2026 жылдың 25 ақпанында Меңдіқара аудандық мәслихатының тұрақты комиссияларының бірлескен отырысы болып өтті. Тұрақты комиссиялардың отырыстарында Меңдіқара аудандық мәслихатының жария тыңдалымдарды өткізуге дайындық мәселесі қарастырылатын болатын. Меңдіқара аудандық мәслихатының регламентіне сәйкес жария тыңдалымдар тұрақты комиссияларды жүргізуге жататын аса маңызды және қоғамдық елеулі сұрақтарды талқылау мақсатында өткізіледі. Бәсекелестік ортаға «Боровское ЖКХ-2016» МКК беру мәселесі осындай болып табылады.  2026 жылдың 17 наурызында Меңдіқара аудандық мәслихаты ауданның жергілікті атқарушы билігімен бірлесіп, «Меңдіқара ауданының тұрғын үй - коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесінің «Боровское ЖКХ - 2016» мемлекеттік коммуналдық кәсіпорнын мүліктік кешен ретінде заңдастыру туралы жария тыңдалымы өткізілді.  Тыңдалымның жұмысына Меңдіқара аудандық мәслихатының төрағасы Қ.Р. Рахметқалиев, Меңдіқара ауданы әкімінің орынбасары Н.О. Бажиров, Меңдіқара ауданының қаржы бөлімі басшысының м.а. А.К. Ахметбекова, және аудан тұрғындары қатысты.  Аудандық мәслихаттың құқықтық тәртіп пен аграрлық мәселелер, шағын және орта бизнесті, өндірісті дамыту, бюджет пен жоспарлау, ауданның әлеуметтік - экономикалық даму мәселелері бойынша тұрақты комиссияның бұрын қаулысымен жұмыс тобы құрылған болатын, ол ай ішінде «Боровское ЖКХ - 2016» кәсіпорнын жұмысын нақты зерделеу өткізді, бәсекелестік ортаға беруге қатысты барлық аспектілері қарастырылды.  Жария тыңдалым барысында уәкілетті органдардың өкілдерінің позициясы мен баяндамалары, міндеттемелер мен заңдастырудың салдарына қатысты қатысушылардың пікірі тыңдалған болатын. Жария тыңдалымдарды қорытындылары бойынша қатысушылар  «Меңдіқара ауданының тұрғын үй - коммуналдық шаруашылық, жолаушылар көлігі және автомобиль жолдары бөлімі» мемлекеттік мекемесінің «Боровское ЖКХ - 2016» мемлекеттік коммуналдық кәсіпорнын заңдастыруын мақсатқа сай емес жөніндегі бірыңғай пікіріне келді.Ақпарат көзі : https://www.gov.kz/memleket/entities/maslihat-mendikara/press/news/details/1183165?lang=kk

Мерекелік жартылай киіз үй жанында әр буын өкілдері – алтын той иелері, тәжірибелі отбасы және жас отбасылар бас қосты. Қатысушылар отбасылық бақыттың сырларымен бөлісіп, өз дәстүрлері жайлы әңгімелеп, қазақтың салт-дәстүрлері мен туыстық атауларына арналған танымдық викторинаға қатысты.Іс-шараның ең әсерлі сәттерінің бірі – үлкен буынның жас отбасыларға берген ақ тілегі мен батасы болды.Мұндай кездесулер бізге ең басты құндылықты тағы бір еске салады:отбасы – тірегіміз, жылуымыз және дәстүр жалғастығы.Әр шаңырақта береке мен бірлік орнап, қуаныш пен шаттық мол болсын!Шаңырақтарыңыз биік, босағаларыңыз берік болсын!Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1184128?lang=kk

16 наурыз күні Наурызнама аясындағы үшінші күн – Мәдениет және ұлттық салт – дәстүр күні. Бұл күн халқымыздағы ғасырлар бойы қалыптасқан мәдени мұрасы, әдет – ғұрпын мен ұлттық құндылықтарын дәріптеуге арналған. Бастаушы ауылдық клуб үйінде ұлттық дәстүрлерді насихаттайтын қазақтың киелі домбырасын, қобызын және сандығын қолдан жасап қолөнер көрмелерін ұйымдастырылды. Мәдениет және ұлттық салт – дәстүр күні – ұлттың рухани тамырын тереңірек танып,ұмыт бола бастаған дәстүрлерді қайта жаңғырту маңызды. Бұл бастама әсіресе жас ұрпақты ұлттық құндылықтарға деген құрметін арттыруға бағытталған. Ел мәдениеті өркендеп, дәстүріміз әрдайым дәріптеле берсін! Әр шаңыраққа амандық, береке мен бірлік тілейміз. Еліміздің мәдениеті дамып, ұлттық құндылықтарымыз мәңгі жасай берсін.Ақпарат көзі : https://www.gov.kz/memleket/entities/vko-samar-bastaushy/press/news/details/1183045?lang=kk

Алматы қаласындағы ҚР ІІМ Ұлттық ұланы 5571 әскери бөлімінің мерзімді әскери қызметшісі Азиз Темірбек жауынгерлік міндетін абыроймен орындап, ұлттық өнерді насихаттап жүрген жас таланттардың бірі.18 жастағы Азиз Қызылорда облысы Сырдария ауданында дүниеге келген. Бала кезінен домбыраға әуес болып өскен ол мектеп қабырғасында алғашқы ұстазы Гүлназ Сералиевадан күй өнерінің әліппесін үйренеді. Кейін Қызылорда қаласындағы Қазанғап атындағы музыкалық жоғары колледжінде білім алып, ұстазы Жансұлтан Жұмабектен күйшілік шеберлігін шыңдайды.Бүгінде ұландық жүзге жуық күйді жатқа біледі. Оның орындауында қазақтың әйгілі күйлері - «Сарыарқа», «Серпер», «Ақсақ киік», «Төремұрат», «Байжұма» сынды туындылар ерекше әсер қалдырады. Әзиздің айтуынша, танымал күйлердің басым бөлігін ол нота арқылы меңгерген.- Домбыра мен үшін халқымыздың мәдениетін, салт-дәстүрін айқындайтын қасиетті мұра. Әскер қатарында жүрсем де, «Сыр елі, жыр елі» деп ерекшеленетін Сыр күй мектебі өкілдерінің ізін жалғап жүргеніме қуаныштымын, - дейді қатардағы жауынгер.Қазіргі уақытта Азиз әскери бөлімнің құрамында Алматы қаласының қоғамдық тәртібін қамтамасыз етіп, азаматтардың қауіпсіздігін күзетуде. Ал бос уақытында қаруластарының өтінішімен домбырасын қолына алып, өзі білетін күйлерді тамылжыта орындап береді. Оның әсерлі орындауындағы күйлер сарбаздардың көңіл-күйін көтеріп, жауынгерлік рухын арттыра түседі.Ұлттық ұлан қатарында әскери қызметін өтеп жүрген жастардың арасында осындай өнерлі азаматтардың болуы ұлттық мәдениеттің сабақтастығын көрсетеді. Домбыраның қоңыр үні арқылы Азиз Темірбек қасиетті өнер тінін үзбей, қазақтың ғасырлардан жеткен күй дәстүрін жаңа буынға жеткізудің жарқын үлгісін танытып келеді. #НАУРЫЗНАМА ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1182976?lang=kk

