2026 жылдың 23 сәуірінде Курчатов қаласының аумақтық сайлау комиссиясының төрағасы «Аманат» және «Ауыл» партиясының өкілдерімен кездесу өткізді. Каскадты оқыту жоспары аясында ұйымдастырылған іс-шара алдағы маңызды саяси науқандарға дайындыққа арналды.     Кездесу барысында, саяси ұйымның сайлау процесіндегі құқықтары мен міндеттері егжей-тегжейлі түсіндірілді. Алдағы Құрылтай кезінде ашықтықты қамтамасыз ететін бақылаушыларды оқыту және олардың кәсіби біліктілігін арттыру жолдары талқыланды.    Сайлау комиссиясы мен саяси партиялар арасындағы мұндай тікелей байланыс сайлау процесінің ашықтығы мен заңдылығын нығайтуға бағытталған.Ақпарат көзі : https://www.gov.kz/memleket/entities/abay-kurchatov/press/news/details/1208252?lang=kk

Өтетін күні мен уақыты: 2026 жылғы 25 сәуір, 10: 00Өтетін орны: Бейімбет Майлин ауданыМақсаты: халық арасында тазалық пен қоршаған ортаға ұқыпты қарау мәдениетін қалыптастыру. Аумақтарды көгалдандыруІс-шара экологиялық жағдайды жақсартуға, елді мекендерді көгалдандыруға және қоршаған ортаға ұқыпты қарауды қалыптастыруға бағытталған. Акция аясында мемлекеттік ұйымдар өкілдерінің, еңбек ұжымдарының, жастардың және аудан тұрғындарының қатысуымен ағаш көшеттерін жаппай отырғызу жоспарланған."Жасыл болашақ" акциясы-табиғатты сақтауға және қоғамның экологиялық мәдениетін дамытуға жасалған қадам.Қатысуға округ тұрғындары, мемлекеттік мекемелердің өкілдері, жастар ұйымдары, еріктілер және барлық қамқор азаматтар шақырылады. Акция жайлы және таза өмір сүру ортасын құруға үлес болады.Ақпарат көзі : https://www.gov.kz/memleket/entities/kostanai-bmalin-audany-akimat/press/news/details/1208254?lang=kk

2026 жылдан бастап контрагенттің салық режимін тексеру – міндетті рәсім2026 жылғы 1 қаңтардан бастап Қазақстан Республикасында салықтық есепке алу тәртібіне өзгерістер енгізілді. Жаңа нормаларға сәйкес, жалпыға бірдей белгіленген тәртіпті (ЖТС/ОУР) қолданатын салық төлеушілер жеңілдетілген декларация режимін қолданатын контрагенттермен жасалған мәмілелер бойынша шығындарды шегерімге жатқыза алмайды.Осыған байланысты кәсіпкерлер үшін серіктестерінің салық режимін алдын ала тексеру маңызды талапқа айналып отыр. Бұл шара салықтық тәуекелдерді азайтуға және қаржылық шығындардың алдын алуға бағытталған.Контрагенттің салық режимін тексерудің ресми әрі қолжетімді тәсілі – Мемлекеттік кірістер комитетінің интернет-ресурсындағы «Контрагенттер туралы мәліметтер» сервисін пайдалану. Аталған сервис арқылы салық төлеушінің БСН немесе ЖСН енгізу арқылы оның салық салу режимі, қосылған құн салығы бойынша тіркелуі, қызмет түрі (ЭҚЖЖ), сондай-ақ басқа да маңызды мәліметтерді алуға болады.Сонымен қатар, сервис арқылы контрагенттің салық берешегі, тіркеу мәртебесі, құрылтайшылары мен басшылары туралы ақпарат, сондай-ақ сенімділік деңгейі жөніндегі мәліметтер қолжетімді.Сарапшылардың айтуынша, жаңа талаптар бизнестің ашықтығын арттыруға және адал бәсекелестік ортаны қалыптастыруға ықпал етеді. Осыған байланысты кәсіпкерлерге шарт жасасу алдында контрагенттердің деректерін міндетті түрде тексеру ұсынылады.Ресми ақпараттық жүйелерді пайдалану серіктестер туралы өзекті мәліметтерді жедел алуға мүмкіндік береді және салықтық есептілікті дұрыс жүргізуге жағдай жасайды.Жаңа ережелерді сақтау кәсіпкерлерге қосымша салықтық жүктемеден сақтануға және бизнесті тиімді жүргізуге мүмкіндік береді.Ақпарат көзі : https://www.gov.kz/memleket/entities/kgd-kostanay/press/news/details/1208261?lang=kk

2026 жылғы 24 сәуірде Қызылорда облысының Жалағаш ауданында қоршаған ортаны қорғау, экологиялық мәдениетті қалыптастыру және жасыл ортаға деген жауапкершілікті арттыру мақсатында «Таза Қазақстан» экологиялық жобасы аясында «Таза өлке – Жалағаш» тақырыбында ауқымды экологиялық акция өтті.Аталған шараның басты мақсаты – қоғам арасында экологиялық жауапкершілікті нығайту, тазалық мәдениетін қалыптастыру және өскелең ұрпақты табиғатты аялауға бағыттау.Акция барысында Жалағаш ауданының әкімі арнайы сөз сөйлеп, қоршаған ортаны қорғау – баршаға ортақ міндет екенін атап өтті. Сонымен қатар, ол табиғатты аялау, жасыл желекті көбейту және келер ұрпаққа таза әрі көрікті орта қалдырудың маңыздылығына тоқталды.«Бүгінгі тал егу акциясы – болашаққа жасалған игі қадам. Әр отырғызылған тал – ертеңгі ұрпаққа қалдырылған аманат. Барша тұрғындарды табиғатты қорғауға және осындай игі бастамаларға белсенді қатысуға шақырамын», – деді аудан әкімі А. Ибраимов.Аталған акцияға зиялы қауым өкілдері, ардагерлер, аудан ақсақалдары, этнос өкілдері, аудандық аналар, әйелдер кеңесі мүшелері және мемлекеттік мекеме қызметкерлері, жастар, еріктілер мен аудан тұрғындары белсенді қатысып, белсенді қатысып, белгіленген аумақтарға 550 түп ағаш отырғызды.Сонымен қатар, елді мекен аумақтарын абаттандыру, көгалдандыру, тұрақты түрде сенбіліктер ұйымдастырудың маңыздылығы кеңінен насихатталды.Шара барысында қатысушылар табиғатты қорғау – баршаға ортақ міндет екенін атап өтіп, экологиялық мәдениетті қалыптастыру жолында бірлесе әрекет етуге дайын екендіктерін білдірді. Бұл игі бастама аудан көлемінде тазалық пен тәртіпті сақтауға бағытталған жүйелі жұмыстардың жалғасын табатынын айқындайды. #ТазаҚазақстан#тұрақтыдаму#экология#TazaChallenge#TazaQazaqstan

