19.08.2025 жылғы салық сауаттылығын арттыру шеңберінде Нұра ауданы бойынша аумақтық мемлекеттік кірістер басқармасы қолданыстағы, сондай-ақ 01.01.2026 жылдан бастап заңды күшіне енетін жаңа Салық кодексінің өзекті мәселелері бойынша сауда нүктелерінің салық төлеушілерімен және аудан халқының жаппай жиналуымен түсіндіру жұмыстарын жүргізді.Іс-шара барысында:БКМ міндетті қолдану және сатып алушыға чек беру талаптары туралы түсініктемелер берілді;"salyq кэшбэк" жобасының артықшылықтары мен оған қатысу шарттары ұсынылған;жаңа Салық кодексіне негізгі өзгерістер, оның ішінде жаңа арнаулы салық режимдері, салық есептілігі нысандарын қысқарту, салық берешегін өндіріп алу тәртібі және т. б. бөлігінде түсіндірілді.,сатушылар мен сатып алушыларға ақпараттық парақшалар таратылды.Ақпарат көзі : https://www.gov.kz/memleket/entities/kgd-karaganda/press/news/details/1078485?lang=kk

20.08.2025 жылы салық сауаттылығын арттыру шеңберінде Шахтинск қаласы, Бұқар Жырау ауданы, Қазыбек би атындағы аудан, Әлихан Бөкейхан ауданы бойынша Мемлекеттік кірістер басқармалары Салық төлеушілерге қолданыстағы заңнаманың, сондай-ақ 01.01.2026 жылдан бастап заңды күшіне енетін жаңа Салық кодексінің өзекті мәселелері бойынша семинарлар өткізді.Мәселен, Қазыбек би атындағы аудан бойынша МКБ "Алтын Арба" қалалық базарының аумағында жеке кәсіпкерлер үшін түсініктемелер жүргізілді.Шахтинск қаласы бойынша МКБ Атамекен ҰКП өкілдерімен салық төлеушілермен семинар өтті, сондай-ақ шағын және шағын бизнес өкілдері қатысты.Бұқар Жырау ауданы бойынша МКБ Ғабиден Мұстафин кентінің ФОК ғимаратында тұрғындардың кездесуі өтті.Әлихан Бөкейхан ауданы бойынша МКБ басқарма ғимаратында салық төлеушілер үшін семинар өткізілді.Мұндай кездесулер бизнеске салық заңнамасын жақсырақ басқаруға және өз міндеттемелерін уақтылы орындауға көмектеседі.Ақпарат көзі : https://www.gov.kz/memleket/entities/kgd-karaganda/press/news/details/1078469?lang=kk

Бүгін Қостанай қаласына елді мекендерді кешенді абаттандыру және көгалдандыру аясында жұмыс сапарымен Қазақстан Республикасының Индустрия және құрылыс вице-министрі Қуандық Қажкенов келді. Сапар барысында ол қаладағы саябақтар мен жағалау аймақтарын аралап көрді.Қала инфрақұрылымын дамыту аясында орталық көпірдің астында жаяу жүргіншілерге арналған арнайы жол салынды. Бұл жол жағалаудың екі бөлігін біріктіріп, біртұтас серуен аймағын құрады. Қазіргі таңда жағалаудың ұзындығы 2,5 шақырымды құрап, «Шағалы» жағалауынан Триатлон-паркіне дейінгі аумақты қамтиды.Триатлон-паркте 16 балалар және спорт алаңдары орнатылды. Сонымен қатар инженерлік желілер, суару және жарықтандыру жүйелері бойынша жұмыстар аяқталуға жақын. Қазан айының соңына дейін фонтан мен шағын сәулет нысандары бар кіреберіс бөлігінің құрылысы толықтай аяқталмақ.«Ұлы Дала» паркінде де бірқатар жұмыстар жүргізілуде. Мұнда балалар алаңы жасақталып, футбол алаңдары жөнделді. Каскадты фонтан қайта жаңартылуда, жаңа абаттандыру элементтері орнатылып, суару жүйесі жабдықталды. Соның нәтижесінде көгалдандырылған аумақ кеңейіп, жасыл желектердің сақталуына жағдай жасалды.Биылғы жылы Қостанай қаласында жеті жаңа демалыс аймағы құрылуда. Олардың қатарында Ахмет Байтурсынов атындағы Қостанай өңірлік университеті аумағындағы саябақ, «Қонай» шағынауданындағы, теміржол вокзалы жанындағы, Касымханова, Абай көшесі (164 үй маңы), Баймағамбетов көшесі (164 үй маңы), Дулатова көшесі бойындағы және облыстық әкімдік аумағындағы скверлер мен қоғамдық кеңістіктер бар.Айта кету керек, Қостанайда көгалдандыруға айрықша назар аударылуда. Барлық саябақтарда автоматты суару жүйелері орнатылып, қаланың жасыл желектер көлемі жыл сайын артып келеді.Ақпарат көзі : https://www.gov.kz/memleket/entities/kostanai-kalasy-akimat/press/news/details/1068999?lang=kk

