Астана, 2025 жылғы 15 қыркүйек – Қазақстан Республикасы Сыртқы істер министрінің орынбасары Арман Исетов Эстония Республикасы Сыртқы істер министрінің орынбасары Мартин Рогермен кездесу өткізді.Кездесу барысында тараптар саяси, сауда-экономикалық, инвестициялық және мәдени-гуманитарлық салалардағы ынтымақтастықтың өзекті мәселелерін жан-жақты талқылады.А.Исетов Эстония Қазақстан үшін Балтық теңізі өңіріндегі маңызды әрі сенімді серіктес екенін атап өтті. Мемлекеттер арасында қалыптасқан дәстүрлі достық қарым-қатынастарды одан әрі дамытуға мүдделігін растады.Дипломаттар сауда-экономикалық байланыстарды кеңейту және инвестициялық жобаларды жүзеге асыру бойынша жаңа іс-қимылдарды қарастырды. Бұл тұрғыда 2025 жылы қаңтарда Таллиннде өткен Экономикалық және ғылыми-техникалық ынтымақтастық жөніндегі қазақ-эстон үкіметаралық комиссиясы 7-ші отырысының қорытындысы бойынша қол жеткізілген уағдаластықтарды іске асыру мәселелері бойынша пікір алмасты.Сонымен қатар көлік және логистика саласындағы өзара ықпалдастыққа ерекше назар аударылды. Орталық Азия мен Еуропаны жалғайтын сауда жолдарын дамыту мәселелері талқыланды.Кездесу соңында тараптар биік және жоғары деңгейдегі өзара іс-сапарларды ұйымдастыру мәселелерін қамтитын іс-шаралар күнтізбесін қарастырды.Ақпарат көзі : https://www.gov.kz/memleket/entities/mfa/press/news/details/1068721?lang=kk

Мемлекет басшысы Қазақстан халқына арнаған кезекті Жолдауында еліміздің әлеуметтік-экономикалық жағдайын реттеуге және дамытуға бағытталған өзекті мәселелерді көтеріп, оның шешу тетіктерін ұсынды. Тиісті мемлекеттік құрылымдарға тапсырма берді.Цифрландыру жүйесін дамыту, елге инвестиция тарту, өңдеу өнеркәсібін дамыту, тұрғын үй-коммуналдық шаруашылықтағы олқылықтар – барлығы Президент назарынан тыс қалмады.«Тұрғын үй-коммуналдық шаруашылығы мен су инфрақұрылымын жаңғырту — тұрақты дамудың негізі факторы. Үкімет пен жергілікті атқарушы биліктің әрекетсіздігі салдарынан еліміздің тұрғын үй-коммуналдық шаруашылығы ондаған жыл бойы қараусыз қалып, оның жай-күйі өте мүшкіл жағдайға түсті. Қазір бұл ахуалды өзгертіп, инфрақұрылымның тозу деңгейін төмендету үшін тиісті шаралар қабылданып жатыр. Соның ішінде тарифтерді ырықтандыру, энергетика және тұрғын үй-коммуналдық шаруашылығының инфрақұрылымын басқарудың жаңа моделін қалыптастыру сияқты шаралар бар. Мұндай үлгі бойынша, тарифтер өскен сайын халыққа сенімді әрі сапалы қызмет көрсетілуі тиіс. Бұл іске «Ақылды қала» құру тұжырымдамасының көмегі тиері сөзсіз, оны еліміздің барлық өңіріне тарату керек. Оған озық халықаралық тәжірибелерді қолданып, білікті басшыларды, соның ішінде шетел мамандарын тарту қажет», – деді Қасым-Жомарт Тоқаев.Тұрғын үй-коммуналдық шаруашылығына жаңғырту жұмыстарының қажеттілігі iKomek орталығына түсетін тұрғындардың өтінішінен-ақ байқалады. Қоңыраулардың басым бөлігі инфрақұрылым мәселелеріне қатысты. Қала билігі бұл бағытта жұмыс жүргізгенімен, айтулы нәтижеге қол жеткізу үшін жаңғырту жұмыстары қажет-ақ. Жұмыс жүйелі жүргізілген соң, халыққа жайлы орта қалыптастыру мүмкіндігі туатыны анық.Мемлекет басшысы, сонымен қатар, еліміздегі табиғи су ресурсының азайып отырғанын айта келе, ел ішінде, әсіресе өскелең буынға суды тұтыну мәдениетін, үнемдеуді насихаттауды да тапсырды. Бұл – тек бүгініміз үшін емес, ертеңіміз үшін өзекті мәселе.Азат ӘМІРТАЕВ,Шымкент қалалық Қоғамдық кеңесі Сыбайлас жемқорлыққа қарсы күрес және жергілікті заңдылықты қадағалау жөніндегі тұрақты комиссияның төрағасы

Теміржол саласында 19 жыл 10 ай бойы адал еңбек етіп келе жатқан Исабаева Нұржамал өзінің еңбек жолын Туркестан локомотив пайдалану депосында машинистка-секретарь қызметінен бастаған.Бүгінде ол тасымал құжаттарды өңдеу операторы ретінде жауапты қызмет атқарып отыр. Кәсіби шеберлігі мен жауапкершілігі арқасында Нұржамал теміржол саласында тәжірибелі мамандардың қатарынан көрінеді.Оның еңбек жолы – табандылық пен адалдықтың үлгісі, жас мамандарға кәсіби даму мен өз ісіне берік болудың мысалы.

