Қазіргі уақытта  2025 жылға бекітілген  ветеринариялық іс-шаралар жоспарына сәйкес Қостанай облысының аудандық және қалалық Ветеринариялық станцияларының ветеринарлары ауыл шаруашылығы жануарларының барлық түрлеріне ветеринариялық профилактикалық іс-шараларды (диагностикалық және аллергиялық зерттеулер, вакцинациялау) жүргізу бойынша белсенді жұмыс жүргізіледі.Ауыл шаруашылығы жануарларын бiрдейлендiру жөнiндегi деректер базасын қалыптастыру және жүргізу және одан үзінді көшірмелер беру туралы ветеринариялық іс-шаралар (профилактикалық вакциналау, аллергиялық, диагностикалық зерттеулер, жануарларды бірдейлендіру) бойынша мәліметтерді дерекқорға енгізу олар жүргізілген күннен бастап 5 (бес) жұмыс күнінен кешіктірілмей жүргізіледі.Дерекқорға аллергиялық зерттеулердің нәтижелері туралы мәліметтерді енгізу аллергиялық зерттеулер оқылған күннен бастап 5 (бес) жұмыс күні ішінде жүргізіледі.Дерекқорға диагностикалық зерттеулердің нәтижелері туралы мәліметтерді енгізу диагностикалық зерттеулердің нәтижелері алынған күннен бастап 1 (бір) жұмыс күні ішінде жүргізіледі.Барлық мәліметтерді енгізудің, түзетудің, өзектендірудің барлық тарихы АШЖБ деректер базасында және ветеринариялық паспортта сақталады. Жүргізілген ветеринариялық іс-шаралар туралы деректер ветеринариялық анықтаманы беру кезінде көрсетіледі.Ақпарат көзі : https://www.gov.kz/memleket/entities/kostanai-veterinariya/press/news/details/960626?lang=kk

ҚР Цифрлық даму, инновациялар және аэроғарыш өнеркәсібі министрлігі мен Қазақстан Республикасындағы Біріккен Ұлттар Ұйымының Даму бағдарламасы (бұдан әрі - БҰҰДБ) бірлескен жобасы шеңберінде 2025 жылғы 15 наурызда «SimulTrain» симуляциялық ойыны негізінде жобалық басқару бойынша тренинг өткізілді.«SimulTrain» интерактивті компьютерлік ойыны қауіпсіз және динамикалық ортадағы нақты жағдайларды модельдеу арқылы жобалар мен бағдарламаларды басқару бойынша оқытудың инновациялық әдісі болып табылады. Модельдеу барысында қатысушылар уақыт, ресурстар және қаржы бойынша шешімдер қабылдады және жобалар мен бағдарламаларды басқарудың тиімділігін арттыруға ықпал ететін жоспарлау, тәуекелдерді басқару, ресурстарды тиімді бөлу және коммуникация дағдыларын дамытуға мүмкіндік беретін шешімдерінің салдарын бағалай алды.Іс-шараға қатысушыларға Қазақстан Республикасы Цифрлық даму, инновациялар және аэроғарыш өнеркәсібі министрлігінің Бірінші вице-министрі Қ А. Төлеушин және БҰҰДБ Қазақстандағы Тұрақты өкілінің орынбасары          С.Ф. Ходжиматов құттықтау сөз сөйледі.Тренингке 45-ке жуық адам, оның ішінде саяси мемлекеттік қызметшілер, сондай-ақ Президент Әкімшілігінің, Үкімет Аппаратының, орталық мемлекеттік органдар мен әкімдіктердің қызметкерлері қатысты.Анықтамалық:«SimulTrain» симуляциялық ойынының серіктестері IPMA (International project management association), KPMA (Kazakhstan project management association), IPM2 (International project management masters) сияқты ұйымдар болып табылады.   Ақпарат көзі : https://www.gov.kz/memleket/entities/mdai/press/news/details/960598?lang=kk