Мемлекет басшысы «Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2026 жылдың наурыз-маусымында және қыркүйек-желтоқсанында мерзімді әскери қызметке кезекті шақыру туралы» Жарлыққа қол қойды.Президент Жарлығына сәйкес, 17 наурыздан бастап қалалық және аудандық шақыру комиссиялары әкімдердің орынбасарларының төрағалығымен азаматтарды мерзімді әскери қызметке шақыруды бастады.– 30 маусымға дейін 18-27 жас аралығындағы 21 мыңнан астам азаматты Қарулы күштердің, басқа да әскерлер мен әскери құралымдардың қатарына шақыру жоспарланып отыр. Оның ішінде11 мыңнан астам адам Қарулы күштерге, 7 мыңнан астам адам ІІМ Ұлттық ұланына, 2 мыңға жуық адам ҰҚК Шекара қызметіне, 400-ге жуық адам Төтенше жағдайлар министрлігіне, 300 адам Мемлекеттік күзет қызметіне шақырылады,  – деп атап өтті ҚР Қарулы күштері Бас штабы Ұйымдастыру-жұмылдыру жұмыстары департаментінің бастығы генерал-майор Алмас Исабеков.Ол сондай-ақ азаматтарға шақыру SMS-хабарлама және eGov порталындағы хабарландырулар арқылы кемінде үш күн бұрын жіберілетінін еске салды. Мұндай хабарламалар ресми шақыру болып есептеледі. Шақырту алған азамат жергілікті әскери басқару органына немесе шақыру пунктіне келуге міндетті.Қорғаныс министрлігі әскери есепке алу процесін автоматтандырып, «Smart военкомат» жобасын жүзеге асыруда. Бұл жүйе шақырылушылар мен әскери міндеттілердің жеке есебін жүргізеді, азаматтар тұрғылықты жерін өзгерткен кезде автоматты түрде әскери есепке қояды, 17 жастағы жасөспірімдерді әскери есепке тіркеуді, сондай-ақ шақыруды кейінге қалдыру немесе одан босатуды автоматты түрде рәсімдеуді қамтамасыз етеді.Осылайша, 2025 жылы 457 мыңнан астам адамға кейінге қалдыру берілді. Әскерге шақыру туралы бұйрықтар электрондық форматта ресімделетінін атап өту керек. Бұл әскери қызметшілерге несиелік демалыс беру үшін мәліметтерді кредиттік бюроларға автоматты түрде жіберуге мүмкіндік береді.Сонымен қатар, шақырылушыларды медициналық куәландыру кезінде қолданылатын «E-Medosмотр» медициналық жүйесіне интеграция енгізілді. Қазіргі уақытта цифрлық медициналық тексеру Астана, Шымкент қалаларында, Алматы, Батыс Қазақстан және Жетісу облыстарында кеңінен қолданылады. Бұл ретте 2025 жылы 17 мыңнан астам шақырылушы медициналық куәландырудан цифрлық форматта өткенін атап өту керек.Мерзімді әскери қызмет өткеріп жүрген азаматтарға мемлекет тарапынан бірқатар қолдау шаралары қарастырылған. Атап айтқанда, оларға несиелік демалыстар беріледі, сондай-ақ ҰБТ нәтижелерін есепке алмай, жоғары оқу орындарына мемлекеттік білім беру гранттарымен түсу мүмкіндігі беріледі.– 2023 жылдан бері 9 мыңнан астам сарбаз ҰБТ тапсырмай, жоғары оқу орындарына түсті. Тек 2025 жылдың өзінде бұл мүмкіндікті 3 300 әскери қызметші пайдаланды, – деп атап өтті генерал-майор Алмас Исабеков.20 мыңнан астам әскери қызметшіге негізгі қарыз бен сыйақы бойынша шамамен 8,8 млрд теңге көлемінде несиелік демалыс берілді. Сонымен қатар, қызмет барысында сарбаздар Қарулы күштердің түрлері бойынша кіші мамандар даярлайтын оқу орталықтарында жұмысшы мамандықтарын меңгере алады.Бұдан бөлек генерал-майор Алмас Исабеков дәлелсіз себептермен жергілікті әскери басқару органдарына келмеу Қазақстан Республикасының заңнамасында қарастырылған жауапкершілікке әкелетінін атап өтті. Ондай жағдайда азаматқа әкімшілік шаралар қолданылуы мүмкін. Ал шақырудан жалтарған жағдайда қылмыстық заңнама нормаларына сәйкес жауапкершілік қарастырылған.Ақпарат көзі : https://www.gov.kz/memleket/entities/mod/press/news/details/1182987?lang=kk

Бүгін елімізде жаңа Конституцияны қабылдау мәселесіне арналған республикалық референдум өтіп жатыр. Бұл маңызды саяси науқанға ҚР ІІМ Ұлттық ұланының әскери қызметшілері де белсенді қатысуда.Ұлттық ұланның әскери бөлімдерінде референдумды жоғары деңгейде өткізу үшін барлық жағдай жасалды. Жалпы саны 36 сайлау учаскесі ашылып, әскери қызметшілердің конституциялық құқығын жүзеге асыруға мүмкіндік берілді. Дауыс беру рәсімі заң талаптарына сай, ашықтық пен айқындық қағидаттары негізінде ұйымдастырылды.Ішкі істер министрінің орынбасары – Ұлттық ұланның Бас қолбасшысы генерал-майор Аңсаған Балтабеков алғашқы болып, №266 сайлау учаскесінде дауыс берді. Бұл күн әсіресе 5573 әскери бөлімінің қатардағы жауынгері Артур Яровой үшін айрықша есте қалды. Себебі ол өмірінде алғаш рет дауыс беріп отыр және бұл маңызды сәт оның туған күнімен тұспа-тұс келді.Артурдың айтуынша, әскери қызметте жүріп ел тағдырына қатысты саяси науқанға қатысу — үлкен жауапкершілік. Оның сөзінше, мұндай сәт әр азаматтың ел болашағына бейжай қарамайтынын көрсетеді.Референдумға офицерлер, келісімшарт бойынша әскери қызметшілер, олардың отбасы мүшелері, ардагерлер және мерзімді қызметтегі сарбаздар қатысып жатыр. Көптеген жас сарбаз үшін бұл алғашқы дауыс беру тәжірибесі болды.Ұлттық ұланның Бас қолбасшысы туған күн иесі мен бірінші рет саяси науқанға қатысып отырған әскери қызметшілерді құттықтап, азаматтық белсенділік танытқандары үшін алғыс білдірді.Осылайша Ұлттық ұлан сарбаздары референдум күні тек әскери антқа адал қызмет ететінін ғана емес, ел өміріндегі маңызды сәттерде азаматтық ұстанымын да айқын көрсетті. ҚР ІІМ Ұлттық ұланының баспасөз қызметіАқпарат көзі : https://www.gov.kz/memleket/entities/kvv/press/news/details/1182968?lang=kk