Әрбір тұтынушы сапалы тауар мен қызмет алуға құқылы. Егер сіздің тұтынушы ретінде құқығыңыз бұзылса, Сатушыға (орындаушыға, дайындаушыға) наразылықпен жүгінуге болады.Мыналарды білуіңіз керек Қазақстан Республикасының «Тұтынушылардың құқықтарын қорғау туралы» Заңының 42-4-бабына сәйкес, тұтынушы құқылы: заңбұзушылықтарды жоюды талап етуге,тауардың немесе қызметтің кемшіліктерінен келген залалды өтеуді сұрауға. Наразылық хат қалай жазылады? Наразылық хат еркін түрде жазылады. Онда көрсетілуі тиіс: қандай құқықтары бұзылғаны, тауардың немесе қызметтің кемшіліктері, тұтынушының талаптары (ақшаны қайтару, тауарды ауыстыру, кемшілікті жою және т.б.). Наразылық хат қайда жолданады? • Тікелей сатушыға (қабылданғаны туралы белгі алу қажет); • Пошта арқылы сатушының заңды мекенжайына; • Электронды түрде (e-mail немесе онлайн жүйелер арқылы). Сатушының міндеттері Сатушы (дайындаушы, орындаушы) міндетті: • тұтынушының наразылығын қарауға, • 10 күнтізбелік күн ішінде жазбаша жауап беруге, • өз ұстанымын растайтын құжаттардың көшірмесін қоса ұсынуға. Егер жауап болмаса Егер сатушы 10 күнтізбелік күн ішінде жауап бермесе немесе заңбұзушылықтарды жоюдан, шығынды өтеуден бас тартса, тұтынушы құқылы: • уәкілетті органға жүгінуге, • тұтынушылардың құқықтарын қорғау саласындағы мемлекеттік органдарға шағымдануға, • қажет болған жағдайда сотқа арыздануға. Тұтынушы жағдайында болған мысал  Түркістан облысының тұрғыны онлайн арқылы 350 000 тг-ге төсек-орын сатып алған. Бірақ жеткізілген кезде бір жамылғы жетіспеген. Сатушыға жазған наразылық хатына жауап болмаған соң, тұтынушы «Е-Өтініш» жүйесі арқылы Сауда және тұтынушылардың құқықтарын қорғау департаментіне жүгінген. Департаменттің араласуынан кейін сатушы өз қателігін мойындап, жетіспеген тауарды «Қазпошта» арқылы жіберген әрі тұтынушының 6 000 тг шығынын өтеген.Нәтиже: тұтынушының құқығы толық қалпына келтірілді.Ақпарат көзі : https://www.gov.kz/memleket/entities/mti/press/news/details/1068714?lang=kk

        Непал, 2025 жылғы 9-11 қыркүйек Катманду қаласында Мемлекеттік кірістер комитеті төрағасының орынбасары Сеилжан Ахметов бастаған қазақстандық делегация BRITACOM хатшылығы ұйымдастырған «Бір белдеу – бір жол» бастамасы шеңберінде салықтық әкімшілендіру саласында ынтымақтастықтың 6-форумына (BRITACOF) қатысты.       Форум барысында салық саясаты мен әкімшілендірудің өзекті мәселелері, халықаралық тәжірибемен алмасу, сондай-ақ салық саласында инновациялық шешімдерді енгізу мәселелері қаралды.     «Цифрлық технологияларды қолдану» тақырыбындағы сессия аясында МКК төрағасының орынбасары Сеилжан Ахметов баяндама жасап, Қазақстанның қазіргі заманғы электрондық сервистерді енгізу мен талдамалық құралдарды дамытуды қоса алғанда, салықтық әкімшілендіруді цифрландыру бойынша қабылдап жатқан қадамдарын бейнелейтін бейнероликті таныстырды.      Қазақстан Республикасы BRITACOF шеңберінде өңірде ашық және тұрақты салықтық ортаны қалыптастыруға елеулі үлес қоса отырып, әріптестік байланыстарды нығайтуда. Ақпарат көзі : https://www.gov.kz/memleket/entities/kgd/press/news/details/1068702?lang=kk