Қазақ сәулет және құрылыс ғылыми-зерттеу және жобалау институты ("ҚазҚСҒЗИ" АҚ) және «The Japan Society of Seismic Isolation» (JSSI) бірлесіп ғылыми-зерттеу жобаларын жүргізу туралы келісті.Келісімге жапон сейсмикалық оқшаулау қоғамының (JSSI) президенті, профессор Акира Вада (AkiraWada) және "ҚазҚСҒЗИ" АҚ бас директоры Бегман Құлбаев өз қолдарын қойды. Меморандум ғылыми-зерттеу жұмыстарын негіздеу және орындау үшін бірлескен уақытша ғылыми ұжымдар қалыптастыруды, сейсмикаға төзімді құрылыс саласында практикалық жұмыстарды орындау үшін Қазақстан мен Жапониядан келген ғалымдар мен мамандарды тартуды көздейді. Ынтымақтастықтың аясында бірлескен білім беру бағдарламаларын әзірлеу және іске асыру, өзара ортақ мүдделерді ұсынатын ғылыми және ғылыми-әдістемелік конференцияларды, семинарларды, "дөңгелек үстелдерді", кездесулерді және көрмелерді өткізу ұйғарылып отыр. "2018 жылы Алматы қаласында «The Japan Society of SeismicIsolation» (JSSI) қатысуымен "Сейсмикаға төзімді құрылыс технологиялары" Халықаралық семинары өткен болатын. Семинарда қазақстандық және жапондық мамандар сейсмикалық оқшаулағыш конструкцияларды қолданудың тәжірибесімен алмасты. ҚазҚСҒЗИ-дың сейсмикаға төзімді құрылыс саласында үлкен тәжірибесі бар, ал біздің мамандарымыз сейсмикалық оқшаулағыш жүйелердің авторлық әзірлемелеріне ие, сондықтан жапондық әріптестеріміз ынтымақтастықты жалғастыруға мүдделі болды. Келіссөздердің қорытындылары бойынша біздің елдеріміздің сейсмикаға төзімді құрылысын дамыту саласында күштерімізді біріктіру шешімі қабылданды",- деп түсіндірді "ҚазҚСҒЗИ" АҚ бас директоры Бегман Құлбаев.«ҚазҚСҒЗИ» АҚ – Қазақстандағы инженерлік-геологиялық жағдайлары өте күрделі аудандарды және сейсмикалық қауіпті өңірлерді қосқанда Қазақстанның құрылыс саласын дамыту саласындағы жалғыз мемлекеттік ғылыми-зерттеу және жобалау институты. Институт 1931 жылдың 7 қыркүйегінде құрылған. Қазақстанның құрылыс нарығында 85 жыл тәжірибесі бар. «ҚазҚСҒЗИ» АҚ Жалғыз Акционері Қазақстан Республикасының Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті болып табылады.The Japan Society of Seismic Isolation» (JSSI) - Жапон сейсмикалық оқшаулау қоғамының негізі 1993 жылы құрылған, негізгі мақсаты - аса қауіпсіз және жоғары сапалы ғимараттардың құрылысына ықпал ете отырып, сейсмикалық оқшаулауға жәрдемдесу.Ақпарат көзі : https://www.gov.kz/memleket/entities/kds/press/news/details/10756?lang=kk