Күн тәртібінде келесі мәселелер қаралды:Қазақстан Республикасы Президенті Токаев К.К.-ның «Жасанды интеллект дәуіріндегі Қазақстан: өзекті міндеттер және оларды цифрлық трансформация арқылы шешу» атты Жолдауын талқылау;2023–2027 жылдарға арналған өңірлік жол картасының 2025 жылдың III тоқсанындағы орындалуы.Отырысына Алтай ауданы мәслихатының төрайымы Гречушникова Лариса Александровна, Шығыс Қазақстан облыстық мәслихатының депутаты Михайленко Игорь Владимирович шақырылды.Бірінші мәселе бойынша фракция мүшелері Президент Жолдауын жан-жақты талқылады.Екінші мәселе бойынша ГУ «Алтай ауданының тұрғын үй-коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысы Жуанганов К.А., Алтай ауданы әкімінің орынбасары Мыслимова Т.Н. баяндамаларын тыңдады.Отырыстың қорытындысы бойынша ұсынымдар қабылданды.Партияның Сайлауалды бағдарламасы Жол картасының тармақтарының орындалуын бақылау Алтай ауданы депутаттарына жүктелді, ол Алтай ауданы мәслихатының тұрақты комиссиялары мен Фракциясының тұрақты бақылауында.Ақпарат көзі : https://www.gov.kz/memleket/entities/altay-maslihat/press/news/details/1068993?lang=kk

12 қыркүйекте Еуразиялық экономикалық комиссия (ЕЭК) Кеңесінің кезекті отырысы өтті. Кеңес барысында техникалық реттеу саласындағы өзекті мәселелер қаралды.ЕЭК Кеңесі ЕАЭО аясында стандарттау жөніндегі жұмыстарды үйлестіру тәртібіне өзгерістер енгізді.Өзгерістер нақты сипатта. Атап айтқанда, мемлекеттік стандарттарды әзірлеуді (өзгерістер енгізу, қайта қарау) жоспарлау кезінде енді күшіне енген ЕАЭО техникалық регламенттерінің және оларға арналған стандарттар тізбелерінің ғылыми-техникалық деңгейіне міндетті мерзімді бағалау нәтижелерін ескеру мүмкіндігі қарастырылды.Сондай-ақ, бұл өзгерістер ЕАЭО техникалық регламенттеріне арналған мемлекеттік стандарттарды әзірлеу бағдарламаларында мемлекеттік стандарттарлы әзірлеудің қайталану жағдайларын болдырмауға бағытталған.Өзгерістер ресми жарияланғаннан кейін 30 күнтізбелік күн өткен соң күшіне енеді.ЕЭК Кеңесі парфюмерия-косметикалық өнімге қатысты техникалық регламентке өзгерістер қабылдады.Парфюмерия-косметикалық өнім құрамына қойылатын талаптар нақтыланды. Атап айтқанда тыйым салынған заттар тізімі, белгілі шектеулермен қолдануға рұқсат етілген заттар, рұқсат етілген бояғыштар, консерванттар және УФ-фильтрлер тізімдері өзектендірілді.Өзгерістер ресми жарияланғаннан кейін 12 айдан соң күшіне енеді.Сонымен қатар, формальдегидке қатысты нормалар бойынша 2027 жылғы 1 қаңтарға дейін өтпелі кезең қарастырылған: Қазір «формальдегид бар» деген таңбалау өнімдегі формальдегидтің теориялық концентрациясы 0,05%-дан асқан жағдайда талап етіледі.2027 жылдан бастап бұл шек 0,001%-ға дейін төмендейді. Яғни, егер теориялық концентрация 0,001%-дан асса, онда қаптамада «формальдегид бар» деген жазуды көрсету міндетті болады.Жеңіл өнеркәсіп өнімдеріне қатысты техникалық регламентке өзгерістер қабылданды.Құжатта сәйкестікті растау бойынша сертификаттау және декларациялау сұлбалары мен рәсімдері ЕЭК Кеңесінің №44 шешімімен бекітілген үлгі сұлбаларға сәйкестендірілді және қолданыстағы тәжірибе ескерілді.Бір жыл ішінде сынақ хаттамаларын ұқсас өнімнің келесі партиялары үшін, сондай-ақ үш жыл бойы материалдар мен құрамдас бөліктердің сынақ хаттамаларын осы материалдар мен құрамдас бөліктер қолданылған сериялық өнімнің сәйкестігін бағалау кезінде қолдану мүмкіндігі регламенттелді.Бұл түзетулер сәйкестікті бағалау рәсімдерінің бірізді қолданылуын және ЕАЭО-ның әрбір елінде жүргізілетін бағалау нәтижелерінің салыстырмалылығын қамтамасыз етеді.Осылайша, Еуразиялық экономикалық одақтың техникалық регламенттеріндегі сәйкестікті бағалау рәсімдерін жүйелі түрде қайта қарау жалғасуда.Ақпарат көзі : https://www.gov.kz/memleket/entities/mti/press/news/details/1068935?lang=kk