Қазақстан Республикасы Сауда және интеграция вице-министрі Айдар Әбілдәбеков Шымкент қаласындағы экспортқа бағытталған кәсіпорындарды аралап, қала тұрғындарымен және іскер қауыммен кездесу өткізді.Осы жылдың 12 қыркүйегінде ҚР Сауда және интеграция вице-министрі Айдар Әбілдәбеков жұмыс сапары аясында Шымкенттің жетекші экспортқа бағытталған кәсіпорындарын аралап, кәсіпкерлер мен қала тұрғындары мен кездесті.«Барыс 2007» ЖШС-де ол макарон және ұннан жасалған кондитерлік өнімдердің өндіріс процесімен және кең ассортиментімен танысты. Сондай-ақ қалаға азық-түлік жеткізетін кәсіпорынның көтерме-бөлу орталығының жұмысын аралап,көрді. Мұнда 400-ден астам жұмысшы бар, өнімі ішкі нарықпен қатар Ресей, Түрікменстан, Тәжікстан, Қырғызстан және Өзбекстанға экспортталады.«Asia Trafo» ЖШС-де – Орталық Азиядағы қуаты25-тен 500 МВА-ға дейінгі күшті ктрансформаторларды шығаратын жалғыз зауыт.  Вице- министрге кәсіпорынның өнім желісі мен HighVolt (Германия, Дрезден) сынақ стендтерімен жабдықталған бірегей жоғары вольтты зертханасы таныстырылды. Кәсіпорынның өнімдері сұранысқа ие және ТМД мен Шығыс Еуропа елдеріне экспортталады. Вице-министр кәсіпорынды биыл қазан айында Шымкентте өтетін бизнес-форумға шақырды. Оған Ауғанстаннан келген кәсіпкерлер қатысады.«Wan Sheng Ceramic» ЖШС – жылына 10 млн м² керамикалық өнім шығаратын жаңа кәсіпорын. Кездесу барысында шикізаттың қымбаттығы, қойманың өнімге толып қалуы және Қытай мен Өзбекстаннан келетін сапасыз әрі арзан керамикалық тауардың кесірінен оны өткізу мәселелері орын алғаны талқыланды. Вице-министр бұл мәселелер бойынша ресми хат жолдауды ұсынып, тарифтік және тарифтік емес реттеу шараларын қарастыруға уәде берді. Сондай-ақ зауыт басшылығына дайынөнімді экспорттау кезінде көлік шығындарын өтеу үшін «QazTrade» АҚ-қа жүгінуді ұсынды.«Pioneer Grain Products» ЖШС – түрлі сорттағы бидай ұнын ірі көлемде өндіретін және экспорттайтын кәсіпорын. Өнімдері Өзбекстан, Қырғызстан, Түрікменстан, Ауғанстан, Тәжікстан, Беларусь және Ресейге жеткізіледі. Кәсіпорында«Pioner» кондитерлік фабрикасы жұмыс істейді, ол Қазақстанға, сондай-ақ Моңғолия мен Қытайға өнім жеткізеді. Сонымен қатар кәсіпорында ішкі нарыққа арналған бөлме аралық есіктердің жаппай өндірісі жолға қойылған.Жалпы Шымкент қаласының кәсіпорындары мемлекеттік қолдау шараларын белсенді түрде пайдалануда. Олардың қатарында «Asia Trafo», «Pioneer Grain Products», «Барыс 2007» ЖШС бар. Айдар Әбілдәбеков өңірдің экспорттық әлеуетін қолдаудың маңыздылығын атап өтті. 2020–2025 жылдары «QazTrade» СРТП АҚ ондаған шымкенттік компанияға қолдау көрсетті:* 35 компания экспорттық акселерациядан өтті,* 27 компания сыртқы нарыққа жылжуға кеткен шығындарды өтеді,* 36 компания халықаралық сауда-экономикалық миссияларға қатысты,* 19 компания Alibaba.com платформасында «GoldSupplier» мәртебесін алды.Өндірістік нысандарға бару қаланың өнеркәсіптік дамуының қарқынын және жергіліктік әсіпорындардың ел экономикасына қосып жатқанүлесін айқын көрсетіп берді.Шымкент тұрғындары мен кәсіпкерлерімен кездесу барысында вице-министр сауда саласының негізгі көрсеткіштерін ұсынды. 2025 жылдың 1 тамыздағы жағдай бойынша елде 827,9 мың бизнес субъектісі сауда саласында жұмыс істеп тұр (35,1%). Сауда 1,5 млн адамды жұмыспен қамтып, (16,6%) бірінші орында тұр. ЖІӨ құрылымындағы үлесі 16,4% болып, экономика салалары арасында екінші орынға шыққан.2025 жылдың жеті айында саудаға салынған инвестиция көлемі 522,5 млрд теңгені құрап, өткенжылдың сәйкес кезеңімен салыстырғанда 31,7%-ғаартты. Ішкі тауар айналымы 13,9%-ға өсіп, 37,5 трлн теңгеге жетті, оның ішінде көтерме сауда – 25,2 трлн теңге, бөлшек сауда – 12,3 трлн теңге. Шымкент қаласы бойынша қаңтар–шілде айларында ішкі тауар айналымы 1 807,7 млрд теңгені құрады.Кәсіпкерлермен кездесуде шекарада жүктердің кешігуі, РФ аумағындағы қойма жалдау шығындарын өтеу (электрондық сауда аясында), ветеринарлық құжаттарды рәсімдеудегі қиындықтар, мүмкіндігі шектеулі адамдар үшін сауда нысандарының қолжетімділігі сияқты мәселелер көтерілді.Араласудың басты тақырыптарының бірі – бал экспорты болды. Өндіруші Руслан Дормұхамедов жылына 100 тоннаға дейін өнім өндіру әлеуеті бар екенін айтты. Вице-министр оны қараша айында Шанхайда өтетін халықаралық көрмеге қатысуға және «QazTrade» орталығы әзірлеп жатқан бірыңғай «зонтты бренд» аясында басқаө ндірушілермен бірігуге шақырды.«Шымкенттің экспорттық және сауда әлеуеті артып келеді. Министрлік бизнесті одан әрі дамытуға және қазақстандық өнімнің сыртқы нарықтағы позициясын нығайтуға жан-жақты қолдау көрсетуге дайын», – деді вице-министр.Ақпарат көзі : https://www.gov.kz/memleket/entities/mti/press/news/details/1068694?lang=kk

Үшінші елдерден Қазақстан Республикасының аумағына көліктің барлық түрлерімен үш ай мерзімге келесі тас өнімдерінің жекелеген түрлерін әкелуге тыйым салынады:Еуразиялық экономикалық одақтың Сыртқы экономикалыққызметінің тауар номенклатурасы коды- ЕАЭО СЭҚТН коды 6801000000 - табиғи тастан жасалған төсем тастар, жиектастар және төсеуге арналған плиталар;- ЕАЭО СЭҚТН коды 6802230000 - ескерткіштерге немесе құрылысқа арналған гранит және олардан жасалған бұйымдар, тегіс немесе біркелкі беті бар кесілген немесе араланған тастар;- ЕАЭО СЭҚТН коды 6802931000 - салмағы 10 кг немесе одан да көп оюлы емес, жылтыратылған немесе басқадай өңделген гранит;- ЕАЭО СЭҚТН коды 6802939000 - ескерткіштерге немесе құрылысқа арналған гранит.Шектеулер ҚР Өнеркәсіп және құрылыс министрінің 2025 жылғы 2 қыркүйектегі № 342 бұйрығымен бекітіліп, 2025 жылғы 21 қыркүйектен бастап қолданысқа енгізіледі. Ақпарат көзі : https://www.gov.kz/memleket/entities/kgd-zhetysu/press/news/details/1068637?lang=kk

Жауап:Жаңа Салық кодексінде жекелеген нормалар жоқ және әлеуметтік сала объектілерін пайдаланудан түскен кірістер бойынша жеке салық есебі көзделмейді, тиісінше салық салудың жалпы тәртібі қолданылады.Яғни, әлеуметтік сала объектілерін пайдаланудан түсетін кірістер болған кезде (тіпті шамалы болса да) мұндай кірістерді алуға бағытталған шығыстардың барлық сомасы шегерімге жатқызылатын болады.Ақпарат көзі : https://www.gov.kz/memleket/entities/kgd-mangistau/press/news/details/1068658?lang=kk