2026 жылғы 1 қаңтардан бастап Қазақстанда жаңа Салық кодексі күшіне енді. Ол жеке тұлғалардың табыстарына салық салу тәртібін, соның ішінде мүліктік кірістері қарастырды. Ең елеулі өзгерістер жылжымайтын мүлікпен жасалатын мәмілелерге — пәтерлер, үйлер, жер учаскелеріне қатысты болды.Мүліктік кіріс дегеніміз не?Мүліктік кіріс — бұл жеке тұлғаның мүлікті сату кезінде алған табысы, егер құн өсімі (бағаның өсуі) орын алса. Ол сатып алу бағасы мен сату бағасының арасындағы айырма ретінде айқындалады.Егер жылжымайтын мүлік сатып алынған бағадан жоғары бағада сатылса, бұл айырма салық салынатын табыс ретінде танылады және декларацияға енгізілуі тиіс.Жылжымайтын мүлікті иелену мерзімі ұлғайтылдыМаңызды өзгерістердің бірі — салықтан босату үшін жылжымайтын мүлікті иеленудің минималды мерзімінің ұлғайтылуы.Бұрын мүлікті 1 жыл иелену жеткілікті болса, 2026 жылдан бастап бұл мерзім 2 жылға дейін ұзартылды. Бұл тек жаңа кодекс күшіне енгеннен кейін сатып алынған объектілерге қолданылады.Осылайша, 2026 жылғы 1 қаңтардан кейін сатып алынған жылжымайтын мүлік 2 жыл өтпей сатылса, жеке табыс салығын (ЖТС) төлеу міндеті туындайды. Ал 2026 жылға дейін сатып алынған объектілер бойынша кей жағдайларда бұрынғы 1 жылдық тәртіп сақталады.Салықтың прогрессивті мөлшерлемесі2026 жылдан бастап мүліктік кіріс бойынша жеке табыс салығының (ЖТС) прогрессивті шкаласы енгізілді:    10% — егер құн өсімі 8 500 АЕК-ке дейін (2026 жылы 1 АЕК – 4 325 теңге, 8 500 АЕК – 36,7 млн. теңге);    15% — көрсетілген шектен асқан сомадан.Осы ретте, салық салу саралаған түрде жүзеге асырылады: табыстың негізгі бөлігі 10% мөлшерлеме бойынша, ал белгіленген шектен асатын бөлігі 15% мөлшерлеме бойынша салық салынады, осыған байланысты салық міндеттемелері алынған табыс мөлшеріне қарай айқынбалады.Салық салынатын объектілер?Жаңа ережелер келесі объектілерге қолданылады, тұрғын үй (пәтерлер, үйлер), жер учаскелері, коммерциялық жылжымайтын мүлік, құн өсімі туындайтын өзге де мүлік түрлері.Маңызды: коммерциялық объектілер бойынша иелену мерзімі салықтан босатпайды — табыс болған жағдайда, мерзімге қарамастан салық төленеді.Кірістерді декларациялауМүліктік кіріс алған жағдайда жеке тұлға міндетті:00 нысаны бойынша декларация тапсыруға;декларацияны тапсыру мерзімі — сату жүзеге асқан жылдан кейінгі жылдың 15 қыркүйегіне дейін;салықты төлеу мерзімі — 25 қыркүйекке дейін.Өтпелі ережелерСонымен қатар өтпелі нормалар қарастырылған. 2026 жылға дейін сатып алынған жылжымайтын мүлік бойынша кей жағдайларда бұрынғы салық салу шарттары сақталуы мүмкін. Бұл жаңа жүйеге біртіндеп көшу және азаматтарға түсетін салықтық жүктемені жұмсарту мақсатында енгізілген.Ақпарат көзі : https://www.gov.kz/memleket/entities/kgd-vko/press/news/details/1208156?lang=kk

2026 жылғы 28 сәуірде БЖЗҚ барлық ниет танытушыларды "Ашық есік күні" дәстүрлі онлайн-кездесуіне шақырады. Онда Қор мамандары invest.enpf.kz жаңа инвестициялық порталы және оның салымшылар үшін ашатын мүмкіндіктері туралы алғаш рет егжей-тегжейлі айтып береді. Зейнетақы жинақтары – бұл болашаққа арналған қаражат қана емес, сонымен бірге тиімді басқаруға болатын қаржы ресурсы. БЖЗҚ салымшыларының міндетті және міндетті кәсіптік зейнетақы жарналарын50%-ға дейін жәнеерікті зейнетақы жарналары есебінен қалптастырылған жинақтарын 100%-ға дейін инвестициялық портфельді басқарушыға (ИПБ) бере отырып, оның  кірістілігіне ықпал ету мүмкіндігі бар. ИПБ зейнетақы қаражатын табыс алу мақсатында инвестициялық декларацияда көзделген акцияларға, облигацияларға, валюталарға және басқа да қаржы құралдарына инвестициялайды.Бұл үдерістерді барынша түсінікті ету үшін жаңа инвестициялық портал іске қосылды. Портал салымшыларға инвестициялық қызмет туралы білімін арттырып,  зейнетақы жинақтарын басқару үшін саналы шешімдер қабылдауға көмектеседі.Кездесу барысында сіз келесі мәліметтермен таныса аласыз:платформа қалай жұмыс істейді;зейнетақы активтерін инвестициялау жүйесінің құрылымы қандай;инвестициялық көрсеткіштерді қалай талдап, стратегияларды қалай салыстыруға болады;басқарушыны таңдағанда неге назар аудару керек;өз мүмкіндіктеріңізді саралау үшін invest.enpf.kz порталын қалай пайдалануға болады;салымшылардың болашақ зейнетақыға әсер ету үшін қандай нақты құралдары бар.Қазақ және орыс тілдеріндегі бірыңғай цифрлық кеңістікте пайдаланушыларға инвестициялар тақырыбындағы базалық ұғымдар мен түсіндірмелер, инвестициялық портфельдерді сенімгерлікпен басқарушылар туралы түйінді ақпарат, зейнетақы активтерін орналастыру құрылымы, инвестициялау стратегиялары (критерийлері), қаржылық көрсеткіштер және салымшыларға сенімгерлік басқарушының және оның инвестициялық қызметінің портретін жасауға мүмкіндік беретін өзге де мәліметтер қолжетімді. Портал қолданушылары кірістерді, портфельдердің құрылымын және ИПБ мен ҚРҰБ басқару нәтижелерін қолжетімді форматта дербес салыстырып, көрсеткіштердің динамикасын қадағалап, осылайша зейнетақы активтерін инвестициялау тетіктерін тереңірек түсіне алады. Мұндай құрал инвестициялау туралы құнды тәжірибе жинап, неғұрлым тиімді инвестициялық стратегияны таңдауға қатыса алатын және сәйкесінше зейнетақы жинақтарын басқаруға әсер ететін жас салымшылар үшін ерекше маңызды. Іс-шара интерактивті форматта өтеді, қатысушылар қызықтырған сұрақтарын қойып, Қор мамандарынан түсініктемелер, сондай-ақ жеке консультациялар ала алады. Бұл формат әлемнің кез келген нүктесінен қосылуға және сарапшылардан тікелей өзекті ақпарат алуға мүмкіндік береді. Атап өткен жөн, «БЖЗҚ» АҚ-ның (БЖЗҚ, Қор) отандастарымыздың қаржылық-құқықтық сауатын арттыруға көп көңіл бөлетіні белгілі. 2025 жылы Қор филиалдарының мамандары республика бойынша 800 мыңға тарта адам қатысқан шалғайдағы елді мекендердегі кәсіпорындар мен ұйымдарда 38 мыңнан астам таныстырылым өткізді. Республика бойынша түрлі кері байланыс арналары арқылы түскен 400 мыңдай өтініш өңделді.Алдағы "Ашық есік күні" осы жұмыстың жалғасы болып табылады және оның қатысушыларына зейнетақы жинақтарын түсініп, оларды басқару үшін практикалық құралдарды ұсынады. Бұл шара салымшыларға да, Қазақстанның жинақтаушы зейнетақы жүйесі туралы хабар таратып жүрген журналистер қауымына да пайдалы болады деп үміттенеміз.   Іс-шараға қатысу үшін тіркелу керек. Сілтеме бойынша өтуіңізді сұраймыз (https://enpf.webex.com/enpf/j.php?MTID=m1a10db56ab87a4b71eb165820df2d85c)Еvent-мәжіліс нөмірі: (2514 666 1832)Еvent-мәжіліс құпиясөзі: (1234)         Ақпарат көзі : https://www.gov.kz/memleket/entities/kostanai-rudnyi-kalasy-akimat/press/news/details/1208175?lang=kk