📌 2026 жылдың 16 наурызында Жамбыл облысы Кәсіпкерлер палатасында «Бизнестің дамуына кедергі келтіретін тосқауылдарды жою бойынша кешенді шаралары туралы» кеңес өтті. Кеңеске облысымыздың уәкілетті органдары (Прокуратура, Экономикалық тергеп-тексеру, Әділет органы, сауда және тұтынушылар құқықтарын қорғау департаменттер өкілдері, салалық кәсіпкерлік кеңестері, кәсіпкерлер палатасы, кәсіпкерлер), сондай-ақ Мемлекеттік кірістер Департамент (МКД) басшысының орынбасары Қ.Б. Шайдуев және Түсіндіру жұмысы және Байланыс - Орталық басқармасының басшысы Е.М. Нурмаханбетов қатысты.💠        Кеңес барысында, МКД тарапынан: 1) микро және шағын бизнеске салықтық жүктемені азайту бойынша «таза парақтан» кешенді іс-шараларынын іске асырылуы (оның ішінде: өсімпұлдар мен айыппұлдарды есептен шығару, оңайлатылған тәртіппен қызметті тоқтату, салықтық тексерулерді қысқарту, талап-арыздарды беруді тоқтату, әкімшілік жауапкершілікке тартпау және камералдық бақылау) туралы; 2) Департамент тарапынан іске асырылып тұрған «Кәсіпкердің абыройы – адалдықта, тұтынушының сенімі –фискалдық чекте» бизнесті көленкеден шығару бойынша серпінді жоба туралы; және 3) «Халық бухгалтері» акциясының барысы туралы баяндалды.💠 Кеңесте бизнес субъектілерін қолдауға байланысты әр түрлі мәселелер көтеріліп, ары қарай өзекті мәселелерді шешу үшін бірлесіп жұмыстарды атқару ұсынылды.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1182951?lang=kk

2026 жылғы 9-11 наурыз аралығында KazAID және ҚР СІМ өкілдері Париж қаласында Экономикалық ынтымақтастық және даму ұйымы (бұдан әрі-ЭЫДҰ) ұйымдастырған дамуды қаржыландыру статистикасы жөніндегі жұмыс тобының (WP - STAT) отырысына қатысты.Іс-шараның мақсаты даму мақсатында статистикалық есептілікті ұсыну, 2024 жылға арналған Дамуға ресми көмек (ДРК) саласындағы деректердің нәтижелерімен алмасу, сондай-ақ ДРК көрсетуге қатысатын негізгі ұйымдардан ақпарат жинау үшін жаңа құралдарды ұсыну мәселелерін талқылау болды.ЭЫДҰ отырысына ЭЫДҰ ДЖК-не мүше 30 елден, ЭЫДҰ дамуға жәрдемдесу комитетіне (ДЖК) мүше емес елдерден, халықаралық қаржы институттарынан және халықаралық донорлық ұйымдардан 60-тан астам қатысушы қатысты.Іс-шара барысында қазақстандық тарап мемлекеттік органдармен және ұйымдармен өзара іс-қимыл жасай отырып, ДРК саласында ақпарат жинау мақсатында статистикалық есептілікті ұсыну тәжірибесімен және үйлестіру жұмысының нәтижелерімен бөлісті.WP-STAT шеңберінде сондай-ақ ЭЫДҰ-мен бірлескен Жол картасы шеңберінде одан әрі ынтымақтастық мәселелерін талқылау үшін жаһандық өзара іс-қимыл департаментінің басшысы Рольф Шварц мырзамен және ЭЫДҰ ДЖК-нің басқа да өкілдерімен кездесу өтті.Анықтама:1961 жылы құрылған Экономикалық ынтымақтастық және даму ұйымы (ЭЫДҰ) - экономикалық саясатты үйлестіру, тәжірибе алмасу және әртүрлі халықаралық стандарттарды әзірлеу үшін елдің негізгі дамуын біріктіретін халықаралық үкіметаралық ұйым.экономика және басқару бағыттары.Ұйымның мақсаты тұрақты өсуге, жұмыспен қамтуға, өмір сүру деңгейін жақсартуға және әлемдік сауданы дамытуға жәрдемдесу болып табылады.Ақпарат көзі : https://www.gov.kz/memleket/entities/kazaid/press/news/details/1182867?lang=kk

Түркияның Анталья қаласында өткен кадеттер арасындағы дзюдодан Еуропа кубогында Қазақстан құрамасы жалпы есепте 16 медаль жеңіп алып, көш бастады. Оның алтауы - алтын, үшеуі - күміс, жетеуі - қола. Команданың қоржынына түскен екі алтын жүлдені Қарағанды облысының спортшылары иеленді.Жарысқа әлемнің 21 елінен 550 спортшы қатысты. Оның ішінде 328 ұл және 222 қыз бар. 73 келіге дейінгі салмақ дәрежесінде Қарағандыдағы Е. А. Бөкетов атындағы Қарағанды университетінің студенті Еркен Бекқали жеңімпаз атанды.Спортшы Шет ауданында туған, ал дзюдодағы алғашқы қадамдарын Ағадыр кентіндегі балалар-жасөспірімдер спорт мектебінде бастаған.Тағы бір алтын жүлдені 90 келіден жоғары салмақ дәрежесінде өнер көрсеткен Әділжан Жәудінов жеңіп алды. Дзюдошы облыстық мамандандырылған балалар-жасөспірімдер спорт мектебі «Жас Сұңқарда» жаттығады.Финалдық белдесуде қарағандылық спортшы Өзбекстан өкілі Әлібек Дірдиевті сенімді түрде жеңді. Бұған дейін Әділжан Жәудінов осы қарсыласына екі рет - Азия кубогы мен Бахрейнде өткен Азия ойындарының финалында есе жіберген болатын.- Еуропа кубогындағы жеңіс біз үшін өте маңызды болды. Әділжан эмоциясын бақылауда ұстай біледі. Әрбір халықаралық жарыс - үлкен дайындық пен Олимпиада ойындарына апарар жолдағы маңызды кезең, - деді спортшының жеке бапкері әрі Қазақстанның дзюдодан олимпиадалық құрамасының жаттықтырушысы Алмас Несіпберлі.Еуропадағы турнирге дайындық шамамен алты айға созылған. Алда спортшыны жаңа халықаралық жарыстар күтіп тұр. Соның ішінде Әзербайжанда өтетін турнир және осы маусымның басты бәсекесі - биыл Дакарда өтетін жасөспірімдер Олимпиада ойындарына дайындық бар.https://www.gov.kz/memleket/entities/karaganda/press/news/details/1178622?lang=kkАқпарат көзі : https://www.gov.kz/memleket/entities/karaganda-sport/press/news/details/1182842?lang=kk