Ағымдағы жылы 15 және 16 қыркүйек күндері Жамбыл облысының Сарысу және Байзақ аудандары бойынша мемлекеттік кірістер басқармалары және Жамбыл облысы бойынша МКД қызметкерлері қатысуымен медиа-жоспар шеңберінде Сарысу және Байзақ аудандарының әкімдіктерінің ғимараттарында, 2026 жылдан бастап күшіне енетін жаңа Салық кодексіндегі негізгі өзгерістер бойынша салық төлеушілерге арналған семинарлар өткізілді.Іс-шараға қатысушылар – мекеме басшылары, жеке кәсіпкерлер, жеке тұлғалар, шаруа қожалықтарының басшылары, бухгалтерлер – салық заңнамасындағы алдағы жаңалықтармен танысып, өздерін қызықтырған сұрақтарын қою мүмкіндігіне ие болды. Сарысу ауданында семинарға 42, ал Байзақ ауданында 160 тындаушы қатысты.Семинар барысында келесі мәселелер қаралды: салық есептілігінің нысандарын қысқарту, арнайы салық режимдерінің өзгеруі, ҚҚС реформасы, жалпыға бірдей декларациялау, салықтық әкімшілендіруді цифрландыру және басқа да тақырыптар.Ашық диалог форматында өткен кездесу салық төлеушілерге алдағы өзгерістерге дайындалу бойынша нақты ұсыныстар алуға, сондай-ақ өзекті мәселелерді талқылауға мүмкіндік берді.Келесі семинар 17.09.2025ж. Талас ауданы Қаратау қаласында өтеді.Жамбыл облысы бойынша МКДТүсіндіру жұмысы және Байланыс-орталығы басқармасыАқпарат көзі : https://www.gov.kz/memleket/entities/kgd-zhambyl/press/news/details/1068906?lang=kk

Алматыда Қазақстан Республикасы Қорғаныс министрлігі Әскери-техникалық мектебінің курсанттары мен оқытушылары «Өмірге үміт сыйла» қайырымдылық акциясына қатысты. Қайырымдылық жобасы ауыр науқастарға қан доноры болуды көздейді. Акция барысында Әскери-техникалық мектептің курсанттары мен оқытушылары мұқтаж жандарға көмектесу үшін шамамен 16 литр қан тапсырды. Қан тапсырар алдында әрқайсысы медициналық тексеруден өтті. Мамандар қан тобын анықтап, денсаулық жағдайын тексерді және қарсы көрсеткіштер қандай болатыны туралы айтты. Осыдан кейін донорлар 450 миллилитр қан тапсырды.ӘТМ бастығының орынбасары запастағы полковник Мұрат Сахратов қан тапсыру адамдарға көмек қана емес, жастарды тәрбиелеудің маңызды бөлігі екенін атап өтті.–  Біз курсанттарымызды әскери мамандыққа ғана дайындап қоймай, оларды жоғары моральдық және азаматтық құндылықтарға тәрбиелейміз, – дейді ол. – Донор болу – алғыс алумен қатар жауапты қадам. Мұндай іс-шаралар оқушыларымызға адам өмірінің құндылығын тереңірек түсінуге мүмкіндік береді.10 жылдан астам уақыт бойы донорлық қан өткізу Әскери-техникалық мектептің жақсы дәстүрі болды. Жыл сайын мектеп тәрбиеленушілері мен оқытушылары 50-60 литрден астам қан тапсырады, өмірді сақтауға үлес қосып, азаматтық жауапкершілік пен қоғамға қызмет етудің үлгісін көрсетеді.Алматы қаласының қан құю орталығында донорлар үшін әлеуметтік жауапкершілік сезімі басты әдіске айналатынын атап өтті. Ерікті өткізудің арқасында пациенттер қалпына келіп қана қоймай, адамдарға деген сенімін де қалыптастырады.Ақпарат көзі : https://www.gov.kz/memleket/entities/mod/press/news/details/1068909?lang=kk

Қазақстанның Ирандағы Елшілігінде ҚР Президенті Қасым-Жомарт Кемелұлы Тоқаевтың Қазақстан халқына Жолдауына арналған дөңгелек үстел өтті.Іс-шараға ирандық сарапшылар қауымдастығының өкілдері мен жергілікті БАҚ журналистері қатысты.Қазақстанның Ирандағы Елшісі Оңталап Оңалбаев Мемлекет басшысының «Қазақстан жасанды интеллект дәуірінде: қазіргі сын-қатерлер және цифрлық трансформация арқылы оларды шешу жолдары» атты Жолдауының негізгі бағыттарына тоқталып, қатысушыларға елімізде жүзеге асырылып жатқан саяси, экономикалық және әлеуметтік реформалар туралы жан-жақты ақпарат берді.Ақпарат көзі : https://www.gov.kz/memleket/entities/mfa-gorgan/press/news/details/1070334?lang=kk