Қостанай облысында негізгі шикізат ретінде биоэтанолға негізделген экологиялық таза тұрақты авиациялық отын өндіретін зауыт салынады. Сонымен қатар экологиялық таза биоэтанол отынын өндіру бойынша инновациялық жоба жүзеге асырылуда. Бұл жөнінде Қостанай облысының әкімі Құмар Ақсақалов мәлімдеді.Астанада өткен RES 2026 EXPO жасыл технологиялар және тұрақты шешімдер халықаралық көрмесі аясында «ҚазМұнайГаз» ҰК» АҚ, «KazFoodProducts» ЖШС және KBR (АҚШ) компаниясы Қостанай облысында тұрақты авиациялық отын (SAF – Sustainable Aviation Fuel) өндіру зауытын салуды базалық жобалау туралы келісімге қол қойды.Тұрақты авиациялық отын (SAF) – бұл мұнай емес шикізаттан өндірілетін, әуе көлігінен шығатын көміртек қалдықтарын азайтатын экологиялық таза авиациялық отын. Қарастырылып отырған жоба аясында SAF өндіру үшін негізгі шикізат ретінде биоэтанол («этанолдан авиакеросинге» немесе «alcohol-to-jet» процесі) қолдану көзделуде.Еуропалық одақтың «жасыл» экономиканы дамыту және көміртек ізін азайту саясаты аясында SAF үлесін кезең-кезеңімен арттырудың міндетті нормалары белгіленген: 2025 жылы 2%-дан 2050 жылға қарай 70%-ға дейін.«KazFoodProducts» ЖШС сондай-ақ жылына 412 мың тонна бидайды терең өңдеуге арналған қуаты бар биоэтанол өндіретін жаңа зауыттың құрылысын бастады.Бұл зауытта өндірілетін биоэтанол SAF өндіруде шикізат ретінде пайдаланылатын болады.Жоғарыда аталған зауыттарды салуға 151 млрд теңге бағытталады.KBR компаниясы әлем бойынша мемлекеттік құрылымдар мен компанияларға ғылыми, технологиялық және инжинирингтік шешімдер ұсынады. Компания 80-нен астам елдегі клиенттерге қызмет көрсетеді және 29-дан астам елде операциялық қызмет жүргізеді.«Жасыл» энергия – экономикалық өсім мен экологиялық қауіпсіздіктің негізі«Жасыл» энергетика саласындағы тағы бір жоба – қуаты 1000 МВт болатын жел электр станциясының құрылысы. Жобаны «Turan Wind Energy» ЖШС жүзеге асырады. Ол жаңартылатын энергия көздерін дамытуға бағытталған. Құрылыс аясында әрқайсысының қуаты 6,25 МВт болатын 160 жел генераторын орнату жоспарлануда. Инвестиция көлемі 468 млрд теңге деп бағаланып отыр.«Ең маңыздысы, жел электр станциялары жоғарыда аталған биоэтанол және авиациялық отын өндіретін зауыттарды энергиямен қамтамасыз етеді», – деп атап өтті өңір басшысы.Осылайша, Қостанай облысында «жасыл» экономикаға тиімді көшу – бірегей жобаларды жүзеге асырудың арқасында мүмкін болмақ. Биоэтанол, SAF және ЖЭС салуға бағытталатын 620 млрд теңгеге жуық қаражат өңірдің экологиялық тазалығын қамтамасыз етуге, табиғи әлеуетін сақтауға, сондай-ақ болашақта өңіріміз бен еліміздің экономикалық жағынан тұрақты дамуына салынған инвестиция болмақ.Ақпарат көзі : https://www.gov.kz/memleket/entities/kostanay/press/news/details/1208179?lang=kk

Өңірлік коммуникациялар қызметі ақпарат алаңында өткен брифингте Шымкент қаласының мәдениет, тілдерді дамыту және архивтер басқармасы ономастика саласында атқарылған жұмыстар туралы баяндады.Аудан әкімдіктерімен бірлесіп жүргізілген зерделеу нәтижесінде қала аумағында барлығы 4117 көше бар екендігі анықталған. Оның ішінде 2727 көше тарихи жер-су және дәстүрлі атаулармен аталған болса, 992 көше кісі есімдерімен аталады.Есепті кезеңде Шымкент қаласында 20 құрамдас бөлікке атау беру және қайта атау жұмыстары жүргізіліп, тиісті құжаттармен заңдастырылды. Аталған жұмыстар республикалық ономастика комиссиясының қорытындысы негізінде қала әкімдігі мен мәслихаттың бірлескен шешімі арқылы бекітілді.Нәтижесінде атауы жоқ 9 көшеге Ұлы Отан соғысы ардагерлерінің есімдері берілсе, 11 көшеге тарихи жер-су атаулары берілді. Бұл өз кезегінде ұлттық құндылықтарды дәріптеуге және тарихи атауларды қалпына келтіруге бағытталған маңызды қадам болып отыр.Сонымен қатар қызметтік борышын атқару кезінде ерлікпен қаза тапқан 18 тұлғаның және Ұлы Отан соғысының 2 батырының есімдерін ұлықтау мақсатында оларды көшелерге беру мәселесі қарастырылған. Аталған ұсыныстар қалалық мәслихаттың тұрақты комиссиясында талқыланып, ономастика комиссиясының отырысында қорытындыланды.Жалпы алғанда, қаладағы ономастика саласында жүргізілген жұмыстар жүйелі түрде жүзеге асырылып, тарихи атауларды сақтау мен ұрпаққа жеткізуге бағытталған маңызды шешімдер қабылдануда.Толығырақ: https://youtube.com/live/9whFWZMlz4E?feature=share#РСКШЫМКЕНТ #БРИФИНГ