Бүгін Наурызнама онкүндігі аясында қазақстандықтар отбасы құндылықтарын, үлкенді құрметтеуді және келер ұрпаққа қамқорлықты дәріптейтін Шаңырақ күнін атап өтуде.Қарулы күштер қатарында әскери қызметте жүрген ерлі-зайыптылар аз емес. Қызметтегі жауапкершілік пен отбасылық міндеттерді қатар алып жүруге мұндай отбасыларға бір-бірін қолдау, бәрін бірлесе жоспарлау және үй шаруасын бөлісе атқару көмектеседі.65229 әскери бөлімінің сержанты 2-сыныпты сержант Қанат Белгібаев үшін отбасы – сенімді тірегі және жігерлендіруші күш. Ол әскердегі жолын мерзімді қызметтен қатардағы жауынгер болып бастаған. Осында болашақ жары Толқын Мұсахметовамен танысқан. Көп жылғы әскери қызметтен кейін Толқын аға сержант шенінде запасқа шыққан. Ерлі-зайыптылар үш бала өсіріп тәрбиелеп отыр.– Біз Толқын екеуміз де әскери адам болғандықтан, бір-бірімізді жақсы түсінеміз. Қызметтің талай қызығын бірге өткеріп, қиын сәттерде бір-бірімізге қолдау көрсетіп келеміз. Қазір біз үшін ең үлкен бақыт – шаңырағымыздың шаттығы – балаларымыз, – дейді 2-сыныпты сержант Қ. Белгібаев.Мемлекеттік қолдау мен біржолғы тұрғын үй төлемінің арқасында отбасы өздерінің берік әрі жылы шаңырағын, яғни жеке үйін алды. Мереке күні отбасы туған-туыстарымен уақыт өткізіп, бір-біріне деген бауырмалдық пен қамқорлықты сезінуі үшін бір дастархан басына жиналды.Бұл күні әскери қызметшілердің отбасы мүшелерімен жұмыс қызметтері де барлық жерде озық дәстүрді ұлықтау, отбасылық құндылықтарды нығайту және ұрпақтар арасындағы өзара түсіністікті арттыруға бағытталған іс-шаралар өткізетінін айта кеткен жөн.Ақпарат көзі : https://www.gov.kz/memleket/entities/mod/press/news/details/1182775?lang=kk

Бүгінгі таңда мемлекеттік қызметшілердің этикасы мен мінез-құлқына үлкен мән беріледі. Этикалық нормаларды сақтау мемлекеттік қызмет жүйесінде ерекше орын алады.Лудоманияның өсуіне жол бермеу, оның ішінде мемлекеттік қызметшілер арасында жұмыс жүргізілуде.Қазақстан Республикасының 2024 жылғы 8 шілдедегі № 116-VIII Заңына сәйкес (2024 жылғы 9 қыркүйектен бастап қолданысқа енгізілді) «Сыбайлас жемқорлыққа қарсы іс-қимыл туралы» Қазақстан Республикасы Заңының сыбайлас жемқорлыққа қарсы шектеулерді реттейтін 12-бабының 1-тармағы 6-тармақшамен толықтырылды. Бұл тармақша мемлекеттік қызметшілердің құмар ойындарға және бәс тігулерге қатысуына тыйым салады.Мемлекеттік қызметшілерге қатысты қоғамдық пікірді қалыптастыру белгілі бір дәрежеде олардың қызметтен тыс уақыттағы мінез-құлқына байланысты екенін мойындау керек. Осы бағытта Әдеп кодексінде мыналар көзделген:- Мемлекеттік қызметшілер қызметтен тыс уақытта жалпы қабылданған моральдық-этикалық нормаларды ұстануға, қарапайымдылық танытуға, тиісті қызметтерді алу кезінде өзінің лауазымдық жағдайын баса көрсетпеуге және пайдаланбауға және қоғамдық имандылыққа қол сұғумен ұштасатын қоғамға жат мінез-құлық жағдайларына жол бермеуге тиіс.Мәселен, Қазақстан Республикасы мемлекеттік қызметшілерінің Әдеп кодексінің 3-тарауының 6-тармағының 10) тармақшасына сәйкес мемлекеттік қызметшілер қызметтік міндеттерін атқаруға байланысты жағдайларды қоспағанда, ойын мекемесіне барудан бас тартуы қажет.Заңның 12-бабының 4-тармағына сәйкес адамдардың сыбайлас жемқорлыққа қарсы шектеулерді қабылдамауы лауазымға қабылдаудан бас тартуға не жұмыстан шығаруға (атқаратын лауазымынан босатуға, өкілеттіктерін тоқтатуға) әкеп соғады, олардың сақталмауы жұмыстан шығаруға негіз болып табылады (атқаратын лауазымынан босатылады, өкілеттіктерін тоқтатады).Құмар ойындарға қатысқандығы туралы мәліметтер алынған лауазымды тұлғаларға мұндай қызметке тікелей заңнамалық тыйым салынған. Бұл тыйымды бұзу атқаратын лауазымынан босатуға әкеп соғады. Маңғыстау облысы бойынша МКД Әдеп жөніндегі уәкілі - басшының орынбасары Е.К. УтегеновАқпарат көзі : https://www.gov.kz/memleket/entities/kgd-mangistau/press/news/details/1183905?lang=kk