Алматы облысында жастарға арналған «Тәуелсіздік ұрпақтары» грантына өтінімдер қабылдау басталды. Биыл бұл бастама аясында 10 жас 1 миллион теңге көлеміндегі қаржылай қолдауға ие болады.​Жастардың тың идеялары мен креативті бастамаларын жүзеге асыруға жол ашатын мүмкіндік - Мемлекет басшысы Қасым-Жомарт Тоқаевтың 2021 жылы жариялаған бастамасы аясында қолға алынған. Грант еліміздің тәуелсіздігінің 30 жылдығына орай тағайындалып, жыл сайын дарынды да белсенді жастарға жаңа серпін беруді көздейді.​«Гранттың мақсаты – өңіріміздегі шығармашыл әрі белсенді жастарды қолдау, олардың ел дамуына қосатын үлесін арттыру. Бұл – бір реттік қолдау емес, жаңа буын көшбасшыларын қалыптастыруға бағытталған жүйелі қадам», — деді Алматы облысы Жастар саясаты мәселелері басқармасының басшысы Мади Ахметов өңірлік коммуникациялар қызметінде өткен баспасөз мәслихатында.​Алматы облысында аталмыш грантқа үміткер болуға ниетті 14 пен 35 жас аралығындағы азаматтар өз жобаларын ұсына алады. Қатысушының өңір тұрғыны болуы – басты талаптардың бірі.​Жоба бес бағытты қамтиды. Ғылым саласында – зерттеулер мен тың идеяларға негізделген ғылыми жобалар қолдау табады. Мәдениет бағыты бойынша ұлттық мұраны дәріптеуге бағытталған бастамаларға басымдық берілмек. Сонымен қатар ақпараттық технологиялар саласында жаңашыл IT шешімдер мен стартаптар, бизнес бағыты бойынша кәсіпкерлік идеялар, ал медиа саласында жастарға арналған пайдалы әрі мазмұнды контент жобалары қарастырылады.​Конкурс екі кезеңнен тұрады. Алдымен, қатысушылардың құжаттары қабылданып, талаптарға сәйкестігі тексеріледі. Одан кейін, жобалар арнайы конкурстық комиссияның қарауына ұсынылып, жеңімпаздар іріктеледі.​Бұл грант жастардың өз әлеуетін жүзеге асыруына тың серпін. Гранттың мәні тек қаржылай қолдауда емес. Бұл – жастарға сенім білдірудің, оларды ел дамуына қатыстырудың нақты жолы. Мемлекеттің болашағы – жаңа буынның белсенділігі мен жаңашылдығына тікелей байланысты, – деді спикер.​Өтінімдер 17 қыркүйектен басталып, 2025 жылдың 10 қазанына дейін қабылданады. Құжаттар almobl.t.urpaktary@gmail.com электронды поштасына немесе аудандық және қалалық Жастар ресурстық орталықтары арқылы тапсырылады. Қосымша ақпаратты +7 (707) 950-35-13 нөмірі арқылы білуге болады.Ақпарат көзі : https://www.gov.kz/memleket/entities/almobl/press/news/details/1068897?lang=kk

Алматы облысында қатты тұрмыстық қалдықтар полигонындағы өртті сөндіру жұмыстары жалғасуда. Әсіресе атап өтерлігі – жақын маңдағы елді мекендер мен тұрғындарға ешқандай қауіп төніп тұрған жоқ.Өртті сөндіруге Алматы облысы мен Алматы қаласының ТЖД-нің шамамен 150 қызметкері және 70-тен астам техникасы, сондай-ақ Ұзынағаш ауылындағы 28237 әскери бөлімі, «Қазселденқорғау» мекемесі, Алматы қаласы ТЖМ Құтқару қызметі, полиция департаменті мен жергілікті атқарушы органдар жұмылдырылған.Қосымша күш ретінде ТЖМ тарапынан өртке қарсы сорғы станциялары, апаттық-құтқару көліктері, бульдозерлер, тралдар және басқа да арнайы техникалар жіберілуде.Өрт ошағының бір бөлігі тереңде орналасқан: жану тек беткі қабатта ғана емес, қалдықтардың ішінде, шамамен 10 метрге дейінгі тереңдікте жүріп жатыр, сондықтан түтіндеп жану әлі де сақталуда. Полигонның ішіндегі жоғары температура ұзақ уақыт бықсып жануға себеп болып отыр. Қалдықтардың ұзақ ыдырауы барысында бөлінетін метан да үздіксіз ішкі жануды күшейтеді.Сонымен қатар, полигон беті тұрақсыз болғандықтан, опырылу қаупі бар, осыған байланысты ауыр техниканың қозғалу мүмкіндігі шектеулі.Жағдай Алматы облысының әкімдігі мен Төтенше жағдайлар министрлігінің бақылауында. Жақын маңға өрттің тарау қаупі жоқ.Ақпарат көзі : https://www.gov.kz/memleket/entities/almobl/press/news/details/1068854?lang=kk

Қостанай облысы бойынша Мемлекеттік кірістер департаменті жеке тұлғаларға – жылжымайтын мүлік пен жер учаскелерінің иелеріне 2024 жыл үшін мүлік салығын төлеу мерзімі биылғы жылдың 1 қазанында аяқталатынын еске салады.Салық мемлекеттік кірістер органдарымен «Азаматтарға арналған үкімет» мемлекеттік корпорациясы айқындайтын салық салу объектілерінің құны және мүлікті меншік құқығында нақты иелену мерзімі негізінде есептеледі.2025 жылғы 2 қазаннан бастап салық сомасын уақытылы төлемеген тұлғаларға жеке тұлғалардың салықтық берешегі туралы хабарламалар жолданады.Салықты e-Salyq Azamat мобильді қосымшасы және екінші деңгейдегі банктер арқылы, «Электрондық үкімет» порталы арқылы, екінші деңгейдегі банктердің бөлімшелерінде немесе төлем терминалдарында қолма-қол ақша қаражатымен, сондай-ақ банкоматтар мен төлем терминалдарында банк карталарының көмегімен төлеуге болады.Ақпарат көзі : https://www.gov.kz/memleket/entities/kgd-kostanay/press/news/details/1068840?lang=kk