Шымкент қаласының мәдениет, тілдерді дамыту және архивтер басқармасы тіл саясаты, архив ісі және тарихи-мәдени мұра бағыттарында атқарылған жұмыстарды баяндады. Басқарма басшысы Бауыржан Орынтаев есепті кезеңде бұл салаларда нақты нәтижелерге қол жеткізілгенін атап өтті.Қала аумағында тарихи-мәдени мұраны сақтау бағытында жүйелі жұмыстар жүргізілуде. Бүгінде Шымкентте 188 тарихи-мәдени нысан есепке алынған. Оның ішінде республикалық және жергілікті маңызы бар ескерткіштер мемлекеттік тізімге енгізілген. Заңсыз орнатылған нысандардың тіркелмеуі – бақылау жұмыстарының тиімділігін көрсетеді.Салт-дәстүрді насихаттау мақсатында арнайы орталықта мәдени-ағартушылық іс-шаралар ұйымдастырылды. Сонымен қатар экскурсиялар өткізіліп, мыңдаған тұрғын қамтылды. Бұл бағыт рухани құндылықтарды дәріптеуде маңызды рөл атқарады.Тіл саясаты саласында заңнаманың сақталуына тұрақты мониторинг жүргізілді. Нәтижесінде бірқатар кәсіпкерлік нысандарға ескерту беріліп, заң бұзушылықтар бойынша шаралар қабылданды. «Е-Өтініш» порталы арқылы түскен өтінімдер қаралып, бірқатар нысандардағы кемшіліктер түзетілді. Ономастика саласында да жүйелі талдау жүргізіліп, қаладағы көше атауларын реттеу жұмыстары жалғасуда.Архив саласында цифрландыру үдерісі қарқын алды. І тоқсанда 188 мыңнан астам құжат парағы цифрлық форматқа көшірілді. Сонымен қатар мемлекеттік қызмет көрсету көрсеткіштері де жоғары деңгейде орындалды.Қорытындылай келе, тіл саясаты, архив және тарихи мұраны сақтау бағыттарында атқарылған жұмыстар қаланың рухани және мәдени дамуына негіз болып отыр. Алдағы кезеңде бұл жұмыстар жүйелі түрде жалғасады.Толығырақ: https://youtube.com/live/9whFWZMlz4E?feature=share#РСКШЫМКЕНТ #БРИФИНГ

Өңірлік коммуникациялар қызметі ақпарат алаңында өткен брифингте Шымкент қаласының мәдениет, тілдерді дамыту және архивтер басқармасының 2026 жылдың I тоқсанындағы жұмыс қорытындылары таныстырылды. Басқарма басшысы Бауыржан Орынтаевтың мәлімдеуінше, есепті кезеңде мәдени-шығармашылық бағытта бірқатар нәтижелі жұмыстар жүзеге асырылған.Қазіргі таңда басқармаға қарасты 22 мәдениет ұйымы халыққа тұрақты қызмет көрсетуде. Оның ішінде 7 театр, 6 кітапхана, концерттік ұйымдар, музейлер, цирк және өзге де мәдени нысандар бар.Шығармашылық бағытта да оң динамика қалыптасты. Театр саласында жыл басынан бері 6 жаңа қойылым сахналанып, 286 спектакль көрерменге ұсынылды. Жалпы көрермен саны 57 мыңнан асты. Қалалық циркте 20 қойылым ұйымдастырылып, 15 мыңнан астам адам қамтылды. Сонымен қатар концерттік ұйымдарда ондаған мәдени іс-шара өтіп, мыңдаған көрермен жиналды.Мәдени-көпшілік іс-шаралар да жоғары деңгейде ұйымдастырылды. І тоқсанда 11 ірі мәдени және ресми іс-шара өткізіліп, 500 мыңнан астам адам қамтылды. Атап айтқанда, Алғыс айту күні мен «Наурызнама» онкүндігі аясындағы шаралар кең көлемде өтті.Кітапхана және музей салаларында да көрсеткіштер жоғары. Кітапханаларда 600 мыңнан астам келуші тіркеліп, жүздеген іс-шара ұйымдастырылды. Музей қорлары жаңа экспонаттармен толықтырылып, көрмелер саны артты.Жалпы алғанда, І тоқсан қорытындысы мәдениет саласының жүйелі дамып келе жатқанын көрсетеді. Жыл соңына дейін жоспарланған жобалар мен іс-шаралар өз жалғасын табады.Толығырақ: https://youtube.com/live/9whFWZMlz4E?feature=share#РСКШЫМКЕНТ #БРИФИНГ