Жаңа Салық кодексіне бейімделу кезеңінде фискалдық жүктемені төмендету мақсатында микро және шағын бизнесті қолдау мақсатында салықтық әкімшілендіруді жеңілдету туралы шешім қабылданды.       2026 жылғы 1 қаңтардан бастап осы санаттағы бизнеске 2026 жылғы 1 қаңтарға дейінгі кезеңдер бойынша салықтық әкімшілендірудің жекелеген мәселелері бойынша жеңілдіктер енгізілді.Енгізілген қолдау шаралары:Өсімпұлдар мен айыппұлдарды есептен шығару. Қазақстан Республикасы Қаржы Министрлігі микро және шағын бизнес субъектілеріне салық берешегінің негізгі сомасын төлеген жағдайда өсімпұлдар мен айыппұлдардыесептен шығаруға мүмкіндік беретін Қағидаларды бекітті.Егер кәсіпкер 2026 жылғы 1 қаңтардағы жағдай бойынша есепте тұрған салық берешегінің (негізгі қарыздың) толық сомасын 2026 жылғы 1 қаңтар мен 31 наурыз аралығында өтесе, онда:    - толық өтеген күнге дейін есептелген өсімпұлды қоса алғанда, барлық өсімпұл есептен шығарылады;    - берешегі өтелген салықтар мен бюджетке төленетін басқа да міндетті төлемдер бойынша салынған айыппұлдар есептен шығарылады;    - сондай-ақ 2026 жылғы 1 қаңтарға дейін ҚҚС бойынша есепке тұрмау кезеңінде жасалған айналымдар үшін салынған айыппұлдар (2026 жылғы 1 қаңтардағы жағдай бойынша мәжбүрлеп өндіріп алу шаралары қолданылмаған жағдайда) есептен шығарылуы мүмкін.     Бұл мүмкіндікті пайдалану үшін негізгі қарыз сомасын 2026 жылғы 31 наурызға дейін толық төлеу қажет. Оңайлатылған тарату. Қазақстан Республикасы Қаржы Министрлігі салық төлеушілердің (салық агенттерінің) таратылуы, қайта ұйымдастырылуы және қызметін тоқтатуы кезінде салықтық міндеттемені орындаудың кейбір мәселелері туралы №654 бұйрығына өзгерістер енгізді.Салық төлеушілер үшін қызметті жеңілдетілген тәртіппен тоқтату (2026 жылғы 1 қаңтарға дейінгі салықтық кезеңдер бойынша) камералдық бақылаусыз жүзеге асырылады.- Егер салық төлеуші қызметті тоқтату туралы өтініш берсе, 2025 жылғы 17 желтоқсанға дейін ұсынылған салық есептілігі бойынша 2026 жылғы 1 қаңтарға дейінгі салық кезеңдері үшін камералдық бақылау жүргізілмейді.2026 жылғы 1 қаңтардан бастап тағайындалған салықтық тексерулерді, қарсы салықтық тексерулерді, сондай-ақ: қылмыстық іс жүргізу заңнамасының негіздері бойынша;- прокурорлық актілер мен талаптары бойынша;- салық төлеуші мен оның дебиторлары арасындағы өзара есеп айырысуларды айқындау бойынша;- касса бойынша шығыс операцияларын тоқтата тұру туралы өкімді орындау бойынша;- жер қойнауын пайдаланушыларға қатысты;- салық төлеуші өзі талаптар мен өтініштері берген жағдайларда;- салықтық тексерулердің нәтижелеріне шағымдар бойынша;- 2025 жылғы 17 желтоқсаннан кейін 2026 жылғы 1 қаңтарға дейінгі салық кезеңдері үшін қосымша салық есептілігін табыс еткен және салық есептілігін кері қайтарып алған жағдайларда;- камералдық бақылау нәтижелері бойынша анықталған бұзушылықтарды растау мәселелері бойынша тағайындалатын тексерулерді қоспағанда микро- және шағын кәсіпкерлік субъектілеріне қатысты 2026 жылғы 1 қаңтарға дейін салық кезеңдері үшін салық міндеттемелері бойынша салықтық тексерулер жүргізу жөніндегі іс - қимылдар тоқтатылды.Сотқа:     -   2026 жылға дейін микро және шағын бизнес арасында жасалған мәмілелерді жарамсыз деп тану туралы талап-арыздар беру бойынша;     - 2026 жылға дейін жүргізілген бизнесті тіркеу немесе қайта тіркеуді жарамсыз деп тану туралы талап-арыздар беру бойынша жүгіну тоқтатылады.Әкімшілік жауапкершілік.Микро және шағын бизнес 2026 жылғы 1 қаңтарға дейін жасалған айналымдар үшін міндетті түрде ҚҚС бойынша есепке қоймағаны үшін 2026 жылғы 1 қаңтарға дейінгі кезеңде салықтық есептілікті тапсырмағаны үшін әкімшілік жауапкершілікке тартылмайды.Кәсіпкерлер өткен кезеңдер үшін тексерулерсіз  бизнесті алаңсыз жүргізе алады, себебі әкімшілік және қаржылық жүктеме төмендейді, нәтижесінде аталған санаттағылар салықтық дауларға емес, бизнесті дамытуға және жаңа кезеңді «таза парақтан» бастап ағымдағы процестерді түзей алады.  Осы шаралардың негізгі мақсаты — микро және шағын бизнесті қолдау, жүргізіліп жатқан реформаларға бейімделу кезеңінде көмек көрсету.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1182762?lang=kk

Құрметті салық төлеушілер!2026 жылғы 17 наурызында сағат 15:00-де Департаменттің «Instagram» әлеуметтік желісіндегі @pavlodar_mkd парақшасында «ЕАЭО кедендік шекарасы арқылы заңды және жеке тұлғалармен тауарлар мен қолма-қол ақша қаражатын өткізу тәртібі» тақырыбына тікелей эфир өтеді.Спикер: кедендік әкімшілендіру басқармасының басшысы Тілектес Қалымұлы Түсетаев сөз сөйлейді.Модератор – түсіндіру жұмысы және Байланыс-орталығы басқармасының басшысы Шаймарданов Толеген Білялұлы.Трансляцияны жіберіп алмау үшін Павлодар облысы бойынша мемлекеттік кірістер Департаментінің Instagram парақшасы – pavlodar_mkd жазылыңыз. Павлодар облысы бойынша МКД түсіндіру жұмысыжәне Байланыс-орталығы басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1182702?lang=kk

Бүгін Қызылорда облысы әкімінің орынбасары Бақыт Жаханов Қармақшы ауданына жұмыс сапарымен барып, бірқатар әлеуметтік нысандарды аралады. Сапар барысында Жосалы және Төретам кенттеріндегі теміржол вокзалдарының құрылыс жұмыстарының барысын бақылап, Байқоңыр қаласындағы спорт кешенін көрді.Жосалы кентіндегі теміржол вокзалында жөндеу жұмыстары жүргізілуде. Ғимараттың ішкі бөлігінде қабырғаларды ақтау, сырлау жұмыстары атқарылған. Ал сыртқы бөлігінде жолаушыларға қолайлы жағдай жасау бағытында қабырғаларды травертин тасымен қаптау жұмыстары жалғасып жатыр.Төретам кентінде қазіргі уақытта вокзал ғимаратында күрделі жөндеу жұмыстары қарқынды жүргізілуде. Сыртқы жұмыстар аясында шатырды жаңарту жұмыстары 100 пайыз аяқталған. Ғимараттың сыртқы қабырғасына травертин тасын қаптау 95 пайызға орындалған. Қазіргі уақытта сыртқы саты мен арка орнату жұмыстары басталуда.Жұмыс сапары аясында облыс әкімінің орынбасары Байқоңыр қаласындағы құрылысы жүріп жатқан спорт кешенін де аралап, нысанның жұмысымен танысып, бұл бағытта бірқатар тапсырмаларын берді.Сапар барысында нысандардағы құрылыс және жөндеу жұмыстарының сапасы мен мерзімінде аяқталуы назарға алынды.Ақпарат көзі : https://www.gov.kz/memleket/entities/kyzylorda-karmakshy/press/news/details/1182685?lang=kk