2025 жылғы 5 қыркүйекте Женевада Қазақстан Республикасының Дүниежүзілік сауда ұйымы жанындағы Тұрақты өкілі, Елші Қайрат Төребаев Халықаралық электр байланысы одағының (ХЭО) Бас хатшысы Дорин Богдан-Мартин ханыммен кездесті.Кездесу барысында Елші Қазақстанның ХЭО-мен әріптестікті нығайтуға бейілділігін атап өтіп, Дорин Богдан-Мартин ханымды 2025 жылғы 2–4 қазанда Астанада өтетін халықаралық Digital Bridge 2025 форумына жеке қатысуға шақырды. Форум цифрландыру саласындағы жаһандық сын-қатерлер мен мүмкіндіктерді, инвестицияларды тартуды және технологиялық экожүйелерді дамытуды талқылайтын маңызды алаң болмақ.Тараптар сондай-ақ цифрлық даму, инновациялар және орнықты инфрақұрылым саласында Қазақстан мен ХЭО арасындағы ынтымақтастықты кеңейту келешегін талқылады. Елші Қазақстанның ұйымның барлық маңызды іс-шараларына, соның ішінде өңірлік деңгейдегі шараларға қатысуға мүдделілігін атап өтіп, ХЭО-ны Digital Bridge 2025 форумын ұйым бастамаларын талқылау алаңы ретінде пайдалануға шақырды.Бас хатшы Дорин Богдан-Мартин Қазақстанның бастамаларын жоғары бағалап, ХЭО мәселелері бойынша одан әрі өзара іс-қимылды жалғастыруға дайын екенін білдірді.Ақпарат көзі : https://www.gov.kz/memleket/entities/mfa-wto/press/news/details/1068805?lang=kk

Женева, 2025 жылғы 15 қыркүйек – Дүниежүзілік сауда ұйымының Бас кеңесінің арнайы отырысында Балық аулауға арналған субсидиялар туралы келісімнің күшіне енгені ресми түрде жарияланды. Келісімнің күшіне енуі үшін қажетті қатысушылар санын қамтамасыз еткен соңғы ратификация құжаттарын Бразилия, Кения, Тонга және Вьетнам тапсырды.Аталған келісім 2022 жылғы 17 маусымда Қазақстан төрағалығымен өткен ДСҰ-ның 12-ші Министрлік конференциясында (MC12) барлық мүше елдердің министрлері тарапынан қабылданды. Бұл ДСҰ құрылғаннан кейінгі екінші жаңа келісім және 2013 жылы Балида қабылданып, 2017 жылы күшіне енген Сауда рәсімдерін жеңілдету туралы келісімнен кейінгі алғашқы келісім болып табылады.Құжат заңсыз, құжатталмаған және реттелмеген балық аулауға, артық пайдаланылып жатқан қорларды аулауға, сондай-ақ реттелмеген ашық теңіз аймақтарындағы балық аулауға берілетін субсидияларды тоқтатуды көздейді. Осылайша жыл сайынғы көлемі 22 млрд АҚШ долларын құрайтын зиянды субсидиялар қысқарып, теңіз экожүйелерін қорғауға мүмкіндік береді. Сарапшылардың бағалауынша, заңсыз балық аулау әлемдік аулаудың 20%-ына дейін жетеді.ДСҰ Бас директоры Нгози Оконджо-Ивеала атап өткендей, Балық аулауға арналған субсидиялар туралы келісім «тек қана балық қорының сарқылуын тоқтатуға емес, сонымен қатар миллиондаған адамдардың өмір сүру құралдары мен азық-түлік қауіпсіздігін қорғауға бағытталған. Бұл – жаһандық ортақ игіліктерге қатысты мәселелерге жауап әрі көпжақты сауда жүйесінің нақты нәтижелер бере алатынын көрсететін дәлел».Қазақстан Республикасы Президенті Қасым-Жомарт Тоқаев 2024 жылғы 19 маусымда «Дүниежүзілік сауда ұйымын құру туралы Марракеш келісіміне өзгерістер енгізу туралы хаттаманы ратификациялау туралы» Заңға қол қойып, еліміз келісімді бекіткен болатын.ДСҰ жанындағы Қазақстанның Тұрақты өкілі Қайрат Торебаев әлемдегі ең ірі теңізге шыға алмайтын мемлекет ретінде Қазақстан үшін көпжақты сауда жүйесін нығайтудың ерекше маңызы бар екенін атап өтіп, Қазақстан төрағалық еткен МК-12-де қабылданған осы тарихи шешіммен мақтанатынымызды жеткізді. Тұрақты өкілдің айтуынша, бүгінгі қадам ДСҰ-ның жаһандық маңызы бар уағдаластықтарға қол жеткізе алатынын растайды және Қазақстан мүше елдердің келіссөздерді аяқтау және қабылданған уағдаластықтарды іске асыру бойынша күш-жігерін әрі қарай қолдайтын болады.ЮНКТАД Бас хатшысы Ребека Гринспан БҰҰ Бас хатшысы Антониу Гутерриштің құттықтауын жеткізді. Ол келісімнің күшіне енуін Тұрақты даму мақсаттарының орындалуына және мұхиттарды жаһандық қорғауға қосылған маңызды үлес ретінде атап өтті.Сонымен қатар, Барбадос, Чили, Исландия және Малайзия Премьер-министрлері бейнеүндеулерінде тарихи келісімнің мұхиттарды қорғаудағы және халықаралық сауда жүйесін нығайтудағы маңыздылығын атап өтті.Келісім екіден үш мүше ел ратификациялағанына қарамастан, бүгіннен бастап барлық ДСҰ мүшелері үшін күшіне енді. Егер келісімнің ережелерін қандай да бір мүше бұзатын болса, бұл мәселе ДСҰ дауларды шешу органына шығарылуы мүмкін.Сонымен бірге, 17 ел арнайы құрылған ДСҰ Балық қорына 18 млн АҚШ долларын аударды. Қор дамушы және ең аз дамыған елдерге келісімді іске асыруда техникалық көмек пен қолдау көрсетуге бағытталған.Ақпарат көзі : https://www.gov.kz/memleket/entities/mfa-wto/press/news/details/1068809?lang=kk