 2026 жылғы 24 сәуірде Almaty Management University-де (AlmaU) «Ұлы Дала Академиясы» ғылыми орталығының салтанатты ашылу рәсімі өтті. Заманауи жаһандық сын-қатерлер жағдайында дала өркениетінің мұрасын қайта пайымдауға бағытталған жаңа зияткерлік алаң ғалымдарды, оқытушыларды, мәдениет қайраткерлерін және қоғамдық көшбасшыларды біріктіретін пәнаралық диалог кеңістігі ретінде құрылды. Іс-шараға ғалымдар, қоғам қайраткерлері, Қазақстанның академиялық қауымдастығының өкілдері мен шетелдік сарапшылар қатысты. Қатысушылар қатарында тарихшылар, философтар, әлеуметтанушылар, антропологтар, оқытушылар, жазушылар және халықаралық зерттеушілер болды. Қонақтарға құттықтау сөз сөйлеген AlmaU негізін қалаушы әрі президенті Асылбек Кожахметов орталықтың дәстүр мен болашақты тоғыстыратын маңызды диалог алаңы екенін атап өтті. “AlmaU - Қазақстанның ең көне жеке университеті және еліміздің алғашқы бизнес мектебі. 2028 жылға дейінгі даму стратегиясында біз Орталық Азияның зияткерлік хабына айналу мақсатын қойдық және осы стратегияның өзегінде трансформациялық гуманитарлық ғылымдардың бағыты тұр. Біз мәдени мұраны заманауи білім беру және қоғамдық тәжірибеге айналдырғалы тұрмыз: оқу бағдарламаларына, жастар көшбасшылығына, қоғамдық пікірталасқа, шығармашылық индустрияларға”, – деді Асылбек Кожахметов. Іс-шара барысында бүгінгі таңда ғылыми қоғамдастықтың алдында Ұлы даланың бай мұрасы туралы айтып қана қоймай, оны болашақтың білім беру және зияткерлік ресурсына айналдыра отырып, осы мұраны заманауи ғылыми тілге аудару міндеті тұрғаны атап өтілді. Дәл осы мақсатта "Ұлы Дала Академиясы" орталығының қызметі үш негізгі зерттеу бағытының айналасында құрылатын болады. Бірінші бағыт - “далалық философия” тұжырымдамасын әлем мен ондағы адамның орнын түсінудің тұтас жүйесі ретінде дамытумен байланысты. Екіншісі - ”далалық ойлау” уақытты, қозғалыс пен тепе-теңдікті қабылдаудың ерекше тәсілі ретінде қарастырылатын далалық ойлау. Үшінші бағыт - “далалық басқару” көшбасшылық қоғам мен қоғамдық қатынастарды ұйымдастырудың тарихи қалыптасқан үлгісі ретінде.  Сондай-ақ, қазіргі заманның экологиялық сын-қатерлері жағдайында жерге және табиғи тепе-теңдікке деген дәстүрлі көзқарас ерекше өзектілікке ие болатыны, ал жаһандық тұрақсыздық дәуірінде тұрақты қозғалыста тұрақтылықты сақтай білген қоғамдардың тарихи тәжірибесіне қызығушылық арта түсетіні атап өтілді. Бағдарламаның айрықша сәттерінің бірі – көрнекті жазушы Шыңғыс Айтматовтың немересі Чинара Айтматованың сөзі болды. Ол Орталық Азия халықтарының гуманитарлық ынтымақтастығының маңызын, түркі әлемінің рухани мұрасын және өңір елдері арасындағы мәдени байланыстарды нығайтудағы білімнің рөлін атап өтті. Білім, ғылым және халықаралық гуманитарлық диалогты дамытуға қосқан үлесі үшін Чинара Айтматова Оразақ Смағұлұына, Асылбек Кожахметовке, Дидар Амантай мен Жұмажан Байжуминге Шыңғыс Айтматов атындағы медальдарды табыстады. «"Ұлы Дала Академиясының" ашылуы - бұл ғылыми орталықтың құрылуы ғана емес, сонымен бірге біздің ортақ тарихи жадымыздың жаңғыруының символы. Ұлы Дала мұрасы қазіргі ұрпақтың мәдениетінде, құндылықтарында және санасында өмір сүруді жалғастыруда. Бүгінгі таңда ата-бабаларымызды құрметтеу және болашақ алдындағы жауапкершілікті білу өте маңызды. Тез өзгеріп жатқан әлем жағдайында Түркі халықтарының бірлігі мен интеграциясы ерекше маңызға ие. Ортақ рухани негізге, өзара қолдауға және бір-біріміздің алдындағы жауапкершілік сезіміне сүйене отырып, біз уақыттың қиындықтарына лайықты жауап бере аламыз », – деді Чинара Айтматова. Салтанатты рәсім аясында отандық ғылымның, білім беру саласының дамуына және тарихи-мәдени мұраны сақтауға зор үлес қосқан аға буын ғылыми қауымдастық өкілдеріне ерекше құрмет көрсетілді. Көпжылдық адал еңбегі, жоғары академиялық жетістіктері және өз ісіне берілгендігі үшін көрнекті ғалым Оразақ Смағұлұлына естелік сыйлықтар мен алғыс белгілері табысталды. “Көптеген жылдар бойы зерттеулермен айналысып, тіпті генетикалық деректер негізінде де қазақ халқының шығу тегінің ерекшеліктерін байқауға болатының растадым. Бұрынғы кездерде жазбаша дереккөздер мен фактілердің жеткіліксіздігіне байланысты біздің тарихымыздың тереңдігін жоққа шығарғандар болды. Алайда бүгін әлемдік ғылыми қауымдастық біздің тамырымыздың ежелгі дәуірін және тарихи сабақтастықты мойындайды. "Ұлы Дала Академиясы" да уақыт өте келе әлемге ұлы даланың бай мұрасын ұсынатын танымал халықаралық орталыққа айналатынына сенімдімін", – деп атап өтті антрополог, тарих ғылымдарының докторы, профессор, Қазақстан Республикасы Ұлттық ғылым академиясы академигі Оразақ Смағұлұлы. Бағдарламаның жеке бөлімі ретінде тарихшы, профессор Жұмажан Байжуминнің тарихи жады мен ұлттық мұра мәселелеріне арналған «Түркілер: шығу тегі және тарихи миссиясы» атты жаңа жинағының таныстырылымы өтті. Ғалым өзінің бес томдық еңбегін AlmaU-ға сыйға тартып, студенттер мен зерттеушілердің іргелі ғылыми материалдарға ашық қолжетімділігінің маңызын атап өтті. Орталық жұмысының негізгі бағыттарының бірі – көшпелі өркениеттің тарихи тәжірибесін көшбасшылық, басқару және қоғамдық даму мәселелерімен ұштастыратын жаңа гуманитарлық парадигма – «Дала ойлау философиясын» дамыту болмақ. Нұржан Құлымжанов «Дала ойлауы» тұжырымдамасын таныстырып, онда көшпелі өркениеттің дүниетанымдық дәстүрлері мен олардың қазіргі дәуірдегі өзектілігі қарастырылғанын атап өтті. “Далалық ойлау концепциясының методологиясын шығару үшін далалық ойланудың өзінің категориялық тезаурасын белгілеу керек. Далалық ойлаудың категориялық тезаурасы  түркі-қазақ дүниетанымындағы ауқыт, кеңістік, жол, дер, қоныс, құт, кие, аманат сияқты негізгі үғымдардың өзара баланысын ашатын мәдени-философиялық жүйе”, – деді «Ұлы Дала Академиясы» орталығының директоры, философия докторы (PhD) Нұржан Құлымжанов. Панельдік пікірталас барысында бірегейлік, тарихи жады, мәдени мұра және гуманитарлық ғылымды дамыту перспективалары мәселелері талқыланды. Панельдік сессияға Қалнұр Ормушев, "Қырғыз-өзбек гуманитарлық және экономикалық ынтымақтастық қоғамы" қоғамдық бірлестігінің директоры; Айгүл Сәдуақасова, Қақазстан Республикасы Ғылым және білім министрлігінің Ғылым комитетінің “Философия, саясаттану және дінтану институтының” бас директоры; Жұмажан Байжумин, тарихшы, Қазақ спорт және туризм академиясының профессоры; Дидар Қосылбеков, жазушы, сценарист, журналист, қоғам қайраткері; Шолпан Ибжарова, философия ғылымдарының кандидаты, Social Sciences and transformative humanities school, AlmaU қауымдастырылған профессоры қатысты.  “Далалық ойлау - дайын жабық теория емес, үлкен ғылыми болашағы бар ашық концепт. Менің ойымша, "Ұлы Дала Академиясы" және біздің университетте жүзеге асырылып жатқан "Толық адам" бағдарламасы ауқымды зияткерлік идеяға бірігіп, заманауи білім беру моделіне айналуы мүмкін ”, - Шолпан Ибжарова. Ашық пікірталас барысында қатысушылар жаңа орталықтың қызметіне жан-жақты қолдау көрсетуге, ғылыми зерттеулерге, бірлескен жобаларға жәрдемдесуге және гуманитарлық білімді ілгерілетуге дайын екендіктерін білдірді. Мұндай алаңды құру әртүрлі бағыттар мен ұрпақтардың зерттеушілерін біріктіру үшін кең мүмкіндіктер ашатыны атап өтілді.  Талқылауда семиотика, көне түркі жазуы және руникалық мұра мәселелеріне ерекше назар аударылды. Қатысушылар руникалық мәтіндерде ата-бабалардың дүниетанымы, тілі, тарихы мен құндылықтары туралы білімнің едәуір қабаты бар екенін және оларды зерттеу білім беру мен ғылыми мазмұнның маңызды көзі бола алатындығын атап өтті. Бұл ескерткіштерде қазіргі білім беру бағдарламасының іргелі элементтерімен салыстырылатын негізгі білім көрсетілгені атап өтілді. Кездесу қорытындысы бойынша қатысушылар Ұлы Даланың өркениеттік мұрасын жүйелі зерделеудің маңызын, сондай-ақ гуманитарлық зерттеулерді заманауи білім беру және халықаралық үдерістермен ықпалдастыру қажеттігін атап өтті. «Ұлы Дала Академиясы» орталығының ашылуы академиялық қауымдастық үшін маңызды оқиғаға айналып, XXI ғасырдың жаһандық сын-қатерлері жағдайында Ұлы Даланың тарихи-мәдени мұрасын зерттеуді дамытудағы маңызды қадам болды.