Жетісу облысы Сәкен  Сейфуллин атындағы орталық кітапхананың зағип және нашар көретін азаматтарға арналған бөлімінде көрнекті ғалым, қоғам қайраткері, экономика ғылымдарының докторы, профессор Жұмахан Балапановтың туғанына 105 жыл толуына орай «Ел іші – алтын бесік» атты танымдық сағат өткізілді.Шара барысында қатысушыларға Жұмахан Балапановтың балалық шағы, соғыс жылдарындағы ерлігі, бейбіт кезеңде ел дамуына қосқан еңбектері туралы кеңірек мәлімет берілді. Ғалымның ауыл шаруашылығы экономикасын жетілдірудегі ғылыми жаңалықтары, профессорлық қызметі, шәкірт тәрбиелеудегі еңбегі жайында деректер айтылды.Сонымен қатар, танымдық сағатқа қатысушылар тұлғаның ел үшін атқарған қызметіне, жазған еңбектеріне тоқталып, естеліктерімен бөлісті. Жиын жылы пікірлерге толы болып, ғалымның өнегелі өмір жолы тағы бір мәрте кеңінен насихатталды.Ақпарат көзі : https://www.gov.kz/memleket/entities/zhetysu-archive/press/news/details/1068611?lang=kk

       Мемлекеттік қызметтегі этика – жауапкершілік пен сенімнің негізі, себебі мемлекеттік қызметші – қоғамның айнасы, билік пен халық арасындағы алтын көпір.Осы тұрғыда 2025 жылғы 15 қыркүйекте Курчатов қаласының әдеп жөніндегі уәкілі Б. Дюсенбаевтың қатысуымен қала әкімдігінің мемлекеттік қызметкерлерімен мемлекеттік қызметшілердің қызметтік әдеп стандарттарын түсіндіруге арналған кездесу өткізілді.Қызметкерлерге Әдеп кодексінің талаптары мен мемлекеттік қызметшінің жүріс-тұрыс стандарттары жан-жақты түсіндірілді. Аталған нормаларды күнделікті қызмет барысында ескеру қажеттілігі ерекше атап өтілді.Сонымен қатар, ұжымда өзара сенім мен құрметті нығайту мақсатында анонимді сауалнама жүргізіліп, оның аясында қызметкерлердің ішкі климатқа қатысты пікірлері жиналып, жан-жақты талдау жүргізілді. Бұл мемлекеттік қызметшілер үшін жайлы және сенімді жұмыс ортасын қалыптастырудағы маңызды қадам болды.Аталған іс-шаралардың негізгі мақсаты – мемлекеттік қызметшілер арасында этикалық нормаларды сақтау мәдениетін қалыптастыру, олардың құқықтық және моральдық жауапкершілігін арттыру, сондай-ақ ұжымда қолайлы моральдық-психологиялық ахуал жасау болды.Ақпарат көзі : https://www.gov.kz/memleket/entities/abay-kurchatov/press/news/details/1068550?lang=kk

Жауап:        КТС базалық мөлшерлемесі 20% деңгейінде сақталады.Кәсіпкерлік субъектілеріне кредит беру жөніндегі қызметті қоспағанда, банк секторы үшін мөлшерлеме 25% -. құрайды (20%). Бұл ретте екінші деңгейдегі банктер жүзеге асыратын банк қызметі бойынша салық салынатын табысты айқындау тәртібін Ұлттық банк салық саясаты саласындағы уәкілетті органмен және уәкілетті органмен келісім бойынша белгілейді.Сондай-ақ, ойын бизнесіне салық салудың қолданыстағы тәртібін сақтаумен қатар, ойын автоматтары залы, тотализатор және букмекерлік кеңсенің қызметі бойынша КТС 25% жоғары ставка бойынша есептеу және төлеу көзделеді.Әлеуметтік сала үшін (білім, медицина) ставканы кезең-кезеңімен арттыру ұсынылады: 2026 жылдан бастап 5%, 2027 жылдан бастап 10%.Ауыл шаруашылығы тауарын өндірушілер үшін мөлшерлеме 3% деңгейінде қалады.Ауыл шаруашылығы кооперативтері үшін ставка 6%.Ақпарат көзі : https://www.gov.kz/memleket/entities/kgd-mangistau/press/news/details/1068572?lang=kk