Протокол Комитеттің ресми интернет-ресурсында 2025 жылғы 20 маусымда жарияланғанын хабарлайды.2.0.3 нұсқасының хаттамасында БКМ-ді тауарлардың Ұлттық каталогына автоматты түрде қосуға және БКМ-нің нақты орналасқан жерін анықтайтын ФДО жағында геолокацияны анықтауға арналған сервис көзделген.Осыған байланысты, 2025 жылғы 15 қазанға дейін аппараттық-бағдарламалық кешендер болып табылатын БКМ қолданатын салық төлеушілер 2.0.3 нұсқасының хаттамасына сәйкес БКМ функцияларын қайта бағдарламалауы қажет.Деректерді тіркеу және (немесе) беру функциясы бар электрондық құрылғы (темір кассалар) болып табылатын БКМ қолданатын салық төлеушілерге 2025 жылғы 15 қарашаға дейін қайта бағдарламалау жүргізу қажет.БКМ қайта бағдарламалау үшін БКМ әзірлеушілеріне және БКМ техникалық қызмет көрсету орталықтарына жүгіну қажет.Сонымен қатар, 2025 жылдың 17 қарашасынан бастап ФДО 2.0.2 нұсқасының хаттамасын өшіру жоспарланғанын хабарлаймыз.Ақпарат көзі : https://www.gov.kz/memleket/entities/kgd-vko/press/news/details/1068813?lang=kk

Алматы облысында егін жинау жұмыстары қарқынды жүргізілуде. Облыс әкімдігінің мәліметінше, бүгінгі күнге дейін 103 мың гектардан астам дәнді дақыл орылып, бұл жалпы алқаптың 65 пайызын құрайды. Қамбаға 191,7 мың тоннадан астам астық түсті.Негізгі үлесті бидай мен арпа алады. Атап айтқанда, 34,5 мың гектар алқаптан 55 мың тонна бидай жиналды. Орташа өнімділік гектарына 16 центнерді құрады. Ал арпа 62,5 мың гектардан бастырылып, 107,8 мың тонна өнім алынды. Орташа түсім гектарына 17,2 центнер болды.Сонымен қатар жүгері жинау жалғасуда. Қазіргі таңда 3 мың гектар (6 пайыз) алқаптан 22 мың тоннадан астам өнім алынды. Бұл дақылдың орташа өнімділігі гектарына 74 центнерден асты.Картоп пен көкөніс те мол өнім беруде. Бүгінге дейін 116,6 мың тонна картоп, сондай-ақ 347,1 мың тонна көкөніс пен бақша дақылдары жиналды. Орташа өнімділік тиісінше гектарына 204 және 263 центнерді құрады.Ауыл шаруашылығы басқармасының хабарлауынша, ауа райының құбылмалығына қарамастан, науқан жоспарлы түрде жүргізіліп жатыр. Мәселен, Балқаш ауданында мал азығын дайындау жұмыстары жүйелі жолға қойылған. «Өтес-Ақдала» шаруашылығында 400 гектардан астам жоңышқа алқабы бар. Екінші орым толық аяқталды, алдағы уақытта үшінші орымға кірісу көзделуде.Шаруашылық жетекшісі Марат Дүйсенов өз ісіне жауапкершілікпен қарайды. Ол қажет болған жағдайда өзі трактор немесе комбайн тізгіндейді. Заманауи техника – неміс комбайны, престеу жабдықтары және тракторлар уақытылы жұмыс істеуге мүмкіндік беріп отыр. Бұдан бөлек, шаруашылықта 386 гектарға күріш егілген. Биылғы ыстық жаз егіннің өсуіне қолайлы болды.Мамандардың айтуынша, алдағы апталарда облыстағы барлық егіс алқаптары толық жиналып, жұмыстар толық аяқталатын болады.Ақпарат көзі : https://www.gov.kz/memleket/entities/almobl/press/news/details/1068831?lang=kk

Жеке тұлғаның салықтық міндеттемесі:ол қайтыс болған;соттың заңды күшіне енген шешімі негізінде ол қайтыс болды деп жарияланған жағдайда тоқтатылады.Дара кәсіпкердің салықтық міндеттемесі дара кәсіпкер Қазақстан Республикасының заңнамасында айқындалған тәртіппен қызметін тоқтатқаннан кейін тоқтатылады.Заңды тұлғаның салықтық міндеттемесі:ол таратылғаннан кейін;қосылу (қосылған заңды тұлғаға қатысты), бірігу және бөліну жолымен ол қайта ұйымдастырылғаннан кейін тоқтатылады.Ақпарат көзі : https://www.gov.kz/memleket/entities/kgd-kyzylorda/press/news/details/1068752?lang=kk