Елорданың «Алатау» спорт сарайында Қорғаныс министрінің орынбасарларымен, Қорғаныс министрлігі, Бас штаб және Қарулы күштердің құрылымдық бөлімшелері басшыларымен дене дайындығы бойынша бақылау сабақтары өтті. Жоғары офицерлік құрамның өкілдері – 12 генерал бақылау нормативтерін тапсырды.Бақылау сынағы жеке жауапкершіліктің айқын үлгісі болып, бүкіл жеке құрамға талапты күшейтті. Олар дене дайындығы бойынша сынақтар тапсырып, № 3 жаттығуды (белтемірге тартылу) және № 37 жаттығуды (1 шақырым жүгіру) орындады.– Дене дайындығы – әскери қызметтің ажырамас бөлігі. Командирлер әрдайым жеке құрамға үлгі болуы тиіс. Сондықтан талап қоюмен қатар, өздері де сол талаптарға сай болуы қажет. Әскер – бұл тек техника ғана емес, ең алдымен рухы мықты, физикалық тұрғыдан дайын, білімді әрі тәртіпті жауынгер, – деді Қорғаныс министрінің бірінші орынбасары – Қарулы күштер Бас штабының бастығы генерал-лейтенант Қаныш Әбубәкіров.Қысқы оқу кезеңінің қорытындысы бойынша бақылау сынағын Спорт комитетінің офицерлері қабылдады. Нормативтерді орындаумен қатар, жаттығуларды орындау техникасы, төзімділігі және жалпы дене дайындығының деңгейі ерекше назарға алынды. Спорттық іс-шараның басында медициналық қажетті құрал-жабдықтармен және санитарлық көлікпен қамтамасыз етілген дәрігерлік-фельдшерлік бригада тұрды.Жалпы министрліктің басшылық құрамы жақсы физикалық дайындық деңгейін және белгіленген нормативтерді толық көлемде орындауға дайын екенін көрсетті. Үздік нәтиже көрсеткен офицерлер келесі жиында марапатталатын болады. Ал алынған көрсеткіштер алдағы дене дайындығын жоспарлау кезінде ескерілетін болады.Бақылау сабақтарына ведомство басшылығының қатысуы Қарулы күштерде дене дайындығына қойылатын талаптардың баршаға бірдей екенін және ол жауынгерлік даярлықтың ажырамас бөлігі болып қала беретінін көрсетті.Ақпарат көзі : https://www.gov.kz/memleket/entities/mod/press/news/details/1208143?lang=kk

Астана, 2026 жылғы 24 сәуір – Қазақстан Республикасының Сыртқы істер министрі Ермек Көшербаев Палестина Мемлекетінің Елшісі, дипломатиялық корпустың дуайені Монтасер Абу Зейдті қабылдады.Жылы әрі сындарлы жағдайда өткен кездесу барысында тараптар Қазақстан мен Палестина арасындағы ынтымақтастықтың қазіргі жай-күйі мен даму перспективаларын талқылап, екіжақты қатынастардың тұрақты даму серпінін және оларды одан әрі ілгерілетуге өзара мүдделілікті атап өтті. Саяси, гуманитарлық және өзге де өзара қызығушылық тудыратын салалардағы өзара іс-қимылды кеңейту мәселелеріне ерекше назар аударылды.Сұхбаттастар өңірлік және халықаралық күн тәртібіндегі негізгі мәселелер бойынша мазмұнды пікір алмасып, тұрақтылық пен қауіпсіздікті нығайту үшін күш-жігерді біріктірудің маңыздылығын атап өтті.Кездесу қорытындысы бойынша тараптар серіктестікті тереңдетуге және бірлескен бастамаларды тиімді ілгерілетуге бағытталған тұрақты әрі сенімді диалогты қолдауға бейілділігін растады.  Ақпарат көзі : https://www.gov.kz/memleket/entities/mfa/press/news/details/1208099?lang=kk

26 сәуір күні Чернобыль атом электр станциясындағы апатқа 40 жыл толады. Осы айтулы дата қарсаңында Самар ауданында Чернобыль апатының салдарын жоюға қатысқан ардагерлер мен қаза тапқандарды еске алуға арналған салтанатты іс-шара өтті.ЧАЭС ескерткіш белгісі орналасқан ардагерлер саябағында гүл қою рәсімі ұйымдастырылды. Іс-шараға Самар ауданының басшылығы, Чернобыль апатының салдарын жоюға қатысқан ардагерлер, ақсақалдар, оқушылар, сондай-ақ өмірден өткен ардагер-ликвидаторлардың жақын туыстары қатысты.Іс-шара апат кезінде қаза тапқандар мен кейінгі жылдары өмірден өткен апатының салдарын жоюға қатысушыларды еске алуға арналған бір минут үнсіздікпен басталды.Бүгінде Самар ауданында Чернобыль апатының салдарын жоюға қатысып, ерлік көрсеткен 8 ардагер өмір сүруде. Олардың әрқайсысы қоғамның ерекше құрметі мен алғысына лайық азаматтар.- Сіздер тек кәсіби міндетті атқарған жоқсыздар — бұл өмірді құтқаруға, болашақ ұрпақты қорғауға бағытталған миссия болды. Соның арқасында одан да ауыр зардаптардың алдын алуға мүмкіндік туды. Сіздердің ерліктеріңіз адамзатқа адал қызмет етудің жоғары үлгісі ретінде тарихта мәңгі сақталады, - деді аудан әкімінің орынбасары Жаслан Майкенев. Сонымен қатар ол ардагерлерге мерейтойлық медальдарды табыстап, оларға зор денсаулық, бақыт, амандық және ұзақ ғұмыр тіледі.Ақпарат көзі : https://www.gov.kz/memleket/entities/vko-samar/press/news/details/1208053?lang=kk

ШҚО ББ «ÖRKEN» Шығыс Қазақстан өңірлік білім беруді ақпараттандыру және дамыту ғылыми-әдістемелік орталығы» КММ-нің 2026 жылға арналған жұмыс жоспарына сәйкес, ағымдағы жылдың 24 сәуірінде мектепке дейінгі ұйымдардың педагогтеріне арналған «Мектеп жасына дейінгі тәрбие мен білім беруде инновациялық STEAM технологиясын қолдану жолдары» тақырыбында облыстық семинар-практикум өткізілді.Іс-шараның мақсаты – педагогтерге мектепке дейінгі тәрбие мен оқыту үдерісінде инновациялық STEAM технологияларын тиімді қолдану жолдарын таныстыра отыра, кәсіби құзыреттілігін арттыру және балалардың зерттеушілік, шығармашылық, логикалық ойлау дағдыларын дамытуға бағытталған тәжірибелерді тарату.Семинар-практикум барысында Өскемен қаласы ЖШС «Шығыс Балдырған» балабақшасының тәжірибелі педагогтері өздерінің озат тәжірибелерімен бөлісіп,  білім беру үрдісіндегі өзекті мәселелер мен заманауи тәсілдерді талқылады. Сонымен қатар, облыстың жекеменшік балабақшаларының педагогтері бір-бірімен пікір алмасып, балабақша жұмысын жетілдіру бағытында тиімді идеялар ұсынып, ата-аналармен бірлескен үздік тәжірибелерін насихаттады.Сондай-ақ, ЖШС «Шығыс Балдырған» балабақшасының 10 жылдық мерейтойына арналған «Тамыры терең, тарихы мәнді балабақшам» атты музыкалық қойылым көрсетіліп, «Ата өнері – балаға мұра» тақырыбында қазақ халқының ұлттық ежелгі мамандықтар көрмесі тамашаланды.Іс-шараның нәтижесінде қатысушылар педагогикалық қауымдастық арасындағы ынтымақтастықтың маңыздылығын атап өтіп, кәсіби тәжірибе мен білім алмасу арқылы байланыстарды нығайтуға мүмкіндік алды. Семинар-практикумға 70 педагог қатысты.Ақпарат көзі : https://www.gov.kz/memleket/entities/vko-bilim/press/news/details/1208056?lang=kk