Өтетін орны: Шығыс Қазақстан облысы, Өскемен қаласы, Үстел теннисі орталығы, Сәтпаев даңғылы, 82/8Өтетін күні: 2025 жылғы 26 қыркүйек «Altai Invest–2025» халықаралық инвестициялық форумы аясында қатысушыларға инвестициялық бастамаларды іске асыру тетіктерін, сондай-ақ Шығыс Қазақстан аумағында бірлескен бизнес-идеяларды құру перспективаларын талқылау мүмкіндігі ұсынылады.Форум бағдарламасында өзекті мәселелер бойынша B2B кездесулер, өнеркәсіп, ауыл шаруашылығы, энергетика және туризм салаларындағы инвестициялық жобалардың көрмесі, пленарлық отырыс, панельдік сессиялар, сондай-ақ меморандумдар мен келісімдерді қол қою рәсімдері өтеді.Форумның мақсаты:Форумды өткізу мақсаты – Шығыс Қазақстан облысының инвестициялық және экспорттық әлеуетін жан-жақты таныстыру, бірлескен жобаларды жүзеге асыру тетіктерін талқылау, экономиканың негізгі салаларында жаңа өсу нүктелерін қалыптастыру, сондай-ақ аймақты халықаралық аренада сенімді және тартымды серіктес ретінде ілгерілету.Форумның міндеттері:Ортақ бастамаларды жүзеге асыру және институционалдық диалогты дамыту арқылы өзара тиімді экономикалық қатынастарды орнату мен достық серіктестік байланыстарды нығайту үшін қолайлы жағдай жасау.Халықаралық, өңіраралық және шекаралас инвестициялық ынтымақтастықты кеңейту, тікелей инвестициялардың өсуін ынталандыру және өзара туризм алмасуын дамыту.Сауда-экономикалық байланыстарды нығайту және транзиттік тасымалдардың көлемін арттыру мен өңіраралық көлік дәліздеріне интеграцияны қоса алғанда, көлік-логистикалық серіктестікті дамытуға қолайлы ортаны қалыптастыру.Форумға Қытай Халық Республикасы, Түрік Республикасы, Өзбекстан Республикасы, Әзербайжан Республикасының Төтенше және Өкілетті елшілері, Ресей Федерациясының Бас консулы, Ресей Федерациясы Федералдық Одақ Кеңесі мен Қазақстан Республикасы Парламенті Сенатының өкілдері, Қытай Халық Республикасының Шыңжаң-Ұйғыр автономиялық ауданының өңірлері, Моңғолияның Хов аймағы өкілдері, шетелдік және қазақстандық компаниялар, сондай-ақ АҚШ, Германия Федеративтік  және Қытай Халық Республикасынан блогерлер, қаржылай институттар, квазимемлекеттік ұйымдар және т.б. қатысады. «Altai Invest-2025» Халықаралық инвестициялық форумыныңБАҒДАРЛАМАСЫ 2025 жылғы 26 қыркүйек, Өскемен қаласы,Үстел теннисі орталығы, Сәтпаев даңғылы, 82/8 2025 жылғы 26 қыркүйек  08.00-09.00Тіркеу/Кәсіпорындардың көрмесі – 1-қабат.09.00-09.45Салтанатты ашылу. 3-қабат.09:45 – 11:00Пленарлық отырыс. 3-қабат.Тақырып: «Шығыс Қазақстан облысын 2030 жылға дейін дамыту стратегиясы» Тақырып: 2030 жылға дейін ШҚО дамыту стратегиясының негізгі бағыттары Тақырып: «Өнеркәсіп – ШҚО экономикасының негізі» Тақырып: «Шығыс Қазақстан – Қазақстан Республикасының 500 ірі компаниясы картасында» Тақырып: ШҚО-ның инвестициялық артықшылықтары мен перспективалары11:00 – 11:15Кофе-брейк. 11:15 – 12:30№ 1 панельдік пікірталас. ШҚО іскерлік кеңесі. 3-қабат.Тақырып: «ШҚО дамуына жергілікті бизнес көшбасшыларының көзқарасы» Пікірталас қатысушылары:-«Қазцинк» ЖШС-нің басқарушы директоры – Лазарев Андрей Павлович-«AITAS» компаниясының өкілі-«Шығыс-Сүт» ЖШС-нің бас директоры – Сайлаубаев Сейілжан Жіренұлы-«Эмиль» ЖШС-нің басшысы – Аберле Анна Эрвинқызы-«Бес жұлдыз» ЖШС-нің директоры және құрылтайшысы – Тойбазаров Мұхтар Серікұлы- ЕДҚБ / IFC / Eurobak өкілі14.00 – 14.102023–2024 жж. «ШҚО-дағы үздік инвестициялық жоба» жеңімпаздарын ШҚО әкімінің марапаттау рәсімі.14.10-14.25Ынтымақтастық туралы құжаттарға қол қою рәсімі. 3-қабат.14:30 – 15:15№ 2 панельдік сессия. 3-қабат.Тақырып: «Шығыс Қазақстан — тұрақты өсім аймағы» Тақырып: ШҚО-ның өңірлік ерекшеліктері мен артықшылықтары Тақырып: Аймақтың перспективалық инвестициялық жобалары Тақырып: Май және майлы өнімдер саласының инвестициялық мүмкіндіктері Тақырып: «Шетелдік қатысуы бар компанияларға преференциялар»15:15 – 15:30Кофе – брейк. 15:30 – 16:45 № 3 панельдік сессия. 3-қабат. Тақырып: Аймақтың болашақ өсуінің практикалық мәселелері Панель қатысушылары: CRC, жергілікті бизнес, университет/сарапшы, СПК Ертіс АҚ, Мемлекеттік-жекешелік әріптестік центрі  Инвестиция тарту құралдары мен әдістері. Мемлекеттік және жекеменшік инвестициялар: қатынасы, басымдықтары мен маңызы. ШҚО еңбек ресурстары: мүмкіндіктері мен тәуекелдері. Шағын бизнес: аймақ дамудағы маңызы мен рөлі.15:30 – 16:45№ 4 панельдік сессия. 3-қабат.Тақырып: Шығыс Қазақстанның салалық басымдықтары Тақырып: Майды терең өңдеудің перспективалары. Тақырып: Гастротуризм және элиталық туризм. Шаңғы туризмі мүмкіндіктері. Тақырып: ШҚО су және орман ресурстары – өсу мүмкіндіктері ретінде. Тақырып: Шетелдік қонақтың көзқарасымен күтулер мен мүмкіндіктер.15:30 – 16:45B2B кездесулер. 3-қабат.17:00 – 17:15Қорытынды сөз. Форум нәтижелері. Ақпарат көзі : https://www.gov.kz/memleket/entities/vko-gask/press/news/details/1068584?lang=kk