Сыбайлас жемқорлық-жауапты мемлекеттік лауазымды атқаратын адамдардың, мемлекеттік функцияларды орындауға уәкілеттік берілген адамдардың, мемлекеттік функцияларды орындауға уәкілеттік берілген адамдарға теңестірілген адамдардың, лауазымды адамдардың өздерінің лауазымдық (қызметтік) өкілеттіктерін және олармен байланысты мүмкіндіктерді жеке өзі немесе делдалдар арқылы мүліктік (мүліктік емес) игіліктер мен артықшылықтар алу немесе алу мақсатында заңсыз пайдалануы өзі үшін не үшінші тұлғалар үшін, сол сияқты осы тұлғаларға игіліктер мен артықшылықтар беру арқылы пара беру.МҰНЫ БІЛУ МАҢЫЗДЫ!Қылмыстар туралы ауызша хабарламалар мен жазбаша өтініштер құқық қорғау органдарында қылмыстың жасалған орны мен уақытына қарамастан тәулік бойы қабылданады.Кезекші бөлімде сіз хабарламаны ауызша немесе жазбаша түрде тыңдауға және қабылдауға міндеттісіз. Бұл жағдайда сіз хабарламаны қабылдаған қызметкердің тегі, лауазымы және жұмыс телефоны туралы сұрауыңыз керек.Сіз өзіңіздің өтінішіңіздің көшірмесін оны құқық қорғау органында тіркеу туралы белгімен немесе хабарламаны қабылдаған қызметкер туралы мәліметтерді және оның қолын, тіркеу нөмірін, құқық қорғау органының атауын, мекенжайы мен телефонын, хабарламаның қабылданған күнін көрсететін талон-хабарламаны алуға құқығыңыз бар.Құқық қорғау органында Сізден алынған хабарлама (өтініш) Қазақстан Республикасы заңнамасының талаптарына сәйкес процестік әрекеттерді жүзеге асыру үшін дереу тіркеліп, жоғары тұрған басшыға баяндалуы тиіс.Сіздің құқықтарыңыз бен заңды мүдделеріңізге қатысты мәселелер бойынша неғұрлым толық ақпарат алу үшін сізді тиісті бөлімше басшысының қабылдауын талап ету үшін қабылданатын шаралардың сипаты туралы өтінішіңізді орындаумен айналысу тапсырылған құқық қорғау органынан білуге құқығыңыз бар.Сізден пара беру туралы хабарламаны (өтінішті) қабылдаудан бас тартқан жағдайда, сіз осы заңсыз әрекеттерге жоғары тұрған сатыларда шағымдануға, сондай-ақ құқық қорғау органдары мен күш құрылымдарының қызметіне прокурорлық қадағалауды жүзеге асыратын жоғары тұрған органға құқық қорғау органдары қызметкерлерінің заңсыз әрекеттеріне шағым беруге құқығыңыз бар.Тегін кеңес 1424Ақпарат көзі : https://www.gov.kz/memleket/entities/kostanai-zhitikarin-chaikovskaia/press/news/details/967547?lang=kk

Құрметті Аққайың ауданының тұрғындары! «Жер сағаты» акциясына қосылыңыздар!📅 2025 жылғы 22 наурыз⏰ 20:30-21:30🌍 Жарықты өшіріңіз – планетаға қамқорлық танытыңыз!«Таза Қазақстан» салтанатты шарасына дайындық аясында баршаңызды халықаралық экологиялық «Жер сағаты» акциясына қатысуға шақырамыз. Бүкіл әлем бойынша миллиондаған адамдар жарық пен электр құралдарын бір сағатқа өшіру арқылы климаттың өзгеруі мен ресурстарды ұтымды пайдаланудың маңыздылығына назар аударады.Акцияны қалай қолдауға болады?✔ Үйіңізде және кеңсеңізде жарық пен тұрмыстық электр құрылғыларын бір сағатқа өшіріңіз.✔ Достарыңыз бен жақындарыңызды қатысуға шақырыңыз.✔ Әлеуметтік желілерде суреттер мен оқиғалармен бөлісіңіз, #ТазаҚазақстан #ЖерСағаты хэштегтерін қолданыңыз.Сондай-ақ, бүкіл ел бойынша маңызды ғимараттар мен сәулет нысандары табиғатты қорғау белгісі ретінде бір сағатқа жарықтарын сөндіреді.Планетамыздың болашағы – біздің қолымызда! Экологиялық саналы болашаққа бірге қадам жасайық!Ақпарат көзі : https://www.gov.kz/memleket/entities/sko-akkayiyn/press/news/details/960577?lang=kk