Комитет БКМ қолдану тәртібіне енгізілген өзгерістерге сәйкес, Комитет деректерді тіркеу және (немесе) ФДО серверіне беру функциясы бар БКМ деректерді берудің жаңа хаттамасын, 2.0.3 нұсқасын (бұдан әрі-2.0.3 нұсқасының ХАТТАМАСЫ) әзірлегенді. Протокол Комитеттің ресми интернет-ресурсында 2025 жылғы 20 маусымда жарияланғанын хабарлайды.2.0.3 нұсқасының хаттамасында БКМ-ді тауарлардың Ұлттық каталогына автоматты түрде қосуға және БКМ-нің нақты орналасқан жерін анықтайтын ФДО жағында геолокацияны анықтауға арналған сервис көзделген.Осыған байланысты, 2025 жылғы 15 қазанға дейін аппараттық-бағдарламалық кешендер болып табылатын БКМ қолданатын салық төлеушілер 2.0.3 нұсқасының хаттамасына сәйкес БКМ функцияларын қайта бағдарламалауы қажет.Деректерді тіркеу және (немесе) беру функциясы бар электрондық құрылғы (темір кассалар) болып табылатын БКМ қолданатын салық төлеушілерге 2025 жылғы 15 қарашаға дейін қайта бағдарламалау жүргізу қажет.БКМ қайта бағдарламалау үшін БКМ әзірлеушілеріне және БКМ техникалық қызмет көрсету орталықтарына жүгіну қажет.Сонымен қатар, 2025 жылдың 17 қарашасынан бастап ФДО 2.0.2 нұсқасының хаттамасын өшіру жоспарланғанын хабарлаймыз. Ақпарат көзі : https://www.gov.kz/memleket/entities/kgd-zhetysu/press/news/details/1068757?lang=kk

«Әскери медицина ардагерлері» қоғамдық бірлестігі әскери медицина саласында еңбек еткен ардагерлерге жан-жақты көмек көрсетіп, зейнеткерлер мен олардың отбасы мүшелерінің әлеуметтік қорғалуына қатысты мәселелерді шешеді. Сонымен қатар медициналық, заңдық және өзге де көмектер көрсетілуіне ықпал жасайды.Қоғамдық бірлестікті отставкадағы медицина қызметінің полковнигі Найман Оқапов басқарады. Ардагердің барлық еңбек жолы Қарулы күштермен тығыз байланысты. Ол 10 жыл бойы Алматыдағы ҚР Қорғаныс министрлігінің Орталық әскери клиникалық госпиталін басқарды, мекеме қызметінің бастауында тұрды және ҚР ҚМ медициналық қамтамасыз ету департаментінің бірінші бастығы болды.– Біздің негізгі мақсатымыз – әскери медицина ардагерлеріне әлеуметтік, медициналық, заңдық және басқа да қорғауға қатысты мәселелерді шешуде көмектесу ғана емес, сондай-ақ олардың тәжірибесін, білімін кәдеге жарату, – деді ол.Бірлестіктің қызметіне түрлі конференциялар, семинарлар мен симпозиумдар ұйымдастыру және әскери дәрігерлерді насихаттау да кіреді. Қазіргі таңда бірлестіктің Талдықорған, Шымкент, Ақтөбе, Алматы, Астана және Семей қалаларында өкілдері бар. Бұл – сол қалаларда әскери қызметін өтеп, кейін сонда тұрақтап қалған ардагерлер. Ұйымның құрамына тек әскери дәрігерлер ғана емес, сонымен бірге орта буын медицина қызметкерлері, медтехниктер мен әскери-медициналық мекемелердің тылдағы қызметкерлері де кіреді. Ардагерлер жергілікті гарнизондардағы әскери бөлімдермен байланыста болады, тактикалық-арнайы сабақтар мен оқу-жаттығуларды ұйымдастыру мен өткізуге әдістемелік және практикалық көмек көрсетеді, салтанатты іс-шараларға қатысады, өскелең ұрпақты әскери-патриоттық тәрбиелеумен айналысады.«Әскери медицина ардагерлері» қоғамдық бірлестігі ҚР Қарулы күштерінің Бас әскери-медициналық басқармасымен меморандумға қол қойды. Бұл құжат денсаулық сақтау саласына қатысты жобаларды бірлесіп жүзеге асыруға бағытталған. Мәселен, Қорғаныс министрлігі әскери медицина академиясын ашуды жоспарлап отыр. Ал бұл бастаманың ұйымдастырушылық құрылымын әзірлеуге бірлестік мүшелері тікелей қатысты. Ардагерлер жаңа оқу орнында сабақ беруге дайын.«Әскери медицина ардагерлері» ұйымында тәжірибелі мамандар жеткілікті. Көптеген әскери дәрігерлер Қарулы күштерде 40 жыл қызмет етті. Мысалы, отставкадағы медициналық қызметтің полковнигі Файзолла Жәмеев әскери терапевттер мектебінің негізін қалады, ол көптеген әскери дәрігерлерді лейтенанттардан полковниктерге дейін тәрбиеледі. Ал отставкадағы медицина қызметінің полковнигі Есімғали Таласбаев Беларусь әскери округінде қызмет еткен кезде бас қан тамырлары хирургі болған. Қоғамда Ауған соғысының ардагерлері де бар.– Басты мақсатымыз әскери медицина ардагерлеріне әлеуметтік қорғау мәселелерін шешуде көмектесу және ардагерлерге медициналық, заңдық және өзге де көмек көрсетуге жәрдемдесу ғана емес, олардың әлеуетін пайдалану, – дейді ол.Ақпарат көзі : https://www.gov.kz/memleket/entities/mod/press/news/details/1068779?lang=kk