Павлодар облысы бойынша мемлекеттік кірістер департаменті аумақтық басқармалардың қызметкерлері үшін "Әкімшілік рәсімдер туралы заңнаманың негізгі мәселелері" тақырыбында ZOOM платформасында онлайн-техникалық оқу өткізді.Оқудыңнегізгімақсатықұқықтықсауаттылықдеңгейінарттыру, әкімшілікзаңнаманықолданудыңбірыңғайтәсілдерінқалыптастыру,сондай-ақ кәсібиқызметтіжүзеге асыру кезіндепрактикалықдағдылардыжетілдіру болды.ОқубарысындатыңдаушыларғаҚазақстанРеспубликасыӘкімшілік рәсімдік-процестік кодексініңнегізгіережелері,сондай-ақ онынақтыжұмысжағдайларындақолданудыңнеғұрлымөзектімәселелері егжей-тегжейлітүсіндірілді.Заңбөлімініңбасшысы ӘсемДүйсембекова өзсөзіндезаңнаманыпрактикалықтүсіндіруге,сондай-ақ әкімшілікрәсімдершеңберіндемемлекеттікоргандардыңазаматтарменжәнекәсіпкерліксубъектілеріменөзара іс-қимылына байланыстымәселелергеерекшеназар аударды.Заңбөлімініңқызметкерлерісотпрактикасынзерделеугеерекшеназараударды.Қатысушыларғасоттарқарағаністердіңнақтымысалдарыұсынылды, судьялардыңұстанымдарыталданды, заңнаманықолданудажиікездесетінқателіктеранықталдыжәне оларды оданәріжұмыстаболдырмау бойынша ұсыныстарберілді.Іс-шараға қатысушылар талқыланған тақырыптың жоғары практикалық маңыздылығын атап өтіп, осындай іс-шараларды жалғастыруға қызығушылық білдірді.  Павлодар облысы бойынша МКДтүсіндіру жұмысы және Байланыс-орталығы басқармасы  Ақпарат көзі : https://www.gov.kz/memleket/entities/kgd-pavlodar/press/news/details/1068519?lang=kk

​Аудан әкімі Берік Сәрменбаевтың төрағалығымен құқық бұзушылық профилактикасы жөніндегі ведомствоаралық комиссияның отырысы өтті. Жиынға құқық қорғау органдарының өкілдері, мемлекеттік мекемелердің басшылары, комиссия мүшелері, кент және ауылдық округ әкімдері қатысты.Күн тәртібіндегі «Аудан аумағында есірткі құралдарын тарату деректерін анықтау мен жолын кесу бағытында атқарылған жұмыстар және алға қойылған міндеттер туралы» аудандық полиция бөлімі бастығының орынбасары Қасымхан Асанұлы, «Есірткі егу алқаптары анықталған жер учаскелерін мемлекет меншігіне қайтару және жер учаскелерінің иелері мен жер пайдаланушыларға заңмен белгіленген жауапкершіліктерін түсіндіру жұмыстары туралы» аудандық ауыл шаруашылығы және жер қатынастары бөлімі басшысының міндетін атқарушы Б.Мейрамбекұлы және «Бас бостандығынан айыру орындарынан босатылған, пробация қызметінде есебінде тұрған азаматтарды қайта әлеуметтендіру туралы» аудандық жұмыспен қамту және әлеуметтік бағдарламалар бөлімінің басшысы А.Есмағанбетова хабарлама жасады.​- Есірткі бизнесімен және нашақорлықпен күрес жүргізу тек құқық қорғау органдарының ісі деп қарамауымыз керек, ол жалпы халықтың міндеті. Есірткі қылмыстарын алдын алу үшін бұл іске барлық мемлекеттік органдарды, үкіметтік емес және қоғамдық ұйымдарын белсенді тарту – онымен күрестің алғы шарттарының бірі. Сондықтан барлық мүдделі тараптарды бірлескен, үйлесімді жұмыс жасауға шақырамын. Сондай ақ, бүгінгі күнге өзекті мәселенің бірі пробация қызметінің есебінде тұрған азаматтар арасында қайта қылмыс жасау жағдайлары қатты алаңдатуда. Көп жағдайда, теріс әрекетке барған адамды қоғамға бейімдеу, оларға лайықты жұмыс көзін ұсыну өз деңгейінде орындалмайды. Жұмыссыздыққа шынайы талдау жасағанда пробация есебінде тұрғандардың және бас бостандығынан айыру орындарынан босатылғандардың көбісі өзін-өзі жұмыспен қамтылмағандар санатына еніп, бақылаудан босайды. Мұның арты қайта қылмыс жасаумен аяқталады, – деді Берік Әбдіғаппарұлы.Комиссия отырысының қорытындысы бойынша аудан әкімі құқық қорғау органдары мен сала басшыларына тапсырмалар беріп, тиісті шаралар қабылдау жөнінде шешімдер қабылданды.Ақпарат көзі : https://www.gov.kz/memleket/entities/kyzylorda-syrdarya/press/news/details/1068468?lang=kk

2025 жылдың 12-14 қыркүйегі аралығында Шымкентте Global Tech Wave Central Asia (GTW CA) бірегей жаһандық цифрлық конференциясы өтті – бұл аймақтағы осындай ауқымдағы және форматтағы алғашқы оқиға. Конференция жетекші халықаралық сарапшыларды, стартаптарды, инвесторларды және ірі корпорациялардың өкілдерін жинады. Ұйымдастырушылар мен серіктестер арасында YouTube, SIRI, Atari, Ubisoft және Griffin Gaming сияқты жаһандық компаниялар болды. Ең ірі венчурлық қорлар да қатысуын растады - Y Combinator, 500 Startups, Andreessen Horowitz және European Business Angels Network. Бұл қазақстандық стартаптарды дамытуға жаңа мүмкіндіктер ашты – инвестициядан бастап кәсіби тәлімгерлікке дейін. GTW CA LA Tech Week-те басталып, Грузияда (Тбилиси) өткен халықаралық оқиғалар тізбегінің бір бөлігі болды. Шымкент Орталық Азияның орталық алаңына айналды, одан кейін конференция Үндістан мен Уругвайда жалғасады. Үш күн ішінде ең өзекті тақырыптар бойынша 30-дан астам іс-шара өткізілді: Web3, жасанды интеллект, финтех, мәдениет пен қоғамның цифрлық трансформациясы. Бағдарламаға алғаш рет кино, ойын және киберспорт кірді. Конференцияның екінші күні әлемдік сарапшылардың қатысуымен 120-дан астам панельдік сессиялар өтті. Қатысушылар B2B және B2G форматында белсенді кездесулер өткізді, көрмелерде өз компаниялары мен жобаларын таныстырды. Сонымен қатар, екі халықаралық стартап байқауы өткізілді, онда перспективалы жобалар өздерін әлемдік деңгейде жариялауға мүмкіндік алды. Іс-шараға 20-дан астам елдің өкілдері қатысты, бұл GTW CA халықаралық мәртебесін көрсетеді. «Global Tech Wave Central Asia технологиялық даму алаңы ғана емес, сонымен бірге Қазақстанның бірегей мәдени ерекшелігін және оның аймақтағы жаңа инновациялық орталық ретіндегі рөлін әлемге көрсету мүмкіндігіне айналды», - деді GTW CA жобасының жетекшісі Қымбат Нұртаева.