Қаржы министрлігі Ішкі мемлекеттік аудит комитеті (ІМАК) бухгалтерлерді кәсіби сертификаттау жөніндегі ұйымдардың (БКСҰ) қызметінде заң талаптарының сақталуына мемлекеттік бақылауды жүзеге асырады.Бұл ретте бақылау жұмыстары алдын алу сипатында, яғни профилактикалық бақылау ретінде жүргізілетінін атап өткен жөн. Процедуралар ҚР Кәсіпкерлік кодексімен реттеледі.Қазіргі уақытта елімізде 20 БКСҰ тіркелген.Көбінесе бухгалтерлерді кәсіби сертификаттау жөніндегі ұйымдар тарапынан келесі кемшіліктер анықталған:есептілікті ұсыну мерзімдерінің сақталмауы;емтихан комиссиясының құрамына қойылатын талаптардың бұзылуы;кәсіби бухгалтер сертификаттарын беру рәсімдерінің орындалмауы.Сондай-ақ, кейбір БКСҰ біліктілікке үміткерлердің жеке істерін талапқа сай жүргізбей, тиісті түрде сақтамаған. Кей жағдайларда емтихандардың бейнетіркеуі, сондай-ақ бейнематериалдарды жазу және сақтау құралдары болмаған. Емтихандарға тәуелсіз бақылаушылардың қатысуы сирек кездескен.Комитет БКСҰ-ға нормативтік талаптардың сақталуын бақылауды күшейту және сертификаттау процесін ұйымдастыруды жақсарту қажеттілігіне байланысты ұсынымдар мен нұсқаулармен нұсқама жолдады.Осы орайда «Бухгалтерлік есеп және қаржылық есептілік туралы» Заңының 1-бабында кәсіби бухгалтер – кәсіби ұйымның мүшесі болып саналатын, тиісті сертификаты бар (кәсіби бухгалтер) жеке тұлға екені белгіленген.Осыған байланысты ІМАК үміткерлерге кәсіби бухгалтердің біліктілік құжатын алғаннан кейін Қазақстан аумағында жұмыс істейтін бухгалтерлердің кәсіби ұйымдарына мүшелікке кіруді ұсынады.  Ақпарат көзі : https://www.gov.kz/memleket/entities/kvga/press/news/details/960571?lang=kk

Қолжазбалар және сирек кітаптар ұлттық орталығында Жеңістің 80 жылдығына және Кеңес Одағының Батыры, даңқты қолбасшы, жазушы Бауыржан Момышұлының 115 жылдық мерейтойына орай «Бауыржан Момышұлы – аты аңызға айналған қолбасшы» атты көрме өтті.Көрмеде Бауыржан Момышұлының жеке күнделігі, 1955-1956 жылдары Калинин қаласында пайдаланған қойын дәптері, соғыс кезіндегі қолданған жеке картасы, портреті, фото-суреттері, қаһармандық ерлігі туралы жазылған көркем туындылар мен Ұлы Отан соғысы жайлы тарихи кітаптар қойылды.Іс-шараға Қазақстан Республикасы Қарулы Күштері Ұлттық әскери-патриоттық орталығының өкілдері, Ұлттық ұлан ардагерлер кеңесінің мүшелері, Кеңес Одағының Батыры, Халық Қаһарманы, армия генералы С.Қ. Нұрмағамбетов атындағы Әскери колледжінің жас ұландары, студенттер мен архив қызметкерлері, тарихшы, ғалымдар қатысты. ҚР Мәдениет және ақпарат министрлігінің баспасөз қызметіАқпарат көзі : https://www.gov.kz/memleket/entities/mam/press/news/details/960539?lang=kk