Қазақстанда жасанды интеллектті пайдалана отырып түсірілген фильмдерге арналған алғашқы халықаралық Astana AI Film Festival (AAIFF 2026) кинофестивалі өтеді. Елордада өткен баспасөз конференциясында жобаның тұжырымдамасы мен өтінім қабылдау тәртібі таныстырылды.         Ұйымдастырушылардың айтуынша, фестивальдің негізгі оқиғасы жасанды интеллектпен әзірленген қысқаметражды фильмдердің халықаралық байқауы болмақ. Оған әлем елдерінің креаторлары тәжірибесіне де, кәсіби студиясының бар-жоғына да қарамастан қатыса алады.         «Astana AI Film Festival креативті индустриядағы жыл сайынғы маңызды оқиғаға әрі жаңа форматтар мен жаңа есімдерге арналған тұрақты халықаралық алаңға айналады деп күтілуде. Бұл ретте қатысу барлық ниет білдірушілер үшін ашық: өтінімдер командалардан да, жеке креаторлардан да қабылданады», - деді фестиваль ұйымдастырушыларының бірі, Ozen компаниясының негізін қалаушы Айзатулла Хуссейн.         Өтінім қабылдау 2026 жылдың мамыр айында басталады. Туындыны фестивальдің ресми сайты арқылы жолдауға болады.         «Байқау шарттарына сәйкес, қатысушылар ұзақтығы 10 минутқа дейінгі қысқаметражды AI-фильм әзірлеп, оны жобаның сипаттамасымен бірге фестивальдің лендинг-платформасына жүктеуі тиіс. Өтінімдер мамыр айынан тамыз айының соңына дейін қабылданады», - деп атап өтті фестиваль ұйымдастырушысы, Brave Talents компаниясының жетекшісі Алмас Жали.         Еске сала кетейік, Astana AI Film Festival 2026 жылдың күзінде өтеді. Фестиваль киноиндустрия мен AI-технологиялардың тоғысындағы жобаларға арналған алаңға айналып, авторлардың, digital-креаторлардың, технологиялық компания өкілдерінің, сарапшылар мен инвесторлардың басын қосады.         Өз сегментіндегі ең ірі фестивальдердің біріне айналуды көздейтін жобаның жалпы жүлде қоры 1 миллион АҚШ долларын құрайды. Жоба демеушілік және серіктестік қаражат есебінен жүзеге асырылмақ.         Фестиваль аясында көрсетілімдер, AI-контентке арналған конференция, сондай-ақ авторлар мен продюсерлерге арналған питч-сессиялар өткізу жоспарланған.Ақпарат көзі : https://www.gov.kz/memleket/entities/mfa-nairobi/press/news/details/1226227?lang=ru

2026 жылғы 2 мамырда Жетісу облысында көктемнің ең әсерлі табиғи оқиғаларының бірі – «Сиверс алма ағашының гүлденуі» фестивалі өтеді. Бұл – сирек кездесетін ерекше табиғи құбылысқа арналған маңызды шара.Іс-шара «Жоңғар-Алатау» мемлекеттік ұлттық табиғи паркінің аумағында, Сарқан ауданы Тополевка ауылының көркем маңында ұйымдастырылады. Бұл орын кездейсоқ таңдалған жоқ: дәл осы жерде жер шарындағы Сиверс жабайы алмасының ең ірі тоғайлары орналасқан. Ол – жер бетіндегі барлық мәдени алма сорттарының арғы тегі. Ғалымдардың бағалауынша, осы бірегей алманың әлемдік табиғи қорының шамамен 48%-ы Жетісу өңірінде шоғырланған.Жылына бір-ақ рет, көктемнің бірнеше аптасы ішінде тау беткейлері нәзік ақ және қызғылт гүлге оранып, алқаптарды нағыз көркем табиғи көрініске айналдырады. Осы кезеңде мыңдаған туристер, фотографтар мен саяхатшылар өңірге келіп, сирек табиғи құбылысты тамашалап, оның тарихымен танысып, фестиваль атмосферасын сезінеді.Фестиваль туризм саласының өкілдерін, экологтарды, ғалымдарды, БАҚ өкілдерін, тревел-блогерлерді, қолөнершілерді, мәдениет қайраткерлерін, сондай-ақ студенттер мен табиғат сүйер қауымды біріктіреді. Бұл шара экотуризмді дамытуға, табиғи мұраны сақтауға және өңірді халықаралық деңгейде танытуға арналған алаң болмақ.Іс-шара Қазақстанның республикалық іс-шаралар күнтізбесіне енгізілген, бұл оның маңыздылығы мен туристік тартымдылығын айқындайды.Биылғы фестиваль қонақтары үшін ерекше атмосфера ұсынылады. Хедлайнерлер – Bayansulu және Қуандық Рахым сахнаға шығып, гүлдеген таулар аясында жарқын концерттік бағдарлама ұсынады.Фестиваль бағдарламасы:Сиверс алмасының гүлдеген бау-бақшаларының панорамалық көріністері;Plein air форматындағы суретшілер байқауы;Мәдени іс-шаралар;Ұлттық спорт ойындары;Қолөнер көрмелері және шеберлік сабақтары;Концерттік және ойын-сауық бағдарламалар.«Сиверс алмасының гүлденуі» фестивалі – Қазақстанның ең әсем табиғи құбылыстарының бірін тамашалап, таулар мен таза ауа аясында өткізуге, ұлттық мәдениетпен жақынырақ танысуға және ұмытылмас әсер алуға мүмкіндік береді.Жетісу сіздерді табиғаттың аңызына шақырады!Ақпарат көзі : https://www.gov.kz/memleket/entities/mfa-addis-ababa/press/news/details/1210356?lang=kk

Прокуратура қызметінің басым бағыттарының бірі «Заң мен Тәртіп» қағидатын нығайту және жастар арасындағы құқық бұзушылықтың алдын алу болып табылады.​Осы мақсатта, Шымкент қаласы Тұран ауданының прокуратурасы бірінші сатылы сотта мемлекеттік айыпты қолдау аясында есірткі заттарын өткізу мақсатынсыз заңсыз сақтаумен айналысқаны үшін ҚР ҚК-нің 296-бабының 2-бөлігімен айыпталған тұлғаға қатысты қаралған қылмыстық іске көрме процесін өткізді.Бұл іс-шараға арнайы колледж студенттері қатыстырылып, оларға есірткімен айналысу салдары және оның жауапкершілігі түсіндірілді.Осылайша, жастардың арасында құқықтық сауаттылығын арттыруға және оларды теріс жолдан сақтау бағытында профилактикалық жұмыстар Тұран ауданы прокуратурасымен үнемі жүргізілуде.Шымкент қаласының прокуратурасы