2025 жылдың 12-14 қыркүйегі аралығында Шымкент қаласында алғаш рет аймақтағы бірегей әрі ауқымды форматтағы «Global Tech Wave Central Asia» (GTW CA) цифрлық конференциясы ұйымдастырылды.Конференцияға халықаралық деңгейдегі жетекші сарапшылар, стартаптар, инвесторлар және ірі корпорациялардың өкілдері қатысты. Ұйымдастырушылар мен серіктестер қатарында YouTube, SIRI, Atari, Ubisoft және Griffin Gaming сияқты әлемдік танымал компаниялар болды. Сонымен қатар, Y Combinator, 500 Startups, Andreessen Horowitz және European Business Angels Network сынды ірі венчурлық қорлар да өз қатысуын растады. Бұл қазақстандық стартаптар үшін инвестициялардан бастап, кәсіби тәлімгерлік пен стратегиялық даму мүмкіндіктерін ашты.GTW CA — бұл LA Tech Week шарасынан басталған, кейін Грузияның Тбилиси қаласында өткен іс-шаралар тізбегінің бір бөлігі. Шымкент Орталық Азиядағы басты алаңға айналып, іс-шара әрі қарай Үндістан мен Уругвай елдерінде жалғасты.Үш күн ішінде қаладағы түрлі нүктелерде 30-дан астам шара өтті. Олардың тақырыптары Web3, жасанды интеллект, финтех, мәдениет пен қоғамдағы цифрлық трансформация сияқты алдыңғы қатарлы бағыттарды қамтыды. Бірінші рет бағдарламаларға кино, ойын индустриясы және киберспорт бағыттары енгізілді.Конференцияның екінші күні 120-дан астам спикер қатысқан панельдік сессиялар ұйымдастырылды. Қатысушылар B2B және B2G форматындағы кездесулер өткізіп, компанияларын көрмеде таныстырды. Сонымен қатар, екі халықаралық стартап байқауы өтті, онда перспективалы жобалар жаһандық аудитория алдында өздерін көрсете алды.Іс-шараға 20-дан астам елдің өкілдері қатысты, бұл GTW CA-ның халықаралық деңгейін айқындайды.«Global Tech Wave Central Asia тек технологиялық дамудың алаңы ғана емес, сонымен бірге Қазақстанның ерекше мәдени өзіндік ерекшелігін және аймақтағы жаңа инновациялық орталық ретіндегі рөлін бүкіл әлемге көрсету мүмкіндігі болды», — деді GTW CA жобасының жетекшісі Қымбат Нұртаева.

Шымкент қаласында экологиялық мәдениетті қалыптастыру, қаланы көркейту және санитарлық тазалықты қамтамасыз ету мақсатында дәстүрлі түрде ұйымдастырылып келе жатқан «Таза қала» жалпы қалалық сенбілігі жоғары деңгейде өтті.Кең ауқымды іс-шараға мегаполистің бес ауданы түгел қамтылып, тұрғындар, мемлекеттік мекемелердің, басқармалардың, коммуналдық қызметтердің және түрлі ұйымдардың қызметкерлері белсенді қатысты. Қала аумағында санитарлық тазалау, көгалдандыру, қоқыс алаңдарын ретке келтіру, аулаларды абаттандыру секілді жұмыстар кешенді түрде жүргізілді.Абай ауданында өткен сенбілікке 2450 адам жұмылдырылды. Іс-шара аясында қураған ағаштар мен бұтақтарды кесу, шөп шабу, жолдар мен қоқыс алаңдарын жуу, аулаларды бояу және абаттандыру секілді ауқымды жұмыстар атқарылды. Бұл жұмыстарға 53 арнайы техника тартылып, нәтижесінде 96 тонна қоқыс шығарылды.Әл-Фараби ауданында ұйымдастырылған сенбілік жұмыстарына 1109 қызметкер қатысты. 26 техника көмегімен көшелер мен тротуарлар тазаланып, шөп шабу, бұтақ кесу, аула аумақтарын ретке келтіру жұмыстары жүргізілді. Нәтижесінде 34,5 тонна қалдық арнайы қоқыс орындарына шығарылды.Еңбекші ауданындағы сенбілікке 779 адам қатысып, 41 техника жұмылдырылды. Қоғамдық орындар мен тұрғын үй аулаларында санитарлық тазалау, ағаш бұтақтарын кесу, шөп шабу және көгалдандыру жұмыстары жүйелі түрде ұйымдастырылып, 16,7 тонна қоқыс жиналды.Қаратау ауданында 820 адам сенбілікке белсене қатысып, 35 техника көмегімен санитарлық және абаттандыру шараларын жүзеге асырылды. Тұрмыстық және табиғи қалдықтар тазартылып, көше бойлары ретке келтірілді. Нәтижесінде 47,8 тонна қоқыс шығарылды.Тұран ауданындағы сенбілікке 830 адам атсалысып, 39 арнайы техника пайдаланылды. Қоғамдық кеңістіктер мен көгал аумақтарда тазалық жұмыстары жүргізіліп, 23 тонна қалдық шығарылды.Өткізілген «Таза қала» сенбілігі Шымкент қаласының тұрғындары мен ұйымдарының жоғары азаматтық жауапкершілігін көрсетті. Жалпы алғанда, сенбілікке қала бойынша шамамен 5990 адам, 194 арнайы техника қатысып, 218 тоннадан астам тұрмыстық және табиғи қалдықтар шығарылды.«Таза Қазақстан» ұлттық бағдарламасы аясында өткен бұл сенбілік қаланың санитарлық жағдайын жақсартып қана қоймай, тұрғындар арасында қоршаған ортаға жанашырлық танытатын мәдениеттің қалыптасуына оң ықпал етуде. Мұндай ауқымды шаралар — тек тазалық пен тәртіптің кепілі ғана емес, сонымен қатар қоғамдағы бірлік пен ұйымшылдықтың айқын көрінісі.