Қазақстан Республикасы Мемлекеттік қызмет істері агенттігінің Жетісу облысы бойынша департаментінің негізгі басты бағыттарының бірі көрсетілетін мемлекеттік қызметтердің сапасын арттыру және де халыққа сапалы қызмет көрсетуді бақылау болып табылады.Осыған орай, Департаментпен мемлекеттік қызметтер көрсету барысында заңдылықтын сақталуының қамтамасыз ету мақсатында облыс көлеміндегі аудандардың және қалалардың білім бөлімдерімен, аудан, қала, ауыл мектептерімен және балабақшаларымен көрсетілетін мемлекеттік қызметтерге қашықтықтан байқау жүргізіліп, қызмет берушілер тарапынан бірқатар заң бұзушылықтарға жол берілгендігі анықталды.Мәселен, Департаментпен Ақсу, Сарқан, және Көксу аудандарының, Текелі және Талдықорған қалаларының білім бөлімдері, мектептері мен балабақшалары көрсетілетін мемлекеттік қызметтің тәртібін бұза отырып, яғни қызмет алушылардың өтініштерін уақытылы тіркелмеу түріндегі 57 факті анықталды.Нәтижесінде, Департаментпен Жетісу облысы Білім басқармасына заңдылықтын бұзылуына әкеп соққан себептерді және оның салдарын жою туралы тиісті ұсыным енгізіліп, 57 қызмет алушылардың өтініштерін тіркеу арқылы құқықтары қалпына келтірілді.Қазақстан Республикасы Мемлекеттік қызмет істері агенттігінің Жетісу облысы бойынша Департаментінің басшысы, Әдеп жөніндегі кеңес төрағасы Қ.Т. МанапАқпарат көзі : https://www.gov.kz/memleket/entities/zhetysu-karatal-ushtobe/press/news/details/961632?lang=kk

Қалалық  мәслихаттың VIII  шақырылған депутаттарының   кезектен тыс   ХXVI  сессиясы  2025 жылдың  31 наурызында   сағат 15.00- де  онлайн трансляциялау арқылы қалалық мәслихаттың  мәжіліс залында өтедіСессия күн тәртібінде:  1 «Приозерск қалалық мәслихатының 2024 жылғы 20 желтоқсандағы 24/180 «Приозерск қаласының 2025- 2027 жылдарға арналған бюджет  туралы» шешіміне өзгерістер енгізу туралы» (баяндаушы: экономика және қаржы бөлімінің басшысы Шәмшатов А.С).Қалалық мәслихат төрағасы                                                                             А.Исатаев  Ақпарат көзі : https://www.gov.kz/memleket/entities/maslihat-karaganda-priozersk/press/news/details/960525?lang=kk

Сыбайлас жемқорлық – елдің дамуын тежейтін, мемлекет тұтастығына зиян келтіретін күрделі мәселе. Қоғамда бұл індетке қарсы қауқарлы күрес жүргізу – әрбір азаматтың борышы. Әсіресе, жастардың бойында адалдық, заң талаптарын құрметтеу сияқты құндылықтарды қалыптастыру өте маңызды. Ел болашағы – әділдік пен тазалықта екенін ұғындыру үшін жан-жақты түсіндіру жұмыстарын күшейтуіміз қажет.Бүгінде ақпараттық технологиялар қарқынды дамып, ғаламтор адам өмірінің ажырамас бөлігіне айналды. Осы мүмкіндіктерді тиімді пайдалану арқылы жемқорлыққа қарсы күресті күшейте аламыз. Әлеуметтік желілер, бейнероликтер, қоғамдық іс-шаралар мен мәдени бағдарламалар арқылы жастарға адал еңбектің маңыздылығын жеткізуіміз керек. Сонымен қатар, сыбайлас жемқорлықтың заң алдындағы жауапкершілігі ауыр екенін түсіндіру де басты міндет.Жемқорлық – тек құқық бұзушылық емес, ол адамгершілікке, ұлттық болмысымызға сын. Бұл құбылысқа мүлде төзбеушілік мәдениетін қалыптастыру үшін құқықтық сауаттылықты арттыру аса маңызды. Көп жағдайда азаматтар заңды білмегендіктен немесе оның салдарын түсінбегендіктен жемқорлыққа бейсаналы түрде араласып кетеді. Сондықтан қоғамда құқықтық білім мен жауапкершілік деңгейін көтеру басты назарда болуы тиіс.Аға буын өкілдері жастарға дұрыс бағыт-бағдар беріп, оларға әділетті қоғам құру жолында үлгі бола білуі қажет. Керісінше, олардың жолын кес-кестемей, адалдықтың артықшылығын көрсетуіміз қажет. Қазіргі заман технологиялары жемқорлыққа қарсы күреске үлкен мүмкіндік береді. Ақпараттық құралдар мен сандық технологияларды пайдалану арқылы алдын алу шараларын күшейтуіміз қажет.Жемқорлық – ең ауыр кеселдің бірі. Қоғамда бұл дертке қарсы төзбеушілік мәдениетін қалыптастыру арқылы ғана біз әділ әрі дамыған мемлекеттің негізін қалай аламыз. Білім мен тәрбие – осы күрестегі басты қару. Адалдық, тектілік, әділеттілік – халқымыздың қастерлі ұстанымдары. Осы құндылықтарды сақтай отырып, кемел болашаққа қадам басу – баршамыздың ортақ міндетіміз.Қарақия ауданы әкімінің орынбасары С.Т.ТөкеновАқпарат көзі : https://www.gov.kz/memleket/entities/akimat-karakiya/press/news/details/960522?lang=kk