Солтүстік Қазақстан облысы бойынша қылмыстық-атқару жүйесі мекемелерінде сотталғандарды еңбекпен қамту және әлеуметтік бейімдеу мақсатында ұлттық қолөнерді дамытуға ерекше назар аударылуда.Осы бағыттағы жарқын мысалдардың бірі – №48 мекемеде жүзеге асырылып жатқан қызмет. Мұнда сотталғандар ат әбзелдерін жасаумен айналысады. Оларды бұл кәсіпке кәсіпкер Владимир Осипов үйреткен. Ол бұл салада 12 жылдан астам уақыт еңбек етіп келеді және 2021 жылдан бастап сотталғандарды жұмысқа тартуда.Бүгінде оның өндірісінде 11 адам жұмыспен қамтылған. Барлық өндірістік процестерді толық меңгеру үшін кәсіпкер арнайы мамандарды шақырып, олар сотталғандарды тігін және материалдармен жұмыс істеу қырларына үйреткен. Орта есеппен алғанда, бұл кәсіпті толық игеру үшін шамамен үш ай уақыт қажет.Сотталғандар ат әбзелдерінің кең түрін дайындайды: ер-тоқым, жүген, ноқта, тізгін, үзеңгі, қамшы, шпорлар және басқа да жабдықтар. Сонымен қатар белдік, қарғыбау секілді қосымша бұйымдар да өндіріледі. Бұл жұмыс үлкен ұқыптылықты, мұқияттылықты және төзімділікті талап етеді. Мәселен, бір белдікті дайындауға жарты күнге жуық уақыт кетсе, бір күнде күрделілігіне қарай алтыға дейін жүген жасауға болады.Сондай-ақ бұл өндірісте еңбек етіп жүрген сотталғандардың бірінің жеке тарихы ерекше назар аударады. Ол бала кезінен халық шығармашылығына қызығып, ағаш пен сүйекке ою ойып, сурет салумен айналысқан. Өзінің айтуынша, бала кезінде қамшы өретін атасын жиі бақылағанымен, ол кезде бұл өнерді меңгере алмаған. Сотталғанға дейін әртүрлі салада — тас қалаушы, ағаш шебері және дәнекерлеуші болып жұмыс істеген. Владимир Осиповтың өндірісіне жұмысқа орналасқаннан кейін тері мен киізден бұйым тігуді үйреніп, ал 2025 жылы тәлімгердің көмегімен қамшы өруді толық меңгерген.Сотталғанның айтуынша, бұл жұмыс ол үшін тек табыс көзі немесе уақыт өткізу емес, сонымен қатар сапалы бұйымдар жасап, халыққа пайда келтіру және ұлттық дәстүрлерді сақтау мүмкіндігі болып табылады.Дайын өнімдер тек Солтүстік Қазақстан облысында ғана емес, еліміздің басқа өңірлерінде және шетелде де сұранысқа ие.Сонымен қатар өңір мекемелерінде ағаш өңдеу бағыты да белсенді дамуда. Сотталғандар ұлттық нақыштағы бұйымдар — оюланған сандықтар, астау, үстелдер және басқа да тұрмыстық заттарды жасап, оларды қазақы ою-өрнектермен безендіруде. Мұндай жұмыстар тек техникалық дағдыларды ғана емес, шыдамдылық пен ұқыптылықты талап етеді.Ұлттық қолөнерді дамыту сотталғандардың еңбек дағдыларын қалыптастыруға, тәртіп пен жауапкершілікті арттыруға ықпал етеді. Ал алған білім мен тәжірибе бостандыққа шыққаннан кейін жұмысқа орналасуға немесе жеке кәсіп ашуға негіз бола алады.Жалпы №48 мекемеде шамамен 650 сотталған жазасын өтеуде, оның 415-і жұмыспен қамтылған. Мекеме аумағында алты жеке кәсіпкер қызмет атқарып, сотталғандарды еңбекке тартып отыр. Ақпарат көзі : https://www.gov.kz/memleket/entities/duissko/press/news/details/1208019?lang=kk

Баспасөз релизі«Алдау бұлты: әмиянды босататын қойма»Бас прокуратураның Құқықтық статистика және арнайы есепке алужөніндегі комитетінің Қоғамдық қауіпсіздік пен қылмыстық қауіп-қатерлердіболжау орталығы бұлттық сервистерді пайдаланушыларға бағытталғанинтернет-алаяқтықтың жаңа схемасы туралы ескертеді.Шетелдік дереккөздердің мәліметтері бойынша(https://www.theguardian.com/money/2026/apr/12/apple-icloud-storage-scam-emails,https://lenta.ru/news/2026/04/13/apple-scam/, https://www.obozrevatel.com/ekonomikaglavnaya/economy/moshenniki-atakuyut-vladeltsev-iphone-kak-dejstvuet-novaya-shema.htm)алаяқтар iPhone пайдаланушыларына iCloud бұлттық қойманың толыпкеткені туралы жалған электрондық хаттар, SMS-хабарламалар жәнехабарландыруларды жаппай таратуда.Хабарламаларда аккаунттың бұғатталатыны және фотосуреттер,бейнелер мен құжаттардың жойылуы мүмкін екені көрсетіледі.Бұл хабарламалар бұлттық платформаларды қоса алғанда танымалсервистердің, ресми ескертулерін толықтай қайталайды, бұл олардыңшынайы екеніне сенім тудырып, пайдаланушыны әрекет жасауғаитермелейді.Шұғылдық әсерін күшейту үшін пайдаланушыларға сілтеме арқылыөтіп, сақтау көлемін ұлғайту, төлем деректерін жаңарту немесеқолжетімділікті қалпына келтіру ұсынылады.Сілтемені басқан кезде ықтимал құрбандар түпнұсқа сервистердікөшіретін фишингтік сайтқа түседі, онда енгізілген логиндер, құпиясөздержәне банк деректері киберқылмыскерлердің қолына түседі.Осындай жолмен түрлі бұлтты сақтау сервистері (Google Drive, Mail.ruбұлты, Яндекс Диск және т.б.) туралы хабарламалар жіберілуі мүмкін.Қауіп-қатердің осы түрі тарала бастағанын ескере отырып, ескереотырып, мыналар ұсынылады:- SMS, электрондық пошта және мессенджерлердегі «шұғыл»хабарламалардағы сілтемелерге өтпеу;- бұлттық қойманың жағдайын тек ресми қосымшалар немесе сайттарарқылы тексеру;- бөгде парақшаларда логиндер, құпиясөздер және банк деректеріненгізбеу;- барлық бұлттық және пошталық аккаунттарда екі факторлыаутентификацияны қосу;- әртүрлі сервистер үшін бірегей және күрделі парольдерді пайдалану;- бұзып кіру күдігі болған жағдайда дереу құпия сөзді ауыстырып,барлық белсенді сессияларды аяқтау қажет.Сақ болыңыз: деректердің жойылуы немесе аккаунттыңбұғатталуы туралы кез келген хабарламаны тек ресми сервистерарқылы тексеріңіз.Ақпарат көзі : https://www.gov.kz/memleket/entities/kostanai-kamysty-klochkov/press/news/details/1208035?lang=kk