23 сәуірде Өңірлік экологиялық саммит-2026 (RES 2026) шеңберінде Астанада «Орталық Азиядағы су секторын тұрақты қаржыландыру: сын-тегеуріндер, мүмкіндіктер мен ынтымақтастық жолдары» атты тақырыптық пікірталас өткізіледі. Оның барысында сарапшылар өңірдің су шаруашылығы инфрақұрылымын жаңғырту үшін инвестиция тартудың және қаржы құралдарын дамытудың негізгі тетіктерін талқылайды.Су секторы Орталық Азия елдерінің орнықты әлеуметтік-экономикалық және экологиялық дамуын қамтамасыз етуде стратегиялық рөл атқарады. Климаттың өзгеруі, халықтың өсуі және инфрақұрылымның тозуы жағдайында су ресурсын тиімді басқару және қаржы ресурстарын жұмылдыру мәселесі ерекше өзекті болып отыр.Панельдік сессияның бастамашысы – стратегиялық жоспарлау, бюджеттік саясат және Орнықты даму мақсаттарын іске асыруды үйлестіру мәселесіне жетекшілік ететін Қазақстан Республикасының Ұлттық экономика министрлігі. Іс-шараның ұйымдастырушылары – Экономикалық зерттеулер институты мен Халықаралық су менеджменті институты.Панельдік сессияның мақсаты – су инфрақұрылымын дамыту, су ресурстарын басқару тиімділігін арттыру және аймақтық ынтымақтастықты нығайту үшін қаржы ресурсын жұмылдырудың негізгі сын-тегеуріндері мен мүмкіндіктерін талқылау.Талқылауға Орталық Азия елдерінің су ресурстары жөніндегі орталық мемлекеттік органдарының өкілдері, сондай-ақ Азия Даму Банкі мен Дүниежүзілік банкті қосқанда, халықаралық қаржы институттарының өкілдері қатысады. Пікірталасқа су секторындағы жетекші сарапшылар мен зерттеушілер де қосылады.Панельдік сессияның қорытындысы бойынша аймақтың су инфрақұрылымын дамытудың қаржылық тетігін нығайту, су ресурсын басқарудың тиімділігін арттыру және су саласындағы аймақтық ынтымақтастықты кеңейтудің практикалық ұсынымы қалыптастырылады.Өңірлік экологиялық саммит (RES 2026) – Орталық Азия елдері мен басқа мемлекеттерді климаттың өзгеруі, су ресурстарының тозуы, табиғи ресурстарды тұрақты басқару және басқа да өзекті экологиялық мәселелерді шешу үшін біріктіруге бағытталған халықаралық іс-шара. RES 2026 2026 жылғы 22-24 сәуір аралығында Астана қаласында (Қазақстан) өтеді. Саммитке мемлекеттер, халықаралық ұйымдар, бизнес және ғылым өкілдерінен тұратын 1500 делегаттың қатысуы күтілуде.RES 2026-ны БҰҰ-мен әріптестік аясында өткізу бастамасын Қазақстан Республикасының Президенті Қасым-Жомарт Тоқаев 2023 жылы БҰҰ Бас Ассамблеясының 78-сессиясында жариялаған болатын.RES 2026 туралы ақпарат https://res2026.kz/ сайтында.Ақпарат көзі : https://www.gov.kz/memleket/entities/economy/press/news/details/1182653?lang=kk

