне дайындығы, құлақтандыруға және эвакуациялауға, қабылдау пункттерінде уақтылы ұйымдастырылған орналастыруға және халықтың бірінші кезектегі тіршілігін қамтамасыз етуге дайындығы туралы хабарлады.Мониторинг нәтижелері бойынша комиссия мүшелері жауапты қызметтердің үйлесімді жұмысын атап өтті, су тасқынының алдын алу бойынша іс-шаралар ауқымды және жүйелі жүргізілуде.Мониторинг нәтижелері бойынша комиссия мүшелері жауапты қызметтердің үйлесімді жұмысын атап өтті, су тасқынының алдын алу бойынша іс-шаралар ауқымды және жүйелі жүргізілуде.Ақпарат көзі : https://www.gov.kz/memleket/entities/emer-vko/press/news/details/973436?lang=kk

Қарқара  ауылдық округінде  тал терек шырша егу жұмыстары жүргізілдіАқпарат көзі : https://www.gov.kz/memleket/entities/kegen-karkara/press/news/details/973410?lang=kk

ҚР Президентінің тапсырмасы бойынша гранттарды Білім және ғылым министрлігі бөлген еді. Бұл гранттар көпбалалы отбасылар мен атаулы әлеуметтік көмек алатындар санатындағы мектеп түлектеріне ғана беріледі.Білім грантын алу жөніндегі байқауға қатысу үшін құжаттарды Алматы қаласындағы таңдаған оқу орындарының қабылдау комиссияларына өткізу қажет.Білім грантын иеленгендердің тізімі жергілікті бұқаралық ақпарат құралдарында және Алматы қаласы Білім басқармасының интернет-ресурсында жарияланады.ЖОО-ның және мамандықтардың тізіміАқпарат көзі : https://www.gov.kz/memleket/entities/almaty/press/news/details/23566?lang=kk

Өскемен қаласындағы Б. Александров атындағы спорт сарайында мәнерлеп сырғанаудан Қазақстан Республикасының VI қысқы Спартакиадасы өтіп жатыр.Төрт жылда бір рет ұйымдастырылатын Спартакиадаға елдің 7 облысы мен 3 қаласынан 72 атлет қатысуда.Доданың басты мақсаты – спортшыларды халықаралық жарыстарға даярлау, Олимпиада алдында Ұлттық құрамаға іріктеу жүргізіп, жаңа команда жасақтау.«Әрине, бұл жарыстың басты мақсаттарының бірі - өңірлердегі мәнерлеп сырғанаудың даму деңгейін анықтау, бағалау, талантты спортшылардың көзге түсуіне жағдай жасау. Сондай-ақ қатысушылар арасында әлемдік ареналарда ел намысын қорғап жүрген Софья Самоделкина, Диас Жиренбаев, София Фарафонова да өнер көрсетеді. Барлығына сәттілік тілеймін!», - деді команда басшысы Айза Мамбекова.Айта кетейік, аталмыш Спартакиада 11-ші сәуірде аяқталады.Ақпарат көзі : https://www.gov.kz/memleket/entities/sport/press/news/details/973370?lang=kk

Өз аулаңызды абаттандыруды қолдағыңыз келе ме немесе басқа бір ұнаған жобаны дауыс бергіңіз келсе төмендегі нұсқаулықты қолдансаңыз болады. «Сарыарқа» ауданы әкімі аппаратының ресми сайтына saryarka.astana.kz кіріп, тіркелу қажет. Дауыс беру тәртібі: Сарыарқа ауданы әкімдігінің сайтына кіріңізОң жақ жоғарғы бұрыштан «Кіру» батырмасын басыңызЭЦҚ сертификатын немесе өзіңізге ыңғайлы басқа тәсілді таңдаңыз«Маңызды» → «Халық қатысатын бюджет – 2025» бөліміне өтіңізҰнаған жобаға «Дауыс беру» батырмасын басыңыз Маңызды: Дауыс беруге тек Сарыарқа ауданының тұрғындары қатыса алады (тұрақты немесе уақытша тіркеуі бар) 1 адам = 1 дауысДауыс беру 2025 жылғы 24 сәуірге дейін жалғасадыАқпарат көзі : https://www.gov.kz/memleket/entities/astana-saryarka/press/news/details/973369?lang=kk

20.02.2025жылы Тұйық ауылдық әкімшілік ғимаратында Әкімшілік қызметкерлері және Темірлік орманшылығы мен бірлесе отырып  ауыл тұрғындарына және шаруақожалық төрағаларына өрт қауіпсіздігінің алдын алу жөнінде түсіндірме жұмыстары жүргізілді.Ақпарат көзі : https://www.gov.kz/memleket/entities/kegen-tuiyk/press/news/details/996322?lang=kk

Шағын отбасылық жатақханадағы (Бұланты көшесі, 4) өрт салдарынан тұрғындар уақытша орналастыру пунктіне жеткізілді. Кешке олар қонақүйлерге көшіріледі. Жатақхана апатты деп танылып, 2025 жылы бұзу бағдарламасына енгізілгендіктен, тұрғындар осы апта ішінде жаңа пәтерлерге көшіріледі. Олар азық-түлікпен және қажетті заттармен қамтамасыз етілген, қаражат және қажетті заттар жинаудың қажеті жоқ. Жағдайға бей-жай қарамай, алаңдаушылық білдірген жандарға алғыс айтамыз.Ақпарат көзі : https://www.gov.kz/memleket/entities/astana-saryarka/press/news/details/973360?lang=kk

Әлеуметтік желілерде 10 сәуірге дейін жүргізуші куәлігін ауыстыру қажет екені, осы күннен кейін куәлікті ауыстыру үшін теориялық емтихан тапсыру қажет болатыны туралы ақпарат таралуда. Ішкі істер министрлігі бұл ақпараттың шындыққа сәйкес келмейтінін ресми түрде мәлімдейді.- Жүргізуші куәліктерін беру және емтихандарды қабылдау қағидаларына сәйкес жүргізуші куәлігін ауыстыру үшін азаматтан келесі құжаттар талап етіледі:жеке басын куәландыратын құжат немесе цифрлық құжаттар сервисі арқылы ұсынылатын электрондық құжаттар;мемлекеттік баж салығының төленгенін растайтын құжат. Куәліктің қолданылу мерзімі өткен жағдайда қосымша медициналық анықтама қажет.Жүргізуші куәлігін ауыстыру кезінде жол жүру ережелері бойынша емтихан тапсыру талап етілмейді.Сонымен қатар көрінеу жалған ақпарат тарату ҚР заңнамасына сай жауапкершілікке әкеп соғатындығы туралы ескертеміз, - деді ІІМ әкімішілік полиция комитетінің ерекше тапсырмалар жөніндегі аға инспекторы Арай Төлегенқызы.Ақпарат көзі : https://www.gov.kz/memleket/entities/qriim/press/news/details/973359?lang=kk

✔️Бүгін (09.04.2025 ж.) Бостандық ауданы әкімі Санжар Алинның жеке қабылдауы өтті.Қабылдауда коммуналдық және әлеуметтік мәселелер, ауданды абаттандыру мәселелері көтерілді. Оларға бөлім басшылары түсіндірмелер мен ағымдағы жауаптар берді.Жеке қабылдау апта сайын әр сәрсенбі күні, сағат 10:00-де өтеді. Жеке қабылдауға жазылу - 275-43-80 нөмірі бойынша жүргізіледі.Ақпарат көзі : https://www.gov.kz/memleket/entities/almaty-bostandyk/press/news/details/973351?lang=kk