Сыбайлас жемқорлыққа қарсы мәдениетті нығайту мақсатында ЖК басшыларына сыбайлас жемқорлыққа қарсы мазмұндағы буклеттер таратылды. Іс – шараның мақсаты-буклеттер арқылы сыбайлас жемқорлықтың салдары туралы хабарлау, сыбайлас жемқорлық фактісі анықталған жағдайда қайда жүгінуге болады және көтермелеу төлеуге негіз болады.Ақпарат көзі : https://www.gov.kz/memleket/entities/karaganda-osakarovka-marzhankol/press/news/details/960521?lang=kk

Ұлыстың ұлы күні — 22 наурызда Ақтауда өтетін «Best Fest Nauryz» ұлттық киім фестиваліне қатысушыларға автобустар тегін болмақ.Ұлттық киім фестивалін ұйымдастырушы Әсемгүл Адамбайдың айтуынша, фестиваль 22 наурыз күні сағат 9:00-де басталып, 12:00-ге дейін өтеді.Сондай-ақ қолында браслет белгісі бар барлық фестиваль қатысушысына қала, облыс аумағында қоғамдық автобустар тегін болмақ.Ақпарат көзі : https://www.gov.kz/memleket/entities/mangystau/press/news/details/960515?lang=kk

Ұлытауда полиция алаяқтық сипаттағы контенті бар мыңнан аса сайтты бұғаттап, 119 млн теңге залалды өндірді, - деп хабарлайды Polisia.kz.Өткен жылы қабылданған тиімді шаралардың нәтижесінде облыста ауыр және аса ауыр қылмыстардың саны едәуір азайды. Бұл туралы Ұлытау облысы полиция департаментінің бастығы Қайыркен Әлиев Жаңаарқа ауданында халық алдындағы есептік кездесуінде мәлімдеді. Есептік кездесуге аудан тұрғындарымен қатар, өңірдің өзге де аудан-қалаларынан келген азаматтар қатысып, өздерін толғандырған сауалдарын қойды. Кездесу барысында полиция қызметінің негізгі бағыттары, 2024 жылы қол жеткізілген нәтижелер және алдағы уақытта жүзеге асырылатын шаралар туралы егжей-тегжейлі есеп берілді. Департамент басшысы Қайыркен Әлиев өз сөзінде: "Бүгінгі кездесуіміздің басты мақсаты – полицияның жедел-қызметтік жұмыстарын жан-жақты талқылау, азаматтармен ашық диалог орнату, өткен жылдағы жетістіктер мен кемшіліктерді саралау және алдағы уақыттағы міндеттерді айқындау. Бұл – біздің ортақ мүддеміз", – деп атап өтті. Есептік кездесу барысында облыстағы қылмыстық ахуал, жол-көлік қауіпсіздігі, мал ұрлығы секілді өзекті мәселелер жан-жақты талқыланды. Сонымен қатар полиция қызметкерлерінің қылмысқа қарсы күрес, құқық бұзушылықтардың алдын алу және азаматтардың қауіпсіздігін қамтамасыз ету бойынша атқарған жұмыстары есепке алынды. Департамент басшысы интернет-алаяқтық қылмыстарының өсуіне байланысты жаңа  бөлімінің құрылғанын жеткізді. Бұл бөлім жоғары білікті мамандардан құралған және киберқылмыстарға қарсы күрестің тиімді әдістерін қолдануда. Кибрерпол бөлімінің қызметкерлері алаяқтық сипаттағы контенті бар 1016 сайтты бұғаттап, интернет-алаяқтық қылмыстары бойынша 39 қылмысты ашты. Осы істер бойынша 119 миллион теңге көлеміндегі залал өндірілді. Сонымен қатар биылғы жылдың 10 ақпанында Жезқазған қаласында шетелдік азамат ұсталды. Ол 128 сим-карта орнатылған Sim-box құрылғысы арқылы алаяқтық қоңыраулар жасап, 4 күн ішінде 21 175 қоңырау шалғаны анықталды. Қазіргі уақытта тергеу амалдары жүргізіліп жатыр. Кездесуге қатысушылар полицияның жұмысына жоғары баға беріп, бірқатар нақты мәселелерді шешуге бағытталған ұсыныстар жасады. Халықтың пікірлерін ескере отырып, алдағы уақытта қауіпсіздік мәселелерін шешу үшін профилактикалық іс-шараларды жүйелі түрде ұйымдастыру қажеттігі атап өтілді. Қайыркен Әлиев есептік кездесулерді облыстың өзге де аудан-қалаларында жалғастыратынын жеткізіп, бұл арқылы халықтың қауіпсіздігін нығайту және тәртіпті сақтау бойынша жұмыстардың тиімділігін арттыруға бағытталған шаралардың қолға алынатынына сенім білдірді.Ақпарат көзі : https://www.gov.kz/memleket/entities/mvd-ulytau/press/news/details/960512?lang=kk