Шымкент қаласында дәстүрлі түрде ұйымдастырылып келе жатқан ауқымды спорттық шара – «Shymkent Marathon – 2025» өз мәресіне жетті. Биылғы жылы аталған бұқаралық жүгіру жарысына 7 мыңға жуық қатысушы тіркеліп, спорт мерекесі жоғары деңгейде өтті. Жарысқа кәсіби спортшылармен қатар, салауатты өмір салтын ұстанатын қала тұрғындары мен қонақтары белсенді түрде атсалысты.Марафон барысында қатысушылар түрлі қашықтықтар бойынша сынға түсті. Атап айтқанда, 5, 10, 21 және 42 шақырымдық жүгіру, скандинавиялық жүріс және Экиден (42 шақырымдық командалық эстафета) бағыттары бойынша жеңімпаздар мен жүлдегерлер анықталды. Әрбір дистанция қатысушылары үшін барлық қауіпсіздік талаптары мен ұйымдастыру шаралары толықтай қамтамасыз етілді. Жарыс бағыты дәстүрлі түрде Әл-Фараби алаңынан басталып, сол жерде өз мәресіне жетті.Іс-шара Шымкент қаласы әкімдігінің қолдауымен ұйымдастырылды. Жарыс барысында еріктілер, медициналық қызмет өкілдері, полиция қызметкерлері мен жол қауіпсіздігін қамтамасыз етуші мамандар жұмылдырылып, қатысушылар мен тұрғындар үшін қажетті жағдайлар жасалды.Марафон қорытындысы бойынша жеңімпаздар мен жүлдегерлерге ұйымдастырушылар мен демеушілер тарапынан ақшалай сыйлықтар, кубоктар және бағалы естелік сыйлықтар табыс етілді. Әсіресе, командалық Экиден эстафетасы мен ұзақ қашықтықтағы жүгіру жарыстары көрермендердің ерекше қызығушылығына ие болды.«Shymkent Marathon» бүгінде Шымкент қаласының ғана емес, еліміздегі ең ірі бұқаралық спорттық іс-шаралардың біріне айналып отыр. Жыл сайын оның ауқымы кеңейіп, қатысушылар саны артып келеді. Бұл марафон тек кәсіби спортшылар үшін емес, денсаулықты басты орынға қойған барша тұрғындарға, әр жастағы спорт сүйер қауымға ортақ мерекеге айналғанын көрсетеді.Ұйымдастырушылардың айтуынша, келесі жылы марафон жаңа форматта өткізіліп, бұдан да жоғары деңгейге шығару жоспарлануда. Шымкент марафоны – салауатты өмір салтының, бірлік пен достықтың жарқын үлгісі.

Шымкент қаласында ірі спорттық шаралардың бірі «Шымкент марафоны – 2025» дәстүрлі бұқаралық жарысы аяқталды. Биылғы жылы спорт мерекесі жоғары деңгейде өтіп, 7 мыңға жуық қатысушының басын қосты. Марафонға кәсіби спортшылар да, салауатты өмір салтын ұстанатын қала тұрғындары мен қонақтары да қатысты. Марафон барысында қатысушылар әртүрлі қашықтықта жарысты. 5, 10, 21 және 42 шақырымға жүгіру, скандинавиялық жаяу жүру және Экиден (42 шақырым) командалық эстафеталық жарыс өтті. Әр номинация бойынша жеңімпаздар мен жүлдегерлер анықталды. Барлық қатысушыларға қажетті қауіпсіздік шаралары мен жоғары сапалы ұйымдастыру қамтамасыз етілді. Маршрут дәстүрлі түрде Әл-Фараби алаңында басталып, аяқталды. Шара Шымкент қаласы әкімдігінің қолдауымен өтті. Ұйымдастыруға волонтерлар, медициналық қызметтер, полиция қызметкерлері мен жол қауіпсіздігі мамандары тартылды - ыңғайлы қатысу және көрермендердің қызығушылығын арттыру үшін барлық қажетті жағдайлар жасалды. Марафон қорытындысы бойынша жеңімпаздар мен жүлдегерлер ұйымдастырушылар мен демеушілер тарапынан ақшалай сыйлықтармен, кубоктармен және бағалы естелік сыйлықтармен марапатталды. Екіден командалық эстафета және алыс қашықтыққа жүгірулер көрермендердің ерекше қызығушылығын тудырды. Бүгінгі таңда «Шымкент марафоны» Шымкент қаласының визит картасы ғана емес, еліміздегі ең ірі бұқаралық спорттық шаралардың бірі болып табылады. Жыл сайын марафонның ауқымы кеңейіп, қатысушылар саны артып келеді. Бұл марафон тек кәсіпқойлардың ғана емес, жасына қарамастан денсаулықты, белсенділікті және спортты таңдайтын әрбір адамның мерекесіне айналғанын растайды. Ұйымдастырушылардың айтуынша, келесі жылы марафонды жаңа форматта және одан да жоғары деңгейде өткізу жоспарлануда. Шымкент марафоны – салауатты өмір салтының, бірлік пен достықтың жарқын үлгісі.

2025 жылдың 15 қыркүйегінде «СҚО Әділет департаменті» РММ «Петропавл қаласының аумақтық мәжбүрлеп орындату бөлімі» филиалының мемлекеттік сот орындаушысы Исаканова Ж.Б. «Құқықтық тәртіп» атты баяндау аясында халыққа тегін заң көмегін көрсету мақсатында азаматтарды қабылдау өткізіп, өтініш білдірген азаматтарға өздерін толғандырған сұрақтарына түсініктемелер берді.Сондай-ақ, азаматтар чат-ботты дамыту және қолдану туралы ақпараттандырылды.Ақпарат көзі : https://www.gov.kz/memleket/entities/adilet-sko/press/news/details/1068409?lang=kk