Премьер-министрдің орынбасары – ұлттық экономика министрі Серік Жұманғариннің төрағалығымен өткен Салық кодексін енгізу жөніндегі жобалық кеңсенің 9-отырысында ЕАЭО аясында жаңа салық нормаларын қолдануға және заңнамаға енгізілетін алдағы өзгерістерге қатысты кезекті мәселелер топтамасы қаралды.Маңызды мәселелердің бірі – ЕАЭО алаңында алкоголь өнімдерінің қауіпсіздігі туралы ЕАЭО-ның жаңа техникалық регламент жобасын талқылауға қатысты, бұл құжатқа сәйкес жүзімнен емес, мысалы алма немесе алмұрттан өндірілетін жеміс шараптары шарап санатына жатқызылмайды. Регламент қабылданған жағдайда жеміс шараптары жоғары акциз салынатын өнім санатына ауысады.Техникалық регламенттің шарттарын ЕАЭО-ға қатысушы елдердің салалық сарапшылары бірнеше жылдан бері талқылап келеді. Жобалық кеңсенің отырысында қатысушылар жаңа техникалық регламент қабылданған жағдайда отандық өндірушілерді қолдау мүмкіндігін қарастырды. Акцизді шарап деңгейінде тек жүзім өнімі үшін ғана емес, сонымен қатар алкогольді қоспай табиғи ашыту арқылы елде өндірілетін басқа да жемістерден алынған шараптар үшін де орнату туралы алдын ала шешім қабылданды.Бұл ретте ықтимал сұр схемаларды болдырмау үшін бақылаушы органдар тарапынан жеміс шараптарын өндіруді бақылау күшейтіледі. Бұл шешімді іске асыру үшін Салық кодексіне өзгертулер енгізу қажет, бірақ олар тек Қазақстан техникалық регламентті бекіткеннен кейін қолданысқа енеді. Сондықтан бұл мәселе жүйелік тізімге енгізілген және болашақ түзетулер пакетінде ескеріледі.Резидент еместер үшін ҚҚС төлеген кезде ЭШФСондай-ақ Жобалық кеңсенің отырысында резидент еместер үшін ҚҚС төлеу кезінде электрондық шот-фактураларды (ЭШФ) жазып беру мерзімі бойынша Салық кодексінің жаңа нормасын қолдану мәселесі қаралды.Қолданыстағы норма резидент еместер үшін ҚҚС бойынша ЭШФ ҚҚС төленгеннен кейін күнтізбелік 5 күннен кешіктірмей жазып беруді көздейді. Алайда іс жүзінде бизнесті әкімшілендіруде қиындықтарға тап болады, әсіресе резидент еместерге арналған ҚҚС есепшотында артық төлем болған жағдайда оны дұрыс есепке алу мен шот-фактура рәсімдеу қиындық тудырады.Кәсіпкерлермен және «Атамекен» ҰКП-пен талқылаудан кейін механизмді жеңілдету туралы шешім қабылданды. Резидент еместен алынған қызмет үшін ҚҚС бойынша электронды шот-фактураны қызмет алушы (ҚҚС төлеуші) қызметті алған күннен бастап 15 күн ішінде рәсімдеуі тиіс. Ал ҚҚС сомасын есепке алу резидент еместерге төленген ҚҚС төлемі жасаған күн бойынша жүргізіледі.Мемлекеттік кірістер комитеті төрағасының орынбасары Жәнібек Нұржанов атап өткендей, бұл логика салық ақпараттық жүйелерде іске асырылуы мүмкін және бизнес өкілдері тарапынан қолдау тапқан.«Атамекен» ҰКП өкілінің 2026 жылдың I тоқсан қорытындысы бойынша резидент еместер үшін ЭШФ уақтылы жазып бермегені үшін әкімшілік жазаларды қолдану туралы сұрағына жауап ретінде салық органдары тарапынан өндіріп алу қолданылмайтыны атап өтілді. Бұдан басқа, резидент еместер үшін ЭШФ үзінді көшірмесі бойынша талап 2025 жылғы IV тоқсандағы сатып алу жөніндегі айналымға қолданылмайды.Тиісті өзгерістерді Салық кодексіне ретроспективтік түрде 2026 жылғы 1 қаңтардан бастап қолдану күнімен енгізу жоспарланған. Мемлекеттік кірістер комитеті аталған СК нормасын қолдану туралы егжей-тегжейлі түсіндірмелер ұсынатын болады.Салық кодексі және мемлекеттік сатып алуСондай-ақ Жобалық кеңсенің отырысында Мемлекеттік сатып алулар мен квазимемлекеттік сектордың сатып алуларына байланысты алдағы өзгерістер түсіндірілді. Салық кодексінің ережелері өзгеріссіз қалады. Уәкілетті органдардың сатып алуды жүргізу қағидаларына өзгерістер енгізіледі. Олар оңайлатылған декларация негізінде арнайы салық режимін қолданатын салық төлеушілерден тауарларды, жұмыстарды, көрсетілетін қызметтерді сатып алу бойынша жалпыға бірдей белгіленген тәртіппен жұмыс істейтін салық төлеушілердің шегерімдерін шектеу бөлігінде Салық кодексіне сәйкес келтіріледі.Электр энергиясы нарығында шот-фактураларды жазып беру мерзімдеріСондай-ақ Жобалық кеңсе отырысында қазақстандық электр энергиясы және қуат нарығы операторы – «КОРЭМ» АҚ-ның және «Жаңартылатын энергия көздері нарығындағы есеп айырысу-қаржы орталығы» ЖШС бірыңғай сатып алушысының шот-фактураларды жазып беру мерзімдерін қайта қарау туралы өтініші қаралды.Электр энергиясы нарығына қатысушылар қызметінің ерекшелігін және қолданыстағы техникалық регламенттерді ескере отырып, осы мәселені нарықтың барлық қатысушыларымен қосымша пысықтау және оны Жобалық кеңседе қайта талқылауға шығару туралы шешім қабылданды.Бюджетке салық түсімдерінің тәртібіБұдан бөлек, республикалық бюджетке түсімдер мен салықтарды есептеу тәртібі түсіндірілді.Республикалық бюджет кірістерінің негізгі көздері корпоративтік табыс салығы (КТС), қосылған құн салығы (ҚҚС) және пайдалы қазбаларды өндіруге салынатын салық (ҚҚС) болып табылады.КТС есепті айдың 25-күніне дейін КТС бойынша аванстық төлемдерді төлеушілер ай сайын төлейді. Бұдан басқа, 2026 жылғы наурыз-сәуірде 2025 жылғы қызмет қорытындылары бойынша КТС түсуі күтілуде. Аванстық төлемдерді төлемейтін төлеушілер 2026 жылғы қорытынды бойынша КТС-ны 2027 жылғы 10 сәуірден кешіктірмей төлейді. Сондай-ақ бейрезидент үшін КТС бойынша төлемдер ай сайын түсуі мүмкін.Қазақстан аумағында өндірілген тауарларға, орындалған жұмыстарға және көрсетілген қызметтерге ҚҚС есепті кезеңнен кейінгі екінші айдың 25-күнінен кешіктірілмей төленеді. Яғни, 25 ақпанда ҚҚС өткен жылдың IV тоқсанының қорытындысы бойынша, 25 мамырда, 25 тамызда және 25 қарашада, тиісінше ағымдағы жылғы I, II, III тоқсан қорытындысы бойынша төленеді. 2026 жылғы 25 ақпан-2025 жылғы IV тоқсанның қорытындысы бойынша ҚҚС төлеу мерзімі.Резидент еместер үшін импортқа ҚҚС және ҚҚС міндеттемелердің туындауына қарай, яғни кедендік тазарту кезінде немесе резидент еместерден қызметтерді сатып алу кезінде төленеді.  ПҚӨС ҚҚС төлеу мерзіміне ұқсас мерзімде төленеді.Ақпарат көзі : https://www.gov.kz/memleket/entities/economy/press/news/details/1182658?lang=kk

Қостанай ауданында робототехника, бағдарламалау және инновациялық технологиялар бойынша облыстық ұлттық «National Robotics Games» жарысы өтті.Жарысқа Қостанай облысының қалалары мен аудандарынан келген 200-ден астам оқушы мен педагог қатысты.Іс-шара Цифрландыру және жасанды интеллект жылы аясында ұйымдастырылып, оқушылардың инженерлік және алгоритмдік ойлау қабілеттерін дамытуға, сондай-ақ робототехника және заманауи технологиялар саласындағы практикалық дағдыларын қалыптастыруға бағытталды.Жарыс дарынды жастарды қолдауға, ғылыми-техникалық шығармашылықты дамытуға және оқушылар арасында инженерлік мамандықтарды насихаттауға арналған маңызды алаңға айналды. Турнирдің ерекшелігі – заманауи технологиялық бағыттарды ұлттық мәдениет элементтерімен ұштастыруы болды.Қатысушылар бірнеше санат бойынша бақ сынады. Олардың қатарында: «Aero Nomad» (дрондар), «Асық ату», «Мерген», «Арқан тартыс», «Садақ ату», «Lego-аударыспақ», «Теңге алу», сондай-ақ шығармашылық «StoryCraft AI» санаты бар.Осындай жарыстарды өткізу мектеп оқушыларының инженерияға, бағдарламалауға және инновациялық технологияларға қызығушылығын арттырып, жас ұрпақтың цифрлық дәуірде сұранысқа ие дағдыларын қалыптастыруға ықпал етеді.Ақпарат көзі : https://www.gov.kz/memleket/entities/kostanay/press/news/details/1182646?lang=kk