Мемлекет басшысы Қасым-Жомарт Тоқаев Қазақстан халқына арнаған бүгінгі Жолдауында еліміздің әлеуметтік-экономикалық дамуы, цифрлық трансформациясы мен жасанды интеллект технологияларын енгізу бағытында бірқатар нақты міндеттерді айқындады. Президенттің айтуынша, Қазақстан алдағы үш жыл ішінде толыққанды жаппай цифрлық ел болуға тиіс. Әйтпесе, әлемдік бәсекеде артта қалу қаупі зор.«Экономиканың барлық саласына цифрландыру мен жасанды интеллект құралдарын жедел енгізу қажет», – деп нақты тапсырма берген Президент еліміздің Ұлттық цифрлық даму стратегиясын қалыптастыруды көздейтінін жеткізді. Қасым-Жомарт Кемелұлы айтқандай, «заман ағысына икемделе алған ел ғана өрге жүзеді». Жасанды интеллектке бет бұру жаһандық талапқа сай әрекет етуге ғана емес, елдің келешегін кемелдендіруге бағытталған жол.Президент қазіргі заманда әлем бойынша жүріп жатқан түбегейлі өзгерістерге жастардың бейімделгіштік қабілеті жоғары екенін айрықша атап өтті. Жастардың цифрлық сауаттылығы мен технологияны меңгеруі Қазақстанның болашақ дамуының басты кепілі екені сөзсіз.Мемлекет басшысы жасанды интеллект дәуірінде мәдениет пен өнердің маңызын да ұмыт қалдырған жоқ. «Мәдениет қайраткерлері жаңа заманның талабына бейімделіп жұмыс істеуі керек», – деген Қасым-Жомарт Тоқаев өнер адамдарына қолдау көрсетілетінін, сонымен қатар инфрақұрылым мәселесі де назардан тыс еместігін атап өтті. Президент һәкім Абайдың «Адамның адамшылығы – ақыл, ғылым, жақсы ата, жақсы ана, жақсы құрбы, жақсы ұстаздан болады» деген дана сөзін мысалға келтіре отырып, заманауи Қазақстан азаматтарының саналы, белсенді әрі білімді болуы ел дамуының негізі екенін жеткізді.Президент Жолдауында Қазақстанның көпвекторлы және сындарлы сыртқы саясаты туралы кеңінен тоқталды. Оның айтуынша, бүгінде көптеген мемлекеттер Қазақстанмен достық қарым-қатынас орнатып, тиімді ынтымақтастықты нығайтуға мүдделі.«Цифрландыру және жасанды интеллект дәуірінде мемлекетіміздің ұлттық стратегиялық мүддесіне сай келетін сыртқы саясат – әлеуметтік-экономикалық тұрақтылығымызға ықпал ететін басты фактор», – деді Мемлекет басшысы.Досыбай ШЕРІМҚҰЛОВ,қоғам қайраткері.

Бұхарбай Парманов, Шымкент қаласы әкімдігі жанындағы Қоғамдық кеңес төрағасы:Халық мүддесі үшін жасалған қадамҚасым-Жомарт Тоқаевтың бір палаталы Парламентке өту жөніндегі бастамасын толық қолдаймын. Бұл шешім елдегі саяси өзгерістердің уақыты мен даму логикасынан туындағанын атап өткім келеді. Президент тек құрылымдық өзгерістерге ғана емес, тиімділік пен ашықтық басым болатын билік жүйесін мазмұндық тұрғыда жаңартуға ерекше назар аударып отыр.Мемлекет басшысының бұл мәселеге барынша жауапкершілікпен, асығыссыз әрі қысымсыз, қоғамның пікірін құрметтей отырып қарағаны – нағыз саяси стильдің айқын көрінісі. Көшбасшы мықтап талап қоймай, керісінше ұсыныс жасап, пікірталас ашып, ойлануға уақыт береді.Қазақстан жағдайында екі палаталы жүйе кейде процестерді тежеп, артық шығын талап етіп, қоғам күткен нәтижені бермей жатады. Сондықтан бір палаталы Парламент идеясы – көптен жетілген мәселе. Құрылымды жеңілдету заң шығарушы билікті халыққа жақындатып, артық кедергілерді алып тастап, маңызды шешімдерді жедел қабылдауға мүмкіндік береді.Ең бастысы – соңғы сөз халықта. Президентіміз атап өткендей, мұндай деңгейдегі реформа тек референдум арқылы жүзеге асуы тиіс. Егер қоғам бұл бастаманы қолдаса, Қазақстан ықшам, мобильді әрі есеп беретін заң шығарушы жүйеге ие болады. Ондай Парламент формалдылық үшін емес, халық мүддесі үшін жұмыс істейді.