Үлкеншыған ауылдық әкімшілік және мәдениет қызметкерлерінің атсалысуымен 19 наурыз "Жаңару күні" ұйымдастырылды. Осы мезгілде табиғат түрленіп,тіршілік қайта жанданады.Ақпарат көзі : https://www.gov.kz/memleket/entities/zhetysu-panfilov-ulkenshagan/press/news/details/960499?lang=kk

Қазақстанда балық шаруашылығы су айдындарын қараусыз қалған балық аулау ауларынан тазартуға, жағалау аумақтарын тазартуға және азаматтардың су ресурстарын ұқыпты қарауын қалыптастыруға бағытталған жыл сайынғы «Таза су айдындары» табиғат қорғау акциясы басталды.Балық шаруашылығы комитеті төрағасының бұйрығына сәйкес акция өңірлердің климаттық ерекшеліктерін ескере отырып, екі кезеңде өтеді:наурыздан мамырға дейін – Жетісу, Түркістан, Қызылорда, Маңғыстау, Атырау, Батыс Қазақстан, Алматы және Жамбыл облыстарында.15 сәуірден 31 мамырға дейін – Ұлытау, Ақмола, Шығыс Қазақстан, Қарағанды, Қостанай, Ақтөбе, Павлодар, Солтүстік Қазақстан және Абай облыстарында.Акцияға тұрғылықты жері бойынша тиісті балық шаруашылығы инспекциясына жүгіну арқылы кез келген адам қатыса алады.Ақпарат көзі : https://www.gov.kz/memleket/entities/moa/press/news/details/960497?lang=kk