Будапешт, 2026 жылғы 13 наурыз - Қазақстан Республикасының Мажарстандағы Елшісі Абзал Сапарбекұлы Мажарстан Премьер-министрінің Ұлттық қауіпсіздік жөніндегі Бас кеңесшісі Марцель Биромен кездесіп, қазақ-мажар стратегиялық серіктестігі аясында екіжақты қатынастардың күн тәртібіндегі өзекті мәселелерін талқылады.Сұхбаттастар, әлемдегі қалыптасып келе жатқан жаңа тәртіптің контексіндегі «орта державалардың» маңызды рөлі мен Орталық және Шығыс Еуропа мен Таяу Шығыстағы ахуалдардың теріс салдарының терроризмге, заңсыз миграцияға, энергетикалық қауіпсіздікке, сондай-ақ жаһандық экономиканың жеткізу тізбектеріне тигізетін  әсері туралы пікір алмасты. Елші А.Сапарбекұлы, М.Бироны осы жексенбіде елімізде өткен Республикалық референдум туралы хабардар етіп, оның аясында ел тағдырына тікелей әсер ететін жаңа конституцияның маңызды тұстарымен таныстырды.М.Биро өз кезегінде Референдумның сәтті де нәтижелі өтуіне тілектестігін білдіріп, Қазақстанның ұстанатын сыртқы саясаты мен оның басқару билігі жүйесін дамыған үлгі боларлық модель, деген мажар мемлекетінің ұстанымымен бөлісті.    Ақпарат көзі : https://www.gov.kz/memleket/entities/mfa-budapest/press/news/details/1182580?lang=kk

                Қазақстан Республикасының Самарқанд қ. Бас консулдығы 2026 жылдың 17 наурызынан бастап қазақстандық FlyArystan әуе компаниясы орындайтын Алматы – Самарқанд – Алматы бағыты бойынша маусымаралық рейстердің қайта басталатыны туралы хабарлайды.         Рейстер аптасына екі рет - сейсенбі және жексенбі күндері орындалады деп жоспарлануда.         Алматы мен Самарқанд арасындағы әуе қатынасының қайта жандануы Қазақстан Республикасы мен Өзбекстан Республикасы арасындағы туризм, іскерлік, мәдени және гуманитарлық байланыстарды одан әрі дамытуға, сондай-ақ аймақаралық ынтымақтастықты нығайтуға ықпал етеді.         Әлемдік өркениеттің ең ежелгі орталықтарының бірі және Ұлы Жібек жолының маңызды тарихи торабы Самарқанд қаласы жыл сайын әлемнің түкпір-түкпірінен көптеген туристерді тартады. Сонымен қатар, Алматы - Қазақстанның ең ірі іскерлік, қаржы және мәдени орталығы.         Бас консулдық әуе қатынасының қайта жандануын құптайды және бұл рейстер екі ел аймақтары арасындағы екіжақты байланыстарды одан әрі дамытуға ықпал ететініне сенім білдіреді.Ақпарат көзі : https://www.gov.kz/memleket/entities/mfa-samarkand/press/news/details/1182598?lang=kk

Алматыда өткен референдум барысында елеулі заңбұзушылықтар тіркелген жоқ, ал дауыс беру процесін ұйымдастыру сапасы бұрынғы кезеңдермен салыстырғанда жақсарған. Мұндай пікірді жазушы, экономист және қоғам қайраткері Бекнұр Қисықов білдірді. Ол тәуелсіз байқаушыларды оқытуға қатысып, сонымен қатар қаладағы дауыс беру барысын жеке өзі бақылаған.Оның айтуынша, ел бойынша референдумды мониторингтеу жұмысына «Халық үні» қоғамдық бірлестігінің дайындықтан өткен еріктілері тартылған.«Қазақстан бойынша біздің коалиция мен бастама аясында шамамен екі мыңға жуық байқаушы жұмыс істеді. Олар бұл іске материалдық сыйақы үшін емес, азаматтық ұстаныммен қатысты. Елдегі маңызды кезеңге үлес қосу ниетімен келген жастар болды. Біз оларға арнайы оқыту өткізіп, бақылау тәртібі мен заң талаптарын түсіндірдік. Соның нәтижесінде қатысушылар жоғары дайындық деңгейін көрсетті», – деді Бекнұр Қисықов.Ол өңірлер бойынша сайлаушылар белсенділігінде айтарлықтай айырмашылық болғанын да атап өтті. Кейбір облыстарда қатысу деңгейі 87–90 пайызға жетсе, Алматыда бұл көрсеткіш шамамен 33 пайызды құрады.«Бір қарағанда 33 пайыз төмен көрсеткіш сияқты көрінуі мүмкін. Дегенмен мегаполистің ерекшелігін ескеру қажет: қала тұрғындары мобильді, олардың саяси үдерістерге қатысу форматы өзгеше болуы мүмкін. Осы тұрғыдан алғанда, Алматыдағы бұл дерек те өзіндік маңызға ие», – деп түсіндірді ол.Бекнұр Қисықовтың айтуынша, бақылау барысында жекелеген даулы жағдайлар тіркелген. Негізінен олар онлайн-трансляциялар жүргізу, бюллетеньдерді суретке түсіру және дауыс беру күні әлеуметтік желілерде үгіт сипатындағы жазбалар жариялау мәселелеріне қатысты болған.«Қазіргі таңда әлеуметтік желілер белсенді дамып келеді. Кейбір азаматтар өз ұстанымын учаскеде тікелей көрсетуге тырысады. Бюллетеньді суретке түсіріп, интернетке жариялаған жағдайлар кездесті, алайда бұл заңмен шектелген. Сонымен қатар онлайн-трансляциялар төңірегінде де пікірталас болды: заңда нақты көрсетілмегенімен, мұндай әрекеттер дауыс құпиясына әсер етуі мүмкін деген нормалар бар. Сондықтан осы тақырыптар бойынша кейбір келіспеушіліктер туындады», – деді ол.Сонымен бірге ол Алматыда бақылаушылар тарапынан бюллетеньдерді жаппай тастау сияқты ірі бұзушылықтар анықталмағанын айтты. Оның пікірінше, сайлау процесін ұйымдастыру деңгейі жыл өткен сайын жетілдіріліп келеді.«Өткен науқандармен салыстырғанда айтарлықтай ілгерілеу бар. Учаскелерде ақпараттық материалдар, байланыс деректері, жоспарлар және дауыс жәшіктерінің орналасуы талапқа сай рәсімделген. Ұйымдастыру жұмыстары кәсіби деңгейде атқарылған. Жалпы алғанда, дауыс беру тыныш әрі қалыпты жағдайда өтті», – деп қорытындылады Бекнұр Қисықов.