Сыбайлас жемқорлыққа қарсы іс-қимыл агенттігінің Солтүстік Қазақстан облысы бойынша департаменті «Заң және тәртіп» нарративін ілгерілету және облыстық полиция департаментімен бірлескен іс-қимыл жоспары шеңберінде Есіл және Тимирязев аудандарының полиция бөлімдерінің жеке құрамдарымен көшпелі кездесулер өткізді.Тәртіп сақшылары еліміздің іске асырылып жатқан сыбайлас жемқорлыққа қарсы саясаты, оның ішінде жемқорлық үшін жазаның бұлтартпаушылық қағидатын қамтамасыз етуге, жемқорлыққа төзбеушілікті және парасаттылық мәдениетін қалыптастыруға бағытталған негізгі шаралар туралы хабардар етілді.Сонымен қатар, қатысушылар сыбайлас жемқорлыққа қарсы заңнаманы жетілдіру бойынша қабылданып жатқан шараларды – Іntegrity check парасаттылығын тексеру институты, байлық салығын енгізу, жемқорлардың жария тізілімі және т.б. белсенді талқылады.Кездесулер соңында қатысушылар елдегі «Заң мен тәртіп» қағидатын ілгерілету – қоғамдық тәртіпті сақтау және заңға бағынатын азаматтардың құқықтарын қорғау үшін маңызды бастама деген ортақ пікірге келді.Ақпарат көзі : https://www.gov.kz/memleket/entities/anticorruption-sko/press/news/details/960479?lang=kk

Әлемге жылулық сыйлаған нәзікжандылар!🔰Әйел - ана. Әйел - аяулы нәзік жан. Қоғамның ажырамас бөлігіне айналған әйелдер барлық жылулық пен ізгіліктің бастауы. " Алып анадан туады" дегендей, нар тұлғалы батырларды өмірге әкелген аналарға құрмет жоғары тұрады.Ә.Бөкейханов атындағы орта мектебінде 8 наурыз - халықаралық әйелдер күні мерекесіне арналған "Ана - өмірдің тірегі, бақыттың бастауы" атты салтанатты шара өтті.Залда отырған барлық әйелдер қауымының жүздерінен шаттық нұры себелеп, жайнағанда айнала әдемілікке толып тұрды.Мейірім мен махаббат төгілген шараға Аудандық Ақсақалдар кеңесінің төрағасы Қ.Бижанов, Аудандық аналар кеңесінің төрайымы Т.Алагузова, Құлан ауылдық округінің ақсақалдар кеңесінің төрағасы Б.Әліпбаев, Құлан ауылдық округінің әкімі Е.Сейтжапаров құттықтау сөз сөйледі.Ақпарат көзі : https://www.gov.kz/memleket/entities/zhambyl-ryskulov-kulan/press/news/details/960467?lang=kk

Қазіргі уақытта жол төсемдерін, көлік белгілерін, қоршауларды, жерасты өткелдері мен аулаларды шаң мен кірден кезең-кезеңімен тазартып жатырмыз.Ақпарат көзі : https://www.gov.kz/memleket/entities/astana-saryarka/press/news/details/960464?lang=kk

Қазақстан Медицина Қызметкерлері Қоғамының ұйымдастырылуымен өткізілген «Денсаулық сақтау ісінің үздігі-2025» республикалық байқауының нәтижесінде Қазақстан Медицина Қызметкерлері Қоғамының шешімімен «Үздік жас медицина қызметкері» төсбелгісімен Жамбыл облысы, Т.Рысқұлов аудандық орталық ауруханасының салауатты өмір салтын қалыптастыру орталығының дәрігері Пойызбай Айгерім Есжанқызы танылды.Ақпарат көзі : https://www.gov.kz/memleket/entities/zhambyl-densaulyk/press/news/details/960452?lang=kk

🔺07-09.03 2025жылы Турция мемлекеті Анталия қаласында 24 мемлекеттен 448 дзюдошы қатысқан Дзюдодан ұлдар мен қыздар арасында Европа кубогында жерлесіміз Абдіманап Әкежан Серікұлы 55 кг салмақ дәрежесінде 3- орын иеленді. Жерлесімізді күтіп алуға, округ әкімі Е.Енсебаев, Алакөл аудандық мәслихат депутаты Ж.Нұрмұхамедов құттықтап, алғыс хат табыстады.🔺Әкежан Сізбен ауыл азаматтары мақтанады және кезекті жеңісіңізбен шын жүректен құттықтайды. Биік белестерден көріне беріңіз!Ақпарат көзі : https://www.gov.kz/memleket/entities/zhetysu-alakol-dostyk/press/news/details/960440?